UzbekAI

Ўзбекистон Республикаси Президентининг

Қарори

ДАСТУРИ

Ўзбекистон Республикаси Соғлиқни сақлаш вазирлиги суд-тиббий хизмати фаолиятини янада такомиллаштириш чора-тадбирлари тўғрисида

Кейинги йилларда мамлакатимизда суд-тиббий хизмат фаолиятини сифат жиҳатдан яхшилаш, суд-тиббий муассасаларнинг моддий-техник базасини мустаҳкамлаш, уларни замонавий диагностика ускуналари ва реагентлар билан жиҳозлаш, суд-тиббий экспертизалар ўтказиш сифати ҳамда ишончлилигини ошириш бўйича чора-тадбирлар амалга оширилмоқда.

Шу билан бирга, мазкур соҳа бўйича жойлардаги ҳақиқий аҳвол таҳлили суд-тиббий хизматнинг самарали фаолиятига тўсқинлик қилаётган тизимли муаммолар ва камчиликлар мавжудлигини кўрсатди. Жумладан:

биринчидан, суд-тиббий хизматни бошқариш тизими бугунги кун талабларига жавоб бермайди ва бу ҳудудий бюроларни бошқаришда катта қийинчиликларга ҳамда молиявий манбаларнинг номутаносиб тақсимланишига сабаб бўлмоқда;

иккинчидан, фундаментал ва амалий ген-молекуляр, шу жумладан шахсни биологик материал асосида идентификациялаш бўйича тадқиқотлар ўтказиш учун зарур ускуналар мавжуд эмас;

учинчидан, суд-тиббий хизмат бўлинмалари марҳумлар жасадини улар илк топилган жойдан суд-тиббий хизмат биносига олиб келиш учун махсус автотранспорт воситаси билан таъминланмаган;

тўртинчидан, суд-тиббий хизмат муассасалари илмий салоҳиятининг паст даражаси суд экспертизаси соҳасидаги фундаментал ва амалий-илмий тадқиқотлар ривожига тўсқинлик қилмоқда;

бешинчидан, экспертлик фаолиятига инновацион технологияларни жорий этиш лозим даражада амалга оширилмаяпти, эксперт лабораторияларни замонавий эксперт ускуналари билан жиҳозлашда технологик оқсоқлик мавжуд;

олтинчидан, суд-тиббий экспертизаларнинг бугунги ҳолати сифат менежменти ва стандартлаштиришнинг халқаро талабларига жавоб бермайди ва бу тадқиқотларнинг сифатини ошириш ҳамда эксперт хатоларининг олдини олишга ёрдам бермаяпти.

Мавжуд муаммо ва камчиликларни тезкорлик билан бартараф этиш, шунингдек, Ўзбекистон Республикаси Соғлиқни сақлаш вазирлиги суд-тиббий хизмати фаолиятини янада такомиллаштириш мақсадида:

1. Соғлиқни сақлаш вазирлиги томонидан Ўзбекистон Республикаси Соғлиқни сақлаш вазирлигининг Суд-тиббий экспертиза бош бюроси ва унинг ҳудудий бўлинмалари фаолияти устидан назорат етарли эмаслигига вазирлик раҳбариятининг эътибори қаратилсин.

2. Ўзбекистон Республикаси Соғлиқни сақлаш вазирлигининг:

Суд-тиббий экспертиза бош бюросини Ўзбекистон Республикаси Соғлиқни сақлаш вазирлигининг Республика суд-тиббий экспертиза илмий-амалий маркази (кейинги ўринларда — Марказ) этиб қайта ташкил этиш;

Марказнинг амалдаги штатлар сонини унинг таъминоти учун ажратиладиган бюджет маблағлари доирасида мақбуллаштириш ҳисобига Марказнинг Тошкент шаҳар филиалини ташкил қилиш тўғрисидаги таклифлари маъқуллансин.

3. Қуйидагилар Ўзбекистон Республикаси Соғлиқни сақлаш вазирлиги суд-тиббий хизматини ислоҳ қилишнинг асосий йўналишлари этиб белгилансин:

Марказ ва унинг ҳудудий филиалларини замонавий тиббий жиҳозлар ва сарфлаш материаллари билан таъминлаш, шунингдек, ҳудудий филиалларда қурилиш-таъмирлаш ишларини амалга ошириш;

илмий тадқиқотлар натижаларини суд-экспертиза фаолиятига татбиқ қилиш, суд экспертизаларини ўтказиш услубларини такомиллаштириш, суд-экспертиза муассасаларининг кадрлар салоҳиятини мустаҳкамлаш;

бошқа муассасаларнинг кадрлар тайёрлаш, қайта тайёрлаш ва уларнинг малакасини ошириш бўйича илмий-маърифий фаолиятини ташкил этишда методик кўмаклашиш;

суд-тиббий экспертиза фаолиятига замонавий ахборот-коммуникация технологияларини жадаллик билан жорий этиш;

соҳа ходимларини моддий рағбатлантиришни яхшилаш учун қулай шарт-шароитлар яратиш.

4. Белгилансинки:

Марказ давлат муассасаси мақомидаги юридик шахс бўлиб, ўз номи ва Ўзбекистон Республикаси Давлат гербининг тасвири туширилган муҳрга эга бўлади;

Қорақалпоғистон Республикаси, вилоятлар ва Тошкент шаҳар суд-тиббий экспертизалари Марказнинг ҳудудий филиаллари ҳисобланади ва ўз фаолиятида Марказга бўйсунади;

Марказга Ўзбекистон Республикаси соғлиқни сақлаш вазири томонидан лавозимига тайинланадиган ва лавозимидан озод этиладиган директор раҳбарлик қилади;

Марказнинг ҳудудий филиаллари бошлиқлари Марказ директори тақдимномасига биноан Ўзбекистон Республикаси соғлиқни сақлаш вазири томонидан лавозимига тайинланади ва лавозимидан озод этилади;

ҳар йили Давлат бюджетидан «Соғлиқни сақлаш» соҳаси бўйича ажратиладиган маблағлар, юридик ва жисмоний шахсларга кўрсатиладиган пуллик хизматлар, шунингдек, қонунчилик билан тақиқланмаган бошқа манбалар Марказ ва унинг ҳудудий филиаллари фаолиятини молиялаштириш манбалари ҳисобланади.

5. Ўзбекистон Республикаси Соғлиқни сақлаш вазирлигининг:

Марказ ва унинг ҳудудий бўлинмаларига Ўзбекистон Республикаси Соғлиқни сақлаш вазирлиги билан келишилган ҳолда Марказ директори томонидан тасдиқланадиган рўйхат ва нархлар бўйича пуллик хизматлар кўрсатиш ҳуқуқини бериш;

Марказга кўрсатилган пуллик хизматлардан тушган маблағларнинг 50 фоизигача бўлган қисмини Марказ ходимларини ижтимоий ҳимоя қилиш ва моддий рағбатлантириш чора-тадбирларини молиялаштириш учун Тиббиёт муассасаларини моддий рағбатлантириш ва ривожлантириш жамғармасига йўналтириш ҳуқуқини бериш;

марҳумлар жасадини ташиш функциясини Тошкент шаҳар тез тиббий ёрдам хизмати ва Республика шошилинч тиббий ёрдам илмий марказининг ҳудудий филиалларидан марҳумлар жасадини ташиш бўйича санитарлар штат бирликлари билан бирга Марказ ва унинг ҳудудий филиалларига ўтказиш тўғрисидаги таклифлари маъқуллансин.

6. Ўзбекистон Республикаси Қурилиш вазирлиги ва Соғлиқни сақлаш вазирлиги икки ой муддатда Марказ ҳудудий филиаллари биноларининг намунавий лойиҳаларини суд-тиббий экспертиза хизмати фаолиятини ташкил этишнинг замонавий талабларини ҳисобга олган ҳолда ишлаб чиқсин ва белгиланган тартибда тасдиқласин.

7. Марказнинг Андижон, Жиззах, Навоий, Самарқанд, Сирдарё ва Сурхондарё вилоятларидаги ҳудудий филиаллари биносини намунавий лойиҳа асосида қуриш, шунингдек, Марказнинг бошқа ҳудудий филиаллари биносини реконструкция қилиш бўйича буюртмачи этиб тегишлича Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг “Ягона буюртмачи хизмати” инжиниринг компаниялари белгилансин.

8. Ўзбекистон Республикаси Соғлиқни сақлаш вазирлиги Тошкент шаҳар ҳокимлиги билан биргаликда уч ой муддатда Марказнинг умумий штат бирликлари ва унинг таъминоти учун ажратиладиган бюджет маблағлари доирасида Олмазор, Сергели, Юнусобод ва Яшнобод туманлараро суд-тиббий экспертиза пунктларини очиш ва фаолиятини ташкил этиш чораларини кўрсин.

9. Ўзбекистон Республикаси Соғлиқни сақлаш вазирлиги белгиланган тартибда:

бир ой муддатда Марказнинг устави, низоми ва тузилмасини, ҳудудий филиалларнинг намунавий тузилмаси ва низомини тасдиқласин;

уч ой муддатда суд-тиббий экспертиза хизмати муассасаларининг штат нормативларини ишлаб чиқсин ва тасдиқласин;

Ўзбекистон Республикаси Инвестициялар бўйича давлат қўмитаси билан биргаликда икки ой муддатда Марказ ва унинг ҳудудий филиалларини замонавий ускуналар ва инвентарлар, шу жумладан 1-иловага мувофиқ тақсимлаган ҳолда марҳумлар жасадини ташиш учун автотранспорт воситалари билан таъминлаш учун халқаро молиявий институтлар, ташкилотлар ва хорижий донор-мамлакатларнинг маблағларини жалб қилиш бўйича таклифлар киритсин;

Ўзбекистон Республикаси Ахборот технологиялари ва коммуникацияларини ривожлантириш вазирлиги, бошқа манфаатдор вазирлик ва идоралар билан биргаликда Марказ ва унинг ҳудудий филиалларига замонавий ахборот-коммуникация технологияларини жорий этиш, шу жумладан уларни энг янги компьютер техникаси билан жиҳозлаш, эксперт муассасалари ва суд-тергов органлари ўртасида электрон ҳужжат айланиш тизимини шакллантириш, шунингдек, унинг ахборот хавфсизлигини таъминлаш, суд-тиббий хизмат фаолияти соҳасида электрон маълумотлар базасини яратишни таъминласин;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимлиги билан биргаликда Марказ ҳамда унинг ҳудудий филиаллари кадрлар таркибини мустаҳкамлаш бўйича қўшимча чора-тадбирлар кўрсин.

10. Ўзбекистон Республикаси Соғлиқни сақлаш вазирлиги суд-тиббий хизматининг моддий-техник базасини тубдан яхшилаш бўйича чора-тадбирлар дастури 2-иловага мувофиқ тасдиқлансин.

Белгилансинки, вазирлик ва идоралар раҳбарлари чора-тадбирлар дастурида назарда тутилган вазифаларнинг ўз вақтида, тўлиқ ва сифатли амалга оширилиши учун шахсан жавобгардир.

11. Ўзбекистон Республикаси Ички ишлар вазирлиги қонунчиликда белгиланган тартибда Марказ ва унинг ҳудудий филиаллари майдонини идоравий қўриқлаш билан таъминласин.

12. Ўзбекистон Республикаси Соғлиқни сақлаш вазирлиги Марказ ва унинг ҳудудий филиаллари мутахассисларини ушбу соҳага ихтисослашган етакчи хорижий марказлар ва муассасаларда тайёрлаш, қайта тайёрлаш ва уларнинг малакасини оширишни, шунингдек, етакчи хорижий мутахассисларни жалб этган ҳолда семинар-тренинглар ва маҳорат дарслари ташкил этилишини таъминласин.

13. Ўзбекистон Республикаси Молия вазирлиги ҳар йили Ўзбекистон Республикаси Давлат бюджети параметрларида «Соғлиқни сақлаш» соҳаси бўйича кўзда тутиладиган маблағлар доирасида ушбу қарор билан тасдиқланган чора-тадбирларни амалга ошириш учун зарур маблағларни назарда тутсин.

14. Қуйидагиларга:

Ўзбекистон Республикаси Бош вазирининг ўринбосари А.А. Абдуҳакимовга — ушбу қарорга мувофиқ юклатиладиган вазифаларни тўлиқ ва лозим даражада бажарилиши бўйича вазирлик ва идоралар ишини самарали мувофиқлаштириш;

Ўзбекистон Республикаси соғлиқни сақлаш вазири А.К. Шадмановга — Ўзбекистон Республикаси Соғлиқни сақлаш вазирлиги суд-тиббий хизматининг моддий-техник базасини тубдан яхшилаш бўйича чора-тадбирлар дастурида назарда тутилган барча тадбирларнинг ўз вақтида, тўлиқ ва сифатли амалга оширилиши юзасидан шахсий жавобгарлик юклансин.

15. Ўзбекистон Республикаси Бош прокуратураси ушбу қарорда назарда тутилган чора-тадбирларнинг амалга оширилиши, шунингдек, ажратилган маблағлардан ўз вақтида, тўғри ва мақсадли фойдаланилиши устидан самарали назорат ўрнатсин.

16. Марказ ва унинг Тошкент шаҳар филиали Тошкент шаҳри, Олмазор тумани, Шифокорлар кўчаси, 2-7 М-уйи манзилига жойлаштирилсин.

17. Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.

18. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.

Ўзбекистон Республикаси Президентининг 2018 йил 4 декабрдаги ПҚ-4049-сон қарорига 1-ИЛОВА

Марҳумлар жасадини ташиш учун махсус автотранспорт воситалари тақсимоти *

Филиал номи Сони Республика суд-тиббий экспертиза илмий-амалий марказининг Қорақалпоғистон Республикаси филиали — 4 Республика суд-тиббий экспертиза илмий-амалий марказининг Андижон филиали — 5 Республика суд-тиббий экспертиза илмий-амалий марказининг Бухоро филиали — 3 Республика суд-тиббий экспертиза илмий-амалий марказининг Жиззах филиали — 3 Республика суд-тиббий экспертиза илмий-амалий марказининг Навоий филиали — 4 Республика суд-тиббий экспертиза илмий-амалий марказининг Наманган филиали — 5 Республика суд-тиббий экспертиза илмий-амалий марказининг Самарқанд филиали — 5 Республика суд-тиббий экспертиза илмий-амалий марказининг Сирдарё филиали — 3 Республика суд-тиббий экспертиза илмий-амалий марказининг Сурхондарё филиали — 4 Республика суд-тиббий экспертиза илмий-амалий марказининг Тошкент вилояти филиали — 5 Республика суд-тиббий экспертиза илмий-амалий марказининг Фарғона филиали — 6 Республика суд-тиббий экспертиза илмий-амалий марказининг Хоразм филиали — 3 Республика суд-тиббий экспертиза илмий-амалий марказининг Қашқадарё филиали — 6 Республика суд-тиббий экспертиза илмий-амалий марказининг Тошкент шаҳар филиали — 5 Жами 61

Ўзбекистон Республикаси Президентининг 2018 йил 4 декабрдаги ПҚ-4049-сон қарорига 2-ИЛОВА

Ўзбекистон Республикаси Соғлиқни сақлаш вазирлиги суд-тиббий хизматининг моддий-техник базасини тубдан яхшилаш бўйича чора-тадбирлар

Т/р Тадбирлар номи Ижро муддати Молиялаштириш манбаи Ижрочилар 1. Суд-тиббий хизматнинг моддий-техник жиҳозланиш ҳолатини танқидий таҳлил қилиш. 2018 йил декабрь — ССВ (А. Шадманов) 2. «TIKA»нинг Ўзбекистондаги ваколатхонаси ҳамда бошқа халқаро ташкилотлар билан ҳамкорликда Марказ ва унинг ҳудудий филиаллари учун зарур бўлган инвентарлар, шу жумладан ДНК-ускуна ва марҳумлар жасадини ташиш учун автотранспорт воситалари харид қилиш бўйича лойиҳаларни тайёрлаш ва киритиш. 2019 йил январь — ССВ (А. Шадманов) , манфаатдор вазирликлар 3. Олмазор, Сергели, Юнусобод ва Яшнобод туманлараро суд-тиббий экспертиза пунктларини очиш ва фаолиятини ташкил этиш (таркибий тузилмасида танатология бўлими ва жонли юзларни экспертиза қилиш бўлимини кўзда тутган ҳолда). 2019 йил январь Таълим ва тиббиёт муассасаларининг моддий-техника базасини ривожлантириш жамғармаси ССВ (А. Шадманов) , манфаатдор вазирликлар 4. Марказнинг Андижон, Жиззах, Навоий, Самарқанд, Сирдарё ва Сурхондарё вилоятларидаги ҳудудий филиаллари биносини намунавий лойиҳа асосида қуриш, шунингдек, бошқа ҳудудий филиаллар биносини реконструкция қилиш бўйича лойиҳа-смета ҳужжатларини тайёрлаш. 2019 йил март Таълим ва тиббиёт муассасаларининг моддий-техника базасини ривожлантириш жамғармаси Қурилиш вазирлиги (А. Тўхтаев) , ССВ (А. Шадманов) , Молия вазирлиги (А. Ҳайдаров), тегишли вилоят ҳокимликлари 5. Марказ ва унинг ҳудудий филиалларини марҳумлар жасадини ташиш учун махсус автотранспорт воситалари билан босқичма-босқич таъминлаш. 2019-2020 йиллар давомида ХМИ ва донор-мамлакатлар маблағлари, бюджет маблағлари ССВ (А. Шадманов) , Инвестициялар бўйича давлат қўмитаси (С. Холмуродов) , Молия вазирлиги (А. Ҳайдаров) 6. Тасдиқланган лойиҳа-смета ҳужжатлари асосида Марказнинг Андижон, Жиззах, Навоий, Самарқанд, Сирдарё ва Сурхондарё вилоятларидаги ҳудудий филиаллари биносини қуриш, шунингдек, бошқа ҳудудий филиаллар биносини реконструкция қилиш ишларини Давлат ривожланиш дастурларига босқичма-босқич киритиш. 2019 — 2021 йиллар давомида Таълим ва тиббиёт муассасаларининг моддий-техника базасини ривожлантириш жамғармаси ССВ (А. Шадманов) , Молия вазирлиги (А. Ҳайдаров), Қурилиш вазирлиги (А. Тўхтаев), тегишли вилоят ҳокимликлари 7. Марказ ва унинг ҳудудий филиалларига замонавий ахборот-коммуникация технологияларини жорий этиш, шунингдек, эксперт муассасалари ва суд-тергов органлари ўртасида электрон ҳужжат айланиш тизимини яратиш асосида электрон маълумотлар базасини шакллантириш. 2018-2019 йиллар давомида Бюджет маблағлари, ХМИ ва донор-мамлакатлар маблағлари, АКТни ривожлантириш жамғармаси ССВ (А. Шадманов) , Ахборот технологиялари ва коммуникацияларини ривожлантириш вазирлиги (Ш. Садиков) , Молия вазирлиги (А. Ҳайдаров) , Иқтисодиёт вазирлиги (Б. Ходжаев) 8. Танатология бўлимлари (морглар) ва лаборатория бўлинмаларида суд-тиббий ва криминалистик тадқиқотларни ISO 9001 ва 17025 халқаро мезонларига мувофиқ ўтказиш учун улар ни совуткичли камералар, секцияли тўпламлар, замонавий жиҳозлар, ускуналар, бутловчи қисмлар ва реактив моддалар билан таъминлаш. 2019 — 2021 йиллар давомида ХМИ маблағлари, бюджет маблағлари ССВ (А. Шадманов) , Молия вазирлиги (А. Ҳайдаров) , Инвестициялар бўйича давлат қўмитаси (С. Холмуродов) , Иқтисодиёт вазирлиги (Б. Ходжаев) 9. Марказ ва унинг Қорақалпоғистон Республикаси, Самарқанд ва Фарғона вилоятларидаги филиалларини ген-молекуляр тадқиқотлар ўтказиш жиҳозлари билан таъминлаш. 2019-2020 йиллар давомида Бюджет маблағлари , ХМИ маблағлари ССВ (А. Шадманов) , Молия вазирлиги (А. Ҳайдаров) , Инвестициялар бўйича давлат қўмитаси (С. Холмуродов) , Иқтисодиёт вазирлиги (Б. Ходжаев), Қорақалпоғистон Республикаси Вазирлар Кенгаши, тегишли вилоят ҳокимликлари

Ўзбекистон Республикаси Президенти Ш. МИРЗИЁЕВ

Тошкент ш.,

2018 йил 4 декабрь,

ПҚ-4049-сон

(Қонун ҳужжатлари маълумотлари миллий базаси, 05.12.2018 й., 07/18/4049/2268-сон)

lex.uz

Oʻzbekiston Respublikasi Prezidentining

Qarori

DASTURI

Oʻzbekiston Respublikasi Sogʻliqni saqlash vazirligi sud-tibbiy xizmati faoliyatini yanada takomillashtirish chora-tadbirlari toʻgʻrisida

Keyingi yillarda mamlakatimizda sud-tibbiy xizmat faoliyatini sifat jihatdan yaxshilash, sud-tibbiy muassasalarning moddiy-texnik bazasini mustahkamlash, ularni zamonaviy diagnostika uskunalari va reagentlar bilan jihozlash, sud-tibbiy ekspertizalar oʻtkazish sifati hamda ishonchliligini oshirish boʻyicha chora-tadbirlar amalga oshirilmoqda.

Shu bilan birga, mazkur soha boʻyicha joylardagi haqiqiy ahvol tahlili sud-tibbiy xizmatning samarali faoliyatiga toʻsqinlik qilayotgan tizimli muammolar va kamchiliklar mavjudligini koʻrsatdi. Jumladan:

birinchidan, sud-tibbiy xizmatni boshqarish tizimi bugungi kun talablariga javob bermaydi va bu hududiy byurolarni boshqarishda katta qiyinchiliklarga hamda moliyaviy manbalarning nomutanosib taqsimlanishiga sabab boʻlmoqda;

ikkinchidan, fundamental va amaliy gen-molekulyar, shu jumladan shaxsni biologik material asosida identifikatsiyalash boʻyicha tadqiqotlar oʻtkazish uchun zarur uskunalar mavjud emas;

uchinchidan, sud-tibbiy xizmat boʻlinmalari marhumlar jasadini ular ilk topilgan joydan sud-tibbiy xizmat binosiga olib kelish uchun maxsus avtotransport vositasi bilan taʼminlanmagan;

toʻrtinchidan, sud-tibbiy xizmat muassasalari ilmiy salohiyatining past darajasi sud ekspertizasi sohasidagi fundamental va amaliy-ilmiy tadqiqotlar rivojiga toʻsqinlik qilmoqda;

beshinchidan, ekspertlik faoliyatiga innovatsion texnologiyalarni joriy etish lozim darajada amalga oshirilmayapti, ekspert laboratoriyalarni zamonaviy ekspert uskunalari bilan jihozlashda texnologik oqsoqlik mavjud;

oltinchidan, sud-tibbiy ekspertizalarning bugungi holati sifat menejmenti va standartlashtirishning xalqaro talablariga javob bermaydi va bu tadqiqotlarning sifatini oshirish hamda ekspert xatolarining oldini olishga yordam bermayapti.

Mavjud muammo va kamchiliklarni tezkorlik bilan bartaraf etish, shuningdek, Oʻzbekiston Respublikasi Sogʻliqni saqlash vazirligi sud-tibbiy xizmati faoliyatini yanada takomillashtirish maqsadida:

1. Sogʻliqni saqlash vazirligi tomonidan Oʻzbekiston Respublikasi Sogʻliqni saqlash vazirligining Sud-tibbiy ekspertiza bosh byurosi va uning hududiy boʻlinmalari faoliyati ustidan nazorat yetarli emasligiga vazirlik rahbariyatining eʼtibori qaratilsin.

2. Oʻzbekiston Respublikasi Sogʻliqni saqlash vazirligining:

Sud-tibbiy ekspertiza bosh byurosini Oʻzbekiston Respublikasi Sogʻliqni saqlash vazirligining Respublika sud-tibbiy ekspertiza ilmiy-amaliy markazi (keyingi oʻrinlarda — Markaz) etib qayta tashkil etish;

Markazning amaldagi shtatlar sonini uning taʼminoti uchun ajratiladigan budjet mablagʻlari doirasida maqbullashtirish hisobiga Markazning Toshkent shahar filialini tashkil qilish toʻgʻrisidagi takliflari maʼqullansin.

3. Quyidagilar Oʻzbekiston Respublikasi Sogʻliqni saqlash vazirligi sud-tibbiy xizmatini isloh qilishning asosiy yoʻnalishlari etib belgilansin:

Markaz va uning hududiy filiallarini zamonaviy tibbiy jihozlar va sarflash materiallari bilan taʼminlash, shuningdek, hududiy filiallarda qurilish-taʼmirlash ishlarini amalga oshirish;

ilmiy tadqiqotlar natijalarini sud-ekspertiza faoliyatiga tatbiq qilish, sud ekspertizalarini oʻtkazish uslublarini takomillashtirish, sud-ekspertiza muassasalarining kadrlar salohiyatini mustahkamlash;

boshqa muassasalarning kadrlar tayyorlash, qayta tayyorlash va ularning malakasini oshirish boʻyicha ilmiy-maʼrifiy faoliyatini tashkil etishda metodik koʻmaklashish;

sud-tibbiy ekspertiza faoliyatiga zamonaviy axborot-kommunikatsiya texnologiyalarini jadallik bilan joriy etish;

soha xodimlarini moddiy ragʻbatlantirishni yaxshilash uchun qulay shart-sharoitlar yaratish.

4. Belgilansinki:

Markaz davlat muassasasi maqomidagi yuridik shaxs boʻlib, oʻz nomi va Oʻzbekiston Respublikasi Davlat gerbining tasviri tushirilgan muhrga ega boʻladi;

Qoraqalpogʻiston Respublikasi, viloyatlar va Toshkent shahar sud-tibbiy ekspertizalari Markazning hududiy filiallari hisoblanadi va oʻz faoliyatida Markazga boʻysunadi;

Markazga Oʻzbekiston Respublikasi sogʻliqni saqlash vaziri tomonidan lavozimiga tayinlanadigan va lavozimidan ozod etiladigan direktor rahbarlik qiladi;

Markazning hududiy filiallari boshliqlari Markaz direktori taqdimnomasiga binoan Oʻzbekiston Respublikasi sogʻliqni saqlash vaziri tomonidan lavozimiga tayinlanadi va lavozimidan ozod etiladi;

har yili Davlat budjetidan “Sogʻliqni saqlash” sohasi boʻyicha ajratiladigan mablagʻlar, yuridik va jismoniy shaxslarga koʻrsatiladigan pullik xizmatlar, shuningdek, qonunchilik bilan taqiqlanmagan boshqa manbalar Markaz va uning hududiy filiallari faoliyatini moliyalashtirish manbalari hisoblanadi.

5. Oʻzbekiston Respublikasi Sogʻliqni saqlash vazirligining:

Markaz va uning hududiy boʻlinmalariga Oʻzbekiston Respublikasi Sogʻliqni saqlash vazirligi bilan kelishilgan holda Markaz direktori tomonidan tasdiqlanadigan roʻyxat va narxlar boʻyicha pullik xizmatlar koʻrsatish huquqini berish;

Markazga koʻrsatilgan pullik xizmatlardan tushgan mablagʻlarning 50 foizigacha boʻlgan qismini Markaz xodimlarini ijtimoiy himoya qilish va moddiy ragʻbatlantirish chora-tadbirlarini moliyalashtirish uchun Tibbiyot muassasalarini moddiy ragʻbatlantirish va rivojlantirish jamgʻarmasiga yoʻnaltirish huquqini berish;

marhumlar jasadini tashish funksiyasini Toshkent shahar tez tibbiy yordam xizmati va Respublika shoshilinch tibbiy yordam ilmiy markazining hududiy filiallaridan marhumlar jasadini tashish boʻyicha sanitarlar shtat birliklari bilan birga Markaz va uning hududiy filiallariga oʻtkazish toʻgʻrisidagi takliflari maʼqullansin.

6. Oʻzbekiston Respublikasi Qurilish vazirligi va Sogʻliqni saqlash vazirligi ikki oy muddatda Markaz hududiy filiallari binolarining namunaviy loyihalarini sud-tibbiy ekspertiza xizmati faoliyatini tashkil etishning zamonaviy talablarini hisobga olgan holda ishlab chiqsin va belgilangan tartibda tasdiqlasin.

7. Markazning Andijon, Jizzax, Navoiy, Samarqand, Sirdaryo va Surxondaryo viloyatlaridagi hududiy filiallari binosini namunaviy loyiha asosida qurish, shuningdek, Markazning boshqa hududiy filiallari binosini rekonstruksiya qilish boʻyicha buyurtmachi etib tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining “Yagona buyurtmachi xizmati” injiniring kompaniyalari belgilansin.

8. Oʻzbekiston Respublikasi Sogʻliqni saqlash vazirligi Toshkent shahar hokimligi bilan birgalikda uch oy muddatda Markazning umumiy shtat birliklari va uning taʼminoti uchun ajratiladigan budjet mablagʻlari doirasida Olmazor, Sergeli, Yunusobod va Yashnobod tumanlararo sud-tibbiy ekspertiza punktlarini ochish va faoliyatini tashkil etish choralarini koʻrsin.

9. Oʻzbekiston Respublikasi Sogʻliqni saqlash vazirligi belgilangan tartibda:

bir oy muddatda Markazning ustavi, nizomi va tuzilmasini, hududiy filiallarning namunaviy tuzilmasi va nizomini tasdiqlasin;

uch oy muddatda sud-tibbiy ekspertiza xizmati muassasalarining shtat normativlarini ishlab chiqsin va tasdiqlasin;

Oʻzbekiston Respublikasi Investitsiyalar boʻyicha davlat qoʻmitasi bilan birgalikda ikki oy muddatda Markaz va uning hududiy filiallarini zamonaviy uskunalar va inventarlar, shu jumladan 1-ilovaga muvofiq taqsimlagan holda marhumlar jasadini tashish uchun avtotransport vositalari bilan taʼminlash uchun xalqaro moliyaviy institutlar, tashkilotlar va xorijiy donor-mamlakatlarning mablagʻlarini jalb qilish boʻyicha takliflar kiritsin;

Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, boshqa manfaatdor vazirlik va idoralar bilan birgalikda Markaz va uning hududiy filiallariga zamonaviy axborot-kommunikatsiya texnologiyalarini joriy etish, shu jumladan ularni eng yangi kompyuter texnikasi bilan jihozlash, ekspert muassasalari va sud-tergov organlari oʻrtasida elektron hujjat aylanish tizimini shakllantirish, shuningdek, uning axborot xavfsizligini taʼminlash, sud-tibbiy xizmat faoliyati sohasida elektron maʼlumotlar bazasini yaratishni taʼminlasin;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi bilan birgalikda Markaz hamda uning hududiy filiallari kadrlar tarkibini mustahkamlash boʻyicha qoʻshimcha chora-tadbirlar koʻrsin.

10. Oʻzbekiston Respublikasi Sogʻliqni saqlash vazirligi sud-tibbiy xizmatining moddiy-texnik bazasini tubdan yaxshilash boʻyicha chora-tadbirlar dasturi 2-ilovaga muvofiq tasdiqlansin.

Belgilansinki, vazirlik va idoralar rahbarlari chora-tadbirlar dasturida nazarda tutilgan vazifalarning oʻz vaqtida, toʻliq va sifatli amalga oshirilishi uchun shaxsan javobgardir.

11. Oʻzbekiston Respublikasi Ichki ishlar vazirligi qonunchilikda belgilangan tartibda Markaz va uning hududiy filiallari maydonini idoraviy qoʻriqlash bilan taʼminlasin.

12. Oʻzbekiston Respublikasi Sogʻliqni saqlash vazirligi Markaz va uning hududiy filiallari mutaxassislarini ushbu sohaga ixtisoslashgan yetakchi xorijiy markazlar va muassasalarda tayyorlash, qayta tayyorlash va ularning malakasini oshirishni, shuningdek, yetakchi xorijiy mutaxassislarni jalb etgan holda seminar-treninglar va mahorat darslari tashkil etilishini taʼminlasin.

13. Oʻzbekiston Respublikasi Moliya vazirligi har yili Oʻzbekiston Respublikasi Davlat budjeti parametrlarida “Sogʻliqni saqlash” sohasi boʻyicha koʻzda tutiladigan mablagʻlar doirasida ushbu qaror bilan tasdiqlangan chora-tadbirlarni amalga oshirish uchun zarur mablagʻlarni nazarda tutsin.

14. Quyidagilarga:

Oʻzbekiston Respublikasi Bosh vazirining oʻrinbosari A.A. Abduhakimovga — ushbu qarorga muvofiq yuklatiladigan vazifalarni toʻliq va lozim darajada bajarilishi boʻyicha vazirlik va idoralar ishini samarali muvofiqlashtirish;

Oʻzbekiston Respublikasi sogʻliqni saqlash vaziri A.K. Shadmanovga — Oʻzbekiston Respublikasi Sogʻliqni saqlash vazirligi sud-tibbiy xizmatining moddiy-texnik bazasini tubdan yaxshilash boʻyicha chora-tadbirlar dasturida nazarda tutilgan barcha tadbirlarning oʻz vaqtida, toʻliq va sifatli amalga oshirilishi yuzasidan shaxsiy javobgarlik yuklansin.

15. Oʻzbekiston Respublikasi Bosh prokuraturasi ushbu qarorda nazarda tutilgan chora-tadbirlarning amalga oshirilishi, shuningdek, ajratilgan mablagʻlardan oʻz vaqtida, toʻgʻri va maqsadli foydalanilishi ustidan samarali nazorat oʻrnatsin.

16. Markaz va uning Toshkent shahar filiali Toshkent shahri, Olmazor tumani, Shifokorlar koʻchasi, 2-7 M-uyi manziliga joylashtirilsin.

17. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

18. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.

Oʻzbekiston Respublikasi Prezidentining 2018-yil 4-dekabrdagi PQ-4049-son qaroriga 1-ILOVA

Marhumlar jasadini tashish uchun maxsus avtotransport vositalari taqsimoti *

Filial nomi Soni Respublika sud-tibbiy ekspertiza ilmiy-amaliy markazining Qoraqalpogʻiston Respublikasi filiali — 4 Respublika sud-tibbiy ekspertiza ilmiy-amaliy markazining Andijon filiali — 5 Respublika sud-tibbiy ekspertiza ilmiy-amaliy markazining Buxoro filiali — 3 Respublika sud-tibbiy ekspertiza ilmiy-amaliy markazining Jizzax filiali — 3 Respublika sud-tibbiy ekspertiza ilmiy-amaliy markazining Navoiy filiali — 4 Respublika sud-tibbiy ekspertiza ilmiy-amaliy markazining Namangan filiali — 5 Respublika sud-tibbiy ekspertiza ilmiy-amaliy markazining Samarqand filiali — 5 Respublika sud-tibbiy ekspertiza ilmiy-amaliy markazining Sirdaryo filiali — 3 Respublika sud-tibbiy ekspertiza ilmiy-amaliy markazining Surxondaryo filiali — 4 Respublika sud-tibbiy ekspertiza ilmiy-amaliy markazining Toshkent viloyati filiali — 5 Respublika sud-tibbiy ekspertiza ilmiy-amaliy markazining Fargʻona filiali — 6 Respublika sud-tibbiy ekspertiza ilmiy-amaliy markazining Xorazm filiali — 3 Respublika sud-tibbiy ekspertiza ilmiy-amaliy markazining Qashqadaryo filiali — 6 Respublika sud-tibbiy ekspertiza ilmiy-amaliy markazining Toshkent shahar filiali — 5 Jami 61

Oʻzbekiston Respublikasi Prezidentining 2018-yil 4-dekabrdagi PQ-4049-son qaroriga 2-ILOVA

Oʻzbekiston Respublikasi Sogʻliqni saqlash vazirligi sud-tibbiy xizmatining moddiy-texnik bazasini tubdan yaxshilash boʻyicha chora-tadbirlar

T/r Tadbirlar nomi Ijro muddati Moliyalashtirish manbai Ijrochilar 1. Sud-tibbiy xizmatning moddiy-texnik jihozlanish holatini tanqidiy tahlil qilish. 2018-yil dekabr — SSV (A. Shadmanov) 2. “TIKA”ning Oʻzbekistondagi vakolatxonasi hamda boshqa xalqaro tashkilotlar bilan hamkorlikda Markaz va uning hududiy filiallari uchun zarur boʻlgan inventarlar, shu jumladan DNK-uskuna va marhumlar jasadini tashish uchun avtotransport vositalari xarid qilish boʻyicha loyihalarni tayyorlash va kiritish. 2019-yil yanvar — SSV (A. Shadmanov) , manfaatdor vazirliklar 3. Olmazor, Sergeli, Yunusobod va Yashnobod tumanlararo sud-tibbiy ekspertiza punktlarini ochish va faoliyatini tashkil etish (tarkibiy tuzilmasida tanatologiya boʻlimi va jonli yuzlarni ekspertiza qilish boʻlimini koʻzda tutgan holda). 2019-yil yanvar Taʼlim va tibbiyot muassasalarining moddiy-texnika bazasini rivojlantirish jamgʻarmasi SSV (A. Shadmanov) , manfaatdor vazirliklar 4. Markazning Andijon, Jizzax, Navoiy, Samarqand, Sirdaryo va Surxondaryo viloyatlaridagi hududiy filiallari binosini namunaviy loyiha asosida qurish, shuningdek, boshqa hududiy filiallar binosini rekonstruksiya qilish boʻyicha loyiha-smeta hujjatlarini tayyorlash. 2019-yil mart Taʼlim va tibbiyot muassasalarining moddiy-texnika bazasini rivojlantirish jamgʻarmasi Qurilish vazirligi (A. Toʻxtayev) , SSV (A. Shadmanov) , Moliya vazirligi (A. Haydarov), tegishli viloyat hokimliklari 5. Markaz va uning hududiy filiallarini marhumlar jasadini tashish uchun maxsus avtotransport vositalari bilan bosqichma-bosqich taʼminlash. 2019-2020-yillar davomida XMI va donor-mamlakatlar mablagʻlari, budjet mablagʻlari SSV (A. Shadmanov) , Investitsiyalar boʻyicha davlat qoʻmitasi (S. Xolmurodov) , Moliya vazirligi (A. Haydarov) 6. Tasdiqlangan loyiha-smeta hujjatlari asosida Markazning Andijon, Jizzax, Navoiy, Samarqand, Sirdaryo va Surxondaryo viloyatlaridagi hududiy filiallari binosini qurish, shuningdek, boshqa hududiy filiallar binosini rekonstruksiya qilish ishlarini Davlat rivojlanish dasturlariga bosqichma-bosqich kiritish. 2019 — 2021-yillar davomida Taʼlim va tibbiyot muassasalarining moddiy-texnika bazasini rivojlantirish jamgʻarmasi SSV (A. Shadmanov) , Moliya vazirligi (A. Haydarov), Qurilish vazirligi (A. Toʻxtayev), tegishli viloyat hokimliklari 7. Markaz va uning hududiy filiallariga zamonaviy axborot-kommunikatsiya texnologiyalarini joriy etish, shuningdek, ekspert muassasalari va sud-tergov organlari oʻrtasida elektron hujjat aylanish tizimini yaratish asosida elektron maʼlumotlar bazasini shakllantirish. 2018-2019-yillar davomida Budjet mablagʻlari, XMI va donor-mamlakatlar mablagʻlari, AKTni rivojlantirish jamgʻarmasi SSV (A. Shadmanov) , Axborot texnologiyalari va kommunikatsiyalarini rivojlantirish vazirligi (Sh. Sadikov) , Moliya vazirligi (A. Haydarov) , Iqtisodiyot vazirligi (B. Xodjayev) 8. Tanatologiya boʻlimlari (morglar) va laboratoriya boʻlinmalarida sud-tibbiy va kriminalistik tadqiqotlarni ISO 9001 va 17025 xalqaro mezonlariga muvofiq oʻtkazish uchun ular ni sovutkichli kameralar, seksiyali toʻplamlar, zamonaviy jihozlar, uskunalar, butlovchi qismlar va reaktiv moddalar bilan taʼminlash. 2019 — 2021-yillar davomida XMI mablagʻlari, budjet mablagʻlari SSV (A. Shadmanov) , Moliya vazirligi (A. Haydarov) , Investitsiyalar boʻyicha davlat qoʻmitasi (S. Xolmurodov) , Iqtisodiyot vazirligi (B. Xodjayev) 9. Markaz va uning Qoraqalpogʻiston Respublikasi, Samarqand va Fargʻona viloyatlaridagi filiallarini gen-molekulyar tadqiqotlar oʻtkazish jihozlari bilan taʼminlash. 2019-2020-yillar davomida Budjet mablagʻlari , XMI mablagʻlari SSV (A. Shadmanov) , Moliya vazirligi (A. Haydarov) , Investitsiyalar boʻyicha davlat qoʻmitasi (S. Xolmurodov) , Iqtisodiyot vazirligi (B. Xodjayev), Qoraqalpogʻiston Respublikasi Vazirlar Kengashi, tegishli viloyat hokimliklari

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 4-dekabr,

PQ-4049-son

(Qonun hujjatlari maʼlumotlari milliy bazasi, 05.12.2018-y., 07/18/4049/2268-son)

lex.uz

Президента Республики Узбекистан

Постановление

Программа

О мерах по дальнейшему совершенствованию деятельности судебно-медицинской службы Министерства здравоохранения Республики Узбекистан

За последние годы в стране предприняты меры по качественному улучшению деятельности судебно-медицинской службы, укреплению материально-технической базы судебно-медицинских учреждений, оснащению их современной диагностической аппаратурой и реагентами, повышению качества проведения судебно-медицинских экспертиз и их достоверности.

Вместе с тем, изучение состояния дел на местах в данной сфере показывает наличие системных проблем и недостатков, препятствующих эффективной деятельности судебно-медицинской службы. В частности:

первое, система управления судебно-медицинской службой не отвечает современным требованиям, что приводит к значительным трудностям в управлении региональными бюро и неравномерному распределению финансовых средств;

второе, отсутствует необходимое оборудование для проведения фундаментальных и прикладных генно-молекулярных исследований, в том числе для идентификации личности по биологическому материалу;

третье, подразделения судебно-медицинской службы не оснащены специализированным автотранспортом для перевозки тел усопших с мест первичного обнаружения в здания судебно-медицинской службы;

четвертое, низкий уровень научного потенциала судебно-экспертных учреждений препятствует развитию фундаментальных и прикладных научных исследований в сфере судебной экспертизы;

пятое, не на должном уровне осуществляется внедрение в экспертную деятельность инновационных технологий, имеется технологическое отставание в оснащении экспертных лабораторий современным экспертным оборудованием;

шестое, современное состояние проведения судебно-медицинских экспертиз не отвечает международным требованиям стандартизации и менеджмента качества, что не способствует повышению качества исследований и предупреждению экспертных ошибок.

В целях ускоренного решения имеющихся проблем и недостатков, а также дальнейшего совершенствования деятельности судебно-медицинской службы Министерства здравоохранения Республики Узбекистан:

1. Указать руководству Министерства здравоохранения на недостаточность контроля со стороны министерства за деятельностью Главного бюро судебно-медицинской экспертизы Министерства здравоохранения Республики Узбекистан и его территориальных подразделений.

2. Принять предложения Министерства здравоохранения Республики Узбекистан о:

преобразовании Главного бюро судебно-медицинской экспертизы в Республиканский научно-практический центр судебно-медицинской экспертизы Министерства здравоохранения Республики Узбекистан (далее — Центр);

образовании Ташкентского городского филиала Центра за счет оптимизации действующей штатной численности Центра в пределах выделяемых бюджетных средств на его содержание.

3. Определить основными направлениями реформирования судебно-медицинской службы Министерства здравоохранения Республики Узбекистан:

оснащение Центра и его региональных филиалов современным медицинским оборудованием и расходными материалами, а также проведение строительно-ремонтных работ региональных филиалов;

внедрение результатов научных исследований в судебно-экспертную деятельность, совершенствование методики проведения судебных экспертиз, укрепление кадрового потенциала судебно-экспертных учреждений;

оказание методического содействия в организации научно-образовательной деятельности других учреждений по подготовке, переподготовке и повышению квалификации кадров;

ускоренное внедрение современных информационно-коммуникационных технологий в деятельность судебно-медицинской экспертизы;

создание благоприятных условий для улучшения материального стимулирования работников сферы.

4. Определить, что:

Центр является юридическим лицом со статусом государственного учреждения, имеет печать со своим наименованием и изображением Государственного герба Республики Узбекистан;

бюро судебно-медицинской экспертизы Республики Каракалпакстан, областей и г. Ташкента являются региональными филиалами Центра и в своей деятельности подчиняются Центру;

Центр возглавляет директор, назначаемый на должность и освобождаемый от должности министром здравоохранения Республики Узбекистан;

начальники региональных филиалов Центра назначаются на должность и освобождаются от должности министром здравоохранения Республики Узбекистан по представлению директора Центра;

источниками финансирования деятельности Центра и его региональных филиалов являются ежегодные ассигнования Государственного бюджета, выделяемые по отрасли «Здравоохранение», поступления от оказания юридическим и физическим лицам платных услуг, а также иные источники, не запрещенные законодательством.

5. Одобрить предложения Министерства здравоохранения Республики Узбекистан о:

предоставлении Центру и его региональным филиалам права оказания платных услуг по перечню и расценкам, утверждаемым директором Центра по согласованию с Министерством здравоохранения Республики Узбекистан;

предоставлении Центру права направлять до 50 процентов средств, поступающих от оказания платных услуг, в Фонд материального стимулирования и развития медицинских организаций, для финансирования мероприятия по социальной защите и материальному стимулированию сотрудников Центра;

передаче функций по транспортировке тел усопших от службы скорой медицинской помощи города Ташкента и региональных филиалов Республиканского научного центра экстренной медицинской помощи в Центр и его региональные филиалы, со штатными единицами санитаров по транспортировке тел усопших.

6. Министерству строительства и Министерству здравоохранения Республики Узбекистан в двухмесячный срок разработать и утвердить в установленном порядке типовой проект зданий региональных филиалов Центра с учетом современных требований организации деятельности службы судебно-медицинской экспертизы.

7. Определить заказчиками по строительству зданий региональных филиалов Центра в Андижанской, Джизакской, Навоийской, Самаркандской, Сурхандарьинской и Сырдарьинской областях по типовому проекту, а также реконструкции зданий остальных региональных филиалов Центра соответственно инжиниринговые компании «Служба единого заказчика» при Совете Министров Республики Каракалпакстан, хокимиятах областей и г. Ташкента.

8. Министерству здравоохранения Республики Узбекистан совместно с хокимиятом г. Ташкента в трехмесячный срок принять меры по открытию и организации деятельности Алмазарского, Сергелийского, Юнусабадского и Яшнабадского межрайонных пунктов судебно-медицинской экспертизы в пределах общей штатной численности Центра и выделяемых бюджетных средств на его содержание.

9. Министерству здравоохранения Республики Узбекистан в установленном порядке:

в месячный срок утвердить устав, положение и структуру Центра, типовую структуру и положение о его региональных филиалах;

в трехмесячный срок разработать и утвердить штатные нормативы учреждений службы судебно-медицинской экспертизы;

совместно с Государственным комитетом Республики Узбекистан по инвестициям в двухмесячный срок внести предложения по привлечению средств международных финансовых институтов, организаций и зарубежных стран-доноров для оснащения Центра и его региональных филиалов современным оборудованием и инвентарем, в том числе автотранспортом для транспортировки тел усопших, с распределением их согласно приложению № 1 ;

совместно с Министерством по развитию информационных технологий и коммуникаций Республики Узбекистан и другими заинтересованными министерствами и ведомствами обеспечить внедрение современных информационно-коммуникационных технологий в Центре и его региональных филиалах, включая оснащение их новейшей компьютерной техникой, формирование электронной базы данных в сфере деятельности судебно-медицинской службы, информационной системы электронного документооборота между экспертными учреждениями и судебно-следственными органами, а также обеспечение ее информационной безопасности;

совместно с Советом Министров Республики Каракалпакстан, хокимиятами областей и г. Ташкента принять дополнительные меры по укреплению кадрового состава Центра, а также его региональных филиалов.

10. Утвердить Программу мер по коренному улучшению материально-технической базы судебно-медицинской службы Министерства здравоохранения Республики Узбекистан согласно приложению № 2 .

Установить, что руководители министерств и ведомств несут персональную ответственность за своевременную, полную и качественную реализацию мероприятий, предусмотренных в Программе мер.

11. Министерству внутренних дел Республики Узбекистан обеспечить ведомственной охраной территорию Центра и его региональных филиалов в соответствии с законодательством.

12. Министерству здравоохранения Республики Узбекистан обеспечить подготовку, переподготовку и повышение квалификации специалистов Центра и его региональных филиалов в ведущих профильных зарубежных центрах и учреждениях, а также организацию семинаров-тренингов и мастер-классов с привлечением ведущих иностранных специалистов.

13. Министерству финансов Республики Узбекистан ежегодно предусматривать необходимые средства на реализацию мероприятий, утвержденных настоящим постановлением, в пределах бюджетных ассигнований, предусматриваемых в параметрах Государственного бюджета Республики Узбекистан по отрасли «Здравоохранение».

14. Установить персональную ответственность:

заместителя Премьер-министра Республики Узбекистан А.А. Абдухакимова — за действенную координацию работы министерств и ведомств по эффективному и надлежащему выполнению задач, возложенных в соответствии с настоящим постановлением;

министра здравоохранения Республики Узбекистан А.К. Шадманова — за своевременное, полноценное и качественное выполнение всех мероприятий, предусмотренных Программой мер по коренному улучшению материально-технической базы судебно-медицинской службы Министерства здравоохранения Республики Узбекистан.

15. Генеральной прокуратуре Республики Узбекистан установить эффективный надзор за выполнением мероприятий, предусмотренных настоящим постановлением, а также своевременным, рациональным и целевым использованием выделенных средств.

16. Разместить Центр и Ташкентский городской филиал Центра по адресу: г. Ташкент, Алмазарский район, улица Шифокорлар, дом 2-7 М.

17. Министерству здравоохранения совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.

18. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.

ПРИЛОЖЕНИЕ № 1 к постановлению Президента Республики Узбекистан от 4 декабря 2018 года № ПП-4049

Распределение специализированного автотранспорта для транспортировки тел усопших *

Наименование филиала Количество Филиал Республиканского научно-практического центра судебно-медицинской экспертизы в Республике Каракалпакстан — 4 Андижанский филиал Республиканского научно-практического центра судебно-медицинской экспертизы — 5 Бухарский филиал Республиканского научно-практического центра судебно-медицинской экспертизы — 3 Джизакский филиал Республиканского научно-практического центра судебно-медицинской экспертизы — 3 Кашкадарьинский филиал Республиканского научно-практического центра судебно-медицинской экспертизы — 6 Навоийский филиал Республиканского научно-практического центра судебно-медицинской экспертизы — 4 Наманганский филиал Республиканского научно-практического центра судебно-медицинской экспертизы — 5 Самаркандский филиал Республиканского научно-практического центра судебно-медицинской экспертизы — 5 Сурхандарьинский филиал Республиканского научно-практического центра судебно-медицинской экспертизы — 4 Сырдарьинский филиал Республиканского научно-практического центра судебно-медицинской экспертизы — 3 Ташкентский областной филиал Республиканского научно-практического центра судебно-медицинской экспертизы — 5 Ферганский филиал Республиканского научно-практического центра судебно-медицинской экспертизы — 6 Хорезмский филиал Республиканского научно-практического центра судебно-медицинской экспертизы — 3 Ташкентский городской филиал Республиканского научно-практического центра судебно-медицинской экспертизы — 5 Всего 61

ПРИЛОЖЕНИЕ № 2 к постановлению Президента Республики Узбекистан от 4 декабря 2018 года № ПП-4049

мер по коренному улучшению материально-технической базы судебно-медицинской службы Министерства здравоохранения Республики Узбекистан

№ Наименование мероприятий‎ Сроки исполнения Источники финансирования Исполнители‎ 1. Проведение критического анализа материально- технического оснащения судебно-медицинской службы . декабрь 2018 года — Минздрав (А. Шадманов) 2. Проработка и внесение предложений по реализации совместно с представительством «TIKA» в Узбекистане, а также другими международными организациями проектов по приобретению необходимого для Центра и его региональных филиалов инвентаря, в том числе ДНК-оборудования и специализированных автотранспортных средств для транспортировки тел усопших. январь 2019 года — Минздрав (А. Шадманов) , заинтересованные министерства 3. Открытие и организация деятельности Алмазарского, Сергелийского, Юнусабадского и Яшнабадского межрайонных пунктов судебно-медицинской экспертизы (предусмотрев в структуре танатологический отдел и отдел экспертизы живых лиц). январь 2019 года Фонд развития материально-технической базы образовательных и медицинских учреждений Минздрав (А. Шадманов) , заинтересованные министерства 4. Разработка проектно-сметной документации по строительству типовых зданий филиалов Центра в Андижанской, Самаркандской, Сурхандарьинской, Сырдарьинской, Навоийской, Джизакской областях, а также по реконструкции зданий остальных филиалов. март 2019 года Фонд развития материально-технической базы образовательных и медицинских учреждений Минстрой (А. Тухтаев) , Минздрав (А. Шадманов) , Минфин (А. Хайдаров), соответствующие хокимияты областей 5. Поэтапное оснащение Центра и его региональных филиалов специализированным автотранспортом для транспортировки тел усопших. В течение 2019-2020 гг. Средства МФИ и стран-доноров, средства бюджета Минздрав (А. Шадманов) , Госкоминвестиций (С. Холмуродов) , Минфин (А. Хайдаров) 6. Поэтапное внесение в Государственную программу развития строительство типовых зданий региональных филиалов Центра в Андижанской, Джизакской, Навоийской, Самаркандской, Сурхандарьинской и Сырдарьинской областях и реконструкцию зданий остальных региональных филиалов на основании утвержденной проектно-сметной документации. В течение 2019 — 2021 гг. Фонд развития материально-технической базы образовательных и медицинских учреждений Минздрав (А. Шадманов) , Минфин (А. Хайдаров), Минстрой (А. Тухтаев), соответствующие хокимияты областей 7. Принятие мер по внедрению современных информационно-коммуникационных технологий в Центре и его региональных филиалах, а также формирование электронной базы данных с созданием информационной системы электронного документооборота между экспертными учреждениями и судебно-следственными органами. В течение 2018-2019 гг. Средства бюджета , средства МФИ и стран-доноров, Фонд развития ИКТ Минздрав (А. Шадманов) , Мининфоком (Ш. Садиков) , Минфин (А. Хайдаров) , Минэкономики (Б. Ходжаев) 8. Оснащение танатологических отделов (моргов) и лабораторных подразделений холодильными камерами, секционными наборами, современным оборудованием, аппаратурой, комплектующими и реактивами для проведения судебно-медицинских и криминалистических исследований в соответствии с международными стандартами ISO 9001 и 17025. В течение 2019 — 2021 гг. Средства МФИ, средства бюджета Минздрав (А. Шадманов) , Минфин (А. Хайдаров) , Госкоминвестиций (С. Холмуродов) , Минэкономики (Б. Ходжаев) 9. Оснащение Центра и его филиалов в Республике Каракалпакстан, Самаркандской и Ферганской областях оборудованием для проведения генно-молекулярных исследований. В течение 2019- 2020 гг. Средства бюджета, средства МФИ Минздрав (А. Шадманов) , Минфин (А. Хайдаров) , Госкоминвестиций (С. Холмуродов) , Минэкономики (Б. Ходжаев), Совет Министров Республики Каракалпакстан, соответствующие хокимияты областей

Президент Республики Узбекистан Ш. МИРЗИЁЕВ

г. Ташкент,

4 декабря 2018 г.,

№ ПП-4049

(Национальная база данных законодательства, 05.12.2018 г., № 07/18/4049/2268)

lex.uz