📅 2018-yil 4-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 4 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Инновацион ривожлантириш ва виночилик соҳасидаги лойиҳаларни молиялаштириш манбаларини кенгайтиришнинг қўшимча чора-тадбирлари тўғрисида
Вино маҳсулотлари маҳаллий ишлаб чиқарувчиларининг ишлаб чиқариш, экспорт салоҳиятини оширишга ва вино хом ашёси базасини кенгайтиришга кўмаклашувчи, узумчилик, шу билан бирга узумнинг янги селекция навларини ўзлаштиришда инновацион ғояларни, замонавий технологияларни фаол татбиқ этиш, шунингдек, фан ва инновацион ечимлар натижадорлигини таъминлаш учун қўшимча молиялаштириш манбаларини шакллантириш ва жалб этиш мақсадида Вазирлар Маҳкамаси қарор қилади:
1. «Ўзшаробсаноат» АЖ ва Ўзбекистон Республикаси Молия вазирлигининг «Ўзшаробсаноат» АЖ тизимидаги корхоналар томонидан узумчиликни ривожлантиришга қаратилган лойиҳаларни амалга оширишларини бепул молиялаштириш мақсадида юридик шахсни ташкил этмаган ҳолда «Ўзшаробсаноат» АЖнинг Узумчиликни ривожлантириш жамғармасини ташкил этиш ҳақидаги таклифига розилик берилсин.
2. Қуйидагилар:
«Ўзшаробсаноат» АЖнинг Узумчиликни ривожлантириш жамғармасини бошқарув кенгаши таркиби 1-иловага мувофиқ;
«Ўзшаробсаноат» АЖ нинг Узумчиликни ривожлантириш жамғармаси маблағларини шакллантириш ва улардан фойдаланиш тартиби тўғрисидаги низом 2-илова мувофиқ тасдиқлансин.
3. Узумчиликни ривожлантириш жамғармаси маблағлари қуйидаги асосий манбалар ҳисобидан шакллантирилиши белгилансин:
Ўзбекистон Республикасининг республика бюджетидан ажратиладиган субсидиялар;
халқаро молия институтлари, хорижий ҳукумат ташкилотларининг кредитлари (қарзлари) ва грантлари;
қонун ҳужжатларида тақиқланмаган бошқа манбалар.
4. Ўзбекистон Республикаси Президентининг «Илмий ва инновацион фаолиятни ривожлантириш бўйича давлат бошқаруви тизимини такомиллаштириш тўғрисида» 2021 йил 1 апрелдаги ПФ-6198-сон Фармони билан Илм-фанни молиялаштириш ва инновацияларни қўллаб-қувватлаш жамғармаси ташкил этилганлиги маълумот учун қабул қилинсин.
Белгилансинки, Илм-фанни молиялаштириш ва инновацияларни қўллаб-қувватлаш жамғармаси ижро этувчи дирекциясининг бошқарув ходимларига ягона тариф сеткаси бўйича меҳнатга ҳақ тўлашнинг тариф коэффициентларига 1,7 ҳамда хизмат кўрсатувчи (техник) ходимларига 1,3 миқдорида оширувчи коэффициентлар қўлланилади.
5. Ўзбекистон Республикаси Молия вазирлиги:
«Ўзшаробсаноат» АЖ ва Ўзбекистон Республикаси инновацион ривожланиш вазирлигининг буюртмалари асосида 2018 йилнинг охиригача Ўзбекистон Республикасининг республика бюджетидан Узумчиликни ривожлантириш жамғармасига 15 миллиард сўм ва Илм-фанни молиялаштириш ва инновацияларни қўллаб-қувватлаш жамғармасига 15 миллиард сўм ажратсин;
Ўзбекистон Республикасининг 2019 йилги ва кейинги йилларнинг асосий макроиқтисодий кўрсаткичлари прогнозини ва давлат бюджети параметрларини шакллантиришда Узумчиликни ривожлантириш жамғармаси ва Илм-фанни молиялаштириш ва инновацияларни қўллаб-қувватлаш жамғармаси эҳтиёжлари учун ажратиладиган маблағлар ҳар йили камида 10 фоизга индексация қилинган ҳолда, тегишли равишда 80 миллиард ва 100 миллиард сўмдан кам бўлмаган миқдорда маблағлар ажратишни назарда тутсин.
6. Ўзбекистон Республикаси Молия вазирлиги «Ўзшаробсаноат» АЖ ва Ўзбекистон Республикаси Инновацион ривожланиш вазирлиги билан биргаликда Узумчиликни ривожлантириш жамғармаси ва Илм-фанни молиялаштириш ва инновацияларни қўллаб-қувватлаш жамғармаси маблағларидан оқилона ва мақсадли фойдаланилиши юзасидан тизимли назорат ва мониторинг олиб борсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров ва Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов зиммасига юклансин.
Вазирлар Маҳкамасининг 2018 йил 4 октябрдаги 792-сон қарорига 1-ИЛОВА
«Ўзшаробсаноат» АЖнинг Узумчиликни ривожлантириш жамғармасини бошқариш кенгаши таркиби
Мустафаев О. — «Ўзшаробсаноат» АЖ бошқаруви раиси, Кенгаш раиси Каримов А. — Молия вазирининг ўринбосари, Кенгаш раисининг ўринбосари Ниязматов Б. — Иқтисодиёт вазири ўринбосари Вахабов А. — Қишлоқ хўжалиги вазирининг биринчи ўринбосари Файзибаев О. — Давлат солиқ қўмитаси раисининг ўринбосари Абдуллаев Т. — Ер ресурслари, геодезия, картография ва давлат кадастри давлат қўмитаси раисининг биринчи ўринбосари Пулатов Ж. — Ўзбекистон фермер, деҳқон хўжаликлари ва томорқа ер эгалари кенгаши раисининг биринчи ўринбосари в.в.б. Умаров С. — «Ўзшаробсаноат» АЖ бошқаруви раисининг ўринбосари лавозими бўйича — Вилоят ҳокимининг қишлоқ хўжалик масалалари бўйича ўринбосари (молиялаштирилаётган лойиҳани жойлашув ҳудуди бўйича) Вапаев Н. — Ўзбекистон Республикаси Вазирлар Маҳкамасининг бош мутахассиси, Кенгаш котиби
Вазирлар Маҳкамасининг 2018 йил 4 октябрдаги 792-сон қарорига 2-ИЛОВА
«Ўзшаробсаноат» АЖнинг Узумчиликни ривожлантириш жамғармаси маблағларини шакллантириш ва улардан фойдаланиш тартиби тўғрисида
1-боб. Умумий қоидалар
1. Мазкур Низом «Ўзшаробсаноат» АЖнинг Узумчиликни ривожлантириш жамғармаси (кейинги ўринларда Жамғарма деб аталади) маблағларини шакллантириш ва улардан фойдаланиш тартибини белгилайди.
2. «Ўзшаробсаноат» АЖ таркибига кирувчи ташкилотлар (кейинги ўринда ташкилот деб аталади) томонидан узумчиликни ривожлантириш бўйича амалга оширилаётган лойиҳаларни беғараз молиялаштириш Жамғармани ташкил этишнинг мақсади ҳисобланади.
3. Жамғарма юридик шахс мақомига эга бўлмаган ҳолда ташкил этилади ва унинг маблағлари Ўзбекистон Республикаси Молия вазирлигининг Ғазначилигида очилган «Ўзшаробсаноат» АЖ ғазначилик шахсий ҳисоб варағида жамланади ҳамда мазкур Низомда белгиланган тартиб асосида фойдаланилади.
2-боб. Жамғарма маблағларини шаклланиши ва улардан фойдаланиш
4. Қуйидагилар Жамғарма маблағларининг манбалари ҳисобланади:
Ўзбекистон Республикаси бюджетидан ҳар йили ажратиладиган беғараз субсидия маблағлари;
халқаро молия институтлари ва хорижий давлат ташкилотларининг кредит (қарзлар) ва грантлари;
қонун ҳужжатларида тақиқланмаган бошқа манбалар.
5. Жамғарма маблағлари қуйидаги мақсадларга ажратилади:
узум кўчатларини сотиб олиш ва уларни экишни ташкил этиш;
ирригация тадбирларини ўтказиш, шу жумладан далаларга сув етказиб бериш, томчилатиб суғориш ускуналарини сотиб олиш, артезиан қудуқларини, скважина ва сув сақлаш омбори (резервуарлар) яратиш, сув етказиб бериш учун насос ҳамда қувурларни сотиб олиш, сувни сақлаш учун сиғимлар сотиб олиш ва бошқалар;
шпалерлар, симлар ва тўсиқлар сотиб олиш;
электроэнергия ва бошқа ресурсларнинг автоном (трансформатор,газ тақсимловчи ва насос станциялари ва бошқалар) манбалари билан таъминлаш;
қишлоқ хўжалиги техникаси ва агрегатларини сотиб олиш;
узумнинг селекцион техник навларини яратиш;
«Ўзшаробсаноат» АЖ таркибидаги ташкилотларнинг узум плантацияларини ташкил этиш ва ривожлантириш учун олинган кредит ва заёмлар бўйича мажбуриятларини сўндириш.
Шунингдек, Жамғарма маблағлари Ўзбекистон Республикаси Президенти ва Вазирлар Маҳкамасининг қарорлари ва топшириқлари доирасидаги узумчиликни ривожлантириш бўйича лойиҳаларни молиялаштиришда ҳам фойдаланилиши мумкин.
6. Жамғармадан ажратилган маблағлардан қатъий равишда ушбу Низомнинг 5-бандида кўрсатилган мақсадларда фойдаланилади.
3-боб. Жамғарма маблағларини бошқариш
7. Жамғарма маблағларини бошқариш ва уларни тақсимлаш Жамғармани бошқариш кенгаши (кейинги ўринда Кенгаш деб аталади) томонидан амалга оширилади.
Кенгашнинг шахсий таркиби Ўзбекистон Республикаси Вазирлар Маҳкамаси томонидан тасдиқланади.
Жамғарма кенгашининг йиғилишини ўтказиш учун иштирокчилар сони Кенгаш аъзоларининг 50 фоизидан кам бўлмаслиги керак. Йиғилишда кўрилаётган масалалар бўйича қарорлар оддий — кўпчилик овоз бериш йўли билан қабул қилинади. Қабул қилинган қарорлар баённома билан расмийлаштирилади.
Кенгаш йиғилиши режага асосан ҳар ойда ёки зарурият бўлганда ўтказилади.
8. Кенгаш:
ҳар йили 25 декабрга қадар Жамғарманинг кейинги йил учун даромадлар ва харажатлар сметасини тасдиқлайди;
мазкур Низомнинг 5-бандида кўрсатилган мақсадларни Жамғарма томонидан молиялаштириш бўйича чора-тадбирлар рўйхатини белгилайди;
зарурият бўлганда Жамғарманинг тасдиқланган даромадлар ва харажатлар сметасига ўзгартиришлар киритади;
Жамғарма маблағларини мақсадли ва самарали фойдаланилиши юзасидан назоратни амалга оширади;
Жамғарма даромадлари ва харажатлари бўйича ҳисоботларни кўриб чиқади ва тасдиқлайди;
Жамғармага хорижий кредитлар ва грантларни жалб этишда амалий ёрдам кўрсатади;
Жамғарманинг ташкил этилиши ва маблағлардан фойдаланиш билан боғлиқ бўлган бошқа ваколатларни амалга оширади.
9. Жамғарманинг ишчи органи — эксперт гуруҳи бўлиб, у Кенгаш томонидан тасдиқланади. Эксперт гуруҳи таркиби «Ўзшаробсаноат» АЖ ходимларидан шакллантирилади.
10. Эксперт гуруҳи:
узумчиликни ривожлантириш бўйича Жамғарма маблағлари ҳисобидан молиялаштирилиши режалаштирилган лойиҳалар бўйича ҳужжатларни қабул қилиб, таҳлил қилади ва Кенгаш кўриб чиқиши учун тақдим этади;
Жамғарманинг кейинги йил учун даромадлар ва харажатлар сметаси режа кўрсаткичларини ишлаб чиқади;
Жамғарма маблағларини тушуми миқдорини кўпайтириш ва улардан самарали фойдаланиш бўйича таклифлар тайёрлайди;
Жамғарма тушум манбалари ҳамда харажатларининг асосий йўналишлари ҳисобини олиб боради;
Жамғарма маблағлари мақсадли фойдаланишининг техник ва молиявий назоратини амалга оширади;
корхоналарда Жамғармадан олинган маблағларни ишлатилиши ва бажарилган ишлар бўйича ҳисоботни қабул қилади ва умумлаштиради;
Жамғарма маблағларидан фойдаланиш бўйича ҳар чоракда ҳисоботлар тайёрлайди ва Кенгашга тақдим этади.
4-боб. Узумчиликни ривожлантириш бўйича лойиҳаларни молиялаштириш тартиби
11. Узумчиликни ривожлантириш бўйича лойиҳаларни Жамғарма ҳисобидан молиялаштирилиши мазкур Низомнинг иловасида кўрсатилган схема асосида амалга оширилади.
12. Жамғармадан маблағ олиш учун ташкилотлар «Ўзшаробсаноат» АЖга қуйидаги ҳужжатларни ёзма равишда ёки электрон шаклда тақдим этадилар:
маблағ ажратиш учун ариза, унда юридик шахснинг номи ва ташкилий-ҳуқуқий шакли, жойлашган манзили (почта адреси), банк филиалининг номи ва банкдаги ҳисоб рақами кўрсатилган бўлиши лозим;
таъсис ҳужжатлари нусхаси (Устав ёки таъсис шартномаси) ва Давлат рўйхатидан ўтганлиги тўғрисидаги гувоҳнома;
узумчиликни ривожлантириш лойиҳаларини амалга оширишда Жамғарма маблағларидан фойдаланиш бўйича акциядорлик жамияти акциядори ва таъсисчилари (Кузатув кенгаши, Бошқарув), Масъулияти чекланган жамиятлар таъсисчилари (пайчилар, иштирокчилар) розилиги тўғрисидаги умумий йиғилиш баённомаси;
узумчиликни ривожлантириш лойиҳасининг бизнес-режаси;
ташкилотнинг охирги ҳисобот даври учун бухгалтерия ҳисоботи нусхаси, тўлиқ иловалари билан бирга;
хизмат кўрсатувчи банкдан барча ҳисоб рақамларидаги пул маблағлари айланмаси, ҳисоб рақами ҳолати ва 2-сонли картотека мавжуд эмаслиги ҳақида маълумотнома.
Электрон шаклда тақдим этилган ҳужжатлар электрон рақамли имзо билан тасдиқланади.
13. Жамғарма томонидан молиялаштириш масаласи, тақдим этилган лойиҳа қийматининг 20 фоизидан кам бўлмаган миқдорда ташкилотнинг ўз маблағлари ёки уларга тенглаштирилган бошқа молиялаштириш манбалари билан иштироки бўлган тақдирда кўриб чиқилади, Ўзбекистон Республикаси ва Вазирлар Маҳкамаси қарори ва топшириқлари доирасидаги лойиҳалар бундан мустасно.
14. Ташкилотнинг лойиҳадаги иштироки қуйидагилар билан таъминланиши лозим, агротехник тадбирларни молиялаштириш (жумладан ер ҳайдаш ва ерни экишга тайёрлаш, чизеллаш ва бошқалар), қишлоқ хўжалик техникалари учун ёнилғи-мойлаш материаллари сотиб олиш, минерал ўғит ва кимёвий воситалар сотиб олиш ва бошқа моддий активлар (кўчмас мулк, асбоб-ускуналар, пул маблағлари).
15. Жамғармадан лойиҳани молиялаштириш учун маблағ ажратиш ёки маблағ ажратишни рад этиш ҳақидаги қарор, ариза келиб тушган кундан бошлаб 15 кун муддатда қабул қилинади;
16. Ташкилотнинг Жамғармадан маблағ олиш учун тақдим этилган ҳужжатлари эксперт гуруҳининг масъул шахслари томонидан қабул қилинади ва мазкур Низомнинг 12 — 14 бандларида кўрсатилган талабларга мослиги текширилади.
17. Мазкур Низом талабларига мувофиқ бўлган ташкилот томонидан тақдим этилган ҳужжатлар, эксперт гуруҳи томонидан 10 кун муддатда Кенгаш томонидан кўриб чиқилиши учун тақдим этилади.
18. Кенгаш Жамғармадан маблағ олиш учун ташкилот томонидан тақдим этилган ҳужжатларни 5 кун муддатда кўриб чиқади ва ушбу маблағларни ажратиш ёки ажратишни рад этиш ҳақида қарор қабул қилади.
19. Эксперт гуруҳи қабул қилинган қарор юзасидан ташкилотни 1 кун муддатда хабардор қилади.
20. Узумчиликни ривожлантириш лойиҳасини Жамғарма маблағлари ҳисобидан молиялаштириш бўйича Кенгаш томонидан қабул қилинган қарор асосида беғараз молиявий ёрдам ажратиш тўғрисидаги шартнома «Ўзшаробсаноат» АЖ ва ташкилот ўртасида 3 кун муддатда тузилади.
5-боб. Жамғарма маблағларининг ҳисоби, улардан фойдаланиш юзасидан ҳисобот ва назорат
21. Жамғарма маблағларининг ҳисоби ва ҳисоботини юритиш «Ўзшаробсаноат» АЖнинг бошқа маблағлари ҳисобидан алоҳида амалга оширилади.
22. Жамғарма даромадлари ва харажатлари сметаси қонунчиликда белгиланган тартибда (тушум манбалари ва маблағларни фойдаланиш йўналишлари бўйича чораклар кесимида) тузилади.
23. Жамғарма томонидан ажратилган маблағлардан фойдаланилиши бўйича ва бажарилган ишлар ҳақида ташкилотлар «Ўзшаробсаноат» АЖга ҳисобот тақдим этади.
24. Ўзбекистон Республикаси Молия вазирлигига Жамғарма даромадлари ва харажатлари ҳақидаги ҳисоботлар ҳар чоракда, ҳисобот давридан кейинги ойнинг 25-санасидан, йил якунлари бўйича эса кейинги йилнинг 30 январидан кечиктирмаган ҳолда тақдим этилади.
25. Жамғарманинг жорий йилда фойдаланилмаган маблағлари қайтариб олинмайди ва мазкур Низомда белгиланган тартибда кейинги йилда фойдаланиш учун қолдирилади.
26. Жамғарма маблағларидан мақсадли фойдаланилиши юзасидан назорат Ўзбекистон Республикаси Молия вазирлигининг Давлат молия назорати бош бошқармаси ва «Ўзшаробсаноат» АЖ билан биргаликда амалга оширилади.
6-боб. Якунловчи қоида
27. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.
«Ўзшаробсаноат» АЖнинг Узумчиликни ривожлантириш жамғармаси маблағларини шакллантириш ва улардан фойдаланиш тартиби тўғрисидаги низомга ИЛОВА
«Ўзшаробсаноат» АЖнинг Узумчиликни ривожлантириш жамғармаси маблағларини шакллантириш ва улардан фойдаланиш
Ўзбекистон Республикасининг Бош вазири А. АРИПОВ
Тошкент ш.,
2018 йил 4 октябрь,
792-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Innovatsion rivojlantirish va vinochilik sohasidagi loyihalarni moliyalashtirish manbalarini kengaytirishning qoʻshimcha chora-tadbirlari toʻgʻrisida
Vino mahsulotlari mahalliy ishlab chiqaruvchilarining ishlab chiqarish, eksport salohiyatini oshirishga va vino xom ashyosi bazasini kengaytirishga koʻmaklashuvchi, uzumchilik, shu bilan birga uzumning yangi seleksiya navlarini oʻzlashtirishda innovatsion gʻoyalarni, zamonaviy texnologiyalarni faol tatbiq etish, shuningdek, fan va innovatsion yechimlar natijadorligini taʼminlash uchun qoʻshimcha moliyalashtirish manbalarini shakllantirish va jalb etish maqsadida Vazirlar Mahkamasi qaror qiladi:
1. “Oʻzsharobsanoat” AJ va Oʻzbekiston Respublikasi Moliya vazirligining “Oʻzsharobsanoat” AJ tizimidagi korxonalar tomonidan uzumchilikni rivojlantirishga qaratilgan loyihalarni amalga oshirishlarini bepul moliyalashtirish maqsadida yuridik shaxsni tashkil etmagan holda “Oʻzsharobsanoat” AJning Uzumchilikni rivojlantirish jamgʻarmasini tashkil etish haqidagi taklifiga rozilik berilsin.
2. Quyidagilar:
“Oʻzsharobsanoat” AJning Uzumchilikni rivojlantirish jamgʻarmasini boshqaruv kengashi tarkibi 1-ilovaga muvofiq;
“Oʻzsharobsanoat” AJ ning Uzumchilikni rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 2-ilova muvofiq tasdiqlansin.
3. Uzumchilikni rivojlantirish jamgʻarmasi mablagʻlari quyidagi asosiy manbalar hisobidan shakllantirilishi belgilansin:
Oʻzbekiston Respublikasining respublika budjetidan ajratiladigan subsidiyalar;
xalqaro moliya institutlari, xorijiy hukumat tashkilotlarining kreditlari (qarzlari) va grantlari;
qonun hujjatlarida taqiqlanmagan boshqa manbalar.
4. Oʻzbekiston Respublikasi Prezidentining “Ilmiy va innovatsion faoliyatni rivojlantirish boʻyicha davlat boshqaruvi tizimini takomillashtirish toʻgʻrisida” 2021-yil 1-apreldagi PF-6198-son Farmoni bilan Ilm-fanni moliyalashtirish va innovatsiyalarni qoʻllab-quvvatlash jamgʻarmasi tashkil etilganligi maʼlumot uchun qabul qilinsin.
Belgilansinki, Ilm-fanni moliyalashtirish va innovatsiyalarni qoʻllab-quvvatlash jamgʻarmasi ijro etuvchi direksiyasining boshqaruv xodimlariga yagona tarif setkasi boʻyicha mehnatga haq toʻlashning tarif koeffitsiyentlariga 1,7 hamda xizmat koʻrsatuvchi (texnik) xodimlariga 1,3 miqdorida oshiruvchi koeffitsiyentlar qoʻllaniladi.
5. Oʻzbekiston Respublikasi Moliya vazirligi:
“Oʻzsharobsanoat” AJ va Oʻzbekiston Respublikasi innovatsion rivojlanish vazirligining buyurtmalari asosida 2018-yilning oxirigacha Oʻzbekiston Respublikasining respublika budjetidan Uzumchilikni rivojlantirish jamgʻarmasiga 15 milliard soʻm va Ilm-fanni moliyalashtirish va innovatsiyalarni qoʻllab-quvvatlash jamgʻarmasiga 15 milliard soʻm ajratsin;
Oʻzbekiston Respublikasining 2019-yilgi va keyingi yillarning asosiy makroiqtisodiy koʻrsatkichlari prognozini va davlat budjeti parametrlarini shakllantirishda Uzumchilikni rivojlantirish jamgʻarmasi va Ilm-fanni moliyalashtirish va innovatsiyalarni qoʻllab-quvvatlash jamgʻarmasi ehtiyojlari uchun ajratiladigan mablagʻlar har yili kamida 10 foizga indeksatsiya qilingan holda, tegishli ravishda 80 milliard va 100 milliard soʻmdan kam boʻlmagan miqdorda mablagʻlar ajratishni nazarda tutsin.
6. Oʻzbekiston Respublikasi Moliya vazirligi “Oʻzsharobsanoat” AJ va Oʻzbekiston Respublikasi Innovatsion rivojlanish vazirligi bilan birgalikda Uzumchilikni rivojlantirish jamgʻarmasi va Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlaridan oqilona va maqsadli foydalanilishi yuzasidan tizimli nazorat va monitoring olib borsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov va Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov zimmasiga yuklansin.
Vazirlar Mahkamasining 2018-yil 4-oktabrdagi 792-son qaroriga 1-ILOVA
“Oʻzsharobsanoat” AJning Uzumchilikni rivojlantirish jamgʻarmasini boshqarish kengashi tarkibi
Mustafayev O. — “Oʻzsharobsanoat” AJ boshqaruvi raisi, Kengash raisi Karimov A. — Moliya vazirining oʻrinbosari, Kengash raisining oʻrinbosari Niyazmatov B. — Iqtisodiyot vaziri oʻrinbosari Vaxabov A. — Qishloq xoʻjaligi vazirining birinchi oʻrinbosari Fayzibayev O. — Davlat soliq qoʻmitasi raisining oʻrinbosari Abdullayev T. — Yer resurslari, geodeziya, kartografiya va davlat kadastri davlat qoʻmitasi raisining birinchi oʻrinbosari Pulatov J. — Oʻzbekiston fermer, dehqon xoʻjaliklari va tomorqa yer egalari kengashi raisining birinchi oʻrinbosari v.v.b. Umarov S. — “Oʻzsharobsanoat” AJ boshqaruvi raisining oʻrinbosari lavozimi boʻyicha — Viloyat hokimining qishloq xoʻjalik masalalari boʻyicha oʻrinbosari (moliyalashtirilayotgan loyihani joylashuv hududi boʻyicha) Vapayev N. — Oʻzbekiston Respublikasi Vazirlar Mahkamasining bosh mutaxassisi, Kengash kotibi
Vazirlar Mahkamasining 2018-yil 4-oktabrdagi 792-son qaroriga 2-ILOVA
“Oʻzsharobsanoat” AJning Uzumchilikni rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida
1-bob. Umumiy qoidalar
1. Mazkur Nizom “Oʻzsharobsanoat” AJning Uzumchilikni rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.
2. “Oʻzsharobsanoat” AJ tarkibiga kiruvchi tashkilotlar (keyingi oʻrinda tashkilot deb ataladi) tomonidan uzumchilikni rivojlantirish boʻyicha amalga oshirilayotgan loyihalarni begʻaraz moliyalashtirish Jamgʻarmani tashkil etishning maqsadi hisoblanadi.
3. Jamgʻarma yuridik shaxs maqomiga ega boʻlmagan holda tashkil etiladi va uning mablagʻlari Oʻzbekiston Respublikasi Moliya vazirligining Gʻaznachiligida ochilgan “Oʻzsharobsanoat” AJ gʻaznachilik shaxsiy hisob varagʻida jamlanadi hamda mazkur Nizomda belgilangan tartib asosida foydalaniladi.
2-bob. Jamgʻarma mablagʻlarini shakllanishi va ulardan foydalanish
4. Quyidagilar Jamgʻarma mablagʻlarining manbalari hisoblanadi:
Oʻzbekiston Respublikasi budjetidan har yili ajratiladigan begʻaraz subsidiya mablagʻlari;
xalqaro moliya institutlari va xorijiy davlat tashkilotlarining kredit (qarzlar) va grantlari;
qonun hujjatlarida taqiqlanmagan boshqa manbalar.
5. Jamgʻarma mablagʻlari quyidagi maqsadlarga ajratiladi:
uzum koʻchatlarini sotib olish va ularni ekishni tashkil etish;
irrigatsiya tadbirlarini oʻtkazish, shu jumladan dalalarga suv yetkazib berish, tomchilatib sugʻorish uskunalarini sotib olish, artezian quduqlarini, skvajina va suv saqlash ombori (rezervuarlar) yaratish, suv yetkazib berish uchun nasos hamda quvurlarni sotib olish, suvni saqlash uchun sigʻimlar sotib olish va boshqalar;
shpalerlar, simlar va toʻsiqlar sotib olish;
elektroenergiya va boshqa resurslarning avtonom (transformator,gaz taqsimlovchi va nasos stansiyalari va boshqalar) manbalari bilan taʼminlash;
qishloq xoʻjaligi texnikasi va agregatlarini sotib olish;
uzumning seleksion texnik navlarini yaratish;
“Oʻzsharobsanoat” AJ tarkibidagi tashkilotlarning uzum plantatsiyalarini tashkil etish va rivojlantirish uchun olingan kredit va zayomlar boʻyicha majburiyatlarini soʻndirish.
Shuningdek, Jamgʻarma mablagʻlari Oʻzbekiston Respublikasi Prezidenti va Vazirlar Mahkamasining qarorlari va topshiriqlari doirasidagi uzumchilikni rivojlantirish boʻyicha loyihalarni moliyalashtirishda ham foydalanilishi mumkin.
6. Jamgʻarmadan ajratilgan mablagʻlardan qatʼiy ravishda ushbu Nizomning 5-bandida koʻrsatilgan maqsadlarda foydalaniladi.
3-bob. Jamgʻarma mablagʻlarini boshqarish
7. Jamgʻarma mablagʻlarini boshqarish va ularni taqsimlash Jamgʻarmani boshqarish kengashi (keyingi oʻrinda Kengash deb ataladi) tomonidan amalga oshiriladi.
Kengashning shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.
Jamgʻarma kengashining yigʻilishini oʻtkazish uchun ishtirokchilar soni Kengash aʼzolarining 50 foizidan kam boʻlmasligi kerak. Yigʻilishda koʻrilayotgan masalalar boʻyicha qarorlar oddiy — koʻpchilik ovoz berish yoʻli bilan qabul qilinadi. Qabul qilingan qarorlar bayonnoma bilan rasmiylashtiriladi.
Kengash yigʻilishi rejaga asosan har oyda yoki zaruriyat boʻlganda oʻtkaziladi.
8. Kengash:
har yili 25-dekabrga qadar Jamgʻarmaning keyingi yil uchun daromadlar va xarajatlar smetasini tasdiqlaydi;
mazkur Nizomning 5-bandida koʻrsatilgan maqsadlarni Jamgʻarma tomonidan moliyalashtirish boʻyicha chora-tadbirlar roʻyxatini belgilaydi;
zaruriyat boʻlganda Jamgʻarmaning tasdiqlangan daromadlar va xarajatlar smetasiga oʻzgartirishlar kiritadi;
Jamgʻarma mablagʻlarini maqsadli va samarali foydalanilishi yuzasidan nazoratni amalga oshiradi;
Jamgʻarma daromadlari va xarajatlari boʻyicha hisobotlarni koʻrib chiqadi va tasdiqlaydi;
Jamgʻarmaga xorijiy kreditlar va grantlarni jalb etishda amaliy yordam koʻrsatadi;
Jamgʻarmaning tashkil etilishi va mablagʻlardan foydalanish bilan bogʻliq boʻlgan boshqa vakolatlarni amalga oshiradi.
9. Jamgʻarmaning ishchi organi — ekspert guruhi boʻlib, u Kengash tomonidan tasdiqlanadi. Ekspert guruhi tarkibi “Oʻzsharobsanoat” AJ xodimlaridan shakllantiriladi.
10. Ekspert guruhi:
uzumchilikni rivojlantirish boʻyicha Jamgʻarma mablagʻlari hisobidan moliyalashtirilishi rejalashtirilgan loyihalar boʻyicha hujjatlarni qabul qilib, tahlil qiladi va Kengash koʻrib chiqishi uchun taqdim etadi;
Jamgʻarmaning keyingi yil uchun daromadlar va xarajatlar smetasi reja koʻrsatkichlarini ishlab chiqadi;
Jamgʻarma mablagʻlarini tushumi miqdorini koʻpaytirish va ulardan samarali foydalanish boʻyicha takliflar tayyorlaydi;
Jamgʻarma tushum manbalari hamda xarajatlarining asosiy yoʻnalishlari hisobini olib boradi;
Jamgʻarma mablagʻlari maqsadli foydalanishining texnik va moliyaviy nazoratini amalga oshiradi;
korxonalarda Jamgʻarmadan olingan mablagʻlarni ishlatilishi va bajarilgan ishlar boʻyicha hisobotni qabul qiladi va umumlashtiradi;
Jamgʻarma mablagʻlaridan foydalanish boʻyicha har chorakda hisobotlar tayyorlaydi va Kengashga taqdim etadi.
4-bob. Uzumchilikni rivojlantirish boʻyicha loyihalarni moliyalashtirish tartibi
11. Uzumchilikni rivojlantirish boʻyicha loyihalarni Jamgʻarma hisobidan moliyalashtirilishi mazkur Nizomning ilovasida koʻrsatilgan sxema asosida amalga oshiriladi.
12. Jamgʻarmadan mablagʻ olish uchun tashkilotlar “Oʻzsharobsanoat” AJga quyidagi hujjatlarni yozma ravishda yoki elektron shaklda taqdim etadilar:
mablagʻ ajratish uchun ariza, unda yuridik shaxsning nomi va tashkiliy-huquqiy shakli, joylashgan manzili (pochta adresi), bank filialining nomi va bankdagi hisob raqami koʻrsatilgan boʻlishi lozim;
taʼsis hujjatlari nusxasi (Ustav yoki taʼsis shartnomasi) va Davlat roʻyxatidan oʻtganligi toʻgʻrisidagi guvohnoma;
uzumchilikni rivojlantirish loyihalarini amalga oshirishda Jamgʻarma mablagʻlaridan foydalanish boʻyicha aksiyadorlik jamiyati aksiyadori va taʼsischilari (Kuzatuv kengashi, Boshqaruv), Masʼuliyati cheklangan jamiyatlar taʼsischilari (paychilar, ishtirokchilar) roziligi toʻgʻrisidagi umumiy yigʻilish bayonnomasi;
uzumchilikni rivojlantirish loyihasining biznes-rejasi;
tashkilotning oxirgi hisobot davri uchun buxgalteriya hisoboti nusxasi, toʻliq ilovalari bilan birga;
xizmat koʻrsatuvchi bankdan barcha hisob raqamlaridagi pul mablagʻlari aylanmasi, hisob raqami holati va 2-sonli kartoteka mavjud emasligi haqida maʼlumotnoma.
Elektron shaklda taqdim etilgan hujjatlar elektron raqamli imzo bilan tasdiqlanadi.
13. Jamgʻarma tomonidan moliyalashtirish masalasi, taqdim etilgan loyiha qiymatining 20 foizidan kam boʻlmagan miqdorda tashkilotning oʻz mablagʻlari yoki ularga tenglashtirilgan boshqa moliyalashtirish manbalari bilan ishtiroki boʻlgan taqdirda koʻrib chiqiladi, Oʻzbekiston Respublikasi va Vazirlar Mahkamasi qarori va topshiriqlari doirasidagi loyihalar bundan mustasno.
14. Tashkilotning loyihadagi ishtiroki quyidagilar bilan taʼminlanishi lozim, agrotexnik tadbirlarni moliyalashtirish (jumladan yer haydash va yerni ekishga tayyorlash, chizellash va boshqalar), qishloq xoʻjalik texnikalari uchun yonilgʻi-moylash materiallari sotib olish, mineral oʻgʻit va kimyoviy vositalar sotib olish va boshqa moddiy aktivlar (koʻchmas mulk, asbob-uskunalar, pul mablagʻlari).
15. Jamgʻarmadan loyihani moliyalashtirish uchun mablagʻ ajratish yoki mablagʻ ajratishni rad etish haqidagi qaror, ariza kelib tushgan kundan boshlab 15 kun muddatda qabul qilinadi;
16. Tashkilotning Jamgʻarmadan mablagʻ olish uchun taqdim etilgan hujjatlari ekspert guruhining masʼul shaxslari tomonidan qabul qilinadi va mazkur Nizomning 12 — 14 bandlarida koʻrsatilgan talablarga mosligi tekshiriladi.
17. Mazkur Nizom talablariga muvofiq boʻlgan tashkilot tomonidan taqdim etilgan hujjatlar, ekspert guruhi tomonidan 10 kun muddatda Kengash tomonidan koʻrib chiqilishi uchun taqdim etiladi.
18. Kengash Jamgʻarmadan mablagʻ olish uchun tashkilot tomonidan taqdim etilgan hujjatlarni 5 kun muddatda koʻrib chiqadi va ushbu mablagʻlarni ajratish yoki ajratishni rad etish haqida qaror qabul qiladi.
19. Ekspert guruhi qabul qilingan qaror yuzasidan tashkilotni 1 kun muddatda xabardor qiladi.
20. Uzumchilikni rivojlantirish loyihasini Jamgʻarma mablagʻlari hisobidan moliyalashtirish boʻyicha Kengash tomonidan qabul qilingan qaror asosida begʻaraz moliyaviy yordam ajratish toʻgʻrisidagi shartnoma “Oʻzsharobsanoat” AJ va tashkilot oʻrtasida 3 kun muddatda tuziladi.
5-bob. Jamgʻarma mablagʻlarining hisobi, ulardan foydalanish yuzasidan hisobot va nazorat
21. Jamgʻarma mablagʻlarining hisobi va hisobotini yuritish “Oʻzsharobsanoat” AJning boshqa mablagʻlari hisobidan alohida amalga oshiriladi.
22. Jamgʻarma daromadlari va xarajatlari smetasi qonunchilikda belgilangan tartibda (tushum manbalari va mablagʻlarni foydalanish yoʻnalishlari boʻyicha choraklar kesimida) tuziladi.
23. Jamgʻarma tomonidan ajratilgan mablagʻlardan foydalanilishi boʻyicha va bajarilgan ishlar haqida tashkilotlar “Oʻzsharobsanoat” AJga hisobot taqdim etadi.
24. Oʻzbekiston Respublikasi Moliya vazirligiga Jamgʻarma daromadlari va xarajatlari haqidagi hisobotlar har chorakda, hisobot davridan keyingi oyning 25-sanasidan, yil yakunlari boʻyicha esa keyingi yilning 30-yanvaridan kechiktirmagan holda taqdim etiladi.
25. Jamgʻarmaning joriy yilda foydalanilmagan mablagʻlari qaytarib olinmaydi va mazkur Nizomda belgilangan tartibda keyingi yilda foydalanish uchun qoldiriladi.
26. Jamgʻarma mablagʻlaridan maqsadli foydalanilishi yuzasidan nazorat Oʻzbekiston Respublikasi Moliya vazirligining Davlat moliya nazorati bosh boshqarmasi va “Oʻzsharobsanoat” AJ bilan birgalikda amalga oshiriladi.
6-bob. Yakunlovchi qoida
27. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
“Oʻzsharobsanoat” AJning Uzumchilikni rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomga ILOVA
“Oʻzsharobsanoat” AJning Uzumchilikni rivojlantirish jamgʻarmasi mablagʻlarini shakllantirish va ulardan foydalanish
Oʻzbekiston Respublikasining Bosh vaziri A. ARIPOV
Toshkent sh.,
2018-yil 4-oktabr,
792-son
Кабинета Министров Республики Узбекистан
Постановление
ПОЛОЖЕНИЕ
СХЕМА
О дополнительных мерах по расширению источников финансирования проектов в сфере инновационного развития и виноделия
В целях активного продвижения инновационных идей, современных разработок и технологий в сфере виноградарства, в том числе путем освоения новых селекционных сортов винограда, способствующих повышению эффективности производства и экспортного потенциала отечественных производителей винодельческой продукции, расширению сырьевой базы виноделия, а также формирования и привлечения дополнительных источников финансирования в развитие и внедрение в практику передовых достижений науки и инновационных решений Кабинет Министров постановляет:
1. Согласиться с предложением АО «Узшаробсаноат» и Министерства финансов Республики Узбекистан об образовании в АО «Узшаробсаноат» Фонда развития виноградарства без образования юридического лица для содействия в организации финансирования на безвозмездной основе инициируемых организациями, входящими в состав АО «Узшаробсаноат», проектов по развитию виноградарства.
2. Утвердить:
состав Совета по управлению Фондом развития виноградарства АО «Узшаробсаноат» согласно приложению № 1 ;
Положение о порядке формирования и использования средств Фонда развития виноградарства АО «Узшаробсаноат» согласно приложению № 2 .
3. Определить, что основными источниками формирования средств Фонда развития виноградарства являются:
ежегодная безвозмездная субсидия, выделяемая из республиканского бюджета Республики Узбекистан;
кредиты (займы) и гранты международных финансовых институтов, иностранных правительственных организаций;
другие источники, не запрещенные законодательством.
4. Принять к сведению, что в соответствии с Указом Президента Республики Узбекистан от 1 апреля 2021 № УП-6198 «О совершенствовании системы государственного управления в сфере развития научной и инновационной деятельности» образован Фонд финансирования науки и поддержки инноваций.
Установить, что к тарифным коэффициентам оплаты труда по единой тарифной сетке управленческого персонала исполнительной дирекции Фонда финансирования науки и поддержки инноваций применяются повышающие коэффициенты в размере 1,7, а обслуживающего (технического) персонала — 1,3.
5. Министерству финансов Республики Узбекистан:
по заявкам АО «Узшаробсаноат» и Министерства инновационного развития Республики Узбекистан выделить до конца 2018 года из республиканского бюджета Республики Узбекистан для формирования Фонда развития виноградарства в размере 15 млрд сум и Фонда финансирования науки и поддержки инноваций средства в размере 15 млрд сум;
при формировании прогноза основных макроэкономических показателей и параметров республиканского бюджета Республики Узбекистан на 2019 год и последующие годы предусматривать выделение на нужды Фонда развития виноградарства и Фонда финансирования науки и поддержки инноваций не менее 80 млрд сум и 100 млрд сум, соответственно, с учетом ежегодной индексации выделяемых сумм не менее чем на 10 процентов.
6. Министерству финансов Республики Узбекистан совместно с АО «Узшаробсаноат» и Министерством инновационного развития Республики Узбекистан осуществлять на системной основе контроль и мониторинг за рациональным и целевым использованием средств Фонда развития виноградарства и Фонда финансирования науки и поддержки инноваций соответственно.
7. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова и заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова.
ПРИЛОЖЕНИЕ № 1 к постановлению Кабинета Министров от 4 октября 2018 года № 792
Состав Совета по управлению Фондом развития виноградарства
Мустафаев О. — председатель правления АО «Узшаробсаноат», председатель Совета Каримов А. — заместитель министра финансов, заместитель председателя Совета Ниязматов Б. — заместитель министра экономики Вахабов А. — первый заместитель министра сельского хозяйства Файзибаев О. — заместитель председателя Государственного налогового комитета Абдуллаев Т. — первый заместитель председателя Государственного комитета по земельным ресурсам, геодезии, картографии и государственному кадастру Пулатов Ж. — и.о. первого заместителя председателя Совета фермерских, дехканских хозяйств и владельцев приусадебных земель Узбекистана Умаров С. — заместитель председателя правления АО «Узшаробсаноат» по должности — заместитель хокима области по вопросам сельского и водного хозяйства (в зависимости от расположения финансируемого проекта) Вапаев Н. — главный специалист Кабинета Министров Республики Узбекистан, секретарь Совета
ПРИЛОЖЕНИЕ № 2 к постановлению Кабинета Министров от 4 октября 2018 года № 792
о порядке формирования и использования средств Фонда развития виноградарства АО «Узшаробсаноат»
Глава 1. Общие положения
1. Настоящее Положение определяет порядок формирования и использования средств Фонда развития виноградарства АО «Узшаробсаноат» (далее — Фонд).
2. Целью создания Фонда является безвозмездное финансирование инициируемых организациями, входящими в состав АО «Узшаробсаноат» (далее — организация), проектов по развитию виноградарства.
3. Фонд не является юридическим лицом и его средства аккумулируются на лицевом казначейском счете АО «Узшаробсаноат», открытом в Казначействе Министерства финансов Республики Узбекистан, и используются в порядке, определенном настоящим Положением.
Глава 2. Формирование и использование средств Фонда
4. Источниками формирования средств Фонда являются:
средства безвозмездной субсидии, ежегодно выделяемой из республиканского бюджета Республики Узбекистан;
кредиты (займы) и гранты международных финансовых институтов, иностранных правительственных организаций;
другие источники, не запрещенные законодательством.
5. Средства Фонда используются на следующие цели:
приобретение саженцев винограда и организацию их посадки;
проведение ирригационных мероприятий, в том числе подведение воды на поля, приобретение систем капельного орошения, создание артезианских колодцев, скважин и резервуаров, приобретение насосов и труб для подачи воды, приобретение емкостей для хранения воды и др.;
приобретение шпалер, проволок и ограждений;
обеспечение автономными источниками электроэнергии и прочими ресурсами (трансформаторные, газораспределительные и насосные станции и др.);
приобретение сельскохозяйственной техники и агрегатов;
выведение селекционных технических сортов винограда;
погашение обязательств организаций, входящих в состав АО «Узшаробсаноат», по полученным кредитам и займам для создания и развития плантаций винограда.
Средства Фонда могут использоваться также на финансирование проектов по развитию виноградарства, реализуемых в рамках решений и поручений Президента Республики Узбекистан и Кабинета Министров Республики Узбекистан.
6. Средства Фонда, выделенные на финансирование целей, указанных в пункте 5 настоящего Положения, используются строго по назначению.
Глава 3. Управление средствами Фонда
7. Управление и распределение средств Фонда осуществляются Советом по управлению Фондом (далее — Совет).
Персональный состав Совета утверждается Кабинетом Министров Республики Узбекистан.
Заседание Совета считается правомочным, если на нем присутствуют более половины его членов. Решения по рассматриваемым вопросам принимаются простым большинством голосов. Принятое решение оформляется в виде протокола.
Заседания Совета проводятся в плановом порядке ежемесячно либо по мере необходимости.
8. Совет:
ежегодно до 25 декабря утверждает сметы доходов и расходов Фонда на предстоящий год;
определяет перечень мероприятий, предусмотренных пунктом 5 настоящего Положения, для финансирования за счет средств Фонда;
вносит при необходимости корректировки в утвержденные сметы доходов и расходов Фонда;
осуществляет контроль целевого и эффективного использования средств Фонда;
рассматривает и утверждает отчеты о доходах и расходах Фонда;
содействует привлечению в Фонд зарубежных кредитов и грантов;
осуществляет иные полномочия, связанные с формированием и использованием средств Фонда.
9. Рабочим органом Фонда является экспертная группа, утверждаемая Советом, в состав которого входят специалисты АО «Узшаробсаноат».
10. Экспертная группа:
принимает, анализирует и вносит на рассмотрение Совета материалы проектов по развитию виноградарства, предлагаемых к реализации за счет средств Фонда;
разрабатывает прогнозные показатели доходов и расходов Фонда на предстоящий год;
подготавливает предложения по увеличению поступлений и эффективному использованию средств Фонда;
ведет учет доходов Фонда по источникам поступлений, а также по основным направлениям расходов Фонда;
осуществляет технический и финансовый контроль за целевым использованием средств Фонда;
принимает и обобщает отчет об использовании средств Фонда и о выполненных работах организациями, получившими средства Фонда;
ежеквартально подготавливает и представляет в Совет отчет об использовании средств Фонда.
Глава 4. Порядок финансирования проектов по развитию виноградарства
11. Финансирование проектов по развитию виноградарства за счет средств Фонда осуществляется по схеме согласно приложению к настоящему Положению.
12. Для получения средств Фонда организация представляет в АО «Узшаробсаноат» следующие документы в бумажном или электронном виде:
заявление о выдаче средств с указанием: наименования и организационно-правовой формы юридического лица, места его нахождения (почтового адреса), наименования подразделения банка и счета в банке;
копии учредительного документа (устав или учредительный договор) и свидетельства о государственной регистрации;
протокол общего собрания (наблюдательного совета, правления) акционеров и учредителей (пайщиков, участников) акционерного общества (общества с ограниченной (дополнительной) ответственностью) о согласии на получение средств Фонда для реализации проекта по развитию виноградарства;
бизнес-план проекта по развитию виноградарства;
копия бухгалтерского отчета организации за последний отчетный период, включая все приложения;
сведения обслуживающего банка об оборотах по всем счетам, состоянии банковского счета организации и об отсутствии картотеки № 2.
Документы, представленные в электронном виде, заверяются электронной цифровой подписью.
13. К финансированию принимаются проекты, обеспеченные собственным участием организаций или иными приравненными к ним источниками финансирования в размере не менее 20 процентов от стоимости предлагаемого финансированию проекта, за исключением проектов, реализуемых в рамках решений и поручений Президента Республики Узбекистан и Кабинета Министров Республики Узбекистан.
14. Доля участия организации должна быть обеспечена в виде финансирования работ на проведение агротехнических мероприятий (в том числе проведение земельной пахоты, чизелевание, выравнивание земель и др.), приобретение горюче-смазочных материалов для сельхозтехники, приобретение минеральных удобрений и химических препаратов, а также другими материальными активами (недвижимость, оборудование, денежные средства).
15. Решение о выдаче или об отказе в выдаче средств Фонда для финансирования проекта принимается в срок, не превышающий пятнадцати дней со дня получения заявления организации.
16. Документы, представленные организацией для получения средств Фонда, принимаются ответственным лицом экспертной группы и проверяются на соответствие требованиям, указанным в пунктах 12 — 14 настоящего Положения.
17. Документы, представленные организацией для получения средств Фонда, соответствующие требованиям настоящего Положения, в десятидневный срок вносятся экспертной группой на рассмотрение Совета.
18. Совет в пятидневный срок рассматривает документы, представленные организацией для получения средств Фонда, и принимает решение о выдаче или об отказе в выдаче средств.
19. Экспертная группа уведомляет организацию о принятом решении в однодневный срок после принятия соответствующего решения.
20. На основании принятого Советом решения о выдаче средств Фонда для реализации проекта между АО «Узшаробсаноат» и организацией в трехдневный срок заключается договор о выделении безвозмездной финансовой помощи на реализацию проекта по развитию виноградарства.
Глава 5. Учет, отчетность и контроль за использованием средств Фонда
21. Ведение учета и отчетности использования средств Фонда осуществляется раздельно от прочих средств АО «Узшаробсаноат».
22. Смета доходов и расходов Фонда составляется в порядке, установленном законодательством (в разрезе кварталов, источников поступлений и направлений использования средств).
23. Получатели средств Фонда представляют АО «Узшаробсаноат» отчеты об использовании полученных средств Фонда и выполненной работе.
24. Отчеты о доходах и расходах Фонда представляются в Министерство финансов Республики Узбекистан ежеквартально не позднее 25 числа месяца, следующего за отчетным периодом, а годовой отчет — не позднее 30 января следующего года.
25. Средства Фонда, не израсходованные в текущем году, переходят на следующий год и изъятию не подлежат.
26. Контроль за целевым использованием средств Фонда осуществляется Главным управлением государственного финансового контроля Министерства финансов Республики Узбекистан совместно с АО «Узшаробсаноат».
Глава 6. Заключительное положение
27. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ к Положению о порядке формирования и использования средств Фонда развития виноградарства АО «Узшаробсаноат»
финансирования проектов по развитию виноградарства за счет средства Фонда развития виноградарства АО «Узшаробсаноат»
Премьер-министр Республики Узбекистан А. АРИПОВ
г. Ташкент,
4 октября 2018 г.,
№ 792