📅 2018-yil 14-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 14 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 14 ноября 2018 г. · Указы Президента
Официальный текст. Официальный документ. Редакционные примечания не включены.
📅 14 November 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қурилиш соҳасини давлат томонидан тартибга солишни такомиллаштириш қўшимча чора-тадбирлари тўғрисида
Мамлакатимизда тадбиркорлик субъектларини қўллаб-қувватлашнинг замонавий бозор механизмларини жорий этиш, хусусий бизнесга катта эркинлик бериш, уларнинг ҳуқуқлари ва қонуний манфаатлари кафолатларини кучайтириш, хорижий инвестицияларни ва замонавий технологияларни жалб қилиш юзасидан чора-тадбирлар кўрилмоқда.
Шу билан бирга, қурилиш соҳасидаги ишлар ҳолатини ўрганиш ушбу соҳасида ислоҳотларни жадал амалга оширишга ва соғлом рақобат муҳитини ривожлантиришга тўсқинлик қилаётган муаммолар борлигини кўрсатди.
Шаҳарсозликни техник тартибга солишнинг бозор воситаларини жорий этишга етарлича эътибор берилмаяпти, қурилиш соҳасида катта миқдорда давлат маъмурий-бошқарув ва назорат функциялари сақланиб қолмоқда.
Объектларни лойиҳалаштириш ва қуришдаги нормалашнинг мавжуд кўрсатма берувчи усули инновацион лойиҳавий ечимлар ва янги илмий-техник ишланмаларни қўллашга тўсқинлик қилмоқда, ички ва хорижий инвестицияларни қурилиш соҳасига жалб қилишни секинлаштирмоқда.
Халқаро савдонинг ҳозирги глобаллашув шартларига жавоб берадиган қурилиш нормалари ва қоидаларини ишлаб чиқиш, қўллаб-қувватлаш ва жорий этиш соҳасида кадрларни профессионал тайёрлаш, қайта тайёрлаш ва уларнинг малакасини ошириш тизими мавжуд эмас.
Қурилиш соҳасини давлат томонидан тартибга солишни такомиллаштириш, инвестицияларни жалб қилиш учун қулай шарт-шароитлар яратиш, қурилиш тармоғи кадрларини профессионал тайёрлаш, қайта тайёрлаш ва уларнинг малакасини ошириш тизимининг самарадорлигини ошириш мақсадида:
1. Шундай тартиб ўрнатилсинки, унга кўра:
а) 2018 йил 1 декабрдан бошлаб:
барча қурилиш объектлари учун лойиҳаларнинг смета қисмини экспертизадан ўтказиш мажбурийдир, қурилиши мулкдорларнинг ўз маблағлари, тўғридан-тўғри инвестициялар, шу жумладан, хорижий инвестициялар ҳисобига амалга ошириладиган объектлар бундан мустасно;
қурилиши тугалланган объектларни фойдаланишга қабул қилиш қурилиш соҳасидаги назорат инспекцияси, кадастр органлари, буюртмачи, пудратчи (бош пудратчи) вакиллари иштирокида амалга оширилади, давлат харидлари субъектлари маблағлари ҳисобига молиялаштириладиган объектларни қуриш бундан мустасно;
пудрат ташкилотлари ва лойиҳа ташкилотлари ўртасида консорциум ташкил этиш ҳамда консорциум иштирокчилари зиммасига лойиҳани сифатли ва ўз вақтида амалга ошириш учун солидар жавобгарликни юклаш орқали «fast-track» усули (бир вақтнинг ўзида лойиҳалаштириш, харид қилиш ва қурилиш ишлари) билан «тайёр ҳолда топшириш» шартлари (Engineering Procurement Construction) асосида лойиҳаларни амалга оширишга йўл қўйилади;
б) 2019 йил 1 январдан бошлаб:
лойиҳалаш ва қурилиш фаолиятини амалга ошириш учун Иқтисодий ҳамкорлик ва ривожланиш ташкилотига аъзо давлатларнинг ваколатли органлари, ташкилотлари, жамиятлари ва бирлашмалари томонидан берилган сертификатлар ва бошқа рухсат берувчи ҳужжатлар (лицензиялар) тан олинади;
қурилиш учун ер участкаларининг ўз вақтида ва тўғри ажратилиши ҳамда қурилиш-монтаж ишлари тасдиқланган бош режага ёки ер участкаларини жойлаштириш схемаларига (бош режа мавжуд бўлмаганда) боғламасдан амалга оширилиши учун тегишли ҳокимларнинг шахсий жавобгарлиги белгиланади;
қурилиш учун ер участкалари ўз вақтида ажратилмаслиги ёки нотўғри ажратилиши натижасида юзага келган харажатлар маҳаллий бюджетлар маблағлари ҳисобидан, кейинчалик айбдор шахслардан регресс тартибида ундириш орқали қопланади;
миллий қурилиш нормалари ва қоидаларини қайта кўриб чиқишда, шунингдек қурилишга оид хорижий норматив-техник ҳужжатларни мослаштиришда мулкчилик шаклидан қатъи назар миллий ва хорижий юридик шахслар, жамоат ва халқаро ташкилотлар, шунингдек шу соҳага ихтисослашган илмий-тадқиқот муассасалари иштирок этишга ҳақли;
Ўзбекистон Республикаси Қурилиш ва уй-жой коммунал хўжалиги вазирлиги миллий қурилиш нормалари ва қоидаларини ишлаб чиқиш ҳамда такомиллаштириш, шунингдек қурилишга оид хорижий норматив-техник ҳужжатларни мослаштириш ва уларни амалиётга жорий этиш бўйича ишларнинг буюртмачиси ҳисобланади;
қурилиш нормалари ва қоидалари ҳар томонлама экспертизадан ўтказиш натижалари асосида Қурилиш ва уй-жой коммунал хўжалиги вазирлигининг қарори билан тасдиқланади;
белгиланган тартибда тасдиқланган қурилиш стандартлари, техник регламентлар, қурилиш нормалари ва қоидаларининг ягона каталогини юритиш, расмий веб-сайтида эълон қилиш ва янгилаб бориш орқали каталогдан бемалол фойдаланишни таъминлаш «Ўзстандарт» агентлигига юкланади;
в) 2019 йил 1 мартдан бошлаб:
объектларни қуришнинг барча босқичларида муаллифлик ва техник назорат мажбурийдир ҳамда тегишли равишда лойиҳа муаллифи ва буюртмачи томонидан ёки сертификатга эга эксперт жалб қилиш йўли билан амалга оширилади.
қурилаётган объектлар устидан муаллифлик назорати, техник назорат ва текширув фақат белгиланган тартибда сертификат олган мутахассислар томонидан амалга оширилади;
г) 2020 йил 1 январдан бошлаб уй-жой қурилиши объектлари лойиҳа-тадқиқот ва қурилиш-монтаж ишларини бажариш босқичида энергия-самарадор ва энергия-тежамкор ускуналар билан мажбурий равишда жиҳозланиши, шунингдек, улар фойдаланишга қабул қилинишидан аввал энергетик аудит паспортини олиши керак, BREEAM (бинолар самарадорлигини экологик баҳолаш усули) ва LEED (энергия-самарадор ва экологик лойиҳалаштириш бўйича қўлланма) халқаро стандартлари бўйича сертификатга эга объектлар бундан мустасно;
2. Адлия вазирлиги, Қурилиш ва уй-жой коммунал хўжалиги вазирлиги ҳамда Ўзбекистон Республикаси Истиқболли лойиҳалар миллий агентлигининг қурилиш соҳасини техник тартибга солишнинг норматив базасини ислоҳ қилиш тўғрисидаги қуйидагиларни назарда тутувчи таклифларига розилик берилсин:
тайёргарлик даври (2019 — 2021 йиллар) — Ўзбекистон Республикасининг геологик, табиий-иқлим, сейсмологик ва бошқа хусусиятларини инобатга олган ҳолда амалдаги миллий қурилиш нормаларини қайта кўриб чиқиш, шунингдек, қурилишга оид хорижий норматив-техник ҳужжатларни мослаштириш;
ўтиш даври (2022 — 2026 йиллар) — миллий қурилиш нормалари ва қоидаларига мослаштирилган қурилишга оид хорижий норматив-техник ҳужжатларни амалиётга жорий этиш, қурилиш соҳасига инновациялар жорий этиш, янги технологиялар, материаллар, буюмлар ва конструкцияларни ўзлаштириш юзасидан комплекс чора-тадбирларни амалга ошириш;
якуний давр (2027-2028 йиллар) — миллий ва мослаштирилган хорижий қурилиш нормалари ҳамда қоидаларини қўллаш тажрибасини умумлаштириш асосида қурилиш соҳасини техник тартибга солишнинг ягона норматив базасини яратиш.
3. Молия вазирлиги ҳар йили Ўзбекистон Республикаси Давлат бюджетини шакллантиришда жадвал бўйича ишларни молиялаштириш учун зарур ажратмаларни назарда тутсин.
Ўзбекистон Республикаси Ҳисоб палатаси Адлия вазирлиги ва Бош прокуратура билан ҳамкорликда жадвалнинг ижроси устидан қатъий назорат ўрнатсин.
Қуйидагиларга шахсий жавобгарлик юклансин:
Ўзбекистон Республикаси Бош вазирининг ўринбосари А.Ж. Раматовга — қурилиш соҳасига замонавий бозор механизмлари ва халқаро стандартларни, илғор технологиялар ва ноу-хауни жорий этиш, шунингдек, тармоқдаги кадрларни тайёрлаш, қайта тайёрлаш ва малакасини оширишнинг инновацион методологик дастурларини ишлаб чиқиш учун;
Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосарига — миллий қурилиш нормалари ва қоидаларини қайта кўриб чиқиш учун халқаро молия институтлари, ҳукумат ва ноҳукумат ташкилотлар маблағларини жалб қилиш, шунингдек, хорижий норматив-техник стандартларни мослаштириш учун.
4. Ўзбекистон Республикаси Президентининг «Республика ҳудудларида «Business city» замонавий ишбилармонлик марказларини ташкил этиш чора-тадбирлари тўғрисида» 2018 йил 2 августдаги ПҚ-3895-сон қарори 9-банди «а» кичик бандининг учинчи хатбошиси :
«Business city» марказларини ва «Tashkent city» халқаро ишбилармонлар марказини қуриш лойиҳаларини амалга ошириш доирасида инвесторларга;
«Business city» марказларини ва «Tashkent city» халқаро ишбилармонлар марказини «fast-track» усули (бир вақтнинг ўзида лойиҳалаштириш, харид қилиш ва қурилиш ишлари) билан «тайёр ҳолда топшириш» шартлари (Engineering Procurement Construction) асосида қуриш бўйича лойиҳаларни амалга оширишга жалб қилинадиган, шу жумладан, хорижий пудратчиларга татбиқ этилсин.
5. Ўзбекистон Республикаси Қурилиш вазирлиги:
а) 2018 йил 20 декабрга қадар:
Ташқи ишлар вазирлиги, «Ўзстандарт» агентлиги ва Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда Ўзбекистон Республикаси ҳудудида қурилишга оид хорижий норматив-техник ҳужжатларни қабул қилиш ва мослаштириш учун ваколатли хорижий органлар ва ташкилотларнинг расмий рухсатини олишни таъминласин;
Ўзбекистон Республикаси Олий ва ўрта махсус таълим вазирлиги, Ўзбекистон муҳандислар-консультантлар уюшмаси ва Ўзбекистон архитекторлар иттифоқи билан биргаликда лойиҳалаш ва қурилиш соҳасидаги мутахассислар малакасини ошириш дастурини ишлаб чиқсин;
«Ўзстандарт» агентлиги ва «Ўзқурилишматериаллари» АЖ билан биргаликда «Ўзқурилишматериаллари» АЖ фаолиятини ҳамда қурилиш материаллари ва буюмлари соҳасидаги стандартлаштириш ва сертификатлашнинг амалдаги тизимини тубдан такомиллаштириш юзасидан Ўзбекистон Республикаси Вазирлар Маҳкамасига таклифлар киритсин;
б) 2019 йил 1 мартга қадар манфаатдор вазирлик ва идоралар билан биргаликда Вазирлар Маҳкамасига қуйидагилар бўйича таклифлар киритсин:
хорижий компанияларни жалб қилган ҳолда замонавий халқаро талаблар ва стандартларга жавоб берадиган ҳамда Ўзбекистон Республикасида ишлаб чиқарилмайдиган ва мамлакат ҳудудига илк маротаба олиб кирилаётган қурилиш ускунаси, техникаси, материаллари ва буюмларини сертификация қилувчи Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Аккредитация маркази томонидан белгиланган тартибда аккредитация қилинган синов лабораторияларини ташкил этиш;
давлат органларининг идоравий объектларни қуриш, реконструкция қилиш, капитал ва жорий таъмирлаш бўйича буюртмачи функцияларини бажарувчи таркибий бўлинмаларини ташкил этиш;
лойиҳалаш институтлари фаолияти самарадорлигини ошириш, шу жумладан лойиҳа-тадқиқот ишларини молиялаштириш механизмлари ва лойиҳавий ҳужжатларни ишлаб чиқиш муддатларини белгилашни такомиллаштириш;
ҳисобланган қиймати тасдиқланган лойиҳа-смета ҳужжатларига нисбатан ошиб кетган қурилиш объектларини молиялаштириш тартибини аниқлаш;
мамлакатнинг ҳар бир ҳудудида йирик ихтисослаштирилган қурилиш-пудрат ташкилотларининг фаолиятини ташкил этиш.
6. Инвестициялар, саноат ва савдо вазирлиги, Ташқи ишлар вазирлиги ва Ўзбекистон Республикаси Истиқболли лойиҳалар миллий агентлиги амалдаги миллий қурилиш нормалари ва қоидаларини қайта кўриб чиқиш, қурилишга оид хорижий норматив-техник ҳужжатларни мослаштириш ва амалиётга жорий этиш бўйича ишларни молиялаштириш учун халқаро молия институтлари, хорижий ҳукумат ва ноҳукумат ташкилотлар ва донорларнинг маблағларини жалб қилишда Ўзбекистон Республикаси Қурилиш ва уй-жой коммунал хўжалиги вазирлигига кўмаклашсин.
8. Ўзбекистон Республикаси Бош прокуратураси Қурилиш вазирлиги ва Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда икки ой муддатда қурилиш соҳасини назорат қилувчи инспекциялар фаолиятининг самарадорлигини ошириш, шу жумладан, моддий-техник базасини мустаҳкамлаш ҳамда уларнинг ходимларини ижтимоий ҳимоя қилиш ва моддий рағбатлантиришни кучайтириш юзасидан таклифлар киритсин.
9. Қурилиш вазирлиги, Ўзбекистон Республикаси Президенти ҳузуридаги Лойиҳа бошқаруви миллий агентлиги:
а) 2019 йил 1 январга қадар:
қурилиш объектлари конструкциялари ва функциялари хавф-хатар тоифалари бўйича объектларни таснифлаш юзасидан лойиҳа-қидирув ва қурилиш-монтаж ишлари бўйича объектларнинг мураккаблик тоифалари Классификаторини қайта кўриб чиқсин;
лойиҳа ҳужжатлари экспертизадан ўтказувчи, қурилишнинг олиб борилиши устидан техник ва муаллифлик назоратини амалга оширувчи, қурилаётган объектларни текширувчи шахсларнинг малакасига ва уларни сертификатлашга талаблар қўйиш юзасидан таклифлар ишлаб чиқсин ва Ўзбекистон Республикаси Вазирлар Маҳкамасига киритсин;
б) 2020 йил 1 январдан бошлаб лойиҳа-қидирув ва қурилиш-монтаж ишларини бажариш босқичида уй-жой қурилиш объектларини энергия нуқтаи назаридан самарадор ва энергия тежовчи ускуналар билан жиҳозлашга мажбурий талаблар ўрнатилишини назарда тутувчи тартибни 2019 йил 1 мартга қадар Ўзбекистон Республикаси Вазирлар Маҳкамасига киритсин;
в) 2019 йил 1 апрелга қадар лойиҳалаш ва қурилиш соҳасидаги кадрларнинг, шу жумладан, профессор ва ўқитувчиларнинг хорижий мамлакатларда албатта амалиёт ўтказишини ташкил этган ҳолда узлуксиз, шу жумладан, масофавий касбга ўқитиш ва малакасини ошириш учун олий таълим муассасалари ўқув дастурларини ушбу Фармон талабларига мувофиқ кўриб чиқиш юзасидан таклифлар киритсин;
г) 2019 йил 1 майга қадар Ўзбекистон Республикаси Шаҳарсозлик кодексининг янги таҳрирдаги лойиҳасини Ўзбекистон Республикаси Президенти Администрациясига киритсин, кодекснинг ўзида уни тўғридан-тўғри амалга ошириш механизмларини, шу жумладан қуйидагиларни назарда тутсин:
қурилишни давлат томонидан тартибга солишнинг асосий принциплари, функциялари ва органлари, норматив-техник ҳужжатларни жорий этиш ва уларнинг каталогларини юритиш, қурилиш соҳасидаги аккредитация тартиби;
бош режаларни, батафсил жойлашув лойиҳаларини, лойиҳа-смета ҳужжатларини ишлаб чиқиш, қурилиш учун талабномаларни келишиш, пудрат учун давлат шартномасини ишлаб чиқиш ва тузиш тартиби;
лойиҳа ҳужжатларини экспертизадан ўтказиш, қурилиш объектларининг қурилиш инспекциясини амалга ошириш ва фойдаланишга қабул қилиш, шу жумладан, давлат-хусусий шериклик шартлари асосида амалга ошириш тартиби;
лойиҳалаш ва қурилиш соҳасида ишлайдиган архитекторлар ва муҳандислар малакасига талаблар қўйган ва уларнинг жавобгарлик, шу жумладан, моддий жавобгарлик даражасини белгилаган ҳолда қурилиш тармоғини профессионал жиҳатдан тартибга солиш;
ўтиш даври қоидалари, шу жумладан, қурилиш назорати сифатини, конструктив хавфсизликни, жавобгарлик тартибга солинишини ва суғуртани таъминлайдиган, қурилиш фаолияти субъектларининг рақобат муҳити ривожланишини давлат томонидан қўллаб-қувватлайдиган бошқа масалалар;
д) бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар юзасидан Ўзбекистон Республикаси Вазирлар Маҳкамасига таклифлар киритсин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Президенти Администрациясининг раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 14 ноябрь,
ПФ-5577-сон
Oʻzbekiston Respublikasi Prezidentining
Farmoni
Qurilish sohasini davlat tomonidan tartibga solishni takomillashtirish qoʻshimcha chora-tadbirlari toʻgʻrisida
Mamlakatimizda tadbirkorlik subyektlarini qoʻllab-quvvatlashning zamonaviy bozor mexanizmlarini joriy etish, xususiy biznesga katta erkinlik berish, ularning huquqlari va qonuniy manfaatlari kafolatlarini kuchaytirish, xorijiy investitsiyalarni va zamonaviy texnologiyalarni jalb qilish yuzasidan chora-tadbirlar koʻrilmoqda.
Shu bilan birga, qurilish sohasidagi ishlar holatini oʻrganish ushbu sohasida islohotlarni jadal amalga oshirishga va sogʻlom raqobat muhitini rivojlantirishga toʻsqinlik qilayotgan muammolar borligini koʻrsatdi.
Shaharsozlikni texnik tartibga solishning bozor vositalarini joriy etishga yetarlicha eʼtibor berilmayapti, qurilish sohasida katta miqdorda davlat maʼmuriy-boshqaruv va nazorat funksiyalari saqlanib qolmoqda.
Obyektlarni loyihalashtirish va qurishdagi normalashning mavjud koʻrsatma beruvchi usuli innovatsion loyihaviy yechimlar va yangi ilmiy-texnik ishlanmalarni qoʻllashga toʻsqinlik qilmoqda, ichki va xorijiy investitsiyalarni qurilish sohasiga jalb qilishni sekinlashtirmoqda.
Xalqaro savdoning hozirgi globallashuv shartlariga javob beradigan qurilish normalari va qoidalarini ishlab chiqish, qoʻllab-quvvatlash va joriy etish sohasida kadrlarni professional tayyorlash, qayta tayyorlash va ularning malakasini oshirish tizimi mavjud emas.
Qurilish sohasini davlat tomonidan tartibga solishni takomillashtirish, investitsiyalarni jalb qilish uchun qulay shart-sharoitlar yaratish, qurilish tarmogʻi kadrlarini professional tayyorlash, qayta tayyorlash va ularning malakasini oshirish tizimining samaradorligini oshirish maqsadida:
1. Shunday tartib oʻrnatilsinki, unga koʻra:
a) 2018-yil 1-dekabrdan boshlab:
barcha qurilish obyektlari uchun loyihalarning smeta qismini ekspertizadan oʻtkazish majburiydir, qurilishi mulkdorlarning oʻz mablagʻlari, toʻgʻridan-toʻgʻri investitsiyalar, shu jumladan, xorijiy investitsiyalar hisobiga amalga oshiriladigan obyektlar bundan mustasno;
qurilishi tugallangan obyektlarni foydalanishga qabul qilish qurilish sohasidagi nazorat inspeksiyasi, kadastr organlari, buyurtmachi, pudratchi (bosh pudratchi) vakillari ishtirokida amalga oshiriladi, davlat xaridlari subyektlari mablagʻlari hisobiga moliyalashtiriladigan obyektlarni qurish bundan mustasno;
pudrat tashkilotlari va loyiha tashkilotlari oʻrtasida konsorsium tashkil etish hamda konsorsium ishtirokchilari zimmasiga loyihani sifatli va oʻz vaqtida amalga oshirish uchun solidar javobgarlikni yuklash orqali “fast-track” usuli (bir vaqtning oʻzida loyihalashtirish, xarid qilish va qurilish ishlari) bilan “tayyor holda topshirish” shartlari (Engineering Procurement Construction) asosida loyihalarni amalga oshirishga yoʻl qoʻyiladi;
b) 2019-yil 1-yanvardan boshlab:
loyihalash va qurilish faoliyatini amalga oshirish uchun Iqtisodiy hamkorlik va rivojlanish tashkilotiga aʼzo davlatlarning vakolatli organlari, tashkilotlari, jamiyatlari va birlashmalari tomonidan berilgan sertifikatlar va boshqa ruxsat beruvchi hujjatlar (litsenziyalar) tan olinadi;
qurilish uchun yer uchastkalarining oʻz vaqtida va toʻgʻri ajratilishi hamda qurilish-montaj ishlari tasdiqlangan bosh rejaga yoki yer uchastkalarini joylashtirish sxemalariga (bosh reja mavjud boʻlmaganda) bogʻlamasdan amalga oshirilishi uchun tegishli hokimlarning shaxsiy javobgarligi belgilanadi;
qurilish uchun yer uchastkalari oʻz vaqtida ajratilmasligi yoki notoʻgʻri ajratilishi natijasida yuzaga kelgan xarajatlar mahalliy budjetlar mablagʻlari hisobidan, keyinchalik aybdor shaxslardan regress tartibida undirish orqali qoplanadi;
milliy qurilish normalari va qoidalarini qayta koʻrib chiqishda, shuningdek qurilishga oid xorijiy normativ-texnik hujjatlarni moslashtirishda mulkchilik shaklidan qatʼi nazar milliy va xorijiy yuridik shaxslar, jamoat va xalqaro tashkilotlar, shuningdek shu sohaga ixtisoslashgan ilmiy-tadqiqot muassasalari ishtirok etishga haqli;
Oʻzbekiston Respublikasi Qurilish va uy-joy kommunal xoʻjaligi vazirligi milliy qurilish normalari va qoidalarini ishlab chiqish hamda takomillashtirish, shuningdek qurilishga oid xorijiy normativ-texnik hujjatlarni moslashtirish va ularni amaliyotga joriy etish boʻyicha ishlarning buyurtmachisi hisoblanadi;
qurilish normalari va qoidalari har tomonlama ekspertizadan oʻtkazish natijalari asosida Qurilish va uy-joy kommunal xoʻjaligi vazirligining qarori bilan tasdiqlanadi;
belgilangan tartibda tasdiqlangan qurilish standartlari, texnik reglamentlar, qurilish normalari va qoidalarining yagona katalogini yuritish, rasmiy veb-saytida eʼlon qilish va yangilab borish orqali katalogdan bemalol foydalanishni taʼminlash “Oʻzstandart” agentligiga yuklanadi;
v) 2019-yil 1-martdan boshlab:
obyektlarni qurishning barcha bosqichlarida mualliflik va texnik nazorat majburiydir hamda tegishli ravishda loyiha muallifi va buyurtmachi tomonidan yoki sertifikatga ega ekspert jalb qilish yoʻli bilan amalga oshiriladi.
qurilayotgan obyektlar ustidan mualliflik nazorati, texnik nazorat va tekshiruv faqat belgilangan tartibda sertifikat olgan mutaxassislar tomonidan amalga oshiriladi;
g) 2020-yil 1-yanvardan boshlab uy-joy qurilishi obyektlari loyiha-tadqiqot va qurilish-montaj ishlarini bajarish bosqichida energiya-samarador va energiya-tejamkor uskunalar bilan majburiy ravishda jihozlanishi, shuningdek, ular foydalanishga qabul qilinishidan avval energetik audit pasportini olishi kerak, BREEAM (binolar samaradorligini ekologik baholash usuli) va LEED (energiya-samarador va ekologik loyihalashtirish boʻyicha qoʻllanma) xalqaro standartlari boʻyicha sertifikatga ega obyektlar bundan mustasno;
2. Adliya vazirligi, Qurilish va uy-joy kommunal xoʻjaligi vazirligi hamda Oʻzbekiston Respublikasi Istiqbolli loyihalar milliy agentligining qurilish sohasini texnik tartibga solishning normativ bazasini isloh qilish toʻgʻrisidagi quyidagilarni nazarda tutuvchi takliflariga rozilik berilsin:
tayyorgarlik davri (2019 — 2021-yillar) — Oʻzbekiston Respublikasining geologik, tabiiy-iqlim, seysmologik va boshqa xususiyatlarini inobatga olgan holda amaldagi milliy qurilish normalarini qayta koʻrib chiqish, shuningdek, qurilishga oid xorijiy normativ-texnik hujjatlarni moslashtirish;
oʻtish davri (2022 — 2026-yillar) — milliy qurilish normalari va qoidalariga moslashtirilgan qurilishga oid xorijiy normativ-texnik hujjatlarni amaliyotga joriy etish, qurilish sohasiga innovatsiyalar joriy etish, yangi texnologiyalar, materiallar, buyumlar va konstruksiyalarni oʻzlashtirish yuzasidan kompleks chora-tadbirlarni amalga oshirish;
yakuniy davr (2027-2028-yillar) — milliy va moslashtirilgan xorijiy qurilish normalari hamda qoidalarini qoʻllash tajribasini umumlashtirish asosida qurilish sohasini texnik tartibga solishning yagona normativ bazasini yaratish.
3. Moliya vazirligi har yili Oʻzbekiston Respublikasi Davlat budjetini shakllantirishda jadval boʻyicha ishlarni moliyalashtirish uchun zarur ajratmalarni nazarda tutsin.
Oʻzbekiston Respublikasi Hisob palatasi Adliya vazirligi va Bosh prokuratura bilan hamkorlikda jadvalning ijrosi ustidan qatʼiy nazorat oʻrnatsin.
Quyidagilarga shaxsiy javobgarlik yuklansin:
Oʻzbekiston Respublikasi Bosh vazirining oʻrinbosari A.J. Ramatovga — qurilish sohasiga zamonaviy bozor mexanizmlari va xalqaro standartlarni, ilgʻor texnologiyalar va nou-xauni joriy etish, shuningdek, tarmoqdagi kadrlarni tayyorlash, qayta tayyorlash va malakasini oshirishning innovatsion metodologik dasturlarini ishlab chiqish uchun;
Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosariga — milliy qurilish normalari va qoidalarini qayta koʻrib chiqish uchun xalqaro moliya institutlari, hukumat va nohukumat tashkilotlar mablagʻlarini jalb qilish, shuningdek, xorijiy normativ-texnik standartlarni moslashtirish uchun.
4. Oʻzbekiston Respublikasi Prezidentining “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida” 2018-yil 2-avgustdagi PQ-3895-son qarori 9-bandi “a” kichik bandining uchinchi xatboshisi :
“Business city” markazlarini va “Tashkent city” xalqaro ishbilarmonlar markazini qurish loyihalarini amalga oshirish doirasida investorlarga;
“Business city” markazlarini va “Tashkent city” xalqaro ishbilarmonlar markazini “fast-track” usuli (bir vaqtning oʻzida loyihalashtirish, xarid qilish va qurilish ishlari) bilan “tayyor holda topshirish” shartlari (Engineering Procurement Construction) asosida qurish boʻyicha loyihalarni amalga oshirishga jalb qilinadigan, shu jumladan, xorijiy pudratchilarga tatbiq etilsin.
5. Oʻzbekiston Respublikasi Qurilish vazirligi:
a) 2018-yil 20-dekabrga qadar:
Tashqi ishlar vazirligi, “Oʻzstandart” agentligi va Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda Oʻzbekiston Respublikasi hududida qurilishga oid xorijiy normativ-texnik hujjatlarni qabul qilish va moslashtirish uchun vakolatli xorijiy organlar va tashkilotlarning rasmiy ruxsatini olishni taʼminlasin;
Oʻzbekiston Respublikasi Oliy va oʻrta maxsus taʼlim vazirligi, Oʻzbekiston muhandislar-konsultantlar uyushmasi va Oʻzbekiston arxitektorlar ittifoqi bilan birgalikda loyihalash va qurilish sohasidagi mutaxassislar malakasini oshirish dasturini ishlab chiqsin;
“Oʻzstandart” agentligi va “Oʻzqurilishmateriallari” AJ bilan birgalikda “Oʻzqurilishmateriallari” AJ faoliyatini hamda qurilish materiallari va buyumlari sohasidagi standartlashtirish va sertifikatlashning amaldagi tizimini tubdan takomillashtirish yuzasidan Oʻzbekiston Respublikasi Vazirlar Mahkamasiga takliflar kiritsin;
b) 2019-yil 1-martga qadar manfaatdor vazirlik va idoralar bilan birgalikda Vazirlar Mahkamasiga quyidagilar boʻyicha takliflar kiritsin:
xorijiy kompaniyalarni jalb qilgan holda zamonaviy xalqaro talablar va standartlarga javob beradigan hamda Oʻzbekiston Respublikasida ishlab chiqarilmaydigan va mamlakat hududiga ilk marotaba olib kirilayotgan qurilish uskunasi, texnikasi, materiallari va buyumlarini sertifikatsiya qiluvchi Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Akkreditatsiya markazi tomonidan belgilangan tartibda akkreditatsiya qilingan sinov laboratoriyalarini tashkil etish;
davlat organlarining idoraviy obyektlarni qurish, rekonstruksiya qilish, kapital va joriy taʼmirlash boʻyicha buyurtmachi funksiyalarini bajaruvchi tarkibiy boʻlinmalarini tashkil etish;
loyihalash institutlari faoliyati samaradorligini oshirish, shu jumladan loyiha-tadqiqot ishlarini moliyalashtirish mexanizmlari va loyihaviy hujjatlarni ishlab chiqish muddatlarini belgilashni takomillashtirish;
hisoblangan qiymati tasdiqlangan loyiha-smeta hujjatlariga nisbatan oshib ketgan qurilish obyektlarini moliyalashtirish tartibini aniqlash;
mamlakatning har bir hududida yirik ixtisoslashtirilgan qurilish-pudrat tashkilotlarining faoliyatini tashkil etish.
6. Investitsiyalar, sanoat va savdo vazirligi, Tashqi ishlar vazirligi va Oʻzbekiston Respublikasi Istiqbolli loyihalar milliy agentligi amaldagi milliy qurilish normalari va qoidalarini qayta koʻrib chiqish, qurilishga oid xorijiy normativ-texnik hujjatlarni moslashtirish va amaliyotga joriy etish boʻyicha ishlarni moliyalashtirish uchun xalqaro moliya institutlari, xorijiy hukumat va nohukumat tashkilotlar va donorlarning mablagʻlarini jalb qilishda Oʻzbekiston Respublikasi Qurilish va uy-joy kommunal xoʻjaligi vazirligiga koʻmaklashsin.
8. Oʻzbekiston Respublikasi Bosh prokuraturasi Qurilish vazirligi va Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda ikki oy muddatda qurilish sohasini nazorat qiluvchi inspeksiyalar faoliyatining samaradorligini oshirish, shu jumladan, moddiy-texnik bazasini mustahkamlash hamda ularning xodimlarini ijtimoiy himoya qilish va moddiy ragʻbatlantirishni kuchaytirish yuzasidan takliflar kiritsin.
9. Qurilish vazirligi, Oʻzbekiston Respublikasi Prezidenti huzuridagi Loyiha boshqaruvi milliy agentligi:
a) 2019-yil 1-yanvarga qadar:
qurilish obyektlari konstruksiyalari va funksiyalari xavf-xatar toifalari boʻyicha obyektlarni tasniflash yuzasidan loyiha-qidiruv va qurilish-montaj ishlari boʻyicha obyektlarning murakkablik toifalari Klassifikatorini qayta koʻrib chiqsin;
loyiha hujjatlari ekspertizadan oʻtkazuvchi, qurilishning olib borilishi ustidan texnik va mualliflik nazoratini amalga oshiruvchi, qurilayotgan obyektlarni tekshiruvchi shaxslarning malakasiga va ularni sertifikatlashga talablar qoʻyish yuzasidan takliflar ishlab chiqsin va Oʻzbekiston Respublikasi Vazirlar Mahkamasiga kiritsin;
b) 2020-yil 1-yanvardan boshlab loyiha-qidiruv va qurilish-montaj ishlarini bajarish bosqichida uy-joy qurilish obyektlarini energiya nuqtai nazaridan samarador va energiya tejovchi uskunalar bilan jihozlashga majburiy talablar oʻrnatilishini nazarda tutuvchi tartibni 2019-yil 1-martga qadar Oʻzbekiston Respublikasi Vazirlar Mahkamasiga kiritsin;
v) 2019-yil 1-aprelga qadar loyihalash va qurilish sohasidagi kadrlarning, shu jumladan, professor va oʻqituvchilarning xorijiy mamlakatlarda albatta amaliyot oʻtkazishini tashkil etgan holda uzluksiz, shu jumladan, masofaviy kasbga oʻqitish va malakasini oshirish uchun oliy taʼlim muassasalari oʻquv dasturlarini ushbu Farmon talablariga muvofiq koʻrib chiqish yuzasidan takliflar kiritsin;
g) 2019-yil 1-mayga qadar Oʻzbekiston Respublikasi Shaharsozlik kodeksining yangi tahrirdagi loyihasini Oʻzbekiston Respublikasi Prezidenti Administratsiyasiga kiritsin, kodeksning oʻzida uni toʻgʻridan-toʻgʻri amalga oshirish mexanizmlarini, shu jumladan quyidagilarni nazarda tutsin:
qurilishni davlat tomonidan tartibga solishning asosiy prinsiplari, funksiyalari va organlari, normativ-texnik hujjatlarni joriy etish va ularning kataloglarini yuritish, qurilish sohasidagi akkreditatsiya tartibi;
bosh rejalarni, batafsil joylashuv loyihalarini, loyiha-smeta hujjatlarini ishlab chiqish, qurilish uchun talabnomalarni kelishish, pudrat uchun davlat shartnomasini ishlab chiqish va tuzish tartibi;
loyiha hujjatlarini ekspertizadan oʻtkazish, qurilish obyektlarining qurilish inspeksiyasini amalga oshirish va foydalanishga qabul qilish, shu jumladan, davlat-xususiy sheriklik shartlari asosida amalga oshirish tartibi;
loyihalash va qurilish sohasida ishlaydigan arxitektorlar va muhandislar malakasiga talablar qoʻygan va ularning javobgarlik, shu jumladan, moddiy javobgarlik darajasini belgilagan holda qurilish tarmogʻini professional jihatdan tartibga solish;
oʻtish davri qoidalari, shu jumladan, qurilish nazorati sifatini, konstruktiv xavfsizlikni, javobgarlik tartibga solinishini va sugʻurtani taʼminlaydigan, qurilish faoliyati subyektlarining raqobat muhiti rivojlanishini davlat tomonidan qoʻllab-quvvatlaydigan boshqa masalalar;
d) bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar yuzasidan Oʻzbekiston Respublikasi Vazirlar Mahkamasiga takliflar kiritsin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Prezidenti Administratsiyasining rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 14-noyabr,
PF-5577-son
Президента Республики Узбекистан
Указ
О дополнительных мерах по совершенствованию государственного регулирования в сфере строительства
В стране принимаются меры по внедрению современных рыночных механизмов поддержки субъектов предпринимательства, предоставлению большей свободы частному бизнесу, усилению гарантий их прав и законных интересов, привлечению иностранных инвестиций и современных технологий.
Вместе с тем, изучение состояния дел в сфере строительства показало наличие проблем, препятствующих ускоренному осуществлению реформ и развитию здоровой конкурентной среды в данной сфере.
Не уделяется достаточного внимания внедрению передовых рыночных инструментов технического регулирования градостроительной деятельности, сохраняется достаточно большое количество государственных административно-распорядительных и контрольно-надзорных функций в области строительства.
Существующий предписывающий метод нормирования в проектировании и строительстве объектов препятствует применению инновационных проектных решений и новых научно-технических разработок, сдерживает привлечение отечественных и зарубежных инвестиций в строительную сферу.
Отсутствует система профессионального образования, переподготовки и повышения квалификации кадров в области разработки, поддержания и внедрения строительных норм и правил, отвечающих современным условиям глобализации международной торговли.
В целях совершенствования государственного регулирования в сфере строительства, создания благоприятных условий для привлечения инвестиций, повышения эффективности системы профессионального образования, переподготовки и повышения квалификации кадров строительной отрасли:
1. Установить порядок, в соответствии с которым:
а) с 1 декабря 2018 года:
экспертиза сметной части проектов строительства является обязательной для всех объектов строительства, за исключением объектов, строительство которых осуществляется за счет собственных средств владельцев, прямых инвестиций, в том числе иностранных;
приемка в эксплуатацию завершенных строительством объектов осуществляется с участием инспекции по контролю в сфере строительства, органов кадастра, представителей заказчика, подрядчика (генерального подрядчика), за исключением строительства объектов, финансируемых за счет средств субъектов государственных закупок;
допускается реализация проектов на условиях «под ключ» (Engineering Procurement Construction) методом «fast-track» (одновременное проектирование, закупка и строительные работы) путем создания консорциума между подрядными и проектными организациями при условии возложения на участников консорциума солидарной ответственности за качественную и своевременную реализацию проекта;
б) с 1 января 2019 года:
признаются сертификаты и другие разрешительные документы (лицензии) на осуществление проектной и строительной деятельности, выданные уполномоченными органами, организациями, обществами и объединениями стран-членов Организации экономического сотрудничества и развития;
устанавливается персональная ответственность соответствующих хокимов за своевременное и правильное выделение земельных участков для строительства, а также за производство строительно-монтажных работ без привязки к утвержденным генеральным планам районов (городов) или схемам размещения земельных участков (при отсутствии генеральных планов);
расходы, понесенные в результате несвоевременного или неправильного выделения земельных участков для строительства, подлежат возмещению за счет средств местных бюджетов с последующим взысканием с виновного лица в регрессном порядке;
в пересмотре национальных строительных норм и правил, а также адаптации зарубежных строительных нормативно-технических документов вправе участвовать национальные и зарубежные юридические лица, общественные и международные организации, а также профильные научно-исследовательские учреждения, независимо от формы собственности;
заказчиком работ по разработке и совершенствованию национальных строительных норм и правил, а также адаптации зарубежных строительных нормативно-технических документов и их внедрению в практику выступает Министерство строительства и жилищно-коммунального хозяйства Республики Узбекистан;
строительные нормы и правила утверждаются решением Министерства строительства и жилищно-коммунального хозяйства на основе результатов проведения всесторонней экспертизы;
ведение единого каталога утвержденных в установленном порядке строительных стандартов, технических регламентов, строительных норм и правил, обеспечение к нему свободного доступа путем публикации на официальном веб-сайте и постоянного обновления возлагается на Агентство «Узстандарт»;
в) с 1 марта 2019 года:
авторский и технический надзор является обязательным на всех этапах строительства объектов и осуществляется со стороны автора проекта и заказчика, соответственно, или путем привлечения сертифицированных специалистов;
авторский надзор, технический надзор и строительную инспекцию объектов строительства осуществляют только специалисты, сертифицированные в установленном порядке;
г) с 1 января 2020 года объекты жилищного строительства в обязательном порядке подлежат оснащению энергоэффективным и энергосберегающим оборудованием на этапе выполнения проектно-изыскательских и строительно-монтажных работ, а также должны получить паспорт энергетического аудита до приемки их в эксплуатацию, за исключением объектов, имеющих сертификат по международным стандартам BREEAM (метод экологической оценки эффективности зданий) и LEED (руководство по энергоэффективному и экологическому проектированию).
2. Согласиться с предложениями Министерства юстиции, Министерства строительства и жилищно-коммунального хозяйства и Национального агентства перспективных проектов Республики Узбекистан о реформировании нормативной базы технического регулирования строительной сферы, предусматривающее:
подготовительный период (2019 — 2021 гг.) — пересмотр действующих национальных строительных норм и правил, а также адаптацию зарубежных строительных нормативно-технических документов с учетом геологических, природно-климатических, сейсмологических и других особенностей Республики Узбекистан;
переходный период (2022 — 2026 гг.) — введение в практику адаптированных зарубежных строительных нормативно-технических документов наряду с национальными строительными нормами и правилами, проведение комплекса мер по внедрению инноваций в строительную отрасль, освоению новых технологий, материалов, изделий и конструкций;
завершающий период (2027-2028 гг.) — создание единой нормативной базы технического регулирования строительной отрасли на основе обобщения опыта применения национальных и адаптированных зарубежных строительных норм и правил.
3. Министерству финансов ежегодно при формировании Государственного бюджета Республики Узбекистан предусматривать необходимые ассигнования для финансирования работ по графику.
Счетной палате совместно с Министерством юстиции и Генеральной прокуратурой Республики Узбекистан установить жесткий контроль за исполнением графика.
Возложить персональную ответственность на:
заместителя Премьер-министра Республики Узбекистан А.Ж. Раматова — за внедрение современных рыночных механизмов и международных стандартов, передовых технологий и ноу-хау в строительную отрасль, а также разработку инновационных методологических программ профессионального образования, переподготовки и повышения квалификации кадров отрасли;
заместителя Премьер-министра по вопросам инвестиций и внешнеэкономических связей — за привлечение средств международных финансовых институтов, правительственных и неправительственных организаций для пересмотра национальных строительных норм и правил, а также адаптацию зарубежных нормативно-технических стандартов.
4. Распространить действие абзаца третьего подпункта «а» пункта 9 постановления Президента Республики Узбекистан от 2 августа 2018 года № ПП-3895 «О мерах по созданию современных деловых центров «Business city» на территориях республики» на:
инвесторов — в рамках реализации проектов по строительству центров «Business city» и Международного делового центра «Tashkent city»;
подрядчиков, в том числе иностранных, привлекаемых к реализации проектов по строительству центров «Business city» и Международного делового центра «Tashkent city» на условиях «под ключ» (Engineering Procurement Construction) методом «fast-track» (одновременное проектирование, закупка и строительные работы).
5. Министерству строительства Республики Узбекистан:
а) в срок до 20 декабря 2018 года совместно с:
Министерством иностранных дел, Агентством «Узстандарт» и Национальным агентством проектного управления при Президенте Республики Узбекистан обеспечить получение официального разрешения уполномоченных зарубежных органов и организаций на принятие и адаптацию зарубежных строительных нормативно-технических документов на территории Республики Узбекистан;
Министерством высшего и среднего специального образования Республики Узбекистан, Ассоциацией инженеров-консультантов Узбекистана и Союзом архитекторов Узбекистана разработать программу повышения квалификации специалистов в области проектирования и строительства;
Агентством «Узстандарт» и АО «Узстройматериалы» внести в Кабинет Министров Республики Узбекистан предложения по коренному совершенствованию деятельности АО «Узстройматериалы» и действующей системы стандартизации и сертификации в сфере строительных материалов и изделий;
б) в срок до 1 марта 2019 года совместно с заинтересованными министерствами и ведомствами внести в Кабинет Министров предложения по:
созданию с привлечением зарубежных компаний испытательных лабораторий, аккредитованных в установленном порядке Центром по аккредитации при Национальном агентстве проектного управления при Президенте Республики Узбекистан, отвечающих современным международным требованиям и стандартам и осуществляющим сертификацию строительного оборудования, техники, материалов и изделий, не производимых в Республике Узбекистан и впервые ввозимых на территорию страны;
созданию структурных подразделений государственных органов, осуществляющих функции заказчика по строительству, реконструкции, капитальному и текущему ремонту ведомственных объектов;
повышению эффективности деятельности проектных институтов, предусматривающему в том числе совершенствование механизмов финансирования проектно-изыскательских работ и установление сроков разработки проектной документации;
определению порядка финансирования объектов строительства, расчетная стоимость которых превышена по отношению к утвержденной проектно-сметной документации;
организации деятельности крупных специализированных строительно-подрядных организаций в каждом регионе страны.
6. Министерству инвестиций, промышленности и торговли, Министерству иностранных дел и Национальному агентству перспективных проектов Республики Узбекистан оказать содействие Министерству строительства и жилищно-коммунального хозяйства Республики Узбекистан в привлечении средств международных финансовых институтов, иностранных правительственных и неправительственных организаций и доноров для финансирования работ по пересмотру действующих национальных строительных норм и правил, а также адаптации зарубежных строительных нормативно-технических документов и их внедрению в практику.
8. Генеральной прокуратуре совместно с Министерством строительства и Национальным агентством проектного управления при Президенте Республики Узбекистан в двухмесячный срок внести предложения по повышению эффективности деятельности инспекций по контролю в сфере строительства, в том числе укреплению материально-технической базы и повышению социальной защиты и материального стимулирования их работников.
9. Министерству строительства, Национальному агентству проектного управления при Президенте Республики Узбекистан:
а) в срок до 1 января 2019 года:
пересмотреть Классификатор категорий сложности объектов по проектно-изыскательским и строительно-монтажным работам на предмет классификации объектов по категориям рисков конструкций и функций объектов строительства;
разработать и внести в Кабинет Министров Республики Узбекистан предложения по установлению требований к квалификации и сертификации лиц, осуществляющих экспертизу проектной документации, технический и авторский надзор за ходом строительства, строительную инспекцию объектов строительства;
б) в срок до 1 марта 2019 года внести в Кабинет Министров Республики Узбекистан порядок, предусматривающий установление с 1 января 2020 года обязательных требований к оснащению объектов жилищного строительства энергоэффективным и энергосберегающим оборудованием на этапе выполнения проектно-изыскательских и строительно-монтажных работ;
в) в срок до 1 апреля 2019 года внести предложения по пересмотру учебных программ высших образовательных учреждений в соответствии с требованиями настоящего Указа для непрерывного, в том числе дистанционного, профессионального обучения и повышения квалификации кадров в сфере проектирования и строительства с обязательным прохождением стажировки в зарубежных странах, в том числе профессорско-преподавательского состава;
г) в срок до 1 мая 2019 года внести в Администрацию Президента Республики Узбекистан проект Градостроительного кодекса Республики Узбекистан в новой редакции, предусмотрев в самом кодексе прямые механизмы его реализации, в том числе:
основные принципы, функции и органы государственного регулирования строительства, порядок внедрения нормативно-технических документов и ведения их каталогов, аккредитации в сфере строительства;
порядок разработки генеральных планов, проектов детальной планировки, проектно-сметной документации, согласования заявок на застройку, разработки и заключения государственного договора на подряд;
порядок проведения экспертизы проектной документации, осуществления строительной инспекции объектов строительства и приемки в эксплуатацию, в том числе на условиях государственного-частного партнерства;
профессиональное регулирование строительной отрасли с установлением требований к квалификации архитекторов и инженеров, работающих в сфере проектирования и строительства, с определением степени их ответственности, в том числе материальной;
положения переходного периода и иные вопросы, обеспечивающие в том числе качество строительного контроля, конструктивную безопасность, регулирование ответственности и страхование, государственную поддержку развития конкурентной среды субъектов строительной деятельности;
д) в месячный срок внести в Кабинет Министров Республики Узбекистан предложения по изменениям и дополнениям в законодательство, вытекающим из настоящего Указа.
10. Контроль за исполнением настоящего Указа возложить на Премьер-министра Республики Узбекистан А.Н. Арипова, первого заместителя Премьер-министра Республики Узбекистан А.Ж. Раматова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
14 ноября 2018 г.,
№ УП-5577