📅 2018-yil 13-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 13 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
РЎЙХАТИ
Ўзбекистон давлат жисмоний тарбия ва спорт университетининг Нукус филиалини ташкил этиш тўғрисида
Қорақалпоғистон Республикасида жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш учун зарур шарт-шароитлар яратиш, халқаро спорт мусобақаларида иштирок этадиган ёшларни тайёрлаш мақсадида Вазирлар Маҳкамаси қарор қилади:
1. Ўзбекистон Республикаси Жисмоний тарбия ва спорт вазирлиги, Олий ва ўрта махсус таълим вазирлиги, Иқтисодиёт вазирлиги, Молия вазирлиги ва Қорақалпоғистон Республикаси Вазирлар Кенгашининг Ўзбекистон давлат жисмоний тарбия ва спорт университетининг Нукус филиалини (кейинги ўринларда Филиал деб аталади) ташкил этиш тўғрисидаги таклифига розилик берилсин.
2. Қуйидагилар Филиалнинг асосий вазифалари этиб белгилансин:
спорт фаолияти, жисмоний тарбия ва спорт менежменти, мактабгача ва бошланғич таълимда жисмоний тарбия ва спорт, психология (спорт) таълим йўналишлари бўйича юқори малакали кадрларни халқаро стандартлар даражасида сифатли тайёрлашни таъминлаш;
хизматлар ва соғломлаштириш тармоқларини ривожлантиришнинг илмий-технологик вазифаларини ҳал этишга, илғор хорижий тажрибадан фойдаланган ҳолда спорт соҳасига йўналтирилган илмий-амалий тадқиқотларни олиб бориш ва ишланмаларни амалга ошириш;
ўқув ва илмий лойиҳаларни амалга ошириш, таълим ва илмий изланишлар жараёнига мутахассисларни кенг жалб этиш мақсадида ишлаб чиқариш ва қайта ишлаш соҳаларидаги республика ва хорижий етакчи олий таълим муассасалари ва илмий марказлар билан ҳамкорлик алоқаларини ривожлантириш;
республика ва хорижий олий таълим муассасалари ҳамда илмий марказларга истиқболли ёш битирувчиларни магистратура ва докторантурага мунтазам юбориш орқали Филиалнинг илмий-педагогик салоҳиятини ошириб бориш.
3. Қуйидагилар:
Ўзбекистон давлат жисмоний тарбия ва спорт университети Нукус филиалининг тузилмаси 1-иловага мувофиқ;
Ўзбекистон давлат жисмоний тарбия ва спорт университетининг Нукус филиалида бакалаврлар тайёрлаш бўйича таълим йўналишлари рўйхати 2-иловага мувофиқ тасдиқлансин.
Ўзбекистон давлат жисмоний тарбия ва спорт университети ректорига, зарурат бўлганда, Ўзбекистон Республикаси Жисмоний тарбия ва спорт вазирлиги билан келишган ҳолда ходимларнинг белгиланган штатдаги ходимлари сони ва меҳнатга ҳақ тўлаш фонди доирасида Филиал тузилмасига ўзгартиришлар киритиш ҳуқуқи берилсин.
4. Белгилансинки, Филиал Ўзбекистон давлат жисмоний тарбия ва спорт университетининг юридик шахс мақомига эга бўлган таркибий бўлинмаси ҳисобланиб, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга ҳамда Ўзбекистон Республикаси Молия вазирлигининг Ғазначилигида шахсий ҳисобварақларига эга бўлади.
5. Ўзбекистон Республикаси Иқтисодиёт вазирлиги 2019/2020 ўқув йилида Ўзбекистон Республикаси олий таълим муассасаларига ўқишга қабул қилиш квоталарини ишлаб чиқишда Филиалга 50 нафар талаба қабул қилинишини назарда тутсин.
2020/2021 ўқув йилидан бошлаб Филиалга талабаларни қабул қилиш сони белгиланган тартибда ҳар йили тасдиқланадиган республика олий таълим муассасаларига ўқишга қабул қилиш квоталаридан келиб чиққан ҳолда белгилансин.
6. Ўзбекистон Республикаси Жисмоний тарбия ва спорт вазирлиги ҳамда Олий ва ўрта махсус таълим вазирлиги икки ҳафта муддатда:
Филиалнинг устави ишлаб чиқилиши ва тасдиқланишини, шунингдек, унинг белгиланган тартибда давлат рўйхатидан ўтказилишини;
Филиалнинг олий таълим ва илмий-тадқиқот муассасалари, спорт ташкилотлари ва спорт федерациялари (уюшмалари)да катта амалий тажрибага эга бўлган мутахассислардан иборат юқори малакали кадрлар билан тўлдирилишини;
Филиал учун мослаштирилган ўқув режалари ва дастурлари ишлаб чиқилиши ва тасдиқланишини;
Филиалда ўқув-методик жараённи самарали ташкил этиш бўйича аниқ чора-тадбирлар амалга оширилишини таъминласинлар.
7. Қорақалпоғистон Республикаси Вазирлар Кенгаши ҳамда Олий ва ўрта махсус таълим вазирлигининг Нукус шаҳар, Қорақалпоғистон кўчаси, 24-уй манзилида жойлашган Нукус спорт коллежининг бино ва иншоотларини тегишли ҳудуди билан биргаликда Филиалга оператив бошқариш ҳуқуқи асосида бепул бериш тўғрисидаги таклифи маъқуллансин.
Қорақалпоғистон Республикаси Вазирлар Кенгаши ҳамда Олий ва ўрта махсус таълим вазирлиги зарурат бўлганда Филиалнинг тўлақонли фаолият юритиши учун уни қўшимча бино ва иншоотлар, ер майдонлари билан таъминлаш чораларини кўрсин.
Белгилаб қўйилсинки, Нукус спорт коллежи ўқувчилари ўқишни битиргунларига қадар Филиал биноларида ўқув жараёнини давом эттирадилар.
8. Қорақалпоғистон Республикаси Вазирлар Кенгаши Филиалга хизмат сафарига юборилган педагоглар ва уларнинг оила аъзоларини педагоглар Филиалда ишлаган даврда турар жой билан таъминлаш, уларнинг фарзандларини мактабгача ва умумий ўрта таълим муассасаларига жойлаштириш бўйича комплекс чора-тадбирларни амалга оширсин.
9. Қуйидагилар Филиалнинг фаолиятини молиялаштириш манбалари этиб белгилансин:
Ўзбекистон Республикаси Давлат бюджети маблағлари;
тўлов-контракт асосида ўқитишдан тушадиган маблағлар;
хўжалик фаолиятидан ва шартнома асосида хизматлар кўрсатишдан тушадиган тушумлар;
жисмоний ва юридик шахсларнинг ҳомийлик хайриялари;
халқаро молия институтларининг грантлари;
қонун ҳужжатларида тақиқланмаган бошқа манбалар.
10. Ўзбекистон Республикаси Молия вазирлиги:
Ўзбекистон Республикаси Давлат бюджетининг 2019 йил ва ундан кейинги йилларга мўлжалланган параметрларини шакллантиришда Филиални сақлаш харажатлари учун маблағлар ажратилишини назарда тутсин;
Филиалга 2 та, шу жумладан, 1 та шахсий ва 1 та навбатчи автотранспорт воситасини сақлашга лимит ажратилишини таъминласин.
11. Ўзбекистон Республикаси Инвестициялар бўйича давлат қўмитаси Жисмоний тарбия ва спорт вазирлигининг асосланган ҳисоб-китобларига биноан 2020 йил ва кейинги йиллар учун Ўзбекистон Республикасини ривожлантириш давлат дастурларини шакллантиришда Филиалнинг ўқув биносини реконструкция қилиш, янги спорт мажмуаси қуриш ва уларни жиҳозлаш бўйича лойиҳаларнинг белгиланган тартибда киритилишини назарда тутсин.
12. Ўзбекистон Республикаси Жисмоний тарбия ва спорт вазирлиги Ахборот технологиялари ва коммуникацияларини ривожлантириш вазирлиги билан биргаликда бир ҳафта муддатда Филиалда ахборот ва мультимедиа ускуналари қўлланилган, шу жумладан, масофадан ўқитишни назарда тутган ҳолда замонавий таълим технологияларини жорий этиш чора-тадбирлари режасини ишлаб чиқсин ва тасдиқласин.
13. Ўзбекистон Республикаси Жисмоний тарбия ва спорт вазирлиги манфаатдор вазирликлар ва идоралар билан биргаликда улар қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси жисмоний тарбия ва спорт вазири Д.Ҳ. Набиев ва Қорақалпоғистон Республикаси Вазирлар Кенгаши Раиси Қ.Р. Сариев зиммасига юклансин.
Вазирлар Маҳкамасининг 2018 йил 13 ноябрдаги 924-сон қарорига 1-ИЛОВА
Ўзбекистон давлат жисмоний тарбия ва спорт университети Нукус филиалининг
Вазирлар Маҳкамасининг 2018 йил 13 ноябрдаги 924-сон қарорига 2-ИЛОВА
Ўзбекистон давлат жисмоний тарбия ва спорт университетининг Нукус филиалида бакалаврлар тайёрлаш бўйича таълим йўналишлари
Т/р Йўналиш шифри Таълим йўналиши 2019/2020 ўқув йили учун 1. 5610514 Спорт фаолияти: бадиий гимнастика 2. 5610515 Спорт фаолияти: дзю-до 3. 5610501 Спорт фаолияти: баскетбол 4. 5610503 Спорт фаолияти: волейбол 5. 5610511 Спорт фаолияти: эшкак эшиш 6. 5610516 Спорт фаолияти: эркин кураш 7. 5112300 Мактабгача ва бошланғич таълимда жисмоний тарбия ва спорт 8. 5210202 Психология (спорт) 2020/2021 ўқув йилидан бошлаб * 9. 5610502 Спорт фаолияти: бокс 10. 5610506 Спорт фаолияти: сузиш 11. 5610520 Спорт фаолияти: кураш 12. 5610513 Спорт фаолияти: футбол 2021/2022 ўқув йилидан бошлаб * 13. 5610507 Спорт фаолияти: енгил атлетика 14. 5610510 Спорт фаолияти: оғир атлетика 15. 5610508 Спорт фаолияти: қўл тўпи 16. 5610538 Спорт фаолияти: юнон-рум кураши
Ўзбекистон Республикасининг Бош вазири А. АРИПОВ
Тошкент ш.,
2018 йил 13 ноябрь,
924-сон
Oʻzbekiston Respublikasi Vazirlar Mahkamasining
qarori
TUZILMASI
ROʻYXATI
Oʻzbekiston davlat jismoniy tarbiya va sport universitetining Nukus filialini tashkil etish toʻgʻrisida
Qoraqalpogʻiston Respublikasida jismoniy tarbiya va sportni ommalashtirish, aholi, ayniqsa, yoshlar oʻrtasida sogʻlom turmush tarzini targʻib qilish uchun zarur shart-sharoitlar yaratish, xalqaro sport musobaqalarida ishtirok etadigan yoshlarni tayyorlash maqsadida Vazirlar Mahkamasi qaror qiladi:
1. Oʻzbekiston Respublikasi Jismoniy tarbiya va sport vazirligi, Oliy va oʻrta maxsus taʼlim vazirligi, Iqtisodiyot vazirligi, Moliya vazirligi va Qoraqalpogʻiston Respublikasi Vazirlar Kengashining Oʻzbekiston davlat jismoniy tarbiya va sport universitetining Nukus filialini (keyingi oʻrinlarda Filial deb ataladi) tashkil etish toʻgʻrisidagi taklifiga rozilik berilsin.
2. Quyidagilar Filialning asosiy vazifalari etib belgilansin:
sport faoliyati, jismoniy tarbiya va sport menejmenti, maktabgacha va boshlangʻich taʼlimda jismoniy tarbiya va sport, psixologiya (sport) taʼlim yoʻnalishlari boʻyicha yuqori malakali kadrlarni xalqaro standartlar darajasida sifatli tayyorlashni taʼminlash;
xizmatlar va sogʻlomlashtirish tarmoqlarini rivojlantirishning ilmiy-texnologik vazifalarini hal etishga, ilgʻor xorijiy tajribadan foydalangan holda sport sohasiga yoʻnaltirilgan ilmiy-amaliy tadqiqotlarni olib borish va ishlanmalarni amalga oshirish;
oʻquv va ilmiy loyihalarni amalga oshirish, taʼlim va ilmiy izlanishlar jarayoniga mutaxassislarni keng jalb etish maqsadida ishlab chiqarish va qayta ishlash sohalaridagi respublika va xorijiy yetakchi oliy taʼlim muassasalari va ilmiy markazlar bilan hamkorlik aloqalarini rivojlantirish;
respublika va xorijiy oliy taʼlim muassasalari hamda ilmiy markazlarga istiqbolli yosh bitiruvchilarni magistratura va doktoranturaga muntazam yuborish orqali Filialning ilmiy-pedagogik salohiyatini oshirib borish.
3. Quyidagilar:
Oʻzbekiston davlat jismoniy tarbiya va sport universiteti Nukus filialining tuzilmasi 1-ilovaga muvofiq;
Oʻzbekiston davlat jismoniy tarbiya va sport universitetining Nukus filialida bakalavrlar tayyorlash boʻyicha taʼlim yoʻnalishlari roʻyxati 2-ilovaga muvofiq tasdiqlansin.
Oʻzbekiston davlat jismoniy tarbiya va sport universiteti rektoriga, zarurat boʻlganda, Oʻzbekiston Respublikasi Jismoniy tarbiya va sport vazirligi bilan kelishgan holda xodimlarning belgilangan shtatdagi xodimlari soni va mehnatga haq toʻlash fondi doirasida Filial tuzilmasiga oʻzgartirishlar kiritish huquqi berilsin.
4. Belgilansinki, Filial Oʻzbekiston davlat jismoniy tarbiya va sport universitetining yuridik shaxs maqomiga ega boʻlgan tarkibiy boʻlinmasi hisoblanib, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga hamda Oʻzbekiston Respublikasi Moliya vazirligining Gʻaznachiligida shaxsiy hisobvaraqlariga ega boʻladi.
5. Oʻzbekiston Respublikasi Iqtisodiyot vazirligi 2019/2020 oʻquv yilida Oʻzbekiston Respublikasi oliy taʼlim muassasalariga oʻqishga qabul qilish kvotalarini ishlab chiqishda Filialga 50 nafar talaba qabul qilinishini nazarda tutsin.
2020/2021 oʻquv yilidan boshlab Filialga talabalarni qabul qilish soni belgilangan tartibda har yili tasdiqlanadigan respublika oliy taʼlim muassasalariga oʻqishga qabul qilish kvotalaridan kelib chiqqan holda belgilansin.
6. Oʻzbekiston Respublikasi Jismoniy tarbiya va sport vazirligi hamda Oliy va oʻrta maxsus taʼlim vazirligi ikki hafta muddatda:
Filialning ustavi ishlab chiqilishi va tasdiqlanishini, shuningdek, uning belgilangan tartibda davlat roʻyxatidan oʻtkazilishini;
Filialning oliy taʼlim va ilmiy-tadqiqot muassasalari, sport tashkilotlari va sport federatsiyalari (uyushmalari)da katta amaliy tajribaga ega boʻlgan mutaxassislardan iborat yuqori malakali kadrlar bilan toʻldirilishini;
Filial uchun moslashtirilgan oʻquv rejalari va dasturlari ishlab chiqilishi va tasdiqlanishini;
Filialda oʻquv-metodik jarayonni samarali tashkil etish boʻyicha aniq chora-tadbirlar amalga oshirilishini taʼminlasinlar.
7. Qoraqalpogʻiston Respublikasi Vazirlar Kengashi hamda Oliy va oʻrta maxsus taʼlim vazirligining Nukus shahar, Qoraqalpogʻiston koʻchasi, 24-uy manzilida joylashgan Nukus sport kollejining bino va inshootlarini tegishli hududi bilan birgalikda Filialga operativ boshqarish huquqi asosida bepul berish toʻgʻrisidagi taklifi maʼqullansin.
Qoraqalpogʻiston Respublikasi Vazirlar Kengashi hamda Oliy va oʻrta maxsus taʼlim vazirligi zarurat boʻlganda Filialning toʻlaqonli faoliyat yuritishi uchun uni qoʻshimcha bino va inshootlar, yer maydonlari bilan taʼminlash choralarini koʻrsin.
Belgilab qoʻyilsinki, Nukus sport kolleji oʻquvchilari oʻqishni bitirgunlariga qadar Filial binolarida oʻquv jarayonini davom ettiradilar.
8. Qoraqalpogʻiston Respublikasi Vazirlar Kengashi Filialga xizmat safariga yuborilgan pedagoglar va ularning oila aʼzolarini pedagoglar Filialda ishlagan davrda turar joy bilan taʼminlash, ularning farzandlarini maktabgacha va umumiy oʻrta taʼlim muassasalariga joylashtirish boʻyicha kompleks chora-tadbirlarni amalga oshirsin.
9. Quyidagilar Filialning faoliyatini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
toʻlov-kontrakt asosida oʻqitishdan tushadigan mablagʻlar;
xoʻjalik faoliyatidan va shartnoma asosida xizmatlar koʻrsatishdan tushadigan tushumlar;
jismoniy va yuridik shaxslarning homiylik xayriyalari;
xalqaro moliya institutlarining grantlari;
qonun hujjatlarida taqiqlanmagan boshqa manbalar.
10. Oʻzbekiston Respublikasi Moliya vazirligi:
Oʻzbekiston Respublikasi Davlat budjetining 2019-yil va undan keyingi yillarga moʻljallangan parametrlarini shakllantirishda Filialni saqlash xarajatlari uchun mablagʻlar ajratilishini nazarda tutsin;
Filialga 2 ta, shu jumladan, 1 ta shaxsiy va 1 ta navbatchi avtotransport vositasini saqlashga limit ajratilishini taʼminlasin.
11. Oʻzbekiston Respublikasi Investitsiyalar boʻyicha davlat qoʻmitasi Jismoniy tarbiya va sport vazirligining asoslangan hisob-kitoblariga binoan 2020-yil va keyingi yillar uchun Oʻzbekiston Respublikasini rivojlantirish davlat dasturlarini shakllantirishda Filialning oʻquv binosini rekonstruksiya qilish, yangi sport majmuasi qurish va ularni jihozlash boʻyicha loyihalarning belgilangan tartibda kiritilishini nazarda tutsin.
12. Oʻzbekiston Respublikasi Jismoniy tarbiya va sport vazirligi Axborot texnologiyalari va kommunikatsiyalarini rivojlantirish vazirligi bilan birgalikda bir hafta muddatda Filialda axborot va multimedia uskunalari qoʻllanilgan, shu jumladan, masofadan oʻqitishni nazarda tutgan holda zamonaviy taʼlim texnologiyalarini joriy etish chora-tadbirlari rejasini ishlab chiqsin va tasdiqlasin.
13. Oʻzbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda ular qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
14. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi jismoniy tarbiya va sport vaziri D.H. Nabiyev va Qoraqalpogʻiston Respublikasi Vazirlar Kengashi Raisi Q.R. Sariyev zimmasiga yuklansin.
Vazirlar Mahkamasining 2018-yil 13-noyabrdagi 924-son qaroriga 1-ILOVA
Oʻzbekiston davlat jismoniy tarbiya va sport universiteti Nukus filialining
Vazirlar Mahkamasining 2018-yil 13-noyabrdagi 924-son qaroriga 2-ILOVA
Oʻzbekiston davlat jismoniy tarbiya va sport universitetining Nukus filialida bakalavrlar tayyorlash boʻyicha taʼlim yoʻnalishlari
T/r Yoʻnalish shifri Taʼlim yoʻnalishi 2019/2020 oʻquv yili uchun 1. 5610514 Sport faoliyati: badiiy gimnastika 2. 5610515 Sport faoliyati: dzyu-do 3. 5610501 Sport faoliyati: basketbol 4. 5610503 Sport faoliyati: voleybol 5. 5610511 Sport faoliyati: eshkak eshish 6. 5610516 Sport faoliyati: erkin kurash 7. 5112300 Maktabgacha va boshlangʻich taʼlimda jismoniy tarbiya va sport 8. 5210202 Psixologiya (sport) 2020/2021 oʻquv yilidan boshlab * 9. 5610502 Sport faoliyati: boks 10. 5610506 Sport faoliyati: suzish 11. 5610520 Sport faoliyati: kurash 12. 5610513 Sport faoliyati: futbol 2021/2022 oʻquv yilidan boshlab * 13. 5610507 Sport faoliyati: yengil atletika 14. 5610510 Sport faoliyati: ogʻir atletika 15. 5610508 Sport faoliyati: qoʻl toʻpi 16. 5610538 Sport faoliyati: yunon-rum kurashi
Oʻzbekiston Respublikasining Bosh vaziri A. ARIPOV
Toshkent sh.,
2018-yil 13-noyabr,
924-son