📅 2018-yil 1-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 1 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 1 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
рўйхати *
ПРОГНОЗ ПАРАМЕТРЛАРИ
РЎЙХАТИ
Тошкент вилоятининг Қуйи Чирчиқ туманида замонавий агросаноат кластерини ташкил этиш чора-тадбирлари тўғрисида
Таркибий ислоҳотларни янада чуқурлаштириш ва қишлоқ хўжалигида кластер ишлаб чиқаришини ривожлантиришга тўғридан-тўғри инвестициялар жалб этиш, пахта хомашёси, бошоқли дон ва бошқа маҳсулотларни етиштиришнинг самарали усулларини жорий қилиш, юқори қўшилган қийматли рақобатбардошли маҳсулотларни етиштириш ва чуқур қайта ишлашни ташкил этиш ҳамда шу асосда аграр секторда иш унумдорлигини ва меҳнатга ҳақ тўлашни ошириш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ хўжалиги вазирлиги, Иқтисодиёт вазирлиги, Молия вазирлиги, Ўзбекистон фермер, деҳқон хўжаликлари ва томорқа ер эгалари кенгаши, Тошкент вилояти ҳокимлиги, «Paraglide limited» (Буюк Британия), «Петромаруз Капитал» («Pm kapital» — Россия Федерацияси) компанияларининг:
Тошкент вилоятининг Қуйи Чирчиқ туманида тўғридан-тўғри хорижий инвестицияларни, халқаро молия институтларининг (кейинги ўринларда ХМИ деб аталади) маблағларини, хорижий банкларнинг кредит линиялари ва тижорат банкларининг кредитларини жалб этиш ҳисобига пахта хомашёси, бошоқли дон ва бошқа қишлоқ хўжалиги маҳсулотларини етиштириш, уларни чуқур қайта ишлаш бўйича ишлаб чиқаришларни, шунингдек, чорвачилик ҳамда балиқчилик комплекслари ташкил этишни назарда тутувчи агросаноат кластери ташкил қилиш лойиҳасини амалга ошириш;
хорижий инвестициялар иштирокида масъулияти чекланган жамият шаклидаги «Tashkent Сotton Textile cluster» корхонасини (кейинги ўринларда «ТСТ cluster» МЧЖ деб аталади) ташкил этиш;
«ТСТ cluster» МЧЖни ташкил қилиш ва унинг таркибига 1-иловага мувофиқ рўйхат бўйича агросаноат корхоналарини киритиш тўғрисидаги таклифларига розилик берилсин.
2. «TCT cluster» МЧЖнинг дастлабки устав капитали «Paraglide limited» (Буюк Британия), «Петромаруз Капитал» («Pm kapital» — Россия Федерацияси) компанияларининг бадаллари ҳисобига шакллантирилиши маълумот учун қабул қилинсин.
3. Тошкент вилояти ҳокимлиги, Ўзбекистон Республикаси Қишлоқ хўжалиги вазирлиги ва «Ўзбекбалиқсаноат» уюшмасининг:
«ТСТ cluster» МЧЖ таркибига кирадиган агросаноат корхоналарига (кейинги ўринларда агрокорхоналар деб аталади) пахта хомашёси, бошоқли дон ва бошқа маҳсулотларни, шунингдек, чорвачилик ҳамда балиқчилик маҳсулотлари етиштиришни ташкил қилиш учун Тошкент вилоятининг Қуйи Чирчиқ туманида доимий эгалик қилиш ҳамда фойдаланиш ҳуқуқи билан 35,4 минг гектар суғориладиган ер ва 3,1 минг гектар балиқчилик кўллари ажратиш;
кенг турдаги балиқ маҳсулотларини етиштириш, қайта ишлаш ва сотиш, шу жумладан, экспорт қилиш бўйича замонавий комплекс ташкил қилиш учун собиқ «Балиқчи» АЖ мулкий комплексини, янги иш ўринлари ташкил этиш ва 8,2 млн АҚШ доллари миқдорида инвестициялар киритиш шарти билан, «ТСТ cluster» МЧЖга «ноль» қийматида сотиш тўғрисидаги таклифларига розилик берилсин.
4. Қуйидагилар:
«ТСТ cluster» МЧЖ ва унинг таркибига кирадиган агросаноат корхоналари томонидан 2019 — 2023 йилларда амалга ошириладиган инвестиция лойиҳаларининг прогноз параметрлари 2-иловага мувофиқ;
2019 — 2022 йилларда Тошкент вилоятининг Қуйи Чирчиқ туманида балиқчиликни ривожлантириш бўйича инвестиция лойиҳаларининг рўйхати 3-иловага мувофиқ маъқуллансин.
5. Тошкент вилояти ҳокимлиги Ўзбекистон Республикаси Қишлоқ хўжалиги вазирлиги, Ер ресурслари, геодезия, картография ва давлат кадастри давлат қўмитаси, Ўзбекистон фермер, деҳқон хўжаликлари ва томорқа ер эгалари кенгаши билан биргаликда:
2018 йил 10 декабргача бўлган муддатда — ушбу қарорга 2 ва 3-иловаларда назарда тутилган инвестиция лойиҳаларини амалга ошириш учун Тошкент вилоятининг Қуйи Чирчиқ туманида умумий майдони 33,6 минг гектар бўлган ер участкалари ажратилишини таъминласин;
икки ой муддатда — тумандаги қолган 4,9 минг гектар суғориладиган ерларни улардан фойдаланиш самарадорлигини баҳолаш юзасидан хатловдан ўтказсин ҳамда нооқилона фойдаланиш ва (ёки) истиқболли ривожланиш режалари мавжуд бўлмаган ҳолатлар аниқланганда — «ТСТ cluster» МЧЖга берсин;
2019 йил 1 январгача бўлган муддатда — ушбу қарорга 2 ва 3-иловаларда назарда тутилган инвестиция лойиҳаларини амалга ошириш учун агрокорхоналарга суғорилмайдиган ер участкалари ажратилишини таъминласин.
Белгилансинки, қабул қилинган инвестиция мажбуриятлари бажарилмаганда, ушбу қарорга асосан берилган ер участкаларидан фойдаланилмаган ёки белгиланган мақсадда фойдаланилмаганда, улардан нооқилона ёхуд тупроқ унумдорлигининг пасайишига олиб келадиган, кимёвий ва радиоактив ифлослантирадиган ҳамда экологик вазиятни ёмонлаштирадиган усулларда фойдаланилганда ушбу ерларга доимий эгалик қилиш ва улардан фойдаланиш ҳуқуқи Ўзбекистон Республикасининг ер тўғрисидаги қонун ҳужжатлари талабларига мувофиқ тўхтатилади.
6. Агрокорхоналарга ҳудудлар шароитларига мувофиқ пахта ва бошоқли дон экинлари навларини мустақил равишда жойлаштириш, экинларни илмий асосланган тарзда алмашлаб экиш, сувни ва ресурсларни тежайдиган технологияларни жорий этиш ҳуқуқи берилсин.
7. Белгилаб қўйилсинки:
«ТСТ cluster» МЧЖ агрокорхоналарнинг маблағларини Ўзбекистон Республикаси миллий валютасида жамлаш ва кейинчалик бу маблағларни молия-хўжалик фаолиятини амалга ошириш ҳамда ишлаб чиқаришни ривожлантириш учун улар ўртасида тақсимлаш ҳуқуқига эга;
8. Ўзбекистон Республикаси Молия вазирлиги:
Ўзбекистон Республикаси Сув хўжалиги вазирлиги билан биргаликда жорий йилдан бошлаб ҳар йили Тошкент вилоятининг Қуйи Чирчиқ туманидаги ирригация тармоғини капитал таъмирлаш ва қайта тиклаш учун марказлаштирилган капитал қўйилмалар лимитларини назарда тутсин.
9. «Ўзсаноатқурилишбанк» АТБга «ТСТ cluster» МЧЖнинг инвестиция лойиҳаларини молиялаштириш учун:
Ўзбекистон Республикаси Ташқи иқтисодий фаолият миллий банки ва «Ипотека банк» АТИБ билан биргаликда банк синдикатини ташкил этиш ва «Ўзсаноатқурилишбанк» АТБни етакчи банк деб белгилаш;
«ТСТ cluster» МЧЖ ва агрокорхоналарнинг инвестиция лойиҳалари техник-иқтисодий асослари инобатга олинган ҳолда ушбу қарорга 2-иловада назарда тутилган лойиҳаларни биргаликда молиялаштириш учун халқаро молия институтлари маблағлари, хорижий банкларнинг кредит линиялари ҳисобига узоқ муддатли синдикатланган валюта кредитлари, шу жумладан, еврода кредитлар ажратиш;
ҳисобланган фоизлар бўйича имтиёзли даврни қўллаган ҳолда қайта молиялаштирадиган банкнинг йиллик 2 фоиздан кўп бўлмаган миқдордаги маржасини белгилаш;
олиб келинадиган ускуналар, техника ва механизмларни, шунингдек, суғурта полислари ва учинчи шахслар кафиллигини кредитлар бўйича талаб этиладиган кафолат таъминоти сифатида қабул қилиш тавсия этилсин.
10. Тошкент вилояти ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзпахтасаноат» АЖнинг:
«Мустақиллик пахта тозалаш» АЖнинг бино ва иншоотлари ҳамда унинг пахта тайёрлаш пунктларини 5 йил муддатда бўлиб-бўлиб тўлаш шарти билан бозор нархида;
ушбу қарорга 2 ва 3-иловаларда назарда тутилган инвестиция лойиҳаларини жойлаштириш учун бўш турган давлат объектларини «ноль» харид қийматида «ТСТ cluster» МЧЖга сотиш тўғрисидаги таклифига розилик берилсин.
Тошкент вилояти ҳокимлиги Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда хатлов натижаларини ҳисобга олган ҳолда давлат мулки бўлган бўш турган обьектларни Тошкент вилояти ҳокимининг қарорига асосан кейинчалик «ТСТ cluster» МЧЖга инвестиция мажбуриятлари билан «ноль» харид қийматида сотиш учун уларнинг рўйхатини бир ой муддатда Вазирлар Маҳкамасига киритсин.
11. «ТСТ cluster» МЧЖ ва агрокорхоналар томонидан ўз ишлаб чиқариш эҳтиёжлари учун белгиланган тартибда шакллантириладиган рўйхатлар бўйича олиб келинадиган ускуналар, махсус транспорт воситалари, қишлоқ хўжалиги техникаси, эҳтиёт қисмлар ва бутловчи буюмлар, моддий-техника ресурслари, хомашё, материаллар ҳамда ўсимликлар 2022 йил 1 январгача божхона тўловларидан (божхона йиғимларидан ташқари) озод қилинсин.
12. «Ўзбекэнерго» АЖ, «Ўзтрансгаз» АЖ агрокорхоналарнинг ишлаб чиқариш майдонлари лойиҳа ташаббускорларининг маблағлари ҳисобига ташқи муҳандислик-коммуникация тармоқларига уланишини таъминласин.
13. Ўзбекистон Республикаси Ахборот технологиялари ва коммуникацияларини ривожлантириш вазирлиги «ТСТ cluster» МЧЖ буюртманомаларига биноан ушбу қарорга 2-иловада назарда тутилган инвестиция лойиҳаларини амалга ошириш доирасида радиоэлектрон воситалар ва юқори частотали қурилмалардан фойдаланишга белгиланган тартибда рухсат берсин.
14. Ўзбекистон Республикаси Ташқи ишлар вазирлиги «ТСТ cluster» МЧЖ буюртманомаларига биноан инвестиция лойиҳаларини амалга оширишда иштирок этадиган хорижий мутахассисларга кўп марталик кириш визалари расмийлаштирилишини таъминласин.
15. Ўзбекистон Республикаси Ички ишлар вазирлиги «ТСТ cluster» МЧЖ буюртманомалари бўйича инвестиция лойиҳаларини амалга оширишда иштирок этадиган хорижий мутахассисларга визалар берилишини ва уларнинг муддати узайтирилишини, шунингдек, улар Ўзбекистон Республикасида яшаш жойида вақтинчалик рўйхатдан ўтказилишини ҳамда вақтинчалик рўйхатдан ўтказиш муддати узайтирилишини таъминласин.
16. Ўзбекистон Республикаси Бандлик ва меҳнат муносабатлари вазирлиги «ТСТ cluster» МЧЖ буюртманомаларига биноан инвестиция лойиҳаларини амалга оширишда иштирок учун малакали хорижий мутахассисларни Ўзбекистон Республикасига жалб этишга рухсатномалар белгиланган тартибда берилишини (муддати узайтирилишини) таъминласин.
17. Вазирлар Маҳкамасининг «Балиқ ишлаб чиқарувчи» эркин иқтисодий зонаси фаолиятини ташкил этиш чора-тадбирлари тўғрисида» 2018 йил 20 августдаги 677-сон қарори (Ўзбекистон Республикаси ҚҲТ, 2018 й., 34-сон, 695-модда) ўз кучини йўқотган деб ҳисоблансин.
18. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.С. Отажонов ва Ўзбекистон Республикаси Бош вазирининг ўринбосари — Молия вазири Ж.А. Қўчқоров зиммасига юклансин.
Вазирлар Маҳкамасининг 2018 йил 1 декабрдаги 974-сон қарорига 1-ИЛОВА
«ТСТ cluster» МЧЖ ва унинг таркибига кирадиган агросаноат корхоналарининг
1. Пахта хомашёси, бошоқли дон ва бошқа қишлоқ хўжалиги маҳсулотларини етиштирадиган агрокорхоналар.
2. Пахта хомашёсини қайта ишлаш ва чигит тайёрлаш корхоналари.
3. Пахта толасини чуқур қайта ишлаш, тайёр тўқимачилик ва тикувчилик буюмлари ишлаб чиқарадиган тўқимачилик комплекси.
4. Боғдорчилик хўжалиги (мева-сабзавотларни қайта ишлаш ва сақлаш).
5. Ёғ-мой маҳсулотлари ишлаб чиқариш корхоналари.
6. Балиқни кўпайтириш ва қайта ишлаш комплекси.
7. Дон экинларини чуқур қайта ишлаш корхоналари.
8. Чорвачилик комплекси (сут ва гўшт етиштириш ҳамда уларни қайта ишлаш).
9. Чорвачилик комплекси чиқиндиларидан биогаз ва биогумус ишлаб чиқариш корхоналари.
10. Сабзавотлар ва кўкатлар етиштириш корхоналари (замонавий иссиқхона комплекси).
Вазирлар Маҳкамасининг 2018 йил 1 декабрдаги 974-сон қарорига 2-ИЛОВА
«ТСТ cluster» МЧЖ ва унинг таркибига кирадиган агросаноат корхоналари томонидан 2019 — 2023 йилларда амалга ошириладиган инвестиция лойиҳаларининг
Т/р Инвестиция лойиҳасининг номи * Лойиҳанинг ҳисоблаб чиқилган қиймати (эквивалентда млн. доллар) Жумладан: Ҳисоблаб чиқилган йиллик қувват Амалга ошириш муддатлари халқаро молия институтларининг маблағлари (млн. доллар) ** лойиҳа ташаббускорининг ўз маблағлари (млн . доллар) 1. Пахта хомашёси ва дон маҳсулотларини етиштириш ҳамда йиғиб олиш учун қишлоқ хўжалиги техникаси ва мелиорация ҳамда ирригация тармоқларини капитал ва жорий таъмирлаш учун агрокорхоналаргамахсус техника харид қилиш. 28,3 24,0 4,3 12 та К700 русумли трактор, 176 та ҳайдов трактори, 15 та пахта териш машинаси, 40 такомбайн, 200 та таркама, 15 та махсус техника, 195 та бошқа техника ва механизмлар 2019-2020 йиллар 2. Пахта хомашёсини етиштириш ва дастлабки ишлов бериш ҳамда чигит тайёрлашни ташкил қилиш. 3,5 3,0 0,5 7,8 минг тонна пахта толаси, 12,2 минг тонна чигит 2019-2020 йиллар 3. Пахта толасини чуқур қайта ишлаш, тайёр тўқимачилик ва тикувчилик буюмлари ишлаб чиқарадиган тўқимачилик комплекси ташкил этиш. 88,2 75,0 13,2 6,6 минг тонна ип, 8 млнп.м. газлама, 3 млнта тайёр буюмлар 2019 — 2021 йиллар 4. Боғдорчилик хўжалигини ташкил қилиш, унинг маҳсулотларини қайта ишлаш ҳамда сақлаш. 8,2 7,0 1,2 майдони- 100 га ер, 5,0 минг тонна маҳсулотни қайта ишлаш ва сақлаш 2019 — 2022 йиллар 5. Ёғ-мой маҳсулотлари ишлаб чиқаришни ташкил қилиш. 4,7 4,0 0,7 2,2 минг тонна ёғ, 5,6 минг тонна кунжара, 3,8 минг тонна шулха 2020-2021 йиллар 6. Балиқларни кўпайтириш ва қайта ишлаш комплексини ташкил қилиш. 8,2 7,0 1,2 3,0 минг га ер, 10 минг тонна балиқ 2021-2022 йиллар 7. Дон экинларини чуқур қайта ишловчи ишлаб чиқаришни ташкил қилиш. 10,6 9,0 1,6 36,5 минг тонна ун, 50 минг тонна озуқа 2022-2023 йиллар 8. Чорвачилик комплексини ташкил қилиш, сут ва гўшт етиштириш ҳамда уларни қайта ишлаш. 45,9 39,0 6,9 10 минг бош қорамол, 2,0 минг тонна гўшт ва гўшт маҳсулотлари, 35 минг тонна сут маҳсулотлари 2022-2023 йиллар 9. Чорвачилик комплекси чиқиндиларидан биогаз ва биогумус ишлаб чиқаришни ташкил қилиш. 5,9 5,0 0,9 140 минг тонна биогумус, 4,2 млн м 3 биогаз 2022-2023 йиллар 10. Сабзавотлар ва кўкатлар етиштириш бўйича замонавий иссиқхона комплексини ташкил қилиш. 14,1 12,0 2,1 20 га ер 2022-2023 йиллар Жами: 217,6 185,0 32,6
Вазирлар Маҳкамасининг 2018 йил 1 декабрдаги 974-сон қарорига 3-ИЛОВА
2019 — 2022 йилларда Тошкент вилоятининг Қуйи Чирчиқ туманида балиқчиликни ривожлантириш бўйича инвестиция лойиҳалари
Т/р Инвестиция лойиҳасининг номи Ҳисоблаб чиқилган қиймат * (млн. доллар) Йиллик қувват Амалга ошириш муддатлари 1. Мавжуд техника паркини модернизация қилиш ва ҳовуз фондининг мелиоратив ҳолатини яхшилаш. 3,0 10 минг тоннатовар балиқлар етиштириш 2019-2020 йиллар 2. Балиқларни кўпайтиришнинг интенсив технологияларини жорий қилиш ва балиқлар озиқланадиган ўсимликларни зич жойлаштириш усулларини қўллаш ҳисобига кўллар маҳсулдорлигини ошириш. 2,0 Маҳсулдорлик — гектаридан 60 центнер 2019-2020 йиллар 3. Она балиқларнинг янги зотларини кўпайтириш ва она балиқлар сонини 5,0 мингтагача ошириш, сув ҳамда балиқ ҳолатини таҳлил қилиш бўйича ихтиопатологик ва гидрокимёвий лабораториялар ташкил қилиш. 0,7 5,0 минг тонна балиқлар 2020 йиллар 4. Балиқ маҳсулотларини қайта ишлашни ташкил қилиш: ярим тайёр маҳсулотлар (лаҳм, нимталанган гўшт), қуритилган ва дудланган маҳсулот, шунингдек, балиқ пресервлари; балиқ консервалари ишлаб чиқариш; балиқ уни ишлаб чиқариш. 1,5 Ишлаб чиқариш ҳажми — 10 минг тонна, жумладан: 5,0 минг тонна — тирик балиқ; 820 тонна — тайёр консервалар; 670 тонна — ярим тайёр маҳсулотлар ва пресервлар; 500 тонна — дудланган маҳсулот; 250 тонна — балиқ уни. 2020 — 2022 йиллар 5. Экотуризм инфратузилмасини, жумладан, мавжуд коттежларни капитал таъмирлаш ҳамда янги объектларбарпо этиш орқалиқайта тиклаш ва ривожлантириш. 1,0 32 кишига мўлжалланган 8 та коттежни реконструкция қилиш, экотуризмзонаси ташкил қилиш, ҳудудларни ободонлаштириш 2020-2021 йиллар Жами: 8,2
Ўзбекистон Республикасининг Бош вазири А. АРИПОВ
Тошкент ш.,
2018 йил 1 декабрь,
974-сон
Oʻzbekiston Respublikasi Vazirlar Mahkamasining
qarori
roʻyxati *
PROGNOZ PARAMETRLARI
ROʻYXATI
Toshkent viloyatining Quyi Chirchiq tumanida zamonaviy agrosanoat klasterini tashkil etish chora-tadbirlari toʻgʻrisida
Tarkibiy islohotlarni yanada chuqurlashtirish va qishloq xoʻjaligida klaster ishlab chiqarishini rivojlantirishga toʻgʻridan toʻgʻri investitsiyalar jalb etish, paxta xomashyosi, boshoqli don va boshqa mahsulotlarni yetishtirishning samarali usullarini joriy qilish, yuqori qoʻshilgan qiymatli raqobatbardoshli mahsulotlarni yetishtirish va chuqur qayta ishlashni tashkil etish hamda shu asosda agrar sektorda ish unumdorligini va mehnatga haq toʻlashni oshirish maqsadida Vazirlar Mahkamasi qaror qiladi:
1. Oʻzbekiston Respublikasi Qishloq xoʻjaligi vazirligi, Iqtisodiyot vazirligi, Moliya vazirligi, Oʻzbekiston fermer, dehqon xoʻjaliklari va tomorqa yer egalari kengashi, Toshkent viloyati hokimligi, “Paraglide limited” (Buyuk Britaniya), “Petromaruz Kapital” (“Pm kapital” — Rossiya Federatsiyasi) kompaniyalarining:
Toshkent viloyatining Quyi Chirchiq tumanida toʻgʻridan toʻgʻri xorijiy investitsiyalarni, xalqaro moliya institutlarining (keyingi oʻrinlarda XMI deb ataladi) mablagʻlarini, xorijiy banklarning kredit liniyalari va tijorat banklarining kreditlarini jalb etish hisobiga paxta xomashyosi, boshoqli don va boshqa qishloq xoʻjaligi mahsulotlarini yetishtirish, ularni chuqur qayta ishlash boʻyicha ishlab chiqarishlarni, shuningdek, chorvachilik hamda baliqchilik komplekslari tashkil etishni nazarda tutuvchi agrosanoat klasteri tashkil qilish loyihasini amalga oshirish;
xorijiy investitsiyalar ishtirokida masʼuliyati cheklangan jamiyat shaklidagi “Tashkent Sotton Textile cluster” korxonasini (keyingi oʻrinlarda “TST cluster” MChJ deb ataladi) tashkil etish;
“TST cluster” MChJni tashkil qilish va uning tarkibiga 1-ilovaga muvofiq roʻyxat boʻyicha agrosanoat korxonalarini kiritish toʻgʻrisidagi takliflariga rozilik berilsin.
2. “TCT cluster” MChJning dastlabki ustav kapitali “Paraglide limited” (Buyuk Britaniya), “Petromaruz Kapital” (“Pm kapital” — Rossiya Federatsiyasi) kompaniyalarining badallari hisobiga shakllantirilishi maʼlumot uchun qabul qilinsin.
3. Toshkent viloyati hokimligi, Oʻzbekiston Respublikasi Qishloq xoʻjaligi vazirligi va “Oʻzbekbaliqsanoat” uyushmasining:
“TST cluster” MChJ tarkibiga kiradigan agrosanoat korxonalariga (keyingi oʻrinlarda agrokorxonalar deb ataladi) paxta xomashyosi, boshoqli don va boshqa mahsulotlarni, shuningdek, chorvachilik hamda baliqchilik mahsulotlari yetishtirishni tashkil qilish uchun Toshkent viloyatining Quyi Chirchiq tumanida doimiy egalik qilish hamda foydalanish huquqi bilan 35,4 ming gektar sugʻoriladigan yer va 3,1 ming gektar baliqchilik koʻllari ajratish;
keng turdagi baliq mahsulotlarini yetishtirish, qayta ishlash va sotish, shu jumladan, eksport qilish boʻyicha zamonaviy kompleks tashkil qilish uchun sobiq “Baliqchi” AJ mulkiy kompleksini, yangi ish oʻrinlari tashkil etish va 8,2 mln AQSh dollari miqdorida investitsiyalar kiritish sharti bilan, “TST cluster” MChJga “nol” qiymatida sotish toʻgʻrisidagi takliflariga rozilik berilsin.
4. Quyidagilar:
“TST cluster” MChJ va uning tarkibiga kiradigan agrosanoat korxonalari tomonidan 2019 — 2023-yillarda amalga oshiriladigan investitsiya loyihalarining prognoz parametrlari 2-ilovaga muvofiq;
2019 — 2022-yillarda Toshkent viloyatining Quyi Chirchiq tumanida baliqchilikni rivojlantirish boʻyicha investitsiya loyihalarining roʻyxati 3-ilovaga muvofiq maʼqullansin.
5. Toshkent viloyati hokimligi Oʻzbekiston Respublikasi Qishloq xoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi, Oʻzbekiston fermer, dehqon xoʻjaliklari va tomorqa yer egalari kengashi bilan birgalikda:
2018-yil 10-dekabrgacha boʻlgan muddatda — ushbu qarorga 2 va 3-ilovalarda nazarda tutilgan investitsiya loyihalarini amalga oshirish uchun Toshkent viloyatining Quyi Chirchiq tumanida umumiy maydoni 33,6 ming gektar boʻlgan yer uchastkalari ajratilishini taʼminlasin;
ikki oy muddatda — tumandagi qolgan 4,9 ming gektar sugʻoriladigan yerlarni ulardan foydalanish samaradorligini baholash yuzasidan xatlovdan oʻtkazsin hamda nooqilona foydalanish va (yoki) istiqbolli rivojlanish rejalari mavjud boʻlmagan holatlar aniqlanganda — “TST cluster” MChJga bersin;
2019-yil 1-yanvargacha boʻlgan muddatda — ushbu qarorga 2 va 3-ilovalarda nazarda tutilgan investitsiya loyihalarini amalga oshirish uchun agrokorxonalarga sugʻorilmaydigan yer uchastkalari ajratilishini taʼminlasin.
Belgilansinki, qabul qilingan investitsiya majburiyatlari bajarilmaganda, ushbu qarorga asosan berilgan yer uchastkalaridan foydalanilmagan yoki belgilangan maqsadda foydalanilmaganda, ulardan nooqilona yoxud tuproq unumdorligining pasayishiga olib keladigan, kimyoviy va radioaktiv ifloslantiradigan hamda ekologik vaziyatni yomonlashtiradigan usullarda foydalanilganda ushbu yerlarga doimiy egalik qilish va ulardan foydalanish huquqi Oʻzbekiston Respublikasining yer toʻgʻrisidagi qonun hujjatlari talablariga muvofiq toʻxtatiladi.
6. Agrokorxonalarga hududlar sharoitlariga muvofiq paxta va boshoqli don ekinlari navlarini mustaqil ravishda joylashtirish, ekinlarni ilmiy asoslangan tarzda almashlab ekish, suvni va resurslarni tejaydigan texnologiyalarni joriy etish huquqi berilsin.
7. Belgilab qoʻyilsinki:
“TST cluster” MChJ agrokorxonalarning mablagʻlarini Oʻzbekiston Respublikasi milliy valyutasida jamlash va keyinchalik bu mablagʻlarni moliya-xoʻjalik faoliyatini amalga oshirish hamda ishlab chiqarishni rivojlantirish uchun ular oʻrtasida taqsimlash huquqiga ega;
8. Oʻzbekiston Respublikasi Moliya vazirligi:
Oʻzbekiston Respublikasi Suv xoʻjaligi vazirligi bilan birgalikda joriy yildan boshlab har yili Toshkent viloyatining Quyi Chirchiq tumanidagi irrigatsiya tarmogʻini kapital taʼmirlash va qayta tiklash uchun markazlashtirilgan kapital qoʻyilmalar limitlarini nazarda tutsin.
9. “Oʻzsanoatqurilishbank” ATBga “TST cluster” MChJning investitsiya loyihalarini moliyalashtirish uchun:
Oʻzbekiston Respublikasi Tashqi iqtisodiy faoliyat milliy banki va “Ipoteka bank” ATIB bilan birgalikda bank sindikatini tashkil etish va “Oʻzsanoatqurilishbank” ATBni yetakchi bank deb belgilash;
“TST cluster” MChJ va agrokorxonalarning investitsiya loyihalari texnik-iqtisodiy asoslari inobatga olingan holda ushbu qarorga 2-ilovada nazarda tutilgan loyihalarni birgalikda moliyalashtirish uchun xalqaro moliya institutlari mablagʻlari, xorijiy banklarning kredit liniyalari hisobiga uzoq muddatli sindikatlangan valyuta kreditlari, shu jumladan, yevroda kreditlar ajratish;
hisoblangan foizlar boʻyicha imtiyozli davrni qoʻllagan holda qayta moliyalashtiradigan bankning yillik 2 foizdan koʻp boʻlmagan miqdordagi marjasini belgilash;
olib kelinadigan uskunalar, texnika va mexanizmlarni, shuningdek, sugʻurta polislari va uchinchi shaxslar kafilligini kreditlar boʻyicha talab etiladigan kafolat taʼminoti sifatida qabul qilish tavsiya etilsin.
10. Toshkent viloyati hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻzpaxtasanoat” AJning:
“Mustaqillik paxta tozalash” AJning bino va inshootlari hamda uning paxta tayyorlash punktlarini 5 yil muddatda boʻlib-boʻlib toʻlash sharti bilan bozor narxida;
ushbu qarorga 2 va 3-ilovalarda nazarda tutilgan investitsiya loyihalarini joylashtirish uchun boʻsh turgan davlat obyektlarini “nol” xarid qiymatida “TST cluster” MChJga sotish toʻgʻrisidagi taklifiga rozilik berilsin.
Toshkent viloyati hokimligi Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda xatlov natijalarini hisobga olgan holda davlat mulki boʻlgan boʻsh turgan obyektlarni Toshkent viloyati hokimining qaroriga asosan keyinchalik “TST cluster” MChJga investitsiya majburiyatlari bilan “nol” xarid qiymatida sotish uchun ularning roʻyxatini bir oy muddatda Vazirlar Mahkamasiga kiritsin.
11. “TST cluster” MChJ va agrokorxonalar tomonidan oʻz ishlab chiqarish ehtiyojlari uchun belgilangan tartibda shakllantiriladigan roʻyxatlar boʻyicha olib kelinadigan uskunalar, maxsus transport vositalari, qishloq xoʻjaligi texnikasi, ehtiyot qismlar va butlovchi buyumlar, moddiy-texnika resurslari, xomashyo, materiallar hamda oʻsimliklar 2022-yil 1-yanvargacha bojxona toʻlovlaridan (bojxona yigʻimlaridan tashqari) ozod qilinsin.
12. “Oʻzbekenergo” AJ, “Oʻztransgaz” AJ agrokorxonalarning ishlab chiqarish maydonlari loyiha tashabbuskorlarining mablagʻlari hisobiga tashqi muhandislik-kommunikatsiya tarmoqlariga ulanishini taʼminlasin.
13. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “TST cluster” MChJ buyurtmanomalariga binoan ushbu qarorga 2-ilovada nazarda tutilgan investitsiya loyihalarini amalga oshirish doirasida radioelektron vositalar va yuqori chastotali qurilmalardan foydalanishga belgilangan tartibda ruxsat bersin.
14. Oʻzbekiston Respublikasi Tashqi ishlar vazirligi “TST cluster” MChJ buyurtmanomalariga binoan investitsiya loyihalarini amalga oshirishda ishtirok etadigan xorijiy mutaxassislarga koʻp martalik kirish vizalari rasmiylashtirilishini taʼminlasin.
15. Oʻzbekiston Respublikasi Ichki ishlar vazirligi “TST cluster” MChJ buyurtmanomalari boʻyicha investitsiya loyihalarini amalga oshirishda ishtirok etadigan xorijiy mutaxassislarga vizalar berilishini va ularning muddati uzaytirilishini, shuningdek, ular Oʻzbekiston Respublikasida yashash joyida vaqtinchalik roʻyxatdan oʻtkazilishini hamda vaqtinchalik roʻyxatdan oʻtkazish muddati uzaytirilishini taʼminlasin.
16. Oʻzbekiston Respublikasi Bandlik va mehnat munosabatlari vazirligi “TST cluster” MChJ buyurtmanomalariga binoan investitsiya loyihalarini amalga oshirishda ishtirok uchun malakali xorijiy mutaxassislarni Oʻzbekiston Respublikasiga jalb etishga ruxsatnomalar belgilangan tartibda berilishini (muddati uzaytirilishini) taʼminlasin.
17. Vazirlar Mahkamasining “Baliq ishlab chiqaruvchi” erkin iqtisodiy zonasi faoliyatini tashkil etish chora-tadbirlari toʻgʻrisida” 2018-yil 20-avgustdagi 677-son qarori (Oʻzbekiston Respublikasi QHT, 2018-y., 34-son, 695-modda) oʻz kuchini yoʻqotgan deb hisoblansin.
18. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov va Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.
Vazirlar Mahkamasining 2018-yil 1-dekabrdagi 974-son qaroriga 1-ILOVA
“TST cluster” MChJ va uning tarkibiga kiradigan agrosanoat korxonalarining
1. Paxta xomashyosi, boshoqli don va boshqa qishloq xoʻjaligi mahsulotlarini yetishtiradigan agrokorxonalar.
2. Paxta xomashyosini qayta ishlash va chigit tayyorlash korxonalari.
3. Paxta tolasini chuqur qayta ishlash, tayyor toʻqimachilik va tikuvchilik buyumlari ishlab chiqaradigan toʻqimachilik kompleksi.
4. Bogʻdorchilik xoʻjaligi (meva-sabzavotlarni qayta ishlash va saqlash).
5. Yogʻ-moy mahsulotlari ishlab chiqarish korxonalari.
6. Baliqni koʻpaytirish va qayta ishlash kompleksi.
7. Don ekinlarini chuqur qayta ishlash korxonalari.
8. Chorvachilik kompleksi (sut va goʻsht yetishtirish hamda ularni qayta ishlash).
9. Chorvachilik kompleksi chiqindilaridan biogaz va biogumus ishlab chiqarish korxonalari.
10. Sabzavotlar va koʻkatlar yetishtirish korxonalari (zamonaviy issiqxona kompleksi).
Vazirlar Mahkamasining 2018-yil 1-dekabrdagi 974-son qaroriga 2-ILOVA
“TST cluster” MChJ va uning tarkibiga kiradigan agrosanoat korxonalari tomonidan 2019 — 2023-yillarda amalga oshiriladigan investitsiya loyihalarining
T/r Investitsiya loyihasining nomi * Loyihaning hisoblab chiqilgan qiymati (ekvivalentda mln. dollar) Jumladan: Hisoblab chiqilgan yillik quvvat Amalga oshirish muddatlari xalqaro moliya institutlarining mablagʻlari (mln. dollar) ** loyiha tashabbuskorining oʻz mablagʻlari (mln . dollar) 1. Paxta xomashyosi va don mahsulotlarini yetishtirish hamda yigʻib olish uchun qishloq xoʻjaligi texnikasi va melioratsiya hamda irrigatsiya tarmoqlarini kapital va joriy taʼmirlash uchun agrokorxonalargamaxsus texnika xarid qilish. 28,3 24,0 4,3 12 ta K700 rusumli traktor, 176 ta haydov traktori, 15 ta paxta terish mashinasi, 40 takombayn, 200 ta tarkama, 15 ta maxsus texnika, 195 ta boshqa texnika va mexanizmlar 2019-2020-yillar 2. Paxta xomashyosini yetishtirish va dastlabki ishlov berish hamda chigit tayyorlashni tashkil qilish. 3,5 3,0 0,5 7,8 ming tonna paxta tolasi, 12,2 ming tonna chigit 2019-2020-yillar 3. Paxta tolasini chuqur qayta ishlash, tayyor toʻqimachilik va tikuvchilik buyumlari ishlab chiqaradigan toʻqimachilik kompleksi tashkil etish. 88,2 75,0 13,2 6,6 ming tonna ip, 8 mlnp.m. gazlama, 3 mlnta tayyor buyumlar 2019 — 2021-yillar 4. Bogʻdorchilik xoʻjaligini tashkil qilish, uning mahsulotlarini qayta ishlash hamda saqlash. 8,2 7,0 1,2 maydoni- 100 ga er, 5,0 ming tonna mahsulotni qayta ishlash va saqlash 2019 — 2022-yillar 5. Yogʻ-moy mahsulotlari ishlab chiqarishni tashkil qilish. 4,7 4,0 0,7 2,2 ming tonna yogʻ, 5,6 ming tonna kunjara, 3,8 ming tonna shulxa 2020-2021-yillar 6. Baliqlarni koʻpaytirish va qayta ishlash kompleksini tashkil qilish. 8,2 7,0 1,2 3,0 ming ga er, 10 ming tonna baliq 2021-2022-yillar 7. Don ekinlarini chuqur qayta ishlovchi ishlab chiqarishni tashkil qilish. 10,6 9,0 1,6 36,5 ming tonna un, 50 ming tonna ozuqa 2022-2023-yillar 8. Chorvachilik kompleksini tashkil qilish, sut va goʻsht yetishtirish hamda ularni qayta ishlash. 45,9 39,0 6,9 10 ming bosh qoramol, 2,0 ming tonna goʻsht va goʻsht mahsulotlari, 35 ming tonna sut mahsulotlari 2022-2023-yillar 9. Chorvachilik kompleksi chiqindilaridan biogaz va biogumus ishlab chiqarishni tashkil qilish. 5,9 5,0 0,9 140 ming tonna biogumus, 4,2 mln m 3 biogaz 2022-2023-yillar 10. Sabzavotlar va koʻkatlar yetishtirish boʻyicha zamonaviy issiqxona kompl�ksini tashkil qilish. 14,1 12,0 2,1 20 ga er 2022-2023-yillar Jami: 217,6 185,0 32,6
Vazirlar Mahkamasining 2018-yil 1-dekabrdagi 974-son qaroriga 3-ILOVA
2019 — 2022-yillarda Toshkent viloyatining Quyi Chirchiq tumanida baliqchilikni rivojlantirish boʻyicha investitsiya loyihalari
T/r Investitsiya loyihasining nomi Hisoblab chiqilgan qiymat * (mln. dollar) Yillik quvvat Amalga oshirish muddatlari 1. Mavjud texnika parkini modernizatsiya qilish va hovuz fondining meliorativ holatini yaxshilash. 3,0 10 ming tonnatovar baliqlar yetishtirish 2019-2020-yillar 2. Baliqlarni koʻpaytirishning intensiv texnologiyalarini joriy qilish va baliqlar oziqlanadigan oʻsimliklarni zich joylashtirish usullarini qoʻllash hisobiga koʻllar mahsuldorligini oshirish. 2,0 Mahsuldorlik — gektaridan 60 sentner 2019-2020-yillar 3. Ona baliqlarning yangi zotlarini koʻpaytirish va ona baliqlar sonini 5,0 mingtagacha oshirish, suv hamda baliq holatini tahlil qilish boʻyicha ixtiopatologik va gidrokimyoviy laboratoriyalar tashkil qilish. 0,7 5,0 ming tonna baliqlar 2020-yillar 4. Baliq mahsulotlarini qayta ishlashni tashkil qilish: yarim tayyor mahsulotlar (lahm, nimtalangan goʻsht), quritilgan va dudlangan mahsulot, shuningdek, baliq preservlari; baliq konservalari ishlab chiqarish; baliq uni ishlab chiqarish. 1,5 Ishlab chiqarish hajmi — 10 ming tonna, jumladan: 5,0 ming tonna — tirik baliq; 820 tonna — tayyor konservalar; 670 tonna — yarim tayyor mahsulotlar va preservlar; 500 tonna — dudlangan mahsulot; 250 tonna — baliq uni. 2020 — 2022-yillar 5. Ekoturizm infratuzilmasini, jumladan, mavjud kottejlarni kapital taʼmirlash hamda yangi obyektlarbarpo etish orqaliqayta tiklash va rivojlantirish. 1,0 32 kishiga moʻljallangan 8 ta kottejni rekonstruksiya qilish, ekoturizmzonasi tashkil qilish, hududlarni obodonlashtirish 2020-2021-yillar Jami: 8,2
Oʻzbekiston Respublikasining Bosh vaziri A. ARIPOV
Toshkent sh.,
2018-yil 1-dekabr,
974-son
Кабинета Министров Республики Узбекистан
Постановление
Перечень
ПРОГНОЗНЫЕ ПАРАМЕТРЫ
ПЕРЕЧЕНЬ
О мерах по созданию современного агропромышленного кластера в Куйичирчикском районе Ташкентской области
В целях дальнейшего углубления структурных реформ и привлечения прямых инвестиций в развитие кластерного производства в сельском хозяйстве, внедрения эффективных методов выращивания хлопка-сырца, зерновых колосовых и других культур, организации глубокой переработки и выпуска конкурентоспособной продукции с высокой добавленной стоимостью и на этой основе повышения производительности и оплаты труда в аграрном секторе Кабинет Министров постановляет:
1. Согласиться с предложениями Министерства сельского хозяйства, Министерства экономики, Министерства финансов Республики Узбекистан, Совета фермерских, дехканских хозяйств и владельцев приусадебных земель Узбекистана, хокимията Ташкентской области, компаний «Paraglide limited» (Великобритания), «Петромаруз Капитал» («Pm kapital», Российская Федерация) о:
реализации в Куйичирчикском районе Ташкентской области проекта по созданию агропромышленного кластера, предусматривающего организацию производств по выращиванию хлопка-сырца, зерновых колосовых и других сельскохозяйственных культур, глубокой их переработки, а также животноводческого и рыбоводческого комплексов за счет привлечения прямых иностранных инвестиций, средств Международных финансовых институтов (далее — МФИ), кредитных линий иностранных банков и кредитов коммерческих банков;
создании предприятия с иностранными инвестициями «Tashkent Сotton Textile cluster» в форме общества с ограниченной ответственностью (далее — ООО «ТСТ cluster»);
создании ООО «ТСТ cluster» и вхождении в его состав агропромышленных предприятий по перечню согласно приложению № 1 .
2. Принять к сведению, что первоначальный уставный капитал ООО «TCT cluster» формируются за счет взносов компаний «Paraglide limited» (Великобритания) и «Петромаруз Капитал» («Pm kapital», Российская Федерация).
3. Согласиться с предложениями хокимията Ташкентской области, Министерства сельского хозяйства Республики Узбекистан и ассоциации «Узбекбаликсаноат» о:
отводе агропромышленным предприятиям, входящим в состав ООО «ТСТ cluster» (далее — агропредприятия), на праве постоянного владения и пользования 35,4 тыс. гектаров орошаемых земель и 3,1 тыс. гектаров рыбоводческих прудов в Куйичирчикском районе Ташкентской области для организации производства хлопка-сырца, зерновых колосовых и других культур, а также продукции животноводства и рыбоводства;
реализации ООО «ТСТ cluster» имущественного комплекса бывшего АО «Баликчи» по «нулевой» выкупной стоимости для создания современного комплекса по выращиванию, переработке и реализации, в том числе на экспорт, широкого ассортимента рыбной продукции, с условием создания новых рабочих мест и внесения инвестиций в размере 8,2 млн. долларов США.
4. Одобрить:
прогнозные параметры инвестиционных проектов, реализуемых ООО «ТСТ cluster» и агропромышленными предприятиями, входящими в его состав, в период 2019 — 2023 годы согласно приложению № 2 ;
перечень инвестиционных проектов по развитию рыбоводства в Куйичирчикском районе Ташкентской области на период 2019 — 2022 годы согласно приложению № 3 .
5. Хокимияту Ташкентской области совместно с Министерством сельского хозяйства Республики Узбекистан, Государственным комитетом Республики Узбекистан по земельным ресурсам, геодезии, картографии и государственному кадастру, Советом фермерских, дехканских хозяйств и владельцев приусадебных земель Узбекистана:
в срок до 10 декабря 2018 года — обеспечить отвод земельных участков в Куйичирчикском районе Ташкентской области общей площадью 33,6 тыс.гектаров агропредприятиям для реализации инвестиционных проектов, предусмотренных в приложениях № 2 и 3 к настоящему постановлению;
в двухмесячный срок — провести инвентаризацию оставшихся 4,9 тыс. гектаров орошаемых земель района на предмет оценки эффективности их использования и в случае выявления фактов нерационального использования и (или) отсутствия перспективных планов развития — передать ООО «ТСТ cluster»;
в срок до 1 января 2019 года — обеспечить в установленном порядке отвод неорошаемых земельных участков агропредприятиям для реализации инвестиционных проектов, предусмотренных в приложениях № 2 и 3 к настоящему постановлению.
Определить, что в случае невыполнения принятых инвестиционных обязательств, неиспользования предоставленных на основании настоящего постановления земельных участков или использования не по целевому назначению, их нерационального использования либо использования способами, приводящими к снижению плодородия почв, химическому и радиоактивному загрязнению, ухудшению экологической обстановки, права постоянного владения и пользования земельными участками подлежат прекращению в соответствии с требованиями земельного законодательства Республики Узбекистан.
6. Предоставить агропредприятиям право самостоятельно размещать сорта хлопковых и зерновых колосовых культур в соответствии с зональными условиями, внедрять научно обоснованные виды севооборота, водосберегающие и ресурсосберегающие технологии.
7. Установить, что:
ООО «ТСТ cluster» вправе аккумулировать в национальной валюте Республики Узбекистан средства агропредприятий, с последующим распределением их между ними для осуществления финансово-хозяйственной деятельности и дальнейшего развития производства;
8. Министерству финансов Республики Узбекистан:
совместно с Министерством водного хозяйства Республики Узбекистан ежегодно, начиная с текущего года, предусматривать лимиты централизованных капитальных вложений на капитальный ремонт и восстановление ирригационной сети Куйичирчикского района Ташкентской области.
9. Рекомендовать АКБ «Узпромстройбанк» в целях финансирования инвестиционных проектов ООО «ТСТ cluster»:
совместно с Национальным банком внешнеэкономической деятельности Республики Узбекистан и АКИБ «Ипотека банк» создание банковского синдиката с определением ведущим банком АКБ «Узпромстройбанк»;
выделение ООО «ТСТ cluster» и агропредприятиям с учетом параметров технико-экономических обоснований инвестиционных проектов долгосрочных синдицированных валютных кредитов за счет средств МФИ, кредитных линий иностранных банков, в том числе в евро, для софинансирования инвестиционных проектов, предусмотренных в приложении № 2 к настоящему постановлению;
установление маржи рефинансирующего банка в размере не более 2 процентов годовых и с применением льготного периода по начисленным процентам;
принятие в качестве требуемого залогового обеспечения по кредитам завозимое оборудование, технику и механизмы, а также страховые полисы и поручительства третьих лиц.
10. Одобрить предложение хокимията Ташкентской области, Государственного комитета Республики Узбекистан по содействию приватизированным предприятиям и развитию конкуренции, АО «Узпахтасаноат» о реализации ООО «ТСТ cluster»:
по рыночной стоимости в рассрочку сроком на 5 лет зданий и сооружений АО «Мустакиллик пахта тозалаш» и его хлопкозаготовительных пунктов;
пустующих государственных объектов по «нулевой» выкупной стоимости для размещения инвестиционных проектов, предусмотренных в приложениях № 2 и 3 к настоящему постановлению.
Хокимияту Ташкентской области совместно с Государственным комитетом Республики Узбекистан по содействию приватизированным предприятиям и развитию конкуренции с учетом результатов инвентаризации в месячный срок внести в Кабинет Министров перечень пустующих объектов государственной собственности для последующей их реализации ООО «ТСТ cluster» по «нулевой» выкупной стоимости под инвестиционные обязательства на основании решения хокима Ташкентской области.
11. Освободить сроком до 1 января 2022 года от таможенных платежей (за исключением таможенных сборов) оборудование, специальные транспортные средства, сельскохозяйственную технику, запасные части и комплектующие изделия, материально-технические ресурсы, сырьё, материалы и растения, ввозимые ООО «ТСТ cluster» и агропредприятиями для собственных производственных нужд по перечням, формируемым в установленном порядке.
12. АО «Узбекэнерго», АО «Узтрансгаз» обеспечить подведение до производственных площадок агропредприятий необходимых внешних инженерно-коммуникационных сетей за счет средств инициаторов.
13. Министерству по развитию информационных технологий и коммуникаций Республики Узбекистан по заявкам ООО «ТСТ cluster» в установленном порядке выдать разрешения на использование радиоэлектронных средств и высокочастотных устройств в рамках реализации инвестиционных проектов, предусмотренных в приложении № 2 настоящего постановления.
14. Министерству иностранных дел Республики Узбекистан по заявкам ООО «ТСТ cluster» обеспечить оформление многократных въездных виз иностранным специалистам, участвующим в реализации инвестиционных проектов.
15. Министерству внутренних дел Республики Узбекистан по заявкам ООО «ТСТ cluster» обеспечить выдачу и продление виз, а также временную прописку и ее продление по месту временного проживания в Республике Узбекистан иностранным специалистам, участвующим в реализации инвестиционных проектов.
16. Министерству занятости и трудовых отношений Республики Узбекистан по заявкам ООО «ТСТ cluster» обеспечить в установленном порядке выдачу (продление) разрешения на привлечения в Республику Узбекистан квалифицированных иностранных специалистов для участия в реализации инвестиционных проектов.
17. Признать утратившим силу постановление Кабинета Министров от 20 августа 2018 г. № 677 «О мерах по организации деятельности свободной экономической зоны «Балик ишлаб чикарувчи» (СЗ Республики Узбекистан, 2018 г. № 34, ст. 695).
18. Контроль за исполнением настоящего постановления возложить на заместителя Премьер-министра Республики Узбекистан Н.С. Отажонова и заместителя Премьер-министра — министра финансов Республики Узбекистан Д.А. Кучкарова.
ПРИЛОЖЕНИЕ № 1 к постановлению Кабинета Министров от 1 декабря 2018 года № 974
агропромышленных предприятий, создаваемых ООО «ТСТ cluster» и входящих в его состав *
1. Агропредприятия по выращиванию хлопка-сырца, зерновых колосовых и других сельскохозяйственных культур.
2. Организации по переработке хлопка-сырца и заготовке посевных семян хлопчатника.
3. Текстильный комплекс по глубокой переработке хлопкового волокна и производству готовых текстильных и швейных изделий.
4. Садоводческое хозяйство (переработка и хранение плодоовощной продукции).
5. Организации по производству масложировой продукции.
6. Комплекс по разведению рыбы и ее переработке.
7. Организации по глубокой переработке зерновых культур.
8. Животноводческий комплекс (производство и переработка молока и мяса).
9. Организации по производству биогаза и биогумуса на базе отходов животноводческого комплекса.
10. Организации по выращиванию овощей и зелени (современный тепличный комплекс).
ПРИЛОЖЕНИЕ № 2 к постановлению Кабинета Министров от 1 декабря 2018 года № 974
инвестиционных проектов, реализуемых ООО «ТСТ cluster» и агропромышленными предприятиями, входящими в его состав, в период 2019 — 2023 годы
№ п/п Наименование инвестиционного проекта * Расчетная стоимость проекта (экв. млн.долл.) в том числе: Расчетная годовая мощность Сроки реализации средства международных финансовых институтов (млн.долл.) ** собственные средства инициатора проекта (млн.долл.) 1. Приобретение для агропредприятий сельскохозяйственной техники для осуществления работ по посеву, выращиванию и сбору хлопка-сырца и зерновых культур, а также спецтехники для проведения капитального и текущего ремонта мелиоративных и ирригационных сетей. 28,3 24,0 4,3 12 шт. — тракторы марки К700, 176 шт — пропашные тракторы, 15шт — хлопко-уборочные машины, 40 шт — комбайны, 200 шт — прицепы, 15 шт. — спецтехника, 195 шт. — прочая техника и механизмы 2019-2020 гг. 2. Организация производства и первичной переработки хлопка-сырца и заготовки посевных семян хлопчатника. 3,5 3,0 0,5 хлопкового волокно — 7,8тыс.тн, семян — 12,2 тыс.тн 2019-2020 гг. 3. Организация текстильного комплекса по глубокой переработке хлопкового волокна и производству готовых текстильных и швейных изделий. 88,2 75,0 13,2 пряжа — 6,6 тыс. тн, ткани — 8 млн. п.м., готовые изделия — 3 млн. шт 2019 — 2021 гг. 4. Организация садоводческого хозяйства по переработке и хранению продукции. 8,2 7,0 1,2 площадь — 100га, переработка и хранение — 5,0 тыс. тн продукции 2019 — 2022 гг. 5. Организация производства масложировой продукции. 4,7 4,0 0,7 масло — 2 ,2 тыс. тн, шрот — 5,6 тыс. тн, шелуха — 3,8 тыс. тн 2020-2021 гг. 6. Организация комплекса по разведению рыбы и ее переработке. 8,2 7,0 1,2 площадь — 3,0 тыс. га, рыба — 10 тыс. тн 2021-2022 гг. 7. Организация производства глубокой переработки зерновых культур. 10,6 9,0 1,6 мука — 36,5 тыс. тн, корма — 50 тыс. тн 2022-2023 гг. 8. Организация животноводческого комплекса по производству и переработке молока и мяса. 45,9 39,0 6,9 голов КРС — 10 тыс., мясо и мясные изделия — 2,0 тыс. тн, молочные продукты — 35 тыс. тн 2022-2023 гг. 9. Организация производства биогаза и биогумуса на базе переработки отходов животноводческого комплекса. 5,9 5,0 0,9 биогумус — 140 тыс. тн, биогаз — 4,2 млн. м3 2022-2023 гг. 10. Организация современного тепличного комплекса по выращиванию овощей и зелени 14,1 12,0 2,1 площадь — 20 га 2022-2023 гг. Всего: 217,6 185,0 32,6
ПРИЛОЖЕНИЕ № 3 к постановлению Кабинета Министров от 1 декабря 2018 года № 974
инвестиционных проектов по развитию рыбоводства в Куйичирчикском районе Ташкентской области на период 2019 — 2022 годы
№ п/п Наименование инвестиционного проекта Расчетная стоимость * (млн.долл.) Годовая мощность Сроки реализации 1 . Модернизация существующего технического парка и улучшение мелиоративного состояния прудового фонда. 3,0 Производствотоварной рыбы в объеме 10 тыс. тн 2019-2020 гг. 2 . Увеличение продуктивности прудов за счет внедрения интенсивных технологии разведения рыб и применения методов уплотненной посадки растительноядных рыб. 2,0 Продуктивность — 60 центнеров с гектара 2019-2020 гг. 3 . Разведение новых пород маточных рыб с увеличением маточного поголовья до 5,0 тысяч штук и созданием ихтиопатологических и гидрохимических лабораторий по анализу воды и состояния рыбы. 0,7 Маточное поголовье — 5,0 тыс. штук 2020 г. 4 . Организация переработки рыбной продукции: производство полуфабрикатов (филе, тушка), вяленной и копченой продукции, а также рыбных пресервов; производство рыбных консервов; проиводство рыбной муки. 1,5 Объем производства 10 тыс.тн, в т.ч. живая рыба — 5,0 тыс.тн; готовые консервы — 820 тн; полуфабрикаты и пресервы — 670 тн; копченая продукция — 500 тн; рыбная мука– 250 тн. 2020 — 2022 гг. 5 . Восстановление и развитие экотуристической инфраструктуры, в том числе посредством капитального ремонта существующих коттеджей и строительства новых объектов. 1,0 Реконструкция 8 коттеджей вместимостью 32 человека, создание экотуристической зоны, благоустройство территорий 2020-2021 гг. Всего: 8,2
Премьер-министр Республики Узбекистан А. АРИПОВ
г. Ташкент,
1 декабря 2018 г.,
№ 974