📅 2018-yil 24-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 24 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 24 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш тўғрисида (Ўзбекистон Республикасининг «Иқтисодиётнинг жадал ривожланишини таъминлашга доир қўшимча чора-тадбирлар қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2018 йил 26 июлдаги ЎРҚ-488-сон Қонуни)
Ўзбекистон Республикасининг «Иқтисодиётнинг жадал ривожланишини таъминлашга доир қўшимча чора-тадбирлар қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2018 йил 26 июлдаги ЎРҚ-488-сон Қонунига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартиришлар ва қўшимча киритилсин.
2. Ўзбекистон Республикаси Адлия вазирлиги манфаатдор вазирликлар ва идоралар билан биргаликда улар томонидан қабул қилинган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов зиммасига юклансин.
Вазирлар Маҳкамасининг 2018 йил 24 октябрдаги 863-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
2. Вазирлар Маҳкамасининг 2006 йил 7 мартдаги 38-сон қарори (Ўзбекистон Республикаси ҚТ, 2006 й., 3-сон, 17-модда) билан тасдиқланган Автомототранспорт воситалари билан боғлиқ битимларни расмийлаштириш тартиби тўғрисидаги низомнинг 2-бандида :
а) қуйидаги мазмундаги учинчи хатбоши қўшилсин:
«енгил автомобилларни, мототранспорт воситаларини ижарага бериш хизматлари кўрсатувчи юридик шахслар ҳамда жисмоний шахслар ўртасида енгил автомобилларни, мототранспорт воситаларини ижарага бериш юзасидан ўттиз кунгача оддий ёзма шартномалар тузиш ҳолларига»;
б) учинчи хатбоши тўртинчи хатбоши деб ҳисоблансин.
3. Вазирлар Маҳкамасининг 2017 йил 31 августдаги 683-сон қарори (Ўзбекистон Республикаси ҚТ, 2017 й., 8-сон, 191-модда) билан тасдиқланган Автомототранспорт воситаларини давлат рўйхатидан ўтказиш тартиби тўғрисидаги низомнинг 45-банди қуйидаги таҳрирда баён қилинсин:
«45. Нотариуслар, шунингдек, қонун ҳужжатларида назарда тутилган ҳолатларда эса консуллар томонидан ҳам тасдиқланган автомототранспорт воситаларидан фойдаланиш ва (ёки) тасарруф этиш ишончномалари, ижара, текинга фойдаланиш ва автомототранспорт воситаларини гаровга қўйиш шартномалари, автомототранспорт воситасининг рўйхатдан ўтиш жойи бўйича тегишли ҳудудий ЙҲХДХ органларида автомототранспорт воситаларини рўйхатдан ўтказмасдан ҳисобга қўйилади.
Автомототранспорт воситаларини бегоналаштириш билан боғлиқ бўлмаган битишувларни ҳисобга олиш юридик шахслар томонидан ўз ходимларига берилган автомототранспорт воситаларидан фойдаланиш ва (ёки) уларни тасарруф этиш ҳуқуқига ишончномаларга ҳамда енгил автомобилларни ва мототранспорт воситаларини ижарага бериш бўйича хизматлар кўрсатувчи юридик шахслар ҳамда жисмоний шахслар ўртасида ўттиз кунгача муддатга оддий ёзма шаклда тузиладиган енгил автомобиллар ва мототранспорт воситаларининг ижара шартномаларига нисбатан қўлланилмайди».
Ўзбекистон Республикасининг Бош вазири А. АРИПОВ
Тошкент ш.,
2018 йил 24 октябрь,
863-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida (Oʻzbekiston Respublikasining “Iqtisodiyotning jadal rivojlanishini taʼminlashga doir qoʻshimcha chora-tadbirlar qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2018-yil 26-iyuldagi OʻRQ-488-son Qonuni)
Oʻzbekiston Respublikasining “Iqtisodiyotning jadal rivojlanishini taʼminlashga doir qoʻshimcha chora-tadbirlar qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2018-yil 26-iyuldagi OʻRQ-488-son Qonuniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimcha kiritilsin.
2. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ular tomonidan qabul qilingan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Vazirlar Mahkamasining 2018-yil 24-oktabrdagi 863-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha
2. Vazirlar Mahkamasining 2006-yil 7-martdagi 38-son qarori (Oʻzbekiston Respublikasi QT, 2006-y., 3-son, 17-modda) bilan tasdiqlangan Avtomototransport vositalari bilan bogʻliq bitimlarni rasmiylashtirish tartibi toʻgʻrisidagi nizomning 2-bandida :
a) quyidagi mazmundagi uchinchi xatboshi qoʻshilsin:
“yengil avtomobillarni, mototransport vositalarini ijaraga berish xizmatlari koʻrsatuvchi yuridik shaxslar hamda jismoniy shaxslar oʻrtasida yengil avtomobillarni, mototransport vositalarini ijaraga berish yuzasidan oʻttiz kungacha oddiy yozma shartnomalar tuzish hollariga”;
b) uchinchi xatboshi toʻrtinchi xatboshi deb hisoblansin.
3. Vazirlar Mahkamasining 2017-yil 31-avgustdagi 683-son qarori (Oʻzbekiston Respublikasi QT, 2017-y., 8-son, 191-modda) bilan tasdiqlangan Avtomototransport vositalarini davlat roʻyxatidan oʻtkazish tartibi toʻgʻrisidagi nizomning 45-bandi quyidagi tahrirda bayon qilinsin:
“45. Notariuslar, shuningdek, qonun hujjatlarida nazarda tutilgan holatlarda esa konsullar tomonidan ham tasdiqlangan avtomototransport vositalaridan foydalanish va (yoki) tasarruf etish ishonchnomalari, ijara, tekinga foydalanish va avtomototransport vositalarini garovga qoʻyish shartnomalari, avtomototransport vositasining roʻyxatdan oʻtish joyi boʻyicha tegishli hududiy YHXDX organlarida avtomototransport vositalarini roʻyxatdan oʻtkazmasdan hisobga qoʻyiladi.
Avtomototransport vositalarini begonalashtirish bilan bogʻliq boʻlmagan bitishuvlarni hisobga olish yuridik shaxslar tomonidan oʻz xodimlariga berilgan avtomototransport vositalaridan foydalanish va (yoki) ularni tasarruf etish huquqiga ishonchnomalarga hamda yengil avtomobillarni va mototransport vositalarini ijaraga berish boʻyicha xizmatlar koʻrsatuvchi yuridik shaxslar hamda jismoniy shaxslar oʻrtasida oʻttiz kungacha muddatga oddiy yozma shaklda tuziladigan yengil avtomobillar va mototransport vositalarining ijara shartnomalariga nisbatan qoʻllanilmaydi”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 24-oktabr,
863-son
Кабинета Министров Республики Узбекистан
Постановление
О внесении изменений и дополнения в некоторые решения Правительства Республики Узбекистан (Закон Республики Узбекистан от 26 июля 2018 года № ЗРУ-488 «О внесении изменений и дополнений в некоторые законодательные акты Республики Узбекистан в связи с принятием дополнительных мер по обеспечению ускоренного развития экономики»)
В соответствии с Законом Республики Узбекистан от 26 июля 2018 года № ЗРУ-488 «О внесении изменений и дополнений в некоторые законодательные акты Республики Узбекистан в связи с принятием дополнительных мер по обеспечению ускоренного развития экономики» Кабинет Министров постановляет:
1. Внести изменения и дополнение в некоторые решения Правительства Республики Узбекистан согласно приложению .
2. Министерству юстиции Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра юстиции Республики Узбекистан Р.К. Давлетова.
ПРИЛОЖЕНИЕ к постановлению Кабинета Министров от 24 октября 2018 года № 863
Изменение и дополнение, вносимые в некоторые решения Правительства Республики Узбекистан
2. В пункте 2 Положения о порядке оформления сделок с автомототранспортными средствами, утвержденного постановлением Кабинета Министров от 7 марта 2006 г. № 38 (СП Республики Узбекистан, 2006 г., № 3, ст. 17):
а) дополнить абзацем третьим следующего содержания:
«на случаи заключения договоров аренды легковых автомобилей, мототранспортных средств юридическими лицами, оказывающими услуги по предоставлению в аренду легковых автомобилей, мототранспортных средств, с физическими лицами в простой письменной форме на срок до тридцати дней»;
б) абзац третий считать абзацем четвертым.
3. Пункт 45 Положения о порядке государственной регистрации автомототранспортных средств, утвержденного постановлением Кабинета Министров от 31 августа 2017 г. № 683 (СП Республики Узбекистан, 2017 г., № 8, ст. 191), изложить в следующей редакции:
«45. Удостоверенные нотариусами, а в случаях, предусмотренных законодательством также консулами, доверенности на право пользования и (или) распоряжения автомототранспортными средствами, договоры аренды, безвозмездного пользования и залога автомототранспортных средств подлежат постановке на учет в соответствующих территориальных органах ГСБДД по месту регистрации автомототранспортного средства, без осуществления регистрации автомототранспортных средств.
Учет сделок с автомототранспортными средствами, не связанных с их отчуждением, не применяется к доверенностям на право пользования и (или) распоряжения автомототранспортными средствами, выданными юридическими лицами своим работникам и договорам аренды легковых автомобилей и мототранспортных средств, заключаемым в простой письменной форме юридическими лицами, оказывающими услуги по предоставлению в аренду легковых автомобилей и мототранспортных средств, с физическими лицами на срок до тридцати дней».
Премьер-министр Республики Узбекистан А. АРИПОВ
г. Ташкент,
24 октября 2018 г.,
№ 863