📅 2018-yil 12-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 12 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Пахта толасини биржа савдоларида сотиш тартиби тўғрисидаги низомга қўшимча киритиш ҳақида
Мавжуд тўқимачилик ишлаб чиқаришларининг барқарор фаолиятини таъминлаш, «Ўзпахтасаноат» АЖ терминалларида пахта толаси қолдиқларини қисқартириш мақсадида Вазирлар Маҳкамаси қарор қилади:
1. Вазирлар Маҳкамасининг 2018 йил 12 февралдаги 106-сон қарори (Ўзбекистон Республикаси ҚТ, 2018 й., 2-сон, 31-модда) билан тасдиқланган Пахта толасини биржа савдоларида сотиш тартиби тўғрисидаги низом 15-бандининг биринчи хатбошидаги «10 фоиз миқдоридаги» сўзларидан кейин «, 2017 йилги ҳосил пахта толаси қолдиқларига эса 15 фоиз миқдоридаги» сўзлари қўшилсин.
2. Ўзбекистон Республикаси Молия вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Бош вазирининг ўринбосари — Н.С. Отажонов, «Ўзпахтасаноат» АЖ бошқаруви раиси А.И. Максудов ва «Ўзтўқимачиликсаноат» уюшмаси раиси И.Ў. Ҳайдаров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 12 ноябрь,
923-сон
Oʻzbekiston Respublikasi Vazirlar Mahkamasining
qarori
Paxta tolasini birja savdolarida sotish tartibi toʻgʻrisidagi nizomga qoʻshimcha kiritish haqida
Mavjud toʻqimachilik ishlab chiqarishlarining barqaror faoliyatini taʼminlash, “Oʻzpaxtasanoat” AJ terminallarida paxta tolasi qoldiqlarini qisqartirish maqsadida Vazirlar Mahkamasi qaror qiladi:
1. Vazirlar Mahkamasining 2018-yil 12-fevraldagi 106-son qarori (Oʻzbekiston Respublikasi QT, 2018-y., 2-son, 31-modda) bilan tasdiqlangan Paxta tolasini birja savdolarida sotish tartibi toʻgʻrisidagi nizom 15-bandining birinchi xatboshidagi “10 foiz miqdoridagi” soʻzlaridan keyin “, 2017-yilgi hosil paxta tolasi qoldiqlariga esa 15 foiz miqdoridagi” soʻzlari qoʻshilsin.
2. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Bosh vazirining oʻrinbosari — N.S. Otajonov, “Oʻzpaxtasanoat” AJ boshqaruvi raisi A.I. Maksudov va “Oʻztoʻqimachiliksanoat” uyushmasi raisi I.Oʻ. Haydarov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 12-noyabr,
923-son
Кабинета Министров Республики Узбекистан
Постановление
О внесении дополнения в Положение о порядке реализации хлопкового волокна на биржевых торгах
В целях обеспечения стабильной работы существующих текстильных производств, сокращения остатков хлопкового волокна на терминалах АО «Узпахтасаноат» Кабинет Министров постановляет:
1. Абзац первый пункта 15 Положения о порядке реализации хлопкового волокна на биржевых торгах, утвержденного постановлением Кабинета Министров от 12 февраля 2018 г. № 106 (СП Республики Узбекистан, 2018 г., № 2, ст. 31), после слов «со скидкой в размере 10 процентов» дополнить словами «а на остатки хлопкового волокна урожая 2017 года — со скидкой в размере 15 процентов».
2. Министерству финансов Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова, заместителя Премьер-министра Республики Узбекистан Н.С. Отажонова, председателя правления АО «Узпахтасаноат» А.И. Максудова и председателя Ассоциации «Узтекстильпром» И.У. Хайдарова.
Премьер-министр Республики Узбекистан А. АРИПОВ
г. Ташкент,
12 ноября 2018 г.,
№ 923