📅 2018-yil 21-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 21 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2018 г. · Постановления Президента
Официальный текст. Официальный документ. Редакционные примечания не включены.
📅 21 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ахборот технологиялари ва коммуникацияларининг жорий этилишини назорат қилиш, уларни ҳимоя қилиш тизимини такомиллаштириш чора-тадбирлари тўғрисида
[Кўчирма]
Давлат ва жамият бошқаруви соҳасига замонавий ахборот-коммуникация тизимларини жорий этиш мамлакатимизда олиб борилаётган ижтимоий-иқтисодий ва ижтимоий-сиёсий ислоҳотлар ва ўзгаришларни самарали амалга оширишнинг муҳим шарти ҳисобланади.
Шу билан бирга, давлат органлари ва ташкилотларида ахборот-коммуникация технологияларини ривожлантириш, ахборот хавфсизлигини таъминлаш тизимини такомиллаштириш бўйича чора-тадбирлар кўрилаётганига қарамасдан «Электрон ҳукумат» тизимининг жорий этилиши ва самарали фаолият кўрсатишига, ахборот соҳасидаги таҳдидларга қарши курашишга тўсқинлик қилувчи қатор муаммолар сақланиб қолмоқда. Жумладан:
биринчидан, ахборотлаштириш субъектлари томонидан қонун ҳужжатлари, норматив ҳужжатлар ва давлат стандартларининг ижро этилиши устидан назорат ва текширишнинг амалдаги механизми замонавий талабларга мувофиқ эмаслиги кўрсатилаётган хизматлар сифатининг пасайишига олиб келмоқда;
иккинчидан, ахборот хавфсизлиги соҳасидаги давлат сиёсатини амалга оширишга масъул ягона ваколатли органнинг мавжуд эмаслиги мазкур йўналишда амалга оширилаётган ишларнинг самарасизлигига сабаб бўлмоқда;
учинчидан, давлат органлари ва ташкилотлари томонидан жорий этилаётган аппарат воситалари ва дастурий маҳсулотларни экспертиза ва сертификациядан ўтказиш тизимидаги камчиликлар уларнинг «Электрон ҳукумат» тизимига жадал интеграциялашувини сусайтирмоқда;
тўртинчидан, телекоммуникация, ахборот ва киберхавфсизлик соҳасидаги назорат тизими, муҳим ахборот инфратузилмасининг мукаммал эмаслиги давлат ахборот тизимлари объектлари, рақамли иқтисодиёт ва шахсий маълумотларнинг заифлашувига олиб келмоқда;
бешинчидан, бузғунчи кучларнинг замонавий ахборот-коммуникация технологиялари ва Интернет тармоғидан фаол фойдаланиши аҳоли, айниқса, ўсиб келаётган авлоднинг дунёқараши ва онгига салбий таъсир кўрсатмоқда;
олтинчидан, ахборот ва киберхавфсизликни таъминлаш соҳасидаги илғор хорижий тажрибани ўрганиш ва жорий қилиш бўйича тизимли ишларнинг мавжуд эмаслиги миллий ахборот маконини ҳимоя қилишнинг замонавий усулларини жорий қилиш имконини бермаяпти.
Ахборот соҳасида ягона давлат сиёсати рўёбга чиқарилишининг самарадорлигини ошириш, телекоммуникация, ахборот ва киберхавфсизликни таъминлаш соҳасидаги назорат тизимини янада такомиллаштириш мақсадида:
1. Ўзбекистон Республикаси Ахборот технологиялари ва коммуникацияларини ривожлантириш вазирлигининг:
Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича инспекцияни;
Ўзбекистон Республикаси Ахборот технологиялари ва коммуникацияларини ривожлантириш вазирлигининг Ахборот хавфсизлиги ва жамоат тартибини таъминлашга кўмаклашиш марказини тугатиш тўғрисидаги таклифи маъқуллансин.
2. Қуйидагилар:
давлат унитар корхонаси шаклида Техник кўмаклашиш маркази (кейинги ўринларда — Марказ);
Ўзбекистон Республикаси Ахборот технологиялари ва коммуникацияларини ривожлантириш вазирлигининг «Хавфсиз шаҳар» жамоат тартибига кўмаклашиш маркази» давлат муассасаси (кейинги ўринларда — «Хавфсиз шаҳар» маркази) ташкил этилсин.
3. Ўзбекистон Республикаси Ахборот технологиялари ва коммуникацияларини ривожлантириш вазирлигининг Ахборот хавфсизлиги ва жамоат тартибини таъминлашга кўмаклашиш марказининг бўшаётган 135 нафар штат бирлиги Марказга ўтказилсин.
4. Белгилаб қўйилсинки:
Давлат инспекцияси Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича инспекциянинг ҳуқуқ ва мажбуриятлари бўйича ҳуқуқий вориси ҳисобланади;
Марказ Ўзбекистон Республикаси Ахборот технологиялари ва коммуникацияларини ривожлантириш вазирлигининг Ахборот хавфсизлиги ва жамоат тартибини таъминлашга кўмаклашиш марказининг ҳуқуқ ва мажбуриятлари бўйича ҳуқуқий вориси ҳисобланади, «Хавфсиз шаҳар» лойиҳасини амалга ошириш билан боғлиқ ҳуқуқ ва мажбуриятлари бундан мустасно.
Давлат инспекцияси Марказнинг таъсисчиси ҳисобланади.
«Хавфсиз шаҳар» маркази жамоат хавфсизлигини таъминлаш ва ички тартибни сақлаш соҳасига рақамли технологияларни жорий этишда «Электрон ҳукумат» тизимини давлат органлари ва бошқа ташкилотларнинг ахборот тизимлари билан интеграция қилиш бўйича Ягона интегратор ҳисобланади.
«Хавфсиз шаҳар» маркази Ўзбекистон Республикаси Ахборот технологиялари ва коммуникацияларини ривожлантириш вазирлигининг Ахборот хавфсизлиги ва жамоат тартибини таъминлашга кўмаклашиш марказининг «Хавфсиз шаҳар» ягона интеграцияланган тизимини яратиш лойиҳасини амалга ошириш билан боғлиқ ҳуқуқ ва мажбуриятлари бўйича ҳуқуқий вориси ҳисобланади.
5. Қуйидагилар:
б) Марказнинг асосий вазифалари этиб белгилансин:
ахборот хавфсизлигига ҳозирги вақтдаги таҳдидлар тўғрисидаги маълумотларни йиғиш, таҳлил қилиш ва тўплаш, давлат органлари ва ташкилотлари ахборот тизимлари, ресурслари ва маълумотлар базаларига ноқонуний кириб олиш ҳолатларининг олдини олишни таъминлайдиган самарали ташкилий ва дастурий-техник ечимларни тезкор қабул қилиш бўйича тавсиялар ва таклифлар ишлаб чиқиш;
қонун бузувчиларни, ахборотлар маконидаги рухсатсиз ёхуд бузувчи ҳаракатларни амалга оширишда фойдаланиладиган методлар ва воситаларни таҳлил қилиш, идентификациялашда телекоммуникациялар тармоқларининг операторлари ва провайдерлари, ҳуқуқни муҳофаза қилиш органлари билан ҳамкорлик қилиш;
ахборотлаштириш объектларида (давлат сирлари бундан мустасно) аппарат воситалари ва дастурий маҳсулотларни, ахборот-коммуникация технологиялари, телекоммуникация жиҳозлари ва бошқа техник воситаларни аттестация, экспертиза ва сертификациядан ўтказиш;
давлат органлари ва ташкилотлари ахборот тизимлари ва ресурслари ахборот хавфсизлиги сиёсатини ишлаб чиқиш ва амалга оширишда кўмаклашиш;
давлат ахборот тизимлари ва ресурслари, шунингдек, Интернет тармоғи миллий сегментининг ахборот хавфсизлигини таъминлаш соҳасидаги норматив-ҳуқуқий базани такомиллаштириш бўйича таклифлар ишлаб чиқиш;
Интернетнинг миллий фойдаланувчиларини Интернет тармоғи миллий сегментида ахборот хавфсизлигига пайдо бўлаётган таҳдидлар тўғрисида ўз вақтида хабардор қилиш, шунингдек, ахборотларни ҳимоя қилиш бўйича маслаҳат хизматлари кўрсатиш.
в) «Хавфсиз шаҳар» марказининг асосий вазифалари этиб белгилансин:
Ўзбекистон Республикасида «Хавфсиз шаҳар» ягона интеграцияланган тизимини яратиш ва ундан фойдаланишни назорат қилиш соҳасида ягона давлат сиёсатини амалга ошириш;
жамоат хавфсизлигини таъминлаш ва ички тартибни сақлаш соҳасига рақамли технологияларни жорий этиш ва уларнинг «Электрон ҳукумат» тизими билан интеграциясини амалга ошириш;
жамоат хавфсизлигини таъминлаш ва ички тартибни сақлаш соҳасида жорий этилаётган рақамли технологиялар бўйича ягона технологик ёндашувни амалга оширишда ягона талаблар, меъёрлар ва мезонларни белгилаш;
давлат органлари ва ташкилотлари, шунингдек, хўжалик юритувчи субъектларга жамоат хавфсизлигини таъминлаш ва ички тартибни сақлаш соҳасида рақамли технологиялар жорий этишда кўмаклашиш;
жамоат хавфсизлиги ва ҳуқуқ тартиботни таъминлаш соҳасида давлат органлари ва бошқа ташкилотлар томонидан амалга ошириладиган лойиҳаларни келишиш ва хулосалар бериш.
6. Белгилансинки, Ўзбекистон Республикаси Президентининг 2018 йил 27 июлдаги «Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида»ги ПФ-5490-сон Фармони 5 ва 6-бандлари талаблари Ахборотлаштириш ва телекоммуникациялар соҳасида назорат инспекцияси томонидан амалга ошириладиган текширишларга татбиқ этилмайди.
7. Қуйидаги тартиб ўрнатилсинки, унга кўра:
а) Жорий таъминот (иш ҳақига давлат қўшимча тўловлари ва устама пуллар сақланган ҳолда), Давлат инспекцияси ва Марказнинг моддий-техника базасини мустаҳкамлаш, улар ходимларининг меҳнатини қўшимча моддий рағбатлантириш бўйича харажатларни молиялаштириш Ахборот-коммуникация технологияларини ривожлантириш жамғармасининг маблағлари ҳисобидан амалга оширилади;
б) Марказ ходимларига ахборот ва киберхавфсизлик соҳасидаги алоҳида меҳнат шароитлари учун ходим лавозим маошининг камида 100 фоизи миқдорида ойлик устама белгиланади;
в) 2019 йил 1 январдан:
ахборот-коммуникация технологиялари, аппарат воситалари ва дастурий маҳсулотлар, ҳимоя воситалари ва бошқа техник воситаларга техник топшириқлар бўйича хулосалар Марказ билан мажбурий тартибда келишилади;
давлат органлари ва ташкилотларининг ахборотлаштириш объектларида (давлат сирлари бундан мустасно) жорий этиладиган ва фойдаланиладиган аппарат воситалари ва дастурий маҳсулотлар мажбурий равишда Марказда аттестация ва экспертизадан ўтказилиши зарур;
Ўзбекистон Республикаси Президенти ҳузуридаги Лойиҳа бошқаруви миллий агентлиги ахборот-коммуникация технологиялари, аппарат воситалари ва дастурий маҳсулотлар, ҳимоя воситалари ҳамда бошқа техник воситаларга техник топшириқлар бўйича хулосаларни Марказ билан мажбурий келишилгандан сўнг берилишини таъминласин.
г) жамоат хавфсизлигини таъминлаш ва ички тартибни сақлаш соҳасида:
рақамли технологияларни жорий этиш, таълим муассасаларига кириш тест синовлари жараёнини ошкора ва шаффоф ўтказиш, шунингдек, «112» Ягона диспетчерлик хизматини ташкил этиш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан маҳаллий бюджет ҳисобидан молиялаштирилади;
давлат аҳамиятига эга тадбирларда ва объектларда, шунингдек, давлат органлари ва ташкилотларида рақамли технологияларни жорий этиш Ички ишлар вазирлиги томонидан мувофиқлаштирилади;
рақамли технологияларни жорий этиш бўйича ягона технологик ёндашувни амалга оширишда ягона талаблар, меъёрлар ва мезонларни белгилаш ва уларни «Электрон ҳукумат» тизими билан интеграциялашга кўмаклашиш Ягона интегратор томонидан амалга оширилади.
11. Ўзбекистон Республикаси Ахборот технологиялари ва коммуникацияларини ривожлантириш вазирлиги ва Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси:
Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича инспекцияга бириктирилган транспорт воситалари ва бошқа мол-мулкни Давлат инспекциясига;
Ўзбекистон Республикаси Ахборот технологиялари ва коммуникацияларини ривожлантириш вазирлигининг Ахборот хавфсизлиги ва жамоат тартибини таъминлашга кўмаклашиш марказига бириктирилган техник ва транспорт воситалари, шунингдек, бошқа мол-мулкни Марказ балансига беғараз ўтказсин, Хавфсиз шаҳар лойиҳасини амалга ошириш учун мўлжалланган мол-мулк бундан мустасно.
12. Фанлар академияси Давлат инспекцияси ва Марказни жойлаштириш учун Тошкент шаҳри, Дўрмон йўли кўчаси, 29 ва 31-уйлари манзили бўйича жойлашган маъмурий бино ва иншоотларини туташ ҳудудлари билан биргаликда оператив бошқарув ҳуқуқи асосида Давлат инспекциясига ўтказсин.
13. Қуйидагилар:
«Ўзбектелеком» АКга Марказни зарур алоқа воситалари ва юқори тезликдаги Интернет тармоғи билан таъминлаш;
«Ўзбекэнерго» АЖга Марказга ажратилган бинони мажбурий тартибда захира қилинган узлуксиз энергия таъминоти билан таъминлаш тавсия этилсин.
14. Марказ ахборот соҳасида давлат хавфсизлигини таъминлаш учун олиб кириладиган замонавий ахборот-коммуникация технологиялари, компьютер техникаси, дастурий маҳсулотлар, аппарат-дастурий комплекслар, ўқув ва лаборатория жиҳозлари, эҳтиёт қисмлар, бутловчи қисмлар ва радиодеталларга божхона тўловларини (божхона расмийлаштируви учун йиғимлардан ташқари) тўлашдан озод этилсин.
15. Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон Республикаси Адлия вазирлиги ва манфаатдор вазирлик ва идоралар билан биргаликда бир ой муддатда:
Ўзбекистон Республикаси Ахборот технологиялари ва коммуникацияларини ривожлантириш вазирлигининг «Хавфсиз шаҳар» жамоат тартибига кўмаклашиш маркази фаолиятини ташкил этиш тўғрисидаги Ўзбекистон Республикаси Президенти қарори лойиҳасини киритсин;
қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
ўзлари қабул қилган идоравий ҳужжатларни Ўзбекистон Республикаси Президентининг ушбу қарорига мувофиқлаштирсин.
16. Мазкур қарорнинг ижросини назорат қилиш Ўзбекистон Республикаси Давлат хавфсизлик хизмати Раиси И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 21 ноябрь,
ПҚ-4024-сон
Oʻzbekiston Respublikasi Prezidentining
Qarori
Axborot texnologiyalari va kommunikatsiyalarining joriy etilishini nazorat qilish, ularni himoya qilish tizimini takomillashtirish chora-tadbirlari toʻgʻrisida
[Koʻchirma]
Davlat va jamiyat boshqaruvi sohasiga zamonaviy axborot-kommunikatsiya tizimlarini joriy etish mamlakatimizda olib borilayotgan ijtimoiy-iqtisodiy va ijtimoiy-siyosiy islohotlar va oʻzgarishlarni samarali amalga oshirishning muhim sharti hisoblanadi.
Shu bilan birga, davlat organlari va tashkilotlarida axborot-kommunikatsiya texnologiyalarini rivojlantirish, axborot xavfsizligini taʼminlash tizimini takomillashtirish boʻyicha chora-tadbirlar koʻrilayotganiga qaramasdan “Elektron hukumat” tizimining joriy etilishi va samarali faoliyat koʻrsatishiga, axborot sohasidagi tahdidlarga qarshi kurashishga toʻsqinlik qiluvchi qator muammolar saqlanib qolmoqda. Jumladan:
birinchidan, axborotlashtirish subyektlari tomonidan qonun hujjatlari, normativ hujjatlar va davlat standartlarining ijro etilishi ustidan nazorat va tekshirishning amaldagi mexanizmi zamonaviy talablarga muvofiq emasligi koʻrsatilayotgan xizmatlar sifatining pasayishiga olib kelmoqda;
ikkinchidan, axborot xavfsizligi sohasidagi davlat siyosatini amalga oshirishga masʼul yagona vakolatli organning mavjud emasligi mazkur yoʻnalishda amalga oshirilayotgan ishlarning samarasizligiga sabab boʻlmoqda;
uchinchidan, davlat organlari va tashkilotlari tomonidan joriy etilayotgan apparat vositalari va dasturiy mahsulotlarni ekspertiza va sertifikatsiyadan oʻtkazish tizimidagi kamchiliklar ularning “Elektron hukumat” tizimiga jadal integratsiyalashuvini susaytirmoqda;
toʻrtinchidan, telekommunikatsiya, axborot va kiberxavfsizlik sohasidagi nazorat tizimi, muhim axborot infratuzilmasining mukammal emasligi davlat axborot tizimlari obyektlari, raqamli iqtisodiyot va shaxsiy maʼlumotlarning zaiflashuviga olib kelmoqda;
beshinchidan, buzgʻunchi kuchlarning zamonaviy axborot-kommunikatsiya texnologiyalari va Internet tarmogʻidan faol foydalanishi aholi, ayniqsa, oʻsib kelayotgan avlodning dunyoqarashi va ongiga salbiy taʼsir koʻrsatmoqda;
oltinchidan, axborot va kiberxavfsizlikni taʼminlash sohasidagi ilgʻor xorijiy tajribani oʻrganish va joriy qilish boʻyicha tizimli ishlarning mavjud emasligi milliy axborot makonini himoya qilishning zamonaviy usullarini joriy qilish imkonini bermayapti.
Axborot sohasida yagona davlat siyosati roʻyobga chiqarilishining samaradorligini oshirish, telekommunikatsiya, axborot va kiberxavfsizlikni taʼminlash sohasidagi nazorat tizimini yanada takomillashtirish maqsadida:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiyani;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot xavfsizligi va jamoat tartibini taʼminlashga koʻmaklashish markazini tugatish toʻgʻrisidagi taklifi maʼqullansin.
2. Quyidagilar:
davlat unitar korxonasi shaklida Texnik koʻmaklashish markazi (keyingi oʻrinlarda — Markaz);
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining “Xavfsiz shahar” jamoat tartibiga koʻmaklashish markazi” davlat muassasasi (keyingi oʻrinlarda — “Xavfsiz shahar” markazi) tashkil etilsin.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot xavfsizligi va jamoat tartibini taʼminlashga koʻmaklashish markazining boʻshayotgan 135 nafar shtat birligi Markazga oʻtkazilsin.
4. Belgilab qoʻyilsinki:
Davlat inspeksiyasi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiyaning huquq va majburiyatlari boʻyicha huquqiy vorisi hisoblanadi;
Markaz Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot xavfsizligi va jamoat tartibini taʼminlashga koʻmaklashish markazining huquq va majburiyatlari boʻyicha huquqiy vorisi hisoblanadi, “Xavfsiz shahar” loyihasini amalga oshirish bilan bogʻliq huquq va majburiyatlari bundan mustasno.
Davlat inspeksiyasi Markazning taʼsischisi hisoblanadi.
“Xavfsiz shahar” markazi jamoat xavfsizligini taʼminlash va ichki tartibni saqlash sohasiga raqamli texnologiyalarni joriy etishda “Elektron hukumat” tizimini davlat organlari va boshqa tashkilotlarning axborot tizimlari bilan integratsiya qilish boʻyicha Yagona integrator hisoblanadi.
“Xavfsiz shahar” markazi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot xavfsizligi va jamoat tartibini taʼminlashga koʻmaklashish markazining “Xavfsiz shahar” yagona integratsiyalangan tizimini yaratish loyihasini amalga oshirish bilan bogʻliq huquq va majburiyatlari boʻyicha huquqiy vorisi hisoblanadi.
5. Quyidagilar:
b) Markazning asosiy vazifalari etib belgilansin:
axborot xavfsizligiga hozirgi vaqtdagi tahdidlar toʻgʻrisidagi maʼlumotlarni yigʻish, tahlil qilish va toʻplash, davlat organlari va tashkilotlari axborot tizimlari, resurslari va maʼlumotlar bazalariga noqonuniy kirib olish holatlarining oldini olishni taʼminlaydigan samarali tashkiliy va dasturiy-texnik yechimlarni tezkor qabul qilish boʻyicha tavsiyalar va takliflar ishlab chiqish;
qonun buzuvchilarni, axborotlar makonidagi ruxsatsiz yoxud buzuvchi harakatlarni amalga oshirishda foydalaniladigan metodlar va vositalarni tahlil qilish, identifikatsiyalashda telekommunikatsiyalar tarmoqlarining operatorlari va provayderlari, huquqni muhofaza qilish organlari bilan hamkorlik qilish;
axborotlashtirish obyektlarida (davlat sirlari bundan mustasno) apparat vositalari va dasturiy mahsulotlarni, axborot-kommunikatsiya texnologiyalari, telekommunikatsiya jihozlari va boshqa texnik vositalarni attestatsiya, ekspertiza va sertifikatsiyadan oʻtkazish;
davlat organlari va tashkilotlari axborot tizimlari va resurslari axborot xavfsizligi siyosatini ishlab chiqish va amalga oshirishda koʻmaklashish;
davlat axborot tizimlari va resurslari, shuningdek, Internet tarmogʻi milliy segmentining axborot xavfsizligini taʼminlash sohasidagi normativ-huquqiy bazani takomillashtirish boʻyicha takliflar ishlab chiqish;
Internetning milliy foydalanuvchilarini Internet tarmogʻi milliy segmentida axborot xavfsizligiga paydo boʻlayotgan tahdidlar toʻgʻrisida oʻz vaqtida xabardor qilish, shuningdek, axborotlarni himoya qilish boʻyicha maslahat xizmatlari koʻrsatish.
v) “Xavfsiz shahar” markazining asosiy vazifalari etib belgilansin:
Oʻzbekiston Respublikasida “Xavfsiz shahar” yagona integratsiyalangan tizimini yaratish va undan foydalanishni nazorat qilish sohasida yagona davlat siyosatini amalga oshirish;
jamoat xavfsizligini taʼminlash va ichki tartibni saqlash sohasiga raqamli texnologiyalarni joriy etish va ularning “Elektron hukumat” tizimi bilan integratsiyasini amalga oshirish;
jamoat xavfsizligini taʼminlash va ichki tartibni saqlash sohasida joriy etilayotgan raqamli texnologiyalar boʻyicha yagona texnologik yondashuvni amalga oshirishda yagona talablar, meʼyorlar va mezonlarni belgilash;
davlat organlari va tashkilotlari, shuningdek, xoʻjalik yurituvchi subyektlarga jamoat xavfsizligini taʼminlash va ichki tartibni saqlash sohasida raqamli texnologiyalar joriy etishda koʻmaklashish;
jamoat xavfsizligi va huquq tartibotni taʼminlash sohasida davlat organlari va boshqa tashkilotlar tomonidan amalga oshiriladigan loyihalarni kelishish va xulosalar berish.
6. Belgilansinki, Oʻzbekiston Respublikasi Prezidentining 2018-yil 27-iyuldagi “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi PF-5490-son Farmoni 5 va 6-bandlari talablari Axborotlashtirish va telekommunikatsiyalar sohasida nazorat inspeksiyasi tomonidan amalga oshiriladigan tekshirishlarga tatbiq etilmaydi.
7. Quyidagi tartib oʻrnatilsinki, unga koʻra:
a) Joriy taʼminot (ish haqiga davlat qoʻshimcha toʻlovlari va ustama pullar saqlangan holda), Davlat inspeksiyasi va Markazning moddiy-texnika bazasini mustahkamlash, ular xodimlarining mehnatini qoʻshimcha moddiy ragʻbatlantirish boʻyicha xarajatlarni moliyalashtirish Axborot-kommunikatsiya texnologiyalarini rivojlantirish jamgʻarmasining mablagʻlari hisobidan amalga oshiriladi;
b) Markaz xodimlariga axborot va kiberxavfsizlik sohasidagi alohida mehnat sharoitlari uchun xodim lavozim maoshining kamida 100 foizi miqdorida oylik ustama belgilanadi;
v) 2019-yil 1-yanvardan:
axborot-kommunikatsiya texnologiyalari, apparat vositalari va dasturiy mahsulotlar, himoya vositalari va boshqa texnik vositalarga texnik topshiriqlar boʻyicha xulosalar Markaz bilan majburiy tartibda kelishiladi;
davlat organlari va tashkilotlarining axborotlashtirish obyektlarida (davlat sirlari bundan mustasno) joriy etiladigan va foydalaniladigan apparat vositalari va dasturiy mahsulotlar majburiy ravishda Markazda attestatsiya va ekspertizadan oʻtkazilishi zarur;
Oʻzbekiston Respublikasi Prezidenti huzuridagi Loyiha boshqaruvi milliy agentligi axborot-kommunikatsiya texnologiyalari, apparat vositalari va dasturiy mahsulotlar, himoya vositalari hamda boshqa texnik vositalarga texnik topshiriqlar boʻyicha xulosalarni Markaz bilan majburiy kelishilgandan soʻng berilishini taʼminlasin.
g) jamoat xavfsizligini taʼminlash va ichki tartibni saqlash sohasida:
raqamli texnologiyalarni joriy etish, taʼlim muassasalariga kirish test sinovlari jarayonini oshkora va shaffof oʻtkazish, shuningdek, “112” Yagona dispetcherlik xizmatini tashkil etish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan mahalliy budjet hisobidan moliyalashtiriladi;
davlat ahamiyatiga ega tadbirlarda va obyektlarda, shuningdek, davlat organlari va tashkilotlarida raqamli texnologiyalarni joriy etish Ichki ishlar vazirligi tomonidan muvofiqlashtiriladi;
raqamli texnologiyalarni joriy etish boʻyicha yagona texnologik yondashuvni amalga oshirishda yagona talablar, meʼyorlar va mezonlarni belgilash va ularni “Elektron hukumat” tizimi bilan integratsiyalashga koʻmaklashish Yagona integrator tomonidan amalga oshiriladi.
11. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat boʻyicha inspeksiyaga biriktirilgan transport vositalari va boshqa mol-mulkni Davlat inspeksiyasiga;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Axborot xavfsizligi va jamoat tartibini taʼminlashga koʻmaklashish markaziga biriktirilgan texnik va transport vositalari, shuningdek, boshqa mol-mulkni Markaz balansiga begʻaraz oʻtkazsin, Xavfsiz shahar loyihasini amalga oshirish uchun moʻljallangan mol-mulk bundan mustasno.
12. Fanlar akademiyasi Davlat inspeksiyasi va Markazni joylashtirish uchun Toshkent shahri, Doʻrmon yoʻli koʻchasi, 29 va 31-uylari manzili boʻyicha joylashgan maʼmuriy bino va inshootlarini tutash hududlari bilan birgalikda operativ boshqaruv huquqi asosida Davlat inspeksiyasiga oʻtkazsin.
13. Quyidagilar:
“Oʻzbektelekom” AKga Markazni zarur aloqa vositalari va yuqori tezlikdagi Internet tarmogʻi bilan taʼminlash;
“Oʻzbekenergo” AJga Markazga ajratilgan binoni majburiy tartibda zaxira qilingan uzluksiz energiya taʼminoti bilan taʼminlash tavsiya etilsin.
14. Markaz axborot sohasida davlat xavfsizligini taʼminlash uchun olib kiriladigan zamonaviy axborot-kommunikatsiya texnologiyalari, kompyuter texnikasi, dasturiy mahsulotlar, apparat-dasturiy komplekslar, oʻquv va laboratoriya jihozlari, ehtiyot qismlar, butlovchi qismlar va radiodetallarga bojxona toʻlovlarini (bojxona rasmiylashtiruvi uchun yigʻimlardan tashqari) toʻlashdan ozod etilsin.
15. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Oʻzbekiston Respublikasi Adliya vazirligi va manfaatdor vazirlik va idoralar bilan birgalikda bir oy muddatda:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining “Xavfsiz shahar” jamoat tartibiga koʻmaklashish markazi faoliyatini tashkil etish toʻgʻrisidagi Oʻzbekiston Respublikasi Prezidenti qarori loyihasini kiritsin;
qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
oʻzlari qabul qilgan idoraviy hujjatlarni Oʻzbekiston Respublikasi Prezidentining ushbu qaroriga muvofiqlashtirsin.
16. Mazkur qarorning ijrosini nazorat qilish Oʻzbekiston Respublikasi Davlat xavfsizlik xizmati Raisi I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 21-noyabr,
PQ-4024-son
Президента Республики Узбекистан
Постановление
О мерах по совершенствованию системы контроля за внедрением информационных технологий и коммуникаций, организации их защиты
[Извлечение]
Внедрение современных информационно-коммуникационных систем в сфере государственного и общественного управления является важным условием эффективной реализации проводимых социально-экономических и общественно-политических реформ и преобразований в стране.
Вместе с тем, несмотря на принимаемые меры по развитию информационно-коммуникационных технологий в государственных органах и организациях, совершенствованию системы обеспечения информационной безопасности, сохраняется ряд проблем, препятствующих внедрению и эффективному функционированию системы «Электронное правительство», противодействию угрозам в информационной сфере. В их числе:
первое, несоответствие современным требованиям действующего механизма контроля и проверки за выполнением субъектами информатизации актов законодательства, нормативных документов и государственных стандартов способствует снижению качества предоставляемых услуг;
второе, отсутствие единого уполномоченного органа, ответственного за реализацию государственной политики в сфере информационной безопасности, становится причиной неэффективности проводимой работы в данном направлении;
третье, недостатки в системе экспертизы и сертификации внедряемых государственными органами и организациями аппаратных средств и программных продуктов затягивают их ускоренную интеграцию в систему «Электронное правительство»;
четвертое, несовершенство системы контроля в сфере телекоммуникаций, информационной и кибербезопасности, критической информационной инфраструктуры приводит к уязвимости объектов государственных информационных систем, цифровой экономики и персональных данных;
пятое, активное использование деструктивными силами современных информационно-коммуникационных технологий и сети Интернет негативно влияет на мировоззрение и сознание населения, особенно подрастающего поколения;
шестое, отсутствие системной работы по изучению и внедрению передового зарубежного опыта в сфере обеспечения информационной и кибербезопасности не позволяет внедрять современные методы защиты национального информационного пространства.
В целях повышения эффективности реализации единой государственной политики в информационной области, дальнейшего совершенствования системы контроля сферы телекоммуникаций, обеспечения информационной и кибербезопасности:
1. Согласиться с предложением Министерства по развитию информационных технологий и коммуникаций Республики Узбекистан об упразднении:
Инспекции по контролю в сфере связи, информатизации и телекоммуникационных технологий при Министерстве по развитию информационных технологий и коммуникаций Республики Узбекистан;
Центра информационной безопасности и содействия в обеспечении общественного порядка Министерства по развитию информационных технологий и коммуникаций Республики Узбекистан.
2. Создать:
Центр технического содействия (далее — Центр) в форме государственного унитарного предприятия;
Государственное учреждение «Центр оказания содействия общественному порядку «Безопасный город» Министерства по развитию информационных технологий и коммуникаций Республики Узбекистан (далее — Центр «Безопасный город»).
3. Передать 135 высвобождаемых штатных единиц Центра информационной безопасности и содействия в обеспечении общественного порядка Министерства по развитию информационных технологий и коммуникаций Республики Узбекистан Центру.
4. Установить, что:
Государственная инспекция является правопреемником по правам и обязательствам Инспекции по контролю в сфере связи, информатизации и телекоммуникационных технологий при Министерстве по развитию информационных технологий и коммуникаций Республики Узбекистан;
Центр является правопреемником по правам и обязательствам Центра информационной безопасности и содействия в обеспечении общественного порядка Министерства по развитию информационных технологий и коммуникаций Республики Узбекистан, за исключением связанных с реализацией проекта «Безопасный город»;
учредителем Центра является Государственная инспекция.
«Центр «Безопасный город» является Единым интегратором по интеграции системы «Электронное правительство» с информационными системами государственных органов и других организаций в рамках внедрения цифровых технологий в сфере обеспечения общественной безопасности и поддержания внутреннего порядка.
Центр «Безопасный город» является правопреемником Центра информационной безопасности и содействия в обеспечении общественного порядка Министерства по развитию информационных технологий и коммуникаций Республики Узбекистан в части прав и обязанностей, связанных с реализацией проекта создания единой интеграционной системы «Безопасный город».
5. Определить основными задачами:
б) Центра:
сбор, анализ и накопление данных о современных угрозах информационной безопасности, выработку рекомендаций и предложений по оперативному принятию эффективных организационных и программно-технических решений, обеспечивающих предотвращение актов незаконного проникновения в информационные системы, ресурсы и базы данных государственных органов и организаций;
взаимодействие с операторами и провайдерами сетей телекоммуникаций, правоохранительными органами в рамках проведения анализа, идентификации нарушителей, методов и средств, используемых при осуществлении несанкционированных либо деструктивных действий в информационном пространстве;
проведение аттестации, экспертизы и сертификации аппаратных средств и программных продуктов, информационно-коммуникационных технологий, телекоммуникационного оборудования и иных технических средств на объектах информатизации (за исключением государственных секретов);
оказание содействия в разработке и реализации политики информационной безопасности информационных систем и ресурсов государственных органов и организаций;
выработку предложений по совершенствованию нормативно-правовой базы в сфере обеспечения информационной безопасности государственных информационных систем и ресурсов, а также национального сегмента сети Интернет;
своевременное оповещение национальных пользователей сети Интернет о возникающих угрозах информационной безопасности в национальном сегменте сети Интернет, а также оказание консультационных услуг по защите информации.
в) Центра «Безопасный город»:
создание единой интегрированной системы «Безопасный город» в Республике Узбекистан и реализацию единой государственной политики в области контроля за ее использованием;
внедрение цифровых технологий в сфере обеспечение общественной безопасности, поддержание внутреннего порядка и осуществление их интеграции с системой «Электронное правительство»;
установление единых требований, норм и критериев в реализации единого технологического подхода к цифровым технологиям, внедряемых в сфере обеспечения общественной безопасности и поддержания внутреннего порядка;
содействие государственным органам и организациям, а также хозяйствующим субъектам во внедрении цифровых технологий в сфере обеспечения общественной безопасности и поддержания внутреннего порядка;
согласование и выдача заключений по проектам, реализуемым государственными органами и иными организациями в сфере обеспечения общественной безопасности и правопорядка.
6. Определить, что требования пунктов 5 и 6 Указа Президента Республики Узбекистан от 27 июля 2018 года № УП-5490 «О мерах по дальнейшему совершенствованию системы защиты прав и законных интересов субъектов предпринимательства» не распространяются на проверки, проводимые Инспекцией по контролю в сфере информатизации и телекоммуникаций.
7. Определить порядок, согласно которому:
а) финансирование расходов по текущему содержанию (при сохранении государственных надбавок и доплат к заработной плате), укреплению материально-технической базы и дополнительному материальному стимулированию труда работников Государственной инспекции и Центра осуществляется из средств Фонда развития информационно-коммуникационных технологий;
б) сотрудникам Центра за особые условия труда в области информационной и кибербезопасности устанавливается размер ежемесячной надбавки в размере не менее 100 процентов от должностного оклада сотрудника;
в) с 1 января 2019 года:
заключения по техническим заданиям на информационно-коммуникационные технологии, аппаратные средства и программные продукты, средства защиты и иные технические средства согласовываются в обязательном порядке с Центром;
внедряемые и эксплуатируемые аппаратные средства и программные продукты на объектах информатизации (за исключением государственных секретов) государственных органов и организаций в обязательном порядке подлежат аттестации и экспертизе в Центре.
Национальному агентству проектного управления при Президенте Республики Узбекистан обеспечить выдачу заключений по техническим заданиям на информационно-коммуникационные технологии, аппаратные средства и программные продукты, средства защиты и иные технические средства после обязательного согласования с Центром.
г) в сфере обеспечения общественной безопасности и поддержания внутреннего порядка:
внедрение цифровых технологий, открытое и прозрачное проведение процесса вступительных тестовых испытаний в образовательные учреждения, а также создание Единой диспетчерской службы «112» финансируются за счет средств местного бюджета Совета Министров Республики Каракалпакстан, хокимиятов областей и города Ташкента;
внедрение цифровых технологий на мероприятиях и объектах государственного значения, а также в государственных органах и организациях координируется Министерством внутренних дел;
установление единых требований, норм и критериев в реализации единого технологического подхода к внедрению цифровых технологий и содействие их интеграции с системой «Электронное правительство» осуществляются Единым интегратором.
11. Министерству по развитию информационных технологий и коммуникаций и Государственному комитету Республики Узбекистан по содействию приватизированным предприятиям и развитию конкуренции на безвозмездной основе передать на баланс:
Государственной инспекции транспортные средства и иное имущество, закрепленное за Инспекцией по контролю в сфере связи, информатизации и телекоммуникационных технологий при Министерстве по развитию информационных технологий и коммуникаций Республики Узбекистан;
Центра технические и транспортные средства, а также иное имущество, закрепленное за Центром информационной безопасности и содействия в обеспечении общественного порядка Министерства по развитию информационных технологий и коммуникаций Республики Узбекистан, за исключением имущества, предназначенного для реализации проекта «Безопасный город».
12. Академии наук передать Государственной инспекции административные здания и сооружения с прилегающей территорией, расположенные по адресу: город Ташкент, улица Дурмон йули, дома 29 и 31, на праве оперативного управления для размещения Государственной инспекции и Центра.
13. Рекомендовать:
АК «Узбектелеком» обеспечить Центр необходимыми средствами связи и высокоскоростным выходом в сеть Интернет;
АО «Узбекэнерго» обеспечить выделенное Центру здание бесперебойным энергоснабжением с обязательным его резервированием.
14. Освободить Центр от уплаты таможенных платежей (за исключением сборов за таможенное оформление) на ввозимые для обеспечения государственной безопасности в информационной сфере современные информационно-коммуникационные технологии, компьютерную технику, программные продукты, аппаратно-программные комплексы, учебное и лабораторное оборудование, запасные части, комплектующие и радиодетали.
15. Министерству по развитию информационных технологий и коммуникаций совместно с Министерством юстиции Республики Узбекистан и заинтересованными министерствами и ведомствами в месячный срок:
внести проект постановления Президента Республики Узбекистан об организации деятельности Центра оказания содействия общественному порядку «Безопасный город» Министерства по развитию информационных технологий и коммуникаций Республики Узбекистан;
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Постановления;
привести принятые ими ведомственные акты в соответствие с настоящим постановлением Президента Республики Узбекистан.
16. Контроль за исполнением настоящего постановления возложить на Председателя Службы государственной безопасности Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
21 ноября 2018 г.,
№ ПП-4024