📅 2018-yil 31-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 31 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 31 октября 2018 г. · Указы Президента
Официальный текст. Официальный документ. Редакционные примечания не включены.
📅 31 October 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ЎЗГАРТИРИШ ВА ҚЎШИМЧАЛАР
ТАШКИЛИЙ-ШТАТ ТУЗИЛМАСИ
Жиноий-ҳуқуқий статистика тизимини тубдан такомиллаштириш ва жиноятларни тизимли таҳлил қилиш самарадорлигини ошириш чора-тадбирлари тўғрисида
Ўтган давр мобайнида мамлакатимизда давлат органлари ва фуқаролик жамияти институтларининг яқин ҳамкорлиги асосида жамоат тартибини сақлаш, ҳуқуқбузарликлар профилактикаси ва жиноятчиликка қарши курашишнинг сифат жиҳатдан янги тизимини жорий этиш, фуқароларнинг ҳуқуқлари, эркинликлари ва қонуний манфаатларини ишончли ҳимоялашни таъминлаш бўйича салмоқли ишлар амалга оширилди.
Мазкур фаолиятда мамлакатдаги криминоген вазиятни ўта аниқликда белгилаш, ҳуқуқбузарликлар профилактикаси ва жиноятчиликка қарши курашиш бўйича амалдаги механизмларнинг долзарб муаммо ва камчиликларини аниқлаш, шунингдек, уларни такомиллаштиришнинг ҳар томонлама ўйланган истиқболларини ишлаб чиқиш имконини берувчи жиноий-ҳуқуқий статистикани юритиш ва жиноятларни таҳлил қилишнинг самарали тизимини жорий этиш муҳим ўрин эгаллайди.
Шу билан бирга, жиноятчилик ҳолати статистикасини юритиш соҳасида амалга оширилаётган ишлар таҳлили шуни кўрсатмоқдаки, тизимли таҳлил ва сифатли назоратни йўлга қўйиш, прокурор назоратини амалга оширишда маълумотларнинг аниқ, ишончлилиги ва янада малакали қайта ишлашни таъминловчи замонавий ахборот технологияларини жорий этиш орқали маълумотларни йиғиш ва қайта ишлаш бўйича амалдаги механизмларни такомиллаштириш зарур.
Жиноий-ҳуқуқий статистика тизимини такомиллаштириш, жиноятлар ҳисобини юритишнинг шаффофлигини таъминлаш, шунингдек, уларнинг содир этилиши сабабларини мақсадли таҳлил қилиш йўли билан жиноятчиликка қарши курашиш самарадорлигини ошириш мақсадида:
2. Бош прокуратура ва Ўзбекистон Республикаси Ички ишлар вазирлигининг «Электрон жиноий-ҳуқуқий статистика» ягона ахборот тизимини (кейинги ўринларда — Ягона ахборот тизими деб юритилади) жорий этиш таклифига розилик берилсин ва унда қуйидагилар назарда тутилсин:
статистик карточкаларнинг электрон шаклларини тузиш орқали жиноят ишлари, терговга қадар текширув материаллари, суд муҳокамалари ҳамда суд қарорлари ижроси натижалари, шунингдек, айбланувчи ва жабрланувчи тариқасида жалб этилган иштирокчилар бўйича маълумотларнинг ягона ҳисобини юритиш;
прокуратура, суд ва бошқа давлат органлари ўртасида дастлабки тергов ва суриштирув органларининг электрон маълумот алмашув шаклини, шу жумладан, ахборот тизимлари ва маълумотлар базаларини интеграция қилиш йўли билан жорий этиш;
жиноий-ҳуқуқий статистикани юритиш тартиб-таомилларини оптималлаштириш ва уни шакллантириш жараёнида инсон омилини истисно этиш.
3. Шундай тартиб ўрнатилсинки, унга кўра:
аниқланган, очилган жиноятлар ёки терговнинг бошқа натижалари, шунингдек, жиноят содир этган шахслар бўйича статистик маълумотлар электрон статистик карточка шакллантириладиган Ягона ахборот тизимига киритилади;
жиноят ишлари ҳамда терговга қадар текширув материалларига тартиб рақамлари Ягона ахборот тизимига тегишли статистик маълумотлар киритилгандагина берилади;
суд муҳокамаси ҳамда суд қарорлари ижросининг натижалари, шунингдек, айбланувчи ва жабрланувчи сифатида жалб этилган шахслар бўйича маълумотлар судлар ва суд қарорлари ижросини амалга оширувчи давлат органлари томонидан электрон статистик карточкаларни тўлдириш йўли билан шакллантирилади;
Ягона ахборот тизимида ахборот алмашув мавжуд маълумотларни рухсатсиз кўришга имкон бермайдиган, ҳимояланган алоқа каналлари орқали амалга оширилади.
4. Бош прокуратура:
Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда 2019 йил 10 январдан Ягона ахборот тизимининг синов версиясини, 2019 йил 1 мартдан тўлиқ версиясини ишга туширсин;
икки ой муддатда «Электрон жиноий-ҳуқуқий статистика» ягона ахборот тизимини юритиш тартиби тўғрисидаги Низомни тасдиқласин;
Ягона ахборот тизимининг бошқа ахборот тизимлари билан доимий кузатуви ва интеграциялашуви, узлуксиз ишлаши ва ахборот хавфсизлигини таъминласин.
Белгилансинки, Ягона ахборот тизимининг синов версияси ишга туширилишига қадар ҳужжатларнинг қоғоз шаклидан, тизимнинг тўлиқ версияси ишга туширилишига қадар — бир вақтнинг ўзида ҳужжатларнинг қоғоз ва электрон шаклларидан фойдаланилади.
5. «Электрон жиноий-ҳуқуқий статистика» ягона ахборот тизимини жорий этиш бўйича «Йўл харитаси» 1-иловага * мувофиқ тасдиқлансин.
Белгилансинки, Ягона ахборот тизимининг ишлаб чиқилиши, фаолият кўрсатиши ва модернизация қилиниши, шунингдек, ундан фойдаланиш учун зарур бўлган ускуналар, компьютерлар, IP-телефония техникалари, техник воситалар, дастурий таъминот ва бошқа моддий-техника воситаларини харид қилиш Мажбурий ижро бюросини ривожлантириш жамғармаси маблағлари ҳисобидан истисно тариқасида:
харид қилиш тартиб-таомилларини ўтказмаган ҳолда энг яхши таклифларни танлаб олиш йўли билан;
2021 йил 1 октябрга қадар ўрнатилган тартибда тасдиқланадиган рўйхатларга мувофиқ божхона тўловларидан (божхона расмийлаштируви учун йиғимлардан ташқари) озод қилинган ҳолда амалга оширилади.
6. Ўзбекистон Республикаси Олий суди ҳамда терговга қадар текширув ва дастлабки терговни амалга ошириш ваколатига эга давлат органлари:
жиноят ишлари, терговга қадар текширув материаллари, ишларнинг суддаги муҳокамалари ва суд қарорларининг ижроси натижалари, шунингдек, айбланувчи ва жабрланувчи тариқасида жалб этилган иштирокчилар бўйича маълумотларнинг Ягона ахборот тизимига ўз вақтида киритилишини;
Ички ишлар вазирлиги сўровига кўра, ахборот тизимлари ва манбаларининг жиноий-ҳуқуқий статистика маълумотларини тўлақонли шакллантириш ва Ягона ахборот тизимининг ишлаши учун зарур бўлган интеграциялашувни таъминласин.
8. Бош прокуратура туман (шаҳар) прокурорлари раҳбарлигида жамоатчилик асосида фаолият юритадиган, жиноятчилик содир этилиши сабабларини тизимли таҳлил қиладиган эксперт-таҳлил гуруҳларининг фаолиятини тажриба тариқасида Шайхонтоҳур туманида, 2019 йил 1 февралдан бошлаб — Тошкент шаҳрининг бошқа туманларида, 2019 йил 1 июлдан бошлаб — ўтказилган тажриба натижаларини инобатга олган ҳолда республиканинг барча ҳудудларида йўлга қўйсин.
11. Қуйидаги мажбуриятлар Ўзбекистон Республикаси Ички ишлар вазирлигида сақлаб қолинсин:
халқаро шартномаларда назарда тутилган Мустақил Давлатлар Ҳамдўстлиги мамлакатларининг Давлатлараро ахборот банкига ҳуқуқий статистик маълумотларни тақдим этиш;
2019 йилнинг 1 январига қадар ҳисобот даврларида тўпланган ҳуқуқий статистик маълумотлар архивини сақлаш.
Ички ишлар вазирлиги бир ой муддатда Ўзбекистон Республикаси Ички ишлар вазирлигининг Тезкор-маълумотлар бошқармаси тўғрисидаги Низомни ва унинг янгиланган тузилмасини тасдиқласин.
12. Белгилансинки:
Бош прокуратурада, шу жумладан, унинг янги тузилаётган бўлинмаларида шакллантирилаётган штат бирликларини молиялаштириш Ўзбекистон Республикаси Давлат бюджети маблағлари ҳисобидан амалга оширилади;
Ички ишлар вазирлигининг Ҳуқуқий статистика ва тезкор-ҳисоб маълумотлар бош маркази ва унинг ҳудудий бўлинмалари ходимларига Ўзбекистон Республикаси Ички ишлар вазирлигининг бюджетдан ташқари маблағлари ҳисобидан (белгиланган бошқа қўшимча ва устама ҳақлардан қатъи назар) лавозим маошининг 30 фоизи миқдорида ойлик устама тўланади.
13. Ўзбекистон Республикаси Молия вазирлиги Бош прокуратура ва Ички ишлар вазирлиги билан биргаликда мазкур Фармонга мувофиқ Бош прокуратура ва Ички ишлар вазирлиги харажатлар сметаси ва штат жадвалига ўзгартиришлар киритилишини таъминласин.
14. Бош прокуратура:
бир ой муддатда янги тузилаётган бўлинмалар ва киритилаётган штат бирликларининг мебель, алоқа воситалари ва бошқа зарур моддий-техник ресурслар билан жиҳозланишини таъминласин;
икки ой муддатда прокуратура органларининг янги тузилаётган бўлинмаларини, аввало, тугатилаётган ички ишлар органлари ахборот марказлари ходимлари ҳисобидан, малакали кадрлар билан тўлдирсин;
2019 йилнинг биринчи ярим йиллик якунларига кўра мазкур Фармон ижроси самарадорлигини ўргансин ҳамда зарурат бўлганда, жиноий-ҳуқуқий статистика тизимини янада такомиллаштириш бўйича таклифлар киритсин.
15. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.
16. Ўзбекистон Республикаси Ички ишлар вазирлиги бир ой муддатда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисидаги Вазирлар Маҳкамасига таклифлар киритсин.
17. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2018 йил 31 октябрдаги ПФ-5566-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган
(кўчирма)
1. Ўзбекистон Республикаси Президентининг 2017 йил 18 апрелдаги «Ижтимоий-иқтисодий ислоҳотларни амалга ошириш, мамлакатни модернизация қилиш, инсон ҳуқуқ ва эркинликларининг ишончли ҳимоясини таъминлашда прокуратура органларининг ролини кучайтириш тўғрисида»ги ПФ-5019-сонли Фармонида :
а) 4-банднинг бешинчи хатбошисидаги «5 110 нафар» сўзлари «5 363 нафар» сўзлари билан алмаштирилсин;
б) 1-илова қуйидаги таҳрирда баён этилсин:
«Ўзбекистон Республикаси Президентининг 2017 йил 18 апрелдаги ПФ-5019-сонли Фармонига 1-ИЛОВА
Ўзбекистон Республикаси Бош прокуратурасининг
в) 4-иловада :
«Ҳарбий прокурорнинг кадрлар бўйича катта ёрдамчиси (ёрдамчиси) 2» блоки «Кадрлар бўлими 2» блоки билан алмаштирилсин;
«Ҳарбий прокурорнинг миллий хавфсизлик органларида қонунчилик ижроси устидан назорат бўйича катта ёрдамчиси (ёрдамчиси) 2» блоки «Ҳарбий прокурорнинг Давлат хавфсизлик хизмати органларида қонунчилик ижроси устидан назорат бўйича катта ёрдамчиси (ёрдамчиси) 2» блоки билан алмаштирилсин.
2. Ўзбекистон Республикаси Президентининг 2017 йил 29 майдаги «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги ПФ-5059-сонли Фармони 4-бандида :
а) иккинчи хатбоши қуйидаги таҳрирда баён этилсин:
«электр, газ узатиш ва газ тақсимлаш тармоқларига ноқонуний уланиш, ҳисобга олиш асбобларига қасддан шикаст етказиш, шунингдек ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш ҳолатлари бўйича текширишлар ўтказиш»;
б) ўн учинчи хатбоши қуйидаги таҳрирда баён этилсин:
«энергия ресурслари истеъмолини ҳисобга олиш тизими ва асбобларини кўздан кечириш»;
в) қуйидаги мазмундаги хатбоши билан тўлдирилсин:
«Белгилансинки, мазкур банд талаблари тўловларнинг ўз вақтида ва тўлиқ ундирилишини таъминлаш Бюро ва унинг ҳудудий бўлинмаларига юклатилган бошқа кўрсатиладиган коммунал хизматларга ҳам татбиқ этилади».
3. Ўзбекистон Республикаси Президентининг «Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида»ги 2018 йил 8 майдаги ПФ-5438-сон Фармонида :
а) 2-банд қуйидаги мазмундаги хатбошилар билан тўлдирилсин:
«жиноятларнинг содир этилиши сабаб ва шароитларини ўрганиш ва диагностика қилиш, ҳуқуқбузарликлар профилактикаси ҳолатини таҳлил қилиш, шу жумладан алоҳида турдаги жиноятларнинг олдини олиш;
жиноятчилик ҳолати ўзгаришини криминологик прогноз қилиш, шунингдек ҳуқуқбузарликлар профилактикаси фаолиятини методологик ва консультатив таъминлаш»;
8. Ўзбекистон Республикаси Президентининг 2017 йил 14 мартдаги «Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида»ги ПҚ-2833-сонли қарорида :
7-банддаги «25» рақами «22» рақами билан алмаштирилсин;
8-банднинг иккинчи хатбошисидаги «лавозим маошининг» ва «лавозим маоши» сўзлари тегишинча «иш ҳақи фондининг» ва «иш ҳақи фонди» сўзлари билан алмаштирилсин.
9. Ўзбекистон Республикаси Президентининг 2017 йил 29 ноябрдаги ПҚ-3413-сонли қарори билан тасдиқланган Ички ишлар органларида хизматни ўташ тартиби тўғрисидаги низомнинг 16-банди қуйидаги таҳрирда баён этилсин:
«16. Дастлабки танлов синовларининг биридан ёки якка тартибдаги якуний суҳбатдан ўта олмаган номзод уларни такроран топширишига қўйилмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 31 октябрь,
ПФ-5566-сон
Oʻzbekiston Respublikasi Prezidentining
Farmoni
OʻZGARTIRISH VA QOʻSHIMCHALAR
TASHKILIY-SHTAT TUZILMASI
Jinoiy-huquqiy statistika tizimini tubdan takomillashtirish va jinoyatlarni tizimli tahlil qilish samaradorligini oshirish chora-tadbirlari toʻgʻrisida
Oʻtgan davr mobaynida mamlakatimizda davlat organlari va fuqarolik jamiyati institutlarining yaqin hamkorligi asosida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatdan yangi tizimini joriy etish, fuqarolarning huquqlari, erkinliklari va qonuniy manfaatlarini ishonchli himoyalashni taʼminlash boʻyicha salmoqli ishlar amalga oshirildi.
Mazkur faoliyatda mamlakatdagi kriminogen vaziyatni oʻta aniqlikda belgilash, huquqbuzarliklar profilaktikasi va jinoyatchilikka qarshi kurashish boʻyicha amaldagi mexanizmlarning dolzarb muammo va kamchiliklarini aniqlash, shuningdek, ularni takomillashtirishning har tomonlama oʻylangan istiqbollarini ishlab chiqish imkonini beruvchi jinoiy-huquqiy statistikani yuritish va jinoyatlarni tahlil qilishning samarali tizimini joriy etish muhim oʻrin egallaydi.
Shu bilan birga, jinoyatchilik holati statistikasini yuritish sohasida amalga oshirilayotgan ishlar tahlili shuni koʻrsatmoqdaki, tizimli tahlil va sifatli nazoratni yoʻlga qoʻyish, prokuror nazoratini amalga oshirishda maʼlumotlarning aniq, ishonchliligi va yanada malakali qayta ishlashni taʼminlovchi zamonaviy axborot texnologiyalarini joriy etish orqali maʼlumotlarni yigʻish va qayta ishlash boʻyicha amaldagi mexanizmlarni takomillashtirish zarur.
Jinoiy-huquqiy statistika tizimini takomillashtirish, jinoyatlar hisobini yuritishning shaffofligini taʼminlash, shuningdek, ularning sodir etilishi sabablarini maqsadli tahlil qilish yoʻli bilan jinoyatchilikka qarshi kurashish samaradorligini oshirish maqsadida:
2. Bosh prokuratura va Oʻzbekiston Respublikasi Ichki ishlar vazirligining “Elektron jinoiy-huquqiy statistika” yagona axborot tizimini (keyingi oʻrinlarda — Yagona axborot tizimi deb yuritiladi) joriy etish taklifiga rozilik berilsin va unda quyidagilar nazarda tutilsin:
statistik kartochkalarning elektron shakllarini tuzish orqali jinoyat ishlari, tergovga qadar tekshiruv materiallari, sud muhokamalari hamda sud qarorlari ijrosi natijalari, shuningdek, ayblanuvchi va jabrlanuvchi tariqasida jalb etilgan ishtirokchilar boʻyicha maʼlumotlarning yagona hisobini yuritish;
prokuratura, sud va boshqa davlat organlari oʻrtasida dastlabki tergov va surishtiruv organlarining elektron maʼlumot almashuv shaklini, shu jumladan, axborot tizimlari va maʼlumotlar bazalarini integratsiya qilish yoʻli bilan joriy etish;
jinoiy-huquqiy statistikani yuritish tartib-taomillarini optimallashtirish va uni shakllantirish jarayonida inson omilini istisno etish.
3. Shunday tartib oʻrnatilsinki, unga koʻra:
aniqlangan, ochilgan jinoyatlar yoki tergovning boshqa natijalari, shuningdek, jinoyat sodir etgan shaxslar boʻyicha statistik maʼlumotlar elektron statistik kartochka shakllantiriladigan Yagona axborot tizimiga kiritiladi;
jinoyat ishlari hamda tergovga qadar tekshiruv materiallariga tartib raqamlari Yagona axborot tizimiga tegishli statistik maʼlumotlar kiritilgandagina beriladi;
sud muhokamasi hamda sud qarorlari ijrosining natijalari, shuningdek, ayblanuvchi va jabrlanuvchi sifatida jalb etilgan shaxslar boʻyicha maʼlumotlar sudlar va sud qarorlari ijrosini amalga oshiruvchi davlat organlari tomonidan elektron statistik kartochkalarni toʻldirish yoʻli bilan shakllantiriladi;
Yagona axborot tizimida axborot almashuv mavjud maʼlumotlarni ruxsatsiz koʻrishga imkon bermaydigan, himoyalangan aloqa kanallari orqali amalga oshiriladi.
4. Bosh prokuratura:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2019-yil 10-yanvardan Yagona axborot tizimining sinov versiyasini, 2019-yil 1-martdan toʻliq versiyasini ishga tushirsin;
ikki oy muddatda “Elektron jinoiy-huquqiy statistika” yagona axborot tizimini yuritish tartibi toʻgʻrisidagi Nizomni tasdiqlasin;
Yagona axborot tizimining boshqa axborot tizimlari bilan doimiy kuzatuvi va integratsiyalashuvi, uzluksiz ishlashi va axborot xavfsizligini taʼminlasin.
Belgilansinki, Yagona axborot tizimining sinov versiyasi ishga tushirilishiga qadar hujjatlarning qogʻoz shaklidan, tizimning toʻliq versiyasi ishga tushirilishiga qadar — bir vaqtning oʻzida hujjatlarning qogʻoz va elektron shakllaridan foydalaniladi.
5. “Elektron jinoiy-huquqiy statistika” yagona axborot tizimini joriy etish boʻyicha “Yoʻl xaritasi” 1-ilovaga * muvofiq tasdiqlansin.
Belgilansinki, Yagona axborot tizimining ishlab chiqilishi, faoliyat koʻrsatishi va modernizatsiya qilinishi, shuningdek, undan foydalanish uchun zarur boʻlgan uskunalar, kompyuterlar, IP-telefoniya texnikalari, texnik vositalar, dasturiy taʼminot va boshqa moddiy-texnika vositalarini xarid qilish Majburiy ijro byurosini rivojlantirish jamgʻarmasi mablagʻlari hisobidan istisno tariqasida:
xarid qilish tartib-taomillarini oʻtkazmagan holda eng yaxshi takliflarni tanlab olish yoʻli bilan;
2021-yil 1-oktabrga qadar oʻrnatilgan tartibda tasdiqlanadigan roʻyxatlarga muvofiq bojxona toʻlovlaridan (bojxona rasmiylashtiruvi uchun yigʻimlardan tashqari) ozod qilingan holda amalga oshiriladi.
6. Oʻzbekiston Respublikasi Oliy sudi hamda tergovga qadar tekshiruv va dastlabki tergovni amalga oshirish vakolatiga ega davlat organlari:
jinoyat ishlari, tergovga qadar tekshiruv materiallari, ishlarning suddagi muhokamalari va sud qarorlarining ijrosi natijalari, shuningdek, ayblanuvchi va jabrlanuvchi tariqasida jalb etilgan ishtirokchilar boʻyicha maʼlumotlarning Yagona axborot tizimiga oʻz vaqtida kiritilishini;
Ichki ishlar vazirligi soʻroviga koʻra, axborot tizimlari va manbalarining jinoiy-huquqiy statistika maʼlumotlarini toʻlaqonli shakllantirish va Yagona axborot tizimining ishlashi uchun zarur boʻlgan integratsiyalashuvni taʼminlasin.
8. Bosh prokuratura tuman (shahar) prokurorlari rahbarligida jamoatchilik asosida faoliyat yuritadigan, jinoyatchilik sodir etilishi sabablarini tizimli tahlil qiladigan ekspert-tahlil guruhlarining faoliyatini tajriba tariqasida Shayxontohur tumanida, 2019-yil 1-fevraldan boshlab — Toshkent shahrining boshqa tumanlarida, 2019-yil 1-iyuldan boshlab — oʻtkazilgan tajriba natijalarini inobatga olgan holda respublikaning barcha hududlarida yoʻlga qoʻysin.
11. Quyidagi majburiyatlar Oʻzbekiston Respublikasi Ichki ishlar vazirligida saqlab qolinsin:
xalqaro shartnomalarda nazarda tutilgan Mustaqil Davlatlar Hamdoʻstligi mamlakatlarining Davlatlararo axborot bankiga huquqiy statistik maʼlumotlarni taqdim etish;
2019-yilning 1-yanvariga qadar hisobot davrlarida toʻplangan huquqiy statistik maʼlumotlar arxivini saqlash.
Ichki ishlar vazirligi bir oy muddatda Oʻzbekiston Respublikasi Ichki ishlar vazirligining Tezkor-maʼlumotlar boshqarmasi toʻgʻrisidagi Nizomni va uning yangilangan tuzilmasini tasdiqlasin.
12. Belgilansinki:
Bosh prokuraturada, shu jumladan, uning yangi tuzilayotgan boʻlinmalarida shakllantirilayotgan shtat birliklarini moliyalashtirish Oʻzbekiston Respublikasi Davlat budjeti mablagʻlari hisobidan amalga oshiriladi;
Ichki ishlar vazirligining Huquqiy statistika va tezkor-hisob maʼlumotlar bosh markazi va uning hududiy boʻlinmalari xodimlariga Oʻzbekiston Respublikasi Ichki ishlar vazirligining budjetdan tashqari mablagʻlari hisobidan (belgilangan boshqa qoʻshimcha va ustama haqlardan qatʼi nazar) lavozim maoshining 30 foizi miqdorida oylik ustama toʻlanadi.
13. Oʻzbekiston Respublikasi Moliya vazirligi Bosh prokuratura va Ichki ishlar vazirligi bilan birgalikda mazkur Farmonga muvofiq Bosh prokuratura va Ichki ishlar vazirligi xarajatlar smetasi va shtat jadvaliga oʻzgartirishlar kiritilishini taʼminlasin.
14. Bosh prokuratura:
bir oy muddatda yangi tuzilayotgan boʻlinmalar va kiritilayotgan shtat birliklarining mebel, aloqa vositalari va boshqa zarur moddiy-texnik resurslar bilan jihozlanishini taʼminlasin;
ikki oy muddatda prokuratura organlarining yangi tuzilayotgan boʻlinmalarini, avvalo, tugatilayotgan ichki ishlar organlari axborot markazlari xodimlari hisobidan, malakali kadrlar bilan toʻldirsin;
2019-yilning birinchi yarim yillik yakunlariga koʻra mazkur Farmon ijrosi samaradorligini oʻrgansin hamda zarurat boʻlganda, jinoiy-huquqiy statistika tizimini yanada takomillashtirish boʻyicha takliflar kiritsin.
15. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
16. Oʻzbekiston Respublikasi Ichki ishlar vazirligi bir oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisidagi Vazirlar Mahkamasiga takliflar kiritsin.
17. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2018-yil 31-oktabrdagi PF-5566-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan
(koʻchirma)
1. Oʻzbekiston Respublikasi Prezidentining 2017-yil 18-apreldagi “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi PF-5019-sonli Farmonida :
a) 4-bandning beshinchi xatboshisidagi “5 110 nafar” soʻzlari “5 363 nafar” soʻzlari bilan almashtirilsin;
b) 1-ilova quyidagi tahrirda bayon etilsin:
“Oʻzbekiston Respublikasi Prezidentining 2017-yil 18-apreldagi PF-5019-sonli Farmoniga 1-ILOVA
Oʻzbekiston Respublikasi Bosh prokuraturasining
v) 4-ilovada :
“Harbiy prokurorning kadrlar boʻyicha katta yordamchisi (yordamchisi) 2” bloki “Kadrlar boʻlimi 2” bloki bilan almashtirilsin;
“Harbiy prokurorning milliy xavfsizlik organlarida qonunchilik ijrosi ustidan nazorat boʻyicha katta yordamchisi (yordamchisi) 2” bloki “Harbiy prokurorning Davlat xavfsizlik xizmati organlarida qonunchilik ijrosi ustidan nazorat boʻyicha katta yordamchisi (yordamchisi) 2” bloki bilan almashtirilsin.
2. Oʻzbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi PF-5059-sonli Farmoni 4-bandida :
a) ikkinchi xatboshi quyidagi tahrirda bayon etilsin:
“elektr, gaz uzatish va gaz taqsimlash tarmoqlariga noqonuniy ulanish, hisobga olish asboblariga qasddan shikast yetkazish, shuningdek hisobga olish asboblarining koʻrsatkichlarini oʻzgartirish maqsadida ularga tashqaridan aralashish holatlari boʻyicha tekshirishlar oʻtkazish”;
b) oʻn uchinchi xatboshi quyidagi tahrirda bayon etilsin:
“energiya resurslari isteʼmolini hisobga olish tizimi va asboblarini koʻzdan kechirish”;
v) quyidagi mazmundagi xatboshi bilan toʻldirilsin:
“Belgilansinki, mazkur band talablari toʻlovlarning oʻz vaqtida va toʻliq undirilishini taʼminlash Byuro va uning hududiy boʻlinmalariga yuklatilgan boshqa koʻrsatiladigan kommunal xizmatlarga ham tatbiq etiladi”.
3. Oʻzbekiston Respublikasi Prezidentining “Prokuratura organlari kadrlarini tayyorlash, qayta tayyorlash va ularning malakasini oshirish tizimini tubdan takomillashtirish chora-tadbirlari toʻgʻrisida”gi 2018-yil 8-maydagi PF-5438-son Farmonida :
a) 2-band quyidagi mazmundagi xatboshilar bilan toʻldirilsin:
“jinoyatlarning sodir etilishi sabab va sharoitlarini oʻrganish va diagnostika qilish, huquqbuzarliklar profilaktikasi holatini tahlil qilish, shu jumladan alohida turdagi jinoyatlarning oldini olish;
jinoyatchilik holati oʻzgarishini kriminologik prognoz qilish, shuningdek huquqbuzarliklar profilaktikasi faoliyatini metodologik va konsultativ taʼminlash”;
8. Oʻzbekiston Respublikasi Prezidentining 2017-yil 14-martdagi “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari toʻgʻrisida”gi PQ-2833-sonli qarorida :
7-banddagi “25” raqami “22” raqami bilan almashtirilsin;
8-bandning ikkinchi xatboshisidagi “lavozim maoshining” va “lavozim maoshi” soʻzlari tegishincha “ish haqi fondining” va “ish haqi fondi” soʻzlari bilan almashtirilsin.
9. Oʻzbekiston Respublikasi Prezidentining 2017-yil 29-noyabrdagi PQ-3413-sonli qarori bilan tasdiqlangan Ichki ishlar organlarida xizmatni oʻtash tartibi toʻgʻrisidagi nizomning 16-bandi quyidagi tahrirda bayon etilsin:
“16. Dastlabki tanlov sinovlarining biridan yoki yakka tartibdagi yakuniy suhbatdan oʻta olmagan nomzod ularni takroran topshirishiga qoʻyilmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 31-oktabr,
PF-5566-son
Президента Республики Узбекистан
Указ
ИЗМЕНЕНИЯ И ДОПОЛНЕНИЯ,
ОРГАНИЗАЦИОННО-ШТАТНАЯ СТРУКТУРА
О мерах по коренному совершенствованию системы уголовно-правовой статистики и повышению эффективности системного анализа преступлений
За истекший период в стране проведена значительная работа по внедрению качественно новой системы охраны общественного порядка, профилактики правонарушений и борьбы с преступностью, обеспечению надежной защиты прав, свобод и законных интересов граждан на основе тесного взаимодействия государственных органов и институтов гражданского общества.
В данной деятельности особое место занимает внедрение эффективной системы ведения уголовно-правовой статистики и анализа преступлений, позволяющей определять наиболее точную криминогенную ситуацию в стране, выявлять актуальные проблемы и недостатки действующих механизмов профилактики правонарушений и борьбы с преступностью, а также вырабатывать всесторонне продуманные перспективы их совершенствования.
Вместе с тем, изучение проводимых работ в сфере ведения статистики состояния преступности свидетельствует о необходимости усовершенствования действующих механизмов сбора и обработки информации путем установления системного анализа и качественного контроля, внедрения современных информационных технологий, обеспечивающих точность, достоверность и более квалифицированную обработку данных в осуществлении прокурорского надзора.
В целях повышения эффективности борьбы с преступностью путем совершенствования системы уголовно-правовой статистики, обеспечения прозрачности учета преступлений, а также целевого анализа причин их совершения:
2. Согласиться с предложением Генеральной прокуратуры и Министерства внутренних дел Республики Узбекистан о разработке и внедрении Единой информационной системы «Электронная уголовно-правовая статистика» (далее — Единая информационная система), предусматривающей:
ведение единого учета информации по уголовным делам, материалам доследственной проверки, результатам судебного разбирательства дел и исполнения судебных решений, а также по участникам, привлеченным в качестве обвиняемого и потерпевшего, путем формирования электронных форм статистических карточек;
введение электронной формы обмена информацией органов предварительного следствия и дознания между органами прокуратуры, судами и другими государственными органами, в том числе путем интеграции информационных систем и баз данных;
оптимизацию процедур ведения уголовно-правовой статистики и исключения человеческого фактора в процессе ее формирования.
3. Установить порядок, в соответствии с которым:
статистические данные по выявленному, раскрытому преступлению или другим результатам расследования, а также лицам, совершившим преступления, вводятся в Единую информационную систему, в которой формируется электронная статистическая карточка;
номера уголовных дел и материалов доследственной проверки присваиваются исключительно при вводе соответствующих статистических данных в Единую информационную систему;
информация о результатах судебного разбирательства дел и исполнения судебных решений, а также по участникам, привлеченным в качестве обвиняемого и потерпевшего, формируется судами и государственными органами, осуществляющими исполнение судебных решений, путем заполнения электронной статистической карточки;
информационный обмен данными в Единой информационной системе осуществляется через защищенные каналы связи, исключающие несанкционированный доступ к имеющейся информации.
4. Генеральной прокуратуре:
совместно с Министерством по развитию информационных технологий и коммуникаций Республики Узбекистан разработать и ввести в эксплуатацию с 10 января 2019 года пилотную версию Единой информационной системы и с 1 марта 2019 года запустить в действие ее полноценную версию;
в двухмесячный срок утвердить Положение о порядке ведения Единой информационной системы «Электронная уголовно-правовая статистика»;
обеспечивать постоянное сопровождение и интеграцию с другими информационными системами, бесперебойное функционирование и информационную безопасность Единой информационной системы.
Установить, что до введения в эксплуатацию пилотной версии Единой информационной системы используется бумажная форма документов, до запуска в действие ее полноценной версии — одновременно бумажная и электронная формы документов.
5. Утвердить «Дорожную карту» по внедрению Единой информационной системы «Электронная уголовно-правовая статистика» согласно приложению № 1 * .
Установить, что приобретение оборудования, компьютеров, техники IP-телефонии, технических средств, программных продуктов и других материально-технических ресурсов, необходимых для создания, функционирования и модернизации Единой информационной системы, а также работы с ней, осуществляется за счет средств Фонда развития Бюро принудительного исполнения в порядке исключения:
без проведения закупочных процедур на основе отбора наилучших предложений;
с освобождением от таможенных платежей (за исключением сборов за таможенное оформление) в срок до 1 октября 2021 года, согласно перечням, утверждаемым в установленном порядке.
6. Верховному суду Республики Узбекистан и государственным органам, уполномоченным проводить доследственную проверку и предварительное следствие обеспечить:
своевременный ввод в Единую информационную систему информации по уголовным делам, материалам доследственной проверки, результатам судебного разбирательства дел и исполнения судебных решений, а также по участникам, привлеченным в качестве обвиняемого и потерпевшего;
интеграцию по запросу Министерства внутренних дел информационных систем и ресурсов, необходимых для полноценного формирования уголовно-правовой статистической информации и функционирования Единой информационной системы.
8. Генеральной прокуратуре организовать деятельность экспертно-аналитических групп по системному анализу причин совершения преступлений, осуществляющих деятельность на общественных началах под руководством прокуроров районов (городов), в порядке эксперимента в Шайхантахурском районе, с 1 февраля 2019 года — в других районах города Ташкента, с 1 июля 2019 года — по всей республике с учетом результатов проведенного эксперимента.
11. Сохранить за Министерством внутренних дел Республики Узбекистан обязательства по:
предоставлению правовой статистической информации в Межгосударственный информационный банк стран Содружества Независимых Государств, предусмотренной международными договорами;
хранению архива правовой статистической информации, накопленной за отчетные периоды до 1 января 2019 года.
Министерству внутренних дел в месячный срок утвердить обновленную структуру и Положение об Оперативно-справочном управлении Министерства внутренних дел Республики Узбекистан.
12. Установить, что:
финансирование формируемых штатных единиц, в том числе вновь создаваемых, подразделений Генеральной прокуратуры осуществляется за счет средств Государственного бюджета Республики Узбекистан;
сотрудникам Главного центра правовой статистики и оперативно-учетной информации Министерства внутренних дел и его территориальных подразделений выплачивается ежемесячная денежная надбавка за счет внебюджетных средств Министерства внутренних дел Республики Узбекистан (вне зависимости от установленных других доплат и надбавок) в размере 30 процентов от их должностного оклада.
13. Министерству финансов совместно с Генеральной прокуратурой и Министерством внутренних дел обеспечить внесение изменений в сметы расходов и штатные расписания Генеральной прокуратуры и Министерства внутренних дел Республики Узбекистан в соответствии с настоящим Указом.
14. Генеральной прокуратуре:
в месячный срок обеспечить оснащение вновь создаваемых подразделений и вводимых штатных единиц мебелью, средствами связи и иными необходимыми материально-техническими ресурсами;
в двухмесячный срок укомплектовать вновь создаваемые подразделения органов прокуратуры квалифицированными кадрами, в первую очередь из числа сотрудников упраздняемых информационных центров органов внутренних дел;
изучить эффективность реализации настоящего Указа по итогам первого полугодия 2019 года и, при необходимости, внести предложения по дальнейшему совершенствованию системы уголовно-правовой статистики.
15. Внести изменения и дополнения в некоторые акты Президента Республики Узбекистан согласно приложению № 2 .
16. Министерству внутренних дел в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающие из настоящего Указа.
17. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
ПРИЛОЖЕНИЕ № 2 к Указу Президента Республики Узбекистан от 31 октября 2018 года № УП-5566
вносимые в некоторые акты Президента Республики Узбекистан
(в извлечениях)
1. В Указе Президента Республики Узбекистан от 18 апреля 2017 года № УП-5019 «Об усилении роли органов прокуратуры в реализации социально-экономических реформ и модернизации страны, обеспечении надежной защиты прав и свобод человека»:
а) в абзаце пятом пункта 4 слова «5 110 единиц» заменить словами «5 363 единицы»;
б) приложение № 1 изложить в следующей редакции:
«ПРИЛОЖЕНИЕ № 1 к Указу Президента Республики Узбекистан от 18 апреля 2017 года № УП-5019
Генеральной прокуратуры Республики Узбекистан
в) в приложении № 4 :
блок «Старший помощник (помощник) Военного прокурора по кадрам 2» заменить блоком «Отдел кадров 2»;
блок «Старший помощник (помощник) Военного прокурора по надзору за исполнением законодательства в органах национальной безопасности 2» заменить блоком «Старший помощник (помощник) Военного прокурора по надзору за исполнением законодательства в органах Службы государственной безопасности 2».
2. В пункте 4 Указа Президента Республики Узбекистан от 29 мая 2017 года № УП-5059 «О мерах по дальнейшему укреплению платежной дисциплины в сфере поставки и потребления электрической энергии и природного газа, а также коренному совершенствованию системы исполнительного производства»:
а) абзац второй изложить в следующей редакции:
«осуществлять проверки фактов незаконного подключения к электрическим, газотранспортным, газораспределительным сетям, умышленной порчи приборов учета, а также вмешательства в приборы учета извне с целью изменения их показателей»;
б) абзац тринадцатый изложить в следующей редакции:
«проводить осмотр систем и приборов учета потребления энергоресурсов»;
в) дополнить абзацем следующего содержания:
«Установить, что требования настоящего пункта также распространяются на другие предоставляемые коммунальные услуги, обеспечение полноты и своевременности платежей за которые возложено на Бюро и его территориальные подразделения».
3. В Указе Президента Республики Узбекистан от 8 мая 2018 года №.УП-5438 «О мерах по коренному совершенствованию системы подготовки, переподготовки и повышения квалификации кадров органов прокуратуры»:
а) пункт 2 дополнить абзацами следующего содержания:
«изучение и диагностику причин и условий совершения преступлений, анализ состояния профилактики правонарушений, в том числе предупреждения отдельных видов преступности;
криминологическое прогнозирование изменения состояния преступности, а также методологическое и консультативное обеспечение деятельности по профилактике правонарушений»;
8. В постановлении Президента Республики Узбекистан от 14 марта 2017 года № ПП-2833 «О мерах по дальнейшему совершенствованию системы профилактики правонарушений и борьбы с преступностью»:
в пункте 7 цифру «25» заменить цифрой «22»;
в абзаце втором пункта 8 слова «должностного оклада» заменить словами «фонда оплаты труда».
9. Пункт 16 Положения о порядке прохождения службы в органах внутренних дел, утвержденного постановлением Президента Республики Узбекистан от 29 ноября 2017 года № ПП-3413, изложить в следующей редакции:
«16. Кандидат, не прошедший один из видов предварительного отбора или итоговый отбор, не допускается к их повторной пересдаче».
Президент Республики Узбекистан Ш. МИРЗИЁЕВ
г. Ташкент,
31 октября 2018 г.,
№ УП-5566