📅 2018-yil 15-oktabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 15 октябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 15 октября 2018 г. · Законы и кодексы
Официальный текст. Официальный документ. Редакционные примечания не включены.
📅 15 October 2018 · Laws and codes
Official text. Official document. Editorial notes are not included.
Ўзбекистон Республикасининг Қонуни
Фуқаролар йиғини раиси (оқсоқоли) сайлови такомиллаштирилиши муносабати билан Ўзбекистон Республикасининг айрим қонун ҳужжатларига ўзгартишлар киритиш тўғрисида
Қонунчилик палатаси томонидан 2018 йил 21 сентябрда қабул қилинган Сенат томонидан 2018 йил 27 сентябрда маъқулланган
1-модда. 1992 йил 8 декабрда ўн иккинчи чақириқ Ўзбекистон Республикаси Олий Кенгашининг ўн биринчи сессиясида қабул қилинган Ўзбекистон Республикасининг Конституцияси (Ўзбекистон Республикаси Олий Кенгашининг Ахборотномаси, 1993 йил, № 1, 4-модда; 1994 йил, № 1, 5-модда; Ўзбекистон Республикаси Олий Мажлисининг Ахборотномаси, 2003 йил, № 3-4, 27-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 4, 162-модда; 2008 йил, № 12, 637-модда; 2011 йил, № 4, 100-модда, № 12/1, 343-модда; 2014 йил, № 4, 85-модда; 2017 йил, № 4, 135-модда, № 5, 201-модда, № 8, 383-модда) 105-моддасининг биринчи қисмидаги «икки ярим йил муддатга раисни (оқсоқолни) ва унинг маслаҳатчиларини» деган сўзлар «раисни (оқсоқолни)» деган сўзлар билан алмаштирилсин.
2-модда. Ўзбекистон Республикасининг 1993 йил 2 сентябрда қабул қилинган «Фуқароларнинг ўзини ўзи бошқариш органлари тўғрисида»ги 915-XII-сонли Қонунига (Ўзбекистон Республикасининг 2013 йил 22 апрелда қабул қилинган ЎРҚ-350-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2013 йил, № 4, 96-модда; 2016 йил, № 4, 125-модда, № 12, 383-модда; 2017 йил, № 9, 510-модда; 2018 йил, № 7, 431-модда) қуйидаги ўзгартишлар киритилсин:
1) 21-модданинг :
бешинчи қисмидаги «ва уларнинг маслаҳатчилари» деган сўзлар чиқариб ташлансин;
олтинчи қисмидаги «ва маҳаллалардаги» деган сўзлар чиқариб ташлансин;
2) 23-модда қуйидаги таҳрирда баён этилсин:
« 23-модда. Фуқаролар йиғинининг раисини (оқсоқолини) сайлаш
Фуқаролар йиғинининг раиси (оқсоқоли) уч йил муддатга сайланади.
Фуқаролар йиғинининг раисини (оқсоқолини) сайлаш тартиби қонунда белгиланади».
3-модда. Фуқаролар йиғини раисининг (оқсоқолининг) навбатдаги сайлови 2019 йил май ойида ўтказилсин.
Фуқаролар йиғинлари амалдаги раисларининг (оқсоқолларининг) ва улар маслаҳатчиларининг ваколатлари муддати 2019 йил май ойида фуқаролар йиғинларининг янги раислари (оқсоқоллари) сайлангунига қадар узайтирилсин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2018 йил 15 октябрь,
ЎРҚ-498-сон
Oʻzbekiston Respublikasining Qonuni
Fuqarolar yigʻini raisi (oqsoqoli) saylovi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartishlar kiritish toʻgʻrisida
Qonunchilik palatasi tomonidan 2018-yil 21-sentabrda qabul qilingan Senat tomonidan 2018-yil 27-sentabrda maʼqullangan
1-modda. 1992-yil 8-dekabrda oʻn ikkinchi chaqiriq Oʻzbekiston Respublikasi Oliy Kengashining oʻn birinchi sessiyasida qabul qilingan Oʻzbekiston Respublikasining Konstitutsiyasi (Oʻzbekiston Respublikasi Oliy Kengashining Axborotnomasi, 1993-yil, № 1, 4-modda; 1994-yil, № 1, 5-modda; Oʻzbekiston Respublikasi Oliy Majlisining Axborotnomasi, 2003-yil, № 3-4, 27-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 162-modda; 2008-yil, № 12, 637-modda; 2011-yil, № 4, 100-modda, № 12/1, 343-modda; 2014-yil, № 4, 85-modda; 2017-yil, № 4, 135-modda, № 5, 201-modda, № 8, 383-modda) 105-moddasining birinchi qismidagi “ikki yarim yil muddatga raisni (oqsoqolni) va uning maslahatchilarini” degan soʻzlar “raisni (oqsoqolni)” degan soʻzlar bilan almashtirilsin.
2-modda. Oʻzbekiston Respublikasining 1993-yil 2-sentabrda qabul qilingan “Fuqarolarning oʻzini oʻzi boshqarish organlari toʻgʻrisida”gi 915-XII-sonli Qonuniga (Oʻzbekiston Respublikasining 2013-yil 22-aprelda qabul qilingan OʻRQ-350-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 96-modda; 2016-yil, № 4, 125-modda, № 12, 383-modda; 2017-yil, № 9, 510-modda; 2018-yil, № 7, 431-modda) quyidagi oʻzgartishlar kiritilsin:
1) 21-moddaning :
beshinchi qismidagi “va ularning maslahatchilari” degan soʻzlar chiqarib tashlansin;
oltinchi qismidagi “va mahallalardagi” degan soʻzlar chiqarib tashlansin;
2) 23-modda quyidagi tahrirda bayon etilsin:
“ 23-modda. Fuqarolar yigʻinining raisini (oqsoqolini) saylash
Fuqarolar yigʻinining raisi (oqsoqoli) uch yil muddatga saylanadi.
Fuqarolar yigʻinining raisini (oqsoqolini) saylash tartibi qonunda belgilanadi”.
3-modda. Fuqarolar yigʻini raisining (oqsoqolining) navbatdagi saylovi 2019-yil may oyida oʻtkazilsin.
Fuqarolar yigʻinlari amaldagi raislarining (oqsoqollarining) va ular maslahatchilarining vakolatlari muddati 2019-yil may oyida fuqarolar yigʻinlarining yangi raislari (oqsoqollari) saylanguniga qadar uzaytirilsin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2018-yil 15-oktabr,
OʻRQ-498-son
Закон Республики Узбекистан
О внесении изменений в некоторые законодательные акты Республики Узбекистан в связи с совершенствованием выборов председателя (аксакала) схода граждан
Принят Законодательной палатой 21 сентября 2018 года Одобрен Сенатом 27 сентября 2018 года
Статья 1. В части первой статьи 105 Конституции Республики Узбекистан, принятой 8 декабря 1992 года на одиннадцатой сессии Верховного Совета Республики Узбекистан двенадцатого созыва (Ведомости Верховного Совета Республики Узбекистан, 1993 г., № 1, ст. 4; 1994 г., № 1, ст. 5; Ведомости Олий Мажлиса Республики Узбекистан, 2003 г., № 3-4, ст. 27; Ведомости палат Олий Мажлиса Республики Узбекистан, 2007 г., № 4, ст. 162; 2008 г., № 12, ст. 637; 2011 г., № 4, ст. 100, № 12/1, ст. 343; 2014 г., № 4, ст. 85; 2017 г., № 4, ст. 135, № 5, ст. 201, № 8, ст. 383) слова «на 2,5 года председателя (аксакала) и его советников» заменить словами «председателя (аксакала)».
Статья 2. Внести в Закон Республики Узбекистан от 2 сентября 1993 года № 915-ХII «Об органах самоуправления граждан» (в редакции Закона Республики Узбекистан от 22 апреля 2013 года № ЗРУ-350) (Ведомости палат Олий Мажлиса Республики Узбекистан, 2013 г., № 4, ст. 96; 2016 г., № 4, ст. 125, № 12, ст. 383; 2017 г., № 9, ст. 510; 2018 г., № 7, ст. 431) следующие изменения:
1) в статье 21 :
из части пятой слова «и их советников» исключить;
из части шестой слова «и махаллей» исключить;
2) статью 23 изложить в следующей редакции:
«Статья 23. Избрание председателя (аксакала) схода граждан
Председатель (аксакал) схода граждан избирается сроком на три года.
Порядок избрания председателя (аксакала) схода граждан определяется законом».
Статья 3. Провести очередные выборы председателя (аксакала) схода граждан в мае месяце 2019 года.
Продлить срок полномочий действующих председателей (аксакалов) сходов граждан и их советников до избрания в мае месяце 2019 года новых председателей (аксакалов) сходов граждан.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону;
обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
15 октября 2018 г.,
№ ЗРУ-498