📅 2018-yil 25-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 25 сентября 2018 г. · Указы Президента
Официальный текст. Официальный документ. Редакционные примечания не включены.
📅 25 September 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Вазирлар Маҳкамаси ҳузуридаги Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси фаолиятини ташкил этиш тўғрисида
Хорижда яшаётган ва профессионал фаолиятини юритаётган ватандошларимиз, айниқса, катта илмий салоҳиятга эга олимлар, мутахассислар ва истеъдодли ёшлар билан яқин ҳамкорликни йўлга қўйиш, шунингдек, Ўзбекистоннинг ҳар томонлама ва жадал ривожланиши учун зарур, жаҳон меҳнат бозорида рақобатбардош ва юқори малакали мутахассисларни етакчи хорижий таълим муассасаларида ҳамда Ўзбекистонда тайёрлаш ва малакасини ошириш орқали кадрлар билан таъминлаш мақсадида:
1. Ўзбекистон Республикаси Ташқи ишлар вазирлиги қошидаги Мутахассисларни хорижда тайёрлаш ва ватандошлар билан мулоқот қилиш маркази Ўзбекистон Республикаси Вазирлар Маҳкамасига бўйсунадиган Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси (кейинги ўринларда Жамғарма деб юритилади) этиб қайта ташкил этилсин.
2. Белгилаб қўйилсинки, Жамғарма Хорижда стипендиатларнинг малака ошириши, стажировкаси ва ўқишини ташкил этиш бўйича Ўзбекистон Республикаси Президентининг «Истеъдод» жамғармасининг ҳуқуқлари, мажбуриятлари ва шартномалари, шу жумладан халқаро шартномалари бўйича ҳуқуқий вориси ҳисобланади.
3. Қуйидагилар Жамғарманинг асосий вазифалари ва фаолият йўналишлари этиб белгилансин:
хориждаги нуфузли илмий-тадқиқот, таълим ва тиббиёт муассасаларида, иқтисодиётнинг истиқболли тармоқларида, айниқса, энг янги материаллар ва инновацион технологияларни ишлаб чиқариш ва қўллаш соҳаларида ишлаётган, қимматли илмий ва амалий тажрибага эга ватандошларимиз билан алоқалар ўрнатиш;
давлат органларининг кадрлар бўйича хизматлари томонидан фойдаланилиши ва онлайн тарзда излаш амалга оширилиши мумкин бўлган жаҳон мамлакатлари ва мутахассисликлар бўйича каталоглаштирилган қимматли илмий ва амалий тажрибага эга ватандошларнинг электрон реестри (маълумотлар базаси)ни яратиш ва юритиш;
хорижий олимлар, ўқитувчилар, муҳандислар ва бошқа мутахассислар, шу жумладан ватандошларни таълим, соғлиқни сақлаш, иқтисодиёт ва давлат бошқаруви соҳаларига, айниқса, янги, истиқболли тармоқларга жалб этиш, улар учун қулай шароитлар яратиш, долзарб муаммоларини ҳал этиш, уларнинг салоҳиятидан самарали фойдаланишни таъминлаш бўйича таклифлар ишлаб чиқиш ва тадбирларни амалга ошириш;
таълим, соғлиқни сақлаш ва иқтисодиёт соҳаларида ишлаётган ватандошлар орасида Ўзбекистоннинг ижобий қиёфасини шакллантириш, Ўзбекистон Республикасида иқтисодиёт тармоқлари ва ижтимоий соҳани ривожлантириш масалалари бўйича уларнинг ғоя ва фикрларини тўплаш, умумлаштириш ва тегишли ташкилотларга етказиш, шунингдек, тўпланган материалларни тайёрлаш ва тарқатишнинг самарали тизимини яратиш;
хорижда Ўзбекистоннинг ижобий имиджини шакллантириш ва қўллаб-қувватлашда, шунингдек, ривожланган мамлакатларнинг нуфузли таълим ва илмий марказлари билан алоқаларни йўлга қўйиш ва ҳамкорликни ривожлантиришда ватандошлар салоҳиятидан фаол фойдаланиш;
жаҳоннинг ривожланган мамлакатларидаги етакчи таълим ва илмий муассасаларида бакалавриат, магистратура ва докторантура дастурлари бўйича таълим, соғлиқни сақлаш, иқтисодиёт ва давлат бошқаруви соҳаларидаги истиқболли мутахассисларни, шу жумладан педагоглар ва илмий кадрларни танлаб олиш ҳамда тайёрлашни ташкил этиш;
нуфузли хорижий таълим ва илмий муассасаларда истиқболли мутахассисларни ўқишини мониторинг қилиш, уларнинг Ўзбекистонда муносиб ишга жойлашишига кўмаклашиш, ушбу мутахассисларнинг меҳнат фаолиятини мониторинг қилиш, уларнинг касбий жиҳатдан ўсишига ва мансаб пиллапояларида кўтарилишига кўмаклашиш;
мамлакатимиздаги ҳамда хорижий экспертларнинг, шу жумладан ватанадошларимизнинг Ўзбекистондаги ижтимоий-сиёсий ва социал-иқтисодий ислоҳотларнинг боришига оид таҳлилий материаллари чоп этиладиган журналлар, илмий тўпламларни тайёрлаш ва кенг тарқатиш;
давлат органлари ва бошқа ташкилотларда кадрларни хорижда тайёрлаш ва хорижий мутахассисларни жалб этиш борасидаги ишлар ҳолатини мониторинг қилиш ҳамда ушбу тизимни такомиллаштириш бўйича таклифлар ишлаб чиқиш;
таълим, соғлиқни сақлаш, иқтисодиёт ва давлат бошқаруви соҳаларида халқаро ташкилотлар, хорижий мамлакатларнинг давлат тузилмалари ва нодавлат ташкилотлари билан алоқаларни йўлга қўйиш, уларни ҳамкорлик ва ривожланиш бўйича лойиҳаларни амалга оширишга жалб этиш.
6. Жамғарма директорига:
Жамғарма тузилмасига, зарур ҳолларда, ходимларнинг белгиланган сони ва меҳнатга ҳақ тўлаш фонди доирасида ўзгартириш киритиш;
Жамғармага юклатилган вазифаларни бажаришга давлат ва хўжалик бошқаруви органлари, нодавлат нотижорат ташкилотлар, илмий-тадқиқот ва таълим муассасалари, шунингдек, хорижий ва халқаро ташкилотларнинг малакали ишчи ва мутахассисларини шартнома асосида жалб этиш ҳуқуқи берилсин.
8. Ўзбекистон Республикаси Вазирлар Маҳкамаси ҳузуридаги Давлат тест маркази хорижда таълим олиш учун номзодларни танлов асосида танлаб олишни ташкил этишда Жамғармага ҳар томонлама услубий ёрдам кўрсатсин.
9. Таълим сифатини назорат қилиш давлат инспекцияси ва Ўзбекистон Республикаси Вазирлар Маҳкамаси ҳузуридаги Олий аттестация комиссияси Жамғарма орқали хорижий мамлакатларда таълим олган стипендиатларнинг таълим олганлик тўғрисидаги ҳужжатларини, шу жумладан фан доктори илмий даражасини, махсус синовларсиз нострификациядан ўтказишни (эквивалентлигини белгилашни) таъминласин.
10. Жамғарма харажатларини молиялаштириш манбалари этиб қуйидагилар белгилансин:
а) Жамғарма стипендиатларини хорижда бакалавриат, магистратура ва докторантурада ўқитишни ташкил этиш, хорижий олим ва мутахассисларни, шу жумладан ватандошларимизни республикада меҳнат фаолиятини амалга оширишга жалб этиш, шунингдек, Жамғарма таълим дастурларининг самарадорлигини таъминлаш ҳамда давлат хизматчилари салоҳиятини оширишга кўмаклашиш мақсадида бошқа тадбирларни амалга ошириш бўйича:
2018 йилда — Ўзбекистон Республикаси Молия вазирлиги ҳузуридаги Таълим ва тиббиёт муассасаларининг моддий-техник базасини ривожлантириш жамғармасидан олий таълим муассасалари объектларини қуриш, реконструкция қилиш, капитал таъмирлаш ва жиҳозлаш учун кўзда тутилган ҳажмнинг 10 фоизигача миқдорида Жамғарманинг асосланган ҳисоб-китоблари бўйича ажратиладиган маблағлар;
2019 йилдан бошлаб — кейинчалик Жамғарманинг хорижий олим ва экспертларни, шу жумладан ватандошларимизни жалб қилиш билан боғлиқ таълим дастурлари, тадбирлари, шунингдек, Жамғарма таълим дастурлари самарадорлигини таъминлаш ҳамда давлат хизматчилари салоҳиятини оширишга кўмаклашиш мақсадида бошқа тадбирларни амалга ошириш учун молиявий ресурсларга бўлган реал эҳтиёжи прогнозини ҳисобга олган ҳолда ҳар йили Ўзбекистон Республикаси Давлат бюджетидан ажратиладиган 45 миллиард сўм миқдоридаги маблағлар;
жисмоний ва юридик шахсларнинг хайрия маблағлари;
халқаро молия институтлари ва хорижий ташкилотларнинг грантлари, шунингдек, қонун ҳужжатлари билан тақиқланмаган бошқа манбалар;
б) Жамғарманинг жорий таъминоти, шу жумладан ходимлар меҳнатига ҳақ тўлаш ва Жамғармага юклатилган вазифаларни бажариш бўйича:
2018 йилда — Ўзбекистон Республикаси Олий ва ўрта махсус таълим вазирлиги билан келишилган ҳолда Жамғарманинг Васийлик кенгаши томонидан белгиланадиган миқдорда республика олий таълим муассасаларининг бюджетдан ташқари (тўлов-шартнома асосида ўқитишдан тушадиган) маблағларидан ажратмалар;
2019 йилдан бошлаб — Ўзбекистон Республикаси Давлат бюджети маблағлари;
хўжалик фаолиятидан ва шартнома асосида хизматлар кўрсатишдан тушумлар;
жисмоний ва юридик шахсларнинг хайрия маблағлари, шунингдек, қонун ҳужжатлари билан тақиқланмаган бошқа манбалар.
11. Жамғарма 2022 йил 1 январга қадар солиқ тўловларидан озод қилинсин.
12. Жамғармага тўртта енгил автотранспорт воситаси, шу жумладан учта шахсий ва битта навбатчи автомобиль сақлаш учун лимит ажратилсин.
13. «Ўзавтосаноат» АЖ ва Жамғарманинг Жамғармани «Ўзавтосаноат» АЖнинг Тошкент шаҳри, Миробод тумани, Амир Темур шоҳ кўчаси, 13-уй (3-қават) манзилида жойлашган биносида беғараз фойдаланиш ҳуқуқи асосида жойлаштириш тўғрисидаги таклифига розилик берилсин.
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Тошкент шаҳри, Фурқат кўчаси, 171-уй манзилида жойлашган Хорижда стипендиантларнинг малака ошириши, стажировкаси ва ўқишини ташкил этиш бўйича Ўзбекистон Республикаси Президентининг «Истеъдод» жамғармасининг бўшаётган бино ва иншоотларини туташ ҳудудлари билан биргаликда Ўзбекистон Республикаси Туризмни ривожлантириш давлат қўмитасига оператив бошқарув ҳуқуқи асосида беғараз бериш тўғрисидаги таклифига розилик берилсин.
Ўзбекистон Республикаси Туризмни ривожлантириш давлат қўмитасига лойиҳа-тадқиқот ишларини амалга ошириш, лойиҳа-смета ҳужжатларини ишлаб чиқиш, шунингдек, берилаётган бино ва иншоотларни капитал таъмирлаш ва реконструкция қилишни амалга ошириш учун Туризми ривожлантириш давлат қўмитаси ҳузуридаги Туризм соҳасини қўллаб-қувватлаш бюджетдан ташқари жамғармасининг маблағларидан фойдаланишга рухсат берилсин.
14. Ўзбекистон Республикаси Ташқи ишлар вазирлиги, Адлия вазирлиги ва Ички ишлар вазирлиги Жамғармага:
ватандошлар ва хорижий мутахассислар билан алоқаларни йўлга қўйишда;
стипендиатлар хорижий мамлакатларга виза олишида, консуллик ҳисобига қўйилишида, нотариал ва бошқа хизматлар кўрсатилишида, борган давлатида стипендиатларнинг ўқишини мониторинг қилишда;
чет элдан ишга таклиф этилаётган хорижий мутахассисларнинг виза олишида;
хориждаги ватандошларнинг ташкилотлари, хорижий давлатларда фаолият юритаётган ўзбек маданий марказлари ва жамиятлари тўғрисидаги ахборотларни тўплашда, шунингдек, халқаро ташкилотлар, хорижий илмий-тадқиқот ва таълим муассасалари ҳамда бошқа ташкилотлар билан ҳамкорликни йўлга қўйиш ва ривожлантиришда амалий ёрдам кўрсатсин.
15. Ўзбекистон Республикаси Ахборот технологиялари ва коммуникацияларини ривожлантириш вазирлиги белгиланган тартибда:
Жамғармани керакли алоқа, шу жумладан ҳукумат алоқаси билан, унинг интернет жаҳон ахборот тармоғига кенг полосали кириш билан таъминласин;
ватандошларнинг электрон реестри (маълумотлар базаси)ни яратиш ва юритиш, шунингдек, хорижий экспертларни жалб қилган ҳолда видеоконференциялар, интернет-форумлар ва телекўприклар ўтказишда зарур техник ёрдам кўрсатсин.
16. Ўзбекистон Миллий телерадиокомпанияси, Ўзбекистон миллий ахборот агентлиги ва «Дунё» ахборот агентлиги Жамғарма фаолияти доирасида амалга оширилаётган ишларнинг оммавий ахборот воситаларида кенг ёритилишини ташкил этсин.
17. Жамғарма икки ҳафта муддатда хориждаги ватандошлар билан ишлашни ташкил этиш ҳамда хорижий мутахассислар, шу жумладан ватандошларимизни Ўзбекистон Республикасига жалб этиш тартибини ишлаб чиқсин ва Жамғарманинг Васийлик кенгашига кўриб чиқиш учун киритсин.
19. Адлия вазирлиги бошқа манфаатдор вазирлик ва идоралар билан биргаликда бир ой муддатда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
20. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президентининг маслаҳатчиси А.А. Абдувохитов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 25 сентябрь,
ПФ-5545-сон
Oʻzbekiston Respublikasi Prezidentining
Farmoni
Oʻzbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi faoliyatini tashkil etish toʻgʻrisida
Xorijda yashayotgan va professional faoliyatini yuritayotgan vatandoshlarimiz, ayniqsa, katta ilmiy salohiyatga ega olimlar, mutaxassislar va isteʼdodli yoshlar bilan yaqin hamkorlikni yoʻlga qoʻyish, shuningdek, Oʻzbekistonning har tomonlama va jadal rivojlanishi uchun zarur, jahon mehnat bozorida raqobatbardosh va yuqori malakali mutaxassislarni yetakchi xorijiy taʼlim muassasalarida hamda Oʻzbekistonda tayyorlash va malakasini oshirish orqali kadrlar bilan taʼminlash maqsadida:
1. Oʻzbekiston Respublikasi Tashqi ishlar vazirligi qoshidagi Mutaxassislarni xorijda tayyorlash va vatandoshlar bilan muloqot qilish markazi Oʻzbekiston Respublikasi Vazirlar Mahkamasiga boʻysunadigan Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi (keyingi oʻrinlarda Jamgʻarma deb yuritiladi) etib qayta tashkil etilsin.
2. Belgilab qoʻyilsinki, Jamgʻarma Xorijda stipendiatlarning malaka oshirishi, stajirovkasi va oʻqishini tashkil etish boʻyicha Oʻzbekiston Respublikasi Prezidentining “Isteʼdod” jamgʻarmasining huquqlari, majburiyatlari va shartnomalari, shu jumladan xalqaro shartnomalari boʻyicha huquqiy vorisi hisoblanadi.
3. Quyidagilar Jamgʻarmaning asosiy vazifalari va faoliyat yoʻnalishlari etib belgilansin:
xorijdagi nufuzli ilmiy-tadqiqot, taʼlim va tibbiyot muassasalarida, iqtisodiyotning istiqbolli tarmoqlarida, ayniqsa, eng yangi materiallar va innovatsion texnologiyalarni ishlab chiqarish va qoʻllash sohalarida ishlayotgan, qimmatli ilmiy va amaliy tajribaga ega vatandoshlarimiz bilan aloqalar oʻrnatish;
davlat organlarining kadrlar boʻyicha xizmatlari tomonidan foydalanilishi va onlayn tarzda izlash amalga oshirilishi mumkin boʻlgan jahon mamlakatlari va mutaxassisliklar boʻyicha kataloglashtirilgan qimmatli ilmiy va amaliy tajribaga ega vatandoshlarning elektron reyestri (maʼlumotlar bazasi)ni yaratish va yuritish;
xorijiy olimlar, oʻqituvchilar, muhandislar va boshqa mutaxassislar, shu jumladan vatandoshlarni taʼlim, sogʻliqni saqlash, iqtisodiyot va davlat boshqaruvi sohalariga, ayniqsa, yangi, istiqbolli tarmoqlarga jalb etish, ular uchun qulay sharoitlar yaratish, dolzarb muammolarini hal etish, ularning salohiyatidan samarali foydalanishni taʼminlash boʻyicha takliflar ishlab chiqish va tadbirlarni amalga oshirish;
taʼlim, sogʻliqni saqlash va iqtisodiyot sohalarida ishlayotgan vatandoshlar orasida Oʻzbekistonning ijobiy qiyofasini shakllantirish, Oʻzbekiston Respublikasida iqtisodiyot tarmoqlari va ijtimoiy sohani rivojlantirish masalalari boʻyicha ularning gʻoya va fikrlarini toʻplash, umumlashtirish va tegishli tashkilotlarga yetkazish, shuningdek, toʻplangan materiallarni tayyorlash va tarqatishning samarali tizimini yaratish;
xorijda Oʻzbekistonning ijobiy imidjini shakllantirish va qoʻllab-quvvatlashda, shuningdek, rivojlangan mamlakatlarning nufuzli taʼlim va ilmiy markazlari bilan aloqalarni yoʻlga qoʻyish va hamkorlikni rivojlantirishda vatandoshlar salohiyatidan faol foydalanish;
jahonning rivojlangan mamlakatlaridagi yetakchi taʼlim va ilmiy muassasalarida bakalavriat, magistratura va doktorantura dasturlari boʻyicha taʼlim, sogʻliqni saqlash, iqtisodiyot va davlat boshqaruvi sohalaridagi istiqbolli mutaxassislarni, shu jumladan pedagoglar va ilmiy kadrlarni tanlab olish hamda tayyorlashni tashkil etish;
nufuzli xorijiy taʼlim va ilmiy muassasalarda istiqbolli mutaxassislarni oʻqishini monitoring qilish, ularning Oʻzbekistonda munosib ishga joylashishiga koʻmaklashish, ushbu mutaxassislarning mehnat faoliyatini monitoring qilish, ularning kasbiy jihatdan oʻsishiga va mansab pillapoyalarida koʻtarilishiga koʻmaklashish;
mamlakatimizdagi hamda xorijiy ekspertlarning, shu jumladan vatanadoshlarimizning Oʻzbekistondagi ijtimoiy-siyosiy va sotsial-iqtisodiy islohotlarning borishiga oid tahliliy materiallari chop etiladigan jurnallar, ilmiy toʻplamlarni tayyorlash va keng tarqatish;
davlat organlari va boshqa tashkilotlarda kadrlarni xorijda tayyorlash va xorijiy mutaxassislarni jalb etish borasidagi ishlar holatini monitoring qilish hamda ushbu tizimni takomillashtirish boʻyicha takliflar ishlab chiqish;
taʼlim, sogʻliqni saqlash, iqtisodiyot va davlat boshqaruvi sohalarida xalqaro tashkilotlar, xorijiy mamlakatlarning davlat tuzilmalari va nodavlat tashkilotlari bilan aloqalarni yoʻlga qoʻyish, ularni hamkorlik va rivojlanish boʻyicha loyihalarni amalga oshirishga jalb etish.
6. Jamgʻarma direktoriga:
Jamgʻarma tuzilmasiga, zarur hollarda, xodimlarning belgilangan soni va mehnatga haq toʻlash fondi doirasida oʻzgartirish kiritish;
Jamgʻarmaga yuklatilgan vazifalarni bajarishga davlat va xoʻjalik boshqaruvi organlari, nodavlat notijorat tashkilotlar, ilmiy-tadqiqot va taʼlim muassasalari, shuningdek, xorijiy va xalqaro tashkilotlarning malakali ishchi va mutaxassislarini shartnoma asosida jalb etish huquqi berilsin.
8. Oʻzbekiston Respublikasi Vazirlar Mahkamasi huzuridagi Davlat test markazi xorijda taʼlim olish uchun nomzodlarni tanlov asosida tanlab olishni tashkil etishda Jamgʻarmaga har tomonlama uslubiy yordam koʻrsatsin.
9. Taʼlim sifatini nazorat qilish davlat inspeksiyasi va Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Jamgʻarma orqali xorijiy mamlakatlarda taʼlim olgan stipendiatlarning taʼlim olganlik toʻgʻrisidagi hujjatlarini, shu jumladan fan doktori ilmiy darajasini, maxsus sinovlarsiz nostrifikatsiyadan oʻtkazishni (ekvivalentligini belgilashni) taʼminlasin.
10. Jamgʻarma xarajatlarini moliyalashtirish manbalari etib quyidagilar belgilansin:
a) Jamgʻarma stipendiatlarini xorijda bakalavriat, magistratura va doktoranturada oʻqitishni tashkil etish, xorijiy olim va mutaxassislarni, shu jumladan vatandoshlarimizni respublikada mehnat faoliyatini amalga oshirishga jalb etish, shuningdek, Jamgʻarma taʼlim dasturlarining samaradorligini taʼminlash hamda davlat xizmatchilari salohiyatini oshirishga koʻmaklashish maqsadida boshqa tadbirlarni amalga oshirish boʻyicha:
2018-yilda — Oʻzbekiston Respublikasi Moliya vazirligi huzuridagi Taʼlim va tibbiyot muassasalarining moddiy-texnik bazasini rivojlantirish jamgʻarmasidan oliy taʼlim muassasalari obyektlarini qurish, rekonstruksiya qilish, kapital taʼmirlash va jihozlash uchun koʻzda tutilgan hajmning 10 foizigacha miqdorida Jamgʻarmaning asoslangan hisob-kitoblari boʻyicha ajratiladigan mablagʻlar;
2019-yildan boshlab — keyinchalik Jamgʻarmaning xorijiy olim va ekspertlarni, shu jumladan vatandoshlarimizni jalb qilish bilan bogʻliq taʼlim dasturlari, tadbirlari, shuningdek, Jamgʻarma taʼlim dasturlari samaradorligini taʼminlash hamda davlat xizmatchilari salohiyatini oshirishga koʻmaklashish maqsadida boshqa tadbirlarni amalga oshirish uchun moliyaviy resurslarga boʻlgan real ehtiyoji prognozini hisobga olgan holda har yili Oʻzbekiston Respublikasi Davlat budjetidan ajratiladigan 45 milliard soʻm miqdoridagi mablagʻlar;
jismoniy va yuridik shaxslarning xayriya mablagʻlari;
xalqaro moliya institutlari va xorijiy tashkilotlarning grantlari, shuningdek, qonun hujjatlari bilan taqiqlanmagan boshqa manbalar;
b) Jamgʻarmaning joriy taʼminoti, shu jumladan xodimlar mehnatiga haq toʻlash va Jamgʻarmaga yuklatilgan vazifalarni bajarish boʻyicha:
2018-yilda — Oʻzbekiston Respublikasi Oliy va oʻrta maxsus taʼlim vazirligi bilan kelishilgan holda Jamgʻarmaning Vasiylik kengashi tomonidan belgilanadigan miqdorda respublika oliy taʼlim muassasalarining budjetdan tashqari (toʻlov-shartnoma asosida oʻqitishdan tushadigan) mablagʻlaridan ajratmalar;
2019-yildan boshlab — Oʻzbekiston Respublikasi Davlat budjeti mablagʻlari;
xoʻjalik faoliyatidan va shartnoma asosida xizmatlar koʻrsatishdan tushumlar;
jismoniy va yuridik shaxslarning xayriya mablagʻlari, shuningdek, qonun hujjatlari bilan taqiqlanmagan boshqa manbalar.
11. Jamgʻarma 2022-yil 1-yanvarga qadar soliq toʻlovlaridan ozod qilinsin.
12. Jamgʻarmaga toʻrtta yengil avtotransport vositasi, shu jumladan uchta shaxsiy va bitta navbatchi avtomobil saqlash uchun limit ajratilsin.
13. “Oʻzavtosanoat” AJ va Jamgʻarmaning Jamgʻarmani “Oʻzavtosanoat” AJning Toshkent shahri, Mirobod tumani, Amir Temur shoh koʻchasi, 13-uy (3-qavat) manzilida joylashgan binosida begʻaraz foydalanish huquqi asosida joylashtirish toʻgʻrisidagi taklifiga rozilik berilsin.
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Toshkent shahri, Furqat koʻchasi, 171-uy manzilida joylashgan Xorijda stipendiantlarning malaka oshirishi, stajirovkasi va oʻqishini tashkil etish boʻyicha Oʻzbekiston Respublikasi Prezidentining “Isteʼdod” jamgʻarmasining boʻshayotgan bino va inshootlarini tutash hududlari bilan birgalikda Oʻzbekiston Respublikasi Turizmni rivojlantirish davlat qoʻmitasiga operativ boshqaruv huquqi asosida begʻaraz berish toʻgʻrisidagi taklifiga rozilik berilsin.
Oʻzbekiston Respublikasi Turizmni rivojlantirish davlat qoʻmitasiga loyiha-tadqiqot ishlarini amalga oshirish, loyiha-smeta hujjatlarini ishlab chiqish, shuningdek, berilayotgan bino va inshootlarni kapital taʼmirlash va rekonstruksiya qilishni amalga oshirish uchun Turizmi rivojlantirish davlat qoʻmitasi huzuridagi Turizm sohasini qoʻllab-quvvatlash budjetdan tashqari jamgʻarmasining mablagʻlaridan foydalanishga ruxsat berilsin.
14. Oʻzbekiston Respublikasi Tashqi ishlar vazirligi, Adliya vazirligi va Ichki ishlar vazirligi Jamgʻarmaga:
vatandoshlar va xorijiy mutaxassislar bilan aloqalarni yoʻlga qoʻyishda;
stipendiatlar xorijiy mamlakatlarga viza olishida, konsullik hisobiga qoʻyilishida, notarial va boshqa xizmatlar koʻrsatilishida, borgan davlatida stipendiatlarning oʻqishini monitoring qilishda;
chet eldan ishga taklif etilayotgan xorijiy mutaxassislarning viza olishida;
xorijdagi vatandoshlarning tashkilotlari, xorijiy davlatlarda faoliyat yuritayotgan oʻzbek madaniy markazlari va jamiyatlari toʻgʻrisidagi axborotlarni toʻplashda, shuningdek, xalqaro tashkilotlar, xorijiy ilmiy-tadqiqot va taʼlim muassasalari hamda boshqa tashkilotlar bilan hamkorlikni yoʻlga qoʻyish va rivojlantirishda amaliy yordam koʻrsatsin.
15. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda:
Jamgʻarmani kerakli aloqa, shu jumladan hukumat aloqasi bilan, uning internet jahon axborot tarmogʻiga keng polosali kirish bilan taʼminlasin;
vatandoshlarning elektron reyestri (maʼlumotlar bazasi)ni yaratish va yuritish, shuningdek, xorijiy ekspertlarni jalb qilgan holda videokonferensiyalar, internet-forumlar va telekoʻpriklar oʻtkazishda zarur texnik yordam koʻrsatsin.
16. Oʻzbekiston Milliy teleradiokompaniyasi, Oʻzbekiston milliy axborot agentligi va “Dunyo” axborot agentligi Jamgʻarma faoliyati doirasida amalga oshirilayotgan ishlarning ommaviy axborot vositalarida keng yoritilishini tashkil etsin.
17. Jamgʻarma ikki hafta muddatda xorijdagi vatandoshlar bilan ishlashni tashkil etish hamda xorijiy mutaxassislar, shu jumladan vatandoshlarimizni Oʻzbekiston Respublikasiga jalb etish tartibini ishlab chiqsin va Jamgʻarmaning Vasiylik kengashiga koʻrib chiqish uchun kiritsin.
19. Adliya vazirligi boshqa manfaatdor vazirlik va idoralar bilan birgalikda bir oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
20. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidentining maslahatchisi A.A. Abduvoxitov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 25-sentabr,
PF-5545-son
Президента Республики Узбекистан
Указ
Об организации деятельности Фонда «Эл-юрт умиди» по подготовке специалистов за рубежом и диалогу с соотечественниками при Кабинете Министров Республики Узбекистан
В целях налаживания тесного взаимодействия с соотечественниками, в особенности имеющими большой научный потенциал учеными, специалистами и талантливой молодежью, проживающими и ведущими свою профессиональную деятельность за рубежом, а также обеспечения высококвалифицированными и конкурентоспособными на мировом рынке труда специалистами, необходимыми для всестороннего и ускоренного развития Узбекистана, путем их подготовки и повышения квалификации как в ведущих зарубежных образовательных учреждениях, так и в Узбекистане:
1. Преобразовать Центр по подготовке специалистов за рубежом и диалогу с соотечественниками при Министерстве иностранных дел Республики Узбекистан в Фонд «Эл-юрт умиди» по подготовке специалистов за рубежом и диалогу с соотечественниками с подчинением его Кабинету Министров Республики Узбекистан (далее — Фонд).
2. Установить, что Фонд является правопреемником Фонда Президента Республики Узбекистан «Истеъдод» по организации повышения квалификации, стажировок и обучения стипендиатов за рубежом по его правам, обязательствам и договорам, включая международные.
3. Определить основными задачами и направлениями деятельности Фонда:
установление связей с соотечественниками, имеющими ценный научный и практический опыт, работающими в престижных зарубежных научно-исследовательских, образовательных и медицинских учреждениях, перспективных отраслях экономики, в особенности в сферах производства и применения новейших инновационных технологий;
создание и ведение электронного реестра (базы данных) соотечественников, имеющих ценный научный и практический опыт, каталогизированного по странам мира и специальностям, с возможностью доступа и онлайн-поиска кадровыми службами государственных органов;
выработку предложений и осуществление мероприятий по привлечению зарубежных ученых, преподавателей, инженеров и других специалистов, в том числе соотечественников, в сферы образования, здравоохранения, экономики и государственного управления, в особенности в новые, перспективные отрасли, создание для них благоприятных условий, решение насущных проблем, обеспечение эффективного использования их потенциала;
формирование положительного образа Узбекистана среди соотечественников, работающих в сферах образования, здравоохранения и экономики, сбор, обобщение и доведение до соответствующих организаций их идей и мнений по вопросам развития отраслей экономики и социальной сферы в Республике Узбекистан, а также создание эффективной системы подготовки и распространения собранных материалов;
активное использование потенциала соотечественников в формировании и поддержке положительного имиджа Узбекистана за рубежом, а также в последовательном налаживании связей и развитии сотрудничества с престижными образовательными и научными центрами развитых стран мира, международными организациями;
проведение отбора и организацию подготовки по программам бакалавриата, магистратуры и докторантуры для перспективных специалистов в сферах образования, здравоохранения, экономики и государственного управления, в том числе педагогов и научных кадров в ведущих образовательных и научных учреждениях развитых стран мира;
мониторинг обучения перспективных специалистов в престижных зарубежных образовательных и научных учреждениях, оказание содействия их достойному трудоустройству в Узбекистане, мониторинг трудовой деятельности данных специалистов, содействие их профессиональному и карьерному росту;
подготовку и широкое распространение журналов, научных сборников с аналитическими материалами, как отечественных, так и зарубежных экспертов, в том числе соотечественников, касательно хода реализации общественно-политических и социально-экономических реформ в Узбекистане;
мониторинг состояния дел в государственных органах и иных организациях и выработку предложений по совершенствованию системы подготовки кадров за рубежом и привлечения иностранных специалистов;
налаживание связей и привлечение международных организаций, государственных структур зарубежных стран и негосударственных организаций к осуществлению проектов по сотрудничеству и развитию в сферах образования, здравоохранения, экономики и государственного управления.
6. Предоставить директору Фонда право:
вносить, при необходимости, изменения в структуру Фонда в пределах установленной численности работников и фонда оплаты труда;
привлекать на договорной основе к выполнению возложенных на Фонд задач квалифицированных работников и специалистов органов государственного и хозяйственного управления, негосударственных некоммерческих организаций, научно-исследовательских и образовательных учреждений, а также зарубежных и международных организаций.
8. Государственному центру тестирования при Кабинете Министров Республики Узбекистан оказывать Фонду всестороннюю методическую помощь в организации проведения конкурсного отбора кандидатов для прохождения обучения за рубежом.
9. Государственной инспекции по надзору за качеством образования и Высшей аттестационной комиссии при Кабинете Министров Республики Узбекистан обеспечить проведение нострификации (установления эквивалентности) документов об образовании стипендиатов, получивших образование в зарубежных странах по линии Фонда, в том числе научных степеней докторов наук, без специальных испытаний.
10. Определить источниками финансирования расходов Фонда:
а) в части организации обучения стипендиатов Фонда в бакалавриате, магистратуре и докторантуре за рубежом, привлечения зарубежных ученых и специалистов, в том числе соотечественников, к осуществлению трудовой деятельности в республике, а также реализации других мер по обеспечению эффективности образовательных программ Фонда и содействию повышению потенциала государственных служащих:
в 2018 году — средства Фонда развития материально-технической базы образовательных и медицинских учреждений при Министерстве финансов Республики Узбекистан, выделяемые по обоснованным расчетам Фонда в размере до 10 процентов от объема, предусматриваемого на строительство, реконструкцию, капитальный ремонт и оснащение объектов высших образовательных учреждений;
начиная с 2019 года — средства Государственного бюджета Республики Узбекистан в размере 45,0 млрд.сум, в последующем ежегодно выделяемые с учетом прогноза реальной потребности Фонда в финансовых ресурсах для реализации образовательных программ и мероприятий, связанных с привлечением зарубежных ученых и экспертов, в том числе соотечественников, а также иных мер в целях обеспечения эффективности образовательных программ Фонда и содействия повышению потенциала государственных служащих;
благотворительные пожертвования физических и юридических лиц;
гранты международных финансовых институтов и зарубежных организаций, а также другие источники, не запрещенные законодательством;
б) в части текущего содержания, включая оплату труда работников, и выполнение возложенных на Фонд задач:
в 2018 году — отчисления из внебюджетных (поступающих за обучение на платно-контрактной основе) средств высших образовательных учреждений республики в размерах, определяемых Попечительским советом Фонда по согласованию с Министерством высшего и среднего специального образования Республики Узбекистан;
начиная с 2019 года — средства Государственного бюджета Республики Узбекистан;
поступления от хозяйственной деятельности и оказания услуг на договорной основе;
благотворительные пожертвования физических и юридических лиц, а также другие источники, не запрещенные законодательством.
11. Освободить сроком до 1 января 2022 года Фонд от уплаты налогов.
12. Выделить Фонду лимит на содержание четырех легковых автотранспортных средств, в том числе трех персональных и одного дежурного.
13. Согласиться с предложением АО «Узавтосаноат» и Фонда о размещении Фонда в здании АО «Узавтосаноат» по адресу: город Ташкент, Мирабадский район, проспект Амира Темура, дом 13 (3-й этаж) на праве безвозмездного пользования.
Согласиться с предложением Государственного комитета Республики Узбекистан по содействию приватизированным предприятиям и развитию конкуренции о передаче Государственному комитету Республики Узбекистан по развитию туризма на безвозмездной основе на праве оперативного управления высвобождаемые здания и сооружения Фонда Президента Республики Узбекистан «Истеъдод» по организации повышения квалификации, стажировок и обучения стипендиатов за рубежом с прилегающей территорией, расположенных по адресу: город Ташкент, ул. Фурката, 171.
Разрешить Государственному комитету Республики Узбекистан по развитию туризма использовать средства внебюджетного Фонда поддержки туристской сферы при Государственном комитете Республики Узбекистан по развитию туризма на осуществление проектно-изыскательных работ, разработку проектно-сметной документации, а также проведение капитального ремонта и реконструкцию передаваемых зданий и сооружений.
14. Министерству иностранных дел, Министерству юстиции и Министерству внутренних дел Республики Узбекистан оказывать Фонду практическую помощь:
при установлении контактов с соотечественниками и зарубежными специалистами;
при получении стипендиатами виз в зарубежные страны, постановке на консульский учет, предоставлении нотариальных и других услуг, в осуществлении мониторинга за прохождением обучения стипендиатов в стране пребывания;
при получении виз иностранными специалистами, приглашаемыми на работу из-за рубежа;
в сборе информации об организациях соотечественников за рубежом, узбекских культурных центрах и обществах, ведущих свою деятельность за рубежом, а также в налаживании и развитии сотрудничества с международными организациями, зарубежными научно-исследовательскими и образовательными учреждениями и другими организациями.
15. Министерству по развитию информационных технологий и коммуникаций Республики Узбекистан в установленном порядке:
обеспечить Фонд необходимой связью, включая правительственную и широкополосный доступ к всемирной информационной сети Интернет;
оказывать необходимое техническое содействие при создании и ведении электронного реестра (базы данных) соотечественников, а также проведении видеоконференций, интернет-форумов и телемостов с привлечением зарубежных экспертов.
16. Национальной телерадиокомпании Узбекистана, Национальному информационному агентству Узбекистана и Информационному агентству «Дунё» организовать широкое освещение в средствах массовой информации проводимых в рамках деятельности Фонда работ.
17. Фонду в двухнедельный срок разработать и внести на рассмотрение Попечительского совета Фонда порядок организации работы с соотечественниками за рубежом и привлечения иностранных специалистов, в том числе из числа соотечественников, в Республику Узбекистан.
19. Министерству юстиции совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
20. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, советника Президента Республики Узбекистан А.А. Абдувахитова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
25 сентября 2018 г.,
№ УП-5545