📅 2018-yil 12-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 октября 2018 г. · Постановления Президента
Официальный текст. Официальный документ. Редакционные примечания не включены.
📅 12 October 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
дастури
Ўзбекистон Республикасида халқ табобати соҳасини тартибга солиш чора-тадбирлари тўғрисида
Сўнгги йилларда соғлиқни сақлаш тизимида амалга оширилаётган кенг кўламли ислоҳотлар фуқароларнинг замонавий тиббий хизматларга, дори-дармонлар билан таъминланишга бўлган имкониятларини кенгайтирди, шунингдек, кўрсатилаётган тиббий ёрдам сифати ва самарадорлиги яхшиланишига олиб келди.
Ўткир ва мураккаб касалликларни даволашда халқ табобати муҳим аҳамият касб этади, табибларнинг хизматларига аҳолининг турли қатламларида катта эҳтиёж сезилмоқда.
Шу билан бирга, ушбу соҳадаги вазиятнинг таҳлили шуни кўрсатмоқдаки, халқ табобати йўналишида кўрсатилаётган тиббий хизматларда назоратнинг етарли даражада эмаслиги, шунингдек, халқ табобатининг замонавий тиббиёт тизимида тутган мақоми ва роли хусусида қатор саволлар юзага келмоқда, хусусан:
биринчидан, халқ табобати хизматлари кўрсатишни тартибга солувчи норматив-ҳуқуқий база яратилмаган, табибларнинг ҳуқуқ ва мажбуриятлари аниқланмаган, халқ табобати усуллари билан даволовчи шахслар томонидан кўрсатилаётган хизматларнинг сифати ва хавфсизлиги устидан давлат назорати амалга оширилмаяпти;
иккинчидан, халқ табобати усуллари билан тиббий ёрдам кўрсатувчиларнинг мижозлар соғлиғига зарар етказганлик учун масъулияти белгиланмаган, шунингдек, халқ табобати вакилларининг ҳуқуқларини асоссиз аралашувлардан ҳимоя қилиш кафолатланмаган;
учинчидан, касалликларнинг олдини олиш, ташхис қўйиш ва даволашда замонавий тиббиёт билан халқ табобати ўртасидаги ўзаро ҳамкорлик ва интеграцияни бошқаришнинг тартиб ва механизмлари мавжуд эмас;
тўртинчидан, халқ табобати вакиллари, уларнинг тажриба ва иш натижалари, улар кўрсатадиган хизмат турлари ҳақида ва бошқа маълумотларни ўз ичига олувчи халқ табобати бўйича тизимлаштирилган ягона маълумотлар базаси мавжуд эмас.
Халқ табобати фаолиятини тартибга солиш, тўпланган тажриба ва салоҳиятдан самарали фойдаланиш, ушбу соҳадаги норматив-ҳуқуқий базани шакллантириш ҳамда халқ табобатининг усуллари ва ютуқларидан самарали ва хавфсиз фойдаланиш учун шарт-шароит яратиш мақсадида:
1. Қуйидагилар белгилансин:
халқ табобати аҳолига тиббий ёрдам кўрсатишнинг қўшимча усули сифатида эътироф этилади;
халқ табобати усулида хизмат кўрсатиш бўйича фаолиятни лицензиялаш тиббий фаолиятни лицензиялаш учун белгиланган тартибда (тиббий таълим маълумоти мавжудлиги талаби бундан мустасно) амалга оширилади;
халқ табобати усулларидан фойдаланган ҳолда тиббий хизмат кўрсатувчи шахслар ўз фаолиятининг натижалари бўйича тиббиёт ходимлари учун қонун ҳужжатларида назарда тутилган ҳажмда жавобгар ҳисобланадилар;
тиббий хизмат кўрсатишга нисбатан қўйилган талаблар халқ табобати усулларидан фойдаланган ҳолда тиббий хизмат кўрсатиш билан шуғулланадиган шахсларга ҳам татбиқ этилади;
Ўзбекистон Республикаси Соғлиқни сақлаш вазирлиги халқ табобати усулларини қўллаган ҳолда тиббий фаолиятни амалга ошириш учун зарур бўлган талабларни, шунингдек, хизмат кўрсатиш ҳажми ва тартибини белгиловчи ваколатли орган ҳисобланади.
2. Халқ табобатини ривожлантиришнинг асосий йўналишлари сифатида қуйидагилар эътироф этилсин:
халқ табобати соҳасидаги фаолиятни тартибга солиш ва назорат қилишни назарда тутувчи норматив-ҳуқуқий базани шакллантириш ҳамда халқ табобати усулларидан фойдаланган ҳолда тиббий хизмат кўрсатувчи шахсларнинг ҳуқуқий мақомини ва улар томонидан кўрсатилган хизматлар оқибати учун жавобгарлигини белгилаш;
халқ табобати усулларидан фойдаланган ҳолда тиббий хизмат кўрсатувчи ташкилотлар ва мутахассислар, уларнинг иш тажрибаси, кўрсатадиган хизмат турлари ҳақидаги маълумотларни ўз ичига олган ягона маълумотлар базасини шакллантириш;
кўрсатилаётган тиббий хизматлар сифатини ошириш ҳамда аҳолига тиббий хизматдан фойдаланишда онгли равишда танлаш имкониятини яратиш учун халқ табобатининг кўп йиллик кўникмалари ҳамда амалиётда тасдиқланган ижобий ютуқларини замонавий тиббиётга интеграциялаш орқали унинг салоҳиятидан фойдаланиш;
халқ табобати соҳасида етакчи маҳаллий ва чет эл тиббиёт муассасалари ҳамда соғломлаштириш амалиёт марказлари билан яқин ҳамкорлик қилиш асосида халқ табобати мутахассисларини тайёрлаш, қайта тайёрлаш ва малакасини ошириш тизимини яратиш.
3. Ўзбекистон Республикасида халқ табобатини ривожлантиришнинг устувор чора-тадбирлари дастури иловага мувофиқ тасдиқлансин.
Ўзбекистон Республикаси соғлиқни сақлаш вазири А.К. Шадманов — ушбу Дастурда назарда тутилган барча тадбирларнинг ўз вақтида, тўлиқ ва сифатли амалга оширилиши, шунингдек, Ўзбекистон Республикасида халқ табобатини тартибга солиш ва янада ривожлантириш бўйича;
Ўзбекистон Республикаси Бош вазирининг ўринбосари А.А. Абдуҳакимов — ушбу қарор асосида вазирлик ва идораларга юклатилган вазифаларнинг самарали ва лозим даражада бажарилишини мувофиқлаштириш бўйича шахсан жавобгарлиги кўрсатиб ўтилсин.
4. Ўзбекистон Республикаси Соғлиқни сақлаш вазирлиги ва Инновацион соғлиқни сақлаш миллий палатасининг:
республика тиббиёт олий ўқув юртларининг «Даволаш иши», «Педиатрия иши», «Тиббиёт-педагогика иши» бакалавриат йўналишларидаги ўқув дастурларига халқ табобати бўйича махсус ўқув циклини жорий этиш;
Тошкент врачлар малакасини ошириш институтида халқ табобати кафедраси ва «Халқ табобати» йўналиши бўйича малака ошириш курсини ташкил қилиш;
Ўзбекистон Республикаси Соғлиқни сақлаш вазирлиги ҳузурида Халқ табобати усулларидан фойдаланган ҳолда тиббий хизмат кўрсатиш фаолиятини лицензиялаш бўйича махсус комиссия ташкил этиш тўғрисидаги таклифларига розилик берилсин.
Ўзбекистон Республикаси Соғлиқни сақлаш вазирлиги бир ҳафта муддатда Махсус комиссия таркибини шакллантирсин ва тасдиқласин.
5. Ўзбекистон Республикаси Соғлиқни сақлаш вазирлиги зиммасига халқ табобатини ривожлантириш ва халқ табобати усулларидан фойдаланган ҳолда хизмат кўрсатиш фаолиятининг давлат томонидан тартибга солинишини таъминлаш доирасида:
халқ табобати мутахассисларини тайёрлаш ва қайта тайёрлаш бўйича ўқув жараёнини ташкиллаштириш, шунингдек, ўзбек халқ табобатининг бой тарихий анъаналари ва ноёб меросини ўрганиш, халқ табобати йўналишларини тизимлаштиришда ташкилий ва услубий ёрдам бўйича чуқур илмий тадқиқотларни ташкил этиш;
бошқа мамлакатларнинг халқ табобатини ифодаловчи таниқли ташкилотлари билан ҳар томонлама ҳамкорликни йўлга қўйиш вазифалари юклансин.
6. Ўзбекистон Республикаси Соғлиқни сақлаш вазирлиги:
а) 2018 йил 15 ноябрга қадар:
давлат таълим стандартларининг талаблари асосида халқ табобати бўйича ўқув дастурини;
халқ табобати усулларидан фойдаланган ҳолда тиббий фаолиятни амалга оширишга мўлжалланган биноларнинг санитария қоидалари, меъёрлари ва гигиеник нормативларини ишлаб чиқсин ва ўрнатилган тартибда тасдиқласин;
б) 2018 йил 1 декабрга қадар:
халқ табобати усулларидан фойдаланган ҳолда тиббий фаолиятни амалга оширишда ишлатиладиган асбоб-ускуналар ва бошқа техник воситалар, шу жумладан тиббий техникага нисбатан минимал талабларни;
Ўзбекистон Республикаси Адлия вазирлиги билан биргаликда Халқ табобати усулларидан фойдаланган ҳолда тиббий фаолият кўрсатиш тартиби ва ҳажмлари тўғрисидаги низомни ишлаб чиқсин ва ўрнатилган тартибда тасдиқласин;
в) Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда 2018 йил охирига қадар халқ табобати усулларидан фойдаланган ҳолда тиббий хизмат кўрсатувчи ташкилотлар ва мутахассислар, уларнинг иш тажрибалари, хизмат кўрсатиш турлари, алоқа ва бошқа маълумотларни қамраб олган ягона маълумотлар базасини шакллантиришни, оммабоп фойдаланиш учун Ўзбекистон Республикаси Соғлиқни сақлаш вазирлигининг веб-сайтига жойлаштиришни, шунингдек, ушбу турдаги ташкилотлар фаолиятини лицензиялаш амалга оширилиши билан базани доимий равишда янгиланиб боришни таъминласин;
г) «халқ табобати» йўналишини тиббий фаолият амалга ошириладиган тиббий ихтисосликлар турлари номенклатурасига киритсин;
д) икки ой муддатда Ўзбекистон Республикасининг «Фуқароларнинг соғлиғини сақлаш тўғрисида»ги Қонуни ва бошқа норматив-ҳуқуқий ҳужжатларга ушбу қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
7. Белгилансинки, мазкур қарорда назарда тутилган тадбирларни амалга ошириш бўйича молиялаштириш Ўзбекистон Республикаси Соғлиқни сақлаш вазирлигининг бюджетдан ташқари маблағлари ҳисобидан амалга оширилади.
8. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон матбуот ва ахборот агентлиги оммавий ахборот воситаларида мазкур қарорнинг мақсад ва вазифаларини ёритиш бўйича мунтазам чиқишлар ҳамда мавзули кўрсатув ва эшиттиришларни ташкиллаштирсин.
9. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президентининг 2018 йил 12 октябрдаги ПҚ-3968-сон қарорига ИЛОВА
Ўзбекистон Республикасида халқ табобатини ривожлантиришнинг устувор чора-тадбирлари
Т/р Чора-тадбирлар Амалга ошириш механизми Ижро муддати Масъул ижрочилар I. Норматив базани такомиллаштириш 1. Жаҳон соғлиқни сақлаш ташкилотининг 2014 — 2023 йилларда халқ табобати соҳаси стратегиясида назарда тутилган, ушбу ташкилотнинг тавсиялари асосида, шунингдек, ушбу йўналишда ривожланган давлатлар (Хитой, Корея, АҚШ, Россия ва бошқалар) тажрибаси асосида тайёрланган ва Вазирлар Маҳкамаси билан келишилган Ўзбекистон Республикасида халқ табобатини ривожлантириш бўйича комплекс чора-тадбирларни ишлаб чиқиш ва тасдиқлаш, жумладан: маҳаллий соғлиқни сақлаш тизимида халқ табобатининг ролини ошириш; халқ табобати усулларини қўллаган ҳолда хизмат кўрсатувчи хусусий тиббиёт муассасалари фаолиятини қўллаб-қувватлаш; соғлиқни сақлаш тизимининг амбулатор ва стационар муассасаларида халқ табобати усулларини қўллаш билан касалликларни даволаш бўйича махсус бўлимлар ташкил этиш; халқ табобати дори воситаларини сотиш билан шуғулланувчи дорихоналар тизимини ташкил этиш (ривожлантириш), халқ табобати соҳасида кадрлар тайёрлаш; халқ табобатини янада оммалаштириш бўйича илмий-тадқиқот ишларини олиб бориш учун шароит яратиш; халқ табобатидан кенг фойдаланиладиган хорижий мамлакатлар билан фаол ҳамкорлик қилиш. Вазирлар Маҳкамаси билан келишилган комплекс чора-тадбирлар 2019 йил 1 февралгача Соғлиқни сақлаш вазирлиги (А. Шодмонов) , Инновацион соғлиқни сақлаш миллий палата (Р. Изамов) , ТИВ (А. Камилов) , манфаатдор вазирлик ва идоралар 2. Тиббий фаолиятни лицензиялаш учун назарда тутилган тартибда халқ табобати усулларини қўллаш билан кўрсатиладиган хизмат фаолиятини лицензиялаш муносабати билан Ўзбекистон Республикаси Вазирлар Маҳкамасининг 2017 йил 21 июндаги 405-сонли қарори билан тасдиқланган Тиббий фаолиятни лицензиялаш тўғрисидаги Низомга ўзгартириш ва қўшимчалар киритиш. Вазирлар Маҳкамаси қарори 2018 йил 1 декабргача Соғлиқни сақлаш вазирлиги (А. Шодмонов) , Инновацион соғлиқни сақлаш миллий палатаси (Р. Изамов) , Адлия вазирлиги (Р. Давлетов) 3. Халқ табобати воситаларини реклама қилиш, шунингдек, халқ табобати усулларини қўллаш бўйича фаолиятни ҳуқуқий тартибга солувчи қонунчиликни такомиллаштириш. Ўзбекистон Республикаси Вазирлар Маҳкамаси ва Президент Администрациясига таҳлилий маълумотнома киритиш. Аниқ таклифлар билан таҳлилий маълумотнома 2018 йил 1 декабргача Соғлиқни сақлаш вазирлиги (А. Шодмонов) , Давлат рақобат қўмитаси (Н. Шарипов) 4. Халқ табобати усулларини қўллаган ҳолда амалга ошириладиган хизматлар кўрсатувчи шахсларнинг фаолиятига баҳо бериш мезонларини ишлаб чиқиш ва тасдиқлаш. Идоравий ҳужжат 2018 йил 1 декабргача Соғлиқни сақлаш вазирлиги (А. Шодмонов) , Инновацион соғлиқни сақлаш миллий палатаси (Р. Изамов) 5. Ўзбекистон Республикасида халқ табобати соҳаси тартибга солиниши муносабати билан хизматчиларнинг асосий лавозимлари ва касблар Классификаторига ўзгартириш ва қўшимчалар киритиш. Идоравий меъёрий-ҳуқуқий ҳужжат 2018 йил 1 ноябргача Меҳнат вазирлиги (Ш. Кудбиев) , Соғлиқни сақлаш вазирлиги (А. Шодмонов) II. Халқ табобатини ривожлантириш ва оммалаштиришнинг ташкилий чоралари 6. Ўзбекистон Республикаси Соғлиқни сақлаш вазирлиги, Инновацион соғлиқни сақлаш миллий палатаси ва бошқа идоралар, шу жумладан тиббиёт муассасалари ходимларини Хитой, Корея, Япония давлатларига халқ табобатини ривожлантириш ва рағбатлантириш, кадрлар тайёрлаш ҳамда дори воситалари билан таъминлаш бўйича тажрибасини чуқур ўрганиш учун таништирув сафарини ташкил этиш масаласини ишлаб чиқиш. Сафар харажатлари Соғлиқни сақлаш вазирлиги, Инновацион соғлиқни сақлаш миллий палатаси маблағлари, грантлар ва қонун билан тақиқланмаган бошқа манбалар ҳисобидан қопланади. Ташкилий-амалий чора-тадбирлар 2018 йил охиригача Соғлиқни сақлаш вазирлиги (А. Шодмонов) , Инновацион соғлиқни сақлаш миллий палатаси (Р. Изамов), Ташқи ишлар вазирлиги (А. Комилов) 7. Тошкент шаҳрида чет эл экспертлари, Жаҳон соғлиқни сақлаш ташкилоти ва бошқа тузилмалар вакиллари иштирокида «Ўзбекистон Республикасида халқ табобатини ҳуқуқий тартибга солиш ва ривожлантириш истиқболлари» мавзусида халқаро илмий-амалий конференция ўтказиш. Ташкилий-амалий чора-тадбирлар 2019 йил 1 февралгача Соғлиқни сақлаш вазирлиги (А. Шодмонов) , Инновацион соғлиқни сақлаш миллий палатаси (Р. Изамов) , Ташқи ишлар вазирлиги (А. Комилов), манфаатдор вазирлик ва идоралар 8. Ўзбекистон Республикаси Соғлиқни сақлаш вазирлиги ҳузурида Ўзбекистон Республикасида халқ табобатини ривожланлириш борасида Халқ табобати фаолиятини тартибга солиш бўйича малакали табиблар, профессионал шифокорлар, халқ табобати соҳасида изланишлар билан шуғулланувчи шахслар, ҳуқуқшунослар ва бошқа касб эгаларидан иборат бўлган Кенгашни ташкил этиш. Соғлиқни сақлаш вазирининг буйруғи 2018 йил 20 октябргача Соғлиқни сақлаш вазирлиги (А. Шодмонов), Олий ва ўрта махсус таълимвазирлиги (И. Маджидов), ДБА (Р. Касимов) 9. Халқ табобати усулларини қўллаш билан хизмат кўрсатувчиларнинг хизматларини илгари суриш, улар манфаатини ҳимоя қилиш мақсадида нодавлат нотижорат ташкилоти сифатида Ўзбекистон Халқ табобати ассоциацияси (жамияти)ни ташкил этиш масаласини муҳокама қилиш. Ташкилий амалий чора-тадбирлар 2018 йил 15 ноябргача ЎзННТМА (И. Насриев) , Адлия вазирлиги (Р. Давлетов), Соғлиқни сақлаш вазирлиги (А. Шодмонов) , Инновацион соғлиқни сақлаш миллий палата (Р. Изамов) 10. Халқ табобати усулларини қўллаш билан касалликларни даволаш учун тавсия қилинадиган (ишлатиладиган), аниқ номдаги ўсимликлар, уларни парвариш қилиш ва ўстириш жойи, ўсимликлардан фойдаланиш ва бошқа зарур маълумотларни ўзида жамлаган миллий ўсимлик турлари тўғрисидаги маълумотлар базасини яратиш. Ташкилий-амалий чора-тадбирлар I босқич — 2019 йил 1 январгача II босқич — 2019 йил 1 майгача III босқич — 2019 йил 1 октябргача Фанлар академияси (Б. Юлдашев), Соғлиқни сақлаш вазирлиги (А. Шодмонов) 11. Халқ табобати усулларини қўллаш билан касалликларни даволаш учун тавсия қилинадиган табиий ва ўсимлик доривор воситалари, халқ табобати воситалари тўғрисидаги маълумотлар базасини яратиш, шунингдек, уни Ўзбекистон Республикаси Соғлиқни сақлаш вазирлигининг веб-сайтида жойлаштириш. Ташкилий-техник чора-тадбирлар 2019 йил 1 мартгача Соғлиқни сақлаш вазирлиги (А. Шодмонов), Фанлар академияси (Б. Юлдашев) 12. Халқ табобати усулларини қўллаш орқали касалликларни даволаш ва унинг тарғиботи бўйича Ўзбекистон Миллий телерадиокомпанияси тизими марказий телеканалларида доимий асосда ток-шоу (кўрсатувлар) ўтказишни ташкил этиш. Ташкилий-техник чора-тадбирлар мунтазам МТРК (А. Хаджаев) , Соғлиқни сақлаш вазирлиги (А. Шодмонов) 13. Ўзбек халқ табобатининг ноёб мероси ва бой тарихий анъаналарини ўрганишни акс эттирувчи электрон илмий изланишлар рўйхатини шакллантириш, шунингдек, ушбу рўйхатни изланишлар билан бирга Ўзбекистон Республикаси Соғлиқни сақлаш вазирлигига тақдим этиш. Ташкилий-техник чора-тадбирлар 2018 йил 15 ноябргача Вазирлар Маҳкамаси ҳузуридаги ОАК (А. Юсупов) , Соғлиқни сақлаш вазирлиги (А. Шодмонов)
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 12 октябрь,
ПҚ-3968-сон
Oʻzbekiston Respublikasi Prezidentining
Qarori
dasturi
Oʻzbekiston Respublikasida xalq tabobati sohasini tartibga solish chora-tadbirlari toʻgʻrisida
Soʻnggi yillarda sogʻliqni saqlash tizimida amalga oshirilayotgan keng koʻlamli islohotlar fuqarolarning zamonaviy tibbiy xizmatlarga, dori-darmonlar bilan taʼminlanishga boʻlgan imkoniyatlarini kengaytirdi, shuningdek, koʻrsatilayotgan tibbiy yordam sifati va samaradorligi yaxshilanishiga olib keldi.
Oʻtkir va murakkab kasalliklarni davolashda xalq tabobati muhim ahamiyat kasb etadi, tabiblarning xizmatlariga aholining turli qatlamlarida katta ehtiyoj sezilmoqda.
Shu bilan birga, ushbu sohadagi vaziyatning tahlili shuni koʻrsatmoqdaki, xalq tabobati yoʻnalishida koʻrsatilayotgan tibbiy xizmatlarda nazoratning yetarli darajada emasligi, shuningdek, xalq tabobatining zamonaviy tibbiyot tizimida tutgan maqomi va roli xususida qator savollar yuzaga kelmoqda, xususan:
birinchidan, xalq tabobati xizmatlari koʻrsatishni tartibga soluvchi normativ-huquqiy baza yaratilmagan, tabiblarning huquq va majburiyatlari aniqlanmagan, xalq tabobati usullari bilan davolovchi shaxslar tomonidan koʻrsatilayotgan xizmatlarning sifati va xavfsizligi ustidan davlat nazorati amalga oshirilmayapti;
ikkinchidan, xalq tabobati usullari bilan tibbiy yordam koʻrsatuvchilarning mijozlar sogʻligʻiga zarar yetkazganlik uchun masʼuliyati belgilanmagan, shuningdek, xalq tabobati vakillarining huquqlarini asossiz aralashuvlardan himoya qilish kafolatlanmagan;
uchinchidan, kasalliklarning oldini olish, tashxis qoʻyish va davolashda zamonaviy tibbiyot bilan xalq tabobati oʻrtasidagi oʻzaro hamkorlik va integratsiyani boshqarishning tartib va mexanizmlari mavjud emas;
toʻrtinchidan, xalq tabobati vakillari, ularning tajriba va ish natijalari, ular koʻrsatadigan xizmat turlari haqida va boshqa maʼlumotlarni oʻz ichiga oluvchi xalq tabobati boʻyicha tizimlashtirilgan yagona maʼlumotlar bazasi mavjud emas.
Xalq tabobati faoliyatini tartibga solish, toʻplangan tajriba va salohiyatdan samarali foydalanish, ushbu sohadagi normativ-huquqiy bazani shakllantirish hamda xalq tabobatining usullari va yutuqlaridan samarali va xavfsiz foydalanish uchun shart-sharoit yaratish maqsadida:
1. Quyidagilar belgilansin:
xalq tabobati aholiga tibbiy yordam koʻrsatishning qoʻshimcha usuli sifatida eʼtirof etiladi;
xalq tabobati usulida xizmat koʻrsatish boʻyicha faoliyatni litsenziyalash tibbiy faoliyatni litsenziyalash uchun belgilangan tartibda (tibbiy taʼlim maʼlumoti mavjudligi talabi bundan mustasno) amalga oshiriladi;
xalq tabobati usullaridan foydalangan holda tibbiy xizmat koʻrsatuvchi shaxslar oʻz faoliyatining natijalari boʻyicha tibbiyot xodimlari uchun qonun hujjatlarida nazarda tutilgan hajmda javobgar hisoblanadilar;
tibbiy xizmat koʻrsatishga nisbatan qoʻyilgan talablar xalq tabobati usullaridan foydalangan holda tibbiy xizmat koʻrsatish bilan shugʻullanadigan shaxslarga ham tatbiq etiladi;
Oʻzbekiston Respublikasi Sogʻliqni saqlash vazirligi xalq tabobati usullarini qoʻllagan holda tibbiy faoliyatni amalga oshirish uchun zarur boʻlgan talablarni, shuningdek, xizmat koʻrsatish hajmi va tartibini belgilovchi vakolatli organ hisoblanadi.
2. Xalq tabobatini rivojlantirishning asosiy yoʻnalishlari sifatida quyidagilar eʼtirof etilsin:
xalq tabobati sohasidagi faoliyatni tartibga solish va nazorat qilishni nazarda tutuvchi normativ-huquqiy bazani shakllantirish hamda xalq tabobati usullaridan foydalangan holda tibbiy xizmat koʻrsatuvchi shaxslarning huquqiy maqomini va ular tomonidan koʻrsatilgan xizmatlar oqibati uchun javobgarligini belgilash;
xalq tabobati usullaridan foydalangan holda tibbiy xizmat koʻrsatuvchi tashkilotlar va mutaxassislar, ularning ish tajribasi, koʻrsatadigan xizmat turlari haqidagi maʼlumotlarni oʻz ichiga olgan yagona maʼlumotlar bazasini shakllantirish;
koʻrsatilayotgan tibbiy xizmatlar sifatini oshirish hamda aholiga tibbiy xizmatdan foydalanishda ongli ravishda tanlash imkoniyatini yaratish uchun xalq tabobatining koʻp yillik koʻnikmalari hamda amaliyotda tasdiqlangan ijobiy yutuqlarini zamonaviy tibbiyotga integratsiyalash orqali uning salohiyatidan foydalanish;
xalq tabobati sohasida yetakchi mahalliy va chet el tibbiyot muassasalari hamda sogʻlomlashtirish amaliyot markazlari bilan yaqin hamkorlik qilish asosida xalq tabobati mutaxassislarini tayyorlash, qayta tayyorlash va malakasini oshirish tizimini yaratish.
3. Oʻzbekiston Respublikasida xalq tabobatini rivojlantirishning ustuvor chora-tadbirlari dasturi ilovaga muvofiq tasdiqlansin.
Oʻzbekiston Respublikasi sogʻliqni saqlash vaziri A.K. Shadmanov — ushbu Dasturda nazarda tutilgan barcha tadbirlarning oʻz vaqtida, toʻliq va sifatli amalga oshirilishi, shuningdek, Oʻzbekiston Respublikasida xalq tabobatini tartibga solish va yanada rivojlantirish boʻyicha;
Oʻzbekiston Respublikasi Bosh vazirining oʻrinbosari A.A. Abduhakimov — ushbu qaror asosida vazirlik va idoralarga yuklatilgan vazifalarning samarali va lozim darajada bajarilishini muvofiqlashtirish boʻyicha shaxsan javobgarligi koʻrsatib oʻtilsin.
4. Oʻzbekiston Respublikasi Sogʻliqni saqlash vazirligi va Innovatsion sogʻliqni saqlash milliy palatasining:
respublika tibbiyot oliy oʻquv yurtlarining “Davolash ishi”, “Pediatriya ishi”, “Tibbiyot-pedagogika ishi” bakalavriat yoʻnalishlaridagi oʻquv dasturlariga xalq tabobati boʻyicha maxsus oʻquv siklini joriy etish;
Toshkent vrachlar malakasini oshirish institutida xalq tabobati kafedrasi va “Xalq tabobati” yoʻnalishi boʻyicha malaka oshirish kursini tashkil qilish;
Oʻzbekiston Respublikasi Sogʻliqni saqlash vazirligi huzurida Xalq tabobati usullaridan foydalangan holda tibbiy xizmat koʻrsatish faoliyatini litsenziyalash boʻyicha maxsus komissiya tashkil etish toʻgʻrisidagi takliflariga rozilik berilsin.
Oʻzbekiston Respublikasi Sogʻliqni saqlash vazirligi bir hafta muddatda Maxsus komissiya tarkibini shakllantirsin va tasdiqlasin.
5. Oʻzbekiston Respublikasi Sogʻliqni saqlash vazirligi zimmasiga xalq tabobatini rivojlantirish va xalq tabobati usullaridan foydalangan holda xizmat koʻrsatish faoliyatining davlat tomonidan tartibga solinishini taʼminlash doirasida:
xalq tabobati mutaxassislarini tayyorlash va qayta tayyorlash boʻyicha oʻquv jarayonini tashkillashtirish, shuningdek, oʻzbek xalq tabobatining boy tarixiy anʼanalari va noyob merosini oʻrganish, xalq tabobati yoʻnalishlarini tizimlashtirishda tashkiliy va uslubiy yordam boʻyicha chuqur ilmiy tadqiqotlarni tashkil etish;
boshqa mamlakatlarning xalq tabobatini ifodalovchi taniqli tashkilotlari bilan har tomonlama hamkorlikni yoʻlga qoʻyish vazifalari yuklansin.
6. Oʻzbekiston Respublikasi Sogʻliqni saqlash vazirligi:
a) 2018-yil 15-noyabrga qadar:
davlat taʼlim standartlarining talablari asosida xalq tabobati boʻyicha oʻquv dasturini;
xalq tabobati usullaridan foydalangan holda tibbiy faoliyatni amalga oshirishga moʻljallangan binolarning sanitariya qoidalari, meʼyorlari va gigiyenik normativlarini ishlab chiqsin va oʻrnatilgan tartibda tasdiqlasin;
b) 2018-yil 1-dekabrga qadar:
xalq tabobati usullaridan foydalangan holda tibbiy faoliyatni amalga oshirishda ishlatiladigan asbob-uskunalar va boshqa texnik vositalar, shu jumladan tibbiy texnikaga nisbatan minimal talablarni;
Oʻzbekiston Respublikasi Adliya vazirligi bilan birgalikda Xalq tabobati usullaridan foydalangan holda tibbiy faoliyat koʻrsatish tartibi va hajmlari toʻgʻrisidagi nizomni ishlab chiqsin va oʻrnatilgan tartibda tasdiqlasin;
v) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2018-yil oxiriga qadar xalq tabobati usullaridan foydalangan holda tibbiy xizmat koʻrsatuvchi tashkilotlar va mutaxassislar, ularning ish tajribalari, xizmat koʻrsatish turlari, aloqa va boshqa maʼlumotlarni qamrab olgan yagona maʼlumotlar bazasini shakllantirishni, ommabop foydalanish uchun Oʻzbekiston Respublikasi Sogʻliqni saqlash vazirligining veb-saytiga joylashtirishni, shuningdek, ushbu turdagi tashkilotlar faoliyatini litsenziyalash amalga oshirilishi bilan bazani doimiy ravishda yangilanib borishni taʼminlasin;
g) “xalq tabobati” yoʻnalishini tibbiy faoliyat amalga oshiriladigan tibbiy ixtisosliklar turlari nomenklaturasiga kiritsin;
d) ikki oy muddatda Oʻzbekiston Respublikasining “Fuqarolarning sogʻligʻini saqlash toʻgʻrisida”gi Qonuni va boshqa normativ-huquqiy hujjatlarga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
7. Belgilansinki, mazkur qarorda nazarda tutilgan tadbirlarni amalga oshirish boʻyicha moliyalashtirish Oʻzbekiston Respublikasi Sogʻliqni saqlash vazirligining budjetdan tashqari mablagʻlari hisobidan amalga oshiriladi.
8. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston matbuot va axborot agentligi ommaviy axborot vositalarida mazkur qarorning maqsad va vazifalarini yoritish boʻyicha muntazam chiqishlar hamda mavzuli koʻrsatuv va eshittirishlarni tashkillashtirsin.
9. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidentining 2018-yil 12-oktabrdagi PQ-3968-son qaroriga ILOVA
Oʻzbekiston Respublikasida xalq tabobatini rivojlantirishning ustuvor chora-tadbirlari
T/r Chora-tadbirlar Amalga oshirish mexanizmi Ijro muddati Masʼul ijrochilar I. Normativ bazani takomillashtirish 1. Jahon sogʻliqni saqlash tashkilotining 2014 — 2023-yillarda xalq tabobati sohasi strategiyasida nazarda tutilgan, ushbu tashkilotning tavsiyalari asosida, shuningdek, ushbu yoʻnalishda rivojlangan davlatlar (Xitoy, Koreya, AQSH, Rossiya va boshqalar) tajribasi asosida tayyorlangan va Vazirlar Mahkamasi bilan kelishilgan Oʻzbekiston Respublikasida xalq tabobatini rivojlantirish boʻyicha kompleks chora-tadbirlarni ishlab chiqish va tasdiqlash, jumladan: mahalliy sogʻliqni saqlash tizimida xalq tabobatining rolini oshirish; xalq tabobati usullarini qoʻllagan holda xizmat koʻrsatuvchi xususiy tibbiyot muassasalari faoliyatini qoʻllab-quvvatlash; sogʻliqni saqlash tizimining ambulator va statsionar muassasalarida xalq tabobati usullarini qoʻllash bilan kasalliklarni davolash boʻyicha maxsus boʻlimlar tashkil etish; xalq tabobati dori vositalarini sotish bilan shugʻullanuvchi dorixonalar tizimini tashkil etish (rivojlantirish), xalq tabobati sohasida kadrlar tayyorlash; xalq tabobatini yanada ommalashtirish boʻyicha ilmiy-tadqiqot ishlarini olib borish uchun sharoit yaratish; xalq tabobatidan keng foydalaniladigan xorijiy mamlakatlar bilan faol hamkorlik qilish. Vazirlar Mahkamasi bilan kelishilgan kompleks chora-tadbirlar 2019-yil 1-fevralgacha Sogʻliqni saqlash vazirligi (A. Shodmonov) , Innovatsion sogʻliqni saqlash milliy palata (R. Izamov) , TIV (A. Kamilov) , manfaatdor vazirlik va idoralar 2. Tibbiy faoliyatni litsenziyalash uchun nazarda tutilgan tartibda xalq tabobati usullarini qoʻllash bilan koʻrsatiladigan xizmat faoliyatini litsenziyalash munosabati bilan Oʻzbekiston Respublikasi Vazirlar Mahkamasining 2017-yil 21-iyundagi 405-sonli qarori bilan tasdiqlangan Tibbiy faoliyatni litsenziyalash toʻgʻrisidagi Nizomga oʻzgartirish va qoʻshimchalar kiritish. Vazirlar Mahkamasi qarori 2018-yil 1-dekabrgacha Sogʻliqni saqlash vazirligi (A. Shodmonov) , Innovatsion sogʻliqni saqlash milliy palatasi (R. Izamov) , Adliya vazirligi (R. Davletov) 3. Xalq tabobati vositalarini reklama qilish, shuningdek, xalq tabobati usullarini qoʻllash boʻyicha faoliyatni huquqiy tartibga soluvchi qonunchilikni takomillashtirish. Oʻzbekiston Respublikasi Vazirlar Mahkamasi va Prezident Administratsiyasiga tahliliy maʼlumotnoma kiritish. Aniq takliflar bilan tahliliy maʼlumotnoma 2018-yil 1-dekabrgacha Sogʻliqni saqlash vazirligi (A. Shodmonov) , Davlat raqobat qoʻmitasi (N. Sharipov) 4. Xalq tabobati usullarini qoʻllagan holda amalga oshiriladigan xizmatlar koʻrsatuvchi shaxslarning faoliyatiga baho berish mezonlarini ishlab chiqish va tasdiqlash. Idoraviy hujjat 2018-yil 1-dekabrgacha Sogʻliqni saqlash vazirligi (A. Shodmonov) , Innovatsion sogʻliqni saqlash milliy palatasi (R. Izamov) 5. Oʻzbekiston Respublikasida xalq tabobati sohasi tartibga solinishi munosabati bilan xizmatchilarning asosiy lavozimlari va kasblar Klassifikatoriga oʻzgartirish va qoʻshimchalar kiritish. Idoraviy meʼyoriy-huquqiy hujjat 2018-yil 1-noyabrgacha Mehnat vazirligi (Sh. Kudbiyev) , Sogʻliqni saqlash vazirligi (A. Shodmonov) II. Xalq tabobatini rivojlantirish va ommalashtirishning tashkiliy choralari 6. Oʻzbekiston Respublikasi Sogʻliqni saqlash vazirligi, Innovatsion sogʻliqni saqlash milliy palatasi va boshqa idoralar, shu jumladan tibbiyot muassasalari xodimlarini Xitoy, Koreya, Yaponiya davlatlariga xalq tabobatini rivojlantirish va ragʻbatlantirish, kadrlar tayyorlash hamda dori vositalari bilan taʼminlash boʻyicha tajribasini chuqur oʻrganish uchun tanishtiruv safarini tashkil etish masalasini ishlab chiqish. Safar xarajatlari Sogʻliqni saqlash vazirligi, Innovatsion sogʻliqni saqlash milliy palatasi mablagʻlari, grantlar va qonun bilan taqiqlanmagan boshqa manbalar hisobidan qoplanadi. Tashkiliy-amaliy chora-tadbirlar 2018-yil oxirigacha Sogʻliqni saqlash vazirligi (A. Shodmonov) , Innovatsion sogʻliqni saqlash milliy palatasi (R. Izamov), Tashqi ishlar vazirligi (A. Komilov) 7. Toshkent shahrida chet el ekspertlari, Jahon sogʻliqni saqlash tashkiloti va boshqa tuzilmalar vakillari ishtirokida “Oʻzbekiston Respublikasida xalq tabobatini huquqiy tartibga solish va rivojlantirish istiqbollari” mavzusida xalqaro ilmiy-amaliy konferensiya oʻtkazish. Tashkiliy-amaliy chora-tadbirlar 2019-yil 1-fevralgacha Sogʻliqni saqlash vazirligi (A. Shodmonov) , Innovatsion sogʻliqni saqlash milliy palatasi (R. Izamov) , Tashqi ishlar vazirligi (A. Komilov), manfaatdor vazirlik va idoralar 8. Oʻzbekiston Respublikasi Sogʻliqni saqlash vazirligi huzurida Oʻzbekiston Respublikasida xalq tabobatini rivojlanlirish borasida Xalq tabobati faoliyatini tartibga solish boʻyicha malakali tabiblar, professional shifokorlar, xalq tabobati sohasida izlanishlar bilan shugʻullanuvchi shaxslar, huquqshunoslar va boshqa kasb egalaridan iborat boʻlgan Kengashni tashkil etish. Sogʻliqni saqlash vazirining buyrugʻi 2018-yil 20-oktabrgacha Sogʻliqni saqlash vazirligi (A. Shodmonov), Oliy va oʻrta maxsus taʼlimvazirligi (I. Madjidov), DBA (R. Kasimov) 9. Xalq tabobati usullarini qoʻllash bilan xizmat koʻrsatuvchilarning xizmatlarini ilgari surish, ular manfaatini himoya qilish maqsadida nodavlat notijorat tashkiloti sifatida Oʻzbekiston Xalq tabobati assotsiatsiyasi (jamiyati)ni tashkil etish masalasini muhokama qilish. Tashkiliy amaliy chora-tadbirlar 2018-yil 15-noyabrgacha OʻzNNTMA (I. Nasriyev) , Adliya vazirligi (R. Davletov), Sogʻliqni saqlash vazirligi (A. Shodmonov) , Innovatsion sogʻliqni saqlash milliy palata (R. Izamov) 10. Xalq tabobati usullarini qoʻllash bilan kasalliklarni davolash uchun tavsiya qilinadigan (ishlatiladigan), aniq nomdagi oʻsimliklar, ularni parvarish qilish va oʻstirish joyi, oʻsimliklardan foydalanish va boshqa zarur maʼlumotlarni oʻzida jamlagan milliy oʻsimlik turlari toʻgʻrisidagi maʼlumotlar bazasini yaratish. Tashkiliy-amaliy chora-tadbirlar I bosqich — 2019-yil 1-yanvargacha II bosqich — 2019-yil 1-maygacha III bosqich — 2019-yil 1-oktabrgacha Fanlar akademiyasi (B. Yuldashev), Sogʻliqni saqlash vazirligi (A. Shodmonov) 11. Xalq tabobati usullarini qoʻllash bilan kasalliklarni davolash uchun tavsiya qilinadigan tabiiy va oʻsimlik dorivor vositalari, xalq tabobati vositalari toʻgʻrisidagi maʼlumotlar bazasini yaratish, shuningdek, uni Oʻzbekiston Respublikasi Sogʻliqni saqlash vazirligining veb-saytida joylashtirish. Tashkiliy-texnik chora-tadbirlar 2019-yil 1-martgacha Sogʻliqni saqlash vazirligi (A. Shodmonov), Fanlar akademiyasi (B. Yuldashev) 12. Xalq tabobati usullarini qoʻllash orqali kasalliklarni davolash va uning targʻiboti boʻyicha Oʻzbekiston Milliy teleradiokompaniyasi tizimi markaziy telekanallarida doimiy asosda tok-shou (koʻrsatuvlar) oʻtkazishni tashkil etish. Tashkiliy-texnik chora-tadbirlar muntazam MTRK (A. Xadjayev) , Sogʻliqni saqlash vazirligi (A. Shodmonov) 13. Oʻzbek xalq tabobatining noyob merosi va boy tarixiy anʼanalarini oʻrganishni aks ettiruvchi elektron ilmiy izlanishlar roʻyxatini shakllantirish, shuningdek, ushbu roʻyxatni izlanishlar bilan birga Oʻzbekiston Respublikasi Sogʻliqni saqlash vazirligiga taqdim etish. Tashkiliy-texnik chora-tadbirlar 2018-yil 15-noyabrgacha Vazirlar Mahkamasi huzuridagi OAK (A. Yusupov) , Sogʻliqni saqlash vazirligi (A. Shodmonov)
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 12-oktabr,
PQ-3968-son
Президента Республики Узбекистан
Постановление
ПРОГРАММА
О мерах по упорядочению сферы народной медицины в Республике Узбекистан
Проводимые в последние годы масштабные реформы в системе здравоохранения способствовали расширению доступа граждан к современным медицинским услугам, лекарственным препаратам, а также повышению качества и результативности оказываемой медицинской помощи.
Важное место в лечении острых и сложных заболеваний играет народная медицина, а услуги народных целителей стали широко востребованными у различных слоев населения.
Вместе с тем, анализ состояния дел в данной сфере свидетельствует об отсутствии должного уровня контроля за оказанием услуг народной медицины, а также вызывает ряд вопросов относительно ее статуса и роли в структуре современной медицины, в частности:
первое, отсутствует нормативно-правовая база, регулирующая порядок оказания услуг народной медицины, не определены права и обязанности народных целителей, не осуществляется государственный контроль за качеством и безопасностью услуг, предлагаемых лицами, занимающимися лечением методами народной медицины;
второе, не закреплена ответственность лиц, оказывающих услуги по предоставлению медицинской помощи методами народной медицины, за причинение вреда здоровью пациентов, а также не предусмотрены гарантии защиты прав народных целителей от необоснованного вмешательства;
третье, отсутствуют порядок и механизмы регулирования взаимодействия и интеграции народной медицины с современной медициной в вопросах профилактики, диагностики и лечения заболеваний;
четвертое, отсутствует единая информационная база данных по народной медицине, включающая систематизированную информацию о специалистах по народной медицине, опыте и результатах их работы, видах оказываемых ими услуг, а также другие сведения.
В целях упорядочения деятельности по оказанию услуг народными целителями, рационального использования накопленного опыта и потенциала народной медицины, формирования нормативно-правовой базы в данной сфере, а также создания условий для эффективного и безопасного применения методов и достижений народной медицины:
1. Определить, что:
народная медицина признается дополнительным методом оказания медицинской помощи населению;
лицензирование деятельности по оказанию услуг методами народной медицины осуществляется в порядке, предусмотренном для лицензирования медицинской деятельности (за исключением требования в части наличия медицинского образования);
лица, оказывающие медицинские услуги с использованием методов народной медицины, несут ответственность за последствия своей деятельности в объеме, предусмотренном для медицинских работников в соответствии с законодательством;
требования, предъявляемые к оказанию медицинской помощи, также распространяются на лиц, занимающихся предоставлением медицинских услуг с использованием методов народной медицины;
Министерство здравоохранения Республики Узбекистан является уполномоченным органом, определяющим требования к занятию медицинской деятельностью с использованием методов народной медицины, а также порядок и объемы предоставления медицинской помощи с использованием методов народной медицины.
2. Считать основными направлениями развития народной медицины:
формирование нормативно-правовой базы, предусматривающей порядок регулирования и контроля за деятельностью в сфере народной медицины, а также определение правового статуса и ответственности лиц, занимающихся оказанием медицинских услуг с использованием методов народной медицины, за последствия своей деятельности;
создание единой информационной базы данных, включающей сведения об организациях и специалистах, оказывающих услуги с использованием методов народной медицины, опыте их работы, видах оказываемых ими услуг;
использование потенциала народной медицины путем интеграции ее многолетних наработок и подтвержденных практикой положительных достижений в современную медицину для повышения качества оказываемых медицинских услуг, а также предоставления населению возможности для осознанного выбора при получении медицинских услуг;
создание системы подготовки, переподготовки и повышения квалификации специалистов народной медицины на основе тесного сотрудничества с ведущими отечественными и зарубежными медицинскими образовательными учреждениями и центрами оздоровительных практик в области народной медицины.
3. Утвердить Программу первоочередных мер по развитию народной медицины в Республике Узбекистан согласно приложению .
Указать на персональную ответственность:
министра здравоохранения Республики Узбекистан А.К. Шадманова — за своевременное, полноценное и качественное выполнение всех мероприятий, предусмотренных указанной Программой, а также упорядочение и дальнейшее развитие народной медицины в Республике Узбекистан;
заместителя Премьер-министра Республики Узбекистан А.А. Абдухакимова — за действенную координацию работы министерств и ведомств по эффективному и надлежащему выполнению возложенных задач в соответствии с настоящим постановлением.
4. Согласиться с предложениями Министерства здравоохранения и Национальной палаты инновационного здравоохранения Республики Узбекистан о:
введении специального образовательного цикла по народной медицине в учебную программу медицинских высших образовательных учреждений республики по направлениям бакалавриата «Лечебное дело», «Педиатрическое дело», «Медико-педагогическое дело»;
создании кафедры народной медицины и курса по повышению квалификации по направлению «Народная медицина» при Ташкентском институте усовершенствования врачей;
создании при Министерстве здравоохранения Республики Узбекистан Специальной комиссии по лицензированию медицинской деятельности с использованием методов народной медицины.
Министерству здравоохранения Республики Узбекистан в недельный срок сформировать и утвердить состав Специальной комиссии.
5. Возложить на Министерство здравоохранения Республики Узбекистан в рамках развития народной медицины и государственного регулирования деятельности по оказанию услуг с использованием методов народной медицины:
организацию учебного процесса по подготовке и переподготовке специалистов по народной медицине, а также углубленных научных исследований по изучению богатых исторических традиций и уникального наследия узбекской народной медицины, организационное и методическое содействие в систематизации направлений народной медицины;
налаживание всестороннего сотрудничества с известными организациями, представляющими народную медицину других стран.
6. Министерству здравоохранения Республики Узбекистан:
а) в срок до 15 ноября 2018 года разработать и утвердить в установленном порядке:
учебную программу по народной медицине на основе требований государственных образовательных стандартов;
санитарные правила, нормы и гигиенические нормативы к помещениям, предназначенным для осуществления медицинской деятельности с использованием методов народной медицины;
б) в срок до 1 декабря 2018 года разработать и утвердить в установленном порядке:
минимальные требования к оборудованию и иным техническим средствам, в том числе медицинской технике, используемым в рамках осуществления медицинской деятельности методами народной медицины;
совместно с Министерством юстиции Республики Узбекистан Положение о порядке и объемах предоставления медицинской помощи с использованием методов народной медицины;
в) совместно с Министерством по развитию информационных технологий и коммуникаций Республики Узбекистан до конца 2018 года обеспечить формирование единой информационной базы данных, включающей сведения об организациях и специалистах, оказывающих услуги с использованием методов народной медицины, опыте их работы, видах оказываемых ими услуг, контактных данных, других сведений, размещение базы данных на веб-сайте Министерства здравоохранения Республики Узбекистан для доступного использования, а также постоянное обновление по мере лицензирования деятельности таких организаций;
г) включить в номенклатуру видов медицинских специализаций, по которым осуществляется медицинская деятельность, позицию «народная медицина»;
д) в двухмесячный срок внести в Кабинет Министров предложения по изменениям и дополнениям в Закон Республики Узбекистан «Об охране здоровья граждан» и другие нормативно-правовые акты с учетом требований настоящего постановления.
7. Определить, что финансирование мероприятий по реализации мероприятий, предусмотренных настоящим постановлением, осуществляется за счет внебюджетных средств Министерства здравоохранения Республики Узбекистан.
8. Национальному информационному агентству Узбекистана, Национальной телерадиокомпании Узбекистана, Узбекскому агентству по печати и информации регулярно организовывать в средствах массовой информации публикации и тематические передачи по освещению целей и задач настоящего постановления.
9. Контроль за исполнением настоящего постановления возложить на советника Президента Республики Узбекистан А.А. Абдувахитова, первого заместителя советника Президента Республики Узбекистан Б.М. Мавлонова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ к постановлению Президента Республики Узбекистан от 12 октября 2018 года № ПП-3968
первоочередных мер по развитию народной медицины в Республике Узбекистан
№ Мероприятия Механизм реализации Сроки исполнения Ответственные исполнители I. Совершенствование нормативной базы 1. Разработка и утверждение по согласованию с Кабинетом Министров Республики Узбекистан комплекса мер по развитию народной медицины в Республике Узбекистан, подготовленного с учетом рекомендаций Всемирной организации здравоохранения, предусмотренных в Стратегии данной организации в области народной медицины на 2014 — 2023 годы, а также опыта прогрессивных стран в указанном направлении (Китай, Корея, США, Россия и др.), направленного в том числе на: повышение роли народной медицины в системе отечественного здравоохранения; поддержку деятельности частных медицинских организаций, предоставляющих услуги с использованием методов народной медицины; создание в амбулаторных и стационарных учреждениях здравоохранения специальных отделений по лечению заболеваний с использованием методов народной медицины; создание (развитие) сети аптек, реализующих средства народной медицины; подготовку кадров в сфере народной медицины; создание условий для проведения научно-исследовательских работ по дальнейшей популяризации народной медицины; активное сотрудничество с зарубежными странами, в которых широко используется народная медицина. Комплекс мер, согласованный с Кабинетом Министров до 1 февраля 2019 года Минздрав (А. Шадманов) , Национальная палата инновационного здравоохранения (Р. Изамов) , МИД (А. Камилов) , заинтересованные министерства и ведомства 2. Внесение изменений и дополнений в Положение о порядке лицензирования медицинской деятельности, утвержденное постановлением Кабинета Министров от 21 июня 2017 года № 405, в связи с осуществлением лицензирования деятельности по оказанию услуг методами народной медицины в порядке, предусмотренном для лицензирования медицинской деятельности. Постановление Кабинета Министров до 1 декабря 2018 года Минздрав (А. Шадманов) , Национальная палата инновационного здравоохранения (Р. Изамов) , Минюст (Р. Давлетов) 3. Совершенствование законодательства о рекламе в сфере рекламирования предметов народной медицины, а также в связи с правовым регулированием деятельности по оказанию медицинских услуг методами народной медицины. Внесение аналитической справки в Кабинет Министров и Администрацию Президента Республики Узбекистан. Аналитическая справка с конкретными предложениями до 1 декабря 2018 года Минздрав (А. Шадманов) , Госкомконкуренции (Н. Шарипов) 4. Разработка и утверждение критериев оценки деятельности лиц, оказывающих услуги с использованием методов народной медицины. Ведомственный акт до 1 декабря 2018 года Минздрав (А. Шадманов) , Национальная палата инновационного здравоохранения (Р. Изамов) 5. Внесение изменений и дополнений в Классификатор основных должностей служащих и профессий с учетом упорядочения сферы народной медицины в Республике Узбекистан. Ведомственный нормативно-правовой акт до 1 ноября 2018 года Минтруд (Ш. Кудбиев) , Минздрав (А. Шадманов) II. Организационные меры по развитию и популяризации народной медицины 6. Проработка вопроса организации ознакомительной поездки работников Министерства здравоохранения, Национальной палаты инновационного здравоохранения Республики Узбекистан и других организаций, в том числе медицинских, в Китай, Корею и Японию в целях глубокого изучения их опыта в сфере развития и стимулирования народной медицины, подготовки кадров, обеспечения лекарственными средствами в данном направлении. Расходы ознакомительной поездки покрываются за счет собственных средств Министерства здравоохранения и Национальной палаты инновационного здравоохранения Республики Узбекистан, грантов и других источников, не запрещенных законодательством. Организационно-практические меры до конца 2018 года Минздрав (А. Шадманов) , Национальная палата инновационного здравоохранения (Р. Изамов), МИД (А. Камилов) 7. Проведение в г. Ташкенте международной научно-практической конференции на тему «Правовое регулирование и перспективы развития народной медицины в Республике Узбекистан» с привлечением зарубежных экспертов, представителей Всемирной организации здравоохранения в Узбекистане и других структур. Организационно-практические меры до 1 февраля 2019 года Минздрав (А. Шадманов) , Национальная палата инновационного здравоохранения (Р. Изамов), МИД (А. Камилов), заинтересованные министерства и ведомства 8. Создание Совета по развитию народной медицины в Республике Узбекистан при Министерстве здравоохранения Республики Узбекистан в целях подготовки предложений по дальнейшему упорядочению данной деятельности, включив в его состав квалифицированных народных целителей, профессиональных врачей, лиц, занимающихся исследованиями в области народной медицины, правоведов и других профессий. Приказ министра здравоохранения до 20 октября 2018 года Минздрав (А. Шадманов), Минвуз (И. Маджидов), АГУ (Р. Касимов) 9. Проработка вопроса создания Ассоциации (общества) народной медицины Узбекистана в качестве негосударственной некоммерческой организации в целях защиты и представления интересов своих членов, продвижения услуг с использованием методов народной медицины. Организационно-практические меры до 15 ноября 2018 года НАННОУз (И. Насриев) , Минюст (Р. Давлетов), Минздрав (А. Шадманов) , Национальная палата инновационного здравоохранения (Р. Изамов) 10. Создание базы данных отечественного растительного разнообразия, рекомендуемого (используемого) для лечения заболеваний с применением методов народной медицины, включающей конкретные наименования растений, места их выращивания, предназначение растений и другие необходимые сведения. Организационно-практические меры I-этап — до 1 января 2019 года II-этап — до 1 мая 2019 года III-этап — до 1 октября 2019 года Академия наук (Б. Юлдашев), Минздрав (А. Шадманов) 11. Создание информационной базы данных лекарственных средств природного и растительного происхождения, народных средств, рекомендуемых для лечения заболеваний с применением методов народной медицины, а также ее размещение на веб-сайте Министерства здравоохранения Республики Узбекистан. Организационно-технические мероприятия до 1 марта 2019 года Минздрав (А. Шадманов), Академия наук (Б. Юлдашев) 12. Организация проведения на регулярной основе ток-шоу (передачи) в центральных телеканалах системы Национальной телерадиокомпании Узбекистана по вопросам лечения заболеваний с применением методов народной медицины и ее пропаганды. Организационно-технические мероприятия постоянно НТРК (А. Хаджаев) , Минздрав (А. Шадманов) 13. Формирование электронного перечня научных исследований, посвященных изучению богатых исторических традиций и уникального наследия узбекской народной медицины, а также предоставление данного перечня с исследованиями в Министерство здравоохранения Республики Узбекистан. Организационно-технические мероприятия до 15 ноября 2018 года ВАК при Кабинете Министров (А. Юсупов) , Минздрав (А. Шадманов)
Президент Республики Узбекистан Ш. МИРЗИЁЕВ
г. Ташкент,
12 октября 2018 г.,
№ ПП-3968