📅 2018-yil 10-avgust · Vazirlik va idoralar hujjatlari · Bandlik va mehnat munosabatlari vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 10 август · Вазирлик ва идоралар ҳужжатлари · Бандлик ва меҳнат муносабатлари вазири
Расмий матн. Расмий ҳужжат. Таҳририй изоҳлар киритилмаган.
📅 10 августа 2018 г. · Документы министерств и ведомств · Министр занятости и трудовых отношений
Официальный текст. Официальный документ. Редакционные примечания не включены.
📅 10 August 2018 · Ministry and agency documents · Bandlik va mehnat munosabatlari vaziri
Official text. Official document. Editorial notes are not included.
Ўзбекистон Республикаси бандлик ва меҳнат муносабатлари вазирининг
буйруғи
НИЗОМ
Хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг ихтиёрий рўйхатдан ўтиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2018 йил 5 июлдаги ПҚ-3839-сон «Ўзбекистон Республикасининг ташқи меҳнат миграция тизимини янада такомиллаштириш бўйича қўшимча чора-тадбирлар тўғрисида»ги қарорига мувофиқ буюраман:
1. Хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг ихтиёрий рўйхатдан ўтиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Бандлик ва меҳнат муносабатлари вазирининг 2018 йил 10 августдаги 21-Б-сон буйруғига ИЛОВА
Хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг ихтиёрий рўйхатдан ўтиш тартиби тўғрисида
Мазкур Низом Ўзбекистон Республикаси Президентининг 2018 йил 5 июлдаги ПҚ-3839-сон «Ўзбекистон Республикасининг ташқи меҳнат миграция тизимини янада такомиллаштириш бўйича қўшимча чора-тадбирлар тўғрисида»ги қарорига мувофиқ хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг (бундан буён матнда Фуқаро деб юритилади) ихтиёрий рўйхатдан ўтиш тартибини белгилайди.
1-боб. Умумий қоидалар
1. Фуқароларнинг рўйхатдан ўтиши ихтиёрий бўлиб, бепул асосда ва электрон шаклда амалга оширилади.
2-боб. Рўйхатдан ўтиш
3. Фуқаро Ўзбекистон Республикаси Вазирлар Маҳкамаси ҳузуридаги Миграция агентлигининг «Хорижда иш» меҳнат миграцияси электрон дастурий мажмуаси (бундан буён матнда электрон дастурий мажмуа деб юритилади) орқали рўйхатдан ўтади.
4. Электрон дастурий мажмуада Фуқарога рўйхатдан ўтишда қайси тилдан фойдаланишни танлаш таклиф этилади. Фуқаро ўзига қулай бўлган тил кўрсатилган тугмани босади.
5. Фуқарога Жисмоний шахслар маълумотлар базаси (id.gov.uz) орқали авторизациядан ўтиш таклиф этилади. Бунда Фуқаро «авторизация» тугмасини босиши лозим.
6. Фуқарога жисмоний ёки юридик шахс сифатида фаолият юритмоқчилигини танлаш таклиф этилади. Фуқаро тегишли тугмани белгилайди ва «Танлаш» тугмасини босади, бунда у шахсий кабинетга ўтади.
7. Шахсий кабинетда онлайн хизматлар бўлимида консуллик ҳисобига туриш учун «Консуллик ҳисобига туриш учун маълумотнома олиш» тугмасини босади. Мазкур тугма босилганда Фуқарога Ўзбекистон Республикаси фуқаросининг хорижий давлатда ишга жойлашиши тўғрисидаги Гувоҳноманинг шакли тақдим этилади.
8. Фуқаро мазкур шаклдаги «доимий яшаш жойи» ҳамда «меҳнат фаолияти тўғрисидаги маълумотлар» деб номланган қаторни тўлдиради.
Бунда, Фуқаро «доимий яшаш жойи» қисмида давлат, шаҳар ва манзил деб номланган қаторларга, шунингдек «меҳнат фаолияти тўғрисидаги маълумотлар» қисмида давлат, шаҳар, манзил, корхона номи, лавозими ва касби, меҳнат фаолиятини бошлаган вақти ва ойлик иш ҳақи деб номланган қаторларга ўзи ҳақидаги маълумотларни тўғри ва тўлиқ киритади. Фуқаро мазкур шаклда «қўшимча маълумотлар» деб номланган қаторга ўзи ҳақидаги қўшимча маълумотларни киритиши мумкин.
12. Фуқаро томонидан мазкур Низомнинг 8-бандида назарда тутилган маълумотлар киритилгандан сўнг Гувоҳнома электрон дастурий мажмуада автоматик равишда шакллантирилади ҳамда унинг электрон шакли Фуқарога тақдим этилади.
Гувоҳноманинг амал қилиш муддати Фуқаронинг хорижий давлатда меҳнат фаолиятини амалга ошириш бўйича тузилган шартномаси муддатига мос равишда белгиланади.
13. Ўзбекистон Республикаси Солиқ кодексининг 408-моддасига мувофиқ меҳнат шартномаси асосида чет элда ёлланиб ишлаётган Ўзбекистон Республикаси фуқаролари йилига базавий ҳисоблаш миқдорининг камида бир баравари миқдорида ижтимоий солиқ тўлаганда тўловлар амалга оширилган даврлар меҳнат стажини ҳисоблаб чиқариш учун асос бўлиб хизмат қилади.
14. Ўзбекистон Республикаси Президентининг 2018 йил 5 мартдаги ПҚ-3584-сон «Вақтинчалик меҳнат фаолиятини олиб бориш учун республика ҳудудидан транспорт орқали чет элга жўнаб кетиш вақтида Ўзбекистон Республикаси фуқароларининг хавфсизлигини таъминлаш чора-тадбирлари тўғрисида»ги қарорига мувофиқ электрон дастурий мажмуа орқали рўйхатдан ўтган вақтинчалик меҳнат фаолиятини амалга ошириш учун хорижга кетаётган фуқароларга «Ўзбекистон темир йўллари» АЖ томонидан плацкарт ва умумий вагонларга темир йўл чипталарининг нархларига 20 фоиз чегирмалар тақдим этилади.
3-боб. Якуний қоида
16. Мазкур Низомнинг талабларини бузилишида айбдор шахслар қонунчиликда белгиланган тартибда жавобгарликка тортилади.
Вазир Ш. КУДБИЕВ
Тошкент ш.,
2018 йил 10 август,
21-Б-сон
Oʻzbekiston Respublikasi bandlik va mehnat munosabatlari vazirining
buyrugʻi
NIZOM
Xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning ixtiyoriy roʻyxatdan oʻtish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2018-yil 5-iyuldagi PQ-3839-son “Oʻzbekiston Respublikasining tashqi mehnat migratsiya tizimini yanada takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:
1. Xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning ixtiyoriy roʻyxatdan oʻtish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Bandlik va mehnat munosabatlari vazirining 2018-yil 10-avgustdagi 21-B-son buyrugʻiga ILOVA
Xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning ixtiyoriy roʻyxatdan oʻtish tartibi toʻgʻrisida
Mazkur Nizom Oʻzbekiston Respublikasi Prezidentining 2018-yil 5-iyuldagi PQ-3839-son “Oʻzbekiston Respublikasining tashqi mehnat migratsiya tizimini yanada takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning (bundan buyon matnda Fuqaro deb yuritiladi) ixtiyoriy roʻyxatdan oʻtish tartibini belgilaydi.
1-bob. Umumiy qoidalar
1. Fuqarolarning roʻyxatdan oʻtishi ixtiyoriy boʻlib, bepul asosda va elektron shaklda amalga oshiriladi.
2-bob. Roʻyxatdan oʻtish
3. Fuqaro Oʻzbekiston Respublikasi Vazirlar Mahkamasi huzuridagi Migratsiya agentligining “Xorijda ish” mehnat migratsiyasi elektron dasturiy majmuasi (bundan buyon matnda elektron dasturiy majmua deb yuritiladi) orqali roʻyxatdan oʻtadi.
4. Elektron dasturiy majmuada Fuqaroga roʻyxatdan oʻtishda qaysi tildan foydalanishni tanlash taklif etiladi. Fuqaro oʻziga qulay boʻlgan til koʻrsatilgan tugmani bosadi.
5. Fuqaroga Jismoniy shaxslar maʼlumotlar bazasi (id.gov.uz) orqali avtorizatsiyadan oʻtish taklif etiladi. Bunda Fuqaro “avtorizatsiya” tugmasini bosishi lozim.
6. Fuqaroga jismoniy yoki yuridik shaxs sifatida faoliyat yuritmoqchiligini tanlash taklif etiladi. Fuqaro tegishli tugmani belgilaydi va “Tanlash” tugmasini bosadi, bunda u shaxsiy kabinetga oʻtadi.
7. Shaxsiy kabinetda onlayn xizmatlar boʻlimida konsullik hisobiga turish uchun “Konsullik hisobiga turish uchun maʼlumotnoma olish” tugmasini bosadi. Mazkur tugma bosilganda Fuqaroga Oʻzbekiston Respublikasi fuqarosining xorijiy davlatda ishga joylashishi toʻgʻrisidagi Guvohnomaning shakli taqdim etiladi.
8. Fuqaro mazkur shakldagi “doimiy yashash joyi” hamda “mehnat faoliyati toʻgʻrisidagi maʼlumotlar” deb nomlangan qatorni toʻldiradi.
Bunda, Fuqaro “doimiy yashash joyi” qismida davlat, shahar va manzil deb nomlangan qatorlarga, shuningdek “mehnat faoliyati toʻgʻrisidagi maʼlumotlar” qismida davlat, shahar, manzil, korxona nomi, lavozimi va kasbi, mehnat faoliyatini boshlagan vaqti va oylik ish haqi deb nomlangan qatorlarga oʻzi haqidagi maʼlumotlarni toʻgʻri va toʻliq kiritadi. Fuqaro mazkur shaklda “qoʻshimcha maʼlumotlar” deb nomlangan qatorga oʻzi haqidagi qoʻshimcha maʼlumotlarni kiritishi mumkin.
12. Fuqaro tomonidan mazkur Nizomning 8-bandida nazarda tutilgan maʼlumotlar kiritilgandan soʻng Guvohnoma elektron dasturiy majmuada avtomatik ravishda shakllantiriladi hamda uning elektron shakli Fuqaroga taqdim etiladi.
Guvohnomaning amal qilish muddati Fuqaroning xorijiy davlatda mehnat faoliyatini amalga oshirish boʻyicha tuzilgan shartnomasi muddatiga mos ravishda belgilanadi.
13. Oʻzbekiston Respublikasi Soliq kodeksining 408-moddasiga muvofiq mehnat shartnomasi asosida chet elda yollanib ishlayotgan Oʻzbekiston Respublikasi fuqarolari yiliga bazaviy hisoblash miqdorining kamida bir baravari miqdorida ijtimoiy soliq toʻlaganda toʻlovlar amalga oshirilgan davrlar mehnat stajini hisoblab chiqarish uchun asos boʻlib xizmat qiladi.
14. Oʻzbekiston Respublikasi Prezidentining 2018-yil 5-martdagi PQ-3584-son “Vaqtinchalik mehnat faoliyatini olib borish uchun respublika hududidan transport orqali chet elga joʻnab ketish vaqtida Oʻzbekiston Respublikasi fuqarolarining xavfsizligini taʼminlash chora-tadbirlari toʻgʻrisida”gi qaroriga muvofiq elektron dasturiy majmua orqali roʻyxatdan oʻtgan vaqtinchalik mehnat faoliyatini amalga oshirish uchun xorijga ketayotgan fuqarolarga “Oʻzbekiston temir yoʻllari” AJ tomonidan platskart va umumiy vagonlarga temir yoʻl chiptalarining narxlariga 20 foiz chegirmalar taqdim etiladi.
3-bob. Yakuniy qoida
16. Mazkur Nizomning talablarini buzilishida aybdor shaxslar qonunchilikda belgilangan tartibda javobgarlikka tortiladi.
Vazir Sh. KUDBIYEV
Toshkent sh.,
2018-yil 10-avgust,
21-B-son