📅 2018-yil 7-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 декабря 2018 г. · Постановления Президента
Официальный текст. Официальный документ. Редакционные примечания не включены.
📅 7 December 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Соғлиқни сақлаш вазирлиги фаолиятини ташкил этиш чора-тадбирлари тўғрисида
Ўзбекистон Республикаси Президентининг 2018 йил 7 декабрдаги «Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлари тўғрисида»ги ПФ-5590-сон Фармонига мувофиқ:
1. Қуйидагилар Ўзбекистон Республикаси Соғлиқни сақлаш вазирлиги (кейинги ўринларда — Вазирлик) ва унинг ҳудудий органларининг асосий вазифалари ва фаолият йўналишлари этиб белгилансин:
аҳолига, шу жумладан, давлат томонидан кафолатланган ҳажмларда тўлиқ ва ўз вақтида тиббий хизматлар кўрсатишни таъминлашда Вазирликнинг органлари ва ташкилотлари роли ва масъулиятини оширишга йўналтирилган фуқароларнинг соғлиғини муҳофаза қилиш соҳасида ягона давлат сиёсатини амалга ошириш, соғлиқни сақлаш тизимида хусусий секторнинг ривожланишини ҳар томонлама қўллаб-қувватлаш ҳамда давлат ва нодавлат тиббиёт ташкилотлари ўртасида соғлом рақобатни шакллантириш;
демографик ўзгаришлар ва соғлиқни сақлашни ривожлантириш истиқболларини прогнозлаш, аҳолининг саломатлиги ва касалланиши ҳолатини комплекс таҳлил қилиш;
жамоат соғлиғини сақлаш устуворлигини таъминлаш, аҳолини соғлом турмуш тарзини юритишга ундаш, энг аввало, ўз соғлиғи ва атрофидагиларнинг соғлиғи учун масъулият туйғусини тарбиялашда аҳолининг тиббий маданияти ва саводхонлигини ошириш;
миллатнинг генофондини яхшилаш мақсадида соғлом авлод туғилиши ва тарбияланиши учун қулай шарт-шароитлар яратиш, оилада тиббий маданиятни, умрнинг сифати ва узоқ давом этишини ошириш, аҳолининг соғлиғини муҳофаза қилиш ва санитария-эпидемиологик осойишталик соҳасида давлат сиёсатининг асосий йўналишларини ишлаб чиқиш;
бевосита бирламчи тиббий-санитария ёрдами ташкилотларида қишлоқ аҳолисига кўрсатилаётган тиббий ёрдам ҳажмларини, бирламчи тиббий-санитария ёрдами кўламини кенгайтириш, жумладан аҳоли ўртасида энг кўп тарқалган касалликларни эрта аниқлайдиган, уларнинг асоратлари олдини оладиган тизимга тўлиқ ўтиш, шунингдек, асосий, тез-тез учрайдиган касалликлар турлари бўйича туман бўғини даражасида ихтисослаштирилган хизматлар тизимини барпо этишда амалий ёрдам беришни ташкил этиш;
тиббий ёрдамни хизмат кўрсатилаётган аҳолига яқинлаштириш, ахборот технологияларини, телетиббиётни, даволашнинг клиник протоколларини кенг жорий этиш ҳамда етакчи хорижий ва маҳаллий мутахассисларнинг тажрибасини ҳудудий тиббиёт ташкилотларининг тиббиёт ходимларига бериш ҳисобига аҳолига кўрсатилаётган бирламчи, тез, кечиктириб бўлмайдиган ва ихтисослаштирилган тиббий ёрдамнинг қулайлиги ва тезкорлиги даражасини ошириш, шунингдек, ихтисослашган тиббиёт марказлари томонидан ҳудудларда кўрсатиладиган тиббий хизматлар ҳажмини ошириш ва сифатини яхшилаш;
дори воситалари муомаласини давлат томонидан тартибга солиш чора-тадбирларини амалга ошириш, дори воситалари, тиббий буюмлар ва тиббий техникани, шунингдек, Ўзбекистон Республикаси ҳудудида қўллашга рухсат берилган асбоб-ускуналарни стандартлаштириш ва сертификатлаштириш;
тиббий таълим муассасалари, олий ўқув юртидан кейинги таълим ва соғлиқни сақлаш мутахассисларининг малакасини ошириш ҳамда қайта тайёрлаш устидан услубий раҳбарликни таъминлаш орқали тиббий кадрлар тайёрлаш соҳасида давлат сиёсатини амалга ошириш ва норматив-ҳуқуқий базани такомиллаштириш;
маҳаллий тажрибани ва энг яхши жаҳон ютуқларини уйғунлаштириш асосида тиббиёт фанини ривожлантириш стратегиясини ишлаб чиқиш ва прогнозлаштириш, илмий тиббий тадқиқотлар самарадорлигини ошириш, фан, техника ютуқларини ва илғор тажрибани соғлиқни сақлаш амалиётига жорий этиш, тиббий таълим ва кадрлар малакасини ошириш тизимини ривожлантириш;
соғлиқни сақлаш тизимида ягона ташкилий-методик раҳбарлик қилишни ва кўрсатилаётган тиббий хизматлар сифати назорат қилинишини таъминлайдиган замонавий, хорижий амалиётда синаб кўрилган соғлиқни сақлаш тизимини бошқариш усулларини жорий этиш, шунингдек, тиббиётни рақамлаштириш орқали соҳадаги ортиқча қоғозбозликни кескин камайтириш ва коррупцияга оид ҳолатларнинг олдини олиш;
бюджет маблағларини ноқонуний сарфлаш ва талон-тарож қилиш ҳолатларининг олдини олиш, огоҳлантириш ва аниқлаш.
2. Соғлиқни сақлашда давлат сиёсатининг устувор йўналишларини мувофиқлаштирилган ҳолда амалга оширишни таъминлаш мақсадида белгилансинки:
а) Ўзбекистон Республикаси соғлиқни сақлаш вазири қуйидагиларга шахсан масъулдир:
фуқароларнинг соғлиғини сақлаш соҳасида ривожланиш давлат дастурларини амалга ошириш, касалликларни профилактика, диагностика қилиш ва даволаш бўйича замонавий ёндашувларни, стандартларни ва нормативларни, шунингдек, бошқа тадбирларни ишлаб чиқиш ва татбиқ этиш, соғлом турмуш тарзини шакллантириш ва аҳолининг тиббий маданиятини ошириш;
тиббий ташкилотлар менежменти кўникмасига ва юксак маънавий-ахлоқий фазилатларга эга бўлган, ҳар томонлама ривожланган мутахассисларни жалб қилишга қаратилган бошқарув кадрларини тайёрлаш, танлаб олиш ва жой-жойига қўйишнинг мутлақо янги тизимини яратиш;
Вазирлик ва ҳудудий соғлиқни сақлаш бошқарув органларининг ишини самарали ташкил этиш, тиббиёт ташкилотларини мувофиқлаштириш ва назорат қилишнинг таъсирчан тизимини яратиш, уларнинг фаолияти очиқлигини ва аҳоли билан тўғридан-тўғри манзилли мулоқот ўрнатишини таъминлаш, фуқароларнинг тиббий хизмат кўрсатиш сифатидан қаноатланганлигини мониторинг қилиш ва баҳолаш тизимини татбиқ этиш;
тиббий таълим ва тиббиёт фанини ривожлантириш, инновация ва «электрон соғлиқни сақлаш» тизимини татбиқ этиш, мажбурий тиббий суғурта дастурларини ишлаб чиқиш ва жорий этиш, тиббий туризм ва давлат-хусусий шерикликни ривожлантириш;
аҳоли ва тиббиёт ташкилотлари эҳтиёжларини тўлиқ қоплаш мақсадида ижтимоий аҳамиятга эга дори воситалари ва тиббий буюмлар рўйхатини шакллантириш ва ўз вақтида янгилаш;
б) ҳудудий соғлиқни сақлаш бошқарув органлари раҳбарлари қуйидагиларга шахсан масъулдир:
тиббиёт ташкилотларининг ҳудудий тармоқлари фаолиятини самарали ташкил этиш, бирламчи тиббий-санитария, ихтисослаштирилган ва шошилинч тиббий ёрдамнинг сифати ва оммабоплиги, идоравий бўйсунувидаги ҳудудда аҳолининг санитария-эпидемиологик осойишталигини таъминлаш;
соғлиқни сақлаш соҳасида ривожланиш ҳудудий дастурларини ўз вақтида ва сифатли амалга ошириш, тиббиёт ташкилотларини ва аҳолини дори воситалари ва тиббий буюмлар билан узлуксиз таъминлаш, тиббий ва махсус техниканинг самарали ишлаши ва ўз вақтида янгиланиши;
тиббий ёрдамни босқичма-босқич ва изчиллик принципи асосида уларнинг оқимларини оқилона ва асосли маршрутлаш йўли билан беморларни турли даражадаги (турдаги) тиббиёт ташкилотларига йўналтиришнинг холис тизимини ташкил этиш;
соғлиқни сақлаш соҳасида фуқаролар ҳуқуқига риоя қилиш назоратини таъминлаш, тиббиёт ва фармацевтика ташкилотларига сифат менежменти тизимини татбиқ этиш;
соғлиқни сақлаш муассасаларини малакали кадрлар билан таъминлаш, уларнинг малакасини ошириш ва қайта тайёрлаш бўйича зарур тадбирларни амалга ошириш;
в) туман (шаҳар) тиббиёт бирлашмалари раҳбарлари қуйидагиларга шахсан масъулдир:
оила саломатлиги, оналик ва болаликни муҳофаза қилиш, касалликлар профилактикаси, диспансеризация, патронаж ва уйма-уй юриш бўйича тадбирларни самарали амалга ошириш, соғлом турмуш тарзини шакллантириш ва фуқароларнинг ўз соғлиғига масъуллигини ошириш;
тиббий хизмат изчиллигини ва бирламчи тиббий-санитария ёрдами муассасаларининг туман (шаҳар) ихтисослаштирилган тиббиёт ташкилотлари билан яқиндан ўзаро алоқасини таъминлаш;
давлат томонидан кафолатланган ҳажмларда аҳолига сифатли тиббий ёрдам кўрсатиш, пуллик тиббий хизматни амалга ошириш, соғлиқни сақлаш харажатларини молиялаштириш учун ўз манбаларини шакллантириш;
соғлиқни сақлаш ва фуқароларни ижтимоий ҳимоя қилиш соҳасида тадбирларнинг манзиллилиги ва натижадорлигини ошириш мақсадида маҳаллий давлат ҳокимияти органлари, фуқароларнинг ўзини-ўзи бошқариш органлари ва жамоат ташкилотлари билан фаол ҳамкорлик қилиш;
тасарруфидаги ташкилотлардаги бино ва иншоотлар, ускуналар, тиббий техника ва бошқа моддий қийматликларни сақлаш ва улардан самарали фойдаланиш.
3. Вазирликнинг қуйидаги таклифларига розилик берилсин:
а) Хусусийлаштириш ва пуллик хизматларни ташкил қилиш марказини, Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармасининг хусусийлаштириш ва пуллик хизматларни ташкил қилиш бўлимларини;
«Ўзмединфо» электрон соғлиқни сақлашни ривожлантириш марказини тугатиш;
б) Вазирлик тузилмасида Давлат-хусусий шерикликни ривожлантириш бошқармаси ва унинг ҳудудий бўлинмаларини ҳамда «IT-Med» масъулияти чекланган жамиятини ташкил этиш.
4. Белгилансинки:
б) қуйидагилар мазкур қарорнинг 3-бандига мувофиқ тугатилаётган ташкилотларнинг ҳуқуқий ворислари ҳисобланади:
Ўзбекистон Республикаси Соғлиқни сақлаш вазирлиги — Хусусийлаштириш ва пуллик хизматларни ташкил қилиш маркази ҳамда «Ўзмединфо» электрон соғлиқни сақлашни ривожлантириш маркази ҳуқуқлари, мажбуриятлари ва шартномалари бўйича;
Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармаси — Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармасининг тегишлича хусусийлаштириш ва пуллик хизматларни ташкил қилиш бўлимлари ҳуқуқлари, мажбуриятлари ва шартномалари бўйича.
5. Вазирлик икки ой муддатда янги ташкил этилаётган бўлинмаларни назарий билимлар ва амалий кўникмаларга эга, топширилган вазифаларни профессионал даражада таъминлайдиган юқори малакали мутахассислар билан тўлдирсин.
6. Қуйидагилар:
а) Давлат-хусусий шерикликни ривожлантириш бошқармасининг асосий вазифалари этиб:
вазирлик ва унинг ҳудудий органлари таркибий бўлинмалари билан биргаликда соғлиқни сақлаш соҳасида давлат-хусусий шериклик асосида инфратузилма лойиҳаларини ташкил этиш ва амалга ошириш;
тиббиёт ташкилотларининг мол-мулкини, шу жумладан ер участкаларини муомалага киритиш бўйича таклифларни тайёрлаш, давлат-хусусий шериклик асосида инвестицияларни жалб этиш;
б) «IT-Med» масъулияти чекланган жамиятининг асосий вазифалари этиб:
ахборот тизимлари, ресурслар ва соғлиқни сақлаш миллий маълумотлар базаларини яратиш, ривожлантириш ва кузатиб бориш бўйича ягона сиёсатни ишлаб чиқиш ва амалга ошириш;
корпоратив тармоқларни яратиш, ривожлантириш ва қўллаб-қувватлаш, Вазирликнинг ахборот хавфсизлигини таъминлаш;
Вазирликнинг ахборот хавфсизлиги таҳдидларини ўз вақтида аниқлаш ва унга қарши курашиш, ахборот хавфсизлиги талабларига риоя қилинишини назорат қилиш ва мониторингини олиб бориш, ахборот тизимлари, ресурслари ва маълумотлар базаларини муҳофаза қилиш бўйича техник инфратузилмани татбиқ этиш ва ривожлантириш;
«электрон соғлиқни сақлаш» норматив ва норматив-ҳуқуқий базасини ишлаб чиқиш, интеграциялашган ахборот тизимлари ягона комплексини жорий этиш ва кузатиб бориш;
тиббиёт ташкилотларида ахборот тизимлари, илғор ахборот технологиялари ва дастурий маҳсулотларини ишлаб чиқиш ва кузатиб боришга кўмаклашиш;
вазирликнинг ахборот тизимлари, ресурс ва маълумотлар базасини ривожлантириш, уларнинг бошқа давлат органлари ахборот тизимлари билан интеграциясини таъминлаш;
вазирлик ходимларининг ахборот тизимлари, ресурслар ва маълумотлар базасидан фойдаланиш, ахборот хавфсизлигини таъминлаш соҳасида малакасини ошириш бўйича комплекс чора-тадбирларни амалга ошириш белгилансин.
9. Вазирликнинг Жаҳон соғлиқни сақлаш ташкилоти тавсиялари бўйича жаҳон амалиётида қўлланиладиган воситалардан фойдаланган ҳолда соғлиқни сақлаш ҳисобларининг миллий тизимини татбиқ этиш бўйича таклифига розилик берилсин.
Вазирлик Ўзбекистон Республикаси Давлат статистика қўмитаси билан биргаликда 2019 йил 1 октябрга қадар муддатда соғлиқни сақлаш ҳисобларининг миллий тизимини институтлаштириш ва тиббий хизмат кўрсатишда фойдаланилган хизматлар ва харажатлар ҳақидаги маълумотларни идоралараро тўплаш тизимини босқичма-босқич жорий этиш тўғрисидаги норматив-ҳуқуқий ҳужжат ишлаб чиқсин ва Вазирлар Маҳкамасига киритсин.
Ўзбекистон Республикаси Давлат статистика қўмитаси Соғлиқни сақлаш вазирлиги буюртмасига асосан 2019 йил давомида «Саломатлик-3» лойиҳаси маблағлари ҳисобидан уй-жой хўжалиги доирасида аҳолининг тиббий харажатлари бўйича ўрганишлар ўтказсин.
10. Ўзбекистон Республикаси Вазирлар Маҳкамаси (А.А. Абдухакимов) уч ой муддатда тиббий ёрдам ва тиббий-ижтимоий хизмат сифатини назорат қилишни кучайтириш, соғлиқни сақлаш тизимида, шу жумладан алоҳида давлат органини ташкил этиш масаласини кўриб чиққан ҳолда кадрларни тайёрлаш ва малакасини ошириш бўйича таклифлар киритсин.
11. Ўзбекистон Республикаси соғлиқни сақлаш вазирининг розилигисиз давлат соғлиқни сақлаш муассасаларининг ер участкалари ва кўчмас мулклари бегоналаштирилиши тақиқлансин, Ўзбекистон Республикаси Президенти ҳужжатларида белгиланган бошқа тартиблар бундан мустасно.
12. Ўзбекистон Республикаси Инвестициялар бўйича давлат қўмитаси Вазирликнинг Тошкент шаҳар, А. Навоий кўчаси, 12-уйда жойлашган биносини реконструкция қилишни Ўзбекистон Республикасининг 2019 йилдаги ривожлантириш Давлат дастурига киритсин.
Тошкент шаҳар ҳокимлиги Вазирлик ходимларини унинг биноси реконструкция қилиниши даврида вақтинча жойлаштириш учун бино ажратилиши бўйича чоралар кўрсин.
13. Ўзбекистон Республикаси Президентининг 2017 йил 12 июндаги «Соғлиқни сақлаш органларининг фаолиятини янада такомиллаштириш чора-тадбирлари тўғрисида»ги ПҚ-3052-сон қарори ўз кучини йўқотган деб ҳисоблансин.
14. Вазирлик Адлия вазирлиги, манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
15. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президентининг маслаҳатчиси А.А. Абдувахитов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси Бош вазири ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 7 декабрь,
ПҚ-4055-сон
Oʻzbekiston Respublikasi Prezidentining
Qarori
Oʻzbekiston Respublikasi Sogʻliqni saqlash vazirligi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2018-yil 7-dekabrdagi “Oʻzbekiston Respublikasi sogʻliqni saqlash tizimini tubdan takomillashtirish boʻyicha kompleks chora-tadbirlari toʻgʻrisida”gi PF-5590-son Farmoniga muvofiq:
1. Quyidagilar Oʻzbekiston Respublikasi Sogʻliqni saqlash vazirligi (keyingi oʻrinlarda — Vazirlik) va uning hududiy organlarining asosiy vazifalari va faoliyat yoʻnalishlari etib belgilansin:
aholiga, shu jumladan, davlat tomonidan kafolatlangan hajmlarda toʻliq va oʻz vaqtida tibbiy xizmatlar koʻrsatishni taʼminlashda Vazirlikning organlari va tashkilotlari roli va masʼuliyatini oshirishga yoʻnaltirilgan fuqarolarning sogʻligʻini muhofaza qilish sohasida yagona davlat siyosatini amalga oshirish, sogʻliqni saqlash tizimida xususiy sektorning rivojlanishini har tomonlama qoʻllab-quvvatlash hamda davlat va nodavlat tibbiyot tashkilotlari oʻrtasida sogʻlom raqobatni shakllantirish;
demografik oʻzgarishlar va sogʻliqni saqlashni rivojlantirish istiqbollarini prognozlash, aholining salomatligi va kasallanishi holatini kompleks tahlil qilish;
jamoat sogʻligʻini saqlash ustuvorligini taʼminlash, aholini sogʻlom turmush tarzini yuritishga undash, eng avvalo, oʻz sogʻligʻi va atrofidagilarning sogʻligʻi uchun masʼuliyat tuygʻusini tarbiyalashda aholining tibbiy madaniyati va savodxonligini oshirish;
millatning genofondini yaxshilash maqsadida sogʻlom avlod tugʻilishi va tarbiyalanishi uchun qulay shart-sharoitlar yaratish, oilada tibbiy madaniyatni, umrning sifati va uzoq davom etishini oshirish, aholining sogʻligʻini muhofaza qilish va sanitariya-epidemiologik osoyishtalik sohasida davlat siyosatining asosiy yoʻnalishlarini ishlab chiqish;
bevosita birlamchi tibbiy-sanitariya yordami tashkilotlarida qishloq aholisiga koʻrsatilayotgan tibbiy yordam hajmlarini, birlamchi tibbiy-sanitariya yordami koʻlamini kengaytirish, jumladan aholi oʻrtasida eng koʻp tarqalgan kasalliklarni erta aniqlaydigan, ularning asoratlari oldini oladigan tizimga toʻliq oʻtish, shuningdek, asosiy, tez-tez uchraydigan kasalliklar turlari boʻyicha tuman boʻgʻini darajasida ixtisoslashtirilgan xizmatlar tizimini barpo etishda amaliy yordam berishni tashkil etish;
tibbiy yordamni xizmat koʻrsatilayotgan aholiga yaqinlashtirish, axborot texnologiyalarini, teletibbiyotni, davolashning klinik protokollarini keng joriy etish hamda yetakchi xorijiy va mahalliy mutaxassislarning tajribasini hududiy tibbiyot tashkilotlarining tibbiyot xodimlariga berish hisobiga aholiga koʻrsatilayotgan birlamchi, tez, kechiktirib boʻlmaydigan va ixtisoslashtirilgan tibbiy yordamning qulayligi va tezkorligi darajasini oshirish, shuningdek, ixtisoslashgan tibbiyot markazlari tomonidan hududlarda koʻrsatiladigan tibbiy xizmatlar hajmini oshirish va sifatini yaxshilash;
dori vositalari muomalasini davlat tomonidan tartibga solish chora-tadbirlarini amalga oshirish, dori vositalari, tibbiy buyumlar va tibbiy texnikani, shuningdek, Oʻzbekiston Respublikasi hududida qoʻllashga ruxsat berilgan asbob-uskunalarni standartlashtirish va sertifikatlashtirish;
tibbiy taʼlim muassasalari, oliy oʻquv yurtidan keyingi taʼlim va sogʻliqni saqlash mutaxassislarining malakasini oshirish hamda qayta tayyorlash ustidan uslubiy rahbarlikni taʼminlash orqali tibbiy kadrlar tayyorlash sohasida davlat siyosatini amalga oshirish va normativ-huquqiy bazani takomillashtirish;
mahalliy tajribani va eng yaxshi jahon yutuqlarini uygʻunlashtirish asosida tibbiyot fanini rivojlantirish strategiyasini ishlab chiqish va prognozlashtirish, ilmiy tibbiy tadqiqotlar samaradorligini oshirish, fan, texnika yutuqlarini va ilgʻor tajribani sogʻliqni saqlash amaliyotiga joriy etish, tibbiy taʼlim va kadrlar malakasini oshirish tizimini rivojlantirish;
sogʻliqni saqlash tizimida yagona tashkiliy-metodik rahbarlik qilishni va koʻrsatilayotgan tibbiy xizmatlar sifati nazorat qilinishini taʼminlaydigan zamonaviy, xorijiy amaliyotda sinab koʻrilgan sogʻliqni saqlash tizimini boshqarish usullarini joriy etish, shuningdek, tibbiyotni raqamlashtirish orqali sohadagi ortiqcha qogʻozbozlikni keskin kamaytirish va korrupsiyaga oid holatlarning oldini olish;
budjet mablagʻlarini noqonuniy sarflash va talon-taroj qilish holatlarining oldini olish, ogohlantirish va aniqlash.
2. Sogʻliqni saqlashda davlat siyosatining ustuvor yoʻnalishlarini muvofiqlashtirilgan holda amalga oshirishni taʼminlash maqsadida belgilansinki:
a) Oʻzbekiston Respublikasi sogʻliqni saqlash vaziri quyidagilarga shaxsan masʼuldir:
fuqarolarning sogʻligʻini saqlash sohasida rivojlanish davlat dasturlarini amalga oshirish, kasalliklarni profilaktika, diagnostika qilish va davolash boʻyicha zamonaviy yondashuvlarni, standartlarni va normativlarni, shuningdek, boshqa tadbirlarni ishlab chiqish va tatbiq etish, sogʻlom turmush tarzini shakllantirish va aholining tibbiy madaniyatini oshirish;
tibbiy tashkilotlar menejmenti koʻnikmasiga va yuksak maʼnaviy-axloqiy fazilatlarga ega boʻlgan, har tomonlama rivojlangan mutaxassislarni jalb qilishga qaratilgan boshqaruv kadrlarini tayyorlash, tanlab olish va joy-joyiga qoʻyishning mutlaqo yangi tizimini yaratish;
Vazirlik va hududiy sogʻliqni saqlash boshqaruv organlarining ishini samarali tashkil etish, tibbiyot tashkilotlarini muvofiqlashtirish va nazorat qilishning taʼsirchan tizimini yaratish, ularning faoliyati ochiqligini va aholi bilan toʻgʻridan-toʻgʻri manzilli muloqot oʻrnatishini taʼminlash, fuqarolarning tibbiy xizmat koʻrsatish sifatidan qanoatlanganligini monitoring qilish va baholash tizimini tatbiq etish;
tibbiy taʼlim va tibbiyot fanini rivojlantirish, innovatsiya va “elektron sogʻliqni saqlash” tizimini tatbiq etish, majburiy tibbiy sugʻurta dasturlarini ishlab chiqish va joriy etish, tibbiy turizm va davlat-xususiy sheriklikni rivojlantirish;
aholi va tibbiyot tashkilotlari ehtiyojlarini toʻliq qoplash maqsadida ijtimoiy ahamiyatga ega dori vositalari va tibbiy buyumlar roʻyxatini shakllantirish va oʻz vaqtida yangilash;
b) hududiy sogʻliqni saqlash boshqaruv organlari rahbarlari quyidagilarga shaxsan masʼuldir:
tibbiyot tashkilotlarining hududiy tarmoqlari faoliyatini samarali tashkil etish, birlamchi tibbiy-sanitariya, ixtisoslashtirilgan va shoshilinch tibbiy yordamning sifati va ommabopligi, idoraviy boʻysunuvidagi hududda aholining sanitariya-epidemiologik osoyishtaligini taʼminlash;
sogʻliqni saqlash sohasida rivojlanish hududiy dasturlarini oʻz vaqtida va sifatli amalga oshirish, tibbiyot tashkilotlarini va aholini dori vositalari va tibbiy buyumlar bilan uzluksiz taʼminlash, tibbiy va maxsus texnikaning samarali ishlashi va oʻz vaqtida yangilanishi;
tibbiy yordamni bosqichma-bosqich va izchillik prinsipi asosida ularning oqimlarini oqilona va asosli marshrutlash yoʻli bilan bemorlarni turli darajadagi (turdagi) tibbiyot tashkilotlariga yoʻnaltirishning xolis tizimini tashkil etish;
sogʻliqni saqlash sohasida fuqarolar huquqiga rioya qilish nazoratini taʼminlash, tibbiyot va farmatsevtika tashkilotlariga sifat menejmenti tizimini tatbiq etish;
sogʻliqni saqlash muassasalarini malakali kadrlar bilan taʼminlash, ularning malakasini oshirish va qayta tayyorlash boʻyicha zarur tadbirlarni amalga oshirish;
v) tuman (shahar) tibbiyot birlashmalari rahbarlari quyidagilarga shaxsan masʼuldir:
oila salomatligi, onalik va bolalikni muhofaza qilish, kasalliklar profilaktikasi, dispanserizatsiya, patronaj va uyma-uy yurish boʻyicha tadbirlarni samarali amalga oshirish, sogʻlom turmush tarzini shakllantirish va fuqarolarning oʻz sogʻligʻiga masʼulligini oshirish;
tibbiy xizmat izchilligini va birlamchi tibbiy-sanitariya yordami muassasalarining tuman (shahar) ixtisoslashtirilgan tibbiyot tashkilotlari bilan yaqindan oʻzaro aloqasini taʼminlash;
davlat tomonidan kafolatlangan hajmlarda aholiga sifatli tibbiy yordam koʻrsatish, pullik tibbiy xizmatni amalga oshirish, sogʻliqni saqlash xarajatlarini moliyalashtirish uchun oʻz manbalarini shakllantirish;
sogʻliqni saqlash va fuqarolarni ijtimoiy himoya qilish sohasida tadbirlarning manzilliligi va natijadorligini oshirish maqsadida mahalliy davlat hokimiyati organlari, fuqarolarning oʻzini-oʻzi boshqarish organlari va jamoat tashkilotlari bilan faol hamkorlik qilish;
tasarrufidagi tashkilotlardagi bino va inshootlar, uskunalar, tibbiy texnika va boshqa moddiy qiymatliklarni saqlash va ulardan samarali foydalanish.
3. Vazirlikning quyidagi takliflariga rozilik berilsin:
a) Xususiylashtirish va pullik xizmatlarni tashkil qilish markazini, Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasining xususiylashtirish va pullik xizmatlarni tashkil qilish boʻlimlarini;
“Oʻzmedinfo” elektron sogʻliqni saqlashni rivojlantirish markazini tugatish;
b) Vazirlik tuzilmasida Davlat-xususiy sheriklikni rivojlantirish boshqarmasi va uning hududiy boʻlinmalarini hamda “IT-Med” masʼuliyati cheklangan jamiyatini tashkil etish.
4. Belgilansinki:
b) quyidagilar mazkur qarorning 3-bandiga muvofiq tugatilayotgan tashkilotlarning huquqiy vorislari hisoblanadi:
Oʻzbekiston Respublikasi Sogʻliqni saqlash vazirligi — Xususiylashtirish va pullik xizmatlarni tashkil qilish markazi hamda “Oʻzmedinfo” elektron sogʻliqni saqlashni rivojlantirish markazi huquqlari, majburiyatlari va shartnomalari boʻyicha;
Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasi — Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasining tegishlicha xususiylashtirish va pullik xizmatlarni tashkil qilish boʻlimlari huquqlari, majburiyatlari va shartnomalari boʻyicha.
5. Vazirlik ikki oy muddatda yangi tashkil etilayotgan boʻlinmalarni nazariy bilimlar va amaliy koʻnikmalarga ega, topshirilgan vazifalarni professional darajada taʼminlaydigan yuqori malakali mutaxassislar bilan toʻldirsin.
6. Quyidagilar:
a) Davlat-xususiy sheriklikni rivojlantirish boshqarmasining asosiy vazifalari etib:
vazirlik va uning hududiy organlari tarkibiy boʻlinmalari bilan birgalikda sogʻliqni saqlash sohasida davlat-xususiy sheriklik asosida infratuzilma loyihalarini tashkil etish va amalga oshirish;
tibbiyot tashkilotlarining mol-mulkini, shu jumladan yer uchastkalarini muomalaga kiritish boʻyicha takliflarni tayyorlash, davlat-xususiy sheriklik asosida investitsiyalarni jalb etish;
b) “IT-Med” masʼuliyati cheklangan jamiyatining asosiy vazifalari etib:
axborot tizimlari, resurslar va sogʻliqni saqlash milliy maʼlumotlar bazalarini yaratish, rivojlantirish va kuzatib borish boʻyicha yagona siyosatni ishlab chiqish va amalga oshirish;
korporativ tarmoqlarni yaratish, rivojlantirish va qoʻllab-quvvatlash, Vazirlikning axborot xavfsizligini taʼminlash;
Vazirlikning axborot xavfsizligi tahdidlarini oʻz vaqtida aniqlash va unga qarshi kurashish, axborot xavfsizligi talablariga rioya qilinishini nazorat qilish va monitoringini olib borish, axborot tizimlari, resurslari va maʼlumotlar bazalarini muhofaza qilish boʻyicha texnik infratuzilmani tatbiq etish va rivojlantirish;
“elektron sogʻliqni saqlash” normativ va normativ-huquqiy bazasini ishlab chiqish, integratsiyalashgan axborot tizimlari yagona kompleksini joriy etish va kuzatib borish;
tibbiyot tashkilotlarida axborot tizimlari, ilgʻor axborot texnologiyalari va dasturiy mahsulotlarini ishlab chiqish va kuzatib borishga koʻmaklashish;
vazirlikning axborot tizimlari, resurs va maʼlumotlar bazasini rivojlantirish, ularning boshqa davlat organlari axborot tizimlari bilan integratsiyasini taʼminlash;
vazirlik xodimlarining axborot tizimlari, resurslar va maʼlumotlar bazasidan foydalanish, axborot xavfsizligini taʼminlash sohasida malakasini oshirish boʻyicha kompleks chora-tadbirlarni amalga oshirish belgilansin.
9. Vazirlikning Jahon sogʻliqni saqlash tashkiloti tavsiyalari boʻyicha jahon amaliyotida qoʻllaniladigan vositalardan foydalangan holda sogʻliqni saqlash hisoblarining milliy tizimini tatbiq etish boʻyicha taklifiga rozilik berilsin.
Vazirlik Oʻzbekiston Respublikasi Davlat statistika qoʻmitasi bilan birgalikda 2019-yil 1-oktabrga qadar muddatda sogʻliqni saqlash hisoblarining milliy tizimini institutlashtirish va tibbiy xizmat koʻrsatishda foydalanilgan xizmatlar va xarajatlar haqidagi maʼlumotlarni idoralararo toʻplash tizimini bosqichma-bosqich joriy etish toʻgʻrisidagi normativ-huquqiy hujjat ishlab chiqsin va Vazirlar Mahkamasiga kiritsin.
Oʻzbekiston Respublikasi Davlat statistika qoʻmitasi Sogʻliqni saqlash vazirligi buyurtmasiga asosan 2019-yil davomida “Salomatlik-3” loyihasi mablagʻlari hisobidan uy-joy xoʻjaligi doirasida aholining tibbiy xarajatlari boʻyicha oʻrganishlar oʻtkazsin.
10. Oʻzbekiston Respublikasi Vazirlar Mahkamasi (A.A. Abduxakimov) uch oy muddatda tibbiy yordam va tibbiy-ijtimoiy xizmat sifatini nazorat qilishni kuchaytirish, sogʻliqni saqlash tizimida, shu jumladan alohida davlat organini tashkil etish masalasini koʻrib chiqqan holda kadrlarni tayyorlash va malakasini oshirish boʻyicha takliflar kiritsin.
11. Oʻzbekiston Respublikasi sogʻliqni saqlash vazirining roziligisiz davlat sogʻliqni saqlash muassasalarining yer uchastkalari va koʻchmas mulklari begonalashtirilishi taqiqlansin, Oʻzbekiston Respublikasi Prezidenti hujjatlarida belgilangan boshqa tartiblar bundan mustasno.
12. Oʻzbekiston Respublikasi Investitsiyalar boʻyicha davlat qoʻmitasi Vazirlikning Toshkent shahar, A. Navoiy koʻchasi, 12-uyda joylashgan binosini rekonstruksiya qilishni Oʻzbekiston Respublikasining 2019-yildagi rivojlantirish Davlat dasturiga kiritsin.
Toshkent shahar hokimligi Vazirlik xodimlarini uning binosi rekonstruksiya qilinishi davrida vaqtincha joylashtirish uchun bino ajratilishi boʻyicha choralar koʻrsin.
13. Oʻzbekiston Respublikasi Prezidentining 2017-yil 12-iyundagi “Sogʻliqni saqlash organlarining faoliyatini yanada takomillashtirish chora-tadbirlari toʻgʻrisida”gi PQ-3052-son qarori oʻz kuchini yoʻqotgan deb hisoblansin.
14. Vazirlik Adliya vazirligi, manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidentining maslahatchisi A.A. Abduvaxitov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vaziri oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 7-dekabr,
PQ-4055-son
Президента Республики Узбекистан
Постановление
О мерах по организации деятельности Министерства здравоохранения Республики Узбекистан
Во исполнение Указа Президента Республики Узбекистан от 7 декабря 2018 года № УП-5590 «О комплексных мерах по коренному совершенствованию системы здравоохранения Республики Узбекистан»:
1. Определить основными задачами и направлениями деятельности Министерства здравоохранения Республики Узбекистан (далее — Министерство) и его территориальных органов:
осуществление единой государственной политики в области охраны здоровья граждан, направленной на повышение роли и ответственности органов и организаций Министерства в обеспечении полноценного и своевременного оказания населению медицинских услуг, в том числе в гарантированных государством объемах, всестороннюю поддержку развития частного сектора в системе здравоохранения и формирование здоровой конкуренции среди государственных и негосударственных медицинских организаций;
прогнозирование перспектив демографических сдвигов и развития здравоохранения, проведение комплексного анализа состояния здоровья и заболеваемости населения;
обеспечение приоритета сохранения общественного здоровья, мотивирование населения к ведению здорового образа жизни, повышение медицинской культуры и грамотности населения в воспитании чувства ответственности за свое здоровье и за здоровье окружающих;
в целях улучшения генофонда нации создание благоприятных условий для рождения и воспитания здорового поколения, повышение медицинской культуры в семье, повышение качества и увеличение продолжительности жизни, разработку основных направлений государственной политики в области охраны здоровья и санитарно-эпидемиологического благополучия населения;
расширение объемов медицинской помощи, масштаба первичной медико-санитарной помощи, оказываемых сельскому населению непосредственно в первичных организациях медико-санитарной помощи, в том числе полный переход на систему раннего выявления и предотвращения последствий наиболее распространенных среди населения заболеваний, а также организацию оказания практической помощи в создании системы специализированных услуг по основным, часто встречающимся заболеваниям на уровне районного звена;
повышение удобства и оперативности оказываемой населению первичной, экстренной, неотложной и специализированной медицинской помощи за счет ее приближения к обслуживаемому населению, широкого внедрения информационных технологий, телемедицины, клинических протоколов лечения, передачи опыта ведущих зарубежных и отечественных специалистов медицинскому персоналу территориальных медицинских организаций, а также увеличение объемов и улучшение качества оказываемых специализированными медицинскими центрами медицинских услуг в регионах;
реализацию мер по государственному регулированию обращения лекарственных средств, стандартизации и сертификации лекарственных средств, изделий медицинского назначения и медицинской техники, а также оборудования, разрешенного к применению на территории Республики Узбекистан;
реализацию государственной политики и совершенствование нормативно-правовой базы в сфере подготовки медицинских кадров с осуществлением методического руководства медицинскими образовательными учреждениями, системой послевузовского образования и повышения квалификации и переподготовки специалистов здравоохранения;
разработку стратегии и прогнозирование развития медицинской науки на основе сочетания отечественного опыта и лучших мировых достижений, повышение эффективности научных медицинских исследований, внедрение достижений науки, техники и передового опыта в практику здравоохранения, развитие системы медицинского образования и повышения квалификации кадров;
внедрение современных, апробированных в международной практике методов управления системой здравоохранения, обеспечивающих единое организационно-методическое руководство и контроль качества предоставляемых медицинских услуг в системе здравоохранения, а также кардинального сокращения излишней бумажной волокиты и предотвращения коррупциогенных факторов путем цифровизации медицины;
предотвращение, предупреждение и выявление случаев незаконного расходования и растраты бюджетных средств.
2. В целях обеспечения скоординированной реализации приоритетных направлений государственной политики здравоохранения установить, что:
а) министр здравоохранения Республики Узбекистан несет персональную ответственность за:
реализацию государственных программ развития в сфере охраны здоровья граждан, разработку и внедрение современных подходов, стандартов и нормативов, а также других мер по профилактике, диагностике и лечению заболеваний, формированию здорового образа жизни и повышению медицинской культуры населения;
создание принципиально новой системы подготовки, отбора и расстановки управленческих кадров, нацеленной на привлечение всесторонне развитых специалистов, обладающих навыками менеджмента медицинских организаций и высокими морально-нравственными качествами;
организацию эффективной работы Министерства и территориальных органов управления здравоохранения, создание действенной системы координации и контроля медицинских организаций, обеспечение открытости их деятельности и установления прямого адресного диалога с населением, внедрение системы мониторинга и оценки удовлетворенности граждан качеством медицинского обслуживания;
развитие медицинского образования и медицинской науки, внедрение инноваций и систем «электронного здравоохранения», разработку и внедрение программ обязательного медицинского страхования, развитие медицинского туризма и государственно-частного партнерства;
формирование и своевременное обновление перечня социально значимых лекарственных средств и изделий медицинского назначения в целях полного покрытия потребностей населения и медицинских организаций;
б) руководители территориальных органов управления здравоохранения несут персональную ответственность за:
организацию эффективной деятельности территориальной сети медицинских организаций, качество и доступность первичной медико-санитарной, специализированной и экстренной медицинской помощи, обеспечение санитарно-эпидемиологического благополучия населения на подведомственной территории;
своевременную и качественную реализацию региональных программ развития в сфере здравоохранения, бесперебойное снабжение медицинских организаций, а также населения лекарственными средствами и изделиями медицинского назначения, эффективное функционирование и своевременное обновление медицинской и специальной техники;
организацию объективной системы направления пациентов в медицинские организации различного уровня (типа) путем рациональной и обоснованной маршрутизации их потоков на основе принципов преемственности и этапности медицинской помощи;
обеспечение контроля соблюдения прав граждан в области охраны здоровья, внедрение систем менеджмента качества в медицинских и фармацевтических организациях;
обеспечение учреждений здравоохранения квалифицированными кадрами, принятие своевременных мер по их переподготовке и повышению квалификации;
в) руководители районных (городских) медицинских объединений несут персональную ответственность за:
эффективную реализацию мероприятий по охране здоровья семьи, материнства и детства, профилактике заболеваний, диспансеризации, патронажу и подворным обходам, формированию здорового образа жизни и повышению ответственности граждан за свое здоровье;
обеспечение преемственности медицинского обслуживания и тесного взаимодействия учреждений первичной медико-санитарной помощи с районными (городскими) специализированными медицинскими организациями;
оказание качественной медицинской помощи населению в пределах гарантированных государством объемах, осуществление платных медицинских услуг, формирование собственных источников для финансирования расходов на здравоохранение;
активное взаимодействие с местными органами государственной власти, органами самоуправления граждан и общественными организациями в целях повышения результативности и адресности мероприятий в сфере охраны здоровья и социальной защиты граждан;
сохранность и эффективное использование зданий и сооружений, оборудования, медицинской техники и других материальных ценностей вверенных организаций.
3. Согласиться с предложениями Министерства о:
а) упразднении:
Центра приватизации и организации платных услуг, отделов приватизации и организации платных услуг Министерства здравоохранения Республики Каракалпакстан, управлений здравоохранения областей и Главного управления здравоохранения города Ташкента;
Центра развития электронного здравоохранения «Узмединфо»;
б) создании в структуре Министерства Управления развития государственно-частного партнерства и его территориальных подразделений, а также общества с ограниченной ответственностью «IT-Med».
4. Установить, что:
б) правопреемниками упраздняемых в соответствии с пунктом 3 настоящего постановления организаций являются:
Министерство здравоохранения Республики Узбекистан — по правам, обязательствам и договорам Центра приватизации и организации платных услуг и Центра развития электронного здравоохранения «Узмединфо»;
Министерство здравоохранения Республики Каракалпакстан, управления здравоохранения областей и Главное управление здравоохранения города Ташкента — по правам, обязательствам и договорам соответственно отделов приватизации и организации платных услуг Министерства здравоохранения Республики Каракалпакстан, управлений здравоохранения областей и Главного управления здравоохранения города Ташкента.
5. Министерству в двухмесячный срок обеспечить укомплектование вновь создаваемых подразделений высококвалифицированными специалистами, обладающими необходимыми теоретическими знаниями и практическими навыками, способными на профессиональном уровне обеспечить реализацию возложенных задач.
6. Определить основными задачами:
а) Управления развития государственно-частного партнерства:
организацию и реализацию совместно со структурными подразделениями Министерства и его территориальных органов инфраструктурных проектов на основе государственно-частного партнерства в сфере здравоохранения;
подготовку предложений по вовлечению в оборот имущества медицинских организаций, в том числе земельных участков, привлечению инвестиций на основе государственно-частного партнерства;
общества с ограниченной ответственностью «IT-Med»:
выработку и реализацию единой политики по созданию, развитию и сопровождению информационных систем, ресурсов и национальных баз данных здравоохранения;
создание, развитие и поддержание корпоративной сети, обеспечение информационной безопасности Министерства;
своевременное выявление и противодействие угрозам информационной безопасности Министерства, осуществление контроля и мониторинга за соблюдением требований информационной безопасности, внедрение и развитие технической инфраструктуры по защите информационных систем, ресурсов и баз данных;
разработку нормативной и нормативно-правовой базы «электронного здравоохранения», внедрение и сопровождение единого комплекса интегрированных информационных систем;
содействие в создании и сопровождении информационных систем, передовых информационных технологий и программных продуктов в медицинских организациях;
развитие информационных систем, ресурсов и баз данных Министерства, их интеграцию с информационными системами других государственных органов;
реализацию комплекса мер по повышению квалификации работников Министерства в сфере использования информационных систем, ресурсов и баз данных, обеспечения информационной безопасности.
9. Согласиться с предложением Министерства о внедрении национальной системы счетов здравоохранения с использованием инструментов, применяемых в мировой практике по рекомендациям Всемирной организации здравоохранения.
Министерству совместно с Государственным комитетом по статистике в срок до 1 октября 2019 года разработать и внести в Кабинет Министров Республики Узбекистан проект нормативно-правового акта об институционализации национальной системы счетов здравоохранения и поэтапном внедрении системы межведомственного сбора данных об использовании услуг и расходов на медицинское обслуживание.
Государственному комитету Республики Узбекистан по статистике провести в течение 2019 года по заказу Министерства обследование домохозяйств по расходам населения на медицинское обслуживание за счет средств проекта «Здоровье-3».
10. Кабинету Министров Республики Узбекистан (А.А. Абдухакимов) в трехмесячный срок внести предложения по усилению контроля за качеством медицинской помощи и медико-социальных услуг, подготовки и повышения квалификации кадров в системе здравоохранения, в том числе с рассмотрением вопроса создания отдельного государственного органа.
11. Запретить отчуждение земельных участков и недвижимого имущества государственных учреждений здравоохранения без согласования с министром здравоохранения Республики Узбекистан, за исключением других порядков, определенных актами Президента Республики Узбекистан.
12. Государственному комитету Республики Узбекистан по инвестициям включить в Государственную программу развития Республики Узбекистан на 2019 год реконструкцию здания Министерства, расположенного по адресу: город Ташкент, улица А. Навои, дом 12.
Хокимияту города Ташкента принять меры по выделению здания для временного размещения сотрудников Министерства в период реконструкции и ремонта его здания.
13. Признать утратившим силу постановление Президента Республики Узбекистан от 12 июня 2017 года № ПП-3052 «О мерах по дальнейшему совершенствованию деятельности органов здравоохранения».
14. Министерству в двухмесячный срок совместно с Министерством юстиции, заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, советника Президента Республики Узбекистан А.А. Абдувахитова, первого заместителя советника Президента Республики Узбекистан Б.М. Мавлонова и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
7 декабря 2018 г.,
№ ПП-4055