📅 2018-yil 25-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Инновацион ривожланиш вазирлиги ҳузурида Халқаро молекуляр аллергология марказини ташкил этиш тўғрисида
Етакчи хорижий мутахассисларни жалб этган ҳолда илмий-диагностик, таълим ва ишлаб чиқаришга оид инновацияларни ривожлантириш, аллергик касалликларни диагностика қилиш ва даволашнинг молекуляр ва бошқа илғор усулларини татбиқ қилиш ҳамда кўрсатилаётган тиббий хизматлар сифатини ошириш мақсадида Вазирлар Маҳкамаси қарор қилади:
1. Ўзбекистон Республикаси Инновацион ривожланиш вазирлиги, Соғлиқни сақлаш вазирлиги ва Фанлар академиясининг Ўзбекистон Республикаси Инновацион ривожланиш вазирлиги ҳузурида юридик шахс мақомига эга бўлган Халқаро молекуляр аллергология марказини (кейинги ўринларда Халқаро марказ деб аталади) ташкил этиш тўғрисидаги таклифига розилик берилсин.
2. Халқаро марказ фаолиятининг асосий вазифалари ва йўналишлари этиб қуйидагилар белгилансин:
ультразамонавий биологик микрочипларни қўллаш орқали аллергик касалликларни диагностика қилиш соҳасида инновацион технологияларни ривожлантириш, шунингдек, шу каби касалликларни даволаш ва профилактика қилиш;
аллергик касаллик ҳақида жамланган маълумотлар, аллерген турлари, шунингдек, шошилинч ҳолатларни ривожланиш риски тўғрисидаги бошқа маълумотларни ўз ичига олувчи «аллергик паспорт» яратиш;
аллерген ўсимликлар гулчангининг аэробиологик мониторингини ва чанглатиш прогнозини аниқлаш, келгусида бу ҳақида аҳолини хабардор қилиш, аллергенли ўсимликларнинг гуллаш тақвимини яратиш;
озиқ-овқат маҳсулотларини тамғалашни анафилактик реакция ривожланиш хавфи мавжудлигини инобатга олган ҳолда жаҳон стандартларига мослаштириш ва уларни озиқ-овқат саноатига босқичма-босқич жорий этиш;
молекуляр аллергология соҳасида илмий тадқиқотлар ўтказилишини ташкил этиш ва тадқиқотларни амалга оширилишида кўмаклашиш;
молекуляр аллергология бўйича врачлар малакасини ошириш ўқув дастурларини ва услубий адабиётларни ишлаб чиқиш;
молекуляр аллергология соҳасида мутахассисларни шартнома асосида малакасини ошириш ва қайта тайёрлаш;
молекуляр аллергология соҳасида фаолият юритаётган ёш олимлар ва хорижлик экспертларни ҳамкорликка жалб қилиш учун зарур шарт-шароитлар яратиш;
халқаро илмий-техникавий ҳамкорлик шаклларини ривожлантиришда иштирок этиш, жумладан, молекуляр аллергологияни ривожлантириш учун жамғармалар ва халқаро дастурлар грантларини жалб қилиш орқали хорижлик ҳамкорлар билан биргаликда илмий-техникавий ва инновацион лойиҳаларни амалга ошириш.
3. Белгилаб қўйилсинки:
Халқаро марказ директори Ўзбекистон Республикаси Инновацион ривожланиш вазири томонидан лавозимга тайинланади ва лавозимдан озод этилади;
таркиби Ўзбекистон Республикаси Инновацион ривожланиш вазирлиги томонидан тасдиқланадиган Халқаро кузатув кенгаши Халқаро марказнинг бошқарув органи ҳисобланади.
Халқаро марказ ўзига юклатилган вазифаларни бажаришда Ўзбекистон Республикаси Соғлиқни сақлаш вазирлигининг Республика илмий-ихтисослаштирилган аллергология маркази, Ўзбекистон Республикаси Фанлар академиясининг Иммунология ва инсон геномикаси институти ва бошқа илмий-тадқиқот муассасалари билан яқиндан ҳамкорлик қилади.
4. Халқаро марказ фаолиятини молиялаштириш манбаи сифатида қуйидагилар белгилансин:
Инновацион ривожланиш ва новаторлик ғояларини қўллаб-қувватлаш жамғармаси маблағлари;
соҳа фаолияти бўйича шартнома асосида бажарилган ишлар ва кўрсатилган хизматлардан тушган маблағлар;
халқаро молия институтлари ва хорижий ташкилотларнинг грант ва кредитлари;
жисмоний ва юридик шахслар, шу жумладан Ўзбекистон Республикаси норезидентларининг хайрия маблағлари;
қонунчиликда тақиқланмаган бошқа манбалар.
5. Ўзбекистон Республикасида ишлаб чиқарилмайдиган ва Халқаро марказ томонидан ўрнатилган тартибда шакллантирилган рўйхат бўйича республикага олиб кириладиган лаборатория асбоб-ускуналари, реагентлар ва сарфланувчи материаллар 2022 йилнинг 1 октябрига қадар божхона тўловларидан озод қилинсин (божхона расмийлаштируви тўловлари бундан мустасно).
6. Ўзбекистон Республикаси Ташқи ишлар вазирлиги Халқаро марказ талабномасига кўра Халқаро марказда ишлаш учун жалб этилган хорижлик мутахассисларнинг кириш визаларини консуллик ва бошқа тўловларни ундирмаган ҳолда ўрнатилган тартибда расмийлаштирилишини таъминласин.
7. Ўзбекистон Республикаси Ички ишлар вазирлиги Халқаро марказ талабномасига кўра Халқаро марказда ишлаш учун жалб этилган хорижлик мутахассислардан давлат божларини ундирмаган ҳолда уларга кўп марталик визаларни бериш ва узайтириб бериш, вақтинча турган жойи бўйича рўйхатга олишни ўрнатилган тартибда расмийлаштирилишини таъминласин.
8. Бандлик ва меҳнат муносабатлари вазирлиги Халқаро марказ талабномасига кўра Халқаро марказ зиммасига юкланган вазифаларни ижро этиш учун хорижлик мутахассисларни республикага жалб этишга рухсат бериш (узайтириб бериш) ҳамда уларнинг Ўзбекистон Республикаси ҳудудида меҳнат фаолиятини олиб бориш ҳуқуқини ўрнатилган тартибда тасдиқлашни таъминласин.
9. Қуйидагиларга:
Ўзбекистон Республикаси Инновацион ривожланиш вазири И.Ю.Абдураҳмонов зиммасига — Халқаро марказ фаолиятини самарали ва тўлақонли ташкил этиш;
Ўзбекистон Республикаси Бош вазирининг ўринбосари А.А.Абдуҳакимов зиммасига — вазирликлар ва идоралар томонидан белгиланган вазифаларни бажарилишини мувофиқлаштириш, шунингдек, ушбу қарорнинг бажарилишини мунтазам равишда кўриб чиқиш юзасидан шахсий жавобгарлик юклансин.
10. Халқаро марказ Ўзбекистон Республикаси Инновацион ривожланиш вазирлиги марказий аппаратининг Тошкент шаҳар Олмазор тумани Университет кўчасида қурилаётган биносига бепул фойдаланиш ҳуқуқи асосида жойлаштирилсин.
11. Ўзбекистон Республикаси Инновацион ривожланиш вазирлиги:
бир ой муддатда Халқаро марказ ташкилий тузилмасини тасдиқланишини, унинг Уставининг ишлаб чиқилишини ва белгиланган тартибда давлат рўйхатидан ўтказилишини;
Халқаро марказда бажариладиган илмий-тадқиқот ишларини амалий йўналтирилганлигини ва натижадорлигини кучайтиришга, шунингдек, илмий ишланмаларни тижоратлаштиришнинг самарали мувофиқлаштирилишини, жаҳон илмий ютуқлари даражасига мослигини таъминласин.
12. Мазкур қарор ижросини назорат қилиш Ўзбекистон Республикаси Бош вазири ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмуродов, Ўзбекистон Республикаси Бош вазири ўринбосари А.А. Абдуҳакимов ва Ўзбекистон Республикаси инновацион ривожланиш вазири И.Ю. Абдураҳмонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 25 октябрь,
865-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Innovatsion rivojlanish vazirligi huzurida Xalqaro molekulyar allergologiya markazini tashkil etish toʻgʻrisida
Yetakchi xorijiy mutaxassislarni jalb etgan holda ilmiy-diagnostik, taʼlim va ishlab chiqarishga oid innovatsiyalarni rivojlantirish, allergik kasalliklarni diagnostika qilish va davolashning molekulyar va boshqa ilgʻor usullarini tatbiq qilish hamda koʻrsatilayotgan tibbiy xizmatlar sifatini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Innovatsion rivojlanish vazirligi, Sogʻliqni saqlash vazirligi va Fanlar akademiyasining Oʻzbekiston Respublikasi Innovatsion rivojlanish vazirligi huzurida yuridik shaxs maqomiga ega boʻlgan Xalqaro molekulyar allergologiya markazini (keyingi oʻrinlarda Xalqaro markaz deb ataladi) tashkil etish toʻgʻrisidagi taklifiga rozilik berilsin.
2. Xalqaro markaz faoliyatining asosiy vazifalari va yoʻnalishlari etib quyidagilar belgilansin:
ultrazamonaviy biologik mikrochiplarni qoʻllash orqali allergik kasalliklarni diagnostika qilish sohasida innovatsion texnologiyalarni rivojlantirish, shuningdek, shu kabi kasalliklarni davolash va profilaktika qilish;
allergik kasallik haqida jamlangan maʼlumotlar, allergen turlari, shuningdek, shoshilinch holatlarni rivojlanish riski toʻgʻrisidagi boshqa maʼlumotlarni oʻz ichiga oluvchi “allergik pasport” yaratish;
allergen oʻsimliklar gulchangining aerobiologik monitoringini va changlatish prognozini aniqlash, kelgusida bu haqida aholini xabardor qilish, allergenli oʻsimliklarning gullash taqvimini yaratish;
oziq-ovqat mahsulotlarini tamgʻalashni anafilaktik reaksiya rivojlanish xavfi mavjudligini inobatga olgan holda jahon standartlariga moslashtirish va ularni oziq-ovqat sanoatiga bosqichma-bosqich joriy etish;
molekulyar allergologiya sohasida ilmiy tadqiqotlar oʻtkazilishini tashkil etish va tadqiqotlarni amalga oshirilishida koʻmaklashish;
molekulyar allergologiya boʻyicha vrachlar malakasini oshirish oʻquv dasturlarini va uslubiy adabiyotlarni ishlab chiqish;
molekulyar allergologiya sohasida mutaxassislarni shartnoma asosida malakasini oshirish va qayta tayyorlash;
molekulyar allergologiya sohasida faoliyat yuritayotgan yosh olimlar va xorijlik ekspertlarni hamkorlikka jalb qilish uchun zarur shart-sharoitlar yaratish;
xalqaro ilmiy-texnikaviy hamkorlik shakllarini rivojlantirishda ishtirok etish, jumladan, molekulyar allergologiyani rivojlantirish uchun jamgʻarmalar va xalqaro dasturlar grantlarini jalb qilish orqali xorijlik hamkorlar bilan birgalikda ilmiy-texnikaviy va innovatsion loyihalarni amalga oshirish.
3. Belgilab qoʻyilsinki:
Xalqaro markaz direktori Oʻzbekiston Respublikasi Innovatsion rivojlanish vaziri tomonidan lavozimga tayinlanadi va lavozimdan ozod etiladi;
tarkibi Oʻzbekiston Respublikasi Innovatsion rivojlanish vazirligi tomonidan tasdiqlanadigan Xalqaro kuzatuv kengashi Xalqaro markazning boshqaruv organi hisoblanadi.
Xalqaro markaz oʻziga yuklatilgan vazifalarni bajarishda Oʻzbekiston Respublikasi Sogʻliqni saqlash vazirligining Respublika ilmiy-ixtisoslashtirilgan allergologiya markazi, Oʻzbekiston Respublikasi Fanlar akademiyasining Immunologiya va inson genomikasi instituti va boshqa ilmiy-tadqiqot muassasalari bilan yaqindan hamkorlik qiladi.
4. Xalqaro markaz faoliyatini moliyalashtirish manbai sifatida quyidagilar belgilansin:
Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari;
soha faoliyati boʻyicha shartnoma asosida bajarilgan ishlar va koʻrsatilgan xizmatlardan tushgan mablagʻlar;
xalqaro moliya institutlari va xorijiy tashkilotlarning grant va kreditlari;
jismoniy va yuridik shaxslar, shu jumladan Oʻzbekiston Respublikasi norezidentlarining xayriya mablagʻlari;
qonunchilikda taqiqlanmagan boshqa manbalar.
5. Oʻzbekiston Respublikasida ishlab chiqarilmaydigan va Xalqaro markaz tomonidan oʻrnatilgan tartibda shakllantirilgan roʻyxat boʻyicha respublikaga olib kiriladigan laboratoriya asbob-uskunalari, reagentlar va sarflanuvchi materiallar 2022-yilning 1-oktabriga qadar bojxona toʻlovlaridan ozod qilinsin (bojxona rasmiylashtiruvi toʻlovlari bundan mustasno).
6. Oʻzbekiston Respublikasi Tashqi ishlar vazirligi Xalqaro markaz talabnomasiga koʻra Xalqaro markazda ishlash uchun jalb etilgan xorijlik mutaxassislarning kirish vizalarini konsullik va boshqa toʻlovlarni undirmagan holda oʻrnatilgan tartibda rasmiylashtirilishini taʼminlasin.
7. Oʻzbekiston Respublikasi Ichki ishlar vazirligi Xalqaro markaz talabnomasiga koʻra Xalqaro markazda ishlash uchun jalb etilgan xorijlik mutaxassislardan davlat bojlarini undirmagan holda ularga koʻp martalik vizalarni berish va uzaytirib berish, vaqtincha turgan joyi boʻyicha roʻyxatga olishni oʻrnatilgan tartibda rasmiylashtirilishini taʼminlasin.
8. Bandlik va mehnat munosabatlari vazirligi Xalqaro markaz talabnomasiga koʻra Xalqaro markaz zimmasiga yuklangan vazifalarni ijro etish uchun xorijlik mutaxassislarni respublikaga jalb etishga ruxsat berish (uzaytirib berish) hamda ularning Oʻzbekiston Respublikasi hududida mehnat faoliyatini olib borish huquqini oʻrnatilgan tartibda tasdiqlashni taʼminlasin.
9. Quyidagilarga:
Oʻzbekiston Respublikasi Innovatsion rivojlanish vaziri I.Yu.Abdurahmonov zimmasiga — Xalqaro markaz faoliyatini samarali va toʻlaqonli tashkil etish;
Oʻzbekiston Respublikasi Bosh vazirining oʻrinbosari A.A.Abduhakimov zimmasiga — vazirliklar va idoralar tomonidan belgilangan vazifalarni bajarilishini muvofiqlashtirish, shuningdek, ushbu qarorning bajarilishini muntazam ravishda koʻrib chiqish yuzasidan shaxsiy javobgarlik yuklansin.
10. Xalqaro markaz Oʻzbekiston Respublikasi Innovatsion rivojlanish vazirligi markaziy apparatining Toshkent shahar Olmazor tumani Universitet koʻchasida qurilayotgan binosiga bepul foydalanish huquqi asosida joylashtirilsin.
11. Oʻzbekiston Respublikasi Innovatsion rivojlanish vazirligi:
bir oy muddatda Xalqaro markaz tashkiliy tuzilmasini tasdiqlanishini, uning Ustavining ishlab chiqilishini va belgilangan tartibda davlat roʻyxatidan oʻtkazilishini;
Xalqaro markazda bajariladigan ilmiy-tadqiqot ishlarini amaliy yoʻnaltirilganligini va natijadorligini kuchaytirishga, shuningdek, ilmiy ishlanmalarni tijoratlashtirishning samarali muvofiqlashtirilishini, jahon ilmiy yutuqlari darajasiga mosligini taʼminlasin.
12. Mazkur qaror ijrosini nazorat qilish Oʻzbekiston Respublikasi Bosh vaziri oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmurodov, Oʻzbekiston Respublikasi Bosh vaziri oʻrinbosari A.A. Abduhakimov va Oʻzbekiston Respublikasi innovatsion rivojlanish vaziri I.Yu. Abdurahmonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-oktabr,
865-son
Кабинета Министров Республики Узбекистан
Постановление
О создании Международного центра молекулярной аллергологии при Министерстве инновационного развития Республики Узбекистан
В целях развития научно-диагностических, образовательных и производственных инноваций в области аллергологии с привлечением ведущих зарубежных специалистов, а также внедрения молекулярных и иных передовых методов диагностики и лечения аллергических заболеваний, повышения качества оказываемых медицинских услуг Кабинет Министров постановляет:
1. Согласиться с предложением Министерства инновационного развития, Министерства здравоохранения и Академии наук Республики Узбекистан о создании Международного центра молекулярной аллергологии при Министерстве инновационного развития Республики Узбекистан (далее — Международный центр) со статусом юридического лица.
2. Определить основными задачами и направлениями деятельности Международного центра:
развитие инновационных технологий в области диагностики аллергических заболеваний с применением ультрасовременных биологических микрочипов, а также лечение и профилактика таких заболеваний;
создание и внедрение «аллергического паспорта» пациента, включающего сведения о имеющемся аллергическом заболевании с указанием видов аллергенов, а также другую необходимую информацию о предупреждении риска развития неотложных состояний;
осуществление аэробиологического мониторинга пыльцы аллергенных растений и прогноза пыления с последующим информированием населения, создание календаря цветения аллергенных растений;
адаптацию и постепенное внедрение в пищевую промышленность мировых стандартов маркировки пищевых продуктов на наличие риска развития анафилактических реакций;
организацию проведения и оказание содействия в осуществлении научных исследований в области молекулярной аллергологии;
разработку учебных программ повышения квалификации врачей и методической литературы по молекулярной аллергологии;
осуществление повышения квалификации и переподготовки специалистов в области молекулярной аллергологии на договорной основе;
создание необходимых условий для привлечения к сотрудничеству молодых ученых и зарубежных экспертов в области молекулярной аллергологии;
участие в развитии форм международного сотрудничества, выполнение совместно с зарубежными партнерами научно-технических и инновационных проектов для развития молекулярной аллергологии, в том числе путем привлечения грантов международных программ и фондов.
3. Установить, что:
директор Международного центра назначается на должность и освобождается от должности министром инновационного развития Республики Узбекистан;
управляющим органом Международного центра является Международный наблюдательный совет, состав которого утверждается Министерством инновационного развития Республики Узбекистан;
Международный центр при выполнении возложенных задач тесно взаимодействует с Республиканским научно-специализированным аллергологическим центром Министерства здравоохранения Республики Узбекистан, Институтом иммунологии и геномики человека Академии наук Республики Узбекистан и другими научно-исследовательскими учреждениями.
4. Определить источниками финансирования деятельности Международного центра:
средства Фонда поддержки инновационного развития и новаторских идей;
поступления от выполнения работ и оказания услуг по профилю деятельности на договорной основе;
гранты и кредиты международных финансовых институтов и зарубежных организаций;
благотворительные пожертвования физических и юридических лиц, в том числе нерезидентов Республики Узбекистан;
другие источники, не запрещенные законодательством.
5. Освободить сроком до 1 октября 2022 года от таможенных платежей (за исключением сборов за таможенное оформление) лабораторное оборудование, реагенты и расходные материалы, не производимые в Республике Узбекистан и ввозимые Международным центром по перечням, формируемым в установленном порядке.
6. Министерству иностранных дел Республики Узбекистан обеспечить в установленном порядке по заявкам Международного центра оформление въездных виз иностранным специалистам, привлекаемым для работы в Международном центре, без взимания консульских и иных сборов.
7. Министерству внутренних дел Республики Узбекистан обеспечить в установленном порядке по заявкам Международного центра выдачу и продление многократных виз, а также регистрацию по месту временного пребывания и ее продление иностранным специалистам, привлекаемым для работы в Международном центре, без взимания государственной пошлины.
8. Министерству занятости и трудовых отношений Республики Узбекистан обеспечить в установленном порядке по заявкам Международного центра выдачу (продление) разрешений на привлечение в республику иностранных специалистов для исполнения возложенных на Международный центр задач, а также подтверждений на право трудовой деятельности на территории Республики Узбекистан.
9. Возложить персональную ответственность на:
министра инновационного развития Республики Узбекистан И.Ю.Абдурахмонова — за эффективную и полноценную организацию деятельности Международного центра;
заместителя Премьер-министра Республики Узбекистан А.А. Абдухакимова — за действенную координацию работы министерств и ведомств за надлежащее выполнение возложенных задач, а также регулярное рассмотрение хода исполнения настоящего постановления.
10. Разместить Международный центр в строящемся здании центрального аппарата Министерства инновационного развития Республики Узбекистан по адресу: г. Ташкент, Олмазарский район, улица Университетская на праве безвозмездного пользования.
11. Министерству инновационного развития Республики Узбекистан обеспечить:
в месячный срок утверждение структуры Международного центра, разработку устава Международного центра и его государственную регистрацию в установленном порядке;
эффективную координацию научно-исследовательских работ Международного центра, их соответствие уровню мировых научных достижений, обратив особое внимание на усиление практической направленности и результативности, а также коммерциализацию научных разработок.
12. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, заместителя Премьер-министра Республики Узбекистан А.А. Абдухакимова и министра инновационного развития Республики Узбекистан И.Ю. Абдурахмонова.
Премьер-министр Республики Узбекистан А. АРИПОВ
г. Ташкент,
25 октября 2018 г.,
№ 865