📅 2018-yil 22-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Жиззах вилоятида давлат мулки объектларини янада самарали бошқариш чора-тадбирлари тўғрисида
Давлат мулки объектларини янада самарали бошқаришни таъминлаш, шунингдек, Жиззах вилояти «Баркамол авлод» болалар марказининг моддий-техника базасини мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Халқ таълими вазирлиги ва Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Жиззах шаҳар, «Жиззахлик» МФЙ, Ш. Рашидов кўчасида жойлашган собиқ болалар ва ўсмирлар спорт мактаби бино ва иншоотларини оператив бошқарув ҳуқуқи билан Жиззах вилояти «Баркамол авлод» болалар марказига бериш тўғрисидаги таклифи маъқуллансин.
2. Жиззах вилояти ҳокимлиги Ўзбекистон Республикаси Қурилиш вазирлиги билан биргаликда Жиззах вилоятининг маҳаллий бюджети маблағлари ҳисобига, ушбу қарорнинг 1-бандига мувофиқ берилаётган Жиззах вилояти «Баркамол авлод» болалар маркази бино ва иншоотларини реконструкция қилиш бўйича лойиҳа-смета ҳужжатлари ишлаб чиқилишини ва белгиланган тартибда давлат экспертизасидан ўтказилишини таъминласин.
3. Ўзбекистон Республикаси Инвестициялар бўйича давлат қўмитаси, Молия вазирлиги ва Иқтисодиёт вазирлиги Жиззах вилояти «Баркамол авлод» болалар маркази бино ва иншоотларини реконструкция қилиш бўйича тасдиқланган лойиҳа-смета ҳужжатларига мувофиқ зарур бўлган капитал қўйилма лимити ажратилишини 2019 йил Ўзбекистон Республикаси Инвестиция дастурини шакллантиришда назарда тутсин.
4. Белгилансинки, «Баркамол авлод» болалар марказини реконструкция қилиш доирасида:
Жиззах вилояти ҳокимияти ҳузуридаги «Ягона буюртмачи хизмати» инжиниринг компанияси — буюртмачи;
танлов (тендер) савдолари натижалари бўйича белгиланган тартибда аниқланадиган ташкилотлар — бош лойиҳалаштирувчи ва пудратчи ташкилотлар этиб белгилансин.
5. Ўзбекистон Республикаси Қурилиш вазирлиги Жиззах вилояти «Баркамол авлод» болалар марказини реконструкция қилиш бўйича қурилиш-монтаж ишлари бажарилиши сифати устидан белгиланган тартибда архитектура-қурилиш назоратини ўрнатсин.
6. Ўзбекистон Республикаси Вазирлар Маҳкамасининг 2017 йил 5 июндаги 352-сон (Ўзбекистон Республикаси қонун ҳужжатлари тўплами, 2017 й., 23-сон, 476-модда) қарори билан тасдиқланган Самарали фойдаланиш учун тадбиркорлик субъектларига берилиши, шу жумладан инвестиция мажбуриятлари қабул қилиш шарти «ноль» харид қийматида берилиши таклиф этилаётган фойдаланилмаётган давлат мулки объектлари рўйхатидан 37-позиция чиқариб ташлансин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси халқ таълими вазири Ш.Х. Шерматов ва Жиззах вилояти ҳокими Э.А. Салиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 22 ноябрь,
943-сон
Oʻzbekiston Respublikasi Vazirlar Mahkamasining
qarori
Jizzax viloyatida davlat mulki obyektlarini yanada samarali boshqarish chora-tadbirlari toʻgʻrisida
Davlat mulki obyektlarini yanada samarali boshqarishni taʼminlash, shuningdek, Jizzax viloyati “Barkamol avlod” bolalar markazining moddiy-texnika bazasini mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Xalq taʼlimi vazirligi va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Jizzax shahar, “Jizzaxlik” MFY, Sh. Rashidov koʻchasida joylashgan sobiq bolalar va oʻsmirlar sport maktabi bino va inshootlarini operativ boshqaruv huquqi bilan Jizzax viloyati “Barkamol avlod” bolalar markaziga berish toʻgʻrisidagi taklifi maʼqullansin.
2. Jizzax viloyati hokimligi Oʻzbekiston Respublikasi Qurilish vazirligi bilan birgalikda Jizzax viloyatining mahalliy budjeti mablagʻlari hisobiga, ushbu qarorning 1-bandiga muvofiq berilayotgan Jizzax viloyati “Barkamol avlod” bolalar markazi bino va inshootlarini rekonstruksiya qilish boʻyicha loyiha-smeta hujjatlari ishlab chiqilishini va belgilangan tartibda davlat ekspertizasidan oʻtkazilishini taʼminlasin.
3. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi va Iqtisodiyot vazirligi Jizzax viloyati “Barkamol avlod” bolalar markazi bino va inshootlarini rekonstruksiya qilish boʻyicha tasdiqlangan loyiha-smeta hujjatlariga muvofiq zarur boʻlgan kapital qoʻyilma limiti ajratilishini 2019-yil Oʻzbekiston Respublikasi Investitsiya dasturini shakllantirishda nazarda tutsin.
4. Belgilansinki, “Barkamol avlod” bolalar markazini rekonstruksiya qilish doirasida:
Jizzax viloyati hokimiyati huzuridagi “Yagona buyurtmachi xizmati” injiniring kompaniyasi — buyurtmachi;
tanlov (tender) savdolari natijalari boʻyicha belgilangan tartibda aniqlanadigan tashkilotlar — bosh loyihalashtiruvchi va pudratchi tashkilotlar etib belgilansin.
5. Oʻzbekiston Respublikasi Qurilish vazirligi Jizzax viloyati “Barkamol avlod” bolalar markazini rekonstruksiya qilish boʻyicha qurilish-montaj ishlari bajarilishi sifati ustidan belgilangan tartibda arxitektura-qurilish nazoratini oʻrnatsin.
6. Oʻzbekiston Respublikasi Vazirlar Mahkamasining 2017-yil 5-iyundagi 352-son (Oʻzbekiston Respublikasi qonun hujjatlari toʻplami, 2017-y., 23-son, 476-modda) qarori bilan tasdiqlangan Samarali foydalanish uchun tadbirkorlik subyektlariga berilishi, shu jumladan investitsiya majburiyatlari qabul qilish sharti “nol” xarid qiymatida berilishi taklif etilayotgan foydalanilmayotgan davlat mulki obyektlari roʻyxatidan 37-pozitsiya chiqarib tashlansin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi xalq taʼlimi vaziri Sh.X. Shermatov va Jizzax viloyati hokimi E.A. Saliyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-noyabr,
943-son
Кабинета Министров Республики Узбекистан
Постановление
О мерах по дальнейшему эффективному управлению объектами государственной собственности в Джизакской области
В целях обеспечения дальнейшего эффективного управления объектами государственной собственности, а также укрепления материально-технической базы Детского центра «Баркамол авлод» Джизакской области Кабинет Министров постановляет:
1. Согласиться с предложением Министерства народного образования Республики Узбекистан и Государственного комитета Республики Узбекистан по содействию приватизированным предприятиям и развитию конкуренции о передаче Детскому центру «Баркамол авлод» Джизакской области здания и сооружений бывшей детской и подростковой спортивной школы, расположенных по адресу: г. Джизак, МСГ «Жиззахлик», проспект Ш. Рашидова, на праве оперативного управления.
2. Хокимияту Джизакской области совместно с Министерством строительства Республики Узбекистан обеспечить разработку и проведение в установленном порядке государственной экспертизы проектно-сметной документации по реконструкции здания и сооружений Детского центра «Баркамол авлод» Джизакской области, передаваемых в соответствии с пунктом 1 настоящего постановления, за счет средств местного бюджета Джизакской области.
3. Государственному комитету Республики Узбекистан по инвестициям, Министерству финансов и Министерству экономики Республики Узбекистан при формировании Инвестиционной программы Республики Узбекистан на 2019 год предусмотреть выделение соответствующего лимита капитальных вложений на реконструкцию здания и сооружений Детского центра «Баркамол авлод» Джизакской области согласно утвержденной проектно-сметной документации.
4. Определить в рамках реконструкции Детского центра «Баркамол авлод»:
заказчиком — Инжиниринговую компанию «Служба единого заказчика» при хокимияте Джизакской области;
генеральными проектной и подрядной организациями — по результатам конкурсных (тендерных) торгов, проводимых в установленном порядке.
5. Министерству строительства Республики Узбекистан установить государственный архитектурно-строительный контроль за качеством выполняемых строительно-монтажных работ по реконструкции Детского центра «Баркамол авлод» Джизакской области.
6. Позицию 37 Перечня неиспользуемых объектов государственной собственности, предлагаемых для передачи субъектам предпринимательства, в том числе по «нулевой» выкупной стоимости под инвестиционные обязательства, и подлежащих эффективному использованию, утвержденного постановлением Кабинета Министров от 5 июня 2017 г. № 352 (СЗ Республики Узбекистан, 2017., № 23, ст. 476), исключить.
7. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, министра народного образования Республики Узбекистан Ш.Х. Шерматова и хокима Джизакской области Э.А. Салиева.
Премьер-министр Республики Узбекистан А. АРИПОВ
г. Ташкент,
22 ноября 2018 г.,
№ 943