📅 2018-yil 30-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2018 г. · Указы Президента
Официальный текст. Официальный документ. Редакционные примечания не включены.
📅 30 October 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Олий даражадаги ташрифлар давомида имзоланган ҳужжатларни, шунингдек, стратегик аҳамиятга эга хўжалик жамиятлари ва корхоналар иштирокидаги инвестиция лойиҳаларини амалга ошириш самарадорлигини янада кучайтириш чора-тадбирлари тўғрисида
Ўзбекистон Республикаси Президентининг хорижий мамлакатларга ва чет давлатлар раҳбарларининг Ўзбекистон Республикасига ташрифлари (кейинги ўринларда — олий даражадаги ташрифлар) давомида имзолаш учун ҳужжатларни тайёрлаш ишларини тизимли ташкил этиш, стратегик аҳамиятга эга хўжалик жамиятлари ва корхоналар (кейинги ўринларда — стратегик корхоналар) иштирокидаги инвестиция лойиҳаларини тўлиқ, ўз вақтида ва сифатли амалга оширишга кўмаклашишни таъминлаш мақсадида:
3. Шундай тартиб ўрнатилсинки, унга кўра:
Ўзбекистон Республикаси Ташқи ишлар вазирлиги олий даражадаги ташрифлар муддатлари аниқланишига қараб бир кун муддатда бу ҳақда Ўзбекистон Республикаси Вазирлар Маҳкамасини ёзма равишда хабардор қилади;
Ўзбекистон Республикаси Вазирлар Маҳкамаси бир ҳафта муддатда олий даражадаги ташрифлар давомида имзолаш учун, шу жумладан, инвестиция лойиҳалари бўйича ҳужжатларни тайёрлаш бўйича ташкилий чора-тадбирлар тўғрисида қарор қабул қилади;
Ўзбекистон Республикаси Вазирлар Маҳкамасининг Инвестициялар, экспортни қўллаб-қувватлаш ва ташқи иқтисодий алоқалар масалалари котибиятининг Инвестиция лойиҳаларининг амалга оширилиши ва ташқи савдони мониторинг қилиш инспекцияси (кейинги ўринларда — Инспекция) Ўзбекистон Республикаси Вазирлар Маҳкамаси қарорида назарда тутилган ташкилий тадбирларнинг ўз вақтида ижро қилиниши устидан назорат ўрнатади;
олий даражадаги ташрифлар давомида имзолаш учун ҳужжатлар лойиҳалари ташриф бошланишидан бир ой аввал Инспекция билан бирга батафсил кўриб чиқилганидан сўнг Вазирлар Маҳкамаси томонидан Ўзбекистон Республикаси Президенти Администрациясига киритилади.
Инспекция ҳар ойда олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳалари ижросининг бориши тўғрисида Ўзбекистон Республикаси Президенти Администрациясига ахборот киритади.
5. Белгилаб қўйилсинки, Инспекция олий даражадаги ташрифлар давомида имзоланган ҳужжатларни тўлиқ, ўз вақтида ва сифатли амалга оширишга кўмаклашиш доирасида:
Ислоҳотларни ҳуқуқий таъминлаш ва ҳуқуқни муҳофаза қилиш фаолиятини мувофиқлаштириш масалалари бўйича Ўзбекистон Республикаси Президенти маслаҳатчиси тузилмалари билан — олий даражадаги ташрифлар давомида имзолаш учун ҳужжатларни тасдиқлаш бўйича норматив-ҳуқуқий ҳужжат лойиҳасини ҳуқуқий экспертизадан ўтказиш, шунингдек, олий даражадаги ташрифлар давомида имзоланган ҳужжатларни амалга оширишга тўсқинлик қиладиган асосий ҳуқуқий муаммоларни аниқлаш, уларни ҳал этиш бўйича таклифлар ишлаб чиқиш юзасидан;
Иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича Ўзбекистон Республикаси Президенти маслаҳатчиси тузилмалари билан — олий даражадаги ташрифлар давомида имзолаш учун ҳужжатларни ишлаб чиқиш, шунингдек, инвестициявий ва ташқи савдо сиёсатини амалга оширишга тўсқинлик қиладиган тизимли муаммоларни аниқлаш юзасидан;
Ўзбекистон Республикаси Президенти ҳузуридаги Хавфсизлик кенгаши аппарати билан — олий даражадаги ташрифлар давомида имзолаш учун ташқи сиёсий ҳамкорлик соҳасидаги ҳужжатларни ишлаб чиқиш, шунингдек, уларни келгусида ижро этиш масалалари юзасидан;
Ўзбекистон Республикаси Ташқи ишлар вазирлиги билан — олий даражадаги ташрифларга тайёргарликни ташкил этиш, шу жумладан ташриф давомида имзолаш учун ҳужжатларни тайёрлаш, шунингдек, уларни келгусида ижро этиш масалалари юзасидан;
Ўзбекистон Республикаси Инвестициялар ва ташқи савдо вазирлиги билан — олий даражадаги ташрифлар якунлари бўйича ишлаб чиқиладиган ва амалга ошириладиган аниқ инвестиция лойиҳалари, халқаро молия институтларининг қарзлари, кредитлари, техник кўмак маблағларини (грантларини) жалб қилиш ҳамда хорижий мамлакатлар ва халқаро ташкилотлар билан савдо-иқтисодий ҳамкорлик масалалари юзасидан;
Қорақалпоғистон Республикаси Вазирлар Кенгаши раисининг, вилоятлар ва Тошкент шаҳар ҳокимларининг инвестициялар, инновациялар, хусусийлаштирилган корхоналарга кўмаклашиш, эркин иқтисодий ва кичик саноат зоналарини ривожлантириш масалалари бўйича ўринбосарлари билан — тегишли ҳудудларда инвестиция лойиҳаларини самарали амалга ошириш юзасидан ҳамкорлик қилади.
6. Инспекция ва Ўзбекистон Республикаси Бош прокуратураси:
олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳаларининг вазирликлар, идоралар, маҳаллий ижро этувчи ҳокимият органлари ва бошқа ташкилотлар томонидан юзаки (аниқ амалий натижаларга эришилмасдан) ижро этилишига йўл қўймаслик чораларини кўрсин;
олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳалари ижросининг бориши тўғрисидаги ахборотнинг вазирликлар, идоралар, маҳаллий ижро этувчи ҳокимият органлари ва бошқа ташкилотлар томонидан «Ijro.gov.uz» ижро интизоми идоралараро ягона электрон тизими (кейинги ўринларда — «Ijro.gov.uz» тизими) орқали ўз вақтида тақдим этилиши устидан қатъий назорат ўрнатсин;
олий даражадаги ташрифлар давомида имзоланган ҳужжатлар ижросининг бориши, шунингдек, стратегик корхоналар иштирокидаги инвестиция лойиҳаларининг амалга оширилишини вазирликлар, идоралар, маҳаллий ижро этувчи ҳокимият органлари ва бошқа ташкилотлар раҳбарлари иштирокида ҳар ойда кўриб чиқилиши ҳамда Ўзбекистон Республикаси Президенти Администрациясига ахборот киритилишини таъминласин;
вазирликлар, идоралар, маҳаллий ижро этувчи ҳокимият органлари ва бошқа ташкилотларга олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳаларини ижро этишда бюрократизм ва масалаларни ҳал қилиш муддатларининг чўзилиши ҳолатларини бартараф этиш орқали доимий равишда кўмаклашсин.
7. Ўзбекистон Республикаси Ташқи ишлар вазирлиги, Инвестициялар ва ташқи савдо вазирлиги ва бошқа масъул идоралар олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳалари бўйича, шу жумладан уларнинг ижро ҳолати тўғрисида маълумотлар базасини шакллантириш учун «Ijro.gov.uz» тизимига интеграция қилиш имконияти мавжуд бўлган электрон материалларни Инспекцияга тақдим этиб борсин.
8. Ўзбекистон Республикаси Ахборот технологиялари ва коммуникацияларини ривожлантириш вазирлиги:
Ўзбекистон Республикаси Ҳисоб палатаси билан биргаликда 2019 йил 1 январга қадар олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳалари ижросини назорат қилиш жараёнига ахборот-коммуникация технологиялари жорий этилишини, келгусида уларнинг «Ijro.gov.uz» тизимига интеграция қилинишини таъминласин;
Ўзбекистон Республикаси Ташқи ишлар вазирлиги билан биргаликда икки ҳафта муддатда хориждаги Ўзбекистон Республикаси дипломатик ваколатхоналарининг «Ijro.gov.uz» тизимига мониторинг режимида кириш имкониятини таъминласин;
Ўзбекистон Республикаси Ҳисоб палатаси, Ташқи ишлар вазирлиги ва Молия вазирлиги билан биргаликда икки ой муддатда Ҳисоб палатаси ва Ўзбекистон Республикасининг хориждаги дипломатик ваколатхоналари ҳамда хорижий ҳамкорлар ўртасида видеоконференц-алоқа ўрнатиш имконини берувчи «телекўприк» ишга туширилишини бепул асосда таъминласин.
9. Қуйидагиларга шахсий жавобгарлик юклатилсин:
Инспекцияга — олий даражадаги ташрифлар давомида имзоланган ҳужжатлар ва стратегик корхоналар иштирокидаги инвестиция лойиҳалари ижросига кўмаклашиш ва уни назорат қилиш учун;
Ўзбекистон Республикаси Ташқи ишлар вазирлиги (Камилов), Инвестициялар ва ташқи савдо вазирлиги (Кудратов) ва бошқа манфаатдор вазирликлар раҳбарларига — олий даражадаги ташрифлар давомида имзоланган ҳужжатларда аввалдан қўйилган мақсадларга эришиш ва амалга ошириш бўйича кўтарилган масалаларни ва юзага келган муаммоларни ҳал қилишга қаратилган вазифалар ижроси натижаларини ўз вақтида ва сифатли тақдим этиш учун;
вазирлик ва идораларга — олий даражадаги ташрифлар давомида имзолаш учун ҳужжатлар лойиҳаларини сифатли ишлаб чиқиш, шунингдек, Инспекцияга ушбу Фармонга мувофиқ материалларни ўз вақтида, асослантирилган ҳолда ва тўлиқ тақдим этиш учун;
Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига — олий даражадаги ташрифлар давомида имзоланган ҳужжатларни ижро этиш доирасида қўйилган вазифаларни ўз вақтида бажариш, шу жумладан, инвесторлар ва тадбиркорлик субъектларига белгиланган тартибда ер участкаларини ажратиш, муҳандислик-коммуникация тармоқларига уланишда кўмаклашиш учун.
10. Белгилаб қўйилсинки, Ўзбекистон Республикасининг хориждаги дипломатик ваколатхоналари раҳбарлари олий даражадаги ташрифлар давомида имзоланган ҳужжатлар ижроси учун масъул вазирлик ва идоралар билан бир хилда шахсий жавобгар ҳисобланади.
11. Ўзбекистон Республикаси Вазирлар Маҳкамаси ва Ташқи ишлар вазирлиги тегишли равишда ҳукумат ва идоралараро даражада халқаро ташрифлар давомида имзоланган ҳужжатларнинг маълумотлар базасини яратсин ҳамда келгусида унинг «Ijro.gov.uz» тизимига интеграция қилинишини таъминласин.
12. Ўзбекистон Республикаси Ҳисоб палатаси бир ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.
13. Ўзбекистон Республикаси Президентининг «Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида» 2017 йил 10 августдаги ПФ-5147-сон Фармонига 2-иловага мувофиқ ўзгартириш ва қўшимчалар киритилсин.
14. Мазкур Фармоннинг ижросини назорат қилиш Ўзбекистон Республикаси Президенти Администрациясининг раҳбари З.Ш. Низомиддинов ва Ўзбекистон Республикаси Ҳисоб палатасининг раиси М.М. Икрамов зиммасига юклансин.
Ўзбекистон Республикаси Президентининг 2018 йил 30 октябрдаги ПФ-5565-сон Фармонига 2-ИЛОВА
Ўзбекистон Республикаси Президентининг «Ўзбекистон Республикаси Ҳисоб палатаси фаолиятини тубдан такомиллаштириш чора-тадбирлари тўғрисида» 2017 йил 10 августдаги ПФ-5147-сон Фармонига киритилаётган ўзгартириш ва қўшимчалар
2. 3-банднинг иккинчи хатбоши қуйидаги таҳрирда баён этилсин:
«Ўзбекистон Республикаси Ҳисоб палатасининг тузилмаси 1-иловага мувофиқ».
3. 4-банддаги «70» рақами «81» рақами билан алмаштирилсин.
6. 1-илова қўйидаги таҳрирда баён этилсин:
«Ўзбекистон Республикаси Президентининг 2017 йил 10 августдаги ПФ-5147-сон Фармонига 1-ИЛОВА
Ўзбекистон Республикаси Ҳисоб палатасининг ТУЗИЛМАСИ
7. 2-илова ўз кучини йўқотган деб топилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 30 октябрь,
ПФ-5565-сон
Oʻzbekiston Respublikasi Prezidentining
Farmoni
Oliy darajadagi tashriflar davomida imzolangan hujjatlarni, shuningdek, strategik ahamiyatga ega xoʻjalik jamiyatlari va korxonalar ishtirokidagi investitsiya loyihalarini amalga oshirish samaradorligini yanada kuchaytirish chora-tadbirlari toʻgʻrisida
Oʻzbekiston Respublikasi Prezidentining xorijiy mamlakatlarga va chet davlatlar rahbarlarining Oʻzbekiston Respublikasiga tashriflari (keyingi oʻrinlarda — oliy darajadagi tashriflar) davomida imzolash uchun hujjatlarni tayyorlash ishlarini tizimli tashkil etish, strategik ahamiyatga ega xoʻjalik jamiyatlari va korxonalar (keyingi oʻrinlarda — strategik korxonalar) ishtirokidagi investitsiya loyihalarini toʻliq, oʻz vaqtida va sifatli amalga oshirishga koʻmaklashishni taʼminlash maqsadida:
3. Shunday tartib oʻrnatilsinki, unga koʻra:
Oʻzbekiston Respublikasi Tashqi ishlar vazirligi oliy darajadagi tashriflar muddatlari aniqlanishiga qarab bir kun muddatda bu haqda Oʻzbekiston Respublikasi Vazirlar Mahkamasini yozma ravishda xabardor qiladi;
Oʻzbekiston Respublikasi Vazirlar Mahkamasi bir hafta muddatda oliy darajadagi tashriflar davomida imzolash uchun, shu jumladan, investitsiya loyihalari boʻyicha hujjatlarni tayyorlash boʻyicha tashkiliy chora-tadbirlar toʻgʻrisida qaror qabul qiladi;
Oʻzbekiston Respublikasi Vazirlar Mahkamasining Investitsiyalar, eksportni qoʻllab-quvvatlash va tashqi iqtisodiy aloqalar masalalari kotibiyatining Investitsiya loyihalarining amalga oshirilishi va tashqi savdoni monitoring qilish inspeksiyasi (keyingi oʻrinlarda — Inspeksiya) Oʻzbekiston Respublikasi Vazirlar Mahkamasi qarorida nazarda tutilgan tashkiliy tadbirlarning oʻz vaqtida ijro qilinishi ustidan nazorat oʻrnatadi;
oliy darajadagi tashriflar davomida imzolash uchun hujjatlar loyihalari tashrif boshlanishidan bir oy avval Inspeksiya bilan birga batafsil koʻrib chiqilganidan soʻng Vazirlar Mahkamasi tomonidan Oʻzbekiston Respublikasi Prezidenti Administratsiyasiga kiritiladi.
Inspeksiya har oyda oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalari ijrosining borishi toʻgʻrisida Oʻzbekiston Respublikasi Prezidenti Administratsiyasiga axborot kiritadi.
5. Belgilab qoʻyilsinki, Inspeksiya oliy darajadagi tashriflar davomida imzolangan hujjatlarni toʻliq, oʻz vaqtida va sifatli amalga oshirishga koʻmaklashish doirasida:
Islohotlarni huquqiy taʼminlash va huquqni muhofaza qilish faoliyatini muvofiqlashtirish masalalari boʻyicha Oʻzbekiston Respublikasi Prezidenti maslahatchisi tuzilmalari bilan — oliy darajadagi tashriflar davomida imzolash uchun hujjatlarni tasdiqlash boʻyicha normativ-huquqiy hujjat loyihasini huquqiy ekspertizadan oʻtkazish, shuningdek, oliy darajadagi tashriflar davomida imzolangan hujjatlarni amalga oshirishga toʻsqinlik qiladigan asosiy huquqiy muammolarni aniqlash, ularni hal etish boʻyicha takliflar ishlab chiqish yuzasidan;
Iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari boʻyicha Oʻzbekiston Respublikasi Prezidenti maslahatchisi tuzilmalari bilan — oliy darajadagi tashriflar davomida imzolash uchun hujjatlarni ishlab chiqish, shuningdek, investitsiyaviy va tashqi savdo siyosatini amalga oshirishga toʻsqinlik qiladigan tizimli muammolarni aniqlash yuzasidan;
Oʻzbekiston Respublikasi Prezidenti huzuridagi Xavfsizlik kengashi apparati bilan — oliy darajadagi tashriflar davomida imzolash uchun tashqi siyosiy hamkorlik sohasidagi hujjatlarni ishlab chiqish, shuningdek, ularni kelgusida ijro etish masalalari yuzasidan;
Oʻzbekiston Respublikasi Tashqi ishlar vazirligi bilan — oliy darajadagi tashriflarga tayyorgarlikni tashkil etish, shu jumladan tashrif davomida imzolash uchun hujjatlarni tayyorlash, shuningdek, ularni kelgusida ijro etish masalalari yuzasidan;
Oʻzbekiston Respublikasi Investitsiyalar va tashqi savdo vazirligi bilan — oliy darajadagi tashriflar yakunlari boʻyicha ishlab chiqiladigan va amalga oshiriladigan aniq investitsiya loyihalari, xalqaro moliya institutlarining qarzlari, kreditlari, texnik koʻmak mablagʻlarini (grantlarini) jalb qilish hamda xorijiy mamlakatlar va xalqaro tashkilotlar bilan savdo-iqtisodiy hamkorlik masalalari yuzasidan;
Qoraqalpogʻiston Respublikasi Vazirlar Kengashi raisining, viloyatlar va Toshkent shahar hokimlarining investitsiyalar, innovatsiyalar, xususiylashtirilgan korxonalarga koʻmaklashish, erkin iqtisodiy va kichik sanoat zonalarini rivojlantirish masalalari boʻyicha oʻrinbosarlari bilan — tegishli hududlarda investitsiya loyihalarini samarali amalga oshirish yuzasidan hamkorlik qiladi.
6. Inspeksiya va Oʻzbekiston Respublikasi Bosh prokuraturasi:
oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalarining vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan yuzaki (aniq amaliy natijalarga erishilmasdan) ijro etilishiga yoʻl qoʻymaslik choralarini koʻrsin;
oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalari ijrosining borishi toʻgʻrisidagi axborotning vazirliklar, idoralar, mahalliy ijro etuvchi hokimiyat organlari va boshqa tashkilotlar tomonidan “Ijro.gov.uz” ijro intizomi idoralararo yagona elektron tizimi (keyingi oʻrinlarda — “Ijro.gov.uz” tizimi) orqali oʻz vaqtida taqdim etilishi ustidan qatʼiy nazorat oʻrnatsin;
oliy darajadagi tashriflar davomida imzolangan hujjatlar ijrosining borishi, shuningdek, strategik korxonalar ishtirokidagi investitsiya loyihalarining amalga oshirilishini vazirliklar, idoralar, mahalliy ijro etuvchi hokimiyat organlari va boshqa tashkilotlar rahbarlari ishtirokida har oyda koʻrib chiqilishi hamda Oʻzbekiston Respublikasi Prezidenti Administratsiyasiga axborot kiritilishini taʼminlasin;
vazirliklar, idoralar, mahalliy ijro etuvchi hokimiyat organlari va boshqa tashkilotlarga oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalarini ijro etishda byurokratizm va masalalarni hal qilish muddatlarining choʻzilishi holatlarini bartaraf etish orqali doimiy ravishda koʻmaklashsin.
7. Oʻzbekiston Respublikasi Tashqi ishlar vazirligi, Investitsiyalar va tashqi savdo vazirligi va boshqa masʼul idoralar oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalari boʻyicha, shu jumladan ularning ijro holati toʻgʻrisida maʼlumotlar bazasini shakllantirish uchun “Ijro.gov.uz” tizimiga integratsiya qilish imkoniyati mavjud boʻlgan elektron materiallarni Inspeksiyaga taqdim etib borsin.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi:
Oʻzbekiston Respublikasi Hisob palatasi bilan birgalikda 2019-yil 1-yanvarga qadar oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalari ijrosini nazorat qilish jarayoniga axborot-kommunikatsiya texnologiyalari joriy etilishini, kelgusida ularning “Ijro.gov.uz” tizimiga integratsiya qilinishini taʼminlasin;
Oʻzbekiston Respublikasi Tashqi ishlar vazirligi bilan birgalikda ikki hafta muddatda xorijdagi Oʻzbekiston Respublikasi diplomatik vakolatxonalarining “Ijro.gov.uz” tizimiga monitoring rejimida kirish imkoniyatini taʼminlasin;
Oʻzbekiston Respublikasi Hisob palatasi, Tashqi ishlar vazirligi va Moliya vazirligi bilan birgalikda ikki oy muddatda Hisob palatasi va Oʻzbekiston Respublikasining xorijdagi diplomatik vakolatxonalari hamda xorijiy hamkorlar oʻrtasida videokonferens-aloqa oʻrnatish imkonini beruvchi “telekoʻprik” ishga tushirilishini bepul asosda taʼminlasin.
9. Quyidagilarga shaxsiy javobgarlik yuklatilsin:
Inspeksiyaga — oliy darajadagi tashriflar davomida imzolangan hujjatlar va strategik korxonalar ishtirokidagi investitsiya loyihalari ijrosiga koʻmaklashish va uni nazorat qilish uchun;
Oʻzbekiston Respublikasi Tashqi ishlar vazirligi (Kamilov), Investitsiyalar va tashqi savdo vazirligi (Kudratov) va boshqa manfaatdor vazirliklar rahbarlariga — oliy darajadagi tashriflar davomida imzolangan hujjatlarda avvaldan qoʻyilgan maqsadlarga erishish va amalga oshirish boʻyicha koʻtarilgan masalalarni va yuzaga kelgan muammolarni hal qilishga qaratilgan vazifalar ijrosi natijalarini oʻz vaqtida va sifatli taqdim etish uchun;
vazirlik va idoralarga — oliy darajadagi tashriflar davomida imzolash uchun hujjatlar loyihalarini sifatli ishlab chiqish, shuningdek, Inspeksiyaga ushbu Farmonga muvofiq materiallarni oʻz vaqtida, asoslantirilgan holda va toʻliq taqdim etish uchun;
Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga — oliy darajadagi tashriflar davomida imzolangan hujjatlarni ijro etish doirasida qoʻyilgan vazifalarni oʻz vaqtida bajarish, shu jumladan, investorlar va tadbirkorlik subyektlariga belgilangan tartibda yer uchastkalarini ajratish, muhandislik-kommunikatsiya tarmoqlariga ulanishda koʻmaklashish uchun.
10. Belgilab qoʻyilsinki, Oʻzbekiston Respublikasining xorijdagi diplomatik vakolatxonalari rahbarlari oliy darajadagi tashriflar davomida imzolangan hujjatlar ijrosi uchun masʼul vazirlik va idoralar bilan bir xilda shaxsiy javobgar hisoblanadi.
11. Oʻzbekiston Respublikasi Vazirlar Mahkamasi va Tashqi ishlar vazirligi tegishli ravishda hukumat va idoralararo darajada xalqaro tashriflar davomida imzolangan hujjatlarning maʼlumotlar bazasini yaratsin hamda kelgusida uning “Ijro.gov.uz” tizimiga integratsiya qilinishini taʼminlasin.
12. Oʻzbekiston Respublikasi Hisob palatasi bir oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.
13. Oʻzbekiston Respublikasi Prezidentining “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son Farmoniga 2-ilovaga muvofiq oʻzgartirish va qoʻshimchalar kiritilsin.
14. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasining rahbari Z.Sh. Nizomiddinov va Oʻzbekiston Respublikasi Hisob palatasining raisi M.M. Ikramov zimmasiga yuklansin.
Oʻzbekiston Respublikasi Prezidentining 2018-yil 30-oktabrdagi PF-5565-son Farmoniga 2-ILOVA
Oʻzbekiston Respublikasi Prezidentining “Oʻzbekiston Respublikasi Hisob palatasi faoliyatini tubdan takomillashtirish chora-tadbirlari toʻgʻrisida” 2017-yil 10-avgustdagi PF-5147-son Farmoniga kiritilayotgan oʻzgartirish va qoʻshimchalar
2. 3-bandning ikkinchi xatboshi quyidagi tahrirda bayon etilsin:
“Oʻzbekiston Respublikasi Hisob palatasining tuzilmasi 1-ilovaga muvofiq”.
3. 4-banddagi “70” raqami “81” raqami bilan almashtirilsin.
6. 1-ilova qoʻyidagi tahrirda bayon etilsin:
“Oʻzbekiston Respublikasi Prezidentining 2017-yil 10-avgustdagi PF-5147-son Farmoniga 1-ILOVA
Oʻzbekiston Respublikasi Hisob palatasining TUZILMASI
7. 2-ilova oʻz kuchini yoʻqotgan deb topilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 30-oktabr,
PF-5565-son
Президента Республики Узбекистан
Указ
О мерах по дальнейшему повышению эффективности реализации документов, подписанных в ходе визитов на высшем уровне, а также инвестиционных проектов с участием хозяйственных обществ и предприятий стратегического значения
В целях системной организации работы по подготовке документов для подписания в ходе визитов Президента Республики Узбекистан в зарубежные страны и глав иностранных государств в Республику Узбекистан (далее — визиты на высшем уровне), обеспечения содействия полной, своевременной и качественной реализации инвестиционных проектов с участием хозяйственных обществ и предприятий стратегического значения (далее — стратегические предприятия):
3. Установить порядок, в соответствии с которым:
Министерство иностранных дел Республики Узбекистан в однодневный срок по мере определения сроков визитов на высшем уровне письменно уведомляет об этом Кабинет Министров Республики Узбекистан;
Кабинет Министров Республики Узбекистан в недельный срок принимает решение об организационных мерах по подготовке документов для подписания в ходе визитов на высшем уровне, в том числе по инвестиционным проектам;
Инспекция по мониторингу реализации инвестиционных проектов и внешней торговли Секретариата по вопросам инвестиций, поддержки экспорта и внешнеэкономических связей Кабинета Министров Республики Узбекистан (далее — Инспекция) устанавливает контроль за своевременным исполнением организационных мероприятий, предусмотренных решениями Кабинета Министров Республики Узбекистан;
проекты документов для подписания в ходе визитов на высшем уровне за месяц до начала визита вносятся Кабинетом Министров в Администрацию Президента Республики Узбекистан после их детальной проработки совместно с Инспекцией.
Инспекция на ежемесячной основе вносит в Администрацию Президента Республики Узбекистан информацию о ходе исполнения документов, подписанных в ходе визитов на высшем уровне, и инвестиционных проектов с участием стратегических предприятий.
5. Определить, что Инспекция в рамках содействия полной, своевременной и качественной реализации документов, подписанных в ходе визитов на высшем уровне, взаимодействует с:
подразделениями советника Президента Республики Узбекистан по вопросам правового сопровождения реформ и координации правоохранительной деятельности — в части проведения правовой экспертизы проекта нормативно-правового акта по утверждению документов для подписания в ходе визитов на высшем уровне, а также выявления основных правовых проблем, препятствующих реализации документов, подписанных в ходе визитов на высшем уровне, с разработкой предложений по их решению;
подразделениями советника Президента Республики Узбекистан по вопросам развития отраслей экономики, реализации инвестиционной и внешнеторговой политики — в части проработки документов для подписания в ходе визитов на высшем уровне, а также выявления системных проблем, препятствующих реализации инвестиционной и внешнеторговой политики;
аппаратом Совета безопасности при Президенте Республики Узбекистан — по вопросам проработки документов для подписания в ходе визитов на высшем уровне в сфере внешнеполитического сотрудничества, а также дальнейшего их исполнения;
Министерством иностранных дел Республики Узбекистан — по вопросам организации подготовки визитов на высшем уровне, в том числе подготовки документов для подписания в ходе визита, а также их последующего исполнения;
Министерством инвестиций и внешней торговли Республики Узбекистан — по вопросам конкретных инвестиционных проектов, разрабатываемых и реализуемых по итогам визитов на высшем уровне, привлечения займов, кредитов, средств технического содействия (грантов) международных финансовых институтов, а также торгово-экономического сотрудничества с зарубежными странами и международными организациями;
заместителями председателя Совета Министров Республики Каракалпакстан, хокимов областей и города Ташкента по вопросам инвестиций, инноваций, оказания содействия приватизированным предприятиям, развития свободных экономических и малых промышленных зон — в части эффективной реализации инвестиционных проектов на соответствующих территориях.
6. Инспекции и Генеральной прокуратуре Республики Узбекистан:
принять меры по недопущению формального исполнения (без обеспечения достижения конкретных практических результатов) министерствами, ведомствами, органами исполнительной власти на местах и иными организациями документов, подписанных в ходе визитов на высшем уровне, и инвестиционных проектов с участием стратегических предприятий;
установить строгий контроль за своевременным предоставлением министерствами, ведомствами, органами исполнительной власти на местах и иными организациями информации о ходе исполнения документов, подписанных в ходе визитов на высшем уровне, и инвестиционных проектов с участием стратегических предприятий посредством Единой межведомственной электронной системы исполнительской дисциплины «Ijro.gov.uz» (далее — система «Ijro.gov.uz»);
обеспечить ежемесячное рассмотрение хода исполнения документов, подписанных в ходе визитов на высшем уровне с участием руководителей министерств, ведомств, органов исполнительной власти на местах и иных организаций, а также реализации инвестиционных проектов с участием стратегических предприятий с последующим внесением информации в Администрацию Президента Республики Узбекистан;
на постоянной основе оказывать содействие министерствам, ведомствам, органам исполнительной власти на местах и иным организациям при исполнении ими документов, подписанных в ходе визитов на высшем уровне, и инвестиционных проектов с участием стратегических предприятий путем устранения фактов бюрократизма и затягивания сроков решения вопросов.
7. Министерству иностранных дел, Министерству инвестиций и внешней торговли и другим ответственным ведомствам представить в Инспекцию материалы в электронной форме для формирования базы данных по документам, подписанным в ходе визитов на высшем уровне, и инвестиционным проектам с участием стратегических предприятий, в том числе о состоянии их исполнения, с возможностью интеграции в систему «Ijro.gov.uz».
8. Министерству по развитию информационных технологий и коммуникаций Республики Узбекистан:
совместно со Счетной палатой Республики Узбекистан до 1 января 2019 года обеспечить внедрение современных информационно-коммуникационных технологий в процесс контроля исполнения документов, подписанных в ходе визитов на высшем уровне, и инвестиционных проектов с участием стратегических предприятий с последующей их интеграцией в систему «Ijro.gov.uz»;
совместно с Министерством иностранных дел Республики Узбекистан в двухнедельный срок обеспечить доступ дипломатических представительств Республики Узбекистан за рубежом к системе «Ijro.gov.uz» в режиме мониторинга;
совместно со Счетной палатой, Министерством иностранных дел и Министерством финансов Республики Узбекистан в двухмесячный срок обеспечить функционирование на безвозмездной основе «телемоста», предоставляющего возможность установления видеоконференцсвязи между Счетной палатой и дипломатическими представительствами Республики Узбекистан за рубежом, а также иностранными партнерами.
9. Возложить персональную ответственность на:
Инспекцию — за оказание содействия и осуществление контроля исполнения документов, подписанных в ходе визитов на высшем уровне, и инвестиционных проектов с участием стратегических предприятий;
руководителей Министерства иностранных дел (Камилов), Министерства инвестиций и внешней торговли (Кудратов) и других заинтересованных министерств — за своевременное и качественное представление результатов исполнения задач, направленных на решение поднятых вопросов и возникших проблем, для достижения изначально поставленных целей в документах, подписанных в ходе визитов на высшем уровне;
министерств и ведомств — за качественную проработку проектов документов для подписания в ходе визитов на высшем уровне, а также своевременность, обоснованность и полноту материалов, предоставляемых Инспекции в соответствии с настоящим Указом.
Совет Министров Республики Каракалпакстан, хокимияты областей и города Ташкента — за своевременное исполнение возложенных задач в рамках исполнения документов, подписанных в ходе визитов на высшем уровне, в том числе оказание содействия инвесторам и субъектам предпринимательства при выделении земельных участков в установленном порядке, в подключении к инженерно-коммуникационным сетям.
10. Определить, что главы дипломатических представительств Республики Узбекистан за рубежом несут персональную ответственность наравне с ответственными министерствами и ведомствами за исполнением документов, подписанных в ходе визитов на высшем уровне.
11. Кабинету Министров и Министерству иностранных дел Республики Узбекистан создать базу данных документов, подписанных в ходе международных визитов, соответственно на правительственном и межведомственном уровне с последующей ее интеграцией в систему «Ijro.gov.uz».
12. Счетной палате Республики Узбекистан в месячный срок внести предложения по изменениям и дополнениям в законодательство, вытекающим из настоящего Указа.
13. Внести изменения и дополнения в Указ Президента Республики Узбекистан от 10 августа 2017 года № УП-5147 «О мерах по коренному совершенствованию деятельности Счетной палаты Республики Узбекистан» согласно приложению № 2 .
14. Контроль за исполнением настоящего Указа возложить на руководителя Администрации Президента Республики Узбекистан З.Ш. Низомиддинова и председателя Счетной палаты Республики Узбекистан М.М. Икрамова.
ПРИЛОЖЕНИЕ № 2 к Указу Президента Республики Узбекистан от 30 октября 2018 года № УП-5565
Изменения и дополнения, вносимые в Указ Президента Республики Узбекистан от 10 августа 2017 года № УП-5147 «О мерах по коренному совершенствованию деятельности Счетной палаты Республики Узбекистан»
2. Абзац второй пункта 3 изложить в следующей редакции:
«структуру Счетной палаты Республики Узбекистан согласно приложению № 1».
3. В пункте 4 цифру «70» заменить цифрой «81».
6. Приложение № 1 изложить в следующей редакции:
«ПРИЛОЖЕНИЕ № 1 к Указу Президента Республики Узбекистан от 10 августа 2017 года № УП-5147
СТРУКТУРА Счетной палаты Республики Узбекистан
7. Приложение № 2 признать утратившим силу.
Президент Республики Узбекистан Ш. МИРЗИЁЕВ
г. Ташкент,
30 октября 2018 г.,
№ УП-5565