📅 2018-yil 20-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 ноября 2018 г. · Постановления Президента
Официальный текст. Официальный документ. Редакционные примечания не включены.
📅 20 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
схемаси
графиги
Қишлоқ хўжалигини ривожлантириш халқаро жамғармаси иштирокида «Қишлоқ хўжалигини диверсификация ва модернизация қилиш» лойиҳасини амалга ошириш чора-тадбирлари тўғрисида
Қишлоқ хўжалиги маҳсулотлари ишлаб чиқаришни диверсификация қилиш, деҳқон ва фермер хўжаликларини қўшилган қиймат яратишнинг замонавий занжирларига самарали интеграциялаш ва уларнинг молиявий барқарорлигини ошириш ҳамда Қишлоқ хўжалигини ривожлантириш халқаро жамғармаси билан ҳамкорликни янада кенгайтириш мақсадида:
1. Маълумот учун қабул қилинсинки:
Қишлоқ хўжалигини ривожлантириш халқаро жамғармасининг директорлар кенгаши томонидан Ўзбекистон Республикасига «Қишлоқ хўжалигини диверсификация ва модернизация қилиш» лойиҳасини (кейинги ўринларда — Лойиҳа) молиялаштириш учун 25 йилга 5 йиллик имтиёзли давр билан 46,2 млн. АҚШ доллари миқдоридаги кредит, шунингдек, 300,0 минг АҚШ доллари миқдоридаги грант маблағлари берилиши маъқулланди;
Лойиҳанинг умумий қиймати 84,78 млн. АҚШ доллари эквивалентини, шундан, Ўзбекистон Республикасининг Лойиҳани амалга оширишдаги улуши — 38,28 млн. АҚШ долларини, шу жумладан, солиқ ва божхона тўловлари бўйича имтиёзлар бериш, инвестиция даврида молиявий харажатларни тўлаш ва бошқа сарф-харажатларни молиялаштириш шаклидаги улуш — 15,76 млн. АҚШ доллари эквивалентини, Лойиҳада иштирок этаётган тижорат банкларнинг улуши — 11,28 млн. АҚШ долларини, шунингдек, Лойиҳа иштирокчилари (бенефициарлари) улуши — 11,24 млн. АҚШ доллари эквивалентини ташкил этади;
Лойиҳани амалга ошириш даври 7 йил (2019 — 2025 йиллар) этиб белгиланди.
2. Белгилансинки:
Лойиҳа Андижон, Наманган ва Фарғона вилоятларида амалга оширилади;
Ўзбекистон Республикаси Қишлоқ хўжалиги вазирлиги Лойиҳанинг ўз вақтида ва тўлиқ амалга оширилиши, уни мувофиқлаштириш ва бошқариш, шунингдек, Лойиҳани амалга ошириш даврида мониторинг ва ҳисоботни юритиш учун масъул ижро этувчи орган ҳисобланади.
3. Қуйидагилар:
«Қишлоқ хўжалигини диверсификация ва модернизация қилиш» лойиҳаси бўйича Қишлоқ хўжалигини ривожлантириш халқаро жамғармаси кредитидан фойдаланиш схемаси 2-иловага мувофиқ;
«Қишлоқ хўжалигини диверсификация ва модернизация қилиш» лойиҳаси доирасида Қишлоқ хўжалигини ривожлантириш халқаро жамғармаси кредитини сўндириш, фоиз ва комиссия тўловларини амалга ошириш прогноз графиги 3-иловага мувофиқ тасдиқлансин.
4. Ўзбекистон Республикаси Қишлоқ хўжалиги вазирлиги Молия вазирлиги ва Марказий банк билан биргаликда бир ой муддатда Лойиҳа доирасида бериладиган кредитни қайта молиялашнинг муддатлари ва шартлари, сублойиҳаларни танлаш ва уларни баҳолаш мезонларини кўрсатган ҳолда Қишлоқ хўжалигини ривожлантириш халқаро жамғармасининг кредитидан фойдаланиш ва кафолатини таъминлаш тартиби тўғрисидаги Низомни тасдиқласин.
5. Ўзбекистон Республикаси Қишлоқ хўжалиги вазирлигининг бош директори (Ш.Ш. Шоаҳмедов), Андижон (Ш.К. Абдураҳмонов), Фарғона (Ш.М. Ғаниев) ва Наманган (Х.Х. Бозаров) вилоятлари ҳокимлари зиммасига Лойиҳа доирасидаги тадбирларни самарали амалга ошириш учун керакли шарт-шароитларни таъминлаш, Қишлоқ хўжалигини ривожлантириш халқаро жамғармаси ва Ўзбекистон Республикаси қонунчилиги талаблари ва тартиб-таомилларига мувофиқ зарур ҳисоботлар ва ҳужжатларнинг ўз вақтида тайёрланиши ҳамда тақдим этилишини ташкил қилиш юзасидан шахсий жавобгарлик юклансин.
6. Ўзбекистон Республикаси молия вазирига Ўзбекистон Республикаси номидан қуйидагиларни имзолаш ваколати берилсин:
Қишлоқ хўжалигини ривожлантириш халқаро жамғармаси билан молиялаштириш тўғрисидаги битимни;
Ўзбекистон Республикаси Қишлоқ хўжалиги вазирлиги ҳамда Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси билан Қишлоқ хўжалигини ривожлантириш халқаро жамғармасининг кредит маблағларини қайтариш кафолатини таъминлаш бўйича битимни;
Ўзбекистон Республикаси Қишлоқ хўжалиги вазирлиги ҳамда Лойиҳада иштирок этувчи Ўзбекистон Республикасининг тижорат банклари билан Қишлоқ хўжалигини ривожлантириш халқаро жамғармасининг кредит маблағларини қайта кредитлаш битимларини.
7. Ўзбекистон Республикаси Адлия вазирлиги Лойиҳа доирасида Ўзбекистон Республикаси билан Қишлоқ хўжалигини ривожлантириш халқаро жамғармаси ўртасидаги молиялаштириш битими юзасидан ўрнатилган тартибда юридик хулоса берсин.
8. Ўзбекистон Республикаси Инвестициялар ва ташқи савдо вазирлиги Лойиҳа доирасида консультация хизматлари учун мўлжалланган маблағларни «Тараққиёт стратегияси» маркази томонидан экспертлар жалб қилинишига йўналтирсин.
9. Қуйидагилар:
Лойиҳани амалга ошириш доирасида Қишлоқ хўжалигини ривожлантириш халқаро жамғармасининг кредити ҳисобидан харид қилинадиган товарлар (ишлар, хизматлар) ва транспорт воситалари божхона тўловларидан (божхона расмийлаштируви учун йиғимларидан ташқари), қўшилган қиймат солиғидан, давлат мақсадли жамғармаларига мажбурий ажратмалар ва йиғимлардан;
Лойиҳани амалга оширишда иштирок этаётган жисмоний шахслар — Ўзбекистон Республикаси норезидентлари даромадлари жисмоний шахсларнинг даромадларидан олинадиган солиқдан озод қилинсин.
Белгилансинки:
мазкур бандда берилган имтиёзларнинг амал қилиши Лойиҳа доирасида қайта молиялаштирилган маблағлар ҳисобидан фермер хўжаликлари ва қишлоқ хўжалиги ташкилотлари томонидан харид қилинадиган товарлар (ишлар, хизматлар)га ҳам жорий этилади;
ушбу бандда кўрсатилган имтиёзлар натижасида бўшаган маблағлар Ўзбекистон Республикасининг Лойиҳани амалга оширишдаги улуши деб ҳисобланади.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари С.Р. Холмуродов, Ж.А. Қўчқоров ва Ўзбекистон Республикаси Президенти маслаҳатчисининг ўринбосари Г.К. Саидова зиммасига юклансин.
Ўзбекистон Республикаси Президентининг 2018 йил 20 ноябрдаги ПҚ-4021-сон қарорига 2-ИЛОВА
«Қишлоқ хўжалигини диверсификация ва модернизация қилиш» лойиҳаси бўйича Қишлоқ хўжалигини ривожлантириш халқаро жамғармаси кредитидан фойдаланиш
минг АҚШ долларида Компонентлар номи Қарз суммаси Қарзнинг қайтарилиши: Қарзни тўлаш усули давлат бюджетидан лойиҳа иштирокчилари томонидан сумма % сумма % сумма % 1-компонент 1. Қўшилган қийматнинг инклюзив (камдаромадлиларни жалб қилган ҳолда) занжирини ривожлантириш 1.1.-субкомпонент. Қўшимча қиймат занжири учун бизнес-муҳит яратиш 52 0,1 52 100 - - Хизмат кўрсатиш Давлат бюджети маблағлари ҳисобидан амалга оширилади 1.2-субкомпонент. Қўшимча қиймат занжири иштирокчиларининг салоҳиятини мустаҳкамлаш 3 893 8,4 3 893 100 - - 2-компонент. Қишлоқ хўжалигида инклюзив молиялаштириш 2.1-субкомпонент. Қишлоқ хўжалигида кафилликни таъминлаш 1 000 2,2 1 000 100 - - Хизмат кўрсатиш Давлат бюджети маблағлари ҳисобидан амалга оширилади 2.2-субкомпонент. Қишлоқ хўжалигини диверсификация ва модернизация қилиш учун кредит линияси 33 710 73,0 - - 33 710 100 Хизмат кўрсатиш иштирок этувчи тижорат банклари ҳисобидан амалга оширилади 2.3-субкомпонент. Ёшлар учун кредит линияси 5 000 10,8 - - 5 000 100 3-компенент. Иқлим шароитига мос барқарор қишлоқ хўжалиги инфратузилмаси 3.1 -субкомпонент. Ирригация тизимларини модернизация қилиш 1 106 2,4 1 106 100 - - Хизмат кўрсатиш Давлат бюджети маблағлари ҳисобидан амалга оширилади 3.2-субкомпонент. Модернизация қилинган ирригация тизимлари бўйича СФУни салоҳиятини ошириш 36 0,1 36 100 - - 4-компонент. Лойиҳани бошқариш Лойиҳани бошқариш, мониторинг ва ҳисоботни юритиш 1 403 3,0 1 403 100 - - Хизмат кўрсатиш Давлат бюджети маблағлари ҳисобидан амалга оширилади Жами 46 200 100,0 7 490 16,2 38 710 83,8
Ўзбекистон Республикаси Президентининг 2018 йил 20 ноябрдаги ПҚ-4021-сон қарорига 3-ИЛОВА
«Қишлоқ хўжалигини диверсификация ва модернизация қилиш» лойиҳаси бўйича Қишлоқ хўжалигини ривожлантириш халқаро жамғармаси кредит маблағларини сўндириш, комиссия ва фоиз тўловларини амалга ошириш прогноз
Кредит муддати, йил 25 Имтиёзли муддат, йил 5 Фоиз ставкаси 1,25% Хизмат кўрсатганлик учун комиссия 0,75% АҚШ долларида Тўлов санаси Фоиз ва комиссия тўловлари суммаси Асосий қарз бўйича тўловлар суммаси Жами тўланадиган сумма 2018 йил 15 ноябрь - - 2019 йил 15 май 6 890 6 890 2019 йил 15 ноябрь 84 290 84 290 2020 йил 15 май 161 690 161 690 2020 йил 15 ноябрь 250 130 250 130 2021 йил 15 май 338 560 338 560 2021 йил 15 ноябрь 382 420 382 420 2022 йил 15 май 426 270 426 270 2022 йил 15 ноябрь 444 140 444 140 2023 йил 15 май 462 000 1 155 000 1 617 000 2023 йил 15 ноябрь 462 000 1 155 000 1 617 000 2024 йил 15 май 450 450 1 155 000 1 605 450 2024 йил 15 ноябрь 438 900 1 155 000 1 593 900 2025 йил 15 май 427 350 1 155 000 1 582 350 2025 йил 15 ноябрь 415 810 1 155 000 1 570 810 2026 йил 15 май 404 250 1 155 000 1 559 250 2026 йил 15 ноябрь 392 700 1 155 000 1 547 700 2027 йил 15 май 381 150 1 155 000 1 536 150 2027 йил 15 ноябрь 369 600 1 155 000 1 524 600 2028 йил 15 май 358 050 1 155 000 1 513 050 2028 йил 15 ноябрь 346 500 1 155 000 1 501 500 2029 йил 15 май 334 950 1 155 000 1 489 950 2029 йил 15 ноябрь 323 410 1 155 000 1 478 410 2030 йил 15 май 311 850 1 155 000 1 466 850 2030 йил 15 ноябрь 300 300 1 155 000 1 455 300 2031 йил 15 май 288 750 1 155 000 1 443 750 2031 йил 15 ноябрь 277 200 1 155 000 1 432 200 2032 йил 15 май 265 650 1 155 000 1 420 650 2032 йил 15 ноябрь 254 100 1 155 000 1 409 100 2033 йил 15 май 242 550 1 155 000 1 397 550 2033 йил 15 ноябрь 231 010 1 155 000 1 386 010 2034 йил 15 май 219 450 1 155 000 1 374 450 2034 йил 15 ноябрь 207 900 1 155 000 1 362 900 2035 йил 15 май 196 350 1 155 000 1 351 350 2035 йил 15 ноябрь 184 800 1 155 000 1 339 800 2036 йил 15 май 173 250 1 155 000 1 328 250 2036 йил 15 ноябрь 161 700 1 155 000 1 316 700 2037 йил 15 май 150 150 1 155 000 1 305 150 2037 йил 15 ноябрь 138 610 1 155 000 1 293 610 2038 йил 15 май 127 050 1 155 000 1 282 050 2038 йил 15 ноябрь 115 500 1 155 000 1 270 500 2039 йил 15 май 103 950 1 155 000 1 258 950 2039 йил 15 ноябрь 92 400 1 155 000 1 247 400 2040 йил 15 май 80 850 1 155 000 1 235 850 2040 йил 15 ноябрь 69 300 1 155 000 1 224 300 2024 йил 15 май 57 750 1 155 000 1 212 750 2041 йил 15 ноябрь 46 210 1 155 000 1 201 210 2042 йил 15 май 34 650 1 155 000 1 189 650 2042 йил 15 ноябрь 23 100 1 155 000 1 178 100 Жами 12 015 890 46 200 000 58 215 890
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 20 ноябрь,
ПҚ-4021-сон
Oʻzbekiston Respublikasi Prezidentining
Qarori
sxemasi
grafigi
Qishloq xoʻjaligini rivojlantirish xalqaro jamgʻarmasi ishtirokida “Qishloq xoʻjaligini diversifikatsiya va modernizatsiya qilish” loyihasini amalga oshirish chora-tadbirlari toʻgʻrisida
Qishloq xoʻjaligi mahsulotlari ishlab chiqarishni diversifikatsiya qilish, dehqon va fermer xoʻjaliklarini qoʻshilgan qiymat yaratishning zamonaviy zanjirlariga samarali integratsiyalash va ularning moliyaviy barqarorligini oshirish hamda Qishloq xoʻjaligini rivojlantirish xalqaro jamgʻarmasi bilan hamkorlikni yanada kengaytirish maqsadida:
1. Maʼlumot uchun qabul qilinsinki:
Qishloq xoʻjaligini rivojlantirish xalqaro jamgʻarmasining direktorlar kengashi tomonidan Oʻzbekiston Respublikasiga “Qishloq xoʻjaligini diversifikatsiya va modernizatsiya qilish” loyihasini (keyingi oʻrinlarda — Loyiha) moliyalashtirish uchun 25 yilga 5 yillik imtiyozli davr bilan 46,2 mln. AQSH dollari miqdoridagi kredit, shuningdek, 300,0 ming AQSH dollari miqdoridagi grant mablagʻlari berilishi maʼqullandi;
Loyihaning umumiy qiymati 84,78 mln. AQSH dollari ekvivalentini, shundan, Oʻzbekiston Respublikasining Loyihani amalga oshirishdagi ulushi — 38,28 mln. AQSH dollarini, shu jumladan, soliq va bojxona toʻlovlari boʻyicha imtiyozlar berish, investitsiya davrida moliyaviy xarajatlarni toʻlash va boshqa sarf-xarajatlarni moliyalashtirish shaklidagi ulush — 15,76 mln. AQSH dollari ekvivalentini, Loyihada ishtirok etayotgan tijorat banklarning ulushi — 11,28 mln. AQSH dollarini, shuningdek, Loyiha ishtirokchilari (benefitsiarlari) ulushi — 11,24 mln. AQSH dollari ekvivalentini tashkil etadi;
Loyihani amalga oshirish davri 7 yil (2019 — 2025-yillar) etib belgilandi.
2. Belgilansinki:
Loyiha Andijon, Namangan va Fargʻona viloyatlarida amalga oshiriladi;
Oʻzbekiston Respublikasi Qishloq xoʻjaligi vazirligi Loyihaning oʻz vaqtida va toʻliq amalga oshirilishi, uni muvofiqlashtirish va boshqarish, shuningdek, Loyihani amalga oshirish davrida monitoring va hisobotni yuritish uchun masʼul ijro etuvchi organ hisoblanadi.
3. Quyidagilar:
“Qishloq xoʻjaligini diversifikatsiya va modernizatsiya qilish” loyihasi boʻyicha Qishloq xoʻjaligini rivojlantirish xalqaro jamgʻarmasi kreditidan foydalanish sxemasi 2-ilovaga muvofiq;
“Qishloq xoʻjaligini diversifikatsiya va modernizatsiya qilish” loyihasi doirasida Qishloq xoʻjaligini rivojlantirish xalqaro jamgʻarmasi kreditini soʻndirish, foiz va komissiya toʻlovlarini amalga oshirish prognoz grafigi 3-ilovaga muvofiq tasdiqlansin.
4. Oʻzbekiston Respublikasi Qishloq xoʻjaligi vazirligi Moliya vazirligi va Markaziy bank bilan birgalikda bir oy muddatda Loyiha doirasida beriladigan kreditni qayta moliyalashning muddatlari va shartlari, subloyihalarni tanlash va ularni baholash mezonlarini koʻrsatgan holda Qishloq xoʻjaligini rivojlantirish xalqaro jamgʻarmasining kreditidan foydalanish va kafolatini taʼminlash tartibi toʻgʻrisidagi Nizomni tasdiqlasin.
5. Oʻzbekiston Respublikasi Qishloq xoʻjaligi vazirligining bosh direktori (Sh.Sh. Shoahmedov), Andijon (Sh.K. Abdurahmonov), Fargʻona (Sh.M. Gʻaniyev) va Namangan (X.X. Bozarov) viloyatlari hokimlari zimmasiga Loyiha doirasidagi tadbirlarni samarali amalga oshirish uchun kerakli shart-sharoitlarni taʼminlash, Qishloq xoʻjaligini rivojlantirish xalqaro jamgʻarmasi va Oʻzbekiston Respublikasi qonunchiligi talablari va tartib-taomillariga muvofiq zarur hisobotlar va hujjatlarning oʻz vaqtida tayyorlanishi hamda taqdim etilishini tashkil qilish yuzasidan shaxsiy javobgarlik yuklansin.
6. Oʻzbekiston Respublikasi moliya vaziriga Oʻzbekiston Respublikasi nomidan quyidagilarni imzolash vakolati berilsin:
Qishloq xoʻjaligini rivojlantirish xalqaro jamgʻarmasi bilan moliyalashtirish toʻgʻrisidagi bitimni;
Oʻzbekiston Respublikasi Qishloq xoʻjaligi vazirligi hamda Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi bilan Qishloq xoʻjaligini rivojlantirish xalqaro jamgʻarmasining kredit mablagʻlarini qaytarish kafolatini taʼminlash boʻyicha bitimni;
Oʻzbekiston Respublikasi Qishloq xoʻjaligi vazirligi hamda Loyihada ishtirok etuvchi Oʻzbekiston Respublikasining tijorat banklari bilan Qishloq xoʻjaligini rivojlantirish xalqaro jamgʻarmasining kredit mablagʻlarini qayta kreditlash bitimlarini.
7. Oʻzbekiston Respublikasi Adliya vazirligi Loyiha doirasida Oʻzbekiston Respublikasi bilan Qishloq xoʻjaligini rivojlantirish xalqaro jamgʻarmasi oʻrtasidagi moliyalashtirish bitimi yuzasidan oʻrnatilgan tartibda yuridik xulosa bersin.
8. Oʻzbekiston Respublikasi Investitsiyalar va tashqi savdo vazirligi Loyiha doirasida konsultatsiya xizmatlari uchun moʻljallangan mablagʻlarni “Taraqqiyot strategiyasi” markazi tomonidan ekspertlar jalb qilinishiga yoʻnaltirsin.
9. Quyidagilar:
Loyihani amalga oshirish doirasida Qishloq xoʻjaligini rivojlantirish xalqaro jamgʻarmasining krediti hisobidan xarid qilinadigan tovarlar (ishlar, xizmatlar) va transport vositalari bojxona toʻlovlaridan (bojxona rasmiylashtiruvi uchun yigʻimlaridan tashqari), qoʻshilgan qiymat soligʻidan, davlat maqsadli jamgʻarmalariga majburiy ajratmalar va yigʻimlardan;
Loyihani amalga oshirishda ishtirok etayotgan jismoniy shaxslar — Oʻzbekiston Respublikasi norezidentlari daromadlari jismoniy shaxslarning daromadlaridan olinadigan soliqdan ozod qilinsin.
Belgilansinki:
mazkur bandda berilgan imtiyozlarning amal qilishi Loyiha doirasida qayta moliyalashtirilgan mablagʻlar hisobidan fermer xoʻjaliklari va qishloq xoʻjaligi tashkilotlari tomonidan xarid qilinadigan tovarlar (ishlar, xizmatlar)ga ham joriy etiladi;
ushbu bandda koʻrsatilgan imtiyozlar natijasida boʻshagan mablagʻlar Oʻzbekiston Respublikasining Loyihani amalga oshirishdagi ulushi deb hisoblanadi.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari S.R. Xolmurodov, J.A. Qoʻchqorov va Oʻzbekiston Respublikasi Prezidenti maslahatchisining oʻrinbosari G.K. Saidova zimmasiga yuklansin.
Oʻzbekiston Respublikasi Prezidentining 2018-yil 20-noyabrdagi PQ-4021-son qaroriga 2-ILOVA
“Qishloq xoʻjaligini diversifikatsiya va modernizatsiya qilish” loyihasi boʻyicha Qishloq xoʻjaligini rivojlantirish xalqaro jamgʻarmasi kreditidan foydalanish
ming AQSH dollarida Komponentlar nomi Qarz summasi Qarzning qaytarilishi: Qarzni toʻlash usuli davlat budjetidan loyiha ishtirokchilari tomonidan summa % summa % summa % 1-komponent 1. Qoʻshilgan qiymatning inklyuziv (kamdaromadlilarni jalb qilgan holda) zanjirini rivojlantirish 1.1.-subkomponent. Qoʻshimcha qiymat zanjiri uchun biznes-muhit yaratish 52 0,1 52 100 - - Xizmat koʻrsatish Davlat budjeti mablagʻlari hisobidan amalga oshiriladi 1.2-subkomponent. Qoʻshimcha qiymat zanjiri ishtirokchilarining salohiyatini mustahkamlash 3 893 8,4 3 893 100 - - 2-komponent. Qishloq xoʻjaligida inklyuziv moliyalashtirish 2.1-subkomponent. Qishloq xoʻjaligida kafillikni taʼminlash 1 000 2,2 1 000 100 - - Xizmat koʻrsatish Davlat budjeti mablagʻlari hisobidan amalga oshiriladi 2.2-subkomponent. Qishloq xoʻjaligini diversifikatsiya va modernizatsiya qilish uchun kredit liniyasi 33 710 73,0 - - 33 710 100 Xizmat koʻrsatish ishtirok etuvchi tijorat banklari hisobidan amalga oshiriladi 2.3-subkomponent. Yoshlar uchun kredit liniyasi 5 000 10,8 - - 5 000 100 3-kompenent. Iqlim sharoitiga mos barqaror qishloq xoʻjaligi infratuzilmasi 3.1 -subkomponent. Irrigatsiya tizimlarini modernizatsiya qilish 1 106 2,4 1 106 100 - - Xizmat koʻrsatish Davlat budjeti mablagʻlari hisobidan amalga oshiriladi 3.2-subkomponent. Modernizatsiya qilingan irrigatsiya tizimlari boʻyicha SFUni salohiyatini oshirish 36 0,1 36 100 - - 4-komponent. Loyihani boshqarish Loyihani boshqarish, monitoring va hisobotni yuritish 1 403 3,0 1 403 100 - - Xizmat koʻrsatish Davlat budjeti mablagʻlari hisobidan amalga oshiriladi Jami 46 200 100,0 7 490 16,2 38 710 83,8
Oʻzbekiston Respublikasi Prezidentining 2018-yil 20-noyabrdagi PQ-4021-son qaroriga 3-ILOVA
“Qishloq xoʻjaligini diversifikatsiya va modernizatsiya qilish” loyihasi boʻyicha Qishloq xoʻjaligini rivojlantirish xalqaro jamgʻarmasi kredit mablagʻlarini soʻndirish, komissiya va foiz toʻlovlarini amalga oshirish prognoz
Kredit muddati, yil 25 Imtiyozli muddat, yil 5 Foiz stavkasi 1,25% Xizmat koʻrsatganlik uchun komissiya 0,75% AQSH dollarida Toʻlov sanasi Foiz va komissiya toʻlovlari summasi Asosiy qarz boʻyicha toʻlovlar summasi Jami toʻlanadigan summa 2018-yil 15-noyabr - - 2019-yil 15-may 6 890 6 890 2019-yil 15-noyabr 84 290 84 290 2020-yil 15-may 161 690 161 690 2020-yil 15-noyabr 250 130 250 130 2021-yil 15-may 338 560 338 560 2021-yil 15-noyabr 382 420 382 420 2022-yil 15-may 426 270 426 270 2022-yil 15-noyabr 444 140 444 140 2023-yil 15-may 462 000 1 155 000 1 617 000 2023-yil 15-noyabr 462 000 1 155 000 1 617 000 2024-yil 15-may 450 450 1 155 000 1 605 450 2024-yil 15-noyabr 438 900 1 155 000 1 593 900 2025-yil 15-may 427 350 1 155 000 1 582 350 2025-yil 15-noyabr 415 810 1 155 000 1 570 810 2026-yil 15-may 404 250 1 155 000 1 559 250 2026-yil 15-noyabr 392 700 1 155 000 1 547 700 2027-yil 15-may 381 150 1 155 000 1 536 150 2027-yil 15-noyabr 369 600 1 155 000 1 524 600 2028-yil 15-may 358 050 1 155 000 1 513 050 2028-yil 15-noyabr 346 500 1 155 000 1 501 500 2029-yil 15-may 334 950 1 155 000 1 489 950 2029-yil 15-noyabr 323 410 1 155 000 1 478 410 2030-yil 15-may 311 850 1 155 000 1 466 850 2030-yil 15-noyabr 300 300 1 155 000 1 455 300 2031-yil 15-may 288 750 1 155 000 1 443 750 2031-yil 15-noyabr 277 200 1 155 000 1 432 200 2032-yil 15-may 265 650 1 155 000 1 420 650 2032-yil 15-noyabr 254 100 1 155 000 1 409 100 2033-yil 15-may 242 550 1 155 000 1 397 550 2033-yil 15-noyabr 231 010 1 155 000 1 386 010 2034-yil 15-may 219 450 1 155 000 1 374 450 2034-yil 15-noyabr 207 900 1 155 000 1 362 900 2035-yil 15-may 196 350 1 155 000 1 351 350 2035-yil 15-noyabr 184 800 1 155 000 1 339 800 2036-yil 15-may 173 250 1 155 000 1 328 250 2036-yil 15-noyabr 161 700 1 155 000 1 316 700 2037-yil 15-may 150 150 1 155 000 1 305 150 2037-yil 15-noyabr 138 610 1 155 000 1 293 610 2038-yil 15-may 127 050 1 155 000 1 282 050 2038-yil 15-noyabr 115 500 1 155 000 1 270 500 2039-yil 15-may 103 950 1 155 000 1 258 950 2039-yil 15-noyabr 92 400 1 155 000 1 247 400 2040-yil 15-may 80 850 1 155 000 1 235 850 2040-yil 15-noyabr 69 300 1 155 000 1 224 300 2024-yil 15-may 57 750 1 155 000 1 212 750 2041-yil 15-noyabr 46 210 1 155 000 1 201 210 2042-yil 15-may 34 650 1 155 000 1 189 650 2042-yil 15-noyabr 23 100 1 155 000 1 178 100 Jami 12 015 890 46 200 000 58 215 890
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 20-noyabr,
PQ-4021-son
Президента Республики Узбекистан
Постановление
Схема
Прогнозный график
О мерах по реализации проекта «Диверсификация и модернизация сельского хозяйства» с участием Международного фонда сельскохозяйственного развития
В целях дальнейшей диверсификации производства сельскохозяйственной продукции, эффективной интеграции дехканских и фермерских хозяйств в современные цепочки создания добавленной стоимости и повышения их финансовой устойчивости, а также дальнейшего расширения сотрудничества с Международным фондом сельскохозяйственного развития:
1. Принять к сведению, что:
Советом директоров Международного фонда сельскохозяйственного развития одобрено предоставление Республике Узбекистан кредита в размере 46,2 миллионов долларов США для финансирования проекта «Диверсификация и модернизация сельского хозяйства» (далее — Проект) со сроком погашения 25 лет, включая 5-летний льготный период, а также гранта в размере 300 тысяч долларов США для софинансирования Проекта;
общая стоимость Проекта составляет в эквиваленте 84,78 миллионов долларов США, вклад Республики Узбекистан в реализацию Проекта — 38,28 миллионов долларов США, в том числе в виде предоставления льгот по налогам и таможенным платежам, оплаты финансовых издержек в инвестиционный период и финансирования прочих затрат — в эквиваленте 15,76 миллионов долларов США, вклада участвующих коммерческих банков — 11,28 миллионов долларов США, а также вклада участников Проекта (бенефициаров) — в эквиваленте 11,24 миллионов долларов США;
период реализации Проекта определен в течение 7 лет (2019 — 2025 гг.).
2. Определить, что:
Проект реализуется в Андижанской, Наманганской и Ферганской областях;
исполнительным органом, ответственным за своевременную и полную реализацию Проекта, его координацию и управление, а также ведение мониторинга и отчетности в период реализации Проекта является Министерство сельского хозяйства Республики Узбекистан.
3. Утвердить:
схему обслуживания кредита Международного фонда сельскохозяйственного развития по проекту «Диверсификация и модернизация сельского хозяйства» согласно приложению № 2 ;
прогнозный график погашения кредита Международного фонда сельскохозяйственного развития, выплаты процентов и комиссий по ним в рамках проекта «Диверсификация и модернизация сельского хозяйства» согласно приложению № 3 .
4. Министерству сельского хозяйства Республики Узбекистан совместно с Министерством финансов и Центральным банком Республики Узбекистан в месячный срок утвердить Положение о порядке использования кредитной линии и гарантийного обеспечения кредитов Международного фонда сельскохозяйственного развития в рамках Проекта с определением сроков и условий рефинансирования предоставляемого кредита, критериев отбора субпроектов и их оценки.
5. Возложить на генерального директора Министерства сельского хозяйства Республики Узбекистан (Ш.Ш. Шоахмедов), хокимов Андижанской (Ш.К. Абдурахманов) Ферганской (Ш.М. Ганиев) и Наманганской (Х.Х. Бозаров) областей персональную ответственность за обеспечение надлежащих условий для эффективной реализации мероприятий в рамках Проекта, организацию своевременной подготовки и представление необходимой отчетности и документации в соответствии с процедурами и требованиями Международного фонда сельскохозяйственного развития и законодательством Республики Узбекистан.
6. Уполномочить министра финансов Республики Узбекистан подписать от имени Республики Узбекистан:
соглашение о финансировании с Международным фондом сельскохозяйственного развития;
соглашение о предоставлении гарантийного обеспечения кредитов Международного фонда сельскохозяйственного развития, с Министерством сельского хозяйства Республики Узбекистан и Государственным фондом поддержки развития предпринимательской деятельности при Кабинете Министров Республики Узбекистан;
соглашения о перекредитовании кредитов Международного фонда сельскохозяйственного развития, с Министерством сельского хозяйства Республики Узбекистан и участвующими коммерческими банками Республики Узбекистан.
7. Министерству юстиции Республики Узбекистан в установленном порядке выдать юридическое заключение по соглашению о финансировании в рамках Проекта между Республикой Узбекистан и Международным фондом сельскохозяйственного развития.
8. Министерству инвестиций и внешней торговли Республики Узбекистан обеспечить направление средств, предназначенных для консультационных услуг в рамках Проекта, на привлечение экспертов Центром «Стратегия развития».
9. Освободить:
товары (работы, услуги) и транспортные средства, приобретаемые в рамках реализации Проекта за счет кредита Международного фонда сельскохозяйственного развития, от таможенных платежей (кроме сборов за таможенное оформление), налога на добавленную стоимость, обязательных отчислений и сборов в государственные целевые фонды;
доходы физических лиц — нерезидентов Республики Узбекистан, участвующих в реализации Проекта, от налога на доходы физических лиц.
Определить, что:
действие льгот, предоставленных настоящим пунктом, распространяется также на товары (работы, услуги), закупаемые фермерскими хозяйствами и сельскохозяйственными организациями за счет рефинансируемых средств в рамках Проекта;
сумма средств, высвобождаемая в результате предоставления указанных в настоящем пункте льгот, является вкладом Республики Узбекистан в реализацию Проекта.
10. Контроль за исполнением настоящего постановления возложить на заместителей Премьер-министра Республики Узбекистан С.Р. Холмуродова, Ж.А. Кучкарова и заместителя советника Президента Республики Узбекистан Г.К. Саидову.
ПРИЛОЖЕНИЕ № 2 к постановлению Президента Республики Узбекистан от 20 ноября 2018 года № ПП-4021
обслуживания кредита Международного фонда сельскохозяйственного развития по проекту «Диверсификация и модернизация сельского хозяйства»
тыс. долл. США Наименование компонентов Сумма займа Погашение за счет: Способ погашения займа государственного бюджета участников проекта сумма % сумма % сумма % Компонент 1. Развитие инклюзивных (вовлекающих малоимущих) цепочек добавленной стоимости Подкомпонент 1.1. Создание благоприятной бизнес-среды для цепочек добавленной стоимости 52 0,1 52 100 - - Обслуживание осуществляется за счет средств Государственного бюджета Подкомпонент 1.2. Укрепление потенциала участников цепочек добавленной стоимости 3 893 8,4 3 893 100 - - Компонент 2. Инклюзивное (вовлекающие) сельское финансирование Подкомпонент 2.1. Гарантийное обеспечение сельского хозяйства 1 000 2,2 1 000 100 - - Обслуживание осуществляется за счет средств Государственного бюджета Подкомпонент 2.2. Кредитные линии для диверсификации и модернизации сельского хозяйства 33 710 73,0 - - 33 710 100 Обслуживание осуществляется участвующими коммерческими банками Подкомпонент 2.3. Кредитные линии для молодежи 5 000 10,8 - - 5 000 100 Компонент 3. Климатически устойчивая сельская инфраструктура Подкомпонент 3.1. Модернизация ирригационных систем 1 106 2,4 1 106 100 - - Обслуживание осуществляется за счет средств Государственного бюджета Подкомпонент 3.2. Повышение потенциала АВП по эксплуатации модернизированных ирригационных систем 36 0,1 36 100 - - Компонент 4. Управление проектом Управление проектом, мониторинг и отчетность 1 403 3,0 1 403 100 - - Обслуживание осуществляется за счет средств Государственного бюджета Всего 46 200 100,0 7 490 16,2 38 710 83,8
ПРИЛОЖЕНИЕ № 3 к постановлению Президента Республики Узбекистан от 20 ноября 2018 года № ПП-4021
погашения кредита Международного фонда сельскохозяйственного развития, выплаты процентов и комиссий по ним в рамках проекта «Диверсификация и модернизация сельского хозяйства»
Срок кредита, лет 25 Льготный период, лет 5 Процентная ставка 1,25% Комиссия за обслуживание 0,75% долл. США Дата платежа Сумма выплат процентов и комиссий Сумма выплат по основному долгу Общая сумма, подлежащая выплате 15 ноября 2018 г. - - 15 мая 2019 г. 6 890 6 890 15 ноября 2019 г. 84 290 84 290 15 мая 2020 г. 161 690 161 690 15 ноября 2020 г. 250 130 250 130 15 мая 2021 г. 338 560 338 560 15 ноября 2021 г. 382 420 382 420 15 мая 2022 г. 426 270 426 270 15 ноября 2022 г. 444 140 444 140 15 мая 2023 г. 462 000 1 155 000 1 617 000 15 ноября 2023 г. 462 000 1 155 000 1 617 000 15 мая 2024 г. 450 450 1 155 000 1 605 450 15 ноября 2024 г. 438 900 1 155 000 1 593 900 15 мая 2025 г. 427 350 1 155 000 1 582 350 15 ноября 2025 г. 415 810 1 155 000 1 570 810 15 мая 2026 г. 404 250 1 155 000 1 559 250 15 ноября 2026 г. 392 700 1 155 000 1 547 700 15 мая 2027 г. 381 150 1 155 000 1 536 150 15 ноября 2027 г. 369 600 1 155 000 1 524 600 15 мая 2028 г. 358 050 1 155 000 1 513 050 15 ноября 2028 г. 346 500 1 155 000 1 501 500 15 мая 2029 г. 334 950 1 155 000 1 489 950 15 ноября 2029 г. 323 410 1 155 000 1 478 410 15 мая 2030 г. 311 850 1 155 000 1 466 850 15 ноября 2030 г. 300 300 1 155 000 1 455 300 15 мая 2031 г. 288 750 1 155 000 1 443 750 15 ноября 2031 г. 277 200 1 155 000 1 432 200 15 мая 2032 г. 265 650 1 155 000 1 420 650 15 ноября 2032 г. 254 100 1 155 000 1 409 100 15 мая 2033 г. 242 550 1 155 000 1 397 550 15 ноября 2033 г. 231 010 1 155 000 1 386 010 15 мая 2034 г. 219 450 1 155 000 1 374 450 15 ноября 2034 г. 207 900 1 155 000 1 362 900 15 мая 2035 г. 196 350 1 155 000 1 351 350 15 ноября 2035 г. 184 800 1 155 000 1 339 800 15 мая 2036 г. 173 250 1 155 000 1 328 250 15 ноября 2036 г. 161 700 1 155 000 1 316 700 15 мая 2037 г. 150 150 1 155 000 1 305 150 15 ноября 2037 г. 138 610 1 155 000 1 293 610 15 мая 2038 г. 127 050 1 155 000 1 282 050 15 ноября 2038 г. 115 500 1 155 000 1 270 500 15 мая 2039 г. 103 950 1 155 000 1 258 950 15 ноября 2039 г. 92 400 1 155 000 1 247 400 15 мая 2040 г. 80 850 1 155 000 1 235 850 15 ноября 2040 г. 69 300 1 155 000 1 224 300 15 мая 2041 г. 57 750 1 155 000 1 212 750 15 ноября 2041 г. 46 210 1 155 000 1 201 210 15 мая 2042 г. 34 650 1 155 000 1 189 650 15 ноября 2042 г. 23 100 1 155 000 1 178 100 Итого 12 015 890 46 200 000 58 215 890
Президент Республики Узбекистан Ш. МИРЗИЁЕВ
г. Ташкент,
20 ноября 2018 г.,
№ ПП-4021