📅 2018-yil 25-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
СХЕМАСИ
СХЕМАСИ
СХЕМАСИ
РЎЙХАТИ
РЕЖАСИ
РЕЖАСИ
РЕЖАСИ
ТАРКИБИ
ТАРКИБИ
РЎЙХАТИ
Ўқувчи ва талаба ёшлар ўртасида ўтказиладиган республика спорт мусобақалари тизимини янада такомиллаштириш тўғрисида
Ёшларда спортга бўлган ҳавас ва интилишни, жамиятда соғлом турмуш тарзи тамойилларини янада кучайтириш, ёш иқтидорли спортчиларни танлаб олиш, уларда профессионал маҳорат ва кўникмаларни ривожлантириш, спорт турлари бўйича мамлакат терма жамоаларига спорт захирасини тайёрлаш, ўқувчи ва талабаларни спорт машғулотларига узлуксиз жалб этишга қаратилган спорт мусобақалари тизимини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Жисмоний тарбия ва спорт вазирлиги, Халқ таълими вазирлиги, Олий ва ўрта махсус таълим вазирлиги, Ўзбекистон Миллий олимпия қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг:
а) умумий ўрта таълим мактаблари ҳамда академик лицейлар ўқувчилари ўртасида «Умид ниҳоллари» спорт мусобақаларининг финал босқичини ҳар уч йилда бир марта Қорақалпоғистон Республикасининг Нукус шаҳрида, вилоят марказларида ҳамда Тошкент шаҳрида ўтказиш;
б) касб-ҳунар коллежлари ўқувчилари ўртасида «Баркамол авлод», олий таълим муассасалари талабалари ўртасида «Универсиада» спорт мусобақаларининг республика финал босқичини ҳар йили спорт турлари бўйича навбатма-навбат республиканинг барча ҳудудларида ўтказиш тўғрисидаги таклифига розилик берилсин.
2. Қуйидагилар:
«Умид ниҳоллари», «Баркамол авлод» ва «Универсиада» спорт мусобақаларини ўтказиш схемаси 1 , 2 ва 3-иловаларга ;
«Умид ниҳоллари», «Баркамол авлод» ва «Универсиада» спорт мусобақаларида ўтказиладиган спорт турлари рўйхати 4-иловага ;
«Баркамол авлод» ва «Универсиада» спорт мусобақаларининг спорт турлари бўйича республика финал босқичини ҳудудларда ўтказиш режаси 5 , 6 ва 7-иловаларга ;
«Умид ниҳоллари», «Баркамол авлод» ва «Универсиада» спорт мусобақаларини финал босқичини ўтказиш бўйича ташкилий қўмиталар таркиблари 8 ва 9-иловаларга мувофиқ тасдиқлансин.
3. Белгилансинки, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳар йили спорт мусобақаларини ўтказиш юзасидан қуйидагиларни назарда тутувчи чора-тадбирлар дастурини ишлаб чиқсин ва тасдиқласин:
а) «Умид ниҳоллари» спорт мусобақалари Ўзбекистон Республикаси Халқ таълими вазирлиги ҳамда Жисмоний тарбия ва спорт вазирлиги, Ўзбекистон «Ёшлик» жисмоний тарбия ва спорт жамияти Марказий кенгашига жисмоний тарбия ва спорт тадбирларига ажратиладиган бюджет маблағлари доирасида, шунингдек хомийлик хайриялари ва бюджетдан ташқари маблағларини жалб этган ҳолда ўтказилиши, ғолибликни кўлга киритган иштирокчиларни 1, 2 ва 3-даражали диплом, медаль, кубок, эсдалик совғалари билан тақдирлаш ҳамда мусобақаларнинг финал босқичида ғолиб бўлган жамоаларга «Президент совғаси» сифатида республикада ишлаб чиқарилган енгил автомобиль совға қилиш;
б) «Баркамол авлод» ва «Универсиада» спорт мусобақалари Ўзбекистон Республикаси Олий ва ўрта махсус таълим вазирлиги ҳамда Жисмоний тарбия ва спорт вазирлиги, жисмоний тарбия ва спорт тадбирларига ажратиладиган бюджет маблағлари доирасида, шунингдек, ҳомийлик хайриялари ва бюджетдан ташқари маблағларни жалб этган ҳолда мусобақаларни юқори савияда ўтказилиши учун ҳакамлар билан таъминлаш ҳамда мусобақаларнинг финал босқичида ғолиб ва совриндор бўлган жамоаларга «Президент совғаси» сифатида ташкилий қўмита томонидан белгиланадиган қимматбаҳо совғалар бериш;
в) спорт мусобақаларининг республика финал босқичлари бўлиб ўтадиган ҳудудлар ва у ерда жойлашган инфратузилма объектларини ҳомийлик хайриялари ҳамда бюджетдан ташқари маблағларни жалб этган ҳолда талаб даражасида тайёрлаш ва замонавий асосда жиҳозлаш;
г) спорт мусобақалари давомида ҳар бир иштирокчининг қалбида Ватанга муҳаббат ва садоқат, миллий ғурур ва ифтихор туйғуларини қарор топтириш, уларнинг буюк аждодларимизнинг мардлик ва жасурлик анъаналарини муносиб давом эттиришга қодир инсонлар бўлиб етишишига хизмат қиладиган маданий-маърифий тадбирлар дастурини амалга ошириш.
4. Ўзбекистон Республикаси Жисмоний тарбия ва спорт вазирлиги, Халқ таълими вазирлиги, Олий ва ўрта махсус таълим вазирлиги:
а) уч ой муддатда «Умид ниҳоллари», «Баркамол авлод» ва «Универсиада» спорт мусобақаларини ўтказиш тартиби тўғрисидаги низомни ишлаб чиқсин ва Вазирлар Маҳкамасига киритсин;
б) спорт мусобақаларининг барча босқичларини, айниқса, қуйи (таълим муассасаси, туман (шаҳар) босқичлари) босқичлари тўлиқ ва сифатли ўтказилишини қатъий назоратга олсин;
в) мусобақаларнинг барча босқичлари натижаларини таҳлил қилсин ва тизимли мониторингини олиб борсин.
5. Ўзбекистон Республикаси Ички ишлар вазирлиги спорт мусобақалари ўтказиладиган, иштирокчилар жойлашадиган, овқатланадиган, ташриф буюрадиган жойларда ва уларнинг атроф ҳудудларида жамоат тартиби сақланишини, йўл ҳаракати, ёнғин ва фуқаролар хавфсизлигини ҳамда ҳаракатланиш йўналишларида йўл-патруль хизмати патруль автомашиналари ёрдамида кузатиб борилишини таъминласин.
6. Ўзбекистон Республикаси Соғлиқни сақлаш вазирлиги спорт мусобақалари ўтадиган жойларнинг санитария қоидалари, нормалари ва гигиена нормативларига мос бўлишини, иштирокчиларга юқори савияда тиббий хизмат кўрсатилишини, меҳмонхоналарда ва ушбу турнир ўтадиган жойларда зарур тиббий анжомлар, дори воситалари ҳамда тез ёрдам автомашиналари навбатчилиги ташкил этилишини таъминласин.
7. «Ўзбекистон ҳаво йўллари» миллий авиакомпанияси, «Ўзбекистон темир йўллари» акциядорлик жамияти ташкилий қўмиталар буюртманомаларига биноан спорт мусобақалари иштирокчилари ва ижодий гуруҳ аъзоларини белгиланган тартибда имтиёзли нархлар асосида чипталар билан таъминласин.
8. Ўзбекистон миллий телерадиокомпанияси, Ўзбекистон Матбуот ва ахборот агентлиги, Ўзбекистон Миллий ахборот агентлиги ҳамда Ўзбекистон Республикаси Ахборот технологиялари ва коммуникацияларини ривожлантириш вазирлигига спорт мусобақаларининг реклама роликларини тайёрлаш ва оммавий ахборот воситаларида кенг ёритиш ҳамда мавжуд техника воситалари орқали тўғридан-тўғри эфирга узатиш тавсия этилсин.
9. Белгилаб қўйилсинки, уч босқичли «Умид ниҳоллари», «Баркамол авлод» ва «Универсиада» спорт мусобақаларини ўтказиш бўйича Ташкилий қўмиталар ҳамда манфаатдор вазирлик ва ташкилотлар буюртманомаларига биноан «Ўзбекистон талабалар спорти» ассоциацияси ва Ўзбекистон «Ёшлик» жисмоний тарбия ва спорт жамияти томонидан ўтказиладиган тадбирлар ва ташкилий ишлар сарф-харажатлари Ташкилий қўмиталар қабул қилган қарорларга асосан молиялаштирилади.
Бунда:
Ташкилий қўмита томонидан ҳар йил учун тасдиқланган сарф-харажатлар сметаси ва спорт тадбирларини ўтказиш тақвим режасига мувофиқ «Баркамол авлод» спорт мусобақаларининг республика финал босқичида спортчи, тренер ва делегация раҳбарларини овқатлантириш, ғолиб ва совриндорларини тақдирлаш харажатларини молиялаштириш касб-ҳунар таьлими соҳасининг марказлашган маблағлари ҳисобидан;
«Универсиада» спорт мусобақаларининг республика финал босқичида спортчи, тренер ва делегация раҳбарларини овқатлантириш, ғолибликни қўлга киритган спортчиларни 1, 2 ва 3-даражали диплом, медаль, кубок, эсдалик совғалари билан тақдирлаш харажатларини молиялаштириш Ташкилий қўмита томонидан ҳар йил учун тасдиқланадиган спорт тадбирларини ўтказиш тақвим режаси, сарф-харажатлар сметаси ҳамда тақсимотга мувофиқ Ўзбекистон талабалар спорти ассоциациясига олий таълим муассасаларининг бюджетдан ташқари ҳамда талабаларни тўлов-контракт асосида ўқитишдан тушадиган маблағлари ҳисобидан;
«Универсиада» ва «Баркамол авлод» спорт мусобақаларининг Республика финал босқичини ташкил этиш ва ўтказиш, иштирокчиларни финал босқичи ўтказиладиган ҳудудларга бориш-келиш ва шаҳар ичида ҳаракатланишлари учун транспорт билан, спорт жамоаларини тайёрлаш ҳамда ётоқхона билан таъминлаш харажатлари тегишлича Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг ҳомийлик хайриялари ҳамда бюджетдан ташқари маблағлар ҳисобидан;
Ўзбекистон талабалар спорти ассоциациясини сақлаш харажатлари унинг таъсис ҳужжатларига мувофиқ олий таьлим муассасаларида ташкил этилган спорт клублари аъзоларининг аъзолик бадаллари, мақсадли ажратмалари ҳамда ҳомийлик ва қонунда тақиқланмаган бошқа маблағлар ҳисобидан амалга оширилади.
10. Ўзбекистон Республикаси Ҳукуматининг 10-иловага мувофиқ айрим қарорлари ўз кучини йўқотган деб ҳисоблансин.
11. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси жисмоний тарбия ва спорт вазири Д.Х. Набиев, Қорақалпоғистон Республикаси Вазирлар Кенгаши раиси Қ.Р. Сариев, вилоятлар ва Тошкент шаҳар ҳокимлари зиммасига юклансин.
Вазирлар Маҳкамасининг 2018 йил 25 октябрдаги 864-сон қарорига 1-ИЛОВА
«Умид ниҳоллари» спорт мусобақаларини ўтказиш
Вазирлар Маҳкамасининг 2018 йил 25 октябрдаги 864-сон қарорига 2-ИЛОВА
«Баркамол авлод» спорт мусобақаларини ўтказиш
Вазирлар Маҳкамасининг 2018 йил 25 октябрдаги 864-сон қарорига 3-ИЛОВА
«Универсиада» спорт мусобақаларини ўтказиш
Вазирлар Маҳкамасининг 2018 йил 25 октябрдаги 864-сон қарорига 4-ИЛОВА
«Умид ниҳоллари», «Баркамол авлод», «Универсиада» спорт мусобақаларида ўтказиладиган спорт турлари
Т/р «Умид ниҳоллари» спорт мусобақаларига киритилган спорт турлари номи «Баркамол авлод» спорт мусобақаларига киритилган спорт турлари номи «Универсиада» спорт мусобақаларига киритилган спорт турлари номи 1 ― 4 синфлар 5 ― 11 синфлар 1. Мини-футбол Бадминтон Бадминтон Бадминтон 2. Енгил атлетика Баскетбол Баскетбол Баскетбол 3. Шахмат Волейбол Волейбол Волейбол 4. Шашка Гандбол Гандбол Гандбол 5. Бадиий гимнастика Футбол Футбол Футбол 6. Енгил атлетика Енгил атлетика Енгил атлетика 7. Стол тенниси Стол тенниси Стол тенниси 8. Шахмат Шахмат Шахмат 9. Шашка Шашка Шашка 10. Кураш Кураш Кураш 11. Спорт гимнастикаси Белбоғли кураш Белбоғли кураш 12. Бадиий гимнастика Дзюдо Дзюдо
Вазирлар Маҳкамасининг 2018 йил 25 октябрдаги 864-сон қарорига 5-ИЛОВА
«Умид ниҳоллари» спорт мусобақаларининг спорт турлари бўйича финал босқичини ҳудудларда ўтказиш
Т/р Ҳудудлар номи Мусобақалар ўтказиладиган шаҳарлар Мусобақаларни ўтказиш даври Мусобақалар ўтказиладиган спорт турлари 1. Қорақалпоғистон Республикаси Нукус 2020 йилдан бошлаб, ҳар 3 йилда Бадминтон, баскетбол, волейбол, гандбол, футбол, енгил атлетика, стол тенниси, шахмат, спорт гимнастикаси, кураш, бадиий гимнастика 2. Андижон вилояти Андижон 3. Бухоро вилояти Бухоро 4. Жиззах вилояти Жиззах 5. Қашқадарё вилояти Қарши 6. Навоий вилояти Навоий 7. Наманган вилояти Наманган 8. Самарқанд вилояти Самарқанд 9. Сирдарё вилояти Гулистон 10. Сурхондарё вилояти Термиз 11. Тошкент вилояти Олмалиқ 12. Фарғона вилояти Фарғона 13. Хоразм вилояти Урганч 14. Тошкент шаҳри Тошкент
Вазирлар Маҳкамасининг 2018 йил 25 октябрдаги 864-сон қарорига 6-ИЛОВА
«Баркамол авлод» спорт мусобақаларининг спорт турлари бўйича республика финал босқичини ҳудудларда ўтказиш
Ҳудудлар номи Ўқув йиллари 2020-2021 2022-2023 2024-2025 2026-2027 2028-2029 2030 ― 2032 2032-2033 Спорт турлари номи Қорақалпоғистон Республикаси Дзюдо Волейбол (ўғил болалар Волейбол (қиз болалар Стол тенниси Белбоғли кураш Баскетбол (қиз болалар) Шахмат Шашка Андижон вилояти Гандбол (ўғил болалар) Дзюдо Волейбол (ўғил болалар) Волейбол (қиз болалар) Стол тенниси Белбоғли кураш Баскетбол (қиз болалар) Бухоро вилояти Кураш Гандбол (ўғил болалар) Дзюдо Волейбол (ўғил болалар) Волейбол (қиз болалар) Стол тенниси Белбоғли кураш Жиззах вилояти Енгил атлетика Кураш Гандбол (ўғил болалар) Дзюдо Волейбол (ўғил болалар) Волейбол (қиз болалар) Стол тенниси Қашқадарё вилояти Футбол Енгил атлетика Кураш Гандбол (ўғил болалар) Дзюдо Волейбол (ўғил болалар) Волейбол (қиз болалар) Навоий вилояти Баскетбол (ўғил болалар) Футбол Енгил атлетика Кураш Гандбол (ўғил болалар) Дзюдо Волейбол (ўғил болалар) Наманган вилояти Гандбол (қиз болалар) Баскетбол (ўғил болалар) Футбол Енгил атлетика Кураш Гандбол (ўғил болалар) Дзюдо Самарқанд вилояти Бадминтон Гандбол (қиз болалар) Баскетбол (ўғил болалар) Футбол Енгил атлетика Кураш Гандбол (ўғил болалар) Сирдарё вилояти Шахмат Шашка Бадминтон Гандбол (қиз болалар) Баскетбол (ўғил болалар) Футбол Енгил атлетика Кураш Сурхондарё вилояти Баскетбол (қиз болалар) Шахмат Шашка Бадминтон Гандбол (Қиз болалар) Баскетбол (Ўғил болалар) Футбол Енгил атлетика Тошкент вилояти Белбоғли кураш Баскетбол (қиз болалар) Шахмат Шашка Бадминтон Гандбол (қиз болалар) Баскетбол (ўғил болалар) Футбол Фарғона вилояти Стол тенниси Белбоғли кураш Баскетбол (қиз болалар) Шахмат Шашка Бадминтон Гандбол (қиз болалар) Баскетбол (ўғил болалар) Хоразм вилояти Волейбол (қиз болалар) Стол тенниси Белбоғли кураш Баскетбол (қиз болалар) Шахмат Шашка Бадминтон Гандбол (қиз болалар) Тошкент шаҳри Волейбол (ўғил болалар) Волейбол (қиз болалар) Стол тенниси Белбоғли кураш Баскетбол (қиз болалар) Шахмат Шашка Бадминтон
Вазирлар Маҳкамасининг 2018 йил 25 октябрдаги 864-сон қарорига 7-ИЛОВА
«Универсиада» спорт мусобақаларининг спорт турлари бўйича республика финал босқичини ҳудудларда ўтказиш
Ҳудудлар номи Ўқув йиллари 2019-2020 2021-2022 2023-2024 2025-2026 2027-2028 2029-2030 2031-2032 Спорт турлари номи Қорақалпоғистон Республикаси Волейбол (аёллар) Стол тенниси Баскетбол (эркаклар) Футбол Енгил атлетика Кураш Бадминтон Андижон вилояти Белбоғли кураш Волейбол (аёллар) Стол тенниси Баскетбол (эркаклар) Футбол Енгил атлетика Кураш Бухоро вилояти Баскетбол (аёллар) Белбоғли кураш Волейбол (аёллар) Стол тенниси Баскетбол (эркаклар) Футбол Енгил атлетика Жиззах вилояти Гандбол (эркаклар) Баскетбол (аёллар) Белбоғли кураш Волейбол (аёллар) Стол тенниси Баскетбол (эркаклар) Футбол Қашқадарё вилояти Дзюдо Гандбол (эркаклар Баскетбол (аёллар) Белбоғли кураш Волейбол (аёллар) Стол тенниси Баскетбол (эркаклар) Навоий вилояти Шахмат Шашка Дзюдо Гандбол (эркаклар) Баскетбол (аёллар) Белбоғли кураш Волейбол (аёллар) Стол тенниси Наманган вилояти Волейбол (эркаклар) Шахмат Шашка Дзюдо Гандбол (эркаклар) Баскетбол (аёллар) Белбоғли кураш Волейбол (аёллар) Самарқанд вилояти Гандбол (аёллар) Волейбол (эркаклар) Шахмат Шашка Дзюдо Гандбол (эркаклар) Баскетбол (аёллар) Белбоғли кураш Сирдарё вилояти Бадминтон Гандбол (аёллар) Волейбол (эркаклар) Шахмат Шашка Дзюдо Гандбол (эркаклар) Баскетбол (аёллар) Сурхондарё вилояти Кураш Бадминтон Гандбол (аёллар) Волейбол (эркаклар) Шахмат Шашка Дзюдо Гандбол (эркаклар) Тошкент вилояти Енгил атлетика Кураш Бадминтон Гандбол (аёллар) Волейбол (эркаклар) Шахмат Шашка Дзюдо Фарғона вилояти Футбол Енгил атлетика Кураш Бадминтон Гандбол (аёллар) Волейбол (эркаклар) Шахмат Шашка Хоразм вилояти Баскетбол (эркаклар) Футбол Енгил атлетика Кураш Бадминтон Гандбол (аёллар) Волейбол (эркаклар) Тошкент шаҳри Стол тенниси Баскетбол (эркаклар) Футбол Енгил атлетика Кураш Бадминтон Гандбол (аёллар)
Вазирлар Маҳкамасининг 2018 йил 25 октябрдаги 864-сон қарорига 8-ИЛОВА
«Умид ниҳоллари» спорт мусобақаларининг финал босқичини ўтказиш бўйича ташкилий қўмита
1. Ш. Шерматов — халқ таълими вазири, Ташкилий қўмита раиси 2. Д. Набиев — жисмоний тарбия ва спорт вазири, Ташкилий қўмита раисининг ўринбосари 3. У. Ахматджонов — Ўзбекистон Миллий олимпия қўмитаси раиси, Ташкилий қўмита раисининг ўринбосари Ташкилий қўмита аъзолари: 4. А. Шадманов — соғлиқни сақлаш вазири 5. Б. Сайфуллаев — маданият вазири 6. Қ. Рафиков — Ўзбекистон Касаба уюшмалари федерацияси кенгаши раиси 7. Ш. Жавлонов — Ўзбекистон «Маҳалла» хайрия жамоат фонди бошқаруви раиси 8. А. Хаджаев — Ўзбекистон Миллий телерадиокомпанияси раиси в.б. 9. Д. Назармухамедов — ички ишлар вазирининг биринчи ўринбосари 10. А. Кўчимов — Ўзбекистон Миллий ахборот агентлиги бош директори 11. Б. Ҳакимов — «Ўзбекистон ҳаво йўллари» миллий авиакомпанияси бош директори в.б. 12. Ф. Сагдуллаев — «Ўзбекистон темир йўллари» акционерлик жамияти бош директорининг биринчи ўринбосари 13. Ш. Султонов — Ўзбекистон Республикаси Президенти Администрацияси масъул ходими 14. К. Баязитов — Ўзбекистон Республикаси Вазирлар Маҳкамасининг Жисмоний тарбия, оммавий спорт ва олий маҳорат спорти тизимини ривожлантириш шуъбаси мудири 15. Т. Тойиров — Халқ таълими вазирлиги «Ёшлик» жисмоний тарбия ва спорт жамияти марказий кенгаши раисининг биринчи ўринбосари, масъул котиб.
Вазирлар Маҳкамасининг 2018 йил 25 октябрдаги 864-сон қарорига 9-ИЛОВА
«Баркамол авлод» ва «Универсиада» спорт мусобақаларининг финал босқичини ўтказиш бўйича ташкилий қўмита
1. И. Мажидов — олий ва ўрта махсус таълим вазири, Ташкилий қўмита раиси 2. М. Холмухамедов — олий ва ўрта махсус таълим вазирининг биринчи ўринбосари — Касб-ҳунар таълими маркази директори, Ташкилий қўмита раисининг ўринбосари 3. Д. Набиев — жисмоний тарбия ва спорт вазири, Ташкилий қўмита раисининг ўринбосари 4. У. Ахматджонов — Ўзбекистон Миллий олимпия қўмитаси раиси, Ташкилий қўмита раисининг ўринбосари Ташкилий қўмита аъзолари: 5. А. Шадманов — соғлиқни сақлаш вазири 6. Б. Сайфуллаев — маданият вазири 7. Қ. Рафиков — Ўзбекистон Касаба уюшмалари федерацияси кенгаши раиси 8. Ш. Жавлонов — Ўзбекистон «Маҳалла» хайрия жамоат фонди бошқаруви раиси 9. А. Хаджаев — Ўзбекистон Миллий телерадиокомпанияси раиси в.б. 10. Д. Назармухамедов — ички ишлар вазирининг биринчи ўринбосари ўринбосари 11. А. Кўчимов — Миллий ахборот агентлиги бош директори 12. Б. Ҳакимов — «Ўзбекистон ҳаво йўллари» Миллий авиакомпанияси бош директори в.б. 13. Ф. Сагдуллаев — «Ўзбекистон темир йўллари» компанияси бош директорининг биринчи ўринбосари 14. Ш. Султонов — Ўзбекистон Республикаси Президенти Администрацияси масъул ходими 15. К. Баязитов — Ўзбекистон Республикаси Вазирлар Маҳкамасининг Жисмоний тарбия, оммавий спорт ва олий маҳорат спорти тизимини ривожлантириш шуъбаси мудири 16. Э. Кодиров — Олий ва ўрта махсус таълим вазирлиги «Ўзбекистон талабалар спорти» ассоциацияси раиси, масъул котиб.
Вазирлар Маҳкамасининг 2018 йил 25 октябрдаги 864-сон қарорига 10-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган баъзи қарорлари
1. Вазирлар Маҳкамасининг «Ўқувчи ва талаба ёшларни спортга жалб қилишга қаратилган узлуксиз спорт мусобақалари тизимини ташкил этиш тўғрисида» 2003 йил 3 июндаги 244-сон қарори .
3. Вазирлар Маҳкамасининг «Ўқувчи ва талаба ёшларни спортга жалб қилишга қаратилган узлуксиз республика спорт мусобақаларини ўтказиш тўғрисида» 2009 йил 29 июндаги 181-сон қарори (Ўзбекистон Республикаси ҚҲТ, 2009 й., 27-сон, 315-модда).
5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Жисмоний тарбия ва спорт давлат қўмитаси фаолиятини ташкил этиш тўғрисида» 2017 йил 15 февралдаги ПҚ-2779-сон қарори)» 2017 йил 16 майдаги 288-сон қарорига (Ўзбекистон Республикаси ҚТ, 2017 й., 5-сон, 74-модда) илованинг 11-банди .
6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида» 2017 йил 5 июлдаги ПФ-5106-сон Фармони)» 2017 йил 12 сентябрдаги 712-сон қарори (Ўзбекистон Республикаси ҚҲТ, 2017 й., 37-сон, 996-модда) иловасининг 12-банди .
8. Вазирлар Маҳкамасининг «Ўзбекистон Республикаси Ҳукуматнинг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқолган деб ҳисоблаш тўғрисида (Ўзбекистон Республикаси Президентининг «Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида» 2018 йил 5 мартдаги ПФ-5368-сон Фармони ва Ўзбекистон Республикаси Президентининг «Ўзбекистон Республикаси Жисмоний тарбия ва спорт вазирлигини ташкил этиш тўғрисида» 2018 йил 5 мартдаги ПҚ-3583-сон қарори)» 2018 йил 5 июлдаги 508-сон қарори (Қонун ҳужжатлари маълумотлари миллий базаси (www.lex.uz), 2018 йил 9 июль) 1-иловасининг 11-банди .
Ўзбекистон Республикасининг Бош вазири А. АРИПОВ
Тошкент ш.,
2018 йил 25 октябрь,
864-сон
Oʻzbekiston Respublikasi Vazirlar Mahkamasining
qarori
SXEMASI
SXEMASI
SXEMASI
ROʻYXATI
REJASI
REJASI
REJASI
TARKIBI
TARKIBI
ROʻYXATI
Oʻquvchi va talaba yoshlar oʻrtasida oʻtkaziladigan respublika sport musobaqalari tizimini yanada takomillashtirish toʻgʻrisida
Yoshlarda sportga boʻlgan havas va intilishni, jamiyatda sogʻlom turmush tarzi tamoyillarini yanada kuchaytirish, yosh iqtidorli sportchilarni tanlab olish, ularda professional mahorat va koʻnikmalarni rivojlantirish, sport turlari boʻyicha mamlakat terma jamoalariga sport zaxirasini tayyorlash, oʻquvchi va talabalarni sport mashgʻulotlariga uzluksiz jalb etishga qaratilgan sport musobaqalari tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Jismoniy tarbiya va sport vazirligi, Xalq taʼlimi vazirligi, Oliy va oʻrta maxsus taʼlim vazirligi, Oʻzbekiston Milliy olimpiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining:
a) umumiy oʻrta taʼlim maktablari hamda akademik litseylar oʻquvchilari oʻrtasida “Umid nihollari” sport musobaqalarining final bosqichini har uch yilda bir marta Qoraqalpogʻiston Respublikasining Nukus shahrida, viloyat markazlarida hamda Toshkent shahrida oʻtkazish;
b) kasb-hunar kollejlari oʻquvchilari oʻrtasida “Barkamol avlod”, oliy taʼlim muassasalari talabalari oʻrtasida “Universiada” sport musobaqalarining respublika final bosqichini har yili sport turlari boʻyicha navbatma-navbat respublikaning barcha hududlarida oʻtkazish toʻgʻrisidagi taklifiga rozilik berilsin.
2. Quyidagilar:
“Umid nihollari”, “Barkamol avlod” va “Universiada” sport musobaqalarini oʻtkazish sxemasi 1 , 2 va 3-ilovalarga ;
“Umid nihollari”, “Barkamol avlod” va “Universiada” sport musobaqalarida oʻtkaziladigan sport turlari roʻyxati 4-ilovaga ;
“Barkamol avlod” va “Universiada” sport musobaqalarining sport turlari boʻyicha respublika final bosqichini hududlarda oʻtkazish rejasi 5 , 6 va 7-ilovalarga ;
“Umid nihollari”, “Barkamol avlod” va “Universiada” sport musobaqalarini final bosqichini oʻtkazish boʻyicha tashkiliy qoʻmitalar tarkiblari 8 va 9-ilovalarga muvofiq tasdiqlansin.
3. Belgilansinki, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari har yili sport musobaqalarini oʻtkazish yuzasidan quyidagilarni nazarda tutuvchi chora-tadbirlar dasturini ishlab chiqsin va tasdiqlasin:
a) “Umid nihollari” sport musobaqalari Oʻzbekiston Respublikasi Xalq taʼlimi vazirligi hamda Jismoniy tarbiya va sport vazirligi, Oʻzbekiston “Yoshlik” jismoniy tarbiya va sport jamiyati Markaziy kengashiga jismoniy tarbiya va sport tadbirlariga ajratiladigan budjet mablagʻlari doirasida, shuningdek xomiylik xayriyalari va budjetdan tashqari mablagʻlarini jalb etgan holda oʻtkazilishi, gʻoliblikni koʻlga kiritgan ishtirokchilarni 1, 2 va 3-darajali diplom, medal, kubok, esdalik sovgʻalari bilan taqdirlash hamda musobaqalarning final bosqichida gʻolib boʻlgan jamoalarga “Prezident sovgʻasi” sifatida respublikada ishlab chiqarilgan yengil avtomobil sovgʻa qilish;
b) “Barkamol avlod” va “Universiada” sport musobaqalari Oʻzbekiston Respublikasi Oliy va oʻrta maxsus taʼlim vazirligi hamda Jismoniy tarbiya va sport vazirligi, jismoniy tarbiya va sport tadbirlariga ajratiladigan budjet mablagʻlari doirasida, shuningdek, homiylik xayriyalari va budjetdan tashqari mablagʻlarni jalb etgan holda musobaqalarni yuqori saviyada oʻtkazilishi uchun hakamlar bilan taʼminlash hamda musobaqalarning final bosqichida gʻolib va sovrindor boʻlgan jamoalarga “Prezident sovgʻasi” sifatida tashkiliy qoʻmita tomonidan belgilanadigan qimmatbaho sovgʻalar berish;
v) sport musobaqalarining respublika final bosqichlari boʻlib oʻtadigan hududlar va u yerda joylashgan infratuzilma obyektlarini homiylik xayriyalari hamda budjetdan tashqari mablagʻlarni jalb etgan holda talab darajasida tayyorlash va zamonaviy asosda jihozlash;
g) sport musobaqalari davomida har bir ishtirokchining qalbida Vatanga muhabbat va sadoqat, milliy gʻurur va iftixor tuygʻularini qaror toptirish, ularning buyuk ajdodlarimizning mardlik va jasurlik anʼanalarini munosib davom ettirishga qodir insonlar boʻlib yetishishiga xizmat qiladigan madaniy-maʼrifiy tadbirlar dasturini amalga oshirish.
4. Oʻzbekiston Respublikasi Jismoniy tarbiya va sport vazirligi, Xalq taʼlimi vazirligi, Oliy va oʻrta maxsus taʼlim vazirligi:
a) uch oy muddatda “Umid nihollari”, “Barkamol avlod” va “Universiada” sport musobaqalarini oʻtkazish tartibi toʻgʻrisidagi nizomni ishlab chiqsin va Vazirlar Mahkamasiga kiritsin;
b) sport musobaqalarining barcha bosqichlarini, ayniqsa, quyi (taʼlim muassasasi, tuman (shahar) bosqichlari) bosqichlari toʻliq va sifatli oʻtkazilishini qatʼiy nazoratga olsin;
v) musobaqalarning barcha bosqichlari natijalarini tahlil qilsin va tizimli monitoringini olib borsin.
5. Oʻzbekiston Respublikasi Ichki ishlar vazirligi sport musobaqalari oʻtkaziladigan, ishtirokchilar joylashadigan, ovqatlanadigan, tashrif buyuradigan joylarda va ularning atrof hududlarida jamoat tartibi saqlanishini, yoʻl harakati, yongʻin va fuqarolar xavfsizligini hamda harakatlanish yoʻnalishlarida yoʻl-patrul xizmati patrul avtomashinalari yordamida kuzatib borilishini taʼminlasin.
6. Oʻzbekiston Respublikasi Sogʻliqni saqlash vazirligi sport musobaqalari oʻtadigan joylarning sanitariya qoidalari, normalari va gigiyena normativlariga mos boʻlishini, ishtirokchilarga yuqori saviyada tibbiy xizmat koʻrsatilishini, mehmonxonalarda va ushbu turnir oʻtadigan joylarda zarur tibbiy anjomlar, dori vositalari hamda tez yordam avtomashinalari navbatchiligi tashkil etilishini taʼminlasin.
7. “Oʻzbekiston havo yoʻllari” milliy aviakompaniyasi, “Oʻzbekiston temir yoʻllari” aksiyadorlik jamiyati tashkiliy qoʻmitalar buyurtmanomalariga binoan sport musobaqalari ishtirokchilari va ijodiy guruh aʼzolarini belgilangan tartibda imtiyozli narxlar asosida chiptalar bilan taʼminlasin.
8. Oʻzbekiston milliy teleradiokompaniyasi, Oʻzbekiston Matbuot va axborot agentligi, Oʻzbekiston Milliy axborot agentligi hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligiga sport musobaqalarining reklama roliklarini tayyorlash va ommaviy axborot vositalarida keng yoritish hamda mavjud texnika vositalari orqali toʻgʻridan-toʻgʻri efirga uzatish tavsiya etilsin.
9. Belgilab qoʻyilsinki, uch bosqichli “Umid nihollari”, “Barkamol avlod” va “Universiada” sport musobaqalarini oʻtkazish boʻyicha Tashkiliy qoʻmitalar hamda manfaatdor vazirlik va tashkilotlar buyurtmanomalariga binoan “Oʻzbekiston talabalar sporti” assotsiatsiyasi va Oʻzbekiston “Yoshlik” jismoniy tarbiya va sport jamiyati tomonidan oʻtkaziladigan tadbirlar va tashkiliy ishlar sarf-xarajatlari Tashkiliy qoʻmitalar qabul qilgan qarorlarga asosan moliyalashtiriladi.
Bunda:
Tashkiliy qoʻmita tomonidan har yil uchun tasdiqlangan sarf-xarajatlar smetasi va sport tadbirlarini oʻtkazish taqvim rejasiga muvofiq “Barkamol avlod” sport musobaqalarining respublika final bosqichida sportchi, trener va delegatsiya rahbarlarini ovqatlantirish, gʻolib va sovrindorlarini taqdirlash xarajatlarini moliyalashtirish kasb-hunar talimi sohasining markazlashgan mablagʻlari hisobidan;
“Universiada” sport musobaqalarining respublika final bosqichida sportchi, trener va delegatsiya rahbarlarini ovqatlantirish, gʻoliblikni qoʻlga kiritgan sportchilarni 1, 2 va 3-darajali diplom, medal, kubok, esdalik sovgʻalari bilan taqdirlash xarajatlarini moliyalashtirish Tashkiliy qoʻmita tomonidan har yil uchun tasdiqlanadigan sport tadbirlarini oʻtkazish taqvim rejasi, sarf-xarajatlar smetasi hamda taqsimotga muvofiq Oʻzbekiston talabalar sporti assotsiatsiyasiga oliy taʼlim muassasalarining budjetdan tashqari hamda talabalarni toʻlov-kontrakt asosida oʻqitishdan tushadigan mablagʻlari hisobidan;
“Universiada” va “Barkamol avlod” sport musobaqalarining Respublika final bosqichini tashkil etish va oʻtkazish, ishtirokchilarni final bosqichi oʻtkaziladigan hududlarga borish-kelish va shahar ichida harakatlanishlari uchun transport bilan, sport jamoalarini tayyorlash hamda yotoqxona bilan taʼminlash xarajatlari tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining homiylik xayriyalari hamda budjetdan tashqari mablagʻlar hisobidan;
Oʻzbekiston talabalar sporti assotsiatsiyasini saqlash xarajatlari uning taʼsis hujjatlariga muvofiq oliy talim muassasalarida tashkil etilgan sport klublari aʼzolarining aʼzolik badallari, maqsadli ajratmalari hamda homiylik va qonunda taqiqlanmagan boshqa mablagʻlar hisobidan amalga oshiriladi.
10. Oʻzbekiston Respublikasi Hukumatining 10-ilovaga muvofiq ayrim qarorlari oʻz kuchini yoʻqotgan deb hisoblansin.
11. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi jismoniy tarbiya va sport vaziri D.X. Nabiyev, Qoraqalpogʻiston Respublikasi Vazirlar Kengashi raisi Q.R. Sariyev, viloyatlar va Toshkent shahar hokimlari zimmasiga yuklansin.
Vazirlar Mahkamasining 2018-yil 25-oktabrdagi 864-son qaroriga 1-ILOVA
“Umid nihollari” sport musobaqalarini oʻtkazish
Vazirlar Mahkamasining 2018-yil 25-oktabrdagi 864-son qaroriga 2-ILOVA
“Barkamol avlod” sport musobaqalarini oʻtkazish
Vazirlar Mahkamasining 2018-yil 25-oktabrdagi 864-son qaroriga 3-ILOVA
“Universiada” sport musobaqalarini oʻtkazish
Vazirlar Mahkamasining 2018-yil 25-oktabrdagi 864-son qaroriga 4-ILOVA
“Umid nihollari”, “Barkamol avlod”, “Universiada” sport musobaqalarida oʻtkaziladigan sport turlari
T/r “Umid nihollari” sport musobaqalariga kiritilgan sport turlari nomi “Barkamol avlod” sport musobaqalariga kiritilgan sport turlari nomi “Universiada” sport musobaqalariga kiritilgan sport turlari nomi 1 ― 4 sinflar 5 ― 11 sinflar 1. Mini-futbol Badminton Badminton Badminton 2. Yengil atletika Basketbol Basketbol Basketbol 3. Shaxmat Voleybol Voleybol Voleybol 4. Shashka Gandbol Gandbol Gandbol 5. Badiiy gimnastika Futbol Futbol Futbol 6. Yengil atletika Yengil atletika Yengil atletika 7. Stol tennisi Stol tennisi Stol tennisi 8. Shaxmat Shaxmat Shaxmat 9. Shashka Shashka Shashka 10. Kurash Kurash Kurash 11. Sport gimnastikasi Belbogʻli kurash Belbogʻli kurash 12. Badiiy gimnastika Dzyudo Dzyudo
Vazirlar Mahkamasining 2018-yil 25-oktabrdagi 864-son qaroriga 5-ILOVA
“Umid nihollari” sport musobaqalarining sport turlari boʻyicha final bosqichini hududlarda oʻtkazish
T/r Hududlar nomi Musobaqalar oʻtkaziladigan shaharlar Musobaqalarni oʻtkazish davri Musobaqalar oʻtkaziladigan sport turlari 1. Qoraqalpogʻiston Respublikasi Nukus 2020-yildan boshlab, har 3 yilda Badminton, basketbol, voleybol, gandbol, futbol, yengil atletika, stol tennisi, shaxmat, sport gimnastikasi, kurash, badiiy gimnastika 2. Andijon viloyati Andijon 3. Buxoro viloyati Buxoro 4. Jizzax viloyati Jizzax 5. Qashqadaryo viloyati Qarshi 6. Navoiy viloyati Navoiy 7. Namangan viloyati Namangan 8. Samarqand viloyati Samarqand 9. Sirdaryo viloyati Guliston 10. Surxondaryo viloyati Termiz 11. Toshkent viloyati Olmaliq 12. Fargʻona viloyati Fargʻona 13. Xorazm viloyati Urganch 14. Toshkent shahri Toshkent
Vazirlar Mahkamasining 2018-yil 25-oktabrdagi 864-son qaroriga 6-ILOVA
“Barkamol avlod” sport musobaqalarining sport turlari boʻyicha respublika final bosqichini hududlarda oʻtkazish
Hududlar nomi Oʻquv yillari 2020-2021 2022-2023 2024-2025 2026-2027 2028-2029 2030 ― 2032 2032-2033 Sport turlari nomi Qoraqalpogʻiston Respublikasi Dzyudo Voleybol (oʻgʻil bolalar Voleybol (qiz bolalar Stol tennisi Belbogʻli kurash Basketbol (qiz bolalar) Shaxmat Shashka Andijon viloyati Gandbol (oʻgʻil bolalar) Dzyudo Voleybol (oʻgʻil bolalar) Voleybol (qiz bolalar) Stol tennisi Belbogʻli kurash Basketbol (qiz bolalar) Buxoro viloyati Kurash Gandbol (oʻgʻil bolalar) Dzyudo Voleybol (oʻgʻil bolalar) Voleybol (qiz bolalar) Stol tennisi Belbogʻli kurash Jizzax viloyati Yengil atletika Kurash Gandbol (oʻgʻil bolalar) Dzyudo Voleybol (oʻgʻil bolalar) Voleybol (qiz bolalar) Stol tennisi Qashqadaryo viloyati Futbol Yengil atletika Kurash Gandbol (oʻgʻil bolalar) Dzyudo Voleybol (oʻgʻil bolalar) Voleybol (qiz bolalar) Navoiy viloyati Basketbol (oʻgʻil bolalar) Futbol Yengil atletika Kurash Gandbol (oʻgʻil bolalar) Dzyudo Voleybol (oʻgʻil bolalar) Namangan viloyati Gandbol (qiz bolalar) Basketbol (oʻgʻil bolalar) Futbol Yengil atletika Kurash Gandbol (oʻgʻil bolalar) Dzyudo Samarqand viloyati Badminton Gandbol (qiz bolalar) Basketbol (oʻgʻil bolalar) Futbol Yengil atletika Kurash Gandbol (oʻgʻil bolalar) Sirdaryo viloyati Shaxmat Shashka Badminton Gandbol (qiz bolalar) Basketbol (oʻgʻil bolalar) Futbol Yengil atletika Kurash Surxondaryo viloyati Basketbol (qiz bolalar) Shaxmat Shashka Badminton Gandbol (Qiz bolalar) Basketbol (Oʻgʻil bolalar) Futbol Yengil atletika Toshkent viloyati Belbogʻli kurash Basketbol (qiz bolalar) Shaxmat Shashka Badminton Gandbol (qiz bolalar) Basketbol (oʻgʻil bolalar) Futbol Fargʻona viloyati Stol tennisi Belbogʻli kurash Basketbol (qiz bolalar) Shaxmat Shashka Badminton Gandbol (qiz bolalar) Basketbol (oʻgʻil bolalar) Xorazm viloyati Voleybol (qiz bolalar) Stol tennisi Belbogʻli kurash Basketbol (qiz bolalar) Shaxmat Shashka Badminton Gandbol (qiz bolalar) Toshkent shahri Voleybol (oʻgʻil bolalar) Voleybol (qiz bolalar) Stol tennisi Belbogʻli kurash Basketbol (qiz bolalar) Shaxmat Shashka Badminton
Vazirlar Mahkamasining 2018-yil 25-oktabrdagi 864-son qaroriga 7-ILOVA
“Universiada” sport musobaqalarining sport turlari boʻyicha respublika final bosqichini hududlarda oʻtkazish
Hududlar nomi Oʻquv yillari 2019-2020 2021-2022 2023-2024 2025-2026 2027-2028 2029-2030 2031-2032 Sport turlari nomi Qoraqalpogʻiston Respublikasi Voleybol (ayollar) Stol tennisi Basketbol (erkaklar) Futbol Yengil atletika Kurash Badminton Andijon viloyati Belbogʻli kurash Voleybol (ayollar) Stol tennisi Basketbol (erkaklar) Futbol Yengil atletika Kurash Buxoro viloyati Basketbol (ayollar) Belbogʻli kurash Voleybol (ayollar) Stol tennisi Basketbol (erkaklar) Futbol Yengil atletika Jizzax viloyati Gandbol (erkaklar) Basketbol (ayollar) Belbogʻli kurash Voleybol (ayollar) Stol tennisi Basketbol (erkaklar) Futbol Qashqadaryo viloyati Dzyudo Gandbol (erkaklar Basketbol (ayollar) Belbogʻli kurash Voleybol (ayollar) Stol tennisi Basketbol (erkaklar) Navoiy viloyati Shaxmat Shashka Dzyudo Gandbol (erkaklar) Basketbol (ayollar) Belbogʻli kurash Voleybol (ayollar) Stol tennisi Namangan viloyati Voleybol (erkaklar) Shaxmat Shashka Dzyudo Gandbol (erkaklar) Basketbol (ayollar) Belbogʻli kurash Voleybol (ayollar) Samarqand viloyati Gandbol (ayollar) Voleybol (erkaklar) Shaxmat Shashka Dzyudo Gandbol (erkaklar) Basketbol (ayollar) Belbogʻli kurash Sirdaryo viloyati Badminton Gandbol (ayollar) Voleybol (erkaklar) Shaxmat Shashka Dzyudo Gandbol (erkaklar) Basketbol (ayollar) Surxondaryo viloyati Kurash Badminton Gandbol (ayollar) Voleybol (erkaklar) Shaxmat Shashka Dzyudo Gandbol (erkaklar) Toshkent viloyati Yengil atletika Kurash Badminton Gandbol (ayollar) Voleybol (erkaklar) Shaxmat Shashka Dzyudo Fargʻona viloyati Futbol Yengil atletika Kurash Badminton Gandbol (ayollar) Voleybol (erkaklar) Shaxmat Shashka Xorazm viloyati Basketbol (erkaklar) Futbol Yengil atletika Kurash Badminton Gandbol (ayollar) Voleybol (erkaklar) Toshkent shahri Stol tennisi Basketbol (erkaklar) Futbol Yengil atletika Kurash Badminton Gandbol (ayollar)
Vazirlar Mahkamasining 2018-yil 25-oktabrdagi 864-son qaroriga 8-ILOVA
“Umid nihollari” sport musobaqalarining final bosqichini oʻtkazish boʻyicha tashkiliy qoʻmita
1. Sh. Shermatov — xalq taʼlimi vaziri, Tashkiliy qoʻmita raisi 2. D. Nabiyev — jismoniy tarbiya va sport vaziri, Tashkiliy qoʻmita raisining oʻrinbosari 3. U. Axmatdjonov — Oʻzbekiston Milliy olimpiya qoʻmitasi raisi, Tashkiliy qoʻmita raisining oʻrinbosari Tashkiliy qoʻmita aʼzolari: 4. A. Shadmanov — sogʻliqni saqlash vaziri 5. B. Sayfullayev — madaniyat vaziri 6. Q. Rafikov — Oʻzbekiston Kasaba uyushmalari federatsiyasi kengashi raisi 7. Sh. Javlonov — Oʻzbekiston “Mahalla” xayriya jamoat fondi boshqaruvi raisi 8. A. Xadjayev — Oʻzbekiston Milliy teleradiokompaniyasi raisi v.b. 9. D. Nazarmuxamedov — ichki ishlar vazirining birinchi oʻrinbosari 10. A. Koʻchimov — Oʻzbekiston Milliy axborot agentligi bosh direktori 11. B. Hakimov — “Oʻzbekiston havo yoʻllari” milliy aviakompaniyasi bosh direktori v.b. 12. F. Sagdullayev — “Oʻzbekiston temir yoʻllari” aksionerlik jamiyati bosh direktorining birinchi oʻrinbosari 13. Sh. Sultonov — Oʻzbekiston Respublikasi Prezidenti Administratsiyasi masʼul xodimi 14. K. Bayazitov — Oʻzbekiston Respublikasi Vazirlar Mahkamasining Jismoniy tarbiya, ommaviy sport va oliy mahorat sporti tizimini rivojlantirish shuʼbasi mudiri 15. T. Toyirov — Xalq taʼlimi vazirligi “Yoshlik” jismoniy tarbiya va sport jamiyati markaziy kengashi raisining birinchi oʻrinbosari, masʼul kotib.
Vazirlar Mahkamasining 2018-yil 25-oktabrdagi 864-son qaroriga 9-ILOVA
“Barkamol avlod” va “Universiada” sport musobaqalarining final bosqichini oʻtkazish boʻyicha tashkiliy qoʻmita
1. I. Majidov — oliy va oʻrta maxsus taʼlim vaziri, Tashkiliy qoʻmita raisi 2. M. Xolmuxamedov — oliy va oʻrta maxsus taʼlim vazirining birinchi oʻrinbosari — Kasb-hunar taʼlimi markazi direktori, Tashkiliy qoʻmita raisining oʻrinbosari 3. D. Nabiyev — jismoniy tarbiya va sport vaziri, Tashkiliy qoʻmita raisining oʻrinbosari 4. U. Axmatdjonov — Oʻzbekiston Milliy olimpiya qoʻmitasi raisi, Tashkiliy qoʻmita raisining oʻrinbosari Tashkiliy qoʻmita aʼzolari: 5. A. Shadmanov — sogʻliqni saqlash vaziri 6. B. Sayfullayev — madaniyat vaziri 7. Q. Rafikov — Oʻzbekiston Kasaba uyushmalari federatsiyasi kengashi raisi 8. Sh. Javlonov — Oʻzbekiston “Mahalla” xayriya jamoat fondi boshqaruvi raisi 9. A. Xadjayev — Oʻzbekiston Milliy teleradiokompaniyasi raisi v.b. 10. D. Nazarmuxamedov — ichki ishlar vazirining birinchi oʻrinbosari oʻrinbosari 11. A. Koʻchimov — Milliy axborot agentligi bosh direktori 12. B. Hakimov — “Oʻzbekiston havo yoʻllari” Milliy aviakompaniyasi bosh direktori v.b. 13. F. Sagdullayev — “Oʻzbekiston temir yoʻllari” kompaniyasi bosh direktorining birinchi oʻrinbosari 14. Sh. Sultonov — Oʻzbekiston Respublikasi Prezidenti Administratsiyasi masʼul xodimi 15. K. Bayazitov — Oʻzbekiston Respublikasi Vazirlar Mahkamasining Jismoniy tarbiya, ommaviy sport va oliy mahorat sporti tizimini rivojlantirish shuʼbasi mudiri 16. E. Kodirov — Oliy va oʻrta maxsus taʼlim vazirligi “Oʻzbekiston talabalar sporti” assotsiatsiyasi raisi, masʼul kotib.
Vazirlar Mahkamasining 2018-yil 25-oktabrdagi 864-son qaroriga 10-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan baʼzi qarorlari
1. Vazirlar Mahkamasining “Oʻquvchi va talaba yoshlarni sportga jalb qilishga qaratilgan uzluksiz sport musobaqalari tizimini tashkil etish toʻgʻrisida” 2003-yil 3-iyundagi 244-son qarori .
3. Vazirlar Mahkamasining “Oʻquvchi va talaba yoshlarni sportga jalb qilishga qaratilgan uzluksiz respublika sport musobaqalarini oʻtkazish toʻgʻrisida” 2009-yil 29-iyundagi 181-son qarori (Oʻzbekiston Respublikasi QHT, 2009-y., 27-son, 315-modda).
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Jismoniy tarbiya va sport davlat qoʻmitasi faoliyatini tashkil etish toʻgʻrisida” 2017-yil 15-fevraldagi PQ-2779-son qarori)” 2017-yil 16-maydagi 288-son qaroriga (Oʻzbekiston Respublikasi QT, 2017-y., 5-son, 74-modda) ilovaning 11-bandi .
6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisida” 2017-yil 5-iyuldagi PF-5106-son Farmoni)” 2017-yil 12-sentabrdagi 712-son qarori (Oʻzbekiston Respublikasi QHT, 2017-y., 37-son, 996-modda) ilovasining 12-bandi .
8. Vazirlar Mahkamasining “Oʻzbekiston Respublikasi Hukumatning ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqolgan deb hisoblash toʻgʻrisida (Oʻzbekiston Respublikasi Prezidentining “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 5-martdagi PF-5368-son Farmoni va Oʻzbekiston Respublikasi Prezidentining “Oʻzbekiston Respublikasi Jismoniy tarbiya va sport vazirligini tashkil etish toʻgʻrisida” 2018-yil 5-martdagi PQ-3583-son qarori)” 2018-yil 5-iyuldagi 508-son qarori (Qonun hujjatlari maʼlumotlari milliy bazasi (www.lex.uz), 2018-yil 9-iyul) 1-ilovasining 11-bandi .
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-oktabr,
864-son