📅 2018-yil 30-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2018 г. · Указы Президента
Официальный текст. Официальный документ. Редакционные примечания не включены.
📅 30 October 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Рўйхати
Товар бозорларида савдони янада эркинлаштириш ва рақобатни ривожлантириш чора-тадбирлари тўғрисида
Республикада улгуржи ва биржа савдоси корхоналари фаолияти учун зарур ҳуқуқий асос яратилган, замонавий ахборот технологиялари жорий этилган ҳолда чакана савдо тармоқлари жадал ривожланмоқда, тадбиркорлик субъектларининг моддий-техник ресурслардан фойдаланиши кенгаймоқда.
Шу билан бирга, товар бозорларининг ҳозирги ҳолати, улгуржи ва биржа савдосининг ривожланиш даражаси замонавий талабларга жавоб бермайди. Савдо айланмасининг кенгайишига, ички бозорни ва ишлаб чиқарувчиларни зарур товарлар билан таъминлашга ҳамда республикада ишлаб чиқарилаётган маҳсулотларни экспорт қилишга тўсқинлик қилаётган бир қатор муаммолар мавжуд, хусусан:
улгуржи савдонинг ривожланиши, кейинчалик қайта ишлаш учун ярим тайёр маҳсулотларни ва саноат маҳсулотларини, «бизнес учун — бизнес» (B2B) тамойили бўйича бошқа товарларни етказиб бериш тизими даражасининг пастлиги хўжалик юритувчи субъектлар транзакция харажатларининг ошишига ва улар томонидан ишлаб чиқарилаётган маҳсулотларнинг ташқи бозорларда рақобатбардошлиги пасайишига олиб келмоқда;
тадбиркорларни, айниқса, қишлоқ хўжалиги товар ишлаб чиқарувчиларини бозор нархларининг ноқулай ўзгариши оқибатларидан муҳофаза қилиш имконини берувчи фьючерслар, ҳосила молиявий воситалар ва биржа товарлари савдоси бошқа замонавий механизмларининг суст жорий этилиши натижасида операциялар ҳажми ва савдога чиқариладиган товарлар турлари чекланмоқда;
савдо субъектларининг устав капиталида давлат улушининг юқорилиги, чакана савдо ва хизмат кўрсатиш соҳаларида эскирган чекловларнинг сақланиб қолинаётганлиги мазкур соҳаларда рақобат муҳитининг изчил ривожланишига тўсқинлик қилмоқда;
товар ишлаб чиқарувчилар ва истеъмолчиларни, шу жумладан, хорижий истеъмолчиларни мамлакатда ишлаб чиқарилаётган талаб юқори бўлган маҳсулотлар турлари ва ҳажмлари тўғрисида хабардор қилишга доир ишларнинг тизимли йўлга қўйилмаганлиги республика ичида, шунингдек, хорижий ишлаб чиқарувчилар билан ишлаб чиқариш кооперациясининг ривожланишига тўсқинлик қилмоқда.
Савдо механизмларини янада такомиллаштириш, товарлар бозорида соғлом рақобат муҳитини ривожлантириш, шунингдек, тадбиркорлик субъектлари фаолиятининг самарадорлигини ошириш ва харажатларини камайтириш, улар томонидан ишлаб чиқарилаётган маҳсулотларнинг рақобатбардошлигини таъминлаш учун шарт-шароитлар яратиш мақсадида:
1. Ўзбекистон Республикаси Иқтисодиёт вазирлиги, Молия вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг:
а) 2019 йил 1 январдан бошлаб қуйидагиларни:
улгуржи савдони амалга ошириш фаолиятини лицензиялаш ва савдо корхоналарини солиққа тортишнинг махсус тартибини;
акциз солиғи солинадиган товарларнинг айрим турларини (автомобиль, ўсимлик ёғи ва бошқалар) сотишдан тушадиган тушумлар ҳисобини юритиш ва ундан фойдаланишнинг махсус тартибини;
кўчма савдо учун рухсатнома олиш талабини;
давлат улуши 50 фоиздан кам бўлган корхоналар контрагентлари билан ўзаро муносабатларда кечиктирилган дебиторлик қарзлар учун санкцияларни, ташқи савдо шартномалари бўйича қарзлар бундан мустасно;
давлат улуши 50 фоиздан кам бўлган корхоналар билан шартномалар бўйича ички бозорда олдиндан 15 фоиз тўловни амалга оширишга доир талабни;
1-иловага мувофиқ айрим турдаги товарлар экспортига чекловларни;
келишишнинг хабардор қилиш тартибини жорий этган ҳолда, маҳсулотларни биржа савдосига чиқариш жадвалларини Ўзбекистон Республикаси Монополияга қарши курашиш қўмитаси билан келишишнинг амалдаги тартибини;
молиявий истеъмол кредитини ишлаб чиқарувчидан ёки реализация қилувчи ташкилотдан фақат Ўзбекистон Республикасида ишлаб чиқарилган истеъмол товарлари (хизматлари)ни сотиб олиш учун бериш тўғрисидаги талабларни бекор қилиш;
б) 2018 йил 1 ноябрдан бошлаб қуйидагилар:
товар-хом ашё биржаларига биржада сотиладиган маҳсулотларни сақлаш ва логистика қилиш, шунингдек, ахборот-коммуникация технологияларини ишлаб чиқиш ва жорий этиш бўйича шуъба хўжалик бирлашмаларини тузиш;
импорт бўйича олиб келинган юқори ликвидли маҳсулот турларини, эгаларининг хоҳишига кўра, ички бозорда, шу жумладан, биржа савдоларида чекловларсиз сотиш;
биржа савдоларида харид қилинган юқори ликвидли маҳсулотлар, хом ашё ва материаллар турларини сотувчи томонидан чиқариб юбориш тўлов муддатидан келиб чиққан ҳолда биржаларнинг электрон тизими орқали қатъий белгиланадиган муддатлар ва навбатлар бўйича амалга ошириш тартибини белгилаш;
в) 2018 йил 1 ноябрдан бошлаб нақд пул тушумини топшириш ва ундан фойдаланишнинг қуйидагиларни:
базавий ҳисоблаш миқдорининг 20 бараваридан ортиқ миқдорда кунлик ўртача нақд пул тушуми бўлган хўжалик юритувчи субъектлар нақд пулни банк кассаларига инкассация хизматлари орқали ёки мустақил равишда кунлик топшириш имконияти;
ушбу кичик банднинг иккинчи хатбошида кўрсатилган миқдордан кам бўлган кунлик ўртача нақд пул тушумига эга хўжалик юритувчи субъектлар нақд пулни банк кассаларига инкассация хизматлари орқали ўзлари белгилаган даврларда ёки мустақил равишда топшириши имконияти;
қонун ҳужжатларида белгиланган тартибда муқобил инкассация хизматларини ташкил этган ҳолда нақд пул тушумини фақат Ўзбекистон Республикаси Марказий банкининг инкассация хизмати орқали топширишни бекор қилиш;
юридик шахслар, шунингдек, якка тартибдаги тадбиркорлар томонидан нақд пулсиз ҳисоб-китобларни олди-сотди шартномаларини тузмасдан инвойс (ҳисоб-фактура) бериш орқали корпоратив банк карточкаларидан фойдаланган ҳолда амалга оширилишини назарда тутувчи тартибини жорий этиш ҳақидаги таклифларига розилик берилсин.
г) улгуржи савдо корхоналарига ўзининг фирма дўконлари орқали нақд пулга майда улгуржи ва чакана савдони амалга оширишга назорат-касса машиналаридан фойдаланиш ва нақд тушумни белгиланган тартибда инкассация қилиш (банкларга топшириш) шарти билан рухсат берилсин.
2. Белгилансинки:
халқаро тўлов тизими орқали тўланган ҳолда бутунжаҳон Интернет тармоғи орқали битта инвойс бўйича 5 минг АҚШ долларигача товар (хизмат)ларни экспорт қилишда харидор билан ёзма шартнома тузиш талаб этилмайди ва барча юридик ва жисмоний шахсларга умумқабул қилинган халқаро амалиётга мувофиқ ҳисобот юритган ҳолда Ташқи савдо операцияларининг ягона электрон ахборот тизимига ахборот киритмасдан ҳамда почта алоқа хизматлари кўрсатиш қоидаларига мувофиқ юкнинг божхона декларациясини расмийлаштирмасдан амалга оширишга рухсат этилади;
2019 йил 1 январдан бошлаб товар-хом ашё биржаси аъзоларининг даромадларига қимматли қоғозлар бозорида брокерлик фаолиятини амалга оширувчи юридик шахслар учун белгиланган солиққа тортиш шартлари татбиқ этилади;
жисмоний шахсларга умумий қиймати 5 минг АҚШ долларидан кўп бўлмаган товарларни божхона декларацияси тақдим этмасдан Ўзбекистон Республикасидан олиб чиқишга рухсат этилади.
3. Ўзбекистон Республикаси Иқтисодиёт вазирлиги ҳузурида 38 нафар штат бирлигидан иборат Тармоқ бозорлари ва экспортга йўналтирилган ишлаб чиқариш тадқиқотлари маркази давлат муассасаси шаклида ташкил этилсин ва унинг асосий вазифалари этиб қуйидагилар белгилансин:
республикада ишлаб чиқариладиган ва импорт қилинадиган маҳсулотлар (товарлар ва хизматлар) номенклатураси ва турлари тўғрисида хўжалик юритувчи субъектларга ахборот бериш учун мунтазам янгиланиб бориладиган электрон-ахборот порталини яратиш;
ички ишлаб чиқариш қувватлари, товарларга бўлган талаб ва таклифнинг ҳажмлари, шунингдек, ишлаб чиқариладиган ва истеъмол қилинадиган маҳсулотга ички бозорда нархларнинг ўзгариши ҳақидаги маълумотлар базасини шакллантириш;
товар бозорларидаги нархлар, талаб ва таклифларнинг ўзгариши динамикасини таҳлил ва мониторинг қилиш ҳамда шу асосида тегишли таклифлар тайёрлаш;
тармоқ бозорлар конъюнктурасини республика ва ҳудудлар кесимида комплекс ўрганиш, уларнинг мувозанатли ривожланиши тўғрисида таклифлар тайёрлаш.
4. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси икки ой муддатда:
Ўзбекистон Республикаси Давлат солиқ қўмитаси ва Иқтисодиёт вазирлиги билан биргаликда республиканинг барча ҳудудларида семинарлар ўтказсин ва хўжалик юритувчи субъектларга биржа ва улгуржи савдо фаолиятини ташкил этиш бўйича зарур амалий ёрдам кўрсатилишини таъминласин;
манфаатдор вазирликлар ва идоралар билан биргаликда «Ўзбекистон республика товар-хом ашё биржаси» АЖнинг устав капиталидаги давлат улушини «Тошкент» республика фонд биржасида бирламчи (IPO) ва иккиламчи (SPO) оммавий таклифлар бериш орқали сотиш бўйича Вазирлар Маҳкамасига таклифлар киритсин.
5. Ўзбекистон Республикаси Вазирлар Маҳкамаси бир ой муддатда МДҲга аъзо давлатларнинг монополияга қарши келишилган сиёсатини амалга ошириш тўғрисидаги Шартномани белгиланган тартибда Ўзбекистон Республикаси томонидан ратификация қилиш бўйича таклифларни Ўзбекистон Республикаси Олий Мажлиси Қонунчилик палатасига киритсин.
6. Ўзбекистон Миллий телерадиокомпанияси оммавий ахборот воситаларида ушбу Фармон қоидалари ва тадбиркорлик субъектлари учун яратилган қўшимча имкониятлар тўғрисидаги маълумотларнинг кенг ёритилишини таъминласин.
7. Ўзбекистон Республикаси Иқтисодиёт вазирлиги тегишли вазирликлар ва идоралар билан биргаликда икки ой муддатда ўзлари қабул қилган норматив-ҳуқуқий ҳужжатларни ушбу Фармонга мувофиқлаштирсин.
8. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.
9. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси Президенти маслаҳатчисининг ўринбосари Г.К. Саидова зиммасига юклансин.
Ўзбекистон Республикаси Президентининг 2018 йил 30 октябрдаги ПФ-5564-сон Фармонига 1-ИЛОВА
2019 йил 1 январдан бошлаб экспорт чеклови бекор қилинадиган айрим товарлар
Т/р Товар номи ТИФ ТН коди 1. Чўчқа гўшти 0203 2. Уй паррандасининг гўшти ва қўшимча озуқабоп гўштли маҳсулотлари 0207 3. Ёғсиз гўштдан алоҳида ажратиб олинган чўчқа ёғи ва эритилмаган ёки бошқа йўл билан ажратиб олинмаган уй паррандаси ёғи 0209 4. Ўсимлик ёғи 1507, 1512 (техник мойдан ташқари 1512 11 100 0, 1512 21 100 0), 1516 5. Шакар 1701-1702 6. Нон-булка маҳсулотлари 1905 7. Вольфрам рудалари ва концентратлари 2611 00 000 0 8. Ипак чиқиндилари (титишга яроқсиз пилла, ипак ип чиқитлари ва титилган хом ашё) 5003 00 000 0
Ўзбекистон Республикаси Президентининг 2018 йил 30 октябрдаги ПФ-5564-сон Фармонига 2-ИЛОВА
Ўзбекистон Републикаси Президентининг айрим ҳужжатларига киритиладиган ўзгартириш ва қўшимчалар
2. Ўзбекистон Республикаси Президентининг «Ташқи бозорларда маҳаллий товарлар экспорт қилинишини рағбатлантириш ва рақобатдошлигини таъминлаш юзасидан қўшимча чора-тадбирлар тўғрисида» 2017 йил 15 декабрдаги ПФ-5286-сон Фармони 1-иловасининг рус тилидаги матнида :
а) 2-банд қуйидаги таҳрирда баён этилсин:
« 2. Мясо и пищевые мясные субпродукты 0201-0210 (кроме 0203, 0207, мяса ослов, мулов или лошаков по субпозициям 0205 00, пищевых субпродуктов свиней, ослов, мулов или лошаков по кодам 0206 30 000 — 0206 80 910 0, 0206 90 910 0, 0208 10, а также 0208 50 000 0, 0208 90 700 0, 0210 11 — 0210 19, 0210 99 410 0, 0210 99 490 0, 0210 99 710 0, 0210 99 790, 0 0210 99 800 0) » ;
б) 5, 6, 7 ва 8-бандлар ўз кучини йўқотган деб топилсин;
в) 11-банд қуйидаги таҳрирда баён этилсин:
« 11. Коконы шелкопряда, пригодные для разматывания, шелк-сырец (некрученый) 5001 00 000 0, 5002 00 000 0 » .
3. Ўзбекистон Республикаси Президентининг «Мамлакатнинг озиқ-овқат хавфсизлигини янада таъминлаш чора-тадбирлари тўғрисида» 2018 йил 16 январдаги ПФ-5303-сон Фармонида :
а) 9-бандидаги «2019 йил 1 январга қадар» сўзлари «2020 йил 1 январга қадар» сўзлари билан алмаштирилсин;
б) иловада :
номидаги «2019 йил 1 январга қадар» сўзлари «2020 йил 1 январга қадар» сўзлари билан алмаштирилсин;
қуйидаги таҳрирдаги 4 2 позиция билан тўлдирилсин:
« 4 2 . Гуруч 1006 » .
6. Ўзбекистон Республикаси Президентининг «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида» 2018 йил 17 январдаги ПҚ-3479-сон қарорида :
а) 9-банднинг биринчи хатбоши қуйидаги таҳрирда баён этилсин:
«2020 йил 1 январга қадар муддатга ички истеъмол бозорларида, шу жумладан, биржа савдоларида эгаларининг ихтиёрига кўра чекловларсиз сотилиши мумкин бўлган ҳамда импорт қилишда божхона тўловларини тўлаш бўйича имтиёз бериладиган (божхона расмийлаштируви учун йиғимлар бундан мустасно) маҳсулот, хом ашё ва материаллар рўйхати 3-иловага мувофиқ маъқуллансин»;
б) 3-илованинг матни қуйидаги таҳрирда баён этилсин:
«2020 йил 1 январга қадар муддатга импорт қилишда божхона тўловларини тўлаш бўйича имтиёз бериладиган (божхона расмийлаштируви учун йиғимлар бундан мустасно) маҳсулот, хом ашё ва материаллар РЎЙХАТИ
Т/р Товар номи ТИФ ТН коди 1. Цемент, шу жумладан, цемент клинкери 2523 2. Асбест 2524 3. Қурилиш ойнаси 7003, 7004, 7005 4. Ёғоч-тахта ва ёғоч-тахта материаллари 4403, 4404, 4406, 4407 5. Кўмир 2701, 2702
8. Ўзбекистон Республикаси Президентининг «Электрон тижоратни жадал ривожлантириш чора-тадбирлари тўғрисида» 2018 йил 14 майдаги ПҚ-3724-сон қарорининг 1-банди бешинчи хатбоши қуйидаги таҳрирда баён этилсин:
«халқаро тўлов тизими орқали тўланган ҳолда бутунжаҳон Интернет тармоғи орқали битта инвойс бўйича 5 минг АҚШ долларигача товар (хизмат)ларни экспорт қилишда харидор билан ёзма шартнома тузиш талаб этилмайди ва барча юридик ва жисмоний шахсларга умумқабул қилинган халқаро амалиётга мувофиқ ҳисобот юритган ҳолда Ташқи савдо операцияларининг ягона электрон ахборот тизимига ахборот киритмасдан ҳамда почта алоқа хизматлари кўрсатиш қоидаларига мувофиқ юкнинг божхона декларациясини расмийлаштирмасдан амалга оширишга рухсат этилади».
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 30 октябрь,
ПФ-5564-сон
Oʻzbekiston Respublikasi Prezidentining
Farmoni
Roʻyxati
Tovar bozorlarida savdoni yanada erkinlashtirish va raqobatni rivojlantirish chora-tadbirlari toʻgʻrisida
Respublikada ulgurji va birja savdosi korxonalari faoliyati uchun zarur huquqiy asos yaratilgan, zamonaviy axborot texnologiyalari joriy etilgan holda chakana savdo tarmoqlari jadal rivojlanmoqda, tadbirkorlik subyektlarining moddiy-texnik resurslardan foydalanishi kengaymoqda.
Shu bilan birga, tovar bozorlarining hozirgi holati, ulgurji va birja savdosining rivojlanish darajasi zamonaviy talablarga javob bermaydi. Savdo aylanmasining kengayishiga, ichki bozorni va ishlab chiqaruvchilarni zarur tovarlar bilan taʼminlashga hamda respublikada ishlab chiqarilayotgan mahsulotlarni eksport qilishga toʻsqinlik qilayotgan bir qator muammolar mavjud, xususan:
ulgurji savdoning rivojlanishi, keyinchalik qayta ishlash uchun yarim tayyor mahsulotlarni va sanoat mahsulotlarini, “biznes uchun — biznes” (B2B) tamoyili boʻyicha boshqa tovarlarni yetkazib berish tizimi darajasining pastligi xoʻjalik yurituvchi subyektlar tranzaksiya xarajatlarining oshishiga va ular tomonidan ishlab chiqarilayotgan mahsulotlarning tashqi bozorlarda raqobatbardoshligi pasayishiga olib kelmoqda;
tadbirkorlarni, ayniqsa, qishloq xoʻjaligi tovar ishlab chiqaruvchilarini bozor narxlarining noqulay oʻzgarishi oqibatlaridan muhofaza qilish imkonini beruvchi fyucherslar, hosila moliyaviy vositalar va birja tovarlari savdosi boshqa zamonaviy mexanizmlarining sust joriy etilishi natijasida operatsiyalar hajmi va savdoga chiqariladigan tovarlar turlari cheklanmoqda;
savdo subyektlarining ustav kapitalida davlat ulushining yuqoriligi, chakana savdo va xizmat koʻrsatish sohalarida eskirgan cheklovlarning saqlanib qolinayotganligi mazkur sohalarda raqobat muhitining izchil rivojlanishiga toʻsqinlik qilmoqda;
tovar ishlab chiqaruvchilar va isteʼmolchilarni, shu jumladan, xorijiy isteʼmolchilarni mamlakatda ishlab chiqarilayotgan talab yuqori boʻlgan mahsulotlar turlari va hajmlari toʻgʻrisida xabardor qilishga doir ishlarning tizimli yoʻlga qoʻyilmaganligi respublika ichida, shuningdek, xorijiy ishlab chiqaruvchilar bilan ishlab chiqarish kooperatsiyasining rivojlanishiga toʻsqinlik qilmoqda.
Savdo mexanizmlarini yanada takomillashtirish, tovarlar bozorida sogʻlom raqobat muhitini rivojlantirish, shuningdek, tadbirkorlik subyektlari faoliyatining samaradorligini oshirish va xarajatlarini kamaytirish, ular tomonidan ishlab chiqarilayotgan mahsulotlarning raqobatbardoshligini taʼminlash uchun shart-sharoitlar yaratish maqsadida:
1. Oʻzbekiston Respublikasi Iqtisodiyot vazirligi, Moliya vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
a) 2019-yil 1-yanvardan boshlab quyidagilarni:
ulgurji savdoni amalga oshirish faoliyatini litsenziyalash va savdo korxonalarini soliqqa tortishning maxsus tartibini;
aksiz soligʻi solinadigan tovarlarning ayrim turlarini (avtomobil, oʻsimlik yogʻi va boshqalar) sotishdan tushadigan tushumlar hisobini yuritish va undan foydalanishning maxsus tartibini;
koʻchma savdo uchun ruxsatnoma olish talabini;
davlat ulushi 50 foizdan kam boʻlgan korxonalar kontragentlari bilan oʻzaro munosabatlarda kechiktirilgan debitorlik qarzlar uchun sanksiyalarni, tashqi savdo shartnomalari boʻyicha qarzlar bundan mustasno;
davlat ulushi 50 foizdan kam boʻlgan korxonalar bilan shartnomalar boʻyicha ichki bozorda oldindan 15 foiz toʻlovni amalga oshirishga doir talabni;
1-ilovaga muvofiq ayrim turdagi tovarlar eksportiga cheklovlarni;
kelishishning xabardor qilish tartibini joriy etgan holda, mahsulotlarni birja savdosiga chiqarish jadvallarini Oʻzbekiston Respublikasi Monopoliyaga qarshi kurashish qoʻmitasi bilan kelishishning amaldagi tartibini;
moliyaviy isteʼmol kreditini ishlab chiqaruvchidan yoki realizatsiya qiluvchi tashkilotdan faqat Oʻzbekiston Respublikasida ishlab chiqarilgan isteʼmol tovarlari (xizmatlari)ni sotib olish uchun berish toʻgʻrisidagi talablarni bekor qilish;
b) 2018-yil 1-noyabrdan boshlab quyidagilar:
tovar-xom ashyo birjalariga birjada sotiladigan mahsulotlarni saqlash va logistika qilish, shuningdek, axborot-kommunikatsiya texnologiyalarini ishlab chiqish va joriy etish boʻyicha shuʼba xoʻjalik birlashmalarini tuzish;
import boʻyicha olib kelingan yuqori likvidli mahsulot turlarini, egalarining xohishiga koʻra, ichki bozorda, shu jumladan, birja savdolarida cheklovlarsiz sotish;
birja savdolarida xarid qilingan yuqori likvidli mahsulotlar, xom ashyo va materiallar turlarini sotuvchi tomonidan chiqarib yuborish toʻlov muddatidan kelib chiqqan holda birjalarning elektron tizimi orqali qatʼiy belgilanadigan muddatlar va navbatlar boʻyicha amalga oshirish tartibini belgilash;
v) 2018-yil 1-noyabrdan boshlab naqd pul tushumini topshirish va undan foydalanishning quyidagilarni:
bazaviy hisoblash miqdorining 20 baravaridan ortiq miqdorda kunlik oʻrtacha naqd pul tushumi boʻlgan xoʻjalik yurituvchi subyektlar naqd pulni bank kassalariga inkassatsiya xizmatlari orqali yoki mustaqil ravishda kunlik topshirish imkoniyati;
ushbu kichik bandning ikkinchi xatboshida koʻrsatilgan miqdordan kam boʻlgan kunlik oʻrtacha naqd pul tushumiga ega xoʻjalik yurituvchi subyektlar naqd pulni bank kassalariga inkassatsiya xizmatlari orqali oʻzlari belgilagan davrlarda yoki mustaqil ravishda topshirishi imkoniyati;
qonun hujjatlarida belgilangan tartibda muqobil inkassatsiya xizmatlarini tashkil etgan holda naqd pul tushumini faqat Oʻzbekiston Respublikasi Markaziy bankining inkassatsiya xizmati orqali topshirishni bekor qilish;
yuridik shaxslar, shuningdek, yakka tartibdagi tadbirkorlar tomonidan naqd pulsiz hisob-kitoblarni oldi-sotdi shartnomalarini tuzmasdan invoys (hisob-faktura) berish orqali korporativ bank kartochkalaridan foydalangan holda amalga oshirilishini nazarda tutuvchi tartibini joriy etish haqidagi takliflariga rozilik berilsin.
g) ulgurji savdo korxonalariga oʻzining firma doʻkonlari orqali naqd pulga mayda ulgurji va chakana savdoni amalga oshirishga nazorat-kassa mashinalaridan foydalanish va naqd tushumni belgilangan tartibda inkassatsiya qilish (banklarga topshirish) sharti bilan ruxsat berilsin.
2. Belgilansinki:
xalqaro toʻlov tizimi orqali toʻlangan holda butunjahon Internet tarmogʻi orqali bitta invoys boʻyicha 5 ming AQSH dollarigacha tovar (xizmat)larni eksport qilishda xaridor bilan yozma shartnoma tuzish talab etilmaydi va barcha yuridik va jismoniy shaxslarga umumqabul qilingan xalqaro amaliyotga muvofiq hisobot yuritgan holda Tashqi savdo operatsiyalarining yagona elektron axborot tizimiga axborot kiritmasdan hamda pochta aloqa xizmatlari koʻrsatish qoidalariga muvofiq yukning bojxona deklaratsiyasini rasmiylashtirmasdan amalga oshirishga ruxsat etiladi;
2019-yil 1-yanvardan boshlab tovar-xom ashyo birjasi aʼzolarining daromadlariga qimmatli qogʻozlar bozorida brokerlik faoliyatini amalga oshiruvchi yuridik shaxslar uchun belgilangan soliqqa tortish shartlari tatbiq etiladi;
jismoniy shaxslarga umumiy qiymati 5 ming AQSH dollaridan koʻp boʻlmagan tovarlarni bojxona deklaratsiyasi taqdim etmasdan Oʻzbekiston Respublikasidan olib chiqishga ruxsat etiladi.
3. Oʻzbekiston Respublikasi Iqtisodiyot vazirligi huzurida 38 nafar shtat birligidan iborat Tarmoq bozorlari va eksportga yoʻnaltirilgan ishlab chiqarish tadqiqotlari markazi davlat muassasasi shaklida tashkil etilsin va uning asosiy vazifalari etib quyidagilar belgilansin:
respublikada ishlab chiqariladigan va import qilinadigan mahsulotlar (tovarlar va xizmatlar) nomenklaturasi va turlari toʻgʻrisida xoʻjalik yurituvchi subyektlarga axborot berish uchun muntazam yangilanib boriladigan elektron-axborot portalini yaratish;
ichki ishlab chiqarish quvvatlari, tovarlarga boʻlgan talab va taklifning hajmlari, shuningdek, ishlab chiqariladigan va isteʼmol qilinadigan mahsulotga ichki bozorda narxlarning oʻzgarishi haqidagi maʼlumotlar bazasini shakllantirish;
tovar bozorlaridagi narxlar, talab va takliflarning oʻzgarishi dinamikasini tahlil va monitoring qilish hamda shu asosida tegishli takliflar tayyorlash;
tarmoq bozorlar konyunkturasini respublika va hududlar kesimida kompleks oʻrganish, ularning muvozanatli rivojlanishi toʻgʻrisida takliflar tayyorlash.
4. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi ikki oy muddatda:
Oʻzbekiston Respublikasi Davlat soliq qoʻmitasi va Iqtisodiyot vazirligi bilan birgalikda respublikaning barcha hududlarida seminarlar oʻtkazsin va xoʻjalik yurituvchi subyektlarga birja va ulgurji savdo faoliyatini tashkil etish boʻyicha zarur amaliy yordam koʻrsatilishini taʼminlasin;
manfaatdor vazirliklar va idoralar bilan birgalikda “Oʻzbekiston respublika tovar-xom ashyo birjasi” AJning ustav kapitalidagi davlat ulushini “Toshkent” respublika fond birjasida birlamchi (IPO) va ikkilamchi (SPO) ommaviy takliflar berish orqali sotish boʻyicha Vazirlar Mahkamasiga takliflar kiritsin.
5. Oʻzbekiston Respublikasi Vazirlar Mahkamasi bir oy muddatda MDHga aʼzo davlatlarning monopoliyaga qarshi kelishilgan siyosatini amalga oshirish toʻgʻrisidagi Shartnomani belgilangan tartibda Oʻzbekiston Respublikasi tomonidan ratifikatsiya qilish boʻyicha takliflarni Oʻzbekiston Respublikasi Oliy Majlisi Qonunchilik palatasiga kiritsin.
6. Oʻzbekiston Milliy teleradiokompaniyasi ommaviy axborot vositalarida ushbu Farmon qoidalari va tadbirkorlik subyektlari uchun yaratilgan qoʻshimcha imkoniyatlar toʻgʻrisidagi maʼlumotlarning keng yoritilishini taʼminlasin.
7. Oʻzbekiston Respublikasi Iqtisodiyot vazirligi tegishli vazirliklar va idoralar bilan birgalikda ikki oy muddatda oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.
8. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
9. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Prezidenti maslahatchisining oʻrinbosari G.K. Saidova zimmasiga yuklansin.
Oʻzbekiston Respublikasi Prezidentining 2018-yil 30-oktabrdagi PF-5564-son Farmoniga 1-ILOVA
2019-yil 1-yanvardan boshlab eksport cheklovi bekor qilinadigan ayrim tovarlar
T/r Tovar nomi TIF TN kodi 1. Choʻchqa goʻshti 0203 2. Uy parrandasining goʻshti va qoʻshimcha ozuqabop goʻshtli mahsulotlari 0207 3. Yogʻsiz goʻshtdan alohida ajratib olingan choʻchqa yogʻi va eritilmagan yoki boshqa yoʻl bilan ajratib olinmagan uy parrandasi yogʻi 0209 4. Oʻsimlik yogʻi 1507, 1512 (texnik moydan tashqari 1512 11 100 0, 1512 21 100 0), 1516 5. Shakar 1701-1702 6. Non-bulka mahsulotlari 1905 7. Volfram rudalari va konsentratlari 2611 00 000 0 8. Ipak chiqindilari (titishga yaroqsiz pilla, ipak ip chiqitlari va titilgan xom ashyo) 5003 00 000 0
Oʻzbekiston Respublikasi Prezidentining 2018-yil 30-oktabrdagi PF-5564-son Farmoniga 2-ILOVA
Oʻzbekiston Republikasi Prezidentining ayrim hujjatlariga kiritiladigan oʻzgartirish va qoʻshimchalar
2. Oʻzbekiston Respublikasi Prezidentining “Tashqi bozorlarda mahalliy tovarlar eksport qilinishini ragʻbatlantirish va raqobatdoshligini taʼminlash yuzasidan qoʻshimcha chora-tadbirlar toʻgʻrisida” 2017-yil 15-dekabrdagi PF-5286-son Farmoni 1-ilovasining rus tilidagi matnida :
a) 2-band quyidagi tahrirda bayon etilsin:
“ 2. Myaso i pishevie myasnie subprodukti 0201-0210 (krome 0203, 0207, myasa oslov, mulov ili loshakov po subpozitsiyam 0205 00, pishevix subproduktov sviney, oslov, mulov ili loshakov po kodam 0206 30 000 — 0206 80 910 0, 0206 90 910 0, 0208 10, a takje 0208 50 000 0, 0208 90 700 0, 0210 11 — 0210 19, 0210 99 410 0, 0210 99 490 0, 0210 99 710 0, 0210 99 790, 0 0210 99 800 0) ” ;
b) 5, 6, 7 va 8-bandlar oʻz kuchini yoʻqotgan deb topilsin;
v) 11-band quyidagi tahrirda bayon etilsin:
“ 11. Kokoni shelkopryada, prigodnie dlya razmativaniya, shelk-sirets (nekrucheniy) 5001 00 000 0, 5002 00 000 0 ” .
3. Oʻzbekiston Respublikasi Prezidentining “Mamlakatning oziq-ovqat xavfsizligini yanada taʼminlash chora-tadbirlari toʻgʻrisida” 2018-yil 16-yanvardagi PF-5303-son Farmonida :
a) 9-bandidagi “2019-yil 1-yanvarga qadar” soʻzlari “2020-yil 1-yanvarga qadar” soʻzlari bilan almashtirilsin;
b) ilovada :
nomidagi “2019-yil 1-yanvarga qadar” soʻzlari “2020-yil 1-yanvarga qadar” soʻzlari bilan almashtirilsin;
quyidagi tahrirdagi 4 2 pozitsiya bilan toʻldirilsin:
“ 4 2 . Guruch 1006 ” .
6. Oʻzbekiston Respublikasi Prezidentining “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida” 2018-yil 17-yanvardagi PQ-3479-son qarorida :
a) 9-bandning birinchi xatboshi quyidagi tahrirda bayon etilsin:
“2020-yil 1-yanvarga qadar muddatga ichki isteʼmol bozorlarida, shu jumladan, birja savdolarida egalarining ixtiyoriga koʻra cheklovlarsiz sotilishi mumkin boʻlgan hamda import qilishda bojxona toʻlovlarini toʻlash boʻyicha imtiyoz beriladigan (bojxona rasmiylashtiruvi uchun yigʻimlar bundan mustasno) mahsulot, xom ashyo va materiallar roʻyxati 3-ilovaga muvofiq maʼqullansin”;
b) 3-ilovaning matni quyidagi tahrirda bayon etilsin:
“2020-yil 1-yanvarga qadar muddatga import qilishda bojxona toʻlovlarini toʻlash boʻyicha imtiyoz beriladigan (bojxona rasmiylashtiruvi uchun yigʻimlar bundan mustasno) mahsulot, xom ashyo va materiallar ROʻYXATI
T/r Tovar nomi TIF TN kodi 1. Sement, shu jumladan, sement klinkeri 2523 2. Asbest 2524 3. Qurilish oynasi 7003, 7004, 7005 4. Yogʻoch-taxta va yogʻoch-taxta materiallari 4403, 4404, 4406, 4407 5. Koʻmir 2701, 2702
8. Oʻzbekiston Respublikasi Prezidentining “Elektron tijoratni jadal rivojlantirish chora-tadbirlari toʻgʻrisida” 2018-yil 14-maydagi PQ-3724-son qarorining 1-bandi beshinchi xatboshi quyidagi tahrirda bayon etilsin:
“xalqaro toʻlov tizimi orqali toʻlangan holda butunjahon Internet tarmogʻi orqali bitta invoys boʻyicha 5 ming AQSH dollarigacha tovar (xizmat)larni eksport qilishda xaridor bilan yozma shartnoma tuzish talab etilmaydi va barcha yuridik va jismoniy shaxslarga umumqabul qilingan xalqaro amaliyotga muvofiq hisobot yuritgan holda Tashqi savdo operatsiyalarining yagona elektron axborot tizimiga axborot kiritmasdan hamda pochta aloqa xizmatlari koʻrsatish qoidalariga muvofiq yukning bojxona deklaratsiyasini rasmiylashtirmasdan amalga oshirishga ruxsat etiladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 30-oktabr,
PF-5564-son
Президента Республики Узбекистан
Указ
ПЕРЕЧЕНЬ
О мерах по дальнейшей либерализации торговли и развитию конкуренции на товарных рынках
В республике создана необходимая правовая основа деятельности предприятий оптовой и биржевой торговли, активно развиваются розничные торговые сети, применяющие современные информационные технологии, расширяется доступ субъектов предпринимательства к материально-техническим ресурсам.
Вместе с тем, нынешнее состояние товарных рынков, уровень развития оптовой и биржевой торговли не отвечают современным требованиям. Сохраняется ряд проблемных вопросов, препятствующих расширению товарооборота, обеспечению внутреннего рынка и производителей необходимыми товарами, осуществлению беспрепятственного экспорта производимой в республике продукции, в числе которых:
низкий уровень развития оптовой торговли, системы поставок полуфабрикатов и промышленной продукции для последующей переработки, а также других товаров по принципу «бизнес — для бизнеса» (B2B), приводящий к повышению транзакционных издержек субъектов предпринимательства, снижению в конечном итоге конкурентоспособности производимой ими продукции на внешних рынках;
слабое внедрение фьючерсов, производных финансовых инструментов и других современных механизмов торговли биржевыми товарами, позволяющих обеспечить защиту предпринимателей, особенно сельскохозяйственных товаропроизводителей, от неблагоприятных изменений цен, в результате чего ограничены масштаб операций и виды торгуемых товаров;
наличие значительной доли государства в уставных капиталах субъектов торговли, устаревших ограничений в сфере осуществления розничной торговли и оказания услуг населению, что препятствует динамичному развитию конкуренции в этих сферах;
отсутствие системной работы по информированию производителей товаров и потребителей, в том числе иностранных, о номенклатуре и объемах производимой в стране востребованной продукции, что сдерживает развитие производственной кооперации внутри республики, а также с зарубежными производителями.
В целях дальнейшего совершенствования механизмов торговли, развития здоровой конкурентной среды на товарных рынках, а также создания условий для повышения эффективности и сокращения издержек субъектов предпринимательства, обеспечения конкурентоспособности производимой ими продукции:
1. Согласиться с предложениями Министерства экономики, Министерства финансов, Государственного комитета Республики Узбекистан по содействию приватизированным предприятиям и развитию конкуренции:
а) об отмене с 1 января 2019 года:
лицензирования деятельности по осуществлению оптовой торговли и особого порядка налогообложения предприятий торговли;
специального порядка учета выручки от реализации отдельных видов подакцизных товаров (автомобили, растительное масло и другие) и ее использования;
требования о получении разрешения на выездную торговлю;
санкций за просроченную дебиторскую задолженность, возникающую во взаимоотношениях с контрагентами у организаций с долей государства в уставном капитале менее 50 процентов за исключением задолженности по внешнеторговым контрактам;
требования о 15-процентной предоплате на внутреннем рынке по сделкам организаций с долей государства менее 50 процентов;
ограничений на экспорт отдельных видов товаров по перечню согласно приложению № 1 ;
действующего порядка согласования с Антимонопольным комитетом Республики Узбекистан графиков выставления продукции на биржевые торги с введением уведомительного порядка их согласования;
требования о предоставлении финансового потребительского кредита для приобретения у производителя или реализующей организации только потребительских товаров (услуг), произведенных в Республике Узбекистан;
б) об установлении с 1 ноября 2018 года порядка, в соответствии с которым:
товарно-сырьевым биржам предоставляется право создавать дочерние хозяйственные общества по организации хранения и логистики реализуемой на бирже продукции, а также разработке и внедрению информационно-коммуникационных технологий;
высоколиквидные виды продукции, сырья и материалов, завезенные по импорту, могут без ограничений реализовываться на внутреннем рынке, в том числе на биржевых торгах, по усмотрению их собственников;
отпуск продавцами высоколиквидных видов продукции, сырья и материалов, приобретенных на биржевых торгах, осуществляется строго в установленные сроки и по очередности, определяемой посредством электронных систем бирж в зависимости от сроков оплаты продукции;
в) о внедрении с 1 ноября 2018 года порядка сдачи и использования наличной денежной выручки, предусматривающего:
возможность для хозяйствующих субъектов, имеющих среднюю дневную наличную выручку свыше 20-кратной базовой расчетной величины, сдавать ее ежедневно в кассы банков через службу инкассации либо самостоятельно;
возможность для хозяйствующих субъектов, имеющих среднюю дневную наличную выручку меньше объемов, указанных в абзаце втором настоящего подпункта, сдавать ее в кассы банков через службу инкассации в определяемые ими периоды или самостоятельно;
отмену инкассирования наличной денежной выручки исключительно через службы инкассации Центрального банка Республики Узбекистан с созданием возможности организовывать альтернативные службы инкассации в порядке, установленном законодательством;
осуществление безналичных расчетов между юридическими лицами, а также индивидуальными предпринимателями с использованием корпоративных банковских карт без заключения договоров купли-продажи, с выдачей инвойса (счета-фактуры).
г) разрешить предприятиям оптовой торговли осуществлять мелкооптовую и розничную торговлю за наличный расчет через собственные фирменные магазины с обязательным применением контрольно-кассовых машин и инкассацией (сдачей в банки) наличной выручки в установленном порядке.
2. Установить, что:
экспорт товаров и услуг через всемирную сеть Интернет с оплатой через международные платежные системы в объеме до 5 тысяч долларов США по одному инвойсу не требует заключения письменного договора с покупателями и разрешается всем без исключения юридическим и физическим лицам без внесения информации в Единую электронную информационную систему внешнеторговых операций и оформления грузовой таможенной декларации в соответствии с правилами оказания услуг почтовой связи, с ведением отчетности в соответствии с общепринятой международной практикой;
с 1 января 2019 года на доходы членов товарно-сырьевых бирж распространяются условия налогообложения, предусмотренные для юридических лиц, осуществляющих брокерскую деятельность на рынке ценных бумаг;
физическим лицам разрешается вывоз за пределы Республики Узбекистан без представления таможенной декларации товаров общей стоимостью не более 5 тысяч долларов США.
3. Создать при Министерстве экономики Республики Узбекистан Центр исследования отраслевых рынков и экспортоориентированного производства в форме государственного учреждения со штатной численностью в количестве 38 единиц, определив его основными задачами:
создание постоянно обновляемого электронно-информационного портала для информирования хозяйствующих субъектов о номенклатуре и видах производимой в республике и импортируемой продукции (товаров и услуг);
формирование базы данных о наличии внутренних производственных мощностей, об объемах спроса и предложений на товары, а также об изменении цен на производимую и потребляемую продукцию на внутреннем рынке;
анализ и мониторинг динамики цен, колебаний спроса и предложений на товарных рынках и внесение на этой основе соответствующих предложений;
комплексное изучение конъюнктуры отраслевых рынков по республике и в разрезе территорий, подготовка предложений о сбалансированном их развитии.
4. Государственному комитету Республики Узбекистан по содействию приватизированным предприятиям и развитию конкуренции в двухмесячный срок:
совместно с Государственным налоговым комитетом и Министерством экономики Республики Узбекистан провести семинары в регионах республики и оказывать в последующем необходимое содействие субъектам предпринимательства в вопросах организации биржевой деятельности и оптовой торговли;
совместно с заинтересованными министерствами и ведомствами внести в Кабинет Министров предложения о реализации государственной доли в уставном капитале АО «Узбекская республиканская товарно-сырьевая биржа» посредством проведения первичного (IPO) или вторичного (SPO) публичных предложений акций на Республиканской фондовой бирже «Тошкент».
5. Кабинету Министров Республики Узбекистан в месячный срок внести в Законодательную палату Олий Мажлиса Республики Узбекистан предложения о ратификации Республикой Узбекистан в установленном порядке Договора государств-участников СНГ о проведении согласованной антимонопольной политики.
6. Национальной телерадиокомпании Узбекистана обеспечить широкое освещение в средствах массовой информации положений настоящего Указа и дополнительных возможностей, создаваемых для субъектов предпринимательства.
7. Министерству экономики совместно с заинтересованными министерствами и ведомствами в двухмесячный срок привести принятые ими нормативно-правовые акты в соответствие с настоящим Указом.
8. Внести изменения и дополнения в некоторые акты Президента Республики Узбекистан согласно приложению № 2 .
9. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, заместителя Премьер-министра — министра финансов Республики Узбекистан Д.А. Кучкарова, первого заместителя советника Президента Республики Узбекистан Б.М. Мавлонова и заместителя советника Президента Республики Узбекистан Г.К. Саидову.
ПРИЛОЖЕНИЕ № 1 к Указу Президента Республики Узбекистан от 30 октября 2018 года № УП-5564
отдельных видов товаров, по которым отменяются с 1 января 2019 года ограничения на экспорт
№ Наименование товара Код по ТН ВЭД 1. Свинина 0203 2. Мясо и пищевые субпродукты домашней птицы 0207 3. Свиной жир, отделенный от тощего мяса, и жир домашней птицы, не вытопленные или не извлеченные другим способом 0209 4. Растительные масла 1507, 1512 (кроме технических 1512 11 100 0, 1512 21 100 0), 1516 5. Сахар 1701-1702 6. Хлебобулочные изделия 1905 7. Руды и концентраты вольфрамовые 2611 00 000 0 8. Отходы шелковые (включая коконы, не пригодные для разматывания, отходы коконной нити и расщипанное сырье) 5003 00 000 0
ПРИЛОЖЕНИЕ № 2 к Указу Президента Республики Узбекистан от 30 октября 2018 года № УП-5564
Изменения и дополнения, вносимые в некоторые акты Президента Республики Узбекистан
2. В приложении № 1 к Указу Президента Республики Узбекистан от 15 декабря 2017 года № УП-5286 «О дополнительных мерах по стимулированию экспорта и обеспечению конкурентоспособности отечественных товаров на внешних рынках»:
а) пункт 2 изложить в следующей редакции:
« 2. Мясо и пищевые мясные субпродукты 0201-0210 (кроме 0203, 0207, мяса ослов, мулов или лошаков по субпозициям 0205 00, пищевых субпродуктов свиней, ослов, мулов или лошаков по кодам 0206 30 000 — 0206 80 910 0, 0206 90 910 0, 0208 10, а также 0208 50 000 0, 0208 90 700 0, 0210 11 — 0210 19, 0210 99 410 0, 0210 99 490 0, 0210 99 710 0, 0210 99 790, 0 0210 99 800 0) »;
б) пункты 5, 6, 7 и 8 исключить;
в) пункт 11 изложить в следующей редакции:
« 11. Коконы шелкопряда, пригодные для разматывания, шелк-сырец (некрученый) 5001 00 000 0, 5002 00 000 0 ».
3. В Указе Президента Республики Узбекистан от 16 января 2018 года № УП-5303 «О мерах по дальнейшему обеспечению продовольственной безопасности страны»:
а) в пункте 9 слова «до 1 января 2019 года» заменить словами «до 1 января 2020 года»;
б) в приложении :
в наименовании слова «до 1 января 2019 года» заменить словами «до 1 января 2020 года»;
дополнить позицией 4 2 следующего содержания:
« 4 2 . Рис 1006 » .
6. В постановлении Президента Республики Узбекистан от 17 января 2018 года № ПП-3479 «О мерах по стабильному обеспечению отраслей экономики страны востребованными видами продукции и сырья»:
а) абзац первый пункта 9 изложить в следующей редакции:
«Одобрить перечень видов продукции, сырья и материалов, при импорте которых предоставляется льгота по уплате таможенных платежей, за исключением сборов за таможенное оформление и могут без ограничений реализовываться на внутреннем рынке, в том числе на биржевых торгах, по усмотрению их собственников сроком до 1 января 2020 года, согласно приложению № 3».
б) текст приложения № 3 изложить в следующей редакции:
Перечень видов продукции, сырья и материалов, при импорте которых предоставляется льгота по уплате таможенных платежей, за исключением сборов за таможенное оформление, сроком до 1 января 2020 года
№ Наименование товара Код ТН ВЭД 1. Цемент, включая цементный клинкер 2523 2. Асбест 2524 3. Стекло строительное 7003, 7004, 7005 4. Лес и пиломатериалы 4403, 4404. 4406, 4407 5. Уголь 2701, 2702
8. Абзац пятый пункта 1 постановления Президента Республики Узбекистан от 14 мая 2018 года № ПП-3724 «О мерах по ускоренному развитию электронной коммерции» изложить в следующей редакции:
«экспорт товаров (услуг) через всемирную сеть Интернет с оплатой через международные платежные системы в объеме до пяти тысяч долларов США по одному инвойсу не требует заключения письменного договора с покупателями и разрешается всем без исключения юридическим и физическим лицам, без внесения информации в Единую электронную информационную систему внешнеторговых операций и оформления грузовой таможенной декларации, в соответствии с правилами оказания услуг почтовой связи».
Президент Республики Узбекистан Ш. МИРЗИЁЕВ
г. Ташкент,
30 октября 2018 г.,
№ УП-5564