📅 2018-yil 22-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасида мобил қурилмаларни ҳисобга олиш тизимини тартибга солиш чора-тадбирлари тўғрисида
Республикамизнинг барча ҳудудларида мобил алоқани ривожлантириш, замонавий сервис хизматларини жорий этиш орқали интерактив давлат хизматлари ва электрон тижоратдан фойдаланиш имкониятларини яратиш, шунингдек, мамлакатимизда халқаро стандартларга мос келадиган мобил телефонлар ва мобил алоқа модулига эга қурилмаларни (кейинги ўринларда мобил қурилмалар деб аталади) кенг ишлаб чиқаришни йўлга қўйиш бўйича изчил ишлар амалга оширилмоқда.
Истеъмолчиларга сифатли мобил қурилмалардан фойдаланиш имкониятини яратиш, ички бозорни контрафакт маҳсулотларнинг олиб кирилиши ва сотилишидан ҳимоя қилиш ҳамда телекоммуникация бозорида соғлом рақобат муҳитини шакллантириш мақсадида Вазирлар Маҳкамаси қарор қилади:
1. Ўзбекистон Республикаси Ахборот технологиялари ва коммуникацияларини ривожлантириш вазирлигининг республикада мобил қурилмаларни халқаро ўзига хос идентификация кодлари асосида рўйхатга олиш бўйича қуйидагилар имконини берадиган тизимни (кейинги ўринларда Тизим деб аталади) жорий қилиш тўғрисидаги таклифига розилик берилсин:
мобил қурилмалардаги ўзига хос идентификация кодлари тўғрилигини текшириш орқали уларнинг мулкдорлари (эгалари) ҳуқуқларининг ҳимоя қилинишини таъминлаш;
мобил қурилмалардан уларнинг мулкдорларини (эгаларини) огоҳлантирмасдан ноқонуний ва рухсатсиз фойдаланишга йўл қўймаслик;
халқаро стандартларга мос келмайдиган сифатсиз мобил қурилмалар сотилишининг олдини олиш.
2. Қуйидагилар:
Ўзбекистон Республикаси Рақамли технологиялар вазирлиги — мобил қурилмаларнинг идентификация кодларини рўйхатга олиш ва қўллаш, ушбу йўналишда норматив-ҳуқуқий базани яратиш ва такомиллаштириш бўйича ваколатли орган;
«Ўзбекистон телекоммуникация тармоқларини бошқариш республика маркази» давлат унитар корхонаси — Тизим оператори (кейинги ўринларда Тизим оператори деб аталади) этиб;
Рақамли технологияларни ривожлантириш жамғармасининг маблағлари — Тизимни яратиш ва жорий этиш ишларини молиялаштириш манбаи этиб белгилансин.
3. Ўзбекистон Республикаси Ахборот технологиялари ва коммуникацияларни ривожлантириш вазирлиги:
а) 2019 йилнинг 1 апрелидан бошлаб, мобил телефонлар ва мобил алоқа модулига эга қурилмаларни халқаро ўзига хос идентификация кодлари бўйича рўйхатга олиш тизимини тўлиқ ишга тушириш имконини берадиган ҳамда келишилган ташкилий-техник ва иқтисодий механизмларни назарда тутувчи Тизимни ташкил этиш режа-жадвалини бир ҳафта муддатда ишлаб чиқсин ва тасдиқласин;
б) жамоатчилик ўртасида кенг муҳокама натижалари асосида қуйидагиларни назарда тутувчи Ҳукумат қарорининг тегишли лойиҳасини 2019 йил 1 августгача Ўзбекистон Республикаси Вазирлар Маҳкамасига киритсин:
Тизим операторининг асосий функция ва вазифаларини, вазирлик ва идоралар, телекоммуникация операторлари билан ўзаро ҳамкорлиги тартибини белгилаш;
Ўзбекистон Республикаси ҳудудида фойдаланилаётган, сотиш ёки шахсий фойдаланиш учун олиб келинадиган ва ишлаб чиқариладиган мобил қурилмаларни рўйхатга олиш тартиби ҳамда шартлари тўғрисидаги низомни тасдиқлаш;
в) 2019 йил 1 апрелгача бўлган муддатда:
мобил қурилманинг идентификация кодини Интернет тармоғи орқали онлайн режимида рўйхатга олиш ва унинг мақомини текшириш хизмати жорий этилишини;
мобил қурилмаларни рўйхатга олиш ҳамда маслаҳат хизматларини кўрсатиш бўйича ҳудудий пунктларини ташкил этишни ва уларнинг фаолият юритишини таъминласин.
4. Тизим операторига маҳсулотлар (ишлар, хизматлар) етказиб берувчилар ёки уларнинг расмий дилерлари (дистрибьюторлари) билан Тизимни жорий этиш учун зарур бўлган ускуналар, бутловчи буюмлар ва эҳтиёт қисмлар, дастурий таъминот маҳсулотлари, восита ва мосламалар, компьютер ҳамда сервер техникасини энг яхши таклифларни танлаш асосида етказиб бериш бўйича шартномалар тузишга ва кейинчалик шартномаларни «Ўзбекистон Республикаси Иқтисодиёт ва саноат вазирлиги ҳузуридаги Лойиҳаларни ва импорт контрактларини комплекс экспертиза қилиш маркази» ДУКда экспертизадан ўтказишга рухсат берилсин.
5. Тизим операторига уни ташкил этиш ва жорий этиш доирасида олиб кириладиган ускуналар, бутловчи буюмлар ва эҳтиёт қисмлар, дастурий таъминот маҳсулотлари, восита ва мосламалар, компьютер ҳамда сервер техникаси учун божхона тўловларини божхона декларацияси қабул қилинган кундан бошлаб 36 ойгача бўлиб-бўлиб тўлаш ҳуқуқи берилсин.
6. Ўзбекистон Республикаси Ахборот технологиялари ва коммуникацияларини ривожлантириш вазирлиги Тизимни ишга туширгунча Тизим операторининг Ўзбекистон Республикаси Ички ишлар вазирлиги, Давлат божхона қўмитаси, Давлат хавфсизлик хизматининг тегишли таркибий бўлинмалари ҳамда мобил алоқа тармоқларининг телекоммуникация операторлари билан ўзаро ҳамкорлиги бўйича битимлар тузилишини таъминласин.
7. Мазкур қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири Ш.М. Садиков зиммасига ва Ўзбекистон Республикаси Вазирлар Маҳкамасининг Электрон ҳукумат, телекоммуникация инфратузилмасини ривожлантириш ва ахборот хавфсизлигини таъминлаш масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 22 октябрь,
847-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasida mobil qurilmalarni hisobga olish tizimini tartibga solish chora-tadbirlari toʻgʻrisida
Respublikamizning barcha hududlarida mobil aloqani rivojlantirish, zamonaviy servis xizmatlarini joriy etish orqali interaktiv davlat xizmatlari va elektron tijoratdan foydalanish imkoniyatlarini yaratish, shuningdek, mamlakatimizda xalqaro standartlarga mos keladigan mobil telefonlar va mobil aloqa moduliga ega qurilmalarni (keyingi oʻrinlarda mobil qurilmalar deb ataladi) keng ishlab chiqarishni yoʻlga qoʻyish boʻyicha izchil ishlar amalga oshirilmoqda.
Isteʼmolchilarga sifatli mobil qurilmalardan foydalanish imkoniyatini yaratish, ichki bozorni kontrafakt mahsulotlarning olib kirilishi va sotilishidan himoya qilish hamda telekommunikatsiya bozorida sogʻlom raqobat muhitini shakllantirish maqsadida Vazirlar Mahkamasi qaror qiladi:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining respublikada mobil qurilmalarni xalqaro oʻziga xos identifikatsiya kodlari asosida roʻyxatga olish boʻyicha quyidagilar imkonini beradigan tizimni (keyingi oʻrinlarda Tizim deb ataladi) joriy qilish toʻgʻrisidagi taklifiga rozilik berilsin:
mobil qurilmalardagi oʻziga xos identifikatsiya kodlari toʻgʻriligini tekshirish orqali ularning mulkdorlari (egalari) huquqlarining himoya qilinishini taʼminlash;
mobil qurilmalardan ularning mulkdorlarini (egalarini) ogohlantirmasdan noqonuniy va ruxsatsiz foydalanishga yoʻl qoʻymaslik;
xalqaro standartlarga mos kelmaydigan sifatsiz mobil qurilmalar sotilishining oldini olish.
2. Quyidagilar:
Oʻzbekiston Respublikasi Raqamli texnologiyalar vazirligi — mobil qurilmalarning identifikatsiya kodlarini roʻyxatga olish va qoʻllash, ushbu yoʻnalishda normativ-huquqiy bazani yaratish va takomillashtirish boʻyicha vakolatli organ;
“Oʻzbekiston telekommunikatsiya tarmoqlarini boshqarish respublika markazi” davlat unitar korxonasi — Tizim operatori (keyingi oʻrinlarda Tizim operatori deb ataladi) etib;
Raqamli texnologiyalarni rivojlantirish jamgʻarmasining mablagʻlari — Tizimni yaratish va joriy etish ishlarini moliyalashtirish manbai etib belgilansin.
3. Oʻzbekiston Respublikasi Axborot texnologiyalari va kommunikatsiyalarni rivojlantirish vazirligi:
a) 2019-yilning 1-aprelidan boshlab, mobil telefonlar va mobil aloqa moduliga ega qurilmalarni xalqaro oʻziga xos identifikatsiya kodlari boʻyicha roʻyxatga olish tizimini toʻliq ishga tushirish imkonini beradigan hamda kelishilgan tashkiliy-texnik va iqtisodiy mexanizmlarni nazarda tutuvchi Tizimni tashkil etish reja-jadvalini bir hafta muddatda ishlab chiqsin va tasdiqlasin;
b) jamoatchilik oʻrtasida keng muhokama natijalari asosida quyidagilarni nazarda tutuvchi Hukumat qarorining tegishli loyihasini 2019-yil 1-avgustgacha Oʻzbekiston Respublikasi Vazirlar Mahkamasiga kiritsin:
Tizim operatorining asosiy funksiya va vazifalarini, vazirlik va idoralar, telekommunikatsiya operatorlari bilan oʻzaro hamkorligi tartibini belgilash;
Oʻzbekiston Respublikasi hududida foydalanilayotgan, sotish yoki shaxsiy foydalanish uchun olib kelinadigan va ishlab chiqariladigan mobil qurilmalarni roʻyxatga olish tartibi hamda shartlari toʻgʻrisidagi nizomni tasdiqlash;
v) 2019-yil 1-aprelgacha boʻlgan muddatda:
mobil qurilmaning identifikatsiya kodini Internet tarmogʻi orqali onlayn rejimida roʻyxatga olish va uning maqomini tekshirish xizmati joriy etilishini;
mobil qurilmalarni roʻyxatga olish hamda maslahat xizmatlarini koʻrsatish boʻyicha hududiy punktlarini tashkil etishni va ularning faoliyat yuritishini taʼminlasin.
4. Tizim operatoriga mahsulotlar (ishlar, xizmatlar) yetkazib beruvchilar yoki ularning rasmiy dilerlari (distribyutorlari) bilan Tizimni joriy etish uchun zarur boʻlgan uskunalar, butlovchi buyumlar va ehtiyot qismlar, dasturiy taʼminot mahsulotlari, vosita va moslamalar, kompyuter hamda server texnikasini eng yaxshi takliflarni tanlash asosida yetkazib berish boʻyicha shartnomalar tuzishga va keyinchalik shartnomalarni “Oʻzbekiston Respublikasi Iqtisodiyot va sanoat vazirligi huzuridagi Loyihalarni va import kontraktlarini kompleks ekspertiza qilish markazi” DUKda ekspertizadan oʻtkazishga ruxsat berilsin.
5. Tizim operatoriga uni tashkil etish va joriy etish doirasida olib kiriladigan uskunalar, butlovchi buyumlar va ehtiyot qismlar, dasturiy taʼminot mahsulotlari, vosita va moslamalar, kompyuter hamda server texnikasi uchun bojxona toʻlovlarini bojxona deklaratsiyasi qabul qilingan kundan boshlab 36 oygacha boʻlib-boʻlib toʻlash huquqi berilsin.
6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Tizimni ishga tushirguncha Tizim operatorining Oʻzbekiston Respublikasi Ichki ishlar vazirligi, Davlat bojxona qoʻmitasi, Davlat xavfsizlik xizmatining tegishli tarkibiy boʻlinmalari hamda mobil aloqa tarmoqlarining telekommunikatsiya operatorlari bilan oʻzaro hamkorligi boʻyicha bitimlar tuzilishini taʼminlasin.
7. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Sh.M. Sadikov zimmasiga va Oʻzbekiston Respublikasi Vazirlar Mahkamasining Elektron hukumat, telekommunikatsiya infratuzilmasini rivojlantirish va axborot xavfsizligini taʼminlash masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-oktabr,
847-son
Кабинета Министров Республики Узбекистан
Постановление
О мерах по упорядочению системы учета мобильных устройств в Республике Узбекистан
В стране проводится последовательная работа по развитию мобильной связи во всех регионах республики, расширению возможности использования интерактивных государственных услуг и электронной коммерции путем внедрения современных сервисов, а также налаживанию серийного производства отечественных мобильных телефонов и устройств с модулем мобильной связи (далее — мобильные устройства) в соответствии с международными стандартами.
В целях предоставления потребителям возможности использования качественных мобильных устройств, защиты внутреннего рынка от ввоза и реализации контрафактной продукции и формирования здоровой конкурентной среды на рынке телекоммуникаций Кабинет Министров постановляет:
1. Согласиться с предложением Министерства по развитию информационных технологий и коммуникаций Республики Узбекистан о внедрении в республике системы регистрации мобильных устройств по международным уникальным идентификационным кодам (далее — Система), позволяющей:
обеспечивать защиту прав собственников (владельцев) мобильных устройств путем проверки корректности их уникальных идентификационных кодов;
воспрепятствовать незаконному и несанкционированному использованию мобильных устройств без ведома их собственников (владельцев);
предотвратить реализацию некачественных мобильных устройств, не соответствующих международным стандартам.
2. Определить:
Министерство цифровых технологий Республики Узбекистан — уполномоченным органом в сфере регистрации и использования идентификационных кодов мобильных устройств, создания и усовершенствования нормативно-правовой базы в данном направлении;
Государственное унитарное предприятие «Республиканский центр управления сетями телекоммуникаций Узбекистана» — оператором Системы (далее — оператор Системы);
средства Фонда развития информационно-коммуникационных технологий – источниками финансирования работ по созданию и внедрению Системы.
3. Министерству по развитию информационных технологий и коммуникаций Республики Узбекистан:
а) в недельный срок разработать и утвердить план-график создания Системы, предусмотрев в нем согласованные организационно-технические и экономические механизмы, позволяющие полноценно запустить систему регистрации мобильных телефонов и устройств с модулем мобильной связи по международным уникальным идентификационным кодам с 1 апреля 2019 года;
б) до 1 августа 2019 года на основе результатов широкого обсуждения среди общественности внести в Кабинет Министров Республики Узбекистан соответствующий проект решения Правительства, предусматривающий:
определение основных функций и обязанностей оператора Системы, порядка взаимодействия с министерствами и ведомствами, операторами телекоммуникаций;
утверждение положения о порядке и условиях регистрации используемых, ввозимых и производимых для реализации или личного пользования на территории Республики Узбекистан мобильных устройств;
в) в срок до 1 апреля 2019 года обеспечить:
внедрение услуги по регистрации и проверке статуса идентификационного кода мобильного устройства в онлайн-режиме через сеть Интернет;
организацию и функционирование региональных пунктов по регистрации мобильных устройств и предоставлению консультативных услуг.
4. Разрешить оператору Системы заключать с поставщиками товаров (работ, услуг) или их официальными дилерами (дистрибьюторами) контракты на поставку оборудования, комплектующих изделий и запасных частей, программного обеспечения, инструментов и приборов, компьютерной и серверной техники, необходимых для внедрения Системы, на основе отбора наилучших предложений, с последующим проведением экспертизы контрактов в ГУП «Центр комплексной экспертизы проектов и импортных контрактов при Министерстве экономики и промышленности Республики Узбекистан».
5. Предоставить оператору Системы в рамках ее создания и внедрения право осуществлять уплату таможенных платежей за ввозимое оборудование, комплектующие изделия и запасные части, программное обеспечение, инструменты и приборы, компьютерную и серверную технику с рассрочкой до 36 месяцев со дня принятия таможенной декларации.
6. Министерству по развитию информационных технологий и коммуникаций Республики Узбекистан обеспечить до запуска Системы заключение соглашений по взаимодействию оператора Системы с соответствующими подразделениями Министерства внутренних дел, Государственного таможенного комитета, Службы государственной безопасности Республики Узбекистан и операторами телекоммуникаций сетей мобильной связи.
7. Контроль за исполнением настоящего постановления возложить на министра по развитию информационных технологий и коммуникаций Республики Узбекистан Ш.М. Садикова и Информационно-аналитический департамент по вопросам развития электронного правительства, телекоммуникационной инфраструктуры и обеспечения информационной безопасности Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
22 октября 2018 г.,
№ 847