📅 2018-yil 27-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 27 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 ноября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 27 November 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳрида полиграфия соҳасини ривожлантиришга доир қўшимча чора-тадбирлар тўғрисида
Давлат мулки объектларидан самарали фойдаланиш ҳамда Тошкент шаҳрида хусусий полиграфия ташкилотларининг фаолиятини ривожлантириш мақсадида Вазирлар Маҳкамаси қарор қилади:
1. Ўзбекистон Республикаси Ахборот технологиялари ва коммуникацияларини ривожлантириш вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзбектелеком» акциядорлик компанияси (кейинги ўринларда «Ўзбектелеком» АК деб аталади) ҳамда Тошкент шаҳар ҳокимлигининг:
Тошкент шаҳри, Мирзо Улуғбек тумани, Мингбулоқ кўчаси, 38-уй манзилида жойлашган «Ўзбектелеком» АКнинг 265-АТС биноси (кейинги ўринларда — АТС биноси деб аталади) тегишли ҳудуди билан «Ўзбектелеком» АК устав капиталидаги давлат улушини АТС биносининг қолдиқ (баланс) қиймати суммасига камайтириш ҳисобига «UNICON.UZ» давлат унитар корхонасига (кейинги ўринларда «UNICON.UZ» ДУК деб аталади) давлат мулки сифатида оператив бошқарув ҳуқуқи билан бериш;
«UNICON.UZ» ДУКнинг Тошкент шаҳри, Юнусобод тумани, 17-мавзе, Янги шаҳар кўчаси, 1а-уй манзилидаги полиграфия цехи биноси (кейинги ўринларда полиграфия цехи биноси деб аталади) тегишли ҳудуди билан биргаликда инвестиция ва ижтимоий мажбуриятларни киритиш шарти билан «ноль» харид қийматида «Kolorpak» МЧЖга сотиш тўғрисидаги таклифлари маъқуллансин.
2. «Ўзбектелеком» АК бир ой муддатда:
АТС биносини «UNICON.UZ» ДУКга берилишини, «UNICON.UZ» ДУК эса АТС биносини қабул қилинишини;
Ўзбекистон Республикаси Ахборот технологиялари ва коммуникацияларини ривожлантириш вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда «Ўзбектелеком» АК устав капиталида давлат улушини «UNICON.UZ» ДУКга бериладиган АТС биносининг қолдиқ (баланс) қиймати суммасига камайтирилишини белгиланган тартибда таъминласин.
3. Белгилансинки, «Kolorpak» МЧЖ бир йил давомида қуйидаги инвестиция ва ижтимоий мажбуриятларини бажаришни ўз зиммасига олади:
15 млн. евро миқдорида инвестиция киритиш ҳисобига замонавий полиграфия соҳасини ташкил этиш;
5 млрд. сўм инвестиция киритиш ҳисобига бино ва инфратузилма объектларини қуриш, капитал таъмирлаш ва ҳудудни ободонлаштириш;
200 та янги иш ўринларини ташкил этиш.
4. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси:
«UNICON.UZ» ДУК ва «Kolorpak» МЧЖ билан биргаликда полиграфия цехи биносини «ноль» харид қийматида инвестиция ва ижтимоий мажбуриятларни бажаришни назарда тутувчи олди-сотди шартномасининг тузилишини;
«Kolorpak» МЧЖ томонидан инвестиция ва ижтимоий мажбуриятларнинг бажарилишини мониторинг қилинишини таъминласин.
5. Вазирлар Маҳкамасининг «UNICON.UZ» давлат унитар корхонасининг моддий-техника базасини мустаҳкамлаш чора-тадбирлари тўғрисида» 2017 йил 16 августдаги 640-сон қарорининг 3-банди ўз кучини йўқотган деб ҳисоблансин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Инвестициялар бўйича давлат қўмитаси раиси С.Р. Холмурадов, Ўзбекистон Республикаси Ахборот технологиялари ва коммуникацияларини ривожлантириш вазири Ш.М. Садиков ва Тошкент шаҳар ҳокими вазифасини бажарувчиси Ж.А. Артикходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 27 ноябрь,
966-сон
Oʻzbekiston Respublikasi Vazirlar Mahkamasining
qarori
Toshkent shahrida poligrafiya sohasini rivojlantirishga doir qoʻshimcha chora-tadbirlar toʻgʻrisida
Davlat mulki obyektlaridan samarali foydalanish hamda Toshkent shahrida xususiy poligrafiya tashkilotlarining faoliyatini rivojlantirish maqsadida Vazirlar Mahkamasi qaror qiladi:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻzbektelekom” aksiyadorlik kompaniyasi (keyingi oʻrinlarda “Oʻzbektelekom” AK deb ataladi) hamda Toshkent shahar hokimligining:
Toshkent shahri, Mirzo Ulugʻbek tumani, Mingbuloq koʻchasi, 38-uy manzilida joylashgan “Oʻzbektelekom” AKning 265-ATS binosi (keyingi oʻrinlarda — ATS binosi deb ataladi) tegishli hududi bilan “Oʻzbektelekom” AK ustav kapitalidagi davlat ulushini ATS binosining qoldiq (balans) qiymati summasiga kamaytirish hisobiga “UNICON.UZ” davlat unitar korxonasiga (keyingi oʻrinlarda “UNICON.UZ” DUK deb ataladi) davlat mulki sifatida operativ boshqaruv huquqi bilan berish;
“UNICON.UZ” DUKning Toshkent shahri, Yunusobod tumani, 17-mavze, Yangi shahar koʻchasi, 1a-uy manzilidagi poligrafiya sexi binosi (keyingi oʻrinlarda poligrafiya sexi binosi deb ataladi) tegishli hududi bilan birgalikda investitsiya va ijtimoiy majburiyatlarni kiritish sharti bilan “nol” xarid qiymatida “Kolorpak” MChJga sotish toʻgʻrisidagi takliflari maʼqullansin.
2. “Oʻzbektelekom” AK bir oy muddatda:
ATS binosini “UNICON.UZ” DUKga berilishini, “UNICON.UZ” DUK esa ATS binosini qabul qilinishini;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda “Oʻzbektelekom” AK ustav kapitalida davlat ulushini “UNICON.UZ” DUKga beriladigan ATS binosining qoldiq (balans) qiymati summasiga kamaytirilishini belgilangan tartibda taʼminlasin.
3. Belgilansinki, “Kolorpak” MChJ bir yil davomida quyidagi investitsiya va ijtimoiy majburiyatlarini bajarishni oʻz zimmasiga oladi:
15 mln. yevro miqdorida investitsiya kiritish hisobiga zamonaviy poligrafiya sohasini tashkil etish;
5 mlrd. soʻm investitsiya kiritish hisobiga bino va infratuzilma obyektlarini qurish, kapital taʼmirlash va hududni obodonlashtirish;
200 ta yangi ish oʻrinlarini tashkil etish.
4. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi:
“UNICON.UZ” DUK va “Kolorpak” MChJ bilan birgalikda poligrafiya sexi binosini “nol” xarid qiymatida investitsiya va ijtimoiy majburiyatlarni bajarishni nazarda tutuvchi oldi-sotdi shartnomasining tuzilishini;
“Kolorpak” MChJ tomonidan investitsiya va ijtimoiy majburiyatlarning bajarilishini monitoring qilinishini taʼminlasin.
5. Vazirlar Mahkamasining “UNICON.UZ” davlat unitar korxonasining moddiy-texnika bazasini mustahkamlash chora-tadbirlari toʻgʻrisida” 2017-yil 16-avgustdagi 640-son qarorining 3-bandi oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Sh.M. Sadikov va Toshkent shahar hokimi vazifasini bajaruvchisi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 27-noyabr,
966-son