📅 2018-yil 12-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 декабря 2018 г. · Постановления Президента
Официальный текст. Официальный документ. Редакционные примечания не включены.
📅 12 December 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Жисмоний ва юридик шахслар мулкининг қўриқланишини таъминлаш самарадорлигини ошириш чора-тадбирлари тўғрисида
Мамлакатимизда ўтган давр мобайнида давлат, ўта муҳим, тоифаланган ва бошқа объектларни, шунингдек, жисмоний ва юридик шахсларнинг мулкини ишончли қўриқлашни таъминловчи сифат жиҳатидан янги тизимни жорий этиш бўйича салмоқли ишлар амалга оширилди.
Бироқ, қўриқлаш фаолиятини ташкил этишда ҳозирга қадар бир қатор муаммолар мавжуд бўлиб, булар ички ишлар органларининг мулкни қўриқлаш бўйича хизматлари қамровининг торлиги, замонавий ахборот-коммуникация технологияларини жорий этиш даражасининг пастлиги, мавжуд қўриқлаш тизими ва технологияларининг етарлича самарали эмаслиги, ушбу соҳада сифатли сервис хизматини кўрсатишнинг ягона техник талаблари ва механизмларининг йўқлигида намоён бўлмоқда.
Ўзбекистон Республикаси Ички ишлар вазирлиги ҳузуридаги Қўриқлаш департаментининг жисмоний ва юридик шахслар мулкининг қўриқланишини таъминлаш бўйича фаолияти самарадорлигини ошириш, шунингдек, мулкка бўлган тажовузни профилактика қилиш ва олдини олишда аҳолининг замонавий ахборот-коммуникация технологияларидан кенг фойдаланиши учун қулай шарт-шароит яратиш мақсадида:
1. Ўзбекистон Республикаси Ички ишлар вазирлиги, Бош прокуратураси, Ахборот технологиялари ва коммуникацияларини ривожлантириш вазирлиги ҳамда Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгашининг ҳуқуқбузарликлар профилактикаси ва жиноятчиликка қарши курашиш тизимига қуйидагиларни назарда тутувчи «Хавфсиз хонадон» концепцияси (кейинги ўринларда — Концепция)ни жорий этиш тўғрисидаги таклифи маъқуллансин:
2022 йил 31 декабрга қадар республиканинг барча ҳудудларида Тошкент шаҳрида амалга оширилган техник қўриқлаш ва ҳаракатланиш пунктларига хабарни узатиш ва марказлашган кузатувнинг автоматлаштирилган тизими (кейинги ўринларда — автоматлаштирилган тизим)ни босқичма-босқич жорий этиш;
Ўзбекистон Республикаси Ички ишлар вазирлиги ҳузуридаги Қўриқлаш департаменти ҳудудий бўлинмаларининг ички ишлар органлари жамоат тартибини сақлаш кучларининг патруль гуруҳлари билан узвий ҳамкорлигини ташкил этиш ва бунда қўриқланадиган объектлардан келиб тушган хабар жойига энг яқин патруль гуруҳининг тез етиб боришини таъминлаш механизмларини белгилаш;
мулкни қўриқлаш бўйича хизмат турларини кенгайтириш, шу жумладан транспорт воситалари ва бошқа ҳаракатланувчи объектларни қўриқловга олиш имкониятини берувчи замонавий ахборот-коммуникация технологияларини жорий этиш;
янги турар жойлар қурилишида Ўзбекистон Республикаси Ички ишлар вазирлиги ҳузуридаги Қўриқлаш департаменти ва Фавқулодда вазиятлар вазирлиги билан келишилган ҳолда уларни мажбурий тарзда қўриқлаш-ёнғин ташвишгоҳлари ва газоанализаторлар билан жиҳозлаш;
республика маҳаллаларини уларнинг хавфсизлик даражасининг чораклик рейтингини жорий этган ҳолда баҳолаш ҳамда ҳар йили «Энг хавфсиз маҳалла» республика танловини ўтказиш.
2. Ўзбекистон Республикаси Ички ишлар вазирлигининг Ички ишлар вазирлиги ҳузуридаги Қўриқлаш департаменти (кейинги ўринларда — Қўриқлаш департаменти) таркибида қуйидагиларни ташкил этиш тўғрисидаги таклифига розилик берилсин:
а) асосий фаолият йўналиши этиб қўриқланадиган объектларда ўрнатиладиган қўриқлашнинг техник воситалари ва тизимларини монтаж, демонтаж қилиш, таъмирлаш, уларга техник хизмат кўрсатиш ва эксплуатация қилиш бўйича ишларни бажаришни белгилаган ҳолда Қўриқлашнинг техник воситаларини жорий қилиш илмий-тадқиқот маркази» давлат муассасасини (кейинги ўринларда — Илмий-тадқиқот маркази);
б) асосий вазифалари этиб қуйидагиларни белгилаган ҳолда Қўриқлаш департаментининг умумий штатлари сони доирасида 5 штат бирлигида матбуот бўлимини:
аҳолининг Ўзбекистон Республикаси Ички ишлар вазирлиги ҳузуридаги Қўриқлаш департаментининг қўриқлаш хизматларидан фойдаланишга бўлган қизиқишини оширишга қаратилган ахборот-тушунтириш мазмунидаги чора-тадбирларни амалга ошириш;
аҳолига Ўзбекистон Республикаси Ички ишлар вазирлиги ҳузуридаги Қўриқлаш департаментининг қўриқлаш бўлинмалари фаолияти натижалари тўғрисида маълумотларни, шу жумладан унинг расмий веб-сайтининг самарали фаолият кўрсатишини ташкил этиш орқали ўз вақтида етказиш бўйича комплекс чораларни кўриш.
3. Белгилаб қўйилсинки:
Илмий-тадқиқот маркази ўз фаолиятини Ўзбекистон Республикаси Ички ишлар вазирлиги ҳузуридаги Қўриқлаш департаменти бўлинмалари билан қўриқланадиган объектларда ўрнатилган қўриқлашнинг техник воситалари ва тизимларига хизмат кўрсатиш бўйича тузилган шартномалар асосида амалга оширади;
қўриқланадиган объектларда ўрнатилган қўриқлашнинг техник воситалари ва тизимларига, шу жумладан автоматлаштирилган тизимнинг техник инфратузилма объектларига хизмат кўрсатиш фақат Илмий-тадқиқот маркази томонидан амалга оширилади.
4. 2019 йил 1 январдан бошлаб шундай амалиёт жорий этилсинки, унга кўра жисмоний шахсларнинг уй-жойлари ва хонадонларига уларга қўриқлаш хизматини кўрсатиш мобайнида фойдаланишга бериладиган қўриқлашнинг техник воситалари жиҳозларини ўрнатиш ҳамда бепул техник хизмат кўрсатиш бўйича ишларни бажариш Ўзбекистон Республикаси Миллий гвардияси Қўриқлаш бош бошқармаси маблағлари ҳисобидан амалга оширилади.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги:
«Ўзбектелеком» АЖ ҳудудий филиаллари автоматик телефон станциялари биноларида автоматлаштирилган тизимнинг жиҳозларини ўрнатиш учун зарур бўлган жойларни ўрнатилган тартибда ажратиш;
автоматлаштирилган тизимнинг тўлақонли фаолият кўрсатиши учун алоқа тарифларига, шунингдек, «Ўзбектелеком» АЖ оптик толали алоқа кабелларини ётқизиш бўйича хизматларига имтиёз тақдим этилишини таъминласин.
6. Белгилансинки:
жамоат хавфсизлигини, жисмоний ва юридик шахсларнинг мулкини қўриқлашни тўлақонли таъминлаш учун Ўзбекистон Республикаси Ички ишлар вазирлиги ҳузуридаги Қўриқлаш департаменти томонидан ҳудудларда патрулликни ташкил этиш билан боғлиқликда видеокузатув ва техник воситаларнинг бутун комплексидан фойдаланилади;
Қўриқлаш департаментига, истисно тариқасида, автоматлаштирилган тизимни жорий этиш мақсадида маҳаллий ва хорижий корхоналар билан товарларни харид қилиш ва етказиб бериш, шунингдек, хизмат кўрсатиш бўйича конкурс (тендер) савдоларини ўтказмасдан шартномалар тузишга рухсат этилади;
Ўзбекистон Республикаси Президентининг «Ўзбекистон Республикасининг солиқ сиёсатини такомиллаштириш концепцияси тўғрисида» 2018 йил 29 июндаги ПФ-5468-сон Фармонига мувофиқ 2019 йил 1 январдан бошлаб давлат мақсадли жамғармаларига ундириладиган мажбурий ажратмалар бекор қилиниши муносабати билан Ўзбекистон Республикаси Ички ишлар вазирлиги ҳузуридаги Қўриқлаш департаментининг бўшайдиган молиявий маблағлари жисмоний шахсларнинг хонадонлари ва уй-жойларига босқичма-босқич қўриқлов жиҳозларини бепул ўрнатиш ва уларга хизмат кўрсатишга йўналтирилади.
7. Қурилиш вазирлиги уч ой муддатда Ўзбекистон Республикаси Вазирлар Маҳкамасига янги турар жойлар қуришда уларни қўриқлаш-ёнғин ташвишгоҳлари ва газоанализаторлар билан жиҳозлаш мажбурийлигини кўзда тутувчи таклифларни киритсин.
8. Ўзбекистон Республикаси Ички ишлар вазирлиги:
Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда бир ой муддатда автоматлаштирилган тизимни республиканинг барча ҳудудларида жорий этиш ҳамда босқичма-босқич ривожлантириш бўйича Техник топшириқ ва дастлабки техник-иқтисодий ҳисоб-китобларни ишлаб чиқсин ва тасдиқласин;
Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши билан биргаликда бир ой муддатда ушбу қарор талабларига мувофиқ, намунали фуқаролар йиғинларини рағбатлантириш механизмини назарда тутган ҳолда, республика маҳаллаларини баҳолаш тартибини тасдиқласин;
бир ой муддатда «Qoʻriqlash Servis» ДУК низомини тасдиқлашни, давлат рўйхатидан ўтказишни ва устав фондини шакллантиришни таъминласин;
Молия вазирлиги билан биргаликда икки ой муддатда илғор хорижий тажрибани ўрганиш асосида Ўзбекистон Республикаси Вазирлар Маҳкамасига жисмоний ва юридик шахсларнинг мулкини қўриқлашни таъминлаш соҳасида давлат-хусусий шериклик механизмларини жорий этиш бўйича таклифлар киритсин;
Ўзбекистон Республикаси Ички ишлар вазирлиги ҳузуридаги Қўриқлаш департаменти қўриқлаш бўлинмалари мутахассисларини чақиришнинг ягона қисқа рақамини, шунингдек, техник қўриқлаш ва ҳаракатланиш пунктларига уланиш учун онлайн ариза расмийлаштириш тартибини киритиш чораларини кўрсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 12 декабрь,
ПҚ-4060-сон
Oʻzbekiston Respublikasi Prezidentining
Qarori
Jismoniy va yuridik shaxslar mulkining qoʻriqlanishini taʼminlash samaradorligini oshirish chora-tadbirlari toʻgʻrisida
Mamlakatimizda oʻtgan davr mobaynida davlat, oʻta muhim, toifalangan va boshqa obyektlarni, shuningdek, jismoniy va yuridik shaxslarning mulkini ishonchli qoʻriqlashni taʼminlovchi sifat jihatidan yangi tizimni joriy etish boʻyicha salmoqli ishlar amalga oshirildi.
Biroq, qoʻriqlash faoliyatini tashkil etishda hozirga qadar bir qator muammolar mavjud boʻlib, bular ichki ishlar organlarining mulkni qoʻriqlash boʻyicha xizmatlari qamrovining torligi, zamonaviy axborot-kommunikatsiya texnologiyalarini joriy etish darajasining pastligi, mavjud qoʻriqlash tizimi va texnologiyalarining yetarlicha samarali emasligi, ushbu sohada sifatli servis xizmatini koʻrsatishning yagona texnik talablari va mexanizmlarining yoʻqligida namoyon boʻlmoqda.
Oʻzbekiston Respublikasi Ichki ishlar vazirligi huzuridagi Qoʻriqlash departamentining jismoniy va yuridik shaxslar mulkining qoʻriqlanishini taʼminlash boʻyicha faoliyati samaradorligini oshirish, shuningdek, mulkka boʻlgan tajovuzni profilaktika qilish va oldini olishda aholining zamonaviy axborot-kommunikatsiya texnologiyalaridan keng foydalanishi uchun qulay shart-sharoit yaratish maqsadida:
1. Oʻzbekiston Respublikasi Ichki ishlar vazirligi, Bosh prokuraturasi, Axborot texnologiyalari va kommunikatsiyalarini rivojlantirish vazirligi hamda Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining huquqbuzarliklar profilaktikasi va jinoyatchilikka qarshi kurashish tizimiga quyidagilarni nazarda tutuvchi “Xavfsiz xonadon” konsepsiyasi (keyingi oʻrinlarda — Konsepsiya)ni joriy etish toʻgʻrisidagi taklifi maʼqullansin:
2022-yil 31-dekabrga qadar respublikaning barcha hududlarida Toshkent shahrida amalga oshirilgan texnik qoʻriqlash va harakatlanish punktlariga xabarni uzatish va markazlashgan kuzatuvning avtomatlashtirilgan tizimi (keyingi oʻrinlarda — avtomatlashtirilgan tizim)ni bosqichma-bosqich joriy etish;
Oʻzbekiston Respublikasi Ichki ishlar vazirligi huzuridagi Qoʻriqlash departamenti hududiy boʻlinmalarining ichki ishlar organlari jamoat tartibini saqlash kuchlarining patrul guruhlari bilan uzviy hamkorligini tashkil etish va bunda qoʻriqlanadigan obyektlardan kelib tushgan xabar joyiga eng yaqin patrul guruhining tez yetib borishini taʼminlash mexanizmlarini belgilash;
mulkni qoʻriqlash boʻyicha xizmat turlarini kengaytirish, shu jumladan transport vositalari va boshqa harakatlanuvchi obyektlarni qoʻriqlovga olish imkoniyatini beruvchi zamonaviy axborot-kommunikatsiya texnologiyalarini joriy etish;
yangi turar joylar qurilishida Oʻzbekiston Respublikasi Ichki ishlar vazirligi huzuridagi Qoʻriqlash departamenti va Favqulodda vaziyatlar vazirligi bilan kelishilgan holda ularni majburiy tarzda qoʻriqlash-yongʻin tashvishgohlari va gazoanalizatorlar bilan jihozlash;
respublika mahallalarini ularning xavfsizlik darajasining choraklik reytingini joriy etgan holda baholash hamda har yili “Eng xavfsiz mahalla” respublika tanlovini oʻtkazish.
2. Oʻzbekiston Respublikasi Ichki ishlar vazirligining Ichki ishlar vazirligi huzuridagi Qoʻriqlash departamenti (keyingi oʻrinlarda — Qoʻriqlash departamenti) tarkibida quyidagilarni tashkil etish toʻgʻrisidagi taklifiga rozilik berilsin:
a) asosiy faoliyat yoʻnalishi etib qoʻriqlanadigan obyektlarda oʻrnatiladigan qoʻriqlashning texnik vositalari va tizimlarini montaj, demontaj qilish, taʼmirlash, ularga texnik xizmat koʻrsatish va ekspluatatsiya qilish boʻyicha ishlarni bajarishni belgilagan holda Qoʻriqlashning texnik vositalarini joriy qilish ilmiy-tadqiqot markazi” davlat muassasasini (keyingi oʻrinlarda — Ilmiy-tadqiqot markazi);
b) asosiy vazifalari etib quyidagilarni belgilagan holda Qoʻriqlash departamentining umumiy shtatlari soni doirasida 5 shtat birligida matbuot boʻlimini:
aholining Oʻzbekiston Respublikasi Ichki ishlar vazirligi huzuridagi Qoʻriqlash departamentining qoʻriqlash xizmatlaridan foydalanishga boʻlgan qiziqishini oshirishga qaratilgan axborot-tushuntirish mazmunidagi chora-tadbirlarni amalga oshirish;
aholiga Oʻzbekiston Respublikasi Ichki ishlar vazirligi huzuridagi Qoʻriqlash departamentining qoʻriqlash boʻlinmalari faoliyati natijalari toʻgʻrisida maʼlumotlarni, shu jumladan uning rasmiy veb-saytining samarali faoliyat koʻrsatishini tashkil etish orqali oʻz vaqtida yetkazish boʻyicha kompleks choralarni koʻrish.
3. Belgilab qoʻyilsinki:
Ilmiy-tadqiqot markazi oʻz faoliyatini Oʻzbekiston Respublikasi Ichki ishlar vazirligi huzuridagi Qoʻriqlash departamenti boʻlinmalari bilan qoʻriqlanadigan obyektlarda oʻrnatilgan qoʻriqlashning texnik vositalari va tizimlariga xizmat koʻrsatish boʻyicha tuzilgan shartnomalar asosida amalga oshiradi;
qoʻriqlanadigan obyektlarda oʻrnatilgan qoʻriqlashning texnik vositalari va tizimlariga, shu jumladan avtomatlashtirilgan tizimning texnik infratuzilma obyektlariga xizmat koʻrsatish faqat Ilmiy-tadqiqot markazi tomonidan amalga oshiriladi.
4. 2019-yil 1-yanvardan boshlab shunday amaliyot joriy etilsinki, unga koʻra jismoniy shaxslarning uy-joylari va xonadonlariga ularga qoʻriqlash xizmatini koʻrsatish mobaynida foydalanishga beriladigan qoʻriqlashning texnik vositalari jihozlarini oʻrnatish hamda bepul texnik xizmat koʻrsatish boʻyicha ishlarni bajarish Oʻzbekiston Respublikasi Milliy gvardiyasi Qoʻriqlash bosh boshqarmasi mablagʻlari hisobidan amalga oshiriladi.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi:
“Oʻzbektelekom” AJ hududiy filiallari avtomatik telefon stansiyalari binolarida avtomatlashtirilgan tizimning jihozlarini oʻrnatish uchun zarur boʻlgan joylarni oʻrnatilgan tartibda ajratish;
avtomatlashtirilgan tizimning toʻlaqonli faoliyat koʻrsatishi uchun aloqa tariflariga, shuningdek, “Oʻzbektelekom” AJ optik tolali aloqa kabellarini yotqizish boʻyicha xizmatlariga imtiyoz taqdim etilishini taʼminlasin.
6. Belgilansinki:
jamoat xavfsizligini, jismoniy va yuridik shaxslarning mulkini qoʻriqlashni toʻlaqonli taʼminlash uchun Oʻzbekiston Respublikasi Ichki ishlar vazirligi huzuridagi Qoʻriqlash departamenti tomonidan hududlarda patrullikni tashkil etish bilan bogʻliqlikda videokuzatuv va texnik vositalarning butun kompleksidan foydalaniladi;
Qoʻriqlash departamentiga, istisno tariqasida, avtomatlashtirilgan tizimni joriy etish maqsadida mahalliy va xorijiy korxonalar bilan tovarlarni xarid qilish va yetkazib berish, shuningdek, xizmat koʻrsatish boʻyicha konkurs (tender) savdolarini oʻtkazmasdan shartnomalar tuzishga ruxsat etiladi;
Oʻzbekiston Respublikasi Prezidentining “Oʻzbekiston Respublikasining soliq siyosatini takomillashtirish konsepsiyasi toʻgʻrisida” 2018-yil 29-iyundagi PF-5468-son Farmoniga muvofiq 2019-yil 1-yanvardan boshlab davlat maqsadli jamgʻarmalariga undiriladigan majburiy ajratmalar bekor qilinishi munosabati bilan Oʻzbekiston Respublikasi Ichki ishlar vazirligi huzuridagi Qoʻriqlash departamentining boʻshaydigan moliyaviy mablagʻlari jismoniy shaxslarning xonadonlari va uy-joylariga bosqichma-bosqich qoʻriqlov jihozlarini bepul oʻrnatish va ularga xizmat koʻrsatishga yoʻnaltiriladi.
7. Qurilish vazirligi uch oy muddatda Oʻzbekiston Respublikasi Vazirlar Mahkamasiga yangi turar joylar qurishda ularni qoʻriqlash-yongʻin tashvishgohlari va gazoanalizatorlar bilan jihozlash majburiyligini koʻzda tutuvchi takliflarni kiritsin.
8. Oʻzbekiston Respublikasi Ichki ishlar vazirligi:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda bir oy muddatda avtomatlashtirilgan tizimni respublikaning barcha hududlarida joriy etish hamda bosqichma-bosqich rivojlantirish boʻyicha Texnik topshiriq va dastlabki texnik-iqtisodiy hisob-kitoblarni ishlab chiqsin va tasdiqlasin;
Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi bilan birgalikda bir oy muddatda ushbu qaror talablariga muvofiq, namunali fuqarolar yigʻinlarini ragʻbatlantirish mexanizmini nazarda tutgan holda, respublika mahallalarini baholash tartibini tasdiqlasin;
bir oy muddatda “Qoʻriqlash Servis” DUK nizomini tasdiqlashni, davlat roʻyxatidan oʻtkazishni va ustav fondini shakllantirishni taʼminlasin;
Moliya vazirligi bilan birgalikda ikki oy muddatda ilgʻor xorijiy tajribani oʻrganish asosida Oʻzbekiston Respublikasi Vazirlar Mahkamasiga jismoniy va yuridik shaxslarning mulkini qoʻriqlashni taʼminlash sohasida davlat-xususiy sheriklik mexanizmlarini joriy etish boʻyicha takliflar kiritsin;
Oʻzbekiston Respublikasi Ichki ishlar vazirligi huzuridagi Qoʻriqlash departamenti qoʻriqlash boʻlinmalari mutaxassislarini chaqirishning yagona qisqa raqamini, shuningdek, texnik qoʻriqlash va harakatlanish punktlariga ulanish uchun onlayn ariza rasmiylashtirish tartibini kiritish choralarini koʻrsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 12-dekabr,
PQ-4060-son
Президента Республики Узбекистан
Постановление
О мерах по повышению эффективности обеспечения сохранности имущества физических и юридических лиц
За истекший период в стране проведена значительная работа по внедрению качественно новой системы, обеспечивающей надежную охрану государственных, особо важных, категорированных и иных объектов, а также имущества физических и юридических лиц.
Однако, в организации охранной деятельности до сих пор существует ряд недостатков, проявляющихся в малом охвате услугами органов внутренних дел по охране имущества, низком уровне внедрения современных информационно-коммуникационных технологий, недостаточной эффективности имеющихся охранных систем и технологий, отсутствии единых технических требований и механизмов качественного сервисного обслуживания в данной сфере.
В целях повышения эффективности деятельности Департамента охраны при Министерстве внутренних дел Республики Узбекистан по обеспечению сохранности имущества физических и юридических лиц, а также создания благоприятных условий для широкого использования населением современных информационно-коммуникационных технологий в профилактике и предупреждении посягательств на имущество:
1. Одобрить предложение Министерства внутренних дел, Генеральной прокуратуры, Министерства по развитию информационных технологий и коммуникаций Республики Узбекистан и Республиканского совета по координации деятельности органов самоуправления о внедрении в систему профилактики правонарушений и борьбы с преступностью Концепции «Безопасный дом» (далее — Концепция), предусматривающей:
поэтапное внедрение до 31 декабря 2022 года во все регионы республики автоматизированной системы централизованного наблюдения и передачи извещений пунктов технической охраны и реагирования (далее — автоматизированная система), реализованной в городе Ташкенте;
организацию тесного взаимодействия Департамента охраны при Министерстве внутренних дел Республики Узбекистан с патрульными группами сил обеспечения общественного порядка органов внутренних дел с установлением механизмов обеспечения максимально быстрого прибытия к месту сигнала на охраняемых объектах наиболее близких из них;
расширение перечня услуг по охране имущества с внедрением новейших информационно-коммуникационных технологий, в том числе позволяющих обеспечить охрану транспортных средств и иных передвижных объектов;
оснащение на обязательной основе по согласованию с Департаментом охраны при Министерстве внутренних дел Республики Узбекистан и Министерством по чрезвычайным ситуациям системами охранно-пожарной сигнализации и газоанализаторами при строительстве новых жилых домов;
оценку махаллей республики с ведением ежеквартального рейтинга уровня их безопасности и ежегодным проведением республиканского конкурса «Самая безопасная махалля».
2. Согласиться с предложением Министерством внутренних дел Республики Узбекистан о создании в структуре Департамента охраны при Министерстве внутренних дел Республики Узбекистан (далее — Департамент охраны):
а) Государственного учреждения «Научно-исследовательский центр внедрения технических средств охраны» (далее — Научно-исследовательский центр) с определением основного направления его деятельности выполнение работ по монтажу, демонтажу, ремонту, техническому обслуживанию и эксплуатации технических средств и систем охраны, установленных на охраняемых объектах;
б) пресс-отдела со штатной численностью 5 единиц в пределах общей штатной численности Департамента охраны, определив его основными задачами:
проведение мероприятий информационно-разъяснительного характера, направленных на повышение заинтересованности населения к пользованию охранными услугами Департамента охраны при Министерстве внутренних дел Республики Узбекистан;
принятие комплексных мер по своевременному доведению до населения сведений о результатах деятельности подразделений охраны Департамента охраны при Министерстве внутренних дел Республики Узбекистан, в том числе посредством организации эффективного функционирования его официального веб-сайта.
3. Установить, что:
Научно-исследовательский центр осуществляет свою деятельность на основании заключенных с подразделениями Департамента охраны при Министерстве внутренних дел Республики Узбекистан договоров по обслуживанию технических средств и систем охраны, установленных на охраняемых объектах;
техническое обслуживание средств и систем охраны, установленных на охраняемых объектах, в том числе объектах технической инфраструктуры автоматизированной системы осуществляется исключительно Научно-исследовательским центром.
4. Ввести с 1 января 2019 года практику, в соответствии с которой за счет средств Главного управления охраны Национальной гвардии Республики Узбекистан устанавливается оборудование технических средств охраны в квартирах и жилых домах физических лиц, выдаваемое для пользования в период оказания им охранных услуг с выполнением на бесплатной основе работ по их техническому обслуживанию.
5. Министерству по развитию информационных технологий и коммуникаций Республики Узбекистан обеспечить:
в установленном порядке выделение мест в помещениях автоматических телефонных станций территориальных филиалов АК «Узбектелеком», необходимых для установки оборудования автоматизированной системы;
предоставление льгот на тарифы связи, а также услуги АК «Узбектелеком» по прокладке оптико-волоконного кабеля связи и их технического обслуживания для полноценного функционирования автоматизированной системы.
6. Определить, что:
для полноценного обеспечения общественной безопасности, сохранности имущества физических и юридических лиц Департаментом охраны при Министерстве внутренних дел Республики Узбекистан используется весь комплекс технических средств и видеонаблюдения, сопряженный с организацией патрулирования территорий;
Департаменту охраны, в качестве исключения, в целях внедрения автоматизированной системы разрешается заключать договора с отечественными и зарубежными предприятиями для закупки и поставки товаров, а также оказания услуг без проведения конкурсных (тендерных) торгов;
с 1 января 2019 года финансовые средства Департамента охраны при Министерстве внутренних дел Республики Узбекистан, высвобождаемые в связи с отменой обязательных отчислений в государственные целевые фонды в соответствии с Указом Президента Республики Узбекистан от 29 июня 2018 года № УП-5468 «О Концепции совершенствования налоговой политики Республики Узбекистан», направляются на поэтапную установку и обслуживание охранного оборудования в квартирах и жилых домах физических лиц на бесплатной основе.
7. Министерству строительства в трехмесячный срок внести в Кабинет Министров Республики Узбекистан предложения по обязательному оснащению системами охранно-пожарной сигнализации и газоанализаторами при строительстве новых жилых домов.
8. Министерству внутренних дел Республики Узбекистан:
совместно с Министерством по развитию информационных технологий и коммуникаций Республики Узбекистан в месячный срок в установленном порядке разработать и утвердить Техническое задание и предварительный технико-экономический расчет по внедрению и поэтапному развитию автоматизированной системы во всех регионах республики;
совместно с Республиканским советом по координации деятельности органов самоуправления граждан в месячный срок утвердить порядок оценки махаллей республики в соответствии с требованиями настоящего постановления, предусмотрев механизмы поощрения отличившихся сходов граждан;
в месячный срок обеспечить утверждение устава и государственную регистрацию ГУП «Qoʻriqlash Servis» с формированием его уставного фонда;
совместно с Министерством финансов в двухмесячный срок на основе изучения передового зарубежного опыта внести в Кабинет Министров Республики Узбекистан предложения по внедрению механизмов государственно-частного партнерства в сферу обеспечения сохранности имущества физических и юридических лиц;
принять меры по введению единого короткого номера для вызова специалистов подразделений охраны Департамента охраны при Министерстве внутренних дел Республики Узбекистан, а также порядка оформления онлайн-заявки на подключение к пунктам технической охраны и реагирования.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
12 декабря 2018 г.,
№ ПП-4060