📅 2018-yil 5-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 5 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳрининг марказий қисмида кўп тармоқли комплекс қурилишини ташкил этиш чора-тадбирлари тўғрисида
Иқтисодиётнинг молия секторини ривожлантиришга хорижий инвестицияларни кенг жалб қилиш ҳамда замонавий бизнес маркази, савдо-кўнгилочар ва меҳмонхона комплексини ташкил этиш йўли билан Тошкент шаҳрининг туризм салоҳиятини ошириш мақсадида Вазирлар Маҳкамаси қарор қилади:
1. Тошкент шаҳар ҳокимлиги, Ўзбекистон Республикаси Инвестициялар бўйича давлат қўмитаси, Қурилиш вазирлиги ҳамда Туризмни ривожлантириш давлат қўмитасининг «Taşkent Merkez Park Gayrimenkul Yatirim Anonim Şirketi» компанияси (Туркия Республикаси) ва «UzTur Investment and Development» МЧЖ (Ўзбекистон Республикаси) (кейинги ўринларда инвесторлар деб аталади) томонидан Тошкент шаҳрида «Tashkent Central Park» кўп тармоқли комплекси қуриш лойиҳасини (кейинги ўринларда лойиҳа деб аталади) амалга ошириш тўғрисидаги таклифи маъқуллансин.
2. Инвесторлар лойиҳани амалга ошириш доирасида 2019-2022 йилларда ўз маблағлари ва жалб қилинган маблағлар ҳисобидан лойиҳа ҳужжатларига мувофиқ беш юлдузли меҳмонхона, савдо-кўнгилочар марказ, тижорат банки учун маъмурий бинолар ҳамда бошқа иншоотлар қуриш мажбуриятини олганликлари маълумот учун қабул қилинсин.
3. Ўзбекистон Республикаси Инвестициялар ва ташқи савдо вазирлиги:
хорижий инвесторлар билан хорижий инвесторлар ҳукуқ ва мажбуриятлари, инвестициялар ҳажми, янги ташкил этиладиган иш ўринлари, тақдим этиладиган имтиёзлар ва преференциялар ҳамда бошқа шартларни қамраб олувчи инвестиция шартномаси бир ой муддатда, белгиланган тартибда тузилишини таъминласин;
хорижий инвесторлар томонидан инвестиция шартномасидан келиб чиқувчи мажбуриятларнинг ижро қилиниши юзасидан назорат ўрнатсин.
4. Тошкент шаҳар ҳокимлиги Ўзбекистон Республикаси Қурилиш вазирлиги, Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда «UzTur Investment and Development» МЧЖга лойиҳани амалга ошириш учун Тошкент шаҳри, Юнусобод туманидаги АмирТемур шоҳ кўчаси, Шаҳрисабз ва Истиқлол кўчалари доирасидаги умумий майдони 2,5 гектар бўлган ер майдони доимий фойдаланиш ҳуқуқи асосида белгиланган тартибда ажратилишини таъминласин.
5. Лойиҳани амалга ошириш доирасида инвесторлар, пудрат ва субпудрат ташкилотларига:
қурилишни «fast-track» услубида, фойдаланишга «тайёр ҳолда топшириш» шартларида амалга оширишга;
қурилиш учун олиб келинадиган импорт товарларни ўз омборларида «божхона омбори» режимида жойлаштиришга рухсат берилсин.
6. Лойиҳани амалга ошириш доирасида 2022 йил 31 декабрга қадар:
а) инвесторлар ва пудрат ташкилоти:
ягона ижтимоий тўловдан ташқари барча турдаги солиқлар ва давлат мақсадли жамғармаларига мажбурий тўловларни тўлашдан;
инвесторлар, пудрат ва субпудрат ташкилотларининг хорижий мутахассисларининг иш ҳақи фонди бўйича ягона ижтимоий тўловни тўлашдан;
белгиланган тартибда шакллантириладиган рўйхатлар бўйича олиб келинадиган материаллар (шу жумладан мебель ва жиҳозлар), хом ашё, ускуналар, технологик ҳужжатлар, бутловчи буюмлар ва эҳтиёт қисмлар, шунингдек, металл прокати, асбоблар-ускуналар учун божхона тўловлари тўлашдан (божхона расмийлаштируви йиғимларидан ташқари);
белгиланган тартибда тасдиқланадиган рўйхатлар бўйича «вақтинча олиб кириш» божхона режимида олиб келинадиган қурилиш техникаси, машина ва механизмлар, асбоб-ускуналар, вақтинчалик бино ва иншоотлар, транспорт воситалари даврий божхона тўловлари тўлашдан;
б) инвесторлар, пудрат ва субпудрат ташкилотлари Ўзбекистон Республикаси норезидентлари томонидан бажариладиган ишлар (кўрсатиладиган хизматлар) бўйича қўшилган қиймат солиғини тўлашдан озод қилинсин.
7. Ўзбекистон Республикаси Давлат солиқ қўмитаси Давлат божхона қўмитаси билан биргаликда ушбу қарор билан берилган солиқ ва божхона имтиёзлари қўлланилишининг қонунийлиги ҳамда имтиёзлар қўлланган ҳолда импорт қилинган товарлардан мақсадли фойдаланилиши юзасидан қатъий назорат ўрнатсин.
8. Белгилансинки:
инвесторлар ушбу қарорга мувофиқ имтиёзларни қўллаган ҳолда белгиланган тартибда шакллантирилган рўйхатлар бўйича импорт қилинадиган товарлардан мақсадли фойдаланилиши учун шахсан жавоб берадилар;
солиқ ва божхона имтиёзларини ноқонуний қўллаш ҳамда ушбу қарорга мувофиқ берилган имтиёзларни қўллаган ҳолда белгиланган тартибда шакллантириладиган ва тасдиқланадиган рўйхатлар бўйича импорт қилинадиган товарлардан мақсаддан ташқари фойдаланиш ҳолатлари аниқланган тақдирда солиқ ва божхона имтиёзларини қўллаш натижасида бўшайдиган маблағлар, қонун ҳужжатларида назарда тутилган жарима санкцияларини қўллаган, шу жумладан пеняларни ҳисоблаб ёзган ҳолда тўлиқ ҳажмда Ўзбекистон Республикаси Давлат бюджетига ундирилади.
9. Тошкент шаҳар ҳокимлиги Ўзбекистон Республикаси Уй-жой коммунал хизмат кўрсатиш вазирлиги, «Ўзбекэнерго» АЖ, «Ўзтрансгаз» АЖ ҳамда «Ўзбектелеком» АЖ билан биргаликда инвесторлар маблағлари ҳисобидан лойиҳа қувватларига мувофиқ қурилиш объектларига муҳандислик — коммуникация инфратузилмалари (электр энергияси, газ таъминоти, ичимлик сув, канализация, телефон алоқаси ва бошқалар) ўтказилишини белгиланган тартибда таъминласин.
10. Ўзбекистон Республикаси Ташқи ишлар вазирлиги инвесторларнинг буюртманомаларига биноан, лойиҳани амалга оширишда қатнашадиган хорижий мутахассисларга кириш визалари консуллик ва бошқа йиғимлар ундирилмаган ҳолда расмийлаштирилишини белгиланган тартибда таъминласин.
11. Ўзбекистон Республикаси Ички ишлар вазирлиги инвесторларнинг буюртманомаларига биноан, лойиҳани амалга оширишда қатнашадиган хорижий мутахассисларга кўп марталик визалар берилиши ва муддати узайтирилишини, шунингдек, улар вақтинча яшайдиган жойда вақтинча турган жойи бўйича рўйхатга олинишини ва унинг муддати узайтирилишини давлат божи ундирмасдан расмийлаштиришни белгиланган тартибда таъминласин.
12. Ўзбекистон Республикаси Бандлик ва меҳнат муносабатлари вазирлиги инвесторларнинг буюртманомаларига биноан, хорижий мутахассисларни Ўзбекистон Республикасига жалб этишга рухсатномалар берилишини (муддати узайтирилишини), шунингдек, кўрсатилган хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқукига тасдиқномалар берилишини (муддати узайтирилишини) таъминласин.
13. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Тошкент шаҳар ҳокими вазифасини бажарувчи Ж.А. Артикходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 5 декабрь,
991-сон
Oʻzbekiston Respublikasi Vazirlar Mahkamasining
qarori
Toshkent shahrining markaziy qismida koʻp tarmoqli kompleks qurilishini tashkil etish chora-tadbirlari toʻgʻrisida
Iqtisodiyotning moliya sektorini rivojlantirishga xorijiy investitsiyalarni keng jalb qilish hamda zamonaviy biznes markazi, savdo-koʻngilochar va mehmonxona kompleksini tashkil etish yoʻli bilan Toshkent shahrining turizm salohiyatini oshirish maqsadida Vazirlar Mahkamasi qaror qiladi:
1. Toshkent shahar hokimligi, Oʻzbekiston Respublikasi Investitsiyalar boʻyicha davlat qoʻmitasi, Qurilish vazirligi hamda Turizmni rivojlantirish davlat qoʻmitasining “Taşkent Merkez Park Gayrimenkul Yatirim Anonim Şirketi” kompaniyasi (Turkiya Respublikasi) va “UzTur Investment and Development” MChJ (Oʻzbekiston Respublikasi) (keyingi oʻrinlarda investorlar deb ataladi) tomonidan Toshkent shahrida “Tashkent Central Park” koʻp tarmoqli kompleksi qurish loyihasini (keyingi oʻrinlarda loyiha deb ataladi) amalga oshirish toʻgʻrisidagi taklifi maʼqullansin.
2. Investorlar loyihani amalga oshirish doirasida 2019-2022-yillarda oʻz mablagʻlari va jalb qilingan mablagʻlar hisobidan loyiha hujjatlariga muvofiq besh yulduzli mehmonxona, savdo-koʻngilochar markaz, tijorat banki uchun maʼmuriy binolar hamda boshqa inshootlar qurish majburiyatini olganliklari maʼlumot uchun qabul qilinsin.
3. Oʻzbekiston Respublikasi Investitsiyalar va tashqi savdo vazirligi:
xorijiy investorlar bilan xorijiy investorlar hukuq va majburiyatlari, investitsiyalar hajmi, yangi tashkil etiladigan ish oʻrinlari, taqdim etiladigan imtiyozlar va preferensiyalar hamda boshqa shartlarni qamrab oluvchi investitsiya shartnomasi bir oy muddatda, belgilangan tartibda tuzilishini taʼminlasin;
xorijiy investorlar tomonidan investitsiya shartnomasidan kelib chiquvchi majburiyatlarning ijro qilinishi yuzasidan nazorat oʻrnatsin.
4. Toshkent shahar hokimligi Oʻzbekiston Respublikasi Qurilish vazirligi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda “UzTur Investment and Development” MChJga loyihani amalga oshirish uchun Toshkent shahri, Yunusobod tumanidagi AmirTemur shoh koʻchasi, Shahrisabz va Istiqlol koʻchalari doirasidagi umumiy maydoni 2,5 gektar boʻlgan yer maydoni doimiy foydalanish huquqi asosida belgilangan tartibda ajratilishini taʼminlasin.
5. Loyihani amalga oshirish doirasida investorlar, pudrat va subpudrat tashkilotlariga:
qurilishni “fast-track” uslubida, foydalanishga “tayyor holda topshirish” shartlarida amalga oshirishga;
qurilish uchun olib kelinadigan import tovarlarni oʻz omborlarida “bojxona ombori” rejimida joylashtirishga ruxsat berilsin.
6. Loyihani amalga oshirish doirasida 2022-yil 31-dekabrga qadar:
a) investorlar va pudrat tashkiloti:
yagona ijtimoiy toʻlovdan tashqari barcha turdagi soliqlar va davlat maqsadli jamgʻarmalariga majburiy toʻlovlarni toʻlashdan;
investorlar, pudrat va subpudrat tashkilotlarining xorijiy mutaxassislarining ish haqi fondi boʻyicha yagona ijtimoiy toʻlovni toʻlashdan;
belgilangan tartibda shakllantiriladigan roʻyxatlar boʻyicha olib kelinadigan materiallar (shu jumladan mebel va jihozlar), xom ashyo, uskunalar, texnologik hujjatlar, butlovchi buyumlar va ehtiyot qismlar, shuningdek, metall prokati, asboblar-uskunalar uchun bojxona toʻlovlari toʻlashdan (bojxona rasmiylashtiruvi yigʻimlaridan tashqari);
belgilangan tartibda tasdiqlanadigan roʻyxatlar boʻyicha “vaqtincha olib kirish” bojxona rejimida olib kelinadigan qurilish texnikasi, mashina va mexanizmlar, asbob-uskunalar, vaqtinchalik bino va inshootlar, transport vositalari davriy bojxona toʻlovlari toʻlashdan;
b) investorlar, pudrat va subpudrat tashkilotlari Oʻzbekiston Respublikasi norezidentlari tomonidan bajariladigan ishlar (koʻrsatiladigan xizmatlar) boʻyicha qoʻshilgan qiymat soligʻini toʻlashdan ozod qilinsin.
7. Oʻzbekiston Respublikasi Davlat soliq qoʻmitasi Davlat bojxona qoʻmitasi bilan birgalikda ushbu qaror bilan berilgan soliq va bojxona imtiyozlari qoʻllanilishining qonuniyligi hamda imtiyozlar qoʻllangan holda import qilingan tovarlardan maqsadli foydalanilishi yuzasidan qatʼiy nazorat oʻrnatsin.
8. Belgilansinki:
investorlar ushbu qarorga muvofiq imtiyozlarni qoʻllagan holda belgilangan tartibda shakllantirilgan roʻyxatlar boʻyicha import qilinadigan tovarlardan maqsadli foydalanilishi uchun shaxsan javob beradilar;
soliq va bojxona imtiyozlarini noqonuniy qoʻllash hamda ushbu qarorga muvofiq berilgan imtiyozlarni qoʻllagan holda belgilangan tartibda shakllantiriladigan va tasdiqlanadigan roʻyxatlar boʻyicha import qilinadigan tovarlardan maqsaddan tashqari foydalanish holatlari aniqlangan taqdirda soliq va bojxona imtiyozlarini qoʻllash natijasida boʻshaydigan mablagʻlar, qonun hujjatlarida nazarda tutilgan jarima sanksiyalarini qoʻllagan, shu jumladan penyalarni hisoblab yozgan holda toʻliq hajmda Oʻzbekiston Respublikasi Davlat budjetiga undiriladi.
9. Toshkent shahar hokimligi Oʻzbekiston Respublikasi Uy-joy kommunal xizmat koʻrsatish vazirligi, “Oʻzbekenergo” AJ, “Oʻztransgaz” AJ hamda “Oʻzbektelekom” AJ bilan birgalikda investorlar mablagʻlari hisobidan loyiha quvvatlariga muvofiq qurilish obyektlariga muhandislik — kommunikatsiya infratuzilmalari (elektr energiyasi, gaz taʼminoti, ichimlik suv, kanalizatsiya, telefon aloqasi va boshqalar) oʻtkazilishini belgilangan tartibda taʼminlasin.
10. Oʻzbekiston Respublikasi Tashqi ishlar vazirligi investorlarning buyurtmanomalariga binoan, loyihani amalga oshirishda qatnashadigan xorijiy mutaxassislarga kirish vizalari konsullik va boshqa yigʻimlar undirilmagan holda rasmiylashtirilishini belgilangan tartibda taʼminlasin.
11. Oʻzbekiston Respublikasi Ichki ishlar vazirligi investorlarning buyurtmanomalariga binoan, loyihani amalga oshirishda qatnashadigan xorijiy mutaxassislarga koʻp martalik vizalar berilishi va muddati uzaytirilishini, shuningdek, ular vaqtincha yashaydigan joyda vaqtincha turgan joyi boʻyicha roʻyxatga olinishini va uning muddati uzaytirilishini davlat boji undirmasdan rasmiylashtirishni belgilangan tartibda taʼminlasin.
12. Oʻzbekiston Respublikasi Bandlik va mehnat munosabatlari vazirligi investorlarning buyurtmanomalariga binoan, xorijiy mutaxassislarni Oʻzbekiston Respublikasiga jalb etishga ruxsatnomalar berilishini (muddati uzaytirilishini), shuningdek, koʻrsatilgan xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huqukiga tasdiqnomalar berilishini (muddati uzaytirilishini) taʼminlasin.
13. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Toshkent shahar hokimi vazifasini bajaruvchi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 5-dekabr,
991-son
Кабинета Министров Республики Узбекистан
Постановление
О мерах по организации строительства многофункционального комплекса в центральной части города Ташкента
В целях дальнейшего привлечения иностранных инвестиций в развитие финансового сектора экономики, а также увеличения туристского потенциала города Ташкента путем создания современного бизнес-центра, торгово-развлекательного и гостиничного комплекса Кабинет Министров постановляет:
1. Одобрить предложение хокимията города Ташкента, Государственного комитета Республики Узбекистан по инвестициям, Министерства строительства Республики Узбекистан, Государственного комитета Республики Узбекистан по развитию туризма о реализации компанией «Taşkent Merkez Park Gayrimenkul Yatirim Anonim Şirketi» (Турецкая Республика) и ООО «UzTur Investment and Development» (Республика Узбекистан) (далее — инвесторы) проекта по строительству в городе Ташкенте многофункционального комплекса «Tashkent Central Park» (далее — проект).
2. Принять к сведению, что в рамках реализации проекта инвесторы приняли на себя обязательства по строительству в 2019 — 2022 годы за счет собственных и привлеченных средств гостиницы с классом обслуживания «пять звезд», торгово-развлекательного центра, административных зданий для коммерческого банка и других строений в соответствии с проектной документацией.
3. Министерству инвестиций и внешней торговли Республики Узбекистан:
в месячный срок в установленном порядке заключить инвестиционный договор с инвесторами, предусмотрев в нем права и обязанности инвесторов, объемы инвестиций, планируемое количество вновь создаваемых рабочих мест, предоставляемые льготы и преференции, а также другие инвестиционные и социальные обязательства;
установить контроль за исполнением инвесторами обязательств, вытекающих из инвестиционного договора.
4. Хокимияту города Ташкента совместно с Министерством строительства Республики Узбекистан, Государственным комитетом Республики Узбекистан по земельным ресурсам, геодезии, картографии и государственному кадастру в установленном порядке обеспечить отвод ООО «UzTur Investment and Development» земельного участка с правом постоянного пользования общей площадью 2,5 гектара, расположенного в Юнусабадском районе города Ташкента в пределах проспекта А. Темура, улиц Шахрисабз и Истиклол, для реализации проекта.
5. Разрешить инвесторам, подрядным и субподрядным организациям в рамках реализации проекта:
осуществлять строительство объекта на условиях «под ключ» методом «fast-track»;
помещать импортируемые в рамках реализации проекта товары на своих складах под таможенным режимом «таможенный склад».
6. Освободить в рамках реализации проекта сроком до 31 декабря 2022 года:
а) инвесторов и подрядную организацию от уплаты:
всех видов налогов и обязательных платежей в государственные целевые фонды, за исключением единого социального платежа;
единого социального платежа — с фонда оплаты иностранных специалистов инвесторов, подрядных и субподрядных организаций;
таможенных платежей (за исключением сборов за таможенное оформление) при ввозе материалов (в том числе мебель и оборудование), сырья, оборудования, технологической документации, комплектующих изделий и запасных частей, а также металлопроката, инструментов по перечням, утверждаемым в установленном порядке;
периодических таможенных платежей — за строительную технику, машины и механизмы, оборудование, временные здания и сооружения, транспортные средства, ввозимые и оформляемые в таможенный режим «временный ввоз» по перечням, утверждаемым в установленном порядке;
б) от налога на добавленную стоимость работы (услуги), выполняемые (оказываемые) нерезидентами Республики Узбекистан инвесторам, подрядным и субподрядным организациям.
7. Государственному налоговому комитету совместно с Государственным таможенным комитетом Республики Узбекистан установить строгий контроль за правомерностью применения налоговых и таможенных льгот и целевым использованием товаров, импортируемых с применением льгот, предоставленных настоящим постановлением.
8. Установить, что:
инвесторы несут ответственность за целевое использование товаров, импортируемых с применением льгот согласно настоящему постановлению, по перечням, формируемым в установленном порядке;
в случае выявления фактов неправомерного применения налоговых и таможенных льгот и нецелевого использования товаров, импортируемых с применением предоставленных льгот настоящим постановлением, по перечням, формируемым и утверждаемым в установленном порядке, высвобождаемые в результате применения налоговых и таможенных льгот средства, в полном объеме взыскиваются в Государственный бюджет Республики Узбекистан с применением штрафных санкций, включая начисление пени, предусмотренных законодательством.
9. Хокимияту города Ташкента совместно с Министерством жилищно-коммунального обслуживания, АО «Узбекэнерго», АО «Узтрансгаз» и АК «Узбектелеком» в установленном порядке обеспечить подведение к объектам строительства инженерно-коммуникационной инфраструктуры (электро-, газо-, водоснабжение, канализация, телефонная связь и др.) согласно проектным мощностям за счет средств инвесторов.
10. Министерству иностранных дел Республики Узбекистан по заявкам инвесторов обеспечить в установленном порядке оформление въездных виз иностранным специалистам, принимающим участие в реализации проекта, без взимания консульских и иных сборов.
11. Министерству внутренних дел Республики Узбекистан по заявкам инвесторов обеспечить в установленном порядке оформление, выдачу и продление многократных виз, а также регистрацию по месту временного пребывания и ее продление иностранным специалистам, участвующим в реализации проекта, без взимания государственной пошлины.
12. Министерству занятости и трудовых отношений Республики Узбекистан обеспечить по заявкам инвесторов выдачу (продление) разрешений на привлечение в Республику Узбекистан иностранных специалистов, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
13. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова и исполняющего обязанности хокима города Ташкента Ж.А. Артикходжаева.
Премьер-министр Республики Узбекистан А. АРИПОВ
г. Ташкент,
5 декабря 2018 г.,
№ 991