📅 2018-yil 24-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 24 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 24 ноября 2018 г. · Указы Президента
Официальный текст. Официальный документ. Редакционные примечания не включены.
📅 24 November 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тадбиркорлик ва инновациялар соҳасидаги лойиҳаларни молиялаштириш механизмларини такомиллаштириш бўйича қўшимча чора-тадбирлар тўғрисида
Охирги йилларда республикамизда тадбиркорликни ривожлантириш, инвестицияларни жалб қилиш ва бизнес юритиш учун қулай муҳит яратиш соҳасида кенг кўламли ишлар олиб борилди.
Шу билан бирга, таҳлил шуни кўрсатадики, ҳозирги пайтда тадбиркорлик ва инновациялар соҳасидаги истиқболли лойиҳаларни молиялаштириш механизмларини самарали ривожлантиришга тўсиқ бўлаётган қатор салбий омиллар мавжуд, хусусан:
биринчидан, Ўзбекистон Республикасининг фуқаролик қонун ҳужжатларидаги юридик шахсларнинг амалдаги ташкилий-ҳуқуқий шакллари биргаликдаги бизнесни юритиш учун бир қадар мураккаб тартиб-таомилларни назарда тутади. Натижада айрим инвесторлар янги юридик шахс ташкил этмасдан ўзларининг бўш маблағларини оғзаки шартнома ёки қарз шартномаси асосида ягона ҳиссага йўналтирадилар ёки бирлаштирадилар;
иккинчидан, потенциал инвесторларни, айниқса, мустақил равишда тадбиркорлик тузилмаларини ташкил этишга киришмайдиган ва ўз маблағларини бизнес юритиш учун таклиф қиладиган хорижий инвесторларни фаол жалб қилиш учун ҳуқуқий база ва ташкилий платформа мавжуд эмас;
учинчидан, ривожланган давлатлардан фарқли равишда Ўзбекистон Республикасида бизнесни юритиш асосан таваккалчилик бир жойда тўпланган шароитларда амалга оширилади, яъни пул маблағларини жамғариш ва уларни бошқариш билан айни бир шахслар шуғулланади. Таваккалчиликни тақсимлаш механизмлари ҳамда инвестиция активларини профессионал бошқарувчиларининг мавжуд эмаслиги хорижий инвесторлар томонидан Ўзбекистон Республикасида инвестиция лойиҳаларини амалга ошириш тўғрисида қарорлар қабул қилишда салбий таъсир қилмоқда;
тўртинчидан, тадбиркорлик субъектлари ўртасидаги муносабатларнинг ҳаддан зиёд тартибга солиниши улар ўртасида шерикчилик муносабатларининг ривожланишига тўсқинлик қилмоқда, бунинг натижасида бизнесни юритиш ва инвестицияларни жалб қилишнинг замонавий принциплари амалиётга асоссиз равишда секин татбиқ этилмоқда.
Инновацион ғоялар, стартаплар, венчур лойиҳаларни молиялаштириш, илмий-техник ишланмалар натижаларини ишлаб чиқаришга татбиқ қилишни тезлаштириш ва инновацион маҳсулотларни халқаро бозорга чиқариш тизимининг барқарор занжирини яратиш ва ривожлантириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ:
1. Ўзбекистон Республикаси Инновацион ривожланиш вазирлиги, Инвестициялар бўйича давлат қўмитаси ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг инвесторлар, айниқса хорижий инвесторларнинг инвестиция ҳиссаларини тезкор ва самарали жалб этиш мақсадида инвестиция ва бошқарув компанияларини ташкил қилиш амалиётини кенгайтириш тўғрисидаги таклифига розилик берилсин.
2. Белгилансинки:
инвестиция компанияси кейинчалик инновацион ва бошқа истиқболли лойиҳаларга киритиш учун малакали инвесторларнинг инвестиция ҳиссаларини шакллантириш ва жамлаш билан боғлиқ фаолиятни амалга оширувчи тижорат ташкилоти ҳисобланади;
бошқарув компанияси инвестиция компаниясининг инвестиция ҳиссасини улар ўртасида тузилган шартномага мувофиқ бошқарадиган тижорат ташкилоти ҳисобланади;
венчур фонди жамланган пул маблағларини фақатгина юқори хавфли венчур лойиҳаларига инвестиция қилиш учун мўлжалланган, бошқарув компанияси бошқарувидаги инвестиция компанияси ҳисобланади;
малакали инвесторлар миллий валютада ва/ёки Ўзбекистон Республикаси Марказий банкининг ҳисса киритилган кундаги курси бўйича хорижий валютада 500 миллион сўмдан кам бўлмаган миқдордаги инвестиция ҳиссаларини инвестиция компанияларига киритган юридик ва жисмоний шахслар, шу жумладан хорижий шахслар ҳисобланади;
инвестиция ҳиссалари малакали инвестор томонидан инвестиция компаниясига инвестиция фаолиятини амалга ошириш учун берилган ва инвестиция компаниясининг устав капиталига улуш ҳисобланмайдиган инвестициялар ҳисобланади;
бошқарув ва инвестиция компаниялари, агар қонун ҳужжатларида бошқа ҳолат назарда тутилган бўлмаса, ҳар қандай ташкилий-ҳуқуқий шаклда тузилиши мумкин;
устав капиталида давлат улуши бўлган юридик шахслар, давлат органлари, шунингдек сиёсий партиялар, нотижорат ташкилотлар, касаба уюшмалари, жамоат фондлари ва диний ташкилотлар бошқарув компаниясининг таъсисчилари бўлиши мумкин эмас, қонун ҳужжатларида назарда тутилган ҳоллар бундан мустасно.
3. Белгилаб қўйилсинки:
инвестиция ва бошқарув компанияларининг фаолияти лицензияланмайди;
бошқарув компанияси ўзининг таъсис ҳужжати ва қонун ҳужжатлари билан белгиланадиган таркибда ва тартибда ички аудит хизматини ташкил этишга мажбур;
инвестиция компаниялари, бошқарув компаниялари ва малакали инвесторлар ўртасидаги муносабатлар фақатгина шартлари улар томонидан мустақил равишда белгиланиши, шу жумладан биргаликдаги фаолият жараёнида пайдо бўладиган низоларни ҳал қилиш шакли ва усулларини танлаш эркин бўлган шартнома асосида тартибга солинади;
инвестиция компаниялари заёмлар, шу жумладан гаров таъминоти билан ёки гаров таъминотисиз фоизсиз заёмлар бериш ҳуқуқига эга;
инвестиция компанияси ўзининг таъсис ҳужжати ва қонун ҳужжатларида белгиланган тартибда ҳар йили ташқи аудит ўтказилишини ташкил этишга мажбур;
инвестиция ва бошқарув компанияларининг фаолиятини мониторинг қилиш қимматли қоғозлар бозорини тартибга солиш бўйича ваколатли давлат органи томонидан амалга оширилади.
4. Маълумот учун қабул қилинсинки, Ўзбекистон Республикаси Президентининг 2018 йил 22 январдаги ПФ-5308-сон «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастури тўғрисида»ги Фармони билан қуйидагилар 2023 йил 1 январга қадар муддатга ягона ижтимоий тўловдан ташқари, барча турдаги солиқ тўлашдан озод қилинган:
юқори технологияли тадбиркорлик лойиҳалари-стартапларни биргаликда молиялаштириш учун ташкил қилинадиган венчур фондлар;
венчур фондлардан биргаликда молиялаштириладиган юқори технологияли лойиҳалар-стартаплар.
5. Ўзбекистон Республикаси Инновацион ривожланиш вазирлиги ва Инвестициялар ва ташқи савдо вазирлиги:
Хусусийлаштирилган корхоналарга кўмаклашиш ва рақобатни ривожлантириш давлат қўмитаси, бошқа манфаатдор вазирлик ва идоралар билан биргаликда уч ой муддатда инвестиция ва бошқарув компанияларининг фаолият мезонлари, турларини белгилаш ва уларни, шу жумладан венчур молиялаштиришни амалга оширишдаги мониторинги тўғрисидаги Низом лойиҳасини ишлаб чиқсин ва Ўзбекистон Республикаси Вазирлар Маҳкамасига киритсин;
Савдо-саноат палатаси билан биргаликда, шунингдек, Ўзбекистон Республикасининг хорижий давлатлардаги дипломатик ва бошқа ваколатхоналари, оммавий ахборот воситаларини жалб этган ҳолда инвестиция ва бошқарув компанияларини ташкил этиш, шунингдек, улар фаолиятига инвестициялар ва юқори малакали мутахассисларни жалб қилиш бўйича доимий равишда кенг тушунтириш ва амалий чора-тадбирларни амалга оширсин;
Олий ва ўрта махсус таълим вазирлиги, Иқтисодиёт вазирлиги ва Фанлар Академияси билан биргаликда икки ой муддатда инвестиция ва бошқарув компаниялари учун малакали кадрларни тайёрлаш, қайта тайёрлаш ва малакасини ошириш бўйича Ўзбекистон Республикаси Вазирлар Маҳкамасига таклифлар киритсин.
6. Белгилансинки:
ушбу Фармоннинг 2 — 4-бандлари янги тузилган инвестиция ва бошқарув компаниялари фаолияти самарадорлигини ўрганиш ва баҳолаш учун тажриба тариқасида 2024 йил 1 январгача амал қилади;
2024 йил 1 январгача ташкил этилган ҳамда ўз фаолиятини амалга ошираётган инвестиция ва бошқарув компаниялари ўз фаолиятларини белгиланган тартибда давом эттиришлари мумкин.
7. Ўзбекистон Республикаси Молия вазирлиги, Инвестициялар ва ташқи савдо вазирлиги, Давлат статистика бўйича қўмитаси, Давлат солиқ қўмитаси, бошқа манфаатдор вазирлик ва идоралар билан биргаликда Вазирлар Маҳкамасига:
ҳар йили, 1 декабрга қадар, янги ташкил этилган бошқарув ва инвестиция компаниялари фаолиятининг асосий кўрсаткичлари бўйича маълумотни;
2023 йил 1 январга қадар муддатда, шу жумладан бошқарув ва инвестиция компаниялари, шунингдек, малакали инвесторларнинг инвестиция фаолиятини тартибга солувчи «Шерикчилик тўғрисида»ги Ўзбекистон Республикаси қонуни лойиҳасини;
2024 йил 1 январга қадар муддатда кейинчалик тегишли қарор қабул қилиш учун ўтказилган эксперимент натижаси бўйича таклифларни киритсин.
8. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси Бош вазирининг ўринбосари С.Р. Холмуродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 24 ноябрь,
ПФ-5583-сон
Oʻzbekiston Respublikasi Prezidentining
Farmoni
Tadbirkorlik va innovatsiyalar sohasidagi loyihalarni moliyalashtirish mexanizmlarini takomillashtirish boʻyicha qoʻshimcha chora-tadbirlar toʻgʻrisida
Oxirgi yillarda respublikamizda tadbirkorlikni rivojlantirish, investitsiyalarni jalb qilish va biznes yuritish uchun qulay muhit yaratish sohasida keng koʻlamli ishlar olib borildi.
Shu bilan birga, tahlil shuni koʻrsatadiki, hozirgi paytda tadbirkorlik va innovatsiyalar sohasidagi istiqbolli loyihalarni moliyalashtirish mexanizmlarini samarali rivojlantirishga toʻsiq boʻlayotgan qator salbiy omillar mavjud, xususan:
birinchidan, Oʻzbekiston Respublikasining fuqarolik qonun hujjatlaridagi yuridik shaxslarning amaldagi tashkiliy-huquqiy shakllari birgalikdagi biznesni yuritish uchun bir qadar murakkab tartib-taomillarni nazarda tutadi. Natijada ayrim investorlar yangi yuridik shaxs tashkil etmasdan oʻzlarining boʻsh mablagʻlarini ogʻzaki shartnoma yoki qarz shartnomasi asosida yagona hissaga yoʻnaltiradilar yoki birlashtiradilar;
ikkinchidan, potensial investorlarni, ayniqsa, mustaqil ravishda tadbirkorlik tuzilmalarini tashkil etishga kirishmaydigan va oʻz mablagʻlarini biznes yuritish uchun taklif qiladigan xorijiy investorlarni faol jalb qilish uchun huquqiy baza va tashkiliy platforma mavjud emas;
uchinchidan, rivojlangan davlatlardan farqli ravishda Oʻzbekiston Respublikasida biznesni yuritish asosan tavakkalchilik bir joyda toʻplangan sharoitlarda amalga oshiriladi, yaʼni pul mablagʻlarini jamgʻarish va ularni boshqarish bilan ayni bir shaxslar shugʻullanadi. Tavakkalchilikni taqsimlash mexanizmlari hamda investitsiya aktivlarini professional boshqaruvchilarining mavjud emasligi xorijiy investorlar tomonidan Oʻzbekiston Respublikasida investitsiya loyihalarini amalga oshirish toʻgʻrisida qarorlar qabul qilishda salbiy taʼsir qilmoqda;
toʻrtinchidan, tadbirkorlik subyektlari oʻrtasidagi munosabatlarning haddan ziyod tartibga solinishi ular oʻrtasida sherikchilik munosabatlarining rivojlanishiga toʻsqinlik qilmoqda, buning natijasida biznesni yuritish va investitsiyalarni jalb qilishning zamonaviy prinsiplari amaliyotga asossiz ravishda sekin tatbiq etilmoqda.
Innovatsion gʻoyalar, startaplar, venchur loyihalarni moliyalashtirish, ilmiy-texnik ishlanmalar natijalarini ishlab chiqarishga tatbiq qilishni tezlashtirish va innovatsion mahsulotlarni xalqaro bozorga chiqarish tizimining barqaror zanjirini yaratish va rivojlantirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:
1. Oʻzbekiston Respublikasi Innovatsion rivojlanish vazirligi, Investitsiyalar boʻyicha davlat qoʻmitasi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining investorlar, ayniqsa xorijiy investorlarning investitsiya hissalarini tezkor va samarali jalb etish maqsadida investitsiya va boshqaruv kompaniyalarini tashkil qilish amaliyotini kengaytirish toʻgʻrisidagi taklifiga rozilik berilsin.
2. Belgilansinki:
investitsiya kompaniyasi keyinchalik innovatsion va boshqa istiqbolli loyihalarga kiritish uchun malakali investorlarning investitsiya hissalarini shakllantirish va jamlash bilan bogʻliq faoliyatni amalga oshiruvchi tijorat tashkiloti hisoblanadi;
boshqaruv kompaniyasi investitsiya kompaniyasining investitsiya hissasini ular oʻrtasida tuzilgan shartnomaga muvofiq boshqaradigan tijorat tashkiloti hisoblanadi;
venchur fondi jamlangan pul mablagʻlarini faqatgina yuqori xavfli venchur loyihalariga investitsiya qilish uchun moʻljallangan, boshqaruv kompaniyasi boshqaruvidagi investitsiya kompaniyasi hisoblanadi;
malakali investorlar milliy valyutada va/yoki Oʻzbekiston Respublikasi Markaziy bankining hissa kiritilgan kundagi kursi boʻyicha xorijiy valyutada 500 million soʻmdan kam boʻlmagan miqdordagi investitsiya hissalarini investitsiya kompaniyalariga kiritgan yuridik va jismoniy shaxslar, shu jumladan xorijiy shaxslar hisoblanadi;
investitsiya hissalari malakali investor tomonidan investitsiya kompaniyasiga investitsiya faoliyatini amalga oshirish uchun berilgan va investitsiya kompaniyasining ustav kapitaliga ulush hisoblanmaydigan investitsiyalar hisoblanadi;
boshqaruv va investitsiya kompaniyalari, agar qonun hujjatlarida boshqa holat nazarda tutilgan boʻlmasa, har qanday tashkiliy-huquqiy shaklda tuzilishi mumkin;
ustav kapitalida davlat ulushi boʻlgan yuridik shaxslar, davlat organlari, shuningdek siyosiy partiyalar, notijorat tashkilotlar, kasaba uyushmalari, jamoat fondlari va diniy tashkilotlar boshqaruv kompaniyasining taʼsischilari boʻlishi mumkin emas, qonun hujjatlarida nazarda tutilgan hollar bundan mustasno.
3. Belgilab qoʻyilsinki:
investitsiya va boshqaruv kompaniyalarining faoliyati litsenziyalanmaydi;
boshqaruv kompaniyasi oʻzining taʼsis hujjati va qonun hujjatlari bilan belgilanadigan tarkibda va tartibda ichki audit xizmatini tashkil etishga majbur;
investitsiya kompaniyalari, boshqaruv kompaniyalari va malakali investorlar oʻrtasidagi munosabatlar faqatgina shartlari ular tomonidan mustaqil ravishda belgilanishi, shu jumladan birgalikdagi faoliyat jarayonida paydo boʻladigan nizolarni hal qilish shakli va usullarini tanlash erkin boʻlgan shartnoma asosida tartibga solinadi;
investitsiya kompaniyalari zayomlar, shu jumladan garov taʼminoti bilan yoki garov taʼminotisiz foizsiz zayomlar berish huquqiga ega;
investitsiya kompaniyasi oʻzining taʼsis hujjati va qonun hujjatlarida belgilangan tartibda har yili tashqi audit oʻtkazilishini tashkil etishga majbur;
investitsiya va boshqaruv kompaniyalarining faoliyatini monitoring qilish qimmatli qogʻozlar bozorini tartibga solish boʻyicha vakolatli davlat organi tomonidan amalga oshiriladi.
4. Maʼlumot uchun qabul qilinsinki, Oʻzbekiston Respublikasi Prezidentining 2018-yil 22-yanvardagi PF-5308-son “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid Davlat dasturi toʻgʻrisida”gi Farmoni bilan quyidagilar 2023-yil 1-yanvarga qadar muddatga yagona ijtimoiy toʻlovdan tashqari, barcha turdagi soliq toʻlashdan ozod qilingan:
yuqori texnologiyali tadbirkorlik loyihalari-startaplarni birgalikda moliyalashtirish uchun tashkil qilinadigan venchur fondlar;
venchur fondlardan birgalikda moliyalashtiriladigan yuqori texnologiyali loyihalar-startaplar.
5. Oʻzbekiston Respublikasi Innovatsion rivojlanish vazirligi va Investitsiyalar va tashqi savdo vazirligi:
Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, boshqa manfaatdor vazirlik va idoralar bilan birgalikda uch oy muddatda investitsiya va boshqaruv kompaniyalarining faoliyat mezonlari, turlarini belgilash va ularni, shu jumladan venchur moliyalashtirishni amalga oshirishdagi monitoringi toʻgʻrisidagi Nizom loyihasini ishlab chiqsin va Oʻzbekiston Respublikasi Vazirlar Mahkamasiga kiritsin;
Savdo-sanoat palatasi bilan birgalikda, shuningdek, Oʻzbekiston Respublikasining xorijiy davlatlardagi diplomatik va boshqa vakolatxonalari, ommaviy axborot vositalarini jalb etgan holda investitsiya va boshqaruv kompaniyalarini tashkil etish, shuningdek, ular faoliyatiga investitsiyalar va yuqori malakali mutaxassislarni jalb qilish boʻyicha doimiy ravishda keng tushuntirish va amaliy chora-tadbirlarni amalga oshirsin;
Oliy va oʻrta maxsus taʼlim vazirligi, Iqtisodiyot vazirligi va Fanlar Akademiyasi bilan birgalikda ikki oy muddatda investitsiya va boshqaruv kompaniyalari uchun malakali kadrlarni tayyorlash, qayta tayyorlash va malakasini oshirish boʻyicha Oʻzbekiston Respublikasi Vazirlar Mahkamasiga takliflar kiritsin.
6. Belgilansinki:
ushbu Farmonning 2 — 4-bandlari yangi tuzilgan investitsiya va boshqaruv kompaniyalari faoliyati samaradorligini oʻrganish va baholash uchun tajriba tariqasida 2024-yil 1-yanvargacha amal qiladi;
2024-yil 1-yanvargacha tashkil etilgan hamda oʻz faoliyatini amalga oshirayotgan investitsiya va boshqaruv kompaniyalari oʻz faoliyatlarini belgilangan tartibda davom ettirishlari mumkin.
7. Oʻzbekiston Respublikasi Moliya vazirligi, Investitsiyalar va tashqi savdo vazirligi, Davlat statistika boʻyicha qoʻmitasi, Davlat soliq qoʻmitasi, boshqa manfaatdor vazirlik va idoralar bilan birgalikda Vazirlar Mahkamasiga:
har yili, 1-dekabrga qadar, yangi tashkil etilgan boshqaruv va investitsiya kompaniyalari faoliyatining asosiy koʻrsatkichlari boʻyicha maʼlumotni;
2023-yil 1-yanvarga qadar muddatda, shu jumladan boshqaruv va investitsiya kompaniyalari, shuningdek, malakali investorlarning investitsiya faoliyatini tartibga soluvchi “Sherikchilik toʻgʻrisida”gi Oʻzbekiston Respublikasi qonuni loyihasini;
2024-yil 1-yanvarga qadar muddatda keyinchalik tegishli qaror qabul qilish uchun oʻtkazilgan eksperiment natijasi boʻyicha takliflarni kiritsin.
8. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari S.R. Xolmurodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 24-noyabr,
PF-5583-son
Президента Республики Узбекистан
Указ
О дополнительных мерах по совершенствованию механизмов финансирования проектов в сфере предпринимательства и инноваций
За последние годы в республике проведены широкомасштабные работы в сфере развития предпринимательства, создания благоприятной среды для привлечения инвестиций и ведения бизнеса.
Вместе с тем, анализ показывает, что в настоящее время существует ряд негативных факторов, препятствующих эффективному развитию механизмов финансирования перспективных проектов в сфере предпринимательства и инноваций, в частности:
первое, действующие организационно-правовые формы юридических лиц в гражданском законодательстве Республики Узбекистан предусматривают наиболее сложные процедуры ведения совместного бизнеса. В результате некоторые инвесторы направляют или объединяют свои свободные средства в одном вкладе на основании устного договора или договора займа без создания нового юридического лица;
второе, отсутствуют правовая база и организационная платформа для активного привлечения потенциальных инвесторов, особенно иностранных, которые самостоятельно не собираются создавать предпринимательские структуры и предлагают свои средства для ведения бизнеса;
третье, в отличие от развитых зарубежных стран, в Республике Узбекистан ведение бизнеса осуществляется преимущественно на условиях концентрации рисков, то есть одни и те же лица занимаются аккумулированием денежных средств и их управлением. Отсутствие механизмов распределения рисков и профессиональных управляющих инвестиционными активами отрицательно влияет на принятие иностранными инвесторами решений о реализации инвестиционных проектов в Республики Узбекистан;
четвертое, чрезмерная регламентация отношений между субъектами предпринимательства препятствует развитию партнерских отношений между ними, в результате чего современные принципы ведения бизнеса и привлечения инвестиций необоснованно медленно внедряются в практике.
В целях создания максимально благоприятных условий для создания и развития устойчивых цепочек системы финансирования инновационных идей, стартапов, венчурных проектов, ускорения внедрения в производство результатов научно-технических разработок и продвижения инновационных продуктов на международный рынок, а также в соответствии с задачами, определенными Стратегией действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением Министерства инновационного развития, Государственного комитета по инвестициям и Государственного комитета Республики Узбекистан по содействию приватизированным предприятиям и развитию конкуренции о расширении практики создания инвестиционных и управляющих компаний в целях оперативного и эффективного привлечения инвестиционных вкладов инвесторов, прежде всего иностранных.
2. Определить, что:
инвестиционной компанией является коммерческая организация, которая осуществляет деятельность, связанную с формированием и аккумулированием инвестиционных вкладов квалифицированных инвесторов для их дальнейшего вложения в инновационные и иные перспективные проекты;
управляющей компанией является коммерческая организация, осуществляющая управление инвестиционным вкладом инвестиционной компании в соответствии с заключенным между ними договором;
венчурным фондом является инвестиционная компания, находящаяся под управлением управляющей компании, предназначенная для инвестирования аккумулированных денежных средств исключительно в высокорискованные венчурные проекты;
квалифицированными инвесторами являются юридические и физические лица, в том числе иностранные, внесшие в инвестиционные компании инвестиционные вклады, в размере не менее 500 миллионов сум в национальной валюте и/или в иностранной валюте в эквиваленте по курсу Центрального банка Республики Узбекистан на дату внесения вклада;
инвестиционными вкладами являются инвестиции, переданные квалифицированным инвестором в инвестиционную компанию для осуществления инвестиционной деятельности, и не являются вкладом в уставной капитал инвестиционной компании;
управляющие и инвестиционные компании могут быть созданы в любой организационно-правовой форме, если иное не предусмотрено законодательством;
юридические лица, в уставном капитале которых имеется государственная доля, государственные органы, а также политические партии, некоммерческие организации, профсоюзы, общественные фонды и религиозные организации не могут быть учредителями управляющей компании, за исключением случаев, предусмотренных законодательством.
3. Установить, что:
деятельность инвестиционных и управляющих компаний не подлежит лицензированию;
управляющая компания обязана организовывать службу внутреннего аудита в составе и порядке, определяемом ее учредительным документом и законодательством;
взаимоотношения между инвестиционными компаниями, управляющими компаниями и квалифицированными инвесторами регулируются исключительно на основе договора, которые могут самостоятельно определять его условия, в том числе свободны в выборе форм и способов разрешения споров, возникающих при их совместной деятельности;
инвестиционные компании имеют право выдавать займы, в том числе беспроцентные с залоговым или без залогового обеспечения;
инвестиционная компания обязана ежегодно организовывать проведение внешнего аудита в порядке, определяемом ее учредительным документом и законодательством;
мониторинг деятельности инвестиционных и управляющих компаний осуществляется уполномоченным государственным органом по регулированию рынка ценных бумаг.
4. Принять к сведению, что Указом Президента Республики Узбекистан от 22 января 2018 года № УП-5308 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий» на срок до 1 января 2023 года от уплаты всех видов налогов, за исключением единого социального платежа, освобождены:
создаваемые венчурные фонды, софинансирующие высокотехнологичные предпринимательские проекты-стартапы;
высокотехнологичные проекты-стартапы, софинансируемые из венчурных фондов.
5. Министерству инновационного развития и Министерству инвестиций и внешней торговли Республики Узбекистан:
совместно с Государственным комитетом по содействию приватизированным предприятиям и развитию конкуренции, другими заинтересованными министерствами и ведомствами в трех месячный срок разработать и внести в Кабинет Министров Республики Узбекистан проект Положения об определении критериев, вида деятельности и мониторинге инвестиционных и управляющих компаний, в том числе при осуществлении венчурного финансирования;
совместно с Торгово-промышленной палатой, а также с привлечением дипломатических и других представительств Республики Узбекистан в зарубежных странах, средств массовой информации регулярно осуществить широкие разъяснительные и практические меры по созданию инвестиционных и управляющих компаний, а также привлечению инвестиций и высококвалифицированных специалистов в их деятельность;
совместно с Министерством высшего и среднего специального образования, Министерством экономики и Академией наук в двухмесячный срок внести в Кабинет Министров Республики Узбекистан предложения по подготовке, переподготовке и повышению квалификации квалифицированных кадров для инвестиционных и управляющих компаний.
6. Установить, что:
пункты 2 — 4 настоящего Указа действуют в порядке эксперимента до 1 января 2024 года для изучения и оценки эффективности деятельности созданных инвестиционных и управляющих компаний;
созданные и осуществляющие свою деятельность до 1 января 2024 года инвестиционные и управляющие компании могут продолжать свою деятельность в установленном порядке.
7. Министерству финансов совместно с Министерством инвестиций и внешней торговли, Государственным комитетом по статистике, Государственным налоговым комитетом, другими заинтересованными министерствами и ведомствами внести в Кабинет Министров Республики Узбекистан:
ежегодно, до 1 декабря, информацию об основных показателях деятельности созданных управляющих и инвестиционных компаний;
в срок до 1 января 2023 года проект закона Республики Узбекистан «О партнерствах», регламентирующий, в том числе инвестиционную деятельность управляющих и инвестиционных компаний, а также квалифицированных инвесторов;
в срок до 1 декабря 2024 года предложения по итогам проведенного эксперимента для дальнейшего принятия соответствующего решения.
8. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, первого заместителя советника Президента Республики Узбекистан Б.М. Мавлонова и заместителя Премьер-министра Республики Узбекистан С.Р. Холмурадова.
Президент Республики Узбекистан Ш. МИРЗИЁЕВ
г. Ташкент,
24 ноября 2018 г.,
№ УП-5583