📅 2018-yil 17-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 17 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 17 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
тузилмаси
Ўзбекистон Республикаси Инновацион ривожланиш вазирлиги ҳузурида Ёшлар инновация марказини ташкил этиш тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш бўйича «Фаол тадбиркорлик, инновацион ғоялар ва технологияларни қўллаб-қувватлаш йили» Давлат дастурини бажариш доирасида Фарғона водийси вилоятларининг иқтисодий, инвестицион ва тадбиркорлик салоҳиятини ривожлантириш чора-тадбирлари кўрилмоқда. Автомобилсозлик, энергетика, кимё, тўқимачилик, озиқ-овқат саноати, қурилиш материаллари саноати, аграр соҳада инновацион технологиялар қўлланиладиган лойиҳалар амалга оширилмоқда.
Ёшларнинг ижодий, интеллектуал ва тадбиркорлик салоҳиятини рўёбга чиқариш, инновацион ғоялар, лойиҳалар ва технологияларни ишлаб чиқаришга жорий қилиш, олимлар ва тадбиркорларнинг инновацион фаолиятини рағбатлантириш, илм-фан, таълим ва ишлаб чиқариш интеграциясини кучайтириш учун зарур шарт-шароитлар яратиш, Фарғона водийси вилоятларининг саноати ва иқтисодиётининг бошқа тармоқлари рақобатбардошлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Инновацион ривожланиш вазирлиги, Олий ва ўрта махсус таълим вазирлиги, Бандлик ва меҳнат муносабатлари вазирлиги, Молия вазирлиги ва Фарғона вилояти ҳокимлигининг Фарғона шаҳрида давлат унитар корхонаси шаклида Ўзбекистон Республикаси Инновацион ривожланиш вазирлиги ҳузурида Ёшлар инновация марказини (кейинги ўринларда Марказ деб аталади) ташкил этиш тўғрисидаги таклифига розилик берилсин.
2. Қуйидагилар Марказнинг асосий вазифалари этиб белгилансин:
Фарғона вилоятининг олий таълим ва илмий-тадқиқот муассасаларининг талабалари, ёш олимлари ва ўқитувчиларига инновацион лойиҳаларни ишлаб чиқиш ҳамда жорий қилиш учун замонавий илмий ва лаборатория асбоб-ускуналари, ахборот-коммуникация технология воситалари билан жиҳозланган технологик ва ишлаб чиқариш майдончаларини тақдим этиш йўли билан уларнинг интеллектуал ва ижодий салоҳиятини намоён этиш учун шарт-шароитлар яратиш;
олий таълим ва илмий муассасалар, тадбиркорлик субъектлари ва ишлаб чиқариш корхоналари ўртасида инновацион ғоялар ва лойиҳалар, маҳсулотлар ва технологияларнинг истиқболли турларини ишлаб чиқишда ўзаро манфаатли ҳамкорлик муносабатлари ривожланишини мувофиқлаштириш;
илмий ва лаборатория тадқиқотлари олиб бориш, тажриба намуналарини, саноат маҳсулотларининг прототипларини ишлаб чиқиш ва уларнинг натижаларини ишлаб чиқаришга жорий қилиш, шунингдек, инновацион фаолият натижаларининг трансфери ва тижоратлаштирилиши, стартап лойиҳаларни амалга ошириш, саноат даражасида уларни тўлақонли жорий этишда амалий ёрдам кўрсатиш йўли билан ёшлар, олимлар ва ўқитувчиларни иқтисодиёт соҳалари ва корхоналарнинг илмий-техник муаммоларини ҳал этишга жалб қилиш;
Марказ тузилмасида ташкил этиладиган коворкинг-марказда ёшлар, олимлар ва тадбиркорларга маслаҳат, молиявий, бухгалтерия хизматлари ва бошқа хизматлар, шунингдек, бизнес-акселератор хизматлари кўрсатиш, ахборот-коммуникация воситалари ва Интернет тармоғига кириш билан таъминлаш;
халқаро ва маҳаллий даражада эътироф этилган компаниялар, ташкилотлар, олимлар ва мутахассислар иштирокида инновациялар соҳасида маҳорат дарслари, тренинглар ва малака ошириш курслари, шунингдек, долзарб илмий-инновацион йўналишлар бўйича илмий-амалий конференциялар ва семинарлар, танловлар ўтказиш.
3. Ўзбекистон Республикаси Инновацион ривожланиш вазирлиги ҳузуридаги «Ёшлар инновация маркази» давлат унитар корхонасининг тузилмаси иловага мувофиқ тасдиқлансин.
Марказ директорига Ўзбекистон Республикаси Инновацион ривожланиш вазирлиги билан келишган ҳолда ходимларнинг умумий белгиланган сони ва меҳнатга ҳақ тўлаш жамғармаси доирасида Марказ тузилмасига ўзгартишлар киритиш ҳуқуқи берилсин.
Белгилансинки:
Марказ илмий ва раҳбар ходимларининг лавозим маошлари бюджет маблағлари ҳисобига Давлат илмий дастурларини амалга оширишда иштирок этувчи илмий муассасаларнинг илмий ва раҳбар ходимларининг базавий лавозим маошига, бошқа ходимларнинг лавозим маошлари эса — Ўзбекистон Республикаси Фанлар академияси илмий муассасаларининг тегишли лавозимлари учун белгиланган лавозим маошларига тенглаштирилади;
Марказ директори Инновацион ривожланиш вазири томонидан лавозимга тайинланади ва лавозимдан озод этилади.
4. Қуйидагилар Марказ фаолиятини молиялаштириш манбалари этиб белгилансин:
Инновацион ғоялар ва лойиҳаларни ишлаб чиқаришга жорий қилиш жамғармасининг маблағлари;
Марказ томонидан шартнома асосида бажарилган ишлар (товарлар, хизматлар)дан тушумлар;
Ўзбекистон Республикаси Инновацион ривожланиш вазирлиги томонидан ўтказиладиган танловлар натижалари бўйича илмий лойиҳаларни амалга оширишга ажратиладиган маблағлар;
жисмоний ва юридик шахсларнинг хайрия маблағлари, шунингдек, қонун ҳужжатларида тақиқланмаган бошқа манбалар.
5. Ўзбекистон Республикаси Инновацион ривожланиш вазирлиги уч ой муддатда Марказ Уставини ишлаб чиқсин ва тасдиқласин, шунингдек, унинг белгиланган тартибда давлат рўйхатидан ўтказилишини таъминласин.
6. Марказда юридик шахсни ташкил этмасдан Ишлаб чиқаришга инновацион ғоялар ва лойиҳаларни жорий этиш жамғармаси (кейинги ўринларда Жамғарма деб аталади) ташкил этилсин, қуйидагилар уни шакллантириш манбалари этиб белгилансин:
2018 йилда Ўзбекистон Республикасининг республика бюджетидан ажратиладиган 5 млрд. сўм миқдоридаги ва Фарғона вилояти маҳаллий бюджетининг 5 млрд. сўм миқдоридаги маблағлари;
Инновацион ривожланиш ва инновацион ғояларни қўллаб-қувватлаш жамғармасининг Кузатув кенгаши қарорлари билан белгиланадиган миқдорларда Инновацион ривожланиш ва инновацион ғояларни қўллаб-қувватлаш жамғармаси томонидан инновацион лойиҳаларни молиялаштиришга ажратиладиган маблағлар;
Андижон, Наманган ва Фарғона вилоятларидаги олий таълим муассасаларининг инновация жамғармаларига йиллик тушумларнинг 10 фоизи миқдоридаги ажратмалар;
Андижон, Наманган ва Фарғона вилоятларининг хўжалик бошқаруви органлари ва давлат корхоналарининг инновацион фаолиятини қўллаб-қувватлаш жамғармаларидан ажратиладиган маблағлар;
Марказ кўмагида яратилган инновацион маҳсулотлар ва илмий ишланмаларни тижоратлаштириш, шунингдек, Жамғарманинг вақтинча бўш маблағларини жойлаштиришдан тушган даромад;
жисмоний ва юридик шахсларнинг хайрия маблағлари, халқаро молия институтлари, халқаро ва хорижий ташкилотларнинг грантлари, шунингдек, қонун ҳужжатларида тақиқланмаган бошқа манбалар.
7. Қуйидагилар Жамғарма маблағларидан фойдаланишнинг асосий йўналишлар этиб белгилансин:
инновацион лойиҳалар ва стартапларнинг амалга оширилишини молиялаштириш, шу жумладан, техник-иқтисодий асослашни ишлаб чиқиш, асбоб-ускуна, хом ашё, бутловчи ва эҳтиёт қисмларни сотиб олиш, тажриба намуналари, саноат маҳсулотларининг прототипларини ишлаб чиқиш;
Марказни замонавий илмий ва лаборатория ускуналари, ахборот-коммуникация технологиялари воситалари билан жиҳозлаш, Марказда лаборатория тадқиқотларини ўтказиш учун лаборатория жиҳозлари, реактивлар ва бошқа сарфлаш материалларини сотиб олиш;
Марказ кутубхонасини шакллантириш ва уни халқаро ва маҳаллий илмий-техник адабиётлар билан тўлдириш, шунингдек, инновациялар соҳасида илмий-амалий конференциялар, семинарлар, танловлар ўтказиш.
8. Ўзбекистон Республикаси Инвестициялар ва ташқи савдо вазирлиги Ўзбекистон Республикаси Инновацион ривожланиш вазирлигининг буюртмалари асосида Жамғарма маблағларини шакллантириш ва Марказ фаолиятини қўллаб-қувватлаш мақсадида халқаро молия институтлари ва хорижий ҳукумат молиявий ташкилотларининг имтиёзли заёмлари, грантлари ҳамда техник кўмаклашиш воситаларини жалб қилиш масалаларини ишлаб чиқсин.
9. Фарғона шаҳар ҳокимлиги Ўзбекистон Республикаси Инновацион ривожланиш вазирлиги, Олий ва ўрта махсус таълим вазирлигининг Марказни Фарғона вилояти, Фарғона кўчаси, 84-уй (кейинги ўринларда объект деб аталади) манзили бўйича жойлашган Қиргули қурилиш-саноат касб-ҳунар коллежи биносининг бир қисмида (477,4 кв м) ижара тўловининг «ноль» ставкасида жойлаштириш тўғрисидаги таклифи қабул қилинсин.
10. Объектни реконструкция қилиш, капитал таъмирлаш ва Марказни лаборатория асбоб-ускуналари, мебель, инвентарь, компьютер ва бошқа ташкилий техника билан жиҳозлаш доирасида:
а) Фарғона вилояти ҳокимияти ҳузуридаги «Ягона буюртмачи хизмати» инжиниринг компанияси — буюртмачи;
танлов (тендер) савдолари натижалари бўйича белгиланган тартибда аниқланадиган ташкилотлар — бош лойиҳалаштирувчи ва пудратчи ташкилотлар;
б) қуйидагилар:
Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари — Марказ объектини реконструкция қилиш ва капитал таъмирлаш бўйича ишларни;
Инновацион ғоялар ва лойиҳаларни ишлаб чиқаришга жорий қилиш жамғармаси маблағлари — Марказ фаолиятини бошлаш учун уни лаборатория асбоб-ускуналари, мебель, инвентарь, компьютер ва ташкилий техника билан жиҳозлаш бўйича харажатларни молиялаштириш манбалари этиб белгилансин.
11. Ўзбекистон Республикаси Қурилиш вазирлиги объект бўйича қурилиш-монтаж ишлари бажарилиши сифати устидан белгиланган тартибда архитектура-қурилиш назоратини ўрнатсин.
Буюртмачи бош лойиҳа ташкилоти билан биргаликда лойиҳа-смета ҳужжатлари белгиланган тартибда ва муддатларда ишлаб чиқилишини, кўриб чиқилишини ва уларнинг ваколатли экспертиза органларида келишилишини таъминласин.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги Марказнинг буюртмалари бўйича унинг белгиланган тартибда юқори тезликдаги Интернет тармоғига уланишини ҳамда уни зарур телефон алоқаси билан таъминласин.
13. Ўзбекистон Миллий телерадиокомпанияси, Ўзбекистон Миллий ахборот агентлиги Фарғона, Андижон ва Наманган вилоятлари ҳокимликлари билан биргаликда ушбу қарорнинг мазмун-моҳияти ва Марказ фаолияти аҳоли ва тадбиркорлик субъектлари орасида кенг ёритилишини таъминласин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Ўзбекистон Республикаси Инновацион ривожланиш вазири И.Ю. Абдураҳмонов зиммасига юклансин.
Вазирлар Маҳкамасининг 2018 йил 17 октябрдаги 832-сон қарорига ИЛОВА
Ўзбекистон Республикаси Инновацион ривожланиш вазирлиги ҳузуридаги «Ёшлар инновация маркази» давлат унитар корхонасининг
Ўзбекистон Республикасининг Бош вазири А. АРИПОВ
Тошкент ш.,
2018 йил 17 октябрь,
832-сон
Oʻzbekiston Respublikasi Vazirlar Mahkamasining
qarori
tuzilmasi
Oʻzbekiston Respublikasi Innovatsion rivojlanish vazirligi huzurida Yoshlar innovatsiya markazini tashkil etish toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish boʻyicha “Faol tadbirkorlik, innovatsion gʻoyalar va texnologiyalarni qoʻllab-quvvatlash yili” Davlat dasturini bajarish doirasida Fargʻona vodiysi viloyatlarining iqtisodiy, investitsion va tadbirkorlik salohiyatini rivojlantirish chora-tadbirlari koʻrilmoqda. Avtomobilsozlik, energetika, kimyo, toʻqimachilik, oziq-ovqat sanoati, qurilish materiallari sanoati, agrar sohada innovatsion texnologiyalar qoʻllaniladigan loyihalar amalga oshirilmoqda.
Yoshlarning ijodiy, intellektual va tadbirkorlik salohiyatini roʻyobga chiqarish, innovatsion gʻoyalar, loyihalar va texnologiyalarni ishlab chiqarishga joriy qilish, olimlar va tadbirkorlarning innovatsion faoliyatini ragʻbatlantirish, ilm-fan, taʼlim va ishlab chiqarish integratsiyasini kuchaytirish uchun zarur shart-sharoitlar yaratish, Fargʻona vodiysi viloyatlarining sanoati va iqtisodiyotining boshqa tarmoqlari raqobatbardoshligini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Innovatsion rivojlanish vazirligi, Oliy va oʻrta maxsus taʼlim vazirligi, Bandlik va mehnat munosabatlari vazirligi, Moliya vazirligi va Fargʻona viloyati hokimligining Fargʻona shahrida davlat unitar korxonasi shaklida Oʻzbekiston Respublikasi Innovatsion rivojlanish vazirligi huzurida Yoshlar innovatsiya markazini (keyingi oʻrinlarda Markaz deb ataladi) tashkil etish toʻgʻrisidagi taklifiga rozilik berilsin.
2. Quyidagilar Markazning asosiy vazifalari etib belgilansin:
Fargʻona viloyatining oliy taʼlim va ilmiy-tadqiqot muassasalarining talabalari, yosh olimlari va oʻqituvchilariga innovatsion loyihalarni ishlab chiqish hamda joriy qilish uchun zamonaviy ilmiy va laboratoriya asbob-uskunalari, axborot-kommunikatsiya texnologiya vositalari bilan jihozlangan texnologik va ishlab chiqarish maydonchalarini taqdim etish yoʻli bilan ularning intellektual va ijodiy salohiyatini namoyon etish uchun shart-sharoitlar yaratish;
oliy taʼlim va ilmiy muassasalar, tadbirkorlik subyektlari va ishlab chiqarish korxonalari oʻrtasida innovatsion gʻoyalar va loyihalar, mahsulotlar va texnologiyalarning istiqbolli turlarini ishlab chiqishda oʻzaro manfaatli hamkorlik munosabatlari rivojlanishini muvofiqlashtirish;
ilmiy va laboratoriya tadqiqotlari olib borish, tajriba namunalarini, sanoat mahsulotlarining prototiplarini ishlab chiqish va ularning natijalarini ishlab chiqarishga joriy qilish, shuningdek, innovatsion faoliyat natijalarining transferi va tijoratlashtirilishi, startap loyihalarni amalga oshirish, sanoat darajasida ularni toʻlaqonli joriy etishda amaliy yordam koʻrsatish yoʻli bilan yoshlar, olimlar va oʻqituvchilarni iqtisodiyot sohalari va korxonalarning ilmiy-texnik muammolarini hal etishga jalb qilish;
Markaz tuzilmasida tashkil etiladigan kovorking-markazda yoshlar, olimlar va tadbirkorlarga maslahat, moliyaviy, buxgalteriya xizmatlari va boshqa xizmatlar, shuningdek, biznes-akselerator xizmatlari koʻrsatish, axborot-kommunikatsiya vositalari va Internet tarmogʻiga kirish bilan taʼminlash;
xalqaro va mahalliy darajada eʼtirof etilgan kompaniyalar, tashkilotlar, olimlar va mutaxassislar ishtirokida innovatsiyalar sohasida mahorat darslari, treninglar va malaka oshirish kurslari, shuningdek, dolzarb ilmiy-innovatsion yoʻnalishlar boʻyicha ilmiy-amaliy konferensiyalar va seminarlar, tanlovlar oʻtkazish.
3. Oʻzbekiston Respublikasi Innovatsion rivojlanish vazirligi huzuridagi “Yoshlar innovatsiya markazi” davlat unitar korxonasining tuzilmasi ilovaga muvofiq tasdiqlansin.
Markaz direktoriga Oʻzbekiston Respublikasi Innovatsion rivojlanish vazirligi bilan kelishgan holda xodimlarning umumiy belgilangan soni va mehnatga haq toʻlash jamgʻarmasi doirasida Markaz tuzilmasiga oʻzgartishlar kiritish huquqi berilsin.
Belgilansinki:
Markaz ilmiy va rahbar xodimlarining lavozim maoshlari budjet mablagʻlari hisobiga Davlat ilmiy dasturlarini amalga oshirishda ishtirok etuvchi ilmiy muassasalarning ilmiy va rahbar xodimlarining bazaviy lavozim maoshiga, boshqa xodimlarning lavozim maoshlari esa — Oʻzbekiston Respublikasi Fanlar akademiyasi ilmiy muassasalarining tegishli lavozimlari uchun belgilangan lavozim maoshlariga tenglashtiriladi;
Markaz direktori Innovatsion rivojlanish vaziri tomonidan lavozimga tayinlanadi va lavozimdan ozod etiladi.
4. Quyidagilar Markaz faoliyatini moliyalashtirish manbalari etib belgilansin:
Innovatsion gʻoyalar va loyihalarni ishlab chiqarishga joriy qilish jamgʻarmasining mablagʻlari;
Markaz tomonidan shartnoma asosida bajarilgan ishlar (tovarlar, xizmatlar)dan tushumlar;
Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ilmiy loyihalarni amalga oshirishga ajratiladigan mablagʻlar;
jismoniy va yuridik shaxslarning xayriya mablagʻlari, shuningdek, qonun hujjatlarida taqiqlanmagan boshqa manbalar.
5. Oʻzbekiston Respublikasi Innovatsion rivojlanish vazirligi uch oy muddatda Markaz Ustavini ishlab chiqsin va tasdiqlasin, shuningdek, uning belgilangan tartibda davlat roʻyxatidan oʻtkazilishini taʼminlasin.
6. Markazda yuridik shaxsni tashkil etmasdan Ishlab chiqarishga innovatsion gʻoyalar va loyihalarni joriy etish jamgʻarmasi (keyingi oʻrinlarda Jamgʻarma deb ataladi) tashkil etilsin, quyidagilar uni shakllantirish manbalari etib belgilansin:
2018-yilda Oʻzbekiston Respublikasining respublika budjetidan ajratiladigan 5 mlrd. soʻm miqdoridagi va Fargʻona viloyati mahalliy budjetining 5 mlrd. soʻm miqdoridagi mablagʻlari;
Innovatsion rivojlanish va innovatsion gʻoyalarni qoʻllab-quvvatlash jamgʻarmasining Kuzatuv kengashi qarorlari bilan belgilanadigan miqdorlarda Innovatsion rivojlanish va innovatsion gʻoyalarni qoʻllab-quvvatlash jamgʻarmasi tomonidan innovatsion loyihalarni moliyalashtirishga ajratiladigan mablagʻlar;
Andijon, Namangan va Fargʻona viloyatlaridagi oliy taʼlim muassasalarining innovatsiya jamgʻarmalariga yillik tushumlarning 10 foizi miqdoridagi ajratmalar;
Andijon, Namangan va Fargʻona viloyatlarining xoʻjalik boshqaruvi organlari va davlat korxonalarining innovatsion faoliyatini qoʻllab-quvvatlash jamgʻarmalaridan ajratiladigan mablagʻlar;
Markaz koʻmagida yaratilgan innovatsion mahsulotlar va ilmiy ishlanmalarni tijoratlashtirish, shuningdek, Jamgʻarmaning vaqtincha boʻsh mablagʻlarini joylashtirishdan tushgan daromad;
jismoniy va yuridik shaxslarning xayriya mablagʻlari, xalqaro moliya institutlari, xalqaro va xorijiy tashkilotlarning grantlari, shuningdek, qonun hujjatlarida taqiqlanmagan boshqa manbalar.
7. Quyidagilar Jamgʻarma mablagʻlaridan foydalanishning asosiy yoʻnalishlar etib belgilansin:
innovatsion loyihalar va startaplarning amalga oshirilishini moliyalashtirish, shu jumladan, texnik-iqtisodiy asoslashni ishlab chiqish, asbob-uskuna, xom ashyo, butlovchi va ehtiyot qismlarni sotib olish, tajriba namunalari, sanoat mahsulotlarining prototiplarini ishlab chiqish;
Markazni zamonaviy ilmiy va laboratoriya uskunalari, axborot-kommunikatsiya texnologiyalari vositalari bilan jihozlash, Markazda laboratoriya tadqiqotlarini oʻtkazish uchun laboratoriya jihozlari, reaktivlar va boshqa sarflash materiallarini sotib olish;
Markaz kutubxonasini shakllantirish va uni xalqaro va mahalliy ilmiy-texnik adabiyotlar bilan toʻldirish, shuningdek, innovatsiyalar sohasida ilmiy-amaliy konferensiyalar, seminarlar, tanlovlar oʻtkazish.
8. Oʻzbekiston Respublikasi Investitsiyalar va tashqi savdo vazirligi Oʻzbekiston Respublikasi Innovatsion rivojlanish vazirligining buyurtmalari asosida Jamgʻarma mablagʻlarini shakllantirish va Markaz faoliyatini qoʻllab-quvvatlash maqsadida xalqaro moliya institutlari va xorijiy hukumat moliyaviy tashkilotlarining imtiyozli zayomlari, grantlari hamda texnik koʻmaklashish vositalarini jalb qilish masalalarini ishlab chiqsin.
9. Fargʻona shahar hokimligi Oʻzbekiston Respublikasi Innovatsion rivojlanish vazirligi, Oliy va oʻrta maxsus taʼlim vazirligining Markazni Fargʻona viloyati, Fargʻona koʻchasi, 84-uy (keyingi oʻrinlarda obyekt deb ataladi) manzili boʻyicha joylashgan Qirguli qurilish-sanoat kasb-hunar kolleji binosining bir qismida (477,4 kv m) ijara toʻlovining “nol” stavkasida joylashtirish toʻgʻrisidagi taklifi qabul qilinsin.
10. Obyektni rekonstruksiya qilish, kapital taʼmirlash va Markazni laboratoriya asbob-uskunalari, mebel, inventar, kompyuter va boshqa tashkiliy texnika bilan jihozlash doirasida:
a) Fargʻona viloyati hokimiyati huzuridagi “Yagona buyurtmachi xizmati” injiniring kompaniyasi — buyurtmachi;
tanlov (tender) savdolari natijalari boʻyicha belgilangan tartibda aniqlanadigan tashkilotlar — bosh loyihalashtiruvchi va pudratchi tashkilotlar;
b) quyidagilar:
Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari — Markaz obyektini rekonstruksiya qilish va kapital taʼmirlash boʻyicha ishlarni;
Innovatsion gʻoyalar va loyihalarni ishlab chiqarishga joriy qilish jamgʻarmasi mablagʻlari — Markaz faoliyatini boshlash uchun uni laboratoriya asbob-uskunalari, mebel, inventar, kompyuter va tashkiliy texnika bilan jihozlash boʻyicha xarajatlarni moliyalashtirish manbalari etib belgilansin.
11. Oʻzbekiston Respublikasi Qurilish vazirligi obyekt boʻyicha qurilish-montaj ishlari bajarilishi sifati ustidan belgilangan tartibda arxitektura-qurilish nazoratini oʻrnatsin.
Buyurtmachi bosh loyiha tashkiloti bilan birgalikda loyiha-smeta hujjatlari belgilangan tartibda va muddatlarda ishlab chiqilishini, koʻrib chiqilishini va ularning vakolatli ekspertiza organlarida kelishilishini taʼminlasin.
12. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Markazning buyurtmalari boʻyicha uning belgilangan tartibda yuqori tezlikdagi Internet tarmogʻiga ulanishini hamda uni zarur telefon aloqasi bilan taʼminlasin.
13. Oʻzbekiston Milliy teleradiokompaniyasi, Oʻzbekiston Milliy axborot agentligi Fargʻona, Andijon va Namangan viloyatlari hokimliklari bilan birgalikda ushbu qarorning mazmun-mohiyati va Markaz faoliyati aholi va tadbirkorlik subyektlari orasida keng yoritilishini taʼminlasin.
14. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Oʻzbekiston Respublikasi Innovatsion rivojlanish vaziri I.Yu. Abdurahmonov zimmasiga yuklansin.
Vazirlar Mahkamasining 2018-yil 17-oktabrdagi 832-son qaroriga ILOVA
Oʻzbekiston Respublikasi Innovatsion rivojlanish vazirligi huzuridagi “Yoshlar innovatsiya markazi” davlat unitar korxonasining
Oʻzbekiston Respublikasining Bosh vaziri A. ARIPOV
Toshkent sh.,
2018-yil 17-oktabr,
832-son
Кабинета Министров Республики Узбекистан
Постановление
СТРУКТУРА
О создании Молодежного центра инноваций при Министерстве инновационного развития Республики Узбекистан
В рамках выполнения Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий» осуществляются меры по развитию экономического, инвестиционного и предпринимательского потенциала областей Ферганской долины. Реализуются проекты с применением инновационных технологий в сфере автомобилестроения, энергетики, химической, текстильной, пищевой промышленности, индустрии строительных материалов, аграрном секторе.
В целях создания необходимых условий для реализации творческого, интеллектуального и предпринимательского потенциала молодежи, разработки и внедрения в производство инновационных идей, проектов и технологий, стимулирования инновационной деятельности ученых и предпринимателей, усиления интеграции науки, образования и производства, повышения конкурентоспособности промышленности и других отраслей экономики областей Ферганской долины Кабинет Министров постановляет:
1. Согласиться с предложением Министерства инновационного развития, Министерства высшего и среднего специального образования, Министерства занятости и трудовых отношений, Министерства финансов Республики Узбекистан и хокимията Ферганской области о создании в г. Фергане Молодежного центра инноваций при Министерстве инновационного развития Республики Узбекистан в форме государственного унитарного предприятия (далее — Центр).
2. Определить основными задачами Центра:
создание условий для эффективной реализации интеллектуального и творческого потенциала студентов, молодых ученых и преподавателей высших образовательных и научно-исследовательских учреждений Ферганской долины путем предоставления им технологических и производственных площадок, оснащенных современным научным и лабораторным оборудованием, средствами информационно-коммуникационных технологий, для разработки и внедрения инновационных проектов;
координацию развития взаимовыгодных партнерских отношений между высшими образовательными и научными учреждениями, субъектами предпринимательства и производственными предприятиями в разработке инновационных идей и проектов, перспективных видов продукции и технологий;
привлечение молодежи, ученых и предпринимателей к решению научно-технических проблем отраслей экономики и предприятий путем проведения научных и лабораторных исследований, разработки опытных образцов, прототипов промышленных изделий и внедрения их результатов в производство, а также оказания действенной помощи в трансферте и коммерциализации результатов инновационной деятельности, реализации стартап-проектов, осуществлении полноценного их внедрения на промышленном уровне;
предоставление молодежи, ученым и предпринимателям в коворкинг-центре, создаваемом в структуре Центра, консультационных, финансовых, бухгалтерских и других востребованных услуг, а также услуг бизнес-акселератора, доступа к информационно-коммуникационным средствам и сети Интернет;
проведение мастер-классов, тренингов и курсов повышения квалификации в сфере инноваций с участием признанных на международном и отечественном уровне компаний, организаций, ученых и специалистов, а также научно-практических конференций и семинаров, конкурсов по актуальным научно-инновационным направлениям.
3. Утвердить структуру Государственного унитарного предприятия «Молодежный центр инноваций» при Министерстве инновационного развития Республики Узбекистан согласно приложению .
Предоставить право директору Центра вносить по согласованию с Министерством инновационного развития Республики Узбекистан изменения в структуру Центра в пределах общей установленной численности работников и фонда оплаты труда.
Установить, что:
должностные оклады научных и руководящих работников Центра приравниваются к размерам базовых должностных окладов научных и руководящих работников научных учреждений, участвующих в реализации государственных научных программ за счет бюджетных средств, а должностные оклады прочих работников — к должностным окладам, установленным для соответствующих должностей научных учреждений Академии наук Республики Узбекистан;
директор Центра назначается и освобождается от должности министром инновационного развития.
4. Определить источниками финансирования деятельности Центра:
средства Фонда внедрения инновационных идей и проектов в производство;
поступления от выполнения Центром работ (товаров, услуг) на договорной основе;
средства, выделяемые на реализацию научных проектов по результатам конкурсов, проводимых Министерством инновационного развития Республики Узбекистан;
благотворительные пожертвования физических и юридических лиц, а также иные источники, не запрещенные законодательством.
5. Министерству инновационного развития Республики Узбекистан в трехмесячный срок разработать и утвердить Устав Центра, а также обеспечить его государственную регистрацию в установленном порядке.
6. Создать в Центре Фонд внедрения инновационных идей и проектов в производство (далее — Фонд) без образования юридического лица, определив источниками его формирования:
выделяемые в 2018 году средства республиканского бюджета Республики Узбекистан в размере 5 млрд. сум и средства местного бюджета Ферганской области в размере 5 млрд. сум;
средства, выделяемые на финансирование инновационных проектов Фондом поддержки инновационного развития и новаторских идей в размерах, определяемых решениями Наблюдательного совета Фонда поддержки инновационного развития и новаторских идей;
отчисления в размере 10 процентов от ежегодных поступлений в инновационные фонды высших образовательных учреждений, расположенных в Андижанской, Наманганской и Ферганской областях;
средства, выделяемые из фондов поддержки инновационной деятельности органов хозяйственного управления и государственных предприятий Андижанской, Наманганской и Ферганской областей;
доходы от коммерциализации инновационных продуктов и научных разработок, созданных при содействии Центра, а также от размещения временно свободных средств Фонда;
благотворительные пожертвования физических и юридических лиц, гранты международных финансовых институтов, международных и зарубежных организаций, а также иные источники, не запрещенные законодательством.
7. Определить основными направлениями использования средств Фонда:
финансирование реализации инновационных проектов и стартапов, включая разработку технико-экономического обоснования, приобретение оборудования, сырья, комплектующих и запасных частей, производство опытных образцов, прототипов промышленных изделий;
содержание и оснащение Центра современным научным и лабораторным оборудованием, средствами информационно-коммуникационных технологий, приобретение лабораторного инвентаря, реактивов и других расходных материалов для проведения в Центре лабораторных исследований;
формирование и пополнение библиотеки Центра международной и отечественной научно-технической литературой, а также проведение научно-практических конференций, семинаров, конкурсов в сфере инноваций.
8. Министерству инвестиций и внешней торговли Республики Узбекистан на основе заявок Министерства инновационного развития Республики Узбекистан проработать вопросы привлечения льготных займов, грантов и средств технического содействия международных финансовых институтов и иностранных правительственных финансовых организаций в целях формирования средств Фонда и поддержки деятельности Центра.
9. Принять предложение хокимията города Ферганы, Министерства инновационного развития, Министерства высшего и среднего специального образования Республики Узбекистан о размещении Центра в части здания (477,4 кв.м) Киргулинского строительно-промышленного профессионального колледжа, расположенного по адресу: город Фергана, ул. Ферганская, 84 (далее — объект) по «нулевой» ставке арендной платы.
10. Определить в рамках реконструкции, капитального ремонта объекта и оснащения Центра лабораторным оборудованием, мебелью, инвентарем, компьютерной и другой оргтехникой:
а) заказчиком — инжиниринговую компанию «Ягона буюртмачи хизмати» при хокимияте Ферганской области;
генеральные проектную и подрядную организации по результатам конкурсных (тендерных) торгов в установленном порядке;
б) источниками финансирования:
работ по реконструкции и капитальному ремонту объекта Центра — средства Фонда развития высших образовательных учреждений Министерства высшего и среднего специального образования Республики Узбекистан;
расходов по оснащению Центра необходимым для начала деятельности лабораторным оборудованием, мебелью, инвентарем, компьютерной и другой оргтехникой — средства Фонда внедрения инновационных идей и проектов в производство.
11. Министерству строительства Республики Узбекистан в установленном порядке установить государственный архитектурно-строительный надзор за качеством выполнения строительно-монтажных работ по объекту.
Заказчику совместно с генеральной проектной организацией обеспечить в установленном порядке и сроки разработку проектно-сметной документации, рассмотрение и согласование ее в уполномоченных органах экспертизы.
12. Министерству по развитию информационных технологий и коммуникаций Республики Узбекистан по заявкам Центра в установленном порядке обеспечить его подключение к высокоскоростной сети Интернет, а также необходимой телефонной связью.
13. Национальной телерадиокомпании Узбекистана, Национальному информационному агентству Узбекистана совместно с хокимиятами Ферганской, Андижанской и Наманганской областей обеспечить широкое освещение содержания настоящего постановления и деятельности Центра среди населения и субъектов предпринимательства.
14. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмуродова и министра инновационного развития Республики Узбекистан И.Ю. Абдурахмонова.
ПРИЛОЖЕНИЕ к постановлению Кабинета Министров от 17 октября 2018 года № 832
Государственного унитарного предприятия «Молодежный центр инноваций» при Министерстве инновационного развития Республики Узбекистан
Премьер-министр Республики Узбекистан А. АРИПОВ
г. Ташкент,
17 октября 2018 г.,
№ 832