📅 2018-yil 26-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 октября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 26 October 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг ««Микрокредитбанк» акциядорлик-тижорат банки фаолиятини ташкил этиш ва унинг моддий-техника базасини мустаҳкамлаш чора-тадбирлари тўғрисида» 2006 йил 6 майдаги 78-сон қарорига ўзгартириш ва қўшимчалар киритиш ҳақида
Ўзбекистон Республикаси Президентининг «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2018 йил 7 августдаги ПФ-5504-сон Фармонига мувофиқ Вазирлар Маҳкамаси қарор қилади:
1. Вазирлар Маҳкамасининг «Микрокредитбанк» акциядорлик-тижорат банки фаолиятини ташкил этиш ва унинг моддий-техника базасини мустаҳкамлаш чора-тадбирлари тўғрисида» 2006 йил 6 майдаги 78-сон қарорига (Ўзбекистон Республикаси ҚТ, 2006 й., 5-сон, 28-модда) иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Вазирлар Маҳкамасининг 2018 йил 26 октябрдаги 877-сон қарорига ИЛОВА
Вазирлар Маҳкамасининг «Микрокредитбанк» акциядорлик-тижорат банки фаолиятини ташкил этиш ва унинг моддий-техника базасини мустаҳкамлаш чора-тадбирлари тўғрисида» 2006 йил 6 майдаги 78-сон қарорига киритилаётган ўзгартириш ва қўшимчалар
Вазирлар Маҳкамасининг 2006 йил 6 майдаги 78-сон қарори (Ўзбекистон Республикаси ҚТ, 2006 й., 5-сон, 28-модда) билан тасдиқланган Микрокредитлар бериш ва микролизинг хизматлари кўрсатиш тартиби тўғрисидаги низомда :
а) 2-банднинг иккинчи — тўртинчи хатбошилари қуйидаги таҳрирда баён этилсин:
«Микрокредитлар тадбиркорликни бошлаш ва ривожлантириш (кенгайтириш)га, шу жумладан ишлаб чиқаришни технологик жиҳозлаш ва модернизация қилиш учун замонавий технологик ускуналар ва техникалар сотиб олишга, шунингдек, айланма маблағларни тўлдиришга берилади.»;
б) 3 — 5-бандлар қуйидаги таҳрирда баён этилсин:
«3. Микрокредитлар кичик тадбиркорлик субъектларига бизнесни бошлаш ва ривожлантириш (кенгайтириш) учун, шу жумладан Ўзбекистон Республикаси Президенти ёки Ўзбекистон Республикаси Вазирлар Маҳкамасининг қарорлари билан белгиланадиган молиявий ресурслар доирасида имтиёзли фоиз ставкалари бўйича берилади.
4. Микрокредитлар тадбиркорликни ривожлантириш (кенгайтириш) ва айланма маблағларни тўлдириш учун кичик тадбиркорлик субъектларига (шу жумладан микрофирмаларга, кичик корхоналарга), деҳқон ва фермер хўжаликларига — 24 ойгача муддат билан энг кам ойлик иш ҳақининг 1000 бараваригача миқдорда берилади.
5. Микролизинг хизматлари кичик тадбиркорлик субъектларига — технологик ускуналар ва техникалар сотиб олиш учун 3 йилгача муддат билан энг кам ойлик иш ҳақининг 2000 бараваригача миқдорда кўрсатилади»;
в) 7-бандга қуйидаги мазмундаги хатбоши қўшилсин:
«Бериладиган микрокредитлар ва кўрсатиладиган микролизинг хизматлари бўйича фоиз ставкалари «Микрокредитбанк» АТБ сиёсатига асосан белгиланади».
Ўзбекистон Республикасининг Бош вазири А. АРИПОВ
Тошкент ш.,
2018 йил 26 октябрь,
877-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining ““Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga oʻzgartirish va qoʻshimchalar kiritish haqida
Oʻzbekiston Respublikasi Prezidentining “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2018-yil 7-avgustdagi PF-5504-son Farmoniga muvofiq Vazirlar Mahkamasi qaror qiladi:
1. Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga (Oʻzbekiston Respublikasi QT, 2006-y., 5-son, 28-modda) ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Vazirlar Mahkamasining 2018-yil 26-oktabrdagi 877-son qaroriga ILOVA
Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga kiritilayotgan oʻzgartirish va qoʻshimchalar
Vazirlar Mahkamasining 2006-yil 6-maydagi 78-son qarori (Oʻzbekiston Respublikasi QT, 2006-y., 5-son, 28-modda) bilan tasdiqlangan Mikrokreditlar berish va mikrolizing xizmatlari koʻrsatish tartibi toʻgʻrisidagi nizomda :
a) 2-bandning ikkinchi — toʻrtinchi xatboshilari quyidagi tahrirda bayon etilsin:
“Mikrokreditlar tadbirkorlikni boshlash va rivojlantirish (kengaytirish)ga, shu jumladan ishlab chiqarishni texnologik jihozlash va modernizatsiya qilish uchun zamonaviy texnologik uskunalar va texnikalar sotib olishga, shuningdek, aylanma mablagʻlarni toʻldirishga beriladi.”;
b) 3 — 5-bandlar quyidagi tahrirda bayon etilsin:
“3. Mikrokreditlar kichik tadbirkorlik subyektlariga biznesni boshlash va rivojlantirish (kengaytirish) uchun, shu jumladan Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlari bilan belgilanadigan moliyaviy resurslar doirasida imtiyozli foiz stavkalari boʻyicha beriladi.
4. Mikrokreditlar tadbirkorlikni rivojlantirish (kengaytirish) va aylanma mablagʻlarni toʻldirish uchun kichik tadbirkorlik subyektlariga (shu jumladan mikrofirmalarga, kichik korxonalarga), dehqon va fermer xoʻjaliklariga — 24 oygacha muddat bilan eng kam oylik ish haqining 1000 baravarigacha miqdorda beriladi.
5. Mikrolizing xizmatlari kichik tadbirkorlik subyektlariga — texnologik uskunalar va texnikalar sotib olish uchun 3 yilgacha muddat bilan eng kam oylik ish haqining 2000 baravarigacha miqdorda koʻrsatiladi”;
v) 7-bandga quyidagi mazmundagi xatboshi qoʻshilsin:
“Beriladigan mikrokreditlar va koʻrsatiladigan mikrolizing xizmatlari boʻyicha foiz stavkalari “Mikrokreditbank” ATB siyosatiga asosan belgilanadi”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 26-oktabr,
877-son
Кабинета Министров Республики Узбекистан
Постановление
О внесении изменений и дополнения в постановление Кабинета Министров от 6 мая 2006 года № 78 «О мерах по организации деятельности и укреплению материально-технической базы Акционерного коммерческого банка «Микрокредитбанк»»
В соответствии с Указом Президента Республики Узбекистан от 7 августа 2018 года № УП-5504 «О внесении изменений и дополнений, а также признании утратившими силу некоторых актов Президента Республики Узбекистан» Кабинет Министров постановляет:
1. Внести изменения и дополнение в постановление Кабинета Министров от 6 мая 2006 года № 78 «О мерах по организации деятельности и укреплению материально-технической базы Акционерного коммерческого банка «Микрокредитбанк»» (СП Республики Узбекистан, 2006 г., № 5, ст. 28) согласно приложению .
2. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова.
ПРИЛОЖЕНИЕ к постановлению Кабинета Министров от 26 октября 2018 года № 877
Изменения и дополнение, вносимые в постановление Кабинета Министров от 6 мая 2006 года № 78 «О мерах по организации деятельности и укреплению материально-технической базы Акционерного коммерческого банка «Микрокредитбанк»»
В Положении о порядке предоставления микрокредитов и оказания микролизинговых услуг, утвержденном постановлением Кабинета Министров от 6 мая 2006 года № 78 (СП Республики Узбекистан, 2006 г., № 5, ст. 28):
а) абзацы второй — четвертый пункта 2 изложить в следующей редакции:
«Микрокредиты предоставляются на начало и развитие (расширение) предпринимательства, в том числе на приобретение современного технологического оборудования и техники для технологического оснащения и модернизации производства, а также пополнение оборотных средств»;
б) пункты 3 — 5 изложить в следующей редакции:
«3. Микрокредиты предоставляются на начало и развитие (расширение) бизнеса субъектов малого предпринимательства, в том числе по льготным процентным ставкам в пределах финансовых ресурсов, определяемых решениями Президента Республики Узбекистан или Кабинета Министров Республики Узбекистан.
4. Микрокредиты предоставляются на развитие (расширение) предпринимательства и пополнение оборотных средств сроком до 24 месяцев в сумме до 1000-кратного размера минимальной заработной платы — для субъектов малого предпринимательства (в том числе микрофирмам, малым предприятиям), дехканским и фермерским хозяйствам.
5. Услуги микролизинга предоставляются на приобретение технологического оборудования и техники сроком до 3 лет в сумме до 2000-кратного размера минимальной заработной платы — для субъектов малого предпринимательства»;
в) пункт 7 дополнить абзацем следующего содержания:
«Процентные ставки по выдаваемым микрокредитам и предоставляемым услугам микролизинга определяются политикой АКБ «Микрокредитбанк»».
Премьер-министр Республики Узбекистан А. АРИПОВ
г. Ташкент,
26 октября 2018 г.,
№ 877