UzbekAI

Ўзбекистон Республикаси Ички ишлар вазирининг

буйруғи

ҚОИДАЛАРИ

КУН ТАРТИБИ

ХУЛҚ-АТВОР ҚОИДАЛАРИ

РЎЙХАТИ

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларини тасдиқлаш тўғрисида

Ўзбекистон Республикасининг «Маъмурий қамоқни ўташ тартиби тўғрисида»ги Қонунига мувофиқ буюраман:

1. Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидалари иловага мувофиқ тасдиқлансин.

2. Мазкур буйруқ 2019 йил 11 январь кунидан эътиборан кучга киради.

Ўзбекистон Республикаси ички ишлар вазирининг 2018 йил 14 августдаги 220-сон буйруғига ИЛОВА

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб

Мазкур Қоидалар Ўзбекистон Республикасининг «Маъмурий қамоқни ўташ тартиби тўғрисида»ги Қонунига (бундан буён матнда Қонун деб юритилади) мувофиқ маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг (бундан буён матнда махсус қабулхона деб юритилади) ички тартиб қоидаларини белгилайди.

1-боб. Умумий қоидалар

1. Махсус қабулхоналарнинг кун тартиби махсус қабулхоналар томонидан мазкур Қоидаларнинг 1-иловасида белгиланган намунавий кун тартибига асосан ишлаб чиқилади ҳамда Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ва вилоятлар ички ишлар бошқармаларининг Жамоат хавфсизлиги хизмати жамоат тартибини сақлаш бошқармалари бошлиқлари томонидан тасдиқланади.

2. Махсус қабулхонада маъмурий қамоққа олинган шахсларнинг ҳуқуқлари, эркинликлари ҳамда қонуний манфаатлари рўёбга чиқарилишини, мажбуриятлари бажарилишини, уларнинг ажратиб қўйилишини, алоҳида-алоҳида жойлаштирилишини, шунингдек Қонунда назарда тутилган бошқа вазифалар бажарилишини таъминлайдиган режим ўрнатилади.

3. Махсус қабулхонада режимни ташкил этиш ва таъминлаш махсус қабулхона маъмурияти ва ходимлари зиммасига юклатилади.

4. Махсус қабулхонада маъмурий қамоққа олинган шахслар Қонунда белгиланган мажбуриятлар ҳамда мазкур Қоидаларнинг 2-иловасида белгиланган хулқ-атвор қоидаларини бажаради.

2-боб. Махсус қабулхона ҳудудига кириш ва ундан чиқиш

5. Шахсларнинг махсус қабулхона ҳудудига кириши ва ундан чиқиши уларнинг шахсини тасдиқловчи ҳужжати ҳамда махсус қабулхона бошлиғи рухсатига асосан бериладиган бир марталик рухсатнома асосида амалга оширилади.

6. Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили ҳамда Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) махсус қабулхонага монеликсиз кириш ҳуқуқига эга . Бунда махсус қабулхона маъмурияти томонидан Вакилнинг хавфсизлиги таъминланади.

Жиноят-ижроия кодексининг 18-моддасида назарда тутилган субъектлар махсус қабулхонага кириш ҳуқуқига эга. Мазкур шахсларнинг махсус қабулхонага кириш тартиби қонунчилик ҳужжатлари билан белгиланади.

7. Қуйидаги шахслар махсус қабулхонага хизмат гувоҳномасини кўрсатган ҳолда кириш ҳуқуқига эга:

Ўзбекистон Республикаси Олий Мажлиси Қонунчилик палатасининг депутатлари ва Сенатининг аъзолари;

Ўзбекистон Республикаси судьялари;

Ўзбекистон Республикаси Бош прокурори, унинг ўринбосарлари, Қорақалпоғистон Республикаси, Тошкент шаҳар, вилоятлар прокурорлари ҳамда уларга тенглаштирилган прокурорлар ва уларнинг ўринбосарлари;

Ўзбекистон Республикасининг ички ишлар вазири ва унинг ўринбосарлари;

Ўзбекистон Республикасининг Ички ишлар вазирлиги марказий аппаратининг бош бошқарма ва бошқарма бошлиқлари, уларнинг ўринбосарлари ҳамда тегишли бўлим (бўлинма) ходимлари;

тегишли ички ишлар бошқармалари бошлиқлари ва уларнинг ўринбосарлари;

Ўзбекистон Республикаси Адлия вазирлиги Инсон ҳуқуқларини ҳимоя қилиш бошқармаси ва унинг ҳудудий бўлимларининг масъул ходимлари,

махсус қабулхона ходимлари ҳамда махсус қабулхонада меҳнат шартномаси асосида ишловчи ишчи ва хизматчилар.

8. Назорат қилувчи прокурор муассасага монеликсиз ва исталган вақтда киришга, ҳамма камералар билан танишишга ҳамда махсус қабулхонада сақланаётган шахслар билан суҳбатлашишга ҳақли.

9. Маъмурий қамоққа олинган шахс адвокат олган тақдирда махсус қабулхона маъмурияти адвокатнинг махсус қабулхона ҳудудига иш вақти давомида монеликсиз иш юритувидаги ҳужжат юзасидан киришини таъминлайди.

10. Махсус қабулхона ҳудудига киришда ва ундан чиқишда шахсларнинг ашёлари, кийим-бошлари ва пойабзаллари кўздан кечирилади, шунингдек кираётган ҳамда чиқиб кетаётган транспорт воситалари кўздан кечирилади, мазкур Қоидаларнинг 3-иловасига мувофиқ тақиқланган ашёлар ва озиқ-овқат маҳсулотлари олиб қўйилади.

11. Махсус қабулхона ҳудудига киришда адвокатларнинг, махсус қабулхонани назорат қилувчи ва текширувчи мансабдор шахсларнинг ашёлари, кийим-бошлари ва пойабзаллари кўздан кечирилмайди. Мазкур шахслар келганда, ўқотар қурол ҳамда бошқа тақиқланган ашёларни махсус қабулхонанинг навбатчилик қисмига топшириши шарт.

3-боб. Маъмурий қамоққа олинган шахсларни қабул қилиш ва камераларга жойлаштириш

12. Махсус қабулхонага маъмурий қамоққа олинган шахслар қуйидаги ҳужжатлар асосида қабул қилинади:

жиноят ишлари бўйича туман (шаҳар) судининг қарори, фавқулодда ҳолат режими шароитларида эса шунингдек ҳарбий комендантнинг ёки ички ишлар органи бошлиғининг қарори;

маъмурий қамоққа олинган шахснинг шахсини тасдиқловчи ҳужжати.

13. Махсус қабулхонага олиб келинган шахслар махсус қабулхона навбатчиси томонидан сутка давомида қабул қилинади.

14. Махсус қабулхона навбатчиси томонидан маъмурий қамоққа олинган шахсларни қабул қилиш вақтида уларни қабул қилиш учун асос бўладиган ҳужжатлар текшириб кўрилади, турли ноаниқликларнинг олдини олиш мақсадида маъмурий қамоққа олинган шахсларга саволлар берилиб, уларнинг берган жавобларини махсус қабулхонага қабул қилиш учун асос бўладиган ҳужжатларда кўрсатилган маълумотлар ҳамда шахсини тасдиқловчи ҳужжатлари билан солиштирилади ва ушбу маълумотлар махсус қабулхонага қабул қилинган шахсларни рўйхатдан ўтказиш журналига қайд этилади.

15. Қонун талаблари бузилган ҳолда расмийлаштирилган ҳужжатлар асосида олиб келинган шахслар махсус қабулхонага қабул қилинмайди.

16. Махсус қабулхонада маъмурий қамоққа олинган шахслар ўз ҳуқуқлари, эркинликлари ва мажбуриятлари ҳамда махсус қабулхонадаги режим тўғрисида хабардор қилинади. Бундай маълумотлар ҳар бир камера деворларига осиб қўйилади.

17. Махсус қабулхона маъмурияти маъмурий қамоққа олинган шахс махсус қабулхонага жойлаштирилган пайтдан бошлаб унга телефон орқали адвокатга, қариндошларига ёхуд бошқа шахсларга маъмурий қамоққа олинган шахс махсус қабулхонага жойлаштирилганлиги тўғрисида қўнғироқ қилиш ёки хабар қилиш ҳуқуқини бериши ва маъмурий қамоққа олинган шахс бу ҳуқуқидан фойдаланганлигини тасдиқлаб махсус қабулхонага қабул қилинган шахсларни рўйхатдан ўтказиш журналига имзоси билан тасдиқлаши шарт.

Агар махсус қабулхонага жойлаштирилган шахс чет эл фуқароси бўлса, унинг махсус қабулхонага жойлаштирилганлиги тўғрисидаги ёзма билдириш Қонунга мувофиқ йигирма тўрт соатдан кечиктирмай махсус қабулхона масъул ходимлари томонидан почта орқали Ўзбекистон Республикаси Ташқи ишлар вазирлигига юборилади .

18. Бошқа шахслардан ажратиб қўйиш талаб қилинадиган беморларни аниқлаш мақсадида махсус қабулхонага олиб келинган шахслар дастлабки тиббий кўрик ва санитария ишловидан ўтказилади.

19. Тиббиёт ходимлари томонидан чиқарилган хулосага кўра стационар шароитда даволанишга муҳтож бўлган шахслар махсус қабулхонага қабул қилинмайди .

20. Маъмурий қамоққа олинган шахсларни камераларда алоҳида-алоҳида жойлаштириш уларнинг шахси ва психологик жиҳатдан мослиги ҳисобга олинган ҳолда амалга оширилади . Чекувчилар чекмайдиганлардан алоҳида жойлаштирилади.

Маъмурий қамоққа олинган шахсларни жойлаштириш чоғида эркакларнинг аёллардан алоҳида жойлаштирилиши таъминланиши шарт.

Қуйидагилар маъмурий қамоққа олинган бошқа шахслардан алоҳида жойлаштирилади :

чет эл фуқаролари ва фуқаролиги бўлмаган шахслар;

юқумли касалликларга чалинган беморлар ёки тиббий кузатувга муҳтож бўлган шахслар;

собиқ судьялар ва ҳуқуқни муҳофаза қилувчи органларнинг собиқ ходимлари, собиқ адвокатлар;

ҳаёти ва соғлиғининг хавфсизлигини таъминлаш манфаатларидан келиб чиққан ҳолда айрим шахслар.

Маъмурий қамоққа олинган шахсларни бир кишилик камераларда сақлаш ушбу банднинг бешинчи , олтинчи ва еттинчи хатбошиларида назарда тутилган талабларга риоя этилишини таъминлашнинг бошқа имконияти мавжуд бўлмаган тақдирда амалга оширилади.

21. Ўта хавфли, юқумли ёки паразитар касалликлар билан касалланган шахслар карантин учун ажратилган камераларга жойлаштирилади. Карантин муддати тиббий кўрсаткичларга мувофиқ белгиланади.

22. Руҳий бузилишлари мавжуд бўлган шахслар, жумладан махсус қабулхона ходимларига ва махсус қабулхонада сақланаётган бошқа шахсларга тажовуз қилишга мойил бўлган шахслар камераларга тиббиёт ходимининг тавсиясига кўра жойлаштирилади.

23. Маъмурий қамоққа олинган шахслар махсус қабулхонанинг умумий камераларида сақланади.

Махсус қабулхонанинг бир кишилик камераларига жойлаштиришга:

мазкур Қоидаларда назарда тутилган алоҳида-алоҳида жойлаштириш талабларига риоя этилишини таъминлашнинг бошқа имконияти мавжуд бўлмаганда;

маъмурий қамоққа олинган шахсларнинг шахсий хавфсизлигини таъминлашни кўзлаб;

маъмурий қамоққа олинган шахсларни, агар кундузи умумий камерада сақланаётган бўлса, тунги вақтда бир кишилик камерага жойлаштириш зарур бўлганда йўл қўйилади.

24. Маъмурий қамоққа олинган шахслар томонидан махсус қабулхонанинг бошқа камераларда ёки ўзга хоналарда сақланаётган шахслар билан сўзлашишига, уларга бирон-бир нарса беришига ҳамда улар билан ёзишмалар олиб боришига йўл қўйилмайди.

25. Ажратиб қўйишни таъминлашга доир талабларга махсус қабулхона ҳудуди ва йўлагида, сайр қилиш вақтида, санитар ишлов вақтида ва бошқа ҳолларда ҳам риоя этилиши керак.

4-боб. Махсус қабулхонада шахсларни шахсий кўрикдан ўтказиш, уларнинг бармоқ изларини рўйхатга олиш, ушбу шахсларни фотосуратга олиш, ашёлари ва озиқ-овқат маҳсулотларини кўздан кечириш

26. Маъмурий қамоққа олинган шахслар махсус қабулхонада шахсий кўрикдан ўтказилади, уларнинг бармоқ излари ҳамда фотосурати олинади . Улар жойлаштирилган хоналар кўрикдан ўтказилади, уларнинг ёнидаги ашёлари ҳамда номига келган почта жўнатмалари ва йўқловлар эса кўздан кечирилади.

27. Махсус қабулхонага бир гуруҳ маъмурий қамоққа олинган шахслар келтирилган вақтда, улар икки соатдан ошмаган муддат ичида шахсий кўрикдан ўтказилиши шарт.

28. Шахсий кўрик тўлиқ ёки тўлиқсиз шаклда ўтказилиши мумкин.

29. Тўлиқ шахсий кўрик маъмурий қамоққа олинган шахс махсус қабулхонага олиб келинганда ва олиб кетилаётганда ўтказилади.

30. Тўлиқ шахсий кўрик ўтказишда шахс тўлиқ ечинтирилиб, унинг бадани, кийим-боши, пойабзали, махсус қабулхона тиббиёт ходими назорати остида протезлари, пластир ёпиштирилган, гипсли ва бошқа боғланган жойлари бирма-бир синчиклаб текширилади. Кийим-боши орасида тақиқланган ашёлар ва озиқ-овқат маҳсулотларининг мавжудлиги аниқланган тақдирда, кийим-бошининг чоки сўкилади, пойабзалида мавжуд супинатор ва темир нағал эса, ажратиб олинади.

31. Тўлиқсиз шахсий кўрик қуйидаги ҳолларда ўтказилади:

маъмурий қамоққа олинган шахслар махсус қабулхона тиббиёт хонасига, сайрга, бармоқ изларини олиш ёки фотосуратга олишга олиб чиқилаётганда, шунингдек қайтариб олиб кирилаётганда;

ҳимоячи, қонуний вакил, қариндошлари ва бошқа шахслар билан учрашувга олиб чиқилаётганда, шунингдек қайтариб олиб кирилаётганда;

бошқа камерага ўтказилаётганда.

32. Тўлиқсиз шахсий кўрик ўтказишда шахс ечинтирилмасдан кўздан кечирилади, унинг кийим-боши, пойабзали пайпаслаб текширилади. Шахсда тақиқланган ашёлар ва озиқ-овқат маҳсулотлари мавжудлиги аниқланган тақдирда, тўлиқ шахсий кўрикдан ўтказилади.

33. Шахсий кўрик махсус қабулхонанинг кўрик қилинаётган шахс билан бир жинсда бўлган ходимлари томонидан амалга оширилади.

34. Махсус қабулхоналарда маъмурий қамоққа олинган шахсларнинг бармоқ излари уч нусхада олинади.

35. Маъмурий қамоққа олинган шахсларнинг бармоқ изларини олиш учун типографик бўёқ ёки бармоқ изларини олишга мўлжалланган махсус воситалардан фойдаланилади.

36. Бармоқ изларини олиш икки усулда амалга оширилиши мумкин:

биринчи усулда қора рангдаги бўёқ текис юзага (шиша, пластик, металл) бир текис қилиб сурилади, валик билан ёйилади (тирноқ фалангалари етарлича бўялиши ҳамда босилаётганда папилляр нақшлари тиқилиб қолмаслиги учун қатлам жуда юпқа ва жуда қалин бўлиб кетмаслиги керак) ва маъмурий қамоққа олинган шахснинг ўнг қўли катта бармоғидан бошлаб ҳар бир бармоқнинг тирноқ фалангаси енгил эзилиб, айланма ҳаракат билан аввал бўялган юза бўйлаб бир бурчакдан бошқасига қараб босилади ва шу тартибда дактилокарта қоғозига туширилади ҳамда унинг махсус ажратилган жойларига назорат излари ва орқа томонига кафт излари босилади;

иккинчи усулда бўёқ қўл бармоғининг ўзига валик билан сурилади ва биринчи усулдаги каби дактилокарта қоғозига босилади.

Ҳар икки усулда бармоқ излари олинганда ҳам дактилокарта қоғозида бармоқларнинг излари (папилляр чизиқлар) тўлиқ кўриниб туриши, папиллярлар ораси типографик бўёқ билан тўлмаган, бўёқ ёйилиб кетмаган ва папилляр нақшларнинг барча қисмлари тасвири тушган бўлиши керак.

37. Маъмурий қамоққа олинган шахснинг тирноқ фалангаси ёки қўл бармоғи йўқ бўлса, дактилокарта қоғозидаги шу бармоқ графасида бу тўғрида изоҳ қолдирилади.

38. Маъмурий қамоққа олинган шахсларни фотосуратга олиш қуйидаги тартибда амалга оширилади:

маъмурий қамоққа олинган шахс кўзойнаксиз ва бош кийимсиз ҳолатда оқ ёки оч кўк рангли девор олдига тургизилади;

боши вертикал, кўзлари очиқ, сочи қулоқлари кўриниб турадиган қилиб таралган ҳолатда иккита кўкрак қисмигача бўлган фотосуратлари тайёрланади (олд ва ўнг тарафлар);

фотосуратлар бир хил ўлчамда, олд томондан суратга олинганда фотоаппарат суратга туширилаётган шахсдан бир ярим метр масофадан кам бўлмаган узоқликда ва фотоаппарат объективи кўзлар тенглигида ўрнатилган бўлиши керак.

39. Қуйидаги ҳолларда маъмурий қамоққа олинган шахсларнинг ашёлари ва озиқ-овқат маҳсулотлари улар иштирокида кўздан кечирилади:

махсус қабулхонага олиб келинганда ёки олиб чиқилаётганда;

бошқа камерага ўтказилаётганда.

40. Зарур ҳолларда, махсус қабулхона бошлиғининг кўрсатмасига кўра, маъмурий қамоққа олинган шахсларнинг ашёлари ва озиқ-овқат маҳсулотлари уларнинг йўқлигида ҳам махсус қабулхона ходимлари томонидан камера бўйича навбатчи иштирокида кўздан кечирилади.

41. Махсус қабулхонага олиб келинган ва сақланаётган маъмурий қамоққа олинган шахсларда тақиқланган ашёлар ва озиқ-овқат маҳсулотларининг борлиги аниқланганда, бу ҳақда далолатнома тузилади.

42. Шахсий кўрик қилиш ҳамда ашёлар ва озиқ-овқат маҳсулотларини кўздан кечириш натижалари мазкур Қоидаларнинг 4-иловасига мувофиқ шаклдаги баённома билан расмийлаштирилади.

Мазкур баённома шахсий кўрик қилган ҳамда кўздан кечиришни ўтказган махсус қабулхона ходим(лар)и ва шахсий кўрик қилинган ҳамда кўздан кечирилган шахс томонидан имзоланади. Шахс баённомада ўз эътирозларини кўрсатишга ҳақли.

43. Маъмурий қамоққа олинган шахс баённомани имзолашдан бош тортган тақдирда, бу ҳақда баённомага ёзиб қўйилади.

44. Шахсий кўрик қилиш ҳамда ашёлар ва озиқ-овқат маҳсулотларини кўздан кечиришда маъмурий қамоққа олинган шахс томонидан махсус қабулхона ходимларига фаол қаршилик кўрсатилган холларда, унга нисбатан Ўзбекистон Республикасининг «Ички ишлар органлари тўғрисида»ги Қонуни талаблари асосида жисмоний куч ишлатиш ва махсус воситалар қўлланилиши мумкин.

45. Махсус қабулхона ходимлари томонидан тузилган баённома, далолатнома, маъмурий қамоққа олинган шахсларнинг фотосуратлари ва бармоқ излари туширилган дактилокарта қоғозларининг бир нусхаси уларнинг шахсий ҳужжатлар йиғмажилдига қўшиб қўйилади.

46. Дактилокарта қоғозининг иккинчи ва учинчи нусхалари тегишлича Рақамли технологиялар ва ҳуқуқий статистика департаменти Ҳуқуқий статистика бош марказининг ҳудудий бўлинмалари ва Эксперт-криминалистика бўлимлари (маркази)га юборилади.

5-боб. Тақиқланган ашёлар ва озиқ-овқат маҳсулотларини олиб қўйиш

47. Тақиқланган ашёлар ва озиқ-овқат маҳсулотлари махсус қабулхона бошлиғининг мазкур Қоидаларнинг 5-иловасига мувофиқ шаклдаги қарорига асосан олиб қўйилади.

48. Олиб қўйилган ҳужжатлар, пул маблағлари, қимматбаҳо буюмлар, нарсалар ва бошқа ашёлар махсус қабулхона навбатчилик қисмига сақлаш учун топширилади ва бу ҳақида уларнинг тавсифлари ва идентификация рақамлари санаб ўтилган ҳолда икки нусхада далолатнома тузилади. Далолатноманинг бир нусхаси маъмурий қамоққа олинган шахсга берилади, иккинчи нусхаси унинг шахсий ҳужжатлар йиғма жилдига қўшиб қўйилади. Олиб қўйилган ҳужжатлар, пул маблағлари, қимматбаҳо буюмлар, нарсалар ва бошқа ашёлар махсус қабулхонанинг навбатчилик қисмидаги сейфда сақланади.

49. Олиб қўйилган ва истеъмолга яроқсиз бўлиб қолган тақиқланган озиқ-овқат маҳсулотлари махсус қабулхона бошлиғининг асослантирилган қарорига кўра йўқ қилиб ташланиб, бу ҳақда мазкур Қоидаларнинг 6-иловасига мувофиқ шаклда далолатнома тузилади.

50. Муомаладан чиқарилмаган нарсалар маъмурий қамоққа олинган шахснинг аризаси ва махсус қабулхона бошлиғининг розилигига кўра унинг қариндошлари ёки бошқа шахсларга бериб юборилиши мумкин.

51. Маъмурий қамоққа олинган шахснинг ёнидан муомалада бўлиши тақиқланган ёки чекланган нарсалар аниқланганда қонунчилик ҳужжатларида белгиланган тартибда олиб қўйилади ҳамда уларни сақлаш, топшириш ёки йўқ қилиш, шунингдек, ушбу ашёларни сақлаган шахсларга нисбатан белгиланган тартибда жавобгарлик масалаларини ҳал этиш учун зудлик билан тегишли туман (шаҳар) ички ишлар бошқармаси (бўлими)га хабар берилади.

52. Санитария ишловидан ўтказиш чоғида маъмурий қамоққа олинган шахсларни назорат қилиш маъмурий қамоққа олинган шахслар билан бир жинсда бўлган махсус қабулхона ходимлари томонидан амалга оширилади.

53. Маъмурий қамоққа олинган шахслар махсус қабулхонадан озод этилган вақтида улардан олиб қўйилган нарсалар ва ашёлар ўзларига қайтариб берилади ва бу ҳақда тилхат олинади.

6-боб. Маъмурий қамоққа олинган шахсларнинг моддий-маиший таъминоти

54. Махсус қабулхонада маъмурий қамоққа олинган шахсларга санитария қоидалари, нормалари, гигиена нормативлари талабларига ва ёнғин хавфсизлиги қоидаларига жавоб берадиган моддий-маиший шароитлар яратилади .

55. Маъмурий қамоққа олинган шахслар сақланадиган камералар вентиляция жиҳозларига ҳамда иситиш тизимига, шунингдек кўзга зиён етказмайдиган ҳолда ўқиш ёки ёзиш учун етарли табиий ва сунъий ёруғликка эга бўлиши керак. Камераларнинг деразалари сунъий вентиляция тизими мавжудлигидан қатъи назар, тоза ҳаво киришини таъминлаши лозим .

56. Камераларда бир кишига тўғри келадиган яшаш майдонининг нормаси икки ярим квадрат метрдан, аёллар учун эса уч квадрат метрдан кам бўлмаган ўлчамда белгиланади .

Маъмурий қамоққа олинган, юқумли касалликларга чалинган беморлар сақланадиган камераларда бир кишига тўғри келадиган майдон тўрт квадрат метрдан кам бўлмаслиги керак.

Маъмурий қамоқда яшаш нормаси белгиланган тартибда тасдиқланган санитария-гигиена ва қурилиш нормалари ва қоидаларига мувофиқ бўлиши керак.

57. Маъмурий қамоққа олинган шахсларга алоҳида ётоқ жойи, кўрпа-тўшак (кўрпа, ёстиқ, иккита чойшаб ва ёстиқ жилди), идиш-товоқ ҳамда овқатланиш анжомлари (коса (миска), кружка ва қошиқ) берилади .

58. Маъмурий қамоққа олинган шахслар ўзининг кийим-боши, пойабзали ва шахсий гигиена воситаларидан фойдаланади .

Маъмурий қамоққа олинган шахсда зарур воситалар мавжуд бўлмаган тақдирда, ушбу шахснинг илтимосига кўра, унга шахсий гигиена воситалари (совун, тиш пастаси ёки кукуни), соқол оладиган асбоб ёки шахсий гигиена воситалари (аёллар учун) ҳам берилади .

59. Махсус қабулхонада маъмурий қамоққа олинган шахслар сақланадиган камералар радиоэшиттириш воситалари билан жиҳозланади.

60. Камераларга, уларда сақланиши мўлжалланган шахслар сонини ҳисобга олган ҳолда қуйидаги жиҳозлар ўрнатилади:

бир қаватли ёки икки қаватли каравотлар;

стол ва стул (ўриндиқ);

озиқ-овқат маҳсулотларини сақлашга мўлжалланган жиҳозлар;

кийим-бош учун илгич;

радиоэшиттириш воситаси;

ахлат қутиси;

сунъий шамоллатиш тизими (вентиляция);

санитария тармоғи (полга ўрнатилган унитаз ва бет-қўл ювгич);

иситиш тизими.

61. Маъмурий қамоққа олинган шахсларнинг чўмилиб-ювиниши, чойшаб ва ёстиқжилдларини алмаштириш етти кунда камида бир марта амалга оширилади .

Маъмурий қамоққа олинган шахсларга махсус қабулхонада йигирма дақиқа давомида чўмилиб-ювиниш имконияти ҳамда ҳаммомнинг махсус жиҳозланган хонасида уларга бир марталик ёки электр устара ёрдамида соч-соқол олишига рухсат берилади.

62. Махсус қабулхонада маъмурий қамоққа олинган шахслар улар организмининг нормал яшаши учун етарли бўлган овқат билан таъминланади.

63. Махсус қабулхонада маъмурий қамоққа олинган шахслар ҳар куни эҳтиёжга қараб қайнатилган ичимлик суви билан таъминланади.

64. Махсус қабулхонада маъмурий қамоққа олинган шахслар тасарруфида қоғоз ва канцелярия ашёлари бўлиши ҳуқуқига эга. Маъмурий қамоққа олинган шахсларга уларнинг илтимосига кўра, аризалар, таклифлар ва шикоятларини ёзиши учун қоғоз ва шарикли ручка берилади.

7-боб. Маъмурий қамоққа олинган шахсларнинг тиббий-санитария таъминоти

65. Махсус қабулхонада даволаш-профилактика ва санитария, эпидемияга қарши ишлар қонунчилик ҳужжатларига мувофиқ ташкил этилади ва ўтказилади. Махсус қабулхона маъмурияти маъмурий қамоққа олинган шахсларнинг соғлиғини сақлашни таъминлайдиган санитария-гигиена талабларини бажариши шарт.

66. Маъмурий қамоққа олинган шахсларга тиббий хизмат кўрсатиш махсус қабулхонанинг тиббиёт ходимлари томонидан амалга оширилади .

67. Махсус қабулхонага янги келган шахслар кечиктириб бўлмайдиган тиббий ёрдам кўрсатилиши зарур бўлган беморларни ва тиббий ёрдамга муҳтож бўлган шахсларни аниқлаш мақсадида махсус қабулхонанинг тиббиёт ходимлари томонидан амалга ошириладиган бирламчи тиббий кўрикдан ўтадилар .

68. Махсус қабулхонага олиб келинган маъмурий қамоққа олинган шахслар улар олиб келинган кундан бошлаб икки кун ичида ўрнатилган тартибда давлат соғлиқни сақлаш тизимининг тиббий муассасаларида мажбурий рентгенофлюрографик (рентгенофлюрографик текширувга оид маълумотлар бўлмаганда) текширувидан ўтказилади. Олинган тиббий кўрик натижалари уларнинг тиббий картасига ёзиб қўйилади.

69. Махсус қабулхоналарда маъмурий қамоққа олинган шахсларда тан жароҳатлари аниқланганда улар махсус қабулхонанинг тиббиёт ходимлари томонидан кечиктирмасдан тиббий текширувдан ўтказилади. Тиббий текширув натижалари тўғрисида дарҳол прокурорга хабар қилинади .

70. Махсус қабулхонада сақланаётган шахслар ҳар куни камераларни кўздан кечириш вақтида махсус қабулхона тиббиёт ходимларига, кечиктириб бўлмайдиган ҳолларда эса, махсус қабулхонанинг исталган ходимига тиббий хизмат кўрсатилишини сўраб мурожаат қилишлари мумкин. Мурожаат қилганларга зарур тиббий хизмат кўрсатилиши шарт.

71. Махсус қабулхонада сақланаётган шахсларга амбулатор тиббий хизмат камераларда ёки махсус қабулхонанинг махсус жиҳозланган тиббиёт хоналарида кўрсатилади. махсус қабулхона тиббиёт ходими ҳар куни камераларни эрталабки кўздан кечириш вақтида, биринчи навбатда, амбулатор тиббий хизмат кўрсатилаётган шахсларни тиббий кўрикдан ўтказади.

72. Маъмурий қамоққа олинган шахслар тиббий кўрсатмалар бўйича ўзларига зарур бўлган дори воситалари ва препаратларидан махсус қабулхона тиббиёт ходимининг рухсати билан фойдаланишга ҳақли .

73. Дори воситалари махсус қабулхона тиббиёт ходимининг кўрсатмаси бўйича беморнинг тиббий картасига ёзилган кўрсаткичларга мувофиқ берилади. Беморнинг хоҳишига кўра, шу жумладан бошқа тиббиёт муассасаларининг тиббиёт ходимлари томонидан тайинланган дори воситалари унинг қариндошлари ёки бошқа шахслар томонидан олиб келинган тақдирда махсус қабулхона тиббиёт ходимининг розилиги билан олиниши мумкин.

74. Шифокорнинг ёзма хулосасига кўра махсус қабулхонада сақланаётган шахсларга тавсия этиладиган дори воситаларининг миқдори чекланмайди.

75. Дори воситаларининг истеъмол қилиниши махсус қабулхона тиббиёт ходими назоратида амалга оширилади. Даволаниши узлуксиз давом этадиган (юрак мускулларининг сиқилиши (стенокардия), беморнинг тинчланишига боғлиқ бўлган қон-томир, артериал қон босимининг кўтарилиши билан кечадиган гипертоник касалликлар, қандли диабет, тутқаноқ ва бошқа шу каби касалликларга чалинган) беморларга махсус қабулхона тиббиёт ходими томонидан тайинланган дори воситалари бериб қўйилиши мумкин, бундан таркибида гиёҳвандлик воситалари, уларнинг аналоглари ёки психотроп моддалар бўлган, шунингдек кучли таъсир этувчи ва бошқа шу каби дори воситалари мустасно.

76. Маъмурий қамоққа олинган шахсларга махсус қабулхоналарда тиббий хизмат кўрсатиш Қонунда белгиланган тартибда Ўзбекистон Республикаси Давлат бюджети маблағлари ҳисобидан амалга оширилади .

77. Махсус қабулхона тиббиёт ходимининг хулосасига кўра стационар шароитларда ёрдам кўрсатилишига муҳтож бўлган шахслар ўрнатилган тартибда давлат соғлиқни сақлаш муассасаларига юборилади. Бунда уларни қўриқлаш ва хулқ-атворини назорат қилиш таъминланади. Маъмурий қамоққа олинган шахсларга стационар шароитларда тиббий ёрдам кўрсатилган тақдирда уларнинг қариндошлари ёки маъмурий қамоққа олинган шахс томонидан кўрсатилган бошқа шахслар бу ҳақда дарҳол хабардор қилинади.

Давлат томонидан кафолатланган тиббий ёрдам ҳажмидан ташқари тиббий ва бошқа ёрдамлар харажатлари белгиланган тартибда маъмурий қамоққа олинган шахслар томонидан тўланади.

Маъмурий қамоққа олинган шахсларга стационар шароитларда тиббий ёрдам кўрсатилган вақт маъмурий қамоқ муддатига киритилади.

78. Махсус қабулхона маъмурияти, ходимлари ва тиббиёт ходимлари мунтазам равишда дезинфекция ва бошқа санитария-гигиена тадбирлари ўтказилишини таъминлаши шарт.

79. Маъмурий қамоққа олинган шахсларда ўта хавфли, юқумли ёки паразитар касалликлар мавжудлиги аниқланган тақдирда зудлик билан эпидемияга қарши чора-тадбирлар ва даволаш-профилактика ишлари амалга оширилади.

80. Эпидемияга қарши курашиш мақсадида ўн кунда камида бир маротаба махсус қабулхона камералари, овқат тарқатиш хоналари ҳамда омборхона ва бошқа хоналари белгиланган тартибда кимёвий препаратлар ёрдамида зараркунандаларни йўқотиш учун профилактик дезинфекция, дезинсекция ва дератизация қилинади.

81. Махсус қабулхонани тайёр овқат билан таъминловчи ошхоналар умумий овқатланиш корхоналарига қўйиладиган санитария қоидалари ва меъёрлари талабларига жавоб бериши керак.

82. Озиқ-овқат маҳсулотлари ва тайёр овқат сифатини махсус қабулхона навбатчиси ва тиббиёт ходими текширади ҳамда бу ҳақда махсус журналга қайд қилади. Тегишли ҳужжатлари бўлмаган, яроқлилик муддати тугаган, бузилиш аломатлари бўлган озиқ-овқат маҳсулотларининг қабул қилинишига йўл қўйилмайди.

83. Маъмурий қамоққа олинган шахснинг овқат ейишдан бош тортганлиги факти аниқланганда, махсус қабулхона навбатчиси дарҳол прокурорни бу ҳақда хабардор қилиши шарт.

84. Овқат ейишдан бош тортаётган шахс махсус қабулхона тиббиёт ходимининг кузатуви остида бўлади.

85. Овқат ейишдан бош тортаётган шахснинг соғлиғини сақлаб туришга қаратилган мажбурий тусдаги чоралар (сунъий ва мажбурий овқатлантириш) агар унинг ҳаёти ёхуд соғлиғига хавф туғилса, шифокорнинг ёзма хулосаси асосида ҳамда тиббиёт ходими иштирокида амалга оширилади.

8-боб. Маъмурий қамоққа олинган шахслар томонидан озиқ-овқат маҳсулотлари ва энг зарур нарсаларни сотиб олиш

86. Маъмурий қамоққа олинган шахслар махсус қабулхонада сақланиш даврида бир маротаба ўзи билан сақлаш тақиқланмаган озиқ-овқат маҳсулотлари ва энг зарур нарсаларни сотиб олиш ҳуқуқига эга.

87. Озиқ-овқат маҳсулотлари ва энг зарур нарсаларни сотиб олишни хоҳловчилар махсус қабулхона бошлиғи номига мазкур Қоидаларнинг 7-иловасига мувофиқ шаклдаги ариза билан мурожаат қилади.

88. Махсус қабулхона бошлиғи махсус қабулхонага қабул қилишда шахслардан олиб қўйилган ва навбатчилик қисмида сақланаётган пул маблағлари ҳисобидан махсус қабулхонада сақланаётган шахсларнинг қариндошлари ёки бошқа шахслар орқали озиқ-овқат маҳсулотлари ва энг зарур нарсаларни сотиб олишлари учун шароит яратиб беради.

9-боб. Маъмурий қамоққа олинган шахслар томонидан почта жўнатмаларини ва йўқловларни олиш ҳамда жўнатиш

89. Маъмурий қамоққа олинган шахслар почта жўнатмалари ва йўқловларни олиш ва жўнатиш ҳуқуқига эга.

90. Маъмурий қамоққа олинган шахслар махсус қабулхонада сақланган даврида оғирлиги почта алоқаси хизматлари кўрсатиш қоидаларида белгиланган нормалардан ошмайдиган битта посилка ёки бандероль, шунингдек умумий оғирлиги ўн икки килограммгача бўлган озиқ-овқат маҳсулотларидан иборат иккита йўқлов олишига рухсат этилади.

91. Одамлар ҳаёти ва соғлиғи учун хавф туғдирадиган ёки жиноят қуроли сифатида ёхуд махсус қабулхонада сақлаш мақсадларига тўсқинлик қилиш учун фойдаланилиши мумкин бўлган озиқ-овқат маҳсулотлари, нарсалар ва моддаларни махсус қабулхонада сақланаётган шахсларга бериш тақиқланади.

92. Почта жўнатмалари ва йўқловларни қабул қилиш махсус қабулхонанинг махсус жиҳозланган хонасида амалга оширилади.

93. Почта жўнатмалари ва йўқловларни қабул қилиш вақти, тартиби ва уларнинг сони ҳамда миқдорини белгиловчи ҳужжатлардан кўчирмалар махсус қабулхонага келган шахсларга кўринадиган жойга осиб қўйилади.

94. Йўқлов олиб келган шахс мазкур Қоидаларнинг 8-иловасига мувофиқ шаклда икки нусхада ариза тўлдиради. Аризалар ва йўқлов уни олиб келган шахснинг шахсини тасдиқловчи ҳужжати билан бирга махсус қабулхона навбатчисига тақдим этилади.

95. Йўқловдаги нон ва гўшт маҳсулотлари, шунингдек пишлоқ ва тузланган балиқ бўлакларга ажратилиб текширилади, суюқ маҳсулотлар махсус қабулхонанинг идишига қуйилади, консервалар очилиб, бошқа идишга солинади, тамаки, шакар ва шу кабилар махсус элакдан ўтказилади, конфетлар ўрамсиз қабул қилинади, тамаки маҳсулотлари қутисидан чиқарилган ҳолда кўздан кечирилади. Ёзишмаларни ҳамда тақиқланган ашёлар ва озиқ-овқат маҳсулотларини яшириш мумкин бўлган бошқа барча маҳсулотлар ҳам шу тартибда текширилади. Зарур ҳолларда, текширув жараёнида техник воситалардан фойдаланилади.

Текширув йўқловни олиб келган шахс иштирокида амалга оширилади.

96. Махсус қабулхона ходими йўқлов олиб келган шахсга унинг шахсини тасдиқловчи ҳужжати ва аризасининг бир нусхасини йўқловни қабул қилганлиги тўғрисида имзо қўйиб қайтариб беради ҳамда йўқловнинг оғирлигини махсус журналга қайд этади. Аризанинг иккинчи нусхасига махсус қабулхонада сақланаётган шахс йўқловни олганлиги тўғрисида имзо қўйганидан сўнг, йўқлов унга берилади ва аризанинг ушбу нусхаси унинг шахсий ҳужжатлар йиғма жилдига қўшиб қўйилади. Маъмурий қамоққа олинган шахс аризага йўқловни олганлиги тўғрисида имзо қўйишдан бош тортса, бу ҳақда аризанинг ушбу нусхасига ёзиб қўйилади ва далолатнома тузилади.

97. Йўқловда жиноий мақсадда фойдаланиш мумкин бўлган, махсус қабулхона ҳудудига киритиш тақиқланган яширилган ашёлар аниқланган тақдирда, махсус қабулхона жойлашган ички ишлар органи бошлиғига билдирги орқали маълум қилинади. Ички ишлар органи бошлиғининг текширув ўтказиш бўйича топшириғига асосан тезкор ходимлар томонидан тегишли ҳужжатлар расмийлаштирилади.

98. Йўқловлар қуйидаги ҳолларда қабул қилинмайди:

йўқловни олиб келган шахсларнинг шахсини тасдиқловчи ҳужжатлари бўлмаганда;

тақиқланган ашёлар ва озиқ-овқат маҳсулотлари олиб келинганда;

йўқловлар сони ёки йўқловнинг умумий оғирлиги Қонунда белгиланган нормадан ортиқ бўлганда, унинг ортиқча қисми;

маъмурий қамоққа олинган шахс давлат соғлиқни сақлаш тизимининг тиббий муассасаларига олиб кетилганлиги сабабли, йўқловни шахсан қабул қилиш имкониятига эга бўлмаганда;

йўқлов олувчи йўқловни қабул қилишдан ёзма равишда бош тортганда;

йўқлов олувчи бошқа муассасага юборилган ёки озод этилганда;

йўқлов олувчи вафот этганда.

Келтирилган ҳолларда йўқлов уни олиб келган шахсга қайтариб берилади, бундан 97-банддаги ҳолатлар мустасно.

99. Почта жўнатмалари махсус қабулхона ходимларидан иборат уч кишилик комиссия томонидан очилади ҳамда уларнинг ичидаги ашёлар ва озиқ-овқат маҳсулотлари почта жўнатмаларининг устидаги рўйхат билан солиштирилади.

100. Очилган почта жўнатмалари бўйича далолатнома тузилади ҳамда унга ашёлар ва озиқ-овқат маҳсулотларининг рўйхати, уларнинг ташқи белгилари, сифати, агар уларда тақиқланган ашёлар ва озиқ-овқат маҳсулотлари бўлса, далолатномада уларни сақлаш, давлат даромадига ўтказиш ёки йўқ қилиш учун топширилганлиги кўрсатилади.

101. Далолатнома маъмурий қамоққа олинган шахсга имзо қўйдириб таништирилади ва унинг шахсий ҳужжатлар йиғма жилдига қўшиб қўйилади.

102. Почта жўнатмалари:

маъмурий қамоққа олинган шахс уларни қабул қилишдан ёзма равишда бош тортганда;

маъмурий қамоққа олинган шахс бошқа муассасага ўтказилганда ёки озод этилганда;

номига почта жўнатмалари келган маъмурий қамоққа олинган шахс вафот этганда уларни жўнатган шахсларга почта орқали юборилади.

103. Махсус қабулхонадан озод этилган шахсларнинг номига келган почта жўнатмалари олинганидан кейин уч кунлик муддатдан кечиктирмай махсус қабулхона маъмурияти томонидан у кетган жойга жўнатилади.

104. Почта жўнатмалари қабул қилиб олингандан сўнг йигирма тўрт соат ичида, йўқловлар эса дарҳол маъмурий қамоққа олинган шахсга берилади.

105. Почта жўнатмалари ва йўқловларнинг сақланиши оқибатида уларнинг табиий бузилиши ҳамда кўздан кечириш натижасида ташқи кўринишини йўқотганлиги учун махсус қабулхона маъмурияти жавобгар бўлмайди. Бу ҳақда йўқлов олиб келган шахс йўқловни қабул қилиш вақтида огоҳлантирилиши шарт.

106. Маъмурий қамоққа олинган шахсларнинг почта жўнатмалари ва йўқловларни жўнатиши уларнинг ўз маблағлари ҳисобидан амалга оширилади.

107. Маъмурий қамоққа олинган шахслар почта жўнатмалари ва йўқловларни жўнатиш учун зарур ашёларни (конвертлар, маркалар, телеграмма бланкалари, қоғоз ва бошқаларни) махсус қабулхона ходимлари орқали сотиб олади.

108. Маъмурий қамоққа олинган шахслардан почта жўнатмалари ва йўқловлар ҳар куни ёпилмаган конвертларда, жўнатувчи ва олувчининг реквизитлари ёзилган ҳолда махсус қабулхона ходими томонидан қабул қилинади.

109. Почта жўнатмалари ва йўқловларни адресатларга жўнатиш у жўнатишга топширилган кундан эътиборан уч кунлик муддатда махсус қабулхона маъмурияти томонидан амалга оширилади. Телеграмма адресатга дарҳол жўнатилади.

10-боб. Маъмурий қамоққа олинган шахслар томонидан пул жўнатмалари олиш

110. Маъмурий қамоққа олинган шахслар пул жўнатмалари олиш ҳуқуқига эга.

111. Маъмурий қамоққа олинган шахслар номига келган пул жўнатмалари махсус қабулхонанинг навбатчилик қисмидаги сейфда сақланади.

112. Маъмурий қамоққа олинган шахслар томонидан пул жўнатмалари олинган сана махсус журналда қайд этилади.

113. Маъмурий қамоққа олинган шахслар махсус қабулхонадан озод этилган вақтида уларнинг номига келган пул жўнатмалари ўзларига берилади ва бу ҳақда тилхат олинади.

114. Махсус қабулхонадан кетган шахсларнинг номига келган пул жўнатмалари олинганидан кейин уч кунлик муддатдан кечиктирмай махсус қабулхонанинг маъмурияти томонидан у кетган жойга жўнатилади.

11-боб. Маъмурий қамоққа олинган шахсларнинг ҳар кунги сайрларини ўтказиш

115. Маъмурий қамоққа олинган шахслар махсус қабулхона ҳудудида махсус ажратилган жойларда кундузги вақтда давомийлиги икки соатдан кам бўлмаган ҳар кунги сайр этиш ҳуқуқига эга.

116. Беморларнинг ҳар кунги сайр этиш вақти махсус қабулхона тиббиёт ходимининг хулосасига кўра белгиланади.

117. Камерадаги шахслар сайрга бир вақтда олиб чиқилиши ва улар мавсумий кийимда бўлиши лозим.

118. Маъмурий қамоққа олинган шахслар сайрга махсус қабулхона маъмурияти томонидан белгиланган жадвал асосида олиб чиқилади.

119. Сайр вақтида махсус қабулхона тиббиёт ходимлари махсус қабулхона масъул ходимлари билан биргаликда камераларнинг санитария ҳолатини текширишлари мумкин.

120. Сайрга олиб чиқилган шахслар доимий равишда назорат қилиб турилади.

121. Маъмурий қамоққа олинган шахслар сайр вақтида сайрни муддатидан олдин тўхтатиш ҳақида назоратчига мурожаат қилишлари мумкин. Назоратчи бу ҳақда махсус қабулхона навбатчисини хабардор қилади.

122. Сайр қилиш об-ҳаво шароити ёмонлашганда (бўрон, кучли ёмғир ва ҳ.к.), фавқулодда ҳолатлар (қочиш, ўз жонига қасд қилиш ва ҳ.к) рўй берганда, вазият кескинлашганда (фавқулодда ҳолат содир этилиши тўғрисида хабар олинганда, назорат қилувчи ходимлар сони кескин қисқартирилганда)ҳамда бошқа нохуш ҳодиса (ёнғин, табиий офатлар ва ҳ.к.)лар бартараф этилгунга қадар тақиқлаб қўйилиши мумкин.

123. Маъмурий қамоққа олинган шахслар махсус қабулхона йўлагидан ўтаётганда ва сайрга чиққанда бақириш, куйлаш, тинчликни бошқача усуллар билан бузиш, махсус қабулхона ҳудудидан ташқарига нарсалар отиш, деворларга ёзувлар ёзиш, ускуна ва тўсиқларни бузиш ёки сақлаш режимини бузадиган бошқа ҳаракатларни амалга ошириш тақиқланади.

124. Ушбу Қоидаларнинг 123-бандида белгиланган сайр қилиш тартиби бузилганда, маъмурий қамоққа олинган шахслар томонидан махсус қабулхона ходимларига ёки маъмурий қамоққа олинган бошқа шахсларга нисбатан ноқонуний ҳаракатлар содир этилганда ёки ушбу шахсга биринчи ёрдам кўрсатиш керак бўлганда сайр қилиш муддатидан илгари тўхтатилиши мумкин.

125. Сайр қилиш тартибини бузган шахслар махсус қабулхона бошлиғи (йўқлигида унинг ўринбосари ёки навбатчи) кўрсатмасига асосан камерасига қайтарилади.

12-боб. Маъмурий қамоққа олинган шахсларнинг учрашувларини ўтказиш, шунингдек улар томонидан телефон орқали сўзлашув ҳуқуқини амалга ошириш

126. Махсус қабулхонада маъмурий қамоққа олинган шахсларга ҳимоячиси, қонуний вакили, қариндошлари ҳамда бошқа шахслар билан учрашувлар берилади . Ҳимоячи ва қонуний вакил билан монеликсиз ва холи учрашувлар уларнинг сони ҳамда давом этиш муддати чекланмаган ҳолда берилади .

127. Махсус қабулхона бошлиғи томонидан маъмурий қамоққа олинган шахсга қариндошлари ва бошқа шахслар билан давом этиш муддати икки соатгача бўлган битта учрашувга ижозат берилиши мумкин.

128. Бир вақтнинг ўзида маъмурий қамоққа олинган шахс билан икки нафар вояга етган қариндошлари ва бошқа шахсларнинг учрашувига рухсат этилади.

129. Маъмурий қамоққа олинган шахсларнинг қариндошлари ва бошқа шахслар билан учрашувлари махсус қабулхонанинг махсус жиҳозланган учрашув хонасида ўтказилади.

130. Маъмурий қамоққа олинган шахслар учрашувга бир вақтнинг ўзида олиб чиқилиши мумкин, бунда маъмурий қамоққа олинган шахсларнинг камералар бўйича ажратилиш талабларига қатъий риоя қилиниши шарт.

131. Махсус қабулхона ходимлари томонидан учрашувга олиб чиқилаётган шахснинг ташқи кўриниши озода бўлиши таъминланиши керак.

132. Махсус қабулхона навбатчиси томонидан сменани топшириш-қабул қилиш (камида бир соат ичида) ва маъмурий қамоққа олинган шахсларнинг овқатланиш (нонушта, тушлик ва кечки овқат) вақтида ҳамда тунги, яъни кеч соат 22.00 дан эрталаб соат 6.00 гача бўлган вақтда, шунингдек шахсини тасдиқловчи ҳужжати бўлмаган, маст ҳолда келган шахсларга учрашув берилмайди, Жиноят-процессуал кодексида (бундан буён матнда ЖПК деб юритилади) назарда тутилган ҳоллар бундан мустасно. Бунда рад этиш сабаблари махсус қабулхона ходими томонидан тушунтирилади.

133. Маъмурий қамоққа олинган шахслар билан қуйидаги шахслар учрашишлари мумкин :

адвокат — у адвокат гувоҳномасини ва ўзининг муайян ишни юритишга бўлган ваколатини тасдиқловчи ордерни кўрсатганда;

қонуний вакил — маъмурий қамоққа олинган шахснинг қонуний вакили эканлигини ва ўз шахсини тасдиқловчи ҳужжатини кўрсатганда;

маъмурий қамоққа олинган шахснинг қариндоши ёки бошқа шахс — ўзининг шахсини тасдиқловчи ҳужжатини кўрсатганда.

Ушбу бандда санаб ўтилган шахслардан бошқа ҳужжатларни талаб қилиш тақиқланади.

134. Адвокатнинг ҳимоя остидаги шахс билан аудио ва видео кузатув қурилмалари бўлмаган махсус хонада ҳамда бегона шахсларнинг иштирокисиз ўз вақтида ва ҳеч қандай тўсиқларсиз учрашиши таъминланади, бунда адвокат ва ҳимоя остидаги шахснинг суҳбатини учинчи шахслар эшитишини истисно этган ҳолда уларни визуал кўриб туриш имконияти сақлаб қолинади.

Маъмурий қамоққа олинган шахсларнинг ўз ҳимоячиси ва қонуний вакили билан учрашувлари махсус қабулхона ходими уларни кўриб турадиган, лекин эшитмайдиган шароитларда, махсус қабулхонанинг учрашув хонасида ўтказилади.

135. Адвокатнинг ҳимоя остидаги шахс билан учрашиш жараёнида электрон воситалардан (мобил телефон, фотоаппарат ва диктофон) фойдаланиш имконияти яратилади. Бунда адвокат томонидан электрон воситалардан маълумотларни қайд этиш билан боғлиқ бўлмаган бошқа мақсадларда фойдаланиш тақиқланади.

Ҳимоячилар (адвокатнинг ҳимоячи сифатида иштирок этиши бундан мустасно), қонуний вакиллар, қариндошлар ва бошқа шахсларга учрашувлар берилганда, уларнинг ёнида алоқа воситалари, шахсий компьютер, фотоаппарат, видеокамера ва овоз ёзиш қурилмаларининг бўлиши тақиқланади .

136. Учрашув жараёнида адвокат томонидан маъмурий қамоққа олинган шахсларга Қоидаларнинг 3-иловасида кўрсатиб ўтилган тақиқланган ашёлар ва озиқ-овқат маҳсулотларини топшириш ҳолатлари аниқланганда учрашув муддатидан олдин тўхтатилади.

Адвокат билан учрашув муддатидан олдин тўхтатилган ҳолларда, махсус қабулхона маъмурияти томонидан адвокатлик сири ва дахлсизлигини таъминлашга доир қонунчилик ҳужжатлари талабларига риоя қилган ҳолда далолатнома расмийлаштирилади. Далолатнома нусхаси Ўзбекистон Республикаси Адвокатлар палатасининг тегишли ҳудудий бошқармасига ва ушбу адвокатга гувоҳнома берган ҳудудий адлия органига юборилади.

137. Қариндошлар ва бошқа шахслар билан учрашувлар махсус қабулхона ходимларининг назорати остида амалга оширилади. Ҳимоячи, қонуний вакил, қариндошлар ва бошқа шахслар томонидан маъмурий қамоққа олинган шахсларга мазкур Қоидаларнинг 3-иловасида кўрсатиб ўтилган тақиқланган ашёлар ва озиқ-овқат маҳсулотларини топширишга уринилган ҳолларда учрашув муддатидан олдин тўхтатиб қўйилади. Учрашувга келган шахс бу ҳақда учрашув бошланишидан олдин махсус қабулхонанинг масъул ходимлари томонидан огоҳлантирилиши шарт.

138. Махсус қабулхонада учрашувлар вақтинча тўхтатиб турилган ҳолларда назорат қилувчи прокурорга хабар берилади ва бу ҳақда учрашувга келганларни қабул қилиш хонасига эълон осиб қўйилади.

139. Махсус қабулхона маъмурияти томонидан маъмурий қамоққа олинган шахсларга махсус қабулхонада техник имкониятлар мавжуд бўлганида стационар телефон-автоматлари орқали, ёки маъмурий қамоққа олинган шахсларнинг шахсий алоқа воситалари ва зарядлаш қурилмаларини уларга бериш (олиш) ёрдамида, телефон мулоқотларининг кетма-кетлик тартибида тақдим этилади.

140. Маъмурий қамоққа олинган шахсларнинг телефон мулоқотлари махсус қабулхона маъмурияти ёки ходимлари иштирокида ёхуд улар йўқлигида аудиовизуал назорат орқали амалга оширилади.

141. Маъмурий қамоққа олинган шахсларга шахсий алоқа воситалари ва зарядлаш қурилмалари фақат телефон мулоқотларини амалга ошириш вақтида берилади.

142. Маъмурий қамоққа олинган шахсларга шахсий алоқа воситалари ва зарядлаш қурилмалари махсус қабулхона маъмуриятининг шахсий алоқа воситалари ва зарядлаш қурилмаларини маъмурий қамоққа олинган шахсларга бериш (олиш) ва телефон мулоқотларини тақдим этишни ҳисобга олиш журналига қўйилган белгиси орқали берилади (олинади).

143. Маъмурий қамоққа олинган шахсларга телефон мулоқотлари сайр вақтлари, санитар, гигиеник ва бошқа шу турдаги тадбирлар ҳамда махсус қабулхона маъмурияти ва ходимлари томонидан маъмурий қамоққа олинган шахслар хавфсизлиги ва маъмурий қамоқни ўташ тартибини таъминлаш мақсадида ўтказиладиган чора-тадбирлардан ташқари, махсус қабулхона кун тартибига мувофиқ ҳар куни соат 10.00 дан 12.00 гача ва 19.00 дан 21.00 гача тақдим этилади.

13-боб. Маъмурий қамоққа олинган шахсларнинг диний расм-русумларни адо этиши

144. Маъмурий қамоққа олинган шахслар, агар бу мазкур Қоидаларни, шунингдек бошқа шахсларнинг ҳуқуқлари ва қонуний манфаатларини бузмаса, махсус қабулхона хоналарида диний расм-русумларни адо этиш ҳуқуқига эга.

145. Маъмурий қамоққа олинган шахслар диний расм-русумларни ўзлари сақланаётган камераларда, имкон бўлганда эса махсус қабулхонанинг ушбу расм-русумларга мўлжаллаб жиҳозланган махсус хоналарида ўз диний анъаналарга мувофиқ амалга оширади.

146. Махсус қабулхона маъмурияти маъмурий қамоққа олинган шахсларнинг диний расм-русумларни адо этиши учун зарур шарт-шароит яратилишини таъминлайди.

147. Маъмурий қамоққа олинган шахсларга махсус қабулхона кутубхонасидаги қонунчилик ҳужжатлари, адабиётлар ва даврий матбуот нашрларидан фойдаланишга рухсат этилади.

14-боб. Маъмурий қамоққа олинган шахсларнинг Ўзбекистон Республикаси Президенти, давлат ҳокимияти вакиллик органлари сайловларида ва Ўзбекистон Республикасининг референдумида иштирок этиши

148. Маъмурий қамоққа олинган шахслар Ўзбекистон Республикаси Президенти, давлат ҳокимияти вакиллик органлари сайловларида ва Ўзбекистон Республикасининг референдумида (бундан буён матнда сайлов деб юритилади) иштирок этиш ҳуқуқига эга.

149. Маъмурий қамоққа олинган шахсларнинг сайловда иштирок этиш ҳуқуқини таъминлаш мақсадида махсус қабулхонанинг ўзида сайлов участкаси ташкил этилади.

150. Махсус қабулхонада сайлов участкасини тузиш ва унинг фаолиятини ташкил этиш Ўзбекистон Республикасининг Сайлов кодекси ва «Ўзбекистон Республикасининг референдуми тўғрисида»ги Қонуни асосида амалга оширилади.

151. Маъмурий қамоққа олинган шахсларни куч ишлатиш, алдаш, қўрқитиш орқали ёки бошқа йўллар билан уларнинг сайлаш ва референдумда иштирок этишдан иборат ҳуқуқларидан фойдаланишларига тўсқинлик қилиш Ўзбекистон Республикасининг қонунларига мувофиқ жавобгарликка тортишга сабаб бўлади.

15-боб. Маъмурий қамоққа олинган шахсларни меҳнатга жалб этиш

152. Маъмурий қамоққа олинган шахслар махсус қабулхонада сақлаш билан боғлиқ харажатлар ўрнини қоплаш мақсадида меҳнат қилиш истагини билдириб махсус қабулхона бошлиғи номига ариза билан мурожаат қилиш ҳуқуқига эга.

153. Маъмурий қамоққа олинган шахсларнинг аризаси махсус қабулхона маъмурияти томонидан дарҳол кўриб чиқилади ва тегишли шароитлар мавжуд бўлганда маъмурий қамоққа олинган шахслар ҳақ тўланадиган меҳнатга жалб этилади.

154. Маъмурий қамоққа олинган шахсларни меҳнатга жалб этиш учун шароит бўлмаган ҳолларда аризачига рад этиш сабаблари тушунтирилади.

155. Махсус қабулхона маъмурияти томонидан маъмурий қамоққа олинган шахсларни ҳақ тўланадиган меҳнатга жалб этиш мақсадида туман (шаҳар) ҳокимликларига мурожаат этилади ҳамда ҳокимликлар томонидан тавсия этилган корхона ва ташкилотлар билан махсус қабулхона ўртасида шартнома тузилади.

156. Маъмурий қамоққа олинган шахслар шартнома асосида меҳнатга жалб этилган ҳолларда доимий назорат остида бўлади ва махсус қабулхона ходимларининг кўрсатмаси бўйича ишлайди.

157. Маъмурий қамоққа олинган шахсларнинг меҳнат шароити қонунчилик ҳужжатларида белгиланган хавфсизлик, санитария ва гигиена талабларига жавоб бериши керак. Маъмурий қамоққа олинган шахслар ўз меҳнати учун тегишли ҳақ олишга ҳақлидир.

158. Маъмурий қамоққа олинган шахсларнинг иш вақти ва меҳнатига ҳақ тўлаш меҳнат тўғрисидаги қонунчилик ҳужжатларига мувофиқ белгиланади.

159. Белгиланган иш ҳажмларини бажарган шахслар меҳнатига ҳақ тўлаш қонунчилик ҳужжатларида Меҳнатга ҳақ тўлаш ягона тариф сеткасининг биринчи разряди бўйича белгиланган миқдордан кам бўлмаслиги лозим.

160. Маъмурий қамоққа олинган шахсларнинг меҳнатидан фойдаланиш натижасида олинган пул маблағлари уларни махсус қабулхоналарда сақлаш ва овқатлантиришга йўналтирилади.

161. Маъмурий қамоққа олинган шахсларни махсус қабулхоналарда сақлаш ва овқатлантириш қийматидан ортиқ бўлган сумма уларнинг номига очиладиган махсус банк ҳисобварақларига ўтказилади.

162. Маъмурий қамоққа олинган шахслар махсус қабулхона хоналаридаги санитария-гигиена, маиший шароитларни яхшилаш, шунингдек ички ишлар органи ёки махсус қабулхона ҳудудини ободонлаштириш билан боғлиқ бўлган, давомийлиги суткасига икки соатдан кўп бўлмаган ҳақ тўланмайдиган жисмоний ишларга ўз розилигига кўра жалб этилади.

163. Маъмурий қамоққа олинган шахсларни ҳақ тўланмайдиган жисмоний ишларга жалб этиш уларнинг соғлиғи ҳолати ҳисобга олинган ҳолда ва навбатма-навбат амалга оширилади.

164. Маъмурий қамоққа олинган меҳнатга қобилиятсиз шахслар жисмоний ишларга жалб этилишдан озод қилинади.

16-боб. Маъмурий қамоққа олинган шахсларнинг аризалар, таклифлар ва шикоятлар юбориши

165. Маъмурий қамоққа олинган шахслар махсус қабулхона маъмуриятига, давлат ва фуқароларнинг ўзини ўзи бошқариш органларига ҳамда жамоат бирлашмаларига ўз она тилида ёки бошқа тилда аризалар, таклифлар ва шикоятлар билан мурожаат этиш ҳуқуқига эга.

166. Махсус қабулхона ходимлари ҳар куни камераларни айланиш чоғида маъмурий қамоққа олинган шахслардан ёзма ва оғзаки шаклдаги ариза, таклиф ва шикоятлар қабул қилади.

167. Оғзаки шаклда қабул қилинган ёки махсус қабулхона бошлиғи номига берилган аризалар, таклифлар ва шикоятлар журналга қайд этилади ҳамда махсус қабулхона бошлиғига баён қилинади.

168. Махсус қабулхона бошлиғи унинг номига ёзилган аризалар, таклифлар ва шикоятлар зудлик билан кўриб чиқилишини таъминлайди.

169. Махсус қабулхона ходимларининг ҳаракатлари ва қарорлари устидан берилган шикоятлар берилган кундан кейинги иш кунидан кечиктирмай махсус қабулхона бошлиғи томонидан прокурорга бевосита топширилади, прокурорнинг ҳаракатлари ва қарорлари устидан берилган шикоятлар эса юқори турувчи прокурорга почта орқали юборилади.

170. Бошқа давлат органлари ва ташкилотлари номига йўлланган аризалар, таклифлар ва шикоятлар цензурадан ўтказилмайди ҳамда берилган кундан кейинги иш кунидан кечиктирмай махсус қабулхона маъмурияти томонидан олувчиларга почта орқали юборилади.

171. Аризалар, таклифлар ва шикоятларга жавоблар махсус қабулхонага келиб тушган кундан кейинги иш кунидан кечиктирмай махсус қабулхона навбатчиси томонидан тегишли ариза, таклиф ва шикоятни берган шахсга етказилади.

172. Маъмурий қамоққа олинган шахснинг аризалари, таклифлари ва шикоятларини жўнатиш харажатларининг ўрни махсус қабулхона маблағлари ҳисобидан қопланади.

173. Маъмурий қамоққа олинган шахснинг аризалари, таклифлари ва шикоятларини қабул қилиш ҳамда кўриб чиқишнинг асоссиз равишда рад этилиши, уларни кўриб чиқиш ёки олувчиларга топшириш тартиби ва муддатларининг бузилиши ёхуд маъмурий қамоққа олинган шахснинг берилган аризалар, таклифлар ва шикоятлар муносабати билан таъқиб қилиниши қонунчилик ҳужжатларига мувофиқ жавобгарликка сабаб бўлади.

17-боб. Маъмурий қамоққа олинган шахсларнинг махсус қабулхона бошлиғи ва у ваколат берган шахслар томонидан шахсан қабул қилиниши

174. Маъмурий қамоққа олинган шахслар махсус қабулхона бошлиғига ёки у ваколат берган шахсга, шунингдек махсус қабулхоналарни назорат қилувчи ёки текширувчи мансабдор шахсларга шахсан қабул қилиш тўғрисида илтимос билан мурожаат қилиш ҳуқуқига эга.

175. Махсус қабулхона бошлиғи ёки унинг ўрнини босувчи шахсларнинг шахсий қабулига ёзилиш махсус қабулхона ходимлари томонидан ҳар куни камераларни айланиб чиқиш чоғида амалга оширилади. Қабул қилиш тўғрисидаги мурожаат ёзма ёки оғзаки равишда махсус қабулхона бошлиғи номига берилади ва шахсий қабул журналида навбат билан рўйхатга олинади.

176. Маъмурий қамоққа олинган шахсларни махсус қабулхона бошлиғи ёки унинг ўрнини босувчи шахслар томонидан қабул қилиш ҳар куни белгиланган жадвалга мувофиқ иш вақти давомида амалга оширилади, дам олиш ва байрам кунлари бундан мустасно. Зарур ҳолларда, маъмурий қамоққа олинган шахслар жадвалдан ташқари қабул қилиниши мумкин.

177. Мурожаат қилганларни қабул қилиш шахсий қабул журналидаги рўйхат бўйича амалга оширилади ва қабул натижалари журналга ёзиб қўйилади. Ёзма равишда берилган мурожаатларга унинг натижаси ҳақида белги қўйилиб, маъмурий қамоққа олинган шахсларнинг шахсий ҳужжатлар йиғма жилдига қўшиб қўйилади.

178. Маъмурий қамоққа олинган шахсларнинг қариндошлари ва бошқа шахсларни махсус қабулхона бошлиғи ёки унинг ўрнини босувчи шахслар томонидан шахсан қабул қилиш махсус қабулхонанинг учрашув хонасида амалга оширилади. Қабулга келган шахслар махсус журналда рўйхатга олинади ва қабул натижалари журналга ёзиб қўйилади.

18-боб. Маъмурий қамоққа олинган, махсус қабулхонада вафот этган шахсларнинг жасадларини бериш

179. Маъмурий қамоққа олинган шахс махсус қабулхонада вафот этган тақдирда, махсус қабулхона бошлиғи бу ҳақда унинг яқин қариндошларига, қонуний вакилига ва прокурорга дарҳол хабар қилади. Маъмурий қамоққа олинган шахснинг вафот этганлиги факти бўйича ЖПКда назарда тутилган тартибда терговга қадар текширув ўтказилади.

180. Махсус қабулхонада вафот этган шахснинг жасади у билан боғлиқ терговга қадар текширув ўтказилаётган жараёнда мазкур ишни юритаётган мансабдор шахс ёки органнинг қарорига асосан сақлаш учун махсус қабулхона яқинида жойлашган соғлиқни сақлаш муассасасининг ўликхонасига топширилади.

181. Махсус қабулхонада вафот этган шахснинг жасади суд-тиббий экспертизасидан ўтказилганидан, шунингдек ЖПКда назарда тутилган бошқа ҳаракатлар бажарилганидан кейин вафот этган шахснинг эри (хотини), ота-онаси, фарзандлари ва бошқа қариндошларига ёки қонуний вакилларига ёхуд дафн этишни амалга ошириш мажбуриятини ўз зиммасига олган бошқа шахсларга топширилади.

182. Вафот этган шахснинг жасади уни талаб қилган шахснинг аризаси ва ҳолат юзасидан тергов ҳаракатларини амалга ошираётган мансабдор шахс ёки органнинг қарори асосида дафн этиш учун берилади. Бунда вафот этган шахсга тегишли бўлган ҳужжатлар, ашёлар ва озиқ-овқат маҳсулотлари унинг ариза билан мурожаат қилган қариндошлари ёки бошқа шахсларга белгиланган тартибда топширилади.

Ариза билан мурожаат қилган шахс ўзининг шахсини тасдиқловчи ҳужжатини кўрсатиши зарур.

183. Махсус қабулхонада вафот этган шахснинг эри (хотини), ота-онаси, фарзандлари ва бошқа қариндошлари ёки қонуний вакилларидан ёхуд дафн этишни амалга ошириш мажбуриятини ўз зиммасига олган бошқа шахслардан жасадни бериш тўғрисида ариза тушмаган тақдирда, вафот этган шахсни дафн этиш қонунчилик ҳужжатларида белгиланган тартибда амалга оширилади.

19-боб. Маъмурий қамоққа олинган шахсларни махсус қабулхонадан озод қилиш тартиби

184. Маъмурий қамоққа олинган шахс махсус қабулхонадан қуйидаги ҳолларда озод қилинади:

маъмурий қамоқ тарзидаги маъмурий жазони қўллаш тўғрисидаги қарор бекор қилинганда;

маъмурий қамоқ муддати ўтаб бўлинганда.

185. Маъмурий қамоққа олинган шахсларни махсус қабулхонадан озод қилиш махсус қабулхона маъмурияти томонидан дарҳол амалга оширилади.

186. Маъмурий қамоққа олинган шахслар махсус қабулхонадан озод қилинаётганда махсус қабулхонанинг тиббиёт ходимлари томонидан қайта тиббий кўрикдан ўтказилади.

Маъмурий қамоққа олинган шахсларда тан жароҳатлари аниқланганда махсус қабулхонанинг тиббиёт ходимлари томонидан дарҳол прокурорга хабар қилинади.

187. Махсус қабулхоналардан озод қилиш чоғида махсус қабулхона маъмурияти томонидан маъмурий қамоққа олинган шахс махсус қабулхонага келиб тушганда олиб қўйилган ҳужжатлар, пул маблағлари, қимматбаҳо буюмлар, нарсалар ва бошқа ашёларни тилхат билан уларга қайтаради ҳамда озод этилганлиги тўғрисида белгиланган шаклда маълумотнома беради.

188. Зарур бўлган тақдирда, махсус қабулхона маъмурияти махсус қабулхонадан озод қилинган шахсни яшаш жойига етиб олиши учун йўл ҳужжатлари ва йўлда кетиш учун белгиланган нормалар бўйича озиқ-овқат маҳсулотлари билан таъминлайди.

20-боб. Якуний қоида

189. Мазкур Қоидалар Ўзбекистон Республикаси Олий суди, Ўзбекистон Республикаси Бош прокуратураси, Ўзбекистон Республикаси Соғлиқни сақлаш вазирлиги ҳамда Ўзбекистон Республикаси Бандлик ва меҳнат муносабатлари вазирлиги билан келишилган.

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 1-ИЛОВА

Махсус қабулхонанинг намунавий

Уйғониш — соат 6.00 да.

Эрталабки текширув ва камералар тозаланиши — соат 6.00 дан 8.00 гача.

Нонушта — соат 8.00 дан 9.00 гача.

Аризалар, таклифлар ва шикоятларни юбориш — соат 9.00 дан 10.00 гача.

Телефон қилиш — соат 10.00 дан 12.00 гача, 19.00 дан 21.00 гача.

Сайр — кундузги вақтда камида 2 соат.

Тушлик — 13.00 дан 14.00 гача.

Диний расм-русумларни адо этиш — адо этиш вақтларида.

Қариндошлар ёки бошқа шахслар билан учрашув — соат 16.00 дан 18.00 гача.

Ҳимоячи ёки қонуний вакил билан учрашув — Ички тартиб қоидаларнинг 132-банди талабларидан ташқари вақтлар ва ҳолларда давом этиш муддати чекланмайди.

Кечки овқат — соат 18.00 дан 19.00 гача.

Кечки текширув — соат 21.00 дан 22.00 гача.

Тунги вақтда ухлаш (узлуксиз) — соат 22.00 дан 6.00 гача.

Эслатма:

1. Кун тартиби ҳар бир махсус қабулхонада йил фасли, кунининг давомийлиги ва маҳаллий шароитлардан келиб чиқиб тузилади.

2. Маъмурий қамоққа олинган шахсларнинг сайрга чиқиши, диний расм-русумларни адо этиши, ҳимоячи, қонуний вакил, қариндошлар ва бошқа шахслар билан учрашувлари тўғрисида маъмурий қамоққа олинган шахсларнинг камерадан чиқишини рўйхатга олиш журналига ёзиб қўйилади.

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 2-ИЛОВА

Махсус қабулхонада маъмурий қамоққа олинган шахсларнинг

1. Махсус қабулхонада сақланаётган маъмурий қамоққа олинган шахсларга қуйидаги мажбуриятлар юклатилади:

Қонунда белгиланган ички тартиб қоидаларига риоя қилиш;

махсус қабулхона ходимларининг қонуний талабларини сўзсиз бажариш;

шахсий гигиена ва санитария талабларига риоя этиш;

ёнғин хавфсизлиги қоидаларига риоя этиш;

махсус қабулхонанинг мол-мулкига эҳтиёткорлик билан муносабатда бўлиш;

камераларни озода сақлаш, ётиш жойи, кўрпа-тўшакларини бир хил қилиб йиғиштириш, озиқ-овқат маҳсулотларини, нарса ва буюмларини сақлаш талабларига риоя этиш;

махсус қабулхона ходимлари ҳамда бошқа шахсларнинг шаъни ва қадр-қимматини камситувчи хатти-ҳаракатларни содир этмаслик;

махсус қабулхона маъмуриятининг қонуний талабларини бажариши, шунингдек махсус қабулхона ходимларининг хизмат вазифаларини бажаришига тўсқинлик қилмаслиги;

ўзининг ҳамда бошқа шахсларнинг ҳаёти ва соғлиғига таҳдид солувчи хатти-ҳаракатларни қасддан содир этмаслик;

махсус қабулхона ходимлари ва бир-бирлари билан хушмуомалада бўлиш;

ички ишлар органлари ходимлари, прокуратура ва бошқа назорат қилувчи мансабдор шахслар камера ичига кирган вақтида берилган кўрсатма асосида ўрнидан туриш ва белгиланган жойга сафланиш;

белгиланган тартиб асосида сайр қилиш ва учрашув пайтида ўзини тутиши;

махсус қабулхона ходимларининг ва бошқа мансабдор шахсларнинг талаби асосида ўзининг фамилиясини, исми ва отасининг исмини айтиши;

тинчликни сақлаш;

навбат билан камера бўйича навбатчилик қилиш.

2. Камера бўйича навбатчи:

камерага махсус қабулхона ходимлари ёки текширувчи ходимлар кирганида сақланаётган шахслар сони тўғрисида ахборот беради;

жиҳозлар, буюмлар ва бошқа нарсаларнинг сақланишини назорат қилади;

камерада сақланаётганлар учун идиш товоқларни олади ва топширади;

камера тозалигига риоя қилинишини назорат қилади.

3. Махсус қабулхонада сақланаётган маъмурий қамоққа олинган шахсларга қуйидагилар тақиқланади:

бошқа камера ва хоналардаги шахслар билан суҳбатлашиш, мулоқот қилиш, шовқин солиш (деворларни, камерадаги жиҳозларни тақиллатиш ва бошқа тақиқланган ҳаракатлар);

сақланиши, тарқатилиши, истеъмол қилиниши, фойдаланилиши тақиқланган пуллар, қимматли қоғозлар ҳамда бошқа қимматликлар, озиқ-овқат маҳсулотлари, нарсалар ва моддалар билан муомала қилиш;

махсус қабулхона ходимларининг рухсатисиз камера ва маъмурий биносининг бошқа хонасидан ташқарига чиқиш;

белгиланмаган жойларда чекиш;

бирор-бир манфаатни кўзлаб ўйинлар ташкил қилиш ёки ўйнаш;

татуировка чизиш;

махсус қабулхона маъмуриятининг рухсатисиз ётоқ жойини ўзгартириш ва унга парда тутиш;

камерада олов ёқиш;

махсус қабулхона ходимларининг рухсатисиз сантехника, ёритиш ва бошқа асбоб-ускуналарни созлаш ёки камерадаги ёруғликни ўзгартириш;

қўлбола электр ускуналардан фойдаланиш;

диний экстремистик ғояларни тарғиб қилиш ҳамда уларга риоя этишга мажбурлаш;

камерадаги жиҳозларга зарар етказиш, деворларига ёки фойдаланишга берилган нарсаларга ёзиш, чизиш ёки белги қўйиш, шунингдек деворларга қоғозлар, фотосуратлар, адабиётлар, даврий матбуот нашрлари ва бошқаларни қирқиб ёпиштириш, фотосурат, рўзнома ҳамда журналлардан қирқиб олинган расмлар ёки мақолаларни ёпиштириш;

сафда ҳаракатланаётганда сафдан чиқиш, чекиш, суҳбатлашиш ва махсус қабулхона ходимларининг рухсатисиз бошқа ҳаракатлар қилиш;

шахсий фойдаланишида бўлган нарсаларни сотиш, совға қилиш, алмашиш ёки бошқа усуллар билан ўзга ушлаб турилганлардан тортиб олиш;

камера деразасидан ашёлар ва озиқ-овқат маҳсулотларини ташқарига улоқтириш, деразага ва эшикнинг туйнугига ёпишиб туриш ёки уларни бекитиш ёхуд улардан қараш.

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 3-ИЛОВА

Тақиқланган ашёлар ва озиқ-овқат маҳсулотларининг

1. Барча турдаги ўқотар ва совуқ қуроллар ёки совуқ қурол сифатида фойдаланилиши мумкин бўлган ашёлар, шунингдек ўқ-дорилар.

2. Пуллар, қимматли қоғозлар, қимматбаҳо тошлар, дурлар ва улардан ясалган буюмлар, турли маркадаги соатлар ва бошқа қимматликлар.

3. Оптик асбоблар, кўзойнак бундан мустасно.

4. Алкоголь маҳсулотлари, шунингдек таркибида спирт бўлган атир ва бошқа маҳсулотлар.

5. Гиёҳвандлик воситалари, уларнинг аналоглари психотроп моддалар ва кучли таъсир этувчи препаратлар.

6. Барча турдаги радиоаппаратура, компьютер техникаси, ёзув машинкаси, нусха кўчириш воситалари.

7. Алоқа воситалари, жумладан уяли алоқа воситаси, радиотелефонлар, пейжерлар, рациялар ва уларнинг барча турдаги қисмлари.

8. Инсон ҳаёти ва соғлиғи учун хавфли ҳамда жиноят қуроли сифатида қўлланилиши мумкин бўлган, саноат усулида ёки қўлбола тарзда ясалган тиғли, кесувчи, учи ўткирланган санчиладиган касбий ва хўжалик-маиший (пичоқ, бигиз, устара (электр устара бундан мустасно), қайчи ва бошқалар) ашёлар.

9. Ойналар, бундан камера деворига ўрнатилган ойна мустасно.

10. Чилангарлик ва бошқа асбоб-ускуналар.

11. Спорт анжомлари.

12. Ўйин карталари.

13. Ҳар қандай турдаги фото, аудио ва видеоаппаратуралар ҳамда уларнинг қисмлари.

14. Порнографик ва диний экстремистик хусусиятга эга бўлган нашр ва материаллар, шунингдек тақиқланган адабиётлар.

15. Топографик хариталар ва компас.

16. Ҳарбий ва бошқа формали кийим-бош ҳамда унинг жиҳозлари.

17. Нусха кўчирадиган қоғозлар (копирка).

18. Мусиқа асбоблари.

19. Хамиртуруш ва ачитқилар.

20. Уйда пиширилган, шунингдек истеъмол қилиниши иситиш ва пиширишни талаб қиладиган озиқ-овқат маҳсулотлари.

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 4-ИЛОВА

‎‎Шахсий кўрик қилиш ҳамда ашёлар ва озиқ-овқат маҳсулотларини кўздан кечириш ‎БАЁННОМАСИ ‎ ‎‎__________ йил «____»________________да туғилган ___________________________________________________ ‎ ‎ ‎ ‎ ‎ ‎‎(Ф.И.О) ‎‎20_____ йил «___» ___________ соат ___________да махсус қабулхонага олиб келинган. 20___ йил «___» _________________да шахсий кўрик қилиниб ҳамда ашёлари ва озиқ-овқат маҳсулотлари кўздан кечирилиб, ундан қуйидагилар олиб қўйилди: ‎‎________________________________________________________________________________________________ ‎(ашёлар ва озиқ-овқат маҳсулотларининг номи) ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎‎Мазкур баённомага олиб қўйилган ашёлар ва озиқ-овқат маҳсулотлари тўлиқ киритилди. Шахсий кўрик қилган ҳамда ашёлар ва озиқ-овқат маҳсулотларини кўздан кечирган махсус қабулхона ходимлари: ‎ ____________________________ ‎‎‎(лавозими ва унвони) ‎____________________________ ‎‎‎ ‎(лавозими ва унвони) ‎____________________________ ‎‎‎ ‎(лавозими ва унвони) ‎____________________________ ‎‎‎ ‎(лавозими ва унвони) ‎ ‎‎__________________ ‎(имзо) ‎‎‎__________________ ‎ ‎(имзо) ‎__________________ ‎ ‎(имзо) ‎__________________ ‎ ‎(имзо) ‎ ‎‎____________________________ ‎(Ф.И.О) ‎‎‎‎____________________________ ‎ ‎(Ф.И.О) ‎‎‎____________________________ ‎ ‎(Ф.И.О) ‎‎‎____________________________ ‎ ‎(Ф.И.О) ‎ ‎‎Мени шахсий кўрик қилиш ҳамда ашёларим ва озиқ-овқат маҳсулотларимни кўздан кечирилишига нисбатан эътирозим йўқ ёки бор. * ‎‎________________________________________________________________________________________________ ‎(эътироз бўлганда, унинг қисқача мазмуни ёзилади) ‎________________________________________________________________________________________________ ‎________________________________________________________________________________________________ ‎(шахсий титув қилинган ҳамда ашёлари ва озиқ-овқат маҳсулотларини ‎кўздан кечириш ўтказилган шахснинг имзоси ва Ф.И.О)

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 5-ИЛОВА

Тақиқланган ашёлар ва озиқ-овқат маҳсулотларини олиб қўйиш тўғрисида ‎ҚАРОР ‎ ‎‎_______________________ йилда туғилган _____________________________________________________________ ‎ ‎ ‎ ‎ ‎‎ ‎‎(Ф.И.О) шахсий кўрик қилинганда ҳамда ашёлари ва озиқ-овқат маҳсулотлари кўздан кечирилганда тақиқланган ашёлар ва озиқ-овқат маҳсулотлари аниқланганлиги сабабли, «Маъмурий қамоқни ўташ тартиби тўғрисида»ги Ўзбекистон Республикаси Қонунининг 22-моддасига асосан: ‎‎‎ҚАРОР ҚИЛАМАН: ‎ _____________________________________________________________________________________________ дан ‎қуйидаги тақиқланган _______________________________________________________________________________ ‎ ‎ ‎‎(ашёлар ва озиқ-овқат маҳсулотларининг номи) ‎‎________________________________________________________________________________________________ ‎олиб қўйилсин. ‎Шулардан _______________________________________________________________________________________ ‎‎‎(ашёлар ва озиқ-овқат маҳсулотларининг номи) ‎________________________________________________________________________________________________ ‎‎_______________________________________________________________ молия бўлимига, омборхонага сақлаш ёки вақтинчалик сақлаш ва келгусида шахснинг қариндошлари ёки бошқа шахсларга бериб юбориш, давлат даромадига ўтказиш учун топширилсин * , ‎‎________________________________________________________________________________________________ ‎(ашёлар ва озиқ-овқат маҳсулотларининг номи) ‎________________________________________________________________________________________________ ‎___________________________________________________________________________ йўли билан йўқ қилинсин. ‎(йўқ қилиш усуллари кўрсатилади) ‎ ‎‎_________________туман (шаҳар) ‎ИИБ Махсус қабулхона ‎бошлиғи ‎ ‎ ‎ ‎ ‎ ‎ ‎ ‎‎________________________ ‎(унвони) ‎ ‎‎_________________ ‎(имзо ва муҳр) ‎ ‎‎__________________________ ‎(Ф.И.О) ‎‎20___ йил «___» _________ ____-сон ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎орқа томони ‎‎Қарор билан танишдим _____________________________________________________________________________ ‎ ‎ ‎‎(маъмурий қамоққа олинган шахснинг имзоси ва Ф.И.О) ‎‎20____ йил «___»___________________ ‎ ‎ ‎ ‎ ‎ ‎

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 6-ИЛОВА

‎ ‎ ‎ ‎ ‎ ‎ ‎ ‎‎« ТАСДИҚЛАЙМАН » ‎Махсус қабулхона бошлиғи ___________________________ ‎(унвони ва Ф.И.О) ‎______________________ ‎(имзо) ‎ 20 ___ йил «___»_____________ ‎ Тақиқланган озиқ-овқат маҳсулотларини йўқ қилиш ҳақида ‎ДАЛОЛАТНОМА ‎ ‎‎20 ____ йил «___» ___________________ ‎ __________________________ ‎ ‎ ‎ ‎ ‎ ‎ ‎ ‎ ‎‎‎‎‎(ҳудуд номи)‎ Биз қуйида имзо чекувчилар, _________________________________________________________________________ ‎‎________________________________________________________________________________________________ ‎(махсус қабулхона ходимларининг лавозими, унвони ва Ф.И.О) ‎________________________________________________________________________________________________ ‎______________________________________________________________________________________ йўли билан ‎(йўқ қилиш усуллари кўрсатилади) ‎____________________________________________________________________________________________ нинг ‎(маъмурий қамоққа олинган шахснинг Ф.И.О) ‎қуйидаги тақиқланган _______________________________________________________________________________ ‎(озиқ-овқат маҳсулотларининг номи) ‎‎________________________________________________________________________________ йўқ қилинганлигини ‎‎маълум қиламиз. ‎ ‎Махсус қабулхона тиббиёт ‎ходими:‎ ____________________________ ‎‎‎(лавозими ва унвони)‎ ‎Махсус қабулхона ходими: _______ ____________________________ ‎‎‎ ‎(лавозими ва унвони) ‎Махсус қабулхона ходими: _______ ‎____________________________ ‎‎‎ ‎(лавозими ва унвони) ‎ ‎‎__________________ ‎(имзо) ‎‎‎ ‎__________________ ‎ ‎(имзо) ‎ ‎__________________ ‎ ‎(имзо) ‎ ‎‎____________________________ ‎(Ф.И.О) ‎‎‎‎ ‎____________________________ ‎ ‎(Ф.И.О) ‎ ‎___________________________ ‎ ‎(Ф.И.О)

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 7-ИЛОВА

‎‎Махсус қабулхона навбатчилик қисми сейфида маъмурий қамоққа олинган‎ __________________________ га тегишли ‎ ‎ ‎ ‎ ‎ ‎ ‎ ‎ ‎ ‎ ‎ ‎ (Ф.И.О)‎ ‎ ‎ ‎ ‎_____________сўм ______тийин мавжуд. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Махсус қабулхона навбатчиси ‎_____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(имзо) ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20 __йил «___» ____________ ‎‎------------------------------------------------------------------------------------------------------------------------------------------------------------------------- ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Махсус қабулхона бошлиғи ‎‎_______________________ га ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(унвони) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________ ‎(Ф.И.О)‎ ‎ ‎ ‎ ‎ ‎ ‎ ‎ ‎ ‎ ‎ _____‎‎ ‎‎______________________ дан ‎ ‎ ‎ ‎ ‎ ‎ ‎ ‎ ‎ ‎ ‎‎(маъмурий қамоққа ‎олинган шахс, Ф.И.О) ‎ ‎‎АРИЗА ‎ ‎‎Қуйидаги ашёлар ва озиқ-овқат маҳсулотларини сотиб олишга рухсат беришингизни сўрайман: ‎ Т.р. ‎‎Ашё ва озиқ-овқат маҳсулотининг номи‎‎ Оғирлиги‎‎ ‎‎‎‎Ажратилган маблағ ‎‎сўм тийин 1.‎ ‎‎ кг.‎ ‎ гр.‎ ‎ ‎‎ ‎‎ 2.‎ ‎‎ ‎ ‎ ‎‎ ‎‎ 3.‎ ‎‎ ‎ ‎ ‎‎ ‎‎ ...‎ ‎‎ ‎ ‎ ‎‎ ‎‎ Жами:‎ ‎‎ ‎ ‎ ‎‎ ‎‎ ‎‎‎‎------------------------------------------------------------------------------------------------------------------------------------------------------------------------- ‎ ‎‎___________________________________________ сўмлик ашёлар ва озиқ-овқат маҳсулотларини қабул қилиб олдим. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎__________________ ‎(имзо) ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20 ___йил «___» ___________

Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналарнинг ички тартиб қоидаларига 8-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ Махсус қабулхона бошлиғи ‎____________________ ‎(унвони) ‎_____________________га ‎(Ф.И.О) ‎ ‎‎АРИЗА ‎ ‎‎Мен, ____________________________________________________________________________________________ ‎(туғилган йили, санаси, яшаш манзили ва Ф.И.О) ‎_________________________________________________________________________________________, сиздан маъмурий қамоққа олинган __________________________________________________________________________ ‎ ‎ ‎ ‎ ‎‎(туғилган йили, санаси ва Ф.И.О) ‎‎учун олиб келган йўқловни қабул қилишингизни сўрайман. ‎‎Йўқловдаги ашёлар ва озиқ-овқат маҳсулотларининг рўйхати: ‎ Т.р. ‎ ‎‎‎‎Ашё ва озиқ-овқат маҳсулотининг номи ‎‎Оғирлиги‎‎ ‎‎Миқдори ‎‎Изоҳ 1.‎ ‎‎ кг.‎ ‎ гр.‎ ‎ ‎‎ ‎‎ 2.‎ ‎‎ ‎ ‎ ‎‎ ‎‎ 3.‎ ‎‎ ‎ ‎ ‎‎ ‎‎ ...‎ ‎‎ ‎ ‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎‎___________ __‎‎_______________________ ‎(аризачининг имзоси ва Ф.И.О) ‎ ‎ ‎ ‎ ‎ ‎ ‎ ‎ ‎ ‎ ‎‎‎20 ___ йил «___» ________________ ‎‎Йўқловни маъмурий қамоққа олинган шахсга ‎топшириш учун қабул қилдим: ‎‎________________________________________________________________________________________________ ‎(махсус қабулхона ходимининг имзоси ва Ф.И.О) ‎‎20 ___ йил «___» ____________________ ‎Йўқловни олдим:__________________________________________________________________________________ ‎ ‎ ‎‎(маъмурий қамоққа олинган шахснинг имзоси ва Ф.И.О) ‎‎20 ___ йил «___» ____________________

Вазир П. БОБОЖОНОВ

Олий суд раиси К. КАМИЛОВ

Бош прокурор О. МУРОДОВ

Соғлиқни сақлаш вазири А. ШАДМАНОВ

Бандлик ва меҳнат муносабатлари вазири Ш. КУДБИЕВ

Тошкент ш.,

2018 йил 14 август,

2018 йил 14 август

2018 йил 14 август

2018 йил 14 август

2018 йил 14 август

220-сон

(Қонунчилик маълумотлари миллий базаси, 02.10.2018 й., 10/18/3073/1977-сон; 01.06.2019 й., 10/19/3073-1/3225-сон; 03.09.2020 й., 10/20/3073-2/1251-сон; 04.05.2021 й., 10/21/3073-3/0408-сон, 28.07.2021 й., 10/21/3313/0724-сон; 31.07.2025 й., 10/25/3073-4/0676-сон)

lex.uz

Oʻzbekiston Respublikasi Ichki ishlar vazirining

buyrugʻi

QOIDALARI

KUN TARTIBI

XULQ-ATVOR QOIDALARI

ROʻYXATI

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalarini tasdiqlash toʻgʻrisida

Oʻzbekiston Respublikasining “Maʼmuriy qamoqni oʻtash tartibi toʻgʻrisida”gi Qonuniga muvofiq buyuraman:

1. Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalari ilovaga muvofiq tasdiqlansin.

2. Mazkur buyruq 2019-yil 11-yanvar kunidan eʼtiboran kuchga kiradi.

Oʻzbekiston Respublikasi ichki ishlar vazirining 2018-yil 14-avgustdagi 220-son buyrugʻiga ILOVA

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib

Mazkur Qoidalar Oʻzbekiston Respublikasining “Maʼmuriy qamoqni oʻtash tartibi toʻgʻrisida”gi Qonuniga (bundan buyon matnda Qonun deb yuritiladi) muvofiq maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning (bundan buyon matnda maxsus qabulxona deb yuritiladi) ichki tartib qoidalarini belgilaydi.

1-bob. Umumiy qoidalar

1. Maxsus qabulxonalarning kun tartibi maxsus qabulxonalar tomonidan mazkur Qoidalarning 1-ilovasida belgilangan namunaviy kun tartibiga asosan ishlab chiqiladi hamda Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalarining Jamoat xavfsizligi xizmati jamoat tartibini saqlash boshqarmalari boshliqlari tomonidan tasdiqlanadi.

2. Maxsus qabulxonada maʼmuriy qamoqqa olingan shaxslarning huquqlari, erkinliklari hamda qonuniy manfaatlari roʻyobga chiqarilishini, majburiyatlari bajarilishini, ularning ajratib qoʻyilishini, alohida-alohida joylashtirilishini, shuningdek Qonunda nazarda tutilgan boshqa vazifalar bajarilishini taʼminlaydigan rejim oʻrnatiladi.

3. Maxsus qabulxonada rejimni tashkil etish va taʼminlash maxsus qabulxona maʼmuriyati va xodimlari zimmasiga yuklatiladi.

4. Maxsus qabulxonada maʼmuriy qamoqqa olingan shaxslar Qonunda belgilangan majburiyatlar hamda mazkur Qoidalarning 2-ilovasida belgilangan xulq-atvor qoidalarini bajaradi.

2-bob. Maxsus qabulxona hududiga kirish va undan chiqish

5. Shaxslarning maxsus qabulxona hududiga kirishi va undan chiqishi ularning shaxsini tasdiqlovchi hujjati hamda maxsus qabulxona boshligʻi ruxsatiga asosan beriladigan bir martalik ruxsatnoma asosida amalga oshiriladi.

6. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili hamda Oʻzbekiston Respublikasi Oliy Majlisining Inson huquqlari boʻyicha vakili (ombudsman) maxsus qabulxonaga moneliksiz kirish huquqiga ega . Bunda maxsus qabulxona maʼmuriyati tomonidan Vakilning xavfsizligi taʼminlanadi.

Jinoyat-ijroiya kodeksining 18-moddasida nazarda tutilgan subyektlar maxsus qabulxonaga kirish huquqiga ega. Mazkur shaxslarning maxsus qabulxonaga kirish tartibi qonunchilik hujjatlari bilan belgilanadi.

7. Quyidagi shaxslar maxsus qabulxonaga xizmat guvohnomasini koʻrsatgan holda kirish huquqiga ega:

Oʻzbekiston Respublikasi Oliy Majlisi Qonunchilik palatasining deputatlari va Senatining aʼzolari;

Oʻzbekiston Respublikasi sudyalari;

Oʻzbekiston Respublikasi Bosh prokurori, uning oʻrinbosarlari, Qoraqalpogʻiston Respublikasi, Toshkent shahar, viloyatlar prokurorlari hamda ularga tenglashtirilgan prokurorlar va ularning oʻrinbosarlari;

Oʻzbekiston Respublikasining ichki ishlar vaziri va uning oʻrinbosarlari;

Oʻzbekiston Respublikasining Ichki ishlar vazirligi markaziy apparatining bosh boshqarma va boshqarma boshliqlari, ularning oʻrinbosarlari hamda tegishli boʻlim (boʻlinma) xodimlari;

tegishli ichki ishlar boshqarmalari boshliqlari va ularning oʻrinbosarlari;

Oʻzbekiston Respublikasi Adliya vazirligi Inson huquqlarini himoya qilish boshqarmasi va uning hududiy boʻlimlarining masʼul xodimlari,

maxsus qabulxona xodimlari hamda maxsus qabulxonada mehnat shartnomasi asosida ishlovchi ishchi va xizmatchilar.

8. Nazorat qiluvchi prokuror muassasaga moneliksiz va istalgan vaqtda kirishga, hamma kameralar bilan tanishishga hamda maxsus qabulxonada saqlanayotgan shaxslar bilan suhbatlashishga haqli.

9. Maʼmuriy qamoqqa olingan shaxs advokat olgan taqdirda maxsus qabulxona maʼmuriyati advokatning maxsus qabulxona hududiga ish vaqti davomida moneliksiz ish yurituvidagi hujjat yuzasidan kirishini taʼminlaydi.

10. Maxsus qabulxona hududiga kirishda va undan chiqishda shaxslarning ashyolari, kiyim-boshlari va poyabzallari koʻzdan kechiriladi, shuningdek kirayotgan hamda chiqib ketayotgan transport vositalari koʻzdan kechiriladi, mazkur Qoidalarning 3-ilovasiga muvofiq taqiqlangan ashyolar va oziq-ovqat mahsulotlari olib qoʻyiladi.

11. Maxsus qabulxona hududiga kirishda advokatlarning, maxsus qabulxonani nazorat qiluvchi va tekshiruvchi mansabdor shaxslarning ashyolari, kiyim-boshlari va poyabzallari koʻzdan kechirilmaydi. Mazkur shaxslar kelganda, oʻqotar qurol hamda boshqa taqiqlangan ashyolarni maxsus qabulxonaning navbatchilik qismiga topshirishi shart.

3-bob. Maʼmuriy qamoqqa olingan shaxslarni qabul qilish va kameralarga joylashtirish

12. Maxsus qabulxonaga maʼmuriy qamoqqa olingan shaxslar quyidagi hujjatlar asosida qabul qilinadi:

jinoyat ishlari boʻyicha tuman (shahar) sudining qarori, favqulodda holat rejimi sharoitlarida esa shuningdek harbiy komendantning yoki ichki ishlar organi boshligʻining qarori;

maʼmuriy qamoqqa olingan shaxsning shaxsini tasdiqlovchi hujjati.

13. Maxsus qabulxonaga olib kelingan shaxslar maxsus qabulxona navbatchisi tomonidan sutka davomida qabul qilinadi.

14. Maxsus qabulxona navbatchisi tomonidan maʼmuriy qamoqqa olingan shaxslarni qabul qilish vaqtida ularni qabul qilish uchun asos boʻladigan hujjatlar tekshirib koʻriladi, turli noaniqliklarning oldini olish maqsadida maʼmuriy qamoqqa olingan shaxslarga savollar berilib, ularning bergan javoblarini maxsus qabulxonaga qabul qilish uchun asos boʻladigan hujjatlarda koʻrsatilgan maʼlumotlar hamda shaxsini tasdiqlovchi hujjatlari bilan solishtiriladi va ushbu maʼlumotlar maxsus qabulxonaga qabul qilingan shaxslarni roʻyxatdan oʻtkazish jurnaliga qayd etiladi.

15. Qonun talablari buzilgan holda rasmiylashtirilgan hujjatlar asosida olib kelingan shaxslar maxsus qabulxonaga qabul qilinmaydi.

16. Maxsus qabulxonada maʼmuriy qamoqqa olingan shaxslar oʻz huquqlari, erkinliklari va majburiyatlari hamda maxsus qabulxonadagi rejim toʻgʻrisida xabardor qilinadi. Bunday maʼlumotlar har bir kamera devorlariga osib qoʻyiladi.

17. Maxsus qabulxona maʼmuriyati maʼmuriy qamoqqa olingan shaxs maxsus qabulxonaga joylashtirilgan paytdan boshlab unga telefon orqali advokatga, qarindoshlariga yoxud boshqa shaxslarga maʼmuriy qamoqqa olingan shaxs maxsus qabulxonaga joylashtirilganligi toʻgʻrisida qoʻngʻiroq qilish yoki xabar qilish huquqini berishi va maʼmuriy qamoqqa olingan shaxs bu huquqidan foydalanganligini tasdiqlab maxsus qabulxonaga qabul qilingan shaxslarni roʻyxatdan oʻtkazish jurnaliga imzosi bilan tasdiqlashi shart.

Agar maxsus qabulxonaga joylashtirilgan shaxs chet el fuqarosi boʻlsa, uning maxsus qabulxonaga joylashtirilganligi toʻgʻrisidagi yozma bildirish Qonunga muvofiq yigirma toʻrt soatdan kechiktirmay maxsus qabulxona masʼul xodimlari tomonidan pochta orqali Oʻzbekiston Respublikasi Tashqi ishlar vazirligiga yuboriladi .

18. Boshqa shaxslardan ajratib qoʻyish talab qilinadigan bemorlarni aniqlash maqsadida maxsus qabulxonaga olib kelingan shaxslar dastlabki tibbiy koʻrik va sanitariya ishlovidan oʻtkaziladi.

19. Tibbiyot xodimlari tomonidan chiqarilgan xulosaga koʻra statsionar sharoitda davolanishga muhtoj boʻlgan shaxslar maxsus qabulxonaga qabul qilinmaydi .

20. Maʼmuriy qamoqqa olingan shaxslarni kameralarda alohida-alohida joylashtirish ularning shaxsi va psixologik jihatdan mosligi hisobga olingan holda amalga oshiriladi . Chekuvchilar chekmaydiganlardan alohida joylashtiriladi.

Maʼmuriy qamoqqa olingan shaxslarni joylashtirish chogʻida erkaklarning ayollardan alohida joylashtirilishi taʼminlanishi shart.

Quyidagilar maʼmuriy qamoqqa olingan boshqa shaxslardan alohida joylashtiriladi :

chet el fuqarolari va fuqaroligi boʻlmagan shaxslar;

yuqumli kasalliklarga chalingan bemorlar yoki tibbiy kuzatuvga muhtoj boʻlgan shaxslar;

sobiq sudyalar va huquqni muhofaza qiluvchi organlarning sobiq xodimlari, sobiq advokatlar;

hayoti va sogʻligʻining xavfsizligini taʼminlash manfaatlaridan kelib chiqqan holda ayrim shaxslar.

Maʼmuriy qamoqqa olingan shaxslarni bir kishilik kameralarda saqlash ushbu bandning beshinchi , oltinchi va yettinchi xatboshilarida nazarda tutilgan talablarga rioya etilishini taʼminlashning boshqa imkoniyati mavjud boʻlmagan taqdirda amalga oshiriladi.

21. Oʻta xavfli, yuqumli yoki parazitar kasalliklar bilan kasallangan shaxslar karantin uchun ajratilgan kameralarga joylashtiriladi. Karantin muddati tibbiy koʻrsatkichlarga muvofiq belgilanadi.

22. Ruhiy buzilishlari mavjud boʻlgan shaxslar, jumladan maxsus qabulxona xodimlariga va maxsus qabulxonada saqlanayotgan boshqa shaxslarga tajovuz qilishga moyil boʻlgan shaxslar kameralarga tibbiyot xodimining tavsiyasiga koʻra joylashtiriladi.

23. Maʼmuriy qamoqqa olingan shaxslar maxsus qabulxonaning umumiy kameralarida saqlanadi.

Maxsus qabulxonaning bir kishilik kameralariga joylashtirishga:

mazkur Qoidalarda nazarda tutilgan alohida-alohida joylashtirish talablariga rioya etilishini taʼminlashning boshqa imkoniyati mavjud boʻlmaganda;

maʼmuriy qamoqqa olingan shaxslarning shaxsiy xavfsizligini taʼminlashni koʻzlab;

maʼmuriy qamoqqa olingan shaxslarni, agar kunduzi umumiy kamerada saqlanayotgan boʻlsa, tungi vaqtda bir kishilik kameraga joylashtirish zarur boʻlganda yoʻl qoʻyiladi.

24. Maʼmuriy qamoqqa olingan shaxslar tomonidan maxsus qabulxonaning boshqa kameralarda yoki oʻzga xonalarda saqlanayotgan shaxslar bilan soʻzlashishiga, ularga biron-bir narsa berishiga hamda ular bilan yozishmalar olib borishiga yoʻl qoʻyilmaydi.

25. Ajratib qoʻyishni taʼminlashga doir talablarga maxsus qabulxona hududi va yoʻlagida, sayr qilish vaqtida, sanitar ishlov vaqtida va boshqa hollarda ham rioya etilishi kerak.

4-bob. Maxsus qabulxonada shaxslarni shaxsiy koʻrikdan oʻtkazish, ularning barmoq izlarini roʻyxatga olish, ushbu shaxslarni fotosuratga olish, ashyolari va oziq-ovqat mahsulotlarini koʻzdan kechirish

26. Maʼmuriy qamoqqa olingan shaxslar maxsus qabulxonada shaxsiy koʻrikdan oʻtkaziladi, ularning barmoq izlari hamda fotosurati olinadi . Ular joylashtirilgan xonalar koʻrikdan oʻtkaziladi, ularning yonidagi ashyolari hamda nomiga kelgan pochta joʻnatmalari va yoʻqlovlar esa koʻzdan kechiriladi.

27. Maxsus qabulxonaga bir guruh maʼmuriy qamoqqa olingan shaxslar keltirilgan vaqtda, ular ikki soatdan oshmagan muddat ichida shaxsiy koʻrikdan oʻtkazilishi shart.

28. Shaxsiy koʻrik toʻliq yoki toʻliqsiz shaklda oʻtkazilishi mumkin.

29. Toʻliq shaxsiy koʻrik maʼmuriy qamoqqa olingan shaxs maxsus qabulxonaga olib kelinganda va olib ketilayotganda oʻtkaziladi.

30. Toʻliq shaxsiy koʻrik oʻtkazishda shaxs toʻliq yechintirilib, uning badani, kiyim-boshi, poyabzali, maxsus qabulxona tibbiyot xodimi nazorati ostida protezlari, plastir yopishtirilgan, gipsli va boshqa bogʻlangan joylari birma-bir sinchiklab tekshiriladi. Kiyim-boshi orasida taqiqlangan ashyolar va oziq-ovqat mahsulotlarining mavjudligi aniqlangan taqdirda, kiyim-boshining choki soʻkiladi, poyabzalida mavjud supinator va temir nagʻal esa, ajratib olinadi.

31. Toʻliqsiz shaxsiy koʻrik quyidagi hollarda oʻtkaziladi:

maʼmuriy qamoqqa olingan shaxslar maxsus qabulxona tibbiyot xonasiga, sayrga, barmoq izlarini olish yoki fotosuratga olishga olib chiqilayotganda, shuningdek qaytarib olib kirilayotganda;

himoyachi, qonuniy vakil, qarindoshlari va boshqa shaxslar bilan uchrashuvga olib chiqilayotganda, shuningdek qaytarib olib kirilayotganda;

boshqa kameraga oʻtkazilayotganda.

32. Toʻliqsiz shaxsiy koʻrik oʻtkazishda shaxs yechintirilmasdan koʻzdan kechiriladi, uning kiyim-boshi, poyabzali paypaslab tekshiriladi. Shaxsda taqiqlangan ashyolar va oziq-ovqat mahsulotlari mavjudligi aniqlangan taqdirda, toʻliq shaxsiy koʻrikdan oʻtkaziladi.

33. Shaxsiy koʻrik maxsus qabulxonaning koʻrik qilinayotgan shaxs bilan bir jinsda boʻlgan xodimlari tomonidan amalga oshiriladi.

34. Maxsus qabulxonalarda maʼmuriy qamoqqa olingan shaxslarning barmoq izlari uch nusxada olinadi.

35. Maʼmuriy qamoqqa olingan shaxslarning barmoq izlarini olish uchun tipografik boʻyoq yoki barmoq izlarini olishga moʻljallangan maxsus vositalardan foydalaniladi.

36. Barmoq izlarini olish ikki usulda amalga oshirilishi mumkin:

birinchi usulda qora rangdagi boʻyoq tekis yuzaga (shisha, plastik, metall) bir tekis qilib suriladi, valik bilan yoyiladi (tirnoq falangalari yetarlicha boʻyalishi hamda bosilayotganda papillyar naqshlari tiqilib qolmasligi uchun qatlam juda yupqa va juda qalin boʻlib ketmasligi kerak) va maʼmuriy qamoqqa olingan shaxsning oʻng qoʻli katta barmogʻidan boshlab har bir barmoqning tirnoq falangasi yengil ezilib, aylanma harakat bilan avval boʻyalgan yuza boʻylab bir burchakdan boshqasiga qarab bosiladi va shu tartibda daktilokarta qogʻoziga tushiriladi hamda uning maxsus ajratilgan joylariga nazorat izlari va orqa tomoniga kaft izlari bosiladi;

ikkinchi usulda boʻyoq qoʻl barmogʻining oʻziga valik bilan suriladi va birinchi usuldagi kabi daktilokarta qogʻoziga bosiladi.

Har ikki usulda barmoq izlari olinganda ham daktilokarta qogʻozida barmoqlarning izlari (papillyar chiziqlar) toʻliq koʻrinib turishi, papillyarlar orasi tipografik boʻyoq bilan toʻlmagan, boʻyoq yoyilib ketmagan va papillyar naqshlarning barcha qismlari tasviri tushgan boʻlishi kerak.

37. Maʼmuriy qamoqqa olingan shaxsning tirnoq falangasi yoki qoʻl barmogʻi yoʻq boʻlsa, daktilokarta qogʻozidagi shu barmoq grafasida bu toʻgʻrida izoh qoldiriladi.

38. Maʼmuriy qamoqqa olingan shaxslarni fotosuratga olish quyidagi tartibda amalga oshiriladi:

maʼmuriy qamoqqa olingan shaxs koʻzoynaksiz va bosh kiyimsiz holatda oq yoki och koʻk rangli devor oldiga turgiziladi;

boshi vertikal, koʻzlari ochiq, sochi quloqlari koʻrinib turadigan qilib taralgan holatda ikkita koʻkrak qismigacha boʻlgan fotosuratlari tayyorlanadi (old va oʻng taraflar);

fotosuratlar bir xil oʻlchamda, old tomondan suratga olinganda fotoapparat suratga tushirilayotgan shaxsdan bir yarim metr masofadan kam boʻlmagan uzoqlikda va fotoapparat obyektivi koʻzlar tengligida oʻrnatilgan boʻlishi kerak.

39. Quyidagi hollarda maʼmuriy qamoqqa olingan shaxslarning ashyolari va oziq-ovqat mahsulotlari ular ishtirokida koʻzdan kechiriladi:

maxsus qabulxonaga olib kelinganda yoki olib chiqilayotganda;

boshqa kameraga oʻtkazilayotganda.

40. Zarur hollarda, maxsus qabulxona boshligʻining koʻrsatmasiga koʻra, maʼmuriy qamoqqa olingan shaxslarning ashyolari va oziq-ovqat mahsulotlari ularning yoʻqligida ham maxsus qabulxona xodimlari tomonidan kamera boʻyicha navbatchi ishtirokida koʻzdan kechiriladi.

41. Maxsus qabulxonaga olib kelingan va saqlanayotgan maʼmuriy qamoqqa olingan shaxslarda taqiqlangan ashyolar va oziq-ovqat mahsulotlarining borligi aniqlanganda, bu haqda dalolatnoma tuziladi.

42. Shaxsiy koʻrik qilish hamda ashyolar va oziq-ovqat mahsulotlarini koʻzdan kechirish natijalari mazkur Qoidalarning 4-ilovasiga muvofiq shakldagi bayonnoma bilan rasmiylashtiriladi.

Mazkur bayonnoma shaxsiy koʻrik qilgan hamda koʻzdan kechirishni oʻtkazgan maxsus qabulxona xodim(lar)i va shaxsiy koʻrik qilingan hamda koʻzdan kechirilgan shaxs tomonidan imzolanadi. Shaxs bayonnomada oʻz eʼtirozlarini koʻrsatishga haqli.

43. Maʼmuriy qamoqqa olingan shaxs bayonnomani imzolashdan bosh tortgan taqdirda, bu haqda bayonnomaga yozib qoʻyiladi.

44. Shaxsiy koʻrik qilish hamda ashyolar va oziq-ovqat mahsulotlarini koʻzdan kechirishda maʼmuriy qamoqqa olingan shaxs tomonidan maxsus qabulxona xodimlariga faol qarshilik koʻrsatilgan xollarda, unga nisbatan Oʻzbekiston Respublikasining “Ichki ishlar organlari toʻgʻrisida”gi Qonuni talablari asosida jismoniy kuch ishlatish va maxsus vositalar qoʻllanilishi mumkin.

45. Maxsus qabulxona xodimlari tomonidan tuzilgan bayonnoma, dalolatnoma, maʼmuriy qamoqqa olingan shaxslarning fotosuratlari va barmoq izlari tushirilgan daktilokarta qogʻozlarining bir nusxasi ularning shaxsiy hujjatlar yigʻmajildiga qoʻshib qoʻyiladi.

46. Daktilokarta qogʻozining ikkinchi va uchinchi nusxalari tegishlicha Raqamli texnologiyalar va huquqiy statistika departamenti Huquqiy statistika bosh markazining hududiy boʻlinmalari va Ekspert-kriminalistika boʻlimlari (markazi)ga yuboriladi.

5-bob. Taqiqlangan ashyolar va oziq-ovqat mahsulotlarini olib qoʻyish

47. Taqiqlangan ashyolar va oziq-ovqat mahsulotlari maxsus qabulxona boshligʻining mazkur Qoidalarning 5-ilovasiga muvofiq shakldagi qaroriga asosan olib qoʻyiladi.

48. Olib qoʻyilgan hujjatlar, pul mablagʻlari, qimmatbaho buyumlar, narsalar va boshqa ashyolar maxsus qabulxona navbatchilik qismiga saqlash uchun topshiriladi va bu haqida ularning tavsiflari va identifikatsiya raqamlari sanab oʻtilgan holda ikki nusxada dalolatnoma tuziladi. Dalolatnomaning bir nusxasi maʼmuriy qamoqqa olingan shaxsga beriladi, ikkinchi nusxasi uning shaxsiy hujjatlar yigʻma jildiga qoʻshib qoʻyiladi. Olib qoʻyilgan hujjatlar, pul mablagʻlari, qimmatbaho buyumlar, narsalar va boshqa ashyolar maxsus qabulxonaning navbatchilik qismidagi seyfda saqlanadi.

49. Olib qoʻyilgan va isteʼmolga yaroqsiz boʻlib qolgan taqiqlangan oziq-ovqat mahsulotlari maxsus qabulxona boshligʻining asoslantirilgan qaroriga koʻra yoʻq qilib tashlanib, bu haqda mazkur Qoidalarning 6-ilovasiga muvofiq shaklda dalolatnoma tuziladi.

50. Muomaladan chiqarilmagan narsalar maʼmuriy qamoqqa olingan shaxsning arizasi va maxsus qabulxona boshligʻining roziligiga koʻra uning qarindoshlari yoki boshqa shaxslarga berib yuborilishi mumkin.

51. Maʼmuriy qamoqqa olingan shaxsning yonidan muomalada boʻlishi taqiqlangan yoki cheklangan narsalar aniqlanganda qonunchilik hujjatlarida belgilangan tartibda olib qoʻyiladi hamda ularni saqlash, topshirish yoki yoʻq qilish, shuningdek, ushbu ashyolarni saqlagan shaxslarga nisbatan belgilangan tartibda javobgarlik masalalarini hal etish uchun zudlik bilan tegishli tuman (shahar) ichki ishlar boshqarmasi (boʻlimi)ga xabar beriladi.

52. Sanitariya ishlovidan oʻtkazish chogʻida maʼmuriy qamoqqa olingan shaxslarni nazorat qilish maʼmuriy qamoqqa olingan shaxslar bilan bir jinsda boʻlgan maxsus qabulxona xodimlari tomonidan amalga oshiriladi.

53. Maʼmuriy qamoqqa olingan shaxslar maxsus qabulxonadan ozod etilgan vaqtida ulardan olib qoʻyilgan narsalar va ashyolar oʻzlariga qaytarib beriladi va bu haqda tilxat olinadi.

6-bob. Maʼmuriy qamoqqa olingan shaxslarning moddiy-maishiy taʼminoti

54. Maxsus qabulxonada maʼmuriy qamoqqa olingan shaxslarga sanitariya qoidalari, normalari, gigiyena normativlari talablariga va yongʻin xavfsizligi qoidalariga javob beradigan moddiy-maishiy sharoitlar yaratiladi .

55. Maʼmuriy qamoqqa olingan shaxslar saqlanadigan kameralar ventilyatsiya jihozlariga hamda isitish tizimiga, shuningdek koʻzga ziyon yetkazmaydigan holda oʻqish yoki yozish uchun yetarli tabiiy va sunʼiy yorugʻlikka ega boʻlishi kerak. Kameralarning derazalari sunʼiy ventilyatsiya tizimi mavjudligidan qatʼi nazar, toza havo kirishini taʼminlashi lozim .

56. Kameralarda bir kishiga toʻgʻri keladigan yashash maydonining normasi ikki yarim kvadrat metrdan, ayollar uchun esa uch kvadrat metrdan kam boʻlmagan oʻlchamda belgilanadi .

Maʼmuriy qamoqqa olingan, yuqumli kasalliklarga chalingan bemorlar saqlanadigan kameralarda bir kishiga toʻgʻri keladigan maydon toʻrt kvadrat metrdan kam boʻlmasligi kerak.

Maʼmuriy qamoqda yashash normasi belgilangan tartibda tasdiqlangan sanitariya-gigiyena va qurilish normalari va qoidalariga muvofiq boʻlishi kerak.

57. Maʼmuriy qamoqqa olingan shaxslarga alohida yotoq joyi, koʻrpa-toʻshak (koʻrpa, yostiq, ikkita choyshab va yostiq jildi), idish-tovoq hamda ovqatlanish anjomlari (kosa (miska), krujka va qoshiq) beriladi .

58. Maʼmuriy qamoqqa olingan shaxslar oʻzining kiyim-boshi, poyabzali va shaxsiy gigiyena vositalaridan foydalanadi .

Maʼmuriy qamoqqa olingan shaxsda zarur vositalar mavjud boʻlmagan taqdirda, ushbu shaxsning iltimosiga koʻra, unga shaxsiy gigiyena vositalari (sovun, tish pastasi yoki kukuni), soqol oladigan asbob yoki shaxsiy gigiyena vositalari (ayollar uchun) ham beriladi .

59. Maxsus qabulxonada maʼmuriy qamoqqa olingan shaxslar saqlanadigan kameralar radioeshittirish vositalari bilan jihozlanadi.

60. Kameralarga, ularda saqlanishi moʻljallangan shaxslar sonini hisobga olgan holda quyidagi jihozlar oʻrnatiladi:

bir qavatli yoki ikki qavatli karavotlar;

stol va stul (oʻrindiq);

oziq-ovqat mahsulotlarini saqlashga moʻljallangan jihozlar;

kiyim-bosh uchun ilgich;

radioeshittirish vositasi;

axlat qutisi;

sunʼiy shamollatish tizimi (ventilyatsiya);

sanitariya tarmogʻi (polga oʻrnatilgan unitaz va bet-qoʻl yuvgich);

isitish tizimi.

61. Maʼmuriy qamoqqa olingan shaxslarning choʻmilib-yuvinishi, choyshab va yostiqjildlarini almashtirish yetti kunda kamida bir marta amalga oshiriladi .

Maʼmuriy qamoqqa olingan shaxslarga maxsus qabulxonada yigirma daqiqa davomida choʻmilib-yuvinish imkoniyati hamda hammomning maxsus jihozlangan xonasida ularga bir martalik yoki elektr ustara yordamida soch-soqol olishiga ruxsat beriladi.

62. Maxsus qabulxonada maʼmuriy qamoqqa olingan shaxslar ular organizmining normal yashashi uchun yetarli boʻlgan ovqat bilan taʼminlanadi.

63. Maxsus qabulxonada maʼmuriy qamoqqa olingan shaxslar har kuni ehtiyojga qarab qaynatilgan ichimlik suvi bilan taʼminlanadi.

64. Maxsus qabulxonada maʼmuriy qamoqqa olingan shaxslar tasarrufida qogʻoz va kanselyariya ashyolari boʻlishi huquqiga ega. Maʼmuriy qamoqqa olingan shaxslarga ularning iltimosiga koʻra, arizalar, takliflar va shikoyatlarini yozishi uchun qogʻoz va sharikli ruchka beriladi.

7-bob. Maʼmuriy qamoqqa olingan shaxslarning tibbiy-sanitariya taʼminoti

65. Maxsus qabulxonada davolash-profilaktika va sanitariya, epidemiyaga qarshi ishlar qonunchilik hujjatlariga muvofiq tashkil etiladi va oʻtkaziladi. Maxsus qabulxona maʼmuriyati maʼmuriy qamoqqa olingan shaxslarning sogʻligʻini saqlashni taʼminlaydigan sanitariya-gigiyena talablarini bajarishi shart.

66. Maʼmuriy qamoqqa olingan shaxslarga tibbiy xizmat koʻrsatish maxsus qabulxonaning tibbiyot xodimlari tomonidan amalga oshiriladi .

67. Maxsus qabulxonaga yangi kelgan shaxslar kechiktirib boʻlmaydigan tibbiy yordam koʻrsatilishi zarur boʻlgan bemorlarni va tibbiy yordamga muhtoj boʻlgan shaxslarni aniqlash maqsadida maxsus qabulxonaning tibbiyot xodimlari tomonidan amalga oshiriladigan birlamchi tibbiy koʻrikdan oʻtadilar .

68. Maxsus qabulxonaga olib kelingan maʼmuriy qamoqqa olingan shaxslar ular olib kelingan kundan boshlab ikki kun ichida oʻrnatilgan tartibda davlat sogʻliqni saqlash tizimining tibbiy muassasalarida majburiy rentgenoflyurografik (rentgenoflyurografik tekshiruvga oid maʼlumotlar boʻlmaganda) tekshiruvidan oʻtkaziladi. Olingan tibbiy koʻrik natijalari ularning tibbiy kartasiga yozib qoʻyiladi.

69. Maxsus qabulxonalarda maʼmuriy qamoqqa olingan shaxslarda tan jarohatlari aniqlanganda ular maxsus qabulxonaning tibbiyot xodimlari tomonidan kechiktirmasdan tibbiy tekshiruvdan oʻtkaziladi. Tibbiy tekshiruv natijalari toʻgʻrisida darhol prokurorga xabar qilinadi .

70. Maxsus qabulxonada saqlanayotgan shaxslar har kuni kameralarni koʻzdan kechirish vaqtida maxsus qabulxona tibbiyot xodimlariga, kechiktirib boʻlmaydigan hollarda esa, maxsus qabulxonaning istalgan xodimiga tibbiy xizmat koʻrsatilishini soʻrab murojaat qilishlari mumkin. Murojaat qilganlarga zarur tibbiy xizmat koʻrsatilishi shart.

71. Maxsus qabulxonada saqlanayotgan shaxslarga ambulator tibbiy xizmat kameralarda yoki maxsus qabulxonaning maxsus jihozlangan tibbiyot xonalarida koʻrsatiladi. maxsus qabulxona tibbiyot xodimi har kuni kameralarni ertalabki koʻzdan kechirish vaqtida, birinchi navbatda, ambulator tibbiy xizmat koʻrsatilayotgan shaxslarni tibbiy koʻrikdan oʻtkazadi.

72. Maʼmuriy qamoqqa olingan shaxslar tibbiy koʻrsatmalar boʻyicha oʻzlariga zarur boʻlgan dori vositalari va preparatlaridan maxsus qabulxona tibbiyot xodimining ruxsati bilan foydalanishga haqli .

73. Dori vositalari maxsus qabulxona tibbiyot xodimining koʻrsatmasi boʻyicha bemorning tibbiy kartasiga yozilgan koʻrsatkichlarga muvofiq beriladi. Bemorning xohishiga koʻra, shu jumladan boshqa tibbiyot muassasalarining tibbiyot xodimlari tomonidan tayinlangan dori vositalari uning qarindoshlari yoki boshqa shaxslar tomonidan olib kelingan taqdirda maxsus qabulxona tibbiyot xodimining roziligi bilan olinishi mumkin.

74. Shifokorning yozma xulosasiga koʻra maxsus qabulxonada saqlanayotgan shaxslarga tavsiya etiladigan dori vositalarining miqdori cheklanmaydi.

75. Dori vositalarining isteʼmol qilinishi maxsus qabulxona tibbiyot xodimi nazoratida amalga oshiriladi. Davolanishi uzluksiz davom etadigan (yurak muskullarining siqilishi (stenokardiya), bemorning tinchlanishiga bogʻliq boʻlgan qon-tomir, arterial qon bosimining koʻtarilishi bilan kechadigan gipertonik kasalliklar, qandli diabet, tutqanoq va boshqa shu kabi kasalliklarga chalingan) bemorlarga maxsus qabulxona tibbiyot xodimi tomonidan tayinlangan dori vositalari berib qoʻyilishi mumkin, bundan tarkibida giyohvandlik vositalari, ularning analoglari yoki psixotrop moddalar boʻlgan, shuningdek kuchli taʼsir etuvchi va boshqa shu kabi dori vositalari mustasno.

76. Maʼmuriy qamoqqa olingan shaxslarga maxsus qabulxonalarda tibbiy xizmat koʻrsatish Qonunda belgilangan tartibda Oʻzbekiston Respublikasi Davlat budjeti mablagʻlari hisobidan amalga oshiriladi .

77. Maxsus qabulxona tibbiyot xodimining xulosasiga koʻra statsionar sharoitlarda yordam koʻrsatilishiga muhtoj boʻlgan shaxslar oʻrnatilgan tartibda davlat sogʻliqni saqlash muassasalariga yuboriladi. Bunda ularni qoʻriqlash va xulq-atvorini nazorat qilish taʼminlanadi. Maʼmuriy qamoqqa olingan shaxslarga statsionar sharoitlarda tibbiy yordam koʻrsatilgan taqdirda ularning qarindoshlari yoki maʼmuriy qamoqqa olingan shaxs tomonidan koʻrsatilgan boshqa shaxslar bu haqda darhol xabardor qilinadi.

Davlat tomonidan kafolatlangan tibbiy yordam hajmidan tashqari tibbiy va boshqa yordamlar xarajatlari belgilangan tartibda maʼmuriy qamoqqa olingan shaxslar tomonidan toʻlanadi.

Maʼmuriy qamoqqa olingan shaxslarga statsionar sharoitlarda tibbiy yordam koʻrsatilgan vaqt maʼmuriy qamoq muddatiga kiritiladi.

78. Maxsus qabulxona maʼmuriyati, xodimlari va tibbiyot xodimlari muntazam ravishda dezinfeksiya va boshqa sanitariya-gigiyena tadbirlari oʻtkazilishini taʼminlashi shart.

79. Maʼmuriy qamoqqa olingan shaxslarda oʻta xavfli, yuqumli yoki parazitar kasalliklar mavjudligi aniqlangan taqdirda zudlik bilan epidemiyaga qarshi chora-tadbirlar va davolash-profilaktika ishlari amalga oshiriladi.

80. Epidemiyaga qarshi kurashish maqsadida oʻn kunda kamida bir marotaba maxsus qabulxona kameralari, ovqat tarqatish xonalari hamda omborxona va boshqa xonalari belgilangan tartibda kimyoviy preparatlar yordamida zararkunandalarni yoʻqotish uchun profilaktik dezinfeksiya, dezinseksiya va deratizatsiya qilinadi.

81. Maxsus qabulxonani tayyor ovqat bilan taʼminlovchi oshxonalar umumiy ovqatlanish korxonalariga qoʻyiladigan sanitariya qoidalari va meʼyorlari talablariga javob berishi kerak.

82. Oziq-ovqat mahsulotlari va tayyor ovqat sifatini maxsus qabulxona navbatchisi va tibbiyot xodimi tekshiradi hamda bu haqda maxsus jurnalga qayd qiladi. Tegishli hujjatlari boʻlmagan, yaroqlilik muddati tugagan, buzilish alomatlari boʻlgan oziq-ovqat mahsulotlarining qabul qilinishiga yoʻl qoʻyilmaydi.

83. Maʼmuriy qamoqqa olingan shaxsning ovqat yeyishdan bosh tortganligi fakti aniqlanganda, maxsus qabulxona navbatchisi darhol prokurorni bu haqda xabardor qilishi shart.

84. Ovqat yeyishdan bosh tortayotgan shaxs maxsus qabulxona tibbiyot xodimining kuzatuvi ostida boʻladi.

85. Ovqat yeyishdan bosh tortayotgan shaxsning sogʻligʻini saqlab turishga qaratilgan majburiy tusdagi choralar (sunʼiy va majburiy ovqatlantirish) agar uning hayoti yoxud sogʻligʻiga xavf tugʻilsa, shifokorning yozma xulosasi asosida hamda tibbiyot xodimi ishtirokida amalga oshiriladi.

8-bob. Maʼmuriy qamoqqa olingan shaxslar tomonidan oziq-ovqat mahsulotlari va eng zarur narsalarni sotib olish

86. Maʼmuriy qamoqqa olingan shaxslar maxsus qabulxonada saqlanish davrida bir marotaba oʻzi bilan saqlash taqiqlanmagan oziq-ovqat mahsulotlari va eng zarur narsalarni sotib olish huquqiga ega.

87. Oziq-ovqat mahsulotlari va eng zarur narsalarni sotib olishni xohlovchilar maxsus qabulxona boshligʻi nomiga mazkur Qoidalarning 7-ilovasiga muvofiq shakldagi ariza bilan murojaat qiladi.

88. Maxsus qabulxona boshligʻi maxsus qabulxonaga qabul qilishda shaxslardan olib qoʻyilgan va navbatchilik qismida saqlanayotgan pul mablagʻlari hisobidan maxsus qabulxonada saqlanayotgan shaxslarning qarindoshlari yoki boshqa shaxslar orqali oziq-ovqat mahsulotlari va eng zarur narsalarni sotib olishlari uchun sharoit yaratib beradi.

9-bob. Maʼmuriy qamoqqa olingan shaxslar tomonidan pochta joʻnatmalarini va yoʻqlovlarni olish hamda joʻnatish

89. Maʼmuriy qamoqqa olingan shaxslar pochta joʻnatmalari va yoʻqlovlarni olish va joʻnatish huquqiga ega.

90. Maʼmuriy qamoqqa olingan shaxslar maxsus qabulxonada saqlangan davrida ogʻirligi pochta aloqasi xizmatlari koʻrsatish qoidalarida belgilangan normalardan oshmaydigan bitta posilka yoki banderol, shuningdek umumiy ogʻirligi oʻn ikki kilogrammgacha boʻlgan oziq-ovqat mahsulotlaridan iborat ikkita yoʻqlov olishiga ruxsat etiladi.

91. Odamlar hayoti va sogʻligʻi uchun xavf tugʻdiradigan yoki jinoyat quroli sifatida yoxud maxsus qabulxonada saqlash maqsadlariga toʻsqinlik qilish uchun foydalanilishi mumkin boʻlgan oziq-ovqat mahsulotlari, narsalar va moddalarni maxsus qabulxonada saqlanayotgan shaxslarga berish taqiqlanadi.

92. Pochta joʻnatmalari va yoʻqlovlarni qabul qilish maxsus qabulxonaning maxsus jihozlangan xonasida amalga oshiriladi.

93. Pochta joʻnatmalari va yoʻqlovlarni qabul qilish vaqti, tartibi va ularning soni hamda miqdorini belgilovchi hujjatlardan koʻchirmalar maxsus qabulxonaga kelgan shaxslarga koʻrinadigan joyga osib qoʻyiladi.

94. Yoʻqlov olib kelgan shaxs mazkur Qoidalarning 8-ilovasiga muvofiq shaklda ikki nusxada ariza toʻldiradi. Arizalar va yoʻqlov uni olib kelgan shaxsning shaxsini tasdiqlovchi hujjati bilan birga maxsus qabulxona navbatchisiga taqdim etiladi.

95. Yoʻqlovdagi non va goʻsht mahsulotlari, shuningdek pishloq va tuzlangan baliq boʻlaklarga ajratilib tekshiriladi, suyuq mahsulotlar maxsus qabulxonaning idishiga quyiladi, konservalar ochilib, boshqa idishga solinadi, tamaki, shakar va shu kabilar maxsus elakdan oʻtkaziladi, konfetlar oʻramsiz qabul qilinadi, tamaki mahsulotlari qutisidan chiqarilgan holda koʻzdan kechiriladi. Yozishmalarni hamda taqiqlangan ashyolar va oziq-ovqat mahsulotlarini yashirish mumkin boʻlgan boshqa barcha mahsulotlar ham shu tartibda tekshiriladi. Zarur hollarda, tekshiruv jarayonida texnik vositalardan foydalaniladi.

Tekshiruv yoʻqlovni olib kelgan shaxs ishtirokida amalga oshiriladi.

96. Maxsus qabulxona xodimi yoʻqlov olib kelgan shaxsga uning shaxsini tasdiqlovchi hujjati va arizasining bir nusxasini yoʻqlovni qabul qilganligi toʻgʻrisida imzo qoʻyib qaytarib beradi hamda yoʻqlovning ogʻirligini maxsus jurnalga qayd etadi. Arizaning ikkinchi nusxasiga maxsus qabulxonada saqlanayotgan shaxs yoʻqlovni olganligi toʻgʻrisida imzo qoʻyganidan soʻng, yoʻqlov unga beriladi va arizaning ushbu nusxasi uning shaxsiy hujjatlar yigʻma jildiga qoʻshib qoʻyiladi. Maʼmuriy qamoqqa olingan shaxs arizaga yoʻqlovni olganligi toʻgʻrisida imzo qoʻyishdan bosh tortsa, bu haqda arizaning ushbu nusxasiga yozib qoʻyiladi va dalolatnoma tuziladi.

97. Yoʻqlovda jinoiy maqsadda foydalanish mumkin boʻlgan, maxsus qabulxona hududiga kiritish taqiqlangan yashirilgan ashyolar aniqlangan taqdirda, maxsus qabulxona joylashgan ichki ishlar organi boshligʻiga bildirgi orqali maʼlum qilinadi. Ichki ishlar organi boshligʻining tekshiruv oʻtkazish boʻyicha topshirigʻiga asosan tezkor xodimlar tomonidan tegishli hujjatlar rasmiylashtiriladi.

98. Yoʻqlovlar quyidagi hollarda qabul qilinmaydi:

yoʻqlovni olib kelgan shaxslarning shaxsini tasdiqlovchi hujjatlari boʻlmaganda;

taqiqlangan ashyolar va oziq-ovqat mahsulotlari olib kelinganda;

yoʻqlovlar soni yoki yoʻqlovning umumiy ogʻirligi Qonunda belgilangan normadan ortiq boʻlganda, uning ortiqcha qismi;

maʼmuriy qamoqqa olingan shaxs davlat sogʻliqni saqlash tizimining tibbiy muassasalariga olib ketilganligi sababli, yoʻqlovni shaxsan qabul qilish imkoniyatiga ega boʻlmaganda;

yoʻqlov oluvchi yoʻqlovni qabul qilishdan yozma ravishda bosh tortganda;

yoʻqlov oluvchi boshqa muassasaga yuborilgan yoki ozod etilganda;

yoʻqlov oluvchi vafot etganda.

Keltirilgan hollarda yoʻqlov uni olib kelgan shaxsga qaytarib beriladi, bundan 97-banddagi holatlar mustasno.

99. Pochta joʻnatmalari maxsus qabulxona xodimlaridan iborat uch kishilik komissiya tomonidan ochiladi hamda ularning ichidagi ashyolar va oziq-ovqat mahsulotlari pochta joʻnatmalarining ustidagi roʻyxat bilan solishtiriladi.

100. Ochilgan pochta joʻnatmalari boʻyicha dalolatnoma tuziladi hamda unga ashyolar va oziq-ovqat mahsulotlarining roʻyxati, ularning tashqi belgilari, sifati, agar ularda taqiqlangan ashyolar va oziq-ovqat mahsulotlari boʻlsa, dalolatnomada ularni saqlash, davlat daromadiga oʻtkazish yoki yoʻq qilish uchun topshirilganligi koʻrsatiladi.

101. Dalolatnoma maʼmuriy qamoqqa olingan shaxsga imzo qoʻydirib tanishtiriladi va uning shaxsiy hujjatlar yigʻma jildiga qoʻshib qoʻyiladi.

102. Pochta joʻnatmalari:

maʼmuriy qamoqqa olingan shaxs ularni qabul qilishdan yozma ravishda bosh tortganda;

maʼmuriy qamoqqa olingan shaxs boshqa muassasaga oʻtkazilganda yoki ozod etilganda;

nomiga pochta joʻnatmalari kelgan maʼmuriy qamoqqa olingan shaxs vafot etganda ularni joʻnatgan shaxslarga pochta orqali yuboriladi.

103. Maxsus qabulxonadan ozod etilgan shaxslarning nomiga kelgan pochta joʻnatmalari olinganidan keyin uch kunlik muddatdan kechiktirmay maxsus qabulxona maʼmuriyati tomonidan u ketgan joyga joʻnatiladi.

104. Pochta joʻnatmalari qabul qilib olingandan soʻng yigirma toʻrt soat ichida, yoʻqlovlar esa darhol maʼmuriy qamoqqa olingan shaxsga beriladi.

105. Pochta joʻnatmalari va yoʻqlovlarning saqlanishi oqibatida ularning tabiiy buzilishi hamda koʻzdan kechirish natijasida tashqi koʻrinishini yoʻqotganligi uchun maxsus qabulxona maʼmuriyati javobgar boʻlmaydi. Bu haqda yoʻqlov olib kelgan shaxs yoʻqlovni qabul qilish vaqtida ogohlantirilishi shart.

106. Maʼmuriy qamoqqa olingan shaxslarning pochta joʻnatmalari va yoʻqlovlarni joʻnatishi ularning oʻz mablagʻlari hisobidan amalga oshiriladi.

107. Maʼmuriy qamoqqa olingan shaxslar pochta joʻnatmalari va yoʻqlovlarni joʻnatish uchun zarur ashyolarni (konvertlar, markalar, telegramma blankalari, qogʻoz va boshqalarni) maxsus qabulxona xodimlari orqali sotib oladi.

108. Maʼmuriy qamoqqa olingan shaxslardan pochta joʻnatmalari va yoʻqlovlar har kuni yopilmagan konvertlarda, joʻnatuvchi va oluvchining rekvizitlari yozilgan holda maxsus qabulxona xodimi tomonidan qabul qilinadi.

109. Pochta joʻnatmalari va yoʻqlovlarni adresatlarga joʻnatish u joʻnatishga topshirilgan kundan eʼtiboran uch kunlik muddatda maxsus qabulxona maʼmuriyati tomonidan amalga oshiriladi. Telegramma adresatga darhol joʻnatiladi.

10-bob. Maʼmuriy qamoqqa olingan shaxslar tomonidan pul joʻnatmalari olish

110. Maʼmuriy qamoqqa olingan shaxslar pul joʻnatmalari olish huquqiga ega.

111. Maʼmuriy qamoqqa olingan shaxslar nomiga kelgan pul joʻnatmalari maxsus qabulxonaning navbatchilik qismidagi seyfda saqlanadi.

112. Maʼmuriy qamoqqa olingan shaxslar tomonidan pul joʻnatmalari olingan sana maxsus jurnalda qayd etiladi.

113. Maʼmuriy qamoqqa olingan shaxslar maxsus qabulxonadan ozod etilgan vaqtida ularning nomiga kelgan pul joʻnatmalari oʻzlariga beriladi va bu haqda tilxat olinadi.

114. Maxsus qabulxonadan ketgan shaxslarning nomiga kelgan pul joʻnatmalari olinganidan keyin uch kunlik muddatdan kechiktirmay maxsus qabulxonaning maʼmuriyati tomonidan u ketgan joyga joʻnatiladi.

11-bob. Maʼmuriy qamoqqa olingan shaxslarning har kungi sayrlarini oʻtkazish

115. Maʼmuriy qamoqqa olingan shaxslar maxsus qabulxona hududida maxsus ajratilgan joylarda kunduzgi vaqtda davomiyligi ikki soatdan kam boʻlmagan har kungi sayr etish huquqiga ega.

116. Bemorlarning har kungi sayr etish vaqti maxsus qabulxona tibbiyot xodimining xulosasiga koʻra belgilanadi.

117. Kameradagi shaxslar sayrga bir vaqtda olib chiqilishi va ular mavsumiy kiyimda boʻlishi lozim.

118. Maʼmuriy qamoqqa olingan shaxslar sayrga maxsus qabulxona maʼmuriyati tomonidan belgilangan jadval asosida olib chiqiladi.

119. Sayr vaqtida maxsus qabulxona tibbiyot xodimlari maxsus qabulxona masʼul xodimlari bilan birgalikda kameralarning sanitariya holatini tekshirishlari mumkin.

120. Sayrga olib chiqilgan shaxslar doimiy ravishda nazorat qilib turiladi.

121. Maʼmuriy qamoqqa olingan shaxslar sayr vaqtida sayrni muddatidan oldin toʻxtatish haqida nazoratchiga murojaat qilishlari mumkin. Nazoratchi bu haqda maxsus qabulxona navbatchisini xabardor qiladi.

122. Sayr qilish ob-havo sharoiti yomonlashganda (boʻron, kuchli yomgʻir va h.k.), favqulodda holatlar (qochish, oʻz joniga qasd qilish va h.k) roʻy berganda, vaziyat keskinlashganda (favqulodda holat sodir etilishi toʻgʻrisida xabar olinganda, nazorat qiluvchi xodimlar soni keskin qisqartirilganda)hamda boshqa noxush hodisa (yongʻin, tabiiy ofatlar va h.k.)lar bartaraf etilgunga qadar taqiqlab qoʻyilishi mumkin.

123. Maʼmuriy qamoqqa olingan shaxslar maxsus qabulxona yoʻlagidan oʻtayotganda va sayrga chiqqanda baqirish, kuylash, tinchlikni boshqacha usullar bilan buzish, maxsus qabulxona hududidan tashqariga narsalar otish, devorlarga yozuvlar yozish, uskuna va toʻsiqlarni buzish yoki saqlash rejimini buzadigan boshqa harakatlarni amalga oshirish taqiqlanadi.

124. Ushbu Qoidalarning 123-bandida belgilangan sayr qilish tartibi buzilganda, maʼmuriy qamoqqa olingan shaxslar tomonidan maxsus qabulxona xodimlariga yoki maʼmuriy qamoqqa olingan boshqa shaxslarga nisbatan noqonuniy harakatlar sodir etilganda yoki ushbu shaxsga birinchi yordam koʻrsatish kerak boʻlganda sayr qilish muddatidan ilgari toʻxtatilishi mumkin.

125. Sayr qilish tartibini buzgan shaxslar maxsus qabulxona boshligʻi (yoʻqligida uning oʻrinbosari yoki navbatchi) koʻrsatmasiga asosan kamerasiga qaytariladi.

12-bob. Maʼmuriy qamoqqa olingan shaxslarning uchrashuvlarini oʻtkazish, shuningdek ular tomonidan telefon orqali soʻzlashuv huquqini amalga oshirish

126. Maxsus qabulxonada maʼmuriy qamoqqa olingan shaxslarga himoyachisi, qonuniy vakili, qarindoshlari hamda boshqa shaxslar bilan uchrashuvlar beriladi . Himoyachi va qonuniy vakil bilan moneliksiz va xoli uchrashuvlar ularning soni hamda davom etish muddati cheklanmagan holda beriladi .

127. Maxsus qabulxona boshligʻi tomonidan maʼmuriy qamoqqa olingan shaxsga qarindoshlari va boshqa shaxslar bilan davom etish muddati ikki soatgacha boʻlgan bitta uchrashuvga ijozat berilishi mumkin.

128. Bir vaqtning oʻzida maʼmuriy qamoqqa olingan shaxs bilan ikki nafar voyaga yetgan qarindoshlari va boshqa shaxslarning uchrashuviga ruxsat etiladi.

129. Maʼmuriy qamoqqa olingan shaxslarning qarindoshlari va boshqa shaxslar bilan uchrashuvlari maxsus qabulxonaning maxsus jihozlangan uchrashuv xonasida oʻtkaziladi.

130. Maʼmuriy qamoqqa olingan shaxslar uchrashuvga bir vaqtning oʻzida olib chiqilishi mumkin, bunda maʼmuriy qamoqqa olingan shaxslarning kameralar boʻyicha ajratilish talablariga qatʼiy rioya qilinishi shart.

131. Maxsus qabulxona xodimlari tomonidan uchrashuvga olib chiqilayotgan shaxsning tashqi koʻrinishi ozoda boʻlishi taʼminlanishi kerak.

132. Maxsus qabulxona navbatchisi tomonidan smenani topshirish-qabul qilish (kamida bir soat ichida) va maʼmuriy qamoqqa olingan shaxslarning ovqatlanish (nonushta, tushlik va kechki ovqat) vaqtida hamda tungi, yaʼni kech soat 22.00 dan ertalab soat 6.00 gacha boʻlgan vaqtda, shuningdek shaxsini tasdiqlovchi hujjati boʻlmagan, mast holda kelgan shaxslarga uchrashuv berilmaydi, Jinoyat-protsessual kodeksida (bundan buyon matnda JPK deb yuritiladi) nazarda tutilgan hollar bundan mustasno. Bunda rad etish sabablari maxsus qabulxona xodimi tomonidan tushuntiriladi.

133. Maʼmuriy qamoqqa olingan shaxslar bilan quyidagi shaxslar uchrashishlari mumkin :

advokat — u advokat guvohnomasini va oʻzining muayyan ishni yuritishga boʻlgan vakolatini tasdiqlovchi orderni koʻrsatganda;

qonuniy vakil — maʼmuriy qamoqqa olingan shaxsning qonuniy vakili ekanligini va oʻz shaxsini tasdiqlovchi hujjatini koʻrsatganda;

maʼmuriy qamoqqa olingan shaxsning qarindoshi yoki boshqa shaxs — oʻzining shaxsini tasdiqlovchi hujjatini koʻrsatganda.

Ushbu bandda sanab oʻtilgan shaxslardan boshqa hujjatlarni talab qilish taqiqlanadi.

134. Advokatning himoya ostidagi shaxs bilan audio va video kuzatuv qurilmalari boʻlmagan maxsus xonada hamda begona shaxslarning ishtirokisiz oʻz vaqtida va hech qanday toʻsiqlarsiz uchrashishi taʼminlanadi, bunda advokat va himoya ostidagi shaxsning suhbatini uchinchi shaxslar eshitishini istisno etgan holda ularni vizual koʻrib turish imkoniyati saqlab qolinadi.

Maʼmuriy qamoqqa olingan shaxslarning oʻz himoyachisi va qonuniy vakili bilan uchrashuvlari maxsus qabulxona xodimi ularni koʻrib turadigan, lekin eshitmaydigan sharoitlarda, maxsus qabulxonaning uchrashuv xonasida oʻtkaziladi.

135. Advokatning himoya ostidagi shaxs bilan uchrashish jarayonida elektron vositalardan (mobil telefon, fotoapparat va diktofon) foydalanish imkoniyati yaratiladi. Bunda advokat tomonidan elektron vositalardan maʼlumotlarni qayd etish bilan bogʻliq boʻlmagan boshqa maqsadlarda foydalanish taqiqlanadi.

Himoyachilar (advokatning himoyachi sifatida ishtirok etishi bundan mustasno), qonuniy vakillar, qarindoshlar va boshqa shaxslarga uchrashuvlar berilganda, ularning yonida aloqa vositalari, shaxsiy kompyuter, fotoapparat, videokamera va ovoz yozish qurilmalarining boʻlishi taqiqlanadi .

136. Uchrashuv jarayonida advokat tomonidan maʼmuriy qamoqqa olingan shaxslarga Qoidalarning 3-ilovasida koʻrsatib oʻtilgan taqiqlangan ashyolar va oziq-ovqat mahsulotlarini topshirish holatlari aniqlanganda uchrashuv muddatidan oldin toʻxtatiladi.

Advokat bilan uchrashuv muddatidan oldin toʻxtatilgan hollarda, maxsus qabulxona maʼmuriyati tomonidan advokatlik siri va daxlsizligini taʼminlashga doir qonunchilik hujjatlari talablariga rioya qilgan holda dalolatnoma rasmiylashtiriladi. Dalolatnoma nusxasi Oʻzbekiston Respublikasi Advokatlar palatasining tegishli hududiy boshqarmasiga va ushbu advokatga guvohnoma bergan hududiy adliya organiga yuboriladi.

137. Qarindoshlar va boshqa shaxslar bilan uchrashuvlar maxsus qabulxona xodimlarining nazorati ostida amalga oshiriladi. Himoyachi, qonuniy vakil, qarindoshlar va boshqa shaxslar tomonidan maʼmuriy qamoqqa olingan shaxslarga mazkur Qoidalarning 3-ilovasida koʻrsatib oʻtilgan taqiqlangan ashyolar va oziq-ovqat mahsulotlarini topshirishga urinilgan hollarda uchrashuv muddatidan oldin toʻxtatib qoʻyiladi. Uchrashuvga kelgan shaxs bu haqda uchrashuv boshlanishidan oldin maxsus qabulxonaning masʼul xodimlari tomonidan ogohlantirilishi shart.

138. Maxsus qabulxonada uchrashuvlar vaqtincha toʻxtatib turilgan hollarda nazorat qiluvchi prokurorga xabar beriladi va bu haqda uchrashuvga kelganlarni qabul qilish xonasiga eʼlon osib qoʻyiladi.

139. Maxsus qabulxona maʼmuriyati tomonidan maʼmuriy qamoqqa olingan shaxslarga maxsus qabulxonada texnik imkoniyatlar mavjud boʻlganida statsionar telefon-avtomatlari orqali, yoki maʼmuriy qamoqqa olingan shaxslarning shaxsiy aloqa vositalari va zaryadlash qurilmalarini ularga berish (olish) yordamida, telefon muloqotlarining ketma-ketlik tartibida taqdim etiladi.

140. Maʼmuriy qamoqqa olingan shaxslarning telefon muloqotlari maxsus qabulxona maʼmuriyati yoki xodimlari ishtirokida yoxud ular yoʻqligida audiovizual nazorat orqali amalga oshiriladi.

141. Maʼmuriy qamoqqa olingan shaxslarga shaxsiy aloqa vositalari va zaryadlash qurilmalari faqat telefon muloqotlarini amalga oshirish vaqtida beriladi.

142. Maʼmuriy qamoqqa olingan shaxslarga shaxsiy aloqa vositalari va zaryadlash qurilmalari maxsus qabulxona maʼmuriyatining shaxsiy aloqa vositalari va zaryadlash qurilmalarini maʼmuriy qamoqqa olingan shaxslarga berish (olish) va telefon muloqotlarini taqdim etishni hisobga olish jurnaliga qoʻyilgan belgisi orqali beriladi (olinadi).

143. Maʼmuriy qamoqqa olingan shaxslarga telefon muloqotlari sayr vaqtlari, sanitar, gigiyenik va boshqa shu turdagi tadbirlar hamda maxsus qabulxona maʼmuriyati va xodimlari tomonidan maʼmuriy qamoqqa olingan shaxslar xavfsizligi va maʼmuriy qamoqni oʻtash tartibini taʼminlash maqsadida oʻtkaziladigan chora-tadbirlardan tashqari, maxsus qabulxona kun tartibiga muvofiq har kuni soat 10.00 dan 12.00 gacha va 19.00 dan 21.00 gacha taqdim etiladi.

13-bob. Maʼmuriy qamoqqa olingan shaxslarning diniy rasm-rusumlarni ado etishi

144. Maʼmuriy qamoqqa olingan shaxslar, agar bu mazkur Qoidalarni, shuningdek boshqa shaxslarning huquqlari va qonuniy manfaatlarini buzmasa, maxsus qabulxona xonalarida diniy rasm-rusumlarni ado etish huquqiga ega.

145. Maʼmuriy qamoqqa olingan shaxslar diniy rasm-rusumlarni oʻzlari saqlanayotgan kameralarda, imkon boʻlganda esa maxsus qabulxonaning ushbu rasm-rusumlarga moʻljallab jihozlangan maxsus xonalarida oʻz diniy anʼanalarga muvofiq amalga oshiradi.

146. Maxsus qabulxona maʼmuriyati maʼmuriy qamoqqa olingan shaxslarning diniy rasm-rusumlarni ado etishi uchun zarur shart-sharoit yaratilishini taʼminlaydi.

147. Maʼmuriy qamoqqa olingan shaxslarga maxsus qabulxona kutubxonasidagi qonunchilik hujjatlari, adabiyotlar va davriy matbuot nashrlaridan foydalanishga ruxsat etiladi.

14-bob. Maʼmuriy qamoqqa olingan shaxslarning Oʻzbekiston Respublikasi Prezidenti, davlat hokimiyati vakillik organlari saylovlarida va Oʻzbekiston Respublikasining referendumida ishtirok etishi

148. Maʼmuriy qamoqqa olingan shaxslar Oʻzbekiston Respublikasi Prezidenti, davlat hokimiyati vakillik organlari saylovlarida va Oʻzbekiston Respublikasining referendumida (bundan buyon matnda saylov deb yuritiladi) ishtirok etish huquqiga ega.

149. Maʼmuriy qamoqqa olingan shaxslarning saylovda ishtirok etish huquqini taʼminlash maqsadida maxsus qabulxonaning oʻzida saylov uchastkasi tashkil etiladi.

150. Maxsus qabulxonada saylov uchastkasini tuzish va uning faoliyatini tashkil etish Oʻzbekiston Respublikasining Saylov kodeksi va “Oʻzbekiston Respublikasining referendumi toʻgʻrisida”gi Qonuni asosida amalga oshiriladi.

151. Maʼmuriy qamoqqa olingan shaxslarni kuch ishlatish, aldash, qoʻrqitish orqali yoki boshqa yoʻllar bilan ularning saylash va referendumda ishtirok etishdan iborat huquqlaridan foydalanishlariga toʻsqinlik qilish Oʻzbekiston Respublikasining qonunlariga muvofiq javobgarlikka tortishga sabab boʻladi.

15-bob. Maʼmuriy qamoqqa olingan shaxslarni mehnatga jalb etish

152. Maʼmuriy qamoqqa olingan shaxslar maxsus qabulxonada saqlash bilan bogʻliq xarajatlar oʻrnini qoplash maqsadida mehnat qilish istagini bildirib maxsus qabulxona boshligʻi nomiga ariza bilan murojaat qilish huquqiga ega.

153. Maʼmuriy qamoqqa olingan shaxslarning arizasi maxsus qabulxona maʼmuriyati tomonidan darhol koʻrib chiqiladi va tegishli sharoitlar mavjud boʻlganda maʼmuriy qamoqqa olingan shaxslar haq toʻlanadigan mehnatga jalb etiladi.

154. Maʼmuriy qamoqqa olingan shaxslarni mehnatga jalb etish uchun sharoit boʻlmagan hollarda arizachiga rad etish sabablari tushuntiriladi.

155. Maxsus qabulxona maʼmuriyati tomonidan maʼmuriy qamoqqa olingan shaxslarni haq toʻlanadigan mehnatga jalb etish maqsadida tuman (shahar) hokimliklariga murojaat etiladi hamda hokimliklar tomonidan tavsiya etilgan korxona va tashkilotlar bilan maxsus qabulxona oʻrtasida shartnoma tuziladi.

156. Maʼmuriy qamoqqa olingan shaxslar shartnoma asosida mehnatga jalb etilgan hollarda doimiy nazorat ostida boʻladi va maxsus qabulxona xodimlarining koʻrsatmasi boʻyicha ishlaydi.

157. Maʼmuriy qamoqqa olingan shaxslarning mehnat sharoiti qonunchilik hujjatlarida belgilangan xavfsizlik, sanitariya va gigiyena talablariga javob berishi kerak. Maʼmuriy qamoqqa olingan shaxslar oʻz mehnati uchun tegishli haq olishga haqlidir.

158. Maʼmuriy qamoqqa olingan shaxslarning ish vaqti va mehnatiga haq toʻlash mehnat toʻgʻrisidagi qonunchilik hujjatlariga muvofiq belgilanadi.

159. Belgilangan ish hajmlarini bajargan shaxslar mehnatiga haq toʻlash qonunchilik hujjatlarida Mehnatga haq toʻlash yagona tarif setkasining birinchi razryadi boʻyicha belgilangan miqdordan kam boʻlmasligi lozim.

160. Maʼmuriy qamoqqa olingan shaxslarning mehnatidan foydalanish natijasida olingan pul mablagʻlari ularni maxsus qabulxonalarda saqlash va ovqatlantirishga yoʻnaltiriladi.

161. Maʼmuriy qamoqqa olingan shaxslarni maxsus qabulxonalarda saqlash va ovqatlantirish qiymatidan ortiq boʻlgan summa ularning nomiga ochiladigan maxsus bank hisobvaraqlariga oʻtkaziladi.

162. Maʼmuriy qamoqqa olingan shaxslar maxsus qabulxona xonalaridagi sanitariya-gigiyena, maishiy sharoitlarni yaxshilash, shuningdek ichki ishlar organi yoki maxsus qabulxona hududini obodonlashtirish bilan bogʻliq boʻlgan, davomiyligi sutkasiga ikki soatdan koʻp boʻlmagan haq toʻlanmaydigan jismoniy ishlarga oʻz roziligiga koʻra jalb etiladi.

163. Maʼmuriy qamoqqa olingan shaxslarni haq toʻlanmaydigan jismoniy ishlarga jalb etish ularning sogʻligʻi holati hisobga olingan holda va navbatma-navbat amalga oshiriladi.

164. Maʼmuriy qamoqqa olingan mehnatga qobiliyatsiz shaxslar jismoniy ishlarga jalb etilishdan ozod qilinadi.

16-bob. Maʼmuriy qamoqqa olingan shaxslarning arizalar, takliflar va shikoyatlar yuborishi

165. Maʼmuriy qamoqqa olingan shaxslar maxsus qabulxona maʼmuriyatiga, davlat va fuqarolarning oʻzini oʻzi boshqarish organlariga hamda jamoat birlashmalariga oʻz ona tilida yoki boshqa tilda arizalar, takliflar va shikoyatlar bilan murojaat etish huquqiga ega.

166. Maxsus qabulxona xodimlari har kuni kameralarni aylanish chogʻida maʼmuriy qamoqqa olingan shaxslardan yozma va ogʻzaki shakldagi ariza, taklif va shikoyatlar qabul qiladi.

167. Ogʻzaki shaklda qabul qilingan yoki maxsus qabulxona boshligʻi nomiga berilgan arizalar, takliflar va shikoyatlar jurnalga qayd etiladi hamda maxsus qabulxona boshligʻiga bayon qilinadi.

168. Maxsus qabulxona boshligʻi uning nomiga yozilgan arizalar, takliflar va shikoyatlar zudlik bilan koʻrib chiqilishini taʼminlaydi.

169. Maxsus qabulxona xodimlarining harakatlari va qarorlari ustidan berilgan shikoyatlar berilgan kundan keyingi ish kunidan kechiktirmay maxsus qabulxona boshligʻi tomonidan prokurorga bevosita topshiriladi, prokurorning harakatlari va qarorlari ustidan berilgan shikoyatlar esa yuqori turuvchi prokurorga pochta orqali yuboriladi.

170. Boshqa davlat organlari va tashkilotlari nomiga yoʻllangan arizalar, takliflar va shikoyatlar senzuradan oʻtkazilmaydi hamda berilgan kundan keyingi ish kunidan kechiktirmay maxsus qabulxona maʼmuriyati tomonidan oluvchilarga pochta orqali yuboriladi.

171. Arizalar, takliflar va shikoyatlarga javoblar maxsus qabulxonaga kelib tushgan kundan keyingi ish kunidan kechiktirmay maxsus qabulxona navbatchisi tomonidan tegishli ariza, taklif va shikoyatni bergan shaxsga yetkaziladi.

172. Maʼmuriy qamoqqa olingan shaxsning arizalari, takliflari va shikoyatlarini joʻnatish xarajatlarining oʻrni maxsus qabulxona mablagʻlari hisobidan qoplanadi.

173. Maʼmuriy qamoqqa olingan shaxsning arizalari, takliflari va shikoyatlarini qabul qilish hamda koʻrib chiqishning asossiz ravishda rad etilishi, ularni koʻrib chiqish yoki oluvchilarga topshirish tartibi va muddatlarining buzilishi yoxud maʼmuriy qamoqqa olingan shaxsning berilgan arizalar, takliflar va shikoyatlar munosabati bilan taʼqib qilinishi qonunchilik hujjatlariga muvofiq javobgarlikka sabab boʻladi.

17-bob. Maʼmuriy qamoqqa olingan shaxslarning maxsus qabulxona boshligʻi va u vakolat bergan shaxslar tomonidan shaxsan qabul qilinishi

174. Maʼmuriy qamoqqa olingan shaxslar maxsus qabulxona boshligʻiga yoki u vakolat bergan shaxsga, shuningdek maxsus qabulxonalarni nazorat qiluvchi yoki tekshiruvchi mansabdor shaxslarga shaxsan qabul qilish toʻgʻrisida iltimos bilan murojaat qilish huquqiga ega.

175. Maxsus qabulxona boshligʻi yoki uning oʻrnini bosuvchi shaxslarning shaxsiy qabuliga yozilish maxsus qabulxona xodimlari tomonidan har kuni kameralarni aylanib chiqish chogʻida amalga oshiriladi. Qabul qilish toʻgʻrisidagi murojaat yozma yoki ogʻzaki ravishda maxsus qabulxona boshligʻi nomiga beriladi va shaxsiy qabul jurnalida navbat bilan roʻyxatga olinadi.

176. Maʼmuriy qamoqqa olingan shaxslarni maxsus qabulxona boshligʻi yoki uning oʻrnini bosuvchi shaxslar tomonidan qabul qilish har kuni belgilangan jadvalga muvofiq ish vaqti davomida amalga oshiriladi, dam olish va bayram kunlari bundan mustasno. Zarur hollarda, maʼmuriy qamoqqa olingan shaxslar jadvaldan tashqari qabul qilinishi mumkin.

177. Murojaat qilganlarni qabul qilish shaxsiy qabul jurnalidagi roʻyxat boʻyicha amalga oshiriladi va qabul natijalari jurnalga yozib qoʻyiladi. Yozma ravishda berilgan murojaatlarga uning natijasi haqida belgi qoʻyilib, maʼmuriy qamoqqa olingan shaxslarning shaxsiy hujjatlar yigʻma jildiga qoʻshib qoʻyiladi.

178. Maʼmuriy qamoqqa olingan shaxslarning qarindoshlari va boshqa shaxslarni maxsus qabulxona boshligʻi yoki uning oʻrnini bosuvchi shaxslar tomonidan shaxsan qabul qilish maxsus qabulxonaning uchrashuv xonasida amalga oshiriladi. Qabulga kelgan shaxslar maxsus jurnalda roʻyxatga olinadi va qabul natijalari jurnalga yozib qoʻyiladi.

18-bob. Maʼmuriy qamoqqa olingan, maxsus qabulxonada vafot etgan shaxslarning jasadlarini berish

179. Maʼmuriy qamoqqa olingan shaxs maxsus qabulxonada vafot etgan taqdirda, maxsus qabulxona boshligʻi bu haqda uning yaqin qarindoshlariga, qonuniy vakiliga va prokurorga darhol xabar qiladi. Maʼmuriy qamoqqa olingan shaxsning vafot etganligi fakti boʻyicha JPKda nazarda tutilgan tartibda tergovga qadar tekshiruv oʻtkaziladi.

180. Maxsus qabulxonada vafot etgan shaxsning jasadi u bilan bogʻliq tergovga qadar tekshiruv oʻtkazilayotgan jarayonda mazkur ishni yuritayotgan mansabdor shaxs yoki organning qaroriga asosan saqlash uchun maxsus qabulxona yaqinida joylashgan sogʻliqni saqlash muassasasining oʻlikxonasiga topshiriladi.

181. Maxsus qabulxonada vafot etgan shaxsning jasadi sud-tibbiy ekspertizasidan oʻtkazilganidan, shuningdek JPKda nazarda tutilgan boshqa harakatlar bajarilganidan keyin vafot etgan shaxsning eri (xotini), ota-onasi, farzandlari va boshqa qarindoshlariga yoki qonuniy vakillariga yoxud dafn etishni amalga oshirish majburiyatini oʻz zimmasiga olgan boshqa shaxslarga topshiriladi.

182. Vafot etgan shaxsning jasadi uni talab qilgan shaxsning arizasi va holat yuzasidan tergov harakatlarini amalga oshirayotgan mansabdor shaxs yoki organning qarori asosida dafn etish uchun beriladi. Bunda vafot etgan shaxsga tegishli boʻlgan hujjatlar, ashyolar va oziq-ovqat mahsulotlari uning ariza bilan murojaat qilgan qarindoshlari yoki boshqa shaxslarga belgilangan tartibda topshiriladi.

Ariza bilan murojaat qilgan shaxs oʻzining shaxsini tasdiqlovchi hujjatini koʻrsatishi zarur.

183. Maxsus qabulxonada vafot etgan shaxsning eri (xotini), ota-onasi, farzandlari va boshqa qarindoshlari yoki qonuniy vakillaridan yoxud dafn etishni amalga oshirish majburiyatini oʻz zimmasiga olgan boshqa shaxslardan jasadni berish toʻgʻrisida ariza tushmagan taqdirda, vafot etgan shaxsni dafn etish qonunchilik hujjatlarida belgilangan tartibda amalga oshiriladi.

19-bob. Maʼmuriy qamoqqa olingan shaxslarni maxsus qabulxonadan ozod qilish tartibi

184. Maʼmuriy qamoqqa olingan shaxs maxsus qabulxonadan quyidagi hollarda ozod qilinadi:

maʼmuriy qamoq tarzidagi maʼmuriy jazoni qoʻllash toʻgʻrisidagi qaror bekor qilinganda;

maʼmuriy qamoq muddati oʻtab boʻlinganda.

185. Maʼmuriy qamoqqa olingan shaxslarni maxsus qabulxonadan ozod qilish maxsus qabulxona maʼmuriyati tomonidan darhol amalga oshiriladi.

186. Maʼmuriy qamoqqa olingan shaxslar maxsus qabulxonadan ozod qilinayotganda maxsus qabulxonaning tibbiyot xodimlari tomonidan qayta tibbiy koʻrikdan oʻtkaziladi.

Maʼmuriy qamoqqa olingan shaxslarda tan jarohatlari aniqlanganda maxsus qabulxonaning tibbiyot xodimlari tomonidan darhol prokurorga xabar qilinadi.

187. Maxsus qabulxonalardan ozod qilish chogʻida maxsus qabulxona maʼmuriyati tomonidan maʼmuriy qamoqqa olingan shaxs maxsus qabulxonaga kelib tushganda olib qoʻyilgan hujjatlar, pul mablagʻlari, qimmatbaho buyumlar, narsalar va boshqa ashyolarni tilxat bilan ularga qaytaradi hamda ozod etilganligi toʻgʻrisida belgilangan shaklda maʼlumotnoma beradi.

188. Zarur boʻlgan taqdirda, maxsus qabulxona maʼmuriyati maxsus qabulxonadan ozod qilingan shaxsni yashash joyiga yetib olishi uchun yoʻl hujjatlari va yoʻlda ketish uchun belgilangan normalar boʻyicha oziq-ovqat mahsulotlari bilan taʼminlaydi.

20-bob. Yakuniy qoida

189. Mazkur Qoidalar Oʻzbekiston Respublikasi Oliy sudi, Oʻzbekiston Respublikasi Bosh prokuraturasi, Oʻzbekiston Respublikasi Sogʻliqni saqlash vazirligi hamda Oʻzbekiston Respublikasi Bandlik va mehnat munosabatlari vazirligi bilan kelishilgan.

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 1-ILOVA

Maxsus qabulxonaning namunaviy

Uygʻonish — soat 6.00 da.

Ertalabki tekshiruv va kameralar tozalanishi — soat 6.00 dan 8.00 gacha.

Nonushta — soat 8.00 dan 9.00 gacha.

Arizalar, takliflar va shikoyatlarni yuborish — soat 9.00 dan 10.00 gacha.

Telefon qilish — soat 10.00 dan 12.00 gacha, 19.00 dan 21.00 gacha.

Sayr — kunduzgi vaqtda kamida 2 soat.

Tushlik — 13.00 dan 14.00 gacha.

Diniy rasm-rusumlarni ado etish — ado etish vaqtlarida.

Qarindoshlar yoki boshqa shaxslar bilan uchrashuv — soat 16.00 dan 18.00 gacha.

Himoyachi yoki qonuniy vakil bilan uchrashuv — Ichki tartib qoidalarning 132-bandi talablaridan tashqari vaqtlar va hollarda davom etish muddati cheklanmaydi.

Kechki ovqat — soat 18.00 dan 19.00 gacha.

Kechki tekshiruv — soat 21.00 dan 22.00 gacha.

Tungi vaqtda uxlash (uzluksiz) — soat 22.00 dan 6.00 gacha.

Eslatma:

1. Kun tartibi har bir maxsus qabulxonada yil fasli, kunining davomiyligi va mahalliy sharoitlardan kelib chiqib tuziladi.

2. Maʼmuriy qamoqqa olingan shaxslarning sayrga chiqishi, diniy rasm-rusumlarni ado etishi, himoyachi, qonuniy vakil, qarindoshlar va boshqa shaxslar bilan uchrashuvlari toʻgʻrisida maʼmuriy qamoqqa olingan shaxslarning kameradan chiqishini roʻyxatga olish jurnaliga yozib qoʻyiladi.

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 2-ILOVA

Maxsus qabulxonada maʼmuriy qamoqqa olingan shaxslarning

1. Maxsus qabulxonada saqlanayotgan maʼmuriy qamoqqa olingan shaxslarga quyidagi majburiyatlar yuklatiladi:

Qonunda belgilangan ichki tartib qoidalariga rioya qilish;

maxsus qabulxona xodimlarining qonuniy talablarini soʻzsiz bajarish;

shaxsiy gigiyena va sanitariya talablariga rioya etish;

yongʻin xavfsizligi qoidalariga rioya etish;

maxsus qabulxonaning mol-mulkiga ehtiyotkorlik bilan munosabatda boʻlish;

kameralarni ozoda saqlash, yotish joyi, koʻrpa-toʻshaklarini bir xil qilib yigʻishtirish, oziq-ovqat mahsulotlarini, narsa va buyumlarini saqlash talablariga rioya etish;

maxsus qabulxona xodimlari hamda boshqa shaxslarning shaʼni va qadr-qimmatini kamsituvchi xatti-harakatlarni sodir etmaslik;

maxsus qabulxona maʼmuriyatining qonuniy talablarini bajarishi, shuningdek maxsus qabulxona xodimlarining xizmat vazifalarini bajarishiga toʻsqinlik qilmasligi;

oʻzining hamda boshqa shaxslarning hayoti va sogʻligʻiga tahdid soluvchi xatti-harakatlarni qasddan sodir etmaslik;

maxsus qabulxona xodimlari va bir-birlari bilan xushmuomalada boʻlish;

ichki ishlar organlari xodimlari, prokuratura va boshqa nazorat qiluvchi mansabdor shaxslar kamera ichiga kirgan vaqtida berilgan koʻrsatma asosida oʻrnidan turish va belgilangan joyga saflanish;

belgilangan tartib asosida sayr qilish va uchrashuv paytida oʻzini tutishi;

maxsus qabulxona xodimlarining va boshqa mansabdor shaxslarning talabi asosida oʻzining familiyasini, ismi va otasining ismini aytishi;

tinchlikni saqlash;

navbat bilan kamera boʻyicha navbatchilik qilish.

2. Kamera boʻyicha navbatchi:

kameraga maxsus qabulxona xodimlari yoki tekshiruvchi xodimlar kirganida saqlanayotgan shaxslar soni toʻgʻrisida axborot beradi;

jihozlar, buyumlar va boshqa narsalarning saqlanishini nazorat qiladi;

kamerada saqlanayotganlar uchun idish tovoqlarni oladi va topshiradi;

kamera tozaligiga rioya qilinishini nazorat qiladi.

3. Maxsus qabulxonada saqlanayotgan maʼmuriy qamoqqa olingan shaxslarga quyidagilar taqiqlanadi:

boshqa kamera va xonalardagi shaxslar bilan suhbatlashish, muloqot qilish, shovqin solish (devorlarni, kameradagi jihozlarni taqillatish va boshqa taqiqlangan harakatlar);

saqlanishi, tarqatilishi, isteʼmol qilinishi, foydalanilishi taqiqlangan pullar, qimmatli qogʻozlar hamda boshqa qimmatliklar, oziq-ovqat mahsulotlari, narsalar va moddalar bilan muomala qilish;

maxsus qabulxona xodimlarining ruxsatisiz kamera va maʼmuriy binosining boshqa xonasidan tashqariga chiqish;

belgilanmagan joylarda chekish;

biror-bir manfaatni koʻzlab oʻyinlar tashkil qilish yoki oʻynash;

tatuirovka chizish;

maxsus qabulxona maʼmuriyatining ruxsatisiz yotoq joyini oʻzgartirish va unga parda tutish;

kamerada olov yoqish;

maxsus qabulxona xodimlarining ruxsatisiz santexnika, yoritish va boshqa asbob-uskunalarni sozlash yoki kameradagi yorugʻlikni oʻzgartirish;

qoʻlbola elektr uskunalardan foydalanish;

diniy ekstremistik gʻoyalarni targʻib qilish hamda ularga rioya etishga majburlash;

kameradagi jihozlarga zarar yetkazish, devorlariga yoki foydalanishga berilgan narsalarga yozish, chizish yoki belgi qoʻyish, shuningdek devorlarga qogʻozlar, fotosuratlar, adabiyotlar, davriy matbuot nashrlari va boshqalarni qirqib yopishtirish, fotosurat, roʻznoma hamda jurnallardan qirqib olingan rasmlar yoki maqolalarni yopishtirish;

safda harakatlanayotganda safdan chiqish, chekish, suhbatlashish va maxsus qabulxona xodimlarining ruxsatisiz boshqa harakatlar qilish;

shaxsiy foydalanishida boʻlgan narsalarni sotish, sovgʻa qilish, almashish yoki boshqa usullar bilan oʻzga ushlab turilganlardan tortib olish;

kamera derazasidan ashyolar va oziq-ovqat mahsulotlarini tashqariga uloqtirish, derazaga va eshikning tuynugiga yopishib turish yoki ularni bekitish yoxud ulardan qarash.

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 3-ILOVA

Taqiqlangan ashyolar va oziq-ovqat mahsulotlarining

1. Barcha turdagi oʻqotar va sovuq qurollar yoki sovuq qurol sifatida foydalanilishi mumkin boʻlgan ashyolar, shuningdek oʻq-dorilar.

2. Pullar, qimmatli qogʻozlar, qimmatbaho toshlar, durlar va ulardan yasalgan buyumlar, turli markadagi soatlar va boshqa qimmatliklar.

3. Optik asboblar, koʻzoynak bundan mustasno.

4. Alkogol mahsulotlari, shuningdek tarkibida spirt boʻlgan atir va boshqa mahsulotlar.

5. Giyohvandlik vositalari, ularning analoglari psixotrop moddalar va kuchli taʼsir etuvchi preparatlar.

6. Barcha turdagi radioapparatura, kompyuter texnikasi, yozuv mashinkasi, nusxa koʻchirish vositalari.

7. Aloqa vositalari, jumladan uyali aloqa vositasi, radiotelefonlar, peyjerlar, ratsiyalar va ularning barcha turdagi qismlari.

8. Inson hayoti va sogʻligʻi uchun xavfli hamda jinoyat quroli sifatida qoʻllanilishi mumkin boʻlgan, sanoat usulida yoki qoʻlbola tarzda yasalgan tigʻli, kesuvchi, uchi oʻtkirlangan sanchiladigan kasbiy va xoʻjalik-maishiy (pichoq, bigiz, ustara (elektr ustara bundan mustasno), qaychi va boshqalar) ashyolar.

9. Oynalar, bundan kamera devoriga oʻrnatilgan oyna mustasno.

10. Chilangarlik va boshqa asbob-uskunalar.

11. Sport anjomlari.

12. Oʻyin kartalari.

13. Har qanday turdagi foto, audio va videoapparaturalar hamda ularning qismlari.

14. Pornografik va diniy ekstremistik xususiyatga ega boʻlgan nashr va materiallar, shuningdek taqiqlangan adabiyotlar.

15. Topografik xaritalar va kompas.

16. Harbiy va boshqa formali kiyim-bosh hamda uning jihozlari.

17. Nusxa koʻchiradigan qogʻozlar (kopirka).

18. Musiqa asboblari.

19. Xamirturush va achitqilar.

20. Uyda pishirilgan, shuningdek isteʼmol qilinishi isitish va pishirishni talab qiladigan oziq-ovqat mahsulotlari.

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 4-ILOVA

‎‎Shaxsiy koʻrik qilish hamda ashyolar va oziq-ovqat mahsulotlarini koʻzdan kechirish ‎BAYONNOMASI ‎ ‎‎__________ yil “____”________________da tugʻilgan ___________________________________________________ ‎ ‎ ‎ ‎ ‎ ‎‎(F.I.O) ‎‎20_____ yil “___” ___________ soat ___________da maxsus qabulxonaga olib kelingan. 20___ yil “___” _________________da shaxsiy koʻrik qilinib hamda ashyolari va oziq-ovqat mahsulotlari koʻzdan kechirilib, undan quyidagilar olib qoʻyildi: ‎‎________________________________________________________________________________________________ ‎(ashyolar va oziq-ovqat mahsulotlarining nomi) ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎‎Mazkur bayonnomaga olib qoʻyilgan ashyolar va oziq-ovqat mahsulotlari toʻliq kiritildi. Shaxsiy koʻrik qilgan hamda ashyolar va oziq-ovqat mahsulotlarini koʻzdan kechirgan maxsus qabulxona xodimlari: ‎ ____________________________ ‎‎‎(lavozimi va unvoni) ‎____________________________ ‎‎‎ ‎(lavozimi va unvoni) ‎____________________________ ‎‎‎ ‎(lavozimi va unvoni) ‎____________________________ ‎‎‎ ‎(lavozimi va unvoni) ‎ ‎‎__________________ ‎(imzo) ‎‎‎__________________ ‎ ‎(imzo) ‎__________________ ‎ ‎(imzo) ‎__________________ ‎ ‎(imzo) ‎ ‎‎____________________________ ‎(F.I.O) ‎‎‎‎____________________________ ‎ ‎(F.I.O) ‎‎‎____________________________ ‎ ‎(F.I.O) ‎‎‎____________________________ ‎ ‎(F.I.O) ‎ ‎‎Meni shaxsiy koʻrik qilish hamda ashyolarim va oziq-ovqat mahsulotlarimni koʻzdan kechirilishiga nisbatan eʼtirozim yoʻq yoki bor. * ‎‎________________________________________________________________________________________________ ‎(eʼtiroz boʻlganda, uning qisqacha mazmuni yoziladi) ‎________________________________________________________________________________________________ ‎________________________________________________________________________________________________ ‎(shaxsiy tituv qilingan hamda ashyolari va oziq-ovqat mahsulotlarini ‎koʻzdan kechirish oʻtkazilgan shaxsning imzosi va F.I.O)

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 5-ILOVA

Taqiqlangan ashyolar va oziq-ovqat mahsulotlarini olib qoʻyish toʻgʻrisida ‎QAROR ‎ ‎‎_______________________ yilda tugʻilgan _____________________________________________________________ ‎ ‎ ‎ ‎ ‎‎ ‎‎(F.I.O) shaxsiy koʻrik qilinganda hamda ashyolari va oziq-ovqat mahsulotlari koʻzdan kechirilganda taqiqlangan ashyolar va oziq-ovqat mahsulotlari aniqlanganligi sababli, “Maʼmuriy qamoqni oʻtash tartibi toʻgʻrisida”gi Oʻzbekiston Respublikasi Qonunining 22-moddasiga asosan: ‎‎‎QAROR QILAMAN: ‎ _____________________________________________________________________________________________ dan ‎quyidagi taqiqlangan _______________________________________________________________________________ ‎ ‎ ‎‎(ashyolar va oziq-ovqat mahsulotlarining nomi) ‎‎________________________________________________________________________________________________ ‎olib qoʻyilsin. ‎Shulardan _______________________________________________________________________________________ ‎‎‎(ashyolar va oziq-ovqat mahsulotlarining nomi) ‎________________________________________________________________________________________________ ‎‎_______________________________________________________________ moliya boʻlimiga, omborxonaga saqlash yoki vaqtinchalik saqlash va kelgusida shaxsning qarindoshlari yoki boshqa shaxslarga berib yuborish, davlat daromadiga oʻtkazish uchun topshirilsin * , ‎‎________________________________________________________________________________________________ ‎(ashyolar va oziq-ovqat mahsulotlarining nomi) ‎________________________________________________________________________________________________ ‎___________________________________________________________________________ yoʻli bilan yoʻq qilinsin. ‎(yoʻq qilish usullari koʻrsatiladi) ‎ ‎‎_________________tuman (shahar) ‎IIB Maxsus qabulxona ‎boshligʻi ‎ ‎ ‎ ‎ ‎ ‎ ‎ ‎‎________________________ ‎(unvoni) ‎ ‎‎_________________ ‎(imzo va muhr) ‎ ‎‎__________________________ ‎(F.I.O) ‎‎20___ yil “___” _________ ____-son ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎orqa tomoni ‎‎Qaror bilan tanishdim _____________________________________________________________________________ ‎ ‎ ‎‎(maʼmuriy qamoqqa olingan shaxsning imzosi va F.I.O) ‎‎20____ yil “___”___________________ ‎ ‎ ‎ ‎ ‎ ‎

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 6-ILOVA

‎ ‎ ‎ ‎ ‎ ‎ ‎ ‎‎“ TASDIQLAYMAN ” ‎Maxsus qabulxona boshligʻi ___________________________ ‎(unvoni va F.I.O) ‎______________________ ‎(imzo) ‎ 20 ___ yil “___”_____________ ‎ Taqiqlangan oziq-ovqat mahsulotlarini yoʻq qilish haqida ‎DALOLATNOMA ‎ ‎‎20 ____ yil “___” ___________________ ‎ __________________________ ‎ ‎ ‎ ‎ ‎ ‎ ‎ ‎ ‎‎‎‎‎(hudud nomi)‎ Biz quyida imzo chekuvchilar, _________________________________________________________________________ ‎‎________________________________________________________________________________________________ ‎(maxsus qabulxona xodimlarining lavozimi, unvoni va F.I.O) ‎________________________________________________________________________________________________ ‎______________________________________________________________________________________ yoʻli bilan ‎(yoʻq qilish usullari koʻrsatiladi) ‎____________________________________________________________________________________________ ning ‎(maʼmuriy qamoqqa olingan shaxsning F.I.O) ‎quyidagi taqiqlangan _______________________________________________________________________________ ‎(oziq-ovqat mahsulotlarining nomi) ‎‎________________________________________________________________________________ yoʻq qilinganligini ‎‎maʼlum qilamiz. ‎ ‎Maxsus qabulxona tibbiyot ‎xodimi:‎ ____________________________ ‎‎‎(lavozimi va unvoni)‎ ‎Maxsus qabulxona xodimi: _______ ____________________________ ‎‎‎ ‎(lavozimi va unvoni) ‎Maxsus qabulxona xodimi: _______ ‎____________________________ ‎‎‎ ‎(lavozimi va unvoni) ‎ ‎‎__________________ ‎(imzo) ‎‎‎ ‎__________________ ‎ ‎(imzo) ‎ ‎__________________ ‎ ‎(imzo) ‎ ‎‎____________________________ ‎(F.I.O) ‎‎‎‎ ‎____________________________ ‎ ‎(F.I.O) ‎ ‎___________________________ ‎ ‎(F.I.O)

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 7-ILOVA

‎‎Maxsus qabulxona navbatchilik qismi seyfida maʼmuriy qamoqqa olingan‎ __________________________ ga tegishli ‎ ‎ ‎ ‎ ‎ ‎ ‎ ‎ ‎ ‎ ‎ ‎ (F.I.O)‎ ‎ ‎ ‎ ‎_____________soʻm ______tiyin mavjud. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Maxsus qabulxona navbatchisi ‎_____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(imzo) ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20 __yil “___” ____________ ‎‎------------------------------------------------------------------------------------------------------------------------------------------------------------------------- ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Maxsus qabulxona boshligʻi ‎‎_______________________ ga ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎(unvoni) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎________________________ ‎(F.I.O)‎ ‎ ‎ ‎ ‎ ‎ ‎ ‎ ‎ ‎ ‎ _____‎‎ ‎‎______________________ dan ‎ ‎ ‎ ‎ ‎ ‎ ‎ ‎ ‎ ‎ ‎‎(maʼmuriy qamoqqa ‎olingan shaxs, F.I.O) ‎ ‎‎ARIZA ‎ ‎‎Quyidagi ashyolar va oziq-ovqat mahsulotlarini sotib olishga ruxsat berishingizni soʻrayman: ‎ T.r. ‎‎Ashyo va oziq-ovqat mahsulotining nomi‎‎ Ogʻirligi‎‎ ‎‎‎‎Ajratilgan mablagʻ ‎‎soʻm tiyin 1.‎ ‎‎ kg.‎ ‎ gr.‎ ‎ ‎‎ ‎‎ 2.‎ ‎‎ ‎ ‎ ‎‎ ‎‎ 3.‎ ‎‎ ‎ ‎ ‎‎ ‎‎ ...‎ ‎‎ ‎ ‎ ‎‎ ‎‎ Jami:‎ ‎‎ ‎ ‎ ‎‎ ‎‎ ‎‎‎‎------------------------------------------------------------------------------------------------------------------------------------------------------------------------- ‎ ‎‎___________________________________________ soʻmlik ashyolar va oziq-ovqat mahsulotlarini qabul qilib oldim. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎__________________ ‎(imzo) ‎ ‎ ‎ ‎ ‎ ‎ ‎ ‎ ‎ ‎ ‎ ‎‎20 ___yil “___” ___________

Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalarning ichki tartib qoidalariga 8-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ Maxsus qabulxona boshligʻi ‎____________________ ‎(unvoni) ‎_____________________ga ‎(F.I.O) ‎ ‎‎ARIZA ‎ ‎‎Men, ____________________________________________________________________________________________ ‎(tugʻilgan yili, sanasi, yashash manzili va F.I.O) ‎_________________________________________________________________________________________, sizdan maʼmuriy qamoqqa olingan __________________________________________________________________________ ‎ ‎ ‎ ‎ ‎‎(tugʻilgan yili, sanasi va F.I.O) ‎‎uchun olib kelgan yoʻqlovni qabul qilishingizni soʻrayman. ‎‎Yoʻqlovdagi ashyolar va oziq-ovqat mahsulotlarining roʻyxati: ‎ T.r. ‎ ‎‎‎‎Ashyo va oziq-ovqat mahsulotining nomi ‎‎Ogʻirligi‎‎ ‎‎Miqdori ‎‎Izoh 1.‎ ‎‎ kg.‎ ‎ gr.‎ ‎ ‎‎ ‎‎ 2.‎ ‎‎ ‎ ‎ ‎‎ ‎‎ 3.‎ ‎‎ ‎ ‎ ‎‎ ‎‎ ...‎ ‎‎ ‎ ‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎‎___________ __‎‎_______________________ ‎(arizachining imzosi va F.I.O) ‎ ‎ ‎ ‎ ‎ ‎ ‎ ‎ ‎ ‎ ‎‎‎20 ___ yil “___” ________________ ‎‎Yoʻqlovni maʼmuriy qamoqqa olingan shaxsga ‎topshirish uchun qabul qildim: ‎‎________________________________________________________________________________________________ ‎(maxsus qabulxona xodimining imzosi va F.I.O) ‎‎20 ___ yil “___” ____________________ ‎Yoʻqlovni oldim:__________________________________________________________________________________ ‎ ‎ ‎‎(maʼmuriy qamoqqa olingan shaxsning imzosi va F.I.O) ‎‎20 ___ yil “___” ____________________

Vazir P. BOBOJONOV

Oliy sud raisi K. KAMILOV

Bosh prokuror O. MURODOV

Sogʻliqni saqlash vaziri A. SHADMANOV

Bandlik va mehnat munosabatlari vaziri Sh. KUDBIYEV

Toshkent sh.,

2018-yil 14-avgust,

2018-yil 14-avgust

2018-yil 14-avgust

2018-yil 14-avgust

2018-yil 14-avgust

220-son

(Qonunchilik maʼlumotlari milliy bazasi, 02.10.2018-y., 10/18/3073/1977-son; 01.06.2019-y., 10/19/3073-1/3225-son; 03.09.2020-y., 10/20/3073-2/1251-son; 04.05.2021-y., 10/21/3073-3/0408-son, 28.07.2021-y., 10/21/3313/0724-son; 31.07.2025-y., 10/25/3073-4/0676-son)

lex.uz