📅 2018-yil 12-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 12 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Фарғона вилоятида қўшимча кичик саноат зоналари ташкил этиш чора-тадбирлари тўғрисида
Хусусий тадбиркорликни ривожлантиришни янада қўллаб-қувватлаш, инвестицияларни фаол жалб қилиш учун қулай шароитлар яратиш, янги рақобатбардошли ишлаб чиқаришлар ва кичик корхоналарни ривожлантириш чора-тадбирларини таъминлаш, уларни муҳандислик-коммуникация ва ишлаб чиқариш инфратузилмаси ташкил этилган алоҳида ҳудудларда жойлаштириш, шу асосда ишлаб чиқариш соҳасида янги иш ўринлари ташкил этиш, аҳолининг бандлик ва фаровонлик даражасини ошириш мақсадида Вазирлар Маҳкамаси қарор қилади:
1. Фарғона вилоятида хусусий тадбиркорликни қўллаб-қувватлаш чора-тадбирларининг изчил амалга оширилиши доирасида, фаолият юритмаётган ишлаб чиқариш майдонлари негизида тўртта кичик саноат зоналари ташкил этилганлиги маълумот учун қабул қилинсин.
2. Фарғона вилояти ҳокимлиги, Ўзбекистон Республикаси Иқтисодиёт вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Фарғона вилоятининг Фарғона шаҳрида, шунингдек, Фурқат, Қува, Ўзбекистон, Олтиариқ, Ёзёвон ва Қўштепа туманларида фойдаланилмаётган ишлаб чиқариш майдонлари ва ер участкалари негизида иловага * мувофиқ рўйхат бўйича кичик саноат зоналари (кейинги ўринларда КСЗ деб аталади) ташкил этиш тўғрисидаги таклифига розилик берилсин.
3. Белгилаб қўйилсинки:
КСЗ ҳудудидаги давлат кўчмас мулки тадбиркорлик субъектларига бизнес-режаларни бажариш, иш ўринларини яратиш ва сақлаш, барча турдаги солиқлар ва бошқа мажбурий тўловларни ўз вақтида тўлаш шарти билан кейинчалик мулк ҳуқуқи берилган ҳолда 10 йил муддатга узоқ муддатли ижарага берилади;
КСЗ ҳудудидаги давлат кўчмас мулкидан ижара даврида фойдаланиш учун ижарага олинган майдонда амалга оширилаётган фаолият туридан келиб чиққан ҳолда ортиб борадиган коэффициентни қўлламасдан ижара тўловининг энг кам ставкаси белгиланади;
КСЗ иштирокчиларига инвестиция лойиҳаларини бажариш учун ер участкаларини ижарага бериш тўғрисида қабул қилинган қарорлар Ўзбекистон Республикаси Президентининг «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида» 2017 йил 25 октябрдаги ПҚ-3356-сон қарорига мувофиқ ташкил этилган Фарғона вилояти эркин иқтисодий зоналари ва кичик саноат зоналари маъмурий кенгаши томонидан амалга оширилади.
4. Фарғона вилояти эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Инвестициялар ва ташқи савдо вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Савдо-саноат палатаси ва тижорат банклари билан биргаликда, белгиланган тартибда:
Фарғона вилояти иқтисодиётининг эҳтиёжларини, шунингдек, мавжуд минерал-хом ашё, қишлоқ хўжалиги ресурсларини ва инфратузилмани инобатга олган ҳолда, КСЗ ҳудудида импорт ўрнини босадиган ва экспортга йўналтирилган тайёр маҳсулотлар, материаллар ва бутловчи буюмлар турларини ишлаб чиқариш корхоналарини жойлаштириш бўйича аниқ таклифларнинг — «йўл хариталари»нинг икки ой муддатда ишлаб чиқилишини;
КСЗ ҳудудидаги тадбиркорлик субъектларига импорт ўрнини босадиган ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларнинг етказилишини;
КСЗ ҳудудида лойиҳаларни амалга ошириш учун тадбиркорлик субъектларини жалб этиш, улар билан тизимли ишлар олиб бориш, шунингдек, КСЗ ҳудудида ишлаб чиқаришларни жойлаштириш бўйича инвестиция буюртманомаларининг сифатли ва ўз вақтида кўриб чиқилишини;
КСЗ ҳудудида ишлаб чиқаришларни ташкил этиш бўйича инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашишни таъминласин.
5. Мазур қарор 3-бандининг амал қилиши, Вазирлар Маҳкамасининг «Фарғона вилоятида жойлашган ишламай турган ва кам қувватли корхоналар фаолиятини тиклаш, шунингдек давлат мулки объектларидан самарали фойдаланиш чора-тадбирлари тўғрисида» 2017 йил 25 августдаги 672-сон қарорига мувофиқ ташкил қилинган КСЗга татбиқ этилсин.
6. Фарғона вилояти эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Молия вазирлиги, Уй-жой коммунал хизмат кўрсатиш вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ билан биргаликда Фарғона вилоятидаги КСЗни муҳандислик-коммуникация ва ишлаб чиқариш инфратузилмаси билан таъминлаш юзасидан таклифларни уларнинг молиялаштириш манбалари кўрсатилган ҳолда икки ой муддатда Вазирлар Маҳкамасига киритсин.
7. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси манфаатдор вазирликлар ва идоралар, хўжалик бошқаруви органлари билан биргаликда бир ой муддатда:
фойдаланилмаётган ишлаб чиқариш майдонлари ва давлат мулки объектларининг мазкур қарор иловасига асосан маҳаллий ижро этувчи органларга берилишини;
давлат улушига эга бўлган хўжалик юритувчи жамиятлар бошқарув органларининг мажлисларида ушбу қарорнинг иловасига мувофиқ, фойдаланилмаётган объектларни бюджет ҳамда бюджетдан ташқари жамғармалар олдидаги солиқ бўйича қарздорликни бериладиган активларнинг қолдиқ (баланс) қийматига мутаносиб равишда ёки уларнинг устав жамғармаларидаги давлат улушининг ва хўжалик бошқаруви органларининг улушини камайтириш ҳисобидан тегишли маҳаллий ижро этувчи органларга бериш масаласи белгиланган тартибда кўриб чиқилишини таъминласин.
8. Ўзбекистон Республикаси Вазирлар Маҳкамасининг «Фарғона вилоятида жойлашган ишламай турган ва кам қувватли корхоналар фаолиятини тиклаш, шунингдек давлат мулки объектларидан самарали фойдаланиш чора-тадбирлари тўғрисида» 2017 йил 25 августдаги 672-сон қарорига 2-илованинг 6-банди ўз кучини йўқотган деб ҳисоблансин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Инвестициялар бўйича давлат қўмитаси раиси С.Р. Холмурадов, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раисининг биринчи ўринбосари Н.Ш. Шарипов ва Фарғона вилояти ҳокими Ш.М. Ғаниев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 12 декабрь,
1007-сон
Oʻzbekiston Respublikasi Vazirlar Mahkamasining
qarori
Fargʻona viloyatida qoʻshimcha kichik sanoat zonalari tashkil etish chora-tadbirlari toʻgʻrisida
Xususiy tadbirkorlikni rivojlantirishni yanada qoʻllab-quvvatlash, investitsiyalarni faol jalb qilish uchun qulay sharoitlar yaratish, yangi raqobatbardoshli ishlab chiqarishlar va kichik korxonalarni rivojlantirish chora-tadbirlarini taʼminlash, ularni muhandislik-kommunikatsiya va ishlab chiqarish infratuzilmasi tashkil etilgan alohida hududlarda joylashtirish, shu asosda ishlab chiqarish sohasida yangi ish oʻrinlari tashkil etish, aholining bandlik va farovonlik darajasini oshirish maqsadida Vazirlar Mahkamasi qaror qiladi:
1. Fargʻona viloyatida xususiy tadbirkorlikni qoʻllab-quvvatlash chora-tadbirlarining izchil amalga oshirilishi doirasida, faoliyat yuritmayotgan ishlab chiqarish maydonlari negizida toʻrtta kichik sanoat zonalari tashkil etilganligi maʼlumot uchun qabul qilinsin.
2. Fargʻona viloyati hokimligi, Oʻzbekiston Respublikasi Iqtisodiyot vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Fargʻona viloyatining Fargʻona shahrida, shuningdek, Furqat, Quva, Oʻzbekiston, Oltiariq, Yozyovon va Qoʻshtepa tumanlarida foydalanilmayotgan ishlab chiqarish maydonlari va yer uchastkalari negizida ilovaga * muvofiq roʻyxat boʻyicha kichik sanoat zonalari (keyingi oʻrinlarda KSZ deb ataladi) tashkil etish toʻgʻrisidagi taklifiga rozilik berilsin.
3. Belgilab qoʻyilsinki:
KSZ hududidagi davlat koʻchmas mulki tadbirkorlik subyektlariga biznes-rejalarni bajarish, ish oʻrinlarini yaratish va saqlash, barcha turdagi soliqlar va boshqa majburiy toʻlovlarni oʻz vaqtida toʻlash sharti bilan keyinchalik mulk huquqi berilgan holda 10 yil muddatga uzoq muddatli ijaraga beriladi;
KSZ hududidagi davlat koʻchmas mulkidan ijara davrida foydalanish uchun ijaraga olingan maydonda amalga oshirilayotgan faoliyat turidan kelib chiqqan holda ortib boradigan koeffitsiyentni qoʻllamasdan ijara toʻlovining eng kam stavkasi belgilanadi;
KSZ ishtirokchilariga investitsiya loyihalarini bajarish uchun yer uchastkalarini ijaraga berish toʻgʻrisida qabul qilingan qarorlar Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qaroriga muvofiq tashkil etilgan Fargʻona viloyati erkin iqtisodiy zonalari va kichik sanoat zonalari maʼmuriy kengashi tomonidan amalga oshiriladi.
4. Fargʻona viloyati erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Investitsiyalar va tashqi savdo vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Savdo-sanoat palatasi va tijorat banklari bilan birgalikda, belgilangan tartibda:
Fargʻona viloyati iqtisodiyotining ehtiyojlarini, shuningdek, mavjud mineral-xomashyo, qishloq xoʻjaligi resurslarini va infratuzilmani inobatga olgan holda, KSZ hududida import oʻrnini bosadigan va eksportga yoʻnaltirilgan tayyor mahsulotlar, materiallar va butlovchi buyumlar turlarini ishlab chiqarish korxonalarini joylashtirish boʻyicha aniq takliflarning — “yoʻl xaritalari”ning ikki oy muddatda ishlab chiqilishini;
KSZ hududidagi tadbirkorlik subyektlariga import oʻrnini bosadigan va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning yetkazilishini;
KSZ hududida loyihalarni amalga oshirish uchun tadbirkorlik subyektlarini jalb etish, ular bilan tizimli ishlar olib borish, shuningdek, KSZ hududida ishlab chiqarishlarni joylashtirish boʻyicha investitsiya buyurtmanomalarining sifatli va oʻz vaqtida koʻrib chiqilishini;
KSZ hududida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashishni taʼminlasin.
5. Mazur qaror 3-bandining amal qilishi, Vazirlar Mahkamasining “Fargʻona viloyatida joylashgan ishlamay turgan va kam quvvatli korxonalar faoliyatini tiklash, shuningdek davlat mulki obyektlaridan samarali foydalanish chora-tadbirlari toʻgʻrisida” 2017-yil 25-avgustdagi 672-son qaroriga muvofiq tashkil qilingan KSZga tatbiq etilsin.
6. Fargʻona viloyati erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Moliya vazirligi, Uy-joy kommunal xizmat koʻrsatish vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ bilan birgalikda Fargʻona viloyatidagi KSZni muhandislik-kommunikatsiya va ishlab chiqarish infratuzilmasi bilan taʼminlash yuzasidan takliflarni ularning moliyalashtirish manbalari koʻrsatilgan holda ikki oy muddatda Vazirlar Mahkamasiga kiritsin.
7. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi manfaatdor vazirliklar va idoralar, xoʻjalik boshqaruvi organlari bilan birgalikda bir oy muddatda:
foydalanilmayotgan ishlab chiqarish maydonlari va davlat mulki obyektlarining mazkur qaror ilovasiga asosan mahalliy ijro etuvchi organlarga berilishini;
davlat ulushiga ega boʻlgan xoʻjalik yurituvchi jamiyatlar boshqaruv organlarining majlislarida ushbu qarorning ilovasiga muvofiq, foydalanilmayotgan obyektlarni budjet hamda budjetdan tashqari jamgʻarmalar oldidagi soliq boʻyicha qarzdorlikni beriladigan aktivlarning qoldiq (balans) qiymatiga mutanosib ravishda yoki ularning ustav jamgʻarmalaridagi davlat ulushining va xoʻjalik boshqaruvi organlarining ulushini kamaytirish hisobidan tegishli mahalliy ijro etuvchi organlarga berish masalasi belgilangan tartibda koʻrib chiqilishini taʼminlasin.
8. Oʻzbekiston Respublikasi Vazirlar Mahkamasining “Fargʻona viloyatida joylashgan ishlamay turgan va kam quvvatli korxonalar faoliyatini tiklash, shuningdek davlat mulki obyektlaridan samarali foydalanish chora-tadbirlari toʻgʻrisida” 2017-yil 25-avgustdagi 672-son qaroriga 2-ilovaning 6-bandi oʻz kuchini yoʻqotgan deb hisoblansin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining birinchi oʻrinbosari N.Sh. Sharipov va Fargʻona viloyati hokimi Sh.M. Gʻaniyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 12-dekabr,
1007-son
Кабинета Министров Республики Узбекистан
Постановление
ПЕРЕЧЕНЬ
О мерах по созданию дополнительных малых промышленных зон в Ферганской области
В целях дальнейшей поддержки развития частного предпринимательства, формирования благоприятных условий для активного привлечения инвестиций, обеспечения мер по развитию новых конкурентоспособных производств и малых предприятий, повышения их концентрации на отдельных территориях с подведенной инженерно-коммуникационной и производственной инфраструктурой, создания на этой основе новых рабочих мест в производственной сфере, повышения занятости и благосостояния населения Кабинет Министров постановляет:
1. Принять к сведению, что в рамках последовательной реализации мер по поддержке частного предпринимательства в Ферганской области на базе бездействовавших производственных площадей созданы четыре малые промышленные зоны.
2. Согласиться с предложением хокимията Ферганской области, Министерства экономики, Государственного комитета Республики Узбекистан по содействию приватизированным предприятиям и развитию конкуренции о создании малых промышленных зон (далее — МПЗ) в городе Фергана, а также в Фуркатском, Кувинском, Узбекистанском, Алтыарыкском, Язъяванском и Куштепинском районах Ферганской области на базе бездействующих производственных площадей и земельных участков согласно приложению .
3. Установить, что:
недвижимое государственное имущество, находящееся на территории МПЗ, предоставляется субъектам предпринимательства в долгосрочную аренду сроком на 10 лет с последующим предоставлением права собственности при условии выполнения бизнес-планов, создания и сохранения рабочих мест, своевременной уплаты всех налогов и других обязательных платежей;
за пользование недвижимым государственным имуществом, находящимся на территории МПЗ, в период его аренды устанавливаются минимальные ставки арендной платы, исходя из вида деятельности, осуществляемого на арендуемой площади, без применения повышающих коэффициентов;
принятие решений о предоставлении земельных участков в аренду участникам МПЗ для реализации инвестиционных проектов осуществляется Административным советом свободных экономических зон и малых промышленных зон Ферганской области, образованным в соответствии с постановлением Президента Республики Узбекистан от 25 октября 2017 года № ПП-3356 «О дополнительных мерах по повышению эффективности деятельности свободных экономических зон и малых промышленных зон».
4. Административному совету свободных экономических зон и малых промышленных зон Ферганской области совместно с Министерством экономики, Министерством инвестиций и внешней торговли, Государственным комитетом Республики Узбекистан по содействию приватизированным предприятиям и развитию конкуренции, Торгово-промышленной палатой Республики Узбекистан и коммерческими банками в установленном порядке обеспечить:
в двухмесячный срок разработку конкретных предложений — «дорожных карт» по размещению на территории МПЗ производств по выпуску импортозамещающих и экспортоориентированных видов готовой продукции, материалов и комплектующих изделий с учетом потребности экономики Ферганской области, а также имеющихся минерально-сырьевых, сельскохозяйственных ресурсов и инфраструктуры;
доведение до субъектов предпринимательства информации о видах импортозамещающей и экспортоориентированной готовой продукции, материалов и комплектующих изделий, предлагаемых к освоению на территории МПЗ;
привлечение к реализации проектов на территории МПЗ субъектов предпринимательства, проведение системной работы с ними, а также качественное и своевременное рассмотрение инвестиционных заявок на размещение производств на территории МПЗ;
оказание содействия субъектам предпринимательства в разработке бизнес-планов инвестиционных проектов по организации производств на территории МПЗ.
5. Распространить действие пункта 3 настоящего постановления на МПЗ, созданные в соответствии с постановлением Кабинета Министров Республики Узбекистан от 25 августа 2017 года № 672 «О мерах по восстановлению деятельности бездействующих и маломощных предприятий, а также эффективному использованию объектов государственной собственности, расположенных в Ферганской области».
6. Административному совету свободных экономических зон и малых промышленных зон Ферганской области совместно с Министерством экономики, Министерством финансов, Министерством жилищно-коммунального обслуживания, Государственным комитетом по автомобильным дорогам, АО «Узбекэнерго», АО «Узтрансгаз» в двухмесячный срок внести в Кабинет Министров Республики Узбекистан предложения по обеспечению МПЗ в Ферганской области инженерно-коммуникационной и производственной инфраструктурой с указанием источников финансирования.
7. Государственному комитету Республики Узбекистан по содействию приватизированным предприятиям и развитию конкуренции совместно с заинтересованными министерствами и ведомствами, органами хозяйственного управления в месячный срок обеспечить в установленном порядке:
передачу соответствующим органам исполнительной власти на местах неиспользуемых производственных площадей и объектов государственной собственности согласно приложению ;
инициирование рассмотрения на заседаниях органов управления хозяйственных обществ с долей государства и органов хозяйственного управления вопроса передачи соответствующим органам исполнительной власти на местах неиспользуемых объектов согласно приложению с соответствующим уменьшением доли государства и доли органов хозяйственного управления в их уставных фондах или налоговых задолженностей перед бюджетом и внебюджетными фондами пропорционально сумме остаточной (балансовой) стоимости передаваемых активов.
8. Признать утратившим силу пункт 6 приложения № 2 к постановлению Кабинета Министров Республики Узбекистан от 25 августа 2017 года № 672 «О мерах по восстановлению деятельности бездействующих и маломощных предприятий, а также эффективному использованию объектов государственной собственности, расположенных в Ферганской области».
9. Контроль за исполнением настоящего постановления возложить на заместителя Премьер-министра — председателя Государственного комитета Республики Узбекистан по инвестициям С.Р. Холмуродова, первого заместителя председателя Государственного комитета Республики Узбекистан по содействию приватизированным предприятиям и развитию конкуренции Н.Ш. Шарипова и хокима Ферганской области Ш.М. Ганиева.
ПРИЛОЖЕНИЕ к постановлению Кабинета Министров от 12 декабря 2018 года № 1007
дополнительных малых промышленных зон в Ферганской области, создаваемых на базе бездействующих производственных площадей и земельных участков
№ Наименование создаваемых МПЗ Наименование объекта Территория * (га) Площадь зданий и сооружений (кв.м) 1. Ферганская городская МПЗ Неиспользуемый земельный участок ГП «Фарғона кўприк хўжалигини сақлашга ихтисослашган таъмирлаш фойдаланиш корхонаси» 1,2 — Здания и сооружения с прилегающей территорией ДП ООО «Ферганский механический завод» ** 38,8 76086 2. Фуркатская районная МПЗ Здания и сооружения «Навбаҳорулгуржисавдо базаси» 1,8 9774,2 4. Узбекистанская районная МПЗ Неиспользуемый земельный участок, расположенный на территории СГМ «Кичик Тагоб» 5 — 6. Язъяванская районная МПЗ Неиспользуемый земельный участок, расположенный на территории СГМ «Гулистон» 4,5 — 7. Куштепинская районная МПЗ Неиспользуемый земельный участок, расположенный на территории СГМ «Йўлдошобод» 1,29 — Всего: 72,6 85860
Премьер-министр Республики Узбекистан А. АРИПОВ
г. Ташкент,
12 декабря 2018 г.,
№ 1007