📅 2018-yil 31-oktabr · Vazirlik va idoralar hujjatlari · Bosh prokurori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 31 октябрь · Вазирлик ва идоралар ҳужжатлари · Бош прокурори
Расмий матн. Расмий ҳужжат. Таҳририй изоҳлар киритилмаган.
📅 31 октября 2018 г. · Документы министерств и ведомств · Генерального прокурора
Официальный текст. Официальный документ. Редакционные примечания не включены.
📅 31 October 2018 · Ministry and agency documents · Bosh prokurori
Official text. Official document. Editorial notes are not included.
Ўзбекистон Республикаси Бош прокурорининг
буйруғи
НИЗОМ
Текширувларни электрон рўйхатга олиш ягона тизимини юритиш тартиби ҳақидаги низомни тасдиқлаш тўғрисида
Ўзбекистон Республикаси «Прокуратура тўғрисида»ги Қонуни ва Ўзбекистон Республикаси Президентининг 2018 йил 27 июлдаги ПФ-5490-сон «Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида»ги Фармонига асосан буюраман:
1. Текширувларни электрон рўйхатга олиш ягона тизимини юритиш тартиби ҳақидаги низом иловага мувофиқ тасдиқлансин.
2. Буйруқ ижроси устидан назорат Бош прокурорнинг соҳа бўйича ўринбосари зиммасига юклатилсин.
3. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Бош прокурорининг 2018 йил 31 октябрдаги 205-сон буйруғига ИЛОВА
Текширувларни электрон рўйхатга олиш ягона тизимини юритиш тартиби ҳақидаги
Мазкур Низом Ўзбекистон Республикаси Президентининг 2018 йил 27 июлдаги ПФ-5490-сон «Тадбиркорлик субъектларининг ҳуқуқлари ва қонуний манфаатларини ҳимоя қилиш тизимини янада такомиллаштириш чора-тадбирлари тўғрисида»ги Фармонига асосан назорат қилувчи органлар ва уларнинг ҳудудий бўлинмалари (бундан буён матнда назорат қилувчи органлар деб юритилади) томонидан тадбиркорлик субъектлари фаолиятида ўтказиладиган текширувларни электрон рўйхатга олиш ягона тизимини юритиш тартибини белгилайди.
1-боб. Умумий қоидалар
1. Текширувларни электрон рўйхатга олиш ягона тизимига (бундан буён матнда Ягона тизим деб юритилади) назорат қилувчи органлар томонидан тадбиркорлик субъектлари фаолиятида ўтказиладиган текширувларни келишиш ва ўтказиш учун Ўзбекистон Республикаси Бош прокуратураси, Қорақалпоғистон Республикаси, вилоятлар ва Тошкент шаҳар прокуратураларига (бундан буён матнда ваколатли орган деб юритилади) юборилган буюртма, шунингдек текширув тўғрисида маълумотлар, мониторинг ва тадбиркорлик субъектлари фаолиятида аниқланган қонунбузишларни бартараф қилиш бўйича қабул қилинган чора-тадбирлар киритилади.
2. Назорат қилувчи органлар томонидан тадбиркорлик субъектлари фаолиятида ўтказиладиган барча текширувлар Ягона тизимда мажбурий тарзда рўйхатдан ўтказилиши лозим.
Ягона тизим тўлиқ ишга туширилгунга қадар текширув ўтказишни келишиш билан боғлиқ бўлган ёзишмалар қоғоз шаклида расмийлаштирилади.
Назорат қилувчи органлар ва ваколатли орган ўртасидаги давлат сири билан боғлиқ бўлган текширувларни ўтказишга оид ахборот алмашинуви давлат сирларини сақлаш тўғрисидаги қонунчилик ҳужжатларида белгиланган тартибда амалга оширилади ҳамда бундай текширувлар ҳақидаги маълумотлар Ягона тизимга киритилмайди.
2-боб. Ягона тизимда рўйхатдан ўтиш
3. Назорат қилувчи органнинг масъул ходими Ягона тизимда prokuratura.uz сайти орқали рўйхатдан ўтади.
4. Назорат қилувчи органларга Ягона тизимга кириш учун логин ва пароль Бош прокуратура томонидан ахборот хавфсизлиги талабларига мувофиқ берилади ва алоҳида муҳрланган конвертда юборилади.
5. Логин ва пароллар реестри Бош прокуратуранинг Солиқ ва божхона ислоҳотларини амалга ошириш соҳасида қонунчилик ижроси устидан назорат бошқармаси (бундан буён матнда Бош прокуратура бошқармаси деб юритилади) томонидан юритилади.
6. Назорат қилувчи органнинг масъул ходими Ягона тизимда рўйхатдан ўтганидан сўнг Бош прокуратура бошқармаси унинг маълумотларини тизим ичида тасдиқлайди.
Ягона тизимда рўйхатдан ўтказишни тасдиқлаш бир иш куни давомида амалга оширилади.
7. Назорат қилувчи органнинг масъул ходими Ягона тизимда бир маротаба рўйхатдан ўтказилади.
8. Назорат қилувчи органнинг масъул ходими ўзгарганда Ягона тизимдаги логин ва пароль назорат қилувчи орган томонидан ахборот хавфсизлиги талабларига оид ички қоидалар асосида янги ходимга ўтказилади.
Назорат қилувчи органнинг масъул ходими ўзгарганлиги ҳақида назорат қилувчи орган бир иш кунида Бош прокуратура бошқармасини хабардор қилади.
9. Ваколатли органнинг масъул ходимига логин ва пароль Бош прокуратура бошқармаси томонидан берилади ҳамда ходим белгиланган тартибда prokuratura.uz сайтида рўйхатдан ўтади.
3-боб. Текширувларни келишиш учун буюртма киритиш ва уни кўриб чиқиш
10. Текширув ўтказишни келишиш учун назорат қилувчи орган томонидан Ягона тизимга қонунчилик ҳужжатларига мувофиқ тегишли маълумотлар киритилади.
11. Текширувларни ўтказишга оид буюртмалар ваколатли органнинг масъул ходими томонидан қонунчилик ҳужжатларида белгиланган тартибда кўриб чиқилади.
Буюртма уч иш куни ичида, фавқулодда ҳолатлар бўйича бир иш кунида кўриб чиқилади.
12. Ваколатли орган томонидан текширув ўтказишни келишиш ҳақида қарор қабул қилинганда ушбу органнинг масъул ходими томонидан Ягона тизимда махсус рақам (код) асосида «Рухсат берилсин» мақоми танланади.
13. Текширув ўтказишни рад этиш ҳақида қарор қабул қилинганда ваколатли органнинг масъул ходими томонидан унинг аниқ сабаби кўрсатилган ҳолда «Рад этилсин» мақоми танланади.
14. Рад этиш сабаблари бартараф этилганда, текширувларни ўтказиш учун буюртма янгидан расмийлаштирилади.
15. Ягона тизимда буюртма рўйхатдан ўтказилиб, текширув учун махсус рақам (код) олингандан кейин назорат қилувчи орган томонидан тадбиркорлик субъекти фаолиятида текширув ўтказиш ташкил этилади.
4-боб. Ўтказилган текширувлар натижаларини Ягона тизимга киритиш
16. Ўтказилган текширув натижалари бўйича тузилган далолатномада қайд этилган қонун бузилиши ҳолатлари тўғрисидаги маълумотлар текширув якунлангандан сўнг уч иш куни ичида, тадбиркорлик субъектига нисбатан қўлланилган таъсир чоралари тўғрисидаги маълумотлар (ёзма кўрсатма, маъмурий ҳуқуқбузарлик тўғрисида баённома, молиявий ва иқтисодий жарималарни қўллаш тўғрисида қарорлар, суд қарорлари ва бошқалар) мазкур чоралар қўлланилгандан сўнг уч иш кунидан кечиктирмасдан назорат қилувчи орган томонидан Ягона тизимга киритилиши шарт.
Бош прокуратура билан келишилган ҳолда ўтказиладиган текширувлар натижалари тўғрисидаги маълумотлар назорат қилувчи органнинг марказий аппарати, Қорақалпоғистон Республикаси, вилоятлар ва Тошкент шаҳар прокуратуралари билан келишилган текширувлар бўйича маълумотлар назорат қилувчи органнинг тегишинча ҳудудий бўлинмаси томонидан Ягона тизимга киритилади.
Тадбиркорлик субъектига нисбатан қўлланилган таъсир чоралари бекор қилинган ёки ўзгарган тақдирда, тегишли назорат қилувчи орган томонидан шу ҳақидаги маълумотлар Ягона тизимга киритилиши лозим.
17. Текширув натижасида аниқланган банк сирига оид маълумотлар Ягона тизимга киритилмайди.
5-боб. Хабардор этиш тартибида ўтказиладиган текширувларни Ягона тизимга киритиш
18. Ўзбекистон Республикаси Президентининг 2018 йил 27 июлдаги ПФ-5490-сон Фармони билан тасдиқланган Текширувларни электрон рўйхатга олиш ягона тизимида рўйхатдан ўтказиш орқали ваколатли органни хабардор этиш тартибида ўтказиладиган текширувлар рўйхатида (бундан буён матнда хабардор этиш тартибидаги текширувлар рўйхати деб юритилади) белгиланган текширувларни ўтказиш учун назорат қилувчи орган томонидан Ягона тизимга мазкур Низомнинг 21-бандида кўрсатилган маълумот киритилади.
19. Хабардор этиш тартибида текширув ўтказилиши ҳақида Ягона тизимга маълумот киритилгандан сўнг унинг тўғрилиги текширилмасдан, автоматик равишда махсус рақам (код) генерация қилинади.
20. Назорат қилувчи органнинг текширув ўтказиш тўғрисидаги буйруғи, шунингдек ишончли маълумотларни тасдиқловчи ҳужжатлар ёки текширув ўтказиш юзасидан тасдиқланган график Ягона тизимга киритилгандан сўнг текширув амалга оширилади.
21. Хабардор этиш тартибидаги текширувлар рўйхатида кўрсатилган икки ёки ундан ортиқ назорат қилувчи органлар томонидан ўтказиладиган текширувлар тўғрисида ваколатли органни хабардор қилиш ҳар бир орган томонидан алоҳида амалга оширилади.
22. Жисмоний ва юридик шахсларнинг хабардор этиш тартибидаги текширувлар рўйхатида назарда тутилган масалалар бўйича мурожаатлари асосида текширувларни ўтказиш ваколатли органни хабардор этиш тартибида амалга оширилади.
Агар жисмоний ва юридик шахсларнинг мурожаатларида бир нечта масала кўрсатилиб, улардан камида биттаси келишиш тартибида текширув ўтказилишини талаб қилса, текширув ваколатли орган билан келишилган ҳолда ўтказилади.
6-боб. Тадбиркорлик субъектларининг Ягона тизимдан фойдаланиши
23. Тадбиркорлик субъекти ўз сўровига кўра ўтказилаётган текширув ҳақидаги ахборотни Ягона тизимдан қисқа хабар (SMS) кўринишида ва реал вақт режимида Интернет тармоғи орқали олиши мумкин.
24. Ушбу ахборотни олиш учун тадбиркорлик субъекти Ягона тизимда рўйхатдан ўтади.
25. Ягона тизим тегишли тадбиркорлик субъектига оид маълумотларнинг тизимда мавжудлигини автоматик равишда солиштиради.
Агар киритилган маълумотлар тўғри бўлса, тадбиркорлик субъекти текширув, уни амалга оширувчи орган, шунингдек барча ўтказилган текширувлар тўғрисидаги маълумотлардан текшириш кунидан бошлаб фақат танишиш учун фойдаланадилар.
26. Агар тадбиркорлик субъектининг сўрови бўйича Ягона тизимда рўйхатга олинмасдан текширув ўтказилганлиги аниқланса, Ягона тизим бу ҳақда ваколатли органнинг масъул ходимини автоматик равишда хабардор қилади.
Ваколатли органнинг масъул ходими уч иш куни ичида Ягона тизимда рўйхатга олинмасдан ўтказилган текширувларни ўрганиш натижалари бўйича қўлланилган чоралар ҳақида маълумотларни киритади.
7-боб. Ваколатли органларнинг назорат қилувчи органлар билан ўзаро ҳамкорлиги
27. Бош прокуратура Ягона тизимда сақланадиган барча маълумотлардан, Қорақалпоғистон Республикаси, вилоятлар ва Тошкент шаҳар прокуратуралари тегишли ҳудудга оид маълумотлардан фойдаланиш ҳуқуқига эга.
28. Назорат қилувчи органларнинг марказий аппарати ўз тизими бўйича барча маълумотлардан, назорат қилувчи органларнинг Қорақалпоғистон Республикаси, вилоятлар ва Тошкент шаҳар бўлинмалари ўз ваколатларига тааллуқли маълумотлардан фойдаланади.
29. Назорат қилувчи органларнинг марказий аппарати (марказий бошқармалар) томонидан тадбиркорлик субъектлари фаолиятида текширувлар ўтказиш учун Бош прокуратурага Ягона тизим орқали буюртма юборилади.
30. Назорат қилувчи органларнинг Қорақалпоғистон Республикаси, вилоятлар ва Тошкент шаҳар бўлинмалари томонидан бир кунлик текширувлар бўйича буюртмалар Ягона тизим орқали Қорақалпоғистон Республикаси, вилоятлар ва Тошкент шаҳар прокуратураларига, бир кундан ортиқ бўлган текширувлар бўйича назорат қилувчи органнинг марказий аппарати орқали Бош прокуратурага Ягона тизим орқали киритилади.
31. Назорат қилувчи органнинг туман (шаҳар) бўлинмаси ташаббуси билан ўтказиладиган текширувлар буюртма ва текширувга асос бўлган ҳужжатларни ушбу органнинг вилоят даражасидаги бўлинмасига тақдим этиш орқали амалга оширилади.
8-боб. Якуний қоидалар
32. Назорат қилувчи орган томонидан киритилган маълумотлар Ягона тизим билан ишлаш жараёнида унинг ўзи томонидан ўзгартирилиши мумкин эмас.
Киритилган маълумотни ўзгартириш ёзма равишда Бош прокуратура раҳбарияти билан келишилиши лозим.
33. Мазкур Низом талабларининг бузилишида айбдор бўлган шахслар қонунчилик ҳужжатларига мувофиқ жавобгар бўлади.
Бош прокурор О. МУРОДОВ
Тошкент ш.,
2018 йил 31 октябрь,
205-сон
Oʻzbekiston Respublikasi Bosh prokurorining
buyrugʻi
NIZOM
Tekshiruvlarni elektron roʻyxatga olish yagona tizimini yuritish tartibi haqidagi nizomni tasdiqlash toʻgʻrisida
Oʻzbekiston Respublikasi “Prokuratura toʻgʻrisida”gi Qonuni va Oʻzbekiston Respublikasi Prezidentining 2018-yil 27-iyuldagi PF-5490-son “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi Farmoniga asosan buyuraman:
1. Tekshiruvlarni elektron roʻyxatga olish yagona tizimini yuritish tartibi haqidagi nizom ilovaga muvofiq tasdiqlansin.
2. Buyruq ijrosi ustidan nazorat Bosh prokurorning soha boʻyicha oʻrinbosari zimmasiga yuklatilsin.
3. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Bosh prokurorining 2018-yil 31-oktabrdagi 205-son buyrugʻiga ILOVA
Tekshiruvlarni elektron roʻyxatga olish yagona tizimini yuritish tartibi haqidagi
Mazkur Nizom Oʻzbekiston Respublikasi Prezidentining 2018-yil 27-iyuldagi PF-5490-son “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi Farmoniga asosan nazorat qiluvchi organlar va ularning hududiy boʻlinmalari (bundan buyon matnda nazorat qiluvchi organlar deb yuritiladi) tomonidan tadbirkorlik subyektlari faoliyatida oʻtkaziladigan tekshiruvlarni elektron roʻyxatga olish yagona tizimini yuritish tartibini belgilaydi.
1-bob. Umumiy qoidalar
1. Tekshiruvlarni elektron roʻyxatga olish yagona tizimiga (bundan buyon matnda Yagona tizim deb yuritiladi) nazorat qiluvchi organlar tomonidan tadbirkorlik subyektlari faoliyatida oʻtkaziladigan tekshiruvlarni kelishish va oʻtkazish uchun Oʻzbekiston Respublikasi Bosh prokuraturasi, Qoraqalpogʻiston Respublikasi, viloyatlar va Toshkent shahar prokuraturalariga (bundan buyon matnda vakolatli organ deb yuritiladi) yuborilgan buyurtma, shuningdek tekshiruv toʻgʻrisida maʼlumotlar, monitoring va tadbirkorlik subyektlari faoliyatida aniqlangan qonunbuzishlarni bartaraf qilish boʻyicha qabul qilingan chora-tadbirlar kiritiladi.
2. Nazorat qiluvchi organlar tomonidan tadbirkorlik subyektlari faoliyatida oʻtkaziladigan barcha tekshiruvlar Yagona tizimda majburiy tarzda roʻyxatdan oʻtkazilishi lozim.
Yagona tizim toʻliq ishga tushirilgunga qadar tekshiruv oʻtkazishni kelishish bilan bogʻliq boʻlgan yozishmalar qogʻoz shaklida rasmiylashtiriladi.
Nazorat qiluvchi organlar va vakolatli organ oʻrtasidagi davlat siri bilan bogʻliq boʻlgan tekshiruvlarni oʻtkazishga oid axborot almashinuvi davlat sirlarini saqlash toʻgʻrisidagi qonunchilik hujjatlarida belgilangan tartibda amalga oshiriladi hamda bunday tekshiruvlar haqidagi maʼlumotlar Yagona tizimga kiritilmaydi.
2-bob. Yagona tizimda roʻyxatdan oʻtish
3. Nazorat qiluvchi organning masʼul xodimi Yagona tizimda prokuratura.uz sayti orqali roʻyxatdan oʻtadi.
4. Nazorat qiluvchi organlarga Yagona tizimga kirish uchun login va parol Bosh prokuratura tomonidan axborot xavfsizligi talablariga muvofiq beriladi va alohida muhrlangan konvertda yuboriladi.
5. Login va parollar reyestri Bosh prokuraturaning Soliq va bojxona islohotlarini amalga oshirish sohasida qonunchilik ijrosi ustidan nazorat boshqarmasi (bundan buyon matnda Bosh prokuratura boshqarmasi deb yuritiladi) tomonidan yuritiladi.
6. Nazorat qiluvchi organning masʼul xodimi Yagona tizimda roʻyxatdan oʻtganidan soʻng Bosh prokuratura boshqarmasi uning maʼlumotlarini tizim ichida tasdiqlaydi.
Yagona tizimda roʻyxatdan oʻtkazishni tasdiqlash bir ish kuni davomida amalga oshiriladi.
7. Nazorat qiluvchi organning masʼul xodimi Yagona tizimda bir marotaba roʻyxatdan oʻtkaziladi.
8. Nazorat qiluvchi organning masʼul xodimi oʻzgarganda Yagona tizimdagi login va parol nazorat qiluvchi organ tomonidan axborot xavfsizligi talablariga oid ichki qoidalar asosida yangi xodimga oʻtkaziladi.
Nazorat qiluvchi organning masʼul xodimi oʻzgarganligi haqida nazorat qiluvchi organ bir ish kunida Bosh prokuratura boshqarmasini xabardor qiladi.
9. Vakolatli organning masʼul xodimiga login va parol Bosh prokuratura boshqarmasi tomonidan beriladi hamda xodim belgilangan tartibda prokuratura.uz saytida roʻyxatdan oʻtadi.
3-bob. Tekshiruvlarni kelishish uchun buyurtma kiritish va uni koʻrib chiqish
10. Tekshiruv oʻtkazishni kelishish uchun nazorat qiluvchi organ tomonidan Yagona tizimga qonunchilik hujjatlariga muvofiq tegishli maʼlumotlar kiritiladi.
11. Tekshiruvlarni oʻtkazishga oid buyurtmalar vakolatli organning masʼul xodimi tomonidan qonunchilik hujjatlarida belgilangan tartibda koʻrib chiqiladi.
Buyurtma uch ish kuni ichida, favqulodda holatlar boʻyicha bir ish kunida koʻrib chiqiladi.
12. Vakolatli organ tomonidan tekshiruv oʻtkazishni kelishish haqida qaror qabul qilinganda ushbu organning masʼul xodimi tomonidan Yagona tizimda maxsus raqam (kod) asosida “Ruxsat berilsin” maqomi tanlanadi.
13. Tekshiruv oʻtkazishni rad etish haqida qaror qabul qilinganda vakolatli organning masʼul xodimi tomonidan uning aniq sababi koʻrsatilgan holda “Rad etilsin” maqomi tanlanadi.
14. Rad etish sabablari bartaraf etilganda, tekshiruvlarni oʻtkazish uchun buyurtma yangidan rasmiylashtiriladi.
15. Yagona tizimda buyurtma roʻyxatdan oʻtkazilib, tekshiruv uchun maxsus raqam (kod) olingandan keyin nazorat qiluvchi organ tomonidan tadbirkorlik subyekti faoliyatida tekshiruv oʻtkazish tashkil etiladi.
4-bob. Oʻtkazilgan tekshiruvlar natijalarini Yagona tizimga kiritish
16. Oʻtkazilgan tekshiruv natijalari boʻyicha tuzilgan dalolatnomada qayd etilgan qonun buzilishi holatlari toʻgʻrisidagi maʼlumotlar tekshiruv yakunlangandan soʻng uch ish kuni ichida, tadbirkorlik subyektiga nisbatan qoʻllanilgan taʼsir choralari toʻgʻrisidagi maʼlumotlar (yozma koʻrsatma, maʼmuriy huquqbuzarlik toʻgʻrisida bayonnoma, moliyaviy va iqtisodiy jarimalarni qoʻllash toʻgʻrisida qarorlar, sud qarorlari va boshqalar) mazkur choralar qoʻllanilgandan soʻng uch ish kunidan kechiktirmasdan nazorat qiluvchi organ tomonidan Yagona tizimga kiritilishi shart.
Bosh prokuratura bilan kelishilgan holda oʻtkaziladigan tekshiruvlar natijalari toʻgʻrisidagi maʼlumotlar nazorat qiluvchi organning markaziy apparati, Qoraqalpogʻiston Respublikasi, viloyatlar va Toshkent shahar prokuraturalari bilan kelishilgan tekshiruvlar boʻyicha maʼlumotlar nazorat qiluvchi organning tegishincha hududiy boʻlinmasi tomonidan Yagona tizimga kiritiladi.
Tadbirkorlik subyektiga nisbatan qoʻllanilgan taʼsir choralari bekor qilingan yoki oʻzgargan taqdirda, tegishli nazorat qiluvchi organ tomonidan shu haqidagi maʼlumotlar Yagona tizimga kiritilishi lozim.
17. Tekshiruv natijasida aniqlangan bank siriga oid maʼlumotlar Yagona tizimga kiritilmaydi.
5-bob. Xabardor etish tartibida oʻtkaziladigan tekshiruvlarni Yagona tizimga kiritish
18. Oʻzbekiston Respublikasi Prezidentining 2018-yil 27-iyuldagi PF-5490-son Farmoni bilan tasdiqlangan Tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida oʻtkaziladigan tekshiruvlar roʻyxatida (bundan buyon matnda xabardor etish tartibidagi tekshiruvlar roʻyxati deb yuritiladi) belgilangan tekshiruvlarni oʻtkazish uchun nazorat qiluvchi organ tomonidan Yagona tizimga mazkur Nizomning 21-bandida koʻrsatilgan maʼlumot kiritiladi.
19. Xabardor etish tartibida tekshiruv oʻtkazilishi haqida Yagona tizimga maʼlumot kiritilgandan soʻng uning toʻgʻriligi tekshirilmasdan, avtomatik ravishda maxsus raqam (kod) generatsiya qilinadi.
20. Nazorat qiluvchi organning tekshiruv oʻtkazish toʻgʻrisidagi buyrugʻi, shuningdek ishonchli maʼlumotlarni tasdiqlovchi hujjatlar yoki tekshiruv oʻtkazish yuzasidan tasdiqlangan grafik Yagona tizimga kiritilgandan soʻng tekshiruv amalga oshiriladi.
21. Xabardor etish tartibidagi tekshiruvlar roʻyxatida koʻrsatilgan ikki yoki undan ortiq nazorat qiluvchi organlar tomonidan oʻtkaziladigan tekshiruvlar toʻgʻrisida vakolatli organni xabardor qilish har bir organ tomonidan alohida amalga oshiriladi.
22. Jismoniy va yuridik shaxslarning xabardor etish tartibidagi tekshiruvlar roʻyxatida nazarda tutilgan masalalar boʻyicha murojaatlari asosida tekshiruvlarni oʻtkazish vakolatli organni xabardor etish tartibida amalga oshiriladi.
Agar jismoniy va yuridik shaxslarning murojaatlarida bir nechta masala koʻrsatilib, ulardan kamida bittasi kelishish tartibida tekshiruv oʻtkazilishini talab qilsa, tekshiruv vakolatli organ bilan kelishilgan holda oʻtkaziladi.
6-bob. Tadbirkorlik subyektlarining Yagona tizimdan foydalanishi
23. Tadbirkorlik subyekti oʻz soʻroviga koʻra oʻtkazilayotgan tekshiruv haqidagi axborotni Yagona tizimdan qisqa xabar (SMS) koʻrinishida va real vaqt rejimida Internet tarmogʻi orqali olishi mumkin.
24. Ushbu axborotni olish uchun tadbirkorlik subyekti Yagona tizimda roʻyxatdan oʻtadi.
25. Yagona tizim tegishli tadbirkorlik subyektiga oid maʼlumotlarning tizimda mavjudligini avtomatik ravishda solishtiradi.
Agar kiritilgan maʼlumotlar toʻgʻri boʻlsa, tadbirkorlik subyekti tekshiruv, uni amalga oshiruvchi organ, shuningdek barcha oʻtkazilgan tekshiruvlar toʻgʻrisidagi maʼlumotlardan tekshirish kunidan boshlab faqat tanishish uchun foydalanadilar.
26. Agar tadbirkorlik subyektining soʻrovi boʻyicha Yagona tizimda roʻyxatga olinmasdan tekshiruv oʻtkazilganligi aniqlansa, Yagona tizim bu haqda vakolatli organning masʼul xodimini avtomatik ravishda xabardor qiladi.
Vakolatli organning masʼul xodimi uch ish kuni ichida Yagona tizimda roʻyxatga olinmasdan oʻtkazilgan tekshiruvlarni oʻrganish natijalari boʻyicha qoʻllanilgan choralar haqida maʼlumotlarni kiritadi.
7-bob. Vakolatli organlarning nazorat qiluvchi organlar bilan oʻzaro hamkorligi
27. Bosh prokuratura Yagona tizimda saqlanadigan barcha maʼlumotlardan, Qoraqalpogʻiston Respublikasi, viloyatlar va Toshkent shahar prokuraturalari tegishli hududga oid maʼlumotlardan foydalanish huquqiga ega.
28. Nazorat qiluvchi organlarning markaziy apparati oʻz tizimi boʻyicha barcha maʼlumotlardan, nazorat qiluvchi organlarning Qoraqalpogʻiston Respublikasi, viloyatlar va Toshkent shahar boʻlinmalari oʻz vakolatlariga taalluqli maʼlumotlardan foydalanadi.
29. Nazorat qiluvchi organlarning markaziy apparati (markaziy boshqarmalar) tomonidan tadbirkorlik subyektlari faoliyatida tekshiruvlar oʻtkazish uchun Bosh prokuraturaga Yagona tizim orqali buyurtma yuboriladi.
30. Nazorat qiluvchi organlarning Qoraqalpogʻiston Respublikasi, viloyatlar va Toshkent shahar boʻlinmalari tomonidan bir kunlik tekshiruvlar boʻyicha buyurtmalar Yagona tizim orqali Qoraqalpogʻiston Respublikasi, viloyatlar va Toshkent shahar prokuraturalariga, bir kundan ortiq boʻlgan tekshiruvlar boʻyicha nazorat qiluvchi organning markaziy apparati orqali Bosh prokuraturaga Yagona tizim orqali kiritiladi.
31. Nazorat qiluvchi organning tuman (shahar) boʻlinmasi tashabbusi bilan oʻtkaziladigan tekshiruvlar buyurtma va tekshiruvga asos boʻlgan hujjatlarni ushbu organning viloyat darajasidagi boʻlinmasiga taqdim etish orqali amalga oshiriladi.
8-bob. Yakuniy qoidalar
32. Nazorat qiluvchi organ tomonidan kiritilgan maʼlumotlar Yagona tizim bilan ishlash jarayonida uning oʻzi tomonidan oʻzgartirilishi mumkin emas.
Kiritilgan maʼlumotni oʻzgartirish yozma ravishda Bosh prokuratura rahbariyati bilan kelishilishi lozim.
33. Mazkur Nizom talablarining buzilishida aybdor boʻlgan shaxslar qonunchilik hujjatlariga muvofiq javobgar boʻladi.
Bosh prokuror O. MURODOV
Toshkent sh.,
2018-yil 31-oktabr,
205-son
Генерального прокурора Республики Узбекистан
Приказ
ПОЛОЖЕНИЕ
Об утверждении Положения о порядке ведения единой системы электронной регистрации проверок
На основании Закона Республики Узбекистан «О прокуратуре» и Указа Президента Республики Узбекистан от 27 июля 2018 года № УП-5490 «О мерах по дальнейшему совершенствованию системы защиты прав и законных интересов субъектов предпринимательства», приказываю:
1. Утвердить Положение о порядке ведения единой системы электронной регистрации проверок согласно приложению .
2. Контроль за исполнением приказа возложить на отраслевого заместителя Генерального прокурора.
3. Настоящий приказ вступает в силу со дня его официального опубликования.
ПРИЛОЖЕНИЕ к приказу Генерального прокурора Республики Узбекистан от 31 октября 2018 года № 205
о порядке ведения единой системы электронной регистрации проверок
Настоящее Положение в соответствии с Указом Президента Республики Узбекистан от 27 июля 2018 года № УП-5490 «О мерах по дальнейшему совершенствованию системы защиты прав и законных интересов субъектов предпринимательства» определяет порядок ведения Единой системы электронной регистрации проверок в деятельности субъектов предпринимательства, контролирующими органами и их территориальными подразделениями (далее — контролирующие органы).
Глава 1. Общие положения
1. В Единую систему электронной регистрации проверок (далее — Единая система) контролирующими органами вводятся заявка, направленная в Генеральную прокуратуру Республики Узбекистан, прокуратуры Республики Каракалпакстан, областей и города Ташкента (далее — уполномоченный орган), для согласования проводимых проверок в деятельности субъектов предпринимательства и их проведения, а также информации о проверках, принятые меры по устранению выявленных нарушений и мониторингу деятельности субъектов предпринимательства.
2. Все проверки в деятельности субъектов предпринимательства, проводимые контролирующими органами, подлежат обязательной регистрации в Единой системе.
Переписки, связанные с согласованием проведения проверок, до начала полного функционирования Единой системы оформляются в бумажной форме.
Обмен информацией о проведении проверок, связанных с государственными секретами, между контролирующими и уполномоченными органами проводятся установленными законодательными актами о защите государственных секретов порядке и не вводятся в Единую систему.
Глава 2. Регистрация в Единой системе
3. Ответственный сотрудник контролирующего органа проходит регистрацию в Единой системе на сайте prokuratura.uz.
4. Логин и пароль для входа в Единую систему, контролирующему органу выдается Генеральной прокуратурой в соответствии с требованиями информационной безопасности и направляется в отдельно запечатанном конверте.
5. Реестр логинов и паролей ведется управлением по надзору за исполнением законодательства в сфере осуществления налоговых и таможенных реформ Генеральной прокуратуры (далее — Управление Генеральной прокуратуры).
6. После регистрации ответственного сотрудника контролирующего органа в Единой системе, Управление Генеральной прокуратуры подтверждает его данные внутри системы.
Подтверждение регистрации в Единой системе проводится в течении одного рабочего дня.
7. Ответственный сотрудник контролирующего органа регистрируется в Единой системе один раз.
8. При смене ответственного сотрудника, логин и пароль в Единой системе передается контролирующим органом новому сотруднику согласно требованиям, установленным внутренними правилами информационной безопасности.
Контролирующий орган в однодневный срок оповещает управление Генеральной прокуратуры об изменении ответственного сотрудника.
9. Логин и пароль ответственному сотруднику уполномоченного органа выдается Управлением Генеральной прокуратуры, который проходит регистрацию на сайте prokuratura.uz в установленном порядке.
Глава 3. Ввод заявки для согласования проверки и ее рассмотрение
10. Для согласования проведения проверки, контролирующий орган вводит в Единую систему соответствующие данные.
11. Заявки на проведение проверок рассматриваются должностным лицом уполномоченного органа в порядке, установленном законодательством.
Заявка рассматривается в течении трех, в чрезвычайных ситуациях одного рабочего дня.
12. При принятии решения уполномоченным органом о согласовании проведения проверки, ответственный сотрудник уполномоченного органа на основании специального номера (кода) выбирает в Единой системе статус «Разрешить».
13. В случае принятия решения об отказе в проведении проверки, ответственный сотрудник уполномоченного органа выбирает статус «Отказано» с указанием конкретных причин отказа.
14. После устранения причин отказа и приведения данных в соответствие с требованиями, заявка на проведение проверок оформляется заново.
15. После регистрации заявки в Единой системе и получения для проверки специального номера (кода) контролирующий орган организует проверку в деятельности субъектов предпринимательства.
Глава 4. Ввод результатов проведенных проверок в Единую систему
16. Контролирующий орган обязан вносить в Единую систему в течении трех рабочих дней после завершения проверки сведения о нарушениях, указанных в составленном по итогам проверки акте, а также сведения о принятых мерах в отношении субъектов предпринимательства (письменное указание, протокол об административном правонарушении, решения о применении финансовых и экономических штрафов, решения суда и другие) — не позднее трех рабочих дней после их применения.
Сведения о результатах проверок, проводимых по согласованию с Генеральной прокуратурой, вносятся в Единую систему центральным аппаратом контролирующего органа, сведения о результатах проверок, проводимых по согласованию с прокуратурами Республики Каракалпакстан, областей и города Ташкента, вносятся соответствующим территориальным отделением контролирующего органа.
Соответствующим контролирующим органом должны быть внесены в Единую систему сведения об отмене или изменении мер реагирования, примененные в отношении субъектов предпринимательства.
17. Сведения о банковских тайнах, выявленные в ходе проверки, не вводятся в Единую систему.
Глава 5. Ввод в Единую систему проверок, проводимых в порядке уведомления
18. Для проведения проверок, предусмотренных в Перечне проверок, проводимых в порядке уведомления уполномоченного органа путем их регистрации в Единой системе электронной регистрации проверок, утвержденного Указом Президента Республики Узбекистан от 27 июля 2018 года № УП-5490 (далее — перечень проверок, проводимых в порядке уведомления), контролирующий орган вводит данные в Единую систему согласно пункту 21 настоящего Положения.
19. После ввода в Единую систему данных о проведении проверки в порядке уведомления, автоматически генерируется специальный номер (код) без проверки правильности введенных данных.
20. Проверка осуществляется после ввода в Единую систему приказа контролирующего органа о проведении проверки, а также документов, подтверждающих достоверные данные либо графика, утвержденного по проведению проверки.
21. Уведомление уполномоченного органа о проверках, проводимых двумя и более контролирующими органами, указанных в перечне проверок, проводимых в порядке уведомления, осуществляется каждым органом по отдельности.
22. Проведение проверок на основании обращений физических и юридических лиц по вопросам, указанным в перечне проверок, проводимых в порядке уведомления, осуществляется в порядке уведомления уполномоченного органа.
В случае, если в обращениях физических и юридических лиц приведены несколько вопросов, по одному из которых требуется проведение проверки по согласованию, проверка проводится по согласованию с уполномоченным органом.
Глава 6. Доступ субъектов предпринимательства к Единой системе
23. Субъекты предпринимательства на основании собственных запросов могут получать информацию о проводимой проверке в виде коротких сообщений (SMS) и в режиме реального времени через сеть Интернет.
24. Для получения такой информации, субъект предпринимательства проходит регистрацию в Единой системе.
25. Единая система автоматически сверяет наличие в системе данных о соответствующем субъекте предпринимательства.
В случае, если введенные данные верны, со дня проведения проверки субъекту предпринимательства будут доступны только для ознакомления, данные о проверке, органах, осуществляющих проверку, а также обо всех проведенных проверках.
26. В случае установления по запросу субъекта предпринимательства факта о проведении проверки без регистрации в Единой системе, Единая система автоматически уведомляет об этом ответственного сотрудника уполномоченного органа.
Ответственный сотрудник уполномоченного органа в течение трех рабочих дней вводит данные о принятых мерах по итогам изучения проверок, проведенных без регистрации в Единой системе.
Глава 7. Взаимодействие уполномоченных органов с контролирующими органами
27. Генеральная прокуратура имеет право пользоваться всеми данными, хранящимися в Единой системе, прокуратуры Республики Каракалпакстан, областей и города Ташкента — данными, относящимися соответствующей территории.
28. Центральный аппарат контролирующего органа пользуется всеми данными своей структуры, отделения контролирующих органов в Республике Каракалпакстан, областях и городе Ташкенте — данными, относящимися к их компетенции.
29. Центральным аппаратом (центральными управлениями) контролирующего органа заявка для проведения проверки в деятельности субъектов предпринимательства направляется в Генеральную прокуратуру.
30. Отделениями контролирующих органов в Республике Каракалпакстан, областях и городе Ташкенте заявки по однодневным проверкам направляются в прокуратуры Республики Каракалпакстан, областей и города Ташкента, заявки по проверкам, превышающим одного дня, направляются через центральный аппарат контролирующего органа в Генеральную прокуратуру.
31. Проверки, проводимые по инициативе районных (городских) отделений контролирующих органов, осуществляются путем направления заявки и документов, послуживших основанием для проверки, в их областные отделения.
Глава 8. Заключительные положения
32. Данные, введенные контролирующим органом, не могут быть изменены данным органом в процессе работы с Единой системой.
Изменение введенных данных должно быть согласовано с руководством Генеральной прокуратуры в письменной форме.
33. Лица, виновные в нарушении требований настоящего Положения, несут ответственность в порядке, установленном законодательством.
Генеральный прокурор О. МУРОДОВ
г. Ташкент,
31 октября 2018 г.,
№ 205