📅 2018-yil 26-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 сентября 2018 г. · Постановления Президента
Официальный текст. Официальный документ. Редакционные примечания не включены.
📅 26 September 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
«Riga Nordic University»нинг Фарғона шаҳридаги филиалини ташкил этиш тўғрисида
Республика туризм тармоғи учун юқори малакали кадрлар тайёрлашни янада ривожлантириш ва такомиллаштириш, олий таълим соҳасида халқаро ҳамкорликни кенгайтириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегиясига мувофиқ:
1. Фарғона вилояти ҳокимлиги, Ўзбекистон Республикаси Туризмни ривожлантириш давлат қўмитаси, Ўзбекистон Республикаси Олий ва ўрта махсус таълим вазирлиги, «Riga Nordic University»нинг Фарғона шаҳрида «Riga Nordic University»нинг филиалини (кейинги ўринларда — Филиал деб юритилади) ташкил этиш тўғрисидаги таклифига розилик берилсин.
2. Қуйидагилар Филиал фаолиятининг асосий йўналишлари этиб белгилансин:
республиканинг туризм тармоғини ривожлантириш бўйича муҳим вазифаларни ҳал этишга қодир бўлган юқори малакали кадрларни халқаро таълим стандартлари даражасида тайёрлаш;
туризм ва меҳмонхона хўжалиги соҳаларида амалий ва инновацион тадқиқотлар олиб бориш;
мутахассислар ҳамда илмий кадрлар тайёрлаш тизимини таълим ва илм-фаннинг узвийлиги ҳамда узлуксизлиги, шунингдек, жаҳон таълим ва илм ҳамжамиятига мажбурий интеграция ҳисобига ривожлантириш;
кадрлар тайёрлаш тизимини такомиллаштириш ва модернизация қилишга йўналтирилган янги таълим дастурлари ҳамда ўқитиш шаклларини ишлаб чиқиш ва жорий этиш;
педагогик салоҳиятни ривожлантиришни қўллаб-қувватлаш, педагогик технологияларни ва ўқитиш услубларини фаол такомиллаштириш;
таълим ва илм-фан соҳаларида хорижий мамлакатларнинг етакчи таълим муассасалари, илмий-тадқиқот марказлари ҳамда бизнес-ҳамжамиятлари билан узоқ муддатли алоқаларни ривожлантириш ва мустаҳкамлаш.
3. Белгилансинки:
Филиал алоҳида мулк ва мустақил балансига эга бўлган юридик шахс мақомидаги нотижорат ташкилот шаклида ташкил этилиб, тасарруфидаги пул маблағлари ва мулклари бўйича ўзининг мажбуриятлари юзасидан жавобгар ҳисобланади;
Филиал «Riga Nordic University»нинг (кейинги ўринларда — Университет) алоҳида таркибий бўлинмаси ҳамда кадрларга бўлган эҳтиёжни инобатга олган ҳолда, таълимнинг келишилган асосий йўналиш (мутахассислик)лари бўйича барча даражадаги мутахассисларни тайёрлаш, қайта тайёрлаш ва уларнинг малакасини оширишни, жумладан илмий-педагогик кадрлар тайёрлашни амалга оширадиган олий таълим муассасаси ҳисобланади;
Филиалда ўқитиш тўлов-контракт асосида Ўзбекистон Республикаси давлат таълим стандартлари талабларини эътиборга олган ҳолда Университет томонидан тасдиқланган ўқув режалар ва дастурлар бўйича кўпроқ инглиз тилида кундузги шаклда амалга оширилади;
абитуриентларни қабул қилиш ва Филиал битирувчиларининг аттестацияси Университет томонидан Ўзбекистон Республикаси Олий таълим, фан ва инновациялар вазирлиги билан келишилган ҳолда белгиланадиган талаблар, тартиб ва муддатларга мувофиқ амалга оширилади;
Филиал битирувчиларига Ўзбекистон Республикасида олий таълим тўғрисидаги ҳужжат сифатида тан олинадиган Университетнинг белгиланган намунадаги дипломи берилади;
Филиал фаолияти Ўзбекистон Республикаси ва Латвия Республикасининг қонунчилиги асосида амалга оширилади.
4. «Riga Nordic University»нинг Фарғона шаҳридаги филиалида мутахассисларни ўқитиш ва тайёрлашнинг асосий йўналиш (мутахассислик)лари 1-иловага мувофиқ маъқуллансин.
5. Университет:
ўқув жараёнига илғор педагогик ҳамда ахборот технологияларини, фан ва техниканинг энг янги ютуқларини жорий этишга;
мутахассисларнинг малакасини оширишга ва Филиалнинг профессор-ўқитувчилари таркибини қайта тайёрлашга;
Филиалнинг кутубхона фондини замонавий ўқув, ўқув-методик ҳамда илмий-техник адабиётлар билан шакллантириш ва тўлдиришга кўмаклашиши маълумот учун қабул қилинсин.
6. 2018/2020 ўқув йилида Филиални Фарғона давлат университети биносига вақтинча жойлаштириш белгилансин.
Фарғона вилоят ҳокимлиги икки ҳафта муддатда Филиалга таълим жараёнини ташкил этиш стандартлари ва нормаларига жавоб берадиган бино, шунингдек, Филиал талабалари ва ўқитувчилари яшаши учун ётоқхонани беғараз фойдаланиш ҳуқуқи билан ажратсин.
7. Ўзбекистон Республикаси Олий ва ўрта махсус таълим вазирлиги ва Фарғона вилояти ҳокимлиги:
Филиал таъсис ҳужжатларининг ишлаб чиқилиши ҳамда ўрнатилган тартибда давлат рўйхатидан ўтказилишида ёрдам кўрсатсин;
Ўзбекистон олий таълим ва илмий муассасаларининг юқори малакали ўқитувчилари ва мутахассисларини кейинчалик Филиалга ишга жалб қилиш учун саралаш танловидан ўтказсин ҳамда стажировкасини ташкил этсин.
8. «Riga Nordic University»нинг Фарғона шаҳридаги филиали Васийлик кенгашининг (кейинги ўринларда — Васийлик кенгаши) шахсий таркиби 2-иловага мувофиқ маъқуллансин.
9. Белгилансинки:
а) Филиалнинг қабул параметрлари Университет, Иқтисодиёт ва молия вазирлиги билан келишган ҳолда Филиал Васийлик кенгаши қарори билан тасдиқланади;
б) Филиалнинг фаолиятини молиялаштириш:
Университетнинг ўз маблағлари;
талабаларни тўлов-контракт асосида ўқитишдан тушадиган маблағлар;
юридик ва жисмоний шахсларнинг ҳомийлик хайриялари ҳамда мақсадли бадалларидан Васийлик кенгаши қарорлари асосида шакллантириладиган пул маблағлари;
халқаро молия институтлари грантлари;
қонун ҳужжатларида тақиқланмаган бошқа манбалар ҳисобидан амалга оширилади;
в) Филиални ташкил қилиш, унинг моддий-техник ва ўқув базасини шакллантириш бўйича ташкилий тадбирларни, шу жумладан таъмирлаш-тиклаш ишларини олиб бориш, бино ва иншоотларни зарур мебель, анжомлар, замонавий ўқув ҳамда лаборатория ускуналари билан жиҳозлаш, компьютер ва бошқа оргтехника, кутубхона фонди билан таъминлаш, шунингдек, Филиалдаги маҳаллий педагог кадрларнинг стажировкаси ва малакасини ошириш харажатларини молиялаштириш Университет маблағлари ҳисобидан амалга оширилади;
г) Университетдан Филиалга жалб қилинадиган профессор-ўқитувчиларнинг хизмат сафари харажатларини тўлаш:
7 кунгача бўлган қисқа муддатли хизмат сафарлари бўйича — Латвиянинг қонун ҳужжатлари билан олий таълим муассасалари ходимлари учун белгиланган нормаларга мувофиқ;
узоқ муддатли хизмат сафарлари бўйича — ўқув жараёни эҳтиёжларидан келиб чиққан ҳолда, тузилган шартномаларга мувофиқ амалга оширилади.
10. Филиалга ўқитувчилик ва илмий ишлар учун таклиф қилинадиган хорижий педагог кадрларнинг яшаш ҳамда транспорт харажатларини тузиладиган шартномалар асосида Ўзбекистон Республикаси фуқаролари учун белгиланган тарифлар бўйича тўлашга рухсат этилсин.
11. Университетга Филиалнинг бино ва иншоотларини таъмирлаш ва реконструкция қилинишини, шунингдек, Филиал талабалари ва ўқитувчилари яшаши учун ётоқхона тайёрланишини 2020/2021 ўқув йили бошланишига қадар таъминлаш тавсия этилсин.
12. Ўзбекистон Республикаси Ташқи ишлар вазирлиги Филиал буюртманомаларига биноан мазкур қарорни амалга ошириш доирасида жалб қилинадиган хорижий педагог кадрлар, шунингдек, уларнинг оила аъзолари учун кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги Филиал буюртманомаларига биноан жалб қилинадиган хорижий профессор-ўқитувчилар ва маъмурий ходимларга ҳамда уларнинг оила аъзоларига давлат божи ундирилмасдан, кўп марталик визалар берилиши ва узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда вақтинчалик рўйхатдан ўтказиш муддати узайтирилишини белгиланган тартибда таъминласин.
14. Камбағалликни қисқартириш ва бандлик вазирлиги Филиал буюртманомаларига биноан Филиални ташкил қилишда ва унинг фаолиятида иштирок этадиган малакали хорижий педагогик кадрларни республикага жалб этиш учун белгиланган тартибда рухсатномалар берилиши (муддати узайтирилиши), шунингдек, хорижий фуқароларнинг Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномалар берилишини (муддати узайтирилишини) таъминласин.
15. Филиални жиҳозлаш ва унинг фаолиятини таъминлаш учун белгиланган тартибда шакллантириладиган рўйхат бўйича олиб кириладиган Ўзбекистон Республикасида ишлаб чиқарилмайдиган замонавий ўқув жиҳозлари, компьютер техникаси, дастурий маҳсулотлар, ўқув ва илмий-услубий адабиёт, анжомлар ва моддий-техника ресурслари, шунингдек, автотранспорт воситалари 2019 йил 1 июнга қадар муддатда божхона тўловларидан (божхона йиғимларидан ташқари) озод этилсин.
16. Таълим сифатини назорат қилиш бўйича давлат инспекцияси Олий ва ўрта махсус таълим вазирлиги ҳамда бошқа манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
17. Мазкур қарорнинг ижросини назорат қилиш Ўзбекистон Республикаси Президенти маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдухакимов зиммасига юклансин.
Ўзбекистон Республикаси Президентининг 2018 йил 26 сентябрдаги ПҚ-3952-сонли қарорига 1-ИЛОВА
«Riga Nordic University»нинг Фарғона шаҳридаги филиалида кадрлар тайёрлашнинг асосий йўналишлари (мутахассисликлари)
Бакалавриат йўналишлари:
1. Туризм (фаолият йўналишлари бўйича).
2. Меҳмонхона хўжалигини ташкил этиш ва бошқариш.
3. Маданият ва санъат муассасаларини ташкил этиш ва бошқариш.
4. Хизматлар соҳаси (фаолият турлари ва йўналишлари бўйича).
5. Кичик бизнес ва хусусий тадбиркорликни ташкил этиш (тармоқлар бўйича).
6. Информатика ва ахборот технологиялари (тармоқлар ва соҳалар бўйича).
Магистратура мутахассисликлари:
1. Тадбиркорлик фаолиятини бошқариш.
2. Ахборот тизимлари.
Ўзбекистон Республикаси Президентининг 2018 йил 26 сентябрдаги ПҚ-3952-сонли қарорига 2-ИЛОВА
«Riga Nordic University» Фарғона шаҳридаги филиалининг васийлик кенгаши
1. Х.Х. Бозаров — Фарғона вилояти ҳокими, Васийлик кенгаши раиси 2. А.Ў. Аққулов — Ўзбекистон Республикаси Туризм қўмитаси раиси, Васийлик кенгаши раиси ўринбосари 3. У.Р. Саломов — олий таълим, фан ва инновациялар вазири ўринбосари 4. Б.Ж. Аълоев — ташқи ишлар вазирининг биринчи ўринбосари 5. Х.Р. Ахмедов — Фарғона вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари 6. Р. Дякон — «Riga Nordic University» президенти 7. Ҳ.Т. Абдурахмонов — «Riga Nordic University»нинг Фарғона шаҳридаги филиали ректори 8. Лавозими бўйича — «Riga Nordic University» профессори (келишув асосида) 9. Лавозими бўйича — «Riga Nordic University» профессори (келишув асосида)
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 26 сентябрь,
ПҚ-3952-сон
Oʻzbekiston Respublikasi Prezidentining
Qarori
TARKIBI
“Riga Nordic University”ning Fargʻona shahridagi filialini tashkil etish toʻgʻrisida
Respublika turizm tarmogʻi uchun yuqori malakali kadrlar tayyorlashni yanada rivojlantirish va takomillashtirish, oliy taʼlim sohasida xalqaro hamkorlikni kengaytirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishlari boʻyicha Harakatlar strategiyasiga muvofiq:
1. Fargʻona viloyati hokimligi, Oʻzbekiston Respublikasi Turizmni rivojlantirish davlat qoʻmitasi, Oʻzbekiston Respublikasi Oliy va oʻrta maxsus taʼlim vazirligi, “Riga Nordic University”ning Fargʻona shahrida “Riga Nordic University”ning filialini (keyingi oʻrinlarda — Filial deb yuritiladi) tashkil etish toʻgʻrisidagi taklifiga rozilik berilsin.
2. Quyidagilar Filial faoliyatining asosiy yoʻnalishlari etib belgilansin:
respublikaning turizm tarmogʻini rivojlantirish boʻyicha muhim vazifalarni hal etishga qodir boʻlgan yuqori malakali kadrlarni xalqaro taʼlim standartlari darajasida tayyorlash;
turizm va mehmonxona xoʻjaligi sohalarida amaliy va innovatsion tadqiqotlar olib borish;
mutaxassislar hamda ilmiy kadrlar tayyorlash tizimini taʼlim va ilm-fanning uzviyligi hamda uzluksizligi, shuningdek, jahon taʼlim va ilm hamjamiyatiga majburiy integratsiya hisobiga rivojlantirish;
kadrlar tayyorlash tizimini takomillashtirish va modernizatsiya qilishga yoʻnaltirilgan yangi taʼlim dasturlari hamda oʻqitish shakllarini ishlab chiqish va joriy etish;
pedagogik salohiyatni rivojlantirishni qoʻllab-quvvatlash, pedagogik texnologiyalarni va oʻqitish uslublarini faol takomillashtirish;
taʼlim va ilm-fan sohalarida xorijiy mamlakatlarning yetakchi taʼlim muassasalari, ilmiy-tadqiqot markazlari hamda biznes-hamjamiyatlari bilan uzoq muddatli aloqalarni rivojlantirish va mustahkamlash.
3. Belgilansinki:
Filial alohida mulk va mustaqil balansiga ega boʻlgan yuridik shaxs maqomidagi notijorat tashkilot shaklida tashkil etilib, tasarrufidagi pul mablagʻlari va mulklari boʻyicha oʻzining majburiyatlari yuzasidan javobgar hisoblanadi;
Filial “Riga Nordic University”ning (keyingi oʻrinlarda — Universitet) alohida tarkibiy boʻlinmasi hamda kadrlarga boʻlgan ehtiyojni inobatga olgan holda, taʼlimning kelishilgan asosiy yoʻnalish (mutaxassislik)lari boʻyicha barcha darajadagi mutaxassislarni tayyorlash, qayta tayyorlash va ularning malakasini oshirishni, jumladan ilmiy-pedagogik kadrlar tayyorlashni amalga oshiradigan oliy taʼlim muassasasi hisoblanadi;
Filialda oʻqitish toʻlov-kontrakt asosida Oʻzbekiston Respublikasi davlat taʼlim standartlari talablarini eʼtiborga olgan holda Universitet tomonidan tasdiqlangan oʻquv rejalar va dasturlar boʻyicha koʻproq ingliz tilida kunduzgi shaklda amalga oshiriladi;
abituriyentlarni qabul qilish va Filial bitiruvchilarining attestatsiyasi Universitet tomonidan Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda belgilanadigan talablar, tartib va muddatlarga muvofiq amalga oshiriladi;
Filial bitiruvchilariga Oʻzbekiston Respublikasida oliy taʼlim toʻgʻrisidagi hujjat sifatida tan olinadigan Universitetning belgilangan namunadagi diplomi beriladi;
Filial faoliyati Oʻzbekiston Respublikasi va Latviya Respublikasining qonunchiligi asosida amalga oshiriladi.
4. “Riga Nordic University”ning Fargʻona shahridagi filialida mutaxassislarni oʻqitish va tayyorlashning asosiy yoʻnalish (mutaxassislik)lari 1-ilovaga muvofiq maʼqullansin.
5. Universitet:
oʻquv jarayoniga ilgʻor pedagogik hamda axborot texnologiyalarini, fan va texnikaning eng yangi yutuqlarini joriy etishga;
mutaxassislarning malakasini oshirishga va Filialning professor-oʻqituvchilari tarkibini qayta tayyorlashga;
Filialning kutubxona fondini zamonaviy oʻquv, oʻquv-metodik hamda ilmiy-texnik adabiyotlar bilan shakllantirish va toʻldirishga koʻmaklashishi maʼlumot uchun qabul qilinsin.
6. 2018/2020 oʻquv yilida Filialni Fargʻona davlat universiteti binosiga vaqtincha joylashtirish belgilansin.
Fargʻona viloyat hokimligi ikki hafta muddatda Filialga taʼlim jarayonini tashkil etish standartlari va normalariga javob beradigan bino, shuningdek, Filial talabalari va oʻqituvchilari yashashi uchun yotoqxonani begʻaraz foydalanish huquqi bilan ajratsin.
7. Oʻzbekiston Respublikasi Oliy va oʻrta maxsus taʼlim vazirligi va Fargʻona viloyati hokimligi:
Filial taʼsis hujjatlarining ishlab chiqilishi hamda oʻrnatilgan tartibda davlat roʻyxatidan oʻtkazilishida yordam koʻrsatsin;
Oʻzbekiston oliy taʼlim va ilmiy muassasalarining yuqori malakali oʻqituvchilari va mutaxassislarini keyinchalik Filialga ishga jalb qilish uchun saralash tanlovidan oʻtkazsin hamda stajirovkasini tashkil etsin.
8. “Riga Nordic University”ning Fargʻona shahridagi filiali Vasiylik kengashining (keyingi oʻrinlarda — Vasiylik kengashi) shaxsiy tarkibi 2-ilovaga muvofiq maʼqullansin.
9. Belgilansinki:
a) Filialning qabul parametrlari Universitet, Iqtisodiyot va moliya vazirligi bilan kelishgan holda Filial Vasiylik kengashi qarori bilan tasdiqlanadi;
b) Filialning faoliyatini moliyalashtirish:
Universitetning oʻz mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
yuridik va jismoniy shaxslarning homiylik xayriyalari hamda maqsadli badallaridan Vasiylik kengashi qarorlari asosida shakllantiriladigan pul mablagʻlari;
xalqaro moliya institutlari grantlari;
qonun hujjatlarida taqiqlanmagan boshqa manbalar hisobidan amalga oshiriladi;
v) Filialni tashkil qilish, uning moddiy-texnik va oʻquv bazasini shakllantirish boʻyicha tashkiliy tadbirlarni, shu jumladan taʼmirlash-tiklash ishlarini olib borish, bino va inshootlarni zarur mebel, anjomlar, zamonaviy oʻquv hamda laboratoriya uskunalari bilan jihozlash, kompyuter va boshqa orgtexnika, kutubxona fondi bilan taʼminlash, shuningdek, Filialdagi mahalliy pedagog kadrlarning stajirovkasi va malakasini oshirish xarajatlarini moliyalashtirish Universitet mablagʻlari hisobidan amalga oshiriladi;
g) Universitetdan Filialga jalb qilinadigan professor-oʻqituvchilarning xizmat safari xarajatlarini toʻlash:
7 kungacha boʻlgan qisqa muddatli xizmat safarlari boʻyicha — Latviyaning qonun hujjatlari bilan oliy taʼlim muassasalari xodimlari uchun belgilangan normalarga muvofiq;
uzoq muddatli xizmat safarlari boʻyicha — oʻquv jarayoni ehtiyojlaridan kelib chiqqan holda, tuzilgan shartnomalarga muvofiq amalga oshiriladi.
10. Filialga oʻqituvchilik va ilmiy ishlar uchun taklif qilinadigan xorijiy pedagog kadrlarning yashash hamda transport xarajatlarini tuziladigan shartnomalar asosida Oʻzbekiston Respublikasi fuqarolari uchun belgilangan tariflar boʻyicha toʻlashga ruxsat etilsin.
11. Universitetga Filialning bino va inshootlarini taʼmirlash va rekonstruksiya qilinishini, shuningdek, Filial talabalari va oʻqituvchilari yashashi uchun yotoqxona tayyorlanishini 2020/2021 oʻquv yili boshlanishiga qadar taʼminlash tavsiya etilsin.
12. Oʻzbekiston Respublikasi Tashqi ishlar vazirligi Filial buyurtmanomalariga binoan mazkur qarorni amalga oshirish doirasida jalb qilinadigan xorijiy pedagog kadrlar, shuningdek, ularning oila aʼzolari uchun kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
13. Oʻzbekiston Respublikasi Ichki ishlar vazirligi Filial buyurtmanomalariga binoan jalb qilinadigan xorijiy professor-oʻqituvchilar va maʼmuriy xodimlarga hamda ularning oila aʼzolariga davlat boji undirilmasdan, koʻp martalik vizalar berilishi va uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda vaqtinchalik roʻyxatdan oʻtkazish muddati uzaytirilishini belgilangan tartibda taʼminlasin.
14. Kambagʻallikni qisqartirish va bandlik vazirligi Filial buyurtmanomalariga binoan Filialni tashkil qilishda va uning faoliyatida ishtirok etadigan malakali xorijiy pedagogik kadrlarni respublikaga jalb etish uchun belgilangan tartibda ruxsatnomalar berilishi (muddati uzaytirilishi), shuningdek, xorijiy fuqarolarning Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalar berilishini (muddati uzaytirilishini) taʼminlasin.
15. Filialni jihozlash va uning faoliyatini taʼminlash uchun belgilangan tartibda shakllantiriladigan roʻyxat boʻyicha olib kiriladigan Oʻzbekiston Respublikasida ishlab chiqarilmaydigan zamonaviy oʻquv jihozlari, kompyuter texnikasi, dasturiy mahsulotlar, oʻquv va ilmiy-uslubiy adabiyot, anjomlar va moddiy-texnika resurslari, shuningdek, avtotransport vositalari 2019-yil 1-iyunga qadar muddatda bojxona toʻlovlaridan (bojxona yigʻimlaridan tashqari) ozod etilsin.
16. Taʼlim sifatini nazorat qilish boʻyicha davlat inspeksiyasi Oliy va oʻrta maxsus taʼlim vazirligi hamda boshqa manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
17. Mazkur qarorning ijrosini nazorat qilish Oʻzbekiston Respublikasi Prezidenti maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduxakimov zimmasiga yuklansin.
Oʻzbekiston Respublikasi Prezidentining 2018-yil 26-sentabrdagi PQ-3952-sonli qaroriga 1-ILOVA
“Riga Nordic University”ning Fargʻona shahridagi filialida kadrlar tayyorlashning asosiy yoʻnalishlari (mutaxassisliklari)
Bakalavriat yoʻnalishlari:
1. Turizm (faoliyat yoʻnalishlari boʻyicha).
2. Mehmonxona xoʻjaligini tashkil etish va boshqarish.
3. Madaniyat va sanʼat muassasalarini tashkil etish va boshqarish.
4. Xizmatlar sohasi (faoliyat turlari va yoʻnalishlari boʻyicha).
5. Kichik biznes va xususiy tadbirkorlikni tashkil etish (tarmoqlar boʻyicha).
6. Informatika va axborot texnologiyalari (tarmoqlar va sohalar boʻyicha).
Magistratura mutaxassisliklari:
1. Tadbirkorlik faoliyatini boshqarish.
2. Axborot tizimlari.
Oʻzbekiston Respublikasi Prezidentining 2018-yil 26-sentabrdagi PQ-3952-sonli qaroriga 2-ILOVA
“Riga Nordic University” Fargʻona shahridagi filialining vasiylik kengashi
1. X.X. Bozarov — Fargʻona viloyati hokimi, Vasiylik kengashi raisi 2. A.Oʻ. Aqqulov — Oʻzbekiston Respublikasi Turizm qoʻmitasi raisi, Vasiylik kengashi raisi oʻrinbosari 3. U.R. Salomov — oliy taʼlim, fan va innovatsiyalar vaziri oʻrinbosari 4. B.J. Aʼloyev — tashqi ishlar vazirining birinchi oʻrinbosari 5. X.R. Axmedov — Fargʻona viloyati hokimining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosari 6. R. Dyakon — “Riga Nordic University” prezidenti 7. H.T. Abduraxmonov — “Riga Nordic University”ning Fargʻona shahridagi filiali rektori 8. Lavozimi boʻyicha — “Riga Nordic University” professori (kelishuv asosida) 9. Lavozimi boʻyicha — “Riga Nordic University” professori (kelishuv asosida)
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 26-sentabr,
PQ-3952-son
Президента Республики Узбекистан
Постановление
СОСТАВ
О создании филиала «Riga Nordic University» в городе Фергане
В целях дальнейшего развития и совершенствования подготовки высококвалифицированных кадров для туристической отрасли республики, расширения международного сотрудничества в сфере высшего образования, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением хокимията Ферганской области, Государственного комитета по развитию туризма, Министерства высшего и среднего специального образования Республики Узбекистан, «Riga Nordic University» об учреждении в городе Фергане филиала «Riga Nordic University» (далее — Филиал).
2. Определить основными направлениями деятельности Филиала:
подготовку высококвалифицированных кадров на уровне международных образовательных стандартов, способных решать важнейшие задачи по развитию туристической отрасли республики;
проведение прикладных и инновационных исследований в области туризма и гостиничного хозяйства;
развитие системы подготовки специалистов и научных кадров за счет непрерывности и преемственности образования и науки, а также обязательной интеграции в мировое образовательное и научное сообщество;
разработку и внедрение новых образовательных программ и форм обучения, направленных на совершенствование и модернизацию системы подготовки кадров;
поддержку развития педагогического потенциала, активное совершенствование педагогических технологий и методов обучения;
развитие и укрепление долгосрочных отношений с ведущими образовательными учреждениями, научно-исследовательскими центрами и бизнес-сообществами зарубежных стран в образовательной и научной сферах.
3. Определить, что:
Филиал создается в форме некоммерческой организации со статусом юридического лица, обладает обособленным имуществом, имеет самостоятельный баланс, отвечает по своим обязательствам находящимися в его распоряжении денежными средствами и имуществом;
Филиал является обособленным подразделением «Riga Nordic University» (далее — Университет) и высшим образовательным учреждением, осуществляющим подготовку, повышение квалификации и переподготовку специалистов всех уровней, включая подготовку научно-педагогических кадров, по согласованным основным направлениям (специальностям) обучения с учетом потребности в кадрах;
обучение в Филиале осуществляется на платно-контрактной основе по учебным планам и программам, утвержденным Университетом, преимущественно на английском языке по очной форме обучения, с учетом требований государственных образовательных стандартов Республики Узбекистан;
прием абитуриентов и аттестация выпускников Филиала осуществляются в соответствии с требованиями, порядком и сроками, устанавливаемыми Университетом по согласованию с Министерством высшего образования, науки и инноваций Республики Узбекистан;
выпускникам Филиала по окончании обучения выдается диплом установленного образца Университета, который признается документом о высшем образовании в Республике Узбекистан;
деятельность Филиала осуществляется в соответствии с законодательством Республики Узбекистан и Латвийской Республики.
4. Одобрить основные направления (специальности) обучения и подготовки специалистов в филиале «Riga Nordic University» в городе Фергане согласно приложению № 1 .
5. Принять к сведению, что Университет содействует:
внедрению в учебный процесс передовых педагогических и информационных технологий, новейших достижений науки и техники;
повышению квалификации специалистов и переподготовке профессорско-преподавательского состава Филиала;
формированию и пополнению библиотечного фонда Филиала современной учебной, учебно-методической и научно-технической литературой.
6. Определить, что Филиал в 2018/2020 учебные годы временно размещается в помещении здания Ферганского государственного университета.
Хокимияту Ферганской области в двухмесячный срок выделить для Филиала здание, отвечающее стандартам и нормам организации образовательного процесса, а также общежитие для проживания студентов и преподавателей Филиала на праве безвозмездного пользования.
7. Министерству высшего и среднего специального образования Республики Узбекистан и хокимияту Ферганской области:
оказать содействие Филиалу в разработке учредительных документов и прохождении государственной регистрации в установленном порядке;
провести конкурсный отбор и организовать стажировку высококвалифицированных специалистов и преподавателей высших образовательных и научных учреждений Узбекистана с последующим привлечением их к работе в Филиале.
8. Одобрить персональный состав Попечительского совета филиала «Riga Nordic University» в городе Фергане (далее — Попечительский совет) согласно приложению № 2 .
9. Установить, что:
а) параметры приема в Филиал утверждаются решением Попечительского совета Филиала по согласованию с Университетом, Министерством экономики и финансов;
б) финансирование деятельности Филиала осуществляется за счет:
средств Университета;
средств, поступающих от обучения студентов на платно-контрактной основе;
денежных средств, формируемых на основании решений Попечительского совета, благотворительных пожертвований и целевых взносов юридических и физических лиц;
грантов международных финансовых институтов;
иных источников, не запрещенных законодательством;
в) финансирование организационных мероприятий по созданию Филиала, формированию его материально-технической и учебной базы, включая проведение ремонтно-восстановительных работ, оснащение зданий и сооружений необходимой мебелью, инвентарем, современным учебным и лабораторным оборудованием, компьютерной и другой оргтехникой, библиотечным фондом, расходов на стажировку и повышение квалификации местных педагогических кадров Филиала осуществляется за счет средств Университета;
г) оплата командировочных расходов профессорско-преподавательского персонала, привлекаемого в Филиал из Университета, осуществляется:
при краткосрочных командировках сроком до 7 суток — по нормам, установленным законодательством Латвии для работников высших образовательных учреждений;
при длительных командировках — исходя из потребностей учебного процесса, в соответствии с заключаемыми договорами.
10. Разрешить Филиалу осуществлять оплату проживания и транспортных расходов зарубежных педагогических кадров, приглашаемых для преподавательской и научной работы по тарифам, установленным для граждан Республики Узбекистан, на основании заключаемых договоров.
11. Рекомендовать Университете обеспечить ремонт и реконструкцию зданий и сооружений Филиала, а также подготовку общежития для проживания студентов и преподавателей Филиала до начала 2020/2021 учебного года.
12. Министерству иностранных дел по заявкам Филиала обеспечить в установленном порядке оформление въездных виз для иностранных педагогических кадров, привлекаемых в рамках реализации настоящего постановления, а также членов их семей без взимания консульских и иных сборов.
13. Министерству внутренних дел по заявкам Филиала обеспечить в установленном порядке выдачу и продление многократных виз, а также временную прописку и ее продление по месту проживания в Республике Узбекистан иностранного профессорско-преподавательского и административного персонала, а также членов их семей без взимания государственной пошлины.
14. Министерству занятости и сокращения бедности по заявкам Филиала обеспечить выдачу (продление) в установленном порядке разрешений на привлечение в республику квалифицированных иностранных педагогических кадров, участвующих в создании и деятельности Филиала, а также выдачу (продление) подтверждений иностранным гражданам на право трудовой деятельности на территории Республики Узбекистан.
15. Освободить сроком до 1 июня 2019 года от таможенных платежей (за исключением таможенных сборов) современное учебное оборудование, компьютерную технику, программные продукты, учебную и научно-методическую литературу, инвентарь и материально-технические ресурсы, не производимые в Республике Узбекистан, а также автотранспортные средства, ввозимые для оснащения и обеспечения деятельности Филиала, по перечням, формируемым в установленном порядке.
16. Государственной инспекции по надзору за качеством образования совместно с Министерством высшего и среднего специального образования и иными заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
17. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ № 1 к постановлению Президента Республики Узбекистан от 26 сентября 2018 года № ПП-3952
Основные направления (специальности) обучения и подготовки специалистов в филиале «Riga Nordic University» в городе Фергане
Направления бакалавриата:
1. Туризм (по направлениям деятельности).
2. Организация и управление гостиничным хозяйством.
3. Организация и управление учреждениями культуры и искусства.
4. Сфера услуг (по видам и направлениям деятельности).
5. Организация малого бизнеса и частного предпринимательства (по отраслям).
6. Информатика и информационные технологии (по отраслям и сферам).
Специальности магистратуры:
1. Управление предпринимательской деятельностью.
2. Информационные системы.
ПРИЛОЖЕНИЕ № 2 к постановлению Президента Республики Узбекистан от 26 сентября 2018 года № ПП-3952
Попечительского совета филиала «Riga Nordic University» в городе Фергане
1. Х.Х. Бозаров — Хоким Ферганской области, председатель Попечительского совета 2. А. У . Аккулов — Председатель Комитета по туризму Республики Узбекистан, заместитель председателя Попечительского совета 3. У.Р. Саломов — заместитель министра высшего образования, науки и инноваций 4. Б.Ж. Аълоев — первый заместитель министра иностранных дел 5. Х.Р. Ахмедов — заместитель хокима Ферганской области по вопросам туризма, спорта, культуры, культурного наследия и массовых коммуникаций 6. Р. Дякон — Президент «Riga Nordic University» 7. Х .Т. Абдурахмонов — ректор филиала «Riga Nordic University» в городе Фергане 8. По должности — профессор «Riga Nordic University» (по согласованию) 9. По должности — профессор «Riga Nordic University» (по согласованию)
Президент Республики Узбекистан Ш. МИРЗИЁЕВ
г. Ташкент,
26 сентября 2018 г.,
№ ПП-3952