UzbekAI

Ўзбекистон Республикаси Ички ишлар вазирининг

буйруғи

НИЗОМ

МЕТОДИКАСИ

МЕЗОНЛАРИ

МЕТОДИКАСИ

МЕЗОНЛАРИ

Ўзбекистон Республикаси Ички ишлар вазирлигининг ихтисослаштирилган мактаб-интернатига ўқувчиларни ўқишга қабул қилиш учун танловлар ўтказиш ва уларнинг ҳужжатларини расмийлаштириш тартиби тўғрисидаги низомни тасдиқлаш ҳақида

Ўзбекистон Республикаси Вазирлар Маҳкамасининг 2018 йил 19 июндаги 459-сон «Ўзбекистон Республикаси Ички ишлар вазирлигининг ихтисослаштирилган мактаб-интернати фаолиятини ташкил этиш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси Ички ишлар вазирлигининг ихтисослаштирилган мактаб-интернатига ўқувчиларни ўқишга қабул қилиш учун танловлар ўтказиш ва уларнинг ҳужжатларини расмийлаштириш тартиби тўғрисидаги низом иловага мувофиқ тасдиқлансин.

2. Мазкур буйруқ расмий эълон қилинган кундан эътиборан кучга киради.

Ўзбекистон Республикаси ички ишлар вазирининг 2018 йил 20 октябрдаги 286-сон буйруғига ИЛОВА

Мазкур Низом Ўзбекистон Республикаси Вазирлар Маҳкамасининг 2018 йил 19 июндаги 459-сон «Ўзбекистон Республикаси Ички ишлар вазирлигининг ихтисослаштирилган мактаб-интернати фаолиятини ташкил этиш чора-тадбирлари тўғрисида»ги қарорига мувофиқ Ўзбекистон Республикаси Ички ишлар вазирлигининг ихтисослаштирилган мактаб-интернатига (бундан буён матнда мактаб-интернат деб юритилади) ўқувчиларни (бундан буён матнда номзод деб юритилади) қабул қилиш учун танлов ўтказиш ва уларнинг ҳужжатларини расмийлаштириш тартибини белгилайди.

1-боб. Умумий қоидалар

1. Ўзбекистон Республикаси Вазирлар Маҳкамасининг 2018 йил 19 июндаги 459-сон «Ўзбекистон Республикаси Ички ишлар вазирлигининг ихтисослаштирилган мактаб-интернати фаолиятини ташкил этиш чора-тадбирлари тўғрисида»ги қарорига асосан ихтисослаштирилган мактаб-интернатда ўқишга ички ишлар органларининг, биринчи навбатда хизмат мажбуриятларини бажариш чоғида ҳалок бўлган, шунингдек, хизматни ўташ давомида олган ярадорлиги, контузияси, касаллиги ва жароҳатланганлиги оқибатида ногиронликка учраган ёки вафот этган ҳарбий хизматчи ва ходимларининг (бундан буён матнда ходимлар деб аталади) ва бошқа фуқароларнинг умумий ўрта таълим ташкилотларида 4-синфни тамомлаган фарзандлари (ўғил болалар) ҳар йилги қабул квоталарига мувофиқ танлов асосида қабул қилинади .

Бунда, жамоат тартибини сақлашда, жанговар ҳаракатларда, террорчиликка қарши операциялар ўтказишда, фавқулодда ҳолат тартибини ҳуқуқий таъминлаш ва уларнинг оқибатларини бартараф этишда иштирок этган вақтда ҳалок бўлган ходимларнинг фарзандлари ўқишга танловсиз қабул қилинади.

2. Танлов қуйидаги босқичларда амалга оширилди:

ҳужжатларни тўплаш ва ўрганиш;

орфографик ва пунктуацион саводхонлик даражасини аниқлаш;

умумжисмоний тайёргарлик даражасини аниқлаш;

якуний тест синовлари.

3. Мактаб-интернатга номзодларни ўқишга қабул қилишни ташкил этиш мақсадида Ўзбекистон Республикаси ички ишлар вазирининг буйруғига асосан Ўзбекистон Республикаси Ички ишлар вазирлигининг ихтисослаштирилган мактаб-интернатига номзодларни қабул қилиш бўйича қабул комиссияси (бундан буён матнда қабул комиссияси деб юритилади) тузилади ҳамда қабул комиссиясининг таркиби тасдиқланади.

4. Қабул комиссияси қабул йилининг 1 апрелидан 10 сентябрига қадар фаолият юритади.

5. Ўзбекистон Республикаси ички ишлар вазирининг ўринбосари — Маънавий-маърифий ишлар ва кадрлар билан таъминлаш департаменти бошлиғи қабул комиссияси раиси ҳисобланади.

Қабул комиссияси раиси қабул комиссиясининг ишини ташкиллаштиради, комиссия раиси ўринбосарлари ва аъзоларининг вазифаларини белгилайди, комиссиялар фаолиятини мувофиқлаштиради ҳамда назорат қилади.

Қабул комиссияси таркибига келишув асосида Мактабгача ва мактаб таълими вазирлиги ҳамда Спорт вазирлиги тизимидан тегишли мутахассислар киритилиши мумкин.

6. Қабул комиссияси фаолиятига ҳамда уларнинг ишларини ташкиллаштиришга кўмаклашиш мақсадида Ўзбекистон Республикаси ички ишлар вазирининг буйруғига асосан Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ҳамда вилоятлар бошқармаларида (ҳудудий ички ишлар бошқармалари) ишчи гуруҳлар тузилади ва ушбу ишчи гуруҳларнинг таркиби тасдиқланади.

7. Ишчи гуруҳлар таркибига ҳудудий ички ишлар бошқармаларининг Маънавий-маърифий ишлар ва кадрлар билан таъминлаш хизмати бошлиғининг ўринбосари, Шахсий хавфсизлик, Юридик таъминлаш бўлинмалари масъул ходимлари ҳамда Ҳарбий-тиббий комиссия раиси киритилиши зарур.

8. Мактаб-интернатга ўқишга муносиб номзодларни танлаб олишни ташкил этиш учун ҳудудий ички ишлар бошқармалари ишчи гуруҳлари томонидан мунтазам равишда тарғибот-ташвиқот ишлари олиб борилади. Тарғибот-ташвиқот ишлари умумий ўрта таълим ташкилотларида, аҳоли турар жойларида ва ички ишлар органларида учрашувлар ўтказиш орқали амалга оширилади.

9. Мактаб-интернатга ўқишга қабул қилиш учун Ўзбекистон Республикаси ички ишлар вазирининг буйруғи билан танлов эълон қилинади ва оммавий ахборот воситаларида, шунингдек, Ички ишлар вазирлигининг расмий веб-сайтида берилади. Эълонда қабул қилиш шартлари ҳамда танловларни ўтказиш муддатлари кўрсатилиши лозим.

10. Фарзандлари мактаб-интернатга ўқишга кириш истагини билдирган ота-оналар ёки уларнинг ўрнини босувчи шахслар яшаш жойидаги ҳудудий ички ишлар бошқармаларига мазкур Низомнинг 1-иловасига мувофиқ шаклдаги ариза билан мурожаат қилади.

Фарзандлари мактаб-интернатга ўқишга кириш истагини билдирган ходимлар бевосита ички ишлар органларининг раҳбарларига билдирги билан мурожаат қилади.

Аризалар қабул йилининг 15 апрелидан 1 июнь кунига қадар қабул қилинади.

2-боб. Ҳужжатларни қабул қилиш, ўрганиш ва юбориш

11. Фарзандлари мактаб-интернатга ўқишга кириш истагида бўлган ота-оналар ёки уларнинг ўрнини босувчи шахслар ҳамда ходимлар мазкур Низомнинг 10-бандидаги ариза ёки билдирги билан бирга номзод тўғрисидаги маълумотлар анкетасини ҳамда электрон шаклда номзоднинг рангли фотосуратини тақдим этади.

Номзоднинг ота-онаси ёки уларнинг ўрнини босувчи шахслардан мазкур бандда назарда тутилмаган ҳужжатларни талаб қилиш тақиқланади.

Бунда, ишчи гуруҳ томонидан мазкур бандда назарда тутилмаган ҳужжатлар тегишли давлат органлари ва ташкилотларидан мустақил равишда, шу жумладан «Электрон ҳукумат» тизими идоралараро интеграциялашув платформаси орқали сўраб олиш орқали аниқланади.

12. Мактаб-интернатга ўқишга кириш истагида бўлган номзодларнинг ҳужжатлари қабул қилиниб, уларга мазкур Низомнинг 2-иловасига мувофиқ шаклда икки нусхада маълумотнома расмийлаштирилади. Биринчи нусхаси номзоднинг ота-онаси ёки уларнинг ўрнини босувчи шахсларга имзо орқали тақдим этилади ҳамда иккинчи нусхаси номзоднинг ҳужжатларига бириктирилади.

13. Ишчи гуруҳ томонидан ҳужжатлар йиғилгандан сўнг ўқувчилар 10 июндан 20 июнь кунига қадар ҳудудий соғлиқни сақлаш муассасасида ташкил этилган тиббий комиссия томонидан кўрикдан ўтказилади.

Тиббий кўрикдан ўтказишда ўқувчининг антропометрик кўрсаткичлари (тана вазни, бўйининг узунлиги ва кўкрак қафаси айланаси), функционал имкониятлари ва соғлиғидаги мавжуд нуқсонлари аниқланади.

Тиббий кўрик натижаларига кўра соғлом деб топилган ўқувчилар танловнинг кейинги тадбирларига қўйилади.

14. Ишчи гуруҳ масъул ходимлари томонидан номзодларнинг ҳужжатлари қабул йилининг 25 июнь кунига қадар қабул комиссиясига юборилади.

15. Ишчи гуруҳ 11-бандда кўрсатилган ҳужжатлар билан биргаликда ходимлар томонидан тақдим этилган қуйидаги ҳужжатларни номзодларнинг йиғма жилдига бириктирилишини таъминлайди:

ходимга бевосита бошлиғи (командир) томонидан берилган тавсифнома;

ходимнинг маълумотнома-объективкаси (ҳудудий ички ишлар бошқармалари Маънавий-маърифий ишлар ва кадрлар билан таъминлаш хизмати бошлиғининг ўринбосари томонидан имзоланган ҳолда);

номзодга ҳужжатлари қабул қилиб олинганлиги ҳақида берилган маълумотнома;

хизмат мажбуриятларини бажариш чоғида ҳалок бўлган, шунингдек, хизматни ўташ давомида олган ярадорлиги, контузияси, касаллиги ва жароҳатланганлиги оқибатида ногиронликка учраган ёки вафот этган ходимларга нисбатан тегишли ички ишлар органи томонидан ўтказилган хизмат текшируви хулосаси нусхаси (муҳр билан тасдиқланган);

Мактаб-интернатга ўқишга киришда имтиёзлардан фойдаланиш ҳуқуқини тасдиқловчи ҳужжатлар нусхалари;

Мазкур Низомнинг 3-иловасига мувофиқ шаклдаги номзодни ўқишга юбориш ҳақидаги хулоса.

3-боб. Танлов тадбирларини ва тест синовларини ташкил этиш ва ўтказиш

16. Мактаб-интернатда танлов тадбирлари бошланишидан камида беш кун олдин қабул комиссияси томонидан танлов тадбирлари ўтказиш муддатлари белгиланган режа-жадвал ишлаб чиқилади ва тасдиқланади.

Мазкур режа-жадвал мактаб-интернатнинг қабул комиссияси эълонлар тахтасига ҳаммага кўриш учун қулай бўлган ҳолда жойлаштирилади, шунингдек Ички ишлар вазирлигининг расмий веб-сайтида эълон қилинади ҳамда ишчи гуруҳларига номзодларни белгиланган муддатларда етиб келишларини таъминлаш учун юборилади.

17. Ёзма иш (диктант), умумжисмоний тайёргарлик даражасини аниқлаш бўйича танлов тадбирлари ўтказиш муддати белгиланган режа-жадвалга асосан ўтказилади.

Умумтаълим фанлари бўйича тест синовлари белгиланган тартибда Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан (бундан буён матнда Агентлик деб юритилади) Ўзбекистон Республикаси Ички ишлар вазирлиги билан келишилган муддатда қабул йилининг 15 августидан 25 август кунига қадар ўтказилади.

18. Ёзма иш (диктант) ўтказиш қабул комиссияси таркибига киритилган мутахассислар томонидан режа-жадвалда белгиланган муддатда мазкур Низомнинг 4-иловасида келтирилган методикага мувофиқ ўтказилади.

Ёзма иш (диктант) ўтказиш бўйича қабул комиссияси таркибига мактаб-интернат мутахассислари киритилади, шунингдек комиссия таркибига умумий ўрта таълим ташкилотларининг мутахассислари келишув асосида таклиф қилиниши мумкин.

19. Номзодларнинг умумжисмоний тайёргарлиги даражасини баҳолаш қабул комиссияси таркибига киритилган мутахассислар томонидан режа-жадвалда белгиланган муддатда мазкур Низомнинг 5-иловасида келтирилган методикага мувофиқ ўтказилади.

20. Қабул комиссияси таркибидаги номзоднинг умумжисмоний тайёргарлик даражасини баҳолашда қабул комиссияси таркибига мактаб-интернат ва ҳудудий ички ишлар органларининг жисмоний тарбия ва спорт соҳасидаги мутахассислари киритилади. Ўзбекистон Республикаси Спорт вазирлиги тизимидан келишув асосида мутахассислар таклиф этилиши мумкин.

21. Қабул комиссияси томонидан ёзма иш (диктант) ҳамда умумжисмоний тайёргарлик даражасини аниқлаш босқичларининг натижалари бўйича Низомнинг 6-иловасига мувофиқ баённома расмийлаштирилиб, 6 баллдан кам тўплаган номзодлар Агентлик томонидан ўтказиладиган тест синовларига киритилмайди.

22. Номзодларни умумтаълим фанлари бўйича (она тили ва адабиёт ҳамда математика) билимини баҳолаш Агентлик томонидан тест синовлари асосида ўтказилади.

23. Номзодлар ёзма иш (диктант) ва умумжисмоний тайёргарлик синовлари натижаларидан келиб чиқиб қабул комиссияси томонидан шакллантирилган рўйхат асосида тест синовларига киритилади.

24. Тест синовлари умумий ўрта таълимнинг давлат таълим стандартлари доирасида ўзбек, рус ва қорақалпоқ тилларида ўтказилади.

25. Тест синови материаллари Агентлик томонидан бошланғич ва умумий ўрта таълим соҳасидаги етакчи мутахассислар жалб этилган ҳолда Мактабгача ва мактаб таълими вазирлиги билан ҳамкорликда шакллантирилади. Тест саволлари давлат таълим стандартида бошланғич синф битирувчи ўқувчиларининг тайёргарлик даражасига қўйиладиган минимал талаблар доирасида тузилади.

26. Мактаб-интернатнинг учун тест синовлари 1 соат (60 дақиқа) давом этади. Тест синовлари бошланишига қадар 20 дақиқагача тушунтириш ишлари ўтказилади, бу вақт тест ўтказиш учун ажратилган вақт меъёрига кирмайди.

27. Номзодларга таълим соҳалари бўйича она тили ва адабиётдан (ўзбек, рус ва қорақалпоқ тилларида) 20 та, математикадан 10 та, жами 30 та тест саволлари берилади. Тест саволларининг она тили ва адабиётдан берилган ҳар бир тўғри жавоб учун «2,1» балл билан ва математикадан берилган ҳар бир тўғри жавоб учун «1,1» балл билан баҳоланади.

28. Номзодлар тест синовларига туғилганлик ҳақидаги гувоҳномаси ёки унинг Ўзбекистон Республикаси Ягона интерактив давлат хизматлари портали ва (ёки) «Ижтимоий карта» мобил иловаси орқали бериладиган электрон шакли ва мазкур Низомнинг 2-иловасига мувофиқ берилган маълумотнома билан киришга рухсат берилади.

29. Тест синовларига белгиланган муддатда келмаган номзодлар учун қўшимча тест синовлари ўтказилмайди.

30. Тест синовлари ўқишга қабул қилишнинг ҳал қилувчи босқичи ҳисобланиб, ходимлар ва бошқа фуқаролар учун ажратилган қабул квоталари доирасида тест синовлари натижаси бўйича тўпланган баллардан келиб чиққан ҳолда навбатдаги кетма-кетлик тартибига мувофиқ номзодлар танлаб олинади.

31. Тест синовлари натижалари Агентлик томонидан қабул комиссиясига тақдим этилади.

32. Қабул комиссияси тест синовлари натижаларига кўра ўқишга кирган номзодлар рўйхатини тузади ҳамда мазкур Низомнинг 7-иловасига мувофиқ шаклдаги баённомани расмийлаштиради.

33. Ўқишга қабул қилинган номзодлар рўйхати ва уларнинг тест синов натижалари эълонлар тахтасига ҳамма кўриш учун қулай бўлган ҳолда жойлаштирилади.

34. Мактаб-интернат томонидан қабул йилининг 30 августидан кечиктирмаган ҳолда номзодларни ўқишга қабул қилинганлиги тўғрисидаги буйруқ чиқарилади.

4-боб. Танлов тадбирлари бўйича мурожаатларни кўриб чиқиш

35. Номзод, унинг ота-онаси (ёки унинг ўрнини босувчи шахслар) томонидан берилган мактаб-интернатга ўқишга қабул қилиш билан боғлиқ мурожаатлар қабул комиссияси томонидан қонунчилик ҳужжатларида белгиланган тартибда кўриб чиқилади.

36. Танлов натижалари юзасидан номзоднинг мурожаатларини қисқа муддатда кўриб чиқиш учун Ўзбекистон Республикаси ички ишлар вазирининг ўринбосари – Маънавий-маърифий ишлар ва кадрлар билан таъминлаш департаменти бошлиғи раислигида апелляция комиссияси тузилади.

37. Апелляция комиссияси таркибига қабул комиссия фаолиятида иштирок этмаган Ички ишлар вазирлиги Маънавий-маърифий ишлар ва кадрлар билан таъминлаш департаменти ва мактаб-интернатнинг тегишли мутахассис ходимлари киритилади, шунингдек мурожаатнинг мазмунидан келиб чиқиб келишувга асосан Мактабгача ва мактаб таълими вазирлиги ҳамда Спорт вазирликларининг ҳудудий бўлинмаларидан мутахассислар таклиф қилиниши мумкин.

38. Апелляция комиссиясига ариза ва шикоятлар танлов натижалари эълон қилинган кундан эътиборан 3 иш кунида қабул қилинади.

39. Апелляция комиссияси қабул қилинган ариза ва шикоятларни 3 иш кунидан кечиктирмасдан мурожаат қилган номзод, унинг ота-онаси (ёки унинг ўрнини босувчи шахслар) иштирокида кўриб чиқади.

40. Тест синовлари натижаси бўйича берилган апелляция шикоятлари апелляция комиссияси томонидан қабул қилиб олинган куни Агентликка юборилади.

Тест синовлари натижаси бўйича берилган апелляция шикоятлари Агентлик томонидан 3 иш куни ичида кўриб чиқилади ва натижалари Ички ишлар вазирлигига юборилади.

5-боб. Якуний қоидалар

41. Номзодлар ёзма иш (диктант), умумжисмоний тайёргарлик, тест синовларига тайёрланиш ва уларни топшириш даврида турар жой билан таъминланмайди, шунингдек мактаб-интернатга келиб-кетиши, яшаши ва овқатланиши билан боғлиқ барча сарф-харажатлар уларнинг ўз ҳисобидан амалга оширилади.

42. Номзодни ўқишга қабул қилиш учун асос бўлган ҳужжатлар унинг шахсий ҳужжатлар йиғмажилдида сақланади.

43. Ўқишга қабул қилинмаган номзодларнинг ҳужжатлари 10 кунлик муддатда ҳудудий ички ишлар бошқармаларга қайтариб юборилади. Қабул қилинган номзодларнинг ҳужжатлари мактаб-интернатда сақланади.

44. Шахсий ҳужжатлар йиғмажилдини номзоднинг қўлига ёки унинг ота-онасига (унинг ўрнини босувчи шахсларга) бериш тақиқланади.

45. Мазкур Низом талаблари бузилган тақдирда айбдор бўлган шахслар қонунчилик ҳужжатларида белгиланган тартибда жавобгарликка тортилади.

46. Мазкур Низом Ўзбекистон Республикаси Соғлиқни сақлаш вазирлиги, Халқ таълими вазирлиги, Жисмоний тарбия ва спорт вазирлиги ҳамда Ўзбекистон Республикаси Вазирлар Маҳкамаси ҳузуридаги Давлат тест маркази билан келишилган.

‎ ‎ ‎ ‎ ‎ ‎‎________ ‎‎____________________________________га ‎(ички ишлар органи бошлиғи Ф.И.О.) ‎_____________________________________________да ‎(номзоднинг яшаш жойи) ‎яшовчи______________________________________ дан ‎(номзоднинг отаси ёки онасининг Ф.И.О.) ‎ ‎‎А Р И З А ‎ ‎Менинг фарзандим _______________________________________________________________________________га ‎(номзоднинг туғилган йили Ф.И.О.) ‎‎ўқишга кириш учун ҳужжатларини расмийлаштиришга ҳамда ўқишга қабул қилиш учун ўтказиладиган танловларда иштирок этишига рухсат беришингизни сўрайман. ‎Ўзбекистон Республикаси Ички ишлар вазирлигининг ихтисослаштирилган мактаб интернатида таълим олиш шарт-шароитлари, тартиб-интизомга риоя этиш қоидалари ва имтиёзлари билан таништирилдим. ‎Ўтказиладиган танловларни фарзандим _________________________________________________ тилида топширади. ‎ ‎ ‎ ‎ ‎‎ ‎‎(ўзбек, рус ва қорақалпоқ) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________________ ‎(имзо)‎ ‎ ‎ ‎ ‎ ____________________________________ ‎‎‎(Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎‎20___ йил «____» ______________________ ‎ ‎ ‎ ‎ ‎ ‎

‎‎МАЪЛУМОТНОМА ‎ ‎ ‎ ‎3х4 ‎расм ўрни ‎‎‎ ‎‎ ‎ ‎ ‎ ‎ ‎ ‎ ‎ М.Ў.‎ ‎ ‎ ‎ ‎ ‎ ‎ ‎ ‎ ‎‎________________________________________________________________________________________________ ‎(номзоднинг Ф.И.О.) ‎‎Ўзбекистон Республикаси Ички ишлар вазирлигининг ихтисослаштирилган мактаб-интернатига ____________________ ‎__________________________________________________________________________________да ўқишга номзод ‎‎(ҳудудий ички ишлар органининг номи) ‎ ‎ ‎‎сифатида рўйхатга олинди. ‎ ‎ ‎ ‎ ‎ ‎ ‎ ‎ ‎‎Ҳудудий ички ишлар органлари ишчи гуруҳларининг раҳбари ‎‎ ‎_________________ ‎(имзо) ‎ ‎‎ ‎___________________________ ‎(Ф.И.О.)

‎ ‎ ‎ ‎ ‎ ‎ ‎‎ ‎‎«ТАСДИҚЛАЙМАН» ‎______________________________________ ‎(ички ишлар органи бошлиғининг унвони, ‎Ф.И.О. ва имзоси) ‎ ‎20 ___ йил «_____»______________________ ‎ ‎‎Ўзбекистон Республикаси ИИВнинг ихтисослаштирилган мактаб-интернатига номзод _______________________________________________________ ни ўқишга қабул қилиш учун ўтказиладиган танловларда иштирок этиш учун юбориш тўғрисида ‎ХУЛОСА ‎ ‎‎_____________________________________________________________________________________нинг фарзанди ‎(фуқаро ёки ходимнинг (ота-онаси ёки унинг ўрнини босувчи шахслар тўғрисидаги,) ‎‎_________тумани ____–сонли умумий ўрта таълим ташкилотининг ўқувчиси ___________________________________ ‎____________________________________________________________________номзоди Ўзбекистон Республикаси ‎‎(номзоднинг Ф.И.О.) ‎ ‎ ‎ ‎‎Ички ишлар вазирлигининг ихтисослаштирилган мактаб-интернатига ўқишга қабул қилиш учун ўтказиладиган танловда иштирок этиш масаласи ўрганиб чиқилди. ‎1. Номзодни ўрганиш натижалари: (номзод тўғрисидаги маълумотлар анкета, ИИО ходимнинг фарзанди ёки хизмат вақтида ҳалок бўлган ходим ҳақидаги қисқача маълумотлар киритилади) ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎‎2. Номзод бўйича якуний хулоса: ‎________________________________________________________________________________________________ ‎________________________________________________________________________________________________ ‎‎‎ ‎‎_______________________________________________ ‎(масъул шахснинг лавозими ва унвони) ‎‎‎_______________________________________________ ‎‎‎(масъул шахснинг лавозими ва унвони) ‎‎‎_______________________________________________ ‎‎(ИИО тиббиёт бўлими раҳбарнинг лавозими ва унвони) ‎‎‎_______________________________________________ ‎‎(ишчи гуруҳ раҳбарининг лавозими ва унвони) ‎ _____________________________________ ‎‎‎(Ф.И.О.) ‎_____________________________________ ‎‎‎(Ф.И.О.) ‎_____________________________________ ‎‎‎(Ф.И.О.) ‎_____________________________________ ‎‎‎(Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎‎20___ йил «____» ______________________ ‎ ‎ ‎ ‎ ‎ ‎

Ёзма иш (диктант) ўтказиш

I. Умумий қоидалар

1. Номзодларнинг орфографик ва пунктуацион саводхонлик даражасини аниқлаш учун ҳажми 75 — 80 та сўздан иборат бўлган ёзма иш (диктант) олинади.

2. Диктант қабул комиссияси томонидан мактаб-интернат биносида ўтказилади.

3. Диктантнинг мавзулари ва матнлари қабул комиссияси раиси томонидан тасдиқланади.

4. Диктантнинг тасдиқланган мавзу ва матнлари қабул комиссияси котибида сақланади ва уларнинг ошкор қилинмаслиги учун шахсан масъул ҳисобланади.

5. Диктант ўтказилаётган аудиторияга китоб, луғат, уяли телефон, телекоммуникация воситаси, шпаргалка ва ёзувларни ўчиришга мўлжалланган ручкаларни олиб кириш тақиқланади.

II. Диктант ўтказиш тартиби

6. Диктант бошланишидан олдин қабул комиссияси аъзолари томонидан номзодларга диктант ўтказиш тартиби тушунтирилади ҳамда рақамланган (рўйхатдан ўтказилган) дафтарлар тарқатилади.

7. Номзод рақамланган дафтарнинг устки қисмига ўзининг фамилияси, исми ва отасининг исмини ёзади.

8. Қабул комиссияси аъзолари томонидан номзодларга диктант матни бир маротаба тушунарли ҳолда тўлиқ ўқиб эшиттирилади ҳамда шу кунги сана ва диктант мавзуси доскада номзодларга тушунарли қилиб ёзиб қўйилади. Диктант матни тўлиқ ўқиб эшиттирилгандан кейин номзодлар диктантни ёзишга тайёрланади.

9. Диктант ёзиш бошланганда қабул комиссияси аъзоси диктант матнини секин бирма-бир ўқиб беради.

Бунда 1 та гап ўқиб эшиттирилади ва номзод ўқиб эшиттирилган гапни ёзишга киришади.

10. Ўқиб эшиттирилган гапни номзодлар ёзиб бўлганидан кейин ушбу гап қабул комиссияси аъзоси томонидан яна бир маротаба ўқиб берилади. Диктант ёздириш шу тарзда давом этади.

11. Номзодлар диктантни ёзиб тугатгандан кейин унга берилган рақамланган дафтарларни қабул комиссияси аъзосига топшириб аудиторияни тарк этадилар.

12. Қабул комиссияси аъзоси номзодлардан қабул қилиб олинган рақамланган дафтарларни текшириш учун топширади.

13. Аудиторияда номзодларга диктант ёздирган қабул комиссияси аъзоси томонидан шу аудиториядаги номзодлар ёзган диктантларни текширишига йўл қўйилмайди.

14. Қабул комиссия аъзоси (мутахассислар) номзодларнинг ёзган диктантларини шу куннинг ўзида мазкур Методиканинг 1-иловасида назарда тутилган баҳолаш мезонларига асосан баҳолаб, ҳар бир рақамланган дафтарга ўзининг фамилияси, исми ва отасининг исмини ёзиб, текширган санани ва имзосини қўяди.

15. Номзодларга диктантни қайта топширишга рухсат берилмайди.

III. Якуний қоидалар

16. Диктант натижалари бўйича қабул комиссия томонидан шу куннинг ўзида мазкур Методиканинг 2-иловасига мувофиқ шаклда қайднома расмийлаштирилади.

17. Ёзма иш (диктант) натижаларни шу куннинг ўзида мактаб-интернат қабул комиссиясининг эълонлар тахтасига жойлаштириш орқали номзодлар эътиборига етказилади.

18. Қайднома ёзма ишни ўтказишда иштирок этган қабул комиссияси аъзолари томонидан имзоланади ҳамда шу куннинг ўзида номзодларнинг рақамланган дафтарлари қабул комиссияси котибига топширилиши таъминланади.

Ёзма иш (диктант) ўтказиш методикасига 1-ИЛОВА

Диктант натижаларини баҳолаш

1. Номзодлар томонидан ёзилган диктант «5» баллик тизимда баҳоланади.

Диктант:

1 тагача орфографик ёки пунктуацион хатоликка йўл қўйилган деб топилганда — «5» балл билан баҳоланади;

2 тадан 4 тагача орфографик ва пунктуацион хатоликка йўл қўйилган деб топилганда — «4» балл билан баҳоланади;

5 тадан 10 тагача орфографик ва пунктуацион хатоликка йўл қўйилган деб топилганда — «3» балл билан баҳоланади;

11 та ва ундан ортиқ орфографик ва пунктуацион хатоликка йўл қўйилган деб топилганда — «2» балл билан баҳоланади.

Номзод дафтарни диктант ёзилмаган бўш ҳолда топширганда у «0» балл билан баҳоланади.

2. Қуйидаги ҳолатлар мавжуд бўлган тақдирда диктантдаги хатоликлар 1 та хато деб ҳисобланади:

5 та ўринда «ҳ» ёки «ў» ҳарфлари ўрнида тегишлича «х» ёки «у» ҳарфлари ёзилган бўлса;

кириш сўзларнинг (масалан, дарвоқе, дарҳақиқат) ёзилишида 6 тагача пунктуацион хатоликка йўл қўйилган бўлса;

қаратқич белгиси 3 тагача сўзда нотўғри қўлланилган бўлса.

3. Қуйидагилар хато деб ҳисобланмайди:

тасодифий хатолар (масалан, «тушунмоқ» сўзи барча ўринларда тўғри ёзилган бўлса);

такрорий хатолар (масалан, «қутулмоқ» сўзи 5 тагача ўринда «қутилмоқ» тарзида қўлланилган бўлса);

сўз кўчиришдаги хатолар (масалан, воқе-а ёки октя-брь);

айрим атамаларнинг ёзилишидаги хатолар (масалан, Чўлпон ота — Чўпон ота, Сайхунобод — Сайхун-обод).

4. Диктантдаги тузатишлар миқдори 5 тадан ортиқ бўлса, баҳо бир баллга пасайтирилади.

5. Агар диктантда уч ва ундан ортиқ тузатиш бўлса, «5» балл қўйилмайди.

Ёзма иш (диктант) ўтказиш методикасига 2-ИЛОВА

‎‎Диктант ўтказиш натижалари бўйича ‎ҚАЙДНОМА ‎ ‎‎20__ йил «____» ________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ ‎‎Номзодларнинг Ф.И.О. ‎‎Хатоларнинг умумий сони ‎‎Номзоднинг диктантига қўйилган балл 1.‎ ‎‎ ‎‎ ‎‎ 2.‎ ‎‎ ‎‎ ‎‎ 3.‎ ‎‎ ‎‎ ‎‎ ...‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қабул комиссияси аъзолари: _____________________________________ ‎‎‎(Ф.И.О.) ‎_____________________________________ ‎‎‎‎(Ф.И.О.) ‎_____________________________________ ‎‎‎‎(Ф.И.О.) ‎_____________________________________ ‎‎‎‎(Ф.И.О.) ‎_____________________________________ ‎(Ф.И.О.) ‎_____________________________________ ‎(Ф.И.О.) ‎_____________________________________ ‎‎‎‎(Ф.И.О.) _________________ ‎‎(имзо) ‎_________________ ‎‎‎(имзо) ‎_________________ ‎(имзо) ‎_________________ ‎(имзо) ‎_________________ ‎(имзо) ‎_________________ ‎(имзо) ‎_________________ ‎(имзо)

Умумжисмоний тайёргарлик даражасини баҳолаш

I. Умумий қоидалар

1. Номзодларнинг умумжисмоний тайёргарлиги даражаси уларнинг мазкур Методикада назарда тутилган тегишли машқларни бажаришини текшириш орқали баҳоланади.

Номзодларнинг умумжисмоний тайёргарлик даражасини баҳолаш тадбирлари зарур даражада жиҳозланган ёпиқ жойларда (заллар, майдончалар ва ҳ.к.) ўтказилади

2. Жисмоний тайёргарлик машқларини бажариш бошланишидан олдин номзодларга дастлаб машқларни бажаришга қўйиладиган талаблар ва мезонлар ҳамда машқларни бажариш тартиби қабул комиссияси таркибига киритилган мутахассислар томонидан тушунтирилади.

3. Номзодлар умумжисмоний тайёргарлик даражасини баҳолаш тадбирларида спорт кийимида бўлиши лозим.

4. Номзодлар қуйидаги машқларни бажаради:

тўсинда (турникда) тортилиш;

60 метрга югуриш;

1000 метрга югуриш.

5. Номзодларнинг умумжисмоний тайёргарлик даражасини баҳолаш тадбирлари зарур даражада жиҳозланган очиқ ва ёпиқ жойларда (заллар, майдончалар ва ҳ.к.) ўтказилади.

6. Умумжисмоний тайёргарлик машқларини бажариш оралиғида номзодларга дам олиш учун камида 10 дақиқа вақт берилади.

7. Белгиланган машқларни узрсиз сабабларга кўра топширмаган номзодлар қониқарсиз баҳоланади.

8. Номзодларга умумжисмоний тайёргарлик даражасини аниқлаш бўйича синовлардан қайта ўтишга рухсат берилмайди.

II. Машқларни бажаришга қўйиладиган талаблар ва мезонлар

9. Тўсинда (турникда) тортилиш машқини бажаришда:

бош бармоқ поя ичкарисидан ушланади, тана бироз ростланади, тизза бўғими тўғирланади, оёқ учлари чўзилади, товонлар бирлаштирилади;

ияк турник поясидан ўтгунга қадар қўллар букилади;

ҳаракат тўлиқ амалга оширилиши билан дастлабки ҳолатга қайтилади (осилиш ҳолати 1-2 сония давом этади).

Ушбу машқни бажаришда оёқларни букиш ва кериш, танани ҳаракатсиз ҳолатда эгиш ҳамда оёқлар билан силтанма ҳаракатлар қилиш тақиқланади.

10. 60 метрга югуриш машқи:

юқори ёки қуйи стартдан амалга оширилади;

стадионнинг югуриш йўлакчаси ёки қаттиқ қопламли текис жойларда ўтказилади.

11. 1000 метрга югуриш машқлари стадионнинг югуриш йўлакчалари ёки текис жойларда, умумий ёки алоҳида старт берилган ҳолда ўтказилади.

Старт ва марра чизиқлари бир жойда белгиланиши мумкин.

12. Жисмоний тайёргарлик машқларини бажарган номзодлар шу вақтнинг ўзида қабул комиссияси аъзолари томонидан мазкур методиканинг 1-иловасида назарда тутилган баҳолаш мезонларига асосан баҳоланади.

III. Якуний қоидалар

13. Умумжисмоний тайёргарлик даражасини аниқлаш бўйича синов натижалари бўйича шу куннинг ўзида мазкур Методикасининг 2-иловасига мувофиқ шаклда қайднома расмийлаштирилади.

14. Умумжисмоний тайёргарлик даражасини аниқлаш бўйича синов натижалари шу куннинг ўзида мактаб-интернатнинг эълонлар тахтасига жойлаштириш орқали номзодлар эътиборига етказилади.

15. Қайднома қабул комиссиясининг умумжисмоний тайёргарлик даражасини баҳолашда иштирок этган аъзолари томонидан имзоланади ҳамда шу куннинг ўзида қабул комиссиясининг масъул котибига топширилади.

Умумжисмоний тайёргарлик даражасини баҳолаш методикасига 1-ИЛОВА

Умумжисмоний тайёргарлик даражасини аниқлаш бўйича синовни баҳолаш

1. Номзодларнинг жисмоний тайёргарлик даражасини аниқлаш бўйича синов натижалари «5» баллик тизимда қуйидаги мезонлар асосида баҳоланади:

Машқлар номи Бажариш кўрсаткичи Синов натижаларини баҳолаш мезонлари 5 балл 4 балл 3 балл 0 балл Ўғил болалар тўсинда (турникда) тортилиш марта 6 4 2 2 дан кам 60 метрга югуриш сония (сек:) 10,0 гача 10,1 дан 10,6 гача 10,7 дан 11,2 гача 11,3 дан ортиқ 1000 метрга югуриш дақиқа (мин:сек) 5,50 гача 5,51 дан 6,10 гача 6,11 дан 6,50 гача 6,50 дан ортиқ

2. Номзод жисмоний тайёргарлик машқларини бажаргандан сўнг, унга ҳар бир машқ учун қўйилган баллари умумлаштирилиб номзодга ўртача арифметик балл қўйилади. Бунда жисмоний тайёргарлик машқлари учун қўйилган баллар йиғиндиси қуйидагича ҳисобланади:

14 — 15 балл тўплаганда — «5» балл;

11 — 13 балл тўплаганда — «4» балл;

6 — 10 балл тўплаганда — «3» балл;

6 дан кам тўплаганда — «0» балл.

3. Номзод жисмоний тайёргарлик даражасини аниқлаш бўйича синовда 2 та машқни «0» баллга бажарганда, номзодга «0» балл қўйилади.

Умумжисмоний тайёргарлик даражасини баҳолаш методикасига 2-ИЛОВА

Номзодларнинг умумжисмоний тайёргарлик даражасини аниқлаш бўйича синов натижалари юзасидан ‎‎ҚАЙДНОМА ‎ ‎‎20__ йил «____» ________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ ‎‎‎‎Номзодларнинг ‎ ‎Ф.И.О. ‎‎‎‎Машқлар бўйича синов натижалари ‎‎‎‎Номзоднинг ўртача арифметик балли‎ ‎‎‎‎турникда ‎‎тортилиш ‎‎‎‎100 метрга ‎югуриш ‎‎‎‎1000 метрга ‎югуриш ‎‎‎‎натижаси ‎‎балл ‎‎натижаси ‎‎‎ балл‎‎‎ ‎‎‎‎натижаси ‎ ‎‎балл‎ 1.‎ ‎‎ ‎‎ ‎‎‎ ‎‎ ‎‎‎ ‎‎ ‎‎‎ ‎‎ 2.‎ ‎‎ ‎‎ ‎‎‎ ‎‎ ‎‎‎ ‎‎ ‎‎ 3.‎ ‎‎ ‎‎ ‎‎‎ ‎‎ ‎‎‎ ‎‎ ‎‎‎ ‎‎ ...‎ ‎‎ ‎‎ ‎‎‎ ‎‎ ‎‎‎ ‎‎ ‎‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қабул комиссияси аъзолари: _____________________________________ ‎‎‎(Ф.И.О.) ‎_____________________________________ ‎‎‎‎(Ф.И.О.) ‎_____________________________________ ‎‎‎‎(Ф.И.О.) ‎_____________________________________ ‎‎‎‎(Ф.И.О.) ‎_____________________________________ ‎(Ф.И.О.) ‎_____________________________________ ‎(Ф.И.О.) ‎_____________________________________ ‎‎‎‎(Ф.И.О.) _________________ ‎‎(имзо) ‎_________________ ‎‎‎(имзо) ‎_________________ ‎(имзо) ‎_________________ ‎(имзо) ‎_________________ ‎(имзо) ‎_________________ ‎(имзо) ‎_________________ ‎(имзо)

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎‎«ТАСДИҚЛАЙМАН» ‎__________________________________ ‎(Қабул комиссияси раисининг ‎унвони, ‎Ф.И.О. ва имзоси) ‎ ‎20 ___ йил «____» __________________ ‎ ‎‎Ўзбекистон Республикаси Ички ишлар вазирлигининг ихтисослаштирилган мактаб интернатига ўқишга қабул қилиш бўйича қабул комиссиясининг йиғилиш ‎БАЁННОМАСИ ‎___-сон ‎ 20__ йил «____» __________‎‎___________ ‎ ‎ ‎ ‎ ‎ ‎ ‎ ‎ ‎‎ ‎‎______________________________ ‎(йиғилиш ўтказилган ҳудуд номи) ‎‎Раислик қилувчи: ‎ ‎Қатнашганлар: ‎ ‎ ‎ ‎ ‎ ‎ ‎ ‎‎_____________________________________________ ‎(қабул комиссияси раисининг унвони ва Ф.И.О.) ‎_____________________________________________ ‎(қабул комиссияси аъзолари) ‎ ‎‎КУН ТАРТИБИ: ‎ ‎‎Номзодларни Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказиладиган тест синовларига қўйиш масаласини кўриб чиқиш тўғрисида. ‎Қабул комиссияси ихтисослаштирилган мактаб-интернатига номзодларнинг ёзма иш (диктант) ва умумжисмоний тайёргарлик танлов босқичларининг натижаларини кўриб чиқиб, йиғилиш қарор қилади: ‎ Т/р‎ ‎‎Номзоднинг Ф.И.О. ‎‎Ёзма иш (диктант) натижаси ‎‎умумжисмоний тайёргарлик даражасини аниқлаш бўйича синов натижаси ‎‎Умумий балл ‎‎Тест синовига қўйилганлиги ёки қўйилмаганлиги ҳақида ёзув 1.‎ ‎‎ ‎‎ ‎‎ ‎‎ ‎‎ 2.‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎‎ ‎‎ ...‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қабул комиссияси котиби ‎ ‎ ‎ ______________ ‎‎‎(имзо) ‎ ‎‎_______ _________________________‎‎____ ‎(Ф.И.О.) ‎‎Қабул комиссияси аъзолари: ‎ ‎ ‎ ‎‎______________ ‎(имзо) ‎______________ ‎‎‎‎(имзо) ‎ ‎‎‎‎_________________________________‎‎____ ‎(Ф.И.О.) ‎‎‎_________________________________‎‎____ ‎‎(Ф.И.О.)

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎‎«ТАСДИҚЛАЙМАН» ‎__________________________________ ‎(Қабул комиссияси раисининг ‎унвони, ‎Ф.И.О. ва имзоси) ‎ ‎20 ___ йил «____» __________________ ‎ ‎‎Ўзбекистон Республикаси Ички ишлар вазирлигининг ихтисослаштирилган мактаб-интернатига ўқишга қабул қилиш бўйича қабул комиссиясининг йиғилиш ‎БАЁННОМАСИ ‎___-сон ‎ 20__ йил «____» __________‎‎___________ ‎ ‎ ‎ ‎ ‎ ‎ ‎ ‎ ‎‎ ‎‎______________________________ ‎(йиғилиш ўтказилган ҳудуд номи) ‎‎Раислик қилувчи: ‎ ‎Қатнашганлар: ‎ ‎ ‎ ‎ ‎ ‎ ‎ ‎‎_____________________________________________ ‎(қабул комиссияси раисининг унвони ва Ф.И.О.) ‎_____________________________________________ ‎(қабул комиссияси аъзолари) ‎ ‎‎КУН ТАРТИБИ: ‎ Номзодларни Ўзбекистон Республикаси Ички ишлар вазирлигининг ихтисослаштирилган мактаб-интернатига ўқишга қабул қилиш масаласини кўриб чиқиш тўғрисида Ўзбекистон Республикаси Ички ишлар вазирлигининг ихтисослаштирилган мактаб-интернатига номзодларни қабул қилиш бўйича қабул комиссияси ҳамда Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ташкил этилган тест синовлари натижаларига асосан, йиғилиш қарор қилади: ‎ Т/р‎ ‎‎Номзоднинг Ф.И.О. Номзоднинг махсус коди ‎‎Тест синовларида тўплаган балли ‎‎Имтиёз ‎‎Умумий балл Ўқишга қабул қилинганлиги ёки қабул қилинмаганлиги ҳақидаги ёзув 1.‎ ‎‎ ‎‎ ‎‎ ‎‎ ‎‎ ‎‎ 2.‎ ‎‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎‎ ‎‎ ...‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қабул комиссияси котиби ‎ ‎ ‎ ______________ ‎‎‎(имзо) ‎ ‎‎_______ _________________________‎‎____ ‎(Ф.И.О.) ‎‎Қабул комиссияси аъзолари: ‎ ‎ ‎ ‎‎______________ ‎(имзо) ‎______________ ‎‎‎‎(имзо) ‎ ‎‎‎‎_________________________________‎‎____ ‎(Ф.И.О.) ‎‎‎_________________________________‎‎____ ‎‎(Ф.И.О.)

Вазир П. БОБОЖОНОВ

Соғлиқни сақлаш вазири А. ШАДМАНОВ

Халқ таълими вазири Ш. ШЕРМАТОВ

Жисмоний тарбия ва спорт вазири Д. НАБИЕВ

Вазирлар Маҳкамаси ҳузуридаги Давлат тест маркази директори М. КАРИМОВ

Тошкент ш.,

2018 йил 20 октябрь,

2018 йил 17 октябрь

2018 йил 18 октябрь

286-сон

(Қонун ҳужжатлари маълумотлари миллий базаси, 23.11.2018 й., 10/18/3089/2222-сон; Қонунчилик маълумотлари миллий базаси, 28.07.2021 й., 10/21/3313/0724-сон; 19.08.2024 й., 10/24/3552/0630-сон; 25.11.2024 й., 10/24/3089-1/0960-сон; 13.10.2025 й., 10/25/3690/0925-сон; 25.11.2025 й., 10/25/3089-2/1085-сон; 22.10.2026 й., 10/26/3958/1065-сон)

lex.uz

Oʻzbekiston Respublikasi Ichki ishlar vazirining

buyrugʻi

NIZOM

METODIKASI

MEZONLARI

METODIKASI

MEZONLARI

Oʻzbekiston Respublikasi Ichki ishlar vazirligining ixtisoslashtirilgan maktab-internatiga oʻquvchilarni oʻqishga qabul qilish uchun tanlovlar oʻtkazish va ularning hujjatlarini rasmiylashtirish tartibi toʻgʻrisidagi nizomni tasdiqlash haqida

Oʻzbekiston Respublikasi Vazirlar Mahkamasining 2018-yil 19-iyundagi 459-son “Oʻzbekiston Respublikasi Ichki ishlar vazirligining ixtisoslashtirilgan maktab-internati faoliyatini tashkil etish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi Ichki ishlar vazirligining ixtisoslashtirilgan maktab-internatiga oʻquvchilarni oʻqishga qabul qilish uchun tanlovlar oʻtkazish va ularning hujjatlarini rasmiylashtirish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Oʻzbekiston Respublikasi ichki ishlar vazirining 2018-yil 20-oktabrdagi 286-son buyrugʻiga ILOVA

Mazkur Nizom Oʻzbekiston Respublikasi Vazirlar Mahkamasining 2018-yil 19-iyundagi 459-son “Oʻzbekiston Respublikasi Ichki ishlar vazirligining ixtisoslashtirilgan maktab-internati faoliyatini tashkil etish chora-tadbirlari toʻgʻrisida”gi qaroriga muvofiq Oʻzbekiston Respublikasi Ichki ishlar vazirligining ixtisoslashtirilgan maktab-internatiga (bundan buyon matnda maktab-internat deb yuritiladi) oʻquvchilarni (bundan buyon matnda nomzod deb yuritiladi) qabul qilish uchun tanlov oʻtkazish va ularning hujjatlarini rasmiylashtirish tartibini belgilaydi.

1-bob. Umumiy qoidalar

1. Oʻzbekiston Respublikasi Vazirlar Mahkamasining 2018-yil 19-iyundagi 459-son “Oʻzbekiston Respublikasi Ichki ishlar vazirligining ixtisoslashtirilgan maktab-internati faoliyatini tashkil etish chora-tadbirlari toʻgʻrisida”gi qaroriga asosan ixtisoslashtirilgan maktab-internatda oʻqishga ichki ishlar organlarining, birinchi navbatda xizmat majburiyatlarini bajarish chogʻida halok boʻlgan, shuningdek, xizmatni oʻtash davomida olgan yaradorligi, kontuziyasi, kasalligi va jarohatlanganligi oqibatida nogironlikka uchragan yoki vafot etgan harbiy xizmatchi va xodimlarining (bundan buyon matnda xodimlar deb ataladi) va boshqa fuqarolarning umumiy oʻrta taʼlim tashkilotlarida 4-sinfni tamomlagan farzandlari (oʻgʻil bolalar) har yilgi qabul kvotalariga muvofiq tanlov asosida qabul qilinadi .

Bunda, jamoat tartibini saqlashda, jangovar harakatlarda, terrorchilikka qarshi operatsiyalar oʻtkazishda, favqulodda holat tartibini huquqiy taʼminlash va ularning oqibatlarini bartaraf etishda ishtirok etgan vaqtda halok boʻlgan xodimlarning farzandlari oʻqishga tanlovsiz qabul qilinadi.

2. Tanlov quyidagi bosqichlarda amalga oshirildi:

hujjatlarni toʻplash va oʻrganish;

orfografik va punktuatsion savodxonlik darajasini aniqlash;

umumjismoniy tayyorgarlik darajasini aniqlash;

yakuniy test sinovlari.

3. Maktab-internatga nomzodlarni oʻqishga qabul qilishni tashkil etish maqsadida Oʻzbekiston Respublikasi ichki ishlar vazirining buyrugʻiga asosan Oʻzbekiston Respublikasi Ichki ishlar vazirligining ixtisoslashtirilgan maktab-internatiga nomzodlarni qabul qilish boʻyicha qabul komissiyasi (bundan buyon matnda qabul komissiyasi deb yuritiladi) tuziladi hamda qabul komissiyasining tarkibi tasdiqlanadi.

4. Qabul komissiyasi qabul yilining 1-aprelidan 10-sentabriga qadar faoliyat yuritadi.

5. Oʻzbekiston Respublikasi ichki ishlar vazirining oʻrinbosari — Maʼnaviy-maʼrifiy ishlar va kadrlar bilan taʼminlash departamenti boshligʻi qabul komissiyasi raisi hisoblanadi.

Qabul komissiyasi raisi qabul komissiyasining ishini tashkillashtiradi, komissiya raisi oʻrinbosarlari va aʼzolarining vazifalarini belgilaydi, komissiyalar faoliyatini muvofiqlashtiradi hamda nazorat qiladi.

Qabul komissiyasi tarkibiga kelishuv asosida Maktabgacha va maktab taʼlimi vazirligi hamda Sport vazirligi tizimidan tegishli mutaxassislar kiritilishi mumkin.

6. Qabul komissiyasi faoliyatiga hamda ularning ishlarini tashkillashtirishga koʻmaklashish maqsadida Oʻzbekiston Respublikasi ichki ishlar vazirining buyrugʻiga asosan Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar boshqarmalarida (hududiy ichki ishlar boshqarmalari) ishchi guruhlar tuziladi va ushbu ishchi guruhlarning tarkibi tasdiqlanadi.

7. Ishchi guruhlar tarkibiga hududiy ichki ishlar boshqarmalarining Maʼnaviy-maʼrifiy ishlar va kadrlar bilan taʼminlash xizmati boshligʻining oʻrinbosari, Shaxsiy xavfsizlik, Yuridik taʼminlash boʻlinmalari masʼul xodimlari hamda Harbiy-tibbiy komissiya raisi kiritilishi zarur.

8. Maktab-internatga oʻqishga munosib nomzodlarni tanlab olishni tashkil etish uchun hududiy ichki ishlar boshqarmalari ishchi guruhlari tomonidan muntazam ravishda targʻibot-tashviqot ishlari olib boriladi. Targʻibot-tashviqot ishlari umumiy oʻrta taʼlim tashkilotlarida, aholi turar joylarida va ichki ishlar organlarida uchrashuvlar oʻtkazish orqali amalga oshiriladi.

9. Maktab-internatga oʻqishga qabul qilish uchun Oʻzbekiston Respublikasi ichki ishlar vazirining buyrugʻi bilan tanlov eʼlon qilinadi va ommaviy axborot vositalarida, shuningdek, Ichki ishlar vazirligining rasmiy veb-saytida beriladi. Eʼlonda qabul qilish shartlari hamda tanlovlarni oʻtkazish muddatlari koʻrsatilishi lozim.

10. Farzandlari maktab-internatga oʻqishga kirish istagini bildirgan ota-onalar yoki ularning oʻrnini bosuvchi shaxslar yashash joyidagi hududiy ichki ishlar boshqarmalariga mazkur Nizomning 1-ilovasiga muvofiq shakldagi ariza bilan murojaat qiladi.

Farzandlari maktab-internatga oʻqishga kirish istagini bildirgan xodimlar bevosita ichki ishlar organlarining rahbarlariga bildirgi bilan murojaat qiladi.

Arizalar qabul yilining 15-aprelidan 1-iyun kuniga qadar qabul qilinadi.

2-bob. Hujjatlarni qabul qilish, oʻrganish va yuborish

11. Farzandlari maktab-internatga oʻqishga kirish istagida boʻlgan ota-onalar yoki ularning oʻrnini bosuvchi shaxslar hamda xodimlar mazkur Nizomning 10-bandidagi ariza yoki bildirgi bilan birga nomzod toʻgʻrisidagi maʼlumotlar anketasini hamda elektron shaklda nomzodning rangli fotosuratini taqdim etadi.

Nomzodning ota-onasi yoki ularning oʻrnini bosuvchi shaxslardan mazkur bandda nazarda tutilmagan hujjatlarni talab qilish taqiqlanadi.

Bunda, ishchi guruh tomonidan mazkur bandda nazarda tutilmagan hujjatlar tegishli davlat organlari va tashkilotlaridan mustaqil ravishda, shu jumladan “Elektron hukumat” tizimi idoralararo integratsiyalashuv platformasi orqali soʻrab olish orqali aniqlanadi.

12. Maktab-internatga oʻqishga kirish istagida boʻlgan nomzodlarning hujjatlari qabul qilinib, ularga mazkur Nizomning 2-ilovasiga muvofiq shaklda ikki nusxada maʼlumotnoma rasmiylashtiriladi. Birinchi nusxasi nomzodning ota-onasi yoki ularning oʻrnini bosuvchi shaxslarga imzo orqali taqdim etiladi hamda ikkinchi nusxasi nomzodning hujjatlariga biriktiriladi.

13. Ishchi guruh tomonidan hujjatlar yigʻilgandan soʻng oʻquvchilar 10-iyundan 20-iyun kuniga qadar hududiy sogʻliqni saqlash muassasasida tashkil etilgan tibbiy komissiya tomonidan koʻrikdan oʻtkaziladi.

Tibbiy koʻrikdan oʻtkazishda oʻquvchining antropometrik koʻrsatkichlari (tana vazni, boʻyining uzunligi va koʻkrak qafasi aylanasi), funksional imkoniyatlari va sogʻligʻidagi mavjud nuqsonlari aniqlanadi.

Tibbiy koʻrik natijalariga koʻra sogʻlom deb topilgan oʻquvchilar tanlovning keyingi tadbirlariga qoʻyiladi.

14. Ishchi guruh masʼul xodimlari tomonidan nomzodlarning hujjatlari qabul yilining 25-iyun kuniga qadar qabul komissiyasiga yuboriladi.

15. Ishchi guruh 11-bandda koʻrsatilgan hujjatlar bilan birgalikda xodimlar tomonidan taqdim etilgan quyidagi hujjatlarni nomzodlarning yigʻma jildiga biriktirilishini taʼminlaydi:

xodimga bevosita boshligʻi (komandir) tomonidan berilgan tavsifnoma;

xodimning maʼlumotnoma-obyektivkasi (hududiy ichki ishlar boshqarmalari Maʼnaviy-maʼrifiy ishlar va kadrlar bilan taʼminlash xizmati boshligʻining oʻrinbosari tomonidan imzolangan holda);

nomzodga hujjatlari qabul qilib olinganligi haqida berilgan maʼlumotnoma;

xizmat majburiyatlarini bajarish chogʻida halok boʻlgan, shuningdek, xizmatni oʻtash davomida olgan yaradorligi, kontuziyasi, kasalligi va jarohatlanganligi oqibatida nogironlikka uchragan yoki vafot etgan xodimlarga nisbatan tegishli ichki ishlar organi tomonidan oʻtkazilgan xizmat tekshiruvi xulosasi nusxasi (muhr bilan tasdiqlangan);

Maktab-internatga oʻqishga kirishda imtiyozlardan foydalanish huquqini tasdiqlovchi hujjatlar nusxalari;

Mazkur Nizomning 3-ilovasiga muvofiq shakldagi nomzodni oʻqishga yuborish haqidagi xulosa.

3-bob. Tanlov tadbirlarini va test sinovlarini tashkil etish va oʻtkazish

16. Maktab-internatda tanlov tadbirlari boshlanishidan kamida besh kun oldin qabul komissiyasi tomonidan tanlov tadbirlari oʻtkazish muddatlari belgilangan reja-jadval ishlab chiqiladi va tasdiqlanadi.

Mazkur reja-jadval maktab-internatning qabul komissiyasi eʼlonlar taxtasiga hammaga koʻrish uchun qulay boʻlgan holda joylashtiriladi, shuningdek Ichki ishlar vazirligining rasmiy veb-saytida eʼlon qilinadi hamda ishchi guruhlariga nomzodlarni belgilangan muddatlarda yetib kelishlarini taʼminlash uchun yuboriladi.

17. Yozma ish (diktant), umumjismoniy tayyorgarlik darajasini aniqlash boʻyicha tanlov tadbirlari oʻtkazish muddati belgilangan reja-jadvalga asosan oʻtkaziladi.

Umumtaʼlim fanlari boʻyicha test sinovlari belgilangan tartibda Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan (bundan buyon matnda Agentlik deb yuritiladi) Oʻzbekiston Respublikasi Ichki ishlar vazirligi bilan kelishilgan muddatda qabul yilining 15-avgustidan 25-avgust kuniga qadar oʻtkaziladi.

18. Yozma ish (diktant) oʻtkazish qabul komissiyasi tarkibiga kiritilgan mutaxassislar tomonidan reja-jadvalda belgilangan muddatda mazkur Nizomning 4-ilovasida keltirilgan metodikaga muvofiq oʻtkaziladi.

Yozma ish (diktant) oʻtkazish boʻyicha qabul komissiyasi tarkibiga maktab-internat mutaxassislari kiritiladi, shuningdek komissiya tarkibiga umumiy oʻrta taʼlim tashkilotlarining mutaxassislari kelishuv asosida taklif qilinishi mumkin.

19. Nomzodlarning umumjismoniy tayyorgarligi darajasini baholash qabul komissiyasi tarkibiga kiritilgan mutaxassislar tomonidan reja-jadvalda belgilangan muddatda mazkur Nizomning 5-ilovasida keltirilgan metodikaga muvofiq oʻtkaziladi.

20. Qabul komissiyasi tarkibidagi nomzodning umumjismoniy tayyorgarlik darajasini baholashda qabul komissiyasi tarkibiga maktab-internat va hududiy ichki ishlar organlarining jismoniy tarbiya va sport sohasidagi mutaxassislari kiritiladi. Oʻzbekiston Respublikasi Sport vazirligi tizimidan kelishuv asosida mutaxassislar taklif etilishi mumkin.

21. Qabul komissiyasi tomonidan yozma ish (diktant) hamda umumjismoniy tayyorgarlik darajasini aniqlash bosqichlarining natijalari boʻyicha Nizomning 6-ilovasiga muvofiq bayonnoma rasmiylashtirilib, 6 balldan kam toʻplagan nomzodlar Agentlik tomonidan oʻtkaziladigan test sinovlariga kiritilmaydi.

22. Nomzodlarni umumtaʼlim fanlari boʻyicha (ona tili va adabiyot hamda matematika) bilimini baholash Agentlik tomonidan test sinovlari asosida oʻtkaziladi.

23. Nomzodlar yozma ish (diktant) va umumjismoniy tayyorgarlik sinovlari natijalaridan kelib chiqib qabul komissiyasi tomonidan shakllantirilgan roʻyxat asosida test sinovlariga kiritiladi.

24. Test sinovlari umumiy oʻrta taʼlimning davlat taʼlim standartlari doirasida oʻzbek, rus va qoraqalpoq tillarida oʻtkaziladi.

25. Test sinovi materiallari Agentlik tomonidan boshlangʻich va umumiy oʻrta taʼlim sohasidagi yetakchi mutaxassislar jalb etilgan holda Maktabgacha va maktab taʼlimi vazirligi bilan hamkorlikda shakllantiriladi. Test savollari davlat taʼlim standartida boshlangʻich sinf bitiruvchi oʻquvchilarining tayyorgarlik darajasiga qoʻyiladigan minimal talablar doirasida tuziladi.

26. Maktab-internatning uchun test sinovlari 1 soat (60 daqiqa) davom etadi. Test sinovlari boshlanishiga qadar 20 daqiqagacha tushuntirish ishlari oʻtkaziladi, bu vaqt test oʻtkazish uchun ajratilgan vaqt meʼyoriga kirmaydi.

27. Nomzodlarga taʼlim sohalari boʻyicha ona tili va adabiyotdan (oʻzbek, rus va qoraqalpoq tillarida) 20 ta, matematikadan 10 ta, jami 30 ta test savollari beriladi. Test savollarining ona tili va adabiyotdan berilgan har bir toʻgʻri javob uchun “2,1” ball bilan va matematikadan berilgan har bir toʻgʻri javob uchun “1,1” ball bilan baholanadi.

28. Nomzodlar test sinovlariga tugʻilganlik haqidagi guvohnomasi yoki uning Oʻzbekiston Respublikasi Yagona interaktiv davlat xizmatlari portali va (yoki) “Ijtimoiy karta” mobil ilovasi orqali beriladigan elektron shakli va mazkur Nizomning 2-ilovasiga muvofiq berilgan maʼlumotnoma bilan kirishga ruxsat beriladi.

29. Test sinovlariga belgilangan muddatda kelmagan nomzodlar uchun qoʻshimcha test sinovlari oʻtkazilmaydi.

30. Test sinovlari oʻqishga qabul qilishning hal qiluvchi bosqichi hisoblanib, xodimlar va boshqa fuqarolar uchun ajratilgan qabul kvotalari doirasida test sinovlari natijasi boʻyicha toʻplangan ballardan kelib chiqqan holda navbatdagi ketma-ketlik tartibiga muvofiq nomzodlar tanlab olinadi.

31. Test sinovlari natijalari Agentlik tomonidan qabul komissiyasiga taqdim etiladi.

32. Qabul komissiyasi test sinovlari natijalariga koʻra oʻqishga kirgan nomzodlar roʻyxatini tuzadi hamda mazkur Nizomning 7-ilovasiga muvofiq shakldagi bayonnomani rasmiylashtiradi.

33. Oʻqishga qabul qilingan nomzodlar roʻyxati va ularning test sinov natijalari eʼlonlar taxtasiga hamma koʻrish uchun qulay boʻlgan holda joylashtiriladi.

34. Maktab-internat tomonidan qabul yilining 30-avgustidan kechiktirmagan holda nomzodlarni oʻqishga qabul qilinganligi toʻgʻrisidagi buyruq chiqariladi.

4-bob. Tanlov tadbirlari boʻyicha murojaatlarni koʻrib chiqish

35. Nomzod, uning ota-onasi (yoki uning oʻrnini bosuvchi shaxslar) tomonidan berilgan maktab-internatga oʻqishga qabul qilish bilan bogʻliq murojaatlar qabul komissiyasi tomonidan qonunchilik hujjatlarida belgilangan tartibda koʻrib chiqiladi.

36. Tanlov natijalari yuzasidan nomzodning murojaatlarini qisqa muddatda koʻrib chiqish uchun Oʻzbekiston Respublikasi ichki ishlar vazirining oʻrinbosari – Maʼnaviy-maʼrifiy ishlar va kadrlar bilan taʼminlash departamenti boshligʻi raisligida apellyatsiya komissiyasi tuziladi.

37. Apellyatsiya komissiyasi tarkibiga qabul komissiya faoliyatida ishtirok etmagan Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti va maktab-internatning tegishli mutaxassis xodimlari kiritiladi, shuningdek murojaatning mazmunidan kelib chiqib kelishuvga asosan Maktabgacha va maktab taʼlimi vazirligi hamda Sport vazirliklarining hududiy boʻlinmalaridan mutaxassislar taklif qilinishi mumkin.

38. Apellyatsiya komissiyasiga ariza va shikoyatlar tanlov natijalari eʼlon qilingan kundan eʼtiboran 3 ish kunida qabul qilinadi.

39. Apellyatsiya komissiyasi qabul qilingan ariza va shikoyatlarni 3 ish kunidan kechiktirmasdan murojaat qilgan nomzod, uning ota-onasi (yoki uning oʻrnini bosuvchi shaxslar) ishtirokida koʻrib chiqadi.

40. Test sinovlari natijasi boʻyicha berilgan apellyatsiya shikoyatlari apellyatsiya komissiyasi tomonidan qabul qilib olingan kuni Agentlikka yuboriladi.

Test sinovlari natijasi boʻyicha berilgan apellyatsiya shikoyatlari Agentlik tomonidan 3 ish kuni ichida koʻrib chiqiladi va natijalari Ichki ishlar vazirligiga yuboriladi.

5-bob. Yakuniy qoidalar

41. Nomzodlar yozma ish (diktant), umumjismoniy tayyorgarlik, test sinovlariga tayyorlanish va ularni topshirish davrida turar joy bilan taʼminlanmaydi, shuningdek maktab-internatga kelib-ketishi, yashashi va ovqatlanishi bilan bogʻliq barcha sarf-xarajatlar ularning oʻz hisobidan amalga oshiriladi.

42. Nomzodni oʻqishga qabul qilish uchun asos boʻlgan hujjatlar uning shaxsiy hujjatlar yigʻmajildida saqlanadi.

43. Oʻqishga qabul qilinmagan nomzodlarning hujjatlari 10 kunlik muddatda hududiy ichki ishlar boshqarmalarga qaytarib yuboriladi. Qabul qilingan nomzodlarning hujjatlari maktab-internatda saqlanadi.

44. Shaxsiy hujjatlar yigʻmajildini nomzodning qoʻliga yoki uning ota-onasiga (uning oʻrnini bosuvchi shaxslarga) berish taqiqlanadi.

45. Mazkur Nizom talablari buzilgan taqdirda aybdor boʻlgan shaxslar qonunchilik hujjatlarida belgilangan tartibda javobgarlikka tortiladi.

46. Mazkur Nizom Oʻzbekiston Respublikasi Sogʻliqni saqlash vazirligi, Xalq taʼlimi vazirligi, Jismoniy tarbiya va sport vazirligi hamda Oʻzbekiston Respublikasi Vazirlar Mahkamasi huzuridagi Davlat test markazi bilan kelishilgan.

‎ ‎ ‎ ‎ ‎ ‎‎________ ‎‎____________________________________ga ‎(ichki ishlar organi boshligʻi F.I.O.) ‎_____________________________________________da ‎(nomzodning yashash joyi) ‎yashovchi______________________________________ dan ‎(nomzodning otasi yoki onasining F.I.O.) ‎ ‎‎A R I Z A ‎ ‎Mening farzandim _______________________________________________________________________________ga ‎(nomzodning tugʻilgan yili F.I.O.) ‎‎oʻqishga kirish uchun hujjatlarini rasmiylashtirishga hamda oʻqishga qabul qilish uchun oʻtkaziladigan tanlovlarda ishtirok etishiga ruxsat berishingizni soʻrayman. ‎Oʻzbekiston Respublikasi Ichki ishlar vazirligining ixtisoslashtirilgan maktab internatida taʼlim olish shart-sharoitlari, tartib-intizomga rioya etish qoidalari va imtiyozlari bilan tanishtirildim. ‎Oʻtkaziladigan tanlovlarni farzandim _________________________________________________ tilida topshiradi. ‎ ‎ ‎ ‎ ‎‎ ‎‎(oʻzbek, rus va qoraqalpoq) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________________ ‎(imzo)‎ ‎ ‎ ‎ ‎ ____________________________________ ‎‎‎(F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎‎20___ yil “____” ______________________ ‎ ‎ ‎ ‎ ‎ ‎

‎‎MAʼLUMOTNOMA ‎ ‎ ‎ ‎3x4 ‎rasm oʻrni ‎‎‎ ‎‎ ‎ ‎ ‎ ‎ ‎ ‎ ‎ M.Oʻ.‎ ‎ ‎ ‎ ‎ ‎ ‎ ‎ ‎ ‎‎________________________________________________________________________________________________ ‎(nomzodning F.I.O.) ‎‎Oʻzbekiston Respublikasi Ichki ishlar vazirligining ixtisoslashtirilgan maktab-internatiga ____________________ ‎__________________________________________________________________________________da oʻqishga nomzod ‎‎(hududiy ichki ishlar organining nomi) ‎ ‎ ‎‎sifatida roʻyxatga olindi. ‎ ‎ ‎ ‎ ‎ ‎ ‎ ‎ ‎‎Hududiy ichki ishlar organlari ishchi guruhlarining rahbari ‎‎ ‎_________________ ‎(imzo) ‎ ‎‎ ‎___________________________ ‎(F.I.O.)

‎ ‎ ‎ ‎ ‎ ‎ ‎‎ ‎‎“TASDIQLAYMAN” ‎______________________________________ ‎(ichki ishlar organi boshligʻining unvoni, ‎F.I.O. va imzosi) ‎ ‎20 ___ yil “_____”______________________ ‎ ‎‎Oʻzbekiston Respublikasi IIVning ixtisoslashtirilgan maktab-internatiga nomzod _______________________________________________________ ni oʻqishga qabul qilish uchun oʻtkaziladigan tanlovlarda ishtirok etish uchun yuborish toʻgʻrisida ‎XULOSA ‎ ‎‎_____________________________________________________________________________________ning farzandi ‎(fuqaro yoki xodimning (ota-onasi yoki uning oʻrnini bosuvchi shaxslar toʻgʻrisidagi,) ‎‎_________tumani ____–sonli umumiy oʻrta taʼlim tashkilotining oʻquvchisi ___________________________________ ‎____________________________________________________________________nomzodi Oʻzbekiston Respublikasi ‎‎(nomzodning F.I.O.) ‎ ‎ ‎ ‎‎Ichki ishlar vazirligining ixtisoslashtirilgan maktab-internatiga oʻqishga qabul qilish uchun oʻtkaziladigan tanlovda ishtirok etish masalasi oʻrganib chiqildi. ‎1. Nomzodni oʻrganish natijalari: (nomzod toʻgʻrisidagi maʼlumotlar anketa, IIO xodimning farzandi yoki xizmat vaqtida halok boʻlgan xodim haqidagi qisqacha maʼlumotlar kiritiladi) ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎‎2. Nomzod boʻyicha yakuniy xulosa: ‎________________________________________________________________________________________________ ‎________________________________________________________________________________________________ ‎‎‎ ‎‎_______________________________________________ ‎(masʼul shaxsning lavozimi va unvoni) ‎‎‎_______________________________________________ ‎‎‎(masʼul shaxsning lavozimi va unvoni) ‎‎‎_______________________________________________ ‎‎(IIO tibbiyot boʻlimi rahbarning lavozimi va unvoni) ‎‎‎_______________________________________________ ‎‎(ishchi guruh rahbarining lavozimi va unvoni) ‎ _____________________________________ ‎‎‎(F.I.O.) ‎_____________________________________ ‎‎‎(F.I.O.) ‎_____________________________________ ‎‎‎(F.I.O.) ‎_____________________________________ ‎‎‎(F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎‎20___ yil “____” ______________________ ‎ ‎ ‎ ‎ ‎ ‎

Yozma ish (diktant) oʻtkazish

I. Umumiy qoidalar

1. Nomzodlarning orfografik va punktuatsion savodxonlik darajasini aniqlash uchun hajmi 75 — 80 ta soʻzdan iborat boʻlgan yozma ish (diktant) olinadi.

2. Diktant qabul komissiyasi tomonidan maktab-internat binosida oʻtkaziladi.

3. Diktantning mavzulari va matnlari qabul komissiyasi raisi tomonidan tasdiqlanadi.

4. Diktantning tasdiqlangan mavzu va matnlari qabul komissiyasi kotibida saqlanadi va ularning oshkor qilinmasligi uchun shaxsan masʼul hisoblanadi.

5. Diktant oʻtkazilayotgan auditoriyaga kitob, lugʻat, uyali telefon, telekommunikatsiya vositasi, shpargalka va yozuvlarni oʻchirishga moʻljallangan ruchkalarni olib kirish taqiqlanadi.

II. Diktant oʻtkazish tartibi

6. Diktant boshlanishidan oldin qabul komissiyasi aʼzolari tomonidan nomzodlarga diktant oʻtkazish tartibi tushuntiriladi hamda raqamlangan (roʻyxatdan oʻtkazilgan) daftarlar tarqatiladi.

7. Nomzod raqamlangan daftarning ustki qismiga oʻzining familiyasi, ismi va otasining ismini yozadi.

8. Qabul komissiyasi aʼzolari tomonidan nomzodlarga diktant matni bir marotaba tushunarli holda toʻliq oʻqib eshittiriladi hamda shu kungi sana va diktant mavzusi doskada nomzodlarga tushunarli qilib yozib qoʻyiladi. Diktant matni toʻliq oʻqib eshittirilgandan keyin nomzodlar diktantni yozishga tayyorlanadi.

9. Diktant yozish boshlanganda qabul komissiyasi aʼzosi diktant matnini sekin birma-bir oʻqib beradi.

Bunda 1 ta gap oʻqib eshittiriladi va nomzod oʻqib eshittirilgan gapni yozishga kirishadi.

10. Oʻqib eshittirilgan gapni nomzodlar yozib boʻlganidan keyin ushbu gap qabul komissiyasi aʼzosi tomonidan yana bir marotaba oʻqib beriladi. Diktant yozdirish shu tarzda davom etadi.

11. Nomzodlar diktantni yozib tugatgandan keyin unga berilgan raqamlangan daftarlarni qabul komissiyasi aʼzosiga topshirib auditoriyani tark etadilar.

12. Qabul komissiyasi aʼzosi nomzodlardan qabul qilib olingan raqamlangan daftarlarni tekshirish uchun topshiradi.

13. Auditoriyada nomzodlarga diktant yozdirgan qabul komissiyasi aʼzosi tomonidan shu auditoriyadagi nomzodlar yozgan diktantlarni tekshirishiga yoʻl qoʻyilmaydi.

14. Qabul komissiya aʼzosi (mutaxassislar) nomzodlarning yozgan diktantlarini shu kunning oʻzida mazkur Metodikaning 1-ilovasida nazarda tutilgan baholash mezonlariga asosan baholab, har bir raqamlangan daftarga oʻzining familiyasi, ismi va otasining ismini yozib, tekshirgan sanani va imzosini qoʻyadi.

15. Nomzodlarga diktantni qayta topshirishga ruxsat berilmaydi.

III. Yakuniy qoidalar

16. Diktant natijalari boʻyicha qabul komissiya tomonidan shu kunning oʻzida mazkur Metodikaning 2-ilovasiga muvofiq shaklda qaydnoma rasmiylashtiriladi.

17. Yozma ish (diktant) natijalarni shu kunning oʻzida maktab-internat qabul komissiyasining eʼlonlar taxtasiga joylashtirish orqali nomzodlar eʼtiboriga yetkaziladi.

18. Qaydnoma yozma ishni oʻtkazishda ishtirok etgan qabul komissiyasi aʼzolari tomonidan imzolanadi hamda shu kunning oʻzida nomzodlarning raqamlangan daftarlari qabul komissiyasi kotibiga topshirilishi taʼminlanadi.

Yozma ish (diktant) oʻtkazish metodikasiga 1-ILOVA

Diktant natijalarini baholash

1. Nomzodlar tomonidan yozilgan diktant “5” ballik tizimda baholanadi.

Diktant:

1 tagacha orfografik yoki punktuatsion xatolikka yoʻl qoʻyilgan deb topilganda — “5” ball bilan baholanadi;

2 tadan 4 tagacha orfografik va punktuatsion xatolikka yoʻl qoʻyilgan deb topilganda — “4” ball bilan baholanadi;

5 tadan 10 tagacha orfografik va punktuatsion xatolikka yoʻl qoʻyilgan deb topilganda — “3” ball bilan baholanadi;

11 ta va undan ortiq orfografik va punktuatsion xatolikka yoʻl qoʻyilgan deb topilganda — “2” ball bilan baholanadi.

Nomzod daftarni diktant yozilmagan boʻsh holda topshirganda u “0” ball bilan baholanadi.

2. Quyidagi holatlar mavjud boʻlgan taqdirda diktantdagi xatoliklar 1 ta xato deb hisoblanadi:

5 ta oʻrinda “h” yoki “oʻ” harflari oʻrnida tegishlicha “x” yoki “u” harflari yozilgan boʻlsa;

kirish soʻzlarning (masalan, darvoqe, darhaqiqat) yozilishida 6 tagacha punktuatsion xatolikka yoʻl qoʻyilgan boʻlsa;

qaratqich belgisi 3 tagacha soʻzda notoʻgʻri qoʻllanilgan boʻlsa.

3. Quyidagilar xato deb hisoblanmaydi:

tasodifiy xatolar (masalan, “tushunmoq” soʻzi barcha oʻrinlarda toʻgʻri yozilgan boʻlsa);

takroriy xatolar (masalan, “qutulmoq” soʻzi 5 tagacha oʻrinda “qutilmoq” tarzida qoʻllanilgan boʻlsa);

soʻz koʻchirishdagi xatolar (masalan, voqe-a yoki oktya-br);

ayrim atamalarning yozilishidagi xatolar (masalan, Choʻlpon ota — Choʻpon ota, Sayxunobod — Sayxun-obod).

4. Diktantdagi tuzatishlar miqdori 5 tadan ortiq boʻlsa, baho bir ballga pasaytiriladi.

5. Agar diktantda uch va undan ortiq tuzatish boʻlsa, “5” ball qoʻyilmaydi.

Yozma ish (diktant) oʻtkazish metodikasiga 2-ILOVA

‎‎Diktant oʻtkazish natijalari boʻyicha ‎QAYDNOMA ‎ ‎‎20__ yil “____” ________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ ‎‎Nomzodlarning F.I.O. ‎‎Xatolarning umumiy soni ‎‎Nomzodning diktantiga qoʻyilgan ball 1.‎ ‎‎ ‎‎ ‎‎ 2.‎ ‎‎ ‎‎ ‎‎ 3.‎ ‎‎ ‎‎ ‎‎ ...‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qabul komissiyasi aʼzolari: _____________________________________ ‎‎‎(F.I.O.) ‎_____________________________________ ‎‎‎‎(F.I.O.) ‎_____________________________________ ‎‎‎‎(F.I.O.) ‎_____________________________________ ‎‎‎‎(F.I.O.) ‎_____________________________________ ‎(F.I.O.) ‎_____________________________________ ‎(F.I.O.) ‎_____________________________________ ‎‎‎‎(F.I.O.) _________________ ‎‎(imzo) ‎_________________ ‎‎‎(imzo) ‎_________________ ‎(imzo) ‎_________________ ‎(imzo) ‎_________________ ‎(imzo) ‎_________________ ‎(imzo) ‎_________________ ‎(imzo)

Umumjismoniy tayyorgarlik darajasini baholash

I. Umumiy qoidalar

1. Nomzodlarning umumjismoniy tayyorgarligi darajasi ularning mazkur Metodikada nazarda tutilgan tegishli mashqlarni bajarishini tekshirish orqali baholanadi.

Nomzodlarning umumjismoniy tayyorgarlik darajasini baholash tadbirlari zarur darajada jihozlangan yopiq joylarda (zallar, maydonchalar va h.k.) oʻtkaziladi

2. Jismoniy tayyorgarlik mashqlarini bajarish boshlanishidan oldin nomzodlarga dastlab mashqlarni bajarishga qoʻyiladigan talablar va mezonlar hamda mashqlarni bajarish tartibi qabul komissiyasi tarkibiga kiritilgan mutaxassislar tomonidan tushuntiriladi.

3. Nomzodlar umumjismoniy tayyorgarlik darajasini baholash tadbirlarida sport kiyimida boʻlishi lozim.

4. Nomzodlar quyidagi mashqlarni bajaradi:

toʻsinda (turnikda) tortilish;

60 metrga yugurish;

1000 metrga yugurish.

5. Nomzodlarning umumjismoniy tayyorgarlik darajasini baholash tadbirlari zarur darajada jihozlangan ochiq va yopiq joylarda (zallar, maydonchalar va h.k.) oʻtkaziladi.

6. Umumjismoniy tayyorgarlik mashqlarini bajarish oraligʻida nomzodlarga dam olish uchun kamida 10 daqiqa vaqt beriladi.

7. Belgilangan mashqlarni uzrsiz sabablarga koʻra topshirmagan nomzodlar qoniqarsiz baholanadi.

8. Nomzodlarga umumjismoniy tayyorgarlik darajasini aniqlash boʻyicha sinovlardan qayta oʻtishga ruxsat berilmaydi.

II. Mashqlarni bajarishga qoʻyiladigan talablar va mezonlar

9. Toʻsinda (turnikda) tortilish mashqini bajarishda:

bosh barmoq poya ichkarisidan ushlanadi, tana biroz rostlanadi, tizza boʻgʻimi toʻgʻirlanadi, oyoq uchlari choʻziladi, tovonlar birlashtiriladi;

iyak turnik poyasidan oʻtgunga qadar qoʻllar bukiladi;

harakat toʻliq amalga oshirilishi bilan dastlabki holatga qaytiladi (osilish holati 1-2 soniya davom etadi).

Ushbu mashqni bajarishda oyoqlarni bukish va kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.

10. 60 metrga yugurish mashqi:

yuqori yoki quyi startdan amalga oshiriladi;

stadionning yugurish yoʻlakchasi yoki qattiq qoplamli tekis joylarda oʻtkaziladi.

11. 1000 metrga yugurish mashqlari stadionning yugurish yoʻlakchalari yoki tekis joylarda, umumiy yoki alohida start berilgan holda oʻtkaziladi.

Start va marra chiziqlari bir joyda belgilanishi mumkin.

12. Jismoniy tayyorgarlik mashqlarini bajargan nomzodlar shu vaqtning oʻzida qabul komissiyasi aʼzolari tomonidan mazkur metodikaning 1-ilovasida nazarda tutilgan baholash mezonlariga asosan baholanadi.

III. Yakuniy qoidalar

13. Umumjismoniy tayyorgarlik darajasini aniqlash boʻyicha sinov natijalari boʻyicha shu kunning oʻzida mazkur Metodikasining 2-ilovasiga muvofiq shaklda qaydnoma rasmiylashtiriladi.

14. Umumjismoniy tayyorgarlik darajasini aniqlash boʻyicha sinov natijalari shu kunning oʻzida maktab-internatning eʼlonlar taxtasiga joylashtirish orqali nomzodlar eʼtiboriga yetkaziladi.

15. Qaydnoma qabul komissiyasining umumjismoniy tayyorgarlik darajasini baholashda ishtirok etgan aʼzolari tomonidan imzolanadi hamda shu kunning oʻzida qabul komissiyasining masʼul kotibiga topshiriladi.

Umumjismoniy tayyorgarlik darajasini baholash metodikasiga 1-ILOVA

Umumjismoniy tayyorgarlik darajasini aniqlash boʻyicha sinovni baholash

1. Nomzodlarning jismoniy tayyorgarlik darajasini aniqlash boʻyicha sinov natijalari “5” ballik tizimda quyidagi mezonlar asosida baholanadi:

Mashqlar nomi Bajarish koʻrsatkichi Sinov natijalarini baholash mezonlari 5 ball 4 ball 3 ball 0 ball Oʻgʻil bolalar toʻsinda (turnikda) tortilish marta 6 4 2 2 dan kam 60 metrga yugurish soniya (sek:) 10,0 gacha 10,1 dan 10,6 gacha 10,7 dan 11,2 gacha 11,3 dan ortiq 1000 metrga yugurish daqiqa (min:sek) 5,50 gacha 5,51 dan 6,10 gacha 6,11 dan 6,50 gacha 6,50 dan ortiq

2. Nomzod jismoniy tayyorgarlik mashqlarini bajargandan soʻng, unga har bir mashq uchun qoʻyilgan ballari umumlashtirilib nomzodga oʻrtacha arifmetik ball qoʻyiladi. Bunda jismoniy tayyorgarlik mashqlari uchun qoʻyilgan ballar yigʻindisi quyidagicha hisoblanadi:

14 — 15 ball toʻplaganda — “5” ball;

11 — 13 ball toʻplaganda — “4” ball;

6 — 10 ball toʻplaganda — “3” ball;

6 dan kam toʻplaganda — “0” ball.

3. Nomzod jismoniy tayyorgarlik darajasini aniqlash boʻyicha sinovda 2 ta mashqni “0” ballga bajarganda, nomzodga “0” ball qoʻyiladi.

Umumjismoniy tayyorgarlik darajasini baholash metodikasiga 2-ILOVA

Nomzodlarning umumjismoniy tayyorgarlik darajasini aniqlash boʻyicha sinov natijalari yuzasidan ‎‎QAYDNOMA ‎ ‎‎20__ yil “____” ________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ ‎‎‎‎Nomzodlarning ‎ ‎F.I.O. ‎‎‎‎Mashqlar boʻyicha sinov natijalari ‎‎‎‎Nomzodning oʻrtacha arifmetik balli‎ ‎‎‎‎turnikda ‎‎tortilish ‎‎‎‎100 metrga ‎yugurish ‎‎‎‎1000 metrga ‎yugurish ‎‎‎‎natijasi ‎‎ball ‎‎natijasi ‎‎‎ ball‎‎‎ ‎‎‎‎natijasi ‎ ‎‎ball‎ 1.‎ ‎‎ ‎‎ ‎‎‎ ‎‎ ‎‎‎ ‎‎ ‎‎‎ ‎‎ 2.‎ ‎‎ ‎‎ ‎‎‎ ‎‎ ‎‎‎ ‎‎ ‎‎ 3.‎ ‎‎ ‎‎ ‎‎‎ ‎‎ ‎‎‎ ‎‎ ‎‎‎ ‎‎ ...‎ ‎‎ ‎‎ ‎‎‎ ‎‎ ‎‎‎ ‎‎ ‎‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qabul komissiyasi aʼzolari: _____________________________________ ‎‎‎(F.I.O.) ‎_____________________________________ ‎‎‎‎(F.I.O.) ‎_____________________________________ ‎‎‎‎(F.I.O.) ‎_____________________________________ ‎‎‎‎(F.I.O.) ‎_____________________________________ ‎(F.I.O.) ‎_____________________________________ ‎(F.I.O.) ‎_____________________________________ ‎‎‎‎(F.I.O.) _________________ ‎‎(imzo) ‎_________________ ‎‎‎(imzo) ‎_________________ ‎(imzo) ‎_________________ ‎(imzo) ‎_________________ ‎(imzo) ‎_________________ ‎(imzo) ‎_________________ ‎(imzo)

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎‎“TASDIQLAYMAN” ‎__________________________________ ‎(Qabul komissiyasi raisining ‎unvoni, ‎F.I.O. va imzosi) ‎ ‎20 ___ yil “____” __________________ ‎ ‎‎Oʻzbekiston Respublikasi Ichki ishlar vazirligining ixtisoslashtirilgan maktab internatiga oʻqishga qabul qilish boʻyicha qabul komissiyasining yigʻilish ‎BAYONNOMASI ‎___-son ‎ 20__ yil “____” __________‎‎___________ ‎ ‎ ‎ ‎ ‎ ‎ ‎ ‎ ‎‎ ‎‎______________________________ ‎(yigʻilish oʻtkazilgan hudud nomi) ‎‎Raislik qiluvchi: ‎ ‎Qatnashganlar: ‎ ‎ ‎ ‎ ‎ ‎ ‎ ‎‎_____________________________________________ ‎(qabul komissiyasi raisining unvoni va F.I.O.) ‎_____________________________________________ ‎(qabul komissiyasi aʼzolari) ‎ ‎‎KUN TARTIBI: ‎ ‎‎Nomzodlarni Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladigan test sinovlariga qoʻyish masalasini koʻrib chiqish toʻgʻrisida. ‎Qabul komissiyasi ixtisoslashtirilgan maktab-internatiga nomzodlarning yozma ish (diktant) va umumjismoniy tayyorgarlik tanlov bosqichlarining natijalarini koʻrib chiqib, yigʻilish qaror qiladi: ‎ T/r‎ ‎‎Nomzodning F.I.O. ‎‎Yozma ish (diktant) natijasi ‎‎umumjismoniy tayyorgarlik darajasini aniqlash boʻyicha sinov natijasi ‎‎Umumiy ball ‎‎Test sinoviga qoʻyilganligi yoki qoʻyilmaganligi haqida yozuv 1.‎ ‎‎ ‎‎ ‎‎ ‎‎ ‎‎ 2.‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎‎ ‎‎ ...‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qabul komissiyasi kotibi ‎ ‎ ‎ ______________ ‎‎‎(imzo) ‎ ‎‎_______ _________________________‎‎____ ‎(F.I.O.) ‎‎Qabul komissiyasi aʼzolari: ‎ ‎ ‎ ‎‎______________ ‎(imzo) ‎______________ ‎‎‎‎(imzo) ‎ ‎‎‎‎_________________________________‎‎____ ‎(F.I.O.) ‎‎‎_________________________________‎‎____ ‎‎(F.I.O.)

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎‎“TASDIQLAYMAN” ‎__________________________________ ‎(Qabul komissiyasi raisining ‎unvoni, ‎F.I.O. va imzosi) ‎ ‎20 ___ yil “____” __________________ ‎ ‎‎Oʻzbekiston Respublikasi Ichki ishlar vazirligining ixtisoslashtirilgan maktab-internatiga oʻqishga qabul qilish boʻyicha qabul komissiyasining yigʻilish ‎BAYONNOMASI ‎___-son ‎ 20__ yil “____” __________‎‎___________ ‎ ‎ ‎ ‎ ‎ ‎ ‎ ‎ ‎‎ ‎‎______________________________ ‎(yigʻilish oʻtkazilgan hudud nomi) ‎‎Raislik qiluvchi: ‎ ‎Qatnashganlar: ‎ ‎ ‎ ‎ ‎ ‎ ‎ ‎‎_____________________________________________ ‎(qabul komissiyasi raisining unvoni va F.I.O.) ‎_____________________________________________ ‎(qabul komissiyasi aʼzolari) ‎ ‎‎KUN TARTIBI: ‎ Nomzodlarni Oʻzbekiston Respublikasi Ichki ishlar vazirligining ixtisoslashtirilgan maktab-internatiga oʻqishga qabul qilish masalasini koʻrib chiqish toʻgʻrisida Oʻzbekiston Respublikasi Ichki ishlar vazirligining ixtisoslashtirilgan maktab-internatiga nomzodlarni qabul qilish boʻyicha qabul komissiyasi hamda Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan tashkil etilgan test sinovlari natijalariga asosan, yigʻilish qaror qiladi: ‎ T/r‎ ‎‎Nomzodning F.I.O. Nomzodning maxsus kodi ‎‎Test sinovlarida toʻplagan balli ‎‎Imtiyoz ‎‎Umumiy ball Oʻqishga qabul qilinganligi yoki qabul qilinmaganligi haqidagi yozuv 1.‎ ‎‎ ‎‎ ‎‎ ‎‎ ‎‎ ‎‎ 2.‎ ‎‎ ‎‎ ‎‎ ‎‎ ‎‎ ‎‎ 3.‎ ‎‎ ‎‎ ‎‎ ‎‎ ‎‎ ...‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qabul komissiyasi kotibi ‎ ‎ ‎ ______________ ‎‎‎(imzo) ‎ ‎‎_______ _________________________‎‎____ ‎(F.I.O.) ‎‎Qabul komissiyasi aʼzolari: ‎ ‎ ‎ ‎‎______________ ‎(imzo) ‎______________ ‎‎‎‎(imzo) ‎ ‎‎‎‎_________________________________‎‎____ ‎(F.I.O.) ‎‎‎_________________________________‎‎____ ‎‎(F.I.O.)

Vazir P. BOBOJONOV

Sogʻliqni saqlash vaziri A. SHADMANOV

Xalq taʼlimi vaziri Sh. SHERMATOV

Jismoniy tarbiya va sport vaziri D. NABIYEV

Vazirlar Mahkamasi huzuridagi Davlat test markazi direktori M. KARIMOV

Toshkent sh.,

2018-yil 20-oktabr,

2018-yil 17-oktabr

2018-yil 18-oktabr

286-son

(Qonun hujjatlari maʼlumotlari milliy bazasi, 23.11.2018-y., 10/18/3089/2222-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 19.08.2024-y., 10/24/3552/0630-son; 25.11.2024-y., 10/24/3089-1/0960-son; 13.10.2025-y., 10/25/3690/0925-son; 25.11.2025-y., 10/25/3089-2/1085-son; 22.10.2026-y., 10/26/3958/1065-son)

lex.uz