📅 2018-yil 3-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 3 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 октября 2018 г. · Постановления Президента
Официальный текст. Официальный документ. Редакционные примечания не включены.
📅 3 October 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Экология ва атроф-муҳитни муҳофаза қилиш соҳасида давлат бошқаруви тизимини такомиллаштириш бўйича қўшимча чора-тадбирлар тўғрисида
Сўнгги йилларда республикада экологик хавфсизликни таъминлаш, экологик вазиятни яхшилаш, чиқиндиларнинг инсонлар соғлиғига зарарли таъсирининг олдини олиш, шунингдек, ҳаёт даражаси ва сифатини ошириш учун қулай шароитлар яратиш мақсадида атроф-муҳитни муҳофаза қилиш соҳасида техник ва технологик жараёнлар оқибатида юзага келаётган муаммоларни ҳал этишга янги ёндашувларни жорий қилиш бўйича комплекс чора-тадбирлар изчил амалга оширилмоқда.
Республика шаҳар ва туманларида санитария жиҳатидан тозалашнинг мутлақо янги тузилмаси яратилди. Барча жойларда давлат-хусусий шериклик шароитида замонавий технологияларни қўллаган ҳолда чиқиндиларни тўплаш, ташиш ва қайта ишлаш кластерларини ташкил этишни назарда тутувчи чиқиндиларни комплексли бошқариш тизими жорий этилмоқда.
Шу билан бирга, ўтказилган таҳлил давомида белгиланган вазифаларнинг тегишли даражада амалга оширилишини, экология ва атроф-муҳитни муҳофаза қилиш соҳасида ислоҳотларни белгиланган суръатларда ва самарали амалга оширилишига тўсқинлик қилувчи қатор омиллар мавжудлиги аниқланди, хусусан:
биринчи, Ўзбекистон Республикаси Экология ва атроф-муҳитни муҳофаза қилиш давлат қўмитасининг (кейинги ўринларда Давлат экология қўмитаси деб юритилади) функциялари ва ваколатлари ҳаддан зиёд марказлашган;
иккинчи, Давлат экология қўмитаси инспекциявий фаолиятининг ягона вертикали мавжуд эмаслиги ҳайвонот ва ўсимлик дунёси объектларидан ноқонуний фойдаланишга қарши курашишни самарали олиб бориш, шунингдек, атроф-муҳитни муҳофаза қилиш имконини бермаяпти;
учинчи, санитария жиҳатидан тозалаш соҳасидаги субъектларнинг ташкилий, техник, иқтисодий ва ишлаб чиқариш фаолияти етарли даражада мувофиқлаштирилмаяпти;
тўртинчи, экологик тарғиботни ташкил этиш ва олиб бориш бўйича самарали механизмларнинг йўқлиги мазкур йўналишда ижтимоий реклама ва амалга оширилаётган ахборот-тушунтириш ишларининг самарадорлигига салбий таъсир кўрсатмоқда;
бешинчи, атроф-муҳитни муҳофаза қилиш тизимига, шу жумладан атроф-муҳит ҳолатини моделлаштириш ва прогнозлаштиришда замонавий ахборот-коммуникация технологиялари етарли даражада жорий этилмаяпти.
Экология ва атроф-муҳитни муҳофаза қилиш соҳасида давлат бошқаруви самарадорлигини таъминлаш, қулай экологик ҳолатни барқарор сақлаш, ҳудудий тузилмалар самарадорлигини ошириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ва Ўзбекистон Республикасида Маъмурий ислоҳотлар концепциясига мувофиқ:
1. Ўзбекистон Республикаси Экология ва атроф-муҳитни муҳофаза қилиш давлат қўмитаси таркибида:
Биохилма-хиллик ва муҳофаза этиладиган табиий ҳудудларни муҳофаза қилиш ва улардан фойдаланишни назорат қилиш инспекцияси ва Чиқиндиларнинг ҳосил бўлиши, тўпланиши, сақланиши, ташилиши, утилизация қилиниши, қайта ишланиши, кўмилиши ва реализациясини назорат қилиш инспекцияси негизида юридик шахс ташкил этмаган ҳолда Экология ва атроф-муҳитни муҳофаза қилиш соҳасидаги назорат бўйича инспекцияси (кейинги ўринларда — Инспекция);
Ахборот-коммуникация технологиялари ва биллинг тизимини жорий этиш ва ривожлантириш маркази негизида давлат унитар корхонаси шаклида Экологик ахборот, ахборот-коммуникация технологияларини жорий этиш ва мультимедиа маркази (кейинги ўринларда — Марказ) ташкил этилсин.
2. Давлат экология қўмитасининг ҳудудий бўлинмаларини мустаҳкамлаш, шу жумладан экология ва атроф-муҳитни муҳофаза қилиш соҳасидаги назорат бўйича туман (шаҳар) инспекцияларини қўшимча таъминлаш мақсадида унинг тизимига 404 штат бирлиги киритилсин.
Белгилансинки, қўшимча киритилаётган штатлар бирлигини давлат санитария-эпидемиология назорати марказларида штатлар сонини кераклигича қисқартирган ҳолда, уларни молиялаштириш учун Ўзбекистон Республикаси давлат бюджетидан ажратиладиган маблағлар ҳисобидан таъминланади.
Ўзбекистон Республикаси Соғлиқни сақлаш вазирлиги Молия вазирлиги билан биргаликда икки ой муддатда давлат санитария-эпидемиология назорати марказлари штат бирликларининг қисқаришини ҳисобга олган ҳолда, Ўзбекистон Республикаси соғлиқни сақлаш муассасалари ходимларининг штат нормативларини қайта кўриб чиқсин.
5. Қуйидагилар:
а) Инспекция фаолиятининг асосий вазифалари ва йўналишлари этиб белгилансин:
ер, ер ости бойликлари, сув, ўрмонлар, муҳофаза қилинадиган табиий ҳудудлар, ҳайвонот ва ўсимлик дунёси, атмосфера ҳавосини муҳофаза қилиш ҳамда улардан фойдаланиш соҳасидаги қонунчиликка риоя этилиши юзасидан давлат экологик назоратини амалга ошириш;
ўсимлик ва ҳайвонот дунёси объектларининг мавжуд бўлиши, турларининг хилма-хиллигини, табиий туркумлари яхлитлигини ва уларнинг яшаш муҳитини сақлаш учун зарур шарт-шароитлар яратиш;
чиқиндилар билан боғлиқ ишларни амалга ошириш соҳасидаги қонунчиликка риоя этилиши юзасидан давлат назоратини амалга ошириш, маҳаллий давлат ҳокимияти органлари билан яқин ҳамкорликда маиший чиқиндиларни йиғиш, ташиш, утилизация қилиш, қайта ишлаш ва кўмиш борасидаги амалий тизимни самарали ташкил этиш;
чиқиндиларни йиғиш пунктларини ташкил этиш, уларни ўз вақтида олиб чиқиш, рухсат этилмаган чиқиндихоналарнинг пайдо бўлишига йўл қўймаслик, чиқинди полигонларини бошқариш, уларни утилизация қилиш, қайта ишлаш, кўмиш ва реализация қилишни белгиланган тартибда назоратга олишни ташкил этиш;
фуқаролар, фуқароларнинг ўзини ўзи бошқариш органлари, нодавлат нотижорат ташкилотлари ҳамда оммавий ахборот воситалари билан жамоат экологик назоратини амалга оширишда ҳамкорлик қилиш;
в) Марказ фаолиятининг асосий вазифалари ва йўналишлари этиб белгилансин:
атроф-муҳитни муҳофаза қилиш соҳасида автоматлаштирилган ахборот тизимлари, ресурслари ва маълумотлар базасини яратиш, ривожлантириш ва қўллаб-қувватлаш, уларни давлатнинг бошқа органлари тизимлари билан изчил интеграциялаштириш, ривожлантириш ва олиб бориш, Давлат экология қўмитаси ахборот тизимлари хавфсизлигини таъминлаш;
экология ва атроф-муҳитни муҳофаза қилиш соҳасида давлат кадастрини, шунингдек, ёввойи ҳайвонлар ҳамда ёввойи ҳолда ўсадиган ўсимликларни кўпайтириш ва сақлаш бўйича питомникларни, зоология ва ботаника коллекциялари давлат ҳисобини юритишнинг автоматлаштирилган тизимини яратиш, ривожлантириш ва қўллаб-қувватлаш;
атроф-муҳитни муҳофаза қилиш, табиий ресурслардан оқилона фойдаланиш ва чиқиндилар билан боғлиқ ишларни амалга оширишнинг мониторинги, таҳлили ва ҳолатини баҳолаш жараёнига ахборот-коммуникация технологияларини жорий этиш, атроф-муҳит ҳолатини моделлаштириш ва прогноз қилиш бўйича дастурий маҳсулотларини яратиш;
замонавий технологиялар ва ижодий ёндошишлардан бевосита фойдаланган ҳолда экология ва атроф-муҳитни муҳофаза қилиш соҳасида амалга оширилаётган ислоҳотлар ҳақида кенг жамоатчилик хабардорлигини оширишга қаратилган ахборот-таҳлил ва обзорли медиа материалларини тайёрлаш, экологик маданиятни ошириш, атроф-муҳитни муҳофаза қилиш соҳасида ҳуқуқбузарликларнинг ўз вақтида олдини олиш;
тайёрланадиган ахборот-таҳлил ва обзорли медиа материалларини тезкорлик билан тарқатиш учун маҳаллий ва хорижий оммавий ахборот воситалари ҳамда фуқаролик жамияти институтлари билан яқиндан ҳамкорлик қилиш.
6. Давлат экология қўмитаси раиси (Б.Кучкаров) зиммасига:
янги ташкил этилаётган бўлинмалар штатларини ва жорий этилаётган лавозимларни малакали соҳа мутахассислари билан тўлдиришни таъминлаш;
ушбу қарор талабларидан келиб чиқиб, Давлат экология қўмитаси тизимининг, биринчи навбатда, ташкил этилаётган Инспекция, Республика бирлашмаси ва Марказ фаолиятини самарали ташкил этиш;
Давлат экология қўмитаси тизими ходимлари фаолиятининг натижадорлигини тизимли танқидий таҳлил қилиш ва юклатилган вазифаларнинг ўз вақтида ҳамда сифатли бажарилиши учун уларнинг жавобгарлигини ошириш чораларини кўриш юзасидан шахсий жавобгарлик юклансин.
7. Товарларни (ишлар, хизматлар) сотишдан олинган маблағлар, Давлат экология қўмитасининг бюджетдан ташқари маблағлари, шунингдек, қонунчилик ҳужжатларида тақиқланмаган бошқа манбалар Марказ фаолиятини молиялаштириш манбалари этиб белгилансин.
Давлат экология қўмитаси ва унинг тузилмавий бўлинмаларига Марказ билан хизматлар кўрсатиш (ишларни бажариш) учун тендер (танлов) савдолари ўтказмасдан шартномалар тузишга рухсат берилсин.
8. Давлат экология қўмитаси оператив бошқарув ҳуқуқи ва Марказ беғараз фойдаланиш ҳуқуқи асосида Экология ва атроф-муҳитни муҳофаза қилиш илмий-тадқиқот институтининг Тошкент шаҳри, Чилонзор тумани, Бунёдкор шоҳ кўчаси, 7а-уйда;
Республика бирлашмаси Тошкент шаҳри, Мирзо Улуғбек тумани, Сайрам кўчаси, 15-уйда беғараз фойдаланиш ҳуқуқи асосида жойлаштирсин.
9. Тошкент шаҳар ҳокимлиги бир ой муддатда Тошкент шаҳар Экология ва атроф-муҳитни муҳофаза қилиш бошқармасини оператив бошқарув ҳуқуқи асосида жойлаштиришни таъминласин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда туман (шаҳар) экология ва атроф-муҳитни муҳофаза қилиш соҳасидаги назорат бўйича инспекциялари жойлаштирилишини таъминласин.
10. Ўзбекистон Республикаси Президентининг «Ўзбекистон Республикаси Экология ва атроф-муҳитни муҳофаза қилиш давлат қўмитаси фаолиятини ташкил этишни таъминлаш чора-тадбирлари тўғрисида» 2017 йил 21 апрелдаги ПҚ-2915-сон қарорига 8-иловага мувофиқ ўзгартиришлар киритилсин.
11. Давлат экология қўмитаси:
а) Республика бирлашмаси ва Марказ уставларини тасдиқласин, шунингдек, уларнинг белгиланган тартибда давлат рўйхатидан ўтказилишини таъминласин;
б) Ўзбекистон Республикаси Вазирлар Маҳкамасига:
бир ой муддатда Ўзбекистон Республикаси Экология ва атроф-муҳитни муҳофаза қилиш давлат қўмитаси тўғрисидаги низом лойиҳасини;
бир ой муддатда Ўзбекистон Республикаси Бандлик ва меҳнат муносабатлари вазирлиги билан биргаликда Давлат экология қўмитаси тизими ходимларининг меҳнатга ҳақ тўлаш ва моддий рағбатлантириш тартиби тўғрисида ;
манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида;
икки ой муддатда Ўзбекистон Республикасида ишлаб чиқариладиган товарларни ихтиёрий экологик маркировка қилиш тизимини жорий қилиш тўғрисида таклифларни;
уч ой муддатда «Экологик аудит тўғрисида»ги ва «Экологик экспертиза тўғрисида»ги қонун лойиҳаларини;
2019 йил 1 мартга қадар Атроф-муҳитни муҳофаза қилиш ва табиий ресурслардан оқилона фойдаланиш Миллий концепцияси, Қаттиқ маиший чиқиндилар билан боғлиқ ишларни амалга ошириш стратегияси ва 2020 — 2045 йилларда биологик хилма-хилликни сақлаш стратегияси лойиҳаларини киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2018 йил 3 октябрдаги ПҚ-3956-сонли қарорига 8-ИЛОВА
Ўзбекистон Республикаси Президентининг 2017 йил 21 апрелдаги «Ўзбекистон Республикаси Экология ва атроф-муҳитни муҳофаза қилиш давлат қўмитаси фаолиятини ташкил этишни таъминлаш чора-тадбирлари тўғрисида»ги ПҚ-2915-сон қарорига киритилаётган ўзгартиришлар
1. 2-банднинг иккинчи — саккизинчи хатбошилари чиқариб ташлансин;
2. 3 ва 4-бандлар , шунингдек, 5-банднинг «а» ва «в» кичик бандлари ўз кучини йўқотган деб ҳисоблансин.
3. 1 — 9-иловалар ўз кучини йўқотган деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 3 октябрь,
ПҚ-3956-сон
Oʻzbekiston Respublikasi Prezidentining
Qarori
Ekologiya va atrof-muhitni muhofaza qilish sohasida davlat boshqaruvi tizimini takomillashtirish boʻyicha qoʻshimcha chora-tadbirlar toʻgʻrisida
Soʻnggi yillarda respublikada ekologik xavfsizlikni taʼminlash, ekologik vaziyatni yaxshilash, chiqindilarning insonlar sogʻligʻiga zararli taʼsirining oldini olish, shuningdek, hayot darajasi va sifatini oshirish uchun qulay sharoitlar yaratish maqsadida atrof-muhitni muhofaza qilish sohasida texnik va texnologik jarayonlar oqibatida yuzaga kelayotgan muammolarni hal etishga yangi yondashuvlarni joriy qilish boʻyicha kompleks chora-tadbirlar izchil amalga oshirilmoqda.
Respublika shahar va tumanlarida sanitariya jihatidan tozalashning mutlaqo yangi tuzilmasi yaratildi. Barcha joylarda davlat-xususiy sheriklik sharoitida zamonaviy texnologiyalarni qoʻllagan holda chiqindilarni toʻplash, tashish va qayta ishlash klasterlarini tashkil etishni nazarda tutuvchi chiqindilarni kompleksli boshqarish tizimi joriy etilmoqda.
Shu bilan birga, oʻtkazilgan tahlil davomida belgilangan vazifalarning tegishli darajada amalga oshirilishini, ekologiya va atrof-muhitni muhofaza qilish sohasida islohotlarni belgilangan surʼatlarda va samarali amalga oshirilishiga toʻsqinlik qiluvchi qator omillar mavjudligi aniqlandi, xususan:
birinchi, Oʻzbekiston Respublikasi Ekologiya va atrof-muhitni muhofaza qilish davlat qoʻmitasining (keyingi oʻrinlarda Davlat ekologiya qoʻmitasi deb yuritiladi) funksiyalari va vakolatlari haddan ziyod markazlashgan;
ikkinchi, Davlat ekologiya qoʻmitasi inspeksiyaviy faoliyatining yagona vertikali mavjud emasligi hayvonot va oʻsimlik dunyosi obyektlaridan noqonuniy foydalanishga qarshi kurashishni samarali olib borish, shuningdek, atrof-muhitni muhofaza qilish imkonini bermayapti;
uchinchi, sanitariya jihatidan tozalash sohasidagi subyektlarning tashkiliy, texnik, iqtisodiy va ishlab chiqarish faoliyati yetarli darajada muvofiqlashtirilmayapti;
toʻrtinchi, ekologik targʻibotni tashkil etish va olib borish boʻyicha samarali mexanizmlarning yoʻqligi mazkur yoʻnalishda ijtimoiy reklama va amalga oshirilayotgan axborot-tushuntirish ishlarining samaradorligiga salbiy taʼsir koʻrsatmoqda;
beshinchi, atrof-muhitni muhofaza qilish tizimiga, shu jumladan atrof-muhit holatini modellashtirish va prognozlashtirishda zamonaviy axborot-kommunikatsiya texnologiyalari yetarli darajada joriy etilmayapti.
Ekologiya va atrof-muhitni muhofaza qilish sohasida davlat boshqaruvi samaradorligini taʼminlash, qulay ekologik holatni barqaror saqlash, hududiy tuzilmalar samaradorligini oshirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi va Oʻzbekiston Respublikasida Maʼmuriy islohotlar konsepsiyasiga muvofiq:
1. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi tarkibida:
Bioxilma-xillik va muhofaza etiladigan tabiiy hududlarni muhofaza qilish va ulardan foydalanishni nazorat qilish inspeksiyasi va Chiqindilarning hosil boʻlishi, toʻplanishi, saqlanishi, tashilishi, utilizatsiya qilinishi, qayta ishlanishi, koʻmilishi va realizatsiyasini nazorat qilish inspeksiyasi negizida yuridik shaxs tashkil etmagan holda Ekologiya va atrof-muhitni muhofaza qilish sohasidagi nazorat boʻyicha inspeksiyasi (keyingi oʻrinlarda — Inspeksiya);
Axborot-kommunikatsiya texnologiyalari va billing tizimini joriy etish va rivojlantirish markazi negizida davlat unitar korxonasi shaklida Ekologik axborot, axborot-kommunikatsiya texnologiyalarini joriy etish va multimedia markazi (keyingi oʻrinlarda — Markaz) tashkil etilsin.
2. Davlat ekologiya qoʻmitasining hududiy boʻlinmalarini mustahkamlash, shu jumladan ekologiya va atrof-muhitni muhofaza qilish sohasidagi nazorat boʻyicha tuman (shahar) inspeksiyalarini qoʻshimcha taʼminlash maqsadida uning tizimiga 404 shtat birligi kiritilsin.
Belgilansinki, qoʻshimcha kiritilayotgan shtatlar birligini davlat sanitariya-epidemiologiya nazorati markazlarida shtatlar sonini kerakligicha qisqartirgan holda, ularni moliyalashtirish uchun Oʻzbekiston Respublikasi davlat budjetidan ajratiladigan mablagʻlar hisobidan taʼminlanadi.
Oʻzbekiston Respublikasi Sogʻliqni saqlash vazirligi Moliya vazirligi bilan birgalikda ikki oy muddatda davlat sanitariya-epidemiologiya nazorati markazlari shtat birliklarining qisqarishini hisobga olgan holda, Oʻzbekiston Respublikasi sogʻliqni saqlash muassasalari xodimlarining shtat normativlarini qayta koʻrib chiqsin.
5. Quyidagilar:
a) Inspeksiya faoliyatining asosiy vazifalari va yoʻnalishlari etib belgilansin:
yer, yer osti boyliklari, suv, oʻrmonlar, muhofaza qilinadigan tabiiy hududlar, hayvonot va oʻsimlik dunyosi, atmosfera havosini muhofaza qilish hamda ulardan foydalanish sohasidagi qonunchilikka rioya etilishi yuzasidan davlat ekologik nazoratini amalga oshirish;
oʻsimlik va hayvonot dunyosi obyektlarining mavjud boʻlishi, turlarining xilma-xilligini, tabiiy turkumlari yaxlitligini va ularning yashash muhitini saqlash uchun zarur shart-sharoitlar yaratish;
chiqindilar bilan bogʻliq ishlarni amalga oshirish sohasidagi qonunchilikka rioya etilishi yuzasidan davlat nazoratini amalga oshirish, mahalliy davlat hokimiyati organlari bilan yaqin hamkorlikda maishiy chiqindilarni yigʻish, tashish, utilizatsiya qilish, qayta ishlash va koʻmish borasidagi amaliy tizimni samarali tashkil etish;
chiqindilarni yigʻish punktlarini tashkil etish, ularni oʻz vaqtida olib chiqish, ruxsat etilmagan chiqindixonalarning paydo boʻlishiga yoʻl qoʻymaslik, chiqindi poligonlarini boshqarish, ularni utilizatsiya qilish, qayta ishlash, koʻmish va realizatsiya qilishni belgilangan tartibda nazoratga olishni tashkil etish;
fuqarolar, fuqarolarning oʻzini oʻzi boshqarish organlari, nodavlat notijorat tashkilotlari hamda ommaviy axborot vositalari bilan jamoat ekologik nazoratini amalga oshirishda hamkorlik qilish;
v) Markaz faoliyatining asosiy vazifalari va yoʻnalishlari etib belgilansin:
atrof-muhitni muhofaza qilish sohasida avtomatlashtirilgan axborot tizimlari, resurslari va maʼlumotlar bazasini yaratish, rivojlantirish va qoʻllab-quvvatlash, ularni davlatning boshqa organlari tizimlari bilan izchil integratsiyalashtirish, rivojlantirish va olib borish, Davlat ekologiya qoʻmitasi axborot tizimlari xavfsizligini taʼminlash;
ekologiya va atrof-muhitni muhofaza qilish sohasida davlat kadastrini, shuningdek, yovvoyi hayvonlar hamda yovvoyi holda oʻsadigan oʻsimliklarni koʻpaytirish va saqlash boʻyicha pitomniklarni, zoologiya va botanika kolleksiyalari davlat hisobini yuritishning avtomatlashtirilgan tizimini yaratish, rivojlantirish va qoʻllab-quvvatlash;
atrof-muhitni muhofaza qilish, tabiiy resurslardan oqilona foydalanish va chiqindilar bilan bogʻliq ishlarni amalga oshirishning monitoringi, tahlili va holatini baholash jarayoniga axborot-kommunikatsiya texnologiyalarini joriy etish, atrof-muhit holatini modellashtirish va prognoz qilish boʻyicha dasturiy mahsulotlarini yaratish;
zamonaviy texnologiyalar va ijodiy yondoshishlardan bevosita foydalangan holda ekologiya va atrof-muhitni muhofaza qilish sohasida amalga oshirilayotgan islohotlar haqida keng jamoatchilik xabardorligini oshirishga qaratilgan axborot-tahlil va obzorli media materiallarini tayyorlash, ekologik madaniyatni oshirish, atrof-muhitni muhofaza qilish sohasida huquqbuzarliklarning oʻz vaqtida oldini olish;
tayyorlanadigan axborot-tahlil va obzorli media materiallarini tezkorlik bilan tarqatish uchun mahalliy va xorijiy ommaviy axborot vositalari hamda fuqarolik jamiyati institutlari bilan yaqindan hamkorlik qilish.
6. Davlat ekologiya qoʻmitasi raisi (B.Kuchkarov) zimmasiga:
yangi tashkil etilayotgan boʻlinmalar shtatlarini va joriy etilayotgan lavozimlarni malakali soha mutaxassislari bilan toʻldirishni taʼminlash;
ushbu qaror talablaridan kelib chiqib, Davlat ekologiya qoʻmitasi tizimining, birinchi navbatda, tashkil etilayotgan Inspeksiya, Respublika birlashmasi va Markaz faoliyatini samarali tashkil etish;
Davlat ekologiya qoʻmitasi tizimi xodimlari faoliyatining natijadorligini tizimli tanqidiy tahlil qilish va yuklatilgan vazifalarning oʻz vaqtida hamda sifatli bajarilishi uchun ularning javobgarligini oshirish choralarini koʻrish yuzasidan shaxsiy javobgarlik yuklansin.
7. Tovarlarni (ishlar, xizmatlar) sotishdan olingan mablagʻlar, Davlat ekologiya qoʻmitasining budjetdan tashqari mablagʻlari, shuningdek, qonunchilik hujjatlarida taqiqlanmagan boshqa manbalar Markaz faoliyatini moliyalashtirish manbalari etib belgilansin.
Davlat ekologiya qoʻmitasi va uning tuzilmaviy boʻlinmalariga Markaz bilan xizmatlar koʻrsatish (ishlarni bajarish) uchun tender (tanlov) savdolari oʻtkazmasdan shartnomalar tuzishga ruxsat berilsin.
8. Davlat ekologiya qoʻmitasi operativ boshqaruv huquqi va Markaz begʻaraz foydalanish huquqi asosida Ekologiya va atrof-muhitni muhofaza qilish ilmiy-tadqiqot institutining Toshkent shahri, Chilonzor tumani, Bunyodkor shoh koʻchasi, 7a-uyda;
Respublika birlashmasi Toshkent shahri, Mirzo Ulugʻbek tumani, Sayram koʻchasi, 15-uyda begʻaraz foydalanish huquqi asosida joylashtirsin.
9. Toshkent shahar hokimligi bir oy muddatda Toshkent shahar Ekologiya va atrof-muhitni muhofaza qilish boshqarmasini operativ boshqaruv huquqi asosida joylashtirishni taʼminlasin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda tuman (shahar) ekologiya va atrof-muhitni muhofaza qilish sohasidagi nazorat boʻyicha inspeksiyalari joylashtirilishini taʼminlasin.
10. Oʻzbekiston Respublikasi Prezidentining “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi faoliyatini tashkil etishni taʼminlash chora-tadbirlari toʻgʻrisida” 2017-yil 21-apreldagi PQ-2915-son qaroriga 8-ilovaga muvofiq oʻzgartirishlar kiritilsin.
11. Davlat ekologiya qoʻmitasi:
a) Respublika birlashmasi va Markaz ustavlarini tasdiqlasin, shuningdek, ularning belgilangan tartibda davlat roʻyxatidan oʻtkazilishini taʼminlasin;
b) Oʻzbekiston Respublikasi Vazirlar Mahkamasiga:
bir oy muddatda Oʻzbekiston Respublikasi Ekologiya va atrof-muhitni muhofaza qilish davlat qoʻmitasi toʻgʻrisidagi nizom loyihasini;
bir oy muddatda Oʻzbekiston Respublikasi Bandlik va mehnat munosabatlari vazirligi bilan birgalikda Davlat ekologiya qoʻmitasi tizimi xodimlarining mehnatga haq toʻlash va moddiy ragʻbatlantirish tartibi toʻgʻrisida ;
manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida;
ikki oy muddatda Oʻzbekiston Respublikasida ishlab chiqariladigan tovarlarni ixtiyoriy ekologik markirovka qilish tizimini joriy qilish toʻgʻrisida takliflarni;
uch oy muddatda “Ekologik audit toʻgʻrisida”gi va “Ekologik ekspertiza toʻgʻrisida”gi qonun loyihalarini;
2019-yil 1-martga qadar Atrof-muhitni muhofaza qilish va tabiiy resurslardan oqilona foydalanish Milliy konsepsiyasi, Qattiq maishiy chiqindilar bilan bogʻliq ishlarni amalga oshirish strategiyasi va 2020 — 2045-yillarda biologik xilma-xillikni saqlash strategiyasi loyihalarini kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2018-yil 3-oktabrdagi PQ-3956-sonli qaroriga 8-ILOVA
Oʻzbekiston Respublikasi Prezidentining 2017-yil 21-apreldagi “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi faoliyatini tashkil etishni taʼminlash chora-tadbirlari toʻgʻrisida”gi PQ-2915-son qaroriga kiritilayotgan oʻzgartirishlar
1. 2-bandning ikkinchi — sakkizinchi xatboshilari chiqarib tashlansin;
2. 3 va 4-bandlar , shuningdek, 5-bandning “a” va “v” kichik bandlari oʻz kuchini yoʻqotgan deb hisoblansin.
3. 1 — 9-ilovalar oʻz kuchini yoʻqotgan deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 3-oktabr,
PQ-3956-son
Президента Республики Узбекистан
Постановление
О дополнительных мерах по совершенствованию системы государственного управления в сфере экологии и охраны окружающей среды
За последние годы в республике последовательно реализуются комплексные меры по внедрению новых подходов к решению проблем в сфере охраны окружающей среды, возникающих вследствие технического и технологического прогрессов, с целью обеспечения экологической безопасности, улучшения экологической обстановки, предотвращения вредного воздействия отходов на состояние здоровья людей, а также создания благоприятных условий для дальнейшего повышения уровня и качества жизни.
Создана принципиально новая структура санитарной очистки в городах и районах республики. Повсеместно внедряется система комплексного управления отходами, предусматривающая создание на условиях государственно-частного партнерства кластеров по сбору, транспортировке и переработке отходов с применением современных технологий.
Вместе с тем, проведенный анализ выявил наличие ряда факторов, сдерживающих реализацию на должном уровне поставленных задач, проведение реформ в сфере экологии и охраны окружающей среды намеченными темпами и эффективностью, в числе которых:
первое, чрезмерная централизация функций и полномочий Государственного комитета Республики Узбекистан по экологии и охране окружающей среды (далее — Госкомэкологии);
второе, отсутствие единой вертикали инспекционной деятельности Госкомэкологии, препятствующее эффективному ведению борьбы с незаконным пользованием объектами животного и растительного мира, а также обеспечению охраны окружающей среды;
третье, недостаточная координация организационной, технической, экономической и производственной деятельности субъектов в области санитарной очистки;
четвертое, отсутствие эффективных механизмов организации и ведения экологической пропаганды, негативно влияющих на результативность социальной рекламы и проводимой информационно-разъяснительной работы в данном направлении;
пятое, низкий уровень внедрения в сферу охраны окружающей среды современных информационно-коммуникационных технологий, в том числе при моделировании и прогнозировании состояния окружающей среды.
В целях обеспечения эффективности государственного управления в сфере экологии и охраны окружающей среды, стабильного поддержания благоприятной экологической обстановки, повышения эффективности территориальных подразделений, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах и Концепции административной реформы в Республики Узбекистан:
1. Создать в структуре Госкомэкологии:
Инспекцию по контролю в сфере экологии и охраны окружающей среды (далее — Инспекция) на базе Инспекции по контролю за охраной и использованием биоразнообразия и охраняемых природных территорий и Инспекции по контролю за образованием, сбором, хранением, транспортировкой, утилизацией, переработкой, захоронением и реализацией отходов без образования юридического лица;
Центр экологической информации, внедрения информационно-коммуникационных технологий и мультимедиа в форме государственного унитарного предприятия на базе Центра внедрения и развития информационно-коммуникационных технологий и биллинговой системы (далее — Центр).
2. Ввести в систему Госкомэкологии дополнительные 404 штатные единицы в целях укрепления его территориальных подразделений, в частности, доукомплектования районных (городских) инспекций по контролю в сфере экологии и охраны окружающей среды.
Установить, что содержание дополнительно вводимых штатных единиц осуществляется за счет средств, выделяемых из Государственного бюджета Республики Узбекистан на финансирования центров государственного санитарно-эпидемиологического надзора, с сокращением в необходимом количестве их штатной численности.
Министерству здравоохранения совместно с Министерством финансов Республики Узбекистан в двухмесячный срок пересмотреть штатные нормативы работников учреждений здравоохранения Республики Узбекистан, с учетом сокращения штатной численности центров государственного санитарно-эпидемиологического надзора.
5. Определить основными задачами и направлениями деятельности:
а) Инспекции:
осуществление государственного экологического контроля за соблюдением законодательства в области использования и охраны земель, недр, вод, лесов, охраняемых природных территорий, животного и растительного мира, атмосферного воздуха;
создание необходимых условий для существования, сохранения видового разнообразия объектов растительного и животного мира, целостности естественных сообществ и их среды обитания;
осуществление государственного контроля за соблюдением законодательства в области обращения с отходами, эффективной организацией действенной системы сбора, транспортировки, утилизации, переработки и захоронения бытовых отходов при тесном взаимодействии с органами государственной власти на местах;
осуществление контроля за созданием в установленном порядке мусоросборочных пунктов, своевременным вывозом отходов, недопущением образования несанкционированных свалок, управлением полигонами, утилизацией, переработкой, захоронением и реализацией отходов;
оказание содействия гражданам, органам самоуправления граждан, негосударственным некоммерческим организациям и средствам массовой информации в осуществлении общественного экологического контроля;
в) Центра:
создание, развитие и сопровождение автоматизированных информационных систем, ресурсов и баз данных в сфере охраны окружающей среды, их последовательную интеграцию с системами других государственных органов, обеспечение безопасности информационных систем Госкомэкологии;
содействие в создании и сопровождении системы автоматизированного ведения государственного кадастра в сфере экологии и охраны окружающей среды, а также государственного учета питомников по разведению и содержанию диких животных, дикорастущих растений, зоологических и ботанических коллекций;
внедрение информационно-коммуникационных технологий в процесс мониторинга, анализа и оценки состояния окружающей среды, рационального использования природных ресурсов и обращения с отходами, создание программных продуктов по моделированию и прогнозированию состояния окружающей среды;
подготовку информационно-аналитических и обзорных медийных материалов посредством использования современных технологий и креативных подходов, направленных на повышение информированности широкой общественности о проводимых реформах в области экологии и охраны окружающей среды, повышение экологической культуры, своевременное предотвращение правонарушений в области охраны окружающей среды;
тесное взаимодействие с отечественными и зарубежными средствами массовой информации, институтами гражданского общества для оперативного распространения подготавливаемых информационно-аналитических и обзорных медийных материалов.
6. Возложить на председателя Госкомэкологии (Б.Кучкаров) персональную ответственность за:
обеспечение укомплектования штатов вновь создаваемых подразделений и вводимых должностей квалифицированными профильными специалистами;
организацию эффективной деятельности системы Госкомэкологии, в первую очередь создаваемых Инспекции, Республиканского объединения и Центра, с учетом положений настоящего постановления;
систематическое проведение критического анализа результативности деятельности работников системы Госкомэкологии и принятие мер по повышению их ответственности за качественное и своевременное выполнение возложенных задач.
7. Определить источниками финансирования деятельности Центра средства, полученные от реализации товаров (работ, услуг), внебюджетные средства Госкомэкологии, а также иные источники, не запрещенные актами законодательства.
Разрешить Госкомэкологии и его структурным подразделениям заключать с Центром договоры на оказание услуг (выполнение работ) без проведения тендерных (конкурсных) торгов.
8. Разместить:
Госкомэкологии на праве оперативного управления и Центр на праве безвозмездного пользования в здании Научно-исследовательского института экологии и охраны окружающей среды по адресу: город Ташкент, Чиланзарский район, проспект Бунёдкор, 7а;
Республиканское объединение, на праве безвозмездного пользования, по адресу: город Ташкент, Мирзо Улугбекский район, ул. Сайрам, 15.
9. Хокимияту города Ташкента в месячный срок обеспечить размещение Управления по экологии и охране окружающей среды г. Ташкента на праве оперативного управления.
Совету Министров Республики Каракалпакстан, хокимиятам областей и города Ташкента в месячный срок обеспечить размещение районных (городских) инспекций по экологии и охране окружающей среды.
10. Внести изменения в постановление Президента Республики Узбекистан от 21 апреля 2017 года № ПП-2915 «О мерах по обеспечению организации деятельности Государственного комитета Республики Узбекистан по экологии и охране окружающей среды» согласно приложению № 8 .
11. Госкомэкологии:
а) в месячный срок утвердить уставы Республиканского объединения и Центра, а также обеспечить их государственную регистрацию в установленном порядке;
б) внести в Кабинет Министров Республики Узбекистан:
в месячный срок проект Положения о Государственном комитете Республики Узбекистан по экологии и охране окружающей среды;
совместно с Министерством занятости и трудовых отношений Республики Узбекистан в месячный срок предложения о порядке оплаты труда и материального стимулирования работников системы Госкомэкологии ;
совместно с заинтересованными министерствами и ведомствами в двухмесячный срок предложения об изменениях и дополнениях в законодательство, вытекающих из настоящего постановления;
в двухмесячный срок предложения по созданию системы добровольной экологической маркировки продукции, производимой в Республике Узбекистан;
в трехмесячный срок проекты законов «Об экологическом аудите» и «Об экологической экспертизе»;
в срок до 1 марта 2019 года проекты Национальной концепции охраны окружающей среды и рационального использования природных ресурсов, Стратегии по обращению с твердыми бытовыми отходами и Стратегии сохранения биоразнообразия на 2020 — 2045 годы.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ № 8 к постановлению Президента Республики Узбекистан от 3 октября 2018 года № ПП-3956
Изменения, вносимые в постановление Президента Республики Узбекистан от 21 апреля 2017 года № ПП-2915 «О мерах по обеспечению организации деятельности Государственного комитета Республики Узбекистан по экологии и охране окружающей среды»
1. Абзацы второй — восьмой пункта 2 исключить.
2. Пункты 3 и 4 , а также подпункты «а» и «в» пункта 5 считать утратившими силу.
3. Приложения № 1 — 9 считать утратившими силу.
Президент Республики Узбекистан Ш. МИРЗИЁЕВ
г. Ташкент,
3 октября 2018 г.,
№ ПП-3956