📅 2018-yil 12-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 12 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
РЎЙХАТИ
Сув хўжалиги ташкилотлари томонидан саноат ва энергетика ташкилотларига техник сув етказиб бериш бўйича кўрсатилган хизматлар учун ҳақ тўлаш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3672-сон қарорининг ижросини таъминлаш мақсадида Вазирлар Маҳкамаси қарор қилади:
1. Сув хўжалиги ташкилотлари томонидан саноат ва энергетика ташкилотларига техник сув етказиб бериш бўйича кўрсатилган хизматлар учун ҳақ тўлаш тартиби тўғрисидаги низом 1-иловага мувофиқ тасдиқлансин.
2. Белгилаб қўйилсинки, мазкур Низом 2019 йил 1 январидан кучга киритилиб, 2024 йил 1 январга қадар 2-иловада қайд қилинган саноат ва энергетика ташкилотларига етказиб берилган техник сув учун хизмат ҳақини ҳисоблашда, истисно тариқасида, 0,1 коэффициенти қўлланилади.
Энергетик қурилмаларни совутиш учун ишлатиладиган техник сув ўз манбасига қайтарилиши ҳамда табиий оқим ва гидроэлектростанциялар каналларидаги сув ишлатилишини инобатга олган ҳолда «Тошкент иссиқлик электр станцияси» унитар корхонаси, «Тошкент иссиқлик электр маркази» унитар корхонаси ҳамда «Янги-Ангрен иссиқлик электр станцияси» акциядорлик жамияти томонидан техник сув етказиб бериш бўйича кўрсатилган хизматлар учун ҳақ тўланмайди.
3. Ўзбекистон Республикаси Сув хўжалиги вазирлиги манфаатдор вазирликлар ва идоралар билан биргаликда техник сув етказиб бериладиган саноат ва энергетика ташкилотларини бир ой муддатда хатловдан ўтказсин ҳамда улар билан белгиланган тартибда техник сув етказиб бериш хизмати тўғрисида шартномаларни расмийлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамият бошқарув раиси А.Ж. Раматов ва Ўзбекистон Республикаси сув хўжалиги вазири Ш.Р. Хамраев зиммасига юклансин.
Вазирлар Маҳкамасининг 2018 йил 12 декабрдаги 1008-сон қарорига 1-ИЛОВА
Сув хўжалиги ташкилотлари томонидан саноат ва энергетика ташкилотларига техник сув етказиб бериш бўйича кўрсатилган хизматлар учун ҳақ тўлаш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Сув хўжалиги вазирлиги (кейинги ўринларда Вазирлик деб юритилади) тизимидаги сув хўжалиги ташкилотлари томонидан саноат ва энергетика ташкилотларига техник сув етказиб бериш бўйича кўрсатилган хизматлар учун ҳақ тўлаш тартибини ҳамда ушбу хизматларни кўрсатишдан келиб тушган маблағларни тақсимлаш ва улардан фойдаланиш тартибини белгилайди.
2. Ушбу Низом талаблари гидроэнергетика соҳасидаги ташкилотларга ҳамда аҳоли истеъмоли учун ичимлик суви, иссиқ сув ва иссиқлик энергиясини етказиб берувчи коммунал соҳа ташкилотларига сув етказиб бериш бўйича кўрсатилган хизматларга нисбатан татбиқ этилмайди.
3. Ушбу Низомда қуйидаги асосий тушунчалардан фойдаланилади:
техник сув — саноат, энергетика ва бошқа соҳаларнинг техник эҳтиёжлари учун етказиб берилган ёки ишлатиладиган сув;
сув хўжалиги ташкилотлари — Вазирлик тизимидаги сув хўжалиги объектларини эксплуатация қилувчи ҳамда саноат ва энергетика корхоналарига техник сув етказиб бериш хизматларини амалга оширувчи ташкилотлар;
саноат ва энергетика ташкилотлари — саноат маҳсулотлари ва электр энергияси ишлаб чиқариш учун техник сувдан фойдаланадиган ташкилотлар.
4. Сув хўжалиги ташкилотлари томонидан саноат ва энергетика ташкилотларига техник сув етказиб бериш бўйича хизматлар улар ўртасида тузиладиган шартномага мувофиқ тўловлар асосида амалга оширилади.
2-боб. Техник сув етказиб бериш харажатларини аниқлаш тартиби
5. Вазирлик тизимидаги сув хўжалиги ташкилотларининг бир бирлик (1 куб м) ҳажмдаги техник сув етказиб бериш харажатлари мазкур ташкилотларни сақлаш учун ажратилган маблағлар ва етказиб бериладиган сув миқдоридан келиб чиқиб аниқланади.
6. Бир бирлик ҳажмдаги сувни етказиб бериш тарифи қуйидаги формулага асосан аниқланади:
Х тс = П хм / Ҳ ср
бунда:
Х тс — бир куб м сувни етказиб бериш харажати, сўм;
П хм — тасдиқланган бюджет параметрларида календарь йилда сув хўжалиги ташкилотларини ривожлантириш ва сақлаш учун Вазирликка ажратилган харажатлар миқдори, сўм;
Ҳ ср — календарь йилда сув хўжалиги ташкилотлари томонидан иқтисодиёт тармоқларига етказиб бериладиган жами сув ресурси миқдори, куб м.
Ушбу тариф ҳар календарь йилнинг 1 февралигача Вазирлик томонидан Молия вазирлиги билан келишилган ҳолда тасдиқланади.
3-боб. Техник сув етказиб бериш бўйича кўрсатилган хизматлар учун ҳақ тўлаш тартиби
7. Саноат ва энергетика ташкилотлари ҳар ой давомида етказиб берилган техник сув учун тўловларни кейинги ойнинг 5-санасига қадар сув хўжалиги ташкилотларининг Бюджет ташкилотини ривожлантириш жамғармаси ҳисоб рақамига ўтказиб беради.
8. Саноат ва энергетика ташкилотларига техник сув етказиб бериш хизматидан келиб тушган маблағлар сув хўжалиги ташкилоти томонидан қуйидагича тақсимланади:
90 фоизи — беш иш куни мобайнида Вазирлик ҳузуридаги Сув хўжалигини ривожлантириш жамғармасига ўтказиб берилади;
10 фоизи — сув хўжалиги ташкилотларининг ихтиёрида қолдирилади.
4-боб. Техник сув етказиб бериш бўйича кўрсатилган хизматлардан келиб тушган маблағлардан фойдаланиш тартиби
9. Вазирлик ҳузуридаги Сув хўжалигини ривожлантириш жамғармасига техник сув етказиб бериш бўйича кўрсатилган хизматлардан келиб тушган маблағлар Вазирлар Маҳкамасининг 2021 йил 17 сентябрдаги 573-сон қарори билан тасдиқланган Ўзбекистон Республикаси Сув хўжалиги вазирлиги ва унинг таркибига кирувчи ташкилотлар ходимларини моддий рағбатлантириш тартиби тўғрисидаги низомда кўрсатиб ўтилган мақсадларга сарфланади.
10. Ушбу Низом 8-бандининг учинчи хатбошида кўрсатиб ўтилган сув хўжалиги ташкилотларининг ихтиёрида қолдириладиган маблағлар қуйидаги мақсадларга сарфланади:
сув хўжалиги объектларида фавқулодда ҳолатлар юз беришининг олдини олиш ва табиий офатлар юз берган ҳолларда уларнинг салбий оқибатларини бартараф этишга;
ходимларни белгиланган тартибда ижтимоий ҳимоя қилиш ва моддий рағбатлантиришга;
сув хўжалиги ташкилотлари тасарруфидаги ирригация тизимини таъмирлаш ва тиклаш ҳамда сув олиш жойларини сувни бошқариш ва ҳисобга олиш воситалари билан жиҳозлашга, ташкилотларнинг моддий техника базасини мустаҳкамлаш, жумладан лизинг тўловларини амалга ошириш ҳамда кадрлар малакасини оширишга йўналтирилади.
5-боб. Якунловчи қоида
11. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.
Вазирлар Маҳкамасининг 2018 йил 12 декабрдаги 1008- сон қарорига 2-ИЛОВА
Техник сув етказиб берилганлиги учун хизмат ҳақини ҳисоблашда 0,1 коэффициенти қўлланиладиган саноат ва энергетика ташкилотлари
1. «Ангрен иссиқлик электр станцияси» акциядорлик жамияти
2. «Навоий иссиқлик электр станцияси» акциядорлик жамияти
3. «Талимаржон иссиқлик электр станцияси» акциядорлик жамияти
4. «Тахиаташ иссиқлик электр станцияси» акциядорлик жамияти
8. «Деҳқонобод калий ўғитлар заводи» унитар корхонаси
9. «Навоий кон-металлургия комбинати» давлат корхонаси (ўз эҳтиёжи учун).
10. «Тўрақўрғон иссиқлик электр станцияси» унитар корхонаси.
Ўзбекистон Республикасининг Бош вазири А. АРИПОВ
Тошкент ш.,
2018 йил 12 декабрь,
1008-сон
Oʻzbekiston Respublikasi Vazirlar Mahkamasining
qarori
NIZOM
ROʻYXATI
Suv xoʻjaligi tashkilotlari tomonidan sanoat va energetika tashkilotlariga texnik suv yetkazib berish boʻyicha koʻrsatilgan xizmatlar uchun haq toʻlash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Oʻzbekiston Respublikasi Suv xoʻjaligi vazirligi faoliyatini tashkil etish chora-tadbirlari toʻgʻrisida” 2018-yil 17-apreldagi PQ-3672-son qarorining ijrosini taʼminlash maqsadida Vazirlar Mahkamasi qaror qiladi:
1. Suv xoʻjaligi tashkilotlari tomonidan sanoat va energetika tashkilotlariga texnik suv yetkazib berish boʻyicha koʻrsatilgan xizmatlar uchun haq toʻlash tartibi toʻgʻrisidagi nizom 1-ilovaga muvofiq tasdiqlansin.
2. Belgilab qoʻyilsinki, mazkur Nizom 2019-yil 1-yanvaridan kuchga kiritilib, 2024-yil 1-yanvarga qadar 2-ilovada qayd qilingan sanoat va energetika tashkilotlariga yetkazib berilgan texnik suv uchun xizmat haqini hisoblashda, istisno tariqasida, 0,1 koeffitsiyenti qoʻllaniladi.
Energetik qurilmalarni sovutish uchun ishlatiladigan texnik suv oʻz manbasiga qaytarilishi hamda tabiiy oqim va gidroelektrostansiyalar kanallaridagi suv ishlatilishini inobatga olgan holda “Toshkent issiqlik elektr stansiyasi” unitar korxonasi, “Toshkent issiqlik elektr markazi” unitar korxonasi hamda “Yangi-Angren issiqlik elektr stansiyasi” aksiyadorlik jamiyati tomonidan texnik suv yetkazib berish boʻyicha koʻrsatilgan xizmatlar uchun haq toʻlanmaydi.
3. Oʻzbekiston Respublikasi Suv xoʻjaligi vazirligi manfaatdor vazirliklar va idoralar bilan birgalikda texnik suv yetkazib beriladigan sanoat va energetika tashkilotlarini bir oy muddatda xatlovdan oʻtkazsin hamda ular bilan belgilangan tartibda texnik suv yetkazib berish xizmati toʻgʻrisida shartnomalarni rasmiylashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyat boshqaruv raisi A.J. Ramatov va Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.
Vazirlar Mahkamasining 2018-yil 12-dekabrdagi 1008-son qaroriga 1-ILOVA
Suv xoʻjaligi tashkilotlari tomonidan sanoat va energetika tashkilotlariga texnik suv yetkazib berish boʻyicha koʻrsatilgan xizmatlar uchun haq toʻlash tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Suv xoʻjaligi vazirligi (keyingi oʻrinlarda Vazirlik deb yuritiladi) tizimidagi suv xoʻjaligi tashkilotlari tomonidan sanoat va energetika tashkilotlariga texnik suv yetkazib berish boʻyicha koʻrsatilgan xizmatlar uchun haq toʻlash tartibini hamda ushbu xizmatlarni koʻrsatishdan kelib tushgan mablagʻlarni taqsimlash va ulardan foydalanish tartibini belgilaydi.
2. Ushbu Nizom talablari gidroenergetika sohasidagi tashkilotlarga hamda aholi isteʼmoli uchun ichimlik suvi, issiq suv va issiqlik energiyasini yetkazib beruvchi kommunal soha tashkilotlariga suv yetkazib berish boʻyicha koʻrsatilgan xizmatlarga nisbatan tatbiq etilmaydi.
3. Ushbu Nizomda quyidagi asosiy tushunchalardan foydalaniladi:
texnik suv — sanoat, energetika va boshqa sohalarning texnik ehtiyojlari uchun yetkazib berilgan yoki ishlatiladigan suv;
suv xoʻjaligi tashkilotlari — Vazirlik tizimidagi suv xoʻjaligi obyektlarini ekspluatatsiya qiluvchi hamda sanoat va energetika korxonalariga texnik suv yetkazib berish xizmatlarini amalga oshiruvchi tashkilotlar;
sanoat va energetika tashkilotlari — sanoat mahsulotlari va elektr energiyasi ishlab chiqarish uchun texnik suvdan foydalanadigan tashkilotlar.
4. Suv xoʻjaligi tashkilotlari tomonidan sanoat va energetika tashkilotlariga texnik suv yetkazib berish boʻyicha xizmatlar ular oʻrtasida tuziladigan shartnomaga muvofiq toʻlovlar asosida amalga oshiriladi.
2-bob. Texnik suv yetkazib berish xarajatlarini aniqlash tartibi
5. Vazirlik tizimidagi suv xoʻjaligi tashkilotlarining bir birlik (1 kub m) hajmdagi texnik suv yetkazib berish xarajatlari mazkur tashkilotlarni saqlash uchun ajratilgan mablagʻlar va yetkazib beriladigan suv miqdoridan kelib chiqib aniqlanadi.
6. Bir birlik hajmdagi suvni yetkazib berish tarifi quyidagi formulaga asosan aniqlanadi:
X ts = P xm / H sr
bunda:
X ts — bir kub m suvni yetkazib berish xarajati, soʻm;
P xm — tasdiqlangan budjet parametrlarida kalendar yilda suv xoʻjaligi tashkilotlarini rivojlantirish va saqlash uchun Vazirlikka ajratilgan xarajatlar miqdori, soʻm;
H sr — kalendar yilda suv xoʻjaligi tashkilotlari tomonidan iqtisodiyot tarmoqlariga yetkazib beriladigan jami suv resursi miqdori, kub m.
Ushbu tarif har kalendar yilning 1-fevraligacha Vazirlik tomonidan Moliya vazirligi bilan kelishilgan holda tasdiqlanadi.
3-bob. Texnik suv yetkazib berish boʻyicha koʻrsatilgan xizmatlar uchun haq toʻlash tartibi
7. Sanoat va energetika tashkilotlari har oy davomida yetkazib berilgan texnik suv uchun toʻlovlarni keyingi oyning 5-sanasiga qadar suv xoʻjaligi tashkilotlarining Budjet tashkilotini rivojlantirish jamgʻarmasi hisob raqamiga oʻtkazib beradi.
8. Sanoat va energetika tashkilotlariga texnik suv yetkazib berish xizmatidan kelib tushgan mablagʻlar suv xoʻjaligi tashkiloti tomonidan quyidagicha taqsimlanadi:
90 foizi — besh ish kuni mobaynida Vazirlik huzuridagi Suv xoʻjaligini rivojlantirish jamgʻarmasiga oʻtkazib beriladi;
10 foizi — suv xoʻjaligi tashkilotlarining ixtiyorida qoldiriladi.
4-bob. Texnik suv yetkazib berish boʻyicha koʻrsatilgan xizmatlardan kelib tushgan mablagʻlardan foydalanish tartibi
9. Vazirlik huzuridagi Suv xoʻjaligini rivojlantirish jamgʻarmasiga texnik suv yetkazib berish boʻyicha koʻrsatilgan xizmatlardan kelib tushgan mablagʻlar Vazirlar Mahkamasining 2021-yil 17-sentabrdagi 573-son qarori bilan tasdiqlangan Oʻzbekiston Respublikasi Suv xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisidagi nizomda koʻrsatib oʻtilgan maqsadlarga sarflanadi.
10. Ushbu Nizom 8-bandining uchinchi xatboshida koʻrsatib oʻtilgan suv xoʻjaligi tashkilotlarining ixtiyorida qoldiriladigan mablagʻlar quyidagi maqsadlarga sarflanadi:
suv xoʻjaligi obyektlarida favqulodda holatlar yuz berishining oldini olish va tabiiy ofatlar yuz bergan hollarda ularning salbiy oqibatlarini bartaraf etishga;
xodimlarni belgilangan tartibda ijtimoiy himoya qilish va moddiy ragʻbatlantirishga;
suv xoʻjaligi tashkilotlari tasarrufidagi irrigatsiya tizimini taʼmirlash va tiklash hamda suv olish joylarini suvni boshqarish va hisobga olish vositalari bilan jihozlashga, tashkilotlarning moddiy texnika bazasini mustahkamlash, jumladan lizing toʻlovlarini amalga oshirish hamda kadrlar malakasini oshirishga yoʻnaltiriladi.
5-bob. Yakunlovchi qoida
11. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
Vazirlar Mahkamasining 2018-yil 12-dekabrdagi 1008- son qaroriga 2-ILOVA
Texnik suv yetkazib berilganligi uchun xizmat haqini hisoblashda 0,1 koeffitsiyenti qoʻllaniladigan sanoat va energetika tashkilotlari
1. “Angren issiqlik elektr stansiyasi” aksiyadorlik jamiyati
2. “Navoiy issiqlik elektr stansiyasi” aksiyadorlik jamiyati
3. “Talimarjon issiqlik elektr stansiyasi” aksiyadorlik jamiyati
4. “Taxiatash issiqlik elektr stansiyasi” aksiyadorlik jamiyati
8. “Dehqonobod kaliy oʻgʻitlar zavodi” unitar korxonasi
9. “Navoiy kon-metallurgiya kombinati” davlat korxonasi (oʻz ehtiyoji uchun).
10. “Toʻraqoʻrgʻon issiqlik elektr stansiyasi” unitar korxonasi.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 12-dekabr,
1008-son