📅 2018-yil 23-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 23 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 ноября 2018 г. · Постановления Президента
Официальный текст. Официальный документ. Редакционные примечания не включены.
📅 23 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Кредиторларнинг ҳуқуқий ҳимоясини кучайтириш ва тадбиркорлик фаолиятини молиялаштириш механизмларини такомиллаштириш чора-тадбирлари тўғрисида
Сўнгги йилларда бозор ислоҳотларини изчил чуқурлаштириш ва иқтисодиётни либераллаштириш, ишбилармонлик муҳитини яхшилаш, рақобатни ривожлантириш, кичик бизнес ва хусусий тадбиркорликнинг жадал ривожланишини рағбатлантириш бўйича комплекс чора-тадбирлар амалга оширилди.
Иқтисодий тараққиётнинг бугунги босқичи тадбиркорлик субъектларининг кредит ресурсларига, инвестицияларни жалб этишга ва илғор бизнес лойиҳаларни молиялаштиришнинг янги механизмларига бўлган кучли эҳтиёжини юзага келтирмоқда.
Шу билан бирга, гаров билан таъминланган кредиторлар талабларини кредит маблағлари қайтарилишининг кафолати ҳисобланган гаровдаги мол-мулк қийматидан қондириш тизимининг самарасизлиги қўшимча маблағ жалб этиш имкониятига салбий таъсир кўрсатмоқда.
Қонунчиликда белгиланган имконият бўлишига қарамай, банклар ва бошқа кредит ташкилотлари томонидан автотранспорт воситаларидан бошқа кўчар мол-мулкни гаров сифатида қабул қилиш, шунингдек, гаров предмети қиймати кредит миқдоридан анча кўп бўлса ҳам, навбатдаги гаровни қабул қилиш амалиёти қўлланилмаяпти.
Мамлакатда инвестиция муҳитини янада яхшилаш, тўғридан-тўғри инвестицияларни жалб этишни рағбатлантириш, инвесторларнинг мамлакатимизда тадбиркорлик фаолиятини йўлга қўйиш ва юритишга бўлган ишончини мустаҳкамлаш мақсадида:
1. Ўзбекистон Республикаси Адлия вазирлиги ва Марказий банкининг 2019 йил 1 январдан қуйидаги тартибни ўрнатиш тўғрисидаги таклифига розилик берилсин:
гаров билан таъминланган кредиторлар талабларини гаровга қўйилган мол-мулк қийматидан қондириш қарздор ўз мажбуриятларини бажармаган ёки лозим даражада бажармаган ҳолларда гаров реестрига қарздорнинг мол-мулкига бўлган ҳуқуқлари тўғрисида ёзув киритилган санага кўра календарь кетма-кетлигида амалга оширилади. Бунда, ушбу тартиб қарздорнинг ҳисобварағидаги пул маблағлари унга қўйилган барча талабларни қондириш учун етарли бўлмаган тақдирда, пул маблағларини ҳисобдан чиқариш навбатига татбиқ этилмайди;
гаров реестрига қарздорнинг мол-мулкига бўлган ҳуқуқлари тўғрисида ёзув киритган кредитор-гаровга олувчилар ўз талабларини қондиришда гаров реестрига тегишли ёзувни киритмаган кредитор-гаровга олувчиларга нисбатан устувор ҳуқуққа эга бўладилар;
мол-мулкни харид қилишни унинг таъминоти эвазига молиялаштирган кредитор гаров реестрига тегишли ёзувни киритган тақдирда, ушбу мол-мулк ҳисобидан ўз талабларини қондиришда устувор ҳуқуққа эга бўлади;
навбатдаги гаровга қўйишга гаров реестрига тегишли ёзувни киритиш шарти билан аввалги гаровга олувчининг розилигисиз рухсат этилади;
гаровга қўювчи томонидан гаров предметини ижарага беришга гаров реестрига тегишли ёзувни киритиш ва бу ҳақда гаровга олувчини хабардор этиш шарти билан гаровга олувчининг розилигисиз рухсат этилади.
2. Қуйидагилар:
шартномада ўзгача қоида белгиланган бўлмаса, қарздорнинг мажбуриятлар бажарилишини таъминлаш учун тақдим этилган мол-мулкидан фойдаланиш ёки уни сотишдан олинган ҳосил ва даромадларга (тушумга) кредиторнинг устувор ҳуқуқи;
лизинг, бўлиб-бўлиб тўлашни назарда тутувчи олди-сотди, ижара ёки бошқа битимлар объекти бўлган ҳамда ушбу битимларда мажбуриятлар бажарилишини таъминлаш учун қўйилган мол-мулкка (мулк ҳуқуқига) гаров учун белгиланган ундирув қаратиш тартиби;
ёзма битим мавжуд бўлган тақдирда, гаров предмети ёки кредиторнинг мажбуриятлари бажарилишини таъминлаш предмети сифатида қўйилган кўчар мол-мулкка ундирувни қаратишга суд буйруғи институти татбиқ этилсин.
3. Шундай тартиб ўрнатилсинки, унга мувофиқ:
мол-мулк билан таъминланадиган мажбуриятни шу мол-мулк қийматидан қопланишини мумкин бўлган мажбуриятнинг максимал суммасини кўрсатиш йўли билан аниқлашга рухсат этилади;
мажбуриятлар бажарилишини мол-мулк билан таъминлашни назарда тутадиган битимлар, шу жумладан гаров шартномаси мажбуриятлар бажарилишининг мулкий таъминоти предметини батафсил баён қилмасдан, уни умумий тавсифлаш орқали, жумладан алоҳида тоифа бўйича тузилиши мумкин;
гаровга олувчилар ва бошқа кредиторларнинг талаб қилиш ҳуқуқини таъминлаш учун гаровга қўйилган ҳамда уларнинг талаблари бўйича ундирув қаратилган мол-мулк кредитга, бўлиб-бўлиб тўлашга, лизингга ёки қонун ҳужжатлари билан тақиқланмаган бошқа битимлар орқали реализация қилиниши, ижарага берилиши мумкин, суд қарорлари ва бошқа органлар қарорларини ижро этиш тўғрисидаги қонун ҳужжатларига мувофиқ мол-мулкни мажбурий реализация қилиш ҳоллари бундан мустасно.
4. Ўзбекистон Республикаси Давлат солиқ қўмитаси ва Давлат божхона қўмитаси қонун ҳужжатларида ўрнатилган тартибда солиқ ва бошқа мажбурий тўловлар бўйича қарздорликни қоплаш бўйича талаблар тўғрисидаги ёзувлар гаров реестрига ўз вақтида киритилишини таъминласин.
5. Ўзбекистон Республикаси Марказий банки бир ой муддатда юридик ва жисмоний шахслардан гаров реестрига ёзув киритиш учун, шунингдек, гаров реестридан кўчирма бериш учун ундириладиган тўловлар миқдорини камида икки баробар камайтиришни назарда тутадиган қонун ҳужжатларига ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Ўзбекистон Республикаси Вазирлар Маҳкамаси бир ой муддатда мазкур қарорнинг норма ва талабларини амалга оширишни назарда тутадиган қонун лойиҳасини Ўзбекистон Республикаси Олий Мажлиси Қонунчилик палатасига киритсин.
7. Ўзбекистон Миллий ахборот агентлиги, Ўзбекистон Миллий телерадиокомпанияси Ўзбекистон Республикаси Марказий банки ва Адлия вазирлиги билан биргаликда ушбу қарорнинг мазмун-моҳиятини кенг ёритишни ташкил этсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 23 ноябрь,
ПҚ-4026-сон
Oʻzbekiston Respublikasi Prezidentining
Qarori
Kreditorlarning huquqiy himoyasini kuchaytirish va tadbirkorlik faoliyatini moliyalashtirish mexanizmlarini takomillashtirish chora-tadbirlari toʻgʻrisida
Soʻnggi yillarda bozor islohotlarini izchil chuqurlashtirish va iqtisodiyotni liberallashtirish, ishbilarmonlik muhitini yaxshilash, raqobatni rivojlantirish, kichik biznes va xususiy tadbirkorlikning jadal rivojlanishini ragʻbatlantirish boʻyicha kompleks chora-tadbirlar amalga oshirildi.
Iqtisodiy taraqqiyotning bugungi bosqichi tadbirkorlik subyektlarining kredit resurslariga, investitsiyalarni jalb etishga va ilgʻor biznes loyihalarni moliyalashtirishning yangi mexanizmlariga boʻlgan kuchli ehtiyojini yuzaga keltirmoqda.
Shu bilan birga, garov bilan taʼminlangan kreditorlar talablarini kredit mablagʻlari qaytarilishining kafolati hisoblangan garovdagi mol-mulk qiymatidan qondirish tizimining samarasizligi qoʻshimcha mablagʻ jalb etish imkoniyatiga salbiy taʼsir koʻrsatmoqda.
Qonunchilikda belgilangan imkoniyat boʻlishiga qaramay, banklar va boshqa kredit tashkilotlari tomonidan avtotransport vositalaridan boshqa koʻchar mol-mulkni garov sifatida qabul qilish, shuningdek, garov predmeti qiymati kredit miqdoridan ancha koʻp boʻlsa ham, navbatdagi garovni qabul qilish amaliyoti qoʻllanilmayapti.
Mamlakatda investitsiya muhitini yanada yaxshilash, toʻgʻridan-toʻgʻri investitsiyalarni jalb etishni ragʻbatlantirish, investorlarning mamlakatimizda tadbirkorlik faoliyatini yoʻlga qoʻyish va yuritishga boʻlgan ishonchini mustahkamlash maqsadida:
1. Oʻzbekiston Respublikasi Adliya vazirligi va Markaziy bankining 2019-yil 1-yanvardan quyidagi tartibni oʻrnatish toʻgʻrisidagi taklifiga rozilik berilsin:
garov bilan taʼminlangan kreditorlar talablarini garovga qoʻyilgan mol-mulk qiymatidan qondirish qarzdor oʻz majburiyatlarini bajarmagan yoki lozim darajada bajarmagan hollarda garov reyestriga qarzdorning mol-mulkiga boʻlgan huquqlari toʻgʻrisida yozuv kiritilgan sanaga koʻra kalendar ketma-ketligida amalga oshiriladi. Bunda, ushbu tartib qarzdorning hisobvaragʻidagi pul mablagʻlari unga qoʻyilgan barcha talablarni qondirish uchun yetarli boʻlmagan taqdirda, pul mablagʻlarini hisobdan chiqarish navbatiga tatbiq etilmaydi;
garov reyestriga qarzdorning mol-mulkiga boʻlgan huquqlari toʻgʻrisida yozuv kiritgan kreditor-garovga oluvchilar oʻz talablarini qondirishda garov reyestriga tegishli yozuvni kiritmagan kreditor-garovga oluvchilarga nisbatan ustuvor huquqqa ega boʻladilar;
mol-mulkni xarid qilishni uning taʼminoti evaziga moliyalashtirgan kreditor garov reyestriga tegishli yozuvni kiritgan taqdirda, ushbu mol-mulk hisobidan oʻz talablarini qondirishda ustuvor huquqqa ega boʻladi;
navbatdagi garovga qoʻyishga garov reyestriga tegishli yozuvni kiritish sharti bilan avvalgi garovga oluvchining roziligisiz ruxsat etiladi;
garovga qoʻyuvchi tomonidan garov predmetini ijaraga berishga garov reyestriga tegishli yozuvni kiritish va bu haqda garovga oluvchini xabardor etish sharti bilan garovga oluvchining roziligisiz ruxsat etiladi.
2. Quyidagilar:
shartnomada oʻzgacha qoida belgilangan boʻlmasa, qarzdorning majburiyatlar bajarilishini taʼminlash uchun taqdim etilgan mol-mulkidan foydalanish yoki uni sotishdan olingan hosil va daromadlarga (tushumga) kreditorning ustuvor huquqi;
lizing, boʻlib-boʻlib toʻlashni nazarda tutuvchi oldi-sotdi, ijara yoki boshqa bitimlar obyekti boʻlgan hamda ushbu bitimlarda majburiyatlar bajarilishini taʼminlash uchun qoʻyilgan mol-mulkka (mulk huquqiga) garov uchun belgilangan undiruv qaratish tartibi;
yozma bitim mavjud boʻlgan taqdirda, garov predmeti yoki kreditorning majburiyatlari bajarilishini taʼminlash predmeti sifatida qoʻyilgan koʻchar mol-mulkka undiruvni qaratishga sud buyrugʻi instituti tatbiq etilsin.
3. Shunday tartib oʻrnatilsinki, unga muvofiq:
mol-mulk bilan taʼminlanadigan majburiyatni shu mol-mulk qiymatidan qoplanishini mumkin boʻlgan majburiyatning maksimal summasini koʻrsatish yoʻli bilan aniqlashga ruxsat etiladi;
majburiyatlar bajarilishini mol-mulk bilan taʼminlashni nazarda tutadigan bitimlar, shu jumladan garov shartnomasi majburiyatlar bajarilishining mulkiy taʼminoti predmetini batafsil bayon qilmasdan, uni umumiy tavsiflash orqali, jumladan alohida toifa boʻyicha tuzilishi mumkin;
garovga oluvchilar va boshqa kreditorlarning talab qilish huquqini taʼminlash uchun garovga qoʻyilgan hamda ularning talablari boʻyicha undiruv qaratilgan mol-mulk kreditga, boʻlib-boʻlib toʻlashga, lizingga yoki qonun hujjatlari bilan taqiqlanmagan boshqa bitimlar orqali realizatsiya qilinishi, ijaraga berilishi mumkin, sud qarorlari va boshqa organlar qarorlarini ijro etish toʻgʻrisidagi qonun hujjatlariga muvofiq mol-mulkni majburiy realizatsiya qilish hollari bundan mustasno.
4. Oʻzbekiston Respublikasi Davlat soliq qoʻmitasi va Davlat bojxona qoʻmitasi qonun hujjatlarida oʻrnatilgan tartibda soliq va boshqa majburiy toʻlovlar boʻyicha qarzdorlikni qoplash boʻyicha talablar toʻgʻrisidagi yozuvlar garov reyestriga oʻz vaqtida kiritilishini taʼminlasin.
5. Oʻzbekiston Respublikasi Markaziy banki bir oy muddatda yuridik va jismoniy shaxslardan garov reyestriga yozuv kiritish uchun, shuningdek, garov reyestridan koʻchirma berish uchun undiriladigan toʻlovlar miqdorini kamida ikki barobar kamaytirishni nazarda tutadigan qonun hujjatlariga oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Oʻzbekiston Respublikasi Vazirlar Mahkamasi bir oy muddatda mazkur qarorning norma va talablarini amalga oshirishni nazarda tutadigan qonun loyihasini Oʻzbekiston Respublikasi Oliy Majlisi Qonunchilik palatasiga kiritsin.
7. Oʻzbekiston Milliy axborot agentligi, Oʻzbekiston Milliy teleradiokompaniyasi Oʻzbekiston Respublikasi Markaziy banki va Adliya vazirligi bilan birgalikda ushbu qarorning mazmun-mohiyatini keng yoritishni tashkil etsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 23-noyabr,
PQ-4026-son
Президента Республики Узбекистан
Постановление
О мерах по усилению правовой защиты кредиторов и совершенствованию механизмов финансирования предпринимательской деятельности
За последние годы принят комплекс мер по последовательному углублению рыночных реформ и либерализации экономики, улучшению деловой среды, развитию конкуренции, стимулированию ускоренного развития малого бизнеса и частного предпринимательства.
Нынешний уровень экономического развития обуславливает повышенную потребность субъектов предпринимательства в кредитных ресурсах, привлечении инвестиций и новых механизмах финансирования передовых бизнес проектов.
Вместе с тем неэффективность системы удовлетворения требований кредиторов, обеспеченных залогом, из стоимости заложенного имущества, являющегося гарантом возврата кредитных средств, негативно влияет на возможность привлечения дополнительных средств.
Несмотря на наличие законодательно установленной возможности, банками и иными кредитными организациями не практикуются принятие в качестве залога движимого имущества, кроме автотранспортных средств, а также последующий залог даже если стоимость предмета залога намного превышает размер кредита.
В целях дальнейшего улучшения инвестиционного климата в стране, стимулирования привлечения прямых инвестиций, укрепления доверия инвесторов в построении и ведении предпринимательской деятельности в стране:
1. Согласиться с предложением Министерства юстиции и Центрального банка Республики Узбекистан об установлении с 1 января 2019 года порядка, в соответствии с которым:
удовлетворение требований кредиторов, обеспеченных залогом, из стоимости заложенного имущества осуществляется в календарной очередности по дате внесения в залоговый реестр записи о своих правах на имущество должника, в случае неисполнения или ненадлежащего исполнения должником своих обязательств. При этом данный порядок не распространяется на очередность списания денежных средств со счета должника при их недостаточности для удовлетворения всех предъявленных к нему требований;
кредиторы-залогодержатели, внесшие в залоговый реестр записи о своих правах на имущество должника, имеют преимущественное право на удовлетворение своих требований перед кредиторами-залогодержателями, не внесшими соответствующую запись в залоговый реестр;
кредитор, финансировавший приобретение имущества под его обеспечение, имеет преимущественное право на удовлетворение своих требований за счет данного имущества при условии внесения им соответствующей записи в залоговый реестр;
последующий залог допускается при условии внесения соответствующей записи в залоговый реестр без получения согласия предыдущего залогодержателя;
передача в аренду залогодателем предмета залога допускается без получения согласия залогодержателя при условии внесения в залоговый реестр соответствующей записи и уведомления об этом залогодержателя.
2. Распространить:
преимущественное право кредитора также на плоды и доходы (выручку), полученные от использования или реализации имущества должника, предоставленного в качестве обеспечения исполнения обязательств, если иное не предусмотрено договором;
установленный для залога порядок обращения взыскания на имущество (имущественное право), являющееся объектом лизинга, купли-продажи с рассрочкой платежа, найма и иных сделок, где данное имущество выступает в качестве обеспечения исполнения обязательств;
институт судебного приказа при обращении взыскания на движимое имущество, выступающее в качестве предмета залога или предмета обеспечения исполнения обязательств кредитора, при наличии письменной сделки.
3. Установить порядок, в соответствии с которым:
разрешается идентификация обеспечиваемого имуществом обязательства путем указания максимальной суммы обязательства, которая может быть погашена из стоимости этого имущества;
сделки, предусматривающие имущественное обеспечение исполнения обязательств, в том числе договор залога, могут быть заключены путем общего описания, в том числе на отдельную категорию, предмета имущественного обеспечения исполнения обязательства без детализации;
имущество, на которое обращено взыскание по требованиям залогодержателей или иных кредиторов, чьи права требования обеспечены данным имуществом, может быть реализовано в кредит, в рассрочку, лизинг или через другие сделки, не запрещенные законодательством, передано в аренду, за исключением случаев принудительной реализации имущества в соответствии с законодательством об исполнении судебных актов и актов иных органов.
4. Государственному налоговому комитету и Государственному таможенному комитету Республики Узбекистан обеспечить своевременное внесение в залоговый реестр записи о требованиях по погашению задолженности по налогам и другим обязательным платежам должника в порядке, установленном законодательством.
5. Центральному банку Республики Узбекистан в месячный срок внести в Кабинет Министров предложения об изменениях и дополнениях в законодательство, предусматривающих снижение не менее в два раза размеров плат, взимаемых с юридических и физических лиц за внесение записи в залоговый реестр, а также за выдачу выписки из залогового реестра.
6. Кабинету Министров Республики Узбекистан в месячный срок внести в Законодательную палату Олий Мажлиса Республики Узбекистан проект закона, предусматривающий реализацию норм и требований настоящего постановления.
7. Национальному информационному агентству Узбекистана, Национальной телерадиокомпании Узбекистана совместно с Центральным банком и Министерством юстиции Республики Узбекистан организовать широкое освещение сути и значения настоящего постановления.
8. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
23 ноября 2018 г.,
№ ПП-4026