UzbekAI

Ўзбекистон Республикаси Вазирлар Маҳкамасининг

қарори

рўйхати

Болаларни бошланғич таълимга мажбурий бир йиллик тайёрлашга босқичма-босқич ўтиш чора-тадбирлари тўғрисида

Мактабгача таълим тизимини янада такомиллаштириш, соғлом, фаол, баркамол, ижтимоий мослаштирилган бола шахсини, шунингдек, келгуси муваффақиятли ўқув фаолияти учун шарт-шароитларни шакллантириш ва болаларни бошланғич таълимга сифатли тайёрлаш мақсадида Вазирлар Маҳкамаси қарор қилади:

1. Ўзбекистон Республикаси Мактабгача таълим вазирлиги, Қорақалпоғистон Республикаси Вазирлар Кенгаши, Фарғона вилояти ва Тошкент шаҳар ҳокимликларининг 2018-2019 ўқув йилидан бошлаб Қорақалпоғистон Республикаси, Фарғона вилояти туманларида (шаҳарларида) ва Тошкент шаҳри туманларида 1-иловага мувофиқ рўйхат бўйича болаларни бошланғич таълимга мажбурий бепул бир йиллик тайёрлашни жорий этиш тажриба лойиҳасини амалга ошириш тўғрисидаги таклифига розилик берилсин.

2. Қуйидагилар болаларни бошланғич таълимга мажбурий бир йиллик тайёрлашни жорий этиш тажриба лойҳасини (кейинги ўринларда тажриба лойиҳаси деб аталади) амалга оширишда Ўзбекистон Республикаси Мактабгача таълим вазирлигининг асосий вазифалари этиб белгилансин:

мактабгача таълим билан қамраб олинмаган болалар сирасига кирадиган болаларнинг мажбурий бепул бир йиллик тайёрлов гуруҳларини (кейинги ўринларда болалар тайёрлов гуруҳлари деб аталади) шакллантириш;

болалар тайёрлов гуруҳларининг ўқув-тарбия жараёнига замонавий инновацион педагогик технологияларни, таълим ва тарбиянинг самарали шакллари ва усулларини жорий этиш;

болалар тайёрлов гуруҳларини миллий маданий-тарихий қадриятларни акс эттирадиган ва болаликдан китоб ўқишга қизиқишни сингдирадиган ўқув-методик, дидактик материаллар, ривожлантирувчи ўйинлар ва ўйинчоқлар, бадиий адабиётлар билан таъминлаш;

мактабгача таълим билан қамраб олинмаган болаларнинг илғор хорижий тажрибани ҳисобга олган ҳолда давлат талабларига мувофиқ ҳар томонлама ақлий, ахлоқий, эстетик ва жисмоний камол топиши учун шарт-шароитлар яратиш;

давлат ва нодавлат мактабгача таълим ташкилотилари, мактабгача таълим соҳасида нодавлат таълим хизматлари кўрсатиш билан шуғулланувчи юридик шахсларнинг моддий-техника базасини мустаҳкамлаш.

3. Белгилансинки:

мажбурий тайёрлов гуруҳлари учун 2018-2019 ўқув йили 2018 йил 10 декабрдан бошланади ва 2019 йил 10 августда тамомланади;

давлат ва нодавлат мактабгача таълим ташкилотилари, мактабгача таълим соҳасида нодавлат таълим хизматлари кўрсатувчи юридик шахсларнинг негизида тўлиқ кун, тўлиқ бўлмаган кун (бир ҳафтада камида 15 соат таълим-тарбия жараёни ташкил этилган ҳолда) тайёрлов гуруҳлари тарбияланувчилари бошланғич таълимга тайёргарликдан ўтган деб ҳисобланади ва болаларни бошланғич таълимга мажбурий бепул бир йиллик тайёрлашдан озод этилади;

давлат ва нодавлат мактабгача таълим ташкилотларида, мактабгача таълим соҳасида нодавлат таълим хизматлари кўрсатувчи юридик шахсларда бошланғич таълимга мажбурий йиллик тайёргарликдан ўтган болаларга бошланғич таълимга мажбурий бир йиллик тайёргарликдан ўтганлик тўғрисида давлат намунасидаги сертификат берилади;

бошланғич таълимга мажбурий бир йиллик тайёргарликдан ўтганлик тўғрисида сертификат бериш тартиби Ўзбекистон Республикаси Мактабгача таълим вазирлиги томонидан белгиланади.

4. Қорақалпоғистон Республикаси Вазирлар Кенгаши, Фарғона вилояти ва Тошкент шаҳар ҳокимликларига, Ўзбекистон Республикаси Мактабгача таълим вазирлигига:

а) болалар тайёрлов гуруҳлари учун хоналарни тайёрлаш, зарур бўлса, янги бинолар, хоналар қуриш ёки мавжудларини капитал таъмирлаш, сув ва электр энергияси ҳажмини ўлчайдиган ва ҳисобга оладиган алоҳида мосламалар ўрнатиш тўғрисида таклифлар киритилишини;

б) бир ҳафта муддатда:

болалар тайёрлов гуруҳлари рўйхатлари тасдиқланишини;

хоналарни ўқув-методик, дидактик материаллар, бадиий адабиётлар, ривожлантирувчи ўйинлар ва ўйинчоқлар билан таъминлаш юклансин.

6. Ўзбекистон Республикаси Мактабгача таълим вазирлиги бир ҳафта муддатда болалар тайёрлов гуруҳларини малакали педагог кадрлар билан таъминласин.

7. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси Ўзбекистон Республикаси Мактабгача таълим вазирлиги билан биргаликда таълим-тарбия жараёнининг сифатини назорат қилсин ҳамда давлат ва нодавлат мактабгача таълим ташкилотлари ва мактабгача таълим соҳасида нодавлат таълим хизматларини кўрсатиш билан шуғулланувчи юридик шахсларнинг негизида болаларни мажбурий тайёрлаш гуруҳлари фаолияти ташкил этилиши устидан мониторинг олиб борсин.

8. Ўзбекистон Республикаси Халқ таълими вазирлиги, Мактабгача таълим вазирлиги бошқа манфаатдор вазирликлар ва идоралар билан биргаликда икки ой муддатда 2019-2020 йилларда Қорақалпоғистон Республикаси, Фарғона вилоятининг тегишли тажриба ўтказиладиган туманларида (шаҳарларида) ва Тошкент шаҳри туманларида болаларда бошланғич таълимга мажбурий бир йиллик тайёрловдан ўтганлик ҳақида давлат намунасидаги сертификат мавжуд бўлса, уларни умумтаълим мактабларининг бошланғич синфларига қабул қилиш тартиби тўғрисидаги таклифни ишлаб чиқсин.

9. Ўзбекистон Республикаси Молия вазирлиги:

Ўзбекистон Республикаси Давлат бюджети харажатларининг ҳар йилги параметрларини шакллантиришда ушбу қарор доирасидаги тадбирларни амалга ошириш учун зарур маблағларни назарда тутсин;

жорий этилаётган штат бирликларидан ва болалар мажбурий тайёрлов гуруҳларини жиҳозлашдан келиб чиққан ҳолда 2018 йилги Ўзбекистон Республикаси Давлат бюджети харажатлари параметрларига зарур ўзгартишлар киритсин.

10. «Давлат белгиси» давлат ишлаб чиқариш бирлашмаси Ўзбекистон Республикаси Мактабгача таълим вазирлигининг буюртманомалари асосида Молия вазирлиги билан келишган ҳолда зарур миқдорда сертификатлар бланкалари билан таъминласин.

11. Ўзбекистон Республикаси Мактабгача таълим вазирлиги тажриба лойиҳасини жорий этиш натижалари бўйича 2019 йил 1 сентябргача бўлган муддатда болаларни бошланғич таълимга мажбурий бир йиллик бепул тайёрлаш ягона тизимини жорий этишни таҳлил қилсин ва Ўзбекистон Республикаси Вазирлар Маҳкамасига таклифлар киритсин.

12. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда бир ой муддатда улар қабул қилган норматив-ҳуқуқий ҳужжатларни ушбу қарорга мувофиқлаштирсин.

13. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов ва Ўзбекистон Республикаси мактабгача таълим вазири А.В. Шин зиммасига юклансин.

Вазирлар Маҳкамасининг 2018 йил 8 декабрдаги 999-сон қарорига 1-ИЛОВА

Болаларни бошланғич таълимга мажбурий бир йиллик тайёрлашни жорий этиш бўйича тажриба лойиҳаси амалга ошириладиган Қорақалпоғистон Республикаси, Фарғона вилояти туманлари (шаҳарлари) ва Тошкент шаҳри туманлари

Т/р Ҳудуд Туман/шаҳар Гуруҳлар сони * 1. Қорақалпоғистон Республикаси Тўрткўл тумани 175 2. Фарғона вилояти Фарғона шаҳри 70 Қувасой шаҳри 38 Фурқат тумани 28 3. Тошкент шаҳри Мирзо Улуғбек тумани 13 Миробод тумани 21 Бектемир тумани 14 Учтепа тумани 26 Яшнобод тумани 17 Чилонзор тумани 16 Юнусобод тумани 17 Шайхонтоҳур тумани 59 Жами: 494

Ўзбекистон Республикасининг Бош вазири А. АРИПОВ

Тошкент ш.,

2018 йил 8 декабрь,

999-сон

(Қонун ҳужжатлари маълумотлари миллий базаси, 10.12.2018 й., 09/18/999/2291-сон; 09.03.2019 й., 09/19/199/2729-сон; 10.03.2020 й., 09/20/132/0271-сон; Қонун ҳужжатлари маълумотлари миллий базаси, 21.05.2021 й., 09/21/320/0482-сон)

lex.uz

Oʻzbekiston Respublikasi Vazirlar Mahkamasining

qarori

roʻyxati

Bolalarni boshlangʻich taʼlimga majburiy bir yillik tayyorlashga bosqichma-bosqich oʻtish chora-tadbirlari toʻgʻrisida

Maktabgacha taʼlim tizimini yanada takomillashtirish, sogʻlom, faol, barkamol, ijtimoiy moslashtirilgan bola shaxsini, shuningdek, kelgusi muvaffaqiyatli oʻquv faoliyati uchun shart-sharoitlarni shakllantirish va bolalarni boshlangʻich taʼlimga sifatli tayyorlash maqsadida Vazirlar Mahkamasi qaror qiladi:

1. Oʻzbekiston Respublikasi Maktabgacha taʼlim vazirligi, Qoraqalpogʻiston Respublikasi Vazirlar Kengashi, Fargʻona viloyati va Toshkent shahar hokimliklarining 2018-2019 oʻquv yilidan boshlab Qoraqalpogʻiston Respublikasi, Fargʻona viloyati tumanlarida (shaharlarida) va Toshkent shahri tumanlarida 1-ilovaga muvofiq roʻyxat boʻyicha bolalarni boshlangʻich taʼlimga majburiy bepul bir yillik tayyorlashni joriy etish tajriba loyihasini amalga oshirish toʻgʻrisidagi taklifiga rozilik berilsin.

2. Quyidagilar bolalarni boshlangʻich taʼlimga majburiy bir yillik tayyorlashni joriy etish tajriba loyhasini (keyingi oʻrinlarda tajriba loyihasi deb ataladi) amalga oshirishda Oʻzbekiston Respublikasi Maktabgacha taʼlim vazirligining asosiy vazifalari etib belgilansin:

maktabgacha taʼlim bilan qamrab olinmagan bolalar sirasiga kiradigan bolalarning majburiy bepul bir yillik tayyorlov guruhlarini (keyingi oʻrinlarda bolalar tayyorlov guruhlari deb ataladi) shakllantirish;

bolalar tayyorlov guruhlarining oʻquv-tarbiya jarayoniga zamonaviy innovatsion pedagogik texnologiyalarni, taʼlim va tarbiyaning samarali shakllari va usullarini joriy etish;

bolalar tayyorlov guruhlarini milliy madaniy-tarixiy qadriyatlarni aks ettiradigan va bolalikdan kitob oʻqishga qiziqishni singdiradigan oʻquv-metodik, didaktik materiallar, rivojlantiruvchi oʻyinlar va oʻyinchoqlar, badiiy adabiyotlar bilan taʼminlash;

maktabgacha taʼlim bilan qamrab olinmagan bolalarning ilgʻor xorijiy tajribani hisobga olgan holda davlat talablariga muvofiq har tomonlama aqliy, axloqiy, estetik va jismoniy kamol topishi uchun shart-sharoitlar yaratish;

davlat va nodavlat maktabgacha taʼlim tashkilotilari, maktabgacha taʼlim sohasida nodavlat taʼlim xizmatlari koʻrsatish bilan shugʻullanuvchi yuridik shaxslarning moddiy-texnika bazasini mustahkamlash.

3. Belgilansinki:

majburiy tayyorlov guruhlari uchun 2018-2019 oʻquv yili 2018-yil 10-dekabrdan boshlanadi va 2019-yil 10-avgustda tamomlanadi;

davlat va nodavlat maktabgacha taʼlim tashkilotilari, maktabgacha taʼlim sohasida nodavlat taʼlim xizmatlari koʻrsatuvchi yuridik shaxslarning negizida toʻliq kun, toʻliq boʻlmagan kun (bir haftada kamida 15 soat taʼlim-tarbiya jarayoni tashkil etilgan holda) tayyorlov guruhlari tarbiyalanuvchilari boshlangʻich taʼlimga tayyorgarlikdan oʻtgan deb hisoblanadi va bolalarni boshlangʻich taʼlimga majburiy bepul bir yillik tayyorlashdan ozod etiladi;

davlat va nodavlat maktabgacha taʼlim tashkilotlarida, maktabgacha taʼlim sohasida nodavlat taʼlim xizmatlari koʻrsatuvchi yuridik shaxslarda boshlangʻich taʼlimga majburiy yillik tayyorgarlikdan oʻtgan bolalarga boshlangʻich taʼlimga majburiy bir yillik tayyorgarlikdan oʻtganlik toʻgʻrisida davlat namunasidagi sertifikat beriladi;

boshlangʻich taʼlimga majburiy bir yillik tayyorgarlikdan oʻtganlik toʻgʻrisida sertifikat berish tartibi Oʻzbekiston Respublikasi Maktabgacha taʼlim vazirligi tomonidan belgilanadi.

4. Qoraqalpogʻiston Respublikasi Vazirlar Kengashi, Fargʻona viloyati va Toshkent shahar hokimliklariga, Oʻzbekiston Respublikasi Maktabgacha taʼlim vazirligiga:

a) bolalar tayyorlov guruhlari uchun xonalarni tayyorlash, zarur boʻlsa, yangi binolar, xonalar qurish yoki mavjudlarini kapital taʼmirlash, suv va elektr energiyasi hajmini oʻlchaydigan va hisobga oladigan alohida moslamalar oʻrnatish toʻgʻrisida takliflar kiritilishini;

b) bir hafta muddatda:

bolalar tayyorlov guruhlari roʻyxatlari tasdiqlanishini;

xonalarni oʻquv-metodik, didaktik materiallar, badiiy adabiyotlar, rivojlantiruvchi oʻyinlar va oʻyinchoqlar bilan taʼminlash yuklansin.

6. Oʻzbekiston Respublikasi Maktabgacha taʼlim vazirligi bir hafta muddatda bolalar tayyorlov guruhlarini malakali pedagog kadrlar bilan taʼminlasin.

7. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi Oʻzbekiston Respublikasi Maktabgacha taʼlim vazirligi bilan birgalikda taʼlim-tarbiya jarayonining sifatini nazorat qilsin hamda davlat va nodavlat maktabgacha taʼlim tashkilotlari va maktabgacha taʼlim sohasida nodavlat taʼlim xizmatlarini koʻrsatish bilan shugʻullanuvchi yuridik shaxslarning negizida bolalarni majburiy tayyorlash guruhlari faoliyati tashkil etilishi ustidan monitoring olib borsin.

8. Oʻzbekiston Respublikasi Xalq taʼlimi vazirligi, Maktabgacha taʼlim vazirligi boshqa manfaatdor vazirliklar va idoralar bilan birgalikda ikki oy muddatda 2019-2020-yillarda Qoraqalpogʻiston Respublikasi, Fargʻona viloyatining tegishli tajriba oʻtkaziladigan tumanlarida (shaharlarida) va Toshkent shahri tumanlarida bolalarda boshlangʻich taʼlimga majburiy bir yillik tayyorlovdan oʻtganlik haqida davlat namunasidagi sertifikat mavjud boʻlsa, ularni umumtaʼlim maktablarining boshlangʻich sinflariga qabul qilish tartibi toʻgʻrisidagi taklifni ishlab chiqsin.

9. Oʻzbekiston Respublikasi Moliya vazirligi:

Oʻzbekiston Respublikasi Davlat budjeti xarajatlarining har yilgi parametrlarini shakllantirishda ushbu qaror doirasidagi tadbirlarni amalga oshirish uchun zarur mablagʻlarni nazarda tutsin;

joriy etilayotgan shtat birliklaridan va bolalar majburiy tayyorlov guruhlarini jihozlashdan kelib chiqqan holda 2018-yilgi Oʻzbekiston Respublikasi Davlat budjeti xarajatlari parametrlariga zarur oʻzgartishlar kiritsin.

10. “Davlat belgisi” davlat ishlab chiqarish birlashmasi Oʻzbekiston Respublikasi Maktabgacha taʼlim vazirligining buyurtmanomalari asosida Moliya vazirligi bilan kelishgan holda zarur miqdorda sertifikatlar blankalari bilan taʼminlasin.

11. Oʻzbekiston Respublikasi Maktabgacha taʼlim vazirligi tajriba loyihasini joriy etish natijalari boʻyicha 2019-yil 1-sentabrgacha boʻlgan muddatda bolalarni boshlangʻich taʼlimga majburiy bir yillik bepul tayyorlash yagona tizimini joriy etishni tahlil qilsin va Oʻzbekiston Respublikasi Vazirlar Mahkamasiga takliflar kiritsin.

12. Oʻzbekiston Respublikasi Maktabgacha taʼlim vazirligi manfaatdor vazirliklar va idoralar bilan birgalikda bir oy muddatda ular qabul qilgan normativ-huquqiy hujjatlarni ushbu qarorga muvofiqlashtirsin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov va Oʻzbekiston Respublikasi maktabgacha taʼlim vaziri A.V. Shin zimmasiga yuklansin.

Vazirlar Mahkamasining 2018-yil 8-dekabrdagi 999-son qaroriga 1-ILOVA

Bolalarni boshlangʻich taʼlimga majburiy bir yillik tayyorlashni joriy etish boʻyicha tajriba loyihasi amalga oshiriladigan Qoraqalpogʻiston Respublikasi, Fargʻona viloyati tumanlari (shaharlari) va Toshkent shahri tumanlari

T/r Hudud Tuman/shahar Guruhlar soni * 1. Qoraqalpogʻiston Respublikasi Toʻrtkoʻl tumani 175 2. Fargʻona viloyati Fargʻona shahri 70 Quvasoy shahri 38 Furqat tumani 28 3. Toshkent shahri Mirzo Ulugʻbek tumani 13 Mirobod tumani 21 Bektemir tumani 14 Uchtepa tumani 26 Yashnobod tumani 17 Chilonzor tumani 16 Yunusobod tumani 17 Shayxontohur tumani 59 Jami: 494

Oʻzbekiston Respublikasining Bosh vaziri A. ARIPOV

Toshkent sh.,

2018-yil 8-dekabr,

999-son

(Qonun hujjatlari maʼlumotlari milliy bazasi, 10.12.2018-y., 09/18/999/2291-son; 09.03.2019-y., 09/19/199/2729-son; 10.03.2020-y., 09/20/132/0271-son; Qonun hujjatlari maʼlumotlari milliy bazasi, 21.05.2021-y., 09/21/320/0482-son)

lex.uz

Кабинета Министров Республики Узбекистан

Постановление

Перечень

О мерах по поэтапному переходу на обязательную годичную подготовку детей к начальному образованию

В целях дальнейшего усовершенствования системы дошкольного образования, формирования здоровой, активной, полноценной, социально адаптированной личности ребенка, а также предпосылок к дальнейшей успешной учебной деятельности и качественной подготовки детей к начальному образованию Кабинет Министров постановляет:

1. Согласиться с предложением Министерства дошкольного образования Республики Узбекистан, Совета Министров Республики Каракалпакстан, хокимиятов Ферганской области и города Ташкента о реализации с 2018-2019 учебного года пилотного проекта по внедрению обязательной бесплатной годичной подготовки детей к начальному образованию в районах (городах) Республики Каракалпакстан, Ферганской области и города Ташкента по перечню согласно приложению № 1 .

2. Определить основными задачами Министерства дошкольного образования Республики Узбекистан в реализации пилотного проекта по внедрению обязательной годичной подготовки детей к начальному образованию (далее — пилотный проект):

формирование групп обязательной бесплатной годичной подготовки детей из числа не охваченных дошкольным образованием детей (далее — группы подготовки детей);

внедрение в учебно-воспитательный процесс групп подготовки детей современных инновационных педагогических технологий, эффективных форм и методов обучения и воспитания;

обеспечение групп подготовки детей учебно-методическими, дидактическими материалами, развивающими играми и игрушками, художественной литературой, отражающей национальные культурно-исторические ценности и прививающими с детства интерес к чтению книг;

создание условий для всестороннего интеллектуального, нравственного, эстетического и физического развития детей, не охваченных дошкольным образованием, в соответствии с государственными требованиями, с учетом передового зарубежного опыта;

укрепление материально-технической базы государственных и негосударственных дошкольных образовательных организаций, юридических лиц, занимающихся предоставлением негосударственных образовательных услуг в сфере дошкольного образования.

3. Установить, что:

2018-2019 учебный год для групп обязательной подготовки начинается с 10 декабря 2018 года и заканчивается 10 августа 2019 года;

подготовительные группы полного дня, неполного дня (с организацией воспитательно-образовательного процесса не менее 15 часов в неделю) на базе государственных и негосударственных дошкольных образовательных организаций, юридических лиц, оказывающих негосударственные образовательные услуги в сфере дошкольного образования, считаются прошедшими подготовку к начальному образованию и освобождаются от обязательной бесплатной годичной подготовки детей к начальному образованию;

детям, прошедшим обязательную годичную подготовку к начальному образованию на базе государственных и негосударственных дошкольных образовательных организаций, юридических лиц, оказывающих негосударственные образовательные услуги в сфере дошкольного образования, выдается сертификат государственного образца о прохождении обязательной годичной подготовки к начальному образованию;

порядок выдачи сертификата о прохождении обязательной годичной подготовки к начальному образованию определяется Министерством дошкольного образования Республики Узбекистан.

4. Возложить на Совет Министров Республики Каракалпакстан, хокимияты Ферганской области и города Ташкента, Министерство дошкольного образования Республики Узбекистан обеспечение:

а) подготовки помещений для групп подготовки детей, при необходимости с внесением предложений о строительстве новых или капитальном ремонте существующих зданий, помещений, установки отдельных приборов измерения и учета объема воды и электроэнергии;

б) в недельный срок:

утверждение списков групп подготовки детей;

оснащение помещений учебно-методическим, дидактическим материалами, художественной литературой, развивающими играми и игрушками.

6. Министерству дошкольного образования Республики Узбекистан в недельный срок обеспечить группы подготовки детей квалифицированными педагогическими кадрами.

7. Государственной инспекцией по надзору за качеством образования при Кабинете Министров Республики Узбекистан совместно с Министерством дошкольного образования Республики Узбекистан осуществлять контроль качества воспитательно-образовательного процесса и мониторинг за организацией деятельности групп обязательной подготовки детей на базе государственных и негосударственных дошкольных образовательных организаций, юридических лиц, занимающихся оказанием негосударственных образовательных услуг в сфере дошкольного образования.

8. Министерству народного образования, Министерству дошкольного образования Республики Узбекистан совместно с другими заинтересованными министерствами и ведомствами в двухмесячный срок разработать предложения о порядке приема детей в начальные классы общеобразовательных школ на 2019-2020 учебный год в районах (городах) внедрения пилотного проекта Республики Каракалпакстан, Ферганской области и города Ташкента при наличии у детей сертификата государственного образца о прохождении обязательной годичной подготовки к начальному образованию.

9. Министерству финансов Республики Узбекистан:

при формировании ежегодных параметров расходов Государственного бюджета Республики Узбекистан предусмотреть необходимые средства на реализацию мероприятий в рамках настоящего постановления;

внести необходимые изменения в параметры расходов Государственного бюджета Республики Узбекистан на 2018 год, исходя из вводимых штатных единиц и оснащения групп обязательной подготовки детей.

10. Государственному производственному объединению «Давлат белгиси» обеспечить необходимым количеством бланков сертификатов на основе заявок Министерства дошкольного образования по согласованию с Министерством финансов Республики Узбекистан.

11. Министерству дошкольного образования Республики Узбекистан по результатам внедрения пилотного проекта в срок до 1 сентября 2019 года провести анализ и внести предложения в Кабинет Министров Республики Узбекистан о внедрении единой системы обязательной бесплатной годичной подготовки детей к начальному образованию.

12. Министерству дошкольного образования Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.

13. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова и министра дошкольного образования Республики Узбекистан А.В. Шин.

ПРИЛОЖЕНИЕ № 1 к постановлению Кабинета Министров от 8 декабря 2018 года № 999

районов (городов) Республики Каракалпакстан, Ферганской области и города Ташкента, в которых реализуется пилотный проект по внедрению обязательной годичной подготовки детей к начальному образованию

№ Регион Район/город Количество групп * 1. Республика Каракалпакстан Турткульский район 175 2. Ферганская область г. Фергана 70 г. Кувасай 38 Фуркатский район 28 3. г. Ташкент Мирзо Улугбекский район 13 Мирабадский район 21 Бектемирский район 14 Учтепинский район 26 Яшнабадский район 17 Чиланзарский район 16 Юнусабадский район 17 Шайхантахурский район 59 Итого: 494

Премьер-министр Республики Узбекистан А. АРИПОВ

г. Ташкент,

8 декабря 2018 г.,

№ 999

(Национальная база данных законодательства, 10.12.2018 г., № 09/18/999/2291)

lex.uz