📅 2018-yil 16-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2018 г. · Постановления Президента
Официальный текст. Официальный документ. Редакционные примечания не включены.
📅 16 October 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
Ўзбекистон Республикаси Президенти ҳузуридаги Оролбўйи халқаро инновация марказини ташкил этиш тўғрисида
Орол денгизининг қуриб қолган қисмидаги шўрланган ерларда илмий-тадқиқот ва амалий ишлар кўламини кенгайтириш, экотизимни яхшилаш ҳамда муносиб ҳаёт фаолиятини таъминлаш, тадқиқотлар ва инновацияларнинг илғор тажрибаларини жорий этиш мақсадида:
1. Ўзбекистон Республикаси Инновацион ривожланиш вазирлиги ва Ўрмон хўжалиги давлат қўмитасининг:
Ислом тараққиёт банки ва Шўрланиш шароитида биодеҳқончилик халқаро марказининг (ICBA) илмий-техник кўмагида Ўзбекистон Республикаси Президенти ҳузуридаги Оролбўйи халқаро инновация марказини (кейинги ўринларда — Халқаро инновация маркази);
Халқаро инновация маркази ҳузурида юридик шахс ташкил этмаган ҳолда Оролбўйида инновацияларни қўллаб-қувватлаш жамғармасини ташкил этиш тўғрисидаги таклифига розилик берилсин.
2. Халқаро инновация марказининг асосий вазифалари ва устувор йўналишлари этиб қуйидагилар белгилансин:
Орол денгизининг қуриб қолган қисмидаги шўрланган ерларда экотизимни яхшилаш ҳамда муносиб ҳаёт фаолиятини таъминлаш;
шўрланган тупроқли муҳитдаги турли муаммоларни ҳал этиш мақсадида халқаро ташкилотлар билан ҳамкорликда инновацияларни ишлаб чиқиш ва жорий этиш;
синовлар ўтказиш учун тажриба далаларини ташкил этиш;
инновацион технологиялар ва ёндашувларни, жумладан, агроўрмон мелиорацияси, саҳрони дарахтзорга айлантириш, сув ости экинлари, биоэнергетика, экинлар диверсификацияси, экинлар комплексини етиштириш, чорвачилик, яйловларни ривожлантириш, қурғоқчиликни бошқариш ва унинг оқибатларини юмшатиш, иқлим ўзгаришларига мослашувчанликни белгилаш, илгари суриш ва тақдим этиш;
Орол қуришининг оқибатларини бартараф этиш ва Орол денгизи ҳавзасини экологик соғломлаштириш соҳасида давлат-хусусий шерикчиликни ривожлантириш.
3. Белгилансинки:
Халқаро инновация маркази давлат муассасаси шаклидаги юридик шахс бўлиб, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ҳисоб варақларига, Ўзбекистон Республикаси тижорат банкларида миллий ва хорижий валюталарда талаб қилиб олинадиган депозит ҳисоб варақларига, Ўзбекистон Республикаси Давлат герби тасвири туширилган ва ўз номи ёзилган муҳрга эга;
Халқаро инновация маркази директори Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири томонидан лавозимга тайинланади ва лавозимидан озод этилади;
Халқаро инновация маркази ходимларига Ўзбекистон Республикаси Фанлар академияси илмий-тадқиқот муассасаларининг тегишли лавозимлар бўйича ходимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилади.
4. Ўзбекистон Республикаси Президенти ҳузуридаги Оролбўйи халқаро инновация маркази ижро аппаратининг тузилмаси иловага мувофиқ тасдиқлансин.
Ўзбекистон Республикаси Инновацион ривожланиш вазирлиги бир ой муддатда Шўрланиш шароитида биодеҳқончилик халқаро маркази (ICBA) ва Ислом тараққиёт банки вакилларини жалб этган ҳолда Ўзбекистон Республикаси Президенти ҳузуридаги Оролбўйи халқаро инновация маркази тўғрисидаги низомни ишлаб чиқсин ва тасдиқласин.
5. Оролбўйида инновацияларни қўллаб-қувватлаш жамғармаси маблағларини шакллантиришнинг асосий манбалари этиб қуйидагилар белгилансин:
Илм-фанни молиялаштириш ва инновацияларни қўллаб-қувватлаш жамғармаси маблағлари;
Шўрланиш шароитида биодеҳқончилик халқаро маркази (ICBA) томонидан ажратилган (in-kind) маблағлар;
Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги томонидан ўтказиладиган грант танловлари натижаларига кўра ажратиладиган маблағлар;
Жаҳон банки, Осиё тараққиёт банки ва Ислом тараққиёт банки томонидан лойиҳаларни молиялаштиришга ажратиладиган маблағлар;
халқаро молия институтлари ва бошқа хорижий донорларнинг грантлари;
юридик ва жисмоний шахслар, шу жумладан Ўзбекистон Республикаси резидентлари бўлмаган шахсларнинг ҳомийлик хайриялари;
қонун ҳужжатларида тақиқланмаган бошқа манбалар.
6. Белгилансинки:
а) Оролбўйида инновацияларни қўллаб-қувватлаш жамғармасининг маблағлари Халқаро инновация маркази фаолиятини молиялаштиришга йўналтирилади, шу жумладан:
Орол денгизининг қуриб қолган тубидаги шўрланган тупроқли ерларда экотизимни ва барқарор ҳаёт фаолиятини ривожлантириш, синовлар ўтказиш учун тажриба далаларини яратиш;
Орол денгизининг қуриб қолган қисмида ўрмон яратиш учун кўчатларнинг юқори унумдор уруғларини тайёрлаш;
қурғоқчиликни бошқариш ва унинг оқибатларини юмшатиш, иқлим ўзгаришларига мослаштириш, шунингдек, бу соҳада давлат-хусусий шерикчиликни ташкил этиш ва унинг имкониятларини кенгайтириш бўйича тадбирлар;
халқаро ташкилотлар билан ҳамкорлик бўйича ишларни ташкил этиш;
Халқаро инновация марказини замонавий юқори технологияли ускуналар билан жиҳозлаш, зарур сарфлаш материаллари ва бутловчи қисмлар билан таъминлаш;
Халқаро инновация марказининг жорий, моддий-техник таъминлаш ҳамда ходимларини моддий рағбатлантириш;
б) Халқаро инновация маркази фаолиятини бошланғич босқичда (2018-2019 йилларда) молиялаштириш Халқаро инновация маркази томонидан тақдим этилган асосланган ҳисоб-китобларга мувофиқ Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан қопланади.
7. Халқаро инновация маркази директорига қуйидаги ҳуқуқлар берилсин:
Халқаро инновация марказининг тузилмасига Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги билан келишилган ҳолда ривожланиш устуворлигидан келиб чиққан ҳолда бошқарув ходимларининг белгиланган умумий сони доирасида ўзгартиришлар киритиш;
зарур ҳолларда, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳамда Олий таълим, фан ва инновациялар вазирлиги ҳузуридаги Инновацион ривожланиш агентлиги билан келишилган ҳолда Халқаро инновация марказининг ижро аппарати тузилмасига Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан молиялаштириладиган қўшимча штат бирликларини киритиш;
қонун ҳужжатларида назарда тутилган бошқа қўшимча ҳақ ва устамалардан қатъи назар, Халқаро инновация марказининг бюджетдан ташқари маблағлари ҳисобидан ходимларга асосий эгаллаган лавозими бўйича лавозим маошига (тариф ставкаларига) устамалар белгилаш.
8. Ўзбекистон Республикаси Инновацион ривожланиш вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Ўрмон хўжалиги давлат қўмитасининг Нукус давлат ўрмон хўжалигига тегишли бўлган Нукус тумани, «Саманбай» қишлоқ фуқаролар йиғини манзили бўйича жойлашган лаборатория биноси ва унга туташ 4 гектар ҳудудни Халқаро инновация марказига беғараз топшириш тўғрисидаги таклифига розилик берилсин.
Қорақалпоғистон Республикаси Вазирлар Кенгаши илмий-тадқиқот ишларини амалга ошириш ва тажриба далаларини ташкил этиш учун лаборатория биносига туташ ҳудуддан Халқаро инновация марказига 20 гектар ер участкаси ажратилишини таъминласин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги белгиланган тартибда Халқаро инновация марказини зарур алоқа ва глобал Интернет тармоғига кенг полосали кириш билан таъминласин.
10. 2021 йилнинг 1 январигача бўлган муддатга:
Халқаро инновация маркази барча турдаги солиқларни тўлашдан;
Оролбўйида инновацияларни қўллаб-қувватлаш жамғармаси маблағлари ҳисобидан республикада ишлаб чиқарилмайдиган ҳамда белгиланган тартибда шакллантириладиган рўйхатлар бўйича Ўзбекистон Республикаси ҳудудига олиб келинадиган илмий-лаборатория асбоб-ускуналари, реагентлар ва сарфлаш материаллари божхона тўловларидан (божхона расмийлаштируви учун йиғимлардан ташқари) озод этилсин.
11. Ўзбекистон Республикаси Ташқи ишлар вазирлиги:
Шўрланиш шароитида биодеҳқончилик халқаро марказининг (ICBA) ваколатхонасини белгиланган тартибда аккредитациядан ўтказишни таъминласин;
Халқаро инновация марказининг буюртманомаларига асосан ушбу марказда ишлаш учун жалб этилаётган хорижий мутахассисларга кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
12. Ўзбекистон Республикаси Ички ишлар вазирлиги Халқаро инновация марказининг буюртманомаларига асосан мазкур қарорни амалга ошириш доирасида жалб қилинадиган хорижий мутахассисларга давлат божи тўлашдан озод этган ҳолда кўп марталик визалар берилиши ва узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда вақтинчалик рўйхатдан ўтказиш муддати узайтирилишини белгиланган тартибда таъминласин.
13. Ўзбекистон Республикаси Камбағалликни қисқартириш ва бандлик вазирлиги Халқаро инновация маркази буюртмаларига асосан зиммаларига юклатилган вазифаларни бажариш мақсадида хорижий мутахассисларни республикага жалб этиш учун белгиланган тартибда рухсатномалар берилишини (муддати узайтирилишини), шунингдек, хорижий фуқароларнинг Ўзбекистон Республикаси ҳудудида меҳнат фаолияти ҳуқуқига тасдиқномалар берилишини (муддати узайтирилишини) таъминласин.
14. Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги бошқа манфаатдор идоралар билан биргаликда:
Амалий йўналтирилганлик ва натижадорликка алоҳида эътибор қаратган ҳолда Халқаро инновация марказининг илмий-тадқиқот ишларини самарали мувофиқлаштиришни, уларнинг замонавий фан ва жаҳон илмий ютуқлари даражасига мувофиқлигини таъминласин;
икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
15. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги оммавий ахборот воситаларида ушбу қарорнинг мақсад ҳамда вазифаларини кенг ёритиш бўйича чиқишлар ва мавзуга оид кўрсатувларни мунтазам ташкил этиш тавсия этилсин.
16. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари С.Р. Холмурадов зиммасига юклансин.
Ўзбекистон Республикаси Президентининг 2018 йил 16 октябрдаги ПҚ-3975-сон қарорига ИЛОВА
Ўзбекистон Республикаси Президенти ҳузуридаги Оролбўйи халқаро инновация маркази ижро аппаратининг
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 октябрь,
ПҚ-3975-сон
Oʻzbekiston Respublikasi Prezidentining
Qarori
TUZILMASI
Oʻzbekiston Respublikasi Prezidenti huzuridagi Orolboʻyi xalqaro innovatsiya markazini tashkil etish toʻgʻrisida
Orol dengizining qurib qolgan qismidagi shoʻrlangan yerlarda ilmiy-tadqiqot va amaliy ishlar koʻlamini kengaytirish, ekotizimni yaxshilash hamda munosib hayot faoliyatini taʼminlash, tadqiqotlar va innovatsiyalarning ilgʻor tajribalarini joriy etish maqsadida:
1. Oʻzbekiston Respublikasi Innovatsion rivojlanish vazirligi va Oʻrmon xoʻjaligi davlat qoʻmitasining:
Islom taraqqiyot banki va Shoʻrlanish sharoitida biodehqonchilik xalqaro markazining (ICBA) ilmiy-texnik koʻmagida Oʻzbekiston Respublikasi Prezidenti huzuridagi Orolboʻyi xalqaro innovatsiya markazini (keyingi oʻrinlarda — Xalqaro innovatsiya markazi);
Xalqaro innovatsiya markazi huzurida yuridik shaxs tashkil etmagan holda Orolboʻyida innovatsiyalarni qoʻllab-quvvatlash jamgʻarmasini tashkil etish toʻgʻrisidagi taklifiga rozilik berilsin.
2. Xalqaro innovatsiya markazining asosiy vazifalari va ustuvor yoʻnalishlari etib quyidagilar belgilansin:
Orol dengizining qurib qolgan qismidagi shoʻrlangan yerlarda ekotizimni yaxshilash hamda munosib hayot faoliyatini taʼminlash;
shoʻrlangan tuproqli muhitdagi turli muammolarni hal etish maqsadida xalqaro tashkilotlar bilan hamkorlikda innovatsiyalarni ishlab chiqish va joriy etish;
sinovlar oʻtkazish uchun tajriba dalalarini tashkil etish;
innovatsion texnologiyalar va yondashuvlarni, jumladan, agrooʻrmon melioratsiyasi, sahroni daraxtzorga aylantirish, suv osti ekinlari, bioenergetika, ekinlar diversifikatsiyasi, ekinlar kompleksini yetishtirish, chorvachilik, yaylovlarni rivojlantirish, qurgʻoqchilikni boshqarish va uning oqibatlarini yumshatish, iqlim oʻzgarishlariga moslashuvchanlikni belgilash, ilgari surish va taqdim etish;
Orol qurishining oqibatlarini bartaraf etish va Orol dengizi havzasini ekologik sogʻlomlashtirish sohasida davlat-xususiy sherikchilikni rivojlantirish.
3. Belgilansinki:
Xalqaro innovatsiya markazi davlat muassasasi shaklidagi yuridik shaxs boʻlib, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy hisob varaqlariga, Oʻzbekiston Respublikasi tijorat banklarida milliy va xorijiy valyutalarda talab qilib olinadigan depozit hisob varaqlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega;
Xalqaro innovatsiya markazi direktori Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri tomonidan lavozimga tayinlanadi va lavozimidan ozod etiladi;
Xalqaro innovatsiya markazi xodimlariga Oʻzbekiston Respublikasi Fanlar akademiyasi ilmiy-tadqiqot muassasalarining tegishli lavozimlar boʻyicha xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.
4. Oʻzbekiston Respublikasi Prezidenti huzuridagi Orolboʻyi xalqaro innovatsiya markazi ijro apparatining tuzilmasi ilovaga muvofiq tasdiqlansin.
Oʻzbekiston Respublikasi Innovatsion rivojlanish vazirligi bir oy muddatda Shoʻrlanish sharoitida biodehqonchilik xalqaro markazi (ICBA) va Islom taraqqiyot banki vakillarini jalb etgan holda Oʻzbekiston Respublikasi Prezidenti huzuridagi Orolboʻyi xalqaro innovatsiya markazi toʻgʻrisidagi nizomni ishlab chiqsin va tasdiqlasin.
5. Orolboʻyida innovatsiyalarni qoʻllab-quvvatlash jamgʻarmasi mablagʻlarini shakllantirishning asosiy manbalari etib quyidagilar belgilansin:
Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari;
Shoʻrlanish sharoitida biodehqonchilik xalqaro markazi (ICBA) tomonidan ajratilgan (in-kind) mablagʻlar;
Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi tomonidan oʻtkaziladigan grant tanlovlari natijalariga koʻra ajratiladigan mablagʻlar;
Jahon banki, Osiyo taraqqiyot banki va Islom taraqqiyot banki tomonidan loyihalarni moliyalashtirishga ajratiladigan mablagʻlar;
xalqaro moliya institutlari va boshqa xorijiy donorlarning grantlari;
yuridik va jismoniy shaxslar, shu jumladan Oʻzbekiston Respublikasi rezidentlari boʻlmagan shaxslarning homiylik xayriyalari;
qonun hujjatlarida taqiqlanmagan boshqa manbalar.
6. Belgilansinki:
a) Orolboʻyida innovatsiyalarni qoʻllab-quvvatlash jamgʻarmasining mablagʻlari Xalqaro innovatsiya markazi faoliyatini moliyalashtirishga yoʻnaltiriladi, shu jumladan:
Orol dengizining qurib qolgan tubidagi shoʻrlangan tuproqli yerlarda ekotizimni va barqaror hayot faoliyatini rivojlantirish, sinovlar oʻtkazish uchun tajriba dalalarini yaratish;
Orol dengizining qurib qolgan qismida oʻrmon yaratish uchun koʻchatlarning yuqori unumdor urugʻlarini tayyorlash;
qurgʻoqchilikni boshqarish va uning oqibatlarini yumshatish, iqlim oʻzgarishlariga moslashtirish, shuningdek, bu sohada davlat-xususiy sherikchilikni tashkil etish va uning imkoniyatlarini kengaytirish boʻyicha tadbirlar;
xalqaro tashkilotlar bilan hamkorlik boʻyicha ishlarni tashkil etish;
Xalqaro innovatsiya markazini zamonaviy yuqori texnologiyali uskunalar bilan jihozlash, zarur sarflash materiallari va butlovchi qismlar bilan taʼminlash;
Xalqaro innovatsiya markazining joriy, moddiy-texnik taʼminlash hamda xodimlarini moddiy ragʻbatlantirish;
b) Xalqaro innovatsiya markazi faoliyatini boshlangʻich bosqichda (2018-2019-yillarda) moliyalashtirish Xalqaro innovatsiya markazi tomonidan taqdim etilgan asoslangan hisob-kitoblarga muvofiq Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan qoplanadi.
7. Xalqaro innovatsiya markazi direktoriga quyidagi huquqlar berilsin:
Xalqaro innovatsiya markazining tuzilmasiga Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan holda rivojlanish ustuvorligidan kelib chiqqan holda boshqaruv xodimlarining belgilangan umumiy soni doirasida oʻzgartirishlar kiritish;
zarur hollarda, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi hamda Oliy taʼlim, fan va innovatsiyalar vazirligi huzuridagi Innovatsion rivojlanish agentligi bilan kelishilgan holda Xalqaro innovatsiya markazining ijro apparati tuzilmasiga Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan moliyalashtiriladigan qoʻshimcha shtat birliklarini kiritish;
qonun hujjatlarida nazarda tutilgan boshqa qoʻshimcha haq va ustamalardan qatʼi nazar, Xalqaro innovatsiya markazining budjetdan tashqari mablagʻlari hisobidan xodimlarga asosiy egallagan lavozimi boʻyicha lavozim maoshiga (tarif stavkalariga) ustamalar belgilash.
8. Oʻzbekiston Respublikasi Innovatsion rivojlanish vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Oʻrmon xoʻjaligi davlat qoʻmitasining Nukus davlat oʻrmon xoʻjaligiga tegishli boʻlgan Nukus tumani, “Samanbay” qishloq fuqarolar yigʻini manzili boʻyicha joylashgan laboratoriya binosi va unga tutash 4 gektar hududni Xalqaro innovatsiya markaziga begʻaraz topshirish toʻgʻrisidagi taklifiga rozilik berilsin.
Qoraqalpogʻiston Respublikasi Vazirlar Kengashi ilmiy-tadqiqot ishlarini amalga oshirish va tajriba dalalarini tashkil etish uchun laboratoriya binosiga tutash hududdan Xalqaro innovatsiya markaziga 20 gektar yer uchastkasi ajratilishini taʼminlasin.
9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda Xalqaro innovatsiya markazini zarur aloqa va global Internet tarmogʻiga keng polosali kirish bilan taʼminlasin.
10. 2021-yilning 1-yanvarigacha boʻlgan muddatga:
Xalqaro innovatsiya markazi barcha turdagi soliqlarni toʻlashdan;
Orolboʻyida innovatsiyalarni qoʻllab-quvvatlash jamgʻarmasi mablagʻlari hisobidan respublikada ishlab chiqarilmaydigan hamda belgilangan tartibda shakllantiriladigan roʻyxatlar boʻyicha Oʻzbekiston Respublikasi hududiga olib kelinadigan ilmiy-laboratoriya asbob-uskunalari, reagentlar va sarflash materiallari bojxona toʻlovlaridan (bojxona rasmiylashtiruvi uchun yigʻimlardan tashqari) ozod etilsin.
11. Oʻzbekiston Respublikasi Tashqi ishlar vazirligi:
Shoʻrlanish sharoitida biodehqonchilik xalqaro markazining (ICBA) vakolatxonasini belgilangan tartibda akkreditatsiyadan oʻtkazishni taʼminlasin;
Xalqaro innovatsiya markazining buyurtmanomalariga asosan ushbu markazda ishlash uchun jalb etilayotgan xorijiy mutaxassislarga kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
12. Oʻzbekiston Respublikasi Ichki ishlar vazirligi Xalqaro innovatsiya markazining buyurtmanomalariga asosan mazkur qarorni amalga oshirish doirasida jalb qilinadigan xorijiy mutaxassislarga davlat boji toʻlashdan ozod etgan holda koʻp martalik vizalar berilishi va uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda vaqtinchalik roʻyxatdan oʻtkazish muddati uzaytirilishini belgilangan tartibda taʼminlasin.
13. Oʻzbekiston Respublikasi Kambagʻallikni qisqartirish va bandlik vazirligi Xalqaro innovatsiya markazi buyurtmalariga asosan zimmalariga yuklatilgan vazifalarni bajarish maqsadida xorijiy mutaxassislarni respublikaga jalb etish uchun belgilangan tartibda ruxsatnomalar berilishini (muddati uzaytirilishini), shuningdek, xorijiy fuqarolarning Oʻzbekiston Respublikasi hududida mehnat faoliyati huquqiga tasdiqnomalar berilishini (muddati uzaytirilishini) taʼminlasin.
14. Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi boshqa manfaatdor idoralar bilan birgalikda:
Amaliy yoʻnaltirilganlik va natijadorlikka alohida eʼtibor qaratgan holda Xalqaro innovatsiya markazining ilmiy-tadqiqot ishlarini samarali muvofiqlashtirishni, ularning zamonaviy fan va jahon ilmiy yutuqlari darajasiga muvofiqligini taʼminlasin;
ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
15. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi ommaviy axborot vositalarida ushbu qarorning maqsad hamda vazifalarini keng yoritish boʻyicha chiqishlar va mavzuga oid koʻrsatuvlarni muntazam tashkil etish tavsiya etilsin.
16. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari S.R. Xolmuradov zimmasiga yuklansin.
Oʻzbekiston Respublikasi Prezidentining 2018-yil 16-oktabrdagi PQ-3975-son qaroriga ILOVA
Oʻzbekiston Respublikasi Prezidenti huzuridagi Orolboʻyi xalqaro innovatsiya markazi ijro apparatining
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-oktabr,
PQ-3975-son
Президента Республики Узбекистан
Постановление
СТРУКТУРА
Об образовании Международного инновационного центра Приаралья при Президенте Республики Узбекистан
В целях развития научно-исследовательских и практических работ, улучшения экосистемы и устойчивой жизнедеятельности, внедрения передового опыта исследований и инноваций в засоленных землях осушенного дна Аральского моря:
1. Согласиться с предложением Министерства инновационного развития и Государственного комитета Республики Узбекистан по лесному хозяйству о создании:
Международного инновационного центра Приаралья при Президенте Республики Узбекистан (далее — Международный инновационный центр) с научно-технической поддержкой Исламского банка развития и Международного центра биоземледелия в условиях засоления (ICBA);
Фонда поддержки инноваций в Приаралье при Международном инновационном центре без образования юридического лица.
2. Определить основными задачами и приоритетными направлениями деятельности Международного инновационного центра:
улучшение экосистемы и устойчивой жизнедеятельности в засоленных землях осушенного дна Аральского моря;
организацию работ по сотрудничеству с международными организациями для разработки и внедрения инноваций и решений многообразных проблем в засоленных средах;
создание экспериментальных полей для проведения испытаний;
определение, продвижение и передачу инновационных технологий и подходов, в том числе агролесомелиорация, облесение, аквакультуры, биоэнергетика, диверсификация культур, возделывание комплексные культуры, животноводство, улучшение пастбищ, управление засухой и смягчение последствий, адаптация к изменению климата;
развитие государственно-частного партнерства в области преодоления последствий высыхания Арала и экологического оздоровления бассейна Аральского моря.
3. Установить, что:
Международный инновационный центр является юридическим лицом в форме государственного учреждения, имеет самостоятельный баланс, лицевые счета в Комитете казначейской службы при Министерстве экономики и финансов, депозитные счета до востребования в коммерческих банках Республики Узбекистан в национальной и иностранной валюте, печать с изображением Государственного герба Республики Узбекистан и своим наименованием;
директор Международного инновационного центра назначается на должность и освобождается от должности министром экологии, охраны окружающей среды и изменения климата Республики Узбекистан;
на работников Международного инновационного центра распространяются условия оплаты труда и материального стимулирования, установленные для работников по соответствующим должностям научно-исследовательских учреждений Академии наук Республики Узбекистан.
4. Утвердить структуру исполнительного аппарата Международного инновационного центра Приаралья при Президенте Республики Узбекистан согласно приложению .
Министерству инновационного развития Республики Узбекистан в месячный срок с привлечением представителей Международного центра биоземледелия в условиях засоления (ICBA) и Исламского банка развития разработать и утвердить Положение о Международном инновационном центре Приаралья при Президенте Республики Узбекистан.
5. Определить основными источниками формирования средств Фонда поддержки инноваций в Приаралье:
средства Фонда финансирования науки и поддержки инноваций;
выделенные средства (in–kind) Международного центра биоземледелия в условиях засоления (ICBA);
средства, выделяемые по результатам грантовых конкурсов, проводимых Агентством инновационного развития при Министерстве высшего образования, науки и инноваций Республики Узбекистан;
средства, выделяемые Всемирным банком, Азиатским банком развития и Исламским банком развития на финансирование проектов;
гранты международных финансовых институтов и других зарубежных доноров;
благотворительные пожертвования юридических и физических лиц, в том числе нерезидентов Республики Узбекистан;
иные источники, не запрещенные законодательством.
6. Установить, что:
а) средства Фонда поддержки инноваций в Приаралье направляются на финансирование деятельности Международного инновационного центра, в том числе на:
улучшение экосистемы и устойчивой жизнедеятельности на осушенном дне Аральского моря, создание экспериментальных полей для проведения испытаний;
заготовку семян высокопродуктивных лесных насаждений для последующего посева на осушенном дне Аральского моря;
мероприятия по управлению засухой и смягчению последствий, адаптации к изменению климата, а также на образование и увеличение потенциала государственно-частного партнерства в этой сфере;
организацию работ по сотрудничеству с международными организациями;
оснащение Международного инновационного центра современным высокотехнологичным оборудованием, обеспечение необходимыми расходными материалами и комплектующими;
текущее содержание, материально-техническое обеспечение и материальное стимулирование работников Международного инновационного центра;
б) финансирование деятельности Международного инновационного центра на начальном этапе (в 2018–2019 годах) покрывается за счет средств Фонда финансирования науки и поддержки инноваций согласно обосновывающим расчетам, представленным Международным инновационным центром.
7. Предоставить директору Международного инновационного центра право:
вносить изменения в структуру Международного инновационного центра по согласованию с Министерством экологии, охраны окружающей среды и изменения климата в пределах установленной общей численности управленческого персонала в зависимости от приоритетов развития;
при необходимости по согласованию с Министерством экологии, охраны окружающей среды и изменения климата и Агентством инновационного развития при Министерстве высшего образования, науки и инноваций вводить в структуру исполнительного аппарата Международного инновационного центра дополнительные штатные единицы, финансируемые за счет средств Фонда финансирования науки и поддержки инноваций;
устанавливать работникам надбавки к должностным окладам (тарифным ставкам) по основной занимаемой должности, вне зависимости от других доплат и надбавок, предусмотренных законодательством, за счет внебюджетных средств Международного инновационного центра.
8. Согласиться с предложением Министерства инновационного развития, Государственного комитета по содействию приватизированным предприятиям и развитию конкуренцию и Государственного комитета Республики Узбекистан по лесному хозяйству о безвозмездной передаче Международному инновационному центру здания лабораторного корпуса с прилегающей территорий 4 га, принадлежавшего Нукусскому государственному лесному хозяйству, расположенному на территории опытной станции лесного хозяйства, по адресу Нукусский район, сход граждан села «Саманбай».
Совету Министров Республики Каракалпакстан обеспечить выделение 20 га земельного участка на прилагающей территории здания лабораторного корпуса для Международного инновационного центра в целях организации экспериментальных полей и проведения научно-исследовательских работ.
9. Министерству по развитию информационных технологий и коммуникаций Республики Узбекистан в установленном порядке обеспечить Международный инновационный центр необходимой связью и широкополосным доступом к всемирной сети Интернет.
10. Освободить сроком до 1 января 2021 года:
Международный инновационный центр от уплаты всех видов налогов;
от таможенных платежей (за исключением сборов за таможенное оформление) научно-лабораторное оборудование, реагенты и расходные материалы по перечням, формируемым в установленном порядке, не производимые в республике и ввозимые на территорию Республики Узбекистан за счет средств Фонда поддержки инноваций в Приаралье.
11. Министерству иностранных дел Республики Узбекистан:
обеспечить аккредитацию представительства Международного центра биоземледелия в условиях засоления (ICBA) в установленном порядке;
по заявкам Международного инновационного центра обеспечить в установленном порядке оформление въездных виз иностранным специалистам, привлекаемых для работы в Международном инновационном центре, без взимания консульских и иных сборов.
12. Министерству внутренних дел Республики Узбекистан обеспечить по заявкам Международного инновационного центра оформление, выдачу и продление многократных виз, а также временную прописку, учет по месту пребывания и их продление иностранным специалистам, привлекаемым в рамках возложенных задач, без взимания государственной пошлины.
13. Министерству занятости и сокращения бедности Республики Узбекистан обеспечить по заявкам Международного инновационного центра выдачу (продление) разрешений на привлечение в республику иностранных специалистов для реализации возложенных на них задач, а также выдачу (продление) привлекаемым иностранным специалистам подтверждений на право трудовой деятельности на территории Республики Узбекистан.
14. Агентству инновационного развития при Министерстве высшего образования, науки и инноваций Республики Узбекистан совместно с другими заинтересованными ведомствами:
обеспечить эффективную координацию научно-исследовательских работ Международного инновационного центра, их соответствие требованиям современной науки и уровню мировых научных достижений, обратив особое внимание на усиление практической направленности и результативности;
в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций при Администрации Президента Республики Узбекистан рекомендовать на регулярной основе организовывать в средствах массовой информации публикации и тематические передачи по освещению целей и задач настоящего постановления.
16. Контроль за исполнением настоящего постановления возложить на руководителя Администрации Президента Республики Узбекистан З.Ш. Низомиддинова, советника Президента Республики Узбекистан А.А. Абдувахитова и заместителя Премьер-министра Республики Узбекистан С.Р. Холмурадова.
ПРИЛОЖЕНИЕ к постановлению Президента Республики Узбекистан от 16 октября 2018 года № ПП-3975
исполнительного аппарата Международного инновационного центра Приаралья при Президенте Республики Узбекистан
Президент Республики Узбекистан Ш. МИРЗИЁЕВ
г. Ташкент,
16 октября 2018 г.,
№ ПП-3975