📅 2018-yil 5-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 ноября 2018 г. · Постановления Президента
Официальный текст. Официальный документ. Редакционные примечания не включены.
📅 5 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Савдо-саноат палатаси ҳузурида Тошкент халқаро арбитраж марказини (TIAC) ташкил этиш тўғрисида
Мамлакатимизда юқори даражада қулай инвестиция муҳитини шакллантириш мақсадида иқтисодиётни либераллаштириш, сармоядорлар, айниқса, хорижий инвесторлар фаолияти учун қулай ҳуқуқий шарт-шароитлар яратиш, шунингдек, халқаро иқтисодий алоқаларни мустаҳкамлаш бўйича комплекс чора-тадбирлар амалга оширилмоқда.
Ўзбекистонда бизнес субъектларининг ҳуқуқлари ва қонуний манфаатларини ҳимоя қилиш кафолатларини таъминлаш, ишбилармонлик муҳитини яхшилаш ва мамлакатимизнинг инвестициявий жозибадорлигини оширишда низоларни ҳакамлик судларида ҳал қилиш механизмининг жорий этилгани алоҳида аҳамиятга эга.
Шу билан бирга, тадбиркорлик субъектлари, аввало, хорижий инвесторларнинг ҳуқуқ ва манфаатларини самарали ҳимоя қилишга, ишбилармонлик муҳитини янада яхшилаш ва Ўзбекистоннинг инвестициявий жозибадорлигини оширишга тўсқинлик қилаётган қатор тизимли муаммолар мавжуд. Хусусан:
биринчидан, Ўзбекистон ҳудудида халқаро арбитражлар фаолиятини тартибга соладиган норматив-ҳуқуқий базанинг мавжуд эмаслиги низоларни ҳал этиш учун хорижий давлатлар ҳудудида жойлашган халқаро арбитражларга мурожаат қилишга мажбур бўлаётган хорижий инвесторлар ва маҳаллий тадбиркорлик субъектлари сарф-харажатларининг ошишига олиб келмоқда;
иккинчидан, амалдаги қонун ҳужжатлари, жумладан, Ўзбекистон Республикасининг «Ҳакамлик судлари тўғрисида»ги қонуни томонларнинг инвестициялар билан боғлиқ низоларни халқаро арбитраж соҳасидаги стандартларга мувофиқ, хорижий арбитрларни жалб этган ҳамда хорижий ҳуқуқни қўллаган ҳолда кўриб чиқиш имкониятларини чекламоқда;
учинчидан, Ўзбекистонда халқаро арбитраж қарорларини ижро этишнинг аниқ ҳуқуқий механизмлари шакллантирилмаганлиги хорижий инвесторларнинг мамлакатимиз суд-ҳуқуқ тизимига бўлган ишончига салбий таъсир кўрсатмоқда, оқибатда республиканинг инвестициявий жозибадорлигини пасайтирмоқда;
тўртинчидан, маҳаллий арбитрлар ва халқаро арбитраж соҳасидаги бошқа мутахассисларни тайёрлаш ва уларнинг малакасини ошириш фаолияти йўлга қўйилмаган.
Инвестициялар билан боғлиқ низоларни халқаро арбитраж орқали ҳал этишнинг замонавий ва халқаро стандартларга асосланган механизмларини шакллантириш, инвестиция муҳитини яхшилаш, инвесторларнинг ҳуқуқлари ва қонуний манфаатлари ҳимоя қилиниши кафолатларини мустаҳкамлаш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифалар ижросини таъминлаш мақсадида:
1. Ўзбекистон Республикаси Савдо-саноат палатаси ва Адлия вазирлигининг нодавлат нотижорат ташкилот мақомига эга Ўзбекистон Республикаси Савдо-саноат палатаси ҳузуридаги Тошкент халқаро арбитраж марказини ташкил этиш (кейинги ўринларда — Марказ) тўғрисидаги таклифига розилик берилсин ва унинг асосий вазифалари этиб қуйидагилар белгилансин:
а) турли давлатларда жойлашган тижорат ташкилотлари, шу жумладан, хорижий инвесторлар ўртасида юзага келадиган шартномавий ва бошқа фуқаролик-ҳуқуқий муносабатлардан келиб чиқадиган низоларни, хусусан, инвестициялар, интеллектуал мулк ва блокчейн технологиялари билан боғлиқ низоларни халқаро арбитраж орқали ҳал этишни ташкил этиш;
б) низоларни халқаро арбитраж ва низоларни ҳал этишнинг бошқа муқобил усуллари орқали ҳал этиш механизмларини ривожлантириш ва такомиллаштириш;
в) етакчи хорижий арбитражлар билан ҳамкорликни йўлга қўйиш, халқаро арбитраж орқали низоларни ҳал этиш соҳасида тажриба алмашиш, шунингдек, Марказда низоларни ҳал этишга хорижий арбитрларни жалб қилиш;
г) халқаро арбитраж, шу жумладан, инвестициялар билан боғлиқ низоларни суддан ташқари ҳал этиш соҳасида мутахассислар тайёрлаш ва уларнинг малакасини ошириш, шунингдек, ушбу йўналишда тадқиқотлар ўтказиш бўйича чора-тадбирларни амалга оширишда иштирок этиш;
д) маҳаллий ва хорижий хўжалик юритувчи субъектлар, хусусан, хорижий инвесторларга инвестиция билан боғлиқ, шу жумладан, томонлардан бири давлат бўлган низоларнинг вужудга келишининг олдини олиш соҳасида консультация хизматларини кўрсатиш.
2. Белгилансинки:
Марказга арбитр сифатида Ўзбекистон Республикаси фуқароси бўлган мутахассислар билан бир қаторда хорижий давлатлар фуқароси бўлган малакали арбитрлар ҳам жалб этилиши мумкин;
томонларнинг келишувига кўра, низоларни ҳал этишда Марказ арбитрлари томонидан бошқа, шу жумладан, хорижий давлатнинг ҳуқуқи қўлланиши мумкин;
Марказ арбитрларининг қарорлари Ўзбекистон Республикаси ҳудудида ҳакамлик судлари қарорларини ижро этиш учун қонун ҳужжатларида, шунингдек, Ўзбекистон Республикасининг халқаро шартномаларида кўзда тутилган тартибда ижро этилади;
Марказда ёзишмалар ва иш юритиш ўзбек, рус ва инглиз тилларида олиб борилади;
судлар ўз ваколатлари доирасида ва қонун ҳужжатларида белгиланган тартибда арбитраж ишлари кўрилишида далиллар олиш, тўплаш, Марказ арбитрлари қарорларининг ижросини таъминлаш бўйича чоралар кўриш борасида Марказга кўмаклашади;
Марказнинг Ўзбекистон Республикаси норезиденти бўлган арбитрлари арбитр функцияларини бажаргани учун гонорар сифатида олинган маблағлар қисми учун жисмоний шахсларнинг даромадидан олинадиган солиқ тўлашдан озод этилади;
низоларни халқаро арбитраж йўли билан ҳал этишга хорижий давлатлар фуқароларини Марказ арбитрлари ва экспертлар сифатида жалб этиш учун Ўзбекистон Республикаси ҳудудида меҳнат фаолиятини амалга ошириш ҳуқуқини берувчи рухсатнома олиш талаб этилмайди;
низони халқаро арбитраж орқали кўриб чиқиш учун аризаларни қабул қилиш, шунингдек, эшитувлар ва бошқа процессуал ҳаракатларни ўтказиш замонавий ахборот-коммуникация технологияларидан фойдаланган ҳолда онлайн тартибда, арбитрлар ва томонларнинг иштирокисиз амалга оширилиши мумкин;
Марказда низоларни халқаро арбитраж орқали ҳал этишда иштирок этаётган томонларнинг вакилларида арбитраж қарорлари Ўзбекистон Республикасининг ваколатли судларида қайта кўриб чиқилганда, шунингдек, Марказда кўриб чиқилаётган арбитраж низолари бўйича ҳар қандай масалалар белгиланган тартибда кўриб чиқилганда адвокатлик фаолияти билан шуғулланиш ҳуқуқини берувчи лицензиянинг мавжуд бўлиши талаб этилмайди;
Марказ қонун ҳужжатларида белгиланган тартибда низоларни медиация тамойилини ўтказиш орқали ҳал этиш ва низоларни ҳал этишнинг бошқа муқобил усулларини қўллаш ҳуқуқига эга;
юридик шахсларнинг Марказда низони кўриб чиқиш билан боғлиқ арбитраж харажатларини тўлашга йўналтириладиган маблағлари қўшилган қиймат солиғидан озод этилади;
Марказ ўз номи туширилган бланк ва думалоқ муҳрга, тижорат банкларида миллий ва чет эл валютасидаги банк ҳисобварақларига эга бўлиши мумкин.
3. Маълумот учун қабул қилинсинки, ЕХҲТ ва БМТ Тараққиёт дастурининг Ўзбекистон Республикасидаги ваколатхоналари томонидан Марказ фаолиятини қўллаб-қувватлаш ва уни ташкил этишда кўмаклашишга қизиқиш билдирилган.
4. Белгилансинки:
Марказ қошида унинг фаолиятига халқаро стандартларни жорий этишга кўмаклашиш мақсадида арбитраж соҳасидаги етакчи халқаро ва маҳаллий мутахассислардан, шунингдек, жаҳоннинг эътироф этилган арбитраж марказлари арбитрларидан иборат Кузатув кенгаши ташкил этилади;
Марказга Ўзбекистон Республикаси Савдо-саноат палатаси раиси томонидан, қоидага кўра, етакчи хорижий халқаро арбитражларда арбитр сифатида ишлаш тажрибасига эга шахслар орасидан тайинланадиган раҳбар бошчилик қилади.
5. Ўзбекистон Республикаси Савдо-саноат палатаси белгиланган тартибда:
икки ҳафта муддатда Марказ Кузатув кенгаши таркибини шакллантиришни;
бир ой муддатда Марказ Қоидалари, тузилмаси ҳамда асосан етакчи хорижий халқаро арбитражларда ишлаш тажрибасига эга ва Марказ Кузатув кенгаши томонидан маъқулланган арбитрлар рўйхатини шакллантириш ва тасдиқлашни;
бир ой муддатда етакчи халқаро экспертларни жалб этган ҳолда, ушбу қарор ва Бирлашган Миллатлар Ташкилотининг Халқаро савдо ҳуқуқи бўйича комиссиясининг «Халқаро савдо арбитражи тўғрисида»ги намунавий қонуни талабларига мувофиқ «Халқаро тижорат арбитражи тўғрисида»ги қонун лойиҳаси ишлаб чиқилишини якунлаш ва уни Ўзбекистон Республикаси Президенти Администрациясига киритишни таъминласин.
6. Ўзбекистон Республикаси Ташқи ишлар вазирлиги Марказнинг буюртманомаларига кўра Марказ арбитрлари, Кузатув кенгаши аъзолари, экспертлар, томонларнинг вакиллари, Марказ зиммасига юклатилган вазифаларни бажариш учун жалб этиладиган бошқа хорижий мутахассисларга кириш визалари консуллик ва бошқа йиғимларни ундирмаган ҳолда расмийлаштирилишини таъминласин.
7. Ўзбекистон Республикаси Ички ишлар вазирлиги Марказ буюртманомаларига кўра Марказ арбитрлари, Кузатув кенгаши аъзолари, экспертлар, томонларнинг вакиллари, Марказ зиммасига юклатилган вазифаларни бажариш учун жалб этиладиган бошқа хорижий мутахассисларга ва уларнинг оила аъзоларига визалар муддати узайтирилишини, шунингдек, улар вақтинча яшайдиган жойда вақтинчалик рўйхатга олиш ва унинг муддатини узайтиришни давлат божини ундирмаган ҳолда белгиланган тартибда таъминласин.
8. Ўзбекистон Республикаси Ташқи ишлар вазирлиги Тошкент шаҳри, Ислом Каримов кўчаси, 11-уй манзилида жойлашган бинонинг Савдо-саноат палатасига Марказни жойлаштириш учун беғараз асосда берилишини таъминласин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги Марказни белгиланган тартибда имтиёзли асосда зарур алоқа воситалари билан ҳамда юқори тезликдаги интернет тармоғига уланишини таъминласин.
10. Ўзбекистон Республикаси Савдо-саноат палатасига Марказнинг зарур мебель, анжомлар, компьютер ва офис техникаси билан, шунингдек, хоналарнинг арбитраж эшитувларини, шу жумладан, онлайн режимда ўтказиш учун жиҳозланишига кўмаклашиш тавсия этилсин.
11. Савдо-саноат палатаси ва Марказ 2021 йил 1 октябрга қадар Марказни жиҳозлаш учун белгиланган тартибда шакллантириладиган рўйхат бўйича олиб кириладиган, Ўзбекистон Республикасида ишлаб чиқарилмайдиган компьютер техникаси, дастурий маҳсулотлар, ўқув ва илмий-услубий адабиётлар, анжомлар ва моддий-техник ресурслар учун божхона тўловларидан (божхона расмийлаштируви йиғимларидан ташқари) озод этилсин.
12. Савдо-саноат палатаси манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган, шу жумладан, Ўзбекистон Республикаси арбитражлари қарорлари устидан шикоят қилиш ва уларни ижро этиш тартибини белгилайдиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 ноябрь,
ПҚ-4001-сон
Oʻzbekiston Respublikasi Prezidentining
Qarori
Oʻzbekiston Respublikasi Savdo-sanoat palatasi huzurida Toshkent xalqaro arbitraj markazini (TIAC) tashkil etish toʻgʻrisida
Mamlakatimizda yuqori darajada qulay investitsiya muhitini shakllantirish maqsadida iqtisodiyotni liberallashtirish, sarmoyadorlar, ayniqsa, xorijiy investorlar faoliyati uchun qulay huquqiy shart-sharoitlar yaratish, shuningdek, xalqaro iqtisodiy aloqalarni mustahkamlash boʻyicha kompleks chora-tadbirlar amalga oshirilmoqda.
Oʻzbekistonda biznes subyektlarining huquqlari va qonuniy manfaatlarini himoya qilish kafolatlarini taʼminlash, ishbilarmonlik muhitini yaxshilash va mamlakatimizning investitsiyaviy jozibadorligini oshirishda nizolarni hakamlik sudlarida hal qilish mexanizmining joriy etilgani alohida ahamiyatga ega.
Shu bilan birga, tadbirkorlik subyektlari, avvalo, xorijiy investorlarning huquq va manfaatlarini samarali himoya qilishga, ishbilarmonlik muhitini yanada yaxshilash va Oʻzbekistonning investitsiyaviy jozibadorligini oshirishga toʻsqinlik qilayotgan qator tizimli muammolar mavjud. Xususan:
birinchidan, Oʻzbekiston hududida xalqaro arbitrajlar faoliyatini tartibga soladigan normativ-huquqiy bazaning mavjud emasligi nizolarni hal etish uchun xorijiy davlatlar hududida joylashgan xalqaro arbitrajlarga murojaat qilishga majbur boʻlayotgan xorijiy investorlar va mahalliy tadbirkorlik subyektlari sarf-xarajatlarining oshishiga olib kelmoqda;
ikkinchidan, amaldagi qonun hujjatlari, jumladan, Oʻzbekiston Respublikasining “Hakamlik sudlari toʻgʻrisida”gi qonuni tomonlarning investitsiyalar bilan bogʻliq nizolarni xalqaro arbitraj sohasidagi standartlarga muvofiq, xorijiy arbitrlarni jalb etgan hamda xorijiy huquqni qoʻllagan holda koʻrib chiqish imkoniyatlarini cheklamoqda;
uchinchidan, Oʻzbekistonda xalqaro arbitraj qarorlarini ijro etishning aniq huquqiy mexanizmlari shakllantirilmaganligi xorijiy investorlarning mamlakatimiz sud-huquq tizimiga boʻlgan ishonchiga salbiy taʼsir koʻrsatmoqda, oqibatda respublikaning investitsiyaviy jozibadorligini pasaytirmoqda;
toʻrtinchidan, mahalliy arbitrlar va xalqaro arbitraj sohasidagi boshqa mutaxassislarni tayyorlash va ularning malakasini oshirish faoliyati yoʻlga qoʻyilmagan.
Investitsiyalar bilan bogʻliq nizolarni xalqaro arbitraj orqali hal etishning zamonaviy va xalqaro standartlarga asoslangan mexanizmlarini shakllantirish, investitsiya muhitini yaxshilash, investorlarning huquqlari va qonuniy manfaatlari himoya qilinishi kafolatlarini mustahkamlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalar ijrosini taʼminlash maqsadida:
1. Oʻzbekiston Respublikasi Savdo-sanoat palatasi va Adliya vazirligining nodavlat notijorat tashkilot maqomiga ega Oʻzbekiston Respublikasi Savdo-sanoat palatasi huzuridagi Toshkent xalqaro arbitraj markazini tashkil etish (keyingi oʻrinlarda — Markaz) toʻgʻrisidagi taklifiga rozilik berilsin va uning asosiy vazifalari etib quyidagilar belgilansin:
a) turli davlatlarda joylashgan tijorat tashkilotlari, shu jumladan, xorijiy investorlar oʻrtasida yuzaga keladigan shartnomaviy va boshqa fuqarolik-huquqiy munosabatlardan kelib chiqadigan nizolarni, xususan, investitsiyalar, intellektual mulk va blokcheyn texnologiyalari bilan bogʻliq nizolarni xalqaro arbitraj orqali hal etishni tashkil etish;
b) nizolarni xalqaro arbitraj va nizolarni hal etishning boshqa muqobil usullari orqali hal etish mexanizmlarini rivojlantirish va takomillashtirish;
v) yetakchi xorijiy arbitrajlar bilan hamkorlikni yoʻlga qoʻyish, xalqaro arbitraj orqali nizolarni hal etish sohasida tajriba almashish, shuningdek, Markazda nizolarni hal etishga xorijiy arbitrlarni jalb qilish;
g) xalqaro arbitraj, shu jumladan, investitsiyalar bilan bogʻliq nizolarni suddan tashqari hal etish sohasida mutaxassislar tayyorlash va ularning malakasini oshirish, shuningdek, ushbu yoʻnalishda tadqiqotlar oʻtkazish boʻyicha chora-tadbirlarni amalga oshirishda ishtirok etish;
d) mahalliy va xorijiy xoʻjalik yurituvchi subyektlar, xususan, xorijiy investorlarga investitsiya bilan bogʻliq, shu jumladan, tomonlardan biri davlat boʻlgan nizolarning vujudga kelishining oldini olish sohasida konsultatsiya xizmatlarini koʻrsatish.
2. Belgilansinki:
Markazga arbitr sifatida Oʻzbekiston Respublikasi fuqarosi boʻlgan mutaxassislar bilan bir qatorda xorijiy davlatlar fuqarosi boʻlgan malakali arbitrlar ham jalb etilishi mumkin;
tomonlarning kelishuviga koʻra, nizolarni hal etishda Markaz arbitrlari tomonidan boshqa, shu jumladan, xorijiy davlatning huquqi qoʻllanishi mumkin;
Markaz arbitrlarining qarorlari Oʻzbekiston Respublikasi hududida hakamlik sudlari qarorlarini ijro etish uchun qonun hujjatlarida, shuningdek, Oʻzbekiston Respublikasining xalqaro shartnomalarida koʻzda tutilgan tartibda ijro etiladi;
Markazda yozishmalar va ish yuritish oʻzbek, rus va ingliz tillarida olib boriladi;
sudlar oʻz vakolatlari doirasida va qonun hujjatlarida belgilangan tartibda arbitraj ishlari koʻrilishida dalillar olish, toʻplash, Markaz arbitrlari qarorlarining ijrosini taʼminlash boʻyicha choralar koʻrish borasida Markazga koʻmaklashadi;
Markazning Oʻzbekiston Respublikasi norezidenti boʻlgan arbitrlari arbitr funksiyalarini bajargani uchun gonorar sifatida olingan mablagʻlar qismi uchun jismoniy shaxslarning daromadidan olinadigan soliq toʻlashdan ozod etiladi;
nizolarni xalqaro arbitraj yoʻli bilan hal etishga xorijiy davlatlar fuqarolarini Markaz arbitrlari va ekspertlar sifatida jalb etish uchun Oʻzbekiston Respublikasi hududida mehnat faoliyatini amalga oshirish huquqini beruvchi ruxsatnoma olish talab etilmaydi;
nizoni xalqaro arbitraj orqali koʻrib chiqish uchun arizalarni qabul qilish, shuningdek, eshituvlar va boshqa protsessual harakatlarni oʻtkazish zamonaviy axborot-kommunikatsiya texnologiyalaridan foydalangan holda onlayn tartibda, arbitrlar va tomonlarning ishtirokisiz amalga oshirilishi mumkin;
Markazda nizolarni xalqaro arbitraj orqali hal etishda ishtirok etayotgan tomonlarning vakillarida arbitraj qarorlari Oʻzbekiston Respublikasining vakolatli sudlarida qayta koʻrib chiqilganda, shuningdek, Markazda koʻrib chiqilayotgan arbitraj nizolari boʻyicha har qanday masalalar belgilangan tartibda koʻrib chiqilganda advokatlik faoliyati bilan shugʻullanish huquqini beruvchi litsenziyaning mavjud boʻlishi talab etilmaydi;
Markaz qonun hujjatlarida belgilangan tartibda nizolarni mediatsiya tamoyilini oʻtkazish orqali hal etish va nizolarni hal etishning boshqa muqobil usullarini qoʻllash huquqiga ega;
yuridik shaxslarning Markazda nizoni koʻrib chiqish bilan bogʻliq arbitraj xarajatlarini toʻlashga yoʻnaltiriladigan mablagʻlari qoʻshilgan qiymat soligʻidan ozod etiladi;
Markaz oʻz nomi tushirilgan blank va dumaloq muhrga, tijorat banklarida milliy va chet el valyutasidagi bank hisobvaraqlariga ega boʻlishi mumkin.
3. Maʼlumot uchun qabul qilinsinki, YEXHT va BMT Taraqqiyot dasturining Oʻzbekiston Respublikasidagi vakolatxonalari tomonidan Markaz faoliyatini qoʻllab-quvvatlash va uni tashkil etishda koʻmaklashishga qiziqish bildirilgan.
4. Belgilansinki:
Markaz qoshida uning faoliyatiga xalqaro standartlarni joriy etishga koʻmaklashish maqsadida arbitraj sohasidagi yetakchi xalqaro va mahalliy mutaxassislardan, shuningdek, jahonning eʼtirof etilgan arbitraj markazlari arbitrlaridan iborat Kuzatuv kengashi tashkil etiladi;
Markazga Oʻzbekiston Respublikasi Savdo-sanoat palatasi raisi tomonidan, qoidaga koʻra, yetakchi xorijiy xalqaro arbitrajlarda arbitr sifatida ishlash tajribasiga ega shaxslar orasidan tayinlanadigan rahbar boshchilik qiladi.
5. Oʻzbekiston Respublikasi Savdo-sanoat palatasi belgilangan tartibda:
ikki hafta muddatda Markaz Kuzatuv kengashi tarkibini shakllantirishni;
bir oy muddatda Markaz Qoidalari, tuzilmasi hamda asosan yetakchi xorijiy xalqaro arbitrajlarda ishlash tajribasiga ega va Markaz Kuzatuv kengashi tomonidan maʼqullangan arbitrlar roʻyxatini shakllantirish va tasdiqlashni;
bir oy muddatda yetakchi xalqaro ekspertlarni jalb etgan holda, ushbu qaror va Birlashgan Millatlar Tashkilotining Xalqaro savdo huquqi boʻyicha komissiyasining “Xalqaro savdo arbitraji toʻgʻrisida”gi namunaviy qonuni talablariga muvofiq “Xalqaro tijorat arbitraji toʻgʻrisida”gi qonun loyihasi ishlab chiqilishini yakunlash va uni Oʻzbekiston Respublikasi Prezidenti Administratsiyasiga kiritishni taʼminlasin.
6. Oʻzbekiston Respublikasi Tashqi ishlar vazirligi Markazning buyurtmanomalariga koʻra Markaz arbitrlari, Kuzatuv kengashi aʼzolari, ekspertlar, tomonlarning vakillari, Markaz zimmasiga yuklatilgan vazifalarni bajarish uchun jalb etiladigan boshqa xorijiy mutaxassislarga kirish vizalari konsullik va boshqa yigʻimlarni undirmagan holda rasmiylashtirilishini taʼminlasin.
7. Oʻzbekiston Respublikasi Ichki ishlar vazirligi Markaz buyurtmanomalariga koʻra Markaz arbitrlari, Kuzatuv kengashi aʼzolari, ekspertlar, tomonlarning vakillari, Markaz zimmasiga yuklatilgan vazifalarni bajarish uchun jalb etiladigan boshqa xorijiy mutaxassislarga va ularning oila aʼzolariga vizalar muddati uzaytirilishini, shuningdek, ular vaqtincha yashaydigan joyda vaqtinchalik roʻyxatga olish va uning muddatini uzaytirishni davlat bojini undirmagan holda belgilangan tartibda taʼminlasin.
8. Oʻzbekiston Respublikasi Tashqi ishlar vazirligi Toshkent shahri, Islom Karimov koʻchasi, 11-uy manzilida joylashgan binoning Savdo-sanoat palatasiga Markazni joylashtirish uchun begʻaraz asosda berilishini taʼminlasin.
9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Markazni belgilangan tartibda imtiyozli asosda zarur aloqa vositalari bilan hamda yuqori tezlikdagi internet tarmogʻiga ulanishini taʼminlasin.
10. Oʻzbekiston Respublikasi Savdo-sanoat palatasiga Markazning zarur mebel, anjomlar, kompyuter va ofis texnikasi bilan, shuningdek, xonalarning arbitraj eshituvlarini, shu jumladan, onlayn rejimda oʻtkazish uchun jihozlanishiga koʻmaklashish tavsiya etilsin.
11. Savdo-sanoat palatasi va Markaz 2021-yil 1-oktabrga qadar Markazni jihozlash uchun belgilangan tartibda shakllantiriladigan roʻyxat boʻyicha olib kiriladigan, Oʻzbekiston Respublikasida ishlab chiqarilmaydigan kompyuter texnikasi, dasturiy mahsulotlar, oʻquv va ilmiy-uslubiy adabiyotlar, anjomlar va moddiy-texnik resurslar uchun bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
12. Savdo-sanoat palatasi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan, shu jumladan, Oʻzbekiston Respublikasi arbitrajlari qarorlari ustidan shikoyat qilish va ularni ijro etish tartibini belgilaydigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 5-noyabr,
PQ-4001-son
Президента Республики Узбекистан
Постановление
О создании Ташкентского международного арбитражного центра (TIAC) при Торгово-промышленной палате Республики Узбекистан
В целях формирования максимально благоприятного инвестиционного климата в стране реализуются комплексные меры по либерализации экономики, созданию благоприятных правовых условий для деятельности инвесторов, особенно иностранных, а также укреплению международных экономических связей.
Особую значимость имеет внедрение в Узбекистане механизма разрешения споров в третейских судах для обеспечения гарантий защиты прав и законных интересов субъектов бизнеса в Узбекистане, улучшения деловой среды и повышения инвестиционной привлекательности страны.
Вместе с тем имеется ряд системных проблем, препятствующих эффективной защите прав и интересов субъектов предпринимательства, прежде всего иностранных инвесторов, дальнейшему улучшению деловой среды и повышению инвестиционной привлекательности Узбекистана. В частности:
во-первых, отсутствует нормативно-правовая база, регулирующая функционирование деятельности международных арбитражей на территории Узбекистана, что приводит к увеличению издержек иностранных инвесторов и отечественных субъектов предпринимательства, вынужденных обращаться за разрешением споров в международные арбитражи, находящиеся на территории иностранных государств;
во-вторых, действующее законодательство, в том числе Закон Республики Узбекистан «О третейских судах», ограничивает возможности сторон по рассмотрению споров, связанных с инвестициями, с привлечением иностранных арбитров и применением иностранного права, как это предусмотрено стандартами в области международного арбитража;
в-третьих, не сформированы четкие правовые механизмы исполнения международных арбитражных решений в Узбекистане, что негативно сказывается на доверии иностранных инвесторов к судебно-правовой системе страны и, как следствие, снижает инвестиционную привлекательность страны;
в-четвертых, не налажена деятельность по подготовке и повышению квалификации отечественных арбитров и иных специалистов в области международного арбитража.
В целях формирования современных и основанных на международных стандартах механизмов разрешения споров, связанных с инвестициями, посредством международного арбитража, улучшения инвестиционного климата, укрепления гарантий защиты прав и законных интересов инвесторов, а также во исполнение задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением Торгово-промышленной палаты и Министерства юстиции Республики Узбекистан о создании Ташкентского международного арбитражного центра при Торгово-промышленной палате Республики Узбекистан (далее — Центр) со статусом негосударственной некоммерческой организации, определив его основными задачами:
а) организацию посредством международного арбитража разрешения споров, вытекающих из договорных и других гражданско-правовых отношений, возникающих между коммерческими организациями, которые находятся в разных государствах, в том числе иностранными инвесторами, включая споры, связанные с инвестициями, интеллектуальной собственностью и блокчейн технологиями;
б) развитие и совершенствование механизмов разрешения споров посредством международного арбитража и иных альтернативных способов разрешения споров;
в) налаживание сотрудничества с ведущими зарубежными арбитражами, обмен опытом в области разрешения споров посредством международного арбитража, а также привлечение иностранных арбитров к разрешению споров в Центре;
г) участие в реализации мероприятий по подготовке и повышению квалификации специалистов в области международного арбитража и внесудебного урегулирования споров, в том числе связанных с инвестициями, а также организацию исследований в данном направлении;
д) оказание услуг по консультированию отечественных и иностранных хозяйствующих субъектов, в том числе иностранных инвесторов, в сфере предотвращения возникновения споров, связанных с инвестициями, в том числе одной из сторон которых является государство.
2. Установить, что:
в качестве арбитров в Центре, наряду со специалистами из числа граждан Республики Узбекистан, также могут привлекаться квалифицированные арбитры — граждане иностранных государств;
по соглашению сторон при разрешении споров арбитрами Центра может применяться иное право, в том числе иностранного государства;
решения арбитров Центра подлежат исполнению на территории Республики Узбекистан в порядке, предусмотренном законодательством для исполнения решений третейских судов, а также международными договорами Республики Узбекистан;
переписка и делопроизводство в Центре ведется на узбекском, русском и английском языках;
суды оказывают содействие Центру в осуществлении арбитражных разбирательств в части получения, сбора доказательств, принятия мер по обеспечению исполнения решений арбитров Центра в пределах своей компетенции и в порядке, установленном законодательством;
арбитры Центра — нерезиденты Республики Узбекистан освобождаются от уплаты налога на доходы физических лиц в части средств, полученных в качестве гонорара за выполнение функций арбитра;
для привлечения граждан иностранных государств в качестве арбитров Центра и экспертов, привлекаемых для разрешения споров путем международного арбитража, не требуется получение разрешений на право трудовой деятельности на территории Республики Узбекистан;
прием заявлений о рассмотрении спора посредством международного арбитража, а также проведение слушаний и иных процессуальных действий может осуществляться в режиме онлайн с использованием современных информационно-коммуникационных технологий без присутствия арбитров и сторон;
представителям сторон, участвующим в разрешении споров посредством международного арбитража в Центре, при пересмотре арбитражных решений в компетентных судах Республики Узбекистан, а также при рассмотрении в установленном порядке каких-либо вопросов по рассматриваемым в Центре арбитражным спорам не требуется наличие лицензии на право занятия адвокатской деятельностью;
Центр вправе осуществлять урегулирование споров посредством проведения процедуры медиации и иных альтернативных способов урегулирования споров в порядке, установленном законодательством;
средства юридических лиц, направляемые на оплату арбитражных расходов, связанных с рассмотрением спора в Центре, освобождаются от уплаты налога на добавленную стоимость;
Центр может иметь бланк и круглую печать со своим наименованием, банковские счета в коммерческих банках в национальной и иностранной валюте.
3. Принять к сведению, что представительствами ОБСЕ и ПРООН в Республике Узбекистан выражена заинтересованность в оказании поддержки и содействия в организации деятельности Центра.
4. Определить, что:
при Центре образуется Наблюдательный совет из числа ведущих международных и отечественных специалистов в области арбитража, а также арбитров признанных арбитражных центров мира с целью оказания содействия во внедрении международных стандартов в деятельность Центра;
Центр возглавляется руководителем, который назначается председателем Торгово-промышленной палаты Республики Узбекистан из числа лиц, как правило, имеющих опыт работы в качестве арбитра в ведущих зарубежных международных арбитражах.
5. Торгово-промышленной палате Республики Узбекистан обеспечить в установленном порядке:
в двухнедельный срок формирование состава Наблюдательного совета Центра;
в месячный срок разработку и утверждение Правил Центра, его структуры и списка арбитров, приоритетно из числа арбитров, имеющих опыт работы в ведущих зарубежных международных арбитражах и одобренных Наблюдательным советом Центра;
в месячный срок завершение разработки, с привлечением ведущих международных экспертов, проекта закона «О международном коммерческом арбитраже» в соответствии с требованиями настоящего постановления и типового закона ЮНСИТРАЛ «О международном торговом арбитраже», а также его внесение в Администрацию Президента Республики Узбекистан.
6. Министерству иностранных дел Республики Узбекистан по заявкам Центра обеспечить оформление въездных виз арбитрам Центра, членам Наблюдательного совета, экспертам, представителям сторон, иным иностранным специалистам, привлекаемым для реализации возложенных на Центр задач без взимания консульских и иных сборов.
7. Министерству внутренних дел Республики Узбекистан по заявкам Центра обеспечить в установленном порядке продление виз, а также выдачу и продление временной прописки по месту временного проживания арбитрам Центра, членам Наблюдательного совета, экспертам, представителям сторон, иным иностранным специалистам и членам их семей, привлекаемым для реализации возложенных на Центр задач, без взимания государственной пошлины.
8. Министерству иностранных дел обеспечить передачу Торгово-промышленной палате Республики Узбекистан на безвозмездной основе здания по адресу: город Ташкент, улица Ислама Каримова, дом 11, для размещения в нем Центра.
9. Министерству по развитию информационных технологий и коммуникаций Республики Узбекистан в установленном порядке обеспечить Центр необходимыми средствами связи и подключить к высокоскоростной сети интернет на льготной основе.
10. Рекомендовать Торгово-промышленной палате Республики Узбекистан оказывать содействие в оснащении Центра необходимой мебелью, инвентарем, компьютерной и офисной техникой, а также оборудовании помещений для проведения арбитражных слушаний, в том числе в режиме онлайн.
11. Освободить Торгово-промышленную палату и Центр сроком до 1 октября 2021 года от уплаты таможенных платежей (за исключением сборов за таможенное оформление) компьютерную технику, программные продукты, учебную и научно-методическую литературу, инвентарь и материально-технические ресурсы, не производимые в Республике Узбекистан, ввозимые для оснащения Центра, по перечням, формируемым в установленном порядке.
12. Торгово-промышленной палате совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления, в том числе устанавливающих порядок обжалования и исполнения решений арбитражей Республики Узбекистан.
13. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
5 ноября 2018 г.,
№ ПП-4001