📅 2018-yil 7-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 ноября 2018 г. · Постановления Президента
Официальный текст. Официальный документ. Редакционные примечания не включены.
📅 7 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси ҳудудида хорижий давлатларнинг малакали мутахассислари томонидан меҳнат фаолиятини амалга ошириши учун қулай шарт-шароитлар яратиш чора-тадбирлари тўғрисида
Ўтган давр мобайнида Ўзбекистон Республикаси фуқароларининг хориждаги, чет эл фуқаролари ва фуқаролиги бўлмаган шахсларнинг (кейинги ўринларда — чет эл фуқаролари деб юритилади) республикадаги меҳнат фаолиятини тартибга солиш мақсадида мамлакатдан чиқиш ва унга киришни ташкил этиш тизими ва механизмларини тартибга солиш, шунингдек, меҳнат органларининг фаолиятини ривожлантириш бўйича муайян ишлар амалга оширилди.
Шу билан бирга, хорижий мигрантларнинг кириб келишига танловга оид ёндашувга асосланган дифференциялаштирилган иммиграция сиёсатига қаратилган зарур чоралар кўрилмади. Ўз ўрнида, мутахассисларнинг тадқиқотлари шуни кўрсатадики, малакали хорижий менежерларни жалб қилишдаги тўсиқларнинг бартараф этилиши ялпи ички маҳсулотни хорижий инвестициялар кириб келиши ҳисобига ошганига қараганда янада кўпроқ ошишига олиб келади.
Шунга кўра, ўтказилган тадқиқот натижалари мамлакатга малакали меҳнат ресурсларининг кириб келишига тўсқинлик қилувчи бир қатор тизимли муаммо ва камчиликлар мавжудлигидан далолат бермоқда. Хусусан:
биринчидан, чет эллик кадрларни малака тоифалари бўйича ҳуқуқий чегаралашнинг мавжуд эмаслиги, шунингдек, ҳар бир малака ўзига хослигининг тартибга солинмаганлиги тор доирадаги чет эллик мутахассисларни жалб қилиш бўйича чора-тадбирларни юқори самарадорликда амалга ошириш имкониятини бермаяпти;
иккинчидан, чет эл фуқароларига Ўзбекистон Республикасида меҳнат фаолиятини амалга оширишларига рухсат беришнинг икки босқичли тартиб-таомилларининг мавжудлиги ҳозирги замон талабларига жавоб бермайдиган жиддий бюрократик тўсиқ бўлиб қолмоқда;
учинчидан, Ўзбекистон Республикаси Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигининг мамлакатга хорижий ишчи кучини жалб қилиш соҳасида комплекс жиҳатдан тартибга солинган вазифаларининг мавжуд эмаслиги ушбу соҳани ривожлантиришга ҳар томонлама ва самарали кўмаклашишга имкон бермаяпти;
тўртинчидан, малакали чет эл фуқароларини рағбатлантириш бўйича самарали механизмларнинг мавжуд эмаслиги, шунингдек, талаб юқори бўлган мутахассисларга нисбатан афзаллик режимини қўллаш амалиётининг йўлга қўйилмаганлиги уларнинг Ўзбекистон Республикаси ҳудудида меҳнат фаолиятини амалга оширишга бўлган қизиқишининг ошишига ёрдам бермаяпти.
Малакали чет эллик мутахассислар томонидан меҳнат фаолиятини амалга ошириш учун қулай шароитлар яратиш, Ўзбекистон Республикасининг инвестициявий жозибадорлигини ошириш ва уни мутлақо янги поғонага кўтариш ҳамда рақобатбардош меҳнат ресурсларини жалб қилишни рағбатлантириш мақсадида:
1. Ўзбекистон Республикаси Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигига қуйидаги қўшимча вазифалар юклансин:
малакали чет эллик мутахассисларни жалб қилиш соҳасида яқин халқаро ҳамкорликни ташкил қилиш;
малакали чет эллик мутахассисларга уларнинг Ўзбекистон Республикаси ҳудудида меҳнат қилиш ҳуқуқини рўёбга чиқаришларига ҳар томонлама кўмаклашиш;
малакали чет эллик мутахассисларнинг электрон маълумотлар базасини юритиш;
Ўзбекистон Республикаси ҳудудида чет эл фуқароларининг меҳнат фаолиятини амалга оширишининг мунтазам таҳлили ва мониторингини ўтказиб бориш;
меҳнат миграцияси соҳасидаги муаммоларни ўрганиш, ушбу соҳани такомиллаштириш бўйича аниқ таклифларни ишлаб чиқиш йўли билан бўшлиқ ва камчиликларни аниқлаш.
2. Белгилансинки, 2018 йил 1 декабрдан бошлаб:
Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномаларни (кейинги ўринларда — тасдиқнома деб юритилади) олиш (бериш) бўйича ягона тартиб-таомилни сақлаган ҳолда юқори малакали ва малакали чет эллик мутахассисларга нисбатан хорижий ишчи кучини жалб қилишга рухсатномаларни олиш (узайтириш) зарурияти ҳақидаги талаб бекор қилинади;
юқори малакали чет эллик мутахассисларга тасдиқномаларни расмийлаштириш ва бериш (узайтириш) учун базавий ҳисоблаш миқдорининг 1 баравари миқдорида, малакали чет эллик мутахассисларга — базавий ҳисоблаш миқдорининг 2 баравари миқдорида тўлов ундирилади;
юқори малакали ва малакали чет эллик мутахассисларга берилган тасдиқномаларнинг амал қилиш муддати ариза берувчининг истагига кўра улар берилган кундан бошлаб чексиз миқдорда, бироқ ҳар бир ҳолатда 3 йилдан ортиқ бўлмаган муддатгача узайтириш имконияти билан 3 йилгача бўлган муддатни ташкил қилади.
3. Шундай тартиб жорий этилсинки, унга кўра:
а) юқори малакали мутахассислар деб қуйидаги чет эл фуқаролари тан олинади:
рўйхати Ўзбекистон Республикаси Олий ва ўрта махсус таълим вазирлиги ҳамда Вазирлар Маҳкамаси ҳузуридаги Таълим сифатини назорат қилиш давлат инспекциясининг қўшма қарори билан тасдиқланадиган халқаро эътироф этилган ташкилотларнинг рейтингида олий таълим муассасалари орасида биринчи 1 000 ўринни эгаллайдиган олий таълим муассасаларини битирган;
эътироф этилган мутахассислик ёки дипломдаги мутахассислик бўйича 5 йилдан кам бўлмаган иш тажрибасига эга бўлган;
Ўзбекистон Республикасида меҳнат фаолиятига жалб қилиш шартлари йилига 60 минг АҚШ доллари эквивалентидан кам бўлмаган суммада иш ҳақи (мукофот) олишни назарда тутувчи;
б) малакали мутахассислар деб қуйидаги чет эл фуқаролари тан олинади:
олий маълумотга эга бўлган;
эътироф этилган мутахассислик ёки дипломдаги мутахассислик бўйича 5 йилдан кам бўлмаган иш тажрибасига эга бўлган;
Ўзбекистон Республикасида меҳнат фаолиятига жалб қилиш шартлари йилига 30 минг АҚШ доллари эквивалентидан кам бўлмаган суммада иш ҳақи (мукофот) олишни назарда тутувчи;
в) юқори малакали ва малакали мутахассислар Ўзбекистон Республикаси ҳудудида ўриндошлик асосида ишлаш учун тасдиқнома олмасдан ўриндошлик асосида ишлаш ҳуқуқига эгадирлар;
г) юқори малакали ва малакали мутахассисларга кўп маротабали меҳнат визаси меҳнат ёки фуқаролик-ҳуқуқий шартномаси амал қиладиган, бироқ 3 йилдан кўп бўлмаган муддатга берилади;
д) юқори малакали ва малакали мутахассисларга берилган меҳнат визаларининг амал қилиш муддатини узайтириш уларнинг Ўзбекистон Республикаси ҳудудидан ташқарига чиқиш заруриятисиз меҳнат ёки фуқаролик-ҳуқуқий шартномаси амал қиладиган, бироқ ҳар бир ҳолатда 3 йилдан кўп бўлмаган муддатга берилади;
е) юқори малакали мутахассисларга ва уларнинг оила аъзоларига хоҳишига кўра меҳнат ёки фуқаролик-ҳуқуқий шартномаси амал қиладиган муддатга яшаш гувоҳномаси расмийлаштирилади;
ж) иш берувчи билан шартнома муддатидан олдин бекор қилинганда юқори малакали ва малакали мутахассислар 30 иш куни ичида бошқа иш берувчини қидириш ҳуқуқига эгадирлар, бу муддат давомида уларга берилган тасдиқномалар, визалар ва яшаш гувоҳномалари ўз кучини сақлаб қолади.
4. Ички ишлар органлари, меҳнат органлари, Ўзбекистон Республикасининг чет элдаги консуллик муассасалари ва дипломатик ваколатхоналари, бошқа давлат органлари ва ташкилотларининг мансабдор шахслари ва масъул ходимлари ушбу қарорнинг 2-3-бандларида назарда тутилган талабларга сўзсиз риоя қилишлари ҳақида, шунингдек, визалар бериш (узайтириш), яшаш гувоҳномаларини расмийлаштириш, чет эл фуқароларини яшаш жойи ёки турган жойи бўйича рўйхатдан ўтказиш муддатлари бузилишига йўл қўймаслик ҳақида қатъий огоҳлантирилсин.
5. Белгилансинки:
а) 2018 йил 1 декабрдан бошлаб инвестиция киритиш вақтида Ўзбекистон Республикасида ўрнатилган базавий ҳисоблаш миқдорининг 8 500 бараваридан кам бўлмаган миқдорда хўжалик жамиятларининг акциялари ва улушларини сотиб олиш, шунингдек, хорижий корхона ташкил этиш шаклида Ўзбекистон Республикасига инвестиция киритган чет эл фуқаролари ҳеч қандай рухсат берувчи тартиб-таомилларни ўтмаган ҳолда мазкур ташкилотнинг исталган лавозимида меҳнат фаолиятини амалга ошириш ҳуқуқига эга;
6. Белгилансинки, рўйхати Ўзбекистон Республикаси Олий ва ўрта махсус таълим вазирлиги ҳамда Вазирлар Маҳкамаси ҳузуридаги Таълим сифатини назорат қилиш давлат инспекциясининг қўшма қарори билан ҳар йили тасдиқланадиган халқаро эътироф этилган ташкилотларнинг рейтингида олий таълим муассасалари орасида биринчи 1 000 ўринни эгаллаган олий таълим муассасалари битирувчиларининг таълим тўғрисидаги ҳужжатларини нострификациялаш (эквивалентлигини қайд этиш) тўғридан-тўғри (махсус синовларсиз) амалга оширилади.
7. Ўзбекистон Республикаси Ташқи ишлар вазирлиги, Ички ишлар вазирлиги ҳамда Бандлик ва меҳнат муносабатлари вазирлиги манфаатдор вазирлик ва идоралар билан биргаликда уч ойлик муддатда, шу жумладан, қуйидагиларни назарда тутувчи Ўзбекистон Республикасининг «Ўзбекистон Республикасида чет эл фуқаролари ва фуқаролиги бўлмаган шахсларнинг ҳуқуқий мақоми тўғрисида»ги Қонуни лойиҳасини Вазирлар Маҳкамасига киритсин:
чет эл фуқаролари, юқори малакали ва малакали мутахассислар тушунчаси ва ҳуқуқий мақомини белгилашни;
чет эл фуқаролари томонидан маъмурий ва фуқаролик-ҳуқуқий тартиб-таомиллардан ўтишнинг ҳамда меҳнат муносабатлари соҳасида давлат органлари ва бошқа ташкилотлар билан ўзаро ҳамкорлик қилишнинг шаффоф ва очиқ тартибини;
чет эл фуқароларининг давлат хизматларидан кенг фойдаланиш имкониятини;
Ўзбекистон Республикаси ҳудудида чет эл фуқароларининг ҳуқуқлари ва қонуний манфаатларини ҳимоя қилишнинг самарали механизмини яратишни.
8. Ўзбекистон Республикаси Ахборот технологиялари ва коммуникацияларини ривожлантириш вазирлиги Бандлик ва меҳнат муносабатлари вазирлиги билан биргаликда уч ой муддатда бир неча халқаро тилларда (инглиз, немис, араб, хитой, рус ва бошқалар) ишлайдиган Ўзбекистон Республикасига кириш ва ундан чиқиш тартиб-таомиллари, виза, яшаш гувоҳномаси олиш, рўйхатга туриш, прописка қилиниш тартиби, солиқ солиш механизмлари ва меҳнат муносабатлари хусусиятлари, чет эл фуқаролари учун имтиёз ва преференциялар бўйича батафсил ахборотни назарда тутувчи ҳамда иш ва уй-жой излаш бўйича тавсияларни ўз ичига олувчи махсус ахборот порталини ишлаб чиқсин ва амалиётга жорий этсин.
Ўзбекистон Республикаси Бандлик ва меҳнат муносабатлари вазирлиги, Ташқи ишлар вазирлиги, Ички ишлар вазирлиги ва Давлат солиқ қўмитаси махсус портални доимий равишда техник қўллаб-қувватлаш ва ахборот билан таъминлашни ташкил этсин.
Чора-тадбирларни молиялаштириш манбаи этиб қуйидагилар белгилансин:
махсус портални яратиш бўйича — Ахборот-коммуникация технологияларини ривожлантириш жамғармаси маблағлари;
махсус портални доимий равишда техник қўллаб-қувватлаш ва ахборот билан таъминлаш бўйича — Ўзбекистон Республикасининг Бандликка кўмаклашиш давлат жамғармаси маблағлари.
9. Ўзбекистон Миллий телерадиокомпанияси, Ўзбекистон Миллий ахборот агентлиги ва оммавий ахборот воситалари, шу жумладан, электрон оммавий ахборот воситаларига Ўзбекистон Республикаси Бандлик ва меҳнат муносабатлари вазирлиги, Ташқи ишлар вазирлиги ва бошқа тегишли вазирлик ва идораларнинг маслаҳати кўмагида чет эллик шахсларни ишга жойлаштиришни самарали ташкил қилиш соҳасида мамлакатда олиб борилаётган ислоҳотларни кенг ёритиш, шунингдек, ушбу йўналишда амалга оширилаётган чора-тадбирлар ва қабул қилинаётган норматив-ҳуқуқий ҳужжатларнинг мазмуни ва моҳиятини тушунтириш ишларини ташкил қилиш тавсия этилсин.
10. Ўзбекистон Республикаси Бандлик ва меҳнат муносабатлари вазирлиги бошқа манфаатдор вазирлик ва идоралар билан биргаликда бир ойлик муддатда Ўзбекистон Республикаси Вазирлар Маҳкамасига:
Ўзбекистон Республикасида хорижий ишчи кучларини жалб қилиш ва улардан фойдаланиш тартиби тўғрисидаги янгиланган Низомни тасдиқлаш бўйича қарор лойиҳасини;
қонун ҳужжатларига ушбу қарордан келиб чиқадиган ўзгартириш ва қўшимчалар киритиш тўғрисидаги таклифларни киритсин.
11. Вазирлик ва идоралар бир ойлик муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 7 ноябрь,
ПҚ-4008-сон
Oʻzbekiston Respublikasi Prezidentining
Qarori
Oʻzbekiston Respublikasi hududida xorijiy davlatlarning malakali mutaxassislari tomonidan mehnat faoliyatini amalga oshirishi uchun qulay shart-sharoitlar yaratish chora-tadbirlari toʻgʻrisida
Oʻtgan davr mobaynida Oʻzbekiston Respublikasi fuqarolarining xorijdagi, chet el fuqarolari va fuqaroligi boʻlmagan shaxslarning (keyingi oʻrinlarda — chet el fuqarolari deb yuritiladi) respublikadagi mehnat faoliyatini tartibga solish maqsadida mamlakatdan chiqish va unga kirishni tashkil etish tizimi va mexanizmlarini tartibga solish, shuningdek, mehnat organlarining faoliyatini rivojlantirish boʻyicha muayyan ishlar amalga oshirildi.
Shu bilan birga, xorijiy migrantlarning kirib kelishiga tanlovga oid yondashuvga asoslangan differensiyalashtirilgan immigratsiya siyosatiga qaratilgan zarur choralar koʻrilmadi. Oʻz oʻrnida, mutaxassislarning tadqiqotlari shuni koʻrsatadiki, malakali xorijiy menejerlarni jalb qilishdagi toʻsiqlarning bartaraf etilishi yalpi ichki mahsulotni xorijiy investitsiyalar kirib kelishi hisobiga oshganiga qaraganda yanada koʻproq oshishiga olib keladi.
Shunga koʻra, oʻtkazilgan tadqiqot natijalari mamlakatga malakali mehnat resurslarining kirib kelishiga toʻsqinlik qiluvchi bir qator tizimli muammo va kamchiliklar mavjudligidan dalolat bermoqda. Xususan:
birinchidan, chet ellik kadrlarni malaka toifalari boʻyicha huquqiy chegaralashning mavjud emasligi, shuningdek, har bir malaka oʻziga xosligining tartibga solinmaganligi tor doiradagi chet ellik mutaxassislarni jalb qilish boʻyicha chora-tadbirlarni yuqori samaradorlikda amalga oshirish imkoniyatini bermayapti;
ikkinchidan, chet el fuqarolariga Oʻzbekiston Respublikasida mehnat faoliyatini amalga oshirishlariga ruxsat berishning ikki bosqichli tartib-taomillarining mavjudligi hozirgi zamon talablariga javob bermaydigan jiddiy byurokratik toʻsiq boʻlib qolmoqda;
uchinchidan, Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining mamlakatga xorijiy ishchi kuchini jalb qilish sohasida kompleks jihatdan tartibga solingan vazifalarining mavjud emasligi ushbu sohani rivojlantirishga har tomonlama va samarali koʻmaklashishga imkon bermayapti;
toʻrtinchidan, malakali chet el fuqarolarini ragʻbatlantirish boʻyicha samarali mexanizmlarning mavjud emasligi, shuningdek, talab yuqori boʻlgan mutaxassislarga nisbatan afzallik rejimini qoʻllash amaliyotining yoʻlga qoʻyilmaganligi ularning Oʻzbekiston Respublikasi hududida mehnat faoliyatini amalga oshirishga boʻlgan qiziqishining oshishiga yordam bermayapti.
Malakali chet ellik mutaxassislar tomonidan mehnat faoliyatini amalga oshirish uchun qulay sharoitlar yaratish, Oʻzbekiston Respublikasining investitsiyaviy jozibadorligini oshirish va uni mutlaqo yangi pogʻonaga koʻtarish hamda raqobatbardosh mehnat resurslarini jalb qilishni ragʻbatlantirish maqsadida:
1. Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligiga quyidagi qoʻshimcha vazifalar yuklansin:
malakali chet ellik mutaxassislarni jalb qilish sohasida yaqin xalqaro hamkorlikni tashkil qilish;
malakali chet ellik mutaxassislarga ularning Oʻzbekiston Respublikasi hududida mehnat qilish huquqini roʻyobga chiqarishlariga har tomonlama koʻmaklashish;
malakali chet ellik mutaxassislarning elektron maʼlumotlar bazasini yuritish;
Oʻzbekiston Respublikasi hududida chet el fuqarolarining mehnat faoliyatini amalga oshirishining muntazam tahlili va monitoringini oʻtkazib borish;
mehnat migratsiyasi sohasidagi muammolarni oʻrganish, ushbu sohani takomillashtirish boʻyicha aniq takliflarni ishlab chiqish yoʻli bilan boʻshliq va kamchiliklarni aniqlash.
2. Belgilansinki, 2018-yil 1-dekabrdan boshlab:
Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalarni (keyingi oʻrinlarda — tasdiqnoma deb yuritiladi) olish (berish) boʻyicha yagona tartib-taomilni saqlagan holda yuqori malakali va malakali chet ellik mutaxassislarga nisbatan xorijiy ishchi kuchini jalb qilishga ruxsatnomalarni olish (uzaytirish) zaruriyati haqidagi talab bekor qilinadi;
yuqori malakali chet ellik mutaxassislarga tasdiqnomalarni rasmiylashtirish va berish (uzaytirish) uchun bazaviy hisoblash miqdorining 1 baravari miqdorida, malakali chet ellik mutaxassislarga — bazaviy hisoblash miqdorining 2 baravari miqdorida toʻlov undiriladi;
yuqori malakali va malakali chet ellik mutaxassislarga berilgan tasdiqnomalarning amal qilish muddati ariza beruvchining istagiga koʻra ular berilgan kundan boshlab cheksiz miqdorda, biroq har bir holatda 3 yildan ortiq boʻlmagan muddatgacha uzaytirish imkoniyati bilan 3 yilgacha boʻlgan muddatni tashkil qiladi.
3. Shunday tartib joriy etilsinki, unga koʻra:
a) yuqori malakali mutaxassislar deb quyidagi chet el fuqarolari tan olinadi:
roʻyxati Oʻzbekiston Respublikasi Oliy va oʻrta maxsus taʼlim vazirligi hamda Vazirlar Mahkamasi huzuridagi Taʼlim sifatini nazorat qilish davlat inspeksiyasining qoʻshma qarori bilan tasdiqlanadigan xalqaro eʼtirof etilgan tashkilotlarning reytingida oliy taʼlim muassasalari orasida birinchi 1 000 oʻrinni egallaydigan oliy taʼlim muassasalarini bitirgan;
eʼtirof etilgan mutaxassislik yoki diplomdagi mutaxassislik boʻyicha 5 yildan kam boʻlmagan ish tajribasiga ega boʻlgan;
Oʻzbekiston Respublikasida mehnat faoliyatiga jalb qilish shartlari yiliga 60 ming AQSH dollari ekvivalentidan kam boʻlmagan summada ish haqi (mukofot) olishni nazarda tutuvchi;
b) malakali mutaxassislar deb quyidagi chet el fuqarolari tan olinadi:
oliy maʼlumotga ega boʻlgan;
eʼtirof etilgan mutaxassislik yoki diplomdagi mutaxassislik boʻyicha 5 yildan kam boʻlmagan ish tajribasiga ega boʻlgan;
Oʻzbekiston Respublikasida mehnat faoliyatiga jalb qilish shartlari yiliga 30 ming AQSH dollari ekvivalentidan kam boʻlmagan summada ish haqi (mukofot) olishni nazarda tutuvchi;
v) yuqori malakali va malakali mutaxassislar Oʻzbekiston Respublikasi hududida oʻrindoshlik asosida ishlash uchun tasdiqnoma olmasdan oʻrindoshlik asosida ishlash huquqiga egadirlar;
g) yuqori malakali va malakali mutaxassislarga koʻp marotabali mehnat vizasi mehnat yoki fuqarolik-huquqiy shartnomasi amal qiladigan, biroq 3 yildan koʻp boʻlmagan muddatga beriladi;
d) yuqori malakali va malakali mutaxassislarga berilgan mehnat vizalarining amal qilish muddatini uzaytirish ularning Oʻzbekiston Respublikasi hududidan tashqariga chiqish zaruriyatisiz mehnat yoki fuqarolik-huquqiy shartnomasi amal qiladigan, biroq har bir holatda 3 yildan koʻp boʻlmagan muddatga beriladi;
e) yuqori malakali mutaxassislarga va ularning oila aʼzolariga xohishiga koʻra mehnat yoki fuqarolik-huquqiy shartnomasi amal qiladigan muddatga yashash guvohnomasi rasmiylashtiriladi;
j) ish beruvchi bilan shartnoma muddatidan oldin bekor qilinganda yuqori malakali va malakali mutaxassislar 30 ish kuni ichida boshqa ish beruvchini qidirish huquqiga egadirlar, bu muddat davomida ularga berilgan tasdiqnomalar, vizalar va yashash guvohnomalari oʻz kuchini saqlab qoladi.
4. Ichki ishlar organlari, mehnat organlari, Oʻzbekiston Respublikasining chet eldagi konsullik muassasalari va diplomatik vakolatxonalari, boshqa davlat organlari va tashkilotlarining mansabdor shaxslari va masʼul xodimlari ushbu qarorning 2-3-bandlarida nazarda tutilgan talablarga soʻzsiz rioya qilishlari haqida, shuningdek, vizalar berish (uzaytirish), yashash guvohnomalarini rasmiylashtirish, chet el fuqarolarini yashash joyi yoki turgan joyi boʻyicha roʻyxatdan oʻtkazish muddatlari buzilishiga yoʻl qoʻymaslik haqida qatʼiy ogohlantirilsin.
5. Belgilansinki:
a) 2018-yil 1-dekabrdan boshlab investitsiya kiritish vaqtida Oʻzbekiston Respublikasida oʻrnatilgan bazaviy hisoblash miqdorining 8 500 baravaridan kam boʻlmagan miqdorda xoʻjalik jamiyatlarining aksiyalari va ulushlarini sotib olish, shuningdek, xorijiy korxona tashkil etish shaklida Oʻzbekiston Respublikasiga investitsiya kiritgan chet el fuqarolari hech qanday ruxsat beruvchi tartib-taomillarni oʻtmagan holda mazkur tashkilotning istalgan lavozimida mehnat faoliyatini amalga oshirish huquqiga ega;
6. Belgilansinki, roʻyxati Oʻzbekiston Respublikasi Oliy va oʻrta maxsus taʼlim vazirligi hamda Vazirlar Mahkamasi huzuridagi Taʼlim sifatini nazorat qilish davlat inspeksiyasining qoʻshma qarori bilan har yili tasdiqlanadigan xalqaro eʼtirof etilgan tashkilotlarning reytingida oliy taʼlim muassasalari orasida birinchi 1 000 oʻrinni egallagan oliy taʼlim muassasalari bitiruvchilarining taʼlim toʻgʻrisidagi hujjatlarini nostrifikatsiyalash (ekvivalentligini qayd etish) toʻgʻridan-toʻgʻri (maxsus sinovlarsiz) amalga oshiriladi.
7. Oʻzbekiston Respublikasi Tashqi ishlar vazirligi, Ichki ishlar vazirligi hamda Bandlik va mehnat munosabatlari vazirligi manfaatdor vazirlik va idoralar bilan birgalikda uch oylik muddatda, shu jumladan, quyidagilarni nazarda tutuvchi Oʻzbekiston Respublikasining “Oʻzbekiston Respublikasida chet el fuqarolari va fuqaroligi boʻlmagan shaxslarning huquqiy maqomi toʻgʻrisida”gi Qonuni loyihasini Vazirlar Mahkamasiga kiritsin:
chet el fuqarolari, yuqori malakali va malakali mutaxassislar tushunchasi va huquqiy maqomini belgilashni;
chet el fuqarolari tomonidan maʼmuriy va fuqarolik-huquqiy tartib-taomillardan oʻtishning hamda mehnat munosabatlari sohasida davlat organlari va boshqa tashkilotlar bilan oʻzaro hamkorlik qilishning shaffof va ochiq tartibini;
chet el fuqarolarining davlat xizmatlaridan keng foydalanish imkoniyatini;
Oʻzbekiston Respublikasi hududida chet el fuqarolarining huquqlari va qonuniy manfaatlarini himoya qilishning samarali mexanizmini yaratishni.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Bandlik va mehnat munosabatlari vazirligi bilan birgalikda uch oy muddatda bir necha xalqaro tillarda (ingliz, nemis, arab, xitoy, rus va boshqalar) ishlaydigan Oʻzbekiston Respublikasiga kirish va undan chiqish tartib-taomillari, viza, yashash guvohnomasi olish, roʻyxatga turish, propiska qilinish tartibi, soliq solish mexanizmlari va mehnat munosabatlari xususiyatlari, chet el fuqarolari uchun imtiyoz va preferensiyalar boʻyicha batafsil axborotni nazarda tutuvchi hamda ish va uy-joy izlash boʻyicha tavsiyalarni oʻz ichiga oluvchi maxsus axborot portalini ishlab chiqsin va amaliyotga joriy etsin.
Oʻzbekiston Respublikasi Bandlik va mehnat munosabatlari vazirligi, Tashqi ishlar vazirligi, Ichki ishlar vazirligi va Davlat soliq qoʻmitasi maxsus portalni doimiy ravishda texnik qoʻllab-quvvatlash va axborot bilan taʼminlashni tashkil etsin.
Chora-tadbirlarni moliyalashtirish manbai etib quyidagilar belgilansin:
maxsus portalni yaratish boʻyicha — Axborot-kommunikatsiya texnologiyalarini rivojlantirish jamgʻarmasi mablagʻlari;
maxsus portalni doimiy ravishda texnik qoʻllab-quvvatlash va axborot bilan taʼminlash boʻyicha — Oʻzbekiston Respublikasining Bandlikka koʻmaklashish davlat jamgʻarmasi mablagʻlari.
9. Oʻzbekiston Milliy teleradiokompaniyasi, Oʻzbekiston Milliy axborot agentligi va ommaviy axborot vositalari, shu jumladan, elektron ommaviy axborot vositalariga Oʻzbekiston Respublikasi Bandlik va mehnat munosabatlari vazirligi, Tashqi ishlar vazirligi va boshqa tegishli vazirlik va idoralarning maslahati koʻmagida chet ellik shaxslarni ishga joylashtirishni samarali tashkil qilish sohasida mamlakatda olib borilayotgan islohotlarni keng yoritish, shuningdek, ushbu yoʻnalishda amalga oshirilayotgan chora-tadbirlar va qabul qilinayotgan normativ-huquqiy hujjatlarning mazmuni va mohiyatini tushuntirish ishlarini tashkil qilish tavsiya etilsin.
10. Oʻzbekiston Respublikasi Bandlik va mehnat munosabatlari vazirligi boshqa manfaatdor vazirlik va idoralar bilan birgalikda bir oylik muddatda Oʻzbekiston Respublikasi Vazirlar Mahkamasiga:
Oʻzbekiston Respublikasida xorijiy ishchi kuchlarini jalb qilish va ulardan foydalanish tartibi toʻgʻrisidagi yangilangan Nizomni tasdiqlash boʻyicha qaror loyihasini;
qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisidagi takliflarni kiritsin.
11. Vazirlik va idoralar bir oylik muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 7-noyabr,
PQ-4008-son
Президента Республики Узбекистан
Постановление
О мерах по созданию благоприятных условий для осуществления трудовой деятельности на территории Республики Узбекистан квалифицированными специалистами иностранных государств
За прошедший период в целях урегулирования трудовой деятельности граждан Республики Узбекистан за рубежом, иностранных граждан и лиц без гражданства (далее — иностранные граждане) в республике осуществлена значительная работа по упорядочению системы организации и механизмов выезда и въезда в страну, а также развитию деятельности органов по труду.
Вместе с тем, не предприняты должные меры, направленные на дифференцированную иммиграционную политику, основанную на селективном подходе к притоку иностранных мигрантов. При этом исследования специалистов показывают, что снятие барьеров в привлечении квалифицированных зарубежных менеджеров приводит к намного большему увеличению валового внутреннего продукта, чем его увеличение от притока иностранных инвестиций.
В этой связи результаты проведенного анализа свидетельствуют о наличии ряда системных проблем и недостатков, сдерживающих поток квалифицированных трудовых ресурсов в страну. В частности:
во-первых, отсутствие конкретного правового разграничения иностранных кадров по категориям их квалификации, а также нерегламентированность особенностей каждой квалификации не позволяет максимально эффективно реализовывать меры по привлечению узкопрофильных иностранных специалистов;
во-вторых, наличие двухэтапной процедуры к допуску для осуществления трудовой деятельности в Республике Узбекистан иностранными гражданами остается серьезным бюрократическим барьером, не отвечающим требованиям современных реалий;
в-третьих, отсутствие комплексно регламентированных задач Агентства по внешней трудовой миграции при Министерстве занятости и трудовых отношений Республики Узбекистан в сфере привлечения иностранной рабочей силы в страну не позволяет обеспечить всестороннее и эффективное содействие в развитии данной сферы;
в-четвертых, отсутствие действенных механизмов стимулирования квалифицированных иностранных граждан, а также неналаженность практики применения преференциального режима в отношении наиболее востребованных специалистов не способствуют повышению их интереса в осуществления трудовой деятельности на территории Республики Узбекистан.
В целях создания благоприятных условий для осуществления трудовой деятельности квалифицированными иностранными специалистами, повышения инвестиционной привлекательности Республики Узбекистан и поднятия ее на совершенно новый уровень, а также стимулирования привлечения конкурентоспособных кадровых ресурсов:
1. Возложить на Агентство по внешней трудовой миграции при Министерстве занятости и трудовых отношений Республики Узбекистан следующие дополнительные задачи:
организацию тесного международного сотрудничества в сфере привлечения квалифицированных иностранных специалистов;
оказание всестороннего содействия квалифицированным иностранным специалистам в реализации их права на трудовую деятельность на территории Республики Узбекистан;
ведение электронной базы данных квалифицированных иностранных специалистов;
проведение систематического анализа и мониторинга осуществления трудовой деятельности иностранных граждан на территории Республики Узбекистан;
изучение проблем в сфере трудовой миграции, выявление пробелов и недостатков с выработкой конкретных предложений по совершенствованию данной сферы.
2. Определить, что с 1 декабря 2018 года:
отменяется требование о необходимости получения (продления) разрешений на привлечение в Республику Узбекистан иностранной рабочей силы в части высококвалифицированных и квалифицированных иностранных специалистов, с сохранением для них единой процедуры по получению (выдаче) подтверждений на право трудовой деятельности на территории Республики Узбекистан (далее — подтверждения);
за оформление и выдачу (продление) подтверждений для высококвалифицированных иностранных специалистов взимается плата в размере 1 базовой расчетной величины, для квалифицированных иностранных специалистов — двукратной базовой расчетной величины;
срок действия выданных подтверждений для высококвалифицированных и квалифицированных иностранных специалистов составляет по желанию заявителя до 3 лет со дня их выдачи, с возможностью неограниченного количества продлений, но не более чем на 3 года в каждом случае.
3. Внедрить порядок, в соответствии с которым:
а) высококвалифицированными специалистами признаются иностранные граждане:
окончившие высшие образовательные учреждения, занимающие первые 1 000 позиций среди высших образовательных учреждений в рейтинге международно-признанных организаций, перечень которых утверждается совместным постановлением Министерства высшего и среднего специального образования и Государственной инспекции по надзору за качеством образования при Кабинете Министров Республики Узбекистан;
имеющие опыт работы не менее 5 лет по заявленной специальности либо специальности по диплому;
условия привлечения к трудовой деятельности в Республике Узбекистан которых предполагают получение ими заработной платы (вознаграждения) в размере не менее суммы эквивалентной 60 тыс. долларов США в год;
б) квалифицированными специалистами признаются иностранные граждане:
имеющие высшее образование;
имеющие опыт работы не менее 5 лет по заявленной специальности либо специальности по диплому;
условия привлечения к трудовой деятельности в Республике Узбекистан которых предполагают получение ими заработной платы (вознаграждения) в размере не менее суммы эквивалентной 30 тыс. долларов США в год;
в) высококвалифицированные и квалифицированные специалисты имеют право работать по совместительству на территории Республики Узбекистан без получения подтверждения для работы по совместительству;
г) многократная рабочая виза высококвалифицированным и квалифицированным специалистам выдается на срок действия трудового или гражданско-правового договора, но не свыше 3 лет;
д) продление срока действия выданных высококвалифицированным и квалифицированным специалистам рабочих виз осуществляется без необходимости их выезда с территории Республики Узбекистан на срок действия трудового или гражданско-правового договора, но не более чем на 3 года в каждом случае;
е) на срок действия трудового или гражданско-правового договора высококвалифицированным специалистам и членам их семей по желанию оформляется вид на жительство;
ж) после досрочного расторжения договора с работодателем высококвалифицированные и квалифицированные специалисты вправе искать нового работодателя в течение 30 рабочих дней, в период которых действие ранее выданных им подтверждений, виз и видов на жительство сохраняется.
4. Строго предупредить должностных лиц и ответственных сотрудников органов внутренних дел, органов по труду, консульских учреждений и дипломатических представительств Республики Узбекистан за рубежом, иных государственных органов и организаций о беспрекословном соблюдении требований, предусмотренных пунктами 2-3 настоящего постановления, а также о недопустимости нарушения сроков выдачи (продления) виз, оформления видов на жительство, регистрации по месту жительства или по месту пребывания иностранных граждан.
5. Установить, что:
а) с 1 декабря 2018 года иностранные граждане, инвестировавшие в Республику Узбекистан в размере не менее 8 500-кратной базовой расчетной величины, установленного в Республике Узбекистан на момент внесения инвестиций, в виде приобретения акций и долей хозяйственных обществ, а также создания иностранного предприятия, имеют право осуществлять трудовую деятельность на любой должности в данной организации без прохождения каких-либо разрешительных процедур;
6. Определить, что нострификация (установление эквивалентности) документов об образовании выпускников, получивших образование в зарубежных образовательных учреждениях, занимающих первые 1 000 позиций среди высших образовательных учреждений в рейтинге международно-признанных организаций, перечень которых ежегодно утверждается совместным постановлением Министерства высшего и среднего специального образования и Государственной инспекции по надзору за качеством образования при Кабинете Министров Республики Узбекистан, осуществляется напрямую (без специальных испытаний).
7. Министерству иностранных дел, Министерству внутренних дел и Министерству занятости и трудовых отношений Республики Узбекистан совместно с заинтересованными министерствами и ведомствами в трехмесячный срок внести в Кабинет Министров проект Закона Республики Узбекистан «О правовом положении иностранных граждан и лиц без гражданства в Республике Узбекистан», предусматривающий в том числе:
определение понятия и правового статуса иностранных граждан, высококвалифицированных и квалифицированных специалистов;
прозрачный и открытый порядок прохождения иностранными гражданами административных и гражданско-правовых процедур, а также взаимодействия с государственными органами и иными организациями в сфере трудовых отношений;
широкий доступ иностранных граждан к государственным услугам;
создание эффективного механизма защиты прав и законных интересов иностранных граждан на территории Республики Узбекистан.
8. Министерству по развитию информационных технологий и коммуникаций совместно с Министерством занятости и трудовых отношений в трехмесячный срок разработать и ввести в действие специальный информационный портал, функционирующий на нескольких международных языках (английский, немецкий, арабский, китайский, русский и др.), предусматривающий детальную информацию о процедурах въезда и выезда из Республики Узбекистан, порядке получения визы, вида на жительство, постановки на учет, прописки, механизме налогообложения и особенностях трудовых отношений, льготах и преференциях для иностранных граждан, а также содержащий рекомендации по поиску работы и жилья.
Министерству занятости и трудовых отношений, Министерству иностранных дел, Министерству внутренних дел и Государственному налоговому комитету Республики Узбекистан организовать постоянное техническое сопровождение и информационное обеспечение специального портала.
Определить источником финансирования мероприятий по:
созданию специального портала — средства Фонда развития информационно-коммуникационных технологий;
постоянному техническому сопровождению и информационному обеспечению специального портала — средства Государственного фонда содействия занятости Республики Узбекистан.
9. Рекомендовать Национальной телерадиокомпании Узбекистана, Национальному информационному агентству Узбекистана и средствам массовой информации, включая электронным, при консультативном содействии Министерства занятости и трудовых отношений, Министерства иностранных дел Республики Узбекистан и других причастных министерств и ведомств организовать широкое освещение проводимых в стране реформ в сфере эффективной организации трудоустройства иностранных лиц, а также разъяснение сути и содержания осуществляемых мер и принимаемых нормативно-правовых актов в данном направлении.
10. Министерству занятости и трудовых отношений Республики Узбекистан совместно с заинтересованными министерствами и ведомствами в месячный срок внести в Кабинет Министров Республики Узбекистан:
проект постановления по утверждению обновленного Положения о порядке привлечения и использования иностранной рабочей силы в Республике Узбекистан;
предложения об изменениях и дополнениях в законодательство, вытекающих из настоящего постановления.
11. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
12. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
7 ноября 2018 г.,
№ ПП-4008