📅 2018-yil 22-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Фарғона вилоятида томорқа ер эгаларини қўллаб-қувватлаш ва қишлоқ хўжалиги соҳасида илмий-амалий салоҳиятни ривожлантириш бўйича қўшимча чора-тадбирлар тўғрисида
Фарғона вилоятида томорқа ер участкаларидан самарали фойдаланиш учун қўшимча қулай шароитлар яратиш ва томорқа ер эгаларини қўллаб-қувватлаш мақсадида Вазирлар Маҳкамаси қарор қилади:
1. Фарғона вилоятининг Олтиариқ туманида томорқа ер участкаларини уйма-уй юриб ўрганиш натижаларига кўра, мева-сабзавот ва боғдорчилик-деҳқончилик маҳсулотларини етиштириш ҳажмларини кўпайтириш, қишлоқ хўжалиги маҳсулотлари етиштиришнинг инновацион шакллари ва технологияларини ўзлаштириш, хусусан, енгил конструкцияли иссиқхоналар қуриш, пакана ва ярим пакана мевали дарахтларнинг юқори ҳосил берадиган навларини экиш, йилига 2-3 маротаба ҳосил олиш имкониятини берувчи агротехнологиялардан фойдаланиш, шунингдек, парранда, балиқ, қуён, асалари ва майда шохли молларни интенсив усулда кўпайтириш орқали томорқа ер эгаларининг даромадини ошириш учун мавжуд улкан салоҳиятдан етарлича фойдаланилмаётгани маълумот учун қабул қилинсин.
2. 2018-2019 йилларда Фарғона вилоятининг Олтиариқ туманидаги томорқа ер эгаларига имтиёзли кредитлар бериш учун Фермер, деҳқон хўжаликлари ва томорқа ер эгаларини қўллаб-қувватлаш жамғармасидан мақсадли маблағлар ажратишнинг прогноз кўрсаткичлари иловага мувофиқ тасдиқлансин.
3. Ўзбекистон фермер, деҳқон хўжаликлари ва томорқа ер эгалари кенгашига:
Фарғона вилояти ҳокимлиги ва тегишли ҳудудлардаги фуқароларнинг ўзини ўзи бошқариш органлари билан биргаликда имтиёзли кредитларни маҳаллалар кесимида бериш учун манзилли дастурларнинг шакллантирилишини ва тасдиқланишини;
Фермер, деҳқон хўжаликлари ва томорқа ер эгаларини қўллаб-қувватлаш жамғармасидан тасдиқланган манзилли дастурларга мувофиқ тижорат банклари орқали кейинчалик имтиёзли кредитлар бериш учун маблағлар ажратилишини таъминлаш тавсия этилсин.
4. Фарғона вилояти ҳокимлиги Ўзбекистон фермер, деҳқон хўжаликлари ва томорқа ер эгалари кенгаши билан биргаликда манзилли дастурларни маҳаллалар кесимида тасдиқлаган ҳолда, икки ой муддатда мазкур қарорнинг 3-бандида назарда тутилган имтиёзли кредитлар бериш амалиётини Фарғона вилоятининг барча туманларида жорий этсин.
5. Ўзбекистон фермерлари кенгаши, Фарғона вилояти ҳокимлиги, Ўзбекистон Республикаси Фанлар академияси, Қишлоқ хўжалиги вазирлиги ва Хусусийлаштирилган корхоналарга кўмаклашиш ва рақобатни ривожлантириш давлат қўмитасининг академик М. Мирзаев номидаги боғдорчилик, узумчилик ва виночилик илмий тадқиқот институтининг Фарғона вилояти Қува туманида 395 гектар ер майдонида жойлашган Фарғона илмий-амалий станцияси мулкини мавжуд экинзорлар билан бирга (кейинги ўринларда объект деб аталади) Ўзбекистон фермерлари кенгаши кенгашига бепул фойдаланиш ҳуқуқи билан бериш тўғрисидаги таклифига розилик берилсин.
Ўзбекистон Республикаси Фанлар академияси, Ўзбекистон фермерлари кенгаши ва Фарғона вилояти ҳокимлиги ушбу банднинг биринчи хатбошида қайд этилган объектни бир ой муддатда белгиланган тартибда топшириш ва қабул қилишни таъминласин.
6. Ўзбекистон фермерлари кенгашининг:
мевали экинлар ва узумнинг дуплет коллекциялари ҳамда оналик боғларини сақлаб қолиш ва кенгайтиришни таъминлаган ҳолда, берилаётган мулк негизида Томорқа ер участкаларини ривожлантириш илмий-амалий марказини (кейинги ўринларда Марказ деб аталади) ташкил этиш;
2018 — 2025 йиллар Фермер, деҳқон хўжаликлари ва томорқа ер эгаларини қўллаб-қувватлаш жамғармасидан Марказ устав жамғармасини тўлдириш учун 8 млрд. сўм йўналтириш ҳамда ушбу маблағлардан инновацион технологияларни жорий этиш, замонавий иссиқхоналар ташкил қилиш, интенсив боғларни кўпайтириш ва тегишли инфратузилмани реконструкция қилиш учун мақсадли фойдаланиш тўғрисидаги таклифлари маъқуллансин.
Томорқа ер участкаларини ривожлантириш илмий-амалий маркази» МЧЖнинг устав капиталидаги Фермер хўжаликларини қўллаб-қувватлаш жамғармаси улуши номинал (баланс) қийматида Жамғарма маблағларини тижорат банкларига жойлаштириш ҳисобидан олинадиган даромадларнинг Кенгашга йўналтириладиган 30 фоиз қисми ҳисобидан Кенгашга расмийлаштириб берилади.
7. Қуйидагилар Марказнинг асосий вазифалари ва фаолият йўналишлари этиб белгилансин:
қишлоқ хўжалигини истиқболли ривожлантириш мақсадида мамлакатимиз ва жаҳон илм-фани ҳамда амалиётининг энг яхши ютуқларидан тўлиқ фойдаланишни ҳисобга олган ҳолда кўчатчилик, уруғчилик ва наслчиликни кўпайтириш, томчилатиб суғоришни жорий қилиш, муқобил энергиядан фойдаланиш, томорқа ерларида балиқ боқиш учун ҳовузлар ташкил этиш соҳасида илмий тадқиқотларни амалга ошириш;
фермер, деҳқон хўжаликлари ва томорқа ер эгаларига қишлоқ хўжалиги маҳсулотлари етиштиришни ташкил этиш ва кенгайтиришга, улар томонидан етиштирилган қишлоқ хўжалиги маҳсулотларини кейинчалик сотиш, жумладан экспорт қилишга кўмаклашиш;
томорқа ер эгаларини сифатли уруғлар ва кўчатлар билан таъминлаш;
фермер, деҳқон хўжаликлари ишчилари, томорқа ер эгалари ва қишлоқ хўжалиги соҳасининг бошқа мутахассисларини, зарур бўлганда, қишлоқ хўжалиги соҳасида юқори малакали маҳаллий ва хорижий мутахассисларни таклиф этган ҳолда қайта тайёрлаш ҳамда малакасини ошириш курсларини белгиланган тартибда ташкил қилиш;
қишлоқ хўжалиги мутахассисликлари бўйича ўқиётган талабалар учун малака ошириш ва амалиёт ўташни ташкил этишга, шунингдек, қишлоқ жойларда қишлоқ туризми ва дам олиш турларини ривожлантиришга кўмаклашиш;
қишлоқ хўжалиги ишлаб чиқариш корхоналарини ҳосилдорлиги яхшиланган ва мослаштирилган лимон, пакана ва ярим пакана мевали дарахт кўчатларини етиштириш бўйича «in vitro» лабораториясини ташкил этиш, фермер, деҳқон хўжаликлари ҳамда томорқа ер эгаларига консалтинг хизматларини кўрсатиш.
8. Ўзбекистон фермер, деҳқон хўжаликлари ва томорқа ер эгалари кенгаши Фарғона вилояти ҳокимлиги билан биргаликда бир ой муддатда:
Марказнинг таъсис ҳужжатларини белгиланган тартибда тасдиқласин ва давлат рўйхатидан ўтказсин;
Марказни малакали мутахассислар билан таъминласин.
9. «Цитрус, субтропик ва тропик ўсимлик етиштирувчилар ва экспорт қилувчилар» уюшмаси, «Картошка етиштирувчилар» уюшмаси, «Ўзпаррандасаноат» уюшмаси, «Ўзбекбалиқсаноат» уюшмаси, «Ўзбекистон асаларичилари» уюшмасига илмий-тадқиқот ишларини олиб бориш учун Марказ ҳудудида намунали иссиқхоналар, лабораториялар, ҳовузлар ва бошқа ишлаб чиқариш майдончаларини ташкил этиш тавсия этилсин.
10. Ўзбекистон Республикаси Ташқи ишлар вазирлиги илғор хорижий давлатлар тажрибасини ўрганиш мақсадида Марказга қишлоқ хўжалиги соҳасидаги юқори малакали хорижий мутахассисларни Ўзбекистонга таклиф этиш ва уларга виза бериш билан боғлиқ масалаларни ҳал этишга кўмаклашсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари З.Т. Мирзаев ва Ўзбекистон фермер, деҳқон хўжаликлари ва томорқа ер эгалари кенгаши раиси в.б. А.А. Хаитов зиммасига юклансин.
Вазирлар Маҳкамасининг 2018 йил 22 октябрдаги 846-сон қарорига ИЛОВА
2018-2019 йилларда Фарғона вилоятининг Олтиариқ туманидаги томорқа ер эгаларига кредит бериш учун Фермер, деҳқон хўжаликлари ва томорқа ер эгаларини қўллаб-қувватлаш жамғармасидан маблағ ажратишнинг прогноз параметрлари
(млн.сум) Олтиариқ туманидаги маҳаллалар сони Жами Шундан: Жумладан йўналишлар бўйича: енгил конструкциялардан фойдаланган ҳолда иссиқхоналар қуриш учун ток, яримпакана (пакана) мевали дарахтлар экиш учун парранда, қуён, асалари, балиқ, майда чорва молларини ва бошқа ҳайвонларни боқиш учун 2018 й . 2019 й . 2018 й . 2019 й . 2018 й . 2019 й . 2018 й . 2019 й . 22 2 375,6 950,2 1 425,4 360,0 540,0 105,8 158,8 484,4 726,6 21 1 825,3 730,1 1 095,2 442,0 663,0 54,3 81,5 233,8 350,7 19 1 441,4 576,6 864,8 380,0 570,0 14,6 21,8 182,0 273,0 10 1 860,6 744,2 1 116,4 434,0 651,0 94,6 142,0 215,6 323,4 72 7 502,9 3 001,2 4 501,7 1 616,0 2 424,0 269,4 404,0 1 115,8 1 673,7
Ўзбекистон Республикасининг Бош вазири А. АРИПОВ
Тошкент ш.,
2018 йил 22 октябрь,
846-сон
Oʻzbekiston Respublikasi Vazirlar Mahkamasining
qarori
Fargʻona viloyatida tomorqa yer egalarini qoʻllab-quvvatlash va qishloq xoʻjaligi sohasida ilmiy-amaliy salohiyatni rivojlantirish boʻyicha qoʻshimcha chora-tadbirlar toʻgʻrisida
Fargʻona viloyatida tomorqa yer uchastkalaridan samarali foydalanish uchun qoʻshimcha qulay sharoitlar yaratish va tomorqa yer egalarini qoʻllab-quvvatlash maqsadida Vazirlar Mahkamasi qaror qiladi:
1. Fargʻona viloyatining Oltiariq tumanida tomorqa yer uchastkalarini uyma-uy yurib oʻrganish natijalariga koʻra, meva-sabzavot va bogʻdorchilik-dehqonchilik mahsulotlarini yetishtirish hajmlarini koʻpaytirish, qishloq xoʻjaligi mahsulotlari yetishtirishning innovatsion shakllari va texnologiyalarini oʻzlashtirish, xususan, yengil konstruksiyali issiqxonalar qurish, pakana va yarim pakana mevali daraxtlarning yuqori hosil beradigan navlarini ekish, yiliga 2-3 marotaba hosil olish imkoniyatini beruvchi agrotexnologiyalardan foydalanish, shuningdek, parranda, baliq, quyon, asalari va mayda shoxli mollarni intensiv usulda koʻpaytirish orqali tomorqa yer egalarining daromadini oshirish uchun mavjud ulkan salohiyatdan yetarlicha foydalanilmayotgani maʼlumot uchun qabul qilinsin.
2. 2018-2019-yillarda Fargʻona viloyatining Oltiariq tumanidagi tomorqa yer egalariga imtiyozli kreditlar berish uchun Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan maqsadli mablagʻlar ajratishning prognoz koʻrsatkichlari ilovaga muvofiq tasdiqlansin.
3. Oʻzbekiston fermer, dehqon xoʻjaliklari va tomorqa yer egalari kengashiga:
Fargʻona viloyati hokimligi va tegishli hududlardagi fuqarolarning oʻzini oʻzi boshqarish organlari bilan birgalikda imtiyozli kreditlarni mahallalar kesimida berish uchun manzilli dasturlarning shakllantirilishini va tasdiqlanishini;
Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan tasdiqlangan manzilli dasturlarga muvofiq tijorat banklari orqali keyinchalik imtiyozli kreditlar berish uchun mablagʻlar ajratilishini taʼminlash tavsiya etilsin.
4. Fargʻona viloyati hokimligi Oʻzbekiston fermer, dehqon xoʻjaliklari va tomorqa yer egalari kengashi bilan birgalikda manzilli dasturlarni mahallalar kesimida tasdiqlagan holda, ikki oy muddatda mazkur qarorning 3-bandida nazarda tutilgan imtiyozli kreditlar berish amaliyotini Fargʻona viloyatining barcha tumanlarida joriy etsin.
5. Oʻzbekiston fermerlari kengashi, Fargʻona viloyati hokimligi, Oʻzbekiston Respublikasi Fanlar akademiyasi, Qishloq xoʻjaligi vazirligi va Xususiylashtirilgan korxonalarga koʻmaklashish va raqobatni rivojlantirish davlat qoʻmitasining akademik M. Mirzayev nomidagi bogʻdorchilik, uzumchilik va vinochilik ilmiy tadqiqot institutining Fargʻona viloyati Quva tumanida 395 gektar yer maydonida joylashgan Fargʻona ilmiy-amaliy stansiyasi mulkini mavjud ekinzorlar bilan birga (keyingi oʻrinlarda obyekt deb ataladi) Oʻzbekiston fermerlari kengashi kengashiga bepul foydalanish huquqi bilan berish toʻgʻrisidagi taklifiga rozilik berilsin.
Oʻzbekiston Respublikasi Fanlar akademiyasi, Oʻzbekiston fermerlari kengashi va Fargʻona viloyati hokimligi ushbu bandning birinchi xatboshida qayd etilgan obyektni bir oy muddatda belgilangan tartibda topshirish va qabul qilishni taʼminlasin.
6. Oʻzbekiston fermerlari kengashining:
mevali ekinlar va uzumning duplet kolleksiyalari hamda onalik bogʻlarini saqlab qolish va kengaytirishni taʼminlagan holda, berilayotgan mulk negizida Tomorqa yer uchastkalarini rivojlantirish ilmiy-amaliy markazini (keyingi oʻrinlarda Markaz deb ataladi) tashkil etish;
2018 — 2025-yillar Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan Markaz ustav jamgʻarmasini toʻldirish uchun 8 mlrd. soʻm yoʻnaltirish hamda ushbu mablagʻlardan innovatsion texnologiyalarni joriy etish, zamonaviy issiqxonalar tashkil qilish, intensiv bogʻlarni koʻpaytirish va tegishli infratuzilmani rekonstruksiya qilish uchun maqsadli foydalanish toʻgʻrisidagi takliflari maʼqullansin.
Tomorqa yer uchastkalarini rivojlantirish ilmiy-amaliy markazi” MCHJning ustav kapitalidagi Fermer xoʻjaliklarini qoʻllab-quvvatlash jamgʻarmasi ulushi nominal (balans) qiymatida Jamgʻarma mablagʻlarini tijorat banklariga joylashtirish hisobidan olinadigan daromadlarning Kengashga yoʻnaltiriladigan 30 foiz qismi hisobidan Kengashga rasmiylashtirib beriladi.
7. Quyidagilar Markazning asosiy vazifalari va faoliyat yoʻnalishlari etib belgilansin:
qishloq xoʻjaligini istiqbolli rivojlantirish maqsadida mamlakatimiz va jahon ilm-fani hamda amaliyotining eng yaxshi yutuqlaridan toʻliq foydalanishni hisobga olgan holda koʻchatchilik, urugʻchilik va naslchilikni koʻpaytirish, tomchilatib sugʻorishni joriy qilish, muqobil energiyadan foydalanish, tomorqa yerlarida baliq boqish uchun hovuzlar tashkil etish sohasida ilmiy tadqiqotlarni amalga oshirish;
fermer, dehqon xoʻjaliklari va tomorqa yer egalariga qishloq xoʻjaligi mahsulotlari yetishtirishni tashkil etish va kengaytirishga, ular tomonidan yetishtirilgan qishloq xoʻjaligi mahsulotlarini keyinchalik sotish, jumladan eksport qilishga koʻmaklashish;
tomorqa yer egalarini sifatli urugʻlar va koʻchatlar bilan taʼminlash;
fermer, dehqon xoʻjaliklari ishchilari, tomorqa yer egalari va qishloq xoʻjaligi sohasining boshqa mutaxassislarini, zarur boʻlganda, qishloq xoʻjaligi sohasida yuqori malakali mahalliy va xorijiy mutaxassislarni taklif etgan holda qayta tayyorlash hamda malakasini oshirish kurslarini belgilangan tartibda tashkil qilish;
qishloq xoʻjaligi mutaxassisliklari boʻyicha oʻqiyotgan talabalar uchun malaka oshirish va amaliyot oʻtashni tashkil etishga, shuningdek, qishloq joylarda qishloq turizmi va dam olish turlarini rivojlantirishga koʻmaklashish;
qishloq xoʻjaligi ishlab chiqarish korxonalarini hosildorligi yaxshilangan va moslashtirilgan limon, pakana va yarim pakana mevali daraxt koʻchatlarini yetishtirish boʻyicha “in vitro” laboratoriyasini tashkil etish, fermer, dehqon xoʻjaliklari hamda tomorqa yer egalariga konsalting xizmatlarini koʻrsatish.
8. Oʻzbekiston fermer, dehqon xoʻjaliklari va tomorqa yer egalari kengashi Fargʻona viloyati hokimligi bilan birgalikda bir oy muddatda:
Markazning taʼsis hujjatlarini belgilangan tartibda tasdiqlasin va davlat roʻyxatidan oʻtkazsin;
Markazni malakali mutaxassislar bilan taʼminlasin.
9. “Sitrus, subtropik va tropik oʻsimlik yetishtiruvchilar va eksport qiluvchilar” uyushmasi, “Kartoshka yetishtiruvchilar” uyushmasi, “Oʻzparrandasanoat” uyushmasi, “Oʻzbekbaliqsanoat” uyushmasi, “Oʻzbekiston asalarichilari” uyushmasiga ilmiy-tadqiqot ishlarini olib borish uchun Markaz hududida namunali issiqxonalar, laboratoriyalar, hovuzlar va boshqa ishlab chiqarish maydonchalarini tashkil etish tavsiya etilsin.
10. Oʻzbekiston Respublikasi Tashqi ishlar vazirligi ilgʻor xorijiy davlatlar tajribasini oʻrganish maqsadida Markazga qishloq xoʻjaligi sohasidagi yuqori malakali xorijiy mutaxassislarni Oʻzbekistonga taklif etish va ularga viza berish bilan bogʻliq masalalarni hal etishga koʻmaklashsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻzbekiston fermer, dehqon xoʻjaliklari va tomorqa yer egalari kengashi raisi v.b. A.A. Xaitov zimmasiga yuklansin.
Vazirlar Mahkamasining 2018-yil 22-oktabrdagi 846-son qaroriga ILOVA
2018-2019-yillarda Fargʻona viloyatining Oltiariq tumanidagi tomorqa yer egalariga kredit berish uchun Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan mablagʻ ajratishning prognoz parametrlari
(mln.sum) Oltiariq tumanidagi mahallalar soni Jami Shundan: Jumladan yoʻnalishlar boʻyicha: yengil konstruksiyalardan foydalangan holda issiqxonalar qurish uchun tok, yarimpakana (pakana) mevali daraxtlar ekish uchun parranda, quyon, asalari, baliq, mayda chorva mollarini va boshqa hayvonlarni boqish uchun 2018 y . 2019 y . 2018 y . 2019 y . 2018 y . 2019 y . 2018 y . 2019 y . 22 2 375,6 950,2 1 425,4 360,0 540,0 105,8 158,8 484,4 726,6 21 1 825,3 730,1 1 095,2 442,0 663,0 54,3 81,5 233,8 350,7 19 1 441,4 576,6 864,8 380,0 570,0 14,6 21,8 182,0 273,0 10 1 860,6 744,2 1 116,4 434,0 651,0 94,6 142,0 215,6 323,4 72 7 502,9 3 001,2 4 501,7 1 616,0 2 424,0 269,4 404,0 1 115,8 1 673,7
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-oktabr,
846-son
Кабинета Министров Республики Узбекистан
Постановление
О дополнительных мерах по поддержке владельцев приусадебных земель и развитию научно-практического потенциала в сфере сельского хозяйства в Ферганской области
В целях создания дополнительных благоприятных условий для эффективного использования приусадебных участков в Ферганской области и поддержки их владельцев Кабинет Министров постановляет:
1. Принять к сведению, что подворовый обход приусадебных участков Алтыарыкского района Ферганской области показал наличие значительного незадействованного потенциала для увеличения объемов производства плодоовощной, садово-огородной продукции и соответственно увеличения доходов владельцев приусадебных наделов путем освоения инновационных форм и технологий выращивания сельскохозяйственной продукции, в частности, строительства теплиц из легких конструкций, посадки высокоурожайных сортов карликовых и полукарликовых фруктовых деревьев, применения агротехнологий, позволяющих получать полноценный урожай 2-3 раза в год, а также внедрения интенсивных методов разведения птицы, рыбы, кроликов, пчел и мелкого рогатого скота.
2. Утвердить прогнозные параметры выделения из Фонда поддержки фермерских, дехканских хозяйств и владельцев приусадебных земель целевых средств для последующего предоставления льготных кредитов владельцам приусадебных земель Алтыарыкского района Ферганской области в 2018-2019 годах согласно приложению .
3. Рекомендовать Совету фермерских, дехканских хозяйств и владельцев приусадебных земель Узбекистана обеспечить:
совместно с хокимиятом Ферганской области и органами самоуправления граждан на соответствующих территориях — формирование и утверждение адресных программ для предоставления льготных кредитов в разрезе махаллей;
выделение из Фонда поддержки фермерских, дехканских хозяйств и владельцев приусадебных земель денежных средств для последующего предоставления через коммерческие банки льготных кредитов в соответствии с утверждаемыми адресными программами.
4. Хокимияту Ферганской области совместно с Советом фермерских, дехканских хозяйств и владельцев приусадебных земель Узбекистана в двухмесячный срок обеспечить распространение практики предоставления льготных кредитов, предусмотренных пунктом 3 настоящего постановления, на все районы Ферганской области, с утверждением адресных программ в разрезе махаллей.
5. Согласиться с предложением Совета фермеров Узбекистана, хокимията Ферганской области, Академии наук, Министерства сельского хозяйства, Государственного комитета Республики Узбекистан по содействию приватизированным предприятиям и развитию конкуренции о передаче на праве безвозмездного пользования Совету фермеров Узбекистана имущества Ферганской научно-практической станции научно-исследовательского Института садоводства, виноградарства и виноделия им. академика М. Мирзаева, включая имеющиеся насаждения, расположенные в Кувинском районе Ферганской области на земельном участке площадью 395 гектаров (далее — объект).
Академии наук Республики Узбекистан, Совету фермеров Узбекистана и хокимияту Ферганской области в месячный срок в установленном порядке обеспечить прием-передачу объекта, указанного в абзаце первом настоящего пункта.
6. Поддержать предложения Совета фермеров Узбекистана о:
создании на базе передаваемого объекта Научно-практического центра развития приусадебных земельных участков (далее — Центр) с обеспечением сохранения и расширения в дальнейшем дуплетной коллекции и маточных садов плодовых культур и винограда;
направлении в течение 2018 — 2025 годов из Фонда поддержки фермерских, дехканских хозяйств и владельцев приусадебных земель 8 млрд. сумм для пополнения уставного фонда Центра, предусмотрев целевое использование этих средств на внедрение инновационных технологий, создание современных теплиц, разведение интенсивных садов и реконструкцию сопутствующей инфраструктуры;
доля Фонда поддержки фермерских хозяйств в уставном капитале ООО «Научно-практический центр развития приусадебных земельных участков» оформляется на Совет по номинальной (балансовой) стоимости за счет части в размере 30 процентов направляемых Совету доходов, получаемых в счет размещения средств Фонда в коммерческих банках.
7. Считать основными задачами и направлениями деятельности Центра:
осуществление научных исследований в области размножения саженцев и семеноводства, племенного дела, внедрения капельного орошения, использования альтернативной энергии, создания прудов для разведения рыб в условиях приусадебных земель с учетом эффективного использования лучших достижений отечественной и мировой науки и практики в целях перспективного развития сельского хозяйства;
содействие фермерским, дехканским хозяйствам и владельцам приусадебных земель в организации и расширении производства сельскохозяйственной продукции и последующего сбыта произведенной ими продукции, в том числе на экспорт;
обеспечение владельцев приусадебных земель качественными семенами, саженцами;
организацию в установленном порядке курсов переподготовки и повышения квалификации работников фермерских, дехканских хозяйств и владельцев приусадебных земель и иных специалистов в сфере сельского хозяйства, с приглашением при необходимости высококвалифицированных отечественных и зарубежных специалистов;
содействие в организации стажировок и производственной практики для студентов, обучающихся по направлениям сельскохозяйственных специальностей, а также развитии разных видов сельского туризма и отдыха в сельской местности;
организацию производственных сельскохозяйственных предприятий, лаборатории «invitro» по выращиванию качественных саженцев лимонов, карликовых и полукарликовых фруктовых деревьев с улучшенными характеристиками урожайности и адаптации, оказание фермерским, дехканским хозяйствам и владельцам приусадебных земель консалтинговых услуг.
8. Совету фермерских, дехканских хозяйств и владельцев приусадебных земель Узбекистана совместно с хокимиятом Ферганской области в месячный срок в установленном порядке обеспечить:
утверждение учредительных документов Центра и его государственную регистрацию;
укомплектование Центра квалифицированными кадрами.
9. Рекомендовать Ассоциации производителей и экспортеров цитрусовых, субтропических и тропических растений, Ассоциации производителей картофеля Узбекистана, Ассоциации «Узпаррандасаноат», Ассоциации «Узбекбаликсаноат», Ассоциации «Узбекистон асаларичилари» оказать содействие в организации на территории Центра опытно-экспериментальных теплиц, лабораторий, прудов для разведения рыб и иных производственных площадок, предназначенных для проведения научно-исследовательских работ.
10. Министерству иностранных дел Республики Узбекистан для изучения передового опыта зарубежных стран обеспечить Центру содействие и визовую поддержку в решении вопросов, связанных с приглашением в Узбекистан ведущих высококвалифицированных зарубежных специалистов в сфере сельского хозяйства.
11. Контроль за исполнением настоящего постановления возложить на заместителя Премьер-министра Республики Узбекистан З.Т. Мирзаева и и.о. председателя Совета фермерских, дехканских хозяйств и владельцев приусадебных земель Узбекистана А.А. Хаитова.
ПРИЛОЖЕНИЕ к постановлению Кабинета Министров от 22 октября 2018 года № 846
Прогнозные параметры выделения средств из Фонда поддержки фермерских, дехканских хозяйств и владельцев приусадебных земель для предоставления кредитов владельцам приусадебных земель Алтыарыкского района Ферганской области в 2018-2019 годах
(млн.сум) Количество махаллей в Алтыарыкском районе Всего из них: в том числе по направлениям: для строительства теплиц с использованием легких конструкций для посадки виноградников и полукарликовых (карликовых) фруктовых деревьев для разведения птиц, кроликов, пчел, рыбы, мелкого рогатого скота и других 2018 г . 2019 г . 2018 г . 2019 г . 2018 г . 2019 г . 2018 г . 2019 г . 22 2 375,6 950,2 1 425,4 360,0 540,0 105,8 158,8 484,4 726,6 21 1 825,3 730,1 1 095,2 442,0 663,0 54,3 81,5 233,8 350,7 19 1 441,4 576,6 864,8 380,0 570,0 14,6 21,8 182,0 273,0 10 1 860,6 744,2 1 116,4 434,0 651,0 94,6 142,0 215,6 323,4 72 7 502,9 3 001,2 4 501,7 1 616,0 2 424,0 269,4 404,0 1 115,8 1 673,7
Премьер-министр Республики Узбекистан А. АРИПОВ
г. Ташкент,
22 октября 2018 г.,
№ 846