📅 2018-yil 22-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Кўчмас мулк билан боғлиқ битимларни нотариал тасдиқлашни тартибга солиш чора-тадбирлари тўғрисида
Ўзбекистон Республикаси Президентининг «Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида» 2018 йил 25 майдаги ПҚ-3741-сон қарори ижроси юзасидан ҳамда жисмоний ва юридик шахсларнинг ҳуқуқ ва қонуний манфаатлари ҳимоя қилинишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида» 2018 йил 25 майдаги ПҚ-3741-сон қарори билан 2019 йил 1 январдан бошлаб кўчмас мулк билан боғлиқ битимларни нотариал тасдиқлаш фақат «Давлат белгиси» давлат-ишлаб чиқариш бирлашмаси томонидан тайёрланадиган, ҳимоя даражасига, серияга, тартиб рақамига ва ҳудудий кодга эга бўлган, қатъий ҳисобот бериладиган гербли (махсус) бланкаларда (кейинги ўринларда гербли бланкалар деб аталади) амалга оширилиши белгиланганлиги маълумот учун қабул қилинсин.
2. Белгилансинки:
тарафларнинг хоҳишига кўра кўчмас мулк билан боғлиқ битимлар гербли бланкаларда расмийлаштирилади. Агар кўчмас мулк билан боғлиқ бўлган ишончнома биттадан ортиқ ишончли шахсга берилган тақдирда, у ишончли шахслар сони бўйича тарафларнинг хоҳишига кўра гербли (махсус) бланкада расмийлаштирилади. Қолган нусхаларда гербли (махсус) бланканинг серияси, тартиб рақами ва ҳудудий коди кўрсатилади;
кўчмас мулкни айирбошлаш шартномасининг икки нусхаси, кўчмас мулк билан боғлиқ қолган барча битимларнинг бир нусхаси гербли бланкаларда расмийлаштирилади.
3. Кўчмас мулк билан боғлиқ битимларни гербли бланкаларда нотариал тартибда тасдиқланганлиги учун базавий ҳисоблаш миқдорининг 10 фоизи миқдорида герб йиғими ундирилади.
Герб йиғимидан тушадиган маблағлар қуйидаги тартибда тақсимланади:
50 фоизи — туманлар ва шаҳарлар бюджетлари даромадига;
50 фоизи — Ўзбекистон Республикаси Адлия вазирлигининг ғазначилик ҳисоб рақамларига ўтказилади ва гербли бланкалар тайёрлашга, бошқа шахсга бериш тақиқланган ёки хатлаб қўйилган кўчмас мулклар тўғрисидаги электрон маълумотлар банкини яратишга, шунингдек, адлия органлари ва муассасаларининг моддий-техника базасини мустаҳкамлаш ҳамда ходимларини моддий рағбатлантириш тадбирларига сарфланади.
4. Бошқа шахсга бериш тақиқланган ёки хатлаб қўйилган кўчмас мулклар тўғрисидаги электрон маълумотлар банкини шакллантириш тартиби манфаатдор вазирлик ва идоралар билан келишган ҳолда Ўзбекистон Республикаси Адлия вазирлиги томонидан Ер ресурслари, геодезия, картография ва давлат кадастри давлат қўмитаси билан биргаликда тасдиқланади.
5. Ўзбекистон Республикаси Адлия вазирлиги манфаатдор вазирликлар ва идоралар билан биргаликда икки ой муддатда:
бошқа шахсга бериш тақиқланган ёки хатлаб қўйилган кўчмас мулклар тўғрисидаги электрон маълумотлар банкини шакллантирсин;
ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси адлия вазири Р.К. Давлетов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 22 ноябрь,
941-сон
Oʻzbekiston Respublikasi Vazirlar Mahkamasining
qarori
Koʻchmas mulk bilan bogʻliq bitimlarni notarial tasdiqlashni tartibga solish chora-tadbirlari toʻgʻrisida
Oʻzbekiston Respublikasi Prezidentining “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari toʻgʻrisida” 2018-yil 25-maydagi PQ-3741-son qarori ijrosi yuzasidan hamda jismoniy va yuridik shaxslarning huquq va qonuniy manfaatlari himoya qilinishini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Nizolarning oldini olishga qaratilgan institut sifatida notariat tizimini yanada takomillashtirish chora-tadbirlari toʻgʻrisida” 2018-yil 25-maydagi PQ-3741-son qarori bilan 2019-yil 1-yanvardan boshlab koʻchmas mulk bilan bogʻliq bitimlarni notarial tasdiqlash faqat “Davlat belgisi” davlat-ishlab chiqarish birlashmasi tomonidan tayyorlanadigan, himoya darajasiga, seriyaga, tartib raqamiga va hududiy kodga ega boʻlgan, qatʼiy hisobot beriladigan gerbli (maxsus) blankalarda (keyingi oʻrinlarda gerbli blankalar deb ataladi) amalga oshirilishi belgilanganligi maʼlumot uchun qabul qilinsin.
2. Belgilansinki:
taraflarning xohishiga koʻra koʻchmas mulk bilan bogʻliq bitimlar gerbli blankalarda rasmiylashtiriladi. Agar koʻchmas mulk bilan bogʻliq boʻlgan ishonchnoma bittadan ortiq ishonchli shaxsga berilgan taqdirda, u ishonchli shaxslar soni boʻyicha taraflarning xohishiga koʻra gerbli (maxsus) blankada rasmiylashtiriladi. Qolgan nusxalarda gerbli (maxsus) blankaning seriyasi, tartib raqami va hududiy kodi koʻrsatiladi;
koʻchmas mulkni ayirboshlash shartnomasining ikki nusxasi, koʻchmas mulk bilan bogʻliq qolgan barcha bitimlarning bir nusxasi gerbli blankalarda rasmiylashtiriladi.
3. Koʻchmas mulk bilan bogʻliq bitimlarni gerbli blankalarda notarial tartibda tasdiqlanganligi uchun bazaviy hisoblash miqdorining 10 foizi miqdorida gerb yigʻimi undiriladi.
Gerb yigʻimidan tushadigan mablagʻlar quyidagi tartibda taqsimlanadi:
50 foizi — tumanlar va shaharlar budjetlari daromadiga;
50 foizi — Oʻzbekiston Respublikasi Adliya vazirligining gʻaznachilik hisob raqamlariga oʻtkaziladi va gerbli blankalar tayyorlashga, boshqa shaxsga berish taqiqlangan yoki xatlab qoʻyilgan koʻchmas mulklar toʻgʻrisidagi elektron maʼlumotlar bankini yaratishga, shuningdek, adliya organlari va muassasalarining moddiy-texnika bazasini mustahkamlash hamda xodimlarini moddiy ragʻbatlantirish tadbirlariga sarflanadi.
4. Boshqa shaxsga berish taqiqlangan yoki xatlab qoʻyilgan koʻchmas mulklar toʻgʻrisidagi elektron maʼlumotlar bankini shakllantirish tartibi manfaatdor vazirlik va idoralar bilan kelishgan holda Oʻzbekiston Respublikasi Adliya vazirligi tomonidan Yer resurslari, geodeziya, kartografiya va davlat kadastri davlat qoʻmitasi bilan birgalikda tasdiqlanadi.
5. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda:
boshqa shaxsga berish taqiqlangan yoki xatlab qoʻyilgan koʻchmas mulklar toʻgʻrisidagi elektron maʼlumotlar bankini shakllantirsin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-noyabr,
941-son
Кабинета Министров Республики Узбекистан
Постановление
О мерах по упорядочению нотариально удостоверенных сделок, связанных с недвижимым имуществом
Во исполнение постановления Президента Республики Узбекистан от 25 мая 2018 года № ПП-3741 «О мерах по дальнейшему совершенствованию системы нотариата в качестве института предупредительного правосудия», а также в целях обеспечения защиты прав и законных интересов физических и юридических лиц Кабинет Министров постановляет:
1. Принять к сведению, что постановлением Президента Республики Узбекистан от 25 мая 2018 года № ПП-3741 «О мерах по дальнейшему совершенствованию системы нотариата в качестве института предупредительного правосудия» установлено с 1 января 2019 года осуществление нотариального удостоверения сделок, связанных с недвижимым имуществом, исключительно на гербовых (специальных) бланках строгой отчетности, имеющих степень защиты, серию, порядковый номер и территориальный код, изготавливаемых Государственным производственным объединением «Давлат белгиси» (далее — гербовые бланки).
2. Установить, что:
по желанию сторон сделки, связанные с недвижимым имуществом, оформляются на гербовых бланках. В случае, если доверенность, связанная с недвижимым имуществом, выдается более чем одному доверенному лицу, по желанию сторон доверенность оформляется на гербовом (специальном) бланке по количеству доверенных лиц. В остальных экземплярах указываются серия, порядковый номер и территориальный код гербового (специального) бланка.
два экземпляра договора мены недвижимого имущества, по одному экземпляру все остальные сделки, связанные с недвижимым имуществом, оформляется на гербовых бланках.
3. За нотариальное удостоверение сделок, связанных с недвижимым имуществом, на гербовых бланках взимается гербовый сбор в размере 10 процентов базовой расчетной величины.
Средства, поступающие от оплаты гербового сбора, распределяются в следующем порядке:
50 процентов — в доход бюджетов районов и городов;
50 процентов — зачисляются на казначейские лицевые счета Министерства юстиции Республики Узбекистан и расходуются на изготовление гербовых бланков и создание электронного банка данных, содержащего информацию о запрете отчуждения или ареста недвижимого имущества, а также на мероприятия по укреплению материально-технической базы и материальному стимулированию работников органов и учреждений юстиции.
4. Порядок создания электронного банка данных с информацией о запрете отчуждения и ареста на недвижимое имущество утверждается Министерством юстиции Республики Узбекистан совместно с Государственным комитетом Республики Узбекистан по земельным ресурсам, геодезии, картографии и государственному кадастру по согласованию с другими заинтересованными министерствами и ведомствами.
5. Министерству юстиции Республики Узбекистан совместно с заинтересованными министерствами и ведомствами в двухмесячный срок обеспечить:
формирование электронного банка данных, содержащего информацию о запрете отчуждения и ареста на недвижимого имущества;
приведение принятых ими нормативно-правовых актов в соответствие с настоящим постановлением
6. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова и министра юстиции Республики Узбекистан Р.К. Давлетова.
Премьер-министр Республики Узбекистан А. АРИПОВ
г. Ташкент,
22 ноября 2018 г.,
№ 941