📅 2018-yil 20-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 20 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Вазирлар Маҳкамасининг «Архив иши бўйича меъёрий ҳужжатларни тасдиқлаш тўғрисида» 1999 йил 30 октябрдаги 482-сон қарорига қўшимча киритиш тўғрисида
Ўзбекистон Республикаси Президентининг Давлат хавфсизлиги хизматида архив ва бошқа ҳужжатларни сақлаш, жамлаш, ҳисобга олиш ва улардан фойдаланиш ишларини амалга ошириш мақсадида Вазирлар Маҳкамаси қарор қилади:
1. Вазирлар Маҳкамасининг 1999 йил 30 октябрдаги 482-сон қарори (Ўзбекистон Республикаси ҚТ, 1999 й., 10-сон, 62-модда) билан тасдиқланган Ўзбекистон Республикаси Миллий архив фонди тўғрисидаги низомга иловага қуйидаги таҳрирдаги тўққизинчи хатбоши қўшилсин:
«Ўзбекистон Республикаси Президентининг Давлат хавфсизлиги хизмати»;
тўққизинчи — ўн бешинчи хатбошилари тегишли равишда ўнинчи — ўн олтинчи хатбошилари деб ҳисоблансин.
2. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамаси ҳузуридаги «Ўзархив» агентлиги Бош директори У.Б. Аъламов зиммасига ва Ўзбекистон Республикаси Вазирлар Маҳкамасининг Электрон ҳукумат, телекоммуникация инфратузилмасини ривожлантириш ва ахборот хавфсизлигини таъминлаш масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 20 октябрь,
837-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Vazirlar Mahkamasining “Arxiv ishi boʻyicha meʼyoriy hujjatlarni tasdiqlash toʻgʻrisida” 1999-yil 30-oktabrdagi 482-son qaroriga qoʻshimcha kiritish toʻgʻrisida
Oʻzbekiston Respublikasi Prezidentining Davlat xavfsizligi xizmatida arxiv va boshqa hujjatlarni saqlash, jamlash, hisobga olish va ulardan foydalanish ishlarini amalga oshirish maqsadida Vazirlar Mahkamasi qaror qiladi:
1. Vazirlar Mahkamasining 1999-yil 30-oktabrdagi 482-son qarori (Oʻzbekiston Respublikasi QT, 1999-y., 10-son, 62-modda) bilan tasdiqlangan Oʻzbekiston Respublikasi Milliy arxiv fondi toʻgʻrisidagi nizomga ilovaga quyidagi tahrirdagi toʻqqizinchi xatboshi qoʻshilsin:
“Oʻzbekiston Respublikasi Prezidentining Davlat xavfsizligi xizmati”;
toʻqqizinchi — oʻn beshinchi xatboshilari tegishli ravishda oʻninchi — oʻn oltinchi xatboshilari deb hisoblansin.
2. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasi huzuridagi “Oʻzarxiv” agentligi Bosh direktori U.B. Aʼlamov zimmasiga va Oʻzbekiston Respublikasi Vazirlar Mahkamasining Elektron hukumat, telekommunikatsiya infratuzilmasini rivojlantirish va axborot xavfsizligini taʼminlash masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 20-oktabr,
837-son
Кабинета Министров Республики Узбекистан
Постановление
О внесении дополнения в постановление Кабинета Министров Республики Узбекистан от 30 октября 1999 г. № 482 «Об утверждении нормативных документов по архивному делу»
В целях обеспечения работ по хранению, комплектованию, учету и использованию архивных и иных документов в Государственной службе безопасности Президента Республики Узбекистан Кабинет Министров постановляет:
1. Приложение к Положению о Национальном архивном фонде Республики Узбекистан, утвержденное постановлением Кабинета Министров от 30 октября 1999 г. № 482 (СП Республики Узбекистан, 1999 г., № 10, ст. 62), дополнить абзацем девятым следующего содержания:
«Государственная служба безопасности Президента Республики Узбекистан»;
абзацы девятый — пятнадцатый считать абзацами десятым — шестнадцатым, соответственно.
2. Контроль за исполнением настоящего постановления возложить на генерального директора Агентства «Узархив» при Кабинете Министров Республики Узбекистан У.Б. Аъламова и Информационно-аналитический департамент по вопросам развития электронного правительства, телекоммуникационной инфраструктуры и обеспечения информационной безопасности Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
20 октября 2018 г.,
№ 837