📅 2018-yil 25-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 сентября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 September 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Фуқароларнинг давлат пенсия таъминоти тизими янада такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Ўзбекистон Республикаси Президентининг «Меҳнат фаолиятини амалга оширувчи айрим алоҳида тоифадаги пенсионерларга мақбул шароитлар яратиш бўйича қўшимча чора-тадбирлар тўғрисида» 2017 йил 28 декабрдаги ПФ-5291-сон Фармонини бажариш юзасидан, шунингдек, фуқароларнинг давлат пенсия таъминоти тизимини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Вазирликлар ва идоралар ўзлари қабул қилган норматив-ҳуқуқий ҳужжатларини бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров зиммасига юклансин.
Вазирлар Маҳкамасининг 2018 йил 25 сентябрдаги 766-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2006 йил 30 октябрдаги 223-сон қарори (Ўзбекистон Республикаси ҚТ, 2006 й., 10-сон, 79-модда) билан тасдиқланган Автомобиль бензини сотиб олиш харажатларининг бир қисми учун шахсларнинг айрим тоифаларига ойлик пул компенсацияси тўлаш тартиби тўғрисидаги Низомда :
18-банддаги «10-кундан» сўзи «3-кундан» сўзи билан алмаштирилсин;
19-банддаги «Ўзнефтмаҳсулот» акциядорлик компаниясининг унитар корхоналари (нефть базалари) ҳар ойда 27-кундан» сўзлари «Ўзнефтмаҳсулот» акциядорлик жамиятининг «Нефтбаза» МЧЖлари ҳар ойда 10-кундан» сўзлари билан алмаштирилсин.
2. Вазирлар Маҳкамасининг 2010 йил 19 февралдаги 30-сон қарори (Ўзбекистон Республикаси ҚТ, 2010 й., 2-сон, 11-модда) билан тасдиқланган Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси тўғрисидаги Низомда :
13-банд қуйидаги таҳрирда баён қилинсин:
«13. Ўзбекистон Республикаси Давлат солиқ қўмитаси Жамғарма билан ахборот алмашинувини, шу жумладан ахборот-коммуникация технологияларидан фойдаланган ҳолда электрон ҳамкорликни амалга оширади ва Жамғарманинг ижро этувчи аппаратига:
Жамғармага ҳар ойда ҳисобот ойидан кейинги ойнинг 10-кунигача вазирликлар, идоралар ва ҳудудлар кесимидаги мажбурий тўловлар, бадаллар ва бошқа тўловлар турлари бўйича (боқиманда) қарздорлик тўғрисидаги тезкор ҳисоботни;
юридик шахслар томонидан чораклик ва йиллик ҳисобот тақдим этилгандан кейин 25 кун мобайнида мажбурий тўловлар, бадаллар ва бошқа тўловларни ҳисоблаш тўғрисидаги ҳисоботни вазирликлар, идоралар ва ҳудудлар бўйича тақдим этади.».
Ўзбекистон Республикасининг Бош вазири А. АРИПОВ
Тошкент ш.,
2018 йил 25 сентябрь,
766-сон
Oʻzbekiston Respublikasi Vazirlar Mahkamasining
qarori
Fuqarolarning davlat pensiya taʼminoti tizimi yanada takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining “Mehnat faoliyatini amalga oshiruvchi ayrim alohida toifadagi pensionerlarga maqbul sharoitlar yaratish boʻyicha qoʻshimcha chora-tadbirlar toʻgʻrisida” 2017-yil 28-dekabrdagi PF-5291-son Farmonini bajarish yuzasidan, shuningdek, fuqarolarning davlat pensiya taʼminoti tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirliklar va idoralar oʻzlari qabul qilgan normativ-huquqiy hujjatlarini bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.
Vazirlar Mahkamasining 2018-yil 25-sentabrdagi 766-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2006-yil 30-oktabrdagi 223-son qarori (Oʻzbekiston Respublikasi QT, 2006-y., 10-son, 79-modda) bilan tasdiqlangan Avtomobil benzini sotib olish xarajatlarining bir qismi uchun shaxslarning ayrim toifalariga oylik pul kompensatsiyasi toʻlash tartibi toʻgʻrisidagi Nizomda :
18-banddagi “10-kundan” soʻzi “3-kundan” soʻzi bilan almashtirilsin;
19-banddagi “Oʻzneftmahsulot” aksiyadorlik kompaniyasining unitar korxonalari (neft bazalari) har oyda 27-kundan” soʻzlari “Oʻzneftmahsulot” aksiyadorlik jamiyatining “Neftbaza” MChJlari har oyda 10-kundan” soʻzlari bilan almashtirilsin.
2. Vazirlar Mahkamasining 2010-yil 19-fevraldagi 30-son qarori (Oʻzbekiston Respublikasi QT, 2010-y., 2-son, 11-modda) bilan tasdiqlangan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi toʻgʻrisidagi Nizomda :
13-band quyidagi tahrirda bayon qilinsin:
“13. Oʻzbekiston Respublikasi Davlat soliq qoʻmitasi Jamgʻarma bilan axborot almashinuvini, shu jumladan axborot-kommunikatsiya texnologiyalaridan foydalangan holda elektron hamkorlikni amalga oshiradi va Jamgʻarmaning ijro etuvchi apparatiga:
Jamgʻarmaga har oyda hisobot oyidan keyingi oyning 10-kunigacha vazirliklar, idoralar va hududlar kesimidagi majburiy toʻlovlar, badallar va boshqa toʻlovlar turlari boʻyicha (boqimanda) qarzdorlik toʻgʻrisidagi tezkor hisobotni;
yuridik shaxslar tomonidan choraklik va yillik hisobot taqdim etilgandan keyin 25 kun mobaynida majburiy toʻlovlar, badallar va boshqa toʻlovlarni hisoblash toʻgʻrisidagi hisobotni vazirliklar, idoralar va hududlar boʻyicha taqdim etadi.”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-sentabr,
766-son
Кабинета Министров Республики Узбекистан
Постановление
О внесении изменений и дополнений в некоторые решения Правительства Республики Узбекистан в связи с дальнейшим совершенствованием системы государственного пенсионного обеспечения граждан
Во исполнение Указа Президента Республики Узбекистан от 28 декабря 2017 года № УП-5291 «О дополнительных мерах по созданию благоприятных условий отдельным категориям пенсионеров, осуществляющих трудовую деятельность», а также в целях дальнейшего совершенствования системы государственного пенсионного обеспечения граждан, Кабинет Министров постановляет:
1. Внести изменения и дополнения в некоторые решения Правительства Республики Узбекистан, согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра — министра финансов Республики Узбекистан Кучкарова Д. А.
ПРИЛОЖЕНИЕ к постановлению Кабинета Министров от 25 сентября 2018 года № 766
Изменения и дополнения, вносимые в некоторые решения Правительства Республики Узбекистан
1. В Положении о порядке выплаты отдельным категориям лиц ежемесячной денежной компенсации части расходов на приобретение автобензина, утвержденном постановлением Кабинета Министров от 30 октября 2006 года № 223 (СП Республики Узбекистан, 2006 г., № 10, ст. 79):
в пункте 18 слова «10-го числа» заменить словами «3-го числа»;
в пункте 19 слова «Унитарные предприятия (нефтебазы) АК «Узнефтепродукт» ежемесячно, не позднее 27-го» заменить словами «ООО «Нефтебазы» АО «Узнефтепродукт» ежемесячно, не позднее 10-го».
2. В Положении о внебюджетном Пенсионном фонде при Министерстве финансов Республики Узбекистан, утвержденном постановлением Кабинета Министров от 19 февраля 2010 года № 30 (СП Республики Узбекистан, 2010 г., № 2, ст. 11):
пункт 13 изложить в следующей редакции:
«13. Государственный налоговый комитет Республики Узбекистан осуществляет взаимодействие с Фондом по обмену информацией, в том числе с использованием информационно-коммуникационных технологий и представляет в исполнительный аппарат Фонда:
ежемесячно до 10 числа, следующего за отчетным месяцем — оперативную отчетность о задолженности (недоимке) по видам обязательных платежей, взносов и других платежей в Фонд в разрезе министерств, ведомств и регионов;
в течение 25 дней после представления квартальной и годовой отчетности юридических лиц — отчет о начислении обязательных платежей, взносов и других платежей в разрезе министерств, ведомств и регионов».
Премьер-министр Республики Узбекистан А. АРИПОВ
г. Ташкент,
25 сентября 2018 г.,
№ 766