📅 2018-yil 30-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 ноября 2018 г. · Постановления Президента
Официальный текст. Официальный документ. Редакционные примечания не включены.
📅 30 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Тошкент шаҳрида Аджу университетини ташкил этиш тўғрисида
Умумэътироф этилган халқаро талаб ва стандартларга, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ қурилиш, архитектура, электротехника ва бошқа талаб юқори бўлган йўналишларда олий маълумотли малакали кадрларни тайёрлаш мақсадида:
1. Ўзбекистон Республикаси Олий ва ўрта махсус таълим вазирлиги, Молия вазирлиги ва Аджу университетининг (Корея Республикаси) Тошкент шаҳрида Аджу университетини (кейинги ўринларда — Университет) ташкил этиш тўғрисидаги таклифи қабул қилинсин.
2. Университет фаолиятининг асосий йўналишлари этиб қуйидагилар белгилансин:
мамлакат ижтимоий-иқтисодий ривожланишининг истиқболларига мувофиқ қурилиш, архитектура, электротехника, иқтисодиёт соҳаларида ва бошқа талаб юқори бўлган таълим йўналишлари бўйича юқори малакали кадрларни тайёрлаш;
қурилиш, архитектура, электротехника, иқтисодиёт соҳаларида ва бошқа талаб юқори бўлган таълим йўналишлари бўйича кадрлар тайёрлаш тизимини такомиллаштириш ва модернизация қилишга қаратилган янги таълим дастурлари ва ўқитиш шаклларини ишлаб чиқиш ва жорий этиш;
мутахассислар ва илмий кадрлар тайёрлаш тизимини таълим ва фан узвийлиги ва узлуксизлиги тамойили, шунингдек, жаҳон таълим ҳамда илмий ҳамжамиятига интеграциялаш асосида ривожлантириш;
меҳнат бозорида мавжуд муаммо ва эҳтиёжни ҳисобга олган ҳолда қурилиш, архитектура, электротехника, иқтисодиёт соҳаларида ва бошқа талаб юқори бўлган таълим йўналишлари бўйича илмий-тадқиқот фаолиятини амалга ошириш;
педагогик салоҳиятни ривожлантиришни қўллаб-қувватлаш, ўқитишнинг педагогик услублари ва технологияларини фаол такомиллаштириш;
таълим ва илмий-техникавий соҳаларда хорижий мамлакатлар, аввало, Корея Республикасининг етакчи таълим муассасалари ва илмий-тадқиқот марказлари билан узоқ муддатли муносабатларни ривожлантириш ва мустаҳкамлаш.
3. Маълумот учун қабул қилинсинки, Аджу университети (Корея Республикаси):
Университетнинг ўқув жараёнига илғор педагогик ва ахборот технологиялари, фан ва техниканинг энг янги ютуқларини жорий этиш;
Университетнинг мутахассислари ва профессор-ўқитувчилари таркибининг, шу жумладан чет элда малакасини ошириш ва қайта тайёрлаш;
Университет кутубхона фондини шакллантириш ва уни замонавий ўқув, ўқув-услубий ва илмий-техникавий адабиётлар билан тўлдириш, шунингдек, Аджу университети (Корея Республикаси) ресурслар базасидан фойдаланиш имкониятини тақдим этган ҳолда замонавий ахборот-ресурс марказини ташкил этишга кўмаклашади.
4. Белгилансинки:
Университет кадрларга бўлган эҳтиёжни ҳисобга олган ҳолда ўқитишнинг Ўзбекистон Республикаси Олий таълим, фан ва инновациялар вазирлиги билан келишилган асосий йўналишлари (мутахассисликлари) бўйича барча даражадаги мутахассисларни, шу жумладан, илмий-педагогик кадрларни тайёрлаш, малакасини ошириш ва қайта тайёрлашни амалга оширувчи юридик шахс мақомига эга бўлган олий таълим муассасаси ҳисобланади;
Университетга абитуриентларни қабул қилиш ва битирувчиларни аттестациядан ўтказиш Ўзбекистон Республикаси Олий таълим, фан ва инновациялар вазирлиги билан келишилган ҳолда Аджу университети (Корея Республикаси) томонидан белгиланадиган талаблар, тартиб ва муддатларга мувофиқ амалга оширилади;
Университет таълим фаолиятини Ўзбекистон Республикасининг таълим соҳасидаги қонун ҳужжатларини инобатга олган ҳолда Аджу университетининг (Корея Республикаси) ўқув режалари ва дастурлари асосида амалга оширади;
Университетда ўқишни тамомлаган битирувчиларга Ўзбекистон Республикасида олий маълумот тўғрисидаги ҳужжат сифатида эътироф этиладиган Аджу университетининг (Корея Республикаси) белгиланган намунадаги дипломи берилади;
Университетни молиялаштириш талабаларни тўлов-контракт асосида ўқитишдан тушадиган маблағлар, хўжалик фаолиятидан ва шартнома асосида хизматлар кўрсатишдан олинадиган даромадлар, юридик ва жисмоний шахсларнинг хайриялари, манфаатдор ташкилотлар томонидан тақдим этиладиган техник кўмак маблағлари (грантлар), шунингдек, қонун ҳужжатлари билан тақиқланмаган бошқа манбалар ҳисобидан амалга оширилади;
Университетга 2020/2021 ўқув йили учун қабулни ташкил этиш, шу жумладан бино ва иншоотларни ўқув йилига тайёрлаш бўйича таъмирлаш-қурилиш ишлари, ўқув дастурларини ишлаб чиқиш ва мослаштириш, ўқув ва илмий лабораторияларни харид қилиш, ўқитиш бўйича зарур ахборот-коммуникация тизимларини яратиш, шунингдек, профессор-ўқитувчилар таркибини танлаб олиш Ўзбекистон Республикаси Давлат бюджети ҳисобидан амалга оширилади.
5. Шундай тартиб ўрнатилсинки, унга мувофиқ:
2020/2021 ва 2021/2022 ўқув йилларида ўқишга қабул қилинган талабалар — Ўзбекистон Республикаси фуқаролари учун улар Университетни тамомлагунига қадар Ўзбекистон Республикаси Давлат бюджети ҳисобидан контракт суммасининг республикадаги бошқа давлат олий таълим муассасаларида тегишли таълим йўналишларида ўқитиш қиймати миқдоридан ортиқ қисмини тўлаб бериш кўринишида давлат кўмаги (кейинги ўринларда — давлат кўмаги) тақдим этилади, контракт юридик шахслар — салоҳиятли иш берувчилар томонидан тўланиши ҳоллари бундан мустасно;
давлат кўмаги тақдим этилган Университет битирувчилари республиканинг давлат ташкилотларида камида уч йил ихтисослиги бўйича ишлаб бериш шарти билан ишга тақсимланади.
6. Тошкент шаҳридаги Аджу университети Васийлик кенгашининг (кейинги ўринларда — Васийлик кенгаши) таркиби иловага мувофиқ тасдиқлансин.
Васийлик кенгашининг асосий вазифалари этиб қуйидагилар белгилансин:
Университет фаолиятининг ташкил этилишини таъминлаш, унинг тўлақонли фаолиятини йўлга қўйиш билан боғлиқ ташкилий, молиявий, юридик, иқтисодий, ўқув-методик, моддий-техник ва бошқа масалаларни ҳал этиш;
Университет фаолиятини ташкил этиш масалалари бўйича Аджу университети (Корея Республикаси) раҳбарияти билан музокаралар олиб бориш ва ўзаро ҳамкорлик қилиш;
зарур лойиҳа, қурилиш-монтаж ва таъмирлаш-тиклаш ишларини амалга ошириш, Университетни жиҳозлаш, инфратузилмасини яратиш, моддий-техник таъминлашга доир графикларни ишлаб чиқиш ва тасдиқлаш;
Университет фаолиятини ташкил этиш бўйича тасдиқланган графикларда белгиланган вазифаларнинг бажарилиши юзасидан мунтазам назорат ва мониторинг олиб бориш;
таълим жараёнини, талабаларнинг ишлаб чиқариш амалиётини самарали ташкил этиш ва такомиллаштириш, бакалавр ва магистрлар тайёрлаш сифатини тизимли равишда ошириш, Университет битирувчиларини ишга жойлаштириш, меҳнат бозорининг кейинги ривожини ҳисобга олган ҳолда мутахассислар ва илмий-техник кадрлар тайёрлашнинг истиқболли йўналишларини белгилашда кўмаклашиш;
Аджу университети (Корея Республикаси) билан келишилган ҳолда ижтимоий-иқтисодий соҳанинг юқори малакали мутахассисларга бўлган эҳтиёжларидан келиб чиқиб, 2020/2021 ўқув йилида ва кейинги йилларда Университетга қабул қилиш квоталарини ва ўқиш учун контракт суммасини белгилаш;
Университет фаолиятининг жадал ривожланишини таъминлаш учун хайрия маблағлари, техник кўмак маблағларини (грантларни) ва бошқа бюджетдан ташқари маблағларни жалб этиш;
Университетнинг моддий-техник, ўқув-методик базасини мустаҳкамлаш, уни замонавий ўқув-лаборатория ускуналари ва ўқув-методик адабиётлар билан жиҳозлаш, Университетнинг ижтимоий ва маиший инфратузилмасини яхшилашга кўмаклашиш;
талабаларни, энг аввало, етим болалардан ва ота-она васийлигисиз қолган болаларни ижтимоий ҳимоя қилинишини таъминлаш, иқтидорли талабаларни ўқитиш учун стипендиялар ажратиш, талабаларнинг яшаш шароитларини яхшилаш ва уларнинг яшаш жойларида бўш вақтларини фойдали ташкил этиш, шунингдек, талабаларнинг дам олишлари учун шарт-шароитлар яратишга кўмаклашиш;
махсус стипендиялар бериш орқали Аджу университетига (Корея Республикаси) ва соҳага ихтисослашган хориждаги бошқа етакчи таълим муассасаларига стажировка ўташга юбориш учун энг истиқболли талабаларни танлов асосида танлаб олишни ташкил этиш.
7. Васийлик кенгаши Аджу университети (Корея Республикаси) билан келишган ҳолда:
а) бир ой муддатда:
Университет Уставини тасдиқласин, шунингдек, унинг давлат рўйхатидан ўтказилишини таъминласин;
Университетнинг тузилмаси ва штат жадвалини тасдиқласин;
б) 2020/2021 ўқув йили бошлангунига қадар Университетни Ўзбекистон Республикаси ҳудудида фаолият кўрсатувчи олий таълим муассасаларида фойдаланиладиган зарур ўқув-методик мажмуалар билан таъминласин.
8. Ўзбекистон Республикаси Олий ва ўрта махсус таълим вазирлиги ва Аджу университетининг (Корея Республикаси):
Университетда 2020/2021 ўқув йилида бакалавриатнинг «Архитектура», «Электротехника» ва «Қурилиш инжиниринги» таълим йўналишлари бўйича кадрлар тайёрлаш;
Ўзбекистон Республикаси Банк-молия академиясида Аджу университетининг (Корея Республикаси) магистратура мутахассисликлари бўйича бошқарув кадрларини тайёрлаш бўйича Иқтисодиёт ва бизнес олий мактабини очиш тўғрисидаги таклифларига розилик берилсин.
9. Университетга:
2020/2021 ўқув йилидан бошлаб Аджу университети (Корея Республикаси) билан келишган ҳолда бакалавриат ва магистратуранинг янги истиқболли таълим йўналишлари ва мутахассисликларини, шу жумладан Аджу университети (Корея Республикаси) стандартлари асосида кўп тармоқли клиника, илмий-тадқиқот лабораториялари ва диагностика марказига эга тиббиёт факультетини белгиланган тартибда очиш;
Университетга ўқитувчилик қилиш ва илмий иш олиб бориш учун таклиф этиладиган хорижлик профессорлар ва ўқитувчиларнинг яшаши ҳамда транспорт харажатларига тузиладиган шартномалар асосида, Ўзбекистон Республикаси фуқаролари учун белгиланган тарифлар бўйича ҳақ тўлашга рухсат берилсин.
10. Ўзбекистон Республикаси Вазирлар Маҳкамаси (А.Н. Арипов) бир ой муддатда Тошкент шаҳрида жойлашган касб-ҳунар коллежларидан бирининг бино ва иншоотларини Университетга бепул фойдаланиш учун берилишини таъминласин.
11. Университет 2021 йил 1 декабрга қадар муддатга Университетни жиҳозлаш ва фаолиятини таъминлаш, шунингдек, унинг бино ва иншоотларини реконструкция қилиш ва капитал таъмирлаш учун ўрнатилган тартибда шакллантириладиган рўйхатлар бўйича олиб келинадиган ускуналар, компьютер ва оргтехникалар, ўқитишнинг техник воситалари, адабиётлар, мультимедиа маҳсулотлари, инвентарь ва бошқа моддий-техника ресурслари божхона тўловларидан (божхона йиғимларидан ташқари) озод этилсин.
12. Ўзбекистон Республикаси Ташқи ишлар вазирлиги Университет буюртманомаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимлар, шунингдек, уларнинг оила аъзолари учун кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги Университет буюртманомаларига биноан Университетнинг хорижий профессор-ўқитувчилари ва маъмурий ходимларига ҳамда уларнинг оила аъзоларига давлат божлари тўлашдан озод этган ҳолда кўп марталик визалар берилиши ва узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда вақтинчалик рўйхатдан ўтказиш муддати узайтирилишини белгиланган тартибда таъминласин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчиси А.А. Абдувахитов, Ўзбекистон Республикаси Бош вазирининг ўринбосарлари А.А. Абдуҳакимов ва Ж.А. Қўчқоров зиммасига юклансин.
Ўзбекистон Республикаси Президентининг 2018 йил 30 ноябрдаги ПҚ-4041-сон қарорига ИЛОВА
Тошкент шаҳридаги Аджу университетининг Васийлик кенгаши
А.А. Абдухакимов — Ўзбекистон Республикаси Бош вазирининг ўринбосари, Васийлик кенгаши раиси И.У. Мажидов — Ўзбекистон Республикаси олий ва ўрта махсус таълим вазири, Васийлик кенгаши раисининг ўринбосари Жей Ик Лим — Аджу университети (Корея Республикаси) вице-президенти (келишилган ҳолда) Васийлик кенгаши раисининг ўринбосари Джунг-хун Чо — Аджу университети (Корея Республикаси) Халқаро тадқиқотлар олий мактаби профессори (келишилган ҳолда) А.Х. Тўхтаев — Ўзбекистон Республикаси қурилиш вазири Б.А. Ходжаев — Ўзбекистон Республикаси иқтисодиёт вазири А.К. Шадманов — Ўзбекистон Республикаси соғлиқни сақлаш вазири Ш.М. Садиков — Ўзбекистон Республикаси ахборот технологиялари ва коммуникацияларини ривожлантириш вазири А.Я. Хайдаров — Ўзбекистон Республикаси молия вазирининг биринчи ўринбосари Ж.А. Артикходжаев — Тошкент шаҳар ҳокими вазифасини бажарувчи У.М. Мустафоев — «Ўзбекэнерго» АЖ бошқаруви раиси М.Р. Юнусов — «Ўзэлтехсаноат» уюшмаси раиси лавозими бўйича — Тошкент шаҳридаги Аджу университети ректори, Васийлик кенгаши котиби
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 30 ноябрь,
ПҚ-4041-сон
Oʻzbekiston Respublikasi Prezidentining
Qarori
TARKIBI
Toshkent shahrida Adju universitetini tashkil etish toʻgʻrisida
Umumeʼtirof etilgan xalqaro talab va standartlarga, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq qurilish, arxitektura, elektrotexnika va boshqa talab yuqori boʻlgan yoʻnalishlarda oliy maʼlumotli malakali kadrlarni tayyorlash maqsadida:
1. Oʻzbekiston Respublikasi Oliy va oʻrta maxsus taʼlim vazirligi, Moliya vazirligi va Adju universitetining (Koreya Respublikasi) Toshkent shahrida Adju universitetini (keyingi oʻrinlarda — Universitet) tashkil etish toʻgʻrisidagi taklifi qabul qilinsin.
2. Universitet faoliyatining asosiy yoʻnalishlari etib quyidagilar belgilansin:
mamlakat ijtimoiy-iqtisodiy rivojlanishining istiqbollariga muvofiq qurilish, arxitektura, elektrotexnika, iqtisodiyot sohalarida va boshqa talab yuqori boʻlgan taʼlim yoʻnalishlari boʻyicha yuqori malakali kadrlarni tayyorlash;
qurilish, arxitektura, elektrotexnika, iqtisodiyot sohalarida va boshqa talab yuqori boʻlgan taʼlim yoʻnalishlari boʻyicha kadrlar tayyorlash tizimini takomillashtirish va modernizatsiya qilishga qaratilgan yangi taʼlim dasturlari va oʻqitish shakllarini ishlab chiqish va joriy etish;
mutaxassislar va ilmiy kadrlar tayyorlash tizimini taʼlim va fan uzviyligi va uzluksizligi tamoyili, shuningdek, jahon taʼlim hamda ilmiy hamjamiyatiga integratsiyalash asosida rivojlantirish;
mehnat bozorida mavjud muammo va ehtiyojni hisobga olgan holda qurilish, arxitektura, elektrotexnika, iqtisodiyot sohalarida va boshqa talab yuqori boʻlgan taʼlim yoʻnalishlari boʻyicha ilmiy-tadqiqot faoliyatini amalga oshirish;
pedagogik salohiyatni rivojlantirishni qoʻllab-quvvatlash, oʻqitishning pedagogik uslublari va texnologiyalarini faol takomillashtirish;
taʼlim va ilmiy-texnikaviy sohalarda xorijiy mamlakatlar, avvalo, Koreya Respublikasining yetakchi taʼlim muassasalari va ilmiy-tadqiqot markazlari bilan uzoq muddatli munosabatlarni rivojlantirish va mustahkamlash.
3. Maʼlumot uchun qabul qilinsinki, Adju universiteti (Koreya Respublikasi):
Universitetning oʻquv jarayoniga ilgʻor pedagogik va axborot texnologiyalari, fan va texnikaning eng yangi yutuqlarini joriy etish;
Universitetning mutaxassislari va professor-oʻqituvchilari tarkibining, shu jumladan chet elda malakasini oshirish va qayta tayyorlash;
Universitet kutubxona fondini shakllantirish va uni zamonaviy oʻquv, oʻquv-uslubiy va ilmiy-texnikaviy adabiyotlar bilan toʻldirish, shuningdek, Adju universiteti (Koreya Respublikasi) resurslar bazasidan foydalanish imkoniyatini taqdim etgan holda zamonaviy axborot-resurs markazini tashkil etishga koʻmaklashadi.
4. Belgilansinki:
Universitet kadrlarga boʻlgan ehtiyojni hisobga olgan holda oʻqitishning Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan asosiy yoʻnalishlari (mutaxassisliklari) boʻyicha barcha darajadagi mutaxassislarni, shu jumladan, ilmiy-pedagogik kadrlarni tayyorlash, malakasini oshirish va qayta tayyorlashni amalga oshiruvchi yuridik shaxs maqomiga ega boʻlgan oliy taʼlim muassasasi hisoblanadi;
Universitetga abituriyentlarni qabul qilish va bitiruvchilarni attestatsiyadan oʻtkazish Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Adju universiteti (Koreya Respublikasi) tomonidan belgilanadigan talablar, tartib va muddatlarga muvofiq amalga oshiriladi;
Universitet taʼlim faoliyatini Oʻzbekiston Respublikasining taʼlim sohasidagi qonun hujjatlarini inobatga olgan holda Adju universitetining (Koreya Respublikasi) oʻquv rejalari va dasturlari asosida amalga oshiradi;
Universitetda oʻqishni tamomlagan bitiruvchilarga Oʻzbekiston Respublikasida oliy maʼlumot toʻgʻrisidagi hujjat sifatida eʼtirof etiladigan Adju universitetining (Koreya Respublikasi) belgilangan namunadagi diplomi beriladi;
Universitetni moliyalashtirish talabalarni toʻlov-kontrakt asosida oʻqitishdan tushadigan mablagʻlar, xoʻjalik faoliyatidan va shartnoma asosida xizmatlar koʻrsatishdan olinadigan daromadlar, yuridik va jismoniy shaxslarning xayriyalari, manfaatdor tashkilotlar tomonidan taqdim etiladigan texnik koʻmak mablagʻlari (grantlar), shuningdek, qonun hujjatlari bilan taqiqlanmagan boshqa manbalar hisobidan amalga oshiriladi;
Universitetga 2020/2021 oʻquv yili uchun qabulni tashkil etish, shu jumladan bino va inshootlarni oʻquv yiliga tayyorlash boʻyicha taʼmirlash-qurilish ishlari, oʻquv dasturlarini ishlab chiqish va moslashtirish, oʻquv va ilmiy laboratoriyalarni xarid qilish, oʻqitish boʻyicha zarur axborot-kommunikatsiya tizimlarini yaratish, shuningdek, professor-oʻqituvchilar tarkibini tanlab olish Oʻzbekiston Respublikasi Davlat budjeti hisobidan amalga oshiriladi.
5. Shunday tartib oʻrnatilsinki, unga muvofiq:
2020/2021 va 2021/2022 oʻquv yillarida oʻqishga qabul qilingan talabalar — Oʻzbekiston Respublikasi fuqarolari uchun ular Universitetni tamomlaguniga qadar Oʻzbekiston Respublikasi Davlat budjeti hisobidan kontrakt summasining respublikadagi boshqa davlat oliy taʼlim muassasalarida tegishli taʼlim yoʻnalishlarida oʻqitish qiymati miqdoridan ortiq qismini toʻlab berish koʻrinishida davlat koʻmagi (keyingi oʻrinlarda — davlat koʻmagi) taqdim etiladi, kontrakt yuridik shaxslar — salohiyatli ish beruvchilar tomonidan toʻlanishi hollari bundan mustasno;
davlat koʻmagi taqdim etilgan Universitet bitiruvchilari respublikaning davlat tashkilotlarida kamida uch yil ixtisosligi boʻyicha ishlab berish sharti bilan ishga taqsimlanadi.
6. Toshkent shahridagi Adju universiteti Vasiylik kengashining (keyingi oʻrinlarda — Vasiylik kengashi) tarkibi ilovaga muvofiq tasdiqlansin.
Vasiylik kengashining asosiy vazifalari etib quyidagilar belgilansin:
Universitet faoliyatining tashkil etilishini taʼminlash, uning toʻlaqonli faoliyatini yoʻlga qoʻyish bilan bogʻliq tashkiliy, moliyaviy, yuridik, iqtisodiy, oʻquv-metodik, moddiy-texnik va boshqa masalalarni hal etish;
Universitet faoliyatini tashkil etish masalalari boʻyicha Adju universiteti (Koreya Respublikasi) rahbariyati bilan muzokaralar olib borish va oʻzaro hamkorlik qilish;
zarur loyiha, qurilish-montaj va taʼmirlash-tiklash ishlarini amalga oshirish, Universitetni jihozlash, infratuzilmasini yaratish, moddiy-texnik taʼminlashga doir grafiklarni ishlab chiqish va tasdiqlash;
Universitet faoliyatini tashkil etish boʻyicha tasdiqlangan grafiklarda belgilangan vazifalarning bajarilishi yuzasidan muntazam nazorat va monitoring olib borish;
taʼlim jarayonini, talabalarning ishlab chiqarish amaliyotini samarali tashkil etish va takomillashtirish, bakalavr va magistrlar tayyorlash sifatini tizimli ravishda oshirish, Universitet bitiruvchilarini ishga joylashtirish, mehnat bozorining keyingi rivojini hisobga olgan holda mutaxassislar va ilmiy-texnik kadrlar tayyorlashning istiqbolli yoʻnalishlarini belgilashda koʻmaklashish;
Adju universiteti (Koreya Respublikasi) bilan kelishilgan holda ijtimoiy-iqtisodiy sohaning yuqori malakali mutaxassislarga boʻlgan ehtiyojlaridan kelib chiqib, 2020/2021 oʻquv yilida va keyingi yillarda Universitetga qabul qilish kvotalarini va oʻqish uchun kontrakt summasini belgilash;
Universitet faoliyatining jadal rivojlanishini taʼminlash uchun xayriya mablagʻlari, texnik koʻmak mablagʻlarini (grantlarni) va boshqa budjetdan tashqari mablagʻlarni jalb etish;
Universitetning moddiy-texnik, oʻquv-metodik bazasini mustahkamlash, uni zamonaviy oʻquv-laboratoriya uskunalari va oʻquv-metodik adabiyotlar bilan jihozlash, Universitetning ijtimoiy va maishiy infratuzilmasini yaxshilashga koʻmaklashish;
talabalarni, eng avvalo, yetim bolalardan va ota-ona vasiyligisiz qolgan bolalarni ijtimoiy himoya qilinishini taʼminlash, iqtidorli talabalarni oʻqitish uchun stipendiyalar ajratish, talabalarning yashash sharoitlarini yaxshilash va ularning yashash joylarida boʻsh vaqtlarini foydali tashkil etish, shuningdek, talabalarning dam olishlari uchun shart-sharoitlar yaratishga koʻmaklashish;
maxsus stipendiyalar berish orqali Adju universitetiga (Koreya Respublikasi) va sohaga ixtisoslashgan xorijdagi boshqa yetakchi taʼlim muassasalariga stajirovka oʻtashga yuborish uchun eng istiqbolli talabalarni tanlov asosida tanlab olishni tashkil etish.
7. Vasiylik kengashi Adju universiteti (Koreya Respublikasi) bilan kelishgan holda:
a) bir oy muddatda:
Universitet Ustavini tasdiqlasin, shuningdek, uning davlat roʻyxatidan oʻtkazilishini taʼminlasin;
Universitetning tuzilmasi va shtat jadvalini tasdiqlasin;
b) 2020/2021 oʻquv yili boshlanguniga qadar Universitetni Oʻzbekiston Respublikasi hududida faoliyat koʻrsatuvchi oliy taʼlim muassasalarida foydalaniladigan zarur oʻquv-metodik majmualar bilan taʼminlasin.
8. Oʻzbekiston Respublikasi Oliy va oʻrta maxsus taʼlim vazirligi va Adju universitetining (Koreya Respublikasi):
Universitetda 2020/2021 oʻquv yilida bakalavriatning “Arxitektura”, “Elektrotexnika” va “Qurilish injiniringi” taʼlim yoʻnalishlari boʻyicha kadrlar tayyorlash;
Oʻzbekiston Respublikasi Bank-moliya akademiyasida Adju universitetining (Koreya Respublikasi) magistratura mutaxassisliklari boʻyicha boshqaruv kadrlarini tayyorlash boʻyicha Iqtisodiyot va biznes oliy maktabini ochish toʻgʻrisidagi takliflariga rozilik berilsin.
9. Universitetga:
2020/2021 oʻquv yilidan boshlab Adju universiteti (Koreya Respublikasi) bilan kelishgan holda bakalavriat va magistraturaning yangi istiqbolli taʼlim yoʻnalishlari va mutaxassisliklarini, shu jumladan Adju universiteti (Koreya Respublikasi) standartlari asosida koʻp tarmoqli klinika, ilmiy-tadqiqot laboratoriyalari va diagnostika markaziga ega tibbiyot fakultetini belgilangan tartibda ochish;
Universitetga oʻqituvchilik qilish va ilmiy ish olib borish uchun taklif etiladigan xorijlik professorlar va oʻqituvchilarning yashashi hamda transport xarajatlariga tuziladigan shartnomalar asosida, Oʻzbekiston Respublikasi fuqarolari uchun belgilangan tariflar boʻyicha haq toʻlashga ruxsat berilsin.
10. Oʻzbekiston Respublikasi Vazirlar Mahkamasi (A.N. Aripov) bir oy muddatda Toshkent shahrida joylashgan kasb-hunar kollejlaridan birining bino va inshootlarini Universitetga bepul foydalanish uchun berilishini taʼminlasin.
11. Universitet 2021-yil 1-dekabrga qadar muddatga Universitetni jihozlash va faoliyatini taʼminlash, shuningdek, uning bino va inshootlarini rekonstruksiya qilish va kapital taʼmirlash uchun oʻrnatilgan tartibda shakllantiriladigan roʻyxatlar boʻyicha olib kelinadigan uskunalar, kompyuter va orgtexnikalar, oʻqitishning texnik vositalari, adabiyotlar, multimedia mahsulotlari, inventar va boshqa moddiy-texnika resurslari bojxona toʻlovlaridan (bojxona yigʻimlaridan tashqari) ozod etilsin.
12. Oʻzbekiston Respublikasi Tashqi ishlar vazirligi Universitet buyurtmanomalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlar, shuningdek, ularning oila aʼzolari uchun kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
13. Oʻzbekiston Respublikasi Ichki ishlar vazirligi Universitet buyurtmanomalariga binoan Universitetning xorijiy professor-oʻqituvchilari va maʼmuriy xodimlariga hamda ularning oila aʼzolariga davlat bojlari toʻlashdan ozod etgan holda koʻp martalik vizalar berilishi va uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda vaqtinchalik roʻyxatdan oʻtkazish muddati uzaytirilishini belgilangan tartibda taʼminlasin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi A.A. Abduvaxitov, Oʻzbekiston Respublikasi Bosh vazirining oʻrinbosarlari A.A. Abduhakimov va J.A. Qoʻchqorov zimmasiga yuklansin.
Oʻzbekiston Respublikasi Prezidentining 2018-yil 30-noyabrdagi PQ-4041-son qaroriga ILOVA
Toshkent shahridagi Adju universitetining Vasiylik kengashi
A.A. Abduxakimov — Oʻzbekiston Respublikasi Bosh vazirining oʻrinbosari, Vasiylik kengashi raisi I.U. Majidov — Oʻzbekiston Respublikasi oliy va oʻrta maxsus taʼlim vaziri, Vasiylik kengashi raisining oʻrinbosari Jey Ik Lim — Adju universiteti (Koreya Respublikasi) vitse-prezidenti (kelishilgan holda) Vasiylik kengashi raisining oʻrinbosari Djung-xun Cho — Adju universiteti (Koreya Respublikasi) Xalqaro tadqiqotlar oliy maktabi professori (kelishilgan holda) A.X. Toʻxtayev — Oʻzbekiston Respublikasi qurilish vaziri B.A. Xodjayev — Oʻzbekiston Respublikasi iqtisodiyot vaziri A.K. Shadmanov — Oʻzbekiston Respublikasi sogʻliqni saqlash vaziri Sh.M. Sadikov — Oʻzbekiston Respublikasi axborot texnologiyalari va kommunikatsiyalarini rivojlantirish vaziri A.Ya. Xaydarov — Oʻzbekiston Respublikasi moliya vazirining birinchi oʻrinbosari J.A. Artikxodjayev — Toshkent shahar hokimi vazifasini bajaruvchi U.M. Mustafoyev — “Oʻzbekenergo” AJ boshqaruvi raisi M.R. Yunusov — “Oʻzeltexsanoat” uyushmasi raisi lavozimi boʻyicha — Toshkent shahridagi Adju universiteti rektori, Vasiylik kengashi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 30-noyabr,
PQ-4041-son
Президента Республики Узбекистан
Постановление
Состав
О создании Университета Аджу в городе Ташкенте
В целях подготовки квалифицированных кадров с высшим образованием в сфере строительства, архитектуры, электротехники и других востребованных направлениях в соответствии с общепризнанными международными требованиями и стандартами, а также задачами, определенными Стратегией действий по пяти приоритетным направлениям развития Республики Узбекистан в 2017 — 2021 годах:
1. Принять предложение Министерства высшего и среднего специального образования, Министерства финансов Республики Узбекистан и Университета Аджу (Республика Корея) о создании Университета Аджу в городе Ташкенте (далее — Университет).
2. Определить основными направлениями деятельности Университета:
подготовку высококвалифицированных кадров в сфере строительства, архитектуры, электротехники, экономики и других востребованных направлениях образования в соответствии с перспективами социально-экономического развития страны;
разработку и внедрение новых образовательных программ и форм обучения, направленных на совершенствование и модернизацию системы подготовки кадров в сфере строительства, архитектуры, электротехники, экономики и других востребованных направлениях образования;
развитие системы подготовки специалистов и научных кадров на основе принципа непрерывности и преемственности образования и науки, а также интеграции в мировое образовательное и научное сообщество;
осуществление научно-исследовательской деятельности в сфере строительства, архитектуры, электротехники, экономики и других востребованных направлениях образования с учетом имеющихся проблем и потребностей рынка труда;
поддержку развития педагогического потенциала, активное совершенствование педагогических методов и технологий обучения;
развитие и укрепление долгосрочных отношений с ведущими образовательными учреждениями, научно-исследовательскими центрами зарубежных стран, прежде всего Республики Кореи, в образовательной и научно-технической сферах.
3. Принять к сведению, что Университет Аджу (Республика Корея) содействует:
внедрению в учебный процесс Университета передовых педагогических и информационных технологий, новейших достижений науки и техники;
повышению квалификации специалистов и переподготовке профессорско-преподавательского состава Университета, в том числе за рубежом;
формированию и пополнению библиотечного фонда Университета современной учебной, учебно-методической и научно-технической литературой, в том числе с предоставлением возможности пользования ресурсной базой Университета Аджу (Республика Корея), созданию современного информационно-ресурсного центра.
4. Определить, что:
Университет является высшим образовательным учреждением со статусом юридического лица, осуществляющим подготовку, повышение квалификации и переподготовку специалистов всех уровней, включая научно-педагогические кадры, по основным направлениям образования (специальностям), согласованным с Министерством высшего образования, науки и инноваций Республики Узбекистан, с учетом потребности в кадрах;
прием абитуриентов и аттестация выпускников Университета осуществляются в соответствии с требованиями, порядком и сроками, устанавливаемыми Университетом Аджу (Республика Корея) по согласованию с Министерством высшего образования, науки и инноваций Республики Узбекистан;
Университет осуществляет образовательную деятельность на основе учебных планов и программ Университета Аджу (Республика Корея) с учетом требований законодательства Республики Узбекистан в сфере образования;
выпускникам Университета по его окончании выдается диплом установленного образца Университета Аджу (Республика Корея), который признается документом о высшем образовании в Республике Узбекистан;
финансирование Университета осуществляется за счет средств, поступающих за обучение студентов на платно-контрактной основе, доходов от хозяйственной деятельности и оказания услуг на договорной основе, благотворительных пожертвований юридических и физических лиц, средств технического содействия (грантов), предоставляемых заинтересованными организациями, а также иных источников, не запрещенных законодательством;
организация приема в Университет в 2020/2021 учебном году, в том числе ремонтно-строительные работы по подготовке зданий и сооружений к началу учебного года, разработка и адаптация учебных программ, приобретение учебных и научных лабораторий, создание необходимых информационно-коммуникационных систем обучения, а также отбор профессорско-преподавательского состава осуществляются за счет средств Государственного бюджета Республики Узбекистан.
5. Установить порядок, в соответствии с которым:
для студентов — граждан Республики Узбекистан, принятых на учебу в 2020/2021 и 2021/2022 учебных годах, до окончания ими Университета предоставляется государственная поддержка в виде оплаты за счет Государственного бюджета Республики Узбекистан части суммы контракта, превышающей размер стоимости обучения по соответствующим направлениям образования в других государственных высших образовательных учреждениях республики (далее — государственная поддержка), за исключением случаев оплаты контракта юридическими лицами — потенциальными работодателями;
выпускники Университета, которым предоставлена государственная поддержка, подлежат распределению на работу с условием отработки не менее трех лет в государственных организациях республики по специальности.
6. Одобрить персональный состав Попечительского совета Университета Аджу в городе Ташкенте (далее — Попечительский совет) согласно приложению .
Определить основными задачами Попечительского совета:
обеспечение организации деятельности Университета, решение организационных, финансовых, юридических, экономических, учебно-методических, материально-технических и других вопросов, связанных с налаживанием его полноценной работы;
ведение переговоров и осуществление взаимодействия с руководством Университета Аджу (Республика Корея) по вопросам организации деятельности Университета;
разработку и утверждение графиков реализации необходимых проектных, строительно-монтажных и ремонтно-восстановительных работ, оснащения, обустройства инфраструктуры, материально-технического обеспечения Университета;
осуществление систематического контроля и мониторинга выполнения задач, определенных утвержденными графиками по организации деятельности Университета;
содействие в эффективной организации и совершенствовании образовательного процесса, производственной практики студентов, системном повышении качества подготовки бакалавров и магистров, трудоустройстве выпускников Университета, определении перспективных направлений подготовки специалистов и научно-технических кадров с учетом дальнейшего развития рынка труда;
определение по согласованию с Университетом Аджу (Республика Корея) квоты приема и суммы контракта за обучение в Университете на 2020/2021 учебный год и последующие годы исходя из потребностей в высококвалифицированных специалистах социально-экономической сферы;
привлечение благотворительных пожертвований, средств технического содействия (грантов) и иных внебюджетных средств для обеспечения поступательного развития деятельности Университета;
содействие в укреплении материально-технической, учебно-методической базы Университета, оснащении его современным учебно-лабораторным оборудованием и учебно-методической литературой, улучшении социальной и бытовой инфраструктуры Университета;
содействие в обеспечении социальной защиты студентов, прежде всего из числа детей-сирот и детей, оставшихся без попечения родителей, выделении стипендий для обучения одаренных студентов, улучшении условий проживания и организации полезного досуга в домах для проживания студентов, а также создании условий для их отдыха;
организацию отбора на конкурсной основе наиболее перспективных студентов для направления на стажировку в Университет Аджу (Республика Корея) и другие ведущие зарубежные профильные образовательные учреждения посредством предоставления специальных стипендий.
7. Попечительскому совету по согласованию с Университетом Аджу (Республика Корея):
а) в месячный срок утвердить:
Устав Университета, а также обеспечить его государственную регистрацию;
структуру и штатное расписание Университета;
б) до начала 2020/2021 учебного года обеспечить Университет необходимыми учебно-методическими комплексами, используемыми в высших образовательных учреждениях, функционирующих на территории Республики Узбекистан.
8. Согласиться с предложениями Министерства высшего и среднего образования Республики Узбекистан и Университета Аджу (Республика Корея) о:
подготовке в Университете в 2020/2021 учебном году кадров по направлениям образования бакалавриата «Архитектура», «Электротехника» и «Строительный инжиниринг»;
открытии в Банковско-финансовой академии Республики Узбекистан Высшей школы экономики и бизнеса Университета Аджу (Республика Корея) по подготовке управленческих кадров по специальностям магистратуры.
9. Разрешить Университету:
начиная с 2020/2021 учебного года, по согласованию с Университетом Аджу (Республика Корея) открывать в установленном порядке новые перспективные направления образования бакалавриата и специальности магистратуры, в том числе медицинский факультет с многопрофильной клиникой, научно-исследовательскими лабораториями и диагностическим центром на основе стандартов Университета Аджу (Республика Корея);
осуществлять оплату проживания и транспортных расходов зарубежных профессоров и преподавателей, приглашаемых для преподавательской и научной работы в Университете по тарифам, установленным для граждан Республики Узбекистан на основании заключаемых договоров.
10. Кабинету Министров Республики Узбекистан (А.Н. Арипов) в месячный срок обеспечить передачу Университету в безвозмездное пользование зданий и сооружений одного из профессиональных колледжей, расположенных в городе Ташкенте.
11. Освободить Университет сроком до 1 декабря 2021 года от уплаты таможенных платежей (кроме сборов за таможенное оформление) за оборудование, компьютерную технику и оргтехнику, технические средства обучения, литературу, мультимедийную продукцию, инвентарь и другие материально-технические ресурсы, строительные материалы, ввозимые для оснащения и обеспечения деятельности Университета, а также реконструкции и капитального ремонта его зданий и сооружений по перечням, формируемым в установленном порядке.
12. Министерству иностранных дел Республики Узбекистан обеспечить в установленном порядке по заявкам Университета оформление въездных виз иностранному профессорско-преподавательскому и административному персоналу Университета, привлекаемому в рамках реализации настоящего постановления, а также членам их семей без взимания консульских и иных сборов.
13. Министерству внутренних дел Республики Узбекистан обеспечить в установленном порядке по заявкам Университета выдачу и продление многократных виз, а также временную прописку и ее продление по месту временного проживания иностранному профессорско-преподавательскому и административному персоналу Университета, а также членам их семей, без взимания государственной пошлины.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, советника Президента Республики Узбекистан А.А. Абдувахитова, и заместителей Премьер-министра Республики Узбекистан А.А. Абдухакимова, Ж.А. Кучкарова.
ПРИЛОЖЕНИЕ к постановлению Президента Республики Узбекистан от 30 ноября 2018 года № ПП-4041
Попечительского совета Университета Аджу в городе Ташкенте
Абдухакимов А.А. — заместитель Премьер-министра Республики Узбекистан, председатель Попечительского совета Маджидов И.У. — министр высшего и среднего специального образования Республики Узбекистан, заместитель председателя Попечительского совета Джей Ик Лим — вице-президент Университета Аджу (Республика Корея) (по согласованию) заместитель председателя Попечительского совета Джунг-хун Чо — профессор Высшей школы международных исследований Университета Аджу (Республика Корея) (по согласованию) Тухтаев А.Х. — министр строительства Республики Узбекистан Ходжаев Б.А. — министр экономики Республики Узбекистан Шадманов А.К. — министр здравоохранения Республики Узбекистан Садиков Ш.М. — министр по развитию информационных технологий и коммуникаций Республики Узбекистан Хайдаров А.Я. — первый заместитель министра финансов Республики Узбекистан Артикходжаев Ж.А. — и.о.хокима города Ташкента Мустафоев У.М. — председатель правления АО «Узбекэнерго» Юнусов М.Р. — председатель Ассоциации «Узэлтехсаноат» по должности — ректор Университета Аджу в городе Ташкенте, секретарь Попечительского совета
Президент Республики Узбекистан Ш. МИРЗИЁЕВ
г. Ташкент,
30 ноября 2018 г.,
№ ПП-4041