📅 2018-yil 27-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 27 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 27 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Самарқанд давлат архитектура-қурилиш институти ҳузурида Архитектура-қурилиш йўналишидаги мутахассисларни қайта тайёрлаш ва уларнинг малакасини ошириш марказини ташкил этиш тўғрисида
Ўзбекистон Республикаси Президентининг «Ўзбекистон Республикаси Давлат архитектура ва қурилиш қўмитаси фаолиятини ташкил этиш чора-тадбирлари тўғрисида» 2017 йил 1 майдаги ПҚ-2936-сон қарори ижросини таъминлаш мақсадида Вазирлар Маҳкамаси қарор қилади:
1. Самарқанд давлат архитектура-қурилиш институти ҳузурида Архитектура-қурилиш йўналишидаги мутахассисларни қайта тайёрлаш ва уларнинг малакасини ошириш маркази (кейинги ўринларда Марказ деб аталади) ташкил этилсин.
2. Белгилаб қўйилсинки, Марказ юридик шахс мақомига эга бўлган, архитектура-қурилиш йўналишидаги мутахассисларни қайта тайёрловчи ва уларнинг малакасини оширувчи ихтисослаштирилган давлат таълим муассасаси ҳисобланади.
3. Қуйидагилар Марказнинг асосий вазифалари этиб белгилансин:
архитектура-қурилиш йўналишидаги мутахассисларни қайта тайёрлаш ва уларнинг малакасини ошириш;
ўқув жараёнининг методик ва ахборот базасини янгилаш ҳамда такомиллаштириш, шунингдек, ўқув-методик материалларни ишлаб чиқиш;
давлат ва хўжалик бошқаруви органларидан, олий таълим муассасаларидан, шунингдек, хорижий давлатлардан юқори малакали мутахассисларни жалб этган ҳолда ўқув жараёнини такомиллаштириш;
архитектура-қурилиш йўналишидаги мутахассисларнинг замонавий техника ва технологиялар билан ишлаш борасидаги касбий кўникмаларини ривожлантириш.
4. Ўзбекистон Республикаси Қурилиш вазирлиги Самарқанд давлат архитектура-қурилиш институти билан биргаликда икки ой муддатда қуйидагиларни таъминласин:
Марказнинг тузилмаси ва уставини тасдиқлаш, унинг белгиланган тартибда давлат рўйхатидан ўтказиш;
Олий ва ўрта махсус таълим вазирлиги билан келишилган ҳолда, ўқув режаларини ишлаб чиқиш ва тасдиқлаш;
Марказни малакали кадрлар билан таъминлаш ва унинг моддий-техника базасини шакллантириш чораларини кўриш;
тингловчиларнинг ўқиш даврида яшаши учун Самарқанд давлат архитектура-қурилиш институтининг талабалар турар жойидан ўринлар ажратиш.
5. Марказ Самарқанд давлат архитектура-қурилиш институтининг Самарқанд шаҳар, Лолазор кўчаси, 70-уй манзилидаги биносига текин фойдаланиш ҳуқуқи асосида жойлаштирилсин.
6. Қуйидагилар Марказ фаолиятини молиялаштириш манбалари этиб белгилансин:
тўлов-шартнома асосида архитектура-қурилиш йўналишидаги мутахассисларни қайта тайёрлаш ва уларнинг малакасини оширишдан тушган тушумлар;
жисмоний ва юридик шахсларнинг ҳомийлик хайриялари;
халқаро молия институтлари, хорижий ва донор ташкилотларнинг грантлари;
қонун ҳужжатларида тақиқланмаган бошқа манбалар.
7. Белгилаб қўйилсинки:
Марказнинг ходимларига олий таълим муассасалари педагог кадрларини қайта тайёрлаш ва уларнинг малакасини ошириш минтақавий марказларининг тегишли лавозимлари учун белгиланган меҳнатга ҳақ тўлаш миқдорлари ва шартлари татбиқ этилади;
Марказда ўқиш шаҳарсозлик соҳасида фаолият юритувчи ташкилотларнинг реал ва истиқболдаги эҳтиёжларидан келиб чиққан ҳолда, уларнинг буюртманомаларига мувофиқ тўлов-шартнома асосида амалга оширилади.
8. Ўзбекистон Республикаси Қурилиш вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ҳамда Қурилиш вазири А.Х. Тўхтаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 27 ноябрь,
969-сон
Oʻzbekiston Respublikasi Vazirlar Mahkamasining
qarori
Samarqand davlat arxitektura-qurilish instituti huzurida Arxitektura-qurilish yoʻnalishidagi mutaxassislarni qayta tayyorlash va ularning malakasini oshirish markazini tashkil etish toʻgʻrisida
Oʻzbekiston Respublikasi Prezidentining “Oʻzbekiston Respublikasi Davlat arxitektura va qurilish qoʻmitasi faoliyatini tashkil etish chora-tadbirlari toʻgʻrisida” 2017-yil 1-maydagi PQ-2936-son qarori ijrosini taʼminlash maqsadida Vazirlar Mahkamasi qaror qiladi:
1. Samarqand davlat arxitektura-qurilish instituti huzurida Arxitektura-qurilish yoʻnalishidagi mutaxassislarni qayta tayyorlash va ularning malakasini oshirish markazi (keyingi oʻrinlarda Markaz deb ataladi) tashkil etilsin.
2. Belgilab qoʻyilsinki, Markaz yuridik shaxs maqomiga ega boʻlgan, arxitektura-qurilish yoʻnalishidagi mutaxassislarni qayta tayyorlovchi va ularning malakasini oshiruvchi ixtisoslashtirilgan davlat taʼlim muassasasi hisoblanadi.
3. Quyidagilar Markazning asosiy vazifalari etib belgilansin:
arxitektura-qurilish yoʻnalishidagi mutaxassislarni qayta tayyorlash va ularning malakasini oshirish;
oʻquv jarayonining metodik va axborot bazasini yangilash hamda takomillashtirish, shuningdek, oʻquv-metodik materiallarni ishlab chiqish;
davlat va xoʻjalik boshqaruvi organlaridan, oliy taʼlim muassasalaridan, shuningdek, xorijiy davlatlardan yuqori malakali mutaxassislarni jalb etgan holda oʻquv jarayonini takomillashtirish;
arxitektura-qurilish yoʻnalishidagi mutaxassislarning zamonaviy texnika va texnologiyalar bilan ishlash borasidagi kasbiy koʻnikmalarini rivojlantirish.
4. Oʻzbekiston Respublikasi Qurilish vazirligi Samarqand davlat arxitektura-qurilish instituti bilan birgalikda ikki oy muddatda quyidagilarni taʼminlasin:
Markazning tuzilmasi va ustavini tasdiqlash, uning belgilangan tartibda davlat roʻyxatidan oʻtkazish;
Oliy va oʻrta maxsus taʼlim vazirligi bilan kelishilgan holda, oʻquv rejalarini ishlab chiqish va tasdiqlash;
Markazni malakali kadrlar bilan taʼminlash va uning moddiy-texnika bazasini shakllantirish choralarini koʻrish;
tinglovchilarning oʻqish davrida yashashi uchun Samarqand davlat arxitektura-qurilish institutining talabalar turar joyidan oʻrinlar ajratish.
5. Markaz Samarqand davlat arxitektura-qurilish institutining Samarqand shahar, Lolazor koʻchasi, 70-uy manzilidagi binosiga tekin foydalanish huquqi asosida joylashtirilsin.
6. Quyidagilar Markaz faoliyatini moliyalashtirish manbalari etib belgilansin:
toʻlov-shartnoma asosida arxitektura-qurilish yoʻnalishidagi mutaxassislarni qayta tayyorlash va ularning malakasini oshirishdan tushgan tushumlar;
jismoniy va yuridik shaxslarning homiylik xayriyalari;
xalqaro moliya institutlari, xorijiy va donor tashkilotlarning grantlari;
qonun hujjatlarida taqiqlanmagan boshqa manbalar.
7. Belgilab qoʻyilsinki:
Markazning xodimlariga oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy markazlarining tegishli lavozimlari uchun belgilangan mehnatga haq toʻlash miqdorlari va shartlari tatbiq etiladi;
Markazda oʻqish shaharsozlik sohasida faoliyat yurituvchi tashkilotlarning real va istiqboldagi ehtiyojlaridan kelib chiqqan holda, ularning buyurtmanomalariga muvofiq toʻlov-shartnoma asosida amalga oshiriladi.
8. Oʻzbekiston Respublikasi Qurilish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov hamda Qurilish vaziri A.X. Toʻxtayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 27-noyabr,
969-son