📅 2018-yil 23-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 23 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 23 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ҚЎШИМЧАЛАР
Ўзбекистон Республикаси Адлия вазирлигининг юридик техникумларида ўқишни ташкил қилиш чоралари тўғрисида
Ўзбекистон Республикаси Президентининг «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида» 2018 йил 13 апрелдаги ПҚ-3666-сон қарори ижросини таъминлаш ҳамда давлат ва хўжалик бошқаруви органларида талаб юқори бўлган тор доирадаги ва ихтисосли мутахассисликлар бўйича юридик кадрлар тайёрлаш тизимини яратиш, шунингдек, касбий юридик таълим сифатини ошириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида» 2018 йил 13 апрелдаги ПҚ-3666-сон қарори билан:
Адлия вазирлиги тузилмасида ҳар бир ҳудудда биттадан — 14 та юридик техникум (кейинги ўринларда юридик техникумлар деб аталади) ташкил этилганлиги;
юридик техникумларнинг ўқув-методик жараёнини мувофиқлаштириш, уларга амалий ва ахборот-ресурс жиҳатидан кўмаклашиш Тошкент давлат юридик университети (кейинги ўринларда ТДЮУ деб аталади) томонидан, уларнинг фаолиятига раҳбарлик қилиш ва назоратни ташкил этиш ҳамда ташкилий-кадрлар базасини мустаҳкамлаш эса — ҳудудий адлия органлари томонидан амалга оширилиши маълумот учун қабул қилинсин.
3. Қуйидагилар юридик техникумларнинг асосий вазифалари этиб белгилансин:
давлат ва хўжалик бошқаруви органларининг талаб юқори бўлган тор доирадаги ва ихтисосли мутахассисликлар бўйича тизимли фикрлаш қобилияти, иш юритиш, замонавий ахборот-коммуникация технологияларини қўллашнинг амалий кўникмаларига эга бўлган ва хорижий тилларни биладиган касб-ҳунар таълими бўйича юридик кадрларни тайёрлаш;
таълим жараёнини ўқув жараёнига илғор таълим стандартларини жорий этишга йўналтирилган замонавий шакллар ва усуллар, инновацион педагогик технологиялар асосида ташкил этиш;
ўқув жараёнига тегишли мутахассислик ва касблар бўйича бой иш тажрибасига эга бўлган амалиётчи мутахассисларни кенг жалб этган ҳолда юридик таълим ва ҳуқуқни қўллаш амалиётининг ўзаро яқин ҳамкорлигини таъминлаш;
замонавий инновацион ўқув лойиҳаларини биргаликда амалга ошириш, шунингдек, ўқувчилар амалиётини ташкил этиш учун тегишли ҳудудлардаги давлат ва хўжалик бошқаруви органлари, судлар ва ҳуқуқни муҳофаза қилувчи органлар, бошқа ташкилотлар, таълим ва илмий муассасалар билан ҳамкорликни ҳар томонлама ривожлантириш;
ўқувчилар учун мўлжалланган янги авлод дарсликлари, махсус ўқув-методик адабиётлар яратишда иштирок этиш;
ўқувчиларни маънавий-ахлоқий тарбиялаш самарадорлигини, уларнинг ҳуқуқий маданияти ва ҳуқуқий онгини ошириш, уларда ватанпарварлик, Ватан тақдири ва келажагига масъуллик ҳамда дахлдорлик туйғусини шакллантириш ва ривожлантириш чораларини амалга ошириш.
4. ТДЮУга қуйидаги вазифалар юклансин:
а) юридик техникумларда ўқув-методик жараённи мувофиқлаштиришнинг самарали механизмини яратиш бўйича:
«юриспруденция» йўналиши бўйича замонавий стандартларни ҳисобга олган ҳолда ўрта махсус профессионал таълим мутахассисликлари ва касблари бўйича малака талаблари, ўқув режалари ва фан дастурларини ишлаб чиқиш ва тасдиқлаш, шунингдек, чет тиллари бўйича ўқув машғулотларини ўтказиш учун гуруҳларда ўқувчилар миқдорини белгилаш;
юридик техникумларни ўқув-методик жараённи ташкил этиш соҳасидаги янгиликлар ҳақида, шу жумладан, сайёр маслаҳатларни ўтказиш орқали доимий хабардор қилишни йўлга қўйиш;
таълим жараёнида ўқувчиларнинг мантиқий ва тизимли фикрлаш, ҳуқуқий ҳужжатларни тузиш амалий кўникмаларини ривожлантиришга йўналтирилган юридик фанларни ўқитишнинг замонавий шакл ва усулларини, педагогик, ахборот-коммуникация, инновацион технологияларни қўллаш;
ўқувчилар билимини нохолис баҳолаш эҳтимолини истисно қиладиган замонавий баҳолаш тизимини жорий этиш;
таълим мутахассисликлари ва касблари доирасида ўқувчилар амалиётини ташкил этиш ва ўташ механизмини такомиллаштириш;
юридик техникумлар учун мўлжалланган янги авлод дарсликлари, махсус ўқув-методик адабиётларни яратиш бўйича ишларни ташкил этиш;
б) юридик техникумлар ўқувчилари билим олиши ва маданияти даражасини оширишнинг доимий мониторинги олиб борилишини назарда тутадиган тизимни жорий этиш бўйича:
ўқувчиларнинг клублар, тўгараклар ва спорт секциялари шаклидаги ижтимоий тадбирларда иштирок этишини ташкил этиш ва ҳисобга олиш;
ўқувчиларнинг юридик техникумлар ахборот-ресурс марказларидан фойдаланишини рағбатлантириш;
юридик техникумлар фаолиятига раҳбарлик қилиш ва назоратни ташкил этиш бўйича ҳудудий адлия органларига доимий асосда амалий кўмаклашиш;
юридик техникумларда ўқув жараёнини ташкил этиш, уларнинг фаолияти самарадорлигини ошириш бўйича норматив-ҳуқуқий базани такомиллаштириш бўйича Ўзбекистон Республикаси Адлия вазирлигига таклифлар киритиш.
5. ТДЮУга ўқувчиларда ишга қабул қилишда талаб қилинадиган билим ва кўникмаларни шакллантириш учун юридик техникумларда умумий ўқув-методик сиёсатни ишлаб чиқиш бўйича ваколатли органлар, иш берувчилар ва фуқаролик жамияти институтлари вакилларидан иборат маслаҳат кенгашини тузиш ҳуқуқи берилсин.
7. Давлат ва хўжалик бошқаруви органлари, маҳаллий ижро этувчи ҳокимият органлари юридик техникумларга ўқувчиларнинг амалиёт ўташини ташкил этишда ҳар томонлама кўмаклашсинлар.
8. Белгилансинки, юридик техникумларга ходимларни ишга қабул қилиш ва даврий аттестациядан ўтказиш адлия органлари ва муассасалари учун белгиланган тартибда амалга оширилади.
9. Юридик техникумларга 2 тадан навбатчи енгил автотранспорт воситасини сақлаш учун лимит ажратилсин.
10. Белгилансинки:
ТДЮУнинг юридик техникумлар ва ТДЮУ қошидаги академик лицейда ўқув-методик жараёнини мувофиқлаштириш бўйича фаолиятни ташкил этадиган таркибий бўлинмаси ходимларининг штатдаги чекланган сони Адлия вазирлиги томонидан тасдиқланадиган ТДЮУ намунавий штатлари билан аниқланади;
ТДЮУ мазкур таркибий бўлинмаси бошлиғининг лавозим маоши олий таълим муассасаси деканининг базавий лавозим маошига, унинг ўринбосари лавозим маоши — олий таълим муассасаси декани ўринбосари базавий лавозим маошига тенглаштирилади;
автотранспорт воситаларини сотиб олиш ва сақлаш билан боғлиқ харажатлар юридик техникумларнинг бюджетдан ташқари маблағлари, бюджетдан ташқари Адлия органлари ва муассасаларини ривожлантириш жамғармаси маблағлари ҳамда адлия органлари ва муассасаларининг бюджетдан ташқари бошқа маблағлари ҳисобига амалга оширилади;
Юридик техникумлар ва ТДЮУ ҳузуридаги академик лицей ўқув-методик жараёнини мувофиқлаштириш бўйича фаолиятни ташкил этадиган ТДЮУ таркибий бўлинмаси штат бирликларининг сони кўпайтирилиши билан ҳамда мазкур таркибий бўлинма бошлиғининг лавозим маоши олий таълим муассасаси деканининг базавий лавозим маошига, унинг ўринбосари лавозим маоши — олий таълим муассасаси декани ўринбосари базавий лавозим маошига тенглаштириш билан боғлиқ харажатлар ТДЮУ бюджетдан ташқари маблағлари ҳисобига амалга оширилади.
11. Ўзбекистон Республикаси Иқтисодиёт ва молия вазирлиги Ўзбекистон Республикаси Давлат бюджети параметрларида юридик техникумларда кам таъминланган оилалар аъзолари бўлган ўқувчилар, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар таълим олиши билан боғлиқ харажатлар учун зарур маблағларни назарда тутсин.
12. Ўзбекистон Республикаси Адлия вазирлигига таълим хизматлари сифатини ошириш мақсадида юридик техникумларинг бошқарув, педагог, ўқув-ёрдамчи, техник ва хизмат кўрсатувчи ходимларига устама ҳақлари ва моддий рағбатлантиришнинг бошқа турлари миқдорларини юридик техникумларнинг тўлов-контрактдан келиб тушган маблағлари (шу жумладан, табақалаштирилган контракт) ҳисобидан ҳамда Адлия органлари ва муассасаларини ривожлантириш жамғармаси маблағлари, адлия органлари ва муассасаларининг бюджетдан ташқари бошқа маблағлари ҳисобидан мустақил белгилаш ҳуқуқи берилсин.
Юридик техникумлар ходимларига ҳар ойлик устамаларни белгилаш мезонлари Ўзбекистон Республикаси Адлия вазирлиги томонидан ўрнатилади.
13. Белгилансинки, 2019/2020 ўқув йилидан бошлаб Ўзбекистон Республикаси Адлия вазирлиги тузилмасига кирмаган коллежларда ва техникумларда «Юриспруденция», «Ҳуқуқшунослик», «Ижтимоий муҳофаза қилиш ҳуқуқшуноси» йўналишлари ва мутахассисликлари бўйича ўқувчиларни тайёрлаш тўхтатилади.
Белгилаб қўйилсинки, ушбу йўналишлар ва мутахассисликлар бўйича 2-3-босқич ўқувчилари ўқишни юқорида кўрсатилган таълим муассасаларида тамомлайди ва диплом олади.
14. Ўзбекистон Республикаси Адлия вазирлиги манфаатдор вазирликлар ва идоралар билан биргаликда улар қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
15. Ўзбекистон Республикаси Ҳукуматининг 4-иловага мувофиқ айрим қарорларига қўшимчалар киритилсин.
16. Мазкур қарорнинг бажарилишини назорат қилиш Ўзбекистон Республикаси адлия вазири Р. Давлетов зиммасига юклансин.
Вазирлар Маҳкамасининг 2018 йил 23 октябрдаги 858-сон қарорига 4-ИЛОВА
Ўзбекистон Республикаси Ҳукуматининг айрим қарорлари киритилаётган
1. Вазирлар Маҳкамасининг «Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида» 2017 йил 6 апрелдаги 187-сон қарорида (Ўзбекистон Республикаси ҚҲТ, 2017 й., 14-сон, 230-модда):
а) 2-иловада :
4-бобнинг 1-параграфига қуйидаги мазмундаги 16 1 -банд қўшилсин:
«16 1 . Ушбу параграф қоидалари Ўзбекистон Республикаси Адлия вазирлигининг юридик коллежларига нисбатан татбиқ этилмайди»;
18-бандга қуйидаги мазмундаги хатбоши қўшилсин:
«Ўзбекистон Республикаси Адлия вазирлиги юридик коллежларининг малака талаблари Тошкент давлат юридик университети томонидан ишлаб чиқилади ва тасдиқланади»;
б) 3-илованинг 3-бандига қуйидаги мазмундаги хатбоши қўшилсин:
«Ўзбекистон Республикаси Адлия вазирлиги юридик коллежларининг ўқув дастурлари, давлат аттестацияси учун умумтаълим фанлари бўйича назорат-баҳолаш кўрсаткичлари Тошкент давлат юридик университети томонидан ишлаб чиқилади ва тасдиқланади».
2. Вазирлар Маҳкамасининг 2009 йил 11 февралдаги 40-сон қарори (Ўзбекистон Республикаси ҚТ, 2009 й., 2-сон, 11-модда) билан тасдиқланган Касб-ҳунар коллежлари ўқувчилари томонидан корхоналар, муассасалар ва ташкилотларда ишлаб чиқариш амалиётини ўташ тартиби тўғрисидаги низомнинг 1-бандига қуйидаги мазмундаги хатбоши қўшилсин:
«Ушбу Низом Ўзбекистон Республикаси Адлия вазирлигининг юридик коллежлари ўқувчиларига татбиқ этилмайди».
Ўзбекистон Республикасининг Бош вазири А. АРИПОВ
Тошкент ш.,
2018 йил 23 октябрь,
858-сон
Oʻzbekiston Respublikasi Vazirlar Mahkamasining
qarori
QOʻSHIMCHALAR
Oʻzbekiston Respublikasi Adliya vazirligining yuridik texnikumlarida oʻqishni tashkil qilish choralari toʻgʻrisida
Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qarori ijrosini taʼminlash hamda davlat va xoʻjalik boshqaruvi organlarida talab yuqori boʻlgan tor doiradagi va ixtisosli mutaxassisliklar boʻyicha yuridik kadrlar tayyorlash tizimini yaratish, shuningdek, kasbiy yuridik taʼlim sifatini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” 2018-yil 13-apreldagi PQ-3666-son qarori bilan:
Adliya vazirligi tuzilmasida har bir hududda bittadan — 14 ta yuridik texnikum (keyingi oʻrinlarda yuridik texnikumlar deb ataladi) tashkil etilganligi;
yuridik texnikumlarning oʻquv-metodik jarayonini muvofiqlashtirish, ularga amaliy va axborot-resurs jihatidan koʻmaklashish Toshkent davlat yuridik universiteti (keyingi oʻrinlarda TDYU deb ataladi) tomonidan, ularning faoliyatiga rahbarlik qilish va nazoratni tashkil etish hamda tashkiliy-kadrlar bazasini mustahkamlash esa — hududiy adliya organlari tomonidan amalga oshirilishi maʼlumot uchun qabul qilinsin.
3. Quyidagilar yuridik texnikumlarning asosiy vazifalari etib belgilansin:
davlat va xoʻjalik boshqaruvi organlarining talab yuqori boʻlgan tor doiradagi va ixtisosli mutaxassisliklar boʻyicha tizimli fikrlash qobiliyati, ish yuritish, zamonaviy axborot-kommunikatsiya texnologiyalarini qoʻllashning amaliy koʻnikmalariga ega boʻlgan va xorijiy tillarni biladigan kasb-hunar taʼlimi boʻyicha yuridik kadrlarni tayyorlash;
taʼlim jarayonini oʻquv jarayoniga ilgʻor taʼlim standartlarini joriy etishga yoʻnaltirilgan zamonaviy shakllar va usullar, innovatsion pedagogik texnologiyalar asosida tashkil etish;
oʻquv jarayoniga tegishli mutaxassislik va kasblar boʻyicha boy ish tajribasiga ega boʻlgan amaliyotchi mutaxassislarni keng jalb etgan holda yuridik taʼlim va huquqni qoʻllash amaliyotining oʻzaro yaqin hamkorligini taʼminlash;
zamonaviy innovatsion oʻquv loyihalarini birgalikda amalga oshirish, shuningdek, oʻquvchilar amaliyotini tashkil etish uchun tegishli hududlardagi davlat va xoʻjalik boshqaruvi organlari, sudlar va huquqni muhofaza qiluvchi organlar, boshqa tashkilotlar, taʼlim va ilmiy muassasalar bilan hamkorlikni har tomonlama rivojlantirish;
oʻquvchilar uchun moʻljallangan yangi avlod darsliklari, maxsus oʻquv-metodik adabiyotlar yaratishda ishtirok etish;
oʻquvchilarni maʼnaviy-axloqiy tarbiyalash samaradorligini, ularning huquqiy madaniyati va huquqiy ongini oshirish, ularda vatanparvarlik, Vatan taqdiri va kelajagiga masʼullik hamda daxldorlik tuygʻusini shakllantirish va rivojlantirish choralarini amalga oshirish.
4. TDYUga quyidagi vazifalar yuklansin:
a) yuridik texnikumlarda oʻquv-metodik jarayonni muvofiqlashtirishning samarali mexanizmini yaratish boʻyicha:
“yurisprudensiya” yoʻnalishi boʻyicha zamonaviy standartlarni hisobga olgan holda oʻrta maxsus professional taʼlim mutaxassisliklari va kasblari boʻyicha malaka talablari, oʻquv rejalari va fan dasturlarini ishlab chiqish va tasdiqlash, shuningdek, chet tillari boʻyicha oʻquv mashgʻulotlarini oʻtkazish uchun guruhlarda oʻquvchilar miqdorini belgilash;
yuridik texnikumlarni oʻquv-metodik jarayonni tashkil etish sohasidagi yangiliklar haqida, shu jumladan, sayyor maslahatlarni oʻtkazish orqali doimiy xabardor qilishni yoʻlga qoʻyish;
taʼlim jarayonida oʻquvchilarning mantiqiy va tizimli fikrlash, huquqiy hujjatlarni tuzish amaliy koʻnikmalarini rivojlantirishga yoʻnaltirilgan yuridik fanlarni oʻqitishning zamonaviy shakl va usullarini, pedagogik, axborot-kommunikatsiya, innovatsion texnologiyalarni qoʻllash;
oʻquvchilar bilimini noxolis baholash ehtimolini istisno qiladigan zamonaviy baholash tizimini joriy etish;
taʼlim mutaxassisliklari va kasblari doirasida oʻquvchilar amaliyotini tashkil etish va oʻtash mexanizmini takomillashtirish;
yuridik texnikumlar uchun moʻljallangan yangi avlod darsliklari, maxsus oʻquv-metodik adabiyotlarni yaratish boʻyicha ishlarni tashkil etish;
b) yuridik texnikumlar oʻquvchilari bilim olishi va madaniyati darajasini oshirishning doimiy monitoringi olib borilishini nazarda tutadigan tizimni joriy etish boʻyicha:
oʻquvchilarning klublar, toʻgaraklar va sport seksiyalari shaklidagi ijtimoiy tadbirlarda ishtirok etishini tashkil etish va hisobga olish;
oʻquvchilarning yuridik texnikumlar axborot-resurs markazlaridan foydalanishini ragʻbatlantirish;
yuridik texnikumlar faoliyatiga rahbarlik qilish va nazoratni tashkil etish boʻyicha hududiy adliya organlariga doimiy asosda amaliy koʻmaklashish;
yuridik texnikumlarda oʻquv jarayonini tashkil etish, ularning faoliyati samaradorligini oshirish boʻyicha normativ-huquqiy bazani takomillashtirish boʻyicha Oʻzbekiston Respublikasi Adliya vazirligiga takliflar kiritish.
5. TDYUga oʻquvchilarda ishga qabul qilishda talab qilinadigan bilim va koʻnikmalarni shakllantirish uchun yuridik texnikumlarda umumiy oʻquv-metodik siyosatni ishlab chiqish boʻyicha vakolatli organlar, ish beruvchilar va fuqarolik jamiyati institutlari vakillaridan iborat maslahat kengashini tuzish huquqi berilsin.
7. Davlat va xoʻjalik boshqaruvi organlari, mahalliy ijro etuvchi hokimiyat organlari yuridik texnikumlarga oʻquvchilarning amaliyot oʻtashini tashkil etishda har tomonlama koʻmaklashsinlar.
8. Belgilansinki, yuridik texnikumlarga xodimlarni ishga qabul qilish va davriy attestatsiyadan oʻtkazish adliya organlari va muassasalari uchun belgilangan tartibda amalga oshiriladi.
9. Yuridik texnikumlarga 2 tadan navbatchi yengil avtotransport vositasini saqlash uchun limit ajratilsin.
10. Belgilansinki:
TDYUning yuridik texnikumlar va TDYU qoshidagi akademik litseyda oʻquv-metodik jarayonini muvofiqlashtirish boʻyicha faoliyatni tashkil etadigan tarkibiy boʻlinmasi xodimlarining shtatdagi cheklangan soni Adliya vazirligi tomonidan tasdiqlanadigan TDYU namunaviy shtatlari bilan aniqlanadi;
TDYU mazkur tarkibiy boʻlinmasi boshligʻining lavozim maoshi oliy taʼlim muassasasi dekanining bazaviy lavozim maoshiga, uning oʻrinbosari lavozim maoshi — oliy taʼlim muassasasi dekani oʻrinbosari bazaviy lavozim maoshiga tenglashtiriladi;
avtotransport vositalarini sotib olish va saqlash bilan bogʻliq xarajatlar yuridik texnikumlarning budjetdan tashqari mablagʻlari, budjetdan tashqari Adliya organlari va muassasalarini rivojlantirish jamgʻarmasi mablagʻlari hamda adliya organlari va muassasalarining budjetdan tashqari boshqa mablagʻlari hisobiga amalga oshiriladi;
Yuridik texnikumlar va TDYU huzuridagi akademik litsey oʻquv-metodik jarayonini muvofiqlashtirish boʻyicha faoliyatni tashkil etadigan TDYU tarkibiy boʻlinmasi shtat birliklarining soni koʻpaytirilishi bilan hamda mazkur tarkibiy boʻlinma boshligʻining lavozim maoshi oliy taʼlim muassasasi dekanining bazaviy lavozim maoshiga, uning oʻrinbosari lavozim maoshi — oliy taʼlim muassasasi dekani oʻrinbosari bazaviy lavozim maoshiga tenglashtirish bilan bogʻliq xarajatlar TDYU budjetdan tashqari mablagʻlari hisobiga amalga oshiriladi.
11. Oʻzbekiston Respublikasi Iqtisodiyot va moliya vazirligi Oʻzbekiston Respublikasi Davlat budjeti parametrlarida yuridik texnikumlarda kam taʼminlangan oilalar aʼzolari boʻlgan oʻquvchilar, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar taʼlim olishi bilan bogʻliq xarajatlar uchun zarur mablagʻlarni nazarda tutsin.
12. Oʻzbekiston Respublikasi Adliya vazirligiga taʼlim xizmatlari sifatini oshirish maqsadida yuridik texnikumlaring boshqaruv, pedagog, oʻquv-yordamchi, texnik va xizmat koʻrsatuvchi xodimlariga ustama haqlari va moddiy ragʻbatlantirishning boshqa turlari miqdorlarini yuridik texnikumlarning toʻlov-kontraktdan kelib tushgan mablagʻlari (shu jumladan, tabaqalashtirilgan kontrakt) hisobidan hamda Adliya organlari va muassasalarini rivojlantirish jamgʻarmasi mablagʻlari, adliya organlari va muassasalarining budjetdan tashqari boshqa mablagʻlari hisobidan mustaqil belgilash huquqi berilsin.
Yuridik texnikumlar xodimlariga har oylik ustamalarni belgilash mezonlari Oʻzbekiston Respublikasi Adliya vazirligi tomonidan oʻrnatiladi.
13. Belgilansinki, 2019/2020 oʻquv yilidan boshlab Oʻzbekiston Respublikasi Adliya vazirligi tuzilmasiga kirmagan kollejlarda va texnikumlarda “Yurisprudensiya”, “Huquqshunoslik”, “Ijtimoiy muhofaza qilish huquqshunosi” yoʻnalishlari va mutaxassisliklari boʻyicha oʻquvchilarni tayyorlash toʻxtatiladi.
Belgilab qoʻyilsinki, ushbu yoʻnalishlar va mutaxassisliklar boʻyicha 2-3-bosqich oʻquvchilari oʻqishni yuqorida koʻrsatilgan taʼlim muassasalarida tamomlaydi va diplom oladi.
14. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
15. Oʻzbekiston Respublikasi Hukumatining 4-ilovaga muvofiq ayrim qarorlariga qoʻshimchalar kiritilsin.
16. Mazkur qarorning bajarilishini nazorat qilish Oʻzbekiston Respublikasi adliya vaziri R. Davletov zimmasiga yuklansin.
Vazirlar Mahkamasining 2018-yil 23-oktabrdagi 858-son qaroriga 4-ILOVA
Oʻzbekiston Respublikasi Hukumatining ayrim qarorlari kiritilayotgan
1. Vazirlar Mahkamasining “Umumiy oʻrta va oʻrta maxsus, kasb-hunar taʼlimining davlat taʼlim standartlarini tasdiqlash toʻgʻrisida” 2017-yil 6-apreldagi 187-son qarorida (Oʻzbekiston Respublikasi QHT, 2017-y., 14-son, 230-modda):
a) 2-ilovada :
4-bobning 1-paragrafiga quyidagi mazmundagi 16 1 -band qoʻshilsin:
“16 1 . Ushbu paragraf qoidalari Oʻzbekiston Respublikasi Adliya vazirligining yuridik kollejlariga nisbatan tatbiq etilmaydi”;
18-bandga quyidagi mazmundagi xatboshi qoʻshilsin:
“Oʻzbekiston Respublikasi Adliya vazirligi yuridik kollejlarining malaka talablari Toshkent davlat yuridik universiteti tomonidan ishlab chiqiladi va tasdiqlanadi”;
b) 3-ilovaning 3-bandiga quyidagi mazmundagi xatboshi qoʻshilsin:
“Oʻzbekiston Respublikasi Adliya vazirligi yuridik kollejlarining oʻquv dasturlari, davlat attestatsiyasi uchun umumtaʼlim fanlari boʻyicha nazorat-baholash koʻrsatkichlari Toshkent davlat yuridik universiteti tomonidan ishlab chiqiladi va tasdiqlanadi”.
2. Vazirlar Mahkamasining 2009-yil 11-fevraldagi 40-son qarori (Oʻzbekiston Respublikasi QT, 2009-y., 2-son, 11-modda) bilan tasdiqlangan Kasb-hunar kollejlari oʻquvchilari tomonidan korxonalar, muassasalar va tashkilotlarda ishlab chiqarish amaliyotini oʻtash tartibi toʻgʻrisidagi nizomning 1-bandiga quyidagi mazmundagi xatboshi qoʻshilsin:
“Ushbu Nizom Oʻzbekiston Respublikasi Adliya vazirligining yuridik kollejlari oʻquvchilariga tatbiq etilmaydi”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 23-oktabr,
858-son
Кабинета Министров Республики Узбекистан
Постановление
Дополнения,
О мерах по организации обучения в юридических техникумах Министерства юстиции Республики Узбекистан
Во исполнение постановления Президента Республики Узбекистан от 13 апреля 2018 года № ПП-3666 «Об организационных мерах по дальнейшему совершенствованию деятельности Министерства юстиции Республики Узбекистан» и в целях создания системы подготовки юридических кадров профессионального образования по узким и профильным специальностям, востребованным в органах государственного и хозяйственного управления, а также повышения качества профессионального юридического образования Кабинет Министров постановляет:
1. Принять к сведению, что постановлением Президента Республики Узбекистан от 13 апреля 2018 года № ПП-3666 «Об организационных мерах по дальнейшему совершенствованию деятельности Министерства юстиции Республики Узбекистан»:
в структуре Министерства юстиции созданы 14 юридических техникумов (далее — юридические техникумы) по одному в каждом регионе;
координация учебно-методического процесса в юридических техникумах, оказание им практического и информационно-ресурсного содействия осуществляется Ташкентским государственным юридическим университетом (далее — ТГЮУ), а руководство и контроль за их деятельностью и укрепление организационно-кадровой базы — территориальными органами юстиции.
3. Определить основными задачами юридических техникумов:
подготовку юридических кадров профессионального образования по узким и профильным специальностям, востребованным в органах государственного и хозяйственного управления, обладающих системным мышлением, практическими навыками делопроизводства, работы с применением современных информационно-коммуникационных технологий и со знанием иностранных языков;
организацию образовательного процесса на основе современных форм и методов, инновационных педагогических технологий, направленных на внедрение в учебный процесс передовых образовательных стандартов;
обеспечение тесного взаимодействия юридического образования и правоприменительной практики с широким привлечением в учебный процесс практических специалистов, обладающих богатым опытом работы по соответствующим специальностям и профессиям;
всестороннее развитие сотрудничества с органами государственного и хозяйственного управления, судебными и правоохранительными органами, иными организациями, образовательными и научными учреждениями в соответствующих регионах для совместной реализации современных инновационных учебных проектов, а также организации практики учащихся;
участие в создании учебников нового поколения, специальной учебно-методической литературы, предназначенной для учащихся;
реализация мер по повышению эффективности духовно-нравственного воспитания, привитию учащимся правовой культуры и правосознания, формированию и развитию у них чувства патриотизма, ответственности и сопричастности к судьбе и будущему Родины.
4. Возложить на ТГЮУ задачи:
а) по созданию эффективного механизма координации учебно-методического процесса в юридических техникумах, предусматривающего:
разработку и утверждение квалификационных требований, учебных планов и программ дисциплин по специальностям и профессиям среднего специального профессионального образования по направлению «юриспруденция» с учетом современных стандартов, а также определение количества учащихся в группах для проведения учебных занятий по иностранным языкам;
налаживание постоянного информирования юридических техникумов о новациях в сфере организации учебно-методического процесса, в том числе посредством проведения выездных консультаций;
применение в образовательном процессе современных форм и методов, педагогических, информационно-коммуникационных, инновационных технологий преподавания юридических дисциплин, ориентированных на развитие у учащихся навыков логического и системного мышления, практических навыков составления юридических документов;
внедрение современной системы оценки знаний учащихся, направленной на исключение возможности их необъективного оценивания;
совершенствование механизма организации и прохождения практики учащимися в рамках специальностей и профессий обучения;
организацию работ по созданию учебников нового поколения, специальной учебно-методической литературы, предназначенных для юридических техникумов;
б) по внедрению системы постоянного мониторинга повышения образовательного и культурного уровня учащихся юридических техникумов, предусматривающей:
организацию и учет занятий учащихся в социальных мероприятиях в форме клубов, кружков и спортивных секций;
стимулирование посещения учащимися информационно-ресурсных центров юридических техникумов;
оказание на регулярной основе практического содействия территориальным органам юстиции в организации руководства и контроля деятельности юридических техникумов;
внесение в Министерство юстиции Республики Узбекистан предложений по совершенствованию нормативно-правовой базы в сфере организации учебного процесса в юридических техникумах, повышения эффективности их деятельности.
5. Предоставить право ТГЮУ образовать консультативный совет по выработке общей учебно-методической политики в юридических техникумах для формирования у учащихся знаний и навыков, востребованных при трудоустройстве, из числа представителей уполномоченных органов, работодателей и институтов гражданского общества.
7. Органам государственного и хозяйственного управления, органам исполнительной власти на местах оказывать всестороннее содействие юридическим техникумам в организации прохождения их учащимися практики.
8. Установить, что на работу в юридические техникумы работники принимаются и проходят периодическую аттестацию в порядке, установленном для органов и учреждений юстиции.
9. Выделить юридическим техникумам лимит на содержание дежурных легковых автотранспортных средств в количестве по 2 единицы.
10. Установить, что:
предельная штатная численность структурного подразделения ТГЮУ, осуществляющего деятельность по координации учебно-методического процесса в юридических техникумах и академическом лицее при ТГЮУ, определяется в соответствии с типовыми штатами ТГЮУ, утверждаемыми Министерством юстиции;
базовый должностной оклад начальника данного структурного подразделения ТГЮУ приравнивается к базовому должностному окладу декана высшего образовательного учреждения, а базовый должностной оклад его заместителя — к базовому должностному окладу заместителя декана высшего образовательного учреждения;
расходы, связанные с:
приобретением и содержанием автотранспортных средств, осуществляются за счет внебюджетных средств юридических техникумов, средств внебюджетного Фонда развития органов и учреждений юстиции и других внебюджетных средств органов и учреждений юстиции;
увеличением штатной численности структурного подразделения ТГЮУ, осуществляющего деятельность по координации учебно-методического процесса в юридических техникумах и академическом лицее при ТГЮУ, а также приравниванием базового должностного оклада начальника данного структурного подразделения ТГЮУ к базовому должностному окладу декана высшего образовательного учреждения, базового должностного оклада его заместителя — к базовому должностному окладу заместителя декана высшего образовательного учреждения, осуществляются за счет внебюджетных средств ТГЮУ.
11. Министерству экономики и финансов Республики Узбекистан в параметрах Государственного бюджета Республики Узбекистан предусмотреть необходимые средства на расходы, связанные с обучением в юридических техникумах учащихся из малообеспеченных семей, выпускников детских домов, детских городков и семейных детских домов, лиц с инвалидностью I группы и детей-инвалидов.
12. Предоставить право Министерству юстиции Республики Узбекистан в целях повышения качества предоставляемых образовательных услуг самостоятельно устанавливать размер надбавок и других мер материального стимулирования управленческому, педагогическому, учебно-вспомогательному, техническому и обслуживающему персоналу юридических техникумов за счет платно-контрактных средств юридических техникумов (в том числе, дифференцированный контракт), а также средств Фонда развития органов и учреждений юстиции и других внебюджетных средств органов и учреждений юстиции.
Критерии установления ежемесячных надбавок работникам юридических техникумов определяются Министерством юстиции Республики Узбекистан.
13. Установить, что начиная с 2019/2020 учебного года прекращается подготовка учащихся по направлениям и специальностям «Юриспруденция», «Правоведение», «Правоведение по социальной защите» в колледжах и техникумах, не входящих в структуру Министерства юстиции Республики Узбекистан.
Определить, что учащиеся 2-3-курсов по данным направлениям и специальностям завершают обучение и получают дипломы в указанных образовательных учреждениях.
14. Министерству юстиции Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
15. Внести дополнения в некоторые решения Правительства Республики Узбекистан согласно приложению № 4 .
16. Контроль за исполнением настоящего постановления возложить на министра юстиции Республики Узбекистан Р.К. Давлетова.
ПРИЛОЖЕНИЕ № 4 к постановлению Кабинета Министров от 23 октября 2018 года № 858
вносимые в некоторые решения Правительства Республики Узбекистан
1. В постановлении Кабинета Министров от 6 апреля 2017 года № 187 «Об утверждении государственных образовательных стандартов среднего и среднего специального, профессионального образования» (СЗ Республики Узбекистан, 2017 г., № 14, ст. 230):
а) в приложении № 2:
параграф 1 главы 4 дополнить пунктом 16 1 следующего содержания:
«16 1 . Мазкур параграф қоидалари Ўзбекистон Республикаси Адлия вазирлиги юридик коллежларига нисбатан тадбиқ этилмайди»;
пункт 18 дополнить абзацем следующего содержания:
«Ўзбекистон Республикаси Адлия вазирлиги юридик коллежларининг малака талаблари Тошкент давлат юридик университети томонидан ишлаб чиқилади ва тасдиқланади»;
б) Пункт 3 приложения № 3 дополнить абзацем следующего содержания:
«Ўзбекистон Республикаси Адлия вазирлиги юридик коллежларининг ўқув дастурлари, давлат аттестацияси учун умумтаълим фанлари бўйича назорат-баҳолаш кўрсаткичлари Тошкент давлат юридик университети томонидан ишлаб чиқилади ва тасдиқланади».
2. Пункт 1 Положения о порядке прохождения производственной практики учащимися профессиональных колледжей на предприятиях, в учреждениях и организациях, утвержденное постановлением Кабинета Министров от 11 февраля 2009 года № 40 (СП Республики Узбекистан, 2009 г., № 2, ст. 11) дополнить абзацем следующего содержания:
«Настоящее Положение не распространяется на учащихся юридических колледжей Министерства юстиции Республики Узбекистан».
Премьер-министр Республики Узбекистан А. АРИПОВ
г. Ташкент,
23 октября 2018 г.,
№ 858