📅 2018-yil 30-oktabr · Vazirlik va idoralar hujjatlari · Sogʻliqni saqlash vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 октябрь · Вазирлик ва идоралар ҳужжатлари · Соғлиқни сақлаш вазири
Расмий матн. Расмий ҳужжат. Таҳририй изоҳлар киритилмаган.
📅 30 октября 2018 г. · Документы министерств и ведомств · Министр здравоохранения
Официальный текст. Официальный документ. Редакционные примечания не включены.
📅 30 October 2018 · Ministry and agency documents · Sogʻliqni saqlash vaziri
Official text. Official document. Editorial notes are not included.
Ўзбекистон Республикаси Соғлиқни сақлаш вазирининг
буйруғи
НИЗОМ
журнали
журнали
Дорихона шароитида «ангро» маҳсулотини қадоқлаш, ўраш, маркировка ва реализация қилиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2018 йил 24 сентябрдаги ПҚ-3948-сон «Дори воситаларини давлат рўйхатидан ўтказиш тартиби ва уларнинг айланишини такомиллаштириш бўйича қўшимча чора-тадбирлар тўғрисида»ги қарорига мувофиқ буюраман:
1. Дорихона шароитида «ангро» маҳсулотини қадоқлаш, ўраш, маркировка ва реализация қилиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан уч ой ўтгач кучга киради.
Ўзбекистон Республикаси соғлиқни сақлаш вазирининг 2018 йил 30 октябрдаги 51-сон буйруғига ИЛОВА
Дорихона шароитида «ангро» маҳсулотини қадоқлаш, ўраш, маркировка ва реализация қилиш тартиби тўғрисидаги
Ушбу Низом Ўзбекистон Республикаси Президентининг 2018 йил 24 сентябрдаги ПҚ-3948-сон «Дори воситаларини давлат рўйхатидан ўтказиш тартиби ва уларнинг айланишини такомиллаштириш бўйича қўшимча чора-тадбирлар тўғрисида»ги қарорига мувофиқ ишлаб чиқилган бўлиб, дорихона шароитида «ангро» маҳсулотини қадоқлаш, ўраш, маркировка ва реализация қилиш тартибини белгилайди.
1-боб. Умумий қоидалар
1. Ушбу Низом талаблари гиёҳвандлик воситалари, психотроп моддалар ёки уларнинг аналоглари ва прекурсорларга нисбатан татбиқ этилмайди.
2. Ушбу Низомда қуйидаги асосий тушунчалардан фойдаланилган:
«ангро» маҳсулоти — йирик қадоқда ишлаб чиқариладиган ва сотиладиган, шунингдек, кейинчалик тайёр дори воситаларини ишлаб чиқариш (тайёрлаш) учун ишлатиладиган дори воситаси ҳисобланади ;
қадоқлаш — дори воситаларини тегишли идишларга солиш, жойлаштириш.
3. Дорихона шароитида «ангро» маҳсулотини қадоқлаш, ўраш, маркировка ва реализация қилиш дори воситаларини тайёрлаш фаолиятини амалга ошириш ҳуқуқини берувчи лицензияга эга бўлган дорихоналар томонидан амалга оширилади.
4. «ангро» маҳсулотини республикага олиб киришга ва қадоқлашга асос бўлиб, ишлаб чиқарувчи томонидан тегишли дори воситаси истеъмол қадоқларида Ўзбекистон Республикасида давлат рўйхатидан ўтказилганлиги ёки қонунчилик ҳужжатларига мувофиқ юқори тартибга солувчи талаблар қўйилган мамлакатлар ва ташкилотлар томонидан амалга оширилган рўйхатдан ўтказиш натижалари Ўзбекистон Республикасида тан олиши ҳисобланади.
5. Сифатсиз, қалбакилаштирилган, Ўзбекистон Республикасида рўйхатдан ўтказилмаган дори воситаларини ва тиббий жиҳозларни, шунингдек Ўзбекистон Республикасида рўйхатдан ўтказилган дори воситаларининг ғайриқонуний нусхаларини харид қилиш, реализация қилиш ҳамда улардан фойдаланишга йўл қўйилмайди.
6. Дорихоналар томонидан дори воситаларини сақлаш, қадоқлаш, ўраш ва маркировка қилиш СанҚваМ 0337-16-сон «Дорихоналарни жойлаштириш, жиҳозлаш ва эксплуатация қилишнинг санитария қоидалари ва нормалари» билан ўрнатилган талабларга жавоб берадиган хоналарда амалга оширилади.
7. Дорихона шароитида «ангро» маҳсулотини унинг хусусиятларига мувофиқ махсус ускуналардан фойдаланган ҳолда қадоқлаш, ўраш ва маркировка қилиш амалга оширилади.
8. Дорихона шароитида қадоқланган, ўралган ва маркировка қилинган «ангро» маҳсулотини чакана реализация қилиш Ўзбекистон Республикаси Соғлиқни сақлаш вазирлиги томонидан тасдиқланадиган рецептлар бўйича ёки рецептсиз амалга оширилади.
9. Дорихона шароитида қадоқланган, ўралган ва маркировка қилинган «ангро» маҳсулотини улгуржи реализация қилинмайди.
10. Дорихоналарда қадоқланган, ўралган ва маркировка қилинган «ангро» маҳсулоти тегишли дори воситасининг тиббиётда қўлланилиши бўйича йўриқнома билан берилади.
2-боб. «ангро» маҳсулотини дорихона шароитида қадоқлаш, ўраш, маркировка ва реализация қилишга қўйиладиган талаблар
11. «ангро» маҳсулотларини сақлаш, қадоқлаш, ўраш ва маркировка қилиш СанҚваМ 0337-16-сон «Дорихоналарни жойлаштириш, жиҳозлаш ва эксплуатация қилишнинг санитария қоидалари ва нормалари» талабларига мувофиқ амалга оширилади.
12. Дорихонага келиб тушган «ангро» маҳсулоти белгиланган тартибда кирим қилинади. Варақлари рақамланган, ип ўтказиб тикилган ҳамда ташкилот раҳбарининг имзо ва муҳри билан (муҳр мавжуд бўлган тақдирда) тасдиқланган журналларда ёки электрон шаклда 1-иловада келтирилган жадвал шаклига мувофиқ ҳисоби олиб борилади.
13. Дорихоналарда «ангро» маҳсулотини қадоқлаш, ўраш ва маркировка қилиш фармацевтик маълумотга эга бўлган қадоқловчи томонидан амалга оширилади. Қадоқловчи санитария қоидалари ва нормалари талабларига амал қилиши, шунингдек, бир марталик тиббий қўлқоплар билан барча жараёнларни амалга ошириши шарт.
14. Дорихоналарда «ангро» маҳсулотини қадоқлаш, ўраш ва маркировка қилиш жараёнида қуйидагиларга риоя қилиниши зарур:
қадоқлаш воситаларини санитария қоидалари ва нормалари талабларига мувофиқ ювиш ва қуритиш;
дори воситаларини идишларга қадоқлаш жараёнини махсус қадоқлаш ускуналарида амалга ошириш;
қадоқлашдан олдин қадоқлаш ускунасининг асосий ишчи қисмларини норматив ҳужжатларда белгиланган тартибда ювиш ва тозалаш;
«ангро» маҳсулотини қадоқлашда амалдаги стандарт талабларига жавоб берадиган қадоқлаш материалларидан фойдаланиш;
«ангро» маҳсулотини қадоқлаш ускунасида керакли миқдорда идишларга (флакон, банка, шиша идиш, пластмасса идиш, картон ва қоғоз қути) қадоқлаш ва маркировка қилиш.
15. Дорихона шароитида «ангро» маҳсулоти қадоқлангандан сўнг маркировкасида Ўзбекистон Республикаси Вазирлар Маҳкамасининг 2016 йил 27 октябрдаги 365-сон қарори билан тасдиқланган Дори воситаларининг хавфсизлиги умумий техник регламентида кўрсатилган шартли белгилар ва ёзувлардан ташқари қуйидаги ёзувлар бўлиши керак:
а) «ангро» маҳсулотини ишлаб чиқарган ташкилот номи, давлати, серия рақами («ангро» маҳсулотини ишлаб чиқарган ташкилотнинг серия рақами билан қадоқланган дори воситасининг серия рақами каср белгиси (/) орқали кўрсатилади);
б) қадоқланган санаси, яроқлилик муддати ва нархи. Бунда «ангро» маҳсулотининг ишлаб чиқарилган санасидан келиб чиққан ҳолда дорихона томонидан қадоқланган дори воситасининг ўрамида бир йилдан ортиқ бўлмаган яроқлилик муддати кўрсатилади. Дорихона томонидан белгиланадиган яроқлилик муддати «ангро» маҳсулотининг яроқлилик муддатидан ўтиб кетмаган ҳолда белгиланиши шарт.
16. Дорихона шароитида «ангро» маҳсулотини қадоқлаш, ўраш ва маркировка қилишнинг барча жараёнлари 2-иловада келтирилган жадвал шаклига мувофиқ қоғоз ёки электрон кўринишда расмийлаштириладиган қадоқлаш ишлари журналига ёзиб қўйилади.
Журналнинг варақлари рақамланган, ип ўтказиб тикилган ҳамда ташкилот раҳбарининг имзоси ва муҳр (муҳр мавжуд бўлган тақдирда) билан тасдиқланган бўлиши керак.
17. Дорихоналарда қадоқланган, ўралган ва маркировка қилинган «ангро» маҳсулотининг сифатини назорат қилиш Дори воситаларини ва тиббий жиҳозларни тайёрлаш, сақлаш, уларнинг сифатини назорат қилиш ҳамда уларни расмийлаштириш тартиби тўғрисидаги низомга (рўйхат рақами 2990, 2018 йил 3 апрель) мувофиқ қуйидаги кўрсаткичлар бўйича амалга оширилади:
қабул қилиш назорати;
ёзма назорат;
органолептик назорат;
физикавий назорат;
тайёрланган дори воситаларини тарқатишдан олдинги назорат.
Дорихоналардаги «ангро» маҳсулоти сифатини назорат қилиш фармацевт-аналитик томонидан амалга оширилади.
18. Қадоқланган, ўралган, маркировка қилинган «ангро» маҳсулотини реализация қилиш Ўзбекистон Республикаси Вазирлар Маҳкамасининг 2017 йил 6 апрелдаги 185-сон қарори билан тасдиқланган Дори воситаларини ва тиббий буюмларни чакана реализация қилиш тартиби тўғрисидаги низомига мувофиқ амалга оширилади.
19. Дорихоналарда «ангро» маҳсулотини сақлаш, қадоқлаш, ўраш, маркировка ва реализация қилиш жараёнига жавобгар шахс этиб олий фармацевтик маълумотга эга бўлган мутахассис тайинланади.
3-боб. Якуний қоидалар
20. Ушбу Тартиб қоидаларининг бузилишида айбдор шахслар қонунчилик ҳужжатларига мувофиқ жавобгар бўлади.
21. Ушбу Тартиб Ўзбекистон Республикаси Савдо-саноат палатаси билан келишилган.
Дорихона шароитида «ангро» маҳсулотини қадоқлаш, ўраш, маркировка ва реализация қилиш тартиби тўғрисидаги низомга 1-ИЛОВА
«ангро» маҳсулотини ҳисобини олиб бориш
«ангро» маҳсулоти номи, дозаси___________________________ Сана Ой бошидаги қолдиқ Кирим Чиқим ой охиридаги қолдиқ кирим қилинган ҳужжат рақами ва сана миқдори серия, яроқлилик муддати, ишлаб чиқарувчи корхона номи 1 2 3 4 5 - - - 31 бир ойлик чиқим 1 2 3 4 5 6 7 8 9 10 - - - 36 37 38 Моддий жавобгар шахс Ф.И.О. ва имзо ____________________________
Дорихона шароитида «ангро» маҳсулотини қадоқлаш, ўраш, маркировка ва реализация қилиш тартиби тўғрисидаги низомга 2-ИЛОВА
«ангро» маҳсулотини қадоқлаш жараёнини қайд этиш
Т/р Сана «ангро» маҳсулоти Чакана нархи (шу жумладан ёрдамчи воситалар қиймати) Қадоқланган дори воситасининг серия рақами Қадоқловчи Ф.И.О. ва имзоси Жараёнга жавобгар шахснинг Ф.И.О. ва имзоси Изоҳ «ангро» маҳсулот номи, дозаси ва миқдори ишлаб чиқарувчиси серия рақами қадоқланган миқдори флаконлар миқдори 1 2 3 4 5 6 7 8 9 10 11 12
Вазир А. ШАДМАНОВ
Савдо-саноат палатаси раиси А. ИКРАМОВ
Тошкент ш.,
2018 йил 30 октябрь,
2018 йил 30 октябрь
51-сон
Oʻzbekiston Respublikasi Sogʻliqni saqlash vazirining
buyrugʻi
NIZOM
jurnali
jurnali
Dorixona sharoitida “angro” mahsulotini qadoqlash, oʻrash, markirovka va realizatsiya qilish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2018-yil 24-sentabrdagi PQ-3948-son “Dori vositalarini davlat roʻyxatidan oʻtkazish tartibi va ularning aylanishini takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:
1. Dorixona sharoitida “angro” mahsulotini qadoqlash, oʻrash, markirovka va realizatsiya qilish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasi sogʻliqni saqlash vazirining 2018-yil 30-oktabrdagi 51-son buyrugʻiga ILOVA
Dorixona sharoitida “angro” mahsulotini qadoqlash, oʻrash, markirovka va realizatsiya qilish tartibi toʻgʻrisidagi
Ushbu Nizom Oʻzbekiston Respublikasi Prezidentining 2018-yil 24-sentabrdagi PQ-3948-son “Dori vositalarini davlat roʻyxatidan oʻtkazish tartibi va ularning aylanishini takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq ishlab chiqilgan boʻlib, dorixona sharoitida “angro” mahsulotini qadoqlash, oʻrash, markirovka va realizatsiya qilish tartibini belgilaydi.
1-bob. Umumiy qoidalar
1. Ushbu Nizom talablari giyohvandlik vositalari, psixotrop moddalar yoki ularning analoglari va prekursorlarga nisbatan tatbiq etilmaydi.
2. Ushbu Nizomda quyidagi asosiy tushunchalardan foydalanilgan:
“angro” mahsuloti — yirik qadoqda ishlab chiqariladigan va sotiladigan, shuningdek, keyinchalik tayyor dori vositalarini ishlab chiqarish (tayyorlash) uchun ishlatiladigan dori vositasi hisoblanadi ;
qadoqlash — dori vositalarini tegishli idishlarga solish, joylashtirish.
3. Dorixona sharoitida “angro” mahsulotini qadoqlash, oʻrash, markirovka va realizatsiya qilish dori vositalarini tayyorlash faoliyatini amalga oshirish huquqini beruvchi litsenziyaga ega boʻlgan dorixonalar tomonidan amalga oshiriladi.
4. “angro” mahsulotini respublikaga olib kirishga va qadoqlashga asos boʻlib, ishlab chiqaruvchi tomonidan tegishli dori vositasi isteʼmol qadoqlarida Oʻzbekiston Respublikasida davlat roʻyxatidan oʻtkazilganligi yoki qonunchilik hujjatlariga muvofiq yuqori tartibga soluvchi talablar qoʻyilgan mamlakatlar va tashkilotlar tomonidan amalga oshirilgan roʻyxatdan oʻtkazish natijalari Oʻzbekiston Respublikasida tan olishi hisoblanadi.
5. Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalarini va tibbiy jihozlarni, shuningdek Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini xarid qilish, realizatsiya qilish hamda ulardan foydalanishga yoʻl qoʻyilmaydi.
6. Dorixonalar tomonidan dori vositalarini saqlash, qadoqlash, oʻrash va markirovka qilish SanQvaM 0337-16-son “Dorixonalarni joylashtirish, jihozlash va ekspluatatsiya qilishning sanitariya qoidalari va normalari” bilan oʻrnatilgan talablarga javob beradigan xonalarda amalga oshiriladi.
7. Dorixona sharoitida “angro” mahsulotini uning xususiyatlariga muvofiq maxsus uskunalardan foydalangan holda qadoqlash, oʻrash va markirovka qilish amalga oshiriladi.
8. Dorixona sharoitida qadoqlangan, oʻralgan va markirovka qilingan “angro” mahsulotini chakana realizatsiya qilish Oʻzbekiston Respublikasi Sogʻliqni saqlash vazirligi tomonidan tasdiqlanadigan retseptlar boʻyicha yoki retseptsiz amalga oshiriladi.
9. Dorixona sharoitida qadoqlangan, oʻralgan va markirovka qilingan “angro” mahsulotini ulgurji realizatsiya qilinmaydi.
10. Dorixonalarda qadoqlangan, oʻralgan va markirovka qilingan “angro” mahsuloti tegishli dori vositasining tibbiyotda qoʻllanilishi boʻyicha yoʻriqnoma bilan beriladi.
2-bob. “angro” mahsulotini dorixona sharoitida qadoqlash, oʻrash, markirovka va realizatsiya qilishga qoʻyiladigan talablar
11. “angro” mahsulotlarini saqlash, qadoqlash, oʻrash va markirovka qilish SanQvaM 0337-16-son “Dorixonalarni joylashtirish, jihozlash va ekspluatatsiya qilishning sanitariya qoidalari va normalari” talablariga muvofiq amalga oshiriladi.
12. Dorixonaga kelib tushgan “angro” mahsuloti belgilangan tartibda kirim qilinadi. Varaqlari raqamlangan, ip oʻtkazib tikilgan hamda tashkilot rahbarining imzo va muhri bilan (muhr mavjud boʻlgan taqdirda) tasdiqlangan jurnallarda yoki elektron shaklda 1-ilovada keltirilgan jadval shakliga muvofiq hisobi olib boriladi.
13. Dorixonalarda “angro” mahsulotini qadoqlash, oʻrash va markirovka qilish farmatsevtik maʼlumotga ega boʻlgan qadoqlovchi tomonidan amalga oshiriladi. Qadoqlovchi sanitariya qoidalari va normalari talablariga amal qilishi, shuningdek, bir martalik tibbiy qoʻlqoplar bilan barcha jarayonlarni amalga oshirishi shart.
14. Dorixonalarda “angro” mahsulotini qadoqlash, oʻrash va markirovka qilish jarayonida quyidagilarga rioya qilinishi zarur:
qadoqlash vositalarini sanitariya qoidalari va normalari talablariga muvofiq yuvish va quritish;
dori vositalarini idishlarga qadoqlash jarayonini maxsus qadoqlash uskunalarida amalga oshirish;
qadoqlashdan oldin qadoqlash uskunasining asosiy ishchi qismlarini normativ hujjatlarda belgilangan tartibda yuvish va tozalash;
“angro” mahsulotini qadoqlashda amaldagi standart talablariga javob beradigan qadoqlash materiallaridan foydalanish;
“angro” mahsulotini qadoqlash uskunasida kerakli miqdorda idishlarga (flakon, banka, shisha idish, plastmassa idish, karton va qogʻoz quti) qadoqlash va markirovka qilish.
15. Dorixona sharoitida “angro” mahsuloti qadoqlangandan soʻng markirovkasida Oʻzbekiston Respublikasi Vazirlar Mahkamasining 2016-yil 27-oktabrdagi 365-son qarori bilan tasdiqlangan Dori vositalarining xavfsizligi umumiy texnik reglamentida koʻrsatilgan shartli belgilar va yozuvlardan tashqari quyidagi yozuvlar boʻlishi kerak:
a) “angro” mahsulotini ishlab chiqargan tashkilot nomi, davlati, seriya raqami (“angro” mahsulotini ishlab chiqargan tashkilotning seriya raqami bilan qadoqlangan dori vositasining seriya raqami kasr belgisi (/) orqali koʻrsatiladi);
b) qadoqlangan sanasi, yaroqlilik muddati va narxi. Bunda “angro” mahsulotining ishlab chiqarilgan sanasidan kelib chiqqan holda dorixona tomonidan qadoqlangan dori vositasining oʻramida bir yildan ortiq boʻlmagan yaroqlilik muddati koʻrsatiladi. Dorixona tomonidan belgilanadigan yaroqlilik muddati “angro” mahsulotining yaroqlilik muddatidan oʻtib ketmagan holda belgilanishi shart.
16. Dorixona sharoitida “angro” mahsulotini qadoqlash, oʻrash va markirovka qilishning barcha jarayonlari 2-ilovada keltirilgan jadval shakliga muvofiq qogʻoz yoki elektron koʻrinishda rasmiylashtiriladigan qadoqlash ishlari jurnaliga yozib qoʻyiladi.
Jurnalning varaqlari raqamlangan, ip oʻtkazib tikilgan hamda tashkilot rahbarining imzosi va muhr (muhr mavjud boʻlgan taqdirda) bilan tasdiqlangan boʻlishi kerak.
17. Dorixonalarda qadoqlangan, oʻralgan va markirovka qilingan “angro” mahsulotining sifatini nazorat qilish Dori vositalarini va tibbiy jihozlarni tayyorlash, saqlash, ularning sifatini nazorat qilish hamda ularni rasmiylashtirish tartibi toʻgʻrisidagi nizomga (roʻyxat raqami 2990, 2018-yil 3-aprel) muvofiq quyidagi koʻrsatkichlar boʻyicha amalga oshiriladi:
qabul qilish nazorati;
yozma nazorat;
organoleptik nazorat;
fizikaviy nazorat;
tayyorlangan dori vositalarini tarqatishdan oldingi nazorat.
Dorixonalardagi “angro” mahsuloti sifatini nazorat qilish farmatsevt-analitik tomonidan amalga oshiriladi.
18. Qadoqlangan, oʻralgan, markirovka qilingan “angro” mahsulotini realizatsiya qilish Oʻzbekiston Respublikasi Vazirlar Mahkamasining 2017-yil 6-apreldagi 185-son qarori bilan tasdiqlangan Dori vositalarini va tibbiy buyumlarni chakana realizatsiya qilish tartibi toʻgʻrisidagi nizomiga muvofiq amalga oshiriladi.
19. Dorixonalarda “angro” mahsulotini saqlash, qadoqlash, oʻrash, markirovka va realizatsiya qilish jarayoniga javobgar shaxs etib oliy farmatsevtik maʼlumotga ega boʻlgan mutaxassis tayinlanadi.
3-bob. Yakuniy qoidalar
20. Ushbu Tartib qoidalarining buzilishida aybdor shaxslar qonunchilik hujjatlariga muvofiq javobgar boʻladi.
21. Ushbu Tartib Oʻzbekiston Respublikasi Savdo-sanoat palatasi bilan kelishilgan.
Dorixona sharoitida “angro” mahsulotini qadoqlash, oʻrash, markirovka va realizatsiya qilish tartibi toʻgʻrisidagi nizomga 1-ILOVA
“angro” mahsulotini hisobini olib borish
“angro” mahsuloti nomi, dozasi___________________________ Sana Oy boshidagi qoldiq Kirim Chiqim oy oxiridagi qoldiq kirim qilingan hujjat raqami va sana miqdori seriya, yaroqlilik muddati, ishlab chiqaruvchi korxona nomi 1 2 3 4 5 - - - 31 bir oylik chiqim 1 2 3 4 5 6 7 8 9 10 - - - 36 37 38 Moddiy javobgar shaxs F.I.O. va imzo ____________________________
Dorixona sharoitida “angro” mahsulotini qadoqlash, oʻrash, markirovka va realizatsiya qilish tartibi toʻgʻrisidagi nizomga 2-ILOVA
“angro” mahsulotini qadoqlash jarayonini qayd etish
T/r Sana “angro” mahsuloti Chakana narxi (shu jumladan yordamchi vositalar qiymati) Qadoqlangan dori vositasining seriya raqami Qadoqlovchi F.I.O. va imzosi Jarayonga javobgar shaxsning F.I.O. va imzosi Izoh “angro” mahsulot nomi, dozasi va miqdori ishlab chiqaruvchisi seriya raqami qadoqlangan miqdori flakonlar miqdori 1 2 3 4 5 6 7 8 9 10 11 12
Vazir A. SHADMANOV
Savdo-sanoat palatasi raisi A. IKRAMOV
Toshkent sh.,
2018-yil 30-oktabr,
2018-yil 30-oktabr
51-son