📅 2018-yil 26-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 ноября 2018 г. · Постановления Президента
Официальный текст. Официальный документ. Редакционные примечания не включены.
📅 26 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қимматбаҳо металларни олтин изловчилар усулида қазиб олиш фаолиятини амалга ошириш учун шарт-шароитлар яратиш чора-тадбирлари тўғрисида
Мамлакатимизда янги иш ўринларини ташкил қилиш ва хусусий тадбиркорликни ривожлантириш учун қулай шарт-шароитлар яратиш йўли билан аҳоли фаровонлигини оширишга алоҳида эътибор қаратилмоқда.
Кўрилаётган чора-тадбирларга қарамасдан, мамлакатнинг айрим ҳудудларида ижтимоий тангликнинг кучайиши, шу жумладан қимматбаҳо металларни ноқонуний қазиб олишнинг давом этаётганлиги билан боғлиқ бўлган криминоген вазиятнинг ёмонлашиши кузатилмоқда.
Бунинг асосий сабаби миқдор ва сифат жиҳатидан саноат усулида қазиб олиш объекти ҳисобланмайдиган ер қаъри участкаларида қимматбаҳо металларни носаноат усулда қазиб олиш билан қонуний шуғулланиш имкониятининг мавжуд эмаслиги ҳисобланади.
Қимматбаҳо металларни ноқонуний қазиб олиш Навоий, Самарқанд ва Бухоро вилоятларида тизимли тус олиб, қимматбаҳо металларнинг яширинча айланишига ва чет элларга ноқонуний олиб чиқиб кетилишига олиб келмоқда. Ноқонуний равишда олтин қазиб олиш чоғида шикастланишлар ва ўлим ҳолатлари содир бўлмоқда.
Қимматбаҳо металларни олтин изловчилар усулида қазиб олишни тадбиркорлик тури сифатида ривожлантириш, аҳоли бандлигини таъминлаш, ер қаъри участкасини самарали ўзлаштириш, шунингдек, олтин ва заргарлик маҳсулотлари ишлаб чиқаришни кўпайтириш мақсадида:
1. Ўзбекистон Республикаси Бош прокуратураси, Иқтисодиёт вазирлиги, Молия вазирлиги, Давлат геология ва минерал ресурслар қўмитаси, Экология ва атроф-муҳитни муҳофаза қилиш давлат қўмитаси, «Саноатгеоконтехназорат» давлат инспекциясининг 2019 йил 1 мартдан бошлаб тадбиркорлик таваккалчилиги асосида қимматбаҳо металларни олтин изловчилар усулида қазиб олиш фаолиятини жорий қилиш тўғрисидаги таклифларига розилик берилсин.
2. Шундай тартиб ўрнатилсинки, унга кўра:
қимматбаҳо металларни олтин изловчилар усулида қазиб олиш фаолияти ер қаъридан фойдаланишнинг алоҳида тури ҳисобланади ва у ер қаъри участкаларида амалга оширилади;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкалари, шу жумладан ўлчамлари 5 гектаргача бўлган сочма олтин конлари тақдим этилади;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатнома берилади, бунда битта талабгорга рухсатнома асосида берилган ер қаъри участкаларининг умумий майдони йил давомида 20 гектардан ошмаслиги лозим;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномаларга фақат Ўзбекистон Республикаси резидентлари, хусусан Ўзбекистон Республикаси фуқароси бўлган якка тартибдаги тадбиркор мақомига эга жисмоний шахслар ҳамда устав капитали (жамғармаси)да Ўзбекистон Республикаси фуқароси бўлган жисмоний шахснинг улуши 70 ва ундан ортиқ фоизга эга бўлган юридик шахслар талабгор бўлиши мумкин;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқи учун рухсатномага талабгор бўлиши мумкин бўлган юридик шахслар ишчи-ходимларининг 70 фоизи Ўзбекистон Республикаси фуқароси бўлиши лозим;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқига рухсатнома Ўзбекистон Республикаси Давлат геология ва минерал ресурслар қўмитаси томонидан «E-AUKSION» электрон савдо платформасидаги электрон аукцион якунлари бўйича белгиланган тартибда «Лицензия» ахборот тизими орқали 3 йил муддатга берилади;
қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкаларидан фойдаланиш ҳуқуқини савдога қўйишнинг бошланғич нархи ҳар бир гектарига Ўзбекистон Республикаси ҳудудида белгиланган базавий ҳисоблаш миқдорининг 35 баравари миқдорида белгиланади. Бунда тўлиқ бўлмаган гектарлар учун бошланғич нарх 1 гектар ер учун белгиланган нархни ер майдонининг ўлчамига кўпайтириш орқали аниқланади;
қимматбаҳо металларни олтин изловчилар усулида қазиб олишга рухсат бериладиган ер қаъри участкалари рўйхати ҳар йили Ўзбекистон Республикаси Давлат геология ва минерал ресурслар қўмитаси томонидан тасдиқланади;
рухсатномани ёки ер қаъри участкасидан (тўлиқ ёки қисман) фойдаланиш ҳуқуқини учинчи шахсларга бериш (топшириш), шунингдек, битта ер қаъри участкасидан фойдаланиш ҳуқуқига рухсатномани бир неча шахсга беришга йўл қўйилмайди;
қимматбаҳо металларни олтин изловчилар усулида қазиб олиш фаолияти билан шуғулланувчи шахсларнинг реестрини юритиш ва уларга ажратилган ер қаъри участкаларининг давлат назорати Ўзбекистон Республикаси Давлат геология ва минерал ресурслар қўмитаси томонидан амалга оширилади;
олтин изловчилар усулида қазиб олинган қимматбаҳо металларни реализация қилиш аффинаж фаолиятини амалга ошириш ҳуқуқини берувчи лицензияга эга юридик шахсларга, шу жумладан «Олмалиқ кон-металлургия комбинати» ва «Навоий кон-металлургия комбинати» акциядорлик жамиятларига, шунингдек, қимматбаҳо металлар ва қимматбаҳо тошлардан заргарлик ва бошқа буюмлар ишлаб чиқариш фаолиятини амалга ошириш ҳуқуқига эга юридик шахсларга ва якка тартибдаги тадбиркорларга келишилган нархларда амалга оширилади;
қимматбаҳо металларни яшириш, шу жумладан уни 6 ой ичида реализация қилмаслик, шунингдек, қимматбаҳо металларни олтин изловчилар усулида қазиб олиш чоғида ишларни бехатар олиб бориш талабларининг бузилиши оқибатида инсонларнинг оғир тан жароҳати олиши ёки ўлимига олиб келиши рухсатномани бекор қилиш ва мазкур фаолият билан шуғулланишни бир йил давомида чеклаш учун асос бўлади;
қимматбаҳо металларни олтин изловчилар усулида қазиб олиш фаолиятини амалга ошириш учун берилган ер қаъри участкасидан фойдаланиш ҳуқуқи тугатилгандан сўнг, ер қаъридан фойдаланувчилар зиммасига ер қаъри участкаларини рекультивация қилиш ва уларни кейинчалик фойдаланиш учун яроқли ҳолатга келтириш мажбурияти юкланади.
Белгилансинки, мазкур банднинг тўртинчи, бешинчи ва олтинчи хатбошиларида назарда тутилган талаблар 2021 йил 1 майдан бошлаб бериладиган қимматбаҳо металларни олтин изловчилар усулида қазиб олиш ҳуқуқини берувчи рухсатномаларга нисбатан татбиқ этилади.
3. Белгилансинки, қимматбаҳо металларни олтин изловчилар усулида қазиб олиш фаолиятини амалга ошириш учун ер қаъри участкасидан фойдаланиш ҳуқуқини «E-AUKSION» электрон савдо платформасида реализация қилишдан олинган пул маблағлари ва ушлаб қолинган закалат суммаси, аукционни ташкил қилиш хизматлари учун тўлов суммалари чегирилган ҳолда:
қимматбаҳо металларни олтин изловчилар усулида қазиб олиш фаолияти олиб бориладиган ҳудудлардаги тегишли туман (шаҳар)лар маҳаллий бюджетларига қўшимча даромад манбаи сифатида;
Ўзбекистон Республикаси ҳудудида минерал хом ашё базасини ривожлантириш ва қайта тўлдиришнинг йиллик давлат дастурларини амалга оширишга мақсадли йўналтирилган ҳолда Ўзбекистон Республикаси Давлат геология ва минерал ресурслар қўмитасининг махсус ғазначилик ҳисоб рақамларига тенг улушларда ўтказилади.
5. Вазирлар Маҳкамаси бир ой муддатда ер ости бойликлари тўғрисидаги қонун ҳужжатларига қимматбаҳо металларни олтин изловчилар усулида қазиб олиш фаолиятини тартибга солишни назарда тутувчи ўзгартириш ва қўшимчалар киритиш тўғрисидаги қонун лойиҳасини Ўзбекистон Республикаси Олий Мажлисининг Қонунчилик палатасига киритсин.
6. Ўзбекистон Республикаси Давлат геология ва минерал ресурслар қўмитаси «Саноатгеоконтехназорат» ДИ, Экология ва атроф-муҳитни муҳофаза қилиш давлат қўмитаси, Молия вазирлиги, Давлат солиқ қўмитаси ва бошқа манфаатдор идоралар билан биргаликда 2019 йилнинг 1 февралига қадар қуйидагиларни тасдиқлаш учун Ўзбекистон Республикаси Вазирлар Маҳкамасига киритсин:
а) қуйидагиларни назарда тутувчи Қимматбаҳо металларни олтин изловчилар усулида қазиб олиш фаолиятини амалга ошириш тартиби тўғрисидаги низом (кейинги ўринларда — Низом):
ер қаъри участкасидан фойдаланиш ҳуқуқига лицензия бериш тартиби, шу жумладан «E-IJRO AUKSION» электрон савдо майдончасида электрон аукционни ўтказиш регламенти;
ер қаъри участкасидан фойдаланиш шартлари, шу жумладан қимматбаҳо металларни олтин изловчилар усулида қазиб олишнинг рухсат этилган усуллари ва воситалари, шунингдек, фойдаланиладиган асбоб-ускуналар ва техникага қўйиладиган талаблар;
олтин изловчилар усулида қазиб олинган қимматбаҳо металлар нархини белгилаш, уларни харид қилиш, ҳисобини юритиш, сақлаш ва реализация қилиш тартиби;
ишларни олиб бориш қоидалари ва нормаларига риоя қилиш бўйича талаблар, шунингдек, ер қаъридан фойдаланувчиларнинг қонун ҳужжатлари талабларини бузганлик учун жавобгарлиги;
фойдаланиб бўлинган ерларни рекультивация қилиш ва уларни маҳаллий давлат ҳокимияти органларининг захира фондига қайтариш механизми;
б) ишончли, аниқ контурлари ва чегараларини кўрсатган ҳолда қимматбаҳо металларни олтин изловчилар усулида қазиб олиш учун берилаётган ер қаъри участкаларининг рўйхатини (кейинги ўринларда — Рўйхат).
7. «Олмалиқ кон-металлургия комбинати» АЖ ва «Навоий кон-металлургия комбинати» ДКга 2019 йилнинг 1 мартига қадар мамлакат ҳудудларида олтин изловчилар усулида қазиб олинган қимматбаҳо металларни сотиб олувчи ихтисослаштирилган қабул кассаларини очиш ва сотиб олишнинг шаффоф механизмини ўрнатиш тавсия қилинсин.
8. Давлат ҳокимияти ва бошқаруви органлари қимматбаҳо металларни олтин изловчилар усулида қазиб олишни амалга оширувчи шахсларга, шу жумладан услубий, амалий ва юридик маслаҳатлар бериш йўли билан ҳар томонлама ёрдам кўрсатсин.
9. Ўзбекистон Республикаси Бош прокуратураси Ички ишлар вазирлиги, Фавқулодда вазиятлар вазирлиги, Давлат геология ва минерал ресурслар қўмитаси, тегишли вилоят ҳокимликлари билан биргаликда уч ой муддатда қимматбаҳо металларни ноқонуний йўл билан қазиб олиш ҳолатларининг олдини олиш бўйича чора-тадбирларни тасдиқласин.
10. Ўзбекистон Республикаси Давлат геология ва минерал ресурслар қўмитаси:
Интернет тармоғидаги ўзларининг расмий сайтларида жойлаштириш орқали Низом ва Рўйхатдан эркин фойдаланиш имкониятини таъминласин ва уларни тизимли равишда янгилаб борсин;
Ўзбекистон Республикаси Экология ва атроф-муҳитни муҳофаза қилиш давлат қўмитаси билан биргаликда қимматбаҳо металларни олтин изловчилар усулида қазиб олиш меъёрлари ва қоидаларига, шунингдек, табиатни муҳофаза қилишга оид қонун ҳужжатлари талабларига риоя қилиниши устидан белгиланган тартибда қатъий назорат ўрнатсин;
Адлия вазирлиги ва бошқа манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Бош прокурори О.Б. Муродов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 26 ноябрь,
ПҚ-4030-сон
Oʻzbekiston Respublikasi Prezidentining
Qarori
Qimmatbaho metallarni oltin izlovchilar usulida qazib olish faoliyatini amalga oshirish uchun shart-sharoitlar yaratish chora-tadbirlari toʻgʻrisida
Mamlakatimizda yangi ish oʻrinlarini tashkil qilish va xususiy tadbirkorlikni rivojlantirish uchun qulay shart-sharoitlar yaratish yoʻli bilan aholi farovonligini oshirishga alohida eʼtibor qaratilmoqda.
Koʻrilayotgan chora-tadbirlarga qaramasdan, mamlakatning ayrim hududlarida ijtimoiy tanglikning kuchayishi, shu jumladan qimmatbaho metallarni noqonuniy qazib olishning davom etayotganligi bilan bogʻliq boʻlgan kriminogen vaziyatning yomonlashishi kuzatilmoqda.
Buning asosiy sababi miqdor va sifat jihatidan sanoat usulida qazib olish obyekti hisoblanmaydigan yer qaʼri uchastkalarida qimmatbaho metallarni nosanoat usulda qazib olish bilan qonuniy shugʻullanish imkoniyatining mavjud emasligi hisoblanadi.
Qimmatbaho metallarni noqonuniy qazib olish Navoiy, Samarqand va Buxoro viloyatlarida tizimli tus olib, qimmatbaho metallarning yashirincha aylanishiga va chet ellarga noqonuniy olib chiqib ketilishiga olib kelmoqda. Noqonuniy ravishda oltin qazib olish chogʻida shikastlanishlar va oʻlim holatlari sodir boʻlmoqda.
Qimmatbaho metallarni oltin izlovchilar usulida qazib olishni tadbirkorlik turi sifatida rivojlantirish, aholi bandligini taʼminlash, yer qaʼri uchastkasini samarali oʻzlashtirish, shuningdek, oltin va zargarlik mahsulotlari ishlab chiqarishni koʻpaytirish maqsadida:
1. Oʻzbekiston Respublikasi Bosh prokuraturasi, Iqtisodiyot vazirligi, Moliya vazirligi, Davlat geologiya va mineral resurslar qoʻmitasi, Ekologiya va atrof-muhitni muhofaza qilish davlat qoʻmitasi, “Sanoatgeokontexnazorat” davlat inspeksiyasining 2019-yil 1-martdan boshlab tadbirkorlik tavakkalchiligi asosida qimmatbaho metallarni oltin izlovchilar usulida qazib olish faoliyatini joriy qilish toʻgʻrisidagi takliflariga rozilik berilsin.
2. Shunday tartib oʻrnatilsinki, unga koʻra:
qimmatbaho metallarni oltin izlovchilar usulida qazib olish faoliyati yer qaʼridan foydalanishning alohida turi hisoblanadi va u yer qaʼri uchastkalarida amalga oshiriladi;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalari, shu jumladan oʻlchamlari 5 gektargacha boʻlgan sochma oltin konlari taqdim etiladi;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnoma beriladi, bunda bitta talabgorga ruxsatnoma asosida berilgan yer qaʼri uchastkalarining umumiy maydoni yil davomida 20 gektardan oshmasligi lozim;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomalarga faqat Oʻzbekiston Respublikasi rezidentlari, xususan Oʻzbekiston Respublikasi fuqarosi boʻlgan yakka tartibdagi tadbirkor maqomiga ega jismoniy shaxslar hamda ustav kapitali (jamgʻarmasi)da Oʻzbekiston Respublikasi fuqarosi boʻlgan jismoniy shaxsning ulushi 70 va undan ortiq foizga ega boʻlgan yuridik shaxslar talabgor boʻlishi mumkin;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqi uchun ruxsatnomaga talabgor boʻlishi mumkin boʻlgan yuridik shaxslar ishchi-xodimlarining 70 foizi Oʻzbekiston Respublikasi fuqarosi boʻlishi lozim;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqiga ruxsatnoma Oʻzbekiston Respublikasi Davlat geologiya va mineral resurslar qoʻmitasi tomonidan “E-AUKSION” elektron savdo platformasidagi elektron auksion yakunlari boʻyicha belgilangan tartibda “Litsenziya” axborot tizimi orqali 3 yil muddatga beriladi;
qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkalaridan foydalanish huquqini savdoga qoʻyishning boshlangʻich narxi har bir gektariga Oʻzbekiston Respublikasi hududida belgilangan bazaviy hisoblash miqdorining 35 baravari miqdorida belgilanadi. Bunda toʻliq boʻlmagan gektarlar uchun boshlangʻich narx 1 gektar yer uchun belgilangan narxni yer maydonining oʻlchamiga koʻpaytirish orqali aniqlanadi;
qimmatbaho metallarni oltin izlovchilar usulida qazib olishga ruxsat beriladigan yer qaʼri uchastkalari roʻyxati har yili Oʻzbekiston Respublikasi Davlat geologiya va mineral resurslar qoʻmitasi tomonidan tasdiqlanadi;
ruxsatnomani yoki yer qaʼri uchastkasidan (toʻliq yoki qisman) foydalanish huquqini uchinchi shaxslarga berish (topshirish), shuningdek, bitta yer qaʼri uchastkasidan foydalanish huquqiga ruxsatnomani bir necha shaxsga berishga yoʻl qoʻyilmaydi;
qimmatbaho metallarni oltin izlovchilar usulida qazib olish faoliyati bilan shugʻullanuvchi shaxslarning reyestrini yuritish va ularga ajratilgan yer qaʼri uchastkalarining davlat nazorati Oʻzbekiston Respublikasi Davlat geologiya va mineral resurslar qoʻmitasi tomonidan amalga oshiriladi;
oltin izlovchilar usulida qazib olingan qimmatbaho metallarni realizatsiya qilish affinaj faoliyatini amalga oshirish huquqini beruvchi litsenziyaga ega yuridik shaxslarga, shu jumladan “Olmaliq kon-metallurgiya kombinati” va “Navoiy kon-metallurgiya kombinati” aksiyadorlik jamiyatlariga, shuningdek, qimmatbaho metallar va qimmatbaho toshlardan zargarlik va boshqa buyumlar ishlab chiqarish faoliyatini amalga oshirish huquqiga ega yuridik shaxslarga va yakka tartibdagi tadbirkorlarga kelishilgan narxlarda amalga oshiriladi;
qimmatbaho metallarni yashirish, shu jumladan uni 6 oy ichida realizatsiya qilmaslik, shuningdek, qimmatbaho metallarni oltin izlovchilar usulida qazib olish chogʻida ishlarni bexatar olib borish talablarining buzilishi oqibatida insonlarning ogʻir tan jarohati olishi yoki oʻlimiga olib kelishi ruxsatnomani bekor qilish va mazkur faoliyat bilan shugʻullanishni bir yil davomida cheklash uchun asos boʻladi;
qimmatbaho metallarni oltin izlovchilar usulida qazib olish faoliyatini amalga oshirish uchun berilgan yer qaʼri uchastkasidan foydalanish huquqi tugatilgandan soʻng, yer qaʼridan foydalanuvchilar zimmasiga yer qaʼri uchastkalarini rekultivatsiya qilish va ularni keyinchalik foydalanish uchun yaroqli holatga keltirish majburiyati yuklanadi.
Belgilansinki, mazkur bandning toʻrtinchi, beshinchi va oltinchi xatboshilarida nazarda tutilgan talablar 2021-yil 1-maydan boshlab beriladigan qimmatbaho metallarni oltin izlovchilar usulida qazib olish huquqini beruvchi ruxsatnomalarga nisbatan tatbiq etiladi.
3. Belgilansinki, qimmatbaho metallarni oltin izlovchilar usulida qazib olish faoliyatini amalga oshirish uchun yer qaʼri uchastkasidan foydalanish huquqini “E-AUKSION” elektron savdo platformasida realizatsiya qilishdan olingan pul mablagʻlari va ushlab qolingan zakalat summasi, auksionni tashkil qilish xizmatlari uchun toʻlov summalari chegirilgan holda:
qimmatbaho metallarni oltin izlovchilar usulida qazib olish faoliyati olib boriladigan hududlardagi tegishli tuman (shahar)lar mahalliy budjetlariga qoʻshimcha daromad manbai sifatida;
Oʻzbekiston Respublikasi hududida mineral xom ashyo bazasini rivojlantirish va qayta toʻldirishning yillik davlat dasturlarini amalga oshirishga maqsadli yoʻnaltirilgan holda Oʻzbekiston Respublikasi Davlat geologiya va mineral resurslar qoʻmitasining maxsus gʻaznachilik hisob raqamlariga teng ulushlarda oʻtkaziladi.
5. Vazirlar Mahkamasi bir oy muddatda yer osti boyliklari toʻgʻrisidagi qonun hujjatlariga qimmatbaho metallarni oltin izlovchilar usulida qazib olish faoliyatini tartibga solishni nazarda tutuvchi oʻzgartirish va qoʻshimchalar kiritish toʻgʻrisidagi qonun loyihasini Oʻzbekiston Respublikasi Oliy Majlisining Qonunchilik palatasiga kiritsin.
6. Oʻzbekiston Respublikasi Davlat geologiya va mineral resurslar qoʻmitasi “Sanoatgeokontexnazorat” DI, Ekologiya va atrof-muhitni muhofaza qilish davlat qoʻmitasi, Moliya vazirligi, Davlat soliq qoʻmitasi va boshqa manfaatdor idoralar bilan birgalikda 2019-yilning 1-fevraliga qadar quyidagilarni tasdiqlash uchun Oʻzbekiston Respublikasi Vazirlar Mahkamasiga kiritsin:
a) quyidagilarni nazarda tutuvchi Qimmatbaho metallarni oltin izlovchilar usulida qazib olish faoliyatini amalga oshirish tartibi toʻgʻrisidagi nizom (keyingi oʻrinlarda — Nizom):
yer qaʼri uchastkasidan foydalanish huquqiga litsenziya berish tartibi, shu jumladan “E-IJRO AUKSION” elektron savdo maydonchasida elektron auksionni oʻtkazish reglamenti;
yer qaʼri uchastkasidan foydalanish shartlari, shu jumladan qimmatbaho metallarni oltin izlovchilar usulida qazib olishning ruxsat etilgan usullari va vositalari, shuningdek, foydalaniladigan asbob-uskunalar va texnikaga qoʻyiladigan talablar;
oltin izlovchilar usulida qazib olingan qimmatbaho metallar narxini belgilash, ularni xarid qilish, hisobini yuritish, saqlash va realizatsiya qilish tartibi;
ishlarni olib borish qoidalari va normalariga rioya qilish boʻyicha talablar, shuningdek, yer qaʼridan foydalanuvchilarning qonun hujjatlari talablarini buzganlik uchun javobgarligi;
foydalanib boʻlingan yerlarni rekultivatsiya qilish va ularni mahalliy davlat hokimiyati organlarining zaxira fondiga qaytarish mexanizmi;
b) ishonchli, aniq konturlari va chegaralarini koʻrsatgan holda qimmatbaho metallarni oltin izlovchilar usulida qazib olish uchun berilayotgan yer qaʼri uchastkalarining roʻyxatini (keyingi oʻrinlarda — Roʻyxat).
7. “Olmaliq kon-metallurgiya kombinati” AJ va “Navoiy kon-metallurgiya kombinati” DKga 2019-yilning 1-martiga qadar mamlakat hududlarida oltin izlovchilar usulida qazib olingan qimmatbaho metallarni sotib oluvchi ixtisoslashtirilgan qabul kassalarini ochish va sotib olishning shaffof mexanizmini oʻrnatish tavsiya qilinsin.
8. Davlat hokimiyati va boshqaruvi organlari qimmatbaho metallarni oltin izlovchilar usulida qazib olishni amalga oshiruvchi shaxslarga, shu jumladan uslubiy, amaliy va yuridik maslahatlar berish yoʻli bilan har tomonlama yordam koʻrsatsin.
9. Oʻzbekiston Respublikasi Bosh prokuraturasi Ichki ishlar vazirligi, Favqulodda vaziyatlar vazirligi, Davlat geologiya va mineral resurslar qoʻmitasi, tegishli viloyat hokimliklari bilan birgalikda uch oy muddatda qimmatbaho metallarni noqonuniy yoʻl bilan qazib olish holatlarining oldini olish boʻyicha chora-tadbirlarni tasdiqlasin.
10. Oʻzbekiston Respublikasi Davlat geologiya va mineral resurslar qoʻmitasi:
Internet tarmogʻidagi oʻzlarining rasmiy saytlarida joylashtirish orqali Nizom va Roʻyxatdan erkin foydalanish imkoniyatini taʼminlasin va ularni tizimli ravishda yangilab borsin;
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi bilan birgalikda qimmatbaho metallarni oltin izlovchilar usulida qazib olish meʼyorlari va qoidalariga, shuningdek, tabiatni muhofaza qilishga oid qonun hujjatlari talablariga rioya qilinishi ustidan belgilangan tartibda qatʼiy nazorat oʻrnatsin;
Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Bosh prokurori O.B. Murodov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 26-noyabr,
PQ-4030-son
Президента Республики Узбекистан
Постановление
О мерах по созданию условий для осуществления деятельности по старательской добыче драгоценных металлов
В стране уделяется особое внимание повышению благосостояния населения путем создания новых рабочих мест и благоприятных условий для развития частного предпринимательства.
Несмотря на принимаемые меры, в отдельных регионах страны наблюдается усиление социальной напряженности и ухудшение криминогенной ситуации, связанной, в том числе с продолжающейся несанкционированной добычей драгоценных металлов.
Основной причиной этого является отсутствие возможности легально заниматься непромышленной добычей драгоценных металлов на участках недр, которые в количественном и качественном отношении не являются объектами промышленной разработки.
Несанкционированная добыча драгоценных металлов приобрела системный характер на территориях Навоийской, Самаркандской и Бухарской областей, что приводит к теневому обороту драгоценных металлов и их нелегальному вывозу за рубеж. Имеют место получение телесных повреждений и смертельные случаи при нелегальной добыче золота.
В целях создания условий для развития старательства как вида предпринимательства по добыче драгоценных металлов, обеспечения занятости населения, эффективного освоения участков недр, а также увеличения выпуска золота и ювелирной продукции:
1. Согласиться с предложениями Генеральной прокуратуры, Министерства экономики, Министерства финансов, Государственного комитета по геологии и минеральным ресурсам, Государственного комитета Республики Узбекистан по экологии и охране окружающей среды, ГИ «Саноатгеоконтехназорат» о введении с 1 марта 2019 года деятельности по старательской добыче драгоценных металлов на основе предпринимательского риска.
2. Установить порядок, в соответствии с которым:
деятельность по старательской добыче драгоценных металлов является отдельным видом пользования недрами и осуществляется на участках недр;
для осуществления деятельности по старательской добыче драгоценных металлов предоставляются участки недр, в том числе россыпные месторождения золота размерами до 5 гектаров;
для осуществления деятельности по старательской добыче драгоценных металлов выдается разрешение на право пользования участками недр, при этом общая площадь участков недр, предоставляемых на одного соискателя в течение одного года на основе разрешения, не должна превышать 20 гектаров;
на разрешения на право пользования участками недр для осуществления деятельности по старательской добыче драгоценных металлов могут претендовать исключительно резиденты Республики Узбекистан, в частности, физические лица, являющиеся гражданами Республики Узбекистан, имеющие статус индивидуального предпринимателя, и юридические лица, в уставном капитале (фонде) которых доля физического лица, являющегося гражданином Республики Узбекистан, составляет 70 и более процентов;
70 процентов работников юридического лица, претендующего на получение разрешения на право пользования участками недр для осуществления деятельности по старательской добыче драгоценных металлов, должны быть гражданами Республики Узбекистан;
разрешение на право пользования участками недр для осуществления деятельности по старательской добыче драгоценных металлов выдается Государственным комитетом Республики Узбекистан по геологии и минеральным ресурсам сроком на 3 года по итогам электронного аукциона на электронной торговой платформе «E-AUKSION» в установленном порядке через информационную систему «Лицензия»;
стартовая цена выставления на торги права пользования участками недр для осуществления деятельности по старательской добыче драгоценных металлов на каждый гектар устанавливается в 35-кратном размере базовой расчетной величины, установленной на территории Республики Узбекистан. При этом стартовая цена неполного гектара определяется путем умножения цены, установленной за 1 гектар, на размер земельного участка;
перечень участков недр, на которых разрешается осуществление деятельности по старательской добыче драгоценных металлов, ежегодно утверждается Государственным комитетом Республики Узбекистан по геологии и минеральным ресурсам;
не допускается передача (уступка) разрешения или права пользования участком недр (полностью или частично) третьим лицам, а также выдача разрешения на право пользования одним участком недр нескольким лицам;
ведение реестра лиц, осуществляющих деятельность по старательской добыче драгоценных металлов, а также государственный контроль выделенных им участков недр обеспечивается Государственным комитетом Республики Узбекистан по геологии и минеральным ресурсам;
реализация драгоценного металла, добытого путем старательской добычи, осуществляется по договорной цене юридическим лицам, имеющим лицензии на право осуществления деятельности аффинажа, в том числе акционерным обществам «Алмалыкский горно-металлургический комбинат» и «Навоийский горно-металлургический комбинат», а также юридическим лицам и индивидуальным предпринимателям, имеющим право на производство ювелирных и других изделий из драгоценного металла и драгоценных камней;
сокрытие добытого драгоценного металла, в том числе его нереализация в течение 6 месяцев, а также нарушение требований по безопасному ведению работ при старательской добыче драгоценных металлов, повлекшее нанесение тяжких телесных повреждений или смерть людей, являются основанием для аннулирования разрешения и запрета на занятие данной деятельностью в течение одного года;
после прекращения права пользования участками недр, предоставленных для осуществления деятельности по старательской добыче драгоценных металлов, на недропользователей возлагается обязанность по рекультивации участков недр и приведению их в состояние, пригодное для дальнейшего использования.
Установить, что требования, предусмотренные в абзацах четвертом, пятом и шестом настоящего пункта, применяются в отношении разрешений на право осуществления деятельности по старательской добыче драгоценных металлов, выдаваемых начиная с 1 мая 2021 года.
3. Определить, что денежные средства от реализации права пользования участками недр для осуществления деятельности по старательской добыче драгоценных металлов на электронной торговой платформе «E-AUKSION» и суммы удержанного задатка, за вычетом сумм оплаты за услуги организации аукциона, зачисляются в равных долях на специальные казначейские счета:
соответствующих местных бюджетов районов (городов), на территориях которых осуществляется деятельность по старательской добыче драгоценных металлов, в качестве их дополнительных источников;
Государственного комитета Республики Узбекистан по геологии и минеральным ресурсам с целевым направлением на реализацию ежегодных государственных программ развития и воспроизводства минерально-сырьевой базы на территории Республики Узбекистан.
5. Кабинету Министров в месячный срок внести в Законодательную палату Олий Мажлиса Республики Узбекистан проект закона о внесении изменений и дополнений в законодательство о недрах, предусматривающий порядок регулирования деятельности по старательской добыче драгоценных металлов.
6. Государственному комитету по геологии и минеральным ресурсам совместно с ГИ «Саноатгеоконтехназорат», Государственным комитетом по экологии и охране окружающей среды, Министерством финансов, Государственным налоговым комитетом и другими заинтересованными ведомствами в срок до 1 февраля 2019 года внести на утверждение в Кабинет Министров Республики Узбекистан:
а) Положение о порядке осуществления деятельности по старательской добыче драгоценных металлов (далее — Положение), предусматривающее в том числе:
порядок выдачи лицензий на право пользование участками недр, в том числе регламент проведения электронного аукциона на электронной торговой площадке «E-IJRO AUKSION»;
условия пользования участками недр, в том числе разрешенные способы и средства старательской добычи драгоценных металлов, а также требования к используемому оборудованию и технике;
порядок ценообразования, приобретения, учета, хранения и реализации драгоценных металлов, добытых путем старательской добычи;
требования по соблюдению правил и норм ведения работ, а также ответственность недропользователей за нарушение законодательства;
механизм рекультивации отработанных земель и их возврата в резервный фонд органов государственной власти на местах;
б) Перечень участков недр, предоставляемых для старательской добычи драгоценных металлов (далее — Перечень), с указанием их достоверных, точных контуров и границ.
7. Рекомендовать АО «Алмалыкский горно-металлургический комбинат» и ГП «Навоийский горно-металлургический комбинат» в срок до 1 марта 2019 года открыть в регионах страны специализированные приемные кассы и установить прозрачный механизм скупки драгоценных металлов, добытых путем старательской добычи.
8. Органам государственной власти и управления оказывать всестороннее содействие лицам, осуществляющим деятельность по старательской добыче драгоценных металлов, в том числе путем дачи методических, практических и юридических консультаций.
9. Генеральной прокуратуре совместно с Министерством внутренних дел, Министерством по чрезвычайным ситуациям, Государственным комитетом Республики Узбекистан по геологии и минеральным ресурсам, хокимиятами соответствующих областей в трехмесячный срок утвердить совместные меры по предупреждению фактов несанкционированной добычи драгоценных металлов.
10. Государственному комитету Республики Узбекистан по геологии и минеральным ресурсам:
обеспечить свободный доступ к Положению и Перечню путем их размещения на своем официальном сайте в сети Интернет с последующим систематическим обновлением;
совместно с Государственным комитетом Республики Узбекистан по экологии и охране окружающей среды установить строгий контроль за соблюдением норм и правил проведения работ по старательской добыче драгоценных металлов, а также требований природоохранного законодательства в установленном порядке;
совместно с Министерством юстиции и другими заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, Генерального прокурора Республики Узбекистан О.Б. Муродова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
26 ноября 2018 г.,
№ ПП-4030