📅 2018-yil 1-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 1 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 1 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Тошкент вилоятининг «Оҳангарон» ва Майдонтол» маиший чиқиндилар полигонларида ҳосил бўладиган чиқинди газини қайта ишлаш ҳисобига электр энергияси ишлаб чиқариш» инвестиция лойиҳасини амалга ошириш чора-тадбирлари тўғрисида
Тошкент вилоятидаги экологик вазиятни яхшилаш, аҳоли ҳаёти даражаси ва сифатини ошириш, чиқиндиларнинг атроф муҳитга ва аҳоли соғлиғига салбий таъсирини пасайтириш, чиқиндилар билан боғлиқ ишларни амалга ошириш соҳасида замонавий инновацион ечимлар ва технологияларни жорий этиш, шунингдек, янги иш ўринлари яратиш мақсадида Вазирлар Маҳкамаси қарор қилади:
1. Ўзбекистон Республикаси Ҳукумати номидан Ўзбекистон Республикаси Инвестициялар бўйича давлат қўмитаси билан «Sejin G&E Co., Ltd» компанияси (Корея Республикаси) ўртасида «Тошкент вилоятининг «Оҳангарон» ва Майдонтол» маиший чиқиндилар полигонларида ҳосил бўладиган чиқинди газини қайта ишлаш ҳисобига электр энергияси ишлаб чиқариш» инвестиция лойиҳасини (кейинги ўринларда инвестиция лойиҳаси деб аталади) амалга ошириш тўғрисида 2018 йил 14 сентябрда тузилган Инвестиция шартномаси тасдиқлансин.
2. Қуйидагилар:
а) Инвестиция шартномасига мувофиқ «Sejin G&E Co., Ltd» компанияси (Корея Республикаси):
Тошкент вилояти ҳудудида хорижий капитал 100 фоиз бўлган масъулияти чекланган жамият шаклида хорижий корхона (кейинги ўринларда хорижий корхона деб аталади) ташкил этиш;
2018 — 2020 йиллар мобайнида 55,0 млн АҚШ доллари миқдорида тўғридан-тўғри инвестицияларни жалб этиш;
Тошкент вилоятининг «Оҳангарон» (Оҳангарон тумани) ва «Майдонтол» (Паркент тумани) маиший чиқиндилар полигонида ҳосил бўладиган чиқинди газидан (метандан) умумий ишлаб чиқариш қуввати камида 16 МВт (ҳар бирининг қуввати 1 560 кВт бўлган 10 та қурилма ва ҳар бирининг қуввати 500 кВт бўлган 2 та қурилма) бўлган электр энергияси ишлаб чиқарадиган 12 та янги замонавий генераторлар ва ёрдамчи ускуналар ўрнатиш бўйича мажбуриятлар олганлиги;
б) хорижий корхонага Ўзбекистон Республикаси Президентининг «Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида» 2005 йил 11 апрелдаги ПФ-3594-сон Фармони 1-бандининг биринчи хатбошида назарда тутилган солиқ имтиёзлари татбиқ этилиши маълумот учун қабул қилинсин.
3. Республикада ишлаб чиқарилмайдиган, инвестиция лойиҳасини амалга ошириш доирасида белгиланган тартибда шакллантириладиган рўйхатлар бўйича четдан олиб келинадиган технологик ускуналар, эҳтиёт қисмлар, бутловчи буюмлар 2021 йил 1 январгача божхона тўловларидан (божхона йиғимлари бундан мустасно) озод қилинсин.
4. Хорижий корхонага 2020 йил 1 январгача инвестиция лойиҳасини амалга ошириш доирасида қурилиш-монтаж ишларини белгиланган шаҳарсозлик нормалари ва қоидаларига риоя этган ҳолда бир вақтнинг ўзида лойиҳалаштириш ва молиялаштириш шартларида амалга оширишга, истисно тариқасида, рухсат берилсин.
5. «Ўзбекэнерго» АЖ:
«Ўздавэнергоназорат» ДИ билан биргаликда инвестиция лойиҳасини амалга ошириш доирасида ишлаб чиқариладиган электр энергиясини узатиш учун электр тармоқларига уланиш юзасидан техник топшириқлар ишлаб чиқилиши ва хорижий корхонага берилишини;
инвестиция лойиҳаси доирасида ишлаб чиқариладиган электр энергияси уланишнинг мақбул шохобчалари орқали электр тармоқларига уланишини, шунингдек, инвестиция шартномасига мувофиқ электр энергиясини харид қилиш юзасидан хорижий корхона билан тегишли битим тузилишини таъминласин.
6. Ўзбекистон Республикаси Молия вазирлиги Иқтисодиёт вазирлиги ва «Ўзбекэнерго» АЖ билан биргаликда илғор хорижий тажрибани ҳисобга олган ҳолда энергиянинг муқобил манбаларидан ягона электроэнергетика тизимига етказиб бериладиган электр энергияси учун ҳисоб-китоб қилиш механизмини жорий этиш чора-тадбирларини икки ой муддатда ишлаб чиқсин ва белгиланган тартибда қабул қилсин.
7. Ўзбекистон Республикаси Ташқи ишлар вазирлиги хорижий корхонанинг буюртманомалари бўйича инвестиция лойиҳасини амалга оширишда иштирок этадиган хорижий мутахассисларга кириш визалари консуллик йиғимлари ва бошқа йиғимлар ундирилмасдан белгиланган тартибда расмийлаштирилишини таъминласин.
8. Ўзбекистон Республикаси Ички ишлар вазирлиги хорижий корхонанинг буюртманомалари бўйича хорижий лойиҳани амалга оширишда иштирок этадиган хорижий мутахассисларга кўп марталик визалар давлат божи ундирилмасдан белгиланган тартибда берилиши ва муддати узайтирилишини, шунингдек, Ўзбекистон Республикасидаги яшаш жойида вақтинча турган жойи бўйича рўйхатга олинишини ва унинг муддати узайтирилишини таъминласин.
9. Ўзбекистон Республикаси Бандлик ва меҳнат муносабатлари вазирлиги хорижий корхонанинг буюртманомалари бўйича хорижий лойиҳани амалга оширишда қатнашадиган юқори малакали хорижий мутахассисларни республикага жалб этишга рухсатномалар белгиланган тартибда берилишини (муддати узайтирилишини), шунингдек, уларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (муддати узайтирилишини) таъминласин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Ўзбекистон Республикаси Экология ва атроф муҳитни муҳофаза қилиш давлат қўмитаси раиси Б.Т. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 1 ноябрь,
895-сон
Oʻzbekiston Respublikasi Vazirlar Mahkamasining
qarori
“Toshkent viloyatining “Ohangaron” va Maydontol” maishiy chiqindilar poligonlarida hosil boʻladigan chiqindi gazini qayta ishlash hisobiga elektr energiyasi ishlab chiqarish” investitsiya loyihasini amalga oshirish chora-tadbirlari toʻgʻrisida
Toshkent viloyatidagi ekologik vaziyatni yaxshilash, aholi hayoti darajasi va sifatini oshirish, chiqindilarning atrof muhitga va aholi sogʻligʻiga salbiy taʼsirini pasaytirish, chiqindilar bilan bogʻliq ishlarni amalga oshirish sohasida zamonaviy innovatsion yechimlar va texnologiyalarni joriy etish, shuningdek, yangi ish oʻrinlari yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumati nomidan Oʻzbekiston Respublikasi Investitsiyalar boʻyicha davlat qoʻmitasi bilan “Sejin G&E Co., Ltd” kompaniyasi (Koreya Respublikasi) oʻrtasida “Toshkent viloyatining “Ohangaron” va Maydontol” maishiy chiqindilar poligonlarida hosil boʻladigan chiqindi gazini qayta ishlash hisobiga elektr energiyasi ishlab chiqarish” investitsiya loyihasini (keyingi oʻrinlarda investitsiya loyihasi deb ataladi) amalga oshirish toʻgʻrisida 2018-yil 14-sentabrda tuzilgan Investitsiya shartnomasi tasdiqlansin.
2. Quyidagilar:
a) Investitsiya shartnomasiga muvofiq “Sejin G&E Co., Ltd” kompaniyasi (Koreya Respublikasi):
Toshkent viloyati hududida xorijiy kapital 100 foiz boʻlgan masʼuliyati cheklangan jamiyat shaklida xorijiy korxona (keyingi oʻrinlarda xorijiy korxona deb ataladi) tashkil etish;
2018 — 2020-yillar mobaynida 55,0 mln AQSH dollari miqdorida toʻgʻridan-toʻgʻri investitsiyalarni jalb etish;
Toshkent viloyatining “Ohangaron” (Ohangaron tumani) va “Maydontol” (Parkent tumani) maishiy chiqindilar poligonida hosil boʻladigan chiqindi gazidan (metandan) umumiy ishlab chiqarish quvvati kamida 16 MVt (har birining quvvati 1 560 kVt boʻlgan 10 ta qurilma va har birining quvvati 500 kVt boʻlgan 2 ta qurilma) boʻlgan elektr energiyasi ishlab chiqaradigan 12 ta yangi zamonaviy generatorlar va yordamchi uskunalar oʻrnatish boʻyicha majburiyatlar olganligi;
b) xorijiy korxonaga Oʻzbekiston Respublikasi Prezidentining “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida” 2005-yil 11-apreldagi PF-3594-son Farmoni 1-bandining birinchi xatboshida nazarda tutilgan soliq imtiyozlari tatbiq etilishi maʼlumot uchun qabul qilinsin.
3. Respublikada ishlab chiqarilmaydigan, investitsiya loyihasini amalga oshirish doirasida belgilangan tartibda shakllantiriladigan roʻyxatlar boʻyicha chetdan olib kelinadigan texnologik uskunalar, ehtiyot qismlar, butlovchi buyumlar 2021-yil 1-yanvargacha bojxona toʻlovlaridan (bojxona yigʻimlari bundan mustasno) ozod qilinsin.
4. Xorijiy korxonaga 2020-yil 1-yanvargacha investitsiya loyihasini amalga oshirish doirasida qurilish-montaj ishlarini belgilangan shaharsozlik normalari va qoidalariga rioya etgan holda bir vaqtning oʻzida loyihalashtirish va moliyalashtirish shartlarida amalga oshirishga, istisno tariqasida, ruxsat berilsin.
5. “Oʻzbekenergo” AJ:
“Oʻzdavenergonazorat” DI bilan birgalikda investitsiya loyihasini amalga oshirish doirasida ishlab chiqariladigan elektr energiyasini uzatish uchun elektr tarmoqlariga ulanish yuzasidan texnik topshiriqlar ishlab chiqilishi va xorijiy korxonaga berilishini;
investitsiya loyihasi doirasida ishlab chiqariladigan elektr energiyasi ulanishning maqbul shoxobchalari orqali elektr tarmoqlariga ulanishini, shuningdek, investitsiya shartnomasiga muvofiq elektr energiyasini xarid qilish yuzasidan xorijiy korxona bilan tegishli bitim tuzilishini taʼminlasin.
6. Oʻzbekiston Respublikasi Moliya vazirligi Iqtisodiyot vazirligi va “Oʻzbekenergo” AJ bilan birgalikda ilgʻor xorijiy tajribani hisobga olgan holda energiyaning muqobil manbalaridan yagona elektroenergetika tizimiga yetkazib beriladigan elektr energiyasi uchun hisob-kitob qilish mexanizmini joriy etish chora-tadbirlarini ikki oy muddatda ishlab chiqsin va belgilangan tartibda qabul qilsin.
7. Oʻzbekiston Respublikasi Tashqi ishlar vazirligi xorijiy korxonaning buyurtmanomalari boʻyicha investitsiya loyihasini amalga oshirishda ishtirok etadigan xorijiy mutaxassislarga kirish vizalari konsullik yigʻimlari va boshqa yigʻimlar undirilmasdan belgilangan tartibda rasmiylashtirilishini taʼminlasin.
8. Oʻzbekiston Respublikasi Ichki ishlar vazirligi xorijiy korxonaning buyurtmanomalari boʻyicha xorijiy loyihani amalga oshirishda ishtirok etadigan xorijiy mutaxassislarga koʻp martalik vizalar davlat boji undirilmasdan belgilangan tartibda berilishi va muddati uzaytirilishini, shuningdek, Oʻzbekiston Respublikasidagi yashash joyida vaqtincha turgan joyi boʻyicha roʻyxatga olinishini va uning muddati uzaytirilishini taʼminlasin.
9. Oʻzbekiston Respublikasi Bandlik va mehnat munosabatlari vazirligi xorijiy korxonaning buyurtmanomalari boʻyicha xorijiy loyihani amalga oshirishda qatnashadigan yuqori malakali xorijiy mutaxassislarni respublikaga jalb etishga ruxsatnomalar belgilangan tartibda berilishini (muddati uzaytirilishini), shuningdek, ularga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) taʼminlasin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi B.T. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 1-noyabr,
895-son
Кабинета Министров Республики Узбекистан
Постановление
О мерах по реализации инвестиционного проекта «Производство электроэнергии за счет преобразования свалочного газа, образующегося на полигонах бытовых отходов «Ахангаран» и «Майдонтол» Ташкентской области»
В целях улучшения экологической обстановки в Ташкентской области, повышения уровня и качества жизни населения, снижения негативного воздействия отходов на окружающую среду и здоровье населения, внедрения современных инновационных решений и технологий в области обращения с отходами, а также создания новых рабочих мест Кабинет Министров постановляет:
1. Утвердить Инвестиционный договор между Правительством Республики Узбекистан в лице Государственного комитета Республики Узбекистан по инвестициям и компанией «Sejin G&E Со., Ltd» (Республика Корея) от 14 сентября 2018 года о реализации инвестиционного проекта «Производство электроэнергии за счет преобразования свалочного газа, образующегося на полигонах бытовых отходов «Ахангаран» и «Майдонтол» Ташкентской области» (далее — инвестиционный проект).
2. Принять к сведению, что:
а) в соответствии с инвестиционным договором компания «Sejin G&E Со., Ltd» (Республика Корея) приняла на себя обязательства по:
созданию на территории Ташкентской области иностранного предприятия в форме общества с ограниченной ответственностью со 100-процентным иностранным капиталом (далее — иностранное предприятие);
привлечению в течение 2018 — 2020 годов прямых инвестиций в размере расчетно 55,0 млн долларов США;
установлению 12 единиц новых современных генераторов и вспомогательного оборудования, вырабатывающих электроэнергию из свалочного газа (метан), образующегося на полигонах бытовых отходов «Ахангаран» (Ахангаранский район) и «Майдонтол» (Паркентский район) Ташкентской области, общей производственной мощностью не менее 16 МВт (10 установок по 1 560 кВт и 2 установки по 500 кВт);
б) на иностранное предприятие распространяются налоговые льготы, предусмотренные абзацем первым пункта 1 Указа Президента Республики Узбекистан от 11 апреля 2005 года № УП-3594 «О дополнительных мерах по стимулированию привлечения прямых частных иностранных инвестиций», с даты его государственной регистрации.
3. Освободить сроком до 1 января 2021 года от таможенных платежей (за исключением таможенных сборов) технологическое оборудование, запасные части, комплектующие изделия, не производимые в республике, ввозимые в рамках реализации инвестиционного проекта по перечням, формируемым в установленном порядке.
4. Разрешить,в порядке исключения, иностранному предприятию сроком до 1 января 2020 года осуществление строительно-монтажных работ в рамках реализации инвестиционного проекта на условиях параллельного проектирования и финансирования, с соблюдением установленных градостроительных норм и правил.
5. АО «Узбекэнерго» обеспечить:
совместно с ГИ «Узгосэнергонадзор» разработку и выдачу иностранному предприятию технического задания на подключение к электрическим сетям для передачи электрической энергии, вырабатываемой в рамках реализации инвестиционного проекта;
подключение вырабатываемой в рамках инвестиционного проекта электрической энергии к электрическим сетям через оптимальные точки подключения, а также заключение с иностранным предприятием соответствующего соглашения на закуп электрической энергии согласно инвестиционному договору.
6. Министерству финансов совместно с Министерством экономики Республики Узбекистан и АО «Узбекэнерго» в двухмесячный срок с учетом передового международного опыта разработать и принять в установленном порядке меры по внедрению механизма расчета за поставляемую электроэнергию из альтернативных источников энергии в единую электроэнергетическую систему.
7. Министерству иностранных дел Республики Узбекистан по заявкам иностранного предприятия обеспечить в установленном порядке оформление въездных виз иностранным специалистам, участвующим в реализации инвестиционного проекта, без взимания консульских и иных сборов.
8. Министерству внутренних дел Республики Узбекистан по заявкам иностранного предприятия обеспечить в установленном порядке выдачу и продление многократных виз, а также регистрацию по месту временного пребывания и ее продление в Республике Узбекистан иностранным специалистам, участвующим в реализации инвестиционного проекта, без взимания государственной пошлины.
9. Министерству занятости и трудовых отношений Республики Узбекистан по заявкам иностранного предприятия обеспечить выдачу (продление) в установленном порядке разрешений на привлечение в республику высококвалифицированных иностранных специалистов, участвующих в реализации инвестиционного проекта, а также выдачу (продление) им подтверждений на право трудовой деятельности на территории Республики Узбекистан.
10. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистонтемирйуллари» А.Ж. Раматова, заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова и председателя Государственного комитета Республики Узбекистан по экологии и охране окружающей среды Б.Т. Кучкарова.
Премьер-министр Республики Узбекистан А. АРИПОВ
г. Ташкент,
1 ноября 2018 г.,
№ 895