📅 2018-yil 7-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2018 г. · Постановления Президента
Официальный текст. Официальный документ. Редакционные примечания не включены.
📅 7 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Давлат тиббиёт муассасалари ва соғлиқни сақлашни бошқариш органлари ходимларини моддий рағбатлантиришни кучайтириш чора-тадбирлари тўғрисида
Мамлакатимизда аҳолига кўрсатиладиган тиббий хизматлар сифатини тубдан оширишга, соғлиқни сақлаш давлат тизимининг кадрлар салоҳиятини мустаҳкамлашга, тиббиёт муассасаларининг ресурслар салоҳиятини яхшилашга қаратилган соғлиқни сақлашни ислоҳ қилиш юзасидан комплекс чора-тадбирлар амалга оширилмоқда.
Соғлиқни сақлашнинг миллий тизимини жадал ривожлантириш ишларини тизимли ва сифатли ташкил этиш учун умумий амалиёт врачларининг, патронаж тиббиёт ҳамшираларининг, қишлоқ врачлик пунктлари, шошилинч ва тез тиббий ёрдам хизмати ходимларининг лавозим маошлари оширилди, республика ихтисослаштирилган илмий-амалий тиббиёт марказларида меҳнатни рағбатлантиришнинг бозор усуллари белгиланди.
Тиббиёт ходимлари меҳнатини баҳолашнинг ҳамда улар оладиган иш ҳақи ва мукофотнинг бажариладиган ишнинг мураккаблиги ва кўрсатиладиган тиббий хизмат сифатига аниқ ва бевосита боғлиқлигини таъминлашнинг илғор механизмлари жорий этилди.
Шу билан бирга, мамлакат соғлиқни сақлаш тизимини сифат жиҳатидан янги босқичга кўтариш зарур бўлган шароитда тиббиёт соҳасини бошқаришнинг инновацион моделини жорий этиш, тиббиёт ходимларини моддий рағбатлантиришни давом эттириш, уларнинг касбий даражасини ошириш учун муносиб шарт-шароитлар ва рағбатлантирувчи омиллар яратиш масалалари давлатнинг диққат марказида турибди.
Давлат тиббиёт муассасалари ва соғлиқни сақлашни бошқариш органлари ходимларини ижтимоий ҳимоя қилишни кучайтириш, уларнинг моддий манфаатдорлигини ошириш, самарали ишлаши учун муносиб шарт-шароитлар яратиш, юксак профессионал кадрлар салоҳиятини шакллантириш мақсадида:
1. Давлат тиббиёт муассасалари тиббиёт ва фармацевтика ходимларининг меҳнатига ҳақ тўлаш миқдорлари 2018 йил 1 декабрдан 1,2 баравар ва 2019 йил 1 апрелдан 1,15 баравар босқичма-босқич оширилсин.
2. Ўзбекистон Республикаси Соғлиқни сақлаш вазирлиги ва Инновацион соғлиқни сақлаш миллий палатаси Молия вазирлиги ҳамда Бандлик ва меҳнат муносабатлари вазирлиги билан биргаликда халқаро тажрибани ўрганиш асосида 2019 йил 1 июлгача бўлган муддатда тиббиёт ва фармацевтика ходимларининг меҳнатига ҳақ тўлаш тизимини тубдан қайта кўриб чиқиш бўйича қуйидагиларга йўналтирилган таклифларни Ўзбекистон Республикаси Вазирлар Маҳкамасига киритсин:
давлат тиббиёт муассасалари тиббиёт ва фармацевтика ходимларининг лавозимига ва малакасига, кўрсатиладиган тиббий ёрдамнинг мураккаблиги ва жавобгарлигига, шунингдек, даволаш-профилактика муассасалари ихтисослигига қараб базавий лавозим маошларини жорий этиш;
тиббиёт ходимлари фаолиятини ва меҳнати унумдорлигини баҳолашнинг замонавий усулларини жорий этиш, шу жумладан, даволанган касаллар электрон статистикасини босқичма-босқич татбиқ этиш ва беморлар ўртасида онлайн сўровлар ўтказиш орқали жорий этиш;
тиббиёт ва фармацевтика ходимларини моддий рағбатлантиришнинг амалдаги тартибини тубдан қайта кўриб чиқиш, улар бажарадиган ишлар сифати, эришиладиган натижалар ва кўрсатилган тиббий хизматларга жамоатчилик томонидан берилган баҳоларга қараб уларга ҳақ тўланишини таъминлаш;
тиббиёт муассасалари раҳбарларига алоҳида ўрнак кўрсатган врачларга Тиббиёт ташкилотларини моддий рағбатлантириш ва ривожлантириш жамғармаси маблағлари ҳисобидан тариф ставкасининг 100 фоизигача бўлган миқдорда ҳар ойлик шахсий устамалар белгилаш ҳуқуқини бериш.
3. Ўзбекистон Республикаси Молия вазирлиги:
2018 йилда Ўзбекистон Республикаси Давлат бюджети маблағлари ҳисобига тиббиёт ва фармацевтика ходимлари меҳнатига тўланадиган ҳақ миқдори оширилиши муносабати билан давлат тиббиёт муассасаларининг қўшимча харажатлари молиялаштирилишини, 2019 йилда ва кейинги йилларда Ўзбекистон Республикаси Давлат бюджети параметрларини шакллантиришда бюджетдан ажратиладиган зарур маблағлар назарда тутилишини;
2020 йилдан бошлаб Тиббиёт ташкилотларини моддий рағбатлантириш ва ривожлантириш жамғармасини шакллантириш учун ажратиладиган маблағлар ҳажмлари босқичма-босқич оширилишини таъминласин.
4. Ўзбекистон Республикаси Соғлиқни сақлаш вазирлиги, Молия вазирлиги ҳамда Бандлик ва меҳнат муносабатлари вазирлигининг Соғлиқни сақлаш вазирлиги ҳузурида юридик шахс мақомига эга бўлмаган Ривожлантириш ва соғлиқни сақлашни бошқариш органлари ходимларини моддий рағбатлантириш жамғармаси (кейинги ўринларда Жамғарма деб юритилади) ташкил этиш тўғрисидаги таклифи маъқуллансин.
5. Қуйидагилар Жамғарма маблағларини шакллантириш манбалари этиб белгилансин:
а) қуйидаги миқдорларда ажратиладиган ажратмалар:
давлат тиббиёт муассасалари томонидан пулли асосда кўрсатилган тиббий хизматлар, шу жумладан, республика ихтисослаштирилган илмий-амалий тиббиёт марказлари хизматлари учун тушумлар миқдорининг 2 фоизи соғлиқни сақлаш тизимини ташкил этишнинг янги модели жорий қилинган ҳудудларда ташкил этилган туман (шаҳар) соғлиқни сақлаш бўлимлари тасарруфидаги тиббиёт муассасалари бундан мустасно;
Тиббиёт ходимларининг касбий малакасини ривожлантириш маркази, Республика ўрта тиббиёт ва фармацевтика ходимлари малакасини ошириш ва уларни ихтисослаштириш маркази ҳамда унинг ҳудудий бўлинмалари, тиббиёт олий таълим муассасалари ва уларнинг филиаллари, республика ихтисослаштирилган илмий-амалий тиббиёт марказлари ва уларнинг филиаллари, Тиббиёт ва фармацевтика ходимларининг малакасини баҳолаш маркази ва унинг ҳудудий бўлинмаларининг клиник ординатура, малака ошириш, мавзули ўқиш, қайта тайёрлаш ва баҳолаш бўйича пулли тушумлари миқдорининг 5 фоизи;
фармацевтика ва тиббиёт фаолияти билан шуғулланиш, шу жумладан, дори-дармонлар ва тиббиёт буюмларини чакана реализация қилиш ҳуқуқига лицензиялар олиш учун талабгорлар томонидан тўланадиган давлат божлари тизимидаги тушумлар миқдорининг 20 фоизи шунингдек, тиббий фаолиятни лицензиялаш учун ундириладиган йиғимлар;
Фармацевтика маҳсулотлари хавфсизлиги марказининг барча турдаги маҳсулотларни давлат рўйхатидан ўтказиш ва сертификатлаштириш билан боғлиқ кўрсатиладиган хизматлар тушумлари миқдорининг 10 фоизи.
б) Соғлиқни сақлаш вазирлиги ҳузуридаги барча бюджетдан ташқари жамғармаларнинг вақтинча бўш маблағларини тижорат банкларининг депозитларига жойлаштиришдан олинадиган даромадлар;
в) жисмоний ва юридик шахсларнинг хайрия эҳсонлари;
г) қонун ҳужжатларида тақиқланмаган бошқа манбалар.
6. Белгилаб қўйилсинки:
а) Жамғарманинг маблағларидан:
соғлиқни сақлашни бошқариш органлари ходимларини мукофотлар, моддий ёрдам, қўшимча ҳақлар, устамалар ва рағбатлантирувчи тўловларнинг бошқа турлари тарзида моддий рағбатлантириш ва ижтимоий ҳимоя қилиш чора-тадбирларни молиялаштириш, шунингдек, уларга санаторий-курорт, тиббий хизмат кўрсатилиши ва даволаниш харажатларига ҳақ тўлаш;
уй-жой билан таъминлашни яхшилашга сарфланадиган харажатларни молиялаштириш, шу жумладан Ўзбекистон Республикаси Соғлиқни сақлаш вазирлиги тизимининг соғлиқни сақлашни бошқариш органлари ходимлари ва ташкилотлари тиббиёт ходимлари учун уй-жойлар қуришни ташкил этиш орқали молиялаштириш;
соғлиқни сақлашни бошқариш органлари ходимларини ўқитиш, уларнинг малакасини ошириш ва амалиёт ўтказишини ташкил этиш, шу жумладан хорижий мамлакатларга ташрифларини, Ўзбекистон ҳудудидан ташқарида ўтказиладиган конференциялар, семинарлар ва бошқа тадбирларда иштирок этишини, хизмат сафарига юборилишини ташкил этиш билан боғлиқ харажатларни қоплаш;
соғлиқни сақлашни бошқариш органларининг моддий-техника базасини мустаҳкамлаш, дастурий маҳсулотлар харид қилиш ва ахборот-коммуникация тармоқларини сақлаб туриш;
маҳаллий ва хорижий экспертлар ҳамда консалтинг ташкилотларини жалб қилиш;
олий ва ўрта тиббиёт таълим муассасаларининг иқтидорли талабаларига махсус стипендиялар тўлашга сарфланадиган харажатларни молиялаштириш;
соғлиқни сақлашни бошқариш органларининг кадрлар салоҳиятини мустаҳкамлашга қаратилган бошқа тадбирлар учун фойдаланилади;
б) Қорақалпоғистон Республикаси соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармасига қарашли давлат тиббиёт муассасалари томонидан пулли асосда кўрсатилган тиббий хизматлари учун тушумлар миқдоридан Жамғармага ажратиладиган маблағларнинг 70 фоизи тегишлиги бўйича Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармасининг бюджетдан ташқари ҳисоб рақамига йўналтирилади ҳамда ушбу маблағлардан мазкур банднинг «а» кичик бандида белгиланган тадбирлар учун фойдаланилади.
7. Жамғарманинг даромадлари, шу жумладан, вақтинча бўш маблағларни тижорат банкларига жойлаштиришдан фоизлар тарзида олинган даромадлар солиқларнинг барча турларидан ҳамда Ўзбекистон Республикаси Давлат бюджетига тўловлардан 2021 йил 1 ноябргача озод қилинсин.
8. Қуйидагиларнинг:
Ўзбекистон Республикаси Бош вазирининг ўринбосари А.А. Абдуҳакимовнинг — тиббиёт ва фармацевтика ходимларининг меҳнатига ҳақ тўлаш тизими тубдан қайта кўриб чиқилиши бўйича таклифларни тайёрлашда масъул вазирликлар ва идоралар иши амалда мувофиқлаштирилиши учун;
Ўзбекистон Республикаси соғлиқни сақлаш вазири А.К. Шадмановнинг — Жамғарма маблағларидан мақсадли ва самарали фойдаланилиши, шунингдек, ушбу қарорга мувофиқ соғлиқни сақлашни бошқариш органлари ходимларининг ижтимоий ҳимояланганлигини кучайтириш ва уларни моддий рағбатлантириш шартларини такомиллаштириш учун шахсан масъул эканлиги кўрсатиб ўтилсин.
9. Ўзбекистон Республикаси Соғлиқни сақлаш вазирлиги:
Ривожлантириш ва соғлиқни сақлашни бошқариш органлари ходимларини моддий рағбатлантириш жамғармаси тўғрисидаги низомни бир ой муддатда ишлаб чиқсин ва Ўзбекистон Республикаси Молия вазирлиги билан келишган ҳолда белгиланган тартибда тасдиқласин, шу жумладан, Жамғарма маблағларини сарфлашнинг аниқ ва шаффоф тартибини, унинг даромадлари ва харажатлари бўйича ҳисобот бериш масалаларини назарда тутсин;
тиббиёт ва фармацевтика ходимлари меҳнатига ҳақ тўлаш тизими такомиллаштирилиши муносабати билан тиббиёт муассасаларида врачликдан бошқа фаолиятни бажарувчи олий маълумотли мутахассислар лавозимлари номенклатурасини қайта кўриб чиқсин;
манфаатдор вазирликлар ва идоралар билан биргаликда Ўзбекистон Республикаси Вазирлар Маҳкамасига қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда таклифлар киритсин.
10. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Бош вазирининг ўринбосарлари А.А. Абдухакимов ва Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 7 ноябрь,
ПҚ-4007-сон
Oʻzbekiston Respublikasi Prezidentining
Qarori
Davlat tibbiyot muassasalari va sogʻliqni saqlashni boshqarish organlari xodimlarini moddiy ragʻbatlantirishni kuchaytirish chora-tadbirlari toʻgʻrisida
Mamlakatimizda aholiga koʻrsatiladigan tibbiy xizmatlar sifatini tubdan oshirishga, sogʻliqni saqlash davlat tizimining kadrlar salohiyatini mustahkamlashga, tibbiyot muassasalarining resurslar salohiyatini yaxshilashga qaratilgan sogʻliqni saqlashni isloh qilish yuzasidan kompleks chora-tadbirlar amalga oshirilmoqda.
Sogʻliqni saqlashning milliy tizimini jadal rivojlantirish ishlarini tizimli va sifatli tashkil etish uchun umumiy amaliyot vrachlarining, patronaj tibbiyot hamshiralarining, qishloq vrachlik punktlari, shoshilinch va tez tibbiy yordam xizmati xodimlarining lavozim maoshlari oshirildi, respublika ixtisoslashtirilgan ilmiy-amaliy tibbiyot markazlarida mehnatni ragʻbatlantirishning bozor usullari belgilandi.
Tibbiyot xodimlari mehnatini baholashning hamda ular oladigan ish haqi va mukofotning bajariladigan ishning murakkabligi va koʻrsatiladigan tibbiy xizmat sifatiga aniq va bevosita bogʻliqligini taʼminlashning ilgʻor mexanizmlari joriy etildi.
Shu bilan birga, mamlakat sogʻliqni saqlash tizimini sifat jihatidan yangi bosqichga koʻtarish zarur boʻlgan sharoitda tibbiyot sohasini boshqarishning innovatsion modelini joriy etish, tibbiyot xodimlarini moddiy ragʻbatlantirishni davom ettirish, ularning kasbiy darajasini oshirish uchun munosib shart-sharoitlar va ragʻbatlantiruvchi omillar yaratish masalalari davlatning diqqat markazida turibdi.
Davlat tibbiyot muassasalari va sogʻliqni saqlashni boshqarish organlari xodimlarini ijtimoiy himoya qilishni kuchaytirish, ularning moddiy manfaatdorligini oshirish, samarali ishlashi uchun munosib shart-sharoitlar yaratish, yuksak professional kadrlar salohiyatini shakllantirish maqsadida:
1. Davlat tibbiyot muassasalari tibbiyot va farmatsevtika xodimlarining mehnatiga haq toʻlash miqdorlari 2018-yil 1-dekabrdan 1,2 baravar va 2019-yil 1-apreldan 1,15 baravar bosqichma-bosqich oshirilsin.
2. Oʻzbekiston Respublikasi Sogʻliqni saqlash vazirligi va Innovatsion sogʻliqni saqlash milliy palatasi Moliya vazirligi hamda Bandlik va mehnat munosabatlari vazirligi bilan birgalikda xalqaro tajribani oʻrganish asosida 2019-yil 1-iyulgacha boʻlgan muddatda tibbiyot va farmatsevtika xodimlarining mehnatiga haq toʻlash tizimini tubdan qayta koʻrib chiqish boʻyicha quyidagilarga yoʻnaltirilgan takliflarni Oʻzbekiston Respublikasi Vazirlar Mahkamasiga kiritsin:
davlat tibbiyot muassasalari tibbiyot va farmatsevtika xodimlarining lavozimiga va malakasiga, koʻrsatiladigan tibbiy yordamning murakkabligi va javobgarligiga, shuningdek, davolash-profilaktika muassasalari ixtisosligiga qarab bazaviy lavozim maoshlarini joriy etish;
tibbiyot xodimlari faoliyatini va mehnati unumdorligini baholashning zamonaviy usullarini joriy etish, shu jumladan, davolangan kasallar elektron statistikasini bosqichma-bosqich tatbiq etish va bemorlar oʻrtasida onlayn soʻrovlar oʻtkazish orqali joriy etish;
tibbiyot va farmatsevtika xodimlarini moddiy ragʻbatlantirishning amaldagi tartibini tubdan qayta koʻrib chiqish, ular bajaradigan ishlar sifati, erishiladigan natijalar va koʻrsatilgan tibbiy xizmatlarga jamoatchilik tomonidan berilgan baholarga qarab ularga haq toʻlanishini taʼminlash;
tibbiyot muassasalari rahbarlariga alohida oʻrnak koʻrsatgan vrachlarga Tibbiyot tashkilotlarini moddiy ragʻbatlantirish va rivojlantirish jamgʻarmasi mablagʻlari hisobidan tarif stavkasining 100 foizigacha boʻlgan miqdorda har oylik shaxsiy ustamalar belgilash huquqini berish.
3. Oʻzbekiston Respublikasi Moliya vazirligi:
2018-yilda Oʻzbekiston Respublikasi Davlat budjeti mablagʻlari hisobiga tibbiyot va farmatsevtika xodimlari mehnatiga toʻlanadigan haq miqdori oshirilishi munosabati bilan davlat tibbiyot muassasalarining qoʻshimcha xarajatlari moliyalashtirilishini, 2019-yilda va keyingi yillarda Oʻzbekiston Respublikasi Davlat budjeti parametrlarini shakllantirishda budjetdan ajratiladigan zarur mablagʻlar nazarda tutilishini;
2020-yildan boshlab Tibbiyot tashkilotlarini moddiy ragʻbatlantirish va rivojlantirish jamgʻarmasini shakllantirish uchun ajratiladigan mablagʻlar hajmlari bosqichma-bosqich oshirilishini taʼminlasin.
4. Oʻzbekiston Respublikasi Sogʻliqni saqlash vazirligi, Moliya vazirligi hamda Bandlik va mehnat munosabatlari vazirligining Sogʻliqni saqlash vazirligi huzurida yuridik shaxs maqomiga ega boʻlmagan Rivojlantirish va sogʻliqni saqlashni boshqarish organlari xodimlarini moddiy ragʻbatlantirish jamgʻarmasi (keyingi oʻrinlarda Jamgʻarma deb yuritiladi) tashkil etish toʻgʻrisidagi taklifi maʼqullansin.
5. Quyidagilar Jamgʻarma mablagʻlarini shakllantirish manbalari etib belgilansin:
a) quyidagi miqdorlarda ajratiladigan ajratmalar:
davlat tibbiyot muassasalari tomonidan pulli asosda koʻrsatilgan tibbiy xizmatlar, shu jumladan, respublika ixtisoslashtirilgan ilmiy-amaliy tibbiyot markazlari xizmatlari uchun tushumlar miqdorining 2 foizi sogʻliqni saqlash tizimini tashkil etishning yangi modeli joriy qilingan hududlarda tashkil etilgan tuman (shahar) sogʻliqni saqlash boʻlimlari tasarrufidagi tibbiyot muassasalari bundan mustasno;
Tibbiyot xodimlarining kasbiy malakasini rivojlantirish markazi, Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markazi hamda uning hududiy boʻlinmalari, tibbiyot oliy taʼlim muassasalari va ularning filiallari, respublika ixtisoslashtirilgan ilmiy-amaliy tibbiyot markazlari va ularning filiallari, Tibbiyot va farmatsevtika xodimlarining malakasini baholash markazi va uning hududiy boʻlinmalarining klinik ordinatura, malaka oshirish, mavzuli oʻqish, qayta tayyorlash va baholash boʻyicha pulli tushumlari miqdorining 5 foizi;
farmatsevtika va tibbiyot faoliyati bilan shugʻullanish, shu jumladan, dori-darmonlar va tibbiyot buyumlarini chakana realizatsiya qilish huquqiga litsenziyalar olish uchun talabgorlar tomonidan toʻlanadigan davlat bojlari tizimidagi tushumlar miqdorining 20 foizi shuningdek, tibbiy faoliyatni litsenziyalash uchun undiriladigan yigʻimlar;
Farmatsevtika mahsulotlari xavfsizligi markazining barcha turdagi mahsulotlarni davlat roʻyxatidan oʻtkazish va sertifikatlashtirish bilan bogʻliq koʻrsatiladigan xizmatlar tushumlari miqdorining 10 foizi.
b) Sogʻliqni saqlash vazirligi huzuridagi barcha budjetdan tashqari jamgʻarmalarning vaqtincha boʻsh mablagʻlarini tijorat banklarining depozitlariga joylashtirishdan olinadigan daromadlar;
v) jismoniy va yuridik shaxslarning xayriya ehsonlari;
g) qonun hujjatlarida taqiqlanmagan boshqa manbalar.
6. Belgilab qoʻyilsinki:
a) Jamgʻarmaning mablagʻlaridan:
sogʻliqni saqlashni boshqarish organlari xodimlarini mukofotlar, moddiy yordam, qoʻshimcha haqlar, ustamalar va ragʻbatlantiruvchi toʻlovlarning boshqa turlari tarzida moddiy ragʻbatlantirish va ijtimoiy himoya qilish chora-tadbirlarni moliyalashtirish, shuningdek, ularga sanatoriy-kurort, tibbiy xizmat koʻrsatilishi va davolanish xarajatlariga haq toʻlash;
uy-joy bilan taʼminlashni yaxshilashga sarflanadigan xarajatlarni moliyalashtirish, shu jumladan Oʻzbekiston Respublikasi Sogʻliqni saqlash vazirligi tizimining sogʻliqni saqlashni boshqarish organlari xodimlari va tashkilotlari tibbiyot xodimlari uchun uy-joylar qurishni tashkil etish orqali moliyalashtirish;
sogʻliqni saqlashni boshqarish organlari xodimlarini oʻqitish, ularning malakasini oshirish va amaliyot oʻtkazishini tashkil etish, shu jumladan xorijiy mamlakatlarga tashriflarini, Oʻzbekiston hududidan tashqarida oʻtkaziladigan konferensiyalar, seminarlar va boshqa tadbirlarda ishtirok etishini, xizmat safariga yuborilishini tashkil etish bilan bogʻliq xarajatlarni qoplash;
sogʻliqni saqlashni boshqarish organlarining moddiy-texnika bazasini mustahkamlash, dasturiy mahsulotlar xarid qilish va axborot-kommunikatsiya tarmoqlarini saqlab turish;
mahalliy va xorijiy ekspertlar hamda konsalting tashkilotlarini jalb qilish;
oliy va oʻrta tibbiyot taʼlim muassasalarining iqtidorli talabalariga maxsus stipendiyalar toʻlashga sarflanadigan xarajatlarni moliyalashtirish;
sogʻliqni saqlashni boshqarish organlarining kadrlar salohiyatini mustahkamlashga qaratilgan boshqa tadbirlar uchun foydalaniladi;
b) Qoraqalpogʻiston Respublikasi sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasiga qarashli davlat tibbiyot muassasalari tomonidan pulli asosda koʻrsatilgan tibbiy xizmatlari uchun tushumlar miqdoridan Jamgʻarmaga ajratiladigan mablagʻlarning 70 foizi tegishligi boʻyicha Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasining budjetdan tashqari hisob raqamiga yoʻnaltiriladi hamda ushbu mablagʻlardan mazkur bandning “a” kichik bandida belgilangan tadbirlar uchun foydalaniladi.
7. Jamgʻarmaning daromadlari, shu jumladan, vaqtincha boʻsh mablagʻlarni tijorat banklariga joylashtirishdan foizlar tarzida olingan daromadlar soliqlarning barcha turlaridan hamda Oʻzbekiston Respublikasi Davlat budjetiga toʻlovlardan 2021-yil 1-noyabrgacha ozod qilinsin.
8. Quyidagilarning:
Oʻzbekiston Respublikasi Bosh vazirining oʻrinbosari A.A. Abduhakimovning — tibbiyot va farmatsevtika xodimlarining mehnatiga haq toʻlash tizimi tubdan qayta koʻrib chiqilishi boʻyicha takliflarni tayyorlashda masʼul vazirliklar va idoralar ishi amalda muvofiqlashtirilishi uchun;
Oʻzbekiston Respublikasi sogʻliqni saqlash vaziri A.K. Shadmanovning — Jamgʻarma mablagʻlaridan maqsadli va samarali foydalanilishi, shuningdek, ushbu qarorga muvofiq sogʻliqni saqlashni boshqarish organlari xodimlarining ijtimoiy himoyalanganligini kuchaytirish va ularni moddiy ragʻbatlantirish shartlarini takomillashtirish uchun shaxsan masʼul ekanligi koʻrsatib oʻtilsin.
9. Oʻzbekiston Respublikasi Sogʻliqni saqlash vazirligi:
Rivojlantirish va sogʻliqni saqlashni boshqarish organlari xodimlarini moddiy ragʻbatlantirish jamgʻarmasi toʻgʻrisidagi nizomni bir oy muddatda ishlab chiqsin va Oʻzbekiston Respublikasi Moliya vazirligi bilan kelishgan holda belgilangan tartibda tasdiqlasin, shu jumladan, Jamgʻarma mablagʻlarini sarflashning aniq va shaffof tartibini, uning daromadlari va xarajatlari boʻyicha hisobot berish masalalarini nazarda tutsin;
tibbiyot va farmatsevtika xodimlari mehnatiga haq toʻlash tizimi takomillashtirilishi munosabati bilan tibbiyot muassasalarida vrachlikdan boshqa faoliyatni bajaruvchi oliy maʼlumotli mutaxassislar lavozimlari nomenklaturasini qayta koʻrib chiqsin;
manfaatdor vazirliklar va idoralar bilan birgalikda Oʻzbekiston Respublikasi Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda takliflar kiritsin.
10. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Bosh vazirining oʻrinbosarlari A.A. Abduxakimov va J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 7-noyabr,
PQ-4007-son
Президента Республики Узбекистан
Постановление
О мерах по усилению материального стимулирования работников государственных медицинских учреждений и органов управления здравоохранением
В стране реализуются комплексные меры по реформированию здравоохранения, нацеленные на кардинальное повышение качества оказываемых населению медицинских услуг, укрепление кадрового потенциала государственной системы здравоохранения, улучшение ресурсного потенциала медицинских учреждений.
Для системной и качественной организации работы по ускоренному развитию национальной системы здравоохранения увеличены должностные оклады врачей общей практики, патронажных медицинских сестер, работников сельских врачебных пунктов, службы экстренной и скорой медицинской помощи, установлены рыночные методы стимулирования труда в республиканских специализированных научно-практических медицинских центрах.
Внедрены прогрессивные механизмы оценки труда медицинских работников и обеспечения четкой и непосредственной зависимости получаемой ими заработной платы и поощрения от степени сложности выполняемой работы и качества оказываемой медицинской помощи.
Вместе с тем, в условиях необходимости поднятия отечественного здравоохранения на качественно новый уровень в центре внимания государства остаются вопросы внедрения инновационной модели управления медицинской сферой, дальнейшего материального стимулирования медицинских работников, создания достойных условий и стимулов для повышения их профессионального уровня.
В целях усиления социальной защиты работников государственных медицинских учреждений и органов управления здравоохранением, повышения их материальной заинтересованности, создания достойных условий для эффективной работы, формирования высокопрофессионального кадрового потенциала:
1. Увеличить размеры оплаты труда медицинских и фармацевтических работников государственных медицинских учреждений поэтапно с 1 декабря 2018 года в 1,2 раза и с 1 апреля 2019 года в 1,15 раза.
2. Министерству здравоохранения и Национальной палате инновационного здравоохранения совместно с Министерством финансов и Министерством занятости и трудовых отношений на основе изучения международного опыта в срок до 1 июля 2019 года внести в Кабинет Министров Республики Узбекистан предложения по коренному пересмотру системы оплаты труда медицинских и фармацевтических работников, направленные на:
введение базовых должностных окладов в привязке к должности и квалификации медицинских и фармацевтических работников государственных медицинских учреждений, степени сложности и ответственности оказываемой медицинской помощи, а также специализации лечебно-профилактических учреждений;
внедрение современных методов оценки деятельности и производительности труда медицинских работников, в том числе путем поэтапного введения электронной статистики пролеченных больных и проведения онлайн опросов пациентов;
кардинальный пересмотр действующего порядка материального стимулирования медицинских и фармацевтических работников, обеспечивающий его выплату в зависимости от качества выполняемой ими работы, достигаемых результатов и общественной оценки оказанных медицинских услуг;
предоставление руководителям медицинских учреждений права устанавливать особо отличившимся врачам ежемесячные персональные надбавки в размере до 100 процентов от тарифной ставки за счет средств Фонда материального стимулирования и развития медицинских организаций.
3. Министерству финансов Республики Узбекистан обеспечить:
в 2018 году за счет средств Государственного бюджета Республики Узбекистан финансирование дополнительных расходов государственных медицинских учреждений в связи с повышением оплаты труда медицинских и фармацевтических работников, а в 2019 и последующих годах при формировании параметров Государственного бюджета Республики Узбекистан предусмотреть необходимые бюджетные ассигнования;
начиная с 2020 года, поэтапное увеличение объемов средств, выделяемых на формирование Фонда материального стимулирования и развития медицинских организаций.
4. Одобрить предложение Министерства здравоохранения, Министерства финансов и Министерства занятости и трудовых отношений о создании в Министерстве здравоохранения Республики Узбекистан Фонда развития и материального стимулирования работников органов управления здравоохранением (далее — Фонд) без статуса юридического лица.
5. Определить источниками формирования средств Фонда:
а) отчисления, выделяемые в размере:
2 процентов от суммы поступлений за оказанные государственными медицинскими учреждениями на платной основе медицинские услуги, включая услуги республиканских специализированных научно-практических медицинских центров, за исключением медицинских учреждений, созданных в регионах, в которых внедрена новая модель организации системы здравоохранения, находящихся в ведении отделов здравоохранения районов (городов);
5 процентов размера денежных поступлений от клинической ординатуры, повышения квалификации, тематического обучения, переподготовки и оценки Центра развития профессиональной квалификации медицинских работников, Республиканского центра повышения квалификации и специализации средних медицинских и фармацевтических работников и его территориальных подразделений, высших медицинских образовательных учреждений и их филиалов, республиканских специализированных научно-практических медицинских центров и их филиалов, Центра оценки квалификации медицинских и фармацевтических работников и его территориальных подразделений;
20 процентов от суммы поступлений в виде государственных пошлин, уплачиваемых соискателями на получение лицензий на право занятия фармацевтической и медицинской деятельностью, включая розничную реализацию лекарственных средств и изделий медицинского назначения, а также сборы, взимаемые за лицензирование медицинской деятельности;
10 процентов размера поступлений от услуг, оказываемых Центром безопасности фармацевтической продукции, связанных с государственной регистрацией и сертификацией всех видов продукции.
б) доходы, получаемые от размещения на депозиты коммерческих банков временно свободных средств всех внебюджетных фондов при Министерстве здравоохранения;
в) благотворительные пожертвования физических и юридических лиц;
г) другие источники, не запрещенные законодательством.
6. Установить, что:
а) средства Фонда используются на:
финансирование мер по материальному стимулированию и социальной защите работников органов управления здравоохранением в виде премий, материальной помощи, установления доплат, надбавок и других видов поощрительных выплат, а также оплате их расходов на санаторно-курортное, медицинское обслуживание и лечение;
финансирование расходов по улучшению обеспеченности жильем, в том числе путем организации строительства жилья для работников органов управления здравоохранением и медицинских работников организаций системы Министерства здравоохранения Республики Узбекистан;
покрытие расходов, связанных с обучением, повышением квалификации и стажировкой работников органов управления здравоохранением, в том числе организацией их визитов в зарубежные страны, участия в конференциях, семинарах и других мероприятиях, проводимых за пределами Узбекистана, служебных командировок;
укрепление материально-технической базы, приобретение программных продуктов и содержание информационно-коммуникационных сетей органов управления здравоохранением;
привлечение отечественных и иностранных экспертов, а также консалтинговых организаций;
финансирование расходов на выплату специальных стипендий одаренным студентам высших и средних медицинских образовательных учреждений;
другие мероприятия, направленные на укрепление кадрового потенциала органов управления здравоохранением;
б) 70 процентов средств, выделяемых Фонду от суммы поступлений за медицинские услуги, оказанные на платной основе государственными медицинскими учреждениями Министерства здравоохранения Республики Каракалпакстан, управлений здравоохранения областей и Главного управления здравоохранения города Ташкента, перечисляются на внебюджетные расчетные счета соответственно Министерства здравоохранения Республики Каракалпакстан, управлений здравоохранения областей и Главного управления здравоохранения города Ташкента с направлением данных средств на мероприятия, определенные подпунктом «а» настоящего пункта.
7. Освободить сроком до 1 ноября 2021 года доходы Фонда, включая доходы в виде процентов от размещения временно свободных средств в коммерческих банках, от уплаты всех видов налогов и других обязательных платежей и государственные целевые фонды.
8. Указать на персональную ответственность:
заместителя Премьер-министра Республики Узбекистан А.А. Абдухакимова — за действенную координацию работы ответственных министерств и ведомств при подготовке предложений по коренному пересмотру системы оплаты труда медицинских и фармацевтических работников;
министра здравоохранения Республики Узбекистан А.К. Шадманова — за целевое и эффективное использование средств Фонда, а также своевременную и в полном объеме реализацию мер по усилению социальной защищенности и совершенствованию условий материального стимулирования работников органов управления здравоохранением в соответствии с настоящим постановлением.
9. Министерству здравоохранения Республики Узбекистан:
в месячный срок разработать и по согласованию с Министерством финансов Республики Узбекистан утвердить в установленном порядке Положение о Фонде развития и материального стимулирования работников органов управления здравоохранением, предусмотрев в том числе конкретный и прозрачный порядок расходования средств Фонда, вопросы отчетности по его доходам и расходам;
пересмотреть номенклатуру должностей специалистов с высшим образованием, выполняющих не врачебную деятельность в медицинских учреждениях, в связи с совершенствованием системы оплаты труда медицинских и фармацевтических работников;
в месячный срок совместно с заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на руководителя Администрации Президента Республики Узбекистан З.Ш. Низомиддинова, заместителей Премьер-министра Республики Узбекистан А.А. Абдухакимова и Ж.А. Кучкарова.
Президент Республики Узбекистан Ш. МИРЗИЁЕВ
г. Ташкент,
7 ноября 2018 г.,
№ ПП-4007